رواية أميرة القصر المجهولة الفصل الثامن عشر 18بقلم اسماعيل موسي
رواية أميرة القصر المجهولة الفصل الثامن عشر 18بقلم اسماعيل موسي
#اميرة_القصر_المجهوله
١٨
أنت ملكى
فأنا سيد
غامض ورهيب
____ حلقت فى الهواء وكنت ارفرف بيدى كأننى أمتلك جناحين
ورأيت ___ أعناق الأشجار فى الغابه ، رأيت سطح القصر
شعرت اننى طائر نال حريته أخيرآ
ونزلت على الأرض زى المحاربين الاسطورين إلى بنشوفهم فى التلفاز
ادم __ فتح فمه بدهشه ، كان وجهه مشدوه
انتى ازاى عملت كده يادارين؟ انا مش مصدق عنيه
قلتله معرفش، لكن دا يعلمك انك متسخرش منى تانى، انا وصلت العلامه وعديتها دلوقتى الدور عليك؟
ادم قال لا خلاص انا تعبت مش هقفز تانى، كان شكله متغير وواضح عليه انه غضبان
قلتله ادم فيه ايه؟
ادم قال، انا عايز اعرف انتى عملتى كده ازاى؟ انتى قفزتى لارتفاع أكبر منى
ولأول مره اشوف نظرة الغيره فى عيون ادم وكان عمال يكرر فى سره ازاى؟ ازاى
انتى أقوى منى؟
مرديتش كنت متخيله الموقف ابسط من كده بكتير مجرد لعبه
لكن ادم استمر فى كلامه، انتى مخليه عنى حاجه كبيره يا دارين
لازم تقوليلى سر قوتك
قلتله ولاتزعل نفسك يا آدم، حقيقى انا معرفش السر لكن هقلك إلى اعرفه
باكو قفز وسطينا لما سمع الكلام وكشر فى وش ادم ودى كانت حركه غريبه كمان لان باكو بيحب ادم
باكو قرب منى وقفز فى حضنى وراح يلعق وشى بحنان
ادم قال يلا دارين احكى
قلتله انا حسيت بالقوه دى من وقت ما الشاب ادانى التميمه كل ما اعلقها فى عنقى بحس بالقوه
ومره تالته سألنى ادم شاب مين؟
الشاب إلى التقيته فى الغابه يا آدم، وحسيت انى بقدر اقفز بسهوله بعد الحادثه بتاعت الغابه لما البنت قضمت رقبتى
ادم فكر شويه فى صمت بعد كده قال، التميمه دى خطر عليكى انتى لازم تدينى التميمه دى
قلت لكن الشاب حذرنى انى اتخلى عن التميمه وقالى احتفظ بيها دايما
وزعق ادم انتى كل شويه تجيبى سيرة الشاب ده؟ كفايه بقا
حسيت ان ادم زعلان اوى وغيران عليه ودا امر خلانى سعيده وكنت عايزه اصالحه
قلتله ادم متزعلش انا هديك التميمه افرد وشك بقا؟
وشك وحش جدا وانت مكشر
وضحك ادم وهو بيبص عليه ومد ايدى ناحيتى، نزعت التميمه وحطيتها بين ايديها
ادم بص فى التميمه وفحصها، بعد كده علقها فى رقبته فوق التميمه بتاعته
بهزار بقوله ادم متدينى التميمه بتاعتك طالما اخدت بتاعتى وزعق ادم مره تانيه
انتى غبيه دراين؟ هتعملى ايه بالتميمه انتى؟ مش معنى انك دافعتى عن القصر يومين تلاته تعتبرى نفسك محاربه او مقاتله
انا الى بحميكى هنا لازم تعرفى كده وسكت متكلمتش انا كنت بهزر ومكنش قصدى ازعل ادم
دلوقتى البنت إلى قضمت عنقك حصل ايه بعدها؟
قلتله مصت دمى وكنت هموت لكن الوحش انقذنى ولعق عنقى وحسيت بتحسن
ادم قال اه، والوحش قتل البنت دى؟
قلتله لا هربت فى الغابه
ادم قال ممم، شكلها مصاصة دماء ودخل المكتبه دور فى ارفف الكتب عن كتاب قديم ضخم
جابه وحطه على الترابيزه وقعد يفتش فيه لحد ما جات صورة مصاص دماء بيقضم انسان وقعد يقراء شويه
وكان بيهز راسه كل دقيقه
بعد نص ساعه كان غير هدومه وخارج من القصر والتميمه بتاعتى فى عنقه، بسأله رايح فين ادم؟
قال مشوار صغير كده وهرجع، متخرجيش من القصر واغلقى الأبواب
وسابنى ادم وحيده وزعلانه وخرج اختفى فى الغابه
ينفع كده يا باكو؟ شفت ادم عمل ايه؟ وكشر باكو فى وشى بأمتعاض كان زعلان منى وكأنه بيقول تستحقى انتى الى عملتى فى نفسك كده
اسماعيل موسى
قلتله باكو من فضلك بلاش سخريه انا مش ناقصه، كنت عايزنى اعمل ايه يعنى ازعل ادم؟
باكو نط بعيد عنى واختفى داخل القصر
سار ادم داخل الغابه وكان يشعر ان التميمه منحته قوه رهيبه وكان سعيد بذلك
وراح يفتش عن تلك الفتاه مصاصة الدماء وكان يتمنى ان يجدها داخل الغابه
وواصل سيره اكثر من ساعه وهو ينظر فى كل اتجاه ورأته مصاصة الدماء
كانت مختفيه داخل الغابه مزعوره بعد الذى حدث لوليفها وكان لا يمكنها العوده لعشيرتها بعدما علمت ان الوحش رحل لقلعة مصاصى الدماء، كانت قد قررت أن ترحل خلال تلك الليله لبعيد جدا
مكان جديد تعيش فيه بعيد عن يد سيليا زعيمتها خوفآ من العقاب
وراحت تراقب ادم من بعيد والذى كان يسير بلا هدى داخل الغابه كأنه يبحث عن شىء لا يراه ولا يعلمه
ومصاصى الدماء يستطيعون الحركه والسير فى سكون دون اصدار اى حركه وتابعته حتى وصل النهر وهناك جلس يستريح واتكاء بظهره على جذع شجره وراح يفكر بصوت مرتفع
اه لو اعثر على تلك الفتاه مصاصة الدماء وتمنحنى قوتها مثل دارين
حينها مع التمميه سأصبح قوى جدآ
قوى لدرجه رهيبه اكبر من الوحش نفسه ويمكننى ان احكم القطيع
واهزم الوحش
وسمعته الفتاه، فقربت منه، انت بتدور عليه؟
التفت ادم وشاف الفتاه وقف بسرعه فى مكانه لكنها اختفت
بعد دقيقه ظهرت تانى وسألته انت عايز منى ايه؟
ادم قال عايز قوتك واعدك انى مش هأذيكي
لكن انت مستذئب تعتبر عدوى؟
ادم قال انا وعدتك مش هأذيكى، لو منحتينى قوتك هخليكى تعيشى فى الغابه هنا ومحدش هيقدر يتعرضلك
البنت ظهرت بسرعه واختفت وقالت ايه الى يضمنلى كده؟
ادم قال اديتك كلمتى
قالت الفتاه كلمتك مش كفايه يا ذئب انا فقدت وليفى
ادم قال عايزه ايه؟
البنت ضحكت، عشان امنحك قوتى لازم تكون ملكى
ادم، ملك ازاى؟
تكون ليه
صفحة الكاتب على فيس بوك بأسم اسماعيل موسى
ادم قال انا مش فاهم حاجه
البنت ظهرت قدامه بكل جمالها وقوتها وجاذبيتها تكون ملكى انا يا ذئب
ادم قال انا موافق لكن امنحينى قوتك
البنت ابتسمت تانى واختفت جوه الغابه همنحك قوتى بعد ما تكون ملكى تعالي ورايا
وركض ادم خلف الفتاه حتى وصلو التله البرتقاليه التى كان يملكها هزيل الرعد ايمير
ودخلت جوه كهف كانت بتعيش فيه كان مفروش بريش النعام وقطع من السجاد
وهناك دخل ادم خلفها ونزعت الفتاه ملابسها.
________________
رجعنا ارضنا بعد تلك الرحله الطويله وكنت عارف اننا تنتظرنا ايام صعبه، صرفت الحراس
ودمارا قعدت معايا شويه ومشيت، وكنت حاسس بقلق كبير
التميمه مبقتش مع دارين انا حاسس بكده، يمكن فقدتها او تخلت عنها
انا كنت مطمن على دارين والتميمه معاها
دلوقتى لازم اروح القصر واعرف السبب وخرجت من مقرى باتجاه القصر
اول ما دمارا خرجت من مقر اردا اقترب منها واحده من الذئاب وقالت لدمارا فيه حاجه مهمه لازم تعرفيها
دمارا خدت الذئبه بعيد عن المقر عشان اردا ميخدش باله
وسألتها فيه ايه؟
قالت الذئبه وكان اسمها ياسمين بعد ما نقلنا جثة زعيمنا رعد وفلاكون للقبو عشان نوصلهم المختبر زى ما امرتى
طلبو منى استنى خارج المختبر ونقلو جسد رعد وفلاكون للداخل بعدها الباب انغلق والحراس كانو داخل المختبر وسمعت صراخ مرعب
حسيت بالخوف لأن الصوت كان مفزع
قربت وفتحت الباب من بره بهدوء لقيت الحراس كلهم ميتين
اجسادهم متقطعه ومتاكله ومش فاضل منها غير العظم
وجثة رعد وفلاكون اختفت
تكملة الروايه اضغط هناااااااا
_________ ___
اكتب ف بحث جوجل موسوعة_القصص_والروايات
🌺♥️♥️♥️♥️
الرواية كامله من رواية👈( أميرة القصر المجهولة)
اضغط على اسم الروايه ☝️☝️☝️
تعليقات
إرسال تعليق