رواية خادمة الصقر الجزء الثاني البارت العشرون 20 بقلم يوستينا سامي
رواية خادمة الصقر الجزء الثاني البارت العشرون 20 بقلم يوستينا سامي
#خادمة_الصقر
#الجزء_التاني
20
في الاوضة عند معاذ و جميلة 🌼🤍
جميلة فاقت و بدات تفتح عينيها و اول حاجة شافتها معاذ اخوها و هو ساند راسه جمب راسها و ايديه محوطاها بحب
جميلة بدهشة مكنتش مصدقة عينيها ابدا و فضلت تبصله بصدمة لحد ما هو أخد باله انها فافت
معاذ بفرحة ابتسم اوي / انتي فوقتي صح يا جميلة
و حضنها معاذ اوي و جميلة لقت نفسها تلقائي بتبتسم و بتحضنه .
جميلة بصدمة/ معاذ انت ..
معاذ قاطعها في الكلام و قالها بحب / انا كنت غبي وحمار و معترف يا جميلة ... انا كنت بموت و انا شايفك غرقانة في دمك يا .....وانا برضو اللي اول ما تخفي هعلقك علي اللي عملتيه فيا ده
ليه عملتي كدة ليه بس
جميلة بدموع / عارفة اني غلطت يا معاذ بس انا تعبت .. حاسة ان وجودي مالوش اي لازمة ابدا
مافيش حد بيحبني علشان كدة كان لازم امشي
معاذ مسك ايديها و باسها./ اوعي تقولي الكلام ده تاني انا مش بس بحبك انا بموت فيكي انتي بنتي مش اختي ... يمكن محستش بكده الا لما كنتي هتضيعي مني و بعدين بلاش انا ، تقدري تقوليلي قمر كان ممكن اي يحصلها و لا صقر ده كان هيموت فيها
جميلة بعياط مسك ايد معاذ برجاء / معاذ خليك جمبي والنبي انا مش عارفة هواجهم ازاي بعد اللي حصل ده
معاذ / نخرج بس من المستشفى و يحلها الف حلال .
و اطمني لحد دلوقتي محدش يعرف حاجة
___________________________________________
في الفيلا ❤️
في اوضة صقر🤍
صقر كان مش علي بعضه و قلقان منغير سبب و قمر صحيت لقته بالمنظر ده
قمر / مالك يا حبيبي انت كويس.. تعبان ولا ايه
صقر/ عايز اطمن اوي علي العيال و علي خالد .. مش عارف ليه قلبي مقبوض كدة .. انا مش قادر اقعد انا هنزل اشوفهم
خرج صقر من اوضته لقه فهد و نسمة قدامه لسه خارجين من اوضتهم جري ناحيتهم و بدا يتفقد فهد بلهفة و خوف لدرجة ان فهد اندهش
فهد ابتسم/ ايه يا عمي مالك .. انت بتبصلي كدة ليه
صقر بقلق / انت كويس يا فهد مش كدة يا حبيبي انت و مراتك صح
و بص لنسمة بستفسار اللي ردت عليه بحب / ايوة يا اونكل والله احنا تمام
واول ما تاكد صقر سابهم اتنفس بتعب و راح علشان يلف علي باقي الاوض و دخل اول اوضة في وشه و هي اوضة كارمن و دخل الاوضة منغير حتي ما يخبط و دخل بلهفة و كانت كارمن واقفة قدام المراية
كارمن بقلق / اي يا عمي في حاجة يا حبيبي .
صقر اتنفس بتعب و اطمئنان ان عيال خالد بخير
و قالها / كنت بتطمن عليكي يا بنتي متخفيش مافيش حاجة
و خرج و دخل اوضة ادهم و اطمن انه بخير و خرج يطمن معاه و لكن الصدمة انه ملقاش معاذ موجود في اوضته و بص بادهم بقلق
ادهم / اهدي يا عمي . ممكن يكون عنده شغل النهاردة او راح ليزن يقعد معاه ما انت عارف انهم صحاب اوي
صقر مكنش مقتنع و قرب من اوضة جميلة و خبط عليها لكن مر دقائق و مكنش فيه اي استجابة و فتح صقر الباب بخوف ميعرفش مصدرة و شاف دم كتير مغرق السرير و الارض وقف صقر مصدوم مش قادر يفتح بوقه و مكنش قادر يصدق ان ده ممكن يكون دم حد من عياله
ادهم بخوف / اي الدم ده .. معقول يكون دم جميلة
صقر مسك قلبه بتعب / لا بنتي . اكيد لا
ادهم خاف علي صقر و سنده / اهدي يا عمي صدقني مافيش حاجة .. انا هكلم معاذ حالا و طلاما مش موجود يبقي اكيد معاها
و قعد صقر بتعب علي الكرسي و هو باصص للدم اللي علي السرير و حاسس ان بنته جرالها حاجة و بعد مكالمات كتير رد معاذ و كلم صقر
صقر بخوف و دموع / انت فين يا معاذ. . جميلة اوضتها في ..
صقر مقدرش يكمل كلامه بسبب وجع قلبه لكن معاذ قاطعه و قاله / اهدي يا حبيبي و اطمن جميلة كويسة اوي.. دي حتي معايا اهي تكلمها
صقر و هو بيمسح دموعه / ايوة اكلمها. .. فين جميلة
يا معاذ
معاذ حط التليفون علي ودن جميلة اللي دموعها كانت علي خدها/ ايوة يا بابا انا كويسة متقلقش
صقر / يا حبيبتي يا بنتي .. يا حبيبتي انتوا فين و ايه الدم ده
جميلة بصت لمعاذ بانهيار لانها مكنتش قادرة تتكلم و معاذ رد هو و قال / مافيش يا بابا اطمن .. بس جميلة تعبت شوية . هطمن عليها و اجي الفيلا يا حبيبي .
وقفل معاذ مع والده بعد الحاح كبير منه انه يعرف مكانهم لكن معاذ اكدله انه مش هيتاخروا وفعلا معاذ اخذ امر من الدكتور ان ممكن جميله نتنقل البيت بس تبقى تحت رعايه وهدوء
_____________________________________________
في بيت كريم 🌺
كريم بصدمة / يقبضوا عليها .. انت عارف يا يزن و سايبهم يعملوا كدة اومال لو مكنتش في حمايتك
يزن بعيون مافيهاش رحمة او شفقة قرب من ميرا و سحبها من شعرها من حضن ياسمين و زقها علي الارض بكل قوتها و قال بصوت عالي/ انتوا واقفين تتفرجوا ما تاخدوها علي البوكس يلا
ياسمين بعياط / ليه كدة بس يا ابني حرام عليك هي حمل زقة واحدة .. كريم ما تقوله حاجة
ميرا كانت بتعيط بصريخ و ماسكة في رجل كريم اللي الصدمة كانت مخلياه مش عارف يتصرف و ياسمين اللي من الحسره حطت ايديها علي بقها و بتعيط بصمت
ميرا بصريخ / الحقني يا كريم والنبي اوعي تسيبني
انا مش عارفة هيعمل فيا ايه .. ياسمين علشان خاطري
يزن مدهاش فرصة تكمل كلامها و شدها من شعرها و رماها للضباط و اخدوها من البيت و كان يزن لسه هيخرج من البيت لكن كريم مسك ايده
كريم / انا مش هسالك ازاي جالك قلب تعمل كدة في البنت لأن اللي زيك معندوش قلب اصلا
لكن وصلت بيك انك تجيب البوليس لحد بيتي و تاخدها بالطريقة دي .. طب سمعة امك و ابوك مفكرتش فيها
يزن قاطعه في الكلام / انت مضايق ليه كدة دي واحدة بنت ... و مجرمة و مكانها الاصلي في الحبس
و انا برجعها تاني ... و بعدين ايه اللي مزعلك اوي كدة لتكون لفت عليك و كلت دماغك اصلها خبره علفكره .. ده انا جايبها من شقة دعارة
و لسه يزن هيسيب كريم و يخرج من الشقة لكن كريم في اللحظة دي بيفقد اخر ذرة عقل و ييشد يزن من الجاكت و بيضربه ضربات متتالية في وشه و ياسمين يتحاول تشد كربم بعياط
ياسمين/ والنبي يا كريم اهدي . والنبي اهدي هومايقصدشي
يزن كان واقف مصدوم من عصبية كريم و فاق من صدمة علي صوت كريم و هو بيقول / لا مش ههدي و ده عمره ما هيتغير بس انا اللي غبي اني افتكرت ان ممكن في يوم من الايام يبقي عنده قلب
بص يلا انت انا مش عايز اشوفك في بيتي تاني انا معنديش استعاد اني اشوف نسخة يوسف تاني في حياتي او نسخة جابر انا مصدقت خلصت منهم
ياسمين بصت لكريم بذهول معقول كريم بيجيب سيره والدها بعد العمر ده كله بالسوء .. معقول لسه في قلبه كره من ناحيته
ياسمين بوجع / ايه اللي انت بتقوله ده يا كريم
كريم / بقول الي انتي شايفاه .. الواد ده مش ابني ده نسخة جده بكل حاجة فيه و نسخة يوسف كمان و انا مش عايزهم في حياتي
سامعاني يا يزن لم هدومك و غور من هنا اوعي اشوف وشك تاني و البنت اللي انت اخدتها دي انا هعرف ارجعها بطريقتي يا فاشل
و بدا يزق كريم يزن و طلعه برا الشقة و يزن كان في الف سؤال بيدور في راسه و خصوصا ان اسم يوسف اللي اتكرر مرتين و جده الي واضح كره كريم ليه فاق يزن من كل الاسئلة دي و مشي من العماره و طلع علي القسم علشان يبدا مهمته
في شقة كريم 😭
كريم كان قاعد علي الكرسي و بيعيط بوجع / ابنك ده جاحد و معندوش قلب ابدا .. انا مبقتش خلاص قادر عليه انا تعبت
ياسمين بوجع حطت ايديها علي كتفه/ ليه شايفه شبه ابويا يا كريم .. هو انت لسه منستشي
كريم حط ايده علي وشه بوجع لانه عارف انه داس على حزن عند ياسمين كبير و قالها / ابوكي الله يرحمه كان قاسي اوي و ابني طالع زيه يا ياسمين
انا حاسس ان طول حياتي كنت بربي جابر في بيتي
قوليلي امتي عاملت يزن بالكره علشان يطلع قاسي كدة عليا انا و انتي .. انا مش عايز اشوفه تاني
قربت ياسمين و حضنت كريم و هو بادلها الحضن و باس راسها كأنه بيعتذرلها عن اللي قاله عن ابوها .
احم احم في هنا توضيح للي مقراش الجزء الاول 🌼
جابر هو اللي سرق فلوس والد كريم وتسبب في موته، اما يوسف فده حكايته وحكايه فاللي ما يعرفش يرجع للجزء الاول 🌼❤️💪
_______________________________________________
في فيلا عاصي السيوفي ✨
عاصي اول ما شاف عساف بدا يشبه عليه هو شافه ساعة ما والده كان عايش
و مين اصلا ميعرفشي بمشاكل السيوفي مع عائلة الحديدي و كل اللي يقربلهم ؟
عاصي بستغراب و بنبره تحمل الحده / انت ايه اللي جابك هنا . انا معتقدشي ان في بينا اي لغة حوار مش كدة برضو
عساف اتنفس بهدوء / انا برضو كنت حاسس انك جاهل و متعرفش انا مين و مين تبعي والا مكنتش عملت كدة و تفتح علي نفسك كل ابواب جهنم وانت. مش ناقص لا انت ولا اختك
عاصي ضحك بتريقة / لا بص جو الغموض ده انا مش بحبه واوعي تفتكر ان جو الجادرات ده هيفرق معايا و هخاف
و مش علشان جيت ملقاش أمن و حراسة تفتكر اني ضعيف انا بس بحب اعيش مع اختي في سلام و بعدين عن اي نذاع بينك و بين عمي
عساف/ حلوو .. و طلاما عايز تعيش في سلام و هدوء بتقرب من بنتي ليه.. بتقرب من لارا ليه
عاصي بصدمه بصله / بنتك!! لارا تبقى بنتك ازاي الكلام ده .. انت بتهزر معايا ولا ايه .. علفكره بقي
عساف بحده قاطعه / على فكره ايه وبعدين انت مين اصلا عشان اجي اهزر معاك
اظبط نفسك وركز في كلامك لاني لا جاي اتخانق ولا اعمل مشاكل
عاصي / والله اومال جاي تعمل ايه بقى يا ترى
عساف/ جاي انبهك ان الطريق اللي انت ماشي فيه ده هيوديك في داهيه وانا بقى مش هسمي عليك لو فكرت تقرب من لارا تاني .. اعتقد ان الرسالة وصلت
سلام
وركب عساف عربيته ومشي هو والحرس بتوعه و عاصي فضل واقف مكانه مصدوم من اللي سمعه وبدا يكلم نفسه بحيره / معقول اول بنت قلبي يحبها ويتعلق بيها تطلع بنته .. انا ايه رجعني من امريكا وانا كنت عايش هناك مرتاح وانا بعيد عن كل القرف ده .
ودخل عاصي اوضته وهو رافض تماما يتكلم مع وعد او يقولها حاجه .
______________________________________________
في فيلا الحديدي دخل معاذ بعربيته الجنينه وخرج وهو بيسند اخته جميله وهي في حضنه
جميله بهزار / لو كنت اعرف ان الحب ده كله هيبان كنت انتحرت من زمان قوي يا معاذ
معاذ بقلق / طب ليه السيره الزباله دي بقى ما تفكرنيش احسن وربنا اوقعك في البسين ده
حرام عليكي يا جميلة انا قلبي لحد دلوقتي واجعني
...و ضمها معاذ اكتر لحضنه وبداوا يقربوا من باب الفيلا لكن اتفاجئوا بادهم خارج يجري وكان بينهج وبيبصلهم بقلق وخوف وبدا يفحص جميله بعينيه بس لقى فعلا ايديها ملفوفه وتاكد انها حاولت تعمل حاجه في نفسها
ادهم قرب ناحيتها وقالها بخوف / انتي عملت ايه في نفسك اذيتي نفسك صح جميله ردي عليا انا بكلمك
معاذ ذقه بعيد عنها بعزم قوته وقاله/ اوعى تكلمها كده تاني دي اختي ولو فكرت تعلي صوتك عليها وحياه امي ما هيطلع عليك صبح يا ادهم اوعى من وشنا ....اوعى
وبدا يتحرك معاذ هو وجميله وادهم فضل واقف مكانه حزين ومش مصدق انها ممكن تكون راحت بسببه واخذ عربيته ومشي من الفيلا وهو كان بيعيط و بيردد / انا السبب في اي حاجة وحشة بتحصل
______________________________________________
في مكتب يزن كان قاعد حاطط رجله على المكتب بغيظ وعمال يدوس على الولاعه بتاعته وبيفكر في كل كلام كريم
عايز دخل المكتب بعصبيه / ممكن افهم بقى انت بتعمل ايه في البنت جوه ...
يزن ضحك ببرود/ عملت ايه هو انا اصلا لسه عملت حاجه ده انا يا دوب بقول يا هادي
عز / انت موصي عليا في الحبس يا يزن يا اخي حرام عليك انت ليه بتندمني اني قلتلك
يزن ايه من مكتبه برعب وقاله / موصي عليها في الحبس ازاي يعني ... ميرا
نادي يزن الشاويش و أمر انه يجيبها من الحبس و كانت الصدمة ..
تفتكروا ميرا حصلها ايه ؟؟؟
تكملة الروايه اضغط هناااااااا
الرواية كامله من 👈(رواية خادمة الصقر الجزء 2)
اضغط على اسم الروايه ☝️☝️☝️
تعليقات
إرسال تعليق