رواية انتقام ليل الفصل الواحد وعشرون 21 بقلم فاطمه عادل
رواية انتقام ليل الفصل الواحد وعشرون 21 بقلم فاطمه عادل
البارت21
محسن :نعممم ، انت اتهبلت ولا ايه عايزنا نخ*طف دكتورة
ليل: وايه يعنى ، اهم حاجه لين وصحتها ، واكيد هى هتعرف العلاج اللى هتحتاجه
محسن: لا انت شكلك من قاعدة المستشفى شميت بن*ج كتير ومش عارف انت بتقول ايه
ليل: جرا ايه يا محسن
محسن: الله يق*طع محسن واللى جابو محسن ، يابنى حرام عليك تخط*فها ، هى يعنى ملهاش أهل يسألو عنها ، دى شكلها فى عز شبابها ياعين أمها
ليل: انت عب*يط يامحسن ، هو انا هخدها اعمل فيها ايه يعنى ، هى هتيجى علشان لين وعلاجها ، وبعدين بقولك مفيش وقت ، اخلص ولم حاجتك خمس دقائق الاقيك قدام الاوضه
محسن: ابو دى معرفه يا اخى
خرج ليل بسرعه وراح عند لين وبيلا بتلم الحجات بتاعتهم بأمر من ليل
ليل قرب على لين وهى متوترة اوى وخا*يفه من اللى جاى فقرب منها وبا*س جبينها واتكلم بهدوء
ليل : اوعدك هفهمك على كل حاجه بس مش دلوقتي
لين بدموع: انا خا*يفه اوى من اللى جاى
ليل : مش أنت واثقه فيا ياحبيبى
لين هزت راسها بمعنى اه
ليل : يبقى عمرك ما تخا*فى وانت معايا
لين ابتسمت وليل بص على بيلا
ليل: هل انتهيتى
بيلا :نعم
اذا هيا
وشال ليل لين وخرج برة كان محسن واقف فى انتظاره
محسن بهمس : فين جنا
ليل: هحط لين فى العربيه وهجيبها
نزلو كلهم على تحت وليل حط لين فى العربيه من ادام وركب محسن وبيلا من ورا
ليل قرب من شباك العربيه وقال : خمس دقائق وراجع
لسه لين هتتكلم سابهم وطلع تانى على المستشفى
عند غرفة الدكتورة جنا وقف ليل واخد نفس وبعدين خبط على الباب
جنا : ادخل
ليل فتح الباب واتكلم : دكتورة جنا لين تعب*انه جدا لو سمحتى تعالى شوفيها
جنا قامت بسرعه وجريت مع ليل على اوضة لين
ليل : لا لا تعالى من هنا
جنا : هنا فين هو مش فى غرفتها
ليل : تعالى بس بسرعه ارجوكى
جنا جريت مع ليل لحد ما خرجو من المستشفى
جنا فجأة وقفت : انت واخدنى على فين
ليل : هتعرفى بعدين
جنا : هو ايه يا بابا ده اللى هعرفه بعدين انا راجعه
ليل قرب منها وحط أيده على كتفها بغباء بس محدش اخد باله وهمس فى ودانها: امشى من سكات احسنلك وحاولى متبينيش حاجه
جنا : انت مجنون ولا ايه ، دا انا أوديك فى داهيه
ليل : جربى تطلعى نفس وشوفى ايه اللى هيحصل
جنا : مبخا*فش من حد على فكرة وبعدين انت .....
مكملتش الجمله لأن ليل ظهر المس*دس اللى فى جيبه وبر*ق ليها
جنا : ايه ياباشا متقول كده من الاول ، انا معاك فى اى حاجه
خدها ليل لحد العربيه ودخلها جنب محسن و بيلا وركب مكانه وساق
عند صفوت
صفوت مسك النضارة الشمس بتاعته لبسها وقال لواحد من رجالته : ايه جهزت الطيارة
الراجل: جاهزة ياباشا كله تمام
اتحرك صفوت بخطوات سريعة وركب عربية وانطلق ع المطار اللي فيه طيارته الخاصة وطول الطريق وهو بيفكر ايه ابش*ع طريقة ممكن ينت*قم بيها من ليل ، بعد مرور وقت وصل صفوت طيارته ركب وانطلق بيها علي روما
بعد ساعات طويلة في الجو ورغم الساعات دي كلها صفوت ما نامش وما فيش لحظة عدت عليه إلا وبيفكر ازاي يوصل لليل ويرجع بنته سليمة
هبطت الطيارة الأراضي الإيطالية
وكانت فيه عربية مستنية صفوت ركب العربية واتكلم باللغة الايطالية وقال : انطلق حيث يوجد ماركوس اخيلي
انطلق السواق وأخيرا وصل صفوت عند شخص شكله غريب جدا جسمه كله عبارة عن عضلات عينيه زرقا جدا واصلع بس وسيم
صفوت دخل عنده ومد إيده باحترام وقال : مرحبا سيد ماركوس ، كيف الحال
ماركوس هز راسه ببرود شديد يعني كويس وبعدها شاور بايده بحركة معناها انت عايز ايه
صفوت بهدوء واحترام وصوت هادي قال : ابنتي ، لقد خط*فها شخص ما انت تعرفه جيدا ، هذا الحق*ير الذي يدعي بلاك هو من اخت*طفها ولكني لا أعرف أين هو كل ما اعرفه هو انهم هنا في روما
هز ماركوس راسه وقال بفح*يح افعي : بلاك ، اممم سنتسلي كثيرا ، اهلا بس*فك الد*ماء ، ابتسم ببرود وشاور لصفوت وقال وان مليون دولار
صفوت باحترام : موافق
وصل ليل لمكانه السرى والمكان ده محدش يعرف عنه حاجه ابدا غير محسن هو عباره عن بيت صغير مكون من اربع غرف وده ليل عمله للطوارئ
وصل ليل بيهم فى نص الليل تقريبا والكل دخل وجنا بتتر*عش من الخ*وف
ليل شايل لين وهى نايمه ودخل غرفه من الغرف وحطها بشويش على السرير وبا*س جبينها وخرج
ليل : انا اسف جدا يا دكتورة على الطريقه اللى جبتك بيها هنا ، ومتخا*فيش احنا مش هتعمل فيكى حاجه
جنا : لا والنبى اومال جايبنى هنا ليه أن شاء الله ، هتفسحنى وترجعنى تانى
ليل برفعة حاجب: افسحك ، لا مش هفسحك ، انا جايبك علشان علاج لين
جنا : انا مالى ومالك ومال لين بتاعتك دى ، انا عايزة ارجع المستشفى ، والا هتشوف وشى التانى
ليل ضحك جامد جدا ومحسن باصص بأعجاب عليها
ليل : انت متقدريش تعمليلى حاجه ولا تخرجى من هنا الا بأذنى ، تقبلى بقى وجودك معانا بسرعه علشان نرتاح كلنا
جنا لسه هتتكلم بصت على محسن اللى باصص عليها بصه بلهاء وكأنه بيتفرج على مسلسل
جنا وهى بتشاور عليه : ماله الاهبل ده بيبص عليا كده ليه
ليل ضحك عليها ومحسن بص بغ*ضب
محسن : من ده اللى اهبل يابت انت ، انت عارفه بتتكلمى مع مين
جنا : هيكون مين يعنى ، رئيس مراجيح مولد النبي ونا معرفش
محسن هيتكلم راح ليل شاور وقاله : مش وقته يا محسن الكل تعب*ان ولازم نرتاح
جنا : اللهى ما تشوفوا راحه يا بعيد
ليل: شكلك هتطلعى عيونا
فى هنا لكل واحد اوضه اتفضلو بقى ونتكلم الصبح
دخل ليل عند لين اللى لسه نايمه وقلع جزمته وراح اخدها فى حض*نه وناام
فى الصبح صحى ليل وابتسم على اللى نايمه فى حض*نه بهدوء با*س خدها وقام من جنبها دخل اخد شاور وخرج لبس هدومه وراح ناحيتها وبدأ يصحيها
ليل بهمس: ليين قومى يا كسلانه ، لين بتململ وهى نايمه وهو بيضحك عليها ، حبيبى الكسلان ، يلا قوم بقى عيونك وحشتنى
لين فتحت بشويش وابتسمت انا شافت ليل
لين : صباح الخير يا ح.....
ليل: يا ايه
لين : يا ليل
ليل: نفسى تقوليها بقى
لين : يا حبيبي
ليل: قلب حبيبك وعمر حبيبك ، فوقى بقى وانت حلوة كده ع الصبح علشان معملش حاجه امو*ت واعملها
لين بكسوف: لا خلاص أنا قمت اهو
ليل: طب ياحبيبى ، انا هروح اجهز الفطار بقى علشان العلاج
لين : طب خلى بيلا تجهزه
ليل: لا انا عايز اعملك بنفسى
ابتسمت لين وخرج ليل شاف محسن قاعد وجنا مش موجوده
ليل: صباح الخير هى الدكتورة لسه ماصحيتش
محسن : قصدك البلوة دى بلوة انا مش فاهم ليه جبتها
جنا خارجه من الاوضه: مين دى البلوة يا استاذ يا محترم ، هو سكتنالوا دخل بحم*اروا ولا ايه
محسن: ما تحترمى نفسك يابت انت
جنا: بت أما تبتك ياض انت اهبل ولا ايه
ليل: بااااااااس اللى هسمع صوته منكم هص*فيه ، انا رايح اعمل فطار للين علشان العلاج حد عايز حاجه
جنا : اه والنبى يا استاذ جعانه
محسن: طب اتكسفى ولا اعملى زى البنات
جنا لسه هتتكلم
ليل : انا قولت ايه ، بقولك ايه بما انك عايزة فطار تعالى اعملى لينا كلنا
جنا: انت جايبنى هنا اعالج البت ولا اشتغل خدامه
ليل: بت فى عينك تعالى هنا واعملى الفطار وانااخل اطمن عليها
جنا خب*طت برجلها فى الارض ودخلت ع المطبخ
محسن قاعد برة وهى بتحضر فطار وبتغنى
جنا : يا دنيا طفيتى شمعى يا ناس كترتوا دمعى والعمر راح هدر كتبت الاه بقلمى كس*رته بسن قلمى وبرضو بقول قدر
محسن : لو مش هنضايقك يامدام امينه توطى صوتك شويه
جنا : ومين امينه دى كمان أن شاء الله
محسن : امينه رزق مهو بالشكل ده انتى المفروض يقولو عليكى امينه رزق تستحقى اللقب وبجدارة
جنا بصوت عالى: نعععمم يا اخويا ولسه هتبدا وصلة الردح خرج ليل وهو شايل لين بعد ماغيرت هدومها وكله تمام
لين: هى فين بيلا وليه جنا هى اللى بتجهز الفطار
ليل: خلتها تمشى علشان أهلها يطمنوا عليها وكمان علشان نبقى براحتنا
قعدوا فطروا وبدأت من تانى رحلة العلاج الطبيعى مع تعب لين ودعم ليل الشديد ليها
عند ماركوس
ماركوس جمع خاصة رجالته وقال لهم ببروده القا*تل : اريد كل تسجيلات كاميرات الشوارع والاماكن العامة ،
واحد من رجالته كان هيتكلم رفع إيده شاوره يخرص وقال : لا احب الاغب*ياء ، كيف ستحصلون علي تسجيلات الكاميرات هذا أمر غاية في السهولة
لدي أكبر لصوص الانترنت واكبر عص*ابة ه*كر في العالم اجمع فلا ترتكب الحم*اقات وتسألني عن اتفه الأشياء
الشاب خرس خالص من نبرة تهديد ماركوس بس كان في حالة زهول هو قرأ أفكاره ازاي
وقف ماركوس وقال عشان ينهي الاجتماع : خلال ٤٨ ساعة كحد أقصى تكون الكاميرات جميعها أمامي هنا
انصرفوا ،
حرك رقبته يمين وشمال وطلعت صوت طرقعة وابتسم بانتصار واتحرك للخارج هو كمان
تكملة الروايه اضغط هناااااااا
اكتب ف بحث جوجل موسوعة_القصص_والروايات
الرواية كامله من👈( رواية انتقام ليل)
اضغط على اسم الروايه ☝️☝️☝️
تعليقات
إرسال تعليق