رواية انتقام ليل الفصل التاسع 9بقلم فاطمه عادل
رواية انتقام ليل الفصل التاسع 9بقلم فاطمه عادل
البارت9
ليل بيقرب من لين بدون تفكير وبيشيلها وشاف د*م على السرير اتخض وبص عليها وعلى السرير
ليل بزهول.د*م
لين.اه اصل ده ده
ليل باحراج حط أيده على بوقها وقال فمهت خلاص مفيش داعى تشرحى
لين اتكسفت وحطت وشها فى الارض ومش عارفه تقول ايه
ليل.انا هدخلك الحمام حالا،واخدها وراح على الحمام ،دخلها وخرج بسرعه ينده على محسن،محسن جاى يجرى وقال تحت امرك ياباشا
ليل حاطط أيده فى شعره ومش عارف يقول ايه بس اخيرا نطق وقاله
عايزك تروح الصيدليه اللى جنبنا دى
محسن.خير ياباشا حضرتك تعبان ولا حاجه
ليل.ها لا انا عايزك تروح وتجيب الحجات اللى بيستعملوها الستات اوقات العذ*ر الشهرى
محسن بفتحة بوق وفجأة استوعب الكلام وقال.نعم اجيب ايه حضرتك
ليل بيحاول يعلى صوته ويزعق علشان يخرج من التوتر ده.زى ماسمعت ولا انت اطر*ش وفى ظرف عشر دقائق الاقيك ادامى ،وسابه وطلع على فوق ورجع تانى ،بقولك هات معاك مسكن
محسن هنا فهم واستغرب اهتمامه ده وقاله حاضر
ليل طلع على اوضته وفضل يدور بين هدومه على حاجه تنفع للين علشان تلبسها وفى الاخر لاقى بيجامه كانت صغرت عليه شويه اخدها واخد ملايه سرير نضيفه وغير هدومه وراح على اوضتها ،شال الملايه القديمه وحط ملايه نضيفه واستغرب نفسه واهتمامه اوى وبقى مش فاهم نفسه ،هو كل مابيبعد حاجه تقربه
فى وسط تفكيره نده عليه محسن واداله الكيس فيه كل الحجات اللى طلبها ،اخدها منه وراح ناحية الحمام وخبط
لين .ايوة
ليل .احم هو بصى انا يعنى جبتلك الحاجه اللى ممكن تستخدميها
لين بكسوف وصوت واطى.شكرا احم طب ممكن يعنى تدخلهم
فتح ليل الحمام براحه جدا وادلها الكيس وحاطلها الهدوم قريب منها وقال.احم انا فى انتظارك خلصى براحتك واندهى علشان اخرجك من هنا
لين بكسوف ووجه احمر.تمام ،انا متشكرة اوى
ليل ابتسم ابتسامه خفيفه وخرج
وفضل يفكر فيها وفى رقتها وكسوفها اللى بيجننه،وكل مايحاول يفكر نفسه أنها بنت عدوه مش عارف،ولا عارف يفكر في انتقامه طول ماهو معاه
شويه وندهت عليه بصوت إلى حد ما واطى
هو راح ناحية الحمام وقال .احم خلاص
لين.اه تمام
ليل.يعنى ادخل
لين .اه لو سمحت
دخل ليل وشالها وحطها على السرير،هى لاحظت أنه غير الملايه فابتسمت وبصت عليه
هو سرح فى ابتسامتها وشويه وفوق نفسه
ليل.احم بصى انا هجبلك تكلى وكمان جبتلك مسكن بس لازم اكل علشان معدتك متوجعكيش
لين.تمام انا بجد مش عارفه اشكرك ازاي
ليل.متشكرنيش
لين ابتسمت وبصت فى الارض
نزل ليل وهو عمال يفكر ان الاحساس ده غلط كل الانظارات بتضرب وتنور كل شىء حواليه بيقول إن إحساسه غلط وان كده مش هينفع ،عايز يمنع نفسه مش عارف،مش قادر
اخد الاكل وطلع عندها
حط الاكل ادامها على السرير وحط حبايه المسكن وكوباية المايه جنبها على الكومود
ليل.الاكل اهو تقدرى تاكلى ،ودى حباية مسكن بعد الاكل خديها هتريحك من الالم شويه ولو عوزتى حاجه اندهى عليا
لين باحراج .احم طب ممكن تقعد تاكل معايا ارجوك انا فعلا مش بعرف اكل لوحدى
ليل بيكون مسلوب الإرادة قدامها ،قعد من سكات وبدأ ياكل وهى بتاكل والاتنين مش عارفين يقولو ايه ولا حتى عارفين آخرة مشاعرهم ايه خلصو اكل وقام ليل لسه هيقرب من المسكن يديهولها راحت هى قربت وأيديهم لمسوا بعض ،بعد ليل بسرعه وارتبك ،ولين اتكسفت
لين.انا انا اسفه انا بس كنت هاخد المسكن
ليل.احم ولا يهمك اتفضلى اهو،ناولها الحبايه واداها كوباية المايه ،شربت واخدها منها وقالها
انا هنزل لو عوزتى حاجه اندهى
لين.شكرا
خرج ليل واتنفس اخيرا من كمية المشاعر اللى حاسسها
لين برضو مش عارفه تحدد ايه اللى هى حساه ده
نزل ليل وعمل سيرش على جوجل ايه اكتر حاجه تخفف الام الظروف،شاف أن المشروبات الدافئة مهمه ومفيده
عملها نعناع وطلع بيه فتح الاوضه وحاطه على الكومود جنبها
لين بابتسامه جميله .ايه ده
ليل باحراج ومش عارف هو بيعمل كده ليه.ده حاجه دافئه علشان بطنك
لين بابتسامه.شكرا اوى كنت فعلا محتاجه حاجه دافئه
ليل لسه هيتكلم جاله اتصال .
ليل .اتكلم
محسن.الرجاله فى الانتظار ياباشا وكلموا صفوت زى ما أمرت
ليل.نص ساعه وهكون ادامك
وقفل السكه وبص على لين وقالها أنه لازم ينزل
لين إلى حد ما زعلت أنها هتقعد فتره مش هتشوفه
نزل ليل وراح عند المخزن علشان يشوف هيعمل ايه مع الرجاله
ليل كان قاعد وسط رجالته وبيشرح لهم الخطة اللي هياخدوا بيها المخد*رات من صفوت
ليل : فهمتوا هتعملوا ايه مش عايز غلطة ، وانتي يا ريناد فهمتي دورك كويس مش عايز غلطة
ريناد : اكيد فاهمة وانت عارف ريناد كويس مستحيل تغلط ولا ايه
ليل كان هيتكلم بس موبايله رن كان صفوت رد عليه : نعم
صفوت : ليل الخاطف كلمني واتفق معايا علي المكان اللي هيستلم مني المخد*رات وهيكون جايب لين معاه تعالي بسرعة المرة دي مش عايز اي غباء من اي حد مش هتحمل اي غلطة ممكن تبعد بنتي عني فاهم
ليل ببرود : اممم اوك انا جاي
قفل ليل وبص للرجالة نظرة اخيرة قبل ما يخرج وقال : استعدوا
خرج وركب عربيته وبعد فترة وصل عند صفوت
صفوت حكي ل ليل عن الاتفاق وقاله أنه لازم يحميه ويحمي بنته
ليل : طبعا دا واجبي
ركبوا العربية وصفوت طلب من رجالته انهم يركبوا عربية ويمشوا وراهم ولو فيه اي خطر يتدخلوا علي طول
في مصنع مهجور علي الطريق الصحراوي
وصل صفوت وليل ووصل كمان الخاطف اللي هو من رجالة ليل ومعاه رجالته بص صفوت وقال بصوت عالي لأنهم كان فيه مسافة كبيرة بتفصل بين الاتنين
صفوت : بنتي فين اشوفها الأول وبعدين اسلم الأمانة غير كده لا
الخاطف هز راسه يعني وشاور لرجالته ففتحوا العربية وخرجوا منها كرسي متحرك وواحد شال بنت وحطها ع الكرسي صفوت شاف شعرها الطويل الكستنائي ابتسم بحنين واللهفة احتلت ملامحه مد ايديه كأنه بيقولها تعالي
الخا*طف قال بصوت عالي : اطمنت يا صفوت
صفوت : لا بنتي تيجي لحد عندي الأول واللي يوصلها ياخد الشنطة أنا مش هعمل اي حركة غد*ر واجازف ببنتي وعرضها للخ*طر
الخا*طف هز راسه يعني تمام وشاور لواحد من رجالته أنه يوصلها
وفعلا مسك الكرسي واتحرك
ليل همس لصفوت : شكلهم قصدين السلام يعني وفوا بوعدهم وسلموك بنتك اهو
صفوت هز راسه وابتسم ونزلت دمعه من عينه بس مسحها بسرعة وهو مركز كل نظره علي بنته و مش قادر ينتظر لحد ما توصل عنده
وصلت البنت وهو سلم الشنطة للراجل اتحرك الراجل بخطوات سريعة
أما صفوت اول ما زاح شعر بنته اللي نازل علي وشها ورفع وشها صرخ بأعلي صوت : لااااااا يا ولاد الك*لب ،غد*روا بيا
بس فجأة صمت تمام لما لقي البنت دي موجهة سلا*حها في وشه ، البنت دي طبعا مش لين دي ريناد وبتشتغل مع ليل
ليل قبل ما ياخد سلا*حه من خصره ويضر*بها بصت له وقالت : اي حركه هطير نفو*خه
تكملة الروايه اضغط هناااااااا
تعليقات
إرسال تعليق