اسكريبت كامل بقلم أمنيه محمود فتحت عيني لقيت نفسي في مكان معرفوش أنا ازاي هنا ؟؟؟
اسكريبت كامل بقلم أمنيه محمود فتحت عيني لقيت نفسي في مكان معرفوش أنا ازاي هنا ؟؟؟
«البارت الاول»
فتحت عيني لقيت نفسي في مكان معرفوش أنا ازاي هنا ؟؟؟
« فلاش باك »
... انتوا مين وعايزين مني أي حد يرد عليا ليه أنا هنا
شخص مجهول : يعني انتي مش عارفه انتي هنا ليه يا حلوه انتي هنا علشان مفيش واحده زيك ترفض مراد باشا
...: بصدمه يعني مراد هو اللي عمل كده
شخص مجهول : اه
... : ده إنسان مريض ده الحمدلله اني فعلاً مقبلتش أن واحد زي ده يدخل حياتي
شخص مجهول : ده انتي هتشوفي النجوم في عز الظهر
... : لا أرجوك خرجني من هنا أرجوك
مشي وسابني بدأت أصرخ علشان حد يساعدني وينقذني بس مين هنا دي غابه فضلت لحد تاني يوم وبعدين دخل الشخص المجهول ده علشان يديني اكل
الشخص المجهول : كلي يلا
... : كنت هقول لأ للحظه فكرت في حاجه وقولتله
والله انت اللي واكل بعقلي حلاوه
الشخص المجهول : هاا
... : هاا أي بس أقولك على حاجه عيونك حلوه وعلشان كده خد دي ضربته على دماغه وطلعت اجري وفرحانه الله عليا دي دماغ شيطانيه ربنا يحميني ليكي يا امي وبعدها بدأت أمشي لحد ما تعبت من المشي يلعن ابو اليوم اللي شوفتك فيه يا مراد ده انت قذر فضلت كده كتير في غابه ملهاش آخر لحد ما تعبت ومحستش بحاجه بعدها
«نرجع تاني بقا»
اه يا دماغي حد يرد عليا انا فين
آدم : انتي في بيتي
فيروز : الله
آدم : نعمم
فيروز بتوتر : أقصد البيت بقول الله على البيت مين بقا حضرتك
ادم : تمام هعرفك بنفسي
" انا آدم يستي عندي 26 شغال مهندس عايش مع والدتي واخويا بس اكيد مش هنا في بيتنا التاني والمكان ده او البيت ده باجي كل ما اكون مخنوق وبحب اجي كل فتره اصطاد يعني في الغابه وكده "
فيروز : أي ده يعني أنت كده اصطادتني
آدم : لا ده أنتي شكلك غبيه
فيروز بعيط : أنا عايزه ارجع شقتي
آدم : طيب بتعيطي ليه دلوقتي وبعدين أنا عايز اعرف انتي مين وأي جابك هنا اكيد مش علشان تتصوري في الغابه يعني
فيروز : ممكن متتريقش عليا
آدم : آسف
" انا فيروز عندي 23 عايشه لوحدي في شقتي اهلي منفصلين عن بعض وكل واحد فينا عايش في مكان مختلف وأن طبعاً قررت إني أبعد وأعيش لوحدي .. كنت بدرس موسيقي وبلعب بيانو في مكان معين "
آدم : اه وبعدين
فيروز : وبعدين كان عندي حفله في يوم وشوفت مراد أعجب بيا بس أنا مكنش فارق معايا وكنت بتجاهل وجوده اللي في كل مكان حوليا كان شخص بيحب يتباها بفلوسه وفي كل مره يحاول يقرب مني أبعد
مراد : فيروز انا بحبك
فيروز : وأنا مش بحبك يا مراد مش بحبك سبني بقا
مراد : انا ترفضيني ياا *** طيب والله لعلمك الأدب وهتشوفي
بعدها بيوم واحد لقيت نفسي في المكان ده
آدم : طيب عرفتي إزاي أن هو مراد ؟
فيروز : في شخص هو اللي قالي كده لما سألته واتأكد يعني واضحه ما انا مش عندي أعداء
آدم : الله اعلم بقا
آدم : طيب سؤال انتي هتعملي أي دلوقتي ؟
فيروز بعياط : مش عارفه بجد هعمل أي
آدم : طيب انتي مينفعش تروحي على شقتك اكيد أول حاجه هيدور فيها وهيا الشقه
فيروز : آمال هروح فين يعني ما أنا مش عندي مكان غير الشقه
آدم : طيب مفيش قرايب صحاب حد تكوني واثقه فيه
فيروز بحزن : تؤ
آدم : طيب كده مفيش غير حل واحد
فيروز : أي ؟
آدم : اني اسيبك وامشي علشان عندي شغل
فيروز بصدمه : لا
آدم بضحك : متخفيش بهزر معاكي والله
فيروز : دمك تقيل والله
آدم : ماشي يستي شكراً المهم بقا انتي ممكن تاجي عندي البيت تعيشي مع ماما واخويا وعد إني اخليه يعتبرك زي أخته وأنا يستي مش بكون موجود في البيت كتير بسافر مثلا شهرين تلاته وأرجع
فيروز : بس
آدم : علفكره انا عايز أساعدك ومفيش حل تاني لو انتي شايفه حل تاني قولي
فيروز : لا مفيش انا موافقه
آدم : تمام يلا بينا عربيتي بره
وصل آدم بيته كان بيت راقي وهادئ وجميل ومريح جدا فيروز أول ما دخلت أرتاحت جداً
هدي مامت آدم : آدم حبيبي اخرت ليه ومين دي ؟؟
أيهم اخو آدم : أي ده انت اتجوزت لا بس زوقك حلو اسمك أي
فيروز : اسمي فير ...
آدم : استني بس وأنا هقولهم
دي فيروز مراتي .. الكل اتصدم بما فيهم فيروز و ...
يتبع ....
«البارت التاني »
دي فيروز مراتي .. الكل اتصدم بما فيهم فيروز
هدي : انت بتقول أي
آدم : زي ما سمعتو كده تعالي معايا يا فيروز اوريكي اوضتك مشيت وهيا في حالة صدمه
آدم : غصب عني والله بس فكرت إني أعمل كده علشان مصلحتك
فيروز : ليه انا مش عايزه اتجوزك ليه عملت كده
آدم : اسمعي أنا عملت كده علشان لو مراد فكر أنه يوصلك وده اللي انا متأكد منه مش هيعرف يعملك حاجه بما انك بقيتي مراتي خلاص وده طبعاً كله تمثيل لحد ما كل حاجه تكون كويسه وأتاكد انك في أمان وبعدها هسيبك ترجعي شقتك
فيروز : آدم انت ليه بتعمل معايا كده ؟؟
آدم وهو طالع من الأوضه مش عارف
هدي تحت : إزاي يعمل كده من غير ما يقولي
أيهم : يعني هو عمل جريمه حب واحده وأتجوزها فيها أي
هدي : اسكت انت
آدم : بصي يا ماما أنا عارف أنك مش مستوعبه اللي حصل بس والله فيروز بنت كويسه جداً وانتي هتحبيها أوي
أيهم بضحك : حلو فيروز
آدم : خليه يسكت يا ماما
هدي : كمل يحبيبي
آدم : أنا بحبها من زمان وبصراحه مش هقدر احكيلك اكتر من كده بعدين هقولك على كل حاجه
هدي : طيب وفين اهلها يبني
آدم : أهلها منفصلين عن بعض يعني اعتبريهم مش موجودين أصلا تمام يا ماما
هدي : لا حول ولا قوه الا بالله تمام تمام يحبيبي
آدم : انا همشي على الشغل في حاجه مهمه هعملها وهرجع علطول لو حصل أي حاجه رني عليا وأنت يا أيهم خلي بالك منهم
أيهم : تمام متقلقش
عدا كام ساعه كده وفيروز في الأوضه مخرجتش
هدي : بقولك يا أيهم ما تتطلع كده تنادي عليها تاكل معانا
أيهم : حاضر
طلع أيهم خبط علي الباب فيروز طلعت
أيهم : ماما بتقولك تعالي كلي معانا
فيروز : وآدم
أيهم بضحك : لما يرجع هيبقا يأكل
فيروز بضحك : شكلك لمض اوي
أيهم : اه بس دمي خفيف
فيروز نزلت مع أيهم ومامت آدم كانت بتعاملها كويس
فيروز : شكراً يا طنط الأكل حلو اوي تسلم ايدك
هدي : طنط ايه قوليلي يا ماما
فيروز : حست فعلاً من ناحيه هدي بحنان الأم وبدأت تقولها يا ماما
آدم رجع من الشغل
هدي : تعالي يحبيبي
آدم : حاضر هغير هدومي وهاجي .. نزل آدم وقعد في الكرسي المجاور ل فيروز
وبعدها اليوم مشي عادي
آدم : نامي يا فيروز هنا وانا هنام على الكنبه
فيروز : تمام
تاني يوم
آدم : كان بيلبس علشان مسافر
فيروز : آدم رايح فين
آدم : هسافر كام يوم بس مش هطول
فيروز : انا خايفه
آدم بحب : متخفيش محدش يقدر يقرب منك
فيروز : تمام
ودع آدم مامته وأخوه ومشي
هدي : ما تقوم تذاكر بدل ما انت قاعد كده
أيهم : حاضر شويه
فيروز : هو انت في كليه أي يا أيهم !
أيهم : في هندسه بعيد عنك
فيروز بضحك : العيله كلها مهندسين ولا اي
هدي : اه حتى والدهم الله يرحمه
فيروز : الله يرحمه
أيهم : الله يرحمه
وبعد فتره من اليوم
فيروز بصدمه : بيانو
أيهم بضحك : مالك !
فيروز : لا مفيش بس استغربت هو ممكن اجربه
أيهم بضحك : ده تبع آدم مقدرش اقولك لا انتي مراته يبقا اتصرفي معه انتي
فيروز : تمام وبدأت فيروز تعزف على البيانو وتغني
أيهم : أي ده انتي ازاي كده
فيروز : دي لعبتي يبني
هدي من المطبخ : هو انتي اللي كنتي بتغني كده
فيروز : اه
هدي : ماشاء الله صوتك جميل
فيروز : شكراً
بعدها بكام يوم حولي 4 ايام كان آدم وصل البيت فيروز كانت فرحانه اوي
آدم بحب : وحشتني
فيروز بصدمه : أي
آدم : ماما ماما هيا اللي وحشتني
هدي بضحك : اه انا هصدق حاضر
آدم : احم احم طيب هطلع أرتاح شويه علشان تعبان وطلع آدم نام
بعدها صحي آدم على صوت فيروز وهيا بتصرخ و ...
يتبع ....
« البارت الثالث »
صحي آدم على صوت فيروز وهيا بتصرخ آدم نزل جري على تحت وكانت الصدمه أن مراد هو اللي تحت وبيحاول ياخد فيروز
آدم : نزل في مراد ضرب
مراد : سبني يا *** دي حبيبتي
آدم : ودي مراتي وإياك اسمعك بتقول كده او تقرب منها
مراد : مراتك !
آدم : اه ويلا من هنا ولو حولت أنا هبلغ عنك علشان عارف عنك كل حاجه
مراد : عارف أي مثلاً
آدم : انك تاجر مخدرات مثلاً
مراد وشه جاب ألوان ومشي
هدي : مين ده وياريت متكدبش عليا يا آدم لو سمحت عايزه اعرف الحقيقية
آدم : هفهمك كل حاجه انا شوفت فيروز في الغابه و بدأ يحكي ليها كل حاجه ..............
أيهم : يعني هيا كده مش مراتك
آدم : اه
هدي : طيب ليه لو كنت قولت الحقيقة من الأول كان حصل أي ؟
آدم : كنت خايف لترفضي وجودها في البيت
هدي : والله حبيتها زي ما يكون بنتي
فيروز بعياط : انا اسفه
آدم : ماما لو سمحت هيا ملهاش ذنب انا عملت كده من غير ما هيا تعرف
فيروز : شكراً بجد على كل حاجه شكراً يا آدم شكراً يا أيهم كنت زي اخويا الصغير وانتي يا ماما شكراً بجد حسيت معاكي بحنان الأم اللي عمري ما حسيته
هدي : يعني بعد كل ده وهسيبك تمشي انا كمان حبيتك بس هخليكي تمشي دلوقتي عارفه ليه
فيروز : ليه
هدي بضحك : علشان تروحي تجيبي لبسك من الشقه بدل ما انتي بتلبسي لبسي الواسع ده يلا يا آدم روح معاها
آدم : حاضر يلا يا فيروز
فيروز مشيت مع آدم وركبت العربيه معه
فيروز : آدم بجد شكراً
آدم : مسكت ايد فيروز وقالها انتي اللي شكراً علشان وجودك في حياتي
فيروز ضربات قلبها بقت عاليه لما سمعت كده وحاولت تتجاهل الموضوع
وبعد ما خلصوا كل حاجه وفيروز جابت اللبس رجعوا البيت كانت كل حاجه عادي و ماشيه تمام
آدم : فيروز انا هسافر بس ممكن اقعد حبه حلوين كده
فيروز : اسبوع او اسبوعين يعني
آدم : لا حوالي 5 شهور
فيروز بصدمه : أي ده كله
آدم بغمزه : هوحشك ولا اي
فيروز : ايوه طبعاً اقصد ايوه طبعاً لا أي اللي أنا بقوله ده ياربي
آدم بضحك : متقوليش حاجه وصلت
وسافر آدم وفي الفتره دي كان بيكلم فيروز علطول وفيروز حبت آدم وقررت تعترف لما يرجع
ومع مرور الوقت كان عدا 5 شهور وكانت فيروز قاعده على البيانو تعزف وتغني ...
"عذابي عذاب لا انا بشوفك ولا احنا صحاب"
آدم بصدمه : أي ده دول مكنوش 5 شهور
فيروز بفرحه : آدم حمدالله على السلامه
آدم : الله يسلمك بس الاغنيه طالعه من قلبك اووي
فيروز بضحك : لا والله انا بحب بس الاغنيه دي اووي مش علشان بغنيها اكون عايشها يعني
آدم : لا بس بصراحه صوتك حلو اوي ولا يمكن علشان البيانو بتاعي بس
فيروز بضحك : اكيد يا دومي
آدم بصدمه : دومي ... ياا بركة دعاكي يامااا
كانت فيروز نايمه في اوضتها فوق الباب خبط وكانت هدي
هدي : بصي انا عايزه اطلب منك طلب وأكيد مش هتقولي لا
فيروز : اكيد طبعاً يا ماما
هدي : طيب أنا طالبه ايدك ل آدم ابني
فيروز كانت ساكته ومكسوفه
هدي : افهم من كده أن السكوت علامه الرضا وأنك موافقه
فيروز : موافقه
آدم وأيهم : دخلوا بعد ما قالت موافقه علطول
هدي بخضه : انتي كنتوا فين
أيهم : لقيت آدم واقف ورا الباب قولت اجي اقف معاه
آدم : احم احم لا طبعاً انت بتقول أي
هدي بضحك : طيب يلا أنا وانت نخلع يا أيهم
فيروز بضحك : ينفع يا بشمهندس تقف كده عند الباب
آدم : هموت واسمعك وانتي بتقولي موافقه
فيروز : موافقه طبعاً بعد كل اللي عملته علشاني لازم أوافق و كمان انا .. انا
آدم : انتي أي ؟
فيروز بتوتر وخجل : انا بحبك
آدم : أخيراً انا اللي بحبك يا فيروز بحبك اوي ووعد مني هخليكي سعيده طول حياتك
وبعدها علطول اتجوز آدم فيروز وسط فرحه كبيره من عيله آدم اللي اعتبرت فيروز فرد من العيله وبعد سنتين من جواز آدم وفيروز
فيروز : آدم عايزه اقولك حاجه
آدم : قولي يحبيبتي
فيروز : انا حامل
آدم : حضن فيروز جامد وكان فرحان بجد بجد يا فيروز هبقا بابا
فيروز : بجد يا دومي
آدم بحب : بحبك يا فيروز بحبك
فيروز بحب : بحبك يا دومي
"لا يهم كم يبقى لي من عمر المهم أن أبقى معك العمر كله"
#النهايه
#أُمنيه_محمود
تعليقات
إرسال تعليق