اسكريبت كامل عشق الثلاثين بقلم سولييه نصار
اسكريبت كامل عشق الثلاثين بقلم سولييه نصار
سكريبت♥️بقلم سولييه نصار♥️
-انتي اتج*ننتي يا جايدا...
صرخ مصطفي فيا لما ضر*بته بالقلم ...عينيا لمعت بعن*ف وانا ببصله وقولت:
-ايوة اتجن*نت يا أح*قر خلق الله اقدر افهم ايه دي ...
رميت دعوة الفرح في وشه ...بصلي ببرود وقال:
-ايه انتي مبتعرفيش تقري ؟!دي دعوة فرحي ايه الغريب في كده ...
رجعت لورا بصدمة وقولت:
-طب وانا ...أنا !!
هز كتفه وقال:
-انتي ايه مش فاهم؟!؟
ز*قيته وانا بصرخ:
-انا وضعي ايه ...اللي ض*يعت حياتي وفرصي في الجواز لحد ما تميت التلاتين واستنيتك لحد ما تجهز نفسك خلاص ده كله نسيته وروحت تتجوز غيري !!!ليه انا عملت ايه انطق ...عملت ايه ...
-انا ماجبرتكيش تستنيني...
قالها ببجاحة وبعدين كمل:
-وبعدين انتي كبرتي وانا عايز واحدة صغيرة مش واحدة في التلاتين ...أنا مضر*بتكيش علي ايديكي ...صحيح حبيتك وطلبت فرصة بس حبي ليكي دلوقتي راح ...وبعدين أنا لقيت اللي اجمل منك واصغر منك يبقي ليه اتدبس فيكي انتي ده انا ابقي حم*ار ....
كنت ببصله بصدمة وانا بعيط ...بعيط علي سنيني اللي ضي*عتها عشانه ...كل الفرص اللي ضي"عتها من أيدي وانا بستناه ...قه*رة امي وابويا اللي كل يوم بيشوفوني برفض واتخا*نق معاهم وانا مستنياه لحد ما فرصي قلت بعد ما ك*سرت سن التلاتين ...ودلوقتي بعد ما أحواله اتعدلت راح لغيري ....فضلت اعيط وانا ببصله وقولت فجأة:
-مصطفي متعملش كده ابوس ايديك ...أنا ضي*عت اجمل سنين عمري عشانك ...ابوس ايديك اتجوزني أنا ولو حتي زوجة تانية أنا هتقبل لكن مقدرش اعيش من غيرك ....
بصلي ببرود وقال:
-لا أنا مكتفي بالبنت اللي هتجوزها ...ولو سمحتي خلاص خلي عندك شوية كرامة ود*م وامشي من هنا مش عايز خطيبتي تشوفك هنا وتزعل ...امشي بدل ما أنا ار*ميكي برا العيادة ...يالا ...
جسمي اتنفض لما ز*عق فيا ....فطلعت برا بسرعة وانا بعيط...قلبي كان بيتع*صر من الق*هر وانا بفتكر كل اللي عملته عشانه...بفتكر اني اديته من حياتي عشر سنين بحالهم ...عشر سنين كنت في قمة شبابي وفي اجمل حالاتي ...كان عندي عشرين سنة سنة وقتها لما ارتبطت بيه ...كنت معاه في الجامعة قبل ما ارتبط بيه ...كنت في كلية التربية وهو كان طب انا اتخرجت قبله وهو طلب اني استناه...جالي عرسان باله*بل بس كنت برفض ...مهما حاولوا اهلي يقنعوني كنت عنيدة وبرفض ...حاولت امي تكلمني باللين احيانا عشان تعرف سبب رفضي وبالشدة احيانا بس انا كنت مصممة متكلمش ...كان مصطفي بس اللي في قلبي ...كنت معاه وهو في الجيش وبعدين لما خلص الجيش وفتح عيادته وبعد كام سنة لما وقف علي رجله وقدر يجهز نفسه ويتجوز اتصدمت لما جاتلي دعوة فرحه أنه هيتجوز واحدة غيري ...قريبته اللي اصغر منه بعشر سنين !!!
...
دخلت البيت وانا منها*رة ولقيت امي بترتب البيت ..
-خير فيه ايه ؟!
-فيه عريس متقدملك ...
رميت الشنطة وقولت بعصبية:
-وازاي تجيبوه من غير ما تاخدوا رأيي
-لانك هتتجوزيه المرة دي يا جايدا
قالها ابويا من ورايا وبعدين كمل:
-العريس يبقي مراد ابن صاحبي كامل
-نعم !!!انت عايز تجوزني واحد مطلق ومعاه طفلة كمان ...مستحيل اوافق ...مستحيل ...اه
صرخت لما ابويا جابني من شعري وقال:
-هتتجوزيه يا جايدا والا وديني اق*تلك ...فاهمة ولا لا !!!
يتبع
#عشق_الثلاثين
الجزء التاني♥️شكرا علي تفاعلكم السكر♥️بقلم سولييه نصار♥️
كنت قاعدة في اوضتي بعيط وبفتكر ابويا لما ضر*بني ...ابويا اول مرة يمد ايديه عليا ...اول مرة يبقي ق*اسي عليا كده ...قلبي كان و*اجعني وكنت بعيط جامد ...فجأة الباب خبط وابويا اللي كان علي الباب ...مسحت دموعي بسرعة وقولت بصوت مخنوق:
-اتفضل ...
دخل بابا وهو متوتر ودخل الاوضة وبعدين قعد جمبي وشدني ليه وباس راسي وقال؛
-حقك عليا يا بنتي انا غلطان ....
اتفتحت في العياط تاني فحضني وقال:
-انا عمري ما مديت أيدي عليكي ...ومكانش قصدي اعمل كده يا جايدا ...أنا طول عمري بخليكي تقرري انتي عايزة ايه ... بس يا بنتي انتي بتفني حياتك كده شغالة ترفضي لحد ما فرصك في الجواز قلت لحد امتي هترفضي يا جايدا ...أنا متأكد أن فيه حد في قلبك ...بس هو فين ...ليه مجاش لحد دلوقتي ...
بصتله بصدمة فابتسم وقال:
-انا بحس بيكي يا بنتي ...انتي قطعة مني ...مرضتش اواجهك وخليت امك تتكلم معاكي ورغم كده رفضتي تتكلمي ...قوليلي اللي بتحبيه دلوقتي فين ليه متقدمش ليكي ...قوليلي يا جايدا فينه ...
عيوني دمعت وبكيت تاني وانا بحضنه جامد مقدرتش ارد عليه ...مقدرتش اقول إن اللي حبيته ووقفت قصاد عيلتي عشانه سابني ...سابني وهيتجوز غيري ...اللي اديتله عشر سنين من عمري دلوقتي نسي كل حاجة وقرر يشوف غيري ...كنت مقه*ورة وبعيط علي حظي بس مقدرتش اتكلم ..مقدرتش أقوله أن بنته اللي مقه*ور عليها سلمت قلبها لحد ميستاهلش....
فقولت فجأة:
-انا موافقة اقابل مراد يا بابا ...بس مش اضمنلك اني هوافق بيه ...أنا بس هديله فرصة ...
بعد بابا عني ومسح دموعي وقال:
-شكرا يا بنتي ريحتي قلبي الله يريح قلبك واوعدك مش هتندمي عشان ادتيله فرصة ...مراد مفيش زيه حقيقي انسان محترم وهيحافظ عليكي لو كان ليكم نصيب ...
هزيت راسي وقلبي وا*جعني ...كان نفسي أنا ومصطفى نكون لبعض ...بس هو خا*نني ...هو ك*سرني بس يمكن ده غلطي ...غل*طي اني اديتله من عمري ...غ*لطي أن ضي*عت حياتي عشان واحد ميتساهلش ...واحد با*عني بسرعة كده ...
........
جه مراد واهله عشان يتقدموا ...
بعد شوية سابونا لوحدنا ...بصلي مراد بإبتسامة:
-الحمدلله انك وافقتي تقابليني المرة دي ...
بصتله بحيرة فقال:
-اصلي من حوالي تمن سنين طلبت اتقدملك بس اترفضت قبل ما ادخل البيت حتي ...وبعدين نسيت الموضوع واتجوزت وخلفت ومحصلش نصيب وانفصلت ..وبعدها لما حبيت اكمل حياتي ملقيتش غيرك قدامي ....
-اقدر اعرف سبب الانفصال ...
قولتها فجأة بعدين كملت:
-بتمني مكونش أنا ...
هز رأسه وقال:
-لا ...متفقناش مش اكتر وشوفنا الافضل ننفصل ونحافظ علي الود بيننا ...
كلامه مدخلش عقلي بس مرضتش اعلق وقولت:
-انا محتاجة وقت افكر ...
هز رأسه وقال:
-طبعا براحتك ...
......
طلبت اسبوعين افكر فيهم وبابا وافق ...
....
بعدها بتلات ايام جه معاد فرح مصطفي ....معرفش ليه اتحججت لبابا وقولتله هروح اشوف صاحبتي وهو وافق ...لبست وطلعت ....
....
بعد ساعة كنت واقفة علي باب القاعة وانا بعيط ...كان حلمي بيتحقق قدامي بس واحدة تانية اللي بتحققه مش انا ...نفس التفاصيل اللي اتمنينا أننا نعملها في فرحنا هو عملها لواحدة غيري...كان مبسوط اووي وهو معاها ...مبسوط كأنه عمره ما حبني ...فجأة كتمت نفسي لما عيني جات في عينه ...دموعي نزلت اكتر ومقدرتش استحمل ومشيت ...
فضلت طول الطريق ماشية وانا منهارة ...لحد ما وصلت البيت ..مسحت دموعي بس كان باين علي وشي لدرجة أن امي لما فتحتلي الباب اتخضت وحاولت تسألني بس انا دخلت من غير كلام وقربت من بابا وقولت:
-انا موافقة علي مراد!!
يتبع
#عشق_الثلاثين
الجزء الاخير♥️شكرا علي تفاعلكم السكر♥️بقلم سولييه نصار♥️
-انا مبسوط انك وافقتي تتجوزيني...متعرفيش أنا سعيد قد ايه ...
قالها مراد وهو مبتسم بسعادة ...كنت باصة علي الأرض وانا قلبي واجعني...بصتله وحمدت ربنا أننا قاعدين لوحدنا وان اهلنا سابلونا مساحة نتكلم ...بصتله وقولت:
-قبل اي حاجة أنا حابة اقولك علي حاجة ...
-خير ...
بلعت ريقي وانا بحكي بسهولة عن كل حاجة. ..بحكي عن حب اديتله من عمري وحياتي ...حد سلمته قلبي وروحي وهو خ*ذلني ....كان مراد بيبصلي وهو مذهول ...كان مصدوم مني ...وعرفت أنه غير رأيه تماما ...
خلصت وانا ببصله وقولت :
-متفهمة لو غيرت رايك مش هزعل ده حقك ...أنا بس حبيت اقولك كده لان من حقك تعرف ...مش عشان تفتكر أنه لسه في قلبي ...هو بعد اللي عمله حبي ليه اتحول لكر*ه ...كر*هته اوووي يا مراد أنا بس زعلانة علي عمري اللي ضا*ع ...عشر سنين ..عشر سنين وانا مش عايشة حياتي بسببه رافضه اي فرصة عشان خاطره ...عشر سنين بيديني احلام ارسمها وفي الاخر حقق الاحلام دي مع واحدة غيري ...وانا ..أنا اللي خس*رت في الاخر ...دموعي بدأت تنزل ...كنت حاسة بقه*ر ..
-هو حق*ير ...بس برضه انتي غلطانة ...
مسحت دموعي لما بدا يتكلم فكمل هو :
-انتي ازاي تديله من عمرك السنين دي كلها يا جايدا...الراجل لما يحب هيعمل المستحيل عشان تبقي ملكه ... المستحيل حرفيا عشان فكرة انك بس تكوني لغيره هتو*جعه ...للاسف هو محبكيش وكان لازم تعرفي يا جايدا ...أن اللي ميخبطش باب بيتكم ميتساهلش انتظار يوم واحد بس ...هو غلط في حقك ...بس غلطك انتي كان أكبر لانك غالية وقللتي من نفسك جامد وهو في الاخر اللي عاش وانتي اللي واقفة مكانك ...
مقدرتش اسيطر علي نفسي وعيطت ...عيطت من قلبي ...
مد ليا منديل وقال:
-انا مش قصدي طبعا اضايقك يا جايدا أنا بحترمك وزعلان عليكي ....
-شكرا
قولت وانا بمسح دموعي وكملت:
-اكيد طبعا مصدوم مني اوووي وبتفكر اني مش كويسة .
هز رأسه وقال؛
-انا زعلان عليكي مش اكتر ...لكن مينفعش احكم عليكي ...
فركت ايديا بتوتر وقولت:
-انت غيرت رايك صح ؟لو فعلا غيرت رايك أنا مش هزعل ...
ابتسم وقال:
-لا مغيرتش رأيي ...أنا عايز اتجوزك ومحترم صراحتك معايا ...بس اتمني مكونش طريقة تنسيه بيها ...
هزيت راسي وقولت؛
-تصدق مفكرتش في كده خالص ...أنا عايزة اعيش حياتي زي ما هو عاش ...عايزة ادي فرصة لنفسي واختارت اقولك الحقيقة عشان تختار براحتك ...ولو حابب وقت أنا معنديش مانع ...
ابتسم وقال:
-لا مغيرتش رأيي ...كل انسان وليه ماضي مش من حقي احاسبك عليه ...أخطاء العبد في حق نفسه الافضل تبقي سر بس انا بقدر طبعا صراحتك .....خلينا بس نتفق علي نقط معينة ..بنتي هتعيش معايا لأن مامتها متجوزة ...
بتمني ده ميكونش عاملك ازعاج أنا عايزك تعتبري منة بنتك يا جايدا ..
ابتسمت وانا بقول؛
اكيد ..
........
مين قال إن الجواز أساسه الحب ..ده كان غلطان جدا ...معتقدش كنت هكون مبسوطة مع مصطفي بالشكل ده ...مراد كان ونعم الزوج ...وكنت مبسوطة مع بنته كأنها بنتي بالضبط ...كنا عيلة سعيدة جدا ...وحصل اللي متوقعتهوش ..مراد قدر يخليني احبه ♥️...عرفت أنه انسان مفيش زيه ...محترم وطيب ...وندمت اني رفضته قبل كده ..كنت مستغربة أن فيه حد زيه في العالم ...جه وجبر الك*سر اللي في قلبي ...ونسيت مصطفي والسنين اللي ضي*عتها معاه ...
...
بعد سنة ونص ...
كنت مع مراد وبنته منة ...كنت حامل في الشهر السادس وجايين من عند الدكتور ...منة دخلت مع باباها محل الالعاب وانا روحت محل الاطفال اشوف لبس مناسب ...لاني قدرت اعرف نوع الجنين ...كنت بختار الهدوم لما صوت مألوف ناداني:
-جايدا انتي ...
بصيت واتصدمت لما لقيته مصطفي...وجوده في المكان ضايقني ..مكنتش حابة أن مراد يشوفني معاه ويزعل ...
-اهلا ...
قولتها ببرود وبعدت عشان اروح احاسب ..وقفني صوته الحزين لما قالي:
-مبروك .
وقفت فجأة فكمل هو:
-اتمني انك تكوني مبسوطة في حياتك.
-الحمدلله ..
اتنهد وقال:
-كان نفسي اكون مبسوط زيك ...بس اكتشفت اني خر*بت حياتي بإيدي عشان اتجوزت واحدة مش شبهي خسرت واحدة بتحب...
قاطعته وقولت:
-لعل الخير يكمن في الشر ...أنا مبسوطة في حياتي وانت كمان اتقي الله في مراتك ...
وشاورت علي مراته اللي مشغولة وهي بتنقي هدوم للبيبي ...
وبعدين روحت حاسبت علي اللي اشتريته وخرجت لقيت منه ومراد مستنيني ...مشيت وسطهم ومسكت أيديهم الاتنين وانا بقول بسعادة:
-انا بحبكم♥️
طلع عشق الثلاثين مميز...احسن من العشرين بكتير
تمت
#عشق_الثلاثين
#سولييه_نصار
منشرتش اليومين اللي فات بسبب الأوضاع المحزنة لسوريا وتركيا ...بتمني تدعولهم من كل قلوبكم ربنا يصبرهم
تعليقات
إرسال تعليق