مجمع الروايات الكامله والحصريه فقط اضغط على اسم الروايه موجوده كامله في موسوعة القصص والروايات جميع الفصول مع البرنس محمد السبكي قصص وروايات كامله يسعدني تواجدكم معنا في المدونه

رواية إعادة تأهيل معقدة الفصل الحادي عشر 11بقلم زهرة عصام 

رواية إعادة تأهيل معقدة الفصل الحادي عشر 11بقلم زهرة عصام 

الفصل الحادي عشر 

إعادة تأهيل معقدة الفصل 

تاني يوم الصبح فتحية جهزت و أخدت السي في بتاعها و خرجت لولادها اللي اتصدموا منها و قالوا :- 

ينهار أبيض اية الحلاوة دي يا توحة

فتحية بخجل :- بس يا بنات بقي كسفتوني و بعدين دي أقل حاجة عندي أنا كنت دافنة نفسي في العباية و المطبخ لجل واحد ميستهلش

تمارة:- بس أي يا توحة الجمدان دا دا انتي كدا هترجعلنا مش بوظيفة بعرسان

فتحية ضحكت بشدة و قالت:- 

جتك اية يا تمارة يا بنت بطني ضحكتيني و أنا مليش نفس و بعدين عرسان اية بس دا أنا خطوة و القبر يا بنتي 

لينا :- بس يا ماما انتي مش عارفة حاجة أنا أخاف عليكي تخرجي بالجيبة و البلوزة دول لـ تتعاكسي عشان كدا هاجي معاكي

جوري :- اه و أنا كمان هاجي معاكي يلا بينا 

تمارة لسه هتتكلم فتحية قاطعتها و قالت:- 

كل واحدة على مدرستها يلا مش عاوزين دلع من أولها و بعدين دا لسه تقديم على الوظيفة يعني مش مضمونة أنا هجرب حظي بس 

جوري :- و هو حد يقدر يرفضك يا ابيض يا جميل انت دول يبقوا انتصوا في نظرهم بقي 

فتحية بضحك :- بس يا بكاشة انتي 

لينا :- بكش اية بس يا توحة جوري بتتكلم صح جدا و كمان مش مبالغ فيه 

فتحية بصت في الساعة و قالت:- أنا لازم امشي حالا يا بنوتاتي يا قمامير

وصلت لحد الباب و بصت عليهم و قالت و هي بتلوح ليهم بإديها:- 

هتوحشوني أوي يا بنات 

و رجعت حضنتهم و مشيت على القسم دخلت و قالت:- 

لو سمحت يا حضرت الشاويش عاوزة تقابل حضرت الظابط ضياء

رياض دخلها و ضياء استقبلها في مكتبة

فتحية قعدت و قالت:- 

لو سمحت يا حضرت الظابط أنا عاوزة اتنازل عن المحضر

ضياء:- بالسرعة دي ؟ 

فتحية اتنهدت و قالت:- مش عارفه بس حاسة إن دا انسب وقت

ضياء بضيق:- انتي حرة القرار يرجعلك انتي في الأول و الآخر

فتحية اتنازلت عن المحضر و خرجت في طريقها لـ شركة نوح و هي مش عارفة إن قدرها مستنيها هنالك 

❈-❈-❈

تمارة و أخواتها كل واحدة راحوا على مدرستهم و مش عارفين إن كل واحدة فيهم هتواجه مصيرها في حاجة مكتوبالها

أيمن نايم في المستشفى و فتح عينه بضعف و قال:- 

عاوز ماية 

الحارس سمع همسه و جري عليه و قال :- انت فوقت هنادي للدكتور حالا

و جري بسرعة يزف خبر صحيان أيمن بسعادة للدكتور

الحارس:- يا دكتور يا دكتور الراجل صحي يعني مش هنروح في الحديد يا دكتور

الدكتور :- في أي صوتك مسمع للشارع اللي ورانا لية ؟ 

الحارس:- الراجل فاق من رقضته يا دكتور يعني مش هيبقي في سين و جيم ولا هنروح في الحديد

الدكتور:- و حد كان قالك أنه ما.ت يا متخلف يلا نروح ابص عليه أخلص 

الحرس أخد جمب و قال:- 

اتفضل يا دكتور و كمل في سره بعد ما الدكتور مشي 

امشي مشيت عليك عقربة قارف أمي من امبارح انت و النطع اللي راقض ولا على باله حاجة كان مال أمي بالشغلانة اللي مش جاي لينا من وراها غير الكافية دي ؟ و مشي ورا الدكتور 

الدكتور فحص أيمن و قال:- 

لا عال أوي يا أستاذ إحنا كنا فين و بقينا فين أكلة حلوة بقي ترم بيها عظمك و كل حاجة هتبقي تمام باذن الله 

أيمن:- أنا اية اللي جرا ليا يا دكتور ؟!

الدكتور:- كان عندك هبوط حاد و غير كدا نزفت كتير بسبب العنـ ـف اللي اتعرضت ليه 

أيمن:- هخرج امتي من هنا و ارجع الزنزانة ؟ 

الدكتور:- كمان ساعتين كدا هعلق محلول مغزي تخلصه و ترجع و الحارس قاعد معاك اهو 

أيمن هز رأسه و قال:- 

تشكر يا دكتور و شرد بفكرة و قال:- 

كله منك انتي و بناتك يا فتحية بس أقسم بالله ما هسيبكوا في حالكم و إن كنت مقدتش عليكي يبقي هكسرك في بناتك و خصوصاً الكبيرة اللي مش هاممها حد و شكلها هطلع جامدة زيك و أنا مش هسكت على الكلام دا و لا علي اللي حصلي من تحت راسكم دا 

❈-❈-❈

رياض دخل الحجز و فتح الزنزانة فـ عطيات جريت علية و قالت:- 

تؤمر بأي حاجة يا نبض قلبي

رياض بابتسامة:- تسلملي عيونك يا قلبي من جوة بقولك قومتي بالواجب مع البهمتين اللي جبتهملك

عطيات:- اخص عليك يا رياض بقي انت مش عارفني و عارف اخلاقي دا أنا مخلياهم مرمين جوه زي الفسيخة من كتر اللي عملته فيهم 

رياض:- جدعة يا قلبي اومال أنا مش بحبك من فراغ والله ادخلي هاتيهم بقي عشان جيلهم إفراج

عطيات بحزن :- و أنا أمتي هيجيلي إفراج يا رياض أنا زهقت من الحبسة دي إيش حال محبوسة ظلم و أنت عارف

رياض:- قريب أوي يا نبض قلبي و هنتجوز و نجيب عيال تملي علينا الدنيا

عطيات:- بجد يا رياض أمنية حياتي إني اعيش معاك البقية من حياتي في الحلال

رياض و جتله فكرة فقال:- 

إنتي تؤمري و أنا أنفذ يا عطيات و دخل قال لـ زيزي و دولت يقوموا

زيزي:- أبوس ايدك يا شويش وربنا جسمي ما عاد فيه حته سليمه انا قولتلها بنت الجذمة دي بلاش الراجل دا لكن هي رأسها و الف سيف مفيش غيره و أدي اللي جالنا من وراه

دولت :- الله و أنا كنت عملتلك اية بس يا أما المرة دي مش كله من ورا تخطيط

زيزي:- اسكتي انتي أنا مش قادرة ليكي

رياض بصلهم بقرف و قال:- 

قوموا إفراج الست اللي ربنا يجزيها خير على اللي هي بتعمله اتنازلت عن المحضر يكش بس تكنوا نفسكم عنها بقي عشان انتوا لو اتعرضتوا ليها تاني أنا اللي هقف ليكم و ساعتها مش هتخرجوا أبدا

زيزي قامت جري هي و دولت زيزي قالت:- 

صحيح و النبي يا حضرت الشاويش جالنا إفراج و راحت مزرعطة في وسط الحجز و هي بتزق دولت على برة و يتقول:- 

يلا يا بت يلا بدل ما يرجع في كلامة

رياض:- استنوا

الاتنين وقفوا و بصوله بحذر و رياض قرب منهم و قال :- 

الأول هتمضوا على عدم تعرض و كمان هتروحوا تاخدوا المحروس من مستشفى السجن اتنقل هناك امبارح

دولت ضر.بت على صدرها بحركة شعبية و قالت:- 

يلهوي ايمون في المستشفى و محدش قالي يا ميلت بختك يا دولت يا اللي مش متهمية على حاجة يا دولت 

زيزي:- بطلي ندب يختي خلينا نجيب المحروس بتاعك و نتكل على الله منها هنا الله لا يرجعها أيام

دولت بصت ليها بغيظ و قالت:- 

اديني حطيت حذمة قديمة في بوقي و سكت اهو 

❈-❈-❈

نوال و صلاح منوش طول الليل و مبطلوش ضر.ب في فدية اللي كانت تكة كمان و هتمو.ت منهم 

نوال بصت لـ صلاح و قالت:- 

إحنا لازم نضمن سكوت البت اللي إسمها تمارة دي يا صلاح دي بت سموية و أنا عارفاها أقل حاجة هتحصل هتنشر الفيديو اللي معاها و فضحيتنا هتبقي على الملأ يا إبني

صلاح:- عوزاني أعمل اية بس يا أما مهو الغلط على بنتك اللي حطت رأسنا في الوحل

نوال :- تتجوزها

صلاح بصدمة:- اتجوز مين يا أما تمارة و دي هترضي بواحد زي و بعدين انتي ايش ضمتك إني لو اتجوزتها مش هتنشر الفيديو

نوال:- عشان رقبتها هتبقي تحد درسنا أما بقي هتتجوزها ازي فـ اتصرف يا صلاح و اعمل أي حاجة هددها بـ أخواتها ا.فضحها و قول ماشي معاها اعمل أي حاجة

صلاح بقي يفكر في كلام أمه و أقتنع بيه و قال في نفسه:- 

لازم أخد خطوة في الموضوع دي و دلوقتي مش هأجلها لازم لأن لو تمارة قررت تنشر الفيديو سمعتي و سمعت أمي هتكون في الطين مع بنت الصر'مة اللي جوه ولا على بالها حاجة دي عشان كدا أنا لازم اتجوز تمارة حتي لو بالإكراه

نوال:- وصلت لحد فين يا صلاح هتعمل اللي قولتلك عليه ؟ 

صلاح بتصميم:- هعمله يا أما هعمله عشان أضمن سكوت تمارة أما بنتك دي فـ لما اخلص من لم الفضيحة دي أنا اللي هخليها عبرة لمن يعتبر بالاذن بقي 

نوال:- رايح فين ؟ 

صلاح:- رايح أشوف ابن الكـ ـلب اللي بنتك غلطت معاه عشان أ.سيح دمه بالمرة

مستنهاش ترد عليه و خرج و لما هي استوعبت كلامه لطمت على وشها و قالت:- 

يلهوي إبني هيضيع نفسه عشان خاطر بنت الصر'مة دي ربنا يخدك يا شيخة 

صلاح مشي على الخرابة و قابل واحد هناك وقفه و قاله :- 

بعد اذنك يا ريس عاوز سيد كارتة القيه فين ؟! 

- رد عليه بسخرية و قال:- 

و هو حد ميعرفلوش طريق امشي شوية هتلاقيه قاعد على أول الناصية في الحته المقطوعة بيشد كولة سلام لحسن جتتي بتلبش من إسمها و من الكلام على اللي بيشربها و سابه و مشي جري 

صلاح مشي على الطريق اللي الراجل وصفه ليه لحد ما وصل عنده لقاه في الضياع خالص 

صلاح مسكة و ضر.به بوكس في وشة و قال:- 

و درني لـقتلك يا كلب 

سيد بدوخة :- انت مين يا عم انت تعرفني ؟ 

صلاح :- أعرفك إلا أعرفك دا انا هعمل منك بطاطس مهروسة

سيد بضحك :- أعمل مقلية مبحبش المهروسة

صلاح اتعصب منه و راح رازعة روسية وقعته على الأرض

سيد :- اااه في اي يا عم الله هو حد كان داس ليك على طرف ؟ 

صلاح:- انطق يلا مين اللي وزك على اختي ؟ 

سيد:- أنت اخو مين فيهم سلوي نادية عزة 

صلاح:- لا هما كام واحدة ؟ 

سيد :- كتيير متعدش

صلاح ضر.بة بوكس تاني و قال:- 

لا يا روح امك صحصح و ركز كدا معايا فدية عرفتها منين ؟! 

سيد ضحك جامد و قال :- 

فدية دي بت هبلة و مغرورة مش شايفة حد قدها و أنها أعلي من الكل شفتها قدام المدرسة و هي أول ما لمحتني جت لحد عندي لقمة طرية و جيالي بسهولة اسبها طب بزمتك انت يا ريس كنت هتسيبها ؟ 

صلاح ضربة جا.مد و خده معاه و حبسة في الورشة بتاعتة و قال:- 

فوق أنت بقي براحتك و أنا هشوف شغلي مع بنت الصر'مة الرخيصة دي بس الدور دلوقتي على تمارة .

سيد بقي يضحك و يقول بدوخة:- 

نسيت اقولك يا ريس إن فدية دي عليها حتت جسـ ـم اية كرباج لو حابب تجربة اجبهالك لحد عندك مفيش أسهل منها دي 

صلاح بصله و عطاه شلوط وقعه على الأرض و سابه و مشي و هو بيشتم فيه هو و أخته

❈-❈-❈

دولت دخلت جري على أيمن و هي يتقول:- 

مالك يخويا اية اللى جرالك هي عين و صابتك و أكيد عين اللي ما تتسمي فتحية و بناتها

أيمن:- بس يا دولي انتي اية اللى جابك هنا بس انتي مش كنتي محبوسة

دولت لوت بوزها و قالت:- 

الست هانم اتنازلت عن المحضر و قال اية مش هنمشي غير ما نمضي عدم تعرض ليهم 

أيمن:- اية اتنازلت عن المحضر امتي و إزاي

زيزي:- يخويا متخليك في نفسك و إحنا مالنا اخلص شد حيلك عاوزين نغور من هنا 

أيمن:- في اية إنتي كمان عاوزة تمشي غوري هو حد كان ضربك على إيدك و قالك اقعدي

زيزي:- انا زيزي يتقالي الكلام دا ؟ ماشي يا أيمن الكـ ـلب و بصت لـ دولت و قالت:- 

قومي يا بنت خلينا نغور من هنا خسارة القعدة معاه 

أيمن:- دولت مش هتتحرك من هنا و لو مشيت تبقي طالق و إن كان على الواد هشوف غيرها تجيبه يلا بالسلامة انتي بقي يا زيزي

زيزي:- انت بتعصي بنتي عليا يا أيمن يعني اية مش هتمشي معايا ؟ 

أيمن:- زي ما سمعتي كدا 

زيزي بصت لـ دولت و قالت:- 

و انتي مش هتنطقي بكلمة سيباه يكلم أمك كدا ؟ 

دولت:- أعمل اية بس يا أما أطلق و فتحية و بناتها يشمتوا فيا ؟ 

زيزي:- لا إزاي خليكي و سيبي أمك تتهان و تو.لع بجاز 

و سابتهم و مشيت

دولي:- استني بس يا أما هقولك 

زيزي:- بلا استني بلا بتنجان بقي 

دولت :- عجبك كدا 

أيمن:- اية مش عاجبك حصليها و أنا عند كلمتي و سرح يفكر هيعمل ايه في الأيام الجاية

زيزي خرجت الشاويش اخدها عند ضياء مضت عدم تعرض و مشيت على بيتها و هي بتتوعد لـ أيمن

❈-❈-❈

فتحية دخلت الشركة و انبهرت من جمالها و قالت:- 

ما شاء الله تبارك الرحمن ربنا يزيدها و يبارك فيها لـ صاحبها

نوح كان معدي من جمبها سمع الدعوة دي بصلها حفظ شكلها و ابتسم و مشي على مكتبه

دخل المكتب و ضحك على طيبه فتحية و تلقائيتها و قال:- 

يا ربي هو لسة في ناس طيبة كدا ؟ و بتدعي من قلبها لـ غيرها كدا حقيقي لسه في خير في الدنيا

نوح بقي يستقبل الناس و يعمل معاهم انتر فيو لحد ما دخلت فتحية و قدمت السي في بتاعها

نوح :- السي في بتاعك جميل ما شاء الله بس لية مشتغلتيش بعد التخرج علطول

فتحية:- سنت الحياة بقي يا أستاذ نوح خلصت و اتجوزت و ما شاء الله معايا تلت عرايس

نوح :- ما شاء الله ربنا يباركلك فيهم يا مدام فتحية

فتحية:- إن شاء الله تسلم يا أستاذ

نوح :- مبدائيا كدا حضرتك معانا باذن الله هستأذن حضرتك هتبدائي من النهارده عشان تتعودي بسرعة

فتحية:- عنيا حاضر يا أستاذ نوح أنت تؤمر

و خرجت و هي فرحانة أنها اتقبلت في الشغل و هتقدر تصرف على بناتها و تعيشهم كويس و لكن هل تسير الأمور كما رُتبت لها أم للقدر كلمة أخري...

نوح أول ما خرجت زفر براحة و كمل المقابلات عشان يختار واحدة كمان و كأن قلبه حاسس بـ اللي هيحصل ليها 

❈-❈-❈

نسرين كلمت صبري و قالت:- 

أيوة يا زفت انت فين إحنا مش متفقين هتنفذ النهاردة ؟ 

صبري :- لية الغلط دا بس يا ست الكل إنتي عليكي إن الشغل يخلص في معاده غير كدا بلاش غلط عشان منزعلش من بعض

نسرين زفرت بغيظ و قالت:- اصبري يا نسرين اصبري انتي دلوقتي محتاجاه لحد ما تخلصي من نوح و تشفي غلك و بعد كدا بـ أقرب جذمة و دوسي عليه 

نسرين:- طيب طيب مفهوم هتخلص امتي النهارده لازم أسمع خبره مسمع في السوشيال ميديا

صبري :- عنيا ليكي يا ست الكل كل حاجه هتخلص زي ما انتي عاوزه و زيادة كمان اقعدي قدام تلفزيونك معاكي رموتك و كوباية الشاي بالنوعناع و إسمعي و اتمزكي كمان 

نسرين:- أما أشوف يا صبري و لو حصل زي ما خططنا بالحرف ليك عندي مكافأة مالية كبيرة جدا اكتر من اللي اتفقنا عليه 

صبري:- لا يا ست الكل أنا مجرم عندي كرامة مش بيقبل أي حاجة غير حقه اه أنا عندي دم يا ست الكل

نسرين:- طيب يا صبري طيب أهم حاجة تخلص بسرعه أنت مش عارف أنا مستعجلة إزاي ؟ 

صبري:- يا ست الكل لما بتيجي تسوي فرخة مش بتهدي عليها عشان تاخد السوي المظبوط ؟ 

نسرين:- أيوة طبعاً

صبري :- يبقي تهدي بقي عشان تاخدي شغل نضيف

نسرين:- اديني ماشية وراك اهو يكش بس متغرقناش

صبري :- عيب عليك يا ست الكل أنا شغلي نضيف و عالي أوي يعني 

نسرين:- تمام يا صبري خلص و كلمني عشان ابعتلك باقي الفلوس

صبري:- عنيا يا ست نسرين يا ست الكل سلام سلام سلام

صبري قفل معاه و قال:- 

أما ولية لكاكة نازلة كلام لحد ما كلت دماغ أمي أركز أنا إزاي دلوقتي في المهمة دي بقي .. قوينا و وفقنا يا رب دا إحنا داخلين على حوار عالي أوي هينقلني نقلة كبيرة و هبقي أكبر سفاح فيكي يا منطقة

❈-❈-❈

صلاح واقف متربص لـ تمارة مستنيها عشان يقطع عليها الطريق

أول ما شافها جاية هي و ورد استخبي ورا الجدار و مشي وراهم بصمت 

ورد :- ها يا تمارة و اية تاني اللي حصل

تمارة:- بس يا ستي و توحة بقي راحت تقدم على شغل في الشركة دي و لما ترجع هنعرف اية اللى حصل يا هتتقبل يا هتقعد جنبنا نغني ظلموه 

ورد ضحكت على تعبيرات وش تمارة و قالت:- 

لا باذن الله تتقبل أهم حاجة خلي انتي بالك من نفسك و مذاكرتك يا تيمو أنا همشي بقي سلام 

تمارة :- سلام يا صديقي الصدوق و كل واحدة منهم مشيت في طريقهم 

صلاح فضل ماشي وراها لحد ما بقول في منطقة خالية من الناس و قال:- 

تمارة 

تمارة اديرت و أول ما شافته بصت لية و قالت بحاجب مرفوع:- خير يا صلاح يلزم خدمة 

صلاح:- الصراحة أيوة اقفي عاوزة اتكلم معاكي 

تمارة:- مفيش بيني و بينك كلام يا صلاح اتكل من هنا بدل ما اعملك مشكلة و جت تمشي صلاح قال ليها 

اقفي بدل ما أنا اللي اعملك مشكلة يا تمارة

تمارة بصتله بإستهزاء و قالت:- 

واحد في موقفك يا صلاح لازم يحط عينه في الأرض على الأقل قدامي مش يقف يهدد بعين بحجة كدا 

صلاح:- على قول العين البجحة بقي يا تمارة إسمعي كويس الكلمتين دول أنا هاجي أتقدم ليكي و انتي هتوافقي 

تمارة ضحكت جامد و قالت:- أوافق إني اتجوزك أنت يا أبو صلاح ليه يخويا مستغنية عن روحي أنا لما هفكر اتجوز هتجوز واحد أمه تراعي ربنا فيا مش مستنيه عشان تكسرني

صلاح :- مليش فيه الكلام دا اعملي حسابك على بليل هتيجي عندكم نزور الست الوالده و نشرب معاها شاي

تمارة :- بقي انت عاوز تتجوزني انا يا صلاح و إلا عاوز تضمن سكوتي على فضيحة أختك خدها من قصرها و أمشي عشان طلبك مرفوض

صلاح:- يعني اية مش موافقة

تمارة :- أنت شكلك بتحب الرغي الكتير و أنا مش فاضيه قولتك مش موافقة اية مبتسمعش

صلاح :- يبقي انتي كدا اختارتي العداوة يا تمارة و خافي على اخواتك

تمارة:- و أنا مش بتهدد يا صلاح و أعرف انت واقف تتكلم مع مين أنا تمارة أيمن يعني هتفكر تقرب لـ واحدة من أخواتي هقلب على الوش التاني و مش بس كدا فيديو أختك هيسمع في المنطقة كلها

صلاح:- طب فكري اعمليها كدا يا تمارة و أنا هشر.ب من دمك 

تمارة قريت منه خطوة و قالت:- سبق و قولت ليك إني مش بتهدد يا صلاح بس انت شكل فضيحة أختك لحست دماغك خالص و اه ابعت سلاماتي لـ أمك و قولها خططتك المرة دي يا نونا فشلت عشان تمارة مش موافقة على الجواز مني 

صلاح:- يبقي انتي اللي اختارتي يا تمارة و مترجعيش تلوميني على اللي هعمله

تمارة رفعت حاجب و قالت بثقة:- 

قولتهتلك من نص دقيقه و هقولها ليك تاني إياك ثم اياك تقرب لحد يخصني عشان هتواجه شر تمارة و ربنا ما يوريك شرها و ابقي أسأل تمارة عملت ايه في مرات أبوها سلام يا أبو صلاح

و سابته و مشيت و هي من جواها أخدت القرار خلاص إنه لو عمل أي حركة ندالة و اذي أي واحدة من أخواتها هتفضحة في الحارة كلها عشان يعرف إن الله حق 

صلاح بعد ما مشيت صمم اكتر و قال:- 

و الله يا تمارة لكون كاسرك و مخليكي خدامة عندي أنا و أمي و مش بس كدا دا هيبقي على قلبك زي العسل و أول خطوة هتبقي في أختك جوري و أنا عارف كويس مين اللي هي ساعدني في الموضوع دا

❈-❈-❈

أيمن و دولت دخلوا شقتهم و قعدوا و أيمن فضل يفكر هيعمل اية معاهم 

أيمن في نفسه:- لازم أعمل حاجة اكسرهم بيها عشان بعد كدا الموضوع دا ميتكررش تاني 

دولت :- يرضيك اللي بناتك عملوه فيا دا يا أيمن ؟. 

انت لازم تنتقم من فتحية و بناتها على المرمطة دي 

أيمن:- من غير ما تقولي أنا هعمل كدا انا بفكر ليهم في عقاب يفتكروه العمر كله

دولت:- الله عليك يا ايمون أنا بقي عندي العقاب المناسب اللي هيكسر تمارة و أمها و هيخلي أخواتها يخافوا

أيمن بصلها بإهتمام و قال:- 

قولي يا دولت سامعك 

دولت :- اية رأيك لو تعمل *** في تمارة 

أيمن بتوتر :- لا طبعاً دي بنتي مهما كان و هتبقي في وشي 

دولت :- بس مش محترمه و دي اللي هيجبها الأرض

أيمن :- أقوم أخلي حد يعتدي عليها إنتي هبله يا دولت ؟ 

دولت :- و اية يعني يخويا ما إحنا هنجوزها لية في الآخر و نلم الموضوع بس تكون عنيها هي و أمها جت الأرض

أيمن:- لا أنا مش مقطنع بالكلام دا 

دولت :- سبلي بس انت نفسك و أنا هقنعك يا ايمون يا حبيب قلبي

❈-❈-❈

صلاح راح عند حته معينة و استني فيها لحد ما لمح سلمي و نادي عليها 

صلاح:- سلمي يا سلمي 

سلمي راحت عليه و قالت:- 

صلاح في حاجة وإلا اية

صلاح:- مصلحة يا سلمي و أنا و انتي مستفدين منها أنا عاوز اكسر تمارة و انتي تزلي جوري ها اية رأيك

سلمي بصتله و قالت بخبث :- طلما هاخد حقي من جوري يبقي اشطا معاك قولي هعمل اية 

صلاح:- بصي يا ستي انتي هتعملي ***** 

سلمي ضحكت و قالت:- 

دا انت دماغك سم و شكلك كدا عاوز تقضي عليهم 

صلاح:- مش مهم دلوقتي المهم عرفتي اللي هتعملية يا سلمي 

سلمي :- عيب عليك يا صلاح دا جوري دي حبيبتي حبيبتي و أنا بحبها قوي و عشان كدا هساعدك في اللي انت عاوزة و من غير مقابل 

صلاح بضحك :- واضح جداً إنك بتحبيها أوي يا سلمي 

سلمي:- من أعماق قلبي أتحدث

صلاح:- يبقي خلاص طيري إنتي و أنا وراكي علطول بس متنسيش في حته فيها ناس 

سلمي:- علم و ينفذ يا صلوحة

تمارة قلقت على أخواتها من كلام صلاح و خافت يأذي حد منهم و هي مش موجوده فرجعت تاني تقابلهم قابلت لينا في طريقها فـ اخدتها معاها

سلمي لمحت جوري ماشية مع ساندي في وسط ناس فـ مشيت بسرعة و وقفت قدامهم و قالت:- 

يا أهلا باللي دايرة على حل شعرها هي و أخواتها و محدش قادر يلمهم

جوري :- انتي بتكلميني أنا يا سلمي يظهر إنك غلطانة

سلمي بصوت عالي:- لا طبعاً بكلمك إنتي يعني انتي مش عارفين ماشية مع مين و أختك تمارة ماشية مع صلاح ابن الست نوال

جوري لسة هتتكلم صلاح ادخل و قال:- 

بس يا سلمي استري عليهم دول ولايا برضوا و أنا مستعد أصلح غلطتي و اتجوز تمارة 

تمارة جت من وراه و قالت:- 

خطة خسيسة زي صاحبها بالظبط و لكني قولتلك قبل كدا مش أنا يا صلاح اللي يتلعب معايا حصل 

صلاح بصلها بصدمة هو كان فاكر أنه هيستخدم أختها و هيعمل فضيحه عشان أهل المنطقة تجتمع على جوازهم و بكدا يضمن سكوتها و يكسرها لكنه مكنش متوقع أنها ترجع بالسرعة دي 

سلمي بصت لـ صلاح بغيظ عشان كان مفهما إن تمارة مش هتيجي

جوري جت تمسك ايد ساندي عشان تتقاوي بيها لكن ساندي خزلتها و قالت:- 

ميشرفنيش اصاحب واحدة هي و أخواتها ماشين على حل شعرهم 

جوري بصتلها بصدمة. و لينا جريت عليها اخدتها في حضنها

كل الحارة واقفة تتفرج و أم أشرف هي و أم عبده نزلوا جري يقفوا جمب تمارة 

تمارة بصت لـ ساندي و قالت:- 

و أخي ميشرفهاش تصاحب صحاب نادلة مش واثقة فيها و بصت لـ صلاح و قالت:- 

كنت بتقول اية بقي أنا ماشية معاك ؟ 

أم أشرف:- قطع لسان اللي يقولك عليكي و لا على ولاد فتحية كلمة واحدة انتوا أشرف من الشرف

صلاح ببجاحة :- أيوة ماشية معايا يا تمارة و أنا أهو بقولك قدام الحارة كلها اتحوزك متخافيش و قولي موافقة

أم عبده:- تتجوزك انت يا ابن نوال لية بايعينها اوعي تكون فاكر ملهاش حد لا اصحي دي بنتي واللي يجي عليها أكله بـ سناني

جوري جريت على تمارة استخبت وراها و هي بتهمس ليها :- 

تمارة أنا خائفة أنا والله ما عملت حاجه

تمارة باست على رأسها و همسات ليها :- 

طول ما أنا في ظهرك متخافيش يا جوري و بصت لـ صلاح في عينه و قالت:- 

أنا حذرتك و أنت مسمحتش الكلام و انت نفذت تهديدك جه الدور عليا 

صلاح بخوف:- يعني اية 

تمارة:- يعني هابي فضيحة يا أبو صلاح انت و الاخت سلمي 

سلمي أول ما سمعت كدا وشها أصفر و تمارة قالت بصوت عالي :-

اسمعوا يا أهل الحارة الأستاذ صلاح جه عاوز يتجوزني عشان أستر على أخته و مفضحهاش مع إني كنت هعمل كدا من غير حاجة لكنه هددني أنه هيتبلي عليا أنا و أخواتي و أنا قولتها ليه في وقتها فضيحة أختك هتبقي في المنطقة كلها

أما بقي الأخت سلمي اللي بتقول علي اختي ماشية على حل شعرها

بصت لـ سلمي في عنيها و قالت:- لية يا سلمي شيفاها زي الست الوالدة اللي اتقفشت بتخون أبوكي على سريرة قولي انتي ماشية على مسيريتها وإلا اية نظامك

سلمي وشها أصفر بطريقة صعبة و مبقتش عارفه تاخد نفسها من كتر الإحراج و قالت :- 

اية اللى انتي بتقولية دا أكيد مش صح طبعاً

تمارة بضحكة خبيثة:- لا صح و الكل عارف إنه صح يا سوسو  مكتفتش بكدا طلعت تليفونها و هي يتقول لـ صلاح:- 

اتفرج مع الجمهور على أختك يا أبو صلاح

صلاح بهمس:- لا يا تمارة متعمليش كدا 

تمارة :- مهو لو كنت احترمت نفسك مكنش كل دا حصل يلا يا بشا جيم اوفر

أم أشرف بضحك :- كيادة يا بت و يتاخدي حقك وقتي 

❈-❈-❈

فتحية خارجة من الشركة هي و نوح و صبري واقف متربص ليهم لحد ما لمح نوح و ضر.ب نار عليه 

يتبع ....

الفصل الثاني عشر 

فتحية خارجة من الشركة هي و نوح و صبري واقف متربص ليهم لحد ما لمح نوح 

نوح :- بجد هايل مكنتش متوقع إن حضرتك بالذكاء دادا أنا يشرفني طبعاً شغلك معايا مش هستغني عنك 

فتحية بخجل:- شكراً لـ حضرتك جداً يا أستاذ نوح دا من زوق حضرتك طبعاً بجد إنسان خلوق جدا

نوح :- تسلمي يا مدام فتحية دا من زوقك برضوا

صبري رفع مسدسه و نشل على نوح ببراعة و فتحية واقفة قصادة

عمر المسدس و بدأ يستعد للضر.ب بص على نوح كويس و غمض عين و فتح التانية و ضرب الرصاصة

نوح فجأة مفاتيح عربية وقعت فـ وطي جابها و الرصاصة رشقت في الايزاز وراه نزلته حتت على الأرض

فتحية صرخت و وقعت على الأرض من الخضة و نوح وقف يبص و مخضوض و الحرس حاوطتهم من كل مكان 

نوح جري على فتحية على عيطت و قال :- 

انتي كويسة يا مدام فيكي حاجه نطلع على المستشفى ؟ 

فتحية هزت رأسها بالنفي و قالت:- 

أنا كويسة أنت كويس يا ابني ؟ 

نوح بصلها و قال في نفسه:- ياااه بقالي كتير مسمعتش كلمة يا ابني دي 

خرج عن صمته و قال:- 

أنا كويس تعالي معايا اوصلك

فتحية هزت رأسها بايجاب و مشيت معاه

صبري شافهم الاتنين ماشين و قال:- نفدت مني المرة دي لكن المرة الجاية هتكون برو.حك يا نوح دا انا مراهن عليك هو اية الحزن دا

نوح أخد فتحية و مشي و سرح في كلمة ابني منها و قال:- 

ياااه دايما تلاقي الناس الحنونه هما اللي ميقريوش ليك حاجة لكن اللي منك دايما طعنينك في ظهرك و بص ل- فتحية و قال :-

انا عارف ان الموقف كان صعب عليكي بس متقلقيش مش هيتكرر تاني 

فتحية:- حصل  خير أكيد حد مش قاصد لانه لو قاصد كان ضر.ب رصاص أكتر من كدا 

نوح بص قدامة و إبتسم إبتسامة ترعب أي حد بس و قال:- 

و دا اللي انا هشتغل عليه هعرف مين اللي عمل كدا و هجيبه لو في بطن أمه 

فتحية بصت قدامها و قالت :- 

أسترها يا رب أنا مش متفائلة 

❈-❈-❈

صلاح :- عملتيها يا تمارة عملتيها و ارتاحتي ؟ 

تمارة:- شوف كمية السلام النفسي اللي جوايا رهيبة مش هتعرفها انت يا ابو صلاح كنت متوقع إني بهدد بس صح تؤ خالص كُنت اسأل أختك و هي تقولك لك إن تمارة مش بوق و بتنفذ اللي هي بتقوله

صلاح:- هتندمي علي اللي عملتيه دا يا تمارة و الله العظيم لـ أحزن أمك عليكِ و ما هخليكي نافعة لحاجة تاني 

تمارة:- انت مش كنت عاوز تتبلي علينا جاي تعيط ليه زي النسوان دلوقي بس يا ابو صلاح انا قولتها ليك قبل كدا تمارة مش بتتهدد شوف الجدار الجميل اللي مكتوب عليه ممنوع إلقاء القمامة دا اخبط راسك فيه و أعلي ما افخلك اركبه 

صلاح :- هتشوفي يا تمارة و خافي علي نفسك و علي اخواتك دا انتوا من غير راجل يا بت يعني سهلة اوي 

أم أشرف لسة هتتكلم لكن الحارة كلها سمعت صوت بيقول :- 

ابقي قرب من واحدة فيهم و شوف اية هيجرالك 

كلهم بصوا عليه ماعدا تمارة اللي واقفة حاطة عنيها في عين صلاح و قربت منه خطوه و ر.زعته كف علي وشة و قالت:- 

إحنا صحيح بنات لوحدنا من غير راجل بس شبشبنا برقبه أرجل واحد في عليتكم اوعي ياض تكون مفكرنا بنات يلا لا احنا رجالة اوي و حط ميت خط تحت الكلمة دي الدور و الباقي بقي علي الرجالة بشنبات و مش عارفين يمشوا كلامهم على حريمهم ولا حتي عارفين يرابوا عيالهم 

يا ابو صلاح إسمع مني نصيحة من اختك خد بعضك و امشي من قدامي عشان مش هتلاقي غير كل خير و زيد في قلة ادبك هحط منك و من كرامة اهلك و هخلي كرامتك دي شوية تراب في الأرض و متنساش وانت ماشي تاخد البتاعة دي معاك و شاورت علي سلمي

صلاح:- نسوان لوحدهم و رجالة مهو اكيد ماشين على حل شعرهم ولا حد عارف يلمهم دا كفاية إن مرات أبوكي رقا.صة دي لوحدها كفيلة أنها تعيشكم العمر كله في عار 

جوري أخيراً اتكلمت و قالت:- 

اديك قولت مرات أبونا يعني منعرفهاس الدور و الباقي بقي على اللي من دمنا و مش عارفين نلمها

صلاح بخبث :- شوف مين بيتكلم اللي مدورها مع طوب الأرض يعني مش ماشية على حل شعرك بس لا و كمان مع كل واحد شوية اشهدي يا حارة أهي البت دي حاولت معايا و جت تكلمني و أنا اللي رفضت 

أم أشرف هنا أدخلت و قالت:-

اخرس قطع لسانك على لسان أي حد يتكلم علها كلمة مش صحيح مهي عشان قلة ادبك و بلاك على خلق الله ربنا فضح أختك بعد ما كان سترها على اللي عملتة 

الشيخ حمزة كان معدي صدفه و سمع كلام صلاح فقال بصوت عالي:- 

استغفر الله العظيم استغفر الله العظيم بسم الله الرحمن الرحيم " إِنَّ الَّذِينَ يَرْمُونَ الْمُحْصَنَاتِ الْغَافِلاتِ الْمُؤْمِنَاتِ لُعِنُوا فِي الدُّنْيَا وَالآخِرَةِ وَلَهُمْ عَذَابٌ عَظِيمٌ ۝ يَوْمَ تَشْهَدُ عَلَيْهِمْ أَلْسِنَتُهُمْ وأَيْدِيهِمْ وَأَرْجُلُهُمْ بِمَا كَانُوا يَعْمَلُونَ ۝ يَوْمَئِذٍ يُوَفِّيهِمُ اللَّهُ دِينَهُمُ الْحَقَّ وَيَعْلَمُونَ أَنَّ اللَّهَ هُوَ الْحَقُّ الْمُبِينُ " 

حرام اللي انت بتعمله دا يا صلاح يا ابني استغر الله عليه يغفر لك انت لو تعرف عقاب اللي انت بتقوله اكيد مش هتعمل كدا توب و استغفر يا ابني توب و استغفر

صلاح بصوت عالي:- 

انت جاي تعمل عليا أنا شيخ طب ما تشوف الموضوع من الأول يا شيخ علي ما تفرج دي فضحت أختي يا شيخ و نزلت ليها فيديو على النت 

نوال كانت سمعت عن الخناقة اللي شغالة و جت على كلمت صلاح ضر.بت على صد.رها بحركة شعبية و قالت:- 

يلهوي ؟! اتفضحنا و سريتنا بقت على كل لسان منك لله يا تمارة يا بنت فتحية 

- و انتي بتدعي عليها ليه يختي ما تلمي عيالك عنها البنت مبتأذيش حد و لا بتهش و لا بتنش لكن اللي يجي عليها أو على حد من أخواتها بتاكله بـ سنانها لموا نفسكم الأول عنها و هي مكنونة مطلعتش و لا عملت حاجه غير لما المحروس إبنك جه يتبلي عليها هي و أخواتها كلنا عارفين فتحية و تربيتها لـ بناتها و أنها متخرجش منها العيبة ابدا

نوال :- انتي قصدك اية يا ست إنتي 

- قصدي لمي عيالك عنهم يا نوال دول واصلين أوي و ظابط المباحث نفسه واقف ليهم يعني انتوا اللي هتروحوا ورا الشمس

تمارة بصت لـ صلاح و قالت بزعيق:- 

عملت كدا ليه يا صلاح مش عشان حتي تتبلي على اختي وإلا قولت أنا حاجة محصلتش طب اسمعي بقي يا حارة صلاح إبن الحاجة نوال ماشي مع سلمي و مدورها في الشقق المفرو.شة

سلمي حطت ايديها على بوقها و عيطت و قالت:- أقسم بالله ما حصل دا هو اللي متفق معايا نقول كدا على جوري عشان ننتقم منك 

أم أشرف بفرحة:- باااس ظهر الحق 

الشيخ حمزة ضر.ب كف على التاني و قال:- 

لله الأمر من قبل و من بعد انتي يا تمارة تعملي كدا تفضي بنت زيك ؟ مهما كان عملت اية مكنش ينفع تعملي كدا يا بنتي من ستر مسلماً في الدنيا ستره الله يوم القيامة

تمارة:- انت مش فاهم حاجة يا شيخ حمزه يعني من الحلال إن البشا يتبلي على أخواتي عشان يجبرني اتجوزه عشان يستر على أخته و متتفضحش ما كنت ساكتة و لساني جوه بقي و قولت طلما كل واحد في حالة يبقي كدا خلاص لكن إزاي لازم يعمل بطل عشان ينقذ اخته 

تمارة بصت لـ سلمي و قالت:- 

مالك يا سلمي زعلتي كدا ليه عشان معملتش كدا شوفتي بقي أنها بتزعل

و بصت لـ صلاح بابتسامة و قالت:-

شوف يا بشا باعتك في ثانية و لوت بوزها و قالت:- 

لو مش قد اللعب متلعبوش قولتلك انت مش قدي لأني أعرف عن الحارة دي كلها اللي محدش يعرفه أنا الأخبار بتجيلي أول بأول دا انا مصاحبة طوب الأرض يا أبا

صلاح:- أيوة اتبليت عليكم و هفضل اعمل كدا يا بنت فتحية لحد ما رقبتك تبقي تحت ايدي و ساعتها محدش هينجدك مني 

نوال :- و انت لسة هتستني لما رقبتها تيجي تحت إيدك تعالي يا بنت الصر'مة انا تفضحي بنتي 

نوال راحة تهجم على تمارة اللي مستعدة ليها تماماً لكن لقت اللي وقف قدامها و قال:- 

فكري بس تقربي منها و هتلاقي نفسك بايتة انتي و عيلتك كلها في الحجز 

أم عبده:- ينهار منيل إنتي عاوزة تضر.بي البت و إحنا واقفين كمان لا دا القوالب نامت بقي

أم أشرف:- والله عندك حق يا أم أشرف اللي اختشوا ماتوا بصحيح شوفي الولية جاية تبجح و تضر.ب بنتنا فكرانا هنسمح ليها 

❈-❈-❈

أيمن و دولي نايمين فجأة لقوا الباب بيخبط جامد

أيمن قام مخضوض و وشة باين عليه الإرهاق و التعب فتح الباب لقي صبحي قدامة 

أيمن:- خير يا صبحي عبد على المسا في حد يخيط على حد كدا 

دولي جت من وراه و هي بتمشي بدلع و بتقول:- 

مين يا حبيبي انت سبتني و قومت ليه ؟ 

صبحي بخجل :- يظهر إني جيت في وقت مش مناسب لكن بناتك تحت و الحارة كلها ملمومة و في خنا.قة لـ رب السما تحت 

أيمن:- يعني ايه ؟! 

صبحي:- أنت لسه هتسال يا أستاذ أيمن بسرعة أنزل الحق البنات ألا الست نوال مستحلفه ليهم أوي يعني

أيمن دخل و ساب الباب موارب و ماشي يطوح و بيقول:- 

أدي اللي بيجلنا من ورا فتحية و بناتها مكنتش وئدتهم من لما إتولدوا و خلصنا أبو أم دا قر.ف على المسا

دولت دخلت وراه و قالت:- 

انت هتنزلهم يا أيمن ؟! انت ناسي إن هما اللي رمونا في الحبس ؟ دا بندل ما تطلع عليهم القديم و الجديد نازل تدافع عنهم لا بقي مش هسيبك تنزل 

أيمن سحب ايده منها و قال:- 

مسمعش نفسك و أشوفك تحت بس و شوفي اية اللى هيجرالك ؟ 

دولت بسخرية:- اية هتمد إيدك عليا أنا كمان وإلا اية ؟ 

أيمن:- و اكسر عظمك كمان مش بس أمد ايدي و غير كدا هتروحي عند أمك و مفيهاش راجعة أنا معنتش باقي على حاجه أصلا

و زقها على جمب و قال:- 

اوعي بقي من وشي عشان أنا معنتش شايف حد قدامي 

و سابها تاكل في نفسها و نزل مع صبحي

دولت :- ماشي يا أيمن انت و فتحية شكل الدم بدء يحن تاني و أنا مش هخلي دا يحصل مش هخرج من المود بلا حمص و تتحسب عليا جوازة 

أيمن و هعرف أرجعه ليا و اخليه زي الخاتم في صباعي أم انتي بقي يا فتحية فـ أنا مخططة ليكي من بدري أوي و عارفة هعمل اية كنت مخلياه آخر حل لكن انتي مخلتيش حاجة و معملتهاش انتي و بناتك عشان كدا هبدا أنفذ.....

❈-❈-❈

نسرين كانت قاعدة قدام التليفون و مستنية خبر نوح في أي وقت لحد ما لقت على شريط الأخبار من تحت 

عاجل

" محاولة لـ إغتيال رجل الأعمال المشهور نوح التوبي و لكنها كانت محاولة فاشلة ندعو الله أن يكون سالما دائماً " 

نسرين مسكت ريموت التلفزيون و رمته على الأرض و مسكت الموبايل اتصلت بـ صبري

صبري :- الو يا ست الكل أكيد الأخبار وصلتلك مش كدا ؟ 

نسرين:- أيوة يا أخرت صبري كل حاجه حاجة وصلت هو دا اللي أنا بنشل من أول مره 

دا اللي متقلقيش و حطي في بطنك بطيخة صيفي ؟ فين بقي النتيجة يا فخر القتا.لين 

صبري:- لا بقولك ايه انا مسمحاكيش أيوة مسمحلكيش دي أول مره تحصل يا ست الكل إنتي متعرفيش صبري طلقة وإلا اية 

نسرين بغضب :- لا معرفش و اديني اهو شفت بعيني محدش قالي

بقي أنا قاعدة مستنية تقولي كل تمام و روحه دلوقتي بتسبح في السما و بنيت أحلام و طموحات تيجي انت بكلمة العملية فشلت تخيبلي كل دا ؟ 

صبري:- مهو هو اللي محظوظ الصراحة دا الطلقة خلاص كانت هترشق في دماغة بس ربنا كتبله عمر جديد اية هنعترض ؟ 

نسرين:- أنت مش نافع لـ حاجة أنا عاوزة فلوسي اللي دفعتها انت فأهم قدامك يومين يا أسمع خبر نوح يا تجيب الفلوس اللي دفعتها

صبري:- ماشي يا ست الكل يومين بالكتير أوي و هتسمعي خبره مسمع في البلد كلها و مش كل مره هينفد منها

نسرين قفلت الخط في وشه و صبري بص للتليفون و قال:- 

نهار منيل قفلت الخط في وشي دي عُمرها ما حصلت تيجي بنت سلطح ملطح دي تعملها حسابي معاكي بعدين يا نسرين لكن دلوقتي لازم أخطط عشان أقضي على نوح و استرد سمعتي من جديد

❈-❈-❈

ورد لما سمعت إن تمارة بتتخانق مع صلاح جريت عليهم و وقفت جمب تمارة تدعمها

نوال بصت اللي واقف يدافع عن تمارة و قالت:- 

و أنت مين بقي واحد من اللي ماشية معاهم ؟ 

رد عليها و قال ليها :- 

لا واحد من اللي بنتك ماشية معاهم و اللي هيعلم إبنك الأدب بص لـ فتحية و قال:- 

خدي بناتك و على بيتكم يا مدام فتحية و إحنا هنقوم بالواجب

و بص لـ كمان و قال:- 

كامل 

كمال جه وقف جمب نوح و قال:- 

تؤمر بأيه يا كنج

نوح :- فض الليله دي و شاور بعينه على صلاح و قال:- تمم يا بشا

نوح كان واقف مدي ظهره لـ تمارة و مشافتش وشه بصت لـ صلاح و قالت:- 

شوف يا أخي مع إنك خسيـ ـس و متستاهلش أنت و أمك الحرباية دي بس أبقي شوف الفيديو اللي نزل عشان تعرف إنك غبي و فضحت أختك بنفسك و ابقي اسمع كلام أمك تاني يا أبو صلاح

قالت كلامها و مشيت و مخدتش بالها باللي بيبص عليها و بيحاول يشوف وشها لكنه ملحقش

ورد جريت وراها و قالت:- 

استني يا تمارة راحة فين أنا جاية معاكي

أيمن نزل لقي تمارة مشيت و فتحية واخدة جوري و لينا و ماشية بيهم 

جري وراها و قال :- 

شغالين فتوات معتش في غيركم في الحارة وإلا اية كل يوم و التاني خناقة قولوا لو عاوزين رباية نربيكم من أول و جديد

كمال حط ايده على كتف أيمن و قال:- 

مين الشيخ ؟ 

أيمن اترعش من جواه و قال:- 

أبو العيال اللي كانوا بيتخانقوا و جوز فتحية

فتحية و هي ماشية:- 

متصدقهوش يا كمال دا انا هرفع عليه قضية خُلع يخويا

كمال :- اتكلي انتي على الله يا ست فتحية و أنا هشوف الاشباح دول عاوزين اية ؟ 

صلاح:- و أنت مين بقي يا عم الجامد يا اللي عمال تتامر و تقول فض الليله كان حد طلب إنك تدخل

نوح ابتسم و قال:- 

أعرفك بنفسي نوح التوبي

و ضر.به بوكس في وشة و هو بيقول:-

أنا الكنج إحفظ إسم الكنج كويس عشان هتسمعه كتير من هنا و رايح

و على صوته و هو بيقول:- 

كمال تمم الموضوع و كل حشرة تتربي عشان ميبقاش الكنج واقف و هما ماسكين في بعض و بيقلوا اديهم

نوال :- أنت هتعمل ايه في ابني يا جدع أنت أنت مالك أصلا بتدخل لية في حاجة متخصكاش

نوح رفع حاجبة و قال:- 

الموضوع اللي الكنج يتكلم فيه كله يبقي يخصه مفهوم

و حط ايده على رأسه و قال:- 

سلام يا حُصالة المجتمع

كمال أخد صلاح و أيمن و هو بيقول:- 

هتمشوا معايا بالزوق وإلا نستخدم العـ ـنف و نبعت نجيب حرس الكنج

أيمن:- و على اية كل دا هو أنا قولت حاجة وإلا عملت حاجة أنا يا بشا واحد نايم في أمان الله لقيت حد بيخبط عليا و يقول مراتك بتتخانق قولت أنزل أشوف فيه اية لو انت مكاني مش كُنت هتنزل ؟ 

كمال  بابتسامه باردة:- 

لا مكنتش هنزل و يلا عشان أنا خُلفي ضيق و أنت بتضيقه اكتر 

و مسك صلاح و نوح كل واحد بإيد من هدومة من ورا و قال:- 

يلا يا حبايب هارتي دا انتوا هتتبسطوا في مصنع الكنج أوي

كمال اخدهم و مشي و نوال رقعت بالصوت في الشارع عشان حد يلحقهم لكن محدش اتدخل و واحد من اللي واقفين قال:- 

أحسن خليه يتربي شوية مش كل يوم هيتبلي على بنات الناس

❈-❈-❈

تمارة ماشية متعصبة من اللي حصل و ورد جريت وراها حضنتها من ظهرها و هي بتقول:-

عدت و كل حاجة هتعدي يا تيمو و مفيش حد صدق كلمة من اللي اتقالت انتي قوية محدش يقدر على تمارة

تمارة بصت ليها و دموعها نزلت و قالت:- 

لا أنا مش قوية يا ورد أنا أضعف من ما تتخيلي أنا بستقوي بـ أخواتي مبحبش حد يدوس ليهم على طرف انسفه وقتها

اتهدت بشهقة و قالت:- 

تعبت أكون قوية نفس حد يشوفني من جوه أنا سني ميستحملش كل الضغوطات دي لكن أنا استحملت و مشيت و كملت ليه بقي عاوزين يكسرونا ليه يا ورد ؟ 

ورد :- بسم الله الرحمن الرحيم

" لا يكلف الله نفسا إلا وسعها لها ما كسبت و عليها ما اكتسبت" 

ربنا عارف إنك هتقدري على كل دا و عارف إنك قوية و جامدة يا تيمو عشان كدا بيختبرك و أكيد شايل ليكي حاجة حلوة أوي

تمارة بصت ليها و حضنتها و قالت:- 

بإذن الله يا ورد و أنا صابرة لحد ما ربنا يجبر بخاطري و يعوضني خير شكراً يا ورد لانك دايما معايا

ورد خبطتها على كتفها و قالت:- 

بس يا عبيطة انتي أختي وإلا انتي مش بتعتبريني أختك

تمارة:- أنا يا ورد دا كل الناس تقولي انتوا تلت بنات اقولهم لا أربعة

❈-❈-❈

فتحية أخدت البنات و روحت البيت و جوري عمالة تعيط و تقول:- 

و إحنا هنخلص امتي من كل دا أنا تعبت أوي يا ماما 

توحة :- بس يا حبيبتي بس أهدي والله لنخرج من الحارة كلها أنا هكلم الاستاذ نوح يشوف لينا شقة بره و هنقعد فيها مش هسيبكم في المكان دا تاني 

لينا :- يا ريت بجد يا ماما عشان أنا تعبت مشاكل و تمارة اكتر واحدة تعبت تخيلي إن صلاح كان بيهددها بينا و هي يا عيني خدت كل حاجة لوحدها و وقفت للكل عشان خاطر جوري 

فتحية بصت لـ لينا و قالت ليها :- 

و امتي حصل الكلام دا 

لينا :- و إحنا راجعين من المدرسة و لو تمارة مرجعتش تقابلنا معرفش صلاح كان عمل اية في جوري 

جوري فضلت تعيط و تقول:- 

قال عليا كلام وحش أوي يا ماما مش قادره استحمل حقيقي

فتحية :- طب بس يا قلب امك اسكتي والله لنخرج من المنطقة دي الفلوس اللي أم أشرف جابتها لسة موجودة هخلي نوح يشوف لينا مكان صدقوني

تمارة فتحت الباب و دخلت من غير ما تقول كلمة واحدة رمت نفسها في حُضن أمها و قالت:- 

مش قادرة استحمل يا ماما كُل الناس شيفاني قوية لكن أنا أضعف من الورقة أنا مش عارفة هما بيعملوا فينا كدا لية عملنا ليهم اية 

فتحية طبطبت عليها و هي بتقول:- 

عيطي يا تيمو عيطي لحد ما تستريحي بس اوعي يا تمارة تبيني لحد ضعفك دا انا مأمنه على أخواتك معاكي يا تيمو 

عيطي كل ما تحسي إنك عاوزة تعيطي لكن دموعك دي متبانش قدام حد أدخلي اوضتك عيطي فيها و خرجي كُل اللي جواكي لو أنا مش موجوده  غير كدا محدش يشوف دموعك 

مش ضعيفة يا تمارة لكن عشان ميفكروش إنك ضعيفة و ساعتها كسرك هيكون سهل ليهم فهمتي يا تيمو

تمارة هزت رأسها بايجاب و قالت:- 

فهمت يا ماما فهمت 

فتحية:- أما بقي نوال و ابنها فـ أنا هعرف أخد حقنا منهم كويس أوي و كفاية اللي نوح هيعمله في صلاح يلا حلال عيله 

تمارة بإنتباه:- مين نوح دا ؟ و كمان إزاي جم هنا 

فتحية :- بصي يا ستي نوح دا مديري في الشغل شاب زي العسل أما بقي جه هنا إزاي دا موال كبير الخلاصه أنه لما وصلني و أنا شوفت الخناقة و شفتكم واقفين جريت و أنا بقول:- ولادي 

فهو من كرم أخلاقه نزل ورايا و طبعا كمال دراعة اليمين 

❈-❈-❈

بتكلم في التليفون و قالت:- 

أنا عاوزاك تنفذ بكره أو بعده بالكتير أوي مش مش عاوزة يبقي ليها وجود على خريطة مصر سامعني 

و أي غلطة شوف غلطة واحدة بس هتكون برقبتك انت سامعني و قفلت الخط و قالت:- 

كله في وقته حلو و انتي وقتك جه تيك توك تيك توك 

يتبع

تكملة الروايه اضغط هناااااااا