مجمع الروايات الكامله والحصريه فقط اضغط على اسم الروايه موجوده كامله في موسوعة القصص والروايات جميع الفصول مع البرنس محمد السبكي قصص وروايات كامله يسعدني تواجدكم معنا في المدونه

رواية إعادة تأهيل معقدة الفصل الثامن عشر 18بقلم زهرة عصام 

رواية إعادة تأهيل معقدة الفصل الثامن عشر 18بقلم زهرة عصام 

الفصل الثامن عشر

إعادة تأهيل معقدة 

نوح :- قولتلك نوح التوبي مبيهددتش بينفذ علطول ، و أديني أهو حققتلك كلامك مش أنا مُتحر ش و بو ستك بو سة مشبك 

تمارة بصتله بعنف و رفعت ايديها عشان تضر به نوح مسك إديها و قال:- 

إن كانت أول مرة تبقي آخر مرة ، مش نوح التوبي اللي عيلة زيك تمد إديها عليه 

تمارة :- و هو من المر جة إنك تعمل كدا هي دي الأمانة يا نوح يا توبي

نوح ساب إديها و بص قدامه و قال:-

لو الأمانة محتاجة تربية من جديد و دي الطريقة اللي هتعلمها الأدب تبقي من المرجلة يا تمارة هانم 

تمارة:- هقول إية على واحد دغف و لا يفهم عن الجدعنة أي حاجة

و لسة هتنزل من العربية بعصبية نوح مسك إديها و قال:-  

أنا سمحتلك تنزلي ؟ 

تمارة شدت ايديها بعنف و قالت:- 

إيدك لتوحشك يا بشا ، لو إيدك دي لمستني تاني هتشلها بإيدك التانية و إنت مروح ، و خليك فاكر مين هي تمارة أيمن

فتحت باب العربية و قفلته بعنف و وقفت تهز رجليها بغضب

نوح بص عليها بضيف و كلم كمان :- 

الو كمان هات البنات و تعال

كمال :- تم يا كينج

نوح بص على تمارة و هو على وضعه في العربية و قال:- 

محتاجة إعادة تأهيل ، و هتبقي على إيدي

ركز معاها و لقاها هتتخانق فكمل و قال:- 

إعادة تأهيل معقدة لواحدة حلال فيها الر.جم 

و نزل جري لقي تمارة بتزعق لشاب و بتقول:- 

إنت عاوز تقنعني إنك ماشي خبط فيا من غير ما تشوفني ؟ دا انا واقفة لازقة في العربية اية ماشي نايم على نفسك ؟ 

الشاب:- يا آنسة والله ما شفتك ، قولتلك كُنت سرحان و بع محصلش حاجة لكُل دا 

تمارة بصتله بصدمة و قالت:- 

محصلش اية يخويا ؟ محصلش حاجه لكل دا ، دا انا هدخل القسم حالا اعملك محضر تحر ش عشان تبقي تصحصح لنفسك و إنت ماشي إوعي من خلقتي 

نوح مسكها من دراعها و حط إيده على بوقها و قالت:- 

اية لوك لوك لوك لوك مبتفصليش ابدا ؟ 

تمارة حاولت تتكلم بس إيد نوح منعتها بص للشاب و قال بعد ما لمح كمال:- 

إتفضل إنت دلوقتي

الشاب هز رأسه بابتسامة ثقة  و مشي و نوح شال ايده ومن على فم تمارة اللي زعقت فيه و قالت:- 

إنت إزاي تسيبة يمشي دا بدل ما تديله قلمين 

كمان كان جه عليهم نوح شاور بعينه على الشاب و كمال ضحك و قال:- 

عُلم و يُنفذ يا كينج و سابهم و مشي 

نوح ميل عليها و همس :- 

مش نوح التوبي اللي يسيب حقه بس كله بالعقل يا أم مخ على مافيش

بص للبنات و قال:- 

إركبوا عشان هوصلكم

البنات ركبوا و تمارة جت تركب جنبهم نوح مسك إديها و قال:- 

لا إنتي هتركبي جنبي مش ضامنك الصراحة

تمارة شدت ايديها منه و رفعت صابعها في وشة و قالت:- 

لآخر مره هنبهك عن لمسك ليا دا إنت فاهم 

و فتحت الباب و دخلت و قفلته وراها بعصبية

نوح :- يا رب صبرني عشان مقتلها.ش و أخلص منها و من لسانها اللي بينقط سِم دا 

❈-❈-❈

كمل كان ماشي ورا الشاب لحد ما دخل في مكان خالي من الناس فحط إيده على كتفه و قال:- 

على فين يا ريس في حساب لازم يخلص 

الشاب بص لإيده و قال:- 

إنت قد الحركة دي ؟ نزل إيدك يا جدع إنت بدل ما أعملك مشكلة

كمال شال ايده بخوف مصنع و قال:- 

يامي يامي خاف يا عيد  ، غمزله و قال:- 

هات أخرك وأنا معاك بس بعدها هتيجي معايا أنا.

الشاب بصله و قال بتوتر:- 

أجي معاك فين 

كمال ميل على ودنه و قال:- 

هوديك دريم بارك

الشاب بصله بقلق و كمال قال بضحك :- 

متخافش هو حد يخاف من كيمو برضوا ، تعال تعال يا راجل 

كمال ضربة بدماغة في مقدمة راسة و الشاب وقع مغمي عليه 

كمال شاله و قال:- 

دا إنت الله يكون في عونك عملت إية بس ، يلا هي علقة هتاخدها هتاخدها مفيش أوبشن تالت للأسف

مشي لحد عربيه الحرس و حط الشاب في شنطة العربية و ركب و هو بيقول:- 

يلا على المصنع يا شباب عندنا واحد لازم يتمرجح النهارده يا إما إحنا اللي هنتمرجح مكانه

❈-❈-❈

- إسمك إية ؟ 

محسوبك باهر يا بشا

إية علاقتك بفتحية ؟ 

باهر:- أنا معرفش حد بالاسم دا يا بشا

محمد إتعصب و قال :- 

بص بقى يا روح أمك من الآخر أنت لابس القضية ، وأنا و إنت فاهمين إحنا بنتكلم عن اية ، فهتيجي دُغري و تعترف و الا نستخدم أساليب غير محببه خالص 

باهر بصله و بلع ريقة بصعوبة و قال:- 

أنا هقولك على كُل حاجة يا سعادة البيه

دولت قاعدة براحة في البيت فجأة لقت الباب بيخبط جامد 

جريت فتحت الباب فـ العساكر دخلوا و قالوا:- 

إنتي دولت ؟ 

دولت :- أيوة يا بيه 

- هاتوها

دولت :- والله ما عملت حاجه ، طب إستنوا أغير هدومي بس 

العسكري:- 

خمس دقائق لو ملبستيش هناخدك كدا و الوقت بدأ من دلوقتي

دولت جريت جابت عباية و لبستها على الهدوم كل دا و التليفون بيرن على أمها

دولت:- إلحقيني يا زيزي شكلي رحت في داهية البوليس بره و شكلة هياخدني معاه

العسكري قال بصوت عالي:- 

الخمس دقائق خلصوا

دولت خرجت جري و العساكر مسكوها من إديها و خرجوا

الحارة كلها إتلمت عليهم و بقوا يبصوا عليها بشماتة و اللي يقول منهم 

زنب فتحية و بناتها

و اللي يقول

ربنا مش بيسيب حق حد 

العساكر خدوا دولت اللي وشها بقي أصفر زي اللمون في البوكس و مشيوا 

أم أشرف كسرت وراها قلة و قالت:- قطيعة تاخدها و ما ترجع تاني 

❈-❈-❈

نوح وصل البنات و جوري و لينا خرجوا من العربية ، تمارة جت تنزل مسك إديها و بص للبنات و قال:- 

إطلعوا إنتوا و أنا هقول لتمارة كلمة و هتحصلكم

جوري و لينا طلعوا و هما بيبصوا لبعض باستغراب و نوح بص لـ تمارة و قال :- 

بعد كدا تخدي بالك من كلامك معايا قدام الناس ، أنا بنبهك اهو وحدينا إعملي إللي إنتي عوزاه لكن قدام الناس أنا الكينج

تمارة شالت إديها منه بغضب و ربعت إديها بصمت فنوح نفخ بضيق و قال:- 

بصي يا بنتي عشان إحنا شكلنا مطولين مع بعض ، أنا الكينج مع كُل الناس لكن عُمري ما هقدر أكون كدا معاكي إنتي بالذات و متساليش لية ، دلوقتي هتسمعي الكلام هنبقي حبايب مش هتسمعي هتبقي أعداء بس أعداء على قدك

تمارة عنيها وسعت و بصت لية و نوح كمل :- 

إنتي بالذات ليكي مميزات مفيش حد قابلك و لا حد بعدك خدها ، كوني إني قولتلك إعملي إللي إنتي عوزاه لكن لما نكون لوحدنا دي لوحدها صلاحية كبيرة أوي

تمارة بصتله و إبتسمت بشر و مسك ايديه و عضيتها جامد 

نوح ضحك جواه على طفوليتها اللي مهما حاولت تخبيها بتظهر برضوا و بتفضحها

نوح شد إيدة منها و قال:- 

و ترجعي تزعلي لما أديكي مشبك و تقولي:- 

مش من الرجولة 

تمارة بصتله بإستغراب و قالت:- 

مشبك ؟ شايفني خدامت أمك هتنشرلك الهدوم ؟ 

نوح نفخ بغيظ و قال:- 

والله ما شفت أغبي منك يا بت فتحية، مشبك يعني بو.سة مشبك

تمارة تنحت و عنيها وسعت و نوح كمل 

إعملي حسابك تعرفي الكلمة دي علطول عشان هتبقي كلمة سر بينا يا برنسيسه و يلا اطلعي عشان ورايا مشوار

تمارة مزهولة من كلامة مسكت إيدة فجاه و غرزت سنانها فيها بغل

نوح ضحك و قال:- 

إنتي مش بتعضي لا انتي بتأكل إرحمي أمي بقي 

حاول يشد إيده منها لكنها كانت متبته فيها و بتعض

نوح ضحك جامد عليها و كل ما يضحك كل ما تغرز سنانها أكتر لحد ما سابت ايده و فتحت باب العربية و خرجت و هي بتقول:- 

غبي و متخلف بكر.هك يا قليل الأ.دب

و رزعت الباب وراها

نوح بص على ايدة و علامات سنانها و قال:- 

يخربيت كدا سنانك صغيرة أوي ، بص على مكان العضة و باس عليها و هو بيقول:- 

إكرهيني براحتك يا برنسيسه المُهم إن أنا عاوز اية ، واللي عاوزة هو اللي هيكون 

شغل العربية و طلع على المصنع و هو بيقول :- 

جنيت على نفسك لما فكرت  تمس اللي يُخصني حتي لو بالغلط

❈-❈-❈

دولت دخلت القسم وشها أصفر و الخوف واضح على ملامحها

محمد أمر العسكري يدخل دولت و دولت بقت تهز راسها برفض إنها مش عاوزه تدخل 

العسكري جرها من إديها و قال:- 

إدخلي إنتي لسه هتعصلجي

العسكري زقها جوه المكتب و إدي التمام لمحمد و خرج و قفل الباب وراه

دولت بصت لـ محمد برعب و لكنها لما لمحت ضياء قاعد حاولت تطمن نفسها إنه يعرفها

محمد بص لـ دولت و قال:- 

إسمك و سنك و عنوانك

دولت بتوتر:- 

أنا والله العظيم يا بشا ما عملت حاجه ، أنا أصلا معرفش إنتوا جايبني هنا لية ؟ 

محمد خبط على المكتب و قال:- 

أنا هنا اللي أتكلم و إنتي تجاوبي و بس ، غير كدا مش عاوزة أسمع صوتك مفهوم

دولت هزت رأسها بايجاب و قالت:- 

مفهوم مفهوم

محمد:- تعرفي اية عن فتحية

دولت :- فتحية ؟ فتحية مين أنا معرفش حد بالإسم دا 

ضياء إتكلم بسخرية و قال:- 

يعني متعرفيش فتحية ؟ هو في حد ميعرفش دُرته 

دولت هزت رأسها و قالت:- 

فتحية! انت قصدك فتحية أم تمارة ؟ أيوة يا بشا أعرفها و من ساعة ما خرجت من الحارة معرفش عنها حاجة

محمد:- يعني متعرفيش أنها إ.تقتلت ؟ 

دولت هزت رأسها برفض و قالت بإستغراب مصتنع:- 

و هعرف منين يا بشا ، زي ما قولت لحضرتك معرفش عنها حاجة من يوم ما خرجت من الحارة

محمد ضرب الجرس و العسكري دخل و محمد قال له :- 

دخل يا ابني البشا اللي بره خلينا نخلص 

العسكري دخل باهر و فتحية أول ما شافته إتصدمت و قالت في نفسها:- 

ينهار إسود رُحت في داهية رسمي 

محمد:- هي دي اللي إتفقت معاك ؟ 

باهر:- أيوة يا بشا هي اللي إتفقت معايا أقتل فتحية

دولت هزت رأسها برفض و قالت:- 

لا يا بشا أنا معرفوش أصلا ، أنا معرفش إن فتحية إتقتلت ، أنا لسة عارفة منك دلوقتي ، دا بيتبلي عليا و أنا مش هسكت هعمل فيه محضر 

باهر إتزهل من كلامها فقال بسرعة:- 

والله يا بشا هي اللي متفقة معايا إني اقتل الولية ، أصلها كانت مبقوقة منها يا بشا و كل شوية تروح تتخانق معاها بس المرحومة كانت بتديها على دماغها

و بص لـ دولت و قال:- 

طلما بعتي يبقي بيعة يبقي أنا كمان هبيع و البادي اظلم

بص لمحمد و كمل :- 

إتفقت معايا أقتلها و مُقابل دا ليلة من اللي قلبك يحبها يا بشا

ضياء:- يعني مش بس قتل زنا كمان ، آه يا ولاد الكلـ ـب

دولت :- إخرس يا قليل الأدب أنا أشرف منك و من اللي جابوك

باهر :- حصل يا دولي حصل يا حبيبتي

حصرت الظابط لو مش مصدقني إخطف رجلك لحد الحارة و إسال عن سُمعتها هتلاقي ألف مين يدلك 

ضياء:- مش محتاج تروح يا محمد ، الأستاذة ليها كام محضر عندنا في القسم إنما اية يودوها في داهية

بص لـ دولت و قال:- 

إنتي مش ماضية على محضر عدم تعرض لـ فتحية و بناتها ؟ 

دولت :- والله يا سعادة البيه ما جيت نحيتهم ، و لا أعرف ليهم طريق أصلا

العسكري خبط على الباب و دخل و هو بيقول:- 

في واحدة بره يا بشا عاملة موال و بتقول إنها أم المحروسة دي 

محمد كان لسة هيتكلم لكن ضياء قال له يدخلها و محمد بص لـ ضياء اللي هز رأسه بتفهم و همس لية :- 

إستني المسرحية لسة هتكمل

زيزي دخلت و هي بتقول:- 

بنتي يا بشا والله ما عملت حاجه مظلومة طول عمرك يا بنت بطني

ضياء:- إزيك يا زيزي ليكي واحشة ، خير اللهم اجعله خير بقال شهر معتبتيش القسم

زيزي بلعت ريقها و قالت:- 

لهو إنت متعرفش يا بشا إني تُبت و سبت الكبارية

محمد بص لية و قال :- 

إنت تعرف الأشكال دي مين يا ضياء

ضياء ضحك و قال:- 

دول العصابة اللي كانت بتضايق المرحومة و عيالها و ضيف عليهم أيمن جوزها

محمد بص لـ زيزي و قال:- 

تعرفي اية عن فتحية

زيزي بلعت ريقها و أخدت نفس و قالت:- 

أنا يا سعادة البيه اللي إتفقت مع الواد باهر دا أنه يقـ ـتل فتحية

ضياء ضيق عينه و قال:- 

و المقابل اية يا زيزي

زيزي بصت لـ دولت اللي متنحة ليها و قالت:- 

كنت هخليه يعيش ليالي ميحلمش بيها 

باهر فاتح بوقه و باصص على زيزي اللي بتثبت التُهمة عليها عشان تخرج دولت منها 

بص لضياء اللي مش مصدقها و محمد اللي تاه بينهم و مش عارف يصدق مين فيهم و بيبص لـ ضياء ينجده من اللي بيحصل دا

❈-❈-❈

البنات قاعدين و فجأة جوري سالت تمارة 

هو نوح كان عاوزك في اية 

تمارة بصت ليها و قالت بهدوء:-

كان بيحاول يقنعني أخدكم و نروح نعيش معاه في بيته عشان نبقي تحت عينه بس على مين خد الطريحة

لينا :- إنتي جاية عليه أوي يا تمارة و هو قاصدة يساعدنا بس ، و متنسيش إن ماما موصياه علينا

تمارة بصت ليها بحدة و قالت:- 

في الزمن دا مينفعش نآمن لحد كدا يا لينا ، لازم تشكي في صوابع إيدك يا حبيبتي ، أمك لما قالتلي خُدي بالك من إخواتك مش عشان أنا الكبيرة لا ، عشان هي عارفة إني مش بأمن لحد بسهولة  من اللي أبوكي وراه لينا إتعلمت إن

" الرا.جل عامل زي الكلـ ـب هتفتحية سكة هيعضـ ـك ، هتديلة بالجذ.مة هسيبك و يمشي  "

جوري:- و إفرضي طلع غيرهم يا تمارة 

تمارة:- يبقي هيستحمل للآخر و ساعتها يستاهل إننا نقربه مننا 

سابتهم و دخلت اوضيتها و قفلت على نفسها و دموعها بدأت تنزل من جديد

❈-❈-❈

نوح دخل المصنع و هو بيضحك و باصص في عين الشاب اللي قال بتوتر :- 

إنت مين 

نوح ضحك بجنب واحد و قال:- 

إي دا معرفتكش بنفسي إخص عليا 

بصله بحدة و كمل :- 

أعرفك بنفسي نوح التوبي ، أنا الكينج

يتبع...

تكملة الروايه اضغط هناااااااا 

اللي عاوز البارت الجديد يعمل متابعه من هنااااااا

الرواية كامله من الاول اضغط هناااااااا