مجمع الروايات الكامله والحصريه فقط اضغط على اسم الروايه موجوده كامله في موسوعة القصص والروايات جميع الفصول مع البرنس محمد السبكي قصص وروايات كامله يسعدني تواجدكم معنا في المدونه

 

رواية إعادة تأهيل معقدة الجزء الثاني البارت السادس6 _7_8_9_10بقلم زهرة عصام 

رواية إعادة تأهيل معقدة الجزء الثاني البارت السادس6_7_8_9_10 بقلم زهرة عصام 

الفصل السادس إعادة تأهيل معقدة 

ورحمت أمك لندمك على اللي عملته دا ، هبتعتك ليها بس الصبر يا بنت الصر'مة

- أنا آسف بس صاحبة التليفون دا القطر فرمها ، الله يكون في عونك و يصبرك تقريبا معتش منها حاجة 

صلاح اتصدم و رجع خطوه لورا ، التليفون وقع من ايده و الرجالة اللي خارجة من الصوان مراقبينه ، أما هو فانفصل عن العالم خالص ، كُل الصدمات بتيجي ورا بعض ، بقي كل اللي بيدور في دماغة

إزاي دا أنا لسة مخلصتش عذاء أمي ؟ لسة مخدتش حقها منها و ناري مبردتش ، كل دا بيحصل لية ؟ اشمعنا أنا اللي بيحصلي كدا ؟ ما كنا عايشين مرتاحين كل اللي حصل لينا دا بسبب دخول اللي مايتسمي سيد كارته في حياتنا ، و أكيد فدوة كانت مشتركة معاه في كل حاجة ، مهي متعرفش تعمل كدا لوحدها ، أنا هتجنن مبقتش عارف أعمل اية ؟ يا رب بقي انا تعبت كل دا زنب تمارة و أختها اللي اتبليت عليهم ، فين ارضيكم يا بنات فتحية عشان اركع تحت رجليكم تسامحوني على اللي حصل يمكن ربنا يرضي عني ، بس اللي انكسر مبيتصلحش و أنا كسر فيكم حاجات كتير أنا و أختي و خاصة البنت التانية جوري كسرنا ثقتها في نفسها ، يا رب ارضي عني أنا والله ما عنت ناقص إختبار تاني يا رب ارضي عني و ارحمني بقي 

صلاح وقفته بقت مش متزنه و جسمه بدأ يرخي و يطوح يمين و شمال 

الرجالة أخدت بالها منه و جريوا عليه سندوه 

صلاح بصلهم و بص السما و غاب عن الوعي نهائي.

..........

فجأة قطع كلامهم الباب اللي خبط و اتفتح و دخل منه اللي عصب نوح و خلي ودانه تحمر

نوح قام مره واحده و قال:- 

إنت اية إللي جابك هنا تاني ؟ 

الدكتور نفخ بضيق و قال:- 

والله انا جاي أشوف شغلي يا نوح بيه مش بلعب هنا هي شغلانه زي الزفت أصلا

قرب من تمارة بس قبل ما يلمسها لقي نوح ماسك ايده و عينه بتطق شرار بصله بغضب و قال:- 

هو أنا أذنت ليك تدخل ؟ لا و كمان جاي بكل بجاحة تقرب منها ، مش شايفني قاعد قدامك والا أنا قرطاس جوافة

الدكتور ضحك بسماجة و قال:- 

على فكرة إسمها ترمس الجوافة مش بتتحط في قرطاس

لينا و جوري ضحكوا بصوت عالي و تمارة ابتسمت بضعف لكن صدر منها صوت نوح انتبه ليه 

نوح رفع حاجبه و قال:- 

اخلص شوف عاوز تعمل اية و أنا هعمله

الدكتور استغفر في سره و قال:- 

هشيل المحلول ليها اتفضل شيله 

نوح قرب من تمارة و مسك اديها و بص في عنيها جامد ، سرح و نسي الوضع كله و معملش إعتبار لمركزه

تمارة خدودها احمرت و دورت وشها الناحية التانية و نوح كان لسه تايه و هيمد ايده و يدور وشها تاني ليه لكن ذكية نبهته و قالت:- 

اي يا نوح الدكتور وراه حالات تانية يا رب نخلص عشان الموضوع بقي اوفر و مكشوف للكل 

نوح اتحمحم و قال:- 

احمم و بص للدكتور و قال:- 

تعال اقف جنبي هنا قولي أعمل اية

الدكتور اتقدم خطوه و فصل الكالونه و خطي مكانها من غير ما يلمس ايد تمارة و ميل على ودن نوح و قال:- 

على فكرة إحنا كمان بنعرف نحب و بنغير على اللي بنحبهم متأكد إن قصتك هتبقي فيها شبه من قصتي عشان كدا أنا عاذرك يا نوح ، اينعم رخمت عليك بس دا كان جزء بسيط من اللي حمايا و ابنه عملوه فيا فـ بالتوفيق يا بطل و اجمد إنت لسه في أول الطريق

الدكتور اتعدل في وقفته و كان ماشي نوح بص عليه و ابتسم بجنب و قال:- 

متخافش عليا يا دكتور 

إن كنت إنت حبيب فـ أنا عم الحبيبه ، 

و إن كان واجهتك صُعبات في حبك فـ أنا مش هسمح لـ دا يحصل ، و لو كان حماك و أخو المدام طلعوا عينك فإنت متهرفنيش أنا نوح التوبي أنا الكينج يعني محدش يأثر عليا إلا هي و بس 

الدكتور ابتسم و خرج و هو بيقول:- 

دا إنت هتشوف أيام أسود من قرن الخروف قال نوح التوبي قال

هنشوف نوح التوبي هيقدر يعمل اية 

نوح رجع لقي جوري ساعدت تمارة إنها تقعد تاني نص قاعدة كان هيقرب منها بس ذكية سبقته و قال بحنان :- 

إنتي كويسة يا تمارة 

تمارة هزت راسها بإيجاب و قالت باحترام:- 

أيوة شكرا لحضرتك يا ذكية هانم 

ذكية لسه هترد عليها لكن لينا سبقتها و قالت:- 

إسمها نانا أنا إتفقت معاها على كدا خلاص 

ذكية ضحت و قالت:- 

اه منك انتي يا ضغننه يا شقية 

نوح قعد على سريره تاني و حط ايده على جرحه و مش بيتكلم

كمال دخل فجأة و لمح نوح اللي شاور ليه بدماغه حركة هو فهمها ادي الأكل ليهم و قال:- 

بالهنا على قلبكم 

قعد جنب نوح و قال :- 

في اية ؟ 

نوح فرد كف ايده لـ كمال لقي الجرح بتاعه فتح لسه هيتكلم لقي نوح بيقول:- 

مسمعش صوتك مش عاوز حد يحس بحاجة إحنا هنخرج بهدوء من هنا نخيط الجرح تاني 

كمال هز رأسه بإيجاب و سند نوح عشان يخرج لكن ذكية لاحظت و قالت بقلق:- 

انتوا راحين فين ؟ 

نوح ابتسم و قال:- 

أنا بس زهقت زي ما انتي شايفة هتمشي شوية و ارجع متقلقيش

ذكية بقلق:- 

بس إنت لسه تعبان يا نوح 

نوح ابتسم و قال:- 

متقلقيش يا نانا أنا بس هتمشي عشر دقائق و أرجع

.....

دولت في البيت قاعدة على الكنبة و حاطة اديها على بطنها و بتقول:- 

كنزي السمين ، إنت الوحيد اللي هتخليني اكوش على كل حاجة و مش بس كدا هتخليني كمان أزل بنات فتحية واكسر هنيهم و خصوصا مقصوفة الرقبة الكبيرة تمارة 

أيمن دخل و قعد على أول كرسي و حط في على دماغه و هو بيقول في نفسة :- 

برضوا مش هيأس و هفضل ادور عليكم لحد ما القاكم ، يا تري حالكم اية بعد فتحية ، يا تري الدنيا عملت فيكم اية ؟ عايشين إزاي واكلين وإلا جعانين

فاق على صوت دولت و هي بتقول:- 

برضوا ملقتهومش ؟ 

أيمن هز رأسه بالنفي و قال:- 

لا ملقتهومش بس هفضل أدور عليهم لحد ما ارجعهم لحضني يمكن تقدر اعوضهم على اللي حصل زمان ، اعوضهم حنان الأب اللي معرفوش عنه حاجة غير في المسلسلات

دولت بود مصطنع:- 

بإذن الله تلاقيهم يا أيمن و أنا اوعدك اقيد ليهم صوابعي العشرة شمع و مش بس كدا هشيلهم من على الأرض شيل ، متزعلش إنت نفسك بس يا أخويا تحب اجهزلك الغدا

أيمن هز رأسه بالنفي و قال:- 

لا مليش نفس هدخل أريح شوية يمكن أعرف أفكر و اوصل لمكانهم

دولت في سرها:- 

يا رب يكونوا ماتوا وإلا ولعوا بجاز وسخ أهم يحصلوا أمهم برضوا

......

كمال مسند نوح و قال:- 

ناوي على أي يا كينج

نوح أبتسم بـ خبث و قال:- 

ناوي أخد خطوة جد يا برنس لا و مش بس كدا تؤ تؤ دا هتأهل للجواز علطول 

كمال وقف و قال:- 

إنت بتقول اية ؟ دا إنت مدشش و هي هي بتفرفر جوه 

نوح ضحك و قال:- 

مهو مش أنا اللي هعمل ذكية حبيبه قلبي هي اللي هتعمل كل حاجة يعني مش هيعدي الأسبوع دا و تمارة هتبقي مراتي يا برنس 

كمال بخبث :- 

و أهو اللي كنت بتاخده منها في الحرام تاخده في الحلال يا كينج

نوح بصله بصدمة و جمع قوته و ضربه بكوح رجله تحت الحزام و قال بعصبية :- 

كمال متنساش نفسك و تحط حدود في موضوع تمارة دا بالذات

كمال حس أنه زودها فعلا و هز رأسه بإيجاب و اعتذر

نوح دخل للدكتور بعصبية و قال:- 

تلم ام الجرح دا و تكتبلي أنا و هي على خروج اخلص و مش عاوز نقاش في الموضوع دا 

.....

أظن أن الأوان إننا نرجع مصر دلوقتي ابنك متصاب و انتي حتي مفكرتيش تتصلي تطمني عليه ؟ 

وهيبة ردت ببرود و قالت:- 

ما الأخبار طمنتنا عليه و قالوا الرصاصة في كتفه يا علاء متكبرش الموضوع

علاء :- انتي اية بتكرهي ابنك كدا ؟ عندك فتور منه ليه أفهم

وهيبة بعصبية :- 

مش بكره بس مش قادرة اتعامل معاه من ساعة ما اختار أمك و فضل معاها في مصر 

أنا اتحايلت عليه يجي معانا و هو مرضيش يبقي خلي جدته تنفعه

علاء بحاجب مرفوع:- 

وانتي اية مشكلتك مع أمي بقي ؟ 

وهيبة ببرود :- 

معنديش مشكلة معاها سوي إنها ست بلدي و عائشة في بيئه متنسبناش

علاء هز رأسه بالنفي و قال:- 

أمي ست بلدي طب ما تبصي لنفسك دا أنا جايبك من ورا الجموسة خلاصة المكان هننزل مصر على أول الأسبوع يعني هتنزل مصر فجهزي شنطك

وهيبة في نفسها:- 

ماشي يا علاء إن ما وريتك و خليتك تجبني هنا تاني مبقاش أنا وهيبة

يتبع

.

الفصل7_8_9_10

.

.

نوح الدكتور خيط ليه الجرح من تاني و قال بتوتر:- 

نوح بيه مش هينفع حضرتك تخرج من هنا النهاردة على الأقل تقعد أربعة وعشرين ساعة تحت الملاحظة 

نوح بصله باستخفاف و قال لية :- 

أنا مش بقول الكلمة غير مرة واحدة الإعادة بتبقي بـ إعاقة أو عاهة مستديمة تحب تجرب يا دكتور ؟ 

خلص نجزنا عاوزين نشوف مشاغلنا

كمال بسخرية:- 

ما تخلص يا دكتور أكتبله على خروج في واحد هنا عاشق ولهان عاوز يتجوز عبالي يا رب يا الجن يحن و الزهر يلعب في ايدي و اتجوز اللي عيني عليها قول آمين يا دكتور

الدكتور بص ليهم باندهاش و قال :- 

أنا مش فاهم حاجة

نوح ضحك بسخرية و قال:- 

متركزش عشان الداخل بينا خسران

بص لكمال و قال:- 

وإنت عاوز بقي الزهر يلعب معاك في اية يا بشا دا إنت ما شاء الله عندك اللي مش عندي أنا مش بحسد أنا بوضح ليك بس 

كمال خمس في وشه و قال:- 

خمسة في عينك المدورة المقورة دي يا حبيبي ، دا أنا غلبان مش لاقي أكل أنا عرفت خلاص اية اللي جايبني ورا هي عينك الصفرا دي 

نوح عقد حواجبه و قال:- 

أنا عيني صفرا يا ابن الـ*** ليك روقة و هعرفك مقامك يا كمال الكلب

الدكتور بقي يبص ليهم باندهاش و قال لـ نوح :- 

لو سمحت ألفاظ زي دي مش هنا في المستشفى و أنصحك متقولهاش تاني لأنها غلط

نوح بصله بحاجب مرفوع و ضرب على المكتب بايده و قال:- 

اخلص نيل الجرح دا إنت هتصاحبني و هتقولي أتكلم إزاي كمان ؟ عجبتُ لك يا زمن بجد على آخر الزمن نوح التوبي يتقال لية الصح من الغلط 

كمال قرب من الدكتور و قال:- 

لو خايف على وشك الجميل ، لو خايف على السماعات اللي حولين رقابتك دي ، تصدق شكلها حلو و لايقه عليك بنظراتك دي المهم خلينا في موضوعنا لخص الحوار لخص الحوار و لم الدور عشان الكينج مستعجل و عاوز يمشي من هنا 

الدكتور خاف على نفسه و قال لنوح اتفضل ريح هنا اوشف الجرح بس حضرتك هتمضي إقرار على نفسك إن لو حصلك حاجة المستشفى غير مسؤولة عن دا 

نوح بلا مبالاة:- 

خلص خلصني إنت أخد من وقتي كتير أنا سايب الذبادي لوحدة و الصراحه الجو حر و خايف عليه لـ يسيح

أو يحمض هيهيهيي

قالها كمال و بص لـ نوح اللي بصله بحاجب مرفوع و قال:- 

بايخة على فكرة و لآخر مرة هنبهك لكلامك دا 

كمال اتنحنح و قال:- 

معلش أنا عارف إن دمي سكر شوية زيادة عن اللزوم

الدكتور خيط الجرح تاني لنوح و نوح قام لبس هدومه و خرج من غير كلام 

كمال راح ناحية الدكتور و قال:- 

شاطر يا حاج دكتور ما كان من الأول ولا لازم نهدد بالسماعة عشان نتفذ المطلوب إنت كدا حميت السماعة كمل اللي إحنا عاوزينه عشان تحمي وشك الجميل اللي انضف من وش بنات أعرفها سلام يا حاج دكتور

الدكتور خبط ايد على ايد و قال:- 

أقسم بالله مجانين أنا اية اللى كان وداني طب بس يعني درست ٧ سنين و في الآخر اقابل مجانين زي دول يا دعاكي اللي جاب يا امي شكلك كنتي بتدعي و أبواب السما مفتوحة

جري على المراية يبص على شكلة و قال:- 

و بعدين اية حاج دكتور دي والله أنا لسة صغنن و مدخلتش دنيا هو أكيد ميقصدش ولا يقصد حد هياخد على كلام المجانين دول

........

نوح دخل الاوضة من غير ما يخبط على الباب لقي جدته جنب تمارة بتاكلها و تمارة باين علي وشها الازعاج

نوح سال باهتمام:- 

في اية يا ذكية عاملة في البت اية قابلة وشها كدا ؟ 

ذكية بلا مبالاة:- 

أصلها ضعيفة و سهتانة كدا مسكت اديها و رفعتها و قالت:- 

بقي دي ايد تقابل بيها ربنا بص سبهالي أسبوع هخليها مربربة كدا و عليها العين

نوح بهلع:- 

لا أنا عاوزها زي ما هي كدا رفيعة كفاية أكل البت هتتفجر منك 

ذكية بحدة:- 

ملكش دعوة و أقعد على سريرك عشان هتاكل بعدها

إنت يا بت يا صغيرة 

لينا بصت ليها ببراءة و قالت:- 

أنا يا تيته ؟ 

ذكية بفرح :- 

اصمالله عليكي تيتة طالعة زي السكر منك  تعالي يا حبيبه قلبي هنا أكلي أختك على ما أشوف البيه الكبيرة و إنتي يا عسل يا وسطانية إنتي 

جوري شاورت على نفسها و قالت:- 

أنا يا ناناه

ذكية الفرحة مش سيعاها و قالت:- 

والله طالعة من بوقك كيف لهحطة الجشطة يا جشطة نادي المخفي كمال من بره عشان يجهز كل حاجة عشان نروح 

نوح ريح على السرير و بيبص لـ تمارة اللي بتبص لية و بتستنجد أنه يلحقها من تحكمات جدته 

نوح ابتسم و رفع كتفه بمعني لا فائدة و تمارة بصت قدامها بغيظ 

ذكية بتاكل نوح اللي همس ليها و قالت:- 

عاوزها مراتي قبل آخر الأسبوع يا ذيكو هتقدري 

ذكية بضحك:- 

عيب يا واد مسبقاش اسمي ذكية الا و هي مراتك خلال يومين مش أسبوع دا أنا شعري شاب وأنا بوقف رأسين في الحلال وأنا الصراحه أحب أوفق أوي أوي يعني

نوح سقف بايده و قال:- 

الله عليييك يا حبيييب والديك الموضوع عندك خلاص يا لوح قلبي من جوه إنتي 

بص ليهم لقي الكل بيبص ليه فـ بص لـ ذكية تاني و قال:- 

إحنا صوتنا كان عالي كدا 

ذكية :- صوتك إنت يا روح امك

كمال خبط و دخل و جوري دخلت وراه و قال:- 

ناناه القمر طالبة البرنس لية ؟ 

ذكية :- برنس اية بلا نيلة خلص لينا إجراءات الزفتة دي كتر القعدة فيها وحشة وأنا الصراحه تعبت و كلم البيت يجهز أوض للبنات عشان هيجو معانا 

تمارة أخيرا اتكلمت بعد ما كانت متقمصة دور الصامت و قالت:- 

لا لحظة كدا مين هيروح مع مين ؟ 

الفصل الثامن

ذكية :- برنس اية بلا نيلة خلص لينا إجراءات الزفتة دي كتر القعدة فيها وحشة وأنا الصراحه تعبت و كلم البيت يجهز أوض للبنات عشان هيجو معانا 

تمارة أخيرا اتكلمت بعد ما كانت متقمصة دور الصامت و قالت:- 

لا لحظة كدا مين هيروح مع مين ؟ 

ذكية بابتسامة:-

إنتوا هتيجوا معانا طبعاً مستحيل اسيبكم تقعدوا لوحدكم بعد كدا ، كانت امنيه من أمنية حياتي يكون عندي أحفاد يملوا عليا البيت بس للأسف ربنا ماردش و مرزقنيش غير بـ نوح فـ إنتوا هتيجوا معانا إنتوا خلاص من هنا و رايح بقيتوا احفادي

تمارة باعتراض:- 

آسفة في اللي هقوله بس مش هيحصل أنا و أخواتي هنقعد مع بعضنا مش هينفع نيجي مع حضرتك سامحينا

ذكية ببكاء مصطنع:- 

لي يا بنتي بس دا أنا حبيتكم خلاص و قولت هيكونوا عوض ليا و ياخدوا بِحسي ليجرالي حاجة وأنا قاعدة لوحدي طول النهار كدا ، نوح علطول في الشغل و الفترة الجاية نازل كلية كمان يعني مش هيبقي عنده وقت حتي يقعد معايا و إنتوا كمان هتخلصوا امتحانات و محتاجين حد ياخد بالوا منكم وقت امتحاناتكم عشان خاطري يا بنتي دا أنا أكبر من أمك و بترجاكي

تمارة قامت مرة واحدة و كانت هتقع لكن مسكت نفسها و نزلت باست على ايد ذكية و قالت بحب:- 

إنت ميرضنين تترجيني يا ناناه إنتي تطلبي و طلبك يتنفذ فورا بس معلش لحظة 

شاورت لـ لينا و جوري و اخدوا جنب و قالت بحزم:- 

من الآخر هنروح معاها بيتهم بس كأننا ضيوف محدش فيكم يتصرف من دماغه لازم ترجعولي الأول فاهمين ، و حاجة كمان هما يومين تلاتة شهر بالكتير أوي و هنمشي من البيت دا فـ مش عاوزة واحدة فيكم تتأمل إننا هنقعد فيه خلاص مفهوم

لينا بسخط:- 

و لية وجع القلب دون كنا روحنا بيتنا و خلاص متعرفيش تعتذري بطريقة شيك يا تيمو ؟ 

تمارة بسخرية:- 

والله تيمو لو تعرف تعمل حاجة كانت عملتها تيمو عاوزة تروح ترمي نفسها على سريرها في اوضيتها و ترتاح بس منين هيجي الراحة بعد توحة

جوري التزمت الصمت خالص و بصت الجهه التانية معلنة عن اعتراضها فـ تمارة سالتها 

- جوري مش عاوزة تقولي حاجة ؟ 

جوري باندفاع:- 

طلما الناس راضين و واخدينا عندهم بكامل إرادتهم متعاملش عادي معاهم لية ؟ لازم يكون في حزازية كدا ؟ .

تمارة تنهدت بتعت و قالت:- 

بصي يا جوري من الآخر كدا إحنا ضيوف مهما حاولوا يجملوا دا و مهما اللي اتقال و هيتقال وردي لكن دا مش هيخفي الحقيقة إننا ضيوف و هيجي يوم و هنخرج من عندهم ولا اية ، متبصيش للأمور بمنظورك بصي ليها من كل الاتجاهات ، وآه لازم يكون في حزازية إحنا منعرفش إحنا داخلين على اية سمعاني

جوري نفخت بضيق و قالت:- 

سامعة سامعة خلاص و يلا عشان بدءوا ينتبهوا لينا 

تمارة هزت راسها بايجاب و قالت:- 

تمام يلا

رجعوا تاني عند ذكية اللي بصت ليهم بابتسامة و قالت:- 

هتيجوا و مش هتردوا طلب للست العجوزة اللي طلبت منكم صح 

نوح باعتراض:- 

عجوزة مين يا زيزي سمعيني كدا تاني دا انتي اصبي مني يا ولية

ذكية بضحك :- 

بطل بكش يا واد و بعدين اية ولية دي هتفضل طول عمرك بيئه يا بيئه 

و بصت لـ تمارة من تاني و قالت:- 

ها يا تمارة قررتوا اية هتيجوا

تمارة هزت راسها بايجاب و قالت:- 

أيوة هنيجي

نوح فرح من جواه جدا بس محبش يبين دا و كمال الي كان واقف و متابع الحوار فرح جدا بس الفرحة بانت في عنيه و هو باصص لـ جوري ، حس أنه لو وقف أكتر من كدا هيتكشف للكل فـ اتحمم و قال:- 

احم طب هروح أعمل اتصالاتي و اضبط الأمور

نوح باصص لـ تمارة بهيام و قال جواه:- 

والله و عملتها ذكية أنا عارف لما تحط حاجة في دماغها بتعملها عبال ما تجوزنا بقي و تلمني في بيت واحد لا بيت واحد اية أوضة واحدة و أنا راضي والله

تمارة عنيها وقعت على نوح فجاة لقيته بيبصلها بحب و سرحان فـ انكسفت و بصت في الأرض و بقت كل شوية تبصله و نوح مش شايل عينه من عليها 

ذكية هزته عشان يفوق من توهانه و قالت:- 

مش يلا ولا اية 

نوح هز رأسه بايجاب و قال:- 

يلا يا أجمل و اجدع ناناه في الدنيا

الكل اتحرك لـ برة المستشفي نوح جدت نوح قعدت جنبه و التلت بنات ورا و كمال ساق العربية 

نوح ركب عربية تانية  وراهم بسواق و مشي تلت عربيات حرس مجهزين مستعدين لأي هجوم

الكل وصل البيت و كمان نزل و راح بسرعة لـ ذكية بالكرسي و ساعدها على التحرك 

البنات نزلوا و بقوا يبصوا للمكان بزهول و عيونهم بتلمع و نوح متابع نظرات تمارة و مش شايل عينه من عليها 

ذكية بتعب :- 

يلا يا كمال يبني دخلني جوه معنتش قادرة تعبانة أوي و عاوزة استريح 

كمال هز رأسه بايجاب و دخلها لحد سريرها و يرجع يسند نوح اللي ميل عليه و قال:- 

تمارة تاخد الاوضة اللي جنبي 

كمال يهزار:- 

اه يا شقي عاوزها في الاوضة اللي جنبك لية ها ها تكونش ناوي تتغرغر بيها أيوة أنا عارفك و عارف دماغك دي 

نوح بحده :- 

كمال دي المرة الكام اللي أقولك فيها إن تمارة خط أحمر ، إنت صاحبي و دراعي اليمين و شريكي على عيني و على راسي لكن هي عرضي و أنا مسمحش لحد أيا كان صفته اية بالنسبالي يخوض فيه أو حتي يتكلم عليها نص كلمة

كمال بخجل:- 

إنت عارف إني مقصدش حاجة وإني عفوي زيادة شوية ، و بعدين إنت بتغير يا نوح ؟ و من مين مني أنا دا إنت عارف يا أخي إن عيني من أختها و نستنيها تخلص تعليم 

نوح بصله و قال:- 

اه بغير أنا مش هنكر بغير من اي حاجة مذكرة تمسها فاهم ، و مغرش عليها منك لية يخويا كنت من بقيت عليتها بص يبني إنت حاجة اسمك كمال يعني مذكر يعني تيجي جنبها وإنت شحك كدا أو بس تتكلم كلمه متعجبنيش فـ إنت حر و أخلص طلعني عشان مش قادر أقف 

كمال سنده و طلعوا الكام سلمة الأولي و البنات لسة واقفين جنب العربية متحركوش

نوح وقف فجأة و بصلهم و قال انتوا لسة متحركتوش لية اية هتباتوا هنا ؟ يلا ادخلوا البيت بيتكم من دلوقتي 

دخلوا وراهم البيت و كمال قال و هو ساند نوح تعالوا اعرفكم فين اوضكم تستريحوا شوية على ما العشا يجهز

البنات طلعوا وراه و كمال دخل نوح اوضتة و شاور على الأرض و قال:- 

دي أوضة لينا و دي جوري و كمل في سرة قلبي و دي آنسة تمارة و كمال في سرة الذبادي بتاع نوح 

كل واحدة دخلت الاوضة بتاعتها من سكان و كمال نزل تحت بس قبل ما يوصل للسلمة الأخيرة في السلم سمع صوت صريخ سمع في الفيلا كلها.

عاوزة اشوف رأيكم في الكومنتات يا سكاكر 

يتبع

الفصل التاسع 

كمال في سره :- 

هو يوم باين من أوله 

صوت الصريخ زاد و كمال جري على فوق كان هدخل خلاص أوضة لينا بس لقي صريخ تاني جاي من أوضة جوري فـ جري عليها

جوري واقفة على السرير و خايفة و كمال واقف على الباب و بيقول في ايية 

جوري بصت لية و برقت و قالت:- 

في مصيبة سودا على دماغك و دماغي دور وشك بسرعة

كمال تنح و قال ببلاهه:- 

اية 

.......

الصريخ من الاوضة التانية مستمر و تمارة محتارة تروح فين لقت كمال عند أوضة جوري فجريت على اوضة لينا 

فتحتها و قالت بخوف :- 

أي فية اية

الوضع كالاتي

تمارة على الباب و لينا فوق الدولاب بتصرخ

تمارة تنحت و قالت بانتهاش و بلاهه:- 

إنتي طلعتي فوق إزاي و اية اللي مطلعك فوق كدا 

لينا بصت ليها و فضلت تصرخ و هي بتقول :- 

خرجوني من هنا أبوس اديكم أنا غلطانة إني وافقت ادخل البيت دا ، دا مش بيت بني آدمين دا بيت أشباح

تمارة بزعيق :- 

وانتي بتستخبي من الأشباح فوق الدولاب يا منيلة ، انزلي يختي و براحة لحسن يجرالك حاجة

لينا لسة هتتكلم لقوا صوت ذكية بتقول من تحت بخوف:- 

في اية يا بنات اية الصريخ ده ، شوفي يا زينات ليكون حرامي ولا حاجة

- تمارة بصوت عالي:- 

متقلقيش يا ناناه تقريا كدا بيتكم مسكون هو دا اللي حصل 

بصت لـ لينا اللي بتحاول تنزل من على الدولاب و بتبص تحت السرير بخوف و قالت:- 

تعالي ساعديني و هنجري أول ما أنزل في فار تحت السرير

تمارة فتحت عيونها و قالت بصوت متقطع:- 

اييية فار و واقفة تتكلمي معايا كدا عادي 

بصي أنا رجلي مش هتعتب الاوضة دي انزلي براحة و على أقل من مهلك و أنا واقفة مستنياكي هنا 

لينا بصت ليها بغضب و قالت:- 

إنتي أخت إنتي لا و ماشية تضربي في خلق الله و تعملي خطط و مش عارفه اية ، بتبعيني في أول مطب يا تمارة ؟ 

تمارة بهدوء :- 

عيب عليكي يا قلب أختك تقولي الكلام دا أنا ابيعك برضوا ؟ 

لينا بابتسامة:- 

يعني هتدخلي تقفي قدام السرير لحد ما اعدي من الفار ؟ 

تمارة بهدوء:- 

لا إنتي فهمتي غلط دا أنا أبيعك و أبيع أي حاجة ولا إني ادخل برجلي الفار هو أنا اتهبلت 

.....

إنت لسة هتتصدم و تقولي اية و مش اية ؟ 

لف وشك دلوقتي

كمال لف وشة و هو مش فاهم حاجه و جوري أخدت الحجاب حطته على رأسها و بصت قدامها على السرير فضلت تنط و تصرخ

كمال لف ليها تاني و قال:- 

اية في اية بتصرخي لية طبلت ودني اشتكت

جوري بغضب:- 

ما تشتكي ولا تتخرم حتي أنا مالي و مال مشاكلك مع أعضاء جسمك 

كمال ببلاهه:- 

طب ما تحن يا جن و تسمعني حاجة حلوة كدا كلمة حونينة ، احتواء إن شالله حتي تقولي بحبك

جوزي بغضب و زعيق :- 

ايييية إنت بتقول ايييية ؟ 

- أهدي يا بشا دا أنا بهزر معاك ها يسطا فين المشكلة

جوري بصت للبرص و بصت لـ كمال و قالت:- 

غور من وشي إنت عصبتني أكتر من البرص نفسه 

بصت للبرص و قالت:- 

أبوس ايدك اقرصني و ريحني من الابتلاء ده

كمال ضحك جواه و قال :- 

يااااه أد اية إنتي فافي بقي خايفة من البرص دا ؟ دا أخره فردة شبشب 

جوري بسخرية:- 

صح و في برص تاني مش هيهدي غير لما ياخد بنفس فردة الشبشب

كمال تنح من ردها و لسة هيتكلم جوري صرخت و هي بتنط بعد ما شافت البرص مقرب منها و قالت:- 

إنت لسة هتتكلم تعال خدني من هنا أنا عاوزة أروح بيتنا 

كمال دخل مسك اديها و خرجها بره الاوضة و هو مبتسم أنه ماسك اديها و جوري حطت اديها على قلبها و بتنهج و هي بتقول:- 

الحمد لله خرجت من غير اي خساير 

كمال مركز معاها أوي و هو بيهز براسة و بيبص ليها بحب واضح في عيونه

جوري:- 

أصل إنت متعرفش أنا كنت خايفة أوي أكتر من ما تتخيل أنا بخاف من الحشرات جامد اوي

كمال بمحن :- 

اخص عليها الحشرات يا رب تموت عشان خوفتك 

جوري بصت ليه  و انتبهت أنه لسة ماسك اديها سحبتها بسرعه و قالت:- 

إنت لسة ماسك ايدي لية اوعي كدا و راحت على اوضة لينا 

كمال بص لايده و قال:- 

يااااه اخيرا لمستك يا جوري قلبي ، أد اية كنت بتمني اللحظة دي من زمان ، طلعت ناعمة أوي بنت اللظينة ، والله أنا فيا شئ لله عشان أعيش اللحظة دي ، باس ايده اللي كان ماسك ايد جوري بيها و قال:- 

هصبر نفسي بـ دي لحد ما اتجوزك يا بنت ، طب طلاق تلاتة لاتجوزك و عاوز التخين في عيلتك يجيلي

.......

جوري بصت لـ تمارة اللي واقفة على الباب و بتشجيع لينا عشان تخرج و بصت لـ لينا اللي لسة فوق الدولاب مش عارفه تنزل وقفت جنب تمارة و قالت:- 

هو في اية ما تدخلي تجبيها يا تمارة 

تمارة بانشكاج:- 

والله الاوضة قدامك واسعة أهي و الساحة فاضية عاوزة تدخلي ادخلي أنا مش همنعك يا حبي بس خدي بالك في فار تحت السرير 

جوري صرخت و قالت بصوت عالي:- 

نعااااام فار ؟ 

اي بيت الزواجف اللي إحنا عايشين فيه ده يا رب خرجنا منها على خير دا مش ناقص غير كام فيل و كام زرافة و بطتين و نقلبها جنينه حيوانات

تمارة بصت لـ جوري و قالت:- 

لية إنتي اية اللي حصل معاكي ؟ 

جوري باسي:- 

كان في في اوضتي برص والله أعلم كان هيبقي في اية تاني ؟ 

طب وانتي خرجتي إزاي ؟ 

خرجت إزاي بتساليني خرجت إزاي؟ ما إنتي لو مهتمة كنتي عرفتي لوحدك أو جيتي خرجتيني لكن انتي معنتيش بتهتمي بيا شكراً يا مصر شكراً أوي يعني

تمارة بحزم :- 

جوري اتكلمي كويس و احكيلي كل حاجة

جوري لسة هنتكلم لينا زعقت و قالت:- 

آسفة لو هقطع لحظة العتاب اللي بينكم الفار خرج من تحت السرير و جاي عليا هو شكله فار اعمي الحقوناااااااي 

جوري و تمارة بصوا ليها و جوري ضيقت عنيها و قالت:- 

هو اللي على السجادة دا برص ولا أنا بيتهيقلي

تمارة ركزت معاها و قالت:- 

ينهار أسود و منيل بستين نيلة اية بيت الزواحف دا ، دا مش بيت بني آدمين طبيعيين ابدا

لينا عيطت أكتر و قالت:- 

أبوس اديكم خرجوني من هنا ، كان يتقطع لساني قبل ما أقول عاوزة اجي هنا ينهار ملحوث بقااااا 

تمارة نغزت جوري في اديها و قالت:- 

بسرعة شوفي حد يجي ينزلها

جوري جريت مكان ما كانت واقفة هي و كمال و مسكت ايده و قالت:- 

مفيش وقت للتفسير و لا للكلام

شدته معاها و كمال سارح في دنيا تانية خالص و بيقول في سره :- 

يااااه أد اية الدنيا حلوة ، اه لو تفضلي كدا باقي العمر يا جوري قلبي ، والله قلبي مش مبطل نبض هينط من مكانه من كتر الفرحة

جوري وقفت قدام الاوضة و زقته جوه و قالت:-

هاتها بسرعة

بص لقي لينا بتعيط و هي فوق الدولاب فراح نزلها و مسك ايديها و خرجها بره 

تمارة كانت في النص بصت لـ لينا و بعيدين بصت لـ جوري و جريوا على تحت و هما بيصرخوا

وصلوا للباب و يدوب لسه هيفتحوا لقوا نوح واقف على السلم من فوق و بيقول :- 

استنوا هنا إنتوا راحين فين ؟ هو دخول الحمام زي خروجة ولا اية 

تمارة عيونها و سعت و لفت لية و قالت:- 

رايكت و عشر كومنتات ارفعوا الفصل يا جماعة عشان يوصل للكل ☺️

يتبع

الفصل العاشر 

استنوا هنا إنتوا راحين فين ؟ هو دخول الحمام زي خروجة ولا اية 

تمارة عيونها و سعت و لفت لية و قالت:- 

يعني اية راحين فين إنت حابسنا هنا ولا اية 

نوح بصلها ببرود و قال :- 

اعتبريها زي ما تعتبريها المهم إن محدش هيخرج من هنا ، بابا البيت دا مش هيتعتب حتي الجنيه مش هتشوفوها غير بأذني

ذكية بحزم :- 

دا مين اللي قرر كدا ، إنت بتقرر منك لنفسك ، اسمع يا نوح البنات هنا ليهم نفس الصلحيات اللي ليك إنت مش جايبهم هنا تتحكم فيهم 

نوح بعصبية :- 

إنت مش شايفة يا ناناه واقفين قدام الباب و عاوزين يخروا إزاي ولا كانهم عيال صغير 

ذكية في سرها :- 

لا و اصمالله عليك انت يا حبيبي اللي كبير و عاقل ، مشفوكاش وإنت واقف قدام البت لا عارف تنطق حرف و لا عارف تتحرك واقف متنح و خلاص 

بصت للبنات و قالت ليهم :- 

قربوا يا بنات 

البنات قربوا على ذكية بتوتر و ذكية مسكت اديهم و قالت:-

اي اللي مزعلكم من المكان إحنا مش كنا اتفقنا على إنكم هتعدوا معانا

لينا باندفاع:- 

اتفقنا على إننا نقعد معاكم هنا لكن متفقناش اننا ندخل بيت الرعب برجلينا

- رعب اية يا بنتي بس حصل اية فهميني

لينا بخوف و هي ماسكة في ايد تمارة:- 

كان في فار في الاوضة اللي أنا قاعدة فيها 

جوري مسكت في ايد تمارة التانية و قالت:- 

و كان فيه برص في اوضتي أنا عاوزة ارجع بيتنا تاني ، والنبي يا تمارة أنا آسفة والله بس خلينا نرجع تاني 

تمارة بصت ليهم بسخرية و متكلمتش و ذكية بصت ليهم و قالت:- 

معلش اصل البيت زي ما إنتوا عارفين مش عايش فيه غيري أنا و نوح و عطيات و زي ما إنتوا عارفين البيت كبير و لما عرفوا أنكم جايين رتبوا الأوض بس معرفوش اية فيها ، على العموم حصل خير بصوا نوح هيكلم الشركة تيجي ترش البيت كله و إنتوا اقعدوا مع تمارة في الاوضة بتاعتها نوح كان ساعات بيبات فيها فـ هتلاقوها نضيفة مفيهاش حاجه 

تمارة بصت ليهم و هما بصولها بخوف و قالت:- 

خلاص ماشي هنقد بس البني آدم دا و شاورت على نوح ميدخلش في حياتنا تاني لو سمحتم

البنات طلعوا على الاوضة و تمارة بصت لـ نوح بتحدي و نوح رد ليها نفس النظرة و قال في نفسه:- 

بتحلمي يا حبيبتي كل شئ يخصك أنا اللي هبقي متحكمة فيه و قريب أوي هتبقي على اسمي وقتها بقي ابقي أسمع لسانك الحلو دا بتكلم يا يا زبادي

....

البنات دخلوا الاوضة و نوح دخل اوضتة و قفل الباب بابتسامة ، نام على السرير و هو بيضحك و بيقول:- 

و ماله يا زبادي ليك يوم يا عسل بس وقتها متقولش اي يا بشا

ابتسم و هو بيفكر إن خلاص تمارة بقت معاه في نفس البيت لا و في الاوضة اللي جنبه كمان اتنهد و قال :- 

على الهادي هتيجي يا زبادي

كمال واقف في نص السلم و بص على باب أوضة البنات لقاه مقفول بص على الباب الثاني بتاع نوح لقاه مقفول فنفخ بضيق و قال:- 

طب أنا أروح فين دلوقتي يا مظلوم يا كمال يا اللي ملكش حد يهتم بيك مش كان زمانك يا وردة داخلة فاظتي و مطلعة ريحة حلوة 

ركز في كلامة و قال:- 

اي الكلام اللي أنا بقوله دا ؟ أنزل يا كمال شوف ذكية و بطل خيابة

نزل سلمتين و بص على بابا غرفة ذكية لقاه مقفول قال:- 

حتي إنتي يا ذكية قفلتي بابك في وشي ، دا أنا مليش حد بجد بقي 

........

دخل البيت و قعد على أول كرسي قابلة و اتنهد بتعب و حط راسة بين ايده و هو بيقول:- 

يا رب دلني عليهم يا رب عاوز اخدهم في حضني و لو مرة قبل ما أموت

خرجت رأس الحية متشيكة و لابسة قميص نوم و عاملة ميكب في وشها و قالت بدلع:- 

اي يا أيمن يا حبيبي لسة ملقتهومش

أيمن رد عليها من غير حتي ما يبصلها و قال :- 

اه لسة ملقتهومش ، بس أنا مش هياس أنا هفضل أدور عليهم لحد ما ارجعهم لبيتهم و بيت ابوهم من تاني 

دولت في سرها :- 

يا رب يكون قطر دا سهم و لا ولعوا بجا.ز وسـ ـخ في شقة أو حتي ماتوا مقتو.لين المهم ميلقهومش 

حطت اديها على كتفه و قالت بدلال:- 

طب يا أيمن مش تقوم يخويا تغير هدوم و تاخد دش كدا عبال ما احضرلك لقمة تاكلها إنت بقالك كام يوم على لحم بطنك

أيمن غمض عيونه و رجع راسة لورا و قال :- 

و مين يجيله طعم للرحة ولا نفس للأكل و بناتي مش لاقي ليهم أثر

دولت جزت على سنانها و قالت بغيظ مكتوم:- 

هتلاقيهم يا حبيبي دا الدنيا صغيرة خالص في يوم من الأيام هتلاقيهم 

أيمن بصلها و اتصدم و قال فجأة:- 

اية اللي انتي لابساه دا ، دا بدل ما تلبسي اسود و متقلعهوش طول حياتك ، لبسالي قميص نوم لا و أحمر كمان ، فاكرة نفسك لسة عيلة صغيرة قومي قومي غيري الارف اللي إنتي لبساه دا 

دولت بصدمة:- 

قرف اية اللي أنا لبساه يا راجل و بعدين مين دي اللي كبرت على الحاجات دي ، ضربت على بطنها بخفة و قالت:- 

طول ما البطن دي تقدر تشيل ابقي أنا لسة صغيرة ، أنا مراتك يخويا و قاعدة في بيتي يعني البس اللي أنا عوزاه و أعمل إللي أنا عوزاه ، أنا مش بعمل حاجة غلط 

أيمن بعصبية:- 

قومي من جنبي قومي و إنتي مفكيش اي شير يثير كدا ، قومي أمشي من وشي شيفاني شايل الطين فوق دماغي و مش طايق نفسي و جاية تتمحك ، قومي قامت عليكي حيطة 

دولت بغضب :- 

هتندم يا أيمن والله لتندم على كلامك ده. 

أيمن زعق و قال :- 

قولتلك قومي من خلقتي ، و خدي بالك أنا لسة منستش اللي أمك عملته و مش هنسي و هشوف إن كان ليكي دخل في الموضوع دا والا لا و يا ويلك لو عرفت إن ليكي دخل فيه هتكوني فتحتي على نفسك أبواب جهنم غوري من خلقتي 

دولت دخلت الاوضة جري و هي خايفة منه و قالت في سرها :- 

و رحمت أمي يا أيمن لاندمك على كل حرف طلع منك و بناتك دول ابقي قابلني لو قابلتهم تاني ، ميبقاش شعري دا على شعر واحدة ست إلا لما أكون جيباك راكع تحت رجلي و طالب السماح و الغفران كمان ، و كله بوقته حلو يا أيمن كله بوقت حلو .....

......

البنات نايمين على السرير و تمارة مش جاي ليها نوم بصت ليهم لقتهم راحوا في النوم قامت خرجت البلكونة تشم هوا بعد عشر دقائق بالظبط لقت اللي بيكلمها بعصبية و بيقول :- 

.

.

لاف و عشر كومنتات يا سكاكر عشان الفصل يترفع لو التفاعل حلو هنزل بكرة تاني إن شاء الله 

.

.

.

.

.

.

همسات ليله

حكايات آخر الليل

إعادة تأهيل معقدة

بقلم زهرة عصام