رواية عشقت برائتها الفصل السادس 6بقلم زولة وحيدة
رواية عشقت برائتها الفصل السادس 6بقلم زولة وحيدة
بعد مرور 3 ايام أسر طلع من المستشفى ووصل ع القصر وطبعا روح وامها وكيان جهزولو حفلة برجعته ليهم معافى
اسر بفرح :ايه كل الحلاوة دي
كيان بفخر :انا اللي جهزت كل دة
أسر :بس انا مش قصدي ع التجهيزات
جاسر بضحك :قصدو عليكي انتي ياقمر
كيان ابتسمت بخجل
اسر ضرب جاسر ع بطنه
جاسر بوجع :ياعم مالك دانا بعاكسها
آسر :احسنلك تبطل
جاسر وبيروح يقعد بعيد :اه خلاص
اسر راح باس جبين مامته
أسر :تسلميلي ياماما
زينب :الله يسلمك ياحبيبي حمدالله ع السلامة
اسر :الله يسلمك ياروحي
روح :في حد غيران من ماما
آسر بخبث :اه وهتموت من الغيرة
كلهم كانو بيبصو ع كيان
جاسر من بعيد :انتي يا كوكي
كيان باستغراب :وانا هغير ليه
اسر اتجه لها :هنعمل حالنا مش عارفين ولا ايه دانتي بتموتي عليا
كيان بتوتر :اموت عليك ليه ان شاء الله
اسر قرب علشان يبوسها بس منعه صوت جاسر
جاسر :لالا مش هنا يا اسر عيب والله
اسر كور ايده بغضب وكيان حرفيا اتمنت الأرض تنشق وتبلعها من الخجل
آسر :خلاص احنا هنروح
كيان ببراءة :بس مدوقتش الكيكة دانا عملتها خصوصي علشانك
جاسر :طب وانا
كيان بخجل :وعلشانك كمان
جاسر نط من ع الكنبة وراح للكيكة
جاسر :تعال نقطعها يا آسر مكتوب عليها اسامينا
كلهم اتجهوا نحو الكيكة وأسر وجاسر قطعوها واكلو بعض واسر اكّل مامته وروح وكيان
جاسر اكّل روح وطبعا أسر منعه يأكِّل كيان لما جيه دور مامته كان متردد
آسر :ماما ارجوكي وافقي
روح :اه ياماما بليز
زينب وافقت بعد إلحاح منهم كلهم
جاسر حضنها لا اراديا بدون ما يحس وهي ابتسمت
بعد مدة كلهم راحوا ع غرفهم كان باقي جاسر اللي كان بيلملم الحاجات
زينب طلعت تشرب ماية لقيته بينظف المكان
زينب :احم ع فكرة في خدم
جاسر :اه بس محبتش اتعبهم واصلا غير كدا انا مش قادر انام ف قولت انظف يمكن انعس
فلاش باااااك
:ماما انا مش قادر انام ممكن تحكيلي قصة
:حاضر ياحبيبي تعال هنا
ومسكت راسه وحكيتله قصة لحد مانام
باااااك
(دة كان جاسر لما كان صغير)
بعد مدة جاسر طلع ع اوضته بس برضو مش قادر ينام وفضل يعيط وهو بيتذكر ماضيه
فلااااش باااك
جاسر بترجي :ارجوكي متروحيش
:اسفة ياجاسر بس انا مبحبكش ولا انت الإنسان اللي بتمناه
جاسر :هخليكي تحبيني هعملك اللي انتي عايزاه
:بس انت معندكش فلوس علشان تعملي اللي انا عايزاه
واختفت من قدامه
بااااااك
زينب راحت من قدام اوضته وسمعت صوت شهقاته كانت مترددة تدخل له ولا لا في النهاية قررت تدخل له
زينب بحنية :مالك يا جاسر
جاسر اول ماشافها راح حضنها
جاسر :كلهم بيحبوا الفلوس ياماما كلهم زي بعض انا مش عارف ازاي حبيتها اصلا
زينب أخذته ع السرير ونيمته ع رجليها
زينب :مش كلهم ياجاسر شوف زي مرات آسر هي مش بتحب الفلوس ولا بيهمها لدرجة أنها لما اتجوز أسر احنا معملناش فرح وهي م اعترضت ع الكلام دة ولما جبنالها الشبكة قالتلي دة كتير عليا انا مش عايزاه بس انت كان حظك شوية وحش بس كويس انكو سبتو بعض
جاسر :بس انا لسة بحبها
زينب :هتيجي اللي تنسيهالك انت بس اصبر صدقني ياجاسر ربنا مش بيبعد الا السيئين واكيد هو هيعوضك بالاحسن بس انت اصبر
جاسر باس ايدها
هي اتوترت بس قررت تقعد معاه وتساعده علشان ينام
زينب :عايز تنام زي زمان
جاسر بلهفة :اه
زينب حطت ايدها ع راسه وبدأت تقرأله قرآن وهو نام
قامت غطته وطلعت وراحت ع اوضتها
في صباح يوم جديد
عند آسر وكيان
كيان فاقت لاقت نفسها في حضن آسر ابتسمت لما اتذكرت امبارح
فلااااش باااااك
آسر :كيان انا عارف انك بتحبيني بس انتي ليه مش عايزة تعترفي ب دة
كيان :امممم يمكن بحبك بس محتاجة شوية وقت مع نفسي علشان اتأكد من الحب دة وبعدين يمكن انت تتغير فجأة وتبقى قاسي زي زمان
آسر :وعد مني مش هكون قاسي يا كياني
كيان :طب ممكن طلب علشان اتأكد انك اتغيرت
أسر :اه اتفضلي
كيان :أسر انا مكملتش دراستي كنت خلصت امتحان الشهادة وبعدها مرات عمي وعمي قعدوني بالغصب في البيت علشان مهتمش ب دراستي ويشوفولي عريس
آسر :وانتي عايزة ايه
كيان:عايزة اكمل دراستي
آسر
آسر بغضب :لأ عايزة تروحي ع مكان فيه شباب وصايعين وقرف لا ياكيان
كيان :أسر بليز وانت لو عايز ممكن توديني وترجعني علشان يعرفو انك جوزي
آسر بغضب :لا ياكيان
كيان راحت ع السرير بضيق وغمضت عيونها
آسر :جبتي كام في تالت
كيان بفرحة :موافق
آسر :جبتي كام جاوبي
كيان :95
اسر :عايزة تدخلي كلية ايه
كيان :طب بشري
اسر :اها وايه اللي خلاكي تختاري الكلية دي بالذات
كيان :علشان أنقذ اي حد من أنه يفقد أهله
أسر راح قعد جنبها :وايه كمان
كيان فضلت تحكيله لحد ما نامت
باااااااك
كيان قربت من اسر وباسته ع شفايفه برقة
اسر فاق وفجأة كان بيعتليها
آسر :احسنلك تبطلي الحركات دي علشان هغير رأيي في موضوع الكلية
كيان :لالا خلاص هبطل
آسر قرب منها وباسها بشغف وحب
بعد عنها بعد وقت علشان تاخد انفاسها
كيان زقته وجريت ع الحمام ووقفت ورا الباب وحطت ايدها ع قلبها وابتسمت
عند روح كانت بتكلم حد وبتضحك معاه
جاسر دخل
جاسر:بتكلمي مين ابت
روح :هرجعلك بعدين
وقفلت بسرعة
جاسر :مين دة
روح بتوتر :واحد زميلي في الكلية
جاسر :زميلك اه روح انا مريت بمرحلتك دي وعارف انه مش مجرد زميل
روح :أه يا جاسر مش زميلي دة حبيبي
جاسر :الله وكمان بتحبي
روح :اه مش عيب الواحد يحب انت و آسر تفكيركم قديم
جاسر :احنا تفكيرنا مش قديم يا روح انا اللي قدامك حبيت وحصللي ايه سابتني علشان مكنش عندي فلوس وبعدين انتي لسة صغيرة ي روح الحب دة عبارة عن وجع وبس قليلين اللي نهايتهم بتكون سعيدة عارفه ليه
روح :ليه
جاسر :لأنهم اختارو بحكمة وعلاقتهم مكنتش لوقت طويل اول م حسو بالحب عملو الخطوة الأولى انهم قالو لاهلهم وبعدها بدأو يحضرو للجواز ودة كلو برضا ربنا اما العلاقة اللي بتكون في الحرام يعني اهلك مش عارفين وانتو اصلا لسة مفكرتوش في الجواز أو في الخطوبة دة كدا مش حب دي علاقة في الحرام والعلاقة اللي في الحرام مش بتكمل اتمنى انك تكوني فهمتيني يا روح
روح بدموع :بس انا بحبه اوي يا جاسر هو وعدني اننا هنتجوز قريب
جاسر :طب فينه خليه يجي وانا مستعد اني اقبله حتى لو اسر رفضه
روح :اما هحاول اقنعو انه يجي بأقرب وقت بس انت متقولش ل آسر ارجوك
جاسر :مش هقول لاسر بس اذا ما جيه خلاص تلات ايام انا هقول ل آسر موافقة؟؟؟
روح :موافقة
في المساء كانو قاعدين في كافيه
روح :ارجوك يا إياد تعال اتقدملي قبل التلات ايام دي احنا بس هنعمل خطوبة وبعدها احنا اللي هنقرر امتى الفرح
إياد :لا يا روح انا مش جاهز ومحتاج وقت علشان أرتب افكاري
روح بدموع:بس جاسر قالي إذا أنت مجيتش قبل التلات ايام دي هو هيشوفلي عريس وهيقول ل اسر
قرب منها وحضنها
إياد :طب هوافق بس بشرط
روح بلهفة :ايه هو
إياد :.........
تكملة الروايه اضغط هناااااااا
تعليقات
إرسال تعليق