مجمع الروايات الكامله والحصريه فقط اضغط على اسم الروايه موجوده كامله في موسوعة القصص والروايات جميع الفصول مع البرنس محمد السبكي قصص وروايات كامله يسعدني تواجدكم معنا في المدونه

رواية إعادة تأهيل معقدة الفصل التاسع 9بقلم زهرة عصام 

رواية إعادة تأهيل معقدة الفصل التاسع 9بقلم زهرة عصام 

إعادة تأهيل معقدة 

رياض لسة هياخد دولت و أيمن على الحبس لقي زيزي داخلة تقول:- 

بنتي بنتي يا حضرت الظابط دي يا عيني مظلمومة و معملتش حاجة هما اللي كدابين و اللي ضربو.ها أنا شيفاهم بعنيا دول

ضياء:- و انتي إيش عرفك إن بنتك مظلومه و طلما شيفاها بعينك ليه مدخلتيش تدافعي عنها ؟! 

زيزي بتوتر:- خفت على نفسي يا سعادة البيه أنا ست كبيرة و مش حمل دا كله 

ضياء بسخرية:- ست كبيرة و مش حمل دا كله عليا أنا برضوا يا زيزي هانم دا صوابع عطيات لسة معلمة على خدك أهي

زيزي حطت ايديها على خدها و قالت في نفسها:- 

يعني لازم تفكر الواحد ما تسيبني ناسية يخويا دي أول مره تحصل في التاريخ إن واحدة تمد ايديها علي زيزي

فاقت على صوت دولت و هي بتقول:- 

انتي اية اللي جابك بس أهو هيدخلك معانا عند عطيات يا زيزي

زيزي:- يلهوي بقي مش عاوزه أنزلها تاني كل مرة بعلقة يا دولي

دولت :- اثبتي يا ولية اية هنخيب وإلا اية علقة تفوت ولا حد يموت يا زيزي

زيزي:- ينـ ـعل أبو اللي يعرفكوا يا شيخة لقتيهم التلاتة مع بعض لازم لسانك يطول يعني اديكي خدتي علقة و هنتحبس

دولت لوت شفتيها بحركة شعبية و قالت:- بلا واكسة بالك إنتي البت العقر ية الكبيرة دي بالتلاتة يختي 

زيزي:- اه يا فرستني جينا نعملها معاهم علموا علينا بس و رحمة اللي خلفوني ما هسيبهم

ضياء بضيق:- شاويش رياض خد البهوات اللي عامليني فيها فتوا.ت دول على الحجز للصبح خلينا نخلص 

و بص لـ فتحية و البنات و قال:- ها يا بنات تحبوا نعمل فيهم حاجة تانية 

تمارة ببراءة مصطنعة:- اه يا عمو متخلهومش يجوا ناخيتنا تاني و خصوصاً لينا عشان هي بتزعل جامد يعني

ضياء بحب :- حاضر يا حبيبتي

فتحية:- أقدر أخد بناتي و أمشي يا بشا

ضياء:- أيوة يا ست اتفضلي

فتحية:- بس قبل ما امشي بعد إذنك يا بشا عاوزة محضر عدم تعرض من التلاتة

ضياء بص لـ رياض و زعق و قال:- 

انت لسة واقف لية اتفضل خدهم و غوروا من هنا 

و بص لـ فتحية و قال:- 

إنتي هتتنازلي على المحضر دا وإلا هتمشيها قانوني ؟ 

فتحية بصت لـ البنات و قالت بقهرة :- 

للأسف هطر إني اتنازل لان فيها سمعت بناتي اللي ملهمش ذنب في عمايل أبوهم و الرقا.صة مراتة مش هقدر اشوه أو اطلع على بناتي سمعة يا حضرت الظابط دول عرايس زي ما أنت شايف

رياض بضيق :- مع إني مش معاكي في الحته دي و كان لازم تكملي المحضر بس تمام وقت ما تتنازلي عليه هنعمل محضر صلح و عدم تعرض

فتحية:- تشكر يا حضرت الظابط

رياض بص للبنات و قال بغمزة :- 

لا بس طلعتوا رجالة و خدتوا حقكم يا بنات 

تمارة بصت لفوق و جوري و لينا بصوا لبعض بصدمة و رياض كمل بضحك:- 

أنا عارف كل حاجه بس عشان انتوا زي أخواتي مش هقدر اعملكم حاجة عشان عارف الموضوع من الأول 

تمارة بتزمر:- بس هي اللي غلطت الأول إحنا كنا راجعين من المدرسة يا عمو و هي اللي جاية تمد اديها اسكتلها يعني عشان تفكر نفسها بيج رامي ؟ 

ضياء ضحك على تشبيها و قال:- 

بس تصدقي بالله أنا عاجبني اللي عملتوه فيها دا انا كنت بآخر دخول القوة عشان تضر.بي اكتر

تمارة:- بجد أنا مش عارفه أشكرك إزاي و أهي خدت اللي فيه النصيب

ضياء ضحك و غمز ليهم و قال:- و لسة دا انا موضي عليها هي و أمها عطيات

البنات ضحكت و فتحية شكرت ضياء و اخدتهم و مشيوا....

❈-❈-❈

هدي قاعدة في اوضيتها بتعيط و بتفتكر اللي حصل و هي يتقول:- 

طب هو لية مصر أنه يقابلني بره و كمان بيزعل لما اقوله لا دا حتي ممسكش فيا و مشاني زعلانة كدا يا نضال أهون عليك اللي عملته فيا دا 

دا أنا حبيتك و اتخليت عن مبادئي عشانك و في الآخر تعمل فيا كدا تسيبني زعلانة كدا و تمشيني زعلانة اخص عليك مش مسمحاك و بقت تعيط جامد 

كانت قاعدة تعيط و حابسة نفسها في الاوضة و مش راضية تفتح لحد 

فجأة تليفونها رن برسالة خلت الضحكة تبان على وشها و تقول:- 

كنت متأكدة إني مش ههون عليك تنيمني زعلانة يا نضال

فتحت الرسالة و اتصدمت لتاني مره النهارده لما قرأت محتواها 

" هدي إحنا مش هينفع نكمل مع بعض إنتي بنت كويسة و بنت ناس حبيتك اه لكن مش هينفع أكمل معاك كدا آسف قرار نهائي و مش هعرف أرجع فيه سلام و متحاوليش توصلي ليا عشان هعملك مشاكل" 

هدي اتصدمت من الرسالة و حست نفسها رخيصـ.ـه أوي و قالت لنفسها:- 

بعد دا كله بعد اللي عملته علشانه يسيبني كدا من غير حتي سبب مقنع

دموعها بقت تنزل من غير ما تعيط و هي بتقول:- 

و كمان بيهددني انا اللي اتخليت عن مبادئي و كل حاجة عشانة و في الآخر يعمل فيا كدا 

قلبها كان بيتقطع و هي مش عارفه تعمل اية بقت تلوم نفسها و تقول:- 

أنا الغلطانة أنا اللي وافقت على دا من الأول لو كنت رفضت مكنش حصلي كدا انا السبب في وجع قلبي دا 

بقت تضرت في نفسها و تلطم و هي بتقول:- 

لية يا نضال لية دا انا حبيتك ليه تعمل فيا كدا لية هو أنا وحشة وإلا فيا حاجة غلط ليية حرام عليك أقسم بالله ما هسامحك في يوم من الأيام .. و رب الكعبة لو بتمو.ت قدامي و كلمة مغفرة مني اللي هتر.حمك مش هتنولها مني يا كلـ ـب و قلبي اللي حبك دا هجيبه تحت رجلي و ادوس عليه بأو.سخ جذمة 

بقت تفكر و تقول:- يعني هو كان بيتسلي بيا دا كله و أنا المغفلة اللي مش واخدة بالي و اللي مش مصدقة عنه كلمه مش حلوة .. أنا لية بيحصل فيا كدا  

وقفت و بقت تلف في الاوضة و تعيـ ـط و قلبها واجعها أوي لدرجة إنها كانت حاسة إن روحها بتتسحب خرجت من الاوضة و راحت لـ مامتها و هي بتقول:- 

ماما ينفع تاخديني في حضنك 

مامتها أول ما شافتها كدا اتخضت و حضنتها و قالت:- 

- فيكي اية يا حبيبتي اية اللى جرالك ما كنتي كويسة

هدي حضنت مامتها و عيطت جامد و بقت تشهق من كتر العياط و هي يتقول:- 

تعبانة أوي يا ماما و مخنوقة من الدنيا بحالها

بصت ليها و كملت كلام  :- 

هو أنا وحشة؟! طب لية محدش بيحبني و الكل بيجي عليا ؟ انا مش مسامحة أي حد خدعني أو داس ليا على طرف 

مامتها مش فاهمة حاجة بس سابتها تطلع اللي جواها لأنها منهارة جدا

هدي فضلت تعيط لحد ما أغمي عليها و مامتها اتخضت و صر.خت باسمها و قالت بصوت عالي:- 

سامر يا إبني الحق أختك بتمو.ت 

سامر جري عليهم و شاف هدي على الأرض وشها مصفر و نفسها بيضيق شالها و جري بيها على المستشفى

❈-❈-❈

رياض زق أيمن في الحجز و قال:- نورت تاني يا حبيبي هخليهم يقوموا معاك بالواجب عشان أنا حذرتك انك تقرب منها بس أنت مسمعتش كلامي و أهو اخرتك في الحبس اهو و عشان معملتش ليا قيمة و سمعت الكلام قابل بقي يبشا

أيمن :- قصدك اية يا شاويش لا و حيات أبوك و بعدين دي مراتي يا شاويش

رياض:- و أنا قولت متتعرضش ليها و خليك في حالك حصل وإلا لا 

أيمن:- حصل بس دي مراتي و أنا من حقي أعمل فيها اللي انا عاوزة 

رياض:- لية هي بضاعة تعمل فيها اللي انت عاوزة دي بني آدمة من لحم و دم و كفاية أوي اللي انت عملته فيها هي و بناتك لحد دلوقتي يا أخي أنت كل شوية تقل من نظري غيرك مش عارف يتجوز أصلا و اللي ربنا مش رايد ليه الخلفة دا انت هتتشوي في نا.ر جهنم 

أيمن:- جري اية يا شاويش أنت بدافع عنها كدا لية تكونش عاوز تتجوزها يخويا أو ماشية معاك في الحرا.م ؟ 

رياض بصدمة:- هو دا اللي فهمته من كلامي يا إبن الكـ ـلب انت 

و مسكه من لياقة هدومة و قال:- 

مراتك الست فتحية دي أشرف من الشرف يا روح امك و أنت متستاهلش ضافر منها يا إبن ***** انت رميت واحدة محترمة عشان واحدة بنت **** رقاصة و كاشفة جسمها للكل دا أنا لو رحت قولتلها هخرجك مقابل ليلية مش هتتردد يا إبن الكـ ـلب و في الآخر جاي ترمي المحصنات و راح ضا.ربة بالبـ ـكس و قال:-

طلما الزوق مش جاي معاك تبقي العافية هي اللي هتربيك يا إبن الكـ ـلب انت 

و مسكه من دراعة زقه في الزنزانة و قال:- 

فرصتلك جاتلك يا عو إعمل اللي انت عاوزه فيه و اتوصي بيه من عندي كمان شوية عشان دا واحد لما.مة محتاج يتربي من جديد

العو:- علم و ينفذ يا بشا و طلما انت قولت كدا يبقي انت بتحبة أوي بقي و ليك حق عنده و دا اللي هرجعولك

أيمن كان واقف ميت في جلده و بيقول:- 

يا رب تعدي على خير يا رب و اتندهد و هو بيقول:- 

يا رب

رياض اتعصب و ضر.بة بالقلم و قال:- دلوقتي عرفت ربنا يخويا دلوقتي عرفته كان فين ربنا و انت بترمي بلاك على واحده ست لا و مراتك كمان ياخي اتقي الله بقي و اعملة حساب دي أم بناتك خاف عليها و عليهم خاف على سمعت عرايس يا إبن الكـ ـلب

و بص للعو نظرة هو فهم معناها و خرج من الزنزانة و هو متعصب و مش شايف قدامة 

❈-❈-❈

رياض مشي لحد ما وصل للعسكري اللي موقف دولت و زيزي فـ مسكم بعـ ـنف و مشي بيهم لحد الزنزانة و بص لـ دولت و قال:- 

شعورك اية و انتي الأساس في خراب بيت الراجل و بهدلت مراتة و عيالة 

دولت :- بس متقولش مراتة هيطلقها متقلقش و على يدي يا شاويش

رياض:- انتي اية شيطانة مش هامك حد ولا بتكبري لحد حطي ربنا قدام عينك يا شيخة

زيزي:- جرا اية يا شاويش أنت هتديني درس في الأدب و الأخلاق وإلا اية مش كفاية اللي إحنا داخلين عليه و بعدين فيها اية يعني الراجل هو اللي جه برجلية يعني محدش ضربة على ايده و قالة تعال 

رياض:- بس كان في إيدك إنك ترفضي و ترجعيه لـ بيته و عياله وإلا اية 

دولت :- و أضيع فرصة زي دي من ايدي واحد متفق معايا يطلق مراتة و أنا ابقي الكل في الكل و غير كدا هنزل شغلي في الكبا.ريه و بعلمة دا مش بعيد كمان ينزل معايا الشغل

رياض تف على الأرض و قال في نفسه:- 

مستني منهم اية يا رياض يسمعوا النصيحة و ينفذوها دول كلا.ب الله المستعان عليهم 

بصلهم بغيظ و قال:- 

و عشان انتوا حبايبي و أنا بحبكم لله في لله كدا خدوا مني الواجب دا 

و نادي بصوت عالي و قال:- 

عطياااااات 

عطيات بسرعة:- نعم يا ضي القلب تؤمر بحاجة

رياض بصلها جامد و قال:- 

الاتنين دول يتعلموا الأدب عشان غلطوا كتير و اتوصي يا عطيات أنا هقف هنا و شاور على مكان و كمل و قال:- 

عاوز اسمع صوتهم لحد ما نفسهم بتقطع

عطيات بصتلهم بغضب و قالت:- بقي انتوا اللي قلبتوا وش ضي قلبي كدا تعالي يا مرا منك ليها أنا هعرفكم إزاي تتعاموا معاه كويس و شديتهم من هدومهم

دولت بلعت ريقها بصعوبة و قالت:- 

دي شكلها هتبقي ليلة لطيفة خالص 

زيزي:- استعنا على الشقا بالله دا إحنا هنا.كل ضر.ب 

❈-❈-❈

فتحية أخدت البنات و روحت و جمعتهم قدامها و قالت :- 

إحنا اخدنا العفش و الحمد لله يعني حياتنا دلوقتي هتبقي طبيعية جداً

بصت ليهم من تحت لـ تحت و قالت بتركيز:- 

و اللي حصل النهارده ميتكررش تاني إحنا مش فتوات ولا فاردين دراعاتنا

تمارة :- لا نسيبها تضر.بنا و نقف نتفرج عليها بقولك ايه يا توحة طيبة القلب بتاعتك دي يختي اركنيها على جمب أنا مش هسيب حقي و هاخده أول بأول أنا مش ضعيفة يا توحة و كملت بشرود و فدية بنت الصر'مة دي والله في سماه لكون فضحاها عشان تبقي تعرف تطول لسانها في أخلاقنا تاني 

توحة بصتلها بتوجس و قالت:- 

هتعملي اية يا تمارة اعقلي يا بنتي مش كدا ربنا أمرنا بالستر

تمارة بصت ليها بغيظ و قالت:- 

و هي معملتش كدا لية ؟ افهم معملتش كدا لية ؟ وقفت قدام الكل و طلعت فينا العبر و قالت علينا ولاد شوارع ماشيين على حل شعرنا 

شاورت على لينا و قالت:- 

كان عاجبك منظرها لما جت تعيط ها قوليلي

فتحية اتنهدت و قالت:- يا بنتي انا مرفش هتعملي اية لكن كله إلا الفضيحة يا تمارة عاقبيها بأي حاجة تانية إلا الفضيحة

تمارة بصتلها ببرود و قالت:- 

و أنا رئفة مني لأمها اللي شايفة نفسها ببنتها و طالعة بيها للسما هفضحها قدام أهلها بس مش قدام العالم كله 

فتحية بمراوغة:: يا تمارة يا حبيبتي اسمعيني بس 

تمارة قطعت كلام أمها و قالت:- 

بصي يا أمي انتي مهما تقولي برضوا مش هسمع منك لاني حذرتها بدل المرة تلاتة و قولتها تبعد عن سكتنا و هي مسمعتش الكلام هي مش أحسن مننا في حاجة عشان أسكت و أداري عليها و دا آخر كلام عندي

لينا سقفت و قالت:- برافوا عليكي يا فنانة أقسم بالله معلمة يا بنتي 

و بصت لـ أمها و قالت:- 

ما تسيبي البت تعمل اللي هي عاوزاه يا فتحية اية هتطبقي على نفسها أنتي كمان 

و غمزت لـ تمارة و قالت:- أنا معاكي يا بت شوفي هتعملي اية و أنا معاكي فيه 

تمارة بغمزة:- لا متخافيش أنا أعرف أعمل كل حاجة لوحدي بس صبراً عليا أقسم بالله لهتتربي يا فدية و على ايد أهلك عشان تبقي تتحدي تمارة تاني 

❈-❈-❈

العو بقي يقرب لـ أيمن و يقول:- 

نفسي أعرف عملت اية لـ حضرت الشاويش مخليه شايل منك كدا 

أيمن:- معملتش حاجة يا أستاذ عو بشا هو بس اللي بيدخل نفسة في حاجات ملوش فيها فـقـولت ليه متدخلش هو دا كل اللي حصل

العو بسخرية:- أيوة طبعاً مفهوم مفهوم

و ضربه على قفاه كف خلاه وقع على الأرض و مسكه من لياقة هدومة وقفه و قال:- 

انت شايفني غبي وإلا مختوم على فقايا عشان أصدق كلامك دا 

و لوي بوزه و هو بيقول:- 

دا انت شكلك عامل عملة منيلة مع الشاويش رياض عشان كدا وصي عليك دي عمرها ما حصلت يا جدع هتقول بالذوق وإلا هتقول برضوا بالعافية ؟ 

أيمن بخوف:- خلاص خلاص هقول كل الحكاية أنه زعلان على مراتي اللي طلقتها يا أستاذ عو بشا و لما جه يكلمني لغبطت معاه في الكلام

العو :- لا أفهم الحوار من أوله معلش 

أيمن هز رأسه بايجاب و قال:- حاضر حاضر بس ممكن اقعد رجلي وجعتني من الوقفة

العو قعده و قال:- احكي يا معلم اشجيني

أيمن حكي ليه حكايتة و إزاي طلق فتحية و رماها هي و بناته في البيت القديم و عن العفش و كل حاجه

العو:- صدق بالله هتصدق إن شاء الله انك إنسان خسيـ ـس و ابن كلـ ـب و أنا بقي هعلمك الأدب بقي يا راجل يا كلـ ـب تتهم مراتك في شر.فها انا عشت و شوفت كتير مشفتش زيك كدا استرجل يلا و بطل الهطل اللي أنت فيه دا 

أيمن:- حط نفسك مكاني يا أستاذ عو راجل بيدافع عن مراتك أوي و بدم حامي و هي لا بينها و بينه صله قرابة هتعمل اية ؟ 

العو:- و مش المفروض إنك عايش مع مراتك دي اكتر من عشر سنين يعني عارفها و عارف أخلاقها ؟ 

مش المفروض بناتك دول عايش معاهم و مربيهم من أول ما إتولدوا دا الكلـ ـب بيحنن على ولاده و بيمنع أي حد يقرب منهم تروح أنت رميهم كدا لـ كلا.ب السكك ينهشوا فيهم من غير رحمة ؟ 

أيمن:- بس انا مرمتهومش أنا إديتهم بيت قعدوا فيه انتوا كلكم جايين عليا لية محدش فكر أنه يحط نفسه مكاني لية انا عاوز ولد يشيل إسمي و يشيلني في كبري

العو بسخرية:- و أنت مفكر إن الواد هو اللي هيشيلك ؟ بتحلم يا بشا الواد هو أول من ير.ميك أنت للأسف خسرت كتير أوي أولهم مراتك و بناتك 

أيمن بغيظ :- بس متقولش مراتك لأني هطلقها أول ما نخرج من هنا أقولك هي طالق مني بدون رجعة يا أستاذ عو

العو بصدمة:- أنت أ.هبل وإلا شكلك كدا ؟ يا أخي اتقي الله بقي

أيمن بزعيق:- واحدة رمتني في السجن عاوني أعملها اية أخرج اخدها بالحضن

العو برق عينه و قال:- 

ينهار أبوك مش فايت ؟ انت بتعلي صوتك عليا و في زنزانتي كمان لا دا أنت قلبك مات بقي و محتاج اللي ينعشة 

و بص للرجالة و قال:- 

الأستاذ مش عاجبه كلامي يا رجالة و بيعلي صوته كمان أنا عاوزة يعرف مين هو العو اللي بيعلي صوته عليه دا ؟ 

الرجالة اتلفت حوالين أيمن دايرة و أيمن بقي يلف حولين نفسه و خايف من الخطوة الجاية 

العو:- أنا هشرب كوباية شاي عاوز اخلصها تكونوا خلصتوا في الجربو.ع دا 

أيمن بصوت واطي:- أستاذ عو بشا ممكن نتفاهم

مكملش كلامة و كانت الرجالة بدأت تضرب فيه و يحدفوه من واحد للتاني

أيمن صوت تألمه خرج بره و رياض أول ما سمعة ضحك و قال:- 

دا الأول فاضل ولاد الكـ ـلب التانين عشان يبقوا يتمادوا معايا تاني 

❈-❈-❈

عطيات قاعدة على كرسي و زيزي و دولت واقفين قدامها زي ما يكونوا عاملين ذنب بصت ليهم و قالت فجأة:- 

مين فيكم اللي زعل ضي القلب انطقوا

دولت و زيزي شاوروا على بعض و قالت في نفس واحد:- 

مش انا دا هي 

عطيات بصت ليهم بنص عين و قالت:- يعني تزعلوا ضي القلب و كمان بتكذبوا دا انتوا حسابكم هيبقي معايا عسير عشان ضي القلب اللي واقف زعلان دا 

و بصت للستات اللي حاطين اديهم على خدهم و بيبصلها بـ هيام و قالت:-

يلا يا ولية منك ليها مش وقت نحنحة انا عاوزاهم يتعلموا الأدب ضي القلب واقف بره عاوزه صوتهم يطلع لحد عنه عشان يعرف إني جبتله حق زعله دا 

دولت:- إسمعي بس يا ست عاطيات نتفاهم هو إحنا دوسنا ليكي على طرف مش معقول كل ما نجيلك هتعملي فينا كدا 

زيزي بسخرية:- انتي بتكلمي مين يختي دي بتقولك ضي القلب يعني هننضر.ب هننضر.ب فـ حطي لسانك في بوقك و وفري مجهود الكلام دا للعلقة اللي هناخدها

عطيات ضحكت و قالت:- 

أمك معاها حق و بتفهم إسمعي كلامها بقي 

و بصت لـ النسوان و قالت:- يلا خمس دقائق و أسمع الطرب الجميل من صوتهم 

النسوان قلعوا الشباشب و جريوا على دولت و زيزي و نزلوا ضر.ب فيهم و التانين بقوا يضر.خوا و صوتهم وصل لـ بره 

رياض:- والله و عملتيها يا عطيات يا قلبي بحبك يا بت 

❈-❈-❈

نضال قاعد يشرب حشيـ ـيش مع صحابة و هو بيقول:- 

هبلة دي كانت مفكرة إني هتجوزها دي أخرها معايا ليلة 

- و انت لية يا صاحبي سبتها دي شوية و كانت هتسلملك نفسها و بإرداتها

نضال سرح و قال:- لسبب في دماغي

و بصلهم و قال:- متطيروش الدماغ اللي انا عاملها خلينا ننبسط و قال في نفسه:- 

صحيح أنا حبيتك يا هدي بس انتي تستاهلي حد أحسن و انضف مني بكتير انا كانت غايتي منك في الأول إني أقضي معاك يومين لكن غصب عني حبيتك مش بس حبيتك انا عشقتك

❈-❈-❈

هدي نايمة على السرير و متوصل ليها محاليل و جهاز تنفس

سامر:- هي مالها يا دكتور ؟ 

الدكتور:- انهيار عصبي حالتها النفسية مش تمام و جالها انهيار عصبي و دا السبب أنها مكانتش عارفة تاخد نفسها

أول ما تفوق مش عاوز حد يسالها عن حاجة ولا يضغط عليها لأنها ممكن تكون ناسية اللي حصل

سامر هز رأسه بشرود و قال:- 

شكراً يا دكتور

و سرح في كلامه و هو بيقول:- إنهيار عصبي و حاله نفسيه مش تمام يا تري اية اللى حصل يا هدي وصلك للمرحلة دي ؟ 

❈-❈-❈

فتحية قاعدة هي و الولاد قدام التلفزيون و شافت إعلان الوظيفة في  الشريط اللي تحت فقالت :- 

سكرتيره لـ رجل أعمال

أخدت تليفونها بسرعة و سجلت الرقم و قالت:- 

والله لـ أجرب حظي هي بفلوس يعني ؟ الله يرحم الشهادة بتاعتي اللي اخدتها و ركنتها لأجل المحروس

بصت لـ بناتها و قالت:-

بصوا الإعلان دا أنا هقدم فية و اللي ربنا عاوزة هيكون عشان منحتاجش اللي إسمة أيمن دا في حاجة تاني

تمارة:- بس دي شركة كبيرة أوي يا ماما 

فتحية:- يا حبيبتي لو لينا رزق فيها ربنا مش هيقطعة عننا بكره الصبح إن شاء الله هروح أقدم فيها و هسبها على ربنا

لينا بفرحة:- ماما انتي هتاخديني معاكي يوم لو اتقبلتي فيها صح صح 

فتحية:- حاضر يا لينا اتقبل الأول و ربنا يحلها من عنده 

❈-❈-❈

كمال :- نوح بشا الإعلان نزل زي ما حضرتك أمرت بالضبط

نوح :- أنا بنفسي اللي هختارها يا كمان 

كمال:- تمام يا بشا أي أوامر تانية 

نوح :- لا روح إنت دلوقتي

كمال خرج من المكتب و نوح ريح على الكرسي و هو بيقول:- 

نبدأ شغل على نظافة بقي 

❈-❈-❈

فدية قاعدة في اوضيتها خايفة لـ تمارة تنفذ كلامها و بقت تقول لـ نفسها

أنا لازم يعني لساني دا يطول و يتكلم ما كنت وقفت اتفرج زي بقيت الناس و خلاص ربنا يسترها بقي مش عارفه تمارة هتعمل اية 

تمارة كانت ماشية و خبطت في حد وقفت و بصت ليها لقتها بتزعق ليها و قالت:- 

انتي عامية يا بت وإلا من كتر المشاكل اللي عندكم مبقتيش شايفة قدامك و ماشية تخبطي في خلق الله

تمارة:- لمي لسانك يا خالتي نوال أنا محترماكي بس عشان قد أمي 

نوال:- واضح برضوا التربية يختي ما انتي لو أمك كانت ربتك مكنتيش قولتي الكلمتين دول 

تمارة:- ربي بنتك الأول يا خالتي و بعدين ابقي تعالي اتكلمي

نوال:- قطع لسان اللي يقول كلمة على بنتي انا بنتي متربيه احسن تربيه

تمارة :- انتي صح حتي شوفي

طلعت التليفون و هي بتقول:- أنا أصلاً كنت جيالك و فتحت فيديو فدية و حطته قدام نوال اللي وشها أصفر من الصدمة و مش مصدقه

تمارة :- ها يا خالتي تحبي اللي متربتش تزيع الفيديو

تكملة الروايه اضغط هناااااااا