اسكريبت كامل اللي بيها ابتدي عمري كامل بقلم نشوه عادل
اسكريبت كامل اللي بيها ابتدي عمري كامل بقلم نشوه عادل
-خدامة عايزنى انا مروان البنا اللى نص بنات مصر بتتمنى ضافرى اتجوز خدامة فلاحة انت شكلك كبرت وخرفت يا محسن باشا
وهنا قلم قوى ينزل ع وشه واتكلم محسن بحدة: الظاهر انى فعلا مربتكش ودلعتك بما فيه الكفاية اسمع يالا هى كلمة واحدة يا تتجوز روفيدة يا اما هحرمك من العز اللى بتتفشخر بيه ده
مروان: انت بتهددنى انك تحرمنى من الميراث ده ع اساس ان فيه غيرى يورثك!
محسن: يا وارث مين يورثك يا ابن فخر ولو ع الفلوس ممكن اتبرع بيها لدور الايتام اهى كفالة اليتيم هتملى ميزان حساناتى.. اسمع يالا انا عاوز اسمع قرارك موافق ولا لا؟
مروان بعد تفكير: موافق بس وربى لاعيشها فى جحيم هخليها تتمنى الموت ومتطلوش
محسن: والله لو فكرت انك تإذيها ما حد هيقفلك غيرى وهكتب كل حاجة باسمها هى
مروان بعصبية: للخدامة ايه هى سحرالك ولا ايه؟
محسن: غور من وشى يالا وتيجى هنا بليل عشان نكتب الكتاب
مروان خرج من الفيلا وركب عربيته وطلع ع النايت كلوب وكان لسه مشتغلش دخل ع البار وقال: هاتلى كاس
ماندو: ايه يا مروان باشا احنا لسه بالنهار حتى
مسكه مروان من ياقته وقال بعصبية: انت مال اهلك اعمل اللى بقولك عليه اخلص
ماندو: حاضر حاضر
فضل يشرب لحد الليل قام وهو سكران طينة طلب اوبر وجه اخده وراح ع الفيلا وكان جده والمأذون وبنت منتقبة قاعدين مستنينه
مروان: هاللو اهلا اهلا يا فضيلة الشيخ اتفضل اكتب قسيمة الجحيم بتاعى انا والمدام
المأذون: ايه ده يا ابنى انت سكران؟
مروان: لا كنت سكران لحد ما شوفت البومة اللى قاعدة جنبك دى شايف منظرها يقطع الخلف من قبل ما اشوف خلقتها اومال لما اشوفها هيحصل ايه؟
كانت بتفرك ايدها بتوتر عيونها دمعت وهى بتسمع كلامه اللى زى السم فأكمل المأذون: يعنى انت مش موافق ع الجواز
مروان وهو بيبص لجده: لو عليا انا مش طايق ابص فى خلقتها اصلا بس حكم القوى
المأذون: معنى انك مش موافق يبقى الجواز باطل
محسن: يا فضيلة الشيخ هو موافق وباقتناع بس هو بيحب يهزر ويرخم
المأذون: يا ابنى انت فعلا موافق
مروان وهو يكبت غضبه: موافق
اتكتب الكتاب وقرب مروان من روفيدة اللى مش باين منها غير عيونها اللى بتشبه الارض الخضرا وقف قصادها بغل وقال: مبارك عليكى يا قلبى الجحيم الابدى
مردتش عليه اكتفت بالنظر ليه بخوف ونزل لمستوى راسها وغمز وقال: يالا بينا يا عروستى نروح اوضتنا
مسكها من ايدها لحد ما طلعوا الغرفة قلع القميص وفضل يقرب منها لحد ما وقعها ع السرير قرب منها والشرار بيطق من عيونه وسمع صوتها الرقيق: هت.. هتعمل ايه؟
مروان مردش عليها وفجأة شد النقاب من ع وشها ليتصدم صدمة عمره: روفيدة!؟
#اللى_بيها_ابتدى_عمرى ♡الاول♡
#يتبع
-مروان مردش عليها وفجأة شد النقاب من ع وشها ليتصدم صدمة عمره: روفيدة؟! انتى انتى عايشة ازااااااااى انتى مش موتى فى الحادثة مع عمى ومراته من تلات سنين
روفيدة بدموع: مروان يا حبيبى اهدى وادينى فرصة افهمك
مروان بغضب وعصبية: تفهمينى؟! تفهمينى ايه؟! انى بقالى تلات سنين ميت بالحيا عايش جسد بلا روح اتغيرت وبقيت واحد انا نفسى معرفوش مستهتر ومهمل وانانى تلات سنين وانا عايش على ذكراكى كل يوم مع بنت شكل ع اساس انى هقدر انساكى وابدأ حياة جديدة ليييييه عملتى فيا كده ليييييييييه؟
روفيدة كانت بتعيط بدون رد فأكمل هو: محسن باشا كان عارف طول الوقت ده انك عايشة وبيستغفلنى وبيتلذذ بموتى بالبطئ قصاده انا لازم اواجهه واعرف هو بيعمل معايا كده ليه؟
روفيدة وقفت قصاده وقالت بدموع: جدو ملوش ذنب انا اللى طلبت منه ميعرفكش
مروان: ليه؟!
روفيدة: اهدى واقعد وانا هحكيلك كل حاجة والله عشان خاطري
مروان قعد وركز معاها فاتنهدت وحاولت تتمالك اعصابها: بابا الله يرحمه كان ماسك ملف قضية تخص ناس كبيرة اوى فى الدولة وقدر انه يوقعهم بفلاشة وصلتله لما كنت انا وهو وماما بنعمل الاشعة المقطعية بتاعت ماما وقتها حد جاله وسلمه الفلاشة وبابا قرر انه يطلع ع وزارة الداخلية يسلم الفلاشة ليهم بس العصابة كانت اسرع وفكت فرامل العربية بابا طلب منى انى انط منها انا وماما خصوصا ان الحزام بتاعه مكنش راضى يتفك ماما رفضت تنزل وانا كمان لكن بابا اصر وعطى ليا الفلاشة وامنى اوصلها للوزارة طبعا انا وقتها مكنتش فاهمة ولا عارفة حاجة كان عندى 18 سنة جدو عرف انى لسه عايشة اخدنى وسفرنى برة مصر باسم مش اسمى عند خالتو بأمريكا
مروان: طيب عايز اعرف برضه انا ليه معرفتش انك عايشة؟!
اتنهدت بتعب وقالت: فكرة انى متعلقة بيك وابعد عنك دى كانت بتقتلنى خصوصا بعد ما العصابة كانت واثقة انى لسه عايشة لان طبعا ملقوش غير جثة بابا وماما بس وده قلقهم وانا عارفة انى لو انت عرفت انى لسه عايشة مش هتسيبنى وانا خوفت عليك انهم يأذوك انت او جدو جيت ع نفسى تلات سنين وانا بموت يا مروان وانا بعرف اخبارك اول بأول بس والله والله انا بعدى عنك كان من خوفى عليك
مروان اخدها فى حضنه جامد من قوته كانت حاسة ان ضلوعها هتتكسر وانفجر بالعياط وبعد عنها وهو بيملس ع وشها وايدها عشان يتأكد انها معاه بجد وبعد ما هدى: طيب مش خايفة من العصابة؟
روفيدة: لا يا قلبى خلاص مبقاش فيه داعى للخوف لانى سلمت الفلاشة للسفارة ومنزلتش غير لما اتأكدت ان منهم اللى مات واللى عاش اتسجن
مروان: وحشتيني اوى يا روفى
روفيدة: وانت وحشتنى اوى يا قلب وعقل روفى
فى الصباح نزل مروان ولقى جده قاعد فى الجنينة بيقرأ فى كتاب قرب منه وباس راسه
محسن بابتسامة: ياااااه ده ايه الرضا ده كله؟ اول مرة الاقى مروان من تلات سنين
مروان: انا اسف يا جدى انا غلطت فى حقك بس غصب عنى انا روحى كانت رايحة منى ودلوقتى بس رجعتلى
محسن: الحمدلله يا ابنى المهم انك تبدأ حياتك من جديد وعلى نضافة
مروان: ده اكيد من بكرة هنزل الشركة وهترجع شركة البنا تنافس فى السوق وبقوة
محسن بضحك: حيلك يا عم سوبر مان بكرة ايه انت فى شهر العسل لسه ولا تكونش زهقت؟
مروان: ازهق من روحى ده كلام والنبى
محسن: اختشى يا واد ع العموم عشان تعرف انى احسن منك خد دول
مروان: ايه دول؟
محسن: حجزتلكم طيران عشان تقضوا شهر العسل فى المالديف زى ما كنت بتخطط
مروان قبل يد جده: ربنا يباركلى بعمرك اما اروح افرح روفيدة
روفيدة من وراه: روفيدة فرحتها انها رجعتلكم واتلم شملنا من تانى
جلست جنب جدها وقبلت يده فاحتضنها بحب ... مروان: طب انا مليش من الحظ جانب؟!
فتح له محسن ذراعه الاخر واحتضنهم بحب😍
#اللى_بيها_ابتدى_عمرى♡الاخير♡
#تمت
#بقلم_نشوه_عادل
تعليقات
إرسال تعليق