رواية أميرة القصر الصغيره البارت السابع عشر 17بقلم اسماعيل موسي
رواية أميرة القصر الصغيره الحلقه السابعة عشر 17 كامله وحصريه
#اميرة_القصر_الصغيره
17 شىء مختلف
. قالت احبك، فقتلتها
كنت فاقده الوعى عندما جرنى شخص بعيد عن ساحة النزال، اخفانى فى مغاره وأغلق بابها على ثم هرب !!
المغاره مظلمه ،لما كنت بفتح عنيه كنت بفتكر انى لسه محبوسه فى مغاراة الوادى الصامت، متكتفه بتعذب كل ليله على يد شاب غريب
كان بيغمى عليا واصحى والظلام يحيط بيا، حرارتى كانت مرتفعه جدا، لكن جسمى كان بيقاوم، الأعشاب إلى تناولتها وقلب الحبار عملت تغيرات كبيره فى جسمى لدرجة ان جرحى بداء يلتئم من تلقاء نفسه
كنت حاسه بالجوع والعطش لكن مش قادره اتحرك، نزفت دم كتير وصحتى متدهوره
لما قدرت انصب طولى فتحت باب المغاره إلى كانت قريبه من القلعه والقصر
بصيت من فوق الجبل، القلعه كانت خاليه، القصر متحطم كأنه اترجم بالمنجانيق
غربان ماليه ساحة النزال بتاكل فى جيف جثث ميته ريحة ععفونتها كانت واصله لحد عندى
نزلت من على الجبل ومشيت بين الجثث، ناس اعرفها وناس معرفهاش مقتوله بطريقه بشعه
مشفتش ولا شخص، محدش قابلنى، قعدت على الأرض بحزن، فكرت فى نفسى انا خذلتهم مره تانيه صوفيا قضت عليهم وكل دا بسببى
كل فرقتى مختفيه، فيه اطفال كتير ميته، مدهوسه بالاقدام
رغم صدمتى الا انى لاحظت حاجه غريبه، آثار أقدام حيوانيه آثارها فى الوحل
هو ايه الى حصل هنا؟
اتحركت من مكانى ومشيت بين الأشجار ابحث عن اى شخص، مضت مده طويله قبل ما اسمع صوت آنين قادم من حفره تحت شجره
كانت ست عجوزه رجلها مقطوعه والتعفن زحف فى جسمها، قربت منها كانت بتفتح عيونها بصعوبه قالت انتى ارين؟
قلت ايوه انا ارين، حصل ايه هنا؟
مدبحه يا بنتى، خرجو من بين الأشجار، حاصرونا وقتلو كل الناس الموجوده
سألتها، صوفيا؟
الست فقدت وعيها، فضلت جنبها لحد ما فتحت عنيها مره تانيه
مين عمل كده؟ صوفيا ؟؟
الست عنيها ابيضت وروحها طلعت
صرخت صوفيا؟ ازاى فيه مخلوق مهما كان جبروته يقدر يقتل ناس أبرياء واطفال ومسنين؟
دفنت الست العجوزه، دورت على أكل كان فيه بقايا طعام فى المطبخ اكلت وشربت، كنت بدأت استعيد قوتى
لكن عقلى بيغلى، مش عارفه هعمل ايه ولا اتصرف ازاى، حياتى كانت رخيصه اوى عليا وقررت انى اهاجم صوفيا لوحدى انا استحق الموت
خدت طريق الغابه لأنه الأقصر وبدأت فى الركض، حسيت حد بيجرى ورايا بيراقبنى لكن من بعيد، اتأكدت من كده، كل ما كنت بقف فى مكانى حركته بتتوقف، استدرت وصرخت أظهر نفسك قبل ما اقتلك
ارين؟ همس صوت ضعيف من بين الأشجار
صرخت، مين؟
طلعت فنتا من بين الأشجار، كانت متبهدله، جريت عليا وهى بتبكى ورمت نفسها فى حضنى
انت حيه؟ كنت افتكرتك ميته لما جريتك على المغاره، قفلت عليكى ومشيت
بعدها وبكت فنتا قبضو عليا انا اتبهدلت يا ارين اتبهدلت
حاولت اهدى فنتا، صوفيا عملت فيكى ايه؟
مش صوفيا يا ارين، صوفيا مش عارفه حصل معاها ايه، انا لما عرفت ان فيه حرب هتقوم بينك وبين صوفيا تركت الوادى الصامت انا والبنات وركضنا بكل سرعه عشان نحارب معاكم
وصلنا متأخرين شويه، كانت حربك مع صوفيا تقريبا انتهت لما طعنك اليان فى ضهرك
صوفيا كانت مستعده لقتلك لما تعرضت مؤخرة حراسها للهجوم
حصلت لخبطه كبيره، المستذئبين هجمو بكل قوتهم محدش كان منتبه ليهم، كانو زى الريح، الناس هربت، حصلت لخبطة كبيره
قدرت انى اوصلك المغاره قبل ما اهرب قبضو عليا زى كتير غيرى
صوفيا كانت مصابه فى قدمها رغم كده حاولت تصد الهجوم، عافرت لحد ما وفرت لما تبقى من حراسها فرصه للتجمع والانسحاب
لكن الباقى كله اتقتل
وانا يا ارين وعيطت فنتا اتخدت غصب، كانو مجموعه من خمسة أشخاص وكانو اقوياء جدا مقدرتش عليهم
سابونى مرميه بعد ما افتكرو انى مت
كان معاهم واحد قوى جدا يا ارين بيقتل بسرعه زى الوحش
كل الناس إلى كانت هنا ماتت؟
لأ مش كلهم، الباقى اتخد أسرى وعبيد، اتجرو على معقل الذئاب فى الغابه الشرقيه
انا سابونى هناك قريب من المعقل بتاعهم وقدرت بالعافيه انى ارجع هنا
روحت على المغاره ملقتكيش وفكرت ان وحش جبل او ذئب قضى عليكى واكل جثتك
قبل ما انتقم من صوفيا لازم اخلص الأسرى إلى وثقو فيا واحتمو بقصرى
طلبت من فنتا تحاول تلاقى أشخاص أحياء، تبحث فى كل مكان
مفيش حد تانى يا ارين، كل إلى فضلو اتجمعو فى قلعة صوفيا
فيه مجلس حرب هناك بيخططو هيردو الهجوم دا ازاى
دى حرب بين قطيعين عمرها آلاف السنين
يعنى احنا لوحدنا صح؟
للأسف ايوه يا ارين، احنا لوحدنا ومش هنقدر نعمل حاجه، والاسرى مش هنقدر نخلصهم احنا مجرد شخصين
انا مش هقف فى مكانى من غير ما اعمل حاجه، كنت مقررة انتقم من صوفيا
لكن الأول لازم احرر الأسرى، انا هتوجه ناحية الشرق لازم اقابل زعيم المستذئبين واتكلم معاه
انتى اتجننتى يا ارين؟ دا بيقولو اى ست بتعجبه بسيطر عليها وبياخدها غصب
دا متوحش بلاش عشان خاطرى يا ارين بلاش، دا زير نساء، عارفه بيقولو معاه ست بنات بيمشو جنبه كلهم جواريه، اخدهم من حروب وقلاع مختلفه بنات ملوك وامراء ، دا حتى بعت لصوفيا بصفتها زعيمة القطيع الوحيده انها تجيلو خاضعه زليله عشان يعفو عنها
وصوفيا عملت ايه؟
صوفيا قطعت الرساله إلى بعتها وقتلت الرسول وبعتتله راسه فى جوال
لأول مره احترم صوفيا، دايما الرجاله بيبصولنا على اننا ضعفاء، أقل منهم لازم نقبل الفتات إلى بيرموه وراهم لا وكمان لازم نكون مبسوطين
وكازنوفا دا شكله ايه؟
صفحة الكاتب على الفيس بوك باسم اسماعيل موسى
محدش يعرف، مش بيتخلى عن صفته الحيوانيه، لكن فيه اشاعات بتقول انه وسيم جدا وبيعامل جواريه بطريقه استقراطيه
وانتى عرفتى كل دا من فين يا فنتا؟
من اول الهجوم بتاعه والناس كلها معندهاش كلام الا سيرته، قوته، جبروته، وسامته
دا فيه ناس بتقول انه ساحر كمان
رغم ان الكلام كان عن موت واستغلال الا ان فضولى شدنى اشوف الشخص ده
قررت انى أتوجه لمعقل الذئاب واتجسس عليه من بعيد
ايرين 👇👇
تكملة الروايه من هنااااااا
اكتب ف بحث جوجل موسوعة_القصص_والروايات
الرواية كامله اضغط هناااااااا
تعليقات
إرسال تعليق