رواية أنثى من نار البارت العاشر والحادي عشر 10_11 بقلم مرفت السيد
رواية أنثى من نار البارت العاشر والحادي عشر 10_11 بقلم مرفت السيد
#انثى_من_نار
♡11&10♡
فجأة سمعو صريخ في العيادة
والدكتور طلب الممرضة تدخله
قام عدي بقلق وقال : دي حلا
السكرتيرة قالتلهم: متقلقوش دة طبيعي
مجدي: متقلقش ياعدي يمكن. تكون واخيرا اقتنعت بوفاة عمو منير وبتعبر عن حزنها
شوية والدكتور ندهلهم وكانت حلا نايمة
قالهم: هي بترتاح دلوقتي وانا اديتلها ابرة مهدئة وان شاء الله لما تفوق هاتلاقوها بقت طبيعية هاتعيط وتحزن
عدي: يعني ناخدها ونروح
الدكتور: مفيش مانع
مجدي: هي كدة هتحتاج جلسات تاني
الدكتور: هي خلاص رجعت طبيعية جدا وابقى طمني عليها يامجدي وانا هقولك هتحتاج. حلسات تاتي ولا لأ
عدي شال حلا لحد العربية وروحو بيها ولما وصلو شالها
الجد شافه جري عليه قاله: مالها
عدي: خدت إبرة مهدئة
فادية ومحمد طلعوا يطمنو عليها
فادية: طيب يابني طلعوها فوق
الجد: انا هاسبقك وافتحلكم الباب
محمد: اصل حبيبة نايمةهنا مع منار ونور
طلعو فوق وعدي دخلها لحد. اوضتها مع الجد
ولما خرج لقى الجد بيبكي وهو ماسك سجادة الصلاة بتاعة منير
ومجدي بيواسيه عدي قال: وحد الله ياجدي انت راجل مؤمن
الجد: لا إله إلا الله
مجدي قال: جدي دة احنا بنتعلم الايمان والصبر منك
الجد: ربنا يصبرني فراقه صعب
اقعدو ياولاد انا هعمل قهوة هعملكم معايا
ودخل بدون انتظار الرد يعمل القهوة
فجأة الباب خبط عدي فتح لقى اخته الصغيرة اخر العنقود نور بتعيط وبتقوله عدي بابا وماما بيتخانقو ونورا عاوزة تموت نفسها
عدي نزل جري لقى منصور ومنال بيتخانقو ونورا بتبكي وفي ىسكينة عالارض
جىي عدي حضن نورا وقال بزعيق: في إيه يابابا انتو بتتخانقو ليه ومالها نورا إيه اللي بيحصل
منصور: لقيت امك عاوزة تاخد نورا ويروحو عيد. ميلاد بنت اختها ونورا زي ماانت عارف بتنام من العلاج ومينفعش كمان تخرج بملون ومكياج قدام البيت ومفيش اي دم عندها ولا اكن الي مات اخويا
نورا سمعت زعيقنا كانت هتموت نفسها لولا لحقتها
منال: وفيها إيه لما اخرج ببنتي ونشم هوا ونفرح عادي هو قعادي هنا حزينةهايرجع منير الله يرحمه ماكفاية انت ياعدي باشا بقيت مرهون لحلا خلاص انا الوحشة دلوقتي
عدي بصلها بذهول ومنطقش اما منصور قالها: تصدقي انك. معدومة الدم والاحساس اتفضلي
وشدها لحد باب الشقة وخرجها برة وقالها: روحي لاختك وهيصي وارقصي ومترجعيش
عدي دخل نورا اوضتها اترمت في حضنه وقالتله: متزعلش مني ياعدي انا اسفة على اي حاجة عملتها غلط انا هاتغير
عدي ربت على رأسها وابتسم وقالها: وانا واثق من كدة ناني يانورا عشان بكرة تطلعي تعزي بنات عمك وتوريني التغيير الي بجد
نورا: حاضر انا والله زعلت على عمي دة كان. طيب
عدي: حبيبتي انا عاوزك تعرفي ان الدكتور بيقول انك بقيتي افضل وانك دلوقتي تقدري تخرجي لوحدك وتتعاملي مع الي حواليكي لانك واهيرا بقيتي تعرفي ىالفرق بين الصح والغلط والحرية والتسيب
نورا: ربنا مايحرمني منك
: تصبحي على خير
وانت من اهله
عدي خرج لقى نور نايمة عالكنبة شالها ونيمها على سريرها بجوار نورا
البيت كله نام والصبح صحيوا على.. الجد بينده عليهم كلهم يطلعوله
الكل هرول لشقة منير لقوا حلا بتصرخ وبتعيط بهستريا والجد. مش قادر يهديها
بقلم مرفت السيد
مجدي قال: الدكتور قال دة طبيعي
فادية: لا مينفغش نسيبها كدة
عدي: سيبوها تطلع الي جواها
فضلت تصرخ وتعيط
وتقول: سبتني ليه يابابا انا مليش غيرك
اعمل ايه من بعدك يارب
وفضلت تكسر في كل الي ايدها تطوله لحد. مافقدت الوعي
شالوها لحد. اوضتها ومحدي اتصل بالدكتور الي قالهم. دة كبيعي وصحي وهي هاتصحى وهترجع طبيعية بحزنها ومع الوقت هاتهدا ومفيش اي قلق دة مان. محرد صدمة وانكار
محمد: لاحول ولاقوة الابالله العلي العظيم
الجد: روحو شوفو اشغالكم انا مش هاسيبها
عدي: انا اجازة ياجدو
مجدي: وانا خلصت امتحانات واجازة
محمد: انا هاروح شغلي بالاذن
فادية نزلت مع جوزها
وحبيبة ومنار صحيوا وطلعوا قعدو مع جدهم
عدي: انا عاوزك بموضوع ياجدو
الجد: قول ياحبيبي
عدي: ممكن ندخل البلكونة نتكلم براحتنا
قبل مايتحركو دخلت نورا كان شكلها متغير للكل لبسها وشعرها بقت ارق واجمل
سلمت على الجميع وطلبت منهم تدخل تطمن على حلا
الجد: دي اتغيرت خالص
عدي: بتتعالج ومع تقويم السلوك اتحسنت وتصرفاتها بقت افضل
دخلو البلكونة وعدي قال: بصراحة كدة ياجدو انا كلمت عمي الله يرحمه قبل مايسافر في موضوع كدة وهو كان موافق بس أجله كمان 4 سنين
الجد: مانا عارف
عدي: 😳
الجد: حكالي كل حاجة وانا وافقته على قراره ولو هو دة الموضوع ياعدي اعتقد مش وقته
عدي: بس...
الجد: اصبر وبلاش تحكي لأي حد حاجة دلوقتي عشان ساعتها كل تصرف منك هايتشاف من منظور مختلف غير دلوقتى
عدي: حاضر الي تشوفه
شوية ونورا طلعت ومعاها حلا معيطة بس، شكلها هديت شوية حزينة بس طبيعية
حبيبة ومنار جريو على حلا وحضنوها
والجد حضنها وباسها وقالها: حبيبتي حمد الله على سلامتك
نورا: انا لازم امشي عشان عندي جلسة مع جروب العلاج وهابقى اتطمن عليكي ياحلا
عدي ابتسم وطلع كريدت كارد وقالها: لو لازمك. حاجة اشتريها
فرحت وباسته من خده ونزلت
حلا قعدت بحضن جدها وهي حزينة وبتبكي
جدها قالها: وحظي الله ادعيله انا جنبكم مش هاسيبكم ابدا بإذن الله
عدا شهرين وبدات الحياة ترجع لطبيعتها نوعا ما
الجد عايش مع حلا وحبيبة
ومنار ونور وحبيبة قربو جدا من بعص لان منال كانت بتبعد اولادها عن الاختلاط بباقي العائلة
وحلا ونورا اصبحو مقربين نوعا ما
وعدي رجع شغله وبيتطمن على حلا وحبيبة من الجد باستمرار
ومنصور بيفكر يتجوز على منال لانه تعب من انانيتها
ايمن خال حلا كان بيتصل وبيسإل عليهم دايما وقرر ييجي يزورهم النهاردة
حلا والجد استقبلوه كان.جايب معاه زيارة كبيرة جدا فاكهة وخضار وبط وفراخ وبعد الغدا طلع شيك ودفاتر الحسابات وطلب من حلا تراجع وراه الجد. كان بيتابع بصمت
رفصت ولكنه صمم
خلا قالت: ياخالو ارجوك انت اهل ثقة
ايمن: ريحيني يابنت الغاليين
: حاضر ياخالي
بعد المراجعة قالت: كله تمام
ايمن: اتفضلي ياستي دة نصيبك انتي وحبيبة
حلا: دة مبلغ امبر من المرة اللي فاتت
ايمن: لان وشكم حلو وبدإت اتوسع واتفقت مع كذا عميل جديد من ضمنهم مصنعين للمنتجات الغذائية والحمد لله
حلا: واخبار العيلة ايه
كلهم بيسلمو عليكم وعايزينك تزورينا باستمرار بس اما تعظي الفترة دي ولولا انشغالهم كانو جم معايا
: سلامي للجميع
انصرف الخال مودعا
الجد قال:ادخلو يابنات العبو جوة
لحلا: تعالي ياحبيبتي انا عاوزك بموضوع مهم واسمعيني كويس
..................🤔🤔😳😳
يتبع
تكملة الروايه اضغط هناااااااا
#انثى_من_نار
#بقلم_مرفت_السيد
#M_s
تعليقات
إرسال تعليق