رواية تزوجت طفلة البارت الرابع عشر 14_15_16بقلم دعاء تهامي
رواية تزوجت طفلة البارت الرابع عشر 14_15_16
رواية تزوجت طفلة البارت الرابع عشر 14_15_16كامله وحصرية
#Bart_14✨🦋
ننا جيت ي سكاكر حد فاكرني 🫶🥺♥لقيت نفسي فاضية شوية كتبت البارت اتمنه يعجبكم 🥺🥺✨🦋
(✦تزوجت طفلة✦)
في صباح يوم جديد صحيت قمر كانت الساعة عشره قامت بصت في المراية وكلمت نفسها
😇صباح الخير والجمال على احلي واجمل قمر 🌗 في الكون يخراشي مش عارفه القمر ده جي علي الدنيا ازاي 😹😹😹😹
شغلت اغاني ودخلت اخدت شاور وطلعت لقت تلفونها بيرن طفت الاغاني وردت الوووووو
نسمة: صباح الكنتاكي المواعين مستنياكي
قمر: 😹😹😹مواعين اي مش بغسل ياللي تنشكي
نسمة: ابختك اعم تعالي شوفيني متمرطمه
قمر: 😇دي حظوظ ي ثحبي
نسمة: حظ فقر وانا عارفه
قمر: 😹😹مش يمكن انتي اللي فقر
نسمة: انتي بتحطميني علي الصبح عبوشكلك
قمر: 🥹لا دانا بحاول انزل من التوتر اللي عندي عشان النتيجة هتظهر النهاردة
نسمة: 😀دايما بتقولي كده وبتقفلي ي ثحبي
قمر: ههههه 😂قري ي فقر
نسمة: طب هتروحب امتي تشوفيها
قمر: هلبس واروح دلوقتي
نسمة: اشطاااا هعدي عليكي بس حساب العصير عليكي
قمر: وه ي ثحبي المفروض عليكي عشان انا هنجح وانتي تفرحيني
نسمة: 😒😒بت هو مش كل مره عليكي النهارده وخلص الكلام
قمر: عشان تعرفي اني كريمة هعزمك
نسمة: 😹😹😹كريم شانتيه صح
قمر: لا كريم بالجبنة يلا مش تتاخري عليا
نسمة: اشطااا ي زميلي سلامووووووز
قمر: سلاميزووو
جهزت قمر نفسها وطلعت قدام البيت لقت نسمة مستنياها
نسمة: هو مفيش مره متتاخريش
قمر: الاه مجهزش نفسي يعني
نسمة: 🤔بصراحه هو انا مش عارفه لو كنتي بتحطي احمر واخضر كنتي هتقعدي اد اي بشرتك خاليه من الميكب بتتاخري كده ليه
قمر: 😝لا ده برود حركة 😹😹😹😹😹
نسمه: طب امشي يالا ركبوا العربية والسواق طلع بيهم علي الجامعة
وصلوا وراحوا عشان يقابلوا المدير
قمر: صباح الخير
المدير: صباح النور اتفضلي ي قمر
قمر: تسلم
المدير: اكيد جاية عشان تعرفي النتيجة
قمر: ردت عليه بتوتر ايوه
المدير: بلاش التوتر ده علاماتك كاملة ي قمر بجد انتي فخر لاي كلية هتدرسي فيها
قمر: جد يعني انا كده هدخل الكلية اللي كنت بحلم بيها
المدير: تقدري تشوفي نتيجة الامتحان اهي
قمر: شكرا كتير اوي بجد مبسوطه خالص 😊😊😊😊
المدير: الف مبروك وفي نجاح دايم يارب
قمر: الله يبارك فيك شكرا لحضرتك
المدير: العفو
طلعت نسمة وقمر من عند المدير وقمر الفرحة مش سيعها
قمر: 😹😹😹حاسه اني طايرة من الفرحة مسكت ايد نسمة وابتدت تلف بيهاا
نسمة: 😳😳يخرب بيتك احنا في الشارع ي مجنونة
قمر: تعالي بس اعزمك علي مشروب الشكولاتة الساخن المفضل
نسمة: 🥺اذا كان كده ربنا يفرحك دايما عشان تعزميني
قمر: 😹😹😹مصلحة ايوه اي رايك اقولك نكته
نسمة: لو زي اخر مره مش عايزة لا
قمر: اسمعي بس
نسمة: هاااااا
قمر: 😁مره خسة بتسال خسة رايحة فيه قالتلها ما خسك 😹😹😹
نسمة: هييييي 😝بايخة زيك
قمر: 😹😹تسلميلي ي زميلي
نسمة: طب يلا تعالي اعزميني ولا بتضحكي عليا
قمر: يالا تعالي
راحوا الكافية وطلبوا اتنين مشروب الشكولاتة الساخن
نسمة: محتاجين نشد علي نفسنا شويه الدراسة هتبدا كمان اسبوعين
قمر: من النهارده مذاكرة ومراجعة
نسمة: ربنا معانا ي ثحبي
قمر: يارب
رجعت البيت بعض وقت وقالتلهم انها نجحت وكانوا فرحانين اوي عدت الايام وجي اليوم اللي هتروح فيه الكلية صحيت بدري وجهزت نفسها وراحت هيا ونسمة الكلية كانوا قاعدين في الاستراحة بيدردشوا مع بعض وضح جديد عليهم وهما متحمسين اووي لبداية العام الدراسي كانوا قاعدين وجت بنت قعدت جنبهم
_هااي
قمر: هلا
_اسمي هدير وانتوا
نسمة: جميل اسمك انا اسمي نسمة
قمر: وانا قمر
هدير: تشرفت بمعرفتك انا معرفش اي حد هنا ممكن نبقا اصدقاء
قمر: اكيد طبعا لينا الشرف
نسمة: 😹تعالوا نسمي الشلة اسم
هدير: 😹اي رايك في العصا*بة
قمر: الثلاثي المرح 😹بحب الفريق ده اوي واحنا هنبقا زيهم
نسمة: وانا كمان
هدير: 😹😹اشطا اتفقنا
نسمة: بنات معاد المحاضرة بدا يالا ندخل المدرج
قمر: يالا مش هيبقا من اول يوم تأخير
دخلوا المدرج كان الدكتور لسه مدخلش قعدوا في البينش الاخير والدكتور دخل وهناا كانت الصدمة ل قمر
#يتبع
#بقلم_دعاء_تهامي
#رواية_تزوجت_طفلة
اليوم طاحت عيني على عبارة مُريحة جدًا تقول! مهما كانت دراستك صعبة تأكد أنها على قدر طاقتك وعزمك ولو كانت معقدة تذّكر كم مرة كنت ستعلن الهزيمة، ثم تجاوزت هذا الظلام بنور الله وتوفيقه، كل سطر تقرأه وهم تحمله وتعب تشعر به لن يضيع أجره آمين لما في قلبك والله لشعوره♥️ .
#Bart_15✨🦋
(★تزوجت طفلة ★)
بصت قمر علي الباب وكانت الصدمة 😳 نفس العيون والملامح بس جسموا نحيف شوية هو ده زين اللي انا سبت اهلي عشانوا هو اللي سبت حياتي كلها وبعدت عنوا بس القدر ليه لعبة تاني وجمعنا من تاني كانت بتفكر ودموعها ابتدت تنزل بغزارة علي خدهااا ده كله وزين لسا مشفهاش اخد بالوا منها ومش مصدق ان هيا قدامه نفسها بس كبرت وبقت احلي من الاول بكتير مش عارف يعمل اي يحضنها ويقولها انها وحشتوا اووي وانوا كان غلطان فكل اللي حصل الف حاجه في دماغوا وكل واحد بيبص لتاني وساكت قامت قمر من مكانها وسابت المدرج. كله وطلعت ونسمة وهدير بيبصوا عليها باستغراب ومش عارفين اي اللي حصل
زين: شباب بما ان النهارده اول يوم ودي اول محاضرة خلوها تعارف بين بعض وانا شوية وراجع طلع بسرعة يدور عليها وقلبوا بيدق بسرعة بعد السنين دي كلها اخيرا قابلها لقاها واقفة في حتة بعيدا مفيش فيها اي حد وبتعيط بحرقة
راح عندها من غير مقدمات وحضنها بقوة حاولت تبعد. عنوا بس مقدرتش كان محكم قبضتوا عليها وبعد. محاولات عديدة قدرت انها تبعد. عنو
قمر: انت ازاي تعمل كده
زين: انا زين ي قمر انتي مش فاكرني انا جوزك
قمر: هههههه جوزي اللي كان فترة وهيطلقني
زين: انا عارف انب غلطت بس محبتش اظلمك معايا واعيش معاكي وانا مبحبكيش بس طلعت غلطان ومكنتش بحب ايناس
قمر: بسسسس انا مش عايزه اسمع اي حاجه قمر اللي كنت انت تعرفها ما*تت وانت اللي قت*لتها بايديك دول
زين: فعلا انتي مش. هيا مش قمر اللي حبتها وكنت مستني اقابلها طول الفترة دي وانا عايش علي امل اني القيكي وفي الاخر بقيتي بالقسوة دي
قمر: كل اللي وصلت ليه دي بسببك مش. بسبب حد غيرك بس تعرف لو مكنتش سمعتك. انت وايناس وانت بتتكلم في يومها مكنتش وصلت للي انا فيه دلوقتي حلمي بقا بين ايديا وباذن الله هوصل ليه
زين: طب مفكرتيش فينا مفكرتيش اي اللي حصل لاهلك واهلي بعد ما. مشيتي
قمر: 🥲مفيش حد كان عايزني لو اهلي كانوا عايزيني بجد مكنوش جوزوني وانا لسه طفلة 14 سنة كنت اعرف اي انا سعتها عشان يجوزوني لواحد اكبر مني بكتير
زين: وازاي جالك قلب تبعدي
قمر: مكنش قدامي حل تاني كنتي عايزني افضل معاك واستنه لما حضرتك تقولي انا مش عايزك وبحب واحده تاني انا ريحتك مني خالص وبعدت عايز مني اي تاني
زين: عايزك ي قمر ارجعي وانا هحاول اعوض كل حاجه فاتت انا بعد ما مشيتي اكتشفت اني بحبك ومقدرش اعيش من غيرك
قمر: هتقدر ترجعلي السنين اللي بعدت عن اهلي فيها هتقدر ترجع كل ليلة كنت بنام. ودموعي علي خدي هتقدر تعمل كل ده
زين: مش هقدر ارجع الماضي بس هحاول اغير من المستقبل هحاول اخلي ضحكتك ما تفارق وشك
قمر: اسفة مش هقدر
زين: اديني فرصة
قمر: مش هتعمل حاجه الفرصة لان مفيش حاجة هتتغير ابعد. عني وكانك مشوفتنيش ولا قابلتني اعتبرني مي*ته بالنسبة ليك
مسكها من دراعها وضغط عليه يعني اي اعتبرك مي*ته وانت عايشة طول الفترة اللي فاتت وانا كنت بتمني اليوم اللي اشوفك فيه ومش. هفقد. الامل. انك تسامحيني
قمر: براحتك عن اذنك
سابته ومشت راحت المدرج. اخدت شنتطها وطلعت هيا ونسمة وهدير من الجامعة
نسمة: مالك ي قمر فيكي اي ي حبيبتي
قمر: 🥹🥹شفتوا ي نسمة كل ما حاول انسي الماضي وامشي خطوة لقدام برجع الف خطوة لورا
نسمة: تعالى اقعده هنا كده هدير هاتي ميه قعدت وجابتلها مية شربت
نسمة:هو مين اهدي واحكيلي عشان افهمك
قمر: 🥺 زين ي نسمه انا شوفتوا انهارده وقصت لها ما. حدث معها
هدير: انا مش فاهمه حاجه يعني انتي كنت متجوزة وبعدها جيتي علي القاهرة
نسمة: ابقا تحكيلك بعدين بصي ي قمر انا مش هقدر اقولك اني حاسه باللي انتي حاسه بيه لاني معشتش اللي انتي عشتيه بس بلاش تظلمي نفسك
قمر: انا مش عارفه انا تايه من ساعة ما قبلتوا وكل. حاجه اتغيرت حياتي اتقلبت 180 درجة
نسمة: اهدي ي حبيبتي وان شاءلله خير تعالي روحي وصلي وادعي ربك. وارتاحي شويه وقبل ده كله من حق مامتك انها تعرف اللي حصل معاكي مهما كان هيا وقفت معاكي كتير اوي
قمر: 🥺 وده اللي هيحصل
#يتبع
#بقلم_دعاء_تهامي
#رواية_تزوجت_طفلة
🥺شكرا لكل شخص دعالي اني ربنا ينجحي ربنا يجبر بخاطرنا كلنا ويوفقنا ونوصل للي بنتمناه يارب 😍واتمنه يعجبكم
#Bart_16✨🦋
(♢تزوجت طفلة♢)
رجعت قمر البيت لقت مامتها قاعده في الصالون رمت نفسها في حضنها ودموعها نزلت
ام يزد: مالك ي حبيبتي بتعيطي ليه
قمر: هو هو 😭😭
ام يزد: اهدي ي حبيبتي قلبي وبلاش تخضيني عليكي
قمر: قابلتوا ي ماما
ام يزد: هو مين
قمر: زين
ام يزد: اي طب اتكلمتوا عملك حاجه
قمر: اتكلمنا وقصت لها ما حدث
ام يزد: طب ي حبيبتي اهدي محصلش حاجه كل حاجه هتبقا تمام
قمر: بس ي ماما انا مش هقدر اسامحه علي اللي عملوا فيا
ام يزد: هقولك ي قمر ي بنتي انا عارفه انك مريتي بحاجات كتير صعبة في سن صغير بس انا واثقة في قرارك وانك هتاخدي القرار الصح بلاش تعيطي تاني وكل حاجه هتبقي تمام
قمر: مش عارفه اعمل ايه ي ماما حلمي والكلية وزين كل حاجه حساها هتتهد
ام يزد: متخليش الماضي ي اثر علي مستقبلك وانا واثقة انو انتي هتاخدي القرار الصح
قمر: شكرا ي ماما لانك دايما معايا وبتساعديني في وقت ضعفي بحبك اوي
ام يزد: وانا كمان بحبك
قمر: صحيح ي ماما يزد فين بقالي من امبارح مشفتهوش
ام يزد: يزد سافر في شغل كام يوم ويرجع
قمر: سافر من غير ما يقول ليا
ام يزد: حتي انا معرفتش بكلمة باليل اشوفوا هييجي امتي قالي انا سافرت
قمر: حسابوا معايا لما ييجي
ام يزد: هههه وزي مقولتلك انتي هتعرفي تاخدي القرار الصح
قمر: ان شاءلله ي ماما هروح انام انا
ام يزد: مش هتاكلي الاول
قمر: مليش نفس لما أصحى
ام يزد: ماشي تصبحي على خير
قمر: وانتي بخير
تاني يوم الصبح صحيت قمر كانت حسمت قرارتها جهزت نفسها ونزلت لقت مامتها
ام يزد: كنت واثقة
قمر: صباح الخير ي ماما
ام يزد: صباح الورد علي احلي وردة هيا دي قمر اللي اعرفها مفيش حاجه بتضعفها
قمر: شكرا ي ماما لولا كلامك مكنتش هعرف اقرر
ام يزد: يلا وريهم قمر
قمر: اشطااا ي ماما باي 😘
راحت الجامعة البنات اتفاجوا انها جت
نسمة: قمر
قمر: هاي بنات
هدير: انتي كويسه
قمر: اه كويسه
نسمة: متاكده
قمر: في اي مستغربين ليه
نسمة:عشان امبارح واللي حصل فكرناكي مش هتيجي النهاردة وكمان بتضحكي
قمر: انا اخترت اني اوصل لحلمي ومخليش الماضي ياثر عليا
نسمة: واووا هيا دي قمر اللي اعرفها
هدير: فجاتيني بيكي يبا
قمر: اعجبك 😉😉
نسمة: يالا يختي منك ليها علي المحاضرة
قمر: او ماي قاد 😳
هدير: في اي
نسمة: مالك يبت وقفتي ليه كده
قمر: 😹😹انا طالعة قمر حبتين
نسمة: عبوشكلك ي بت
هدير: انا قولت اي اللي حصل
قمر: 😹😹😹لا اتعودا علي كده
نسمة : طب امشي يختي
دخلوا المحاضرة وقعدوا جمب بعض في البينش دخل الدكتور وبدات المحاضره وبعد ساعة خلصت المحاضرة واخدوا بريك
نسمة: بنات انا جعانه تعالي ناكل
قمر: وانا كمان
هدير: تعالوا نضرب كشري
قمر: انا عايزه كريب
نسمة: وانا عايزه طاجن
هدير: طب تعالوا نروح المطعم وناكل
راحوا المطعم كلوا ورجعوا عشان المحاضرة التانيه
راحوا المدرج كان الدكتور دخل خبطوا على الباب ولسه هيدخلوا ووووو
#يتبع
#بقلم_دعاء_تهامي
#رواية_تزوجت_طفلة
اخباركم ي سكاكر وحشتوني 🫶✨🥺🦋
تكملة الروايه اضغط هناااااااا
تعليقات
إرسال تعليق