مجمع الروايات الكامله والحصريه فقط اضغط على اسم الروايه موجوده كامله في موسوعة القصص والروايات جميع الفصول مع البرنس محمد السبكي قصص وروايات كامله يسعدني تواجدكم معنا في المدونه

 

رواية التحدي المستحيل الفصل الثاني والعشرون 22 بقلم اسراء هاني شويخ

رواية التحدي المستحيل الفصل الثاني والعشرون 22

دخلت غرفتها تبكي انها سيخطب .. لماذا الان حزينة وهو كان يرجوها وهي تخبره انه اخيها غصة في قلبها لكنها تتمنى له السعادة فهو دائما ما كان بجانبها وما ان تحتاجه تجده بجوارها .. 

اما هو يقف على الباب ينظر لاهله واخوته .. وهم ينظروا لحجم العشق بعينيه بل متيم بها منذ عمر ٣ سنوات 

نورا : ربنا يجعلها من نصيك 

نظر لها وابتسم بخوف مجرد فكرة ان تكون لغيره تحر.قه يكفي ما شعر به سابقا طرق الباب ودخل لها 

كانت تجلس على حافة السرير تخفض راسها داخل الوسادة التي تحتضنها مشى بيده على رأسها وهمس : بتعيطي ليه مش عاجباكي العروسة

نفين بدموع : هو انت بتحبها 

عمر: هيا متعلمة ورقيقة وحلوة اكيد ححبها لما نتجوز

نفين : ربنا يسعدك يا عمر انت عارف نفسي اجيب السعادة اللي في الكون كله احطها في قلبك لانك تستاهل 

عمر لنفسه وهو ينظر لها : انتي السعادة بالنسبة ليا 

عمر : بس غريبة بعد ما اتفقنا على كل حاجة جت قالتلي انه انا كدبت عليها وخبيت عليها موضوع انه عندي ص.رع ومش موافقة

نظرت له نفين بصدمة وتوتر وهمست : دي تلكيكة طبعا انت معندكش ص.رع هيا ما بتحبكش 

عمر : بس هيا جابت الكلام ده منين وقال ايه بمشي وانا نايم 

مصطفى بضحك: يعني اللي عايز يطفش عروسة يقولها بمشي وهو نايم طيب دوري على حاجة جديدة

نفين بحرج : انا مش قصدي انا .. 

مصطفى: يعني تتطلعي على ابني سمعة انه عندو ص.رع

عمر: بص هيا شوهت سمعتي فانا مش حلاقي عروسة فهي تستر عليا وتتجوزني ما فيش حل تاني 

نفين بصدمة: هو انتو كنتو بتشغلوني

رحمة: وشوفناكي حتتقهري وطفشتيها بتكابري ليه حد يرفض القمر ده لو اني مش مرتبطة لاتجوزتوا انا 

نفين: اصلي انا .. 

عمر : مش شايفاني غير اخوكي وانا قابل .. مؤقت

نزل على ركبتيه امامها واخرج من جيبه علبة وفتحها وهمس بعينين مليئة بالدموع ورجاء: تقبلي تحققي حلمي من اكتر من ٢٠ سنة وتكوني مراتي حتى لو يوم واحد واموت بعدها انا قابل 

نفين بدموع : بعد الشر عنك يا عمر ... عمر انا مطلقة ليه تتجوز وحدة كان ليها تجربة قبلك وحبت غيرك

عمر بدموع " عشان مش عارف احب ولا اشوف غيرك دول ٢٠ سنة يا نفين ... وانا بتمنى تشوفيني حاجة غير الاخ .. بس قابل تكوني ليا وتشوفيني اخ والله قابل انا بحبك فوق الخيال حب مالوش حد ...

نظرت له فقد كانت هناء ورحمة ونورا يبكون بشدة على ذاك العاشق التي بصوته رجاء العالم 

رفعت يدها وهمست له : حد يطول تطلبه للجواز .. موافقة يا عمر

حدق بعينيه ولم يفهم وهمس بعدم تصديق: انتي قولتي ايه .. هيا قالت ايه 

اقتربت منه نورا ومشت بيدها على راسه وهمست: من يوم ما شوفتك تمنيتك ليها 

عمر ببكاء شديد: هيا قالت موافقة وافقت بجد 

وقف بسرعة وركض للخارج 

مصطفى : رايح فين الواد تجنن 

بعد اكثر من نصف ساعة عاد وبيده المؤذون وعلي 

علي : جابني من المحاضرة هو في ايه 

ضحك الجميع على عمر الذي كان متسربع بشكل كبير 

عمر: انت تمضي وتروح المحاضرة ماحدش ماسكك .. يلا يا شيخنا قبل ما تغير رأيها ..

بدأ مصطفى يردد مع الشيخ وعمر ايضا وهو ينظر لنفين غير مصدق وكلامه يخرج بصعوبة وتوتر 

الشيخ بارك الله لكما وبارك عليكما وجمع بينكما في خير.. زواج مبارك ان شاء الله 

ركض لها وضمها لحضنه بكل ما اوتي من عشق حتى كاد يدخلها قلبه .. 

ركع على ركبتيه ينهج بشدة كأنه في سباق..

نظر لها بدموع وهمس " عارفة حتى بعد ما تجوزتي كنت متأكد انك ليا ... دعوتي بكل سجود بكل قيام ليل عمري ما دعيت تخرجي من قلبي ... أنا بحبك اوي 

سحبته تقيمه واحتضنته وهي تبكي بسبب ما سببت له من وجع... 

بارك لهم الجميع وهو ما زال ممسك يدها كأنه يخاف هروبها .. 

مصطفى: خرج خطيبتك اتعشوا سوا .. 

عمر : حلوة خطيبتك دي.. انت قول مراتك احلى 

ضحك الجميع عليه وعلى لهفته .. 

نفين : حألبس وجاية 

ترك يدها بصعوبة 

هناء بسعادة : ربنا يسعدك يا عمورة يارب .. 

عمر : حبيبة قلبي عقبال عندك 

هناء : ان شاء الله 

رحمة : وحتعمل فرح

نورا : ليه ما يعملش بقى.. عجوز ولا باير احلى فرح .. اتجوزي انتي وريحينا منك الاول 

عمر بحب: ربنا يخليكي ليا .. 

&&&& 

طلب منها ان تمضي على احدى الاوراق تحت استغرابها أمسكت القلم وهي تقرأ 

علي بتوتر : مش لازم تقرأي يا روحي امضي وخلاص نختار باقي العفش 

حتى لمحت اسم المالك.. المركز باسمها 

رحمة بذهول: المالك رحمة مهدي ... المركز باسمي 

علي بتوهان : لا لا .. انتي فاهمة غلط

رحمة: علي .. انا مش عبيطة ايه ده المركز ده باسمي انت بتهزر ازاي ده حصل انا عايزة اعرف .. ازاي تتضحي بحلم حياتك كدة 

رن هاتفه اجاب ونظر لها وهمس : الراجل بتاع الانتريه على باب الشقة تعالي نروح وبعدين افهمك

وصلوا البيت وكانوا سكوت طوال الطريق دخل الرجال العفش وخرجوا

علي بتتويه : جميل مش كدة الألوان متناسقة 

رحمة وهي تنظر لعلي فقط : حتتكلم ولا امشي وما فيش جواز

علي بضحك : انتي فاكرة بمزاجك حاتجوزك غصب يا روحي

رحمة بحدة : انا بتكلم بجد .. 

جلس على حافة السرير وهمس : عايزة تعرفي ايه 

رحمة : ليه تكتبه باسمي وازاي ومن امتى 

علي: عشان باباكي يوافق 

رحمة بصدمة : بابا اشترط عليك كدة 

هز رأسه بالنفي وهمس: بعد اما رحت لباباكي منهار جدا وقولتله غلطتي باني رسبتك انهياري خلاه يساعدني هو وعمر وطلبت منه ايدك .. عمر قاله ما يردش دلوقتي يستنى يسأل عليا سأل عليا وكل حاجة 

فلاش باااك 

مصطفى: بس يا ابني انا شايف حبك لرحمة واللي بتعمله عشانها بس ايه يضمنلي انه ما تأذيهاش

علي بلهفة : اي حاجة 

مصطفى: انا سألت وعرفت انه عندك مركز كبير تقريبا اكبر مركز في البلد وانه حلم حياتك وحققته وغالي عندك 

علي : ايوة الحمد لله 

مصطفى: تكتبه باسمها 

عمر : بابا ..ان..

علي بلهفة : موافق موافق 

نظر له مصطفى بصدمة فلم يتوقع ذلك 

 في اليوم التالي بدؤوا كتب الكتاب وعلي يرجف من شدة سعادته 

علي : تفضل يا عم

مصطفى: ايه ده

علي : عقد ابتدائي باسم رحمة حنسجله بكرة ان شاء الله بس حاول تمضيها 

مصطفى بذهول وهو ينظر لعمر: انت بتهزر انا لما قولتلك كدة كنت بختبرك .. ان كنت فكرت بس كنت حرفضك لكن انا مش عايز المركز احنا كفاية علينا المهر 

علي بابتسامه: كنوز الدنيا ما تجيش حاجة جمبها انا حعطيها حياتي حبخل عليها بالمركز ..

باااك 

كانت تستمع له غير مصدقة ما يقول هل يحبها لهذا الحد

رحمة : تضحي بتعب حياتك وحلمك عشاني

علي : واضحي بعمري عشانك 

رحمة باستغراب: بس عمري ما توقعت اني غالية عندك كدة

وقف واقترب منها ينظر لها بعشق وهمس : يعني انا بسجلك باسمي بأمنك على نفسي وشرفي واولادي في المستقبل حبخل عليكي بالمركز ولو كان طلب مني كل ما املك واكتب وصولات كنت حوافق 

لم تدري بنفسها الا وهي تتعلق برقبته وهو يقنص شفت.يها بقب.لة بدأت رقيقة تحولت لشغوفة سا.خنة قب.لة طالت وطالت ازال حجابها دون أدنى وعي منهما وبدأ بتق.بيل عن.قها وكل شئ يقابله دون ادراك لنفسه فعشقه وشغفه ذهب بعقله وعقلها وبدأت وقت طال من جنون حبهما اصبحت زوجته قولا وفعلا ..

&&&

تجلس في غرفتها بعد ان منعت من الجامعه تتذكر كلام والدها 

فلاش باااك 

خرجت لوالدها وعينيها متورمة من البكاء نظر لها وهمس بحسرة : عمري ما توقعت اني اكون معرفتش اربي

هناء: بابا انا...

اشار لها بيده ان تسكت واكمل: عينيكي بتقول انه كان في حاجات كتيرة بينكوا وثقتي ما كانتش بمحلها الواد حليوة صح عشقتي ويا عالم كان في ايه غير الحب

اخفضت رأسها بخزي ليكمل بألم: ما ينفعكيش .. عيطي دلوقتي وانتي عالبر بالنسبة ليا احسن ما تيجي زي نفين تخا.نتي وتضربتي او تصيري زيهم انا مش حضربك ولا حعذبك بس ما فيش جامعة تاني

نظرت له بصدمة ليكمل: مالك مستغربة بنتي جايبالي ممثل واقع في غرامها وهي مموتة نفسها عياط عشانه يا ترى كم مسكت ايد وكم حضن وكم... ومش عايز اعرف عشان ما ادفنكيش .. حتروحي عالامتحانات وانا اللي حوصلك وحكلم العميد تقدمي لوحدك وان حصل وتجوزتي وارتحت من همك هو حر يخليكي تكملي ولا لا 

لو عايز تشوف البارت الجديد الرواية بتنزل ف موقع كيان الروايات 

اكتبوا ف بحث جوجل مدونه كيان الروايات وشوف الرواية حصري قبل اي مكان

كانت تستمع لوالدها غير مصدقة قسوته 

مصطفى بابتسامه الم : ما تستغربيش كلامي ... بتحبي حتنسي وهو كمان انتي بالنسبة ليا وحدة يضمن انها تصونه وتربي عياله كويس لانه مش ضامن اللي يعرفهم يعني مش حيموت علشانك ماحدش بموت علشان حد غوري من وشي دلوقتي وجبيلي تلفوتك

باااك

تورمت عينيها من شدة بكاءها يومين ودموعها لم تتوقف 

نفين بحزن: حتفضلي كدة لغاية امتى

هناء " معقول خلصت على كدة.. وحشني اوي اوي 

نفين: بابا راح يصلي امسكي كلمي 

امسكت هناء هاتف نفين بلهفة واتصلت به لم يجيب في البداية بعدها اجاب بضيق : الو 

ليسمع أجمل صوت ممكن ان يتمنى سماعه

هناء : وحشتني 

زين بعدم تصديق : هناء روح قلبي والله العظيم لا عارف اكل ولا اشرب ولا انام انا حياتي وقفت يا هناء وحشتيني اوي اوي قوليلي انك لقيتي حل

هناء ببكاء : مش عارفة قالي انه حيجوزني

زين : على جثتي انتي ليا والله العظيم ما حاسمح بده ياريتني ما تقدمت واكتفيت اني بس اشوفك 

هناء: ان شاء الله ربنا حيريح قلبنا 

زين : يارب يارب

اغلقت الهاتف واستمرت بالبكاء 

خرج مصطفى من المسجد ليجده امامه 

مصطفى بضيق : لا حول ولا قوة الا بالله يا ابني هيا البنات خلصت 

زين بألم : خلصوا والله خلصوا يا عمي مصطفى اكيد مش عاجبني اللي انا فيه بس مش قادر مش شايف غيرها وكان حياتي مافيهاش غير هيا .. اما كنت بمثل فيلم اني بحب حد اوي واتفرج عليه أضحك على نفسي اني بعمل الحاجات دي عشان حد .. بس لا مستعد اعمل اي حاجة عشان هناء تبقى مراتي

مصطفى بتنهيدة: ربنا يكرمك باحسن منها .. ابعد عننا يا ابن الناس لا احنا من توبك ولا انت من توبنا

استدار يريد الذهاب ليقف امامه زين وهمس بدموع لم يستطيع امساكها اكثر من ذلك وهمس : وحياة حبيبك النبي ما تقفلها بوشي يا عم ربنا يخليك تقولي اعمل ايه عشان توافق اكيد في حل اطلب اي حاجة بس جوزهالي 

مصطفى بألم لحاله لكن بناته اغلى من اي شئ : وانا معنديش استعداد اجازف بحاجة زي دي .. ياريت ما اشوفكاش تاني 

زين بتحدي: حتجوزها ... وانت اللي حتجوزهالي بنفسك اوعدك 

#يتبع

تكملة الروايه اضغط هناااااااا 

لتكملة الرواية عمل متابعه من هنااااااا 

الرواية كامله اضغط هناااااااا