مجمع الروايات الكامله والحصريه فقط اضغط على اسم الروايه موجوده كامله في موسوعة القصص والروايات جميع الفصول مع البرنس محمد السبكي قصص وروايات كامله يسعدني تواجدكم معنا في المدونه

رواية جبل البارت السابع وعشرون 27بقلم لوجي احمد 

رواية جبل البارت السابع وعشرون 27بقلم لوجي احمد 

جبل ما كانش مصدق نفسه ان هو شايف ذهب قدامه واقفه في الاشاره بتبيع ورد

ودهب  كمان اول ما شافت جبل قدامها راكب العربيه بقت عامله زي المجنونه مش عارفه تعمل ايه رمت الورد والحاجات اللي كانت في ايديها وجريت في وسط العربيات زي المجنونه ما فرقش معاها ان ممكن عربيه تدوسها ولا لا

جبل نزل من عربيته وهو كمان يجري وراها وينادي دهب يا دهب 

استني بس هقولك يادهب 

كان بيحاول يلحقها بس للاسف هي اختفت عن انظاره والعربيات كانت قدامه عامله له اعاقه مش عارف يتحرك والاشاره فتحت والعربيات فضلت تضرب له كلاكسات  عشان يوسع عربيته

لان هو سادد الطريق

للاسف رجع لعربيته ساقها وركنها على جنب ونزل المكان تاني

فضل يدور في المكان كتير فضل يدور يمين وشمال ويسال لكن ما فيش اجابه لحد ما وصل لرحمه

رحمه دي  طبعا البنت صاحبه دهب واللي بيشتغلوا مع بعض

رحمه لحظه ان الشخص ده بيلف في المكان كم مره وبيدور على حاجه قربت منه

 وقالت له في حاجه يا بيه  واقعه منك ولا ايه قل لي لو في حاجه واقعه منك انا محسوبتك رحمه حافظه المكان ده كله صم

جبل وهو يلتفت لها وينظر

رحمه وهي تعدل ملابسها وتقول له

لا يا بيه ما يغركش اللبس ده ده عشان لبس الشغل وكده بس صدقني لو في حاجه ضايعه منك في المكان ده او عيل لطش منك حاجه انا هجيبها لك بس ليا الحلاوه

جبل رد قال لها انا ضايع مني حاجه هنا مش عارف الاقيها فين

قول لي يا بيه اللي ضايع منك واديني مواصفاته وبكره تيجي تلاقيها هنا وزي ما اتفقنا ليا الحلاوه

جبل ضايع مني واحده بنت قد كده

رحمه بصدمه وهي الداير وشها وتمشي انت اتجننت ولا ايه يا بيه

جبل وهو يمسكها من دراعها بلطف

ويقول صدقيني والله انا ضايع مني بنت وانا راكب العربيه من شويه لقيتها بتبيعي ورد ونزلت عشان الحقها بس للاسف هي جريت

رحمه سكتت كده وقالت له اسمها ايه البنت دي

جبل ..اسمها دهب 

رحمه انصدمت وبان عليها الصدمه وجبل لاحظ كده وقال لها انت تعرفيها اكيد طالما سكت كده وبعدين هي بتبيع في المنطقه دي وانت بتقولي عارفه المنطقه كلها يبقى تعرفيها

رحمه .. وهي تحاول ان تمسك اعصابها لا يا بيه ما اعرفهاش بس انا بحاول افتكر انا سمعت الاسم ده فين قبل كده

جبل انا مش عارف هي دخلت انو شارع من الشوارع دي

رحمه وهي البنت دي سرقت منك حاجه ولا ايه يا بيه

جبل دي مراتي

رحمه نعم يا بيه انت جاي تهزر بسم الله ما شاء الله شايفاك راكب عربيه ولابس بدله يعني شكلك غني ومتريش ده ثمن عربيتك دي لو فضلت اصرف فيها لحد ما اموت فلوسها مش هتخلص وانت ايه اللي هيجيب مراتك في المنطقه دي تبيع ورد او فل احنا بنجري على اكل عيشنا يا بيه

جبل اسمعي اسمك ايه وهو يطلع فلوس من جيبه

اسمي رحمه يا بيه

عاشت الاسامي خذي يا رحمه الفلوس دي خليها معاكي وده الكارت بتاعي ودي صوره ليها معايا على التليفون شوفيها اهي

رحمه وهي تمسك الفلوس بس دول كتير قوي يا بيه

جبل لا مش كتير ما فيش حاجه كتير علي  اني الاقي ذهب

المهم كارت معاكي ورقم تليفوني فيه اتصلي بيا وانا هحاول افوت عليك ثانيه انا بكره

وساب رحمه وركب عربيته ومشي

رحمه فضلت تبص عليه لما اشغل عربيته وساب المكان وطلعت على الاوضه اللي هم قاعدين فيها هتروح بقت ماشيه تقول ايه يا بنت الايه يا ذهب حد يسيبي ده ده مز ومتريش وتقولي لي ده مش حنين يا تنا نيله في حظنا الهباب منقعش ليه على واقعه متريشه زي دي

وراحت الاوضه اللي هم قاعدين فيها بتفتح الباب لاقت ذهب بتصرخ وبتقول مين بصوت عالي

رحمه وهي بتدخل وبتقفل الباب بايديها ورافعه شفتها انت مجنونه يا بنت هو مين اللي ساكن هنا معاكي غيري انا وانت هيكون مين يعني انت هنا يبقى انا

ذهب وهي تاخد نفسها وقعت قلبي يا شيخ اسكتي ما تعرفيش اللي حصل

رحمه وهي تجلس على الكنبه عارفه يا اختي كل اللي حصل دهب مش وقت هزار يا رحمه والله اسكتي انا قلبي واقف رحمه يا بنت بقول لك عارفه ايه اللي حصل مش قصدك على الواد المز الحلاوه ده اللي اسمه جبل وهي تطلع الكارت بتاعه من جيبها

ذهب بصدمه يا نهارك اسود جبت الكارت ده منين

رحمه قالت لها حيلك حيلك اهدي اهدي يا اختي وانا افهمك

ورحمه بقى فضلت تحكي لي دهب اللي حصل

ذهب سمعت الكلام من رحمه وقالت لها

انا لازم امشي من المكان ده طالما شافني هنا يبقى هيجي بكره وبعده كل يوم ومش هيسكت غير لما يلاقيني وانا عندي الموت اهون لي ان انا اعيش معاه

ليه بس يا دهب ده شكله بيحبك هو لو مش بيحبك كان عمل كل ده عشانك

دهب بدموع.. ما انت مش عارفه حاجه يا رحمه من حقك تقولي كده

رحمه وهي تطبطب على ذهب احكي لي انت يمكن ما تعرفينيش من زمان بس والله انا طيبه قوي وجدعه

يا حبيبتي والله من غير ما تقولي انت باين عليك قوي كفايه مقعداني معاكي في اوضتك وبتاكليني من لقمتك  وشاركتك في رزقك كل ده وما تبقيش جدعه ده انتي طلعت احسن من اهلي

بس جبل مش هرجع له برده يا رحمه انا ما اعرفش الشخص ده جوزي ولا اخويا وهو كان عارف كده وخبي عليا وتعامل معايا كاني مراته مع انه كان شاكك ان هو ممكن يكون اخويا

رحمه وهي تخبط كفها على وشها وتقول يا لهوي قصدك ايه اتعامل معاك ان انتي مراته يعني ايه قصدك ان هو...

دهب ايوه قصدي كده وبعد ما عمل كده بعد عني ولما سالته انت بتبعد ليه اتحجج لي بشغل وتعبه اتريطه ضمير ونقح عليه بعد ما عامل اللي عمله قولوا لها سمعت من اخوه وامه بيتكلموا كنت هفضل زي الهبله في الزفه وما حدش كان هيقول لي حاجه

رحمه.. يعني هو دلوقتي جوزك ولا اخوك 

دهب بدموع ما اعرفش في تلك الحالتين انا مش عايزه في حياتي انا بكرهه بكرهه انا عايزه امشي من هنا يا رحمه ولو مش هتساعديني انا مش هزعل منك لان انت ساعدتيني قبل كده

ونهارت في الدموع

رحمه وهي تحضنها وتطبطب عليها ما تقوليش كده يا دهب انا من ساعه ما قابلتك وانا اعتبرتك اختي انا مش هسيبك تمشي لوحدك انا همشي معاكي

دهب وهتسيبي الاوضه بتاعتك وتسيبي شغلك

رحمه بعدين يا ستي ربي هنا ربي هناك اللي بيرزقنا هنا يرزقنا هناك وانا كل يوم هقابل بنت قمر زيك كده اسمها دهب

عموما يعني البيه بتاعك ده اداني قرشين حلوين اهم والكارت بتاعه ده لا تحرم عليا فلوسه لاكل منها ولا اشرب لو هموت

بلاها يا ست فلوسه وحذفت الفلوس على الارض احنا ننام والصباح ليه عيون ناخد هدومنا وناخد حاجتنا ونمشي من هنا

ذهب حضنت رحمه وقالت لها انت هتعملي كل ده عشاني انا بحبك قوي يا رحمه رحمه وانا كمان بموت فيكي 

...

جبل وصل الفيلا بتعته 

فتح باب عربيته ونزل ولسه ماشي في الجنينه تليفونه رن لقا رقم غريب فرح وقال يمكن البنت اللي اسمها رحمه دي عرفت حاجه عن دهب اتصلت تبلغه

فتح المكالمه وبيقول الو 

لقا ص"ريخ واحده بتص"رخ وبتقول الحقني يا جبل الحقني هيم"وتني

هايدي اللي كانت بتص"رخ

جبل لسه بيقول لها في ايه في ايه انتي فين 

وهو راجع لعربيته جري وفتح بابا عربيته ومشغله ردت قالت له انا في الفيلا عند زياد ودي اخر كلمه نطقتها وسمع صوت صرخه جامده

والمكالمه اتقطعت

طار  لسرعه البرق على فيلا زياد

نزل من العربيه بتاعته جري لاقا البيبان كلها مفتحه دخل ينادي هايدي يا هايدي

بس ما فيش رد ولا في صوت

ما حسش غير بض"ربه جامده على دماغهم افقدته الوعي وقع ارضا

وبعد فتره كده حس بحد بيفوقه لكن للاسف فاق على مصيبه

🥹🥹🥹🥹🥹🥹

وبالنسبه لاسم رحمه دي رحمه صاحبتي دي قلبي وروحي

#لوجي  احمد 

#جبل 27

تكملة الروايه اضغط هناااااااا 

الرواية كامله اضغط هناااااااا