رواية خيانة زوجية البارت السابع7_8_9_10الاخير بقلم عمرو راشد
رواية خيانة زوجية البارت السابع7_8_9_10الاخير
رواية خيانة زوجية كامله
سوري نسيت اعرفك بنفسي ، انا ابقا هند مرات يوسف التالتة
= ايه!! ، وكمان جاية ب رجلك لحد هنا ، دا أنتي مستغنية عن نفسك بقا
اهدي بس الأول ، انا وانتي مصلحتنا واحدة ، انا هساعدك ترجعي فلوسك و كمان هتخلصي عليه
= و انا ايه اللي يخليني اثق فيكي
عشان معنديش اي سبب يخليني اكدب عليكي ، في الأول اه كنت معاه وبساعده بس هو كان طماع وعايز ياخد كل حاجة بالرغم من كل اللي انا عملته معاه
= انتو متجوزين من امتا
من سنة بالظبط
= يعني البيه كان متجوز عليا اتنين و زعلان اني خونته وهو كان طول الوقت بيخوني
حبيبتي بقولك انا مراته يعني للموضوع مفيهوش خيانة
= ما انتي اصلك مجربتيش يعني ايه جوزك يسيبك بالايام و يسافر وكنتي بتستحملي على اساس انه بيشتغل و بيتعب وفي الاخر يطلع متجوز عليكي اتنين
ومين قالك اني مجربتش ، لا يا حبيبتي جربت ماهو كان بيسيبني انا كمان...
" حسن قاطعنا و دخل في الكلام
يا جماعة مش وقته الكلام دا ، احنا دلوقتي بقينا 3 وكل واحد فينا بسم الله ما شاء الله دماغه سم ، يعني قادرين اننا نشيل يوسف من على وش الارض
" هند ردت عليه بسخرية
= بس متستهاونش بيه أوي كدا ، يوسف دا شيطان
لا لا ، يوسف دا اخويا وانا عارفه كويس ، مبيعرفش ينفذ حاجة الا لما يكون حد معاه ، حد يفكرله ويخططله ، ميعرفش ياخد خطوة لوحده
= بس حاليا يوسف مش لوحده
اوعي تقولي متجوز واحدة رابعة
= لا يا حبيبي انا الأخيرة ، بس اقصد يعني انه عنده رجالته يعني متفتكرش انك هتعرف تعمل معاه حاجة
امال أنتي لازمتك ايه ، أنتي اكيد حافظة يوسف
= انتو ليكو 8 مليون عند يوسف ، هاخد انا منهم 4 مليون
أنتي عبيطة يا بت انتي ولا ايه ، 4 مليون ايه اللي تاخديهم
= ماهو بص يا حبيبي يإما هاخد نص الفلوس دي يإما وريني انت هترجعها ازاي بقا
" كان لازم احل انا الموضوع دا
خلاص يا حسن خليها تاخد اللي هي عايزاه ، المهم الفلوس ترجع
= فلوس ايه اللي ترجع ، دي عايزة نصها ، احنا كأننا ولا عملنا حاجة
يا حسن احنا هيكون معانا 4 مليون ، حلوين يا حسن
= حلوين ايه دا...
حسن انا بقول انهم حلوين ، خلصنا بقا
احنا موافقين ، الفلوس ترجع الاول وهيبقا ليكي نصهم
= حيث كدا يبقو تسمعو كلامي بالحرف الواحد
" أول حاجة لازم تبقو عارفين ان يوسف عمره ما هيشيل فلوسه في بنك يعني بنسبة كبيرة الفلوس هتكون معاه في البيت ، انا هرجع البيت تاني بحجة اني ندمانة وعايزة ارجع اعيش معاه تاني ، هخليه يطمنلي من الاخر ، وفي الليلة دي انا هستنا ينام و انزل ادور على الفلوس واول ما هلاقيها هاخدها و اجيلكو علطول بس طبعا مننساش حقي
= المهم اوعي يشوفك يا هند
خافي على نفسك يا حبيبتي ، انا ميتخافش عليا
" هند مشيت وانا قعدت افكر في اللي هيحصل ، حاجات كتير ممكن تحصل لو هند فشلت تعمل اللي هي بتقول عليه دا ، بفكر اكلمها ونلغي الخطة دي و ابعد عن يوسف و اكتفي بكدا
أنتي واثقة في البت دي
= معنديش حل غيرها
انا مش مطمنلها
= طب ايه ، نلغي معاها
لا ونلغي ايه ، خلينا نشوف هي هتوصل ل ايه
= و لو يوسف عرف
احنا ملناش دعوة ومشوفنهاش
= هنسيبها يعني
لا نروح نتمسك معاها يا اسماء ، أنتي بتفكري ازاي أنتي
= بفكر يااخي بفكر
متفكريش تاني يإما تتكلمي كلام يدخل العقل
" كنت قاعد في الصالة ، سمعت صوت الباب بيتفتح وبعد ثواني شوفتها ، كانت شايلة شنطتها اللي مشيت بيها من هنا
#بقلم : #عمرو راشد
ايه اللي جابك تاني
= معنديش مكان اروحه
" سكت ومردتش عليها ، و رجعت دورت وشي و شغلت التليفزيون
انت لسة زعلان مني يا يوسف ، انا اسفة والله انا مكنتش اقصد
= يوم ما تفكري انك تلعبي معايا تاني يا هند هيبقا اخر يوم في عمرك
اسفة يا يوسف ، متزعلش مني ، انا اكتشفت اني مليش غيرك ، لفيت كتير أوي وفي الاخر كنت انت الوحيد اللي معنديش غيره اروحله
= يعني لو كان في غيري كنتي هترجعيلي برضو؟
طبعا كنت هرجعلك ، هو انا اقدر اعيش من غيرك ، كنت هزعل كام يوم كدا و هرجع تاني
= طب يلا اطلعي غيري هدومك و ارتاحي شوية
عنيا ، طب وانت مش هتطلع تنام؟
= جاي وراكي
" استنيت شوية لحد ما طلع ينام ، طفيت النور وفضلت صاحية لحد ما تقريبا عدا ساعتين ، حسيت ان دا الوقت المناسب ، قومت بهدوء من جنبه و خدت معايا الموبايل ومفاتيح العربية تحسبا لاي حاجة ممكن تحصل ، اتسحبت لحد ما خرجت من الأوضة و رايحة على اوضة المكتب لان دا المكان الوحيد اللي بنسبة كبيرة الفلوس هتكون فيه ، دخلت الأوضة ، دورت يمين وشمال ملقتش اي حاجة ، بدأت اتعصب ، مفيش اي حاجة في الأوضة لحد ما لاحظت ان في لوحة على الحيطة معووجة شوية ، ابتسمت وقربت عليها وشيلتها ، وبالفعل لقيت الخزنة وراها بس يا ترى رقمها هيكون ايه ، هو عامل باسورد الموبايل ب... ، مش فاكرة ، حاولت اكون هادية عشان اعرف افكر ، جربت اكتب عيد ميلاده بس منفعش ، خدت نفس عميق وفكرت ، وكتبت وانا حاطة ايدي على قلبي
1/8/1966
دا تاريخ ميلاد امه
" وفعلا كان صح ، الخزنة اتفتحت ، خرجت بسرعة من الأوضة و روحت جبت الشنطة اللي كنت مجهزاها قبل ما انام عشان احط فيها الفلوس ، خدتها بسرعة وجريت على أوضة المكتب وبدأت ااخد الفلوس كلها ، قلبي بيدق بسرعة جدا ، خايفة ييجي ويشوفني لحد ما خلصت ، قفلت الشنطة وخرجت بسرعة ، مكنش عندي وقت اني اطلع تاني اغير هدومي حتى ، كملت طريقي ناحية الباب ولسة بفتحه سمعت حد بيتكلم
رايحة فين يا هند بالشنطة دي
" قلبي وقف ، بس مكنش ينفع انا اقف ، كملت بسرعة لحد العربية ، ركبتها ومشيت بسرعة ، كنت سايقة بسرعة جدا ، مسكت التليفون وكلمتها
ايوا يا اسماء ، يوسف بيجري ورايا ، جهزي كل حاجتك بسرعة ، انا هعدي عليكي حالا ، جهزي هدومك و اي فلوس معاكي ، يوسف لو مسكنا هيمو*تنا كلنا ، بسرعة يا اسماء بسرعة
= بس حسن برا دلوقتي
مش مهم خليه ييجي ورانا ، أنتي معاكي فلوس
= اه اه معايا ، في فلوسي وفلوس حسن
هاتي كل حاجة وانزلي استنيني تحت البيت وانا جاية اهو
" سوقت بسرعة جدا ، قلبي هيقف من الخوف ، مش عارفة الخطوة الجاية هتكون ايه ، بفكر في كل حاجة ، انا مش عارفة هتصرف ازاي حتى ، وصلت عند اسماء
يلا بسرعة ، حطي كل حاجة في شنطة العربية
= حاضر ، افتحي انتي بس
" فتحت الشنطة وكنت شايفاها من المراية وهي بتحط كل الشنط اللي معاها
خلصتي ولا لسة
= خلاص اهو
" لحد ما شوفتها وهي بتقفل شنطة العربية ساعتها دوست على البنزين و جريت بسرعة جدا وسمعاها بتصرخ من ورايا
هند ، استني يا هند ، يااا هند
" جريت بسرعة من المكان ، فضلت ماشية كتير أوي لحد ما بقيت بعيدة ، وقفت في مكان مفيهوش بني آدم واحد ، طريق فاضي مفيش فيه اي صوت ، وقفت و خدت نفسي ، باب العربية اتفتح ولقيته ركب جنبي
طب ينفع حد يلبس نضارة شمس بليل برضو
= انت اللي ايدك تقيلة ، كان لازم يعني موضوع الضر*ب بالبوكس دا
فلاش باك
ضرب*تها بالقلم و مسكتها من شعرها
بعد كدا لما تتكلمي مع جوزك تتكلمي ب ادب يا حبيبتي ، فاهمة ولا مش فاهمة
= انت اتجننت ولا ايه ، شكلك نسيت انا مين يا يوسف ، نسيت انا ممكن اعمل فيك ايه
تصدقي نسيت ، ما توريني هتعملي ايه وانا هحمسك أكتر عشان توريني
" محستش بنفسي غير وانا بضرب*بها بالبوكس بكل قوتي
بااك
كان لازم كل حاجة تبان حقيقية ، بس عجبتيني دماغ عوالم بصحيح
= عيب يا حبيبي ، دا انا هند
يعني ايه خدت الفلوس و هربت
= والله ما اعرف هي كلمتني قالتلي انها خدت الفلوس من يوسف وهربت منه وقالتلي احضر كل حاجة عشان نهرب كلنا
" يعني ايه ، يعني هند كانت متفقة مع يوسف وجات تلعبها علينا
يا ولاد الكل* ، هقت*لك يا يوسف ، هقت*لك!!
#عمرو_راشد
#خيانة_زوجية 7
#يتبع
ايوا يا اسماء ، يوسف بيجري ورايا ، جهزي كل حاجتك بسرعة ، انا هعدي عليكي حالا ، جهزي هدومك و اي فلوس معاكي ، يوسف لو مسكنا هيمو*تنا كلنا ، بسرعة يا اسماء بسرعة
= بس حسن برا دلوقتي ، مش هينفع نسيبه
مش مهم خليه ييجي ورانا ، أنتي معاكي فلوس
= اه اه معايا ، في فلوسي وفلوس حسن
هاتي كل حاجة وانزلي استنيني تحت البيت وانا جاية اهو
" سوقت بسرعة جدا ، قلبي هيقف من الخوف ، مش عارفة الخطوة الجاية هتكون ايه ، بفكر في كل حاجة ، انا مش عارفة هتصرف ازاي حتى ، وصلت عند اسماء
يلا بسرعة ، حطي كل حاجة في شنطة العربية
= حاضر ، افتحي انتي بس
" فتحت الشنطة وكنت شايفاها من المراية وهي بتحط كل الشنط اللي معاها
خلصتي ولا لسة
= خلاص اهو
" لحد ما شوفتها وهي بتقفل شنطة العربية ساعتها دوست على البنزين و جريت بسرعة جدا وسمعاها بتصرخ من ورايا
هند ، استني يا هند ، يااا هند
" جريت بسرعة من المكان ، فضلت ماشية كتير أوي لحد ما بقيت بعيدة ، وقفت في مكان مفيهوش بني آدم واحد ، طريق فاضي مفيش فيه اي صوت ، وقفت و خدت نفسي ، باب العربية اتفتح ولقيته ركب جنبي
طب ينفع حد يلبس نضارة شمس بليل برضو
= انت اللي ايدك تقيلة ، كان لازم يعني موضوع الضر*ب بالبوكس دا
فلاش باك
ضرب*تها بالقلم و مسكتها من شعرها
بعد كدا لما تتكلمي مع جوزك تتكلمي ب ادب يا حبيبتي ، فاهمة ولا مش فاهمة
= انت اتجننت ولا ايه ، شكلك نسيت انا مين يا يوسف ، نسيت انا ممكن اعمل فيك ايه
تصدقي نسيت ، ما توريني هتعملي ايه وانا هحمسك أكتر عشان توريني
" محستش بنفسي غير وانا بضرب*بها بالبوكس بكل قوتي
بااك
كان لازم كل حاجة تبان حقيقية ، بس عجبتيني دماغ عوالم بصحيح
= عيب يا حبيبي ، دا انا هند
يعني ايه خدت الفلوس و هربت
= والله ما اعرف هي كلمتني قالتلي انها خدت الفلوس من يوسف وهربت منه وقالتلي احضر كل حاجة عشان نهرب كلنا
" يعني ايه ، يعني هند كانت متفقة مع يوسف وجات تلعبها علينا
يا ولاد الكل* ، هقت*لك يا يوسف ، هقت*لك
= اهدا طيب ، اهدا وهنلاقي حل
حل! ، حل ايه يا ام حل ، ماهي خلصت كدا ، يوسف خلصها خلاص ، مبقاش فيها حلول
= لا لسة ، لسة اخر خيط معانا
انا مش عايز منك كلمة واحدة ، كفاية اللي حصل دا
= وهو انا اللي كنت جبتها لحد عندنا ، في ايه يا حسن ، مالك قالب عليا ليه يااخويا ، اعقل كدا و اظبط كلامك
اصل أنا اللي وثقت فيها و دخلتها بينا ، اصل أنا اللي كنت عبيط و حطيت كل الفلوس اللي معانا في شنطة عربيتها
= وانت مين قالك اني وثقت فيها بس زي ما انت شايف كدا مكنش عندنا حل تاني
والنتيجة ايه ، خسرنا كل حاجة
= احنا لسة عندنا فرصة نرجع فلوسنا منه
تاني ، عايزاني اسمعلك تاني ، احنا خلاص كدا لحد هنا ونقطة ونفتح كشكول جديد
= يعني ايه الكلام دا
يعني أنتي تروحي تشوفيلك سكة تانية غيري ، خلاص كل واحد مننا في طريق
= وانت ليك طريق غيري يالاا ولا نسيت ، انا اللي نضفتك وخليت معاك قرش ، كل اللي انت فيه دا بسببي انا يا حبيبي ف متجيش دلوقتي وتخلع
جايبة معاكي ب ايه يا اسماء؟
= اسمع الكلام ونكمل للاخر
ولو مسمعتش ، اخرك ايه
= ........
تفتكر دلوقتي حسن هيعمل ايه لما يعرف اننا خدنا الفلوس
= دا مش بعيد يقل*ع مل*ط ويجري في الشارع
تفتكر هتعدي
= ومتعديش ليه
عشان حسن مش هيسكت على اللي احنا عملناه فيه
= ميسكتش عادي
يوسف انا مبهزرش ، حسن مش هيعديها
= انا عايز اقولك على المفاجآه بس ، احنا كدا كدا مش هنطول في مصر ، احنا هنسافر
فين وهنسافر ليه اصلا
= لا خلينا هنا نستنا حسن و بالمرة نرجعله فلوسه
وهو مفيش حل تاني غير السفر
= ايوا يا هند مفيش حل غير السفر ثم أنتي ممانعة ليه ، هو أنتي عندك ايه هنا عايزة تقعدي عشانه
معنديش حاجة بس انا مش محضرة نفسي
= عموما احنا لسة معانا وقت ، بالظبط معاكي يومين تجهزي فيهم كل حاجتك
وحسن
= اهو دا انا مخليه اخر حاجة اعملها قبل ما اسافر
هتعمل فيه ايه
= مش لوحده ، سواء كان هو أو الكل*بة التانية
انت مالك ب أسماء
= اسماء هي سبب كل المصايب دي ، اسماء هي اللي وصلتنا للي احنا فيه دلوقتي وفي الاخر عايزاني اسيبها
مقولتش تسيبها يس اقولك وتصدقني
= ايه
اسماء طيبة على فكرة ، حسن هو اللي سايقها ، البت دي غلبانة اوي ، يمكن غلطت زمان ومش هنختلف ان غلطتها كبيرة وكبيرة جدا كمان بس لو فكرت معايا ثانية وهي بتحط شنطة الفلوس في العربية عندي هتعرف أنها هبلة أوي وعلى نياتها وكل اللي هي فيه دا بسبب حسن
= اعملها ايه يعني ، اروح اساعدها واقولها معلش يا حبيبتى انا عارف ان حسن هو اللي وحش
مش قصدي كدا طبعا
= قصدك ولا مش قصدك ، الموضوع دا يتقفل
يا يوسف بس...
= مفيش بس ، مالك يا هند هي صعبانة عليكي ولا ايه
لا بس مش عايزاها تدخل في حاجة هي ملهاش ذنب فيه
= هي مش عبيطة يا هند ، هي عارفة بتعمل ايه كويس ، محدش مننا بيكون مجبور على حاجة ، هي اختارت طريقها وانا كمان هختار
#بقلم : #عمرو راشد
" روحت البيت بس طبعا مش بيتي لانه اكيد هيكون عارف مكانه ، روحت على بيت تاني كنت مأجره وطبعا كنت عامل حسابي و جيبت رجالة تبقا معايا وتحميني لحد ما امشي ، و اساسا انا مش هقعد كتير ، شوية وبعد كدا هسيب كل حاجة و اسافر ، دخلت قعدت على الكنبة استريح ، ماهو اللي حصل مش سهل برضو ، طلعت شنطة الفلوس ، فتحتها بس كان في مشكلة ، وانا بدور في االشنطة بالصدفة لقيت جهاز صغير أوي ، بصيت ل هند اللي كانت مستغربة دا ايه
دا بتاع ايه دا
= ممكن يكون بتاع اسماء
وهو لو بتاع اسماء ، ليه هتحطه في شنطة الفلوس
عشان اعرف اوصلك يا حبيبي
" الجملة دي سمعتها من ورايا ، قومت بسرعة لإني كنت عارف مين صاحب الصوت دا ، قومت وبصتله وبالفعل هو ، حسن ، كان واقف وماسك مسد*س وموجهه ناحيتنا
شوف يااخي البت اسماء دي ساعات بيطلع منها حاجات كدا ، اه والله عبقرية ، قال ايه بتحط جهاز چي بي اس في شنطة الفلوس ، تخيل يا يوسف ، النسوان دماغها بقت غريبة
= اللي بتعمله دا يا حسن مش في صالحك تماما
وهو ايه اللي كان في صالحي قبل كدا يا چو
= سيب السلا*ح ، سيبه وهنتفاهم
مبقاش في تفاهم خلاص ، طلع الفلوس وانا همشي بهدوء ومن غير ما حد يتأ*ذي
= انت فاكر هتقدر تأ*ذي حد اساسا
ايه رأيك تشوف بنفسك
= طب ما تشوف انت
اشوف انا ايه
= وراك يا حبيبي
" لما بص وراه ملحقش يعمل حاجة لان حسن اتض*رب بالبوكس ، وقع على الارض والس*لاح اللي كان معاه وقع بعيد عنه ، لان كان واقف وراه واحد من رجالتي
معملتش حساب دي يا حسن صح ، طب بالعقل كدا في واحد هيكون معاه فلوس زي اللي معايا دي و ميأمنش نفسه برضو ، بس عارف الغريب فين انك جاي لوحدك المرادي ، لا بجد غريبة ، اسماء فين يا حسن
" شاورت للراجل بتاعي اللي بالمناسبة اسمه سمير ، شاورتله يمسك حسن ويشيله من على الأرض
اسماء خلاص ، تقدر تقرأ الفاتحة عليها وانت مستريح
= قت*لتها!!!
فلاش باك
جايبة معاكي ب ايه يا اسماء؟
= اسمع الكلام ونكمل للاخر
ولو مسمعتش ، اخرك ايه
" في ثواني لقيتها طلعت الس*لاح من معاها و وجهته ناحيتي
طب وكدا ، ايه رأيك
= بترفعي عليا سلاح يا اسماء ، لا عاش عجبتيني بصراحة ، بس هو كان في حاجة كدا عايز اقولك عليها
" وفي لحظة كنت رافع عليها السلا*ح
اعتقد كدا هنعرف نتفق
= متبقاش غبي يا حسن ، انت كدا هتخليه يهرب بالفلوس
أنتي اللي عملتي فينا كدا يا حبيبتي مش انا
= يا واد متبقاش حمار ، احنا معانا فرصة نجيبه تاني ، انا حاطة جهاز تتبع في شنطة الفلوس ، يعني هنقدر نعرف مكانه ، اسمع الكلام وخليك ورايا ، احنا طول عمرنا ما بعض ، مينفعش نيجي دلوقتي ونرفع سلا*حنا في وش بعض ، نزل سلا*حك يا حسن
نزلي أنتي الاول
= مش مطمنلي يعني ، طيب ماشي انا هنزله
" وفعلا نزلت السلا*ح
يلا بينا بقا
= يلا بس في تعديلة بسيطة
ايه هي
= انتي مش هتكوني معايا المرادي
امال هبقا فين
= مكان احسن بكتير
دا فين
" دوست على الزناد ، الطل*قة خرجت و استقرت فيها ، وقعت قدامي على الأرض
عند ربنا ، دا احسن مكان ليكي
بعدها خدت تليفونها ومشيت ورا الجهاز لحد وجيت وراك لحد هنا
باك
انت ايه يااخي ، انت شيطان ، انت لا يمكن تكون بني آدم
" الغضب خلاني مش شايف بس مسكت نفسي قبل ما اعمل فيه حاجة
سميير ، خده واربطه جوا ، انت مش هتطلع من هنا عايش يا حسن!!
#عمرو_راشد
#خيانة_زوجية 8
#يتبع
اسماء خلاص تقدر تقرأ الفاتحة عليها وانت مستريح
= قت*لتها!!
كان لازم اريحها من غبائها ولا انت شايف ايه
فلاش باك
جايبة معاكي ب ايه يا اسماء؟
= اسمع الكلام ونكمل للاخر
ولو مسمعتش ، اخرك ايه
" في ثواني لقيتها طلعت الس*لاح من معاها و وجهته ناحيتي
طب وكدا ، ايه رأيك
= بترفعي عليا سلاح يا اسماء ، لا عاش عجبتيني بصراحة ، بس هو كان في حاجة كدا عايز اقولك عليها
" وفي لحظة كنت رافع عليها السلا*ح
اعتقد كدا هنعرف نتفق
= متبقاش غبي يا حسن ، انت كدا هتخليه يهرب بالفلوس
أنتي اللي عملتي فينا كدا يا حبيبتي مش انا
= يا واد متبقاش حمار ، احنا معانا فرصة نجيبه تاني ، انا حاطة جهاز تتبع في شنطة الفلوس ، يعني هنقدر نعرف مكانه ، اسمع الكلام وخليك ورايا ، احنا طول عمرنا ما بعض ، مينفعش نيجي دلوقتي ونرفع سلا*حنا في وش بعض ، نزل سلا*حك يا حسن
نزلي أنتي الاول
= مش مطمنلي يعني ، طيب ماشي انا هنزله
" وفعلا نزلت السلا*ح
يلا بينا بقا
= يلا بس في تعديلة بسيطة
ايه هي
= انتي مش هتكوني معايا المرادي
امال هبقا فين
= مكان احسن بكتير
دا فين
" دوست على الزناد ، الطل*قة خرجت و استقرت فيها ، وقعت قدامي على الأرض
عند ربنا ، دا احسن مكان ليكي
بعدها خدت تليفونها ومشيت ورا الجهاز لحد وجيت وراك لحد هنا
باك
" جريت عليه ومسكته من الچاكيت اللي كان لابسه
انت ايه يااخي ، انت شيطان ، انت لا يمكن تكون بني آدم
= طيب ولما ابقا انا شيطان ، انت تبقا ايه يا يوسف؟
انا عمري ما ابقا زيك ، انا عمري ما هكون بالوسا*خة دي
= انت كدا ، طول عمرك تحب تعيش دور الضحية بس عارف المشكلة فين يا يوسف ، المشكلة انك عمرك ما كنت الضحية ، يعني مثلا انت السبب في مو*ت ريهام مراتك ، انت السبب اللي خلتني اقت*ل اسماء ، لو دورت على كل مصيبة حصلت هتلاقي نفسك مشترك فيها ، بدايتها لما كنت بتسيب اسماء و تسافر ل مراتك ولا انا معرفش كنت بتروح فين ، يعني انت السبب في خيانتها ليك ، انت بداية الخيط في كل حاجة حصلت لحد دلوقتي
" الغضب خلاني مش شايف بس مسكت نفسي قبل ما اعمل فيه حاجة
سميير ، خده واربطه جوا ، انت مش هتطلع من هنا عايش يا حسن!!
" مشي مع سمير ونفس النظرة في عنيه ، نظرة تحدي وكأنه مش فارق معاه اللي هعمله فيه ، سمير خرج ونزل من الشقة بعد ما ربط حسن في أوضة جوا
هتعمل ايه يا يوسف
= هقت*له يا هند ، معنديش حل تاني
لا طبعا انت كدا هتجيب لنفسك مصيبة تانية ، كفاية أوي لحد كدا يا يوسف
= لا مش كفاية ، الواد اللي جوا دا قت*ل اسماء ، يعني مش احتمال لا دا اكيد لو جاتله الفرصة انه يقت*لنا احنا كمان هيعملها ومن غير ما يفكر
حسن مجنون ، مينفعش احنا نعمل زيه يا حبيبي
= عايزاني اعمل ايه بقا ، عندك حل؟
نهرب انا وانت بالفلوس ، مش انت كنت عايزنا نسافر ، خلاص ماشي انا هسافر معاك ونرمي ورانا كل حاجة
= عايزاني امشي و اسيب حسن هنا عايش ، أنتي واخدة بالك بتقولي ايه ؟
ماهو انت مش هينفع تقت*له ، انت كدا هتفتح على نفسك باب مش هيتقفل
= هو دا اللي عندي ، معايا ولا مش معايا؟
معاك يا حبيبي ، انا معاك في اي حاجة
= يلا ادخلي عشان ننام ، قدامنا يوم طويل بكرا عايزين نلم كل حاجتنا ، وانا هنزل الصبح اجيب ورق السفر
" دخلنا الأوضة ، نمت جنبه على السرير ، بعد ما اتأكدت انه نام قومت من جنبه و مشيت بهدوء لحد ما وصلت للباب ، روحت على أوضة تانية ، فتحتها و دخلت
هند ، خرجيني من هنا عشان خاطري
= شششش وطي صوتك ، يوسف نايم
طب خرجيني من هنا ، انا لازم امشي
= مش هينفع يا حسن ، انت لو خرجت يوسف هيعرف ان انا اللي عملت كدا
يعني ايه! ، أنتي هتسبيني هنا يا هند ، هتسبيني امو*ت هنا
= متخافش انا هفكر اخرجك من هنا بس بطريقة تانية غير دي ، لازم كل حاجة تمشي زي ما خططنا ، ثم انت ايه اللي جابك اصلا
بصراحة كنت خايف تخلعي أنتي وهو
= بقا مش واثق فيا يا حسن
مش القصد يعني ، بس كنت قلقان الصراحة
= براحتك ، بكرا تعرف اني عمري ما ابيعك
اسماء برضو كانت بتقول كدا
= انت قت*لتها ليه ، دا مكنش ضمن اتفاقنا
مينفعش امشي من البلد دي و اسيب ورايا ديل زي اسماء
= عمرها ما كانت هتعملنا حاجة
" ضحك ب استهزاء
مين دي ، اسماء ، بقا اسماء مش هتعملنا حاجة يبقا أنتي متعرفيهاش كويس
= انت اللي فاكر كل الناس زيك يا حسن
حرص ولا تخون ، مش كدا ولا ايه
= انت اللي خونت الكل يا حسن ، محدش خانك
مش دا احسن بدل ما استنا حد يخوني
= لا برافو عليك
هتخرجيني امتا
= اول ما الاقي فكرة تخرجك من هنا من غير ما انا اكون سبب فيها
اياكي والغدر يا هند ، اياكي
= باي يا ابو علي
" زي ما خرجت من الأوضة رجعت تاني بسرعة ، ونمت جنبه ، لما صحيت تاني يوم ملقتوش جنبي ، كلمته في التليفون
انت فين يا يوسف
= عند الراجل اللي هيخلصلنا الورق ، عايزة حاجة؟
لا مفيش ، كنت بطمن عليك
= اطمني كل حاجة ماشية كويس ، المهم قومي دلوقتي و جهزي كل حاجتك عشان خلاص مبقاش في وقت ، الموضوع كله سواد ليل
حاضر متتأخرش انت بس
" قفلت معاه ، جريت بسرعة على حسن ، فتحت باب الأوضة اللي هو محبوس فيها لقيته نايم
حسن ، حسن فووق
" بدأ يفتح عينه
= ايه
يوسف مسافر بكرا
= كويس بس ايه يعني مش فاهم
ايه يعني ازاي يا بني آدم انت ، دا معناه اننا لازم نتصرف بسرعة ، يوسف كدا هيبقا عايز يخلص عليك قبل ما يسافر
= وايه الحل
مش عارفة ، انت مفكرتش خالص من امبارح؟
= لا معرفتش الاقي حاجة ، مفيش غير انك تهربيني دلوقتي
يا بني آدم افهم ، انت مربوط و مقفول عليك بالمفتاح من برا ، والأوضة مفيهاش شبايبك يبقا هتهرب ازاي ، لو انت هربت اكيد يوسف هيفتكر ان انا اللي عملت كدا
= طب هقولك ، ايه رأيك نهرب انا وانتي دلوقتي ، ناخد الفلوس ونهرب
بس انا معرفش طريق الفلوس ، يوسف خدها معرفش هيخبيها فين ، وبعدين لو لقيناها هنروح فين
= اي مكان ، ممكن نروح نستخبا في أي بلد عقبال ما اتصرف ونسافر انا وانتي
ويوسف يكون بلغ علينا ونتمسك في المطار ، صح؟ ، اسكت يا حسن ، انا هحاول الاقي حل
= هو يوسف فين دلوقتي
كلمته قالي انه بيخلص ورق السفر
= خلي بالك احنا كدا معندناش وقت خالص ، لازم تفكري بسرعة يا هند
حاضر متقلقش
" خرجت من عنده وفعلا انا مش عارفة اعمل ايه ، مفيش قدامي اي حلول نهائي ، كل السكك مقفولة ، ماهو يإما اغامر و اهربه يإما ابيعه و اسافر مع يوسف ، مفيش حل غير كدا ، انا محتارة أوي ، فضلت قاعدة افكر ، دماغي هتنفجر لحد ما حسيت ب يوسف وهو داخل عليا الأوضة
#بقلم : #عمرو راشد
انت رجعت يا حبيبي؟
= لا لسة مرجعتش ، ايه اللي شاغل تفكيرك؟
مفيش ، قولي انت عملت ايه
= خلاص ورق السفر بقا معايا ، أنتي جهزتي حاجتك؟
بصراحة لا
= ليه يا هند ، ما انا كلمتك الصبح وقولتلك احنا اخرنا النهاردة
متقلقش كل حاجة هتكون جاهزة
= طب يلا دلوقتي ، ابدأي حالا جهزي الشنط
وحسن
= مالو حسن ، اوعي تكوني اتكلمتي معاه
لا طبعا ، هتكلم معاه ليه يعني ، انا بس بسأل هنعمل معاه ايه
= طول الطريق بفكر يا هند والله ، مش عارف اقت*له ولا اسيبه وخلاص
انا من رأيي تسيبه يا يوسف ، احنا مش عايزين مشاكل
= انتي شايفة كدا يعني
انا مش شايفة غير كدا
= خليني اشوف ، المهم يلا أنتي بسرعة جهزي الشنط
" خرج برا قعد على الكنبة ، وانا بدأت في تجهيز الشنط ، معداش كتير و لقيت تليفونه بيرن ، قربت شوية عشان اسمعه
• ايه!! ، طب انا جاي حالا
" قفل المكالمة ، وانا جريت بسرعة على الأوضة بعدها سمعته بينادي عليا
هند انا نازل مش هتأخر ، لما ارجع تكوني مخلصة اللي قولت عليه ، سلام
" الباب اتقفل ، ساعتها جريت على اوضة حسن ، فتحتها
هو ايه اللي بيحصل
= مش عارفة ، يوسف لسة راجع من برا ومعاه الورق بتاع السفر يعني خلاص كل حاجة بقت جاهزة
طب وانا
= متقلقش انا اقنعت يوسف انه يسيبك وميعملش فيك حاجة
لا بجد ، طمنتيني والله ، انا مش عارف من غير الخبر دا كنت هنام ازاي النهاردة ، طب والفلوس
= انت بتتريق ، بعد اللي انا بعمله عشانك دا وفي الاخر بتتريق
انجزي يا هند ، طب والفلوس ، هناخدها منه ازاي
= انا هتصرف
" خرجت بسرعة من عنده و رجعت عشان اجهز الشنط ، الساعة كانت لسة 8 بليل ، الساعة بقت 12 كنت جهزت كل حاجة وخلصت بس يوسف لسة مرجعش ، وكل ما اكلمه بيكنسل عليا وفي الاخر تليفونه اتقفل ، كنت قلقانة يكون هرب بالفلوس وسابني ، كل ما كان بيتأخر كان قلقي بيزيد ، الساعة كانت 1 لقيته بيفتح الباب و بيدخل ، جريت عليه
كنت فين يا يوسف
= مفيش ، الراجل اللي بيخلصلنا الورق كلمني ، كان في مشكلة بسيطة يعني كانت محتاجة تتعدل ، المهم أنتي خلصتي اللي وراكي
كله جاهز يا حبيبي متقلقش
= طب يلا ندخل ننام ، عندنا سفر بكرا
كنت عايزة اسأل سؤال يا يوسف
= ايه هو
هو احنا هناخد الفلوس معانا واحنا مسافرين ازاي
= لا طبعا مش هنعرف ناخدها ، الفلوس هتتحول على حسابنا هناك ، متشغليش بالك أنتي ويلا ننام
" وفعلا دخلنا ننام ، بس انا معرفتش كنت قلقانة طول الليل ، بفكر ايه اللي هيحصل بكرا ، خايفة يوسف يرجع ف كلامه ويقت*ل حسن ، خايفة من كل حاجة ، النهار طلع ، شوية والساعة بقا 10 الصبح ، يوسف صحاني من النوم ، واساسا انا منمتش ، صحيت و خدت دش و غيرت هدومي ، بدأنا نجهز كل حاجة ، يوسف كلم سمير عشان يطلع وياخد حسن
انت مش قولت هتسيبه يا يوسف ، محتاج سمير ليه بقا
= مانا هسيبه بس لازم اكون مأمن نفسي
" نزلنا تحت حطينا الشنط في العربية و ركبنا ، كنت انا و يوسف قدام و حسن و سمير في الكنبة اللي ورا ، مشينا بالعربية ، لاحظت ان دا مش طريق المطار
يوسف هو احنا رايحين فين
= مشوار صغير كدا
ايه دا هو احنا مش هنسافر
= ايوا هنسافر بس لازم نعمل المشوار دا الاول
" كان ماشي في طريق غريب ، طريق مقطوع مفيهوش حد ، كله مصانع قديمة وباين انها مقفولة بقالها كتير ، لحد ما وقف بالعربية
يلا انزلو
= هنا يا يوسف
اه هنا
" نزلت وانا مستغربة ومش فاهمة ايه اللي بيحصل ، مشينا شوية لحد ما دخلنا مصنع من المصانع اللي موجودة ، وهناك اتصدمت من اللي شوفته ، مش مصدقة عنيا
اسماء ، أنتي لسة عايشة؟ ، طب ازاي!!
#عمرو_راشد
#خيانة_زوجية 9
#يتبع
اسماء أنتي لسة عايشة ، طب ازاي ، حسن قال انه قت*لك ، ازاي أنتي لسة عايشة لحد دلوقتي
= قدر ربنا بقا ملناش دخل فيه
يعني ايه ، يعني أنت كنت بتكدب علينا يا حسن
" بصيت على حسن اللي كان مصدوم ومش مصدق اللي هو شايفه
لا يا هند ، حسن مكدبش عليكو ، هو فعلا حاول يقت*لني بس قدر ربنا اني افضل عايشة ، الناس لقتني وانا مرمية في الشارع و خدوني على المستشفى ، لما فوقت عرفت من الدكتور ان الطل*قة كانت في كتفي ، حتى ضرب النار حسن طلع فاشل فيه ، بس اللي عايزة اقوله بقا اني جيت دلوقتي مخصوص عشانكو ، عشان اللمة الحلوة دي رغم اني لسة تعبانة والله وبتعالج
" هند رجعت تبص ل يوسف
انت جبتنا هنا ليه يا يوسف ، انت جايبنا هنا وعارف انها هتكون موجودة صح ولا لا ، رد عليا صح ولا لا
= طول عمري اقول عليكي ذكية يا هند ، اه والله ذكية بس في طبع ف البني ادم كدا وهو انه يكون ذكي والناس عارفة انه ذكي ومقتنعة بيه جدا بس تلاقيه عايز يعرفهم انه غبي ، مش بكلامه لا ، بأفعاله و اختياراته ، وانتي للاسف يا هند طلعتي غبية المرادي
جرا ايه يا يوسف ، قصدك ايه بالكلام دا
= قصدي ان كل حاجة بانت خلاص يا هند ، انا عرفت كل حاجة
كل حاجة ازاي يعني
" كان باصص ل حسن وهو مبتسم
تقول انت ولا اقول انا يا ابو علي
" زعقت فيه
ما تقول يا يوسف في ايه
= متستعجليش ، معتقدش يبقا في حد عاقل يستعجل على موته
موته!!
= ايوا موته ، ماهو لما تتفقي مع حسن عليا تبقي تستاهلي المو*ت يا هند
اتفق مع حسن ايه ، ايه الكلام الاهبل دا ، بتخرف تقول ايه انت....
" بس المرادي يوسف مكتفاش بالكلام فقط و رفع المس*دس في وشي
للاسف دا مش تخريف ، أنتي اتفقتي عليا مع حسن ، روحتي من ورايا وطلبتي من الراجل اللي بيخلصلي ورق السفر ، انه يعملك فيزا بإسم حسن عبدالرحمن توفيق ، اخويا ، وقولتيله كمان انه ميجبليش سيرة وانك هتدفعيله كل الفلوس اللي يطلبها بس المهم انا معرفش حاجة عشان لما نبقا مسافرين ساعتها تخلصي أنتي عليا وتسافري مع حسن ، مش كدا وبس يا هند ، فاكرة امبارح لما جالي تليفون ونزلت بليل ، شكلك مش فاكرة بس ومالو افكرك انا
فلاش باك
" لسة كنت قاعد بستريح على الكنبة ، تليفوني رن من رقم غريب ولما رديت
الو
= ازيك يا يوسف
مين معايا
= انا اسماء ، انا لسة عايشة يا يوسف
ايه!!
= ارجوك اسمعني ، انا محتاجة اتكلم معاك ، قابلني في العنوان اللي هبعتهولك دلوقتي
انا جاي حالا
" قومت بسرعة ونزلت روحت على العنوان ، منطقة قديمة مليانة مصانع مهجورة ، مكان مفيهوش اي صوت ، وصلت العنوان بالظبط ، نزلت من العربية ، كنت قدام مصنع ، الباب بتاعه كان مفتوح ، دخلت جوا وبدأت انادي عليها
اسماء
" ظهرت من ورا الآلات اللي كانت موجودة هناك ، قربت مني وهي رابطة دراعها
ايه اللي حصلك يا اسماء
= حاول يقت*لني
وهو ليه حسن يعمل كدا
= طمعان في الفلوس لوحده
مش انتو الاتنين كنتو مع بعض ومتفقين ، ايه اللي اتغير بقا
= اسمعني بس ، انت واثق في هند دي
" ضحكت بسخرية
طبعا واثق فيها ، بتسألي ليه
= عشان هند ناوية تبيعك ، هند متفقة مع حسن انهم ياخدو منك الفلوس وبعدها يقت*لوك
اااهه دي حكاية جديدة ، اممم طب مش تقولي من الاول يا اسماء ، والله الواد حسن دا طلع حمار ازاي مكنش عارف يضربك صح ، بس مش مشكلة انا هصلح الغلطة دي
" لسة كنت هطلع المس*دس
والله يا يوسف انا مبكدبش عليك ، هند وحسن متفقين عليك ، ناويين يخلصو عليك صدقني وكانو ناويين يخلصو عليا انا كمان واهو انت شوفت حسن عملها و كان عايز يقت*لني ، الدور عليك انت يا يوسف
= وايه اللي هيخلي هند تعمل كدا
لما انت بعتها عندنا عشان تنصب علينا ، فاكر
فلاش باك
أول حاجة لازم تبقو عارفين ان يوسف عمره ما هيشيل فلوسه في بنك يعني بنسبة كبيرة الفلوس هتكون معاه في البيت ، انا هرجع البيت تاني بحجة اني ندمانة وعايزة ارجع اعيش معاه تاني ، هخليه يطمنلي من الاخر ، وفي الليلة دي انا هستنا ينام و انزل ادور على الفلوس واول ما هلاقيها هاخدها و اجيلكو علطول بس طبعا مننساش حقي
= المهم اوعي يشوفك يا هند
خافي على نفسك يا حبيبتي ، انا ميتخافش عليا
" ساعتها هند مشيت و حسن مشي وراها ، قومت اتسحبت بهدوء عشان اشوفهم يمكن هي تقوله حاجة او هو يقولها حاجة وفعلا احساسي كان صح ، حسن رفع عليها سكي*نة وحطها على رقبتها
بقولك ايه يا بت ، أنتي فاكرة الشوية اللي أنتي عملتيهم دول هيدخلو عليا انا ، انا عارف دي دماغ مين ، دي دماغ يوسف مش دماغك أنتي ، جاية تلعبي أنتي ويوسف علينا صح
= لا مش صح يا ناصح ، اخوك طردني و مش عايز يديني حقي عشان كدا جيت هنا ونبقا كلنا مع بعض
ورحمة ابويا لو ما قولتي الحقيقة يا هند ، هخليكي تروحي ل جوزك جسم بس من غير رقبة
= انت ليه مش مصدقني ، قولتلك..
انا بقول تتشاهددي احسن
" السكي*نة كانت مقربة منها بشكل كبير جدا لدرجة انها عملت جر*ح بسيط في رقبتها
خلاص خلاص ، خلاص يا حسن انا هقول ، يوسف هو اللي باعتني اه ، هو اللي مخطط للموضوع دا
= كدا احبك ، طب بصي بقا أنتي من دلوقتي بقيتي معايا انا واسمعي مني ، هتبقي معايا هتكسبي اكتر ، الواد يوسف طماع وانا حافظه كويس ، مش هيديكي مليم واحد ، خليكي معايا وانتي هتلعبي بالفلوس لعب
مطلوب مني ايه
= امشي على الخطة بتاعته عادي خالص عشان ميحسش ب حاجة وأنا هقولك كل حاجة اول بأول ، يلا امشي بقا عشان البت اللي جوا دي متحسش ب حاجة
" ساعتها رجعت بسرعة للسرير بتاعي تاني ، ولما رجع هو من برا مجبليش اي سيرة عن اللي حصل بينهم وبعدها طبعا كان عايز يقت*لني
بااك
مصدقني يا يوسف
= مصدقك.. ، انا دلوقتي هرجع البيت وهتعامل عادي وكأن مفيش حاجة حصلت عشان متحسش بأي حاجة ، وبكرا الساعة 1 تبقي هنا في نفس المكان دا
ناوي تعمل ايه
= هقلب الترابيزة عليهم
مش عايزاك تزعل مني ، عارفة ان كلامي دلوقتي ملوش لازمة بس صدقني بعد اللي حصلي دا اكتشفت اني كنت غلط في حاجات كتير أوي ، وغلطت في حقك أكتر من مرة بس انت احسن مني وهتسامحني ، مش كدا؟
= خلي الكلام دا بعدين يا اسماء ، مش وقته ، يلا ارجعي بيتك وأنا هتصرف
" لما مشيت من عند اسماء ، الراجل اللي بيخلصلي الورق كلمني وقالي انك روحتيله وطلبتي منه انه يعملك فيزا بإسم حسن عشان يسافر وطلبتي كمان منه انه ميجبليش سيرة
باااااك
#بقلم : #عمرو راشد
ايه رأيك بقا يا هند ، اظن كدا كل حاجة بقت واضحة و دلوقتي جه وقت الحساب ، انا بس عندي سؤال واحد ولو جاوبتيني صدقيني والله هسيبك تمشي ، انتي ليه عملتي معايا كدا؟ ، يعني هو انا عملتلك ايه؟ ، انا عارف اني غلطت في حاجات كتير على فكرة بس مفتكرش اني غلطت معاكي أنتي تحديدا ، كنت هديكي حقك في الفلوس على فكرة يعني انا عمري ما فكرت اطمع وااخد كل حاجة ، عارفة المشكلة فين ، المشكلة انك كنتي واثقة في حسن ، حسن دا يبيعك في ثانية و اظن أنتي شوفتي عمل ايه مع اسماء ، أنتي كنتي متخيلة مثلا انكو هتسافرو و تعيشو مع بعض في تبات ونبات ، كان هيخلص عليكي في ساعتها ، مش بقولك طلعتي غبية أوي
= سامحني يا يوسف ، سامحني عشان خاطري ، والله انا بحبك وما كنت عايزة ابيعك أبدا ، يوسف انت عارف اني بحبك صح ، يوسف رد عليا ، والله انا...
انتي خاينة يا هند ، خونتي ثقتي فيكي وكمان كنتي عايزة تخلصي عليا يعني ياريتك كنتي هتسرقيني وخلاص ، أنتي كنتي مستكترة عليا اني اعيش كمان
" بصيت ل اخويا
وانت يا حسن ، دا انا اخوك يالااا ، سيبك منهم كلهم لكن دا انا اخوك ، ايه كمية الحقد والغل اللي جواك دا ، انت حتى مش سايبلي اختيارات تانية اعملها ، مسبتليش غير حاجة واحدة بس
" وجهت المس*دس ناحيته و في خلال ثواني الطل*قة كانت في نص دماغه ، ساعتها هند بدأت تعيط
انا مش عايزة اموت يا يوسف ، مش عايزة اموت ، حسن هو اللي كان السبب ، هو اللي عمل كل دا من الاول ، انا مليش ذنب
= مدافعتيش عني حتى يا هند ، كنتي تعالي احكيلي على اللي حصل بينكو ، والله كنت هشيلك على راسي حتى لو كنتي طلبتي الفلوس كلها كنت هديهالك ، بس انتي حتى كنتي مستكترة على نفسك انك تتهني ب حياتك الجديدة ، والله ما كنت عايز اعمل كدا بس أنتي اللي وصلتيني ل دا ، انا اسف
" نظراتها كانت بتترجاني بس مكنش ينفع ، مكنش ينفع بعد اللي هي عملته لان اللي هيخون مرة هيكررها الف مرة ، وبالفعل الرصاصة خرجت واستقرت في قلبها ، وقعت قدامي على الأرض
عارفة بجد مين اللي ملوش ذنب يا هند ، هي اللي واقفة جنبي دي ، اسماء ، مكنش ليها ذنب في اي حاجة من اللي حصلت دي ، انا اللي سلمتها ب ايدي للشيطان عشان يلعب بدماغها واللي وصلها للي هي فيه دا ، هي ذي بجد اللي تستاهل اسامحها أو أتمنى ان هي اللي تسامحني مش أنتي يا هند
" لفيت ايدي على اسماء وخرجنا من المصنع بعد ما اتفقت مع سمير انه يخفي جثثهم... ، روحت البيت وبدأت أعالج اسماء لانها كانت لسة متعالجتش بشكل كافي ، أسبوع وانا جنبها لحد ما تتعافى تماما واول ما بدأت تسترجع صحتها تاني قررت اعمل الصح ولأول مرة في حياتي
امسكي يا اسماء
= ايه دا
دا نصيبك من الفلوس ، ياريت كنت اعرف اعوضك اكتر عن اللي حصل
= بس دا كتير أوي يا يوسف
ابدأي حياه جديدة و افتحي مشروع تكسبي منه بالحلال ، عيشي حياتك بس من غير ما تغضبي ربنا ، كفاية اللي فات يا اسماء ، واستغفري وهو هيغفرلك اللي فات كله ، دا الغفار الرحيم ، خليكي معاه دايما عشان الشيطان ميلعبش بيكي مرة تانية ، وياريت تسامحيني ، دي حاجة انا بتمناها والله ، انا غلطت فيكي كتير أوي بس مفيش حد بيتعلم ببلاش وانا اتعلمت ، و اظن انك أنتي كمان اتعلمتي
= طب وانت هتعمل ايه
هسافر ، هبعد على على ما اقدر ، أقابل ناس جديدة جايز اعرف ابدأ حياه جديدة من تاني ، ربنا يوفقك في لللي جاي
" سافرت وبعدت عن كل الناس ، بقيت لوحدي و دا احسن عشان محدش يتأ*ذي بسببي تاني ، اكتشفت اني كنت سبب في أذ*ية ناس كتير أوي ، كان عنده حق حسن لما قال
• لو دورت على اول الخيط في كل مصيبة هلاقيك انت يا يوسف
" عشان كدا قررت اني لازم ابدأ مع نفسي الأول قبل ما ارجع تاني للناس ، لازم اتعلم احافظ على اللي معايا ، ايا كان هو ايه ، شغل او زوجة او فلوس او لما ربنا يرزقني ب ابن ، لازم احافظ عليه على الاقل ميطلعش زيي ، اما اسماء فهي دلوقتي فتحت سلسلة مطاعم مشهورة وبقت من اهم سيدات الأعمال في مصر ، كانت تستحقها من زمان ، تستحق تكون في مكان احسن من اللي هي كانت فيه حتى وهي معايا ، انا خسارة في اي حاجة حلوة كانت معايا او حتى هتكون ، ربنا يوفقك يا اسماء ويرحمك يا حسن ويغفرلك ويسامحك يا هند انتي و ريهام ، وانت لو شوفت الكلام دا ادعي لي يمكن اعرف ارجع طبيعي ، يمكن اعرف ابقا بني آدم!!
" لو الرواية عجبتك سيب كومنت لطيف 💜 "
#عمرو_راشد
#خيانة_زوجية 10
#النهاية
اكتب ف بحث جوجل موسوعة_القصص_والروايات
الرواية كامله من البدايه من هنااااااا
تعليقات
إرسال تعليق