رواية الظلال المحترقه البارت 18_19_20_21_22_23 بقلم اسماعيل موسي
رواية الظلال المحترقه البارت 18_19_20_21_22_23 بقلم اسماعيل موسي
#الظلال_المحترقه
١٨
اوامرك يا اميره مهراته، السجين ده هنعمل فيه ايه؟
الاميره مهراته وهو بتاكل عشبه كبيره، سبوه لحد ما نعرف حكايته ايه
انا مندهشه انه لسه معرفش لحد دلوقتى؟
الظاهر واخد عشبة سبناسترن يا اميره
مهراته لكن العشبه دى سريه ومحدش يعرفها غير سكان البحر؟
انا عايزه اعرف مين متعاون معاه، هى الباخره مشيت؟
لا يا اميره مهراته، السفينه لسه فى مكانها متحركتش رغم هبوب الرياح
واقفه بشكل غريب
مهراته بتفكير حاسه ان فيه حاجه غلط، البشر كانو بيهربو دايما بعد ما نهاجمهم
راقبو السفينه دى لحد ما نشوف وراها ايه
القبطان واقف فى مقدمة السفينه بيضرب اخماس على اسداس
ازاى السفينه مش بتتحرك رغم كل الرياح إلى مالى الشراع؟
انا هجنن
ركاب السفينه مرعوبين كلهم، ألست العجوزه قاعده فى جنب السفينه مش بتتكلم مع حد وعينها على البحر
واحد من البحاره بيسأل هى السفينه مش بتتحرك ليه؟
الست العجوزه قالت السفينه مش هتتحرك غير لما الشاب إلى ضحى بنفسه يرجع
دى قوانين مملكة البحور السبعه
القبطان قال كدب، انا طول عمرى بسافر على المسار ده
اول ما بنات اوى بياخدو واحد ولا اتنين بيرحلو واحنا بنكمل طريقنا
الست العجوزه اصل الشاب مش شخص عادى، دا أمير وهيكون ليه شأن كبير فى مملكة الجان
القبطان صرخ، بلاش تخريف يا ست انتى لحسن ارميكى فى البحر
بعدين انا مش متذكر انك دفعتى تذكره انتى ربكتى السفينه ازاى؟
دى اكيد ساحره، صرخ واحد من البحاره
الكلمه انتشرت فى السفينه، الكل اتجمع حوالين الست دى
لازم نرميها فى البحر، دخيله، ساحره
مسكو الست وراحو يرموها فى البحر
الست لو عملتو كده السفينه هتغرق ومفيش ولا واحد فيكم هيفضل حى
لكن البحاره القو بالست فى البحر
الست تحولت لسمكه نص انسيه وسبحت بعيد عن السفينه وصرخت
انتم إلى اخترتو
اصدرت صوت سمكه وبسرعه تجمعت أسماك القرش والحيتان حول السفينه وقعدت تهاجمها
الست اختفت تحت الميه، السفينه بعد ما مشيت غرقت
بنات اوى كلهم شمو ريحة البشر، سابو الحراسه وسبحو على السفينه
وفضلو ياكلو المسافرين والبحاره
الست العجوزه بعد ما تحولت لسمكه غاصت نحو العمق لحد ما وصلت المكان إلى محبوس فيه
اردا
مكنش فيه حراسه، اردا شافها بتقرب منه واعتقد ان حياته انتهت
الست كسرت سجن اردا بضربه قويه وطلبت منه يسبح وراها
ابتعدوا عن منازل بنات اوى، مهراته كانت نايمه لما وصلها خبر هروب اردا
اشتعلت غضب وخدت كل قبيلتها وراها يتعقبو اردا
انت مين سألها اردا وهو بيسبح جنبها؟
انا الحارسه
حارسة ايه ولمين؟
حارسة ممكلة الجان ارسلتنى المملكه لحمايتك
احنا مراقبينك من اول ما وصلت الشاطيء
اردا استغرب، كان عنده اسأله كتيره، لكن سرب بنات اوى اقترب منهم
#الظلال_المحترقه
١٩
اقتربت الاميره مهراته من خلفها حراس بنات اوى، توقفت المرأه العجوزه إلى اتحولت سمكه ووقف اردا جنبها
مهراته بسخريه، مفيش مخلوق يقدر يهرب من مملكتى والى يفكر فى كده لازم ينال عقابه
المرأه للعجوز، اهرب اردا، بعد مسافه قصيره هتلاقى نفق بين الصخور اسبح فيه هيطلعك للسطح هناك جزيره محدش من بنات اوى هيقدر يعملك حاجه هناك
اردا، مش ممكن اسيبك، لو اتخليت عنك موتى افضل
مش وقت الكلام دا اردا، اهرب من فضلك
اردا وهو بيستعد للقتال مستحيل
انت مش مش هتعرف تقاتل بنات اوى انت هتعطلنى وتشتتنى
اردا بثقه هنشوف
هجم حراس الاميره مهراته تمدد جسد المرأه وأصبح سمكه كبيره بزيل طويل تضرب فى كل اتجاه تحاول أن تحمى اردا
اردا تسمر فى مكانه، كالعاده كان بيدرس اسلوب القتال البحرى إلى كان مختلف عن اليابسه
تريث اردا حتى أتقن اسلوب القتال، وسط المعركه لوحظ شيء يبرق وسط الماء يغوص نحو القاع
العيون اثبتت عليه لحد ما قرب منهم
ثم اخترق الشيء المياه نحو اردا حتى وصل ذراعه
كان السيف الذى يقاتل به اردا
دخل اردا المعركه بسيفه الرهيب وسرعته وقوته ضرب فى كل اتجاه
لم تكن معركه سهله
تعرض للعض اكثر من مره، وضرب مرات عديده حتى احمرت المياه من الدماء
مهراته دخلت المعركه، اميره محنكه تضرب بسرعه، تغوص وتقفز
محدش قادر يوصلها
لمن اردا كان قتل عدد كبير من الحراس بسيفه، تقلص العدد واصبحت الحرب متوازنه
الجنيه السمكه كانت تقاتل بقوة حوت، تبتلع بنات اوى داخل فمها
تقابل اردا ومهراته وجه لوجه
خائنه صرخ اردا، انقذتك لكنك غدرتى، انا هحمل رأسك معايا قبل ما أمشى من هنا
درارت الحرب بينهم مده طويله قاتلت فيها الاميره ببساله، قبل نهاية المعركه
كان فاضل مهراته وحارسين شخصيين لها، اردا فقد وعيه، انتهت مدة العشبه شعر باختناق الموت وغاص نحو العمق
أثارت الجنيه السمكه زوبعه من الطين والتراب والعكار
حملت اردا نحو النفق بأقصى سرعتها والقت به على اليابسه
قبل أن تنقذ نفسها سحبتها مهراته نحو الاعماق مره أخرى
ظل اردا فاقد للوعى حتى عثرت عليه طفله على الجزيره، فتح اردا عنيه كانت جزيره كبيره، بعيد عن الشاطيء كان فيه مساكن ضخمه
واكواخ كتيره
بحث عن مخرج النفق لقيه اختفى
سأل الطفله انا فين؟
الطفله إلى كانت بترتدى ملابس غريبه قالت انت فى مملكة البحور السبعه
اردا بتفكير معقول اكون وصلت بالسرعه دى؟
ولا النفق ده مسحور!؟
مكنش عارف هيعمل ايه، سأل الطفله عايز اقابل الملكه تيشا
الطفله ضحكت، انت عايز تقابل الملكه تيشا؟
اردا ايوه وبسرعه كمان
الطفله بسخريه، محدش يعرف فين بتسكن الملكه تيشا ولا واحد مننا يعرف مكانها
اردا، فين والدك انا عايز اكلم شخص كبير يدلني عن مكان الملكه
الطفله انا والدى ووالدتى ميتين
كلنا على الجزيره دى ملناش اهل
تقصدى ايه بكلكم؟
يعنى مفيش ناس كبيره هنا؟
الطفله لا، كلنا هنا أطفال،
وصلتم هنا ازاى؟
الطفله معرفش، فيه سفينه بتيجى كل شهر بتجيب أطفال جديده وبتاخد أطفال غيرهم
#الظلال_المحترقه
٢٠
اردا للطفله الصغيره، ممكن توصلينى لمكان السفينه دى
الطفله اه ممكن لكن الشمس قربت تغيب ولازم ارجع على البيت
وانت كمان لازم تشوفلك مكان تقضى فيه الليل
اردا، لا متشكر، انتى اوصفيلى الطريق وانا هروح لوحدى
انت مش فاهم حاجه، فيه وحوش هنا بتظهر بالليل لازم تستخبى انا حذرتك
أبتسم اردا، طفله صغيره تحذره من وحوش تظهر فى الليل وتحكى عن جزيره يسكنها أطفال
تحرك اردا ناحية مكان السفينه، للشمس كانت مايله للغروب ولاحظ ان الأطفال بتركض ناحية المباني والبيوت
كان فيه ميناء صغير، سد خشبى مسنود دعامات داخل مياه البحر، جلس اردا على الحاجز الخشبى بأنتظار وصول السفينه واختفت الشمس
قبل انتصاف الليل سمع اردا غناء بنات اوى، صوتهم الجميل الساحر
كان عرف صوتهم بعد إلى حصل على السفينه
شويه وقربو من الحاجز الخشبى وظهر رأس مهراته
الاميره، مهراته، انت فعلا هربت مننا لكن انت مضطر تركب البحر مره تانيه
الحارسه إلى كانت معاك ماتت، وانت قريب جدا هتلحقها
ايه رأيك تنزل البحر نصفى حسابتنا سوا؟
اردا، مش هنزل البحر لكن اوعدك المره التانيه لما تشوفي اردا دماغك مش هتكون مع جسدك
ضحكت مهراته
انت هربت، جبان
اردا كان فاهم استفزازات مهراته ومحاولتها التأثير عليه
وفجأه سمعو صوت زمجره رهيبه
الاميره مهراته اختفت، غاصت تحت الميه اردا مكنش فاهم حاجه
بس حاسس الصوت بيقرب منه
سحب اردا سيفه ومشى ناحية اليابسه الجو كان ظلام رغم المصابيح المضيئه فى المناره
شاف من بعيد كيان اسود بيركض على أربع نحوه، كان حجمه ضخمه وبيركض بسرعه كبيره
اردا مكنش متخيل ان الكائن ده بالحجم الهائل إلى قدامه ومكنش قدامه غير الركض
اردا مصاص دماء مستذئب وسرعته خارقه
ركض الوحش خلف اردا ورغم ضخامته كان وبيركض بسرعه رهيبه
وادرك اردا ان المطارده ستطول
اتجه نحو الجبال وتسلق الصخور بكل قوه كان غرضه يختفى بين الصخور لكن الوحش مدهش فرصه
عندما اقترب اردا من قمة الجبل خفت سرعة الوحش وابتعد عن اردا بعض الشيء
وجد اردا كهف أمامه اختفى داخله وأشهر سيفه فى يده
من خلال الضوء اردا فحص المغاره، كان فيه هياكل عظميه بشريه وحيوانيه ماليه الكهف
من كل أماكن الجبل اردا اختار بيت الوحش يستخبى داخله
وصل الوحش لفريسته وبكل ثقه سد فوهة المغاره بجسده الضخم
سقف المغاره واطى وفكر اردا ان ده هيديه حرية الحركه عكس الوحش إلى هجم بسرعه على اردا
انتظر اردا حتى اقترب الوحش ثم تجنبه بحركه سريعه وجرح جانبه بسيفه
التفت الوحش بغضب، نظر لاردا بعيونه المشتعله وهجم عليه مره أخرى
قفز اردا فى المساحه القليله المتاحه ليه وضرب الوحش فى رأسه ليسقطا معا من المغاره ويتدحرجا على الصخور
استطاع اردا بصعوبه ان يغرس السيف فى اخر لحظه ليثبت نفسه بينما هوى الوحش نحو الأرض ليسحق جسده
كان فيه رضوض كتيره فى جسم اردا، رغم كده قدر ينزل الجيل لحد ما وصل الوحش
قطع رأسه بسيفه وحملها معه للميناء
ارتمى اردا على السطح الخشبي للكوبرى غير قادر على نصب طوله
ظهرت مهراته مره أخرى وكانت قريبه منه
أمشى من هنا نهرها اردا ولوح بسيفه
وصلت مهراته الحاجز وظهرت بكل جسمها قدامه، جسد عارى جميل
اقتربت من اردا لكن لما شافت رأس الوحش مرمى جنبه وقفت مكانها
انت قتلت الوحش؟
اردا، وهقتلك انتى كمان
انت مهراته رأسها أمام اردا، انت قدمتلنا خدمه كبيره، الوحش ده قتل كتير من حراسى
اقتربت مهراته مره أخرى من اردا وضع اردا السيف فى وجهها
متخفش قالت مهراته
انت خلاص اخدت الأمان منى
انت قتلت اكبر عدو لي هنا وتستحق الاحترام، انا بديك عهدى مش ههاجم اى سفينه انت تكون فيها
انتهت الليله برحيل مهراته مع رأس الوحش
عندما أشرقت الشمس وصلت السفينه، كانت محمله بالأطفال القصر
وكان عليها حراس كلهم نساء
فتح اردا عنيه واندهش لعدد الأطفال إلى بيتم نقلهم للجزيره، مكنش عارف الأطفال دى بتيجى من فين ولا حكايتهم ايه
قرب اردا من الحراس وطلب منهم بسمحو ليه بركوب السفينه من أجل مقابلة الملكه تيشا
سخر منه الحراس، محدش بيقابل الملكه ولا يعرف مكانها
انقلونى لاقرب جزيره وهناك سأتصرف
رفض الحراس طلب اردا، انت شخص ملكش فايده ولا داعى لنقلك معنا
فكر اردا دقيقه، تذكر اتفاقه مع مهراته، انقلونى واضمن لكم عدم مهاجمة بنات اوى للسفينه
اتفاق عادل قالت قبطانة السفينه الفتاه الحسناء
لكن لو كنت كاذب ستكون طعام للسمك
لم يجادل اردا، وتم الاتفاق
#الظلال_المحترقه
٢١
قبل أن تميل الشمس تجاه الغرب أعلنت قبطانة السفينه ان الوقت حان للرحيل، بقائهم حتى الظلام يعرضهم لمواجهة الوحش
انا قتلت الوحش، قال اردا بلا مبلاه
قبطانة السفينه، اسمع، كذبت اول مره وقلت اضمن لكم مرور آمن من بنات اوى والآن تدعى انك قتلت الوحش؟
نظر اردا للقبطانه الجميله، وكيف برأيك اقنعت الاميره مهراته ان لا تهاجم اى سفينه اكون داخلها؟
سلمتها رأس الوحش
واحده من البحاره تمايلت بدلال تجاه اردا، قالته ازاى؟
اردا قتلته بسيفى وأشهر اردا سيفه الامع
انتشر الخبر بسرعه بين البحاره والأطفال وسرعان ما تجمع سكان جزيرة الأطفال ليتأكدو من الخبر
الان بإمكانهم الخروج ليلا وممارسة حياتهم واللعب حتى الصباح
ابحرت السفينه مع غروب الشمس وسط تهليل الأطفال وتمنياتهم لاردا برحله مريحه
اسمعى يا قبطانه انا لا اريد ان اقمح نفسى فى المشاكل لكن ما قصة هؤلاء الأطفال يا قبطانه؟ لماذا تحضرونهم هنا؟
هذه قوانين قرية الرجال ونحن ناخذ عمولتنا ولا نسأل عن السبب
لكن وصمتت القبطانه
فى قرية الرجال يسمح بالزواج لكن لا يسمح بالانجاب، واذا انجبت إمرأه يأخذ طفلها منها فى عمر معين ويظل على هذه الجزيره حتى يأمر الملك بعودته
يستخدمون نظام احصائى دقيق، يعود للأطفال عند عمر البلوغ ليتلحقو بالجيش النظامي ويخوضو الحروب فى مواجهة الغزاه
بس دا ظلم، الزواج سنة الحياه ليه يجبرو الناس يتخلو عن أطفالهم؟
انت هتقابل حجات أغرب من كده يا اردا ومش هتقدر تصلح الكون وحدك
فى وسط البحر توقفت السفينه وسمع غناء بنات اوى قبل أن تظهر روؤسهم من داخل المياه
قبل أن يهاجمو السفينه ظهرت مهراته، لوح لها اردا وصرخ انا اردا اميره مهراته
لك الآمان يا اردا انت ومن معك
تأكدت القبطانه من صحة الروايه وأرسلت غراب لللجزيره التاليه. يحمل اخر الاخبار
قبل أن تصل السفينه للجزيره كانت علاقة اردا والقبطانه الحسناء توطدت بعض الشيء
سألها اردا عن الملكه تيشا وعن سبب عدم معرفة اى شخص لمكانها
قالت القبطانه محدش يعرف مكان الملكه تيشا ولا جنودها إلى بيظهرو من العدم
لكن لو عايز تقابلها ابحث فى الجزيره المهجوره ودى اخر جزيره فى ارخبيل الجزر
ومفيش سفينه بتبحر لهناك
امال هوصل هناك ازاى؟
ابتسمت القبطانه دى مشكلتك انت يا اردا، انت الى قتلت الوحش اكيد هتلاقى طريقه توصلك الجزيره
بعد ليله أخرى من الابحار وصلت السفينه الجزيره ورست على الشاطيء
دى نهاية رحلتك معانا يا اردا
سألها اردا، دى جزيرة الرجال؟
لا دى الجزيره التالته احنا هنشترى بضائع من هنا ونرجع لجزيرة الرجال
نزل اردا، مسح الناس ووشوشهم وتمشى داخل المدينه وسوقها الكبير
المدينه كلها كانت عباره عن سوق ضخم مليان بضائع، ناس مغتربه بتشترى بضائع وترحل
كل السفن إلى كانت راسيه على الشاطيء كانت مبحره لأماكن مختلفه لكن ولا واحده منها مبحره للجزيره التاليه
اردا كان لازم ياكل ويشرب عشان كده اشتغل مع تاجر فى السوق ينقل بضايع ويجمع معلومات عن اى سفينه مبحره للجزيره التاليه وكان معاه رفيق شغال معاه
اردا سأله هو ليه مفيش سفن بتبحر للجزيره التاليه؟
بصله صاحبه باستغراب لان مفيش حد عايز يموت؟!
أردا ليه ؟
لأنها جزيرة المحاربين وكل شخص بيروح هناك بيهلك مش بيرجع تانى
كل شهر بترسو سفينه من هناك بتاخد بضايع وبترحل مره تانيه احسنلك تبعد عنهم
كتم اردا سره وفضل شغال الشهر كله لحد ما السفينه وصلت
كانت بتحمل اشرعه سوداء ونزل منها رجال بأجساد ضخمه جدا
الناس التانيه كانت بالنسبه ليهم أطفال
الناس بعدت عن طريقهم لحد ما خدو بضاعتهم وحملوها على السفينه
قرب اردا منهم وافتعل مشكله مع واحد من بحارة السفينه
الكل تأكد أن اردا ميت، نزال غير عادل
اردا الذى كان يظن نفسه قوى تعرض لضرب مبرح من البحار لاكتر من نص ساعه قبل أن يسدد اول ضربه
مفيش انسان يقدر يوجه ضربه لواحد من عمالقة جزيرة المحاربين
قبطان السفينه إلى كان متوقع نتيجة النزال بص لاردا
مره تانيه اردا قفز وسدد لكمه لرأس البحار
تحمل اردا الركلات وبداء يرد ضربه بضربه
القبطان مش مصدق نفسه ولا بحارة السفينه إلى بيحصل ده خارق للعاده
قبل نهاية النزال اطلق اردا العنان لحركاته التى تعلمها على يد ادغار الجان
وتمكن من هزيمة البحار وكسر عنقه
القبطان المنبهر قرب من اردا، مسكه من رقبته ورفعه فى الهواء
حملق بوشه، انا فقدت واحد من بحارتى هعمل فيك ايه؟
اردا وهو بيمسح الدم من على وشه، خدنى مكانه
#الظلال_المحترقه
٢٢
ارتقى اردا السفينه ذات الاشرعه السوداء بين البحاره ضخام الجسد وكان البحاره يرمقونه بسخريه
إلى حصل معاه مجرد حظ، هذا الشخص لا يمكن أن يكون واحد منهم
لن يتمكن من النجاه على الجزيره وسط المحاربين الأشداء
بعد ثلاثة ليالى قمريه وصلت السفينه ميناء جزيرة المحاربين، نقل اردا البضائع للرصيف مع البحاره ونصحه قبطان السفينه ان يظل فى السفينه حتى يبحرو مره أخرى
بس اردا مكنش جاى عشان يقعد فى مكانه، اردا كان يبحث عن الملكه تيشا، عن من يدله عنها ويعلم ان كل جزيره تعلمه شيء جديد
مر بين البيوت والخيام المنتصبه، كان فيه ناس كتير لسه سهرانه فى الحانات وأمام المنازل وحرص اردا على المشى بهدوء كأنه لص
معظم منازل الجزيره كانت بسيطه وتستولى ساحات النزال على معظم الجزيره
لكن اردا مكنش عارف قوانين الجزيره، لما لمح مطعم كتب عليه يقدم وجبات شهيه اقترب اردا منه وطلب طعام
هتدفع كام؟
اردا افتكر ان مش معاه فلوس، انا مش معايا فلوس
ابتسم عامل المطمع زو العضلات الحديديه، عايز تكسب فلوس؟
اردا ايوه
ابحث عن ساحات النزالات كل ما عليك فعله ان تهزم اى مصارع وستحصل على نقود كثيره
افتكر اردا نزاله الاخير، إلى كان هيموت فيه، لكنه تعلم شيء جديد
فاردا عقله يعمل بطريقه خبيثه فى النزالات الفرديه
بعدما أصبح مبارز قوى ربما حان الوقت ليقاتل باليد
جر اردا نفسه ناحية ساحة النزالات، صوت صراخ الجماهير دله على مكانها
هناك اندس بين المشجعين وقف فى سكون يسجل حركات المصارعين
كل واحد فيهم كان يتحمل ضربات اقل واحده منها كافيه ان تفقد اردا ذاكرته
بعدما انتصر احد المصارعين نال تصفيق الجماهير، فجأه انشق صف المشجعين وبرز داخله شاب قوى اسود البشره يطلقون عليه الوحش
اول ما المصارع المنتصر لمح الوحش ركض من الساحه هاربا
وقف الوحش وسط الساحه يتبختر كطاوس ورفع قبضته
حد عايز يموت النهرده؟
حلق الصمت فوق الجماهير والمشجعين محدش فتح بقه
حتى ظهر مقاتل قوى، عضلاته أضخم من الوحش وركض تجاه الساحه
اشتبك المصارعين فورا، ضربات، زحزحه وكانت ضرباتهم قاسيه جدا ويسمع صداها المرعب فى اذن اردا
اغمض اردا عينيه، جمع كل تركيزه، انت لا تحتاج للقوه للفوز دومآ يا اردا
حفظ حركات كلا المصارعين وأصبح مستعد لمنازلة اى واحد منهم
وسط الاشتباكات والضربات والسحجات قفز شخص ملثم وسط الساحه وطوح بالوحش والمقاتل الأخر بضربه هوائيه من قدميه
صمت الجمهور، امتعضت وجوههم، الذى يستطيع إسقاط الوحش لا يمكن الوقوف أمامه
ولمح اردا بنظره القوي ركلات وضربات الفارس الملثم الذى ادمى الجسدين ضرب حتى قام الحراس بجرهم خارج الساحه
تقدم الفارس الملثم من منظم النزال ومد يده، امنحنى نقودى؟
وضع منظم الحفل كيس نقود فى يد المصارع الملثم
لكن الفارس قبض على كيس اخر كان مخفى تحت قميص منظم النزال ووضعه فى جيبه
محدش اعترض على غير العاده فى جزيرة المصارعين الهمجيه
ولم يتقدم اى مصارع اخر لخوض النزال
وسط الصمت الحذر تقدم اردا خطوه داخل ساحة النزال
انا اريد ان اموت! صرخ بها اردا بعلو صوته
تراجع المصارع الملثم الذى كان على وشك الرحيل
رمق اردا نظره دونيه
انصرف ايها القزم البشرى قبل أن اقتلك
استجمع اردا حواسه، هذا الصوت صوت انثوى
ساعدته اذن الذئب فى تحديد الصوت
بلا كلام، تقدم اردا خطوتين وابتسم، انا جائع، ستمنحنى النقود إلى كسبتها او تقدم لنزالى!
ضحك الجمهور الساخر، عكس المصارع الملثم الذى لاز بالصمت
ثم ألقى كيس نقود لاردا واختفى بين الجمهور
التقف اردا كيس النقود ثم بعد أن حدد وجهة المصارع الملثم ذهب للمطعم
التهم وجبته وشرب حتى أرتوى ثم ركض نحو البيوت المنعزله خلف الجزيره
كان فيه كوخ يضيئه مصباح كيروسين اقترب اردا من الكوخ
حتى رأى إمرأه جميله جالسه أمام كومة حطب مشتعله
منحتك النقود التى كنت تحتاجها، لماذا حضرت لهنا؟
قال اردا، اعرف انكى كنت قادره على هزيمتى بسهوله، لست غبى مثل الأخرين
لم احضر هنا لازعاجك، حضرت لاشكرك واطلب مساعدتك
التهمت الفتاه قطعه من أرنب مشوى، مساعدتى فى ماذا؟
اريد ان اصل للملكه تيشا!
صرخت الفتاه ،ارحل من هنا، عنوان خاطيء يا مستذئب
تعرفين حقيقتى إذآ؟
من اول نظره !
ساعدينى إذآ من فضلك
انت جيت هنا ليه؟
لدى اسرارى الخاصه يا سيدتى
تفرست الفتاه فى وجه اردا، اسفه انا مش هقدر اساعدك، انا معرفش مكان الملكه تيشا
محدش فى الجزر السبعه يعرف مكانها
كنت مخطيء اذا، قالها اردا واستدار لينصرف
صرخت الفتاه مخطيء فى ماذا؟
قال اردا كنت اعتقد انت من ذاق مرار الظلم لا يرتضيه لغيره
ابتسمت الفتاه، لا انكر انك تعجبنى، الناس هنا تستخدم عضلاتها اكتر من عقلها
واضح انك مختلف
اردا يعنى هتساعدينى؟
#الظلال_المحترقه
٢٣
هساعدك يا اردا لكن بشرط
اردا شرط ايه؟
الفتاه ____هتساعدنى فى قتل دنكير حاكم جزيرة المتسلطين ، انا عايزه القصاص لاهلى
دنكير قتل والدى ووالدتى وانا هربت من الجزيره وطول عمرى منتظره اللحظه إلى ارجع فيها واخد روحه
اردا بثقه موافق، يلا بينا! لكن انتى اسمك ايه؟
أسمى سيبا يا اردا، احنا مش هنرتحل دلوقتى
اردا ___-- ممكن اعرف السبب ؟
انت لسه مش مستعد محتاج تدريبات كتيره
اردا بابتسامه، ومستنيه ايه؟
وقفت سيبا أمام اردا وكانت تقاتله باليد على طريقة جزيرة المصارعين وكانت طريقتها حيوانيه تعتمد على الخطف، القفز، السرعه الخارقه والارتداد المبتكر
كانت اخف من اردا لكن اردا كان أكثر قوه، وكانت خبرات اردا السابقه اديته خبرات سمحتله انه يجاريها
أتقن اردا قتال سيبا، حفظه، خزنه وكعادته مثلما فعل ما ادغار لم يرغب فى الانتصار على سيبا
كان عليه أن يخفى بعض أسراره القتاليه
نام اردا نوم عميق بعد يوم طويل من التدريبات واستيقظ على لكزات من قدم سيبا
يلا اردا حان وقت رحيلنا
مشى اردا ورا سيبا إلى التفت من ورا الخيام والبيوت لحد ما وصلو الميناء
كانت هناك سفينه ضخمه بأشرعه سوداء عرفها اردا
قالت سيبا احنا هناخد السفينه دى!
اردا _هنسرقها ؟
سيبا وهى ترفع المرساه، هنستعيرها فقط
رفع اردا الاشرعه كما تعلم من البحاره وانطلقت السفينه نحو جزيرة المتسلطين، أربعة أيام من الابحار حتى ظهرت مبانى الجزيره
أوقفت سيبا السفينه ورمت الهلب فى عمق البحر، احنا لازم نكمل المسافه المتبقيه سباحه عشان محدش يحس بينا
سبحو نحو الصخور الكبيره وتخفو تحتها حتى حل الليل، لو اى حد شافنا داخل الجزيره هيتعرف علينا
اردا امال هنوصل لقصر دنكير ازاى؟
قالت سيبا وهى تفتح باب مخفى تحت دغل من خلال النفق
هبطت سيبا النفق وسار خلفها اردا، النفق كان موحل، ثم تحولت لمياه مجارير قذره مشو فيها نصف ليله
قبل أن تخرج سيبا خريطه
قربنا نوصل القصر مش فاضل كتير
قبل شروق الشمس وصلو تحت القصر واضطرو انهم ينتظرو الليل وسط العفونه والجرزان التى كانت بتتحرك حواليهم
اختفت الشمس ونزل ظلام الليل واصبحت المجارير سوداء كالحه
تسلقت سيبا سلم ورفعت غطاء بلاعه، المخرج كان وسط الساحه مكشوف
وكل خطوه كانت تمثل خطوره فضلت سيبا كده كبيره تراقب حركات الحراس حتى شعر اردا بالملل قبل أن تخرج رأسها وتشير لاردا
يلا بينا
خرجو بسرعه واختفو تحت الجدار وبدأو يتحركوا بتسلل وخفه
لاحظ اردا ان الحراس شكلهم بشع وغريب
بعضهم بثلاثة ارجل وآخرين لديهم اجنحه وقرون ووجوه مرعبه
هو كل سكان الجزيره كده؟
سيبا لا لكن دنكير مش بيأمن لسكان الجزيره جايب حراس من جزيره تانيه ولائهم ليه
على باب القصر كان هناك عشره أشخاص
فى أبراج المراقبه كان فيه كتير جدا
سيبا هنعمل ايه يا اردا؟
تحول اردا لذئب ضخم، انا هتخلص من حراس البوابه وانتى تسللى للداخل
دول عددهم كتير قالت سيبا المرعوبه من شكل اردا
متخفيش انا هتصرف معاهم، احنا حيوانات مع بعض
ركض اردا بكل سرعته وقفز تجاه الحراس وارتطم بباب القصر هشمه
أحدث جلبه كبيره خلت كل الأنظار مصوبه عليه
تسلقت سيبا عن طريق حبل إلى شرفة القصر ونزلت داخله
كان فيه صراخ داخل القصر، الكل بيحذر من هجوم على البوابه
يتبع
تعليقات
إرسال تعليق