رواية ما يخبئه لنا القدر الفصل الحادي عشر 11بقلم زينب رشدى (جميع الفصول كامله)
رواية ما يخبئه لنا القدر الفصل الحادي عشر 11بقلم زينب رشدى (جميع الفصول كامله)
#البارت_الحادى_عشر
#ما_يخبئه_لنا_القدر
ملك: اوعدك
نظره لها نظره طمئنينه وخوف وهو يفكر ف كلمها عن الموت وعندما وصل عند نقطه انها سترحل وتتركه ظهر ع وجه الالم والحزن وضغط ع يدها اكثر واكثر
احست ملك بما يشعر به : انت كويس يا عمر
عمر بألم: انا مش عايزك تسبيني يا ملك وهي تبث في قلبه الطمئنينه: انا بحبك اوي يا عمر وبتمني من ربنا ان مسبكش ابدا
ملك بابتسامة: ممكن كفايه نكد النهارده كتب كتابى
عمر قرب منها: مفيش حاجه حلوه بقا بدل النكد ده
ملك: عمر ي حبيبى انت اي حصلك بقيت قليل الادب
عمر قرب اكتر: وأنا عملت حاجه لسه
ملك بعدته: عمر اتلم احسنلك
عمر نيمها في حضنه: طيب ي حبيبتى نامى
ملك باست خده: تصبح علي خير
عمر بتنهيده وفي نفسه: زي ما بقيتى مراتى وفى حضنى هتكملى وهتعيشي معايا لاخر العمر
تانى يوم صحي عمر وشاف ملك نايمه فى حضنه فضل
شويه شارد فى ملامحها وبعدين بدا يفوقها عشان يشوفوا الغروب
عمر: ملوكه حبيبتى
ملك: اششش عايزة انام
عمر: قومى بلاش كسل خلينا نشوف الشروق
ملك فتحت عنيها: صباح الخير
عمر باس مقدمه راسها: صباح الفراوله
ملك غمض عينها بخجل: عمر بس
عمر بضحك: هههه ي حبيبتى دي بو'سه بريئه بس هحاول اتادب
ملك بضيق: اتمنى
شافوا الشروق وفطروا ورجعوا وكان الكل في انتظارهم
ادم بضيق:خاطف اختى من امبارح ليه ياااد
عمر: ولد انا رئيسك في العمل واي خاطفها دي مراتى ثم انا مستاذن عمى
ايمن: مستاذن تسهروا مش تبات
عمر: قلبك ابيض
عائشه: تعالى ي مرات ابنى جنبى تعالى
ملك: ازيك ي ماما
عائشه: الحمد الله ي قلب ماما الواد ده عامل معاكى اي
ملك بصوت واطى: ابنك اتغير ي ماما انا بقيت خايفه منه
عائشه بضحك: هههه الحب وعمايله
عمر: انتوا بتقولوا اي
عائشه: اسكت انت حاجه بينى وبينها
اسماء: والله انا فرحانه ان معاكى حماه طيبة
عائشه: دي بنتى ي اسماء متقلقيش عليها ولو فى يوم ابنى زعلها ده لو قدر يعنى انا اللى هقفله
عمر قعد جنب ملك وحط ايده على كتفها: انا اقدر ازعل روحى
ادم بضيق: نزل ايدك احسن اجي اطلع روحك
هيثم: احم اسف ان بقطاعكم بس انا محتاج العرايس
ايمن: اتفضل ي ابنى ربنا معاكم
اسماء: احنا كمان هنمشي
صابر: ليه بس خليكم معانا
عائشه: لا كفايه كده
صابر: ده وينفع برضو
ادم: معلش ي اونكل معانا شغل
مي بصوت واطى: هكلمك اعرف كل حاجه حصلت
ملك: طيب
خدهم هيثم المستشفى عملهم الجلسة ورجعوا كل واحد على اوضته خايف ليتعب ويقلق التانى
ايه: انتى كويسه
ملك: اااه كويسه بس سندينى اروح ل عمر
ايه: ما خليكى
ملك: لا طالما مجاش يبقي تعبان
قبل ما تخرج كان عمر دخل
عمر: انتى كويسه
ايه: كانت لسه جيالك
ملك: انت كويس
ايه: عن اذنكم
عمر قعد جنب ملك ونيمها فى حضنه: انتى بخير ي قلبى
ملك براحه: انا الحمد الله انا كنت قلقانه عليك
عمر: انا كويس متقلقيش
ملك ضمته ليها:خوفى بيزيد ي عمر
عمر: اششش متخفيش طول ما انا جنبك
ملك: ده اللي مخوفنى
عمر: وجودى جنبك
ملك: لا ي حبيبى خوفى اننا نبع...
عمر بمقاطعه: اششش متكمليش انا قولتلك اوعدينى متجبيش السيره دي صح
ملك بخوف: صح
عمر: خلاص اهدي بقا ونامى
وعند صابر وهيثم
هيثم: في اي
صابر: انت زعلان
هيثم: ي بابا قولتلك انا كنت معجب بيها مش بحبها عحبنى اختلاف شخصيتها وهزارها الكتير بس متنساش ان فى الاول الدكتور بتاعها وعمر بصراحه أوله بيها الاتنين بيحبوا بعض وحبهم مساعدهما يخفوا يبقي انا مليش مكان وسطهم
صابر: ربنا يريح قلبك ي حبيبى بس آية بتحبك لو هتظلمها بلاش
هيثم: متلقش ي بابا خير عن اذنك
وقضوا باقى الاسبوع بين العلاج والحب وقربوا من بعض اكتر ونزلوا القاهره ولكن كل واحد في بيته اخر اسبوعين في العلاج
وفي بيت ملك قاعده مع ابوها وامها وادم
ادم: ما كفايه ي ماما من ساعه ما جت وهي بتحكيلك اي اللى حصل وهي مسافره واي اخبارها مع عمر
اسماء بضيق: مش بطمن عليها قوليلى ي بنتى عمر كويس معاكى يعني بتحبوا بعض بجد
ايمن: لا حول الله في اي ي اسماء
ادم: الباشا بيجي على السيره
ايوه ي عمر
عمر: ملك فين
ادم باستغراب: اهي قدامى في اي
عمر: طيب ادهانى
ملك: ايوه ي عمر
عمر: ملك رنيت ميه مره عليكى انتى فين قلقتينى
ملك بخجل: احم سيباه في الاوضه
عمر: ي حبيبتى قلقتينى عليكى
ملك بخجل مميت:احم هطلع اوضتى واكلمك باى
ملك:انتوا بتبصولى ليه
اسماء: هو قالك اي عشان تحمرى كده
ادم: اااه صح قال اي خلاكى تتكسفى
ملك: مقالش حاجه
ايمن: ما تسيبوا البت في حالها
ملك: ايوه ياريت تسمعوا كلام العاقل ده
ايمن: ايوه بالظبط هو كل الموضوع عايزين نعرف مكسوفه ليه عشان لو ضايقك نتصرف
الكل ضحك
ملك: حتى انت ي بابا انا رايحة اوضتى
طلعت ملك اوضتها والكل دعالها بالشفاء والراحه مع عمر واول لما دخلت ردت على الموبايل
عمر بضيق: لا مينفعش كده انا عايز نرجع المستشفى الاول كنت اربعه وعشرين ساعه معاكى وبطمن عليكى دايما
ملك: والله غصب عني
عمر: وحشتيني
ملك: على فكره انت بكاش انا معاك كل يوم ده انا لسه سيباك من كام ساعه
عمر: مجرد ما تبعدى عن عينى بتوحشينى انا مش متعود انام وانتي بعيده عنى كده
ملك بخجل: احم ه هو انت نازل الشغل
عمر: توهى توهى اكيد دلوقتى وشك قلب الوان
ملك: اسكت كده عشان بسبيك فضلوا يحفلوا عليا
عمر بضحك:هههه وانا عملت اي بس ي حبيبتى
ملك:شوف بتقول حبيبتى
عمر بضحك:هههههه يعنى انتى بتكسفى من حبيبتى ومن وحشتينى ومن بحبك طب اقولك اي طيب
ملك:متقولش وتصبح على خير بقا
عمر: وانتى في بيتى
قفلت ملك معاه بخجل مميت وقبل ما تنام دخل ادم
ادم: ي بت انا هقلك كده الواد ده قالك اي خلى وشك لسه احمر
ملك بخجل: والله معرفش مالى اول لما يقولى وحشتينى ولا حبيبتى ده بيحصل فيا
ادم: ههههه بس ده انا قولت الواد بيقول كلام اب'يح
ملك: اتلم ي ادم وروح نام
وتااانى يوم نزل ادم اتفاجاءه بوجود ملك على الفطار ولابسه
ادم: انتى رايحه فين
ايمن: مصممه تنزل الشغل
ادم بستغراب: بس
ملك: مبسش انا هروح واكمل حياتى زي الاول
اسماء: عمر عرف
ملك: لا نسيت عن اذنكم
خرجت ملك ووصلت الشركه واول ما وصلت دخلت للمدير
عزت: ملك حمدالله على سلامتك غيبتك طولت
ملك بابتسامة: غصب عنى
عزت: المهم انك بخير دلوقتي
ملك: الحمدلله حضرتك لما كلمتنى من فتره وقولتلى ارجع الشغل وقولتلك مش هقدر وان اشتقلت قولتلى نتقابل ونتكلم
عزت: بالظبط طبعاً انتى عارفه انتى غاليه عندى ازاى شغلك كويس ومحترمه وبتخلصي اي حاجه تطلب منك وانتى فضلتى فتره ماسكه الشغل كله على دماغك لما تعبت يعني انا بثق فيكى
ملك بخجل:مش عارفه اشكرك ازاى على الكلام الحلو بس انا مفهمتش حضرتك تقصد اي
عزت: اقصد انك هتبقي المسئوله عن كل الثفقات اللى تخص الشركة يعني مساعد المدير
ملك بصدمه: هو شكرا على ثقتك وكل حاجه بس دي مسئوليّة صعب عليا
عزت: فكرى براحتك
ملك: بس حضرتك عارف ان مش حابه ارجع الشركه
عزت: ي ملك ده شغل اللى بتحبيه فكرى ويلا روحى مكتبك سايبلك شغل كتير
ملك: حضرتك كده بتجبرنى
عزت: مقدرش بس انا عارف انتى بتحبى شغلك ازاي وفكرى ي ستى لحد بكره
ملك: حاضر عن اذنك
دخلت ملك واتصدمت من كمية الملفات الموجودة ترجمه ومراجعه وثفقات وهم ما يتلم
ملك: كان لازم ابين ان الرجل الحديدي يعنى هيخلص امته ده كله اجمدى ي ملك استعنى بالله
وعند ادم وعمر مشغولين اليوم كله في الاجتماعات وبيخلص كل حاجه كانت متراكمه عليه
عمر بتعب: اي ي عم ده لو مكنتش كنت معاك اول باول
ادم: عشان تعرف كنت شايل اي
عمر:واختك دى كمان مستفزه مش بترد اكيد لسه نايمة
ادم بتردد: لا صحيت من بدرى
عمر: اومال مش بترد ليه انا قولتلها لما تصحي تكلمنى
ادم بتوتر: معرفش
عمر بشك: انت مخبى عنى حاجه
ادم: لا هخبى اي انا هروح مكتبى
عمر: ادم ملك كويسه
ادم: اااه متقلقش كويسة
عمر: ادم في اي من الاخر
ادم: بصراحه كده ملك صحيت من صباحيه ربنا ونزلت الشغل
عمر بعدم فهم: اي شغل
ادم: الشركة
عمر بعصبيه: اي الشركه انت بتقول اي ومقولتليش ليه
ادم: حبيت هي تقولك بنفسها
عمر: اختك اتجنت نزلت الشركة وسي زفت اللى معاها
ادم: طيب انت رايح فين
عمر: هروح اشوف ست هانم
وعند ملك قاعده منشغله في الملفات وفجاءه سمعت صوت بتكره رفعت عنيها على الورق وشافته قدامها مهلا كيف اراه قدامى ولم اشعر بشئ ولا كره ولا حب
ملك ببرود: نعم
ياسر: جايه ابراكلك
ملك: على اي بالظبط
ياسر: على منصبك الجديد وعلى شفائك وكمان الجواز
ملك: وباركت يلا اتفضل بقا مش فضيالك معايا شغل كتير
ياسر: لسه بتحبينى ي ملك
ملك بغضب: لو سمحت انا ست متجوزه وبحب جوزى ومش بحب اضايقه ف لو سمحت اخرج برا واااه عشان اريحك انا بحب جوزى جدا وعمرى ما حبيت ولا هحب غيره
ياسر: بس انا ل....
عمر بضيق: ملك حبيبتى خلصتى
ملك بصدمه وخوف: اااه
عمر: طيب ي حبيبتى يلا
مشيت قدامه ملك بس وقفت لما سمعت صوت وقفها بصت وراها شافت ياسر على الارض من عزم بونيه عمر فاقت من صدمتها على مسكت عمر القويه ونزل وركبها العربية
ملك بالم: عمر ايدى بتوجعنى
عمر بعصبية: ممكن افهم اي اللى نزلك زفت شغل ومقولتليش ليه
ملك بدموع: عمر اهدي انا خوفت
عمر ساب ايدها بعصبيه: اهدي ازاى وانتى نازله الشركه من ورايا وادخل اشوف الزفت ده بيحاول يرجعك ليه
ملك: ع م
عمر بمقاطعه: انتى نزلتى من ورايا وانتي عارفه ان هرفض واعتقد عارفه السبب لا وايه الهانم مبتردش على تلفونات وقاعده لحد ما معظم الموظفين مشيوا
ملك:.....
عمر: واكيد طبعاً اليوم كله مهتمتيش بصحتك ولا كلتى
ملك:.......
عمر بعصبية: ما تردى هو انا بكلم نفسى
ملك بخوف: عايزه اروح
ساق العربية بسرعة وبمجرد وصولها نزلت من العربية وهي بتبكى وعمر نزل ودخل وراها كانت طلعت اوضتها
ايمن بقلق: حصل اي
عمر: اتخانقنا
اسماء بخضه: ليه بس ي ابنى ما انتوا كنتوا كويسين
ادم دخل: عمر انت هنا اومال فين ملك
ايمن: فى اوضتها طلعت تبكى هي وعمر متخانقين
عمر: ادم انا اتعصبت جامد على ملك ممكن تساعدنى اصلحها
ادم: تعالى معايا عن اذنك ي بابا عن اذنك ي ماما
عمر قال لادم كل اللى حصل وبعدين طلع ادم وعمر لملك بس ادم بس دخل واول لما دخل شاف اخته بتبكى ودخل وحضنها فورا
ادم: حبيبتى اهدى اششش بس متبكيش
ملك:عمر زعلان منى ي ادم
ادم:ي حبيبتى انتى غلطانه كان لازم يعرف انك هتنزلى الشركه
ملك:والله ما كنت اقصد اخبى انا من فرحتى ان خفيت والمدير عايز يقابلنى مفكرتش فى حاجه ولا حتى في ياسر لانه مبقاش على بالى والله انا بحب عمر لدرجه ان مستغربه الحب ده انا مكنتش كده مع ياسر ولا كنت فرحانه ولا مبسوطه كنت مبسوطه ان في حد متمسك بيا وخلاص ياسر مكنتش بسمحله يمسك ايدي لكن عمر انا حبيته ووثقت بيه قبل ما حتى يعترفلى كنت اقعد مع واسهر معاه وراقص واخرج وكنت ببقي مبسوطه بجد من قلبى النهارده لما دخل عليا ياسر محستش باتجاه ولا بحب ولا كره شخص زي اي شخص مش فارق معايا
ادم: انا حاسيت بكده فعلا لما بشوف وشك منور معاها وفرحانه وبتضحكى شوفت ده لما كنتى خايفه عليه شوفت ده لما كنتى تعالى على أمه امبارح لما كنتى مكسوفه وهو بيكلم كل ده مشفتهوش مع ياسر
ملك ببكى ولا حضنته: بس عمر زعلان منى
عمر: عمر بيحبك
ملك بفرحه: عمر
ادم: انا هشوف ماما بتنادى
عمر حضنها: انا اسف
ملك: انت اتعصبت عليا وكمان وجعتيلى ايدي
عمر: تتقطع ايدي
ملك بعدت:بعد الشر عليك
عمر: انا اسف ي حبيبتى والله غصب عني من غيرتى عليكى من الحي'وان ده مش قله ثقه بس غيره
ملك: انا اللى آسفه والله ما كنت اقصد اروح من وراك وانا والله بحبك انت مفيش في قلبى وعقلى غيرك والله قبل ما تيجى كنت بزعقله وبخرجه برا
عمر: انا سمعت كل حاجه ي حبيبتى ممكن متزعليش والله دموعك وزعلك حرقنى من جوا آسف
ملك بخبث:خلاص صالحنى
عمر قرب بخبث: ده من عينى
ملك بعدته بايدها: مش كده ي قليل'ه الاد'ب
عمر بعد بضيق: هو في احلى من كده
ملك: اااه فى طلب صغنون كده عايزك توافق عليه
عمر ضيق عينه: خير
ملك قربت بخبث ولفت ايدها حاولين رقبته: ابدا ي حبيبى مراتك المدير عايز يرقيها منصب اكبر عشان هي شاطره وانا محتاجه موافقتك
عمر: نعم ي ختى ا
ملك قطعته بخبث وهي بتقرب اكتر وبتلعب فى زراير قميصة:ي حبيبى عشان خاطري دي فرصة كويسة
عمر بتخضر:بس ياسر
ملك بابتسامة انها عرفت نقطه ضعفه:ولا كأنه موجود ي حبيبى والله ولو بس عمل حاجه انا هقفله
عمر:لا تسيبى الشغل
ملك:يعنى موافق
وفجاءه عمر قلب الوضع وبقيت هي تحت فتحت عنيها بصدمه
عمر بخبث:اي ي حبيبتى مصدومه ليه مش انتى اللى حركتى الاسد
ملك:عمر ي حبيبى اعقل
عمر قرب:حبيبى لا انتى اتعودتى عليا اوى
ملك بخجل: عمر
وقبل ما يقرب سمع صوت ادم بيخبط قام بسرعة وملك فضلت تضحك
ادم:اي الاخبار اتصلحتوا
عمر بضيق:يعني كان فاضل خطوه
ملك بضحك:ههههه لا خلاص اتصلحت وجدا كمان
ادم:طيب يلا عشان ماما حضرت العشي
نزلوا وقعدوا على السفره وطمنوا اهلها انها اتصالحت مع عمر وطول القعده ملك بتنظر نظره تشفى وهو نظره غيظ
عمر:طيب هستاذن انا
ايمن:ما خليك شويه ي ابني
اسماء: ايوه خليك نسهر سوا
عمر: مره تانى معلش معايا شغل كتير بكره
ادم: انا نازل بكره انا ومى نقابل الوفد
عمر: تمام وانا هستناكم فى الاوتيل
ايمن: وصلى عمر ي ملك
ملك بخوف: لا ا اقصد يعني مش قادره والله ي بابا ادم يوصله
عمر بخبث: بس ي حبيبتى انا عايزك انتى عشان اقولك على حاجه
ملك بتوتر: قول هنا
اسماء بعصبيه: ما تقومى ي بت
ملك بضيق: اووووف
خرجت ملك مع واول لما وقف قصادها رفعت صباعها قدامه
ملك بتحذير: انا بحذرك ي
عمر بابتسامة: حبيبتى انا مش هعمل حاجة تضايقك انا بس عايز افهمك انك متلعبيش طالما خوافه
ملك: مش خوافه
عمر بس راسها: عارف
ملك بابتسامة: طيب في حاجه عايز اعطهالك
عمر باستغراب: حاجه اي
ملك بتعطيله كارت: اتفضل
عمر باستغراب: اي ده
ملك: عشان تعرف ان مش لوحدك اللى بتقول شعر بس عشان خاطري متقرهوش الا لما تروح
عمر:حاضر هكلمك لما اوصل
ملك:ماشي
مشي عمر وملك طلع تكمل شغل لحد ما يكلمها عمر
وعند عمر لما وصل سلم على مامته ودخل اوضته يقرا كارت ملك فتح الورقه يقرها «احببتك وكنت اول حب حقيقى فى حياتى، لم اتوقع ان يرتبط بك قلبى كل هذا الارتباط وان تتعلق وتتشبث بك روحى ب هذه القوه حتى اننى لا اشعر ب طعم الحياة الا معك ولا تستقيم حياتى ولا اشعر اننى ب خير الا ب جانبك، مهما ابتعدت اعود اليك لا يغنينى عنك شيئا ولا استبدلك ب احد، حقا مهما ابتعدت مصيرى العودة إليك ♥✨"
تكملة الرواية من هناااااااااااا
لمتابعة باقي الروايه زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كامله من هناااااااااا
مجمع الروايات الكامله اضغط هناااااااا
 رواية ما يخبئه لنا القدر الفصل الحادي عشر 11بقلم زينب رشدى …){kind=link}
تعليقات
إرسال تعليق