رواية جنة النسر العاشق الفصل الثالث 3بقلم زهرة الربيع جديده وحصريه
رواية جنة النسر العاشق الفصل الثالث 3بقلم زهرة الربيع جديده وحصريه
رواية جنة النسر العاشق الفصل الثالث 3بقلم زهرة الربيع جديده وحصريه
3
انت والد الطفل الي سبت امو تدفن حيه علشان كده بتبكي مش كده
بقلم...زهرة الربيع
طه نزلت دموعه اكتر ومجد اتنهد بخنقه وغضب بيحاول يكبتو ومش قادر وقال بعصبيه..رد عليا من غير عياط متعملش ندمان قدامي...لانك لو ندمان مكنتش استنيت لحد ما تدفن
طه قال بحزن ..ايوه...انا ..اناابوه..قصدي كنت..مهو خلاص
مجد اتنهد بخنقه وقال...المهم هيه تقوم بخير...يلا تقدرو تاخدوها وتمشو تحبو انزلكم فين
طه قال بخوف..لا..لا مقدرش..مليش صالح هيقتلوني..لو عرفو هيقتلوني..اناا لحد كده اخري
مجد بصلو بحده وقال...هما مين الي يقتلوك ..هيه سايبه...روح اطلبها من اهلها والموضوع هيخلص و
بس ام طه قاطعتو وقالت...انت مفاهمش حاجه يا ولدي مفيش حاجه هتخلص والي جاي كلو د،م ابوها حالف يقتلها ويقتلو...حدانا غير حداكم..الموضوع هنا كبير..موضوع شرف ميتصلحش واصل
مجد اتنهد بضيق وقال..الموضوع ده في كل مكان كبير يا خاله..متفرقش عندنا ولا عندكم ولا في اي مكان فيه رجاله وعندهم نخوه.. الشرف شرف...بس مدام غلطو والي حصل حصل..يبقى المفروض نلم الموضوع.
هو يروح لاهلها ويقولهم الحقيقه وانو مستعد يتجوزها ويصلح غلطهم
طه قال بدموع...قولتلك مقدرش مقدرش هيموتوني ..ابوها ده غير اي حد مش زي ما انت فاكر
مجد اتنهد وقال..طيب انا ممكن اجي معاك واتكلم معاه..مدام انتو بتحلو بعض ومتفقين..يبقى الي اتكسر يتصلح
مجد اول ما قال كده طه نزلت دموعه ونزل راسو في الارض بحزن وحرج شديد
مجد بصلو بشك وقال..هو فيه ايه بالظبط...ليه محدش عايز يتكلم دغري
ام طه اتنهدت وقالن..انا هقولك يا ولدي
طه قال بسرعه وخوف... اسكتي يا امه ..اسكتي احب على يدك
ام طه قالت بغضب..لا مسكتاش يا ابن بطني مسكتاش والغلبانه دي ملهاش ذمب في الي حصل..انت الغلطان من ساسك لراسك..اطلع يا ولدي على المكان الي هوصفهولك نريحو البنيه وهناك هحكيلك كل حاجه
مجد مكانش فاهم ايه الي بيحصل بس كان شاكك من شكل طه انو عامل مصيبه فضل ورا كلام ام طه لحد ما وصلتو مكان بعيد جدا في الجبل مفيش حواليه ايه حد
..................................
في قسم الشرطه كان علي هناك وبيرتجف من الخوف ومش قادر يتكلم
الضابط كان هيتجنن منو وقال...يا بني بقالك ساعه مش عارف تفهمني حاجه ..مين الي خطف صاحبك
على قال بخوف..ما انا قولت لحضرتك...قولتلك العفاريت اخدوه في المقابر ولسه مرجعش
الضابط نفخ بغيظ وغضب وقال..انت جاي تهزر ولا شارب حاجه ولا حكايتك ايه ..بقالك ساعه بتقول نفس الكلام..عفاريت ايه الي هتخطف.. عارف لو متكلمتش او مشيت من هنا حالا هرميك في الحجز وهنا كمان عندنا عفاريت من الاخر
علي قال بخوف ..يا باشا والله بتكلم بجد..كنا انا وزميلي بنصور في البلد بنعمل فيلم وثائقي..وفجأه في المقابر سمعنا اصوات عفاريت بتبكي من جوه القبر وانا جريت وفضلت مستني مجد يرجع ومجاش انا خايف عليه
الضابط قال...ااااااه...قولتلي..طب مش تقول من الاول...بقى العفاريت كانو بيبكو
علي قال..اه والله
الضابط قال..من جوه القبر
على قال بخوف...من جواه يا باشا
الضابط قال ...امممم...وهما الي خطفو صاحبك.
علي قال...بالظبط حضرتك
الضابط قام وقال..طب مش تقول كده من الاول يا علوه...على العموم متقلقش ولا يكون عندك فكره ..انا هجبهولك لحد هنا بس روق اعصابك واشرب اللمون
علي فرح وقال بجد يا باشا
الضابط قال...طبعا..الشرطه في خدمه الشعب ...علي ابتسم بارتياح وفضل قاعد يشرب اللمون والضابط طلع بره وقال للعسكري..روح نادي لدكتور فرج...وقلو يعمل حسابو في مريض في القسم وباين عليه حالتو خطره
العسكري مشي والضابط دخل وقال بابتسامه...وعلى كده بقى كانو بيبكو ازاي العفريت دول
علي قال بخوف ....لا هيه..هيه زي ما تكون عفريته ..عفريته بتبكي
الضابط قال..اااه عفريته بتبكي..اممم لازم زميلك ده حلو بقى علشان العفريته تخطفو
علي قال ...اه هو حلو..حلو وطيب قوي..انا خايف عليه
الضابط قال..لا متخافش مدام عفريته متخافش..العافريت البنات طيبين قوي..انا هجبهولك حالا.. بس انت اشرب ليمون
عند مجد كان وصل هو وطه وامه ولسه هيشيل جنه طه قال ...خلي عنك هشيلها انا
مجد بصلو بقرف وقال..لا والله..يمكن غيران بسلامتك اوعى ايدك من عليها
طه بعد ايده ورجع خطوه لوره بحرج ومجد شالها ودخل بيها كان بيت في الجبل بالحجر والرمل في كل مكان وفيه سرير صغير معمول بأعواد النخيل نيمها عليه وبصلها واتنهد وقال..غريبه انها مفاقتش ..ازاي كل ده
ام طه قالت..لا عادي يا ولدي هيه عندها اصلا نوبه...بتغمر شويه وبتفوق
مجد بصلها وقال..نوبه... مريضه يعني
ام طه قالت..ايوه يا ولدي عندها حاجه في دماغها مفهمهاش ..بس بتكون زينه وتغيب فجأه وبعد كده بتقوم كويسه
مجد قال..اه...بيغمي عليها...تمام..سيبك من حالتها دلوقتي..حد يفهمني ايه الي حصل من الاول لان دماغي لفت معاكم وصبري نفد واكتر من كده هروح الاقسم احكيلهم كل حاجه واخلص
ام طه قالت...لا يا ولدي انا هحكيلك كل حاجه...البنيه دي اسمها جنه ...بنت حجاج القناوي ...سيد البلد دي كلها ..بس كل مصيبتها انها اتولدت بت والحجاج كان عايز يخلف ولد وحاول كتير بعدها بس مفيش فايده مخلفش تاني...ولانها بت وهو مش عايزها خلاها خدامه في بيتو وكان يسيبها تخدم طوول اليوم في الحوش بتاع بهايمو..لدرجه انها كانت تفضل هناك باليوم والتنين
حتى لما عيت وبقت تغمر مكانش يسأل فيها..وكانت تغيب وتفوق لوحدها في الحوش
مجد قال بضيق..مش معقول التخلف ده هو فيه لسه ناس كده ..يعني ايه بنت وولد ناس جاحده بصحيح
ام طه اتنهدت وقالت..ده فكرو يا ولدي
مجد قال..وبعدين
ام طه قالت....انا وطه كمان كنا نشتغل معاها نأكل الباهايم وننضف الحوش... وفي يوم مطلعتلوش شمس..كان فرح واحد في البلد وطه راح وسهر وشرب المدعوق الي بيشربوه ده..واتسطل قوي...ومبقاش حاسسس رجع يبيت في الحوش علشان انا مسألوش ليه شارب..اتفاجأ بجنه مرميه على الارض كانت جاتها النوبه زي العاده..فدخل يفوقها
بس الي حصل غير كده...كان سكران جامد و
حصريا للصفحه الرسميه للكاتبه زهرة الربيع
هنا مجد وقف بزهول وصدمه وقال...لا..لا ..اوعي يكون الي في دماغي..مستحيل ..بس اتأكد شكو واتجمد مكانو لما لقا طه نزل راسو في الارض ودموعه نزلت بغزاره قال ..يا انهار اسود..مكانش برضاها..اغتص،بتها ووو
لمتابعة باقي الروايه زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كامله من هناااااااااا
مجمع الروايات الكامله اضغط هناااااااا
تعليقات
إرسال تعليق