رواية جنة النسر العاشق الفصل السابع 7بقلم زهرة الربيع جديده وحصريه
رواية جنة النسر العاشق الفصل السابع 7بقلم زهرة الربيع جديده وحصريه
7_ربنا يستر على ولايانا اذا ابوكي حابب يغسل عاره مجد ملوش دخل كفايه الي جرالو من تحت راسك
صابر قال كده وراح عند مروه وجنه نزات دمعه من عيونها مسحتها بسرعه ودخلت عند مجد
على كان جمب مجد وبيحاول يأكلو وهو مش قادر وجنه خبطت على الباب بتردد
مجد اول ما شافها اتعدل بلهفه لدرجة انو اتألم وقال ...اااه...تعالي يا جنه..قربي
جنه دخلت بقلق عليه وقالت..على مهلك..حمد الله على سلامتك يا ولد العم
مجد ابتسم ابتسامه جميله وقال...الله يسلمك يا جنه..بقيتي احسن دلوقتي..بتتنفسي طبيعي
جنه ابتسمت وقالت..انا بخير المهم انت تقوم بالسلاامه
مجد كان بيبص لعيونها الي خطفو قلبو من اول ما شافهم بس كانو مليانين دموع فال...ليه الدموع يا جنه..انا بخير والله
جنه نزلت دموعها وقالت..كل ده بسببي ...انا السبب..كنت هتموت من غير ذنب
مجد قال بحزن..ولا انتي ليكي ذمب يا جنه
على كان بيصلهم بزهول وقال ...ولا انا ليه ذمب والله..هو فيه ايه بالظبط
جنه اتكسفت ونزلت عيونها في الارض ومجد اتغاظ منو وقال...علي روح يا حبيبي شوف ابن عمك بيناديلك
علي قال ..انا مسمعتش حد ندالي
مجد اتغاظ وقال...روح يا علي اتعشى باين عليك جعان ..وانت مش انت وانت جعان..يلا
علي فهمو وقال..اه...ماشي..هطلع اتعشى ..بس هاجي ابات معاك ولا ايه النظام
جنه اتحرجت جدا من الي قالو وقالت بتوتر ...لا انا همشي انت خليك... ولسه هتطلع مجد مسك ايدها وقال بسرعه..لا استني..انا حابب اتكلم معاكي ضروري..ارجوكي... وبص لعلي بغيظ وقال..هقوم اطلع عينك من قفاك
بقلم زهرة الربيع
علي قال..طالعين ياعم..الله يسهلو
على مشي وجنه قالت بارتباك..انت بقيت زين دلوك ولا لسه بتتوجع
مجد ابتسم وقال..كنت بتوجع..ولما هلت عيونك خفيت
جنه ابتسمت ونزلت عبونها في الارض ومجد قال...لا بقى ما انا مقولتش كده علشان تحرميني منهم
جنه رفعت عيونها ليه وقالت..انا مش فهماك..انا في حياتي ماحد وقف جمبي كده ولا حتى اهلي...ليه...ده انت متعرفنيش واصل
مجد ابتسم وقال...الفة قلوب يا جنه..والفة القلوب دي رابط من ربنا محدش يعرفلو اسباب
جنه ابتسمت وقالت...انا كنت جاية اشكرك..بس ملقتش كلام يكفي الي انت عملتو معاي يا ابن العم
مجد ابتسم وقال..انتي ليه بتناديني ابن العم
جنه قالت..علشان معرفاش اناديك بايه
مجد ابتسم ومد ايده وقال...انا مجد
جنه ضحكت وقفلتلو ايده وقالت..ما انا عارفه...بس مقدرش اناديك باسمك كده
مجد قال..ليه انا بناديكي جنه..وانتي تناديني مجد...بس كده..بسيطه قوي
جنه ابتسمتلو وقالت..حاضر يا مجد
مجد ابتسم وبص لعيونها بتوهان وقال..احلى مجد سمعتها
جنه بقت تحاول تتحاشى نظراتو وكانت متوتره جدا وقالت..زين اني اطمنت عليك ...انا..انا هروح انام..تصبح على خير
جنه جريت بسرعه ومجد نام على السرير وقلبو بيدق واتنهد وقال بهمس..جنه...اسم على مسمى
في اليوم التاني جنه فضلت طول اليوم تهتم بمجد عملتلو اكل واخدت لبسو غسلتو وكانت بتحاول تساعدو يقوم وياكل وهو كان مبسوط جدا بوجودها معاه
بالليل كان الكل قاعدين بره رجاله صابر وعيلتو ...علي ومجد طلعو قعدو معاهم عاملين جلسه حلوه وبيعملو اكل وشاي ومجموعين من كل البيوت زي ما يكونو بيت واحد
علي ومجد قعدو جمب صابر وصابر قال ...ها ايه رأيكم في القعده عندنا..لو توافقو ..تكملو هنا
مجد ضحك وعلى قال... انا مش فاهم ايه الي عاجبك انت هنا
صابر قال...ده مكاني ودول ناسي المكان هنا يرد الروح ولا زحمة المدينه وقرفها..ايه رايكم خليكم هنا وهجوزكم جوازات تحلف بيها البلد
مجد ضحك وقال...زي جوازتك.
صابر قال بضيق..ومالها يا اخوي جوازتي ..دي مروه دي القمر الي بيضوي بعد المغربيه
مجد ابتسم وقال... سيدي يا سيدي على الحب..قولي بقى اتقابلتو ازاي
صابر اتنهد وقال..كان يوم ميتنسيش كنت راجع من الغيط وشوفتها بتعدي الشارع كيف الهبله وفيه ترله هتخبطها
على قال...اوبا وبعدين
صابر قال..ولا قبلين اتصرفت طبعا..وجريت بعدتها
مجد قال ..الله وطبعا عشقتك بعدها
صابر اخد بق من كبايه الشاي الي في ايده وقال...عليك نور .هيه عشقتني وانا لبست الترله
مجد وعلى ضحكو جامد ومروه كانت جايه عليهم صابر قال..بس بقى الترله جات..قصدي مروه جات
مجد قام راح جمب جنه كانت بتصب الشاي للناس وقاعده بهدوء قرب منها وقال...انا نفسي اكون زي الشاي ده
جنه ابتسمت وقالت..ليه..عايز تدلق
مجد ضحك وقال..لا ما انا كده كده ادلقت...بس كنت حابب ابقى زي كباية الشاي بالظبط بإديكي تمسكيني وليكي تقربيني وبشفايفك تشربيني...واه لو تشربيني
جنه ارتبكت جامد وهو كان قريب منها قوي اديها اترعشت اندلقت الكبايه عليه وكانت سخنه
مجد صرخ وقال..اه..يخربيتك قولت تشربيني مش تسلوقيني
جنه ضحكت وقالت..معلش ...هو كده اخر المحن ..سخن...جنه كانت بتضحك عليه بس اختفت ابتسامتها واتنهدت بحزن وقالت..تفتكر الدكتور يكون كدب ليه يا مجد..مصلحتو ايه يقول عني حبله وانا محدش لمسني
مجد ارتبك وبلع ريقه بتوتر وقال..احم..طيب انتي ليه متحسبهاش من زاويه تانيه..انا..احم..انا عرفت من الخالة نعمه انك بيغمى عليكي اوقات..ممكن يكون حد استغل الموقف ده و
جنه ضحكت وقالت..ايه تفكير الافلام ده..طبعا ما انت مخرج...لا طبعا مين ممكن يعمل كده معاي...مين يجيلو قلب يعمل كده وانا مغمى علي اصلا..لا طبعا..وبعدين انا ببقى دايما في حوشنا..ومفيش حد بيدخلو غير طه وامه...وطبعا طه مستحيل ده متربي معاي .صحيح انا معرفش ليه قال اني اعرفك وانو شافنا سوا..بس ميعملش كده معاي..انا نتأكده
مجد نزل عيونه في الأرض وكان متمني يقولها ويخلص ضميره بس مش قادر يصدمها اكتر من كده ابتسم بالعافيه وقال..ايه رأيك تعتبريه كابوس وحش وخلص..وبصي للجانب الإجابي ...انا معاكي..رب ضارة نافعه..ولا ايه
جنه ضحكت وقالت ..اممم معاك حق
مجد فضل يهزر ويضحكها وكانت بتضحك معاه من قلبها
صابر شافهم اتنرفز وندالو بصوت عالي
مجد استأذن من جنه وراحلو وهو مبسوط وقال..فيه حاجه ولا ايه
صابر شدو من ايدو ودخل بيه واحد من البيوت وقال بغضب هيه الخدمه خلصت جوه طلعت تكملها بره
مجد فهم قصدو واضايق وقال..البنت حاسه بالذنب بس لان كل ده بسببها وكانت بتساعدني مش اكتر ودلوقتي كنا بنتكلم عادي بلاش الدماغ المجنونه دي
صابر ابتسم بسخريه وقال بغضب ..اسمع يا ولد عمي..انت طيب وبتتخدع بالشكل..بس حابب اقولك..مفيش دخان من غير نار..البت حبلت من غير جواز عايز ايه تاني علشان تصدق انها عاطله
مجد ابتسم وقال...عايز دليل..حد يقول ان اخلاقها وحشه وان يطلع منها كده...اسمع يا صابر انا عرفت حكاية البنت دي من اولها لاخرها...و..وهيه مظلومه وعلشان تبقى مطمن انا هقولك الي حصل كلو
جنه كانت قاعده بتفكر في كلام مجد ومبسوطه جدا بتبص جمبها لمحت تليفونو...ابتسمت وقالت..نسي محموله..هروح اوديهوله
جنه راحت تودي التليفون وبقت تدور على مجد لحد ما مروه دلتها على مكانو وراحت توديلو التليفون بس كانت هتقع من طولها من الي سمعتو
بقلم...زهرة الربيع
صابر كان بيقول..ايه انت بتقول ايه..طه..طه يعمل كده..ازاي هو قلك
مجد اتنهد بحزن وقال..للاسف عمل واعترف قدامي ..والله يا صابر قال كده بالحرف الجبان ومن اول يومين قال لأمه..جنه اغمى عليها في الحوش بتاههم وهو كان سكران واعتد،ى عليها..البنت بقت حامل من غير ما تفهم حاجه...انا قلبي بيتقطع عليها من ساعة ما عرفت
صابر حط ايده على راسو وقال بارتباك...اسمع..مدام طلع وسخ كده ممكن يدل ابوها على مكانكم..هو يعرف المكان وياما جيه هنا
مجد قال بخوف ..يا خبر..طب والعمل
صابر لسه هيرد سمعو صوت خبطه جامده طلعو جري واتفاجأو بجنه مغمى عليها عند الباب
يا ترى ايه هيكون رد فعل جنه الي جاي رهييييب بس الي حابب ميتصدمش يقف هنا ..ولو لوحابين تشوفو النهايه عايزه تفاعل دماااااار حاجه تفرحني بقى يلا ابدأووووو
لمتابعة باقي الروايه زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كامله من هناااااااااا
مجمع الروايات الكامله اضغط هناااااااا
تعليقات
إرسال تعليق