روايه احببت خادمه الفصل الرابع والخامس والسادس بقلم چيداء محمد (جديده وحصريه وكامله)
روايه احببت خادمه الفصل الرابع والخامس والسادس بقلم چيداء محمد (جديده وحصريه وكامله)
♡روايه احببت خادمه♡.....
البارت الرابع
للكاتبة /چيداء محمد
ــــــــــــــــــــــــــــــــــــــــــــــــــــــــــــــــــــــــــــــــــــــــ
نور دخلت المطبخ وعنيها مدمعة صفاء شافتها
صفاء: مالك يبنتى فى اى ومين اللى جه
نور حكتلها كل اللى حصل
صفاء: معلشى يبنتى هى كده استحمليها هى شويه وهتمشى
نور: حاضر بس هى بتعمل كده ليه
صفاء: هى طبعها كده من ساعة ما ابوها وامها ماتو
نور: ربنا يرحمهم
صفاء: يارب بس ابعدى عنها خالص
نور: حاضر
بليل فى الڤيلا
الجرس رن راحت نور تفتح
طلع يزن وأول لما شافها وقف مصدوم من جمالها
نور: ايوه حضرتك مين وعايز مين
يزن لسه واقف سرحان فى جمالها
نور: انت يعم سرحان فى اى رد عليا
يزن فاق من شروده: انتى مين
نور: انا الشغاله الجديدة ولسه شغاله هنا النهارده
يزن فى سره: يبقى العسل ده كلو يشتغل عندنا
نور: حضرتك عايز مين
يزن: المفروض ان دى ڤيلا حضرتى
نور: انا اسفه والله مكنتش اعرف
يزن: لا عادي ولا يهمك مفيش حاجه حصلت طب هفضل واقف قدام الباب
نور: لا اتفضل
سهير: اى يا حبيبى جيت
يزن: لا لسه مجتش😂
سهير: خلاص لما تيجى عرفنى😂
يزن: حاضر هتعوزى حاجه وانا جاى😂
سهير: لا 😂
وقعدو يضحكو😂😂 وده كلو نور واقفه ومش عارفه هما ازاى فرفوشين كده ومش باين عليهم
سهير: دى نور وبتشاور عليها جبتها تشتغل وتساعد صفاء
يزن: عادي مفيش مشكله تقدرى تتفضلى انتى وكان بيبص ل نور
لارا: لا استني اعمليلى قهوة
نور: بس دى مش شغلتى
لارا: انا قولت كلمه روحي يلا
نور مشيت
يزن بيبصلها بعصبيه: مينفعش تكلميها كده
لارا: انا اكلمها بالطريقة اللى انا عيزاها
يزن: انا طالع اغير يا ماما بدل ما اتخانق معاها وخلى صفاء تحضرلى الاكل
طلع يزن اخد دوش وغير ونزل كانت صفاء حضرت السفره وكانت نور طالعه من المطبخ بالقهوة وادتها ل لارا
لارا خدتها وداقتها وراحت رمياها عليها
نور: اعععععع
لارا: اى القرف اللى انتى عملاه ده
نور واقفه بتعيط
يزن جرى على نور
يزن: انتى كويسه
نور بعياط: ايوه
يزن بيبص ل لارا: اى اللى انتى عملتيه ده
لارا: هى تستاهل هى قاصده تعملها وحشه
يزن: وهتقصد ليه هى تعرفك منين
لارا: معرفش أسألها
يزن: اسكتى يا لارا خالص وتبقى تيجى جنبها تانى
لارا: انت بتدافع عنها ليه
يزن: عشان هى بنآدمة زيها زيك
لارا: لا هى مش زيها زي متقارنهاش بيا
يزن: فعلا مش لازم اقارنها بواحده زيك يلا روحى
لارا وهى ماشيه: طب والله لأوريها
يزن: فرجينى
لارا لسه بتفتح الباب لقت جاسر قدامها
جاسر: هو فى اى
لارا سابته ومشيت
جاسر وهو داخل لقى واحده حلوه داخله المطبخ وهى بتعيط
جاسر: اى ده مين القمر دى وبتعيط ليه
يزن: بتعيط بسبب اختك رمت عليها القهوة مولعة
جاسر: اختى انا خلت القمر ده يعيط
يزن: اه يا خويا
جاسر: امال مين دى انت اتجوزت من ورايا ولا اى
يزن: انا يبنى
جاسر: امال مين دى رد عليا
يزن: دى يا سيدى هتساعد صفاء فى شغل البيت
جاسر: بتهزر😳
يزن: لا😂 تعالى بقى ناكل ربنا يسامحها اختك الاكل برد
جاسر: لا كل انت انا كلت
فى المطبخ
نور واقفة بتعيط وصفاء بتحطلها على هدومها مياه عشان سخنية القهوه
صفاء: معلشى يابنتى
نور لسه بتعيط
سهير دخلت المطبخ: معلشى يبنتى انا آسف على اللى هى عملتو
نور بطلت عياط: لا عادي ولا يهمك
سهير: طب روحي غيرى هدومك وأرتاحى لحد بكره وانا ليا كلام تانى معاها
نور: حاضر
نور راحت الاوضه وغيرت وقعدت تعيط بسبب اللي حصل وانها مش عارفه امها عامله اى وابوها عمل اى لما عرف انها مشيت قعدت تعيط لحد لما نامت (حساها بتعيط كتير زى حد اعرفه😂😂)
جاسر: انا هروح بقى عشان عايز انام مش قادر
يزن: ايوه يلا مع السلامه امشى
جاسر: انت بتتردنى
يزن: ايوه يلا امشي
جاسر: ماشي مش هاجي عندكو تانى
يزن: هيكون احسن
جاسر اخد العربيه بتاعتو ومشى ويزن طلع ينام
جاسر كان ماشى وكان الطريق فاضى وفاجئة فرمل العربية فى اخر لاحظ لما لقى بنت بتحاول توقف العربية بتاعتو لما وقف العربية بتاعتو البنت جريت على الشباك
البنت: ارجوك ساعدنى
جاسر: فى اى طب اهدى
فاجئة لقى واحد مسك ايديها
الشخص: بقولك تعالى معايا بالذوق بدل ما آخدك بالعافية
البنت: ارجوك ساعدنى
الشخص سحبها ولسه هيمشى بيها لقى ايد مسكت ايد البنت التانيه لسه بيلف لقى بوكس👊 فى وشه
جاسر: انت اهبل ولا اى لما البنت تطلب مساعدتى وتقف قدامى اياك تاخدها
الشخص: وانت مين يعني عشان تمنعنى
جاسر: انا ظابط المخابرات جاسر المنياوى
الشخص: والله يا باشا انا آسف مكنتش اعرف والله
جاسر: تمشى ومشوفش وش امك ده قدامى تانى حتى لو بالصدفه عشان لو شوفتك هيكون اخر يوم في حياتك
الشخص جرى من قدام جاسر اختفى بمعنى الكلمه
جاسر: تعالى اركبى اوصلك
البنت: شكرا لحضرتك بس مش هينفع خلاص انا هروح لوحدي
جاسر بزعيق: انا قولت كلمة ولا انتى عايزة يطلعلك حد تانى والمرة دى انا مش هكون موجود يلا اركبى
البنت ركبت وجاسر ركب وساق العربية
جاسر قطع الصمت: اى اللى منزلك فى الوقت ده لوحدك
البنت بعياط:............
يتبع.... 💋💖
♡روايه احببت خادمه♡.....
البارت الخامس
للكاتبة/ چيداء محمد
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
جاسر قطع الصمت: اى اللى منزلك فى الوقت ده لوحدك
البنت بعياط: ماما تعبانه اويي وكان لازم انزل اجبلها دواء
جاسر: طب ابوكي او اخوكى فين
البنت: بابا متوفى ومعنديش اخوات
جاسر: اسف البقاء لله
البنت: عادي ولا يهمك
جاسر: انا جاسر المنياوى وظابط فى المخابرات زى ما عرفتى
البنت: انا اسمى كارما
جاسر: تشرفنا خلاص وصلنا
كارما: شكرا لحضرتك
جاسر: بلاش حضرتك دى قولى جاسر علطول منغير القاب
كارما: حاضر
كارما سابته ونزلت وهو فضل يبص عليها لحد لما اختفت من قدامه
جاسر: هو الحظ لاعب معايا النهارده كده ليه😂 قابلت قمرين احلى من بعض😂
جاسر مشى بالعربية وروح وطلع اوضتو اخد دوش ولبس هدومه ونام على السرير يفكر فى كارما لحد لما نام
وكارما طلعت ادت لامها الدواء وحكتلها كل اللى حصل
(كارما: بنوته جميله، محجبه، عيونها خضراء، عندها25سنه، طولها مناسب لسنها)
تانى يوم الصبح فى ڤيلا الدمنهورى
نور صحيت من النوم لقت عنيها وجعاها من كتر العياط لبست الهدوم اللي هتشتغل بيها وراحت المطبخ لقت صفاء هناك
نور: صباح الخير
صفاء: صباح النور يا قمر اى ده مال عينك
نور: لا عادي وارمه ووجعانى بس
صفاء: طب اعمليلها كمادات يبنتى عشان دى وارمه خالص
نور: طب بعد لما اخلص هعمل اى دلوقتي
صفاء: لا يبنتى مفيش حاجه دلوقتي هما لسه نايمين لما يصحو هتروقى الاوض روحي بقى اعملى كمادات
نور: حاضر
زين صحى واخد دوش ولبس ونزل عشان يفطر
يزن: صفاء انا صحيت فين الفطار
وكان داخل المطبخ ونسى ان نور موجوده اصلا
صفاء: حاضر يبنى هحطو دلوقتي
يزن: ماشي يا صفصف هستناكى ولسه واخد بالو دلوقتي من نور خد بالو من عنيها
يزن: مال عينك
نور: عادي وجعانى و وارمه شويه
يزن: شكلك كنتى بتعيطى طول الليل
نور: لا محصلش
يزن: متكدبيش باين اوييي خلصى الكمادات وتعالى ورايا عشان اديكى مرهم
نور: لا خلاص كفايه الكمادات
يزن: كفايه عناد بقى ويلا تعالى معايا
يزن دخل المكتب بتاعه مشى ونور وراه
نور دخلت المكتب فضلت تتفرج علي كل حاجه فيه ويزن بيدور على مرهم ليها
يزن: اتفضلى ده المرهم حطى منو دلوقتي وبليل قبل لما تنامى كل يوم لحد لما تخفى
نور: حاضر شكرا لحضرتك
يزن: وياريت نبطل عياط كل يوم مفيش حاجه هتتحل بالعياط
نور: حاضر بعد اذن حضرتك
يزن: اتفضلى
نور خرجت وراحت ل صفاء
نور: انا جيت
صفاء: نورتى يبنتى
نور: ده بنورك هعمل اى دلوقتي
صفاء: روحي روقى أوضت يزن
نور: هى فين دى
صفاء: اطلعى الدور اللى فوق امشى يمين الاوضه اللى اخر الطرقه بس اوعى تدخلى الاوضه اللى جنبها
نور: اشمعنا
صفاء: عشان ده المرسم بتاع يزن ومنبه ان محدش يدخلو
نور: امال بيتروق ازاى
صفاء: هو بيروقو كل لما بيخلص رسم
نور: حاضر
نور طلعت ودخلت الاوضه اللى صفاء قالت عليها لقيتها مش متبهدله زى أوض الشباب بالعكس دى نضيفه السرير بس متبهدل مترح النوم قعدت تبص للاوضه بتعجب من منظرها والوانها
(الاوضه كانت كبير وكان فيها اوضه للهدوم وكان فى حمام برضو وكل حاجه كانت كبيره متقولش ان دى اوضه تقول عليها شقه والوان الاوضه كانت اوفويت واسود مع بعض)
عدلت السرير وكنست وخلصت ولفت نظرها بلوره وجواها عروسه راحت تشوفها راحت أتزحلقت من ايديها ووقعت
: انتى بتعملى اى وليه كسرتى البلوره.....
يتبع.... 💋💖
♡روايه احببت خادمه♡.......
البارت السادس
للكاتبة /چيداء محمد
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
: انتى بتعملى اى هنا وليه كسرتى البلوره
نور: والله مكنش قاصدى اقصرها هى وقعت غصب عنى
يزن بزعيق: اى اللى خلاكى تيجي جنبها من الاول اصلا
نور: والله كنت عايزه اشوفها بس
يزن بزعيق اكتر: اطلعى بره
حرفيا كل الڤيلا سمعت زعيقو عشان صوتو كان عالى
نور بخوف: حاضر حاضر
سهير دخلت على الصوت
سهير: فى اى اى اللى حصل
يزن: الهانم كسرت البلوره
سهير: طب اهدي يا حبيبى تلاقى مكنش قصدها
يزن قعد على الارض وقعد يلم فى الازاز
سهير: خلاص هات اللى جواها وانا هوديه لحد يعملها الازاز تانى
سهير خدتها منو ونزلت بيها على المطبخ عشان تغسلها من الازاز لقت نور بتعيط وصفاء قاعده بتهديها
سهير: معلشى يبنتى حقك عليا انا هو بيحب البتاعة دى عشان والده هو اللى جبهاله وهو صغير قبل لما يموت
نور بعياط: والله مكنش قاصدى انا رحت اشوفها عشان شكلها شدنى واول مره اشوف بلوره بالشكل ده
سهير: خلاص يا حبيبتى متعيطيش انا هوديها تتصلح
نور: والله انا آسفه
سهير: متتاسفيش يا حبيبتى ده غصب عنك عادي بتحصل كتير بس بطلى عياط
نور: حاضر
سهير: يلا قومى شوفى هتعملى اى يلا وبلاش كسل
نور: تحت امرك
نور مشيت راحت تروق
سهير: باين عليها انها بنت غلبانه اوييي
صفاء: اه والله وخساره فيها البهدلة فى الشغل
فى ڤيلا المنياوى
جاسر صحى من النوم اخد دوش ولبس افتكر البنت بتاعت بليل قعد يفكر فيها شويه وبعدين نزل لقى اختو قاعده بتفطر
جاسر: صباح الخير
لارا: صباح النور
جاسر: اهلا بالناس اللى عامله مشاكل اى اللى صحاكى بدرى كده مش من عوايدك
لارا: عادي لقيت نفسى صاحيه قولت اروح عند خالتى سهير
جاسر: عايزه تروحي بعد اللى عملتيه هناك مش حرام عليكى اللى عملتيه فى البنت
لارا: لا مش حرام هى تستاهل عشان هى عملت القهوه وحشه عمدا
جاسر: انا مهما اتكلمت هتطلعى نفسك مش غلطانه براحتك بس انا بقولك اهو لو جيتى نحيتها تانى انا اللى هقفلك المره دي
لارا: يعنى انت بتزعقلي عشان الجربوعة دى
جاسر: لمى نفسك هى بشر زيك بالظبط
لارا: لا هى مش زيي وعمرها م هتكون زيي
جاسر: عمرك ما هتتغيرى
خلصى فطار وانا هروح مشوار على ما تخلصى عشان نروح مع بعض هنقضى اليوم هناك
لارا: انت مش هتفطر
جاسر: سديتى نفسى
لارا: طب انت رايح فين
جاسر: وانتى مالك رايح فى ستين داهيه
فى ڤيلا الدمنهورى
نور: هو انا ينفع اعمل مكالمه من تليفون البيت عشان مش معايا تليفون
سهير: اه طبعا منغير ما تستأذنى
نور: شكرا لحضرتك اوييي
نور خدت التليفون ورنت على تليفون بيتهم هى عارفه ان ابوها فى الوقت ده فى الشغل بس خدت حظرها برضو رنت وفضلت ساكته لحد لما جالها الرد
: الوو
: الووو مين معايا
نور بعياط: انا يا ماما
ام نور بعياط: عامله ايي يا روح قلبي طمنينى عليكى
نور: الحمدلله انتى عامله ايي
ام نور: الحمدلله يا حبيبتى تليفون مين ده ولقيتى شغل ولا لسه ومكان تسكنى فيه
نور: براحة عليا فى الاسئلة وانا هجاوبك على كل حاجه
ام نور: حاضر ياحبيبتي
نور: انا دلوقتي بشتغل فى ڤيلا والناس هنا حلوين وبيعاملونى كويس ومفيش حد بيغلط فيا وهما مدينى اوضه اقعد فيها هنا وده التليفون بتاع البيت هكلمك من عليه لحد لما اشترى تليفون
ام نور: طب كويس ياحبيبتي خلى بالك من نفسك
نور: هو بابا عمل اى لما عرف انى مشيت
ام نور: ده قلب الدونيا وسأل عند صحابك كلهم واحده واحده ولحد دلوقتي مش مصدق انك هربتى وحالف لو لقاكى هيموتك اوعى تيجي يا نور
نور: طب انتى يا ماما
ام نور: متخافيش عليا ياحبيبتي هو مش هيعملى حاجه خلى بالك انتى من نفسك
نور: حاضر يا ماما
ام نور: وابقى كلمينى تانى يبنتى متطوليش عليا
نور: كمان كام يوم هرن
ام نور: ماشي اقغلى يلا عشان ابوكى خلاص على وصول
نور: سلام يا ماما
ام نور: سلام ياقلب ماما
نور قفلت الخط وزى عادتها قعدت تعيط لحد لما لقت ان فى حد جاى راحت مسحت دموعها وقامت.......
يتبع..... 💋💖
لمتابعة باقي الروايه زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كامله من هناااااااااا
مجمع الروايات الكامله اضغط هناااااااا
 روايه احببت خادمه الفصل الرابع والخامس والسادس بقلم …){kind=link}
تعليقات
إرسال تعليق