#سلسه_قصص
رواية سراديب الاسرار من الفصل الأول إلى الفصل السابع بقلم سحر على حصريه لمدونة موسوعة القصص والروايات
#الجزء_الاول
وكالعاده الجديد شديد
نبدء علي بركه.الله
بعرفكم عن نفسي
انا الكتابه سحر علي
باحثه عن القصص الحقيقية والمروئيات
وفي يوم لقيت شخص اسمه الشافعى باعتلي وبيحكيلي قصته القصه هتنزل علي اجزاء لانها كبيره مش مجرد حالة اتعرضت لحالات مرعبة
ولكن بحكيلي عن تجاربه مع العالم ده وعن الحالات اللى قابلت حرفيا جحيم ورعب
وان الشخصية دى بيحكيلي عشان واثقت فيه وفى امانتي
السلام عليكم ازيك يا استاذه سحر اسف ل دخولي خاص لحضرتك
بس انا لفت انتباهي صفحه حضرتك وانك بدوري علي موافق حقيقيه حصلت
وانا اختارتك انتي بزات لاني شايف انك شخص جدير بالامانه دي وانك حد مخلصه فالي انتي بتعملبه
وعليكم السلام ورحمةالله وبركاته اتفضل حضرتك تقدر تحيكلي حكياتك ومتقلقش لو مش حابب تظر نفسك انا هختار اسم فيك للقصه
مبدأيا اعذرينى على تأخيرى فى الرد من وقت للتانى
...
حابب اعرفك على نفسى فى البداية
انا محمد عمرو وكنيتى الشافعى
وبصراحة الشافعى ده لقب العيلة ولكن جااه فى وقت معين والناس بدأت تنادينى بيه وبقيت بتعود عليه جدا
انا عمرى ٢٥ سنة
مهندس كهرباء باور
ومقيم فى الرياض
ولكن شغال حاليا فى غير مجالى
المهم انا حياتى تنقسم لكذا مرحلة
وكل مرحلة فى حياتى كان ليها تأثير فى حياتى بشكل ما وكل مرحلة مرتبطة ارتباط جزئى باللى قبليها زى اى شخص ولكن يشاء القدر ان حياتى تكون مرتبطة بأمور غريبة شويتين
وانا فى ثانوى اتشديت جدا للميتافيزيقا
وبدأت ادور وابحث فى اى شئ ماورائى
وكنت عامل زى القطر اللى بيمشى فى اتجاه واحد وعايز يعرف كل شئ
وكنت بقف عند محطات كل محطة خدت منى سنين وعمر فى دراستها
اول محطة وقفت فيها مع دخولى واهتمامى بالماورئيات وزى اى حد بيبدأ يدور فى الماورئيات اول حاجة بيصادفها عالم الجن
وكانت بدايتى مع العالم ده تقتصر على قرائة الروايات المرعبة وسماع بعض القصص ولانى شخصية بتحب القرائة والتعلم من كل شئ ومع زيادة فضولى بدأت اسأل واحاول اعرف اكتر عن العالم ده
وعشان مكنتش عايز ابدأ شئ اندم عليه بعدين فضلت اسأل كتير شيوخ وقصاوصة بحكم انى كنت فى دراسة ثانوية ايطالية والمدرسة بتاعتى فى دير اسمه الدون بوسكو
وحاولت احدد ساعتها وجهتى واروح لشارع مشهور عندنا فى اسكندرية اسمه النبى دانيال بيبيع كل انواع الكتب القديم والجديد
ف مرة خرجت من مدرستى الثانوية وروح الشارع ده وصادفت شخص فارش كتب قديمة ووقفت وشوفت كل الكتب شدنى اسم كتاب فى العالم ده
ودى كانت اول مرة اشترى كتاب مش رواية يخص تعليم افتتاحيات السحر وطقوسه وتعليم علم الحروف
كل ده قريته وانا واقف عند البائع
لغاية ماقررت انى فعلا اشتريه
وروحت بيه البيت وقعدت اليوم ده اقرى فيه وافهم طقوس السحرة وعلم الحروف
ولكن الكتاب مكفاش شغفى لان ببساطة كل اللى كان فى الكتاب مجرد تعليمات وارشادات وطقوس بسيطة
مافيهوش زى الكتب اللى بسمع عنها اللى بيكون فيها كيفية التحضير ولو عايز اسخر الجن لشئ اعمل ايه وهكذا
قررت انزل تانى وادور على كتب اكتر
وفى خلال اسبوع كنت جمعت من نفس الشارع ده كتابين كمان
وقررت اقراهم مع بعض او بالتتابع
وفعلا قعدت وقريت
فهمت اكتر عن انواع الجن وطبقاتهم وسلوكياتهم عن معيشتهم وعن كيفية تسخيرهم وعن كيفية الاستعانة بيهم
عرفت بعض الطلاسم والاوقات المعنية لتحضير وتفعيل الطلسم
وامور كتير جدا عن العالم دهقررت انزل تانى وادور على كتب اكتر
وفى خلال اسبوع كنت جمعت من نفس الشارع ده كتابين كمان
وقررت اقراهم مع بعض او بالتتابع
وفعلا قعدت وقريت
فهمت اكتر عن انواع الجن وطبقاتهم وسلوكياتهم عن معيشتهم وعن كيفية تسخيرهم وعن كيفية الاستعانة بيهم
عرفت بعض الطلاسم والاوقات المعنية لتحضير وتفعيل الطلسم
وامور كتير جدا عن العالم ده
مع نهايتى من الكتب دى محصلش اى شئ مريب بالعكس كنت مهتم بدراستى وكنت حاسس انى بوسع افاقى وبكتسب معلومات زى مانا متعود على حبى لقراءة الكتب
ومع نزلولى للمرة التالتة عشان اجيب كتب اكتر
وبعد خروجى من المدرسة الثانوية وروحت على نفس الشارع
صادفنى شخص من المتسولين وكنت لسا بطلع فلوس او حاجة معايا اديهاله
مد ايده وفضل باصللى شوية لغاية ماطلع الفلوس اللى كنت بدور عليها
ركزت مع عنيه لقيته باصصلى ومركز جدا حسيت بشئ غلط وقررت انى ماسعدوش ودى حاجة عمرى ماكنت اتخيل انى اعملها
بس حاجة جوايا قالتلى امشى ودلوقتى حالا
مروحتش ساعتها جيبت اى حاجة ولا كتب وروحت على بيتى
يومى مشى عادى ولكن لما نمت الليلة دى حلمت بنفس الشخص المتسول ده وهو جاى عليا بس المرة دى كان مكشر جدا وجاى بياخد منى شنطتى بالعافية وانا مكنتش عايز اسيبها وبشدها منه فضلت اشدها جامد بكل طاقتى وهو نفس الشئ لغاية مالمنطقة اللى كان بيشد منها اتقطعت ومكان القطع نزلت مية سودة من الشنطة نفسها
ساعتها بصلى بصة ندم وخد بعضه ومشى وهو بيضرب كف على كف
وصحيت من النوم يومها على اذان الفجر
بس قومت من النوم مش فاهم حاجة
ونزلت صليت فى المسجد الفجر ودعيت ربنا انه يلهمنى الصواب
جالى امام المسجد لانه متعود انه يشوفنى فى كل الصلوات ماعدا الفجر مكنتش مواظب عليها
وقالى عامل ايه انا مبسوط بيك لانك جيت وصليت الفجر ولعلمك صلاة الفجر كفيلة تكون حمايتك فى الدنيا من كل شئ شياطين الانس والجن يابنى كدة كدة مش هيسبوك فى حالك وقعد يدعيلى
بس هو بيتكلم وبيدعيلى واا ركزت على الجملة الاخيرة دى شياطين الانس والجن يابنى مش هيسبوك فى حالك
وصلاة الفجر هى الحل
المهم بعدها بكام يوم واا طالع من المدرسة روحت لشارع النبى دانيال وقولت ابص على كتب
وصلت هناك ولقيت نفس الراجل اللى بشترى منه الكتب فارش وقاعد جمب كتبه
ف جاه ف باللى اسأله انت بتجيب الكتب دى منين
وسألته
قالى والله يابنى انا الكتب دى كلها بتكون لناس توفت والكتب بتاعتها اهليهم بيكلمونى واشتريهم منهم
قولله يعنى انت مبتكونش عارف مين اصحاب الكتب
قاللى لا علمى علمك والله
وشدنى كتاب وانا بتكلم معاه شكله كان مغرى بصراحة
ولما مسكته وانا بتكلم معاه وقريت اللى عليه زهلت
يتبع اذا اتممت القراءة
صلي على الحبيب المصطفى
اللهم صلي وسلم وبارك على سيدنا محمد وعلى آله وصحبه اجمعين
#سراديب_الاسرار
#الجزء_الثاني
نبدء علي بركه الله
ــــــــــــــــــــــــــــــــــــــــــــــــــــــــــ
ولما مسكته وانا بتكلم معاه وقريت اللى عليه زهلت
انا مش متخيل انى ماسك كتاب شمس المعارف الكبرى فى ايدى اللى ياما سمعت عنه وكنت متأكد انى عمرى ماصوله
سألته ياحج الكتاب ده بتاع مين
قاللى مانا قولتلك يابنى علمى علمك
بس الكتاب ده بالذات انا فاكر الست اللى اشتريته منها كانت شكلها غريب وقالتلى الكتاب ده يقدر بفلوس كتير
وانا اشتريته منها زيه زى اى كتاب انا بشتريه
قاطعته وقولتله بس هتبعهولى بردو بنفس السعر اللى بشتري منك بيه اى كتاب
قاللى ميعزش عليك يابنى
وعشان كرم اخلاقه انا عطيته فلوس زيادة يومها
روحت بالكتاب
وقولت ده محتاج استعداد خاص
وجهزت اوضتى وشغلت نور هادى وموسيقى هادية وكوباية القهوة
وقعدت بقا عليه عرفت حاجات كتير جدا جدا لو حابة تعرفيها اكتبهالك فى وقت تانى والكتب التانية بردو نفس الشئ
المهم خلصت الكتاب ف خلال ٣ ايام
ولكن كنت محافظ على صلاة الفجر
عاهدت نفسى انى يوميا اصلى الفجر
بعد ماقريت كل الكتب اللى عطهالى وعرفت وفهمت عن طريق الشرع ايه كل الحالات وكل المواقف اللى تواجهنى ازاى اتعامل معاها
وكانت فى بعض المسائل الشرعية اللى كانت بتقف معايا كنت اروحله فى صلاة الفجر اسئله عليها ويجاوبنى
لغاية ماخلصت الكتب كلها وفهمتها فهم قوى الحمدلله
جيت فى مرة وقولتله انا خلصت الكتب تحب اجيبهالك امتى
قاللى لا دى هديةومنى ليك عشان لو احتاجتها تلاقيها
وقالى انت بقا الكتب القديمة دى هتعمل بيها ايه
رديت عليه انى مفكرتش
قاللى انت عرقت الطرق الشرعية عن كيفية التخلص منها
قولتله صح ومترددش لحظة لما روحت فى التخلص من كتب السحر
نمت اليوم ده وحلمت انى ف مكان جميل ومطمن وشوفت رؤية جميلة جدا كانت بداية المحطة التانية فى حياتى او المرحلة التانية فى حياتى
اليوم اللى خلصت فيه الكتاب بعدها صلاة الفجر اذنت نزلت اصلى
وسألت امام المسجد
هل اقتنائى لكتب سحر حرام
قاللى غير مستحبة مدام مبعملش بيها حاجة ولو بعمل بيها ف ده كفر بين وشرك بالله عز وجل
طمنته وقولتله انا مهتم جدا بالعالم ده وقريت كتير فى الكتب دى وسمعت حاجات كتير وعايز اعرف رأيك ياشيخ
قاللى انا عارف من زمان وعارف اخلاقك فانا هحطك على اول الطريق
وقالى تعالى وصلنى لبيتى
اتمشيت معاه لغاية بيته وكان بيتكلم فى ان دخول العالم ده ليه سكتين
سكة حرام وكفر بالله
وسكة حلال وترضى ربنا
السكة الحرام هى انى اكفر بالله وابدأ بتنفيذ اى شئ من الاشياء اللى شوفتها فى كتب السحر
والسكة الحلال راح ساكت وانا واقف قدام بيته وقالى ثوانى
دخل بيته جابلى مجموعة كتب عن السحر والحسد والعين ولكن كل الكتب كتب شرعية وكيفية علاجها بالسنة والشرع
وقالى ده الطريق التانى طريق العلاج انك تساعد الناس
من غير تردد مديت ايدى وخدت الكتب اللى شايلها وسندتها على جنمب
وروحت حاكيله على موقف الراجل المتسول
فسرلى الموقف والحلم
ان ده عارض من عوارض دخول الجن حياتك والحمدلله انى معطتش المتسول فلوس وفى الحلم مرضتش اديله الشنطة
وقالى احمد ربنا واستعن بالله وابداء المشوار وانا ف ضهرك
وبصراحة كان خير المعلم رينا يرحمه ويغفرله يارب
وبصراحة كان خير المعلم رينا يرحمه ويغفرله يارب
المحطة التانية
كانت مع انتهائى من مرحلة الثانوية ودخولى للجامعة
مع دخولى للجامعة واهتمامى بالمواد الدراسية وضغط المذاكرة
كنت عشان ارفه عن نفسى كنت ببحث اكتر فى الماورئيات
ولكن اهتميت بعلم النفس جدا
لدرجة انى كنت هحول من هندسة لعلم نفس
ولكن قولت انا هاخد كورسات فى علم النفس وانا بدرس هندسة
وفعلا عرفت اوفق بين كورسات علم النفس والجامعة
وخدت كورسات كتير فى علم النفس الديناميكى وفثيولوجيا النمو ومسيبتش كورس علم نفس قدامى غير لما اخدت الشهادة بتاعته
وكان فى دماغى ان كل المعلومات عن علم النفس دى هى تخص بحثى وتخص اللى انا ناوى اخش عليه بإذن الله
لانى هعرف افرق بين المرض النفسى وبين السحر او المس
والحمدلله عديت المرحلة الجامعية اشتغلت.شغل مؤقت فالصحافه
فكنت بروح اي حاجه فيها مخاطره لاني مكنتش بخاف
فكنت بروح اعمل لقاءات صحافيه في مناطق جبليه ومناطق تخص الجيش
ربنا ستىرها معايا كتير ونجانى من كذا حادثة ونجانى من كذا لدعة عقارب سامة وثعابين لان كانت معظم شغلي كان فى الصحراء
اللى حصل معايا هناك كنت راضى بيه ومسلم امرى لله
وعشان كدا ربنا اختبرنى فيه وانا مأمن بقضاء ربنا فقدت ٣ اصدقائى واثرو ف نفسيتى جدا
لدرجة نقلونى مكان تاني
واستقريت فى سيوة
ولكن بتبدأ من هنا بقا اول المواقف ليا
#يتبع
اذا اتممت القراءة
صلي على الحبيب المصطفى
اللهم صلي وسلم وبارك على سيدنا محمد وعلى آله وصحبه اجمعين
#سراديب_الاسرار
#الجزء_الثالث
#سيوه
نبدء علي بركه الله
ـــــــــــــــــــــــــــــــــــــــــــــــــــــــــــ
ف مرة كنت ف اجازة وراجع الشغل
فبركب من اسكندرية مطروح ومن مطروح سيوة دايما
ووصلت مطروح وبعدها ركبت سيوة
فركبت مع مجموعة ناس سيوية
وده العادى دايما وانا متعود على ده
واهل سيوة هما فى الاساس امازيغ عرب
وليهم لغة معينة كدة وانا راكب معاهم المرة دى ورايح على سيوة
انفعلو وهما بيتكلمو مع بعض وكنت مضايق جدا لانى صدعت
ويزيد على كدة كوتشة الميكروباص تعطل فى نص الطريق
وده طريق وحيد وسط الصحراء حرفيا حوالى ١٥٠ كيلو طريق وحيد رايح جاى
ركن السواق على جمب ونزلنا والمفروض انه معاه استبن يزيد كمان ان فردة الاستبن مخرومة هى كمان
والمفروض السواق بيكلم عربية تيجى من سيوة المسافة دى كلها وتاخدنا وتاخده
قال قدامنا ساعتين ونص او تلاتة على مالعربية تيجى وحظر ان محدش يبعد عن العربية لان الصحراء مش امان فى الليل
كلهم اتجمعو جمب العربية وقعدو يتكلمو بهلجتهم تاتى وكان الصداع اتمكن منى جدا
بعدت عنهم شوية ولقيت زى طلعة جبل قعدت على صخرة على اوله وشغلت الكشاف ابص حوليا لو فى عقارب او تعابين وروحت فاصل شوية فى المكان ده
ولكن بيقطع الصمت صوت اجهش
صوت غريب جدا لسا فاكره لغاية دلوقتى وكأنه سايب اثر فى ودانى
الصوت كان بيقول كلام مش مفهوم
مع تركيزى معاه فهمت ان هى طلاسم لذكره ملوك من الجن ولكن وقع ذكرهم ساب فى قلبى شئ لاول مرة احس بيه
قومت من مكانى وعايز اعرف فين مصدر الصوت
لقيت الصوت جاى من فوق من مطلع الجبل
نورت الكشاف ووجهته فوق لقيت على بعد ٣٠ خطوة مثلا زى فتحة صغيرة وخارج منها زى شعلة نار
مع تركيزى معاها شعلة النار بتعلى وتزيد
الصوت لسا بيكرر كلامه وكان بيعلى
وشوفت زى خيال انسان بيتحرك ولكن كان قاعد
بصيت نحية الناس اللى كانت قاعدة لقيتهم زى ماهما وكمان شغلو نار وقاعدين حولها وباين من بعيد ان هما لسا بيتكلمو
شجعت نفسى وقولت انا لازم اعرف ايه اللى بيحصل
قربت نحية النار وكل ماقرب يبان اكتر الخيال لغاية ماشوفته
شوفت هيئة انسان
بس هو مش انسان
اللبس اسود قاتم زى العباية ومش باين غير الوش والايدين
الوش اعوذ بالله حاجة لا توصف من بشعتها كأنه محروق والعيون جاحظة وبتتحرك فى سرعة غريبة
كأنه مش فيه شئ غلط ومجرد مابصيت عليه وحسيت بشئ غلط فى المكان اللى انا واقف فيه مع ان المسافة بينى وبينه تقريبا ١٥ خطوة
اول ماستعذت بالله من الشيطان الرجيم بصلى
كنت انا جريت على تحت ورجعت للمجموعة وبقولهم الحقو فى كذا كذا فوق وقعدت اقول كلام كتير بتلعثم عشان حد يشرحلى او يفهمنى ايه ده وايه اللى انا شوفته كلهم شافونى ف الحالة دى وسمعو الكلمتين اللى قولتلهم راح اكبر واحد فيهم قعد يقرأ قرءان بصوت عالى
اول مابدأ يقرأ والكل سمع صوت صريخ بصوت صعب جدا كأن حد بيتعذب عذاب جحيم لغاية مالصوت اختفى تدريجيا
وانا واقف بكل ذهول وسطهم وهما كلهم بيتمتمو فى سرهم لغاية مالصوت اختفى قالو يلا نركب العربية وفعلا ركبنا
روحت قايلهم فى ايه حد يفهمنى حد يفهمنى ايه اللى بيحصل
اكبر واحد فيهم اللى كان بيقرأ القرءان
قال مش انا يابنى قولت محدش يبعد وحظرت كله عشان المخاطر اللى زى كدة
رديت عليه قولتله مخاطر زى كدة ايه انا عايز افهم انا كنت فاكر مخاطر برية زى التعابين وااعقارب او السلعوة او لحاجات دى
لكن ايه ده فهمنى
قاللى يابنى الصحراء بتاعتنا مبدورة سحرة من النوع ده
والصوت اللى سمعناه ده واللى انت جيت تحكيه واللى شوفته بيدل على ان الساحر اللى ساكن الكهف ده ساحر عتيق وعايش بقاله سنين كتييير
انا بسمع الكلام ده وكنت فى حتة تانية
قولتله يعنى ده بنى ادم
قاللى اه بنى ادم
وقعد فهمنى ان سحرة الصحراء هما اعتق واكتر ناس ممكن تأذى لانهم بيوهبو ارواحهم للجن
وده كان الموقف الاول عشان يفتح معايا حكايات كتيرة جدا وفى خلال السنة مريت مع سحرة الصحراء دى بمواقف وحاجات شعرى وقع وشاب بسببها حرفيا
#يتبع
اذا اتممت القراءة
صلي على الحبيب المصطفى
اللهم صلي وسلم وبارك على سيدنا محمد وعلى آله وصحبه اجمعين
اميرة الرعب
سحر علي
#سراديب_الاسرار
#الجزء_الرابع
#سيوه
نبدء علي بركه الله
ــــــــــــــــــــــــــــــــــــــــــــــــــــــ
وده كان الموقف الاول عشان يفتح معايا حكايات كتيرة جدا وفى خلال السنة مريت مع سحرة الصحراء دى بمواقف وحاجات شعرى وقع وشاب بسببها حرفيا
بعد مدة جات عربية وخدتنا فعلا ونزلتنا سيوة وبعدها روحت واوضتى هناك واترميت على السرير وانا دماغى فيها الف سؤال وعايز اجيب كل تفاصيل اللى بيحصل فى الصحراء من السحرة دول وازاى وصلو لده خصوصا انى مصادفتش اى معلومات عنهم لا ف كتب سحر ولا كتب شرعية ولا اى حاجة
حطيت الموضوع فى دماغى فترة ولكن بحكم شغلي مكنتش بلاقى وقت ادور على حاجة
وصادفت ف مرة كنت فى تحقيق صحفي وخلصته بدرى وقولت اروح نحية فندق مشهور هناك
وانا رايح للفندق قابلت واحد راكب حمار بسأله هو ده الفندق اللى منور
بصلى ومردش عليا
فسألته تانى قولتله ياحج انا بكلمك
وبركز معاه لقيته بيستعجب من اللى بقوله
وراح واقف مكانه وشاورلى على الماكن اللى قولتله عليه
فببص عليه تانى ملقتهوش ولا هو ولا حماره
اتوترت ساعته جدا واتضطريت اسرع مشيتى لغاية ماقابل ناس تانى
وفعلا شوفت شخص وسألته هو ده الفندق قاللى اه هو
وفعلا روحت للفندق ودخلت قعدت ف كافيه وانا قاعد قولت اسأل الويتر على الامور الغريبة الل فى قريتهم دى
وفعلا سألته بس رد عليا رد غريب جدا
قاللى انا مش مسموحلى انى اتكلم فى اى حاجة من دى شوف حضرتك تحتاج ايه تانى وانا تحت امرك
استغربت وقولله شكرا
سابنى ومشى
وسابنى لخيالاتى بقا وازاى انا ف قرية غريبة وناسها اغرب وليه اصلا سيوة مش مشهورة للمصريين ليه كل زوارها اجانب
وانا قاعد سرحان
جااه الويتر وسابلى ورقة
فقولتله انا مطلبتش الشيك
قاللى انا بعتذر منك بس احن بنقفل قبل ٩
قولتله مافيش مشكلة وبفتح الورقة لقيتها الشيك فعلا ولقيت رقم تليفون وكاتب تحتيه لو حابب تعرف ايه الغريب كلمنى على الرقم ده
وفعلا حاسبته وحطيت الورقة فى جيبى
وخدت بعضى ورجعت وحدتى
ولان قوانين البلد الساعة ١٠ ميمشيش مخلوق ف الشارع
وده اللى مكنتش فاهمه ليه
بس روحت سكنى يومها وكلمته
لما كلمت الويتر ف التليفون قالى بص انا مقدرش افيدك فى اللى انت عايزه بس انا اقدر اوصلك لحد هيساعدك جدا ف ده
واتفقت معاه على ميعاد تانى يوم اروح معاه يوصلنى للشخص اللى بيقول عليه
وفعلا وصلتله
عمرى ماهنسى اسمه كان اسمه مدرار
رجل اربعينى لكن وكان شغال شغلانة متواضعة فى مكان زى قهوة بلدى كدة
وقعدت معاه وسألته ايه اللى بيحصل فى البلد وليه الناس بتنام بدرى وليه من ١٠ الناس متطلعش من بيوتها
حكتله على اللى حصل معايا يوم عطل العربية وقولتله ايه تفسيره ده
فهمنى اكتر عن حياة اهل سيوة وان النوم البدرى دى كانت عتدة ومواظبين عليها ولكن اللى بيكسر العادة دى بيتأذى لان الى كان يطلع فى وقت متأخر تانى يوم يلاقوه فاقد الوعى ولما يفوق يهلوس بكلام مش مفهوم ويفضل مسحور لغاية مايموت بسحره بسبب اللى بيشوفه فى الليل
قاللى ياما شوفنا سحرة من دول لكن عمرنا ماقربنا منهم زى مانت ماقربت
وفسرنا ان الخروج بليل ده والمشى فى الشوارع ده لان الليل بتاعهم وطبيعى ان هما بيكونو ساعتها اللى مسيطرين وعشان كدة كل واحد من اهل البلد بيقفل بابه عليه ويشغل قراءن
سألته السحرة دول من اهل البلد وباعو ارواحهم فعلا للجن
ساعتها اتوتر وقالى علمى علمك ممكن يكونو من اهل البلد او من الزوار لبلدنا
حسيت ساعتها ان اكيد فى حاجة هو مخبيها عليا
#يتبع
اذا اتممت القراءة
صلي على الحبيب المصطفى
اللهم صلي وسلم وبارك على سيدنا محمد وعلى آله وصحبه اجمعين
#سراديب_الاسرار
#الجزء_الخامس
نبدء علي بركه الله
ـــــــــــــــــــــــــــــــــــــــــــــــــــــــــــــــ
سألته السحرة دول من اهل البلد وباعو ارواحهم فعلا للجن
ساعتها اتوتر وقالى علمى علمك ممكن يكونو من اهل البلد او من الزوار لبلدنا
حسيت ساعتها ان اكيد فى حاجة هو مخبيها عليا
وكمان فى سر وراه ان مش اى حد يتكلم فى الحاجات دى
شكرته وسيبته وقولتله ياريت لو حبيت تحكيلى اى حاجة تانى انا مكانى فى الحتة الفلانية
بعد كام يوم
كنت خلصت تقرير صحفي فى كتيبة معينة فى سيوة وكانت على اطراف المدينة والعربية اللى بتنقلنى فيها عطل وهتبات فى المكان ده
وكانت الساعة ٣ العصر
قولت اتمشى لغاية ماوصل ساعتين تلاتة مش مشكلة
وفعلا عملت مكالمة وقولت معاها هنشغل فى الكلام واتمشى
كنت ساعتها خاطب
والبنت اللى كانت فى حياتى ماكنتش مريحانى احسن حاجة لان كانت مشاكلها كتير جدا وسيبتها ولكن ليها موقف معايا هحكيلك عليه بعد كدة
المهم وانا ماشى وبكلم خطيبتى
لقيت بيت صغير فيه اب وام قاعدين على بابه وبيبكو
تأثرت بالموقف جدا وحبيت اسألهم في ايه مالكم
قالولى عندنا بنتنا ممسوسة وعملنا كل حاجة عشان نعالجها ومافيش فايدة
ادعيلنا
ساعتها سمعت صوت تكسير وصوت زعيق جامد
سألتهم هى اللى بتعمل كدة
قالولى اه ووالدها بصلى
فرجعت خطوتين عشان مكشفش حرمة بيته
المهم
قولتله انا ممكن اساعدها
تسمحلى اشوفها
قالى وانت مين
عرفته انى صحفي وبعرف اعالج وبقالى اقل من شهر فى القرية وبإذن الله اقدر اساعدها
دخلنى بيته وجهزها فى لباسها اللى مش مبين منها اى شئ غير ايديها
وكانو ماسكينها كل واحد من ايد
وهى بتعافر معاهم وهما مش حملها ولا حمل قوتها
استعذت بالله من الشيطان الرجيم وبدأت فى تلاوة بعض الاذكار للتحصين زى ماتعملت
وطلبت اتوضأ
وبعد كدة طلعت وقفت قدامها وهى حرفيا فى حالات مختلفة بين الاختناق لى زى كدة
ولان الجلسات ليها حرمة مش هقدر اكمل تفاصيلها اكتر من كدة
ولكن لما خلصت لاحظو تغير ملحوظ
وطلبت منهم بعض العادات اللى هيمشو عليها وحضرتلهم مياه مرقسة عشان تشربها خلال الاسبوع ده وطلبت منهم انى ازورهم الاسبوع الجاى عشان جلسة كمان للتأكد من زوال المس
وكانو تقريبا شوية وهيشلونى من الارض
بكائهم على علاجها وبفرحتهم اللى شوفتها فى عنيهم وبفخرهم بيا حسسونى انى عملت انجاز
ودى كانت اول حالة استخدم عليها اللى اتعلمته واللى شجعتنى فى اتخاذ المحطة التالتة
المحطة التالتة او المرحلة التالتة
انا مشيت من عندهم من هنا واللى وصلنى والد البنت لان الوقت كان حوالى الساعة ٨ او ٩ وصلنى بالحنطور فسألته هل هترجع الطريق تانى قالى انا هبات عند قرايبى هنا
فحبيت اسأله ليه بعد ١٠ بالذات كله بعتزل الطريق
قالى ربنا على الظالم واى نفس فاسدة
ولكن من بعد ١٠ زى ماشوفت كدة كل اللى بيطلع بيبقى زى بنتى فى الحالة اللى انت دخلت شوفتها بيها
قولتله كلهم كانو نفس الحالة
قالى لا الحالات بتختلف ولكن بنتى كانت فى الوسط
فكرته بالعلاج واستودعته
وروحت على سكنى وانا فى قمة انبساطى وقمة نشاطى الذهنى فى التفكير عن الحالات اللى بتحصل فى البلد
#يتبع
اذا اتممت القراءة
صلي على الحبيب المصطفى اللهم صلي وسلم وبارك على سيدنا محمد وعلى آله وصحبه اجمعين
#سراديب_الاسرار
#الجزء_السادس
#سيوه
نبدء علي بركه الله
ـــــــــــــــــــــــــــــــــــــــــــــــــــــــــــــــ
فكرته بالعلاج واستودعته
وروحت على سكنى وانا فى قمة انبساطى وقمة نشاطى الذهنى فى التفكير عن الحالات اللى بتحصل فى البلدوالتشنجات والهسترية
وبدأت اقرأ الايات المخصصة للحالات
رتبت ساعتها فى دماغى كل حاجة حصلت وقررت انى طول مانا موحود فى القرية دى مش هطلع منها غير لما كل حاجة تكون بشكل طبيعى
بعدها بيوم تقريبا القرية كلها عرفتنى
وكل مامشى فى حتة يقولولى ياشافعى باشا ياشافعى باشا وهكذا
لغاية ماسألت واحد ل
فى ايه قاللى ماحنا عرفنا انك عالجت بنت الغفير كذا طبعا مش فاكر اسمه
المهم خلصت كل شغلى والمطلوب منى فى اليوم ده بالذات
وقولت لازم اقابل كبير البلد دى
كبير البلد كنت سمعت انه بيعيش فى اقدم مكان فى سيوة وهى مدينة تانية جمب سيوة الجديدة اسمها سيوة القديمة وهى عبارة عن قرية على هضبة كبيرة
لغاية ماجااه السؤال المعتاد
ليه كل الناس بعد ١٠ بالليل مبتنزلش شواىع
وكان رده زى اللى جاوبنى قبل كدة
بس العمدة ده او كبير البلد ده
زودنى بقصص حصلت وحالات اتمست من اهل البلد
وساعتها بتيجي حمله من وزاره الصحه تاخد الاشخاص اللى اتمست ومبترجعش سيوة تانى
الموضوع ده استوقفنى جدا
معنى كدة ان الكل عارف باللى بيحصل فى سيوة ومع ذلك مافيش اى جهة بتتكلم عن المشكلة ولا اى حد بيحاول يلاقى حل
كل اللى فكرت فيه فى الوقت ده انى اتحرك علي المكان ده سيوة
وكان لازم اخد اذن من مدير الشغل اللى انا قاعد عنده فى عربية عشان المكان ده بيبعد عن سيوة ٤٠ كيلو
وفعلا عملت كدة يومها بحجة انى عايز اشوف المستشفي دي واعمل تحقيق صحفي هناك
وطلعت فعلا
ووصلت وعديت بكل سهولة ودخلت المستشفي نفسها
روحت لمدير
وعرفته بنفسى
وحاولت انى افتح معاه كلام عن
الي بيحصل
وانى هكون فى زيارات متعددة عشان اشوف كل حاجة فيها
وده شئ روتينى وطبيعى لانى صحفي ومن حقى اخش اى منطقة لاني كان معايه واسطه جامده من مسؤل فالدوله
ولكن بمشى الامور بشكل ودى بينى وبين اى حد عشان لو علقت حاجة ممكن يتأذى
بصورة مبدأية اتصاحبت على
مدير المستشفي
واجبرته بالطريقة انه المرة الجاية هو اللى يبعتلى عربية تيجى تاخدنى من سيوة
رجعت سكنى
وانا بخطط للاتى
لازم اولا اعرف الناس اللى بيتصابو من السحر او المس بيروحو فين
ثانيا هل المستشفي بالسور اللى حواليه ده كله اللى مساحته تقدر بال٢٠٠ الف فدان تقريبا وده اللى عرفته من مدير االمستشفي فيه حاجة ولا نضيف من السحرة
وتالت حاجة هل حصل حوادث او شئ غريب هناك
استنيت ٣ ايام بعد لقائى مع المدير
كنت فيهم بحاول اتعايش مع اجواء سيوة واخدت اجازة داخلية فى سيوة فى اليوم
التالت وقولت ازور الاماكن المشهورة فى القرية زى الواحات و البحيرات الكبريتية العلاجية وعملت دورة استشفائية فى اليوم ده وروحت نمت نوم عميق جدا
حلمت احلام اليوم ده مختلفة عن بعضها مش فاكرها بالظبط ولكن كانو حوالى ٣ احلام كلهم مالهمش علاقة ببعض وانا من النوع النادر انى احلم ولما بحلم يابتكون رؤية يابتكون حاجة ليها علاقة بالمواضيع دى
كل اللى فاكره حاليا من الاحلام دى انى لما قومت من النوم استنتجت ان اهل القرية لازم يجتمعو
المهم تانى يوم صحيت
كلمت المدير
وكالمتوقع بعتلى عربية على مالبست هدومي وشربت القهوة كان جااه السواق واتحركت معاه
وبصراحة كنت قاصد انى اخلى السواق يطلع يجبنى عشان اللحظة دى
علشان اتكلم معاه وفعلا
واتكلمت مع السواق وسألته اذا كان بيلاحظ او يحس بحاجات غريبة من اول خدمته
اكدلى انهم بيخلصو خدمات الساعه ١٠ وكله بينام وعمره ماحس بحاجة ولكن هو بيسمع ان فى ناس ملبوسة موجودة فى في قسم من اقسام المستشفي
بالطريقة عرفت مكان القسم ده زى ماعرفت اطلع منه اللى انا عايزه
وصلت لمدير المستشفي وبنفسه جااه معايا عشان يلف بيا افي جميع الاقسام كلها عشان يوريهالى
ومع ان ده القانونى اللى لازم يحصل
الا انى متأكد انه معايا عشان ميوجهش تركيزى على المنطقة اللى فيها القسم ده اللى اول
مالمحته من بعيد المدير حاول يشتتنى ويكلمنى ويخلينى اركز فى حاجة تانية
عملت نفسى عبيط ساعتها وكملت معاه للاخر
ولكن لما وصلت عنده المكتب فى الاخر عشان نتغدا
قصدت انى مكملش اكلى واروح اغسل ايدى
ولانه مبيحبش ريحة السجاير فقولتله انى هقف برة المكتب
ولكن انا ساعتها طلعت ومشيت لغاية منطقة معينه
طلبت من السواق انه يدينى مفتاح لعربية وبواسطتي واكيد االسواق ده سامع بيا من ٣ ايام انى جاى زيارة اكيد هيتوتر زى ماتوتر ويدينى مفتاح العربية
واناا اعترفت انى ورطه معايا
ولكن كان لازم اخدها واطلع على طول على القسم ده لانو معزول بعيد عن المستشفي
اللى اول الامن الحارسة عليه شافونى بالاسلكى شايفهم وانا داخل عليهم بيبلغو حد علي الي انا بعمله
ولكن اصريت انى انزل بسرعة واخليهم يفتحو القسم ده بالامر
وفتحوه
عشان اتفاجئ بسراير مجهزة لناس متربطة حوالى ٤٠ شخص او اكتر وجمب كل حالة من الحالات حد بيتابع حالته وبيأكله وبيشربه
طبعا ثورت ثورة لاول مرة فى حياتى اثورها
زعقت لاول مرة فى حياتى
جاتلى هيسترية وانفعال وتكسير لاول مرة فى حياتى من المنظر
ازاى المنظر ده
االناس منهم الكبير فى السن والصغير واللى عجوز
ازاى
جاه فى ساعتها مدير وقالى تعالى افهمك
ثورت فيه وهددته انى هعمل مشاكل وحاجات قادرة انها تفتح عليه وعلى كل اللى عامله فى الناس دى فتوحة قد كدة
خدنى من ايدى وودانى لمكتبه وهدانى بعد اعجوبة
قاللى انه جااه مسك المستشفي والوضع ده موجود وهو كمان مش راضى بيه
وان الموضوع ده من زمان بيحصل
وان اهالى الناس بيوصلها خبر الشخص وبيتقال انه مات فى عملية ارهابية وبيطلعله شهادة وفاة
وان مينفعش حد يخرج من هنا ملبوس او يكون فى الحالة دى
وورانى كل ورق اللى موجودين
اللى منهم كبرات البلد وناس من الاهالي
وشوفت ملفاتهم كلها
طلب منى اهدى وارتاح فى المكتب التانى والصبح تانى يوم نتقابل عشان نوصل لحب
لحل
وافقت عشان اعرف افكر مش اكتر
المهم
قعدت ارتب فالافكار
المهم قعدت فى المكتب
والمكتب ده بيكون عبارة عن غرفة نوم مع الحمام مع المطبخ مع مكان للاستقبال والمكتب
قضيت فيه الليلة
وفضلت افكر طول الليل
لغاية ماقطع تفكيرى شئ غريب
ازاي ماجاش فى باللى لانى بكون دايما مشغول فى الشغل
هو ليه مافيش اذان فجر وانا مبصحاش عليه
واكتشفت ان مافيش مرة من ساعة ماجيت سيوة
وفضلت قاعد لغاية موعد اذان الفجر
وطلعت برة المكتب
وروحت مأذن للصلاة بأعلى صوت
الناس وانا بأذن قامت من نومها وطلعت من الشبابيك
لغاية ماخلصت ماكنش حد طلع
فقولتلهم بالامر يلا الصلاة عشان هنصلى جماعة كلنا هنا فى ارض المستشفي
كل مجموعة طلعت مع بعض
لغاية ماتجمعو كلهم
والمدير وقف معاهم وصلينا الفجر جماعة وكانت اول مرة لكل واحد بشهادة كل واحد صلى كأن هموم الدنيا من قلوبهم اتزاحت
وروحت طالع على طول على القسم المعزول
وبدأت بقا فى القرأة عليهم كلهم
على حوالى ٤٠ شخص
فضلت اقراء من بعد الفجر لغاية العصر
واستحمل اهانات وضرب طلعت من القسم الساعة ٥
طالع مضروب فى كل حتى فى جسمى منهم جوه
ولكن كل اللى فى المكان فاق وبقى انسان طبيعى ولكن محتاج رعاية
ناديت علي الممرضين القائمة على خدمتهم وعرفتهم يعملو ايه معاهم خلال الفترة اللى جاية
مدير لما شاف المنظر ده
مش متخيل كان عامل ازاى
والناس نفسها وفرحتهم
عمر ماحد فى الدنيا دى هيفهم او يحس بالكلام ده الناس دى شوفت فى عنيهم كمية فرحة ووجع من سنسن عمر ضاعت وحاجات كتير جدا من المذاعر المتداخلة
بعد ماعطيت جلسة لقسم الممسوسين
قابلنى مدير المستشفي وقعد يقنعنى ان مالوش زنب ف حاجة وان دى قواعد المكان ولازم كانت تتنفذ
ف بصراحة انا مش بعمل ده عشان أذى حد تانى انا عايز افهم واحل وبس يمكن ربنا جاعلنى سبب في شفائهم
يتبع
اذا اتممت القراءة
صلي على الحبيب المصطفى اللهم صلي وسلم وبارك على سيدنا محمد وعلى آله وصحبه اجمعين
#سراديب_الاسرار
#الجزء_السابع
#سيوه
نبدء علي بركه الله
ــــــــــــــــــــــــــــــــــــــــــــــــــــــ
ف بصراحة انا مش بعمل ده عشان أذى حد تانى انا عايز افهم واحل وبس يمكن ربنا جاعلنى سبب
المهم كان ليهم جلسات تانى وف خلال الشهر كانت الاشخاص اللى فى المحجوزين معظمهم رجع للوعى تانى وبدأ يسأل عن اللى حصله وعن اهله وعن كل حاجة
ف ساعتها وصلت الاخبار للكل وساعتها قدرو يخرجوهم بعد مادربوهم على ان محدش يذكر اى حاجة من اللى شافوها او اللى حصلتلهم
ف خلال اسبوعين كان كنت عالجت بقيت الناس
وساعتها اتكرمت في شغلي
ولاجل الحظ
اقابل شخصية مهمة جدا وحصل بينا حديث كبير
وكانت نتايج الحديث ده
انى اتفرغ بشكل كامل عشان احل مشكلة ارض سيوة وهيكون معايا فريق عشان اتخلص من كل ساحر ساكن الاراضى والصحراء هناك
ودى كانت مهمة صعبة جدا
لانى بالفعل بدأت اخطط ازاى هقدر اواجه الكيانات دى
وازاى هقدر اتخلص منهم
خصوصا ان ماعنديش اى معلومات عنهم وماصدفش انى قريت عن السحرة اللى بالحجم ده
المهم طلبت ساعتها اجازة عشان انزل اسكندرية واقدر اعمل بريك وافكر بشكل اعمق
وعشان انا من اسرة متوسطة وزى اى اسرة فيها دوشة
المهم خدت بعضى واستأذنت من اهلى ساعتها انى هفصل فى فندق يومين
وفعلا روحت وكان معايا بس ورق وقلم
لانى من الاشخاص اللى بتحب تفكر وتستجمع توقعات او احدث بالكتابة
وقعد اول يوم افكر واستحضر كل اللى حصلى من اول ماقررت انى ادور فى العالم ده
بس يومها وانا قاعد بكتب وقومت افتح للروم سيرفس لانى كنت طالب قهوة
جيت حطيت القهوة على المكتب وروحت ساند ضهرى على الكرسى اللى قاعد فيه
وغمضت عينى شوية
لقيت نفسى خفيف جدا بفتح وجاى اقوم من مكانى
لقتنى قومت وببص على جسمى اللى قاعد على الكرسى
وساعتها اتوترت جدا ولقيت نفسى بصحى من النومة دى او من الغفوة دى
قعدت فترة مش مستوعب اللى حصل وفضلت قاعد بفكر فى اللى حصل
ولانى شخص فضولى ولحوح على معرفة اى شئ
دخلت على النت وقعدت ادور على الحاجة اللى حصلتلى دى
وقعدت طول الليل افهم ايه ده
وبعد بحث كتير
عرفت ان دى حالة ممكن تحصل للانسان عادى بعد الاجهاد العضلى فساعتها الاجسم بيخش فى حالة نوم ولكن العقل بيكون فايق ونشط + ده كمان العقل الباطن بيقدر يربط العقل المادى بجسم يسمى الجسم الاثيرى
ودى نظرية ممكن تطبق بالقصد اسمها الاسقاط النجمى
وهى عبارة عن تدريبات ذهنية ممكن الانسان يطبقها ويقدر من خلالها يكتشف حاجات كتير غامضة وخفية فى العالم
عرفت من ع النت ان فى كتاب بيتكلم عن الباراسيكولجى
والباراسيكولجى هو علم بيتكلم عن القدارات الخارقة للانسان وازاى يقدر يطور حاجات زى دى
والكتاب ده كان النقلة ليا واقدر اقولك من هنا انا دخلت فى المرحلة او المحطة الرابعة
الكتاب ده كان اسمه الجسم الاثيرى
ولانى سهرت اليوم ده كتير جدا لغير عادتى للساعة ٨ الصبح
قولت عشان اعرف استغل اليوم التانى ليا فى الفندق هطبق وانزل دلوقتى شارع النبى دانيال ادور على الكتاب
الموضوع كان صعب جدا
قعدت للساعة ٤ العصر وانا بدور على الكتاب لغاية ماخلصت الشارع ده وكل المكاتب اللى فى الحى وروحت مكاتب بالوصف وبردو ملقتهوش
قررت ارجع وهبقى اسأل بعدين
رجعت الفندق وكملت كتابة لغاية ماعملت تشيك اوت من الفندق وروحت نمت فى بيتى
قومت تانى يوم وانا فى باللى انى اكلم شخص صديقى من ايطاليا كان بيدرس معايا فى الثانوى
كلمته فعلا وقعدت كتير بتكلم معاه فى احوال الدنيا ووالشغل وهكذا ولقيت حاجة بتقولى اسأله عن الكتاب
وسألته فعلا
وقاللى انه هيدور عليه ولو كدة هيشحنهولى
المهم
قضيت ٣ او ٤ ايام مع اهلى واختى الاصغر منى بسنتين عرفتنى على بنت جارتنا هما الاتنين اصحاب وقالتلى اتكلمو مع بعض يمكن يحصل توافق
وفعلا كلمتها وقعدت ايام كتير بكلمها لغاية مافلاخر حبينا بعض
وف مرة وانا بكلمها جالى مكالمة من صاحبى الايطالى ده فرديت عليه فلقيته بيقولى انه لقى الكتاب وهيشحنهولى
وهيوصل فى خلال ٢٤ ساعة
شكرته وقفلت معاه وكملت معاها
فى اخر اليوم ده روان هى كان اسمها روان
قالتلى انها دايما بتحلم احلام غريبة
وحكتلى كذا حلم بتحلمه
بعد ٣ حلم تحكيه قولتلها متكمليش انا لازم اشوفك واقعد معاكى ولقتنى بقولها انا جاى اتقدملك بكرة
وفعلا اقنعت اهلى انهم يجو ونتقدملها وفعلا لبستها ساعتها خاتم وقرينا الفاتحة
وكانت مبسوطة جدا
المهم بعد ايام سنحت الفرصة انى انزل معاها date
وفى القعدة دى خلتها تحكيلى احلامها واحدة واحدة
عشان ادرس وهى بتحكى لغة جسدها
لان الحلم التانى كانت هى تايهة فى صحراء
والحلم التالت حلمت انها بتاخد حاجة من راجل شكله غريب لابس عباية سودة ومش باينة ملامحه لان الحلم كان فى الضلمة لكن هى بتقول كانت حاسة انها مضايقة لانها حاسة ان ملامحه اصلا سودة وشكله بشع جدا
وعشان كدة قولتلها لازم اشوفك وروحت واتقدمتلها بصراحة بجانب انى حبيتها عشان اشوفها واعرف احلامها واللى بتحس بيه بشكل مباشر
الكتاب وصلنى
واضايقت شوية لانه بالايطالى
بس عادى قريته كله
انا بس عشان بحب اللغة العربية فى الحاجات دى بالذات اكتر
ولكن استفادت حاجات كتير منه
لانه كان بيتكلم عن امور كتير مختلفة اهمها كيفية عمل الاسقاط النجمى
بعد ماخلصت الكتاب
والمفروض اجهز للتدريبات الذهنية والعضلية عشان اقدر اوصل للاسقاط النجمى
وكان المفروض ارجع بعدها الشغل ولكن خدت ٤٠ يوم زيادة اجازة م
وخدت شنطتى وطلعت قرية فى الساحل عارف انها مبيسكنهاش ناس كتير اسمها قرية الفيروز وانا كنت محتاج الهدوء
وبداءت اتدرب فى ال٤٠ يوم زى مالكتاب كان شارح
ووصلت لنتايج مذهلة هبقى احكيلك عنها بعدين ولكن كان غرضى الاول والاخير انى اعمل اسقاط نجمى
خلصت وطلعت على سيوة
وبدأت اعمل اسقاط نجمى فى المنطقة كلها واكتشفت اماكن كتير ومختلفة فى الصحراء والاهم انى عرفت اماكن السحرة
كانو ١١ ساحر متوزعين على ارجاء مختلفة واماكن سهلة الوصول وغيرها صعب
كل ماكنت بخرج من اسقاط نجمى اكتب كل اللى شوفته
وكان فى فريق مكلف لمساعدتى
بعد اسبوعين من الاسقاط النجمى طلبت انى اقابلهم
وكانو ٥ اشخاص
ملتحيين كلهم
ولكن ٤ شيوخ وقص واحد
لما قعدت معاهم
فهمتهم احنا هنواجه ايه وهنعمل ايه بالظبط
لان الموضوع واخد كذا منظور
اول افتراض ان ممكن ميكونوش
سحرة بالفعل
وكل اللى هنعمله اول مانشوفهم اننا نتلو ايات ونشوف تأثيره عليهم
تانى حاجة لو فعلا سحرة هنحاول بأبات التعذيب اننا ناخد منهم معلومات
تالت حاجة مع اتفاق اكبر الشيوخ اللى فيهم والقص
قالو لازم نشوف اذا كانو هيتوبو ونعفو عنهم ولا باب التوبة ده هما ميعرفوش عنه حاجة وساعتها هيقام عليهم الحد
وساعتها هنكون مبلغين الشرطه وساعتها هيقام عليهم الحد فى مكانهم عشان صعب التحكم فى الاشخاص دى
وطبعا وريتهم ساعتها الرسومات اللى كنت برسمها للسحرة دول بعد ماكنت بشوفهم فى الاسقاط النجمى
طبعا ناهيكى عن بعضهم الل ماكنش مصدقنى اصلا وناهيكى عن اللى كان فاكرنى مجنون وعن وعن
ولكن قولتلهم تشوفو بعنيكم وبعدها هتتأكدو اذا كان كلامى صح ولا غلط
وبدأنا فى تحديد يوم الجمعة للنزول
يتبع
اذا اتممت القراءة
صلي على الحبيب المصطفى اللهم صلي وسلم وبارك على سيدنا محمد وعلى آله وصحبه اجمعين
اميرة الرعب
سحر علي
التكمله بعد قليل
تعليقات
إرسال تعليق