رواية المعلم ومراته وزوجته الفصل الحادي عشر والثاني عشر الأخير بقلم امانى سيد
رواية المعلم ومراته وزوجته الفصل الحادي عشر والثاني عشر الأخير بقلم امانى سيد
الفصل الحادي عشر
المعلم ومراته وزوجته
زيدان: اى حاجه منك يا دهبيه تبقى خير
دهبيه : طب يلا اتعشى الاول عشان نتكلم
زيدان: بس ايه الرضا ده كله مش متعود انا على الدلع ده
دهبيه : من هنا ورايح هيكون الدلع كثير بس انت هاودني
زيدان: حاضر يا ستى ومسك اديها وباسها تسلم ايدك يا دهب ربنا ما يحرمني منك ابدا ويديمك نعمه فى حياتى
دهبيه : بص يا زيزو هم حاجتين انا عايزاك فيهم
اول حاجه فاكر اليوم اللي جيت لك فيه المحل وطلبت منك تخرجني وكده
زيدان: اه فاكر وانت كنت جايه عشان كده ولا عشان حاجه ثانيه ده كان يوم كتب كتابي
دهبيه : ما تفكرنيش بقى المهم يا سيدي اليوم ده انا
ما كنتش جايه لك عشان تخرجني
زيدان: امال كنتى جايه ليه
دهبيه : انا كنت مقدمه في الجامعه انتساب تجاره واتقبلت
زيدان بعصبية.نعم
دهبيه : من غير عصبيه بس يا زيزو استنى انا افهمك بصي يا سيدي انا هنزل يوم واحد بس في الاسبوع واليوم ده هيكون يوم جمعه وهحضر فيه المحاضرات واوقات كثير هتكون اون لاين يعني من البيت واتفقت مع كام واحده انهم هيساعدوني وهيجيبوا لي الملازم والملخصات وانا هحاسبهم عليها ها ايه رايك
زيدان كان بيبصلها بملامح مبهمه ودهبيه كانت بصاله خايفه لما يوافقش على انها تكمل تعليمها وهو كان شايف فرحتها فمحبش يضيع فرحتها عليها
زيدان: خلاص يا دهبيه طالما نفسك في حاجه وانتي حباها قوي كده ما اقدرش احرمك منها
دهبيه : كنت واثقه انك مش هتزعلنى وهتوافق 😘😘
زيدان: طيب دي اول حاجه ثاني حاجه ايه هي بقى و ربنا يستر
دهبيه : بص يا زيزو في مشوار بكره بعد المغرب عايزاك في ضروري في باي شكل من الاشكال لازم تفضي نفسك بعد العصر وتيجي على طول
زيدان: مشوار ايه الضروري اللي ظهر فجاه ده وكمان افضيله نفسي
دهبيه : هتعرف بكره
زيدان: قولي يا دهبيه انتى عارفه ان انا ما بحبش المفاجات
دهبيه : معلش يا زيزو هاودنى لحد بكره بكره بس
زيدان: حاضر يا ستي طلباتك اوامر اي حاجه ثانيه
دهبيه : ليه يا حبيبي ربنا يخليك ليا
زيدان: بس غريبه قوي الحنيه دي كلها وكمان الاغرب انك ما فتحتيش سيره زينب معايا
دهبيه : عايزه ناجل النهارده اي كلام عن المشاكل ينفع نبقى عايشين حلوين كده في هدوء زي الاول ما يكونش في مشاكل يكون فيه حب وبس
خد اشرب بقى الميه دي ساقعه وحلوه ومشبره اهي
زيدان: بس انا مش عطشان
دهبيه : خلاص انا جبتها بقى اشربها هتكسفني دي ميه
زيدان: هاتي يا ستي تسلم ايدك
تانى يوم الصبح
هياتم : ها عملتى ايه عند جميل قالك تروحيله تانى امته
زينب : قالى كمان يومين كده
هياتم: خلاص في اليومين دول بقى عايزاك تبقي هاديه وساكته خالص وتجنبي دهبيه على قد ما تقدري عشان ما حدش يشك في حاجه لحد ما المراد يتم
زينب : عندك حق ياما
هياتم : اوعي يا بنت تكوني اديتيله الفلوس كلها مره واحده
لا اديته نصهم وقلت له لما تعمل العمل واخده منك هبقى اديك الباقي
عند دهبيه بتتصل بالشيخ
دهبيه : سلام عليكم ازيك يا حاج رمضان
الشيخ : وعليكم السلام ازيك يا دهبيه يا بنتي وجوزك عامل ايه
دهبيه : هنجيلك النهارده بعد المغرب ان شاء الله انا شربته امبارح الميه بعد ما قريت عليها الرقيه الشرعيه زي ما قلتلي
الشيخ : طيب اهم حاجه ما تقولوش اي حاجه لحد ما تيجوا هنا احنا مش عارفين ممكن يحصل ايه
دهبيه : انا قلت اكلمك ااكد عليك الميعاد
الشيخ: تمام يا دهبيه يا بنتي هنتظرك يلا السلام عليكم
دهبيه : وعليكم السلام
عند دهبيه flash back
تليفونها رن من حمص وهى فى البيت
حمص : الو يا معلمه بقولك ايه زينب نزلت تاني ومشيت وراها زي ما قولتلي لي وفضلت قطرها لقيتها راحت عند جميل الدجال
دهبيه : طب اسمعني كويس ونفذ كلامي بالحرف الواحد استناها لما تخرج من عنده بس قبليها اتصل على الواد مسعد وسعيد واول ما تخرج زينب من عنده خدهم وادخلوا هاتوا المنيل ده من جوه وروحوا بيه على المخزن وكتفوه لحد بكره وادواله ياكل مره واحده اليوم لحد ما اجي بكره انا والمعلم بس ماحدش يجيى جمبه كتفوه وسيبوه
End flash back
بعد العصر وصل زيدان حسب اتفاقه مع دهبيه
زيدان: ازيك يا حبيبتي عامله ايه والاولاد عاملين ايه تاعبينك ولا مؤدبين
دهبيه : لا هو الغثيان الصباحي وبس بقيت اليوم بكون كويسه بس باكل كتير اوى مش بعرف اسيطر على نفسى فى الاكل
زيدان: معلش يا حبيبتي فتره وهتعدى وترجعى زى الاول
دهبيه : بقولك ايه هو بان عليا التخن
زيدان: لا بان انك احلويتى اكتر 😘😘😉😉
دهبيه : يا سلام انا اعرف الستات بيبقوا وحشين فى الحمل ومناخيرهم بتكبر
زيدان: لا مش كلهم وانتى من الناس اللى بتحلو وبعدين عادى يعنى جربى شكلك وانتى تخينه
دهبيه : لا انا خايفه اوى وكل اما افتكر الولادة اخاف
زيدان: انا هبقى معاكى متخافيش انتى مش لوحدك
دهبيه : بقولك ايه الكلام هياخذنا وهنتاخر خش خد دش والبس على ما اجهزلك الغدا
زيدان: حاضر يا حبيبتي
وهما فى الطريق
زيدان : مش هتقوليلى رايحين فين برضو
دهبيه : ادينا وصلنا اهو
زيدان: هو مش ده بيت الشيخ رمضان
دهبيه : اه هو
زيدان: طيب جايبانا هنا ليه ايه السر في كده
دهبيه : هندخل اهو وهتعرف كل حاجه ماتستعجلش
دخلوا الشقه عند الشيخ والشيخ قابلهم واتكلم معاهم
دهبيه : بص يا زيدان لما حكيتلي ارتباطك بزينب بدا ازاي وكنت شايفها ازاي وحكيتلي جوازك منها تم ازاي بصراحه انا شكيت والفار ابتدى يلعب في عبى
بس ما رضيتش اكلمك في حاجه لحد ما اتاكد وفي نفس الوقت كنت بخلي الواد حمص يراقبها ويفضل وراها هي وامها خطوه بخطوه لحد امبارح كلمني وقالي انها راحت تبيع دهب عند ادوارد الجواهرجي انا بصراحه استغربت بس قلتله يفضل وراها برضو وما يسيبهاش ولما سبتك امبارح روحت لادوارد قبل ما اروح .وسالته قال لي انه اشترى منها الذهب ب 15000 والذهب ده بيساوي 18000 وانا قلتله ان انا هاخدهم منه لان الذهب ده كانت امها سارقاه من امي الله يرحمها وفعلا بعتله النهارده الفلوس وهو بعتلي الذهب مع البنت عزه
زيدان: غريبه قوي ولما هي محتاجه فلوس قوي كده ما طلبتش مني ليه
دهبيه : عشان ما تسالهاش هي عايزاهم في ايه وتشك وتعرف
زيدان: وانت عرفتي هي عايزاهم في ايه
دهبيه : هكمل لك المهم الواد حمص رجع بعد كده كلمني وقالي ان هي داخله عند جميل الدجال
زيدان: يانهارها اسود انتى عارفه ده معناه ايه
دهبيه : اه طبعا عارفه ان جوازك منها كده باطل
وعلى فكره كمان خليت حمص ياخذ اثنين عيال ثقه ويخطفوا جميل ويحطوه في المخزن وهو دلوقتي هناك مع الجواميس والبقر واتصلت بعد كده بالشيخ رمضان وحكيتله كل حاجه من الاول خالص عشان يساعدني وهو طلب مني اجيبك ليه من غير ما اعرفك اي حاجه
زيدان: وانت يا دهبيه لو كنتي قولتيلى كده في البيت كنت هرفض مثلا اجي معاكي
دهبيه : لا بس كان ممكن تحصل حاجه تعطل المشوار فانا سمعت كلام الشيخ ونفذت طلبه
الشيخ: بص يا معلم اولا كده كل يوم هنقرا سوره البقره ونلتزم بالرقيه الشرعيه واداله بعض الحاجات اللي ينفذها
زيدان: شكرا ليك يا شيخ رمضان
الشيخ: الشكر لله يا ابني غمه وتروح ان شاء الله
زيدان: بقول لك ايه انا هروحك دلوقتي وهطلع انا على المخزن للزفت ده عشان ليا صرفه معاه
دهبيه : لا استنى هاجي معاك
زيدان: هتيجي معايا ليه عيل صغير انا مش هعرف اتصرف لوحدي
دهبيه : لا طبعا مش قصدي كده بس معلش انا عايزه اجي معاك عايز اعرف بداوا يسحروك كده من امتى
انا لو بشك فيك وفي حكمتك ما كنتش حكيت لك من الاول
المهم راحت دهبيه هى وزيدان على المخزن واول ما دخل المخزن وشاف الدجال راح هاجم عليه وضربه
الدجال : ايه ده في ايه انتم جايبيني هنا ليه
زيدان: يعني مش فاهم
الدجال : انا مش فاهم حاجه انا موجود هنا من امبارح ليه انا ما عملتش حاجه
زيدان. فعلا : طيب هتتكلم بالذوق وتقول علاقتك ايه بهياتم وبنتها ولا ابعت لرجالتي يعملوا معاك احلى واجب جزارين وساعتها هتتكلم برده بس وانت مافيكش حته سليمه
الدجال : بخوف . خلاص هتكلم هتكلم
الست هياتم جات لي من مده كده وكانت عايزه تعمل لك عمل عشان تتجوز بنتها فبصراحه انا لقيتها مصلحه حلوه فرحت عامل لها العمل اللي هي حاطتهولك في الشاي و شربته لما كنت عندها بعد كده عرفت انك اتجوزت بنتها
دهبيه : ولما هو خلاص اتجوز بنتها كانت جايه لك تاني امبارح زينب ليه
الدجال: كلمتني من كام يوم امها وقالت لي ان العمل فاشل وانك اه اتجوزت بنتها لكن لسه بتحب المعلمه دهبيه وكانت عايزاني اعملها عمل ثاني يخليك تكره دهبيه وتطلقها فانا ساعتها طمعت اكتر وقلت دي فرصه وطلبت منها عشان اعملها العمل اخذ 30 الف جنيه قد المبلغ اللي هي اديتهوني قبل كده
زيدان: وبعدين ايه اللي حصل
الدجال : اللي حصل ان بنتها هي اللي جاتلي امبارح وقالت لي انها جهزت الفلوس وادتني 15 الف جنيه وقالت لي النص الثاني هتديهوني اول ما اخلص العمل
زيدان: اه يا ولاد ال .............
زيدان: انت عايز تخرج من هنا
الدجال: اه ابوس ايدك سبنى
زيدان: حاضر هسيبك بس هتنفذ اللى هقولك عليه بالحرف الواحد
الدجال: انا موافق تحت امرك اللى انتوا عايزينه انا هنفذوا على طول
زيدان: ...........
يا ترا زيدان هيخليه يعمل ايه ؟؟؟
رايكم وتخمينكم ايه اللى هيحصل بكرة🤔
النهاية
البارت 12 الاخير
المعلم ومراته وزوجته
زيدان: انت هتخرج من هنا وكمان يومين هتكلم زينب تقولها انك خلصت العمل وتخليها تجهز الفلوس وتروحلك
الدجال : ليه
زيدان : مش شغلتك بقى واوعى تفكر تعمل حاجه كده ولا كده هتبقى انت اللي جبته لنفسك
الدجال: لا هعمل اللي انت عايزه انا مش قدك يا معلم زيدان
زيدان: لما نشوف. فكه وخلاه يمشي
دهبيه : ناوي تعمل ايه هتطلقها
زيدان: اكيد يا دهبيه اصلا جوازي منها من البدايه كان باطل الحمد لله الحمد لله الواحد حاسس كانه جبل و انزاح من على صدره
دهبيه : انت ليه ما قلتليش من الاول انها بتحاول تقرب منك
زيدان: دهبيه وانتى ماشيه في الشارع لو لقيتي متسول وساعدتيه يا ترى هتحطيه في دماغك او هتيجي تقوليلى
دهبيه. : لا طبعا هديلوا اللي فيه النصيب وهمشي ولو شفته تاني هعمل كده برده مش شرط اجي احكيلك
زيدان: زينب بالنسبه لي كانت كده ما كنتش شايفها اصلا كانت زي المتسول ولما فهمت منها انك مش حباهم ما جبتلكيش سيرتهم عشان ما اضايقكيش كنت شايف الموضوع اقل من اني اتكلم فيه لحد ما اتصلت بيا تستنجد زي ما قلتلك رحت ساعدتها من ساعه ما امها شربتني الشاي ده وفضلت تكلمني عن الاطفال والفكره بقت لزقه في دماغي زي ما اكون كنت منساق كأن فى حد بيشدني ما كنتش متخيل انهم يعملوا فيا كده ولا حاسس ان ممكن يكون فيا شيء زي ده من الاساس
دهبيه : طيب ناوى على ايه
زيدان: ناوي كل واحد ياخد جزاؤه مش يلا نروح بقى. بقولك ايه كأنك ما تعرفيش اي حاجه اتعاملي عادي مش عايز اي حد برده يعرف اي حاجه
دهبيه : حاضر انا كده كده ما كنتش هقول حاجه لحد
زيدان: مش عارف يا دهبيه كنت هعمل ايه من غيرك
دهبيه : ولا حاجه اللهم زيدنا تواضع هههههههه
زيدان: طب يلا يا متواضعه قدامى
دهبيه : وانا برده يا زيدان لولا وجودك في حياتي ما كنتش هبقى في المكان اللي انا فيه دلوقتي ده
زيدان: يمكن اللي حصل ده خلانا نكسر حاجز الملل اللي ممكن يكون حسينا بيه
دهبيه : بس انا ست عقله مامشتش ورا عواطفي واحده غيري كان من اول ما عرفت انك بتتجوز وسمعت اللي انا سمعته كانت طربقت الدنيا
زيدان: ده حقيقي وده اللي خلاني استغربت واشك في موضوع الاطفال قلت ما فيش واحده هتقبل بكده ان جوزها متجوز عليها وتسكت كده الا لما تكون محضراله مصيبه كبيره وجت ساعتها في دماغي كلمه زينب اتصلت بابو محروس وقال لي انه قالك فعلا اني اتجوزت ساعتها نسيت كل حاجه وقلت معقول تكوني عايزه توجعيني من الحته دي دماغي اتشلت جريت عليكى زي العيل الصغير عشان اتاكد منك بس الحمد لله الحمد لله على كل شيء
دهبيه : زيدان هو انا قلت لك قبل كده اني بحبك
زيدان : قولتيها بس محتاجك تكرريها على طول وانا كمان عرفت ان لازم اعبرلك عارفه المشكله اللي احنا فيها دي عرفتني ايه
دهبيه : ياترا ايه
زيدان: ان الافعال مش كفايه و الكلام مش كفايه عشان ياكد الحب
دهبيه : مش فاهمه
زيدان: في ولاد كتير بيفضلوا يسمعوا البنات كلام حلو طول الوقت وما بيعملوش حاجه وفي نوع تاني ده اللي زيي دايما افعاله تقول اني بحبك لكن ما بيعبرش بالكلام فعرفت دلوقتي اني لازم يكون في كلام يكون فيه فعل ما اكتفيش بالافعال فقط
دهبيه : انت عندك حق وانا كمان هعمل زيك
زيدان: انتى كده تميتي شهرين الحمل صح
دهبيه : اه الحمد لله فاضل سبع شهور
زيدان: هي بطنك هتبان امتى
دهبيه : ايه قالتلي هتبان بدري لاني حامل في ثلاث توائم
زيدان: ما شاء الله انا بعد الايام منتظر اليوم ده بفارغ الصبر
يلا وصلنا
واول ما دخلوا المدخل زيدان شال دهبيه عشان يطلعها
دهبيه : زيدان نزلى هتتعب كده
زيدان : لا انا عايز كده عايز اشيل عيالى يا ستى واشيلك معاهم عندك مانع
دهبيه بدلع : تؤ معنديش
زيدان: هو انتى ما نفسكيش في حاجه تاكليها كده ولا كده زي ما بسمع عن الستات الحوامل نفسهم بتروح ل فسيخ ورنجه والحاجات دي
دهبيه : اه طبعا نفسى
زيدان: نفسك فى ايه
دهبيه : كحك
زيدان: اول مره اشوف حد بيتوحم على كحك
دهبيه : اديك شفت انا بتوحم عليه 😂😂😂
زيدان: بكره افخم واجمل علبه كحك هتكون عندك
عدى يومين
زيدان: الوو
الدجال: الوو يا معلم انا كلمت زينب زى ما اتفقنا وهى جايه انهارده
زيدان: جايه الساعه كام
الدجال : الساعه ٥ المغرب
زيدان: تمام وقفل السكه فى وشه
عند الدجال الساعه ٥:
الدجال : هاي جبتى معاكي بقيت الفلوس
زينب : اه جبتها اهي هات بقى العمل ومتاكد ان هيجيب نتيجه
الدجال: ما هو جاب نتيجه قبل كده
وهنا دخل البوليس واخد كل الموجودين وسجل لهم صوت و صوره
زينب : ايه ده في ايه
زيدان. ظهر فجاه : في ان خيرا تعمل شرا تلقى
زينب: انا مش فاهمه حاجه
زيدان: انا افهمك
اولا انتي طالق طالق طالق يا زينب لان ما فيش اي شرط من الشروط اللي محتاجها الزواج الصحيح في حالتلك دى الشروط هي
١. الاقلاع عن الذنب وتركه التخلي عن السحر
٢. الندم على ما فات
٣. العزم على ان لا يعود
وانتى ما شاء الله ولا حاجه منهم عملتيها عشان كده جوازنا باطل
زينب : زيدان طب حقك عليا ومش هعمل كده ثاني انا بحبك ما تسيبنيش
زيدان: وانا ما حبتكيش ولا عمري حبيتك ولا شفتك ست اصلا ينفع ان انا اتجوزها يا ريت تاخدوها وتخلصونا
روح زيدان وحكى لذهبيه كل حاجه
دهبيه : كده فاضل انك تطلقها رسمي عند ماذون
زيدان طلع ورقه من جيبه اهي مطلقها من يومين من اليوم اللي عرفت فيه ده كان كابوس رخم والحمد لله خلصت منه
دهبيه : انا نازله لهياتم
زيدان: ليه
دهبيه : هتفق معاها على شويه حاجات
اولا انا هسيبها في الشقه في الاول والاخر هم ولايا
ثانيا هقولها اني هشتري نصيبها في ورث ابويا ولو ما وافقتش هفضل ابعتلها الشهريه زي ما بعمل بس الاول هعرض عليها واشوف نيتها ايه يمكن اللي حصل ده يخليها تبيع وتمشي
زيدان: يا ريت تشتريه ونخلص خالص وحاجه ثانيه انا هبعت البنات تنظف الشقه عشان ترجعي تاني اظن مافيش داعي لوجودنا هنا
دهبيه : خلاص ابعتهم ينظفوها بكره وبعد بكره نرجع تاني
زيدان: خلاص تمام
نزلت دهبيه لهياتم
هياتم : طبعا جايه تشمتي فيا
دهبيه : مش انا اللي اعمل كده
بصي يا هياتم انا هسيبك تقعدي في الشقه زي ما انتي عاوزه بس انا عايزه اشتري نصيبك في المحلات عن ابويا الله يرحمه
هياتم: ولما ابيعهولك اصرف الفلوس وبعدين اقعد اسقف
دهبيه : طيب هسيبك في الشقه والشهريه هتوصلك زي ما كانت بس لو فكرتي تلعبي بديلك ما تلوميش غير نفسك كل اللي حصلك ده كان قرصه ودن يا ريت تكوني اتعلمتي الدرس
سيبتها دهبيه وطلعت شقتها
عدى شهرين وراحت ذهبيه لايه العياده هي وزيدان
ايه : اهلا اهلا بالمعلمه الكبيره والمعلم
دهبيه : ازيك يا ايه وحشتيني
ايه : النونوهات عاملين ايه
زيدان: احنا جايينلك عشان نشوفهم ونطمن عليهم ونعرف
ايه : بس بطنك بانت اهي يا دهبيه
دهبيه : اه شوفتى بقت عامله ازاى
ايه : ها خمنتوا نوعهم ايه ولا لسه
دهبيه : قولى بقى ماتشوقيناش اكتر من كده بقالنا ٤ شهور نفسنا نعرف
ايه : ولدين وبنت
زيدان كان واقف عينه مليانه دموع مش عارف يتكلم من كتر الفرحه
زيدان: طيب هم عاملين ايه صحتهم كويسه
ايه : الحمد لله كويسين قوي واضح ان امهم مهتميه بهم قوي ها ناويين تسموا ايه
زيدان: مش عارف مش عارف
دهبيه : ايه رايك الولادين نسميهم جاد وبيجاد
زيدان: الله حلوين قوي والبنت هاسميها وجد يعني شده الحب والفرح والغنى وانا في اللحظه دي حاسس اني بملك كل المشاعر دي
مشيوا من عند ايه وكانوا فرحانين اوى
بعد ٩ شهور
دهبيه : زيدان الحقني بولد
زيدان: لسه اسبوعين مش ايه قالتلك كده
دهبيه : لا انا بولد اتصل بيها في ميه نازله كثيره اهي
انا خايفه اوى اتصل بيها
زيدان: ايه الحقى دهبيه بتولد وفى مايه نازله مش عارف اعمل ايه
ايه : اهدوا بس وماتخفوش وهاتها المستشفى دلوقتي وتعالى هتلاقينى هناك مجهزه كل حاجه
دهبيه راحت المستشفى وكانت ايه مجهزه غرفه العمليات
دهبيه : زيدان انا خايفه اوى ماتسبنيش
زيدان: مش هسيبك انا هدخل معاها يا ايه مش هاسيبها
ايه : طيب روح خليهم يعقموك وتعالى وانا هدخلك
دخلت دهبيه غرفه العمليات وولدت بالسلامه وخلفت بنت وولدين سموا الولدين جاد وبيجاد والبنت وجد وزيدان كبير في ودانهم وكانوا زى القمر
🙋🏻♂️🙋🏻♂️🙋🏻♂️🙋🏻♂️🙋🏻♂️🙋🏻♂️🙋🏻♂️🙋🏻♂️🙋🏻♂️
عدى سنه وفى خلال السنه دى تم تغيير في حياه الشخصيات
زيدان: صباح الخير على حبايب قلبى
دهبيه : صباح النور
زيدان: على فكره انا بغير بس انتى مش حاسه بيا خليكى فاكره
دهبيه : طب منا كمان بغير وزعلانه منك
زيدان : ليه بقى
دهبيه : انت بتدلع وجد ومهتم بيها اكتر من اخواتها مع ان انا افتكرت العكس افتكرت انك هتهتم بلاولاد اكتر من البنت
زيدان: عشان هما اللى هيشيلوا اسمى والكلام ده
دهبيه : بصراحه اه وانت كان نفسك في ولد من صلبك اهو جالك اتنين
زيدان : ربنا يخليهم كلهم ليا بس فى الاخر دول ولاد هيطلعوا رجاله ناشفين انما وجد مهما كبرت هتفضل برضو حبيبه ابوها اللى محتاجة حنانه انما دول رجاله المفروض نعلمهم يبقوا هما الحنينين على اختهم
دهبيه : طيب حاول تعدل بينهم انت لما بتيجى من الشغل بتفضل شايل وجد لحد ماتنام
زيدان: طب منا بلعب مع جاد وبيجاد
دهبيه : لكن ما بتعملش معاهم نص عمايلك مع وجد
زيدان: حاضر هبقى اخد بالى بس دول رجاله يعنى جو الدلع الزايد ده وحش ليهم خليهم يطلعوا يتحملوا مسئوليه
دهبيه : الحنيه مالهاش علاقة بانك تربيهم رجاله الحنيه انك تحبهم وتحسسهم بحبك
زيدان: هو باين ان فى ناس تانيه هى اللى محتاجة الحنيه 😉😉
دهبيه : كلك نظر
زيدان: بقولك ايه عملكم مفاجأة الاسبوع الجاى
دهبيه : ايه هى
زيدان: وهتبقى مفاجأة ازاى لما اقولك حصرى نفسك بس
دهبيه : ايوه احضر نفسى لايه
زيدان: مش هقولك برضو 😘😘😉
دهبيه : عارف لو المفاجأة معجبتنيش 😡😡😡
زيدان: على فكره يونس كتب كتابه انهارده
دهبيه : ايه ده بجد على مين
زيدان: بنت واحد من معلمين السوق
دهبيه : ربنا يتممله على خير راجل جدع صراحه
زيدان: شكلك مش عايزه تحضرى
دهبيه : ليه بس
زيدان: مش عارف ابلغه
دهبيه : هو انت ليه مش قادر تنسى انه كان متقدملى مهو اتجوز مره والتانيه اهى
زيدان : عمرى ما هنسى ان عينه كانت عليكى ولا هنسى يوم معرف اننا رجعنا تانى لبعض ده كان هيموت فيها
دهبيه : الراجل كله نظر
زيدان: شكلك مش عايزه تجبيها لبر طيب مافيش خروج فى حته يا دهبيه
دهبيه : بهزر بهزر ايه مابتهزرش يا رمضان
زيدان: لا يا دهبيه الحاجات دي مافيهاش هزار
دهبيه : انت قلبك اسود اوى منا كل مره بختارك انت
زيدان: ثبتينى ثبتينى
دهبيه : بقولك ايه محضرالك مفاجاه لما تيجى بليل 😊😊
زيدان: خير يا دهبيه
دهبيه : لا خير خير اوى كمان متتاخرش انت بس
زيدان: لا طالما فيها مفاجأة منروحش خالص
دهبيه : هههههههههههه لا طبعا روح ومتتاخرش
زيدان: تمام انا خارج محتاجين حاجه اجبها وانا جى
دهبيه : عايزينك تيجي بالسلامه
خرج زيدان واتصلت دهبيه بايه
دهبيه : ايه يا قلبى عامله ايه
ايه : الحمد لله بخير
دهبيه : الحجر نطق ولا لسه
ايه : بيلمح بقاله سنه بيلمح
دهبيه : ايه اساليه انتى عى طول قوليلوا انت معجب بيه وشوفى رده عشان ماتفضليش معلقه نفسك كده
ايه : لا طبعا اتحرج افردى بيتعامل عادى
دهبيه : نعم كل ده وبيتعامل عادى وياترا مرتبطش هو كمان ليه هو مشكلته أنه بيتكثف اوى رايى انك تساليه عشان تحطى النقط على الحروف
ايه : رايك كده
دهبيه : ايوه طبعا
ايه : طيب تمام هكلمه انهارده وهقولك اللى حصل
صحيح قولتيلوا انك حامل
دهبيه : بليل
ايه : هههههههههههه الليل واخره
دهبيه : خليكي مؤدبه
ايه: طيب يا مؤدبه اقفلى بقى عشان بينادوا عليا
دهبيه : ماشى سلام
عدى اليوم بدون احداث جديده وجه الليل ووصل المعلم زيدان
زيدان: مساء الخير
دهبيه: مساء النور
زيدان: الولاد فين
دهبيه : عزه بايته معاهم انهارده فى الأوضه
زيدان: ايه بقى ده بقى ده بقى ده الاكل اللى بحبه وشموع ووجه حسن 🤔🤔🤔 وانهارده ولا عيد جوزانا ولا عيد الولاد امال ايه ياترا
دهبيه : خد الهديه دى طيب
زيدان: ايه دى ساعه
دهبيه : افتحها
زيدان: 🥺🥺 اللى فهمته صح
دهبيه : 🥺🥺🥺🥺 اه
زيدان: هههههههههههه بجد
دهبيه : اه انا حامل فى شهر
زيدان: عرفتى امته
دهبيه : انهارده الصبح
زيدان: احلى مفاجأة عملتهالى بس كده هاجل مفجاتى
دهبيه: ليه
زيدان: كنت واخدكوا وهنسافر 😂😂😂
دهبيه : خلاص خلينا نشوف فندق هنا نعمل فيه ويك اند
زيدان : تمام المهم يونس كتب كتابه بكره استعدى عشان هنروح هعدى عليكى بعد المغرب اخدك وننزل
تمام
تانى يوم راح زيدان ودهبيه كتب كتاب يونس ويونس رحب بيهم وقابلت هناك جيران مرات ابوها فى المنطقه
دهبيه : ازيك يا ولاء عامله ايه وولاء عامله ايه
ام ولاء بخير يا دهبيه انتى عامله ايه يا حبيبتي
دهبيه : الحمد لله بخير
ام ولاء: صحيح عرفتى اللى حصل مع مرات ابوكى وبنتها بعد ما خرجت من الحبس
دهبيه : لا خير حصل ايه
ام ولاء مش خير ابدا البت زينب امها قالتلها تنزل تدور على شغل يمكن تقابل حد وتتجوزه المهم زينب اتعرفت على واد من اياهم ورسم عليها انه ياما هنا وياما هنا
وخد كل اللى وراها ومشى
دهبيه : لا حول ولا قوه الا بالله ليه عمل كده
ام ولاء : هو بعد فضحيتها وهى خارجه من عند جميل الدجال حد هيفكر فيها الواد قالها مين مجنون يعيش مع واحده بتاعت اعمال
دهبيه : طيب وهياتم عامله ايه
ام ولاء: من حزنها على بنتها جالها جلطه شلت نصفها الشمال ربنا يعفينا
دهبيه : ربنا يعفينا يارب . يلا كل واحد بياخد نصيبه
ام ولاء : هى محاولتش تكلمك
دهبيه : حتى لو حاولت انا عمرى ما هتواصل معاهم مش سهل اللى حصل وحقى يوم القيامه عند ربنا واكيد مش هيروح وانا مستغنيه عنه فى الدنيا اصله مش هيكون اعز من اللى راحوا وانا مش هقل نفسى
ام ولاء : عندك حق بقولك المعلم زيدان بيناديكى
دهبيه : فتك بعافيه يا خالتى مع السلامه
زيدان: مش يالا نروح بقى عشان ما تتعبيش
دهبيه : يلا بينا
زيدان : مالك شكلك متغير
دهبيه . حكتله اللى حصل
زيدان: انتى مالكيش زنب كل واحد بياخد على اد نيته
دهبيه : عندك حق ممكن بس تكون مشكله هرمونات اللى بتخلينى اتاثر بزياده
زيدان: اتمنى انها تكون بنت
دهبيه : ايه ده بجد طيب لو بنت حبك لوجد مش هيقل
زيدان: استحاله طبعا بس عايزك تبصى فى المرايا كتير عشان تكون شبهك
دهبيه : هههههههههههه مايمكن ولد
زيدان: قلبى بيقولى بنت من ساعت ما عرفت انك حامل
دهبيه : كل اللى يجيبه ربنا كويس المهم انه يبقى سليم معافى
زيدان: امين يارب
عدى اليوم بسلام تانى يوم ايه اتصلت على دهبيه
ايه : دهبيه
دهبيه : خير طالما قلتى دهبيه يبقى خير
ايه : عملت اللى قولتيلى عليه
دهبيه : ها طمنيني
ايه : طلع بيتكثف 🤣🤣🤣🤣🤣
دهبيه : هههههههههههه طب ايه طلبتى ايده ولا لسه ولا هتروحى تخطبيه امته 😂😂😂
ايه : بكره ان شاء الله هيجى مع امه وابوه وأخواته تعارف وقرايه فاتحه
دهبيه ربنا يتمملك على خير يارب
ايه : يارب يا دهب ويكملك حملك على خير
عدى ٨ شهور وفى نفس المستشفى للمره التانيه دهبيه ولدت اجمل بنت وسموها عشق
وتبقى كده خاتمه الرواية
تعليقات
إرسال تعليق