روايه الملاك والقاسي الفصل الاول والثاني والثالث والرابع والخامس بقلم الكاتبه جنات
روايه الملاك والقاسي الفصل الاول والثاني والثالث والرابع والخامس بقلم الكاتبه جنات
««الشخصيات»»
فرح
٢٢ سنه هى فرح وبتدى لاى مكان تكون فيه فرحه وسعاده فى كليه هندسه بتحب دراستها جدااا لان ده كان حلم مامتها انها تكون مهندسه شاطرة كل الناس بتحبها شبه الملايكه بتحب تساعد كل اللى حوليها
~~~~~~~~~~~~~~~~~~~~~~~
ساره
٢٢ سنه صديقه فرح من الطفوله معاها تقريبا فى كل حاجه ودخلت هندسه عشان تكون مع فرح شخصيه مرحه جدااا وجريئه ولسانها مافيش اطول منه عايشه مع مامتها(فريده) وابوها(حسن)
~~~~~~~~~~~~~~~~~~~~~~
فارس الالفى
٣٠ سنه رجل اعمال مشهور من اغنى اغنياء مصر صارم جدااا فى حياته وبيهتم بجسمه جدا و ناجح ف شغله والكل بيعمله الف حساب ذكى جدا وقدر يكون مجموعه شركات الالفى فى كل محافظه فى مصر من جهده وتعبه بيكره الحب وشايف ان الستات كلهم خاينين وده بسبب خيانه والدته لوالده
~~~~~~~~~~~~~~~~~~~~~~~
عامر الشناوى
٣٠ سنه صديق فارس وصندوق اسراره مش بيخبي عليه اى حاجه اتعرفو على بعض فى كليه الهندسه ومن وقتها وهما سوا وشريكه فى كل الشركات عايش مع جده والده والدته اتوفو فى حادث وجده اللى رباه شخصيته مرحه جداا عكس فارس
~~~~~~~~~~~~~~~~~~~~~~~
تعالو الاول نتعرف على فرح وعيلتها
(سيد) والد فرح اتزوج والداتها (فاطمه) وكانو بيحبو بعض جداا وعدى على جوازهم ١٥ سنه من غير مايحصل حمل لما سيد فقد الامل راح اتجوز واحده تانيه (سعاد) وده بموافقه فاطمه طبعااا وبعد شهرين من جوازهم سعاد عرفت انها حامل وقتها فاطمه زعلت اوى بس فرحت عشان خاطر سيد مرت الايام وسعاد ولدت وجابت ولد (زياد) بعدها فاطمه حملت وده فرح سيد اوى وضايق سعاد لان سيد كان مهتم جدااا بفاطمه ومرت الشهور وفاطمه جابت بنت الناس كلها بتحلف بجمالها ورقتها ودى طبعاا بطلتنا (فرح) مرت السنين وسعاد بقت تعمل مشاكل بين سيد وفاطمه وقتها كانت سعاد حامل ووقعت من على السلم واتهمت فاطمه انها السبب فى وقوعها لدرجه ان سيد مبقاش يطيق فاطمه ولا فرح وبيعاملهم بقسوة كانو زى الخادمين عندهم وزياد كان قريب من فرح وكان بيدافع عنها دايما وبيحميها من ضرب ابوها وده يضايق سعاد جداا وفاطمه تعبت واتوفت وده اثر على فرح بس مع تشجيع ودعم زياد قررت انها تحقق حلم والدتها ودخلت كليه هندسه وكانت بتشتغل عشان تصرف على نفسها وعلى دراستها كمان لان سيد مكناش بيديها فلوس ابدااا وكمان اخد كل فلوس ودهب امها طبعا زياد كان بيساعدها بس هى كانت بترفض عشان سعاد كانت بتبهدلها لو اخدت منه فلوس
(زياد)
عنده ٢٨ سنه خريج كليه تجارة بيشتغل محاسب فى شركه فارس حنين جدا على فرح اخته وهو اقرب صديق ليها تقريبا مش بتخبي عليه حاجه بيكره طريقه امه وابوه وطمعهم
~~~~~~~~~~~~~~~~~~~~~~~
اما بقي بطلنا الوسيم فارس هو عايش فى قصر عيله الالفى
فارس بيكره والداته لانها خانت ابوه وكمان هربت مع حبيبها وده كان سبب تعب والد فارس وبعدها اتوفى وفارس مش عايز يعرف عنها اى حاجه ومانع الكل يجيب سيرتها فى القصر
والده فارس (منى)
--------
اللى عايشين مع فارس فى القصر
(ملك)
اخت فارس عندها ٢٠ سنه وفى كليه تجارة شقيه ومرحه جدااا بتحب فارس جدااا بتعبره ابوها لانها كانت صغيره لما اتوفى باباها واكتر حاجه بتكرهها لما حد يقولها انها نسخه من مامتها لان الشبه بينهم كبير
--------
(عادل)
عم فارس شريك فارس فى الشركه الام لانها كانت شركه جده وكمان والده وعمه كانو مع بعض فيها ولما اتوفى والده فارس اخد مكانه فى الشركه وكبرها وانشأ اكتر من فرع ليها وبيحب فارس جدااا وكمان فارس بيحترمه اوى زوجته متوفيه وهو عايش على ذكرى حبهاا
--------
(اكرم)
ابن عادل عم فارس عنده ٢٨ سنه بيشتغل مع فارس فى الشركه بتاع بنات بيسهر ويشرب وكل يوم مع بنت شكل وبيغير من فارس جداا
---------
(فاطمه)
عمه فارس جوزها اتوفى ومش معاها اولاد بتحب فارس وملك كانهم ولادهم وبتخاف عليهم جدااا من الاخر ست مافيش فى طيبه ولا حنيه قلبها فارس بيسمع كل نصايحها وبيعمل بيها
-----------
(زيزى)
مرات (احمد) عم فارس اتوفى فى حادثه وهى عايشه فى القصر هى وبنتها (شيرى) حلمها فى الحياه تجوز بنتها لفارس عشان تستولى على كل الاملاك ببساطه بتعشق الفلوس قد عينيها
---------
(شيرى)
عندها ٢٠ سنه مع ملك فى كليه تجارة مش بتحب ملك وزى مامتها بتحب الفلوس جدااا مش محجبه وكمان لبسها وحش جدااا بتحب فارس لدرجه انها مجنونه بيه
--------
(داده فوزيه)
الكل بيناديها (فوز) كبيرة الخدم فى القصر وفارس بيحترمها جدااا لانها هى اللى ربيته لان والدته كانت مشغول بخروجات مع صحباتها وحاجات تانيه كتير بيعتبرها من العيله وهى بتحب فارس وملك جدااا لدرجه انها خصصت كل وقتها ليهم ورفضت الجواز
&&&&&&&&
روايه الملاك والقاسي
(١ـ٢)
««الفصل الاول »»
فى احدى حارات اسكندريه فى شقه تنام اميرتنا الحلوة وتحلم بوالدتها فاطمه دخلت عليها سعاد وخبطت الباب بقوة فى الحيطه
فرح قامت بخوف:ايه فى ايه
سعاد:الهانم هتفضل نايمه لحد امته
فرح:هى الساعه كام
سعاد:الساعه ٦ ياختى
فرح:لسه بدرى اوى سبينى انام شويا
سعاد:لا ياسنيورة قومى يلا اعملى لابوك واخوك الفطار وجهزى الغدا قبل ماتخرجى
فرح:حاضر هصلى واجى وراكى
سعاد:حاضر ياستنا الشيخه
فرح قامت دخلت الحمام اتوضت وصلت وراحت على المطبخ جهزت الفطار وخرج سيد ابوها من اوضته
فرح:صباح الخير يابابا
سيد:صباح الزفت على دماغك
فرح عينيها دمعت وراحت على اوضتها وقفها زياد:صباح الجمال يافرحتى
فرح ضحكت لانها عارفه انه بيحاول يخفف عنها:صباح الفل يازيزو
زياد:ايه الفطار الجامد ده يلا عشان ناكل سوا
فرح بصت على ابوها:لا انا شبعانه يازياد افطر انت
زياد شدها من ايدها:والله مايحصل لازم تاكلى معايا
فرح فطرت بسرعه وقامت دخلت المطبخ جهزت الغدا وراحت تلبس عشان تلحق محاضرتها
زياد:يلا يافرحتى عشان اوصلك فى طريقى
فرح:انا خلصت اهو
زياد بغمزة:حته مزة انما ايه
فرح:لو سوسو سمعتك هتولع فيك
سيد:الشقه هتخلص امته يازياد
زياد:قربت ياحاج خلاص اسبوعين ان شاء الله و هننقل
سعاد:ياريت البيت قرب يقع بينا
زياد:يلا يافرح الساعه بقت ٩
زياد وصل فرح كليتها وراح على شغله فى شركه فارس
~~~~~~~~~~~~~~~~~~~~~~
فى قصر الالفى وتحديدا فى اوضه بطلنا الوسيم فارس واقف قدام المرايه بيسرح شعره وبيرش البرفيوم بتاعه ونزل كانو الكل قاعدين على السفره بيفطرو
فارس:صباح الخير
الكل:صباح الخير
فاطمه عمته :يلا ياحبيبي افطر قبل ماتخرج
فارس:معلش يافطوم عندى اجتماع ومش عايز اتاخر
شيرى بنت عمه:ممكن توصلنى الكليه يافارس
فارس:عندك السواق خليه يوصلك
ملك نازله بسرعه من على السلم:صباح القشطه
الكل:صباح الخير
فارس حضنها:صباح الخير ياحبيبتى راحه الكليه
ملك:اه ممكن توصلنى بقي لانى متاخرة
فارس:يلا
شيرى:طب مانا نفس الكليه خدنى معاك
فارس بهمس سمعته ملك اللى واقفه فى حضنه:اللهما طولك ياروح
ملك ضحكت
فارس:اتفضلى يلا
شيرى بتجرى عشان تركب قدام
فارس:اركبي ورا ملك اللى هتركب جمبي
شيرى نفخت وراحت ركبت ورا وملك ركبت جمب فارس
فارس وصلهم على الكليه وراح على شركته
~~~~~~~~~~~~~~~~~~~~~~~
فى كليه الهندسه فرح قاعده مع سارة صاحبتها
سارة:وبعدين بقي فى ام الماده اللى مش فاهمه حاجه منها دى
فرح ضحكت:مش حضرتك كل يوم تنامى فى المحاضرة هتفهمى ازاى بقي
سارة:مانا عندى صاحبتى حبيبه قلبي اللى هتفهمنى
فرح:انتى بتاعه مصلحتك اوى
سارة شهقت:ايه ده يافرح اللى فى ايدك
فرح بصت على ايدها:النهارده وانا بجهز الغدا ايدى لمست فى الحله
سارة:بس ده حرق جامد يافرح لازم كريم عشان يخف شويا
فرح:انا متعودة ياسارة مش جديد عليا يعنى
سارة:وبعدين بقي فى مرات ابوكى دى هتفضل تستغلك كدا كتير دانتى ولا كانك خدامه عندها يابنتى
فرح زعلت وعينيها دمعت:مانا صح زى الخدامه عندهم تعرفى لولا زياد كنت هربت منهم وروحت حته محدش يعرفنى
سارة:ياحبيبه قلبي مش لازم تسكتى ليها كدا خدى حقك منها
فرح:فاكرة لما سمعت كلامك ورديت عليها قالت لبابا وجه ضربنى خلينى ساكته احسن
سارة:قولتك قولى لزياد وهو اكيد هياخدلك حقك
فرح:مش بحب اعمل مشاكل بينهم دى مامته ياسارة وبعدين ده بيجهز الشقه عشان ننقل فيها باسرع وقت تعرفى بيقولى هجبلكو واحده تعمل كل شغل البيت عشان يريحنى اروح انا ازود همه واعمله مشاكل مع امه وابوه
سارة:وده كمان ابوكى يافرح
فرح:تصدقى من معاملته معايا بحسه مش ابويا ده لو جايبنى من الشارع كان عاملنى احسن من كدا
سارة:ياروحى ربنا يريح قلبك ويبعتلك ابن الحلال اللى يعيشك ملكه لانك تستاهلى كل خير
فرح ضحكت:طب يلا عشان المحاضرة عشان الحق اروح الشغل مش عايزة اتاخر
سارة:يلا
~~~~~~~~~~~~~~~~~~~~~~~
فارس دخل على الشركه بكل هيبته وثباته والعيون كلها عليه وخصوصا البنات طبعااا
وصل عند السكرتيرة بتاعته:اعمليلى قهوة وهاتيلى ورق الصفقه بسرعه
سهام بدلع:حاضر يامستر فارس
فارس دخل مكتبه وقعد مكانه وبعد شويا سهام دخلت وهى بتدلع كانت لابسه جيبه قصيرة وضيقه جدااا وشميز ضيق وفاتحه اول زرارين وحطت القهوة قدام فارس والورق اللى طلبه
فارس بحده:اتفضلى اخرجى وياريت القرف اللى انتى لابساه ده ميتلبس تانى
سهام بخوف:حاضر يامستر فارس
سهام خرجت وفارس فضل يشتغل على الورق وفجاه الباب اتفتح ودخل عامر
عامر:صبح صبح ياعم الحاج
فارس:هو انت يابنأدم مش هتتزفت تخبط على الباب قبل ماتدخل
عامر وهو بيقعد على الكرسي:انت المفروض تكون اتعودت بقي
فارس:خلصت الورق اللى معاك
عامر:كله ضن يامعلم
فارس:ماتتعدل ياحيوان ايه معلم دى
عامر:اسف يابرنس
فارس:غور من وشي الوقت احسنلك
عامر خرج بسرعه من المكتب وباب خبط ودخلت سهام
سهام:الوفد موجود فى اوضه الاجتماعات يافندم ومنتظرين حضرتك
فارس:تمام
فارس راح على الاجتماع وبعد فترة الكل خرج من اوضه الاجتماعات وكان لسه فارس وعامر وزياد
فارس:جهزلى الميزانيه يازياد فى اسرع وقت
زياد:تمام يافندم وخرج من الاوضه
عامر:زياد ماشاء الله بقاله فترة قصيرة معانا بس اثبت نفسه
فارس:انا بحب الشاب اللى بيتعب عشان يثبت نفسه عندك اكرم ابن عمى بيجى الشركه وبيمشي مش بيعمل حاجه
عامر:كفايه عليه يوقع البنات
فارس ضحك:فى دى معاك حق
عامر:كدا خلصنا نمشي بقي ولا ايه
فارس:هستنى شويا عشان هجيب ملك من الكليه فى طريقى اوصلها ومتنساش عشا العمل النهارده
عامر: كويس انك فكرتنى
فارس:اوعى تتاخر ياعامر
عامر:ماشي ياصاحبي يلا سلام
فارس:سلام
~~~~~~~~~~~~~~~~~~~~~~~
فرح خلصت محاضرتها وودعت ساره وراحت على مكان شغلها كانت بتشتغل جرسون فى مطعم
فرح دخلت:اتاخرت ولا ايه
شهد معاها فى الشغل:المدير عايزك يافرح روحيله بسرعه
فرح:ربنا يستر
فرح لبست لبس الشغل وراحت على مكتب المدير وخبطت واذن لها بدخول
فرح:مساء الخير يافندم
المدير وليد:الساعه كام يافرح
فرح: ٤ونص يافندم انا اسفه بس المحاضرة طولت شويا
وليد:فرح انا مقدر انك بنت مجتهدة وبتدرسي بس ياريت يبقي فى التزام بالمواعيد
فرح:انا اسفه مش هتكرر تانى
وليد:اتفضلى على شغلك النهارده المطعم هيكون فى ناس مهمين جدااا وهيكون عندهم اجتماع هنا
فرح:تمام يافندم
فرح وشهد كانو بيشتغلو وفرح كانت فى المطبخ
شهد:يالهوى يالهوى
فرح :فى ايه مالك
شهد:مزز مزز فى المطعم
فرح:بنات
شهد:بنات ايه انتى التانيه شباب بس ايه اخر وسامه
فرح:امشي يابت خلينى اجهز الاوردر عشان اخرج بيه
وليد دخل المطبخ:فرح من عايز اى غلط فاهمه
فرح:فاهمه يافندم
فرح خرجت بالقهوة والعصير وبدات تحطهم على الترابيزة قدامهم وشافت كل الموجودين وكان فارس وعامر ومعاهم راجل كبير وابنه ومرات ابنه
فرح رجعت على المطبخ وخبطت فى شهد والعصير وقع على هدومها
فرح:يوووه ياشهد
شهد:اسفه والله روحى اغسلى هدومك دى بسرعه فى الحمام
فرح:حاضر
فرح راحت الحمام وبنت اللى كانت قاعده على الترابيزة دخلت مع فرح ولسه فرح هتخرج سمعت البنت دى بتتكلم فى الفون
بنت:فارس ده جمال ووسامه حاجه كدا مش موجوده ........طبعااا لازم اوقعه هو انا اى حد دانا مى المهم انه يمضي على الورق...........فى ورقه بين الورق لو مضي عليها يبقي المناقصه لينا ان شاء الله
فرح فى نفسها:نهار اسود دول هينصبو عليه لازم اعرفه بس هو انهو واحد فيهم فارس ده
فرح راحت المطبخ لقت وليد:كنتى فين يافرح
فرح:كنت فى الحمام
وليد:طب يلا خرجى الاكل ده انتى وشهد
فرح وشهد:حاضر
فرح وشهد خرجو بالاكل وفرح عايزه تعرف مين فارس ده حطو الاكل ودخلو تانى المطبخ
شهد:يالهوى ياولاد قمر زى مانشوفه فى المجالات
فرح:مين ده
شهد:فارس الالفى
فرح:انتى تعرفى مين فيهم فارس
شهد:اه المز اللى لابس بدله سوده
فرح راحت تبص لقيته شاب فى منتهى الوسامه على رأي شهد وكمان واثق من نفسه اوى
فرح:طب اقوله ازاى ده...... ايه ده يالهوى ده هيمضي على الورق
فرح خرجت بسرعه وقربت منه:فارس بيه فى واحد عايز حضرتك
فارس ساب الورق باستغراب:واحد مين ده
فرح:حضرتك تعالى معايا وانا هوديك ليه
عامر بغمزة وبهمس:قوم ياباشا الله يسهله
فارس بصله بغضب وبص لفرح تانى:اتفضلى معايا
فرح مشت وفارس راح وراها وراحت على اوضه صغيرة جمب المدخل
فارس:هو فين ده
فرح:انا اسفه يافندم انا كذبت عليك بس فى حاجه مهمه لازم تعرفها
فارس بسخريه:اه قولى بقي كدا بتكذبي عليا اكيد زيك زى باقى البنات اللى بتبيع نفسها عشان خاطر الفلوس كلكو زى بعض لزمته ايه بقي الحجاب
فرح نزلت الدموع من عينيها:حضرتك حكمت عليا بسرعه اوى انا مش كدا وانا اسفه انى كذبت عليك كنت عايزة اقولك ان البنت اللى قاعده معاكو على الترابيزة
فارس:مالها
فرح حكيتله اللى سمعته منها
فرح بدموع:انا مقدرش اسمع حاجه زى دى واخبيها ده مش من طبعى وانا اسفه مرة تانيه لو كنت ازعجت حضرتك
فرح سابته وخرجت وفارس ندم على الكلام اللى قاله ليها وراح قعد معاهم على الترابيزة ومسك الورق وفضل يقلب فيه شويا وشاب والبنت اللى معاهم بيبص لبعض برعب
فارس قطع الورق ورماه على الترابيزة
عامر:فى ايه يافارس
فارس:مش عايزة الصفقه دى يلا ياعامر
الراجل الكبير:ليه كدا يابنى فى حاجه فى الورق
فارس:اسال ابنك ومراته
فارس مشي هو وعامر وركبو العربيه
عامر:ماتفهمنى فى ايه يابنى
فارس حكاله من اول ماراح مع فرح على الاوضه
عامر:يابنى انت لازم تحكم على الناس بسرعه كدا
فارس:فكرتها شبههم اعمل ايه بقي
عامر:لازم تكافأ البنت دى دى انقذتنا كلنا والله
فارس:انا حتى معرفش اسمها
عامر:مش مشكله هى بشتغل هنا هنعرف نوصلها
فارس:تمام مش وقته يلا نروح
فارس وصل عامر ورجع على القصر
~~~~~~~~~~~~~~~~~~~~~~~
عامر دخل الفيلا كان جده بيستناه
كامل جده:حمدلله على السلامه يابنى
عامر باس راسه:الله يسلمك ياابو كمال ياعسل
كامل:مش هتتغير ابدااا يلا ادخل اتعشا
عامر:لا انا كان عندى عشا عمل واكلت
كامل:مش ناوى تفرحنى بيك يابنى بقي
عامر:يوووه ياجدو مش بتزهق من الاسطوانه دى
كامل:نفسي افرح بيك واشوف ولادك قبل مااموت
عامل:بعد الشر عليك ياجدو ليه الكلام ده انا كدا هزعل منك
كامل:ماشي ياحبيبي اطلع غير وارتاح
عامر:اصبح على خير ياابو كمال
كامل:وانت من اهل الخير يابنى
~~~~~~~~~~~~~~~~~~~~~~~
فارس وصل القصر وطلع على اوضته ودخلت وراه ملك:مساء الخير يافروستى
فارس:يابنتى مش قولتك بلاش ام الكلمه دى وبعد كدا تخبطى على الباب قبل ماتدخلى
ملك:يوووه بقي مش بدلع اخويا حبيبي
فارس:هااا جيبي من الاخر عايزه ايه
ملك:عايزة ادرب فى شركتك ممكن
فارس:تنورى يالوكااا بس انا معنديش ياما ارحمينى شغل يعنى شغل
ملك:وانا قدها يا باشا
فارس:عايزة تبدأى من امته
ملك:بكرة لو امكن بس هيبقي بعد الكليه
فارس:تمام خلصى محاضراتك وتعالى على الشركه هابقي ابعتلك السواق
ملك باسته من خده:انت احلى اخ فى الدنيا
فارس:طب يلا روحى نام
ملك:نسيت اقولك شيرى هتيجى هى كمان تتدرب معايا
فارس:استغفر الله العظيم
ملك ضحكت:طنط زيزى اللى قالتلى اقولك انا ماليش دعوة
فارس:امرى لله اخرها يومين مش هتستحمل الشغل وهتمشي
ملك:يلا اصبح على خير
فارس:وانتى من اهل الخير يالوكااا
ملك خرجت وفارس خد شاور وغير ونام على السرير بيفكر فى فرح وانه جرحها بكلامه وشكلها بنت محترمه ونام بعد تفكير كتير......
&&&&&&&&&&&&&&&&&&
روايه الملاك والقاسي
««الفصل التانى»»
اشرقت شمس يوم جديده
فى بيت فرح
سيد:اومال مقصوفه الرقبه فين
سعاد:السنيورة لسه نايمه
سيد:نايمه كل ده اما وريتها
سيد جاب جردل ميا وحط فيه تلج ودخل اوضه فرح وكب الميا عليها فرح شهقت من بروده الميا ولما شافت سيد واقف قدامها اترعبت
سيد مسكها من شعرها ولفه على ايده :مفكرة نفسك عايشه فى اوتيل ياروح امك هااا وضربها بقلم بوقها اتجرح من جمب ومناخيرها نزف
فرح بعياط وحاطه ايدها على ايده عشان تخفف من شده لشعرها:خلاص ونبي عشان خاطرى يابابا ونبي
زياد جه بسرعه وبعد ابوه عن فرح وهى استخبت فى حضنه وفضلت تعيط:فى ايه يابابا ايه اللى حصل لكل ده
سيد:الهانم نايمه لحد الوقت وامك هى اللى وافقه تعمل الفطار بنفسها
زياد بعصبيه:محصلش حاجه لكل ده يابابا فرح كل يوم اللى بتعمل الفطار والغدا وكمان بتنزل كليتها وبتشتغل تعمل ايه اكتر من كدا ومن حقها تنام شويا ده ساعه ٨ يعنى
سعاد:افضل انت تدافع عنها وهى تتدلع بزياده
سيد وسعاد خرجو وفرح منهارة فى حضن زياد بعد شويا بعدها عن حضنه وجاب قطن ومسحلها الدم من بوقها ومناخيرها
زياد:بقيت احسن
فرح هزت راسها بلا
زياد:خلاص يافرحتى بقي يلا قومى البسي وهاخدك ونروح نفطر فى احلى مطعم
فرح بعياط:مش عايزة انا هروح الشغل بس حتى الكليه مش هروحها
زياد:طب ليه كدا
فرح بعياط اكتر:اروح ازاى بوشي ده هاااا ممكن تفهمنى
زياد اخدها فى حضنه:حقك عليا ياحبيبتى انا اسف والله
فرح بانهيار:هو ليه بيكرهنى كدا مش انا بنته بردو انا بقيت بكرهه يازياد مش عايزة اشوفه كل اما اشوفه افتكر امى اللى ماتت مقهورة بسببه
زياد:خلاص بقي كفايه عياط قومى صلى وغيرى عشان تروحى الكليه
فرح لسه هتعترض
زياد:ده حلم فطومه يافرحتى يلا قومى
فرح قامت اتوضت وصلت وغيرت وخرجت كان سيد قاعد فى الصاله لما شافته خافت
زياد:يلا يافرح عشان اوصلك
فرح خرجت مع زياد وصلها على الكليه وراح هو على الشركه
~~~~~~~~~~~~~~~~~~~~~~~
فارس صحى وجهز ونزل عشان يفطر معاهم
فارس وهو بيقعد مكانه على السفره:صباح الخير
فاطمه:اخيرااا هتفطر معانا
فارس:النهارده مش مستعجل يافطومه
داده فوزيه بتحط فنجان القهوة قدام فارس:قهوتك ياحبيبى
فارس:صباح الخير يافوز عارف انى مقصر معاكى بس مشغول فى الشركه والله
فوز:ربنا يقويك ويعينك يابنى يارب
ملك:النهارده هخلص محاضرتى واجى على الشركه
شيرى بدلع:وانا كمان يافارس
فارس بص على لبسها كان فستان بحملات ضيق وقصير جداااا
فارس بحده:وحضرتك هتيجى الشركه باللبس ده
شيرى:اكيد
فارس قام وقف:لو هتيجى بالمنظر ده يبقي بلاش احسن حضرتك راحه تشتغلى مش راحه كباريه
فارس خرج وشيرى بصت لامها:شايفه يامامى بيكلمنى ازاى
اكمل نازل من على السلم:مالك زعلانه ليه
شيرى:فارس بيقولى لبسي وحش وبلاش اروح الشركه بيه
اكمل بصلها من فوق لتحت:بقي ده وحش ده جامد اوى
عادل:احترم نفسك احسنلك وياريت تبقي تروح الشركه اللى بقالك اسبوع مدخلتاش
اكرم:حاضر يابابا حاضر
زيزى:ينفع اللى فارس بيعمله مع بنتى ده يافاطمه
فاطمه:هو عنده حق دى شركه ازاى تروح بلبسها ده انا مش عارفه انتى ازاى موافقه انها تخرج كدا
زيزى:دى موضه ياحبيبتى
فاطمه:خلى الموضه تنفعها
ملك:انا ماشيه باى يافطوم
فاطمه:خدى بالك على نفسك ياحبيبتى
ملك:حاضر يافطومه
~~~~~~~~~~~~~~~~~~~~~~~
فى الكليه عند فرح
ساره بعصبيه:ازاى يعنى يمد ايده عليكى كدا
فرح بتعب واضح:انا تعبت ياسارة اوى مخنوقه وعايزة اعيط كتير اوى
ساره حضنتها:ياروحى انا حاسه بيكى والله بس انتى اللى غلطانه يافرح اكتر من مرة اقولك اتكلمى خدى حقك منها
فرح:انا مش بيتكلم وبيحصل فيا كدا اومال بقي لو اتكلمت ونبي ياساره اسكتى
سارة:طب فين زياد
فرح:تعرفى لومكانش زياد لحقنى كان هيقتلنى
سارة:متزعليش ياحبيبتى صح نسيت اقولك فى شركه طالبه موظفين لتدريب عندها ويكونو طلاب وكمان دى فرصه كويسه لينا عشان الكليه
فرح:شركه ايه
سارة:شركه كبيرة اوى وليها فروع فى كل محافظه تعرفى ان اكتر المبانى والمنشات المعروفه فى مصر من المهندسين اللى شغالين فيها
فرح:طب وشغلى فى المطعم
سارة:لو اتقابلنا فى الشركه دى هتبقي فرصه جامده وانتى تقوليلى مطعم يافرح بصى خليكى فى المطعم زى مانتى لما نشوف هنتقبل ولا وخلاص الامتحانات قربت اهى والتدريب هيبقي فى الاجازة
فرح:حاضر انا لازم اروح عشان متاخرش زى امبارح
سارة:انتى كويسه شكلك تعبان
فرح:متقلقيش عليا انا كويسه
~~~~~~~~~~~~~~~~~~~~~~~
فى شركه فارس ملك وشيرى وصلو وقابلهم عامر:لوكاااا عامله ايه
ملك:كويسه جدااا وجايه ادرب عندكو
عامر:فارس قالى تعالى اوديكى قسم الحسابات
شيرى:حضرتك هو انا شفافه
عامر:سورى ياشيرى ماخدتش بالى
ملك مقدرتش تمسك ضحكتها وده ضايق شيرى جدااا
راحو مكتب الحسابات
عامر:ده احمد وزياد هيكونو معاكو هنا وهتدربو معاهم زياد مش هوصيك عليهم
زياد:تمام يافندم
عامر خرج وشيرى وملك فضلو معاهم وملك مركزة جدااا وبتحاول تفهم كل حاجه وشيرى كانها فى عالم تانى هى كانت جايه الشركه عشان تبقي قريبه من فارس بس للاسف هتبقي بعيده عنه
~~~~~~~~~~~~~~~~~~~~~~~
فارس خرج من الشركه وراح على المطعم اللى بتشتغل فيه فرح دخل وقعد على اول ترابيزة وقرب منه وليد اول ماشافه:فارس باشا منور المكان
فارس:شكراا ياوليد
وليد:تأمرنا بايه يافندم
فارس:فى بنتين كانو بيقدمو الاكل امبارح وقت الاجتماع هما فين
وليد:لو صدر منهم اى غلط قولى ياباشا وانا اتعامل معاهم
فارس:لا خالص انا عايزة واحده منهم بس مش عارف اسمها
وليد:اسماءهم شهد وفرح ياباشا لحظه اشوفهم
وليد دخل المطبخ ورجع معاه شهد:دى شهد يافارس باشا
فارس:لا اللى كانت معاها
شهد:حضرتك تقصد فرح
وليد:فرح بتدرس فى كليه هندسه بتخلص محاضرتها وبتيجى الشغل الساعه ٣ زمانها على وصول
شهد شافت فرح داخله المطعم:فرح وصلت يافندم
فارس بص على مكان فرح ووليد نادى عليها وفرح خافت اول ما شافت فارس
فرح:مساء الخير
وليد:مساء الخير يافرح انتى كويسه ايه اللى فى وشك ده
فرح وهى بتحط ايدها على بوقها:اه يافندم بخير
كل ده تحت نظرات فارس ليها
وليد:الباشا كان بيسال عنك
فرح بخوف:انا ليه
فارس:معلش يا وليد سبنى معاها شويا
وليد وشهد مشو وفرح واقفه خايفه
فارس:اتفضلى ياانسه فرح ممكن نتكلم شويا
فرح:بس مافيش حاجه بينا عشان نتكلم انا اسفه
فارس قام وقفه قدامها وفرح رجعت لورا كذا خطوة وده عجب فارس اوى
فارس:انا جاى اعتذرلك عن كلامى امبارح انا اسف وده طبعااا مش بيحصل كتير انى اعتذر لحد
فرح:حصل خير
فارس طلع ظرف ابيض:دى مكافاه بسيطه لانك وقفتى معايا امبارح وقولتلى اللى سمعتيه
فرح بصت لظرف وبصت لفارس:ده ايه ده
فارس:ده مبلغ بسيط زى مكافاه ليكى
فرح:انا اسفه مش هقدر اقبله وانا لما ساعدت حضرتك مفكرتش فى كدا عشان الفلوس وانا متاكده حتى من غير مساعدتى انت مكنتش هتمضي على الورق بردو
فارس باستغراب:ليه متاكده يعنى
فرح:حضرتك شاطر فى شغلك وكمان عندك ثقه فى نفسك وده اللى سمعته عنك واكيد كنت هتشوف الورق مش هتمضي وخلاص
فارس ابتسم:طب ده كارتى ممكن تخليه معاكى لو احتاجتى اى حاجه كلمينى
فرح خدت الكارت:شكرا لحضرتك
فارس :طب القهوة بتاعه امبارح مين اللى كان عملها
فرح:انا
فارس:طب ممكن تغيرى قهوتى وانتى اللى تعمليها
فرح استغربت:لسه هى دى وحشه
فارس:حلوة بس مش زى بتاعتك
فرح مسكت الفنجان:دقيقه وتكون عندك القهوة
فرح دخلت غيرت هدومها ووعملت القهوة وخرجت تانى تقدمها
فرح:اتفضل القهوة
فارس:شكراا يافرح
فرح:العفو
فرح دخلت المطبخ تانى وهى مستغربه نظرات فارس ليها
خلص اليوم والكل راح على بيته
~~~~~~~~~~~~~~~~~~~~~~~
فرح رجعت البيت كان سيد قاعد مع واحد كبير فى السن وبيبص لفرح بنظرات غريبه فرح خافت ودخلت على اوضتها بسرعه
بعد شويا الراجل مشي وسيد نادى على فرح
فرح بخوف:نعم
سيد:ايه رايك فى عريسك
فرح:عريس مين
سيد:المعلم جعفر اللى كان قاعد معايا وانتى داخله
فرح:لالا ونبي يابابا انا لسه قدامى كليه وكمان ده كبير اوى
سعاد:محدش اخد رايك يابت انتى هتتجوزيه يعنى هتتجوزيه ده هيدفع مهرك مليون جنيه
فرح بعياط وراحت قعدت على ركبتها قدام سيد اللى قاعد على الكنبه:ونبي يابابا عشان خاطرى ونبي طب عشان خاطر ماما بلاش ابوس ايدك يابابا ونبي بلاش
زياد دخل وشاف فرح بتعيط جرى قومها:مالك ياحبيبتى بتعيطى ليه
سعاد:البت جيلها عريس وهيدفع مهرها مليون جنيه ومش عاجبها
زياد:عريس مين ده
سيد:المعلم جعفر
زياد بعصبيه:ده راجل قد ابوها ومتجوز مرتين انت بتقول ايه يابابا
سيد:هو ده اللى عندى انا اديت كلمه لراجل
زياد بعصبيه وصوت عالى:مش هيحصل حتى لو هاخدها ونروح فى اى حته متعرفوش مكانها ابدااا فاهمين
سيد بص لسعاد لانه عارف ان زياد مش بيهدد وممكن ينفذ كلامه:خلاص اللى تشوفه بس تصرف على البيت من شغلهاا
زياد:ليه هو مرتبي مش مكفيكوو فرح بتشتغل وبتصرف على دراستها وعلى نفسها محدش هياخد منها جنيه واحد
سعاد:حاضر يانور عينى ادخل غير عشان تتعشي بقي
زياد اخد فرح اللى بتعيط ودخل اوضتها وقعدها على السرير:خلاص بقي الموضوع انتهى بطلى عياط بقى
فرح:انا خايفه يرجع فى كلامه تانى
زياد:انا معاكى ياحبيبتى يلا غيرى وتعالى نتعشي سوا
فرح:لا انا عايزه انام يازياد ونبي
زياد:حاضر ياحبيبتى نامى
زياد خرج وفرح غيرت هدومها ومسكت صورة والدتها:وحشتنى اوى يافطوم وفضلت تعيط كتير لحد مانامت.....
&&&&&&&
روايه الملاك والقاسي
(٣ـ٤)
««الفصل التالت»»
مرت الايام وفرح وسارة خلصو امتحانات وظهرت النتيجه وفرح طبعااا كالعاده الاولى على دفعتها
~~~~~~~~~~~~~~~~~~~~~~~
فرح صحت من النوم بدرى وقامت اتوضت وصليت وخرجت جهزت الفطار والغدا وراحت تغير عشان تنزل
زياد:صباح الورد يافرحتى
فرح:صباح النور يازيزو
زياد:راحه فين انتى مش هتفطرى
فرح:لا هنزل عندى مقابله فى شركه مهمه اوى وادعيلى يارب اتقبل فيها
زياد:ان شاء الله ياحبيبتى هما هيلاقو زيك فين مهندسه شاطرة
سعاد بسخريه:قال مهندسه قال
فرح:ربنا يجبر بخاطرك زى مانت على طول بتجبر بخاطرى
زياد:استنى بقي عشان اوصلك
فرح:لا سارة مستنيانى تحت وهنروح سوا
زياد:خدو بالكو على نفسكو
فرح:حاضر ياحبيبي
~~~~~~~~~~~~~~~~~~~~~~~
فارس جهز ونزل كان الكل بيفطر:صباح الخير
الكل:صباح الخير
فارس بحده:شيرى لو هتروحى الشركه عشان تقعدى على فونك انا بقولك بلاش تروحى احسن عشان اللى حصل الفترة اللى فاتت لو اتكرر مش هعديها ماشي
شيرى بصت لملك:لحقتى تعرفيه
فارس:انا مش عيل عشان حد يجى يقولى مواظفين بيعملو ايه فى شركتى ماشي
ملك:استنى يافارس هاجى معاك
فارس:يلا
ملك:وانتى ياشيرى ابقي خلى حد يوصلك
ملك مشت مع فارس وشيرى بصت لامها:شوفتى طريقتهم
زيزى:وبعدين يافاطمه فى ابن اخوكى ده
فاطمه:مش كل يوم نفس الحوار بقي
فاطمه قامت دخلت المطبخ
عادل:بقيتى ممله يازيزى بجد
عادل مشي
زيزى:ماشي يافارس باشا شوف هعمل فيك ايه
شيرى:هتعملى ايه يامامى
زيزى:انتى لازم تروحى الشركه وتفضلى فيها فاهمه وبعدين هابقي اقولك انا ناويه على ايه
شيرى:حاضر
~~~~~~~~~~~~~~~~~~~~~~~
فرح وسارة وصلو الشركه وكان فى بنات وشباب كتير موجودين عشان المقابله
ساره:يانهار اسود كل دول جايين عشان المقابله
فرح:ربنا يستر ونتقبل
سارة:يارب
فى مكتب فارس
عامر:يعنى رفضت الفلوس
فارس:اه
عامر:وانت عملت ايه
فارس:هعمل ايه يعنى اديتها الكارت بتاعى
عامر:شكلها بنت محترم بجد ومزة وعليها جوز عيون يدوخووو
فارس:ماتحترم نفسك ياض انت
عامر:انت وقعت ولا ايه
فارس:عاااااامر ايه اللى وقعت دى بنت عاديه زى اى بنت بتعدى علينا ايه الجديد يعنى
عامر:خلاص ياعم انا هروح مكتبي عشان المقابله هدخلك الاوائل وانا باقى الطلبه ماشي
فارس:يلا
عامر خرج وقف قدام الطلاب :اهلا بيكو فى الشركه انا الباشمهندس عامر وان شاء الله هنبدا المقابله الوقت انا عايز بس الاوائل يفضلو على جمب كدا لانهم هيدخلو لرئيس الشركه
فرح ومعاها شاب وبنتين راحو على جمب وبدا الكل يدخل بالدور
~~~~~~~~~~~~~~~~~~~~~~~
فى مكتب عامر الباب خبط
عامر:اتفضل
سارة دخلت:صباح الخير يافندم
عامر:خير منين بقي مافيش ولا طالب عدل
سارة:نعم
عامر:لا متاخديش فى بالك تعالى اتفضلى
سارة قاعدت على الكرسي وعامر بدا يسالها شويا اسئله وسارة بترد بكل ثقه
عامر:والله يابنتى الله يصلح حالك
سارة:ايه هتقبل
عامر:طبعااا هتكونى معانا
سارة بفرحه:شكرااا اوى بجد وخرجت بسرعه عشان تفرح فرح
سارة جرت على فرح:اتقابلت يافروحه
فرح:مبروك ياقلبي
سارة:مالك خايفه ليه
فرح:بيقولو رئيس الشركه صعب اوى وانا مرعوبه
سارة:انتى الاولى على دفعتك ياقلبي خلى عندك ثقه فى نفسك
السكرتيره سهام:فرح السيد
فرح:انا
سهام:اتفضلى
~~~~~~~~~~~~~~~~~~~~~~~
فى مكتب فارس بيكلم عامر فى الفون بتاع المكتب:ولا واحد كويس مش عارف اوائل ازاى دول
عامر:انا لسه خارج من عندى بنت رهيبه
فارس:من كل العدد اللى برا واحده بس
عامر ضحك:لا بقو ٣
فارس:لا كتر خيرك
الباب خبط
فارس:اقفل الوقت ..اتفضل
فارس وشه فى الورق اللى قدامه وفرح دخلت وشافته قدامها منطقتش
فارس رفع وشه:فرح
فرح:صباح الخير
فارس:صباح النور تعالى اتفضلى
فرح قعدت على الكرسي وهى متوترة
فارس:فرح السيد الاولى على دفعتها مالك متوترة ليه كدا
فرح:ابدااا اول مرة اعمل مقابله
فارس:لا متقلقيش وبعدين من الورق اللى قدامى باين عليك شاطرة وبتحبي الدراسه
فرح:جدااا
فارس فضل يسالها شويا اسئله وهى ترد عليه
بعد شويا:مبروك يافرح تقدرى تيجى من بكرة باذن الله
فرح:بجد شكرااا لحضرتك
فارس:العفو
فرح خرجت وقالت لسارة وفرحو اوى انهم هيكونو سواا
~~~~~~~~~~~~~~~~~~~~~~~
بالليل ملك بتتمشي فى الجنينه جه من وراها صاحب اكرم :القمر ماله
ملك اتخضت وخافت لما لقيته قريب منها ومتعرفش مين ده :انت مين
صاحب اكرم محمود قرب عليها وهى بتبعد لورا
ملك:ابعد عنى والله هقول لفارس
محمود:انتى بس لو تطوعينى يامزة
ملك عيطت ومحمود حاصرها بين ايده فى الشجرة
فارس دخل القصر وسال الحارس:ملك رجعت
الحارس:ايوا وهى فى الجنينه ياباشا
فارس راح على الجنينه وشاف حد قريب من ملك راح عندهم بسرعه
ملك كانت بتعيط لما شافت فارس ارتاحت
فارس مسكه من هدومه ولفه ليه وضربه بوكس قوي وقعه على الارض
فارس اخد ملك فى حضنه:انتى كويسه ياحبيبتى
ملك هزت راسها باه
فارس راح تانى لمحمود وفضل يضرب فيه:انت مين ياابن🐶
والكل خرج على صوتهم
عادل:فى ايه يافارس مين ده
فاطمه خدت ملك فى حضنها:مالك ياحبيبتى
ملك بعياط:حاول يقرب عليا جامد ياعمتوو
اكرم جرى بسرعه عليهم:انت بتعمل ايه بتضربه ليه
فارس:انت تعرفه
اكرم:اه ده محمود صاحبي وجاي يسهر معايا
عادل راح شد اكرم وضربه بالقلم:انا كام مرة اقولك متجبش الاشكال دى القصر انت ايه يابنى ادم مش بتفهم
اكرم:يابابا انا..
عادل:اخرس مش عايز اسمع صوتك
فارس قرب من عمه:اهدى ياعمى عشان متتعبش
عادل بتعب:خليه يغور من وشي
فاطمه:خلاص ياعادل وتانى مرة يااكرم اسمع كلام ابوك وابن عمك وبلاش تجيب حد غريب البيت فى بنات
فارس:خد صاحبك ارميه بره القصر
الكل دخلو وفضل اكرم وصاحبه اللى واقع على الارض وشيرى وزيزى
اكرم:قوم قوم مش لاقى غير اخت فارس
محمود:مش ناقصك انا
اكرم:تعالى نخلى السواق يوصلك
اكرم ركب محمود العربيه ورجع تانى لزيزى
زيزى قربت من اكرم:خليك معايا عشان ناخد حقنا منه
شيرى:انتى بتخططى لايه يامامى
زيزى:انتو لازم تكونو فى الشركه وتجبولى كل اخبار فارس وانا هابقي اقولكو على الخطه ..هااا يااكرم معايا
اكرم:معاك بدام فيها دمار لفارس
زيزى:اكيد دماره على ايدى
~~~~~~~~~~~~~~~~~~~~~~~
فارس وصل عمه لاوضته وراح اوضه ملك اللى فى حضن عمتها بتعيط اول مافارس دخل الاوضه جرت على حضنه:كنت خايفه يافارس
فارس:اهدى خلاص يالوكااا انا معاكى ياحبيبتى
فاطمه:يلا ياحبيبتى عشان تنامى وترتاحى
فارس:اه يلا فى بكرة شركه بدرى ولا عايزة تتاخرى وتكسفينى
ملك ضحكت:وانا اقدر اكسفك بردو دانت حبيبي
فارس:يلا اصبحى على خير يالوكا
ملك نامت فى حضن فاطمه:خليكى معايا النهارده ممكن
فاطمه:ممكن طبعاا يلا نامى
فارس خرج من الاوضه وراح على اوضته خد شاور وغير ونام
~~~~~~~~~~~~~~~~~~~~~~~
تانى يوم فرح صحت بدرى ولبست عشان تروح الشغل وخارجه من الاوضه
سعاد:هى الهانم مصحتش بدرى وجهزت الفطار والغدا ليه
فرح:النهارده اول يوم شغل ليا ولازم اروح عشان متاخرش
سيد:وعلى كدا هتقبضي كام
فرح بحزن:معرفش يابابا انا لسه فى فترة تدريب
سيد:اهااااا يعنى راحه جايه كل يوم على الفاضى
سعاد:وانتى سبتى المطعم يابت انتى
فرح:اه سبته
سعاد:لا ترجعى تشتغلى تانى فيه ومرتبك كل شهر تديه لابوكى
فرح:بس كدا هيبقي كتير عليا مش هقدر اشتغل فى مكانين
سيد بصوت عالى:اسمعى كلام ستك يابت انتى
فرح بحزن:حاضر يابابا
سيد:يلا غورى من وشي
فرح نزلت كانت سارة مستنياها تحت
سارة:كل ده يابنتى
فرح بحزن:معلش ياسارة
سارة:مالك يابنتى فيك ايه
فرح:انا هخلص شغل الشركه وهروح على المطعم
سارة:لسه مش قولنا هتسيبي المطعم
فرح:لا هروح ياسارة كدا احسن
سارة:ابوكى اللى قالك
فرح:لا عادى انا عايزة اروح
سارة:فرح انتى مش بتعرفى تكذبي ابوكى مش كدا
فرح عيطت:اه هوو
سارة:طب اهدى ياحبيبتى وخلينا نروح الشركه ولما ترجعى قولى لزياد وهو يتصرف معاهم
فرح:ربنا يسهل
بعد شويا فرح وساره وصلو الشركه وطلعو راحو على مكتب عامر عشان يشوف اماكن شغلهم كانو باقى ١٠ الطلاب واقفين قدام المكتب
السكرتيرة خرجت وسمحت ليهم بدخول
عامر:صباح الخير
الطلاب:صباح الخير يافندم
عامر:انتو طبعااا فى فترة تدريب كل مجموعه منكو هتبقي مع مهندس والمجموعه هتكون من ٥ طلاب بدا يوزع الطلاب وسارة وفرح كانو سواا
عامر:المجموعه الاولى هتكون مع المهندس احمد والمجموعه التانيه مع المهندس يحيي
يلا كل واحد يروح على مكتب المهندس بتاعه
~~~~~~~~~~~~~~~~~~~~~~~
عدى اسبوعين وفرح بتشتغل فى الشركه وكمان المطعم وكان تعب جامد عليها ورغم ده بتجتهد فى شغلها ومتميزة على كل الطلاب وطبعاا اهانه سيد وسعاد اللى مش بتخلص وزياد اكتر وقته فى شغله لانهم داخلين على مشروع كبير وكمان ميعرفش ان فرح معاه فى نفس الشركه وشيرى واكرم بيوصلو اخبار الشركه لزيزى وشيرى مضايقه من فرح لانها ملاحظه نظرات فارس ليها واهتمامه بيها
~~~~~~~~~~~~~~~~~~~~~~~
فى يوم جديد فى شركه فارس
عامر راح على مكتب المحاسبه كانت شيرى وملك قاعدين مع زياد
عامر:صباح الخير
زياد:صباح الخير يافندم
ملك:صباح الخير يافندم
شيرى بصتله ومردتش عليه
عامر:ايه الاخبار شغالين تمام ولا
زياد:الانسه ملك ماشاء الله عليها بس الانسه شيرى محتاجه تركز شويا
عامر:طيب يازياد خد ورق الميزانيه وروح على مكتب فارس
زياد:حاضر
عامر:شيرى احنا هنا فى شغل وعلى فكرة فارس عارف كويس انتى بتعملى ايه
شيرى:اكيد من ملك هانم او منك
عامر:لا مش منى ولا من ملك بصي فوق كدا
شيرى بصت فى السقف شافت كاميراا
عامر:شوفتى بقي بيعرف منين هو صابر عليكى فبلاش طريقتك دى
شيرى خافت وحطت الفون فى الشنطه وقعدت كويس وملك ضحكت عليها
~~~~~~~~~~~~~~~~~~~~~~~
فى مكتب فارس كانو مجموعه طلاب اللى مابينهم سارة وفرح موجودين عنده مع المهندس يحيي وزياد خبط ودخل والطلاب كلهم وشهم فى ورقهم
زياد:صباح الخير يافندم
فارس:صباح الخير يازياد اتفضل
فرح رفعت وشها لما سمعت الاسم وشافت زياد بس هو مش شايفها
فارس:خلصت الميزانيه يازياد
زياد:جاهزة يافندم اتفضل
فارس اخد الملف منه ركز فيه شوية وزياد بص ناحيه الطلاب وشاف فرح فى وسطهم ابتسم اوى وفى نفس اللحظه فارس رفع وشه شاف زياد وهو بيغمز ناحيه الطلاب وبص ناحيتهم شاف فرح بتضحك فارس اتضايق جدااا.........
&&&&&&&&&&&&&&&&&&
««الفصل الرابع»»
فارس اخد الملف من زياد وركز فيه شوية وزياد بص ناحيه الطلاب وشاف فرح فى وسطهم ابتسم اوى وفى نفس اللحظه فارس رفع وشه شاف زياد وهو بيغمز ناحيه الطلاب وبص ناحيتهم شاف فرح بتضحك فارس اتضايق جدااا
فارس بحده:اتفضل يايحيي خد الطلاب وروح على مكتبك كمل شرح المشروع
يحيي:تمام يافندم
الطلاب كلهم لسه هيخرجووو
فارس:فرح السيد
فرح لفت:نعم
فارس:خليكى انتى شويا
فرح بصت لسارة وراحت واقفت قريب من المكتب وفارس عينه فى الورق
زياد بهمس:مش تعرفينى انك معايا فى نفس الشركه
فرح بنفس الهمس:حصل خير ياكابتن
فارس ملاحظ همسهم لبعض وده عصبه اكتر
فارس:زياد اخر جزء عايز فيه شويا تعديلات روح لعامر وهو هيظبطه معاك اتفضل
زياد خرج وفرح واقفه متوترة
فارس:ممكن افهم ايه اللى كان بيحصل من شويا
فرح:مش فاهمه حضرتك تقصد ايه
فارس قام وقف:حضرتك هنا فى شركه محترمه ياانسه وموضوع النظرات والضحك وقله الادب ده مش هنا مفهوم
فرح عينيها دمعت:حضرتك تقصد انى مش محترمه
فارس:كنت مفكرك محترم وغير كل البنات اللى شوفتهم بس بعد اللى شوفته قدامى الوقت بينك وبين زياد احكم عليكى بايه
فرح:بس حضرتك فهمت غلط زياد يبقي اخويا
فارس بصدمه:اخوكى
فرح:ايوا اخويا وهو اتفاجأ بيا هنا لانه ماكنش يعرف انا بشتغل فى شركه ايه
فارس:انا ماكنتش اعرف انه اخوكى ومن الطبيعى لما اشوف موظف وموظفه قاعدين يغمزو لبعض من الطبيعى فهمى هيروح لبعيد
فرح بحزن:حصل خير
الباب اتفتح ودخلت ملك
فارس:فى حد يدخل كدا مش فى حاجه اسمها باب
ملك:فى اى يافارس احنا وقت البريك على فكرة
فارس:انا اسف يالوكااا متزعليش
ملك بصت لفرح اللى دموع فى عينيها:انت زعلتها هى كمان ولا ايه..انا ملك اخت فارس ممكن نتعرف ياقمر
فرح ضحكت:وانا فرح
ملك:ماشي يافروحه بما ان مافيش حد اصاحبه فى ام الشركه دى تقبلى تبقى صحبتى
فرح:طبعااا ده شرف ليا
ملك:واخير لقيت حد اضيع وقتى معاه
فارس:بس دى شركه للشغل مش تضيع وقت ياملك
ملك:يووووووه يافارس وقت البريك بس
فارس:اذا كان كدا ماشي يلا روحو عشان وقت الغدا
فرح وملك لسه هيخرجو من المكتب
فارس:فرح
فرح لفت ليه:نعم
فارس:انا اسف مرة تانيه
فرح:حصل خير
فرح خرجت وكانت سارة مسنيه فرح
سارة:فرح مستر فارس كان عايزك فى ايه
فرح:حاجه فى الشغل ياسارة متخافيش
ملك:مش تعرفينا بقي
فرح:دى ملك اخت مستر فارس وصحبتى طبعاااا ودى سارة صاحبه طفولتى
ملك:هاى ياسوووو كدا بقي عندى فروحه وسووو صحاب صح
سارة:اشطااا يالوكاااا
فرح:طب يلا نروح الكافتريا
~~~~~~~~~~~~~~~~~~~~~~~
عند فارس قاعد فى مكتبه وبيحكى لعامر اللى قاله لفرح
عامر:يابنى انت على طول دبش كدا ماتفهم الاول منها بدل الطوب اللى بتحدفه ده
فارس:اللى حصل بقي وانا ايه اللى عرفنى انه اخوها بس اضايقت لما شوفت دموعها
عامر:فارس انت بجد بقت حالتك صعبه هسالك سؤال وترد بصراحه
فارس:اسال
عامر:انت معجب ب فرح
فارس بعصبيه:انت بتقول ايه ياعامر انت اتجننت
عامر:اومال نظراتك ليها فى وقت الاجتماعات وكمان اضايقت ولما شوفتها بتضحك مع زياد ولما شوفت دموعها
فارس:حاسس جواها حزن كبير بتحاول تداريه ورا ضحكتها
عامر:ياعم الرومانسي
فارس حدفه بالقلم:قوم غور من وشي غلطان انى بتكلم معاك
عامر:افتح قلبك ياصاحبي مش كل الستات زى بعضه
فارس بدون وعى:هى مش شبههم
عامر:ايوا بقا ياصاحبي
فارس:امشي يلا من هنا
عامر:خلاص ماشي بس صح ملف الميزانيه وكمان المشروع هتسلمه لمين
فارس:فرح اكيد لانها مهندسه المشروع الوقت مع يحيي
عامر:فارس انت متاكد دى مسؤليه كبيرة اوى الملفات دى لو ضاعت هنخسر ملايين
فارس:متقلقش واثق انها هتحافظ عليهم
فى نفس الوقت شيرى كانت جايه لفارس وسمعت كلامهم وراحت بسرعه تكلم مامتها عشان تقولها
زيزى:انتى تعرفى البنت اللى هيبقي معاها الورق
شيرى:اه معانا فى الشركه
زيزى:حلو اوى رقابي البت دى كويس وحولى تاخدى منها الملفات
شيرى:لو فارس عرف هتبقي مصيبه وكمان الشركه كلها كاميرات
زيزى:هخلى اكرم يشوف قصه الكاميرات دى
اقفلى الوقت يلا
شيرى:حاضر
~~~~~~~~~~~~~~~~~~~~~~~
فى مكتب فارس
فرح بتوتر:بس دول ملفات مهمه اوى وانا اخاف يضيعو منى
فارس:عندى ثقه كامله انك هتحافظى عليهم يافرح
فرح:ربنا يستر
فارس:اتفضلى انتى هتاخديهم معاكى البيت وتكملى المشروع وبعد يومين تجيبه عشان نسلمه عشان المناقصه
فرح:حاضر يافندم
~~~~~~~~~~~~~~~~~~~~~~~
فى مكان جديد اول مرة نزوره زيزى قاعده قصاد رجل كبير (صلاح الصياد صاحب شركات الصياد المنافسه لشركات فارس)
صلاح:متاكده من الكلام ده
زيزى:طبعااا وهحاول اجبلك الملفات دى قريب
صلاح:كدا تبقي وقعت يافارس ياالفى ومحدش سمى عليك
دخل عليهم شاب نفس عمر فارس(مروان ابن صلاح وبيكره فارس)
مروان:زيزى هانم بتعمل ايه عندنا
زيزى:ازيك يامروان
مروان:انا كويس جدااا مقولتش ايه سبب الزيارة السعيده
صلاح حكى لمروان كل كلام زيزى
مروان:كدا تبقي لعبت معانا وبكدا هناخد المناقصه من ابن الالفى
زيزى:اول مااوصل للملفات هجيبهم ليكو فورااا بس طبعا ليا حلاوتى
صلاح:اؤمرى يازيزى
زيزى: ٥ مليون
مروان:بس ده كتير
زيزى:ولا كتير ولا حاجه انت لو خدت الورق هناخد المناقصه اللى بمليارات
صلاح:خلاص يامروان اللى تطلبه زيزى هتاخده
زيزى:شكرااا ياصلاح باشا انا همشي بقي
~~~~~~~~~~~~~~~~~~~~~~~
عدى يومين وفرح مش بتجيب الملفات معاها الشركه وده هيجنن شيرى وزيزى
وجه اليوم اللى فرح هتسلم فيه الملفات لفارس
فرح اول لما وصلت عند مكتبها قابلتها شيرى
شيرى:انتى فرح
فرح:ايوا انا
شيرى:مستر فارس بيقولك سيبي الملفات اللى معاكى على مكتبه
فرح:هو مستر فارس جه
شيرى:هو جه ونزل تانى بجيب حاجه من عربيته وطالع
فرح:حاضر
فرح دخلت وحطت الملفات على المكتب وخرجت راحت لملك تشوفها
شيرى فتحت باب المكتب بتاع فارس ودخلت اخدت الملفات وخرجت بسرعه ونزلت من الشركه وقابلت مامتها فى مطعم واديتها الملفات
زيزى:متنسيش الخطه التاتيه
شيرى:حاضر
شيرى رجعت تانى الشركه وكانت فرح فى مكتبها:فروحه اخبارك ايه
فرح باستغراب لان دى اول مرة شيرى تكلمها:نعم
شيرى:تيجى نخرج
فرح:فين
شيرى:فى كافيه قريب من الشركه بيعمل قهوة حلوة اوى وبالمرة نتكلم سوااا ونبقي صحاب
فرح مستغرباها بس محبتش تكسفها:حاضر
شيرى وفرح خرجو من الشركه
شيرى:اوبس نسيت فونى هروح اجيبه واجى معلش يافرح خلى الملفات دى معاكى
(الملفات دى ليها نفس الكافر بتاع الشركه)
فرح:تمام
شيرى مشت لبعيد شويا استخبت عشان فرح متشوفهاش وطلعت فونها تصور اللى هيحصل
فرح واقفه وجه واحد خبط فيها والملفات وقعت على الارض وده طبعاا مروان الصياد :انا اسف ياانسه
مروان جاب الملفات من على الارض واداهم لفرح
فرح اخدت الملفات:لا عادى ولا يهمك حصل خير
مروان مد ايده يسلم عليها:انا احمد
فرح بكسوف مدت ايدها:انا فرح
كل ده وشيرى بتصورهم طبعاااا
مروان مشي وشيرى راحت لفرح وراحو الكافيه شربو قهوة ورجعو الشركه تانى
اول لما دخلو سارة جرت على فرح:كنتى فين يافرح
فرح:فى ايه ياسارة
سارة:مستر فارس قالب عليك الدنيا اطلعى بسرعه
فرح راحت بسرعه على مكتب فارس وخبطت ودخلت:مستر فارس
فارس:كنتى فين يافرح وفين الملفات
فرح:انا اول ماجيت سبت الملفات على مكتب حضرتك زى ماطلبت منى
فارس:انا طلبت منك ايه وانطقى سبتيهم فين
فرح:هنا على مكتب حضرتك
فارس بعصبيه:وراحو فين طااااارو مثلا
عامر دخل على صوت فارس وفرح دموعها بدات تنزل
عامر:فى ايه يافارس
فارس:الهانم بتقولى سابت الملفات على مكتبي هنا ومافيش حاجه هنا
عامر:فرح انتى سبتيهم فين بظبط
فرح بعياط:هنا على المكتب والله
عامر:خلاص يافارس نتاكد من الكاميرات
فارس:الكاميرات من ساعه ماوصلت وهى مش شغاله
عامر:ازاى الكلام ده
فارس بصوت عالى:هو انا بشتغل فى المخروبه دى لوحدى ماتروح تسال المسؤل على اوضه التحكم
عامر:طب اهدى تعالى يافرح برا ارتاحى شويا
فارس :استنى انتى اخرج انت ياعامر
عامر خرج وهو خايف على فرح من عصبيه فارس وفارس قرب من فرح اللى هتموت من الرعب
فارس لحده:لو الملفات دى خرجت برا الشركه هعيشك جحيم هتكرهى حياتك بسببي وهتشوفى وشى التانى وانا انصحك بلاش تشوفيه
فرح لخوف ورعشه:والله انا سبتهم على المكتب
فارس بصوت عالى:اخرجى برااااااا
فرح خرجت بسرعه على برااا
وعامر دخل لفارس:الكاميرات كلها متعطله
فارس:لا ده الموضوع مدروس بقي حلو اوى
عامر:ناوى على ايه يافارس
فارس:اخرج برا الموضوع احسنلك انا هجيب الورق بمعرفتى وااااه كلم المهندس الكترونى يجى يشوف الكاميرات السريه فى اسرع وقت من غير ماحد يعرف
عامر:بس هو مسافر ومحدش يعرف يفتحهم غيره ومش هيرجع غير بعد ٣ ايام
فارس:اول لما يرجع تقوله
عامر:حاضررر.........
روايه الملاك والقاسي
««الفصل الخامس»»
فرح فى مكتب ملك وعماله تعيط ومعاها ملك وسارة وشيرى اللى عامله خايفه عليها
ساره:اهدى بقي يابنتى
ملك:ان شاء الله هنلاقيه يعنى هيروح فين اكيد فى الشركه
فرح برعشه:انا خايفه اوى
شيرى بخوف مصطنع:اهدى ياروحى متعمليش فى نفسك كدا
سارة:يلا عشان نروح
فرح:هو زياد فين
ملك:زياد سافر القاهرة عشان يظبط شويا حاجات معاهم هناك
سارة:تعالى انا هوصلك يافرح يلا
فرح قامت مع سارة وبعد شويا فرح وصلت البيت ودخلت
سعاد شافت عينيها وباين عليها معيطه:السنيورة مالها
فرح:انا تعبانه ومش قادرة اتكلم
سعاد:والهانم تعبانه من ايه بقي
فرح سابتها ودخلت الاوضه وقفلت على نفسها غيرت هدومها وفضلت تعيط لحد مانامت
~~~~~~~~~~~~~~~~~~~~~~~
عند فارس قاعد فى اوضته قدام اللاب بتاعه ومركز جدااا جاله مسدج على الفون مهتمش بعدها وصله اكتر من مسدج ساب اللاب ومسك الفون فتح المسدجات كانو صور فرح اللى بتسلم على مروان الصياد وصورة تانيه وهى ماسكه الملف كانها بتعطيه لمروان ورساله(مبروك خسارة المناقصه يابن الالفى)
فارس قام وقف بعصبيه:يابنت🐶 ..اما وريتك يافرح مابقاش انا فارس الالفى
فارس كلم واحد من رجالته يجبله كل معلومات عن فرح واهلها
~~~~~~~~~~~~~~~~~~~~~~~
صحت فرح تانى يوم من بدرى قامت حضرت الفطار والغدا وجهزت ونزلت كانت سارة مستنياها تحت
سارة:عامله ايه الوقت يافروحه
فرح:مش كويسه خالص مش عارفه انا ليه حظى وحش فى كل حاجه
سارة:متقوليش كدا يافرح سبيها على ربنا
فرح:ونعمه بالله
سارة:يلا نمشي
بعد شويا فرح وسارة وصلو الشركه ودخلو وراحو على مكتب المهندس يحيي
~~~~~~~~~~~~~~~~~~~~~~~
فى مكتب فارس الكاميرات كانت اشتغلت وقاعد قدام اللاب ومركز مع فرح من اول مادخلت الشركه:بقي انتى تلعبي بفارس الالفى
عامر دخل المكتب وقعد على الكرسي:ناويت على ايه
فارس:كل خير
عامر :مش مطمن لهدوءك ده
فارس:اخرج برا الموضوع ياعامر
الباب خبط ودخل رعد الدراع اليمين لفارس
فارس:سمعك
رعد:فرح السيد عنوانها....... وعايشه مع ابوها ومرات ابوها وليها اخ من الاب اسمه زياد بيشتغل فى شركتك ياباشا سالت كام واحد من الجيران الكل بيحلف بادبها وانها بنت مافيش فى طيبه قلبها بتحب تساعد الكل وفى واحده جارتهم اسمها جمالات بتقول ان البنت دى بتعانى مع ابوها ومراته وكل يوم وتانى يسمعو صوتها وابوها بيضربهاا وحتى اخد كل فلوس امها ودهبها ومش بيصرف عليها وهى اللى بتشتغل وبتصرف على نفسهااا ودخلت كليه هندسه لانه حلم امها الله يرحمهاا بس كدا ياباشا
فارس:تمام يارعد روح انت
رعد خرج وعامر بص لفارس:ممكن افهم ايه ده
فارس:ايه اللى مش فهمه بظبط
عامر:بتجيب معلومات عنها ليه يافارس
فارس:هخليها تكره اليوم اللى فكرت تلعب معايا وتتفق مع ابن الصياد
عامر:بردووو يافارس هتحكم من غير ماتتاكد
فارس فتح الصور على فونه وحطه
قدام عامر:محتاج دليل اكتر من ده
عامر بصدمه:مش معقول يافارس دى بتحب شغلها جدااا ومجتهده وشكلها كمان بنت محترمه وبعدين مين بعتلك الصور دى
فارس:اكيد ابن الصياد
عامر:وليه بعت الصور دى ممكن تكون الصور غير ماحنا فاهمين
فارس:قصدك ايه بكلامك ده قدام عينيك اهى بتديه الملفات فرح من يوم ماشتغلت هنا مخرجتش برا الشركه فى وقت البريك حتى اشمعن امبارح خرجت وفى وقت شغلها عندك تفسير لده
عامر:مش عارف ومش عايز احكم من غير مااتاكد انا كلمت المهندس ايمن عشان يرجع فى اسرع وقت عشان يفتح الكاميرات ووقتها نعرف مين الصادق ومين الكذاب عن اذنك
عامر خرج من المكتب وفارس مسك فونه وكلم رعد
فارس:النهارده تكون فى المخزن القديم فاهم
رعد:امرك ياباشا
~~~~~~~~~~~~~~~~~~~~~~~
فرح قاعده مع سارة وملك فى الكافتيريا
ملك:طب انتى خايفه ليه الوقت ماكل حاجه ماشيه اهى
فرح:يعنى معقول يكون لاقى الملفات
سارة:اكيد لو الملفات كانت ضاعت الشركه كانت هتبقي مقلوبه الوقت
جت عليهم شيرى وقعدت معاهم:هاى يابنات
محدش رد عليها
فرح حست انها اتحرجت:ازيك ياشيرى
شيرى:طمنينى انتى مستر فارس قالك حاجه على الملفات
فرح لسه هترد سارة قطعتها:فرح المهندس يحيي كان عايزنا يلا نروحله
فرح:يلا
فرح وسارة قامو وملك بصت لشيرى اوى
شيرى:مالك ياملك بتبصيلى كدا ليه
ملك:مستغرباكى مش دول البنات اللى كنتى بتقولى عليهم بيئه
شيرى:لا بصراحه هما كويسين يعنى انا همشي بقي بدام مافيش حاجه عندنا
~~~~~~~~~~~~~~~~~~~~~~~
فرح وسارة خلصو وخرجو من الشركه
فرح:انا هروح المطعم ياسارة
سارة:انتى شكلك تعبانه بلاش النهارده
فرح:لالا هروح احسن انا كويسه متخافيش
فرح ودعت سارة وراحت المطعم وخلصت شغلها وماشيه جت عربيه وقفت جمبها وحد شدها جوا العربيه ورش بنج فى وشها وغابت عن الوعى
~~~~~~~~~~~~~~~~~~~~~~~
فى بيت فرح
سيد:هى مقصوفه الرقبه لسه مجيتش من برا
سعاد:المفروض تكون خلصت شغل فى المطعم الساعه ٦
سيد:بقالها ساعتين برا بتعمل ايه بس اما تيجى والله لازم اربيها
سعاد:الواد زياد مسافر يومين لشغل ماتيجى نجوزها لمعلم جعفر وهو مش هنا
سيد:تصدقى فرصه ولما يرجع ابنك هتكون فى بيت جوزها مش هيقدر يعمل حاجه وقتها
سعاد:قوم كلم المعلم جعفر يلا
سيد:حاضر
سيد كلم جعفر واتفق معاه يكتب الكتاب بكرة قبل زياد مايرجع من سفره والمعلم جعفر ماصدق طبعاااا وسيد قفل معاه
سعاد زغرطت:والله وبقي ليكى قيمه يابت فاطمه وهيجلنا من وراكى مليون جنيه
سيد:داحنا هنعيش ملوك
سعاد فضلت تزغرط من فرحتهااا
~~~~~~~~~~~~~~~~~~~~~~~
فى مخزن قديم فى وسط الصحرا فرح فاقده الوعى ومرميه على الارض بدات تفوق شويا بشويا وعينيها مغششه فرح قامت قاعده ووبدات الصورة توضح المخزن كان ضلمه ومافيش غير شعاع نور بسيط داخل من فتحه فى الشباك
فرح ماسكه راسها:ااااااااااه انا فين
فرح بدات تفتكر اللى حصل معاها اول لما خرجت من المطعم والراجل ال شدها جوا العربيه
فجاه الباب اتفتح ودخل فارس وفرح اتصدمت وقامت وقفت بسرعه:انا ايه اللى جابنى هنا
فارس قعد على كرسي وحط رجل على رجل:انا
فرح:حضرتك جبتني هنا ليه
فارس:جبتك عشان في حساب هنصفيه مع بعض
فرح بخوف:حساب ايه انا مش فاهمه حاجة
فارس قام وقف وبيقلع جاكيت البدله وحطه على الكرسي وشمر اكمامه وقال وهو بيقرب منها:انتي سمعتي عني بعمل ايه يافرح في ال بيغلط معايا في الشغل
فرح بلعت ريقها:حضرتك بتجازيه عل طول
فارس: حد قالك قبل كدا اني بسيب حقي
فرح هزت راسها بلا
فارس شدها من طرحتها وهو بيجز على اسنانه :طيب جاتلك الجراءة منين انك تدخلي شركتي عشان تنقلي اخباري لعدوى ياروح امك
فرح بصراخ: انا والله ما عملت حاجة
فارس وهو بيضربها بالقلم :بتحلفي ي بنت🐶 انا تغدري بيا اقسم بالله هخليكي تتمني الموت وماطوليهوش وهندمك على اليوم ال اتولدتي فيه وهتبقي عبرة لاي حد يفكر بس مجرد تفكير انه يتذاكي عليا
فرح بصراخ: والله انا ما عملت حاجة انا...
فارس ضربها بقلم مرة واتنين وثلاته لحد مابوقها ومناخيرها جابو دم ووقعت فاقدة للوعي
فارس سابها وخرج لرعد ورجاله اللى برا:ممنوع يدخلها اكل ولا ميا ولما تفوق تكلمونى
رعد:حاضر ياباشا
~~~~~~~~~~~~~~~~~~~~~~~
صباح يوم جديد سارة فضلت ترن على فرح وراحت تستناها على معادهم تحت بيتها وبردو منزلتش قررت تطلع تشوفها
سارة طلعت وخبطت وبعد شوية سعاد فتحتلها
سعاد:اهلا وسهلا بصاحبه الصايعه
سارة بصوت عالى:ماتتعدلى ياوليه انتى متفكريش انى فرح وهسكتلك فاهمه لولا فرح عمرى ماكنت اجى بيتك ده
سعاد:وهى فين ست فرح دى اللى مرجعتش طول الليل روحى شوفى صاحبتك بتتسرمح فى انهو مكان
سارة:مرجعتش ازاى يعنى
سعاد:اه مرجعتش الهانم بايته برا البيت
سارة:يانهار اسود هتكون راحتك فين دى طب عمو سيد منزلش يدور عليها
سعاد:ليه عيله صغيره عشان ينزل يدور عليها تلاقيها صايعه هنا ولا هنا
سارة سابتها ونزلت وراحت على المطعم اللى فرح بتشتغل فيه بسرعه
سارة قابلت شهد:فرح فين ياشهد
شهد:فرح مش بتيجى الوقت بتيجى الساعه ٣ مانتى عارفه
سارة:طب هى روحت امبارح امته
شهد:روحت فى معادها الساعه ٦
سارة:مشت لوحدها يعنى
شهد:لا هى كانت بتركب من الناحيه التانيه من الطريق وفى عربيه سوده وقفت قدامها ولما مشت ملاقتش فرح فقولت يمكن حد يعرفها ركبها معاه
سارة:يالهوى عربيه مين دى
شهد:والله مااعرف
سارة دخلت على مكتب وليد من غير ماتخبط
وليد:انتى مين وازاى تدخلى كدا
سارة:انا عايزة اشوف كاميرات ال قدام المطعم بسرعه
وليد:انتى مين اصلا
سارة:انا صاحبه فرح وفرح مرجعتش البيت من امبارح وكمان شهد بتقول انها ركبت فى عربيه سوده من قدام المطعم ونبي ورينى الكاميرات بسرعه
وليد:طب استنى
وليد فاتح الكاميرا ال قدام المطعم وشافو العربيه ال اخدت فرح وطبعااا عشان فرح كانت فى الطريق التانى مش ظاهر ان ال جوا العربيه هو ال شدها
سارة:معلش ممكن تقرب على السواق
وليد قرب وسارة شافته:معقوووول....
&&&&&&&&&
ياترى سارة شافت مين فى العربيه؟
تفاعل كتير بقي
تعليقات
إرسال تعليق