روايه الملاك والقاسي الفصل الحادي عشر والثاني عشر والثالث عشر والرابع عشر والخامس عشر والسادس عشر بقلم الكاتبه جنات
روايه الملاك والقاسي الفصل الحادي عشر والثاني عشر والثالث عشر والرابع عشر والخامس عشر والسادس عشر بقلم الكاتبه جنات
روايه الملاك والقاسي
««الفصل ١١»»
ملك قاعده مع فرح بعد ماخليتها تلبس بجامه وفاردة شعرها:انتى حلوة اوى يافرح
فرح:لالا انا هتكسف اقعد كدا قدامه بجامه وبشعرى
ملك:عايزة تفهمينى ان فارس ولا مرة شاف شعرك
فرح هزت راسها بلا
ملك:نهار اسود اومال متجوزين ازاى
فرح:ملك اسكتى بقي لو سمحتى
الباب اتفتح ودخل فارس ال انبهر بجمال فرح بالبجامه بلون البينك مناسبه مع بشرتها البيضه وشعرها ال زى سواد الليل وطويل لاخر ضهرها وناعم زى الحرير فرح اتكسفت من نظراته
ملك:احم نحن هنا
فارس:طب يلا اخلعى عشان هموت وانام
ملك خبطت فرح فى كتفها:تنام بردو
فرح وشها احمر من الكسوف ووشها فى الارض
فارس:بت اطلعى من دماغى انا عايز انام يلا اخرجى برا وتصحى من بدرى عشان تروحى الشركه مش عايز دلع
ملك:من عينيا يافروسه
الباب خبط وفارس فتح كانت الخادمه ومعاها صنيه الاكل
ملك:ايوا بقي عرسان جداد والاكل طالع لحد عندهم
فارس:امشي من هنا احسنلك يلا
ملك جرت بسرعه من قدامه
فارس اخد الصنيه الاكل وحطها على الترابيزة:هدخل اخد شاور وبعد كدا ناكل
فرح هزت راسها باه
بعد شويا فارس خرج وهو لابس بنطلون وعارى الصدر ومعاه فوطه بينشف بيها راسه وفرح كانت قاعده على السرير اتكسفت اوى
فارس:لا مش كل مايحصل حاجه وشك هيبقي زى الفراوله كدا انا متعود اقعد فى اوضتى وانا كدا وانتى كمان لازم تتعودى فاهمه
فرح:فاهمه
فارس حط الفوطه على الكرسي وقعد عشان ياكل:مش ناويه تيجى ولا ايه
فرح قربت ومكسوف تقعد جمبه فارس شدها من ايدها وقعدها جمبه وفرح اتوجعت
فارس:اسف
فرح بوجع:عادى
فارس:طب يلا كلى
فرح قاعده تلعب فى الاكل ومش بتاكل
فارس:مش بتاكلى ليه
فرح:باكل اهو
فارس بسخريه:انا شايفك زى العيال الصغيرة بتلعبي بالاكل مش بتاكليه
فرح اضايقت من طريقته وقامت وقفت:انا شبعت الحمدلله
فارس بحده:اقعدى كملى اكلك
فرح:بس انا مش جعانه
فارس وقف بعصبيه وبصوت عالى:قولتك مليون مرة مش بحب اكرر كلامى انتى ايييييه مبتفهميش
فرح خافت وجسمها كلها بيترعش
الباب خبط وفارس فتح كانت عمته:فى ايه يافارس صوتك عالى ليه
وبصت على فرح اللى باين عليها الخوف وبتعيط فى صمت
فاطمه قربت واخدتها فى حضنها:اخس عليك يافارس حرام عليك انت عامل فيها ايه
فارس بعصبيه:معلمتش حاجه الهانم مش بتاكل كل لما تقعد على الاكل تفضل تلعب فيه ومش بتاكل ومليون مرة اقولها مش بحب اكرر كلامى
فاطمه:مهما حصل تكلمها براحه مش تعلى صوتك عليها بطريقه دى ايه الهمجيه دى يافارس
فاطمه بطبطب على فرح:اهدى ياحبيبه قلبي اهدى يافرح ماهو انتى ياحبيبتى لازم تاكلى عشان العلاج اللى بتاخديه
فرح بعياط:ماليش نفس والله مش عايزة اكل
فاطمه:طب اهدى يافرح تعالى عشان تنامى
فاطمه ساعدتها تنام على السرير وغطتها وفضل تملس على شعرها لحد مانامت
فاطمه:مش كدا يافارس البنت حالتها وحشه اوى بلاش تضغط عليها وهقولهالك تانى بلاش تكون انت وزمن عليها يابنى
فارس:حاضر يافطوم روحى يلا عشان تنامى
فاطمه:اصبح على خير ياحبيبي
فارس:تلاقى الخير
فارس نام جمب فرح وفضل يبصلها كتير لحد مانام هو كمان
~~~~~~~~~~~~~~~~~~~~~~~
تانى يوم فرح صحت كان فارس بيلبس
فارس:صباح الخير
فرح:صباح النور
فارس:يلا اجهزى عشان ننزل نفطر
فرح:ممكن تسيبنى على راحتى انا بجد مش عايزة اكل
فارس:ولما حضرتك مش عايزة تاكل هتاخدى علاجك ازاى ماهو انا مش هستنى لما يحصلك حاجه ووقتها يحسبوكى عليا بنى ادمه
فرح بصتله بصدمه من كلامه:لا متخافيش محدش هيقولك انت عملت فيها ايه ولا حد هيسال عليا اصلا
فرح دخلت الحمام وفضلت تعيط وصوت عياطها كان واصل لفارس اللى ندم علي كلامه وخرج من الاوضه ونزل تحت كانت داده فوز موجوده مع فاطمه
فارس:صباح الخير
فاطمه وفوز:صباح النور
فارس:فوز ممكن تطلعى اكل لفرح
فوز:من عينيا ياحبيبي
فاطمه:الحفله هتبقي امته يافارس
فارس:لما فرح تبقي كويسه يافطوم
فاطمه:ماشي ياحبيبى
فارس:انا همشي لانى مستعجل
فاطمه:مش هتفطر
فارس:هابقي اكل مع عامر يافطوم
~~~~~~~~~~~~~~~~~~~~~~~
فرح خرجت من الحمام وعينيها كانت حمرا من العياط والباب خبط وفرح فتحت
فوز:بسم الله ماشاء الله ايه الحلاوة دى
فرح:حضرتك اللى عينيك حلوة
فوز:انا داده فوزيه قوليلى يافوز زى ماكل بيقولى
فرح:حاضر يافوز
فوز:مال عينيك ياحبيبتى انتى كنتى بتعيطى
فرح سكتت مردتش
فوز:والله يابنتى مافيش اطيب ولا احن من فارس بس هو عصبي حبتين
فرح:حبتين بس قولى ١٠ - ٢٠
فوز ضحكت:معلش ياحبيبتى بكرة ربنا يصلح حالكو باذن واحد احد . يلا بقي عشان تفطرى دانا طلعالك بالاكل بنفسي هتكسفينى
فرح:لا طبعااا مقدرش اكسف حضرتك
فوز:طب يلا ياحبيبتى كلى بالف هنا
~~~~~~~~~~~~~~~~~~~~~~~
فى شركه فارس وتحديداا فى مكتبه قاعد هو وعامر
عامر:تمام كدا ورق الصفقه كله خلص
فارس:فين ورق الميزانيه
عامر: انا كلمت زياد هيجيبه
فارس:تمام لما يجى اخلع انت
عامر:تمام
الباب خبط فارس:اتفضل
زياد:صباح الخير
عامر وفارس:صباح الخير
عامر:هروح انا مكتبي
فارس:تمام
عامر خرج وفارس بص لزياد:اتفضل اقعد يازياد
زياد قعد على الكرسي:اتفضل ده ورق الميزانيه تقدر حضرتك تراجعه
فارس:انا عندى ثقه كامله فيك زياد انا كنت عايز اتكلم معاك
زياد:لو بخصوص جوازك من فرح فلو سمحت مش عايز اتكلم
فارس:فرح معايا فى امان يازياد من بهدله اهلها وانت شوفت عملو فيها ايه اخر مرة
زياد بصله اوى:هى عامله ايه
فارس:حالتها النفسيه وحشه اوى اختك محتاجاك جمبها يازياد هى مش بتكلم ولا بتطلب حاجه
زياد:طب ممكن اشوفها
فارس ابتسم:طبعااا نخلص الشغل ونرجع سوا
زياد:شكراا يافندم
فارس:فندم ايه بقي انا بقينا اهل الوقت
زياد:تمام يافارس
~~~~~~~~~~~~~~~~~~~~~~~
فى مكتب عامر قاعد عايز يشوف سارة بس مش عارف يقولها ايه كلمها فى التلفون الخاص بيهم وبعد شويا دخلت
سارة:نعم
عامر:ياساتر يارب ايه يابنتى الناس تقول صباح الخير سلام عليكم كدا يعنى
سارة:صباح الخير يافندم حضرتك عايز ايه
عامر ضحك:ولا حاجه بطمن بس جيتى فى معادك ولا لأ
سارة بتلقائيه:تصدق انك بارد
عامر بصدمه:نعم
سارة:لالا ولا حاجه انا ماشيه
عامر ضحك عليها:لازم هتقعى ياسارة
~~~~~~~~~~~~~~~~~~~~~~~
عند سعاد وسيد
سعاد:انت هتروح لجوز بنتك امته ياراجل
سيد:يومين كدا
سعاد:مانت قولت لما تعرف عنوانه واديك عرفت هتتنيل تروح امته بقي
سيد:يييييوه ماقولت يومين كدا
سعاد:طيب خليك قاعد يارجلى لحد ماجعفر يبلغ عنك وتروح فى ابو كلبوش
سيد:لا مانا قولته فلوسك هتكون عندك الاسبوع الجاى وهو مش هيعمل حاجه
سعاد:لما نشوف ياسي سيد
سيد:البت بنت🐶عايشه عيشه ملوكى حته قصر واحنا عايشين فى خرابه دى حتى ابنك سابنا وراح عاش فى شقته لوحده ومش عايزنا معاه
سعاد:ماهو كله من بنتك ياخويا هى اللى قلبت الواد عليا
سيد:لا نروح نعيش معاهم فى القصر مع بنتى حبيبتى
سعاد:اومال ايه طبعااا
سيد وسعاد ضحكو
~~~~~~~~~~~~~~~~~~~~~~~
بليل فرح كالعاده قاعده فى جناح فارس مش بتخرج منه ولما بتحس بالزهق بتفضل تتنقل فيه لانه جناح كبيير وواسع جدااا وفى رسيبشن فيها شاشه كبيرة وركنه واوضه النوم واوضه للجيم وكمان فى سلم بينزل على جنينه خلفيه خاصه بالجناح وفيها حمام سباحه بس هى بتخاف تنزلها لوحدها
الباب الاوضه اتفتح وسمعت صوت بينادى عليها:فرحتى
فرح بلهفه:زيااااد
فرح جرت على حضنه وزياد شالها فى حضنه ورفعها من على الارض وهى متعلقه فى رقبته
فارس كان واقف ومتابع كل حاجه
زياد:وحشتينى يافرحتى
فرح:وانت كمان وحشتنى اوى
فرح بعدت عن حضنه:انت مش زعلان منى صح
زياد:عمرى ماازعل منك ابدااا يافروحتى انتى كويسه
فرح:بقيت كويسه لما شوفتك كان نفسي بس اسمع صوتك بس انا سبت فونى وكل حاجه هناك
زياد:انا اطمنت انك بخير يافرح
فرح:هما عاملين ايه
زياد:بعد كل اللى عملوه فيكى بتسال عليهم احمدى ربنا انك بعدتى عنهم
فرح:انت عامل ايه طمنى عليك
زياد:كويس جدااا وصح نسيت اقولك انا نقلت فى شقتى الجديده
فرح:بجد مبروك يازيزو
زياد:الله يبارك فيك يافرحتى بس انا روحت لوحدى
فرح:اهم حاجه تكون مرتاح
زياد:الحمدلله ياحبيبتى يلا انا همشي بقي
فرح:لا ونبي خليك قاعد معايا شوية
زياد:هابقي اجيلك ياحبيبتى خدى بالك على نفسك
فرح:حاضر
زياد:خد بالك عليها يافارس
فارس:متخافيش عليها هخلى رعد يوصلك
زياد:لالا انا هروح
فارس:ابداا والله رعد تحت مستنيك
زياد:ماشي يافارس
زياد بص على فرح:هتوحشينى يافرحتى
فرح جرت على حضنه تانى وعيطت
فارس اضايق انها فى حضنه
زياد:لا مش عايز اشوف دموعك دى ابدااا اتفقنا
فرح:حاضر
زياد:سلام يلا
فرح:باى
زياد نزل وفارس بص لفرح اللى باين عليها الفرحه :كدا هتاكلى معايا ولا هتقولى ماليش نفس
فرح:حاضر
فارس:هدخل اخد شاور وننزل ناكل معاهم تحت
فرح هزت راسها باه
~~~~~~~~~~~~~~~~~~~~~~~
ملك بتجرى خبطت فى زياد:ايه ده زياد انت كنت عند فرح
زياد:ازيك ياانسه ملك
ملك:انسه ايه بقي احنا بقينا قرايب قولى ملك بس
زياد ضحك:حاضر ياملك
ملك بصتله اوى وزياد ملاحظ نظراتها هو عارف انها معجبه بيه وهو كمان معجب بيها بس مش عايز يعلق نفسه بيها لان فى فرق بينهم
زياد:انا لازم امشي عن اذنك
ملك:اتفضل
زياد مشى وملك فضلت تبص عليه لحد مااختفى من قدامها
ونزلت تحت كانو كلهم قاعدين على السفره
فوق
فارس خرج من الحمام لابس ترنج وكانت فرح لبست اسدال بطرحه
فارس:يلا ننزل
فرح:يلا
فرح وفارس نزلو وفاطمه فرحت جدااا لما شافتهم:تعالو ياولاد السفره هتنور
فارس:مساء الخير
الكل:مساء النور
ملك:العرسان حنو علينا ونزلو ياكلو معانا
فارس:انتى هتبدائى ولا ايه
ملك:انا ساكته اهو
فارس قعد مكانه وفرح مش عارفه تقعد فين راحه تقعد جمب ملك
فاطمه:استنى يافرح شيرى معلش سيبى الكرسي بتاعك لفرح عشان تكون جمب جوزها
شيرى:ماالسفره كبيرة تقعد فى اى كرسي لازم هنا
عادل:اه لازم تبقي جمب جوزها ياشيرى اسمعى كلام عمتك يلا
شيرى قامت وهى مضايقه جدااااا من فرح
فاطمه:اقعدى جمب جوزك يافرح وده بقي مكانك على طول
فرح قعدت وكان محروجه جدااا لانها مش اخده عليهم
فوز خارجه من المطبخ:يادى النور السفره نورت يا ولاد
فارس:كانى اول مرة اقعد معاكو على السفره
عادل:عشانك قاعد مع مراتك ياحبيبي
الكل بدا ياكل وفارس ملاحظ ان فرح مكسوفه ومش عارفه تاكل
زيزى بسخريه:ايه ياعروسه مش بتاكلى ليه
شيرى:تلاقيها مش اخده على اكله الاغنيا
فرح بصت لفارس ونزلت وشها تانى
فارس:ممكن تاخد نصيحه منك يامرات عمى قوليلها انتى اتعودتى على اكل الاغنيا ازاى
زيزى اضايقت من اسلوبه وقامت راحت اوضتها وشيرى راحت وراها
عادل:متزعليش منهم يابنتى كملى اكلك يلا
فرح هزت راسه وكملت اكل
رعد استاذن ودخل:المكان الخاص بماكس بقي جاهز يافارس بيه
فارس:حاضر يارعد
ملك:هو ماكس راجع اخيرااا
فارس:بكرة ان شاء الله
فاطمه:بقي كويس يافارس
فارس:الدكاترة عملو اللى عليهم والحمدلله رجع يمشي تانى
عادل:الحمدلله يابنى
فارس:انا هطلع انام لان عندى شغل كتير بكرة
فاطمه:ربنا يقويك يابنى يارب
فرح جايه تقوم
فاطمه:كملى اكلك يافرح
فرح:انا اكلت الحمدلله
ملك:انا هاخد منك فرح شويا هنروح نسهر فى الجنينه ممكن
فارس:ماشي يلا اصبحو على خير
الكل:تلاقى الخير....
روايه الملاك والقاسي
««الفصل ١٢»»
فرح وملك راحو الجنينه وقعدو جمب حمام السباحه وفوز عملتلهم عصير
ملك:شايفاك النهارده مرتاحه شوية
فرح:لما شوفت زياد وقالى انه مش زعلان منى كانى كنت شايله حمل تقيييل اوى
ملك:انتو قريبين من بعض اوى
فرح:جداااا زياد بيفهمنى قبل مااتكلم رغم انه مامته حاولت كتير تبعده عنى بس هو كان بيقرب اكتر كان ليا سند وضهر لما ماما اتوفت
ملك:ربنا يخليكو لبعض
فرح:يارب
ملك:صح انتى كليه ايه
فرح:هندسه
ملك:سمعت انك اولى دفعتك ماشاء الله كل سنه
فرح:ده كان حلم امى الله يرحمها انى ادخل هندسه وانا على قد ماقدر بحاول احققلها حلمها
ملك:شكلك كنتى قريبه من مامتك اوى
فرح:اوى كانت صاحبتى الاولى
ملك:ممكن اسالك سؤال
فرح:اكيد اتفضلى
فى الوقت ده فارس كان نازل يشوفهم اتاخرو ليه وسمع كلامهم
ملك:انتى بتحبي فارس يافرح بصي انا معرفش انتو اتجوزتو ازاى ولا ايه اللى حصل
فرح:انا مقدرش اقول حاجه بس انا مقدرش اكره حد مش عارفه ليه بس دى عاده فيا تعرفى ابويا رغم اللى بيعمله فيا انا بقول بكرهه بس لا مش بعرف اكره حد
ملك:معنى كدا ان فارس اذاكى زى ابوكى
فرح:انا مقولتش كدا على فكرة يمكن جوازى من اخوكى حمانى من ابويا ومراته
ملك:يعنى انتى بتحبيه
فرح:لا بحبه ولا بكره معرفش مافيش احساس معين جوايا بصى هقولك على حاجه ماما الله يرحمها كانت صادقه جداا فى مشاعرها وحبها لابويا رغم اللى عمله فيها وانه اذاها كتير جدااا تعرفى انه كان مشغلها خدامه لمراته ورغم ده كله كانت بتدعيله فى صلاتها بقيت اقولها بعد اللى بيعمله فيكى بردو بتدعيله تقولى طبعاااا مش جوزى مافيش ست تكره جوزها مهما عمل فيها
ملك:شكلها كانت طيبه اوى كان اسمها ايه
فرح:فاطمه
ملك:على اسم عمتو
فرح:شكل كل اللى اسمهم فاطمه طيبين كداا
ملك:سبحان الله
ملك بتبص وراها شافت فارس واقف وبيبص عليهم
ملك:يعنى ممكن فى يوم تحبي فارس
فرح:مش عارفه انا معرفش اذا جوازنا هيستمر ولا لأ اساسا
ملك:قصدك ايه
فرح:ولا حاجه يلا نروح ننام بقي
فرح قامت وبتلف شافت فارس واقف وبيبصلها اوى
ملك:اتاخرنا عليك ولا ايه
فارس:يلا عشان تصحى بدرى لشغلك
ملك:حاضر ياعم
ملك دخلت وفارس قرب ووقف قدام فرح:يلا عشان تاخدى علاجك وتنامى
فرح:حاضر
دخلو الاتنين سوا وطلعو الجناح وفرح دخلت الحمام وخرجت كانت لابسه بجامه لونها اسود بكم وكان فارس نايم على السرير وراحت عشان تنام على الكنبه
فارس:انتى بتعملى ايه
فرح:هنام
فارس:تعالى يافرح نامى على السرير انتى جسمك لسه تعبان
فرح:لا انا كدا مرتاحه
فرح نامت ولسه بتغمض عينيها حست ان جسمها بيترفع كان فارس شايلها وفرح اتكسفت اوى وفارس نزلها على السرير:مكانك هنا ونامى بقي مش عايز اسمع صوت
فارس نام وهى كمان نامت
~~~~~~~~~~~~~~~~~~~~~~~
عدى شهرين وفرح بقت احسن والجروح كلها اختفت فرح رجعت تضحك وتهزر وتعيش حياتها عادى معامله فارس ليها زى ماهى قاسي جدااا معاها ورغم انها بتخاف منه بس بتحس بالامان لما بيكون معاها وفاطمه وملك بيحولو على قد مايقدرو يقربوهم من بعض والكل بيحضر للحفله اللى هيعلن فيها فارس انه اتجوز وده طبعااا بامر من عمته فاطمه
ـ عامر اعترف بحبه لسارة وده فرحها جدااا لانها معجبه بيه وكلم باباها اللى رحب جدااا وعامر قاله ان بعد حفله فارس هيروح يتقدم رسمى
ـ ملك حبها لزياد بيزيد كل يوم وهو كمان بيحبها بس عامل حساب لفرق المستوى اللى بينهم
ـ سعاد وسيد بيحاولو يوصلو لفرح باى طريقه عشان يطلبو منها فلوس بس فارس بيمنعهم وسعاد فضلو تزن على زياد عشان ياخدهم يعيشو معاه فى شقته الجديده وزياد وافق
ـ زيزى ومروان الصياد بيخططو عشان يوقعو فارس
ـ شيرى اللى بتحاول تتقرب من فارس باى طريقه وده مضايق فرح جدااااا وفارس ملاحظ ده جداا
~~~~~~~~~~~~~~~~~~~~~~~
فرح صحت وكان فى اصوات كتير فى القصر فتحت البلكونه اللى فى الاوضه وشافت ناس كتير بتشتغل وبتزين الجنينه عشان الحفله
فارس كان بيلعب رياضه فى الجيم الخاص بالجناح ولابس شورت قصير بس دخل الاوضه شاف فرح واقفه فى البلكونه بشعرها نادى عليها بحده:فرح
فرح اتخضت ولفت بسرعه:نعم وحطت وشها فى الارض بسرعه لما شافته كدا
فارس:ازاى تخرجى البلكونه بشعرك كدا مش شايفه الرجاله اللى تحت
فرح:انا اسفه
فارس شاور على كافر فيه فستان على السرير:ده الفستان بتاعك البسيه فى حفله النهاردة وعمتو طلبت بنات عشان يجو يساعدوكى
فرح:شكراا ماكنش فى داعى لاى حاجه من دى
فارس:فرح لازم تعرفى انك متجوزة فارس الالفى ومراتى لازم تكون احلى واحده فى الحفله وعمتو عملت الحفله دى عشانك انتى فى الاخر فاهمه
فرح:فاهمه
فارس سابها ودخل الحمام
فرح:يوووه بقي كل مرة بتكلم معاه بحس قلبي هيخرج من مكانه
الباب خبط ودخلت ملك:صباح القشطه ياقشطه
فرح ضحكت:صباح الفل
ملك:وااااو الفستان وصل فتحتيه
فرح:لا لسه
ملك:بجد وقاعده عادى كدا مش نفسك تشوفيه
فارس خرج من الحمام وقعد على الكنبه
فرح:عادى
ملك شافت فارس:بجد مراتك دى مش طبيعيه دانا فتحت الفستان تحت مصبرتش لمااطلع اوضتى ..ملك شهقت بت يافروحه مقولتلكش على فستان شيرى يالهوى اخر صياعه مش عارفه هى هتتعب نفسها وتلبسه ليه ملوش لازمه يعنى
فرح:يابنتى كل واحد حر ملناش دعوة بحد
ملك:بقولك ايه يافرح انا كنت عايزة مرات اخ نفضل ننم على خلق الله ونتريق عليهم انتى طيبه اوى يابنتى
فرح:فطومه عودتنى ماليش دعوة بحد
ملك:عمتو
فرح:انتى نسيتى ان ماما الله يرحمها اسمها فاطمه بردو
ملك:اه صح طب ايه
فرح:ايه
ملك بصت لفارس:انت هتلبس لون ايه يافروسه
فارس:الطبيعى يعنى
ملك:اسود كالعاده
ملك:فروحه فستانك لونه ايه
فرح:معرفش
ملك:بجد مرارتى هتتفقع منك ابعدى انا هشوفه بنفسي
ملك فتحت الكافر كان فستان ابيض رقيق جداااا ضيف ونازل واسع :واااااااااااو ده حلو اوى
فرح قربت تبص عليه وابتسمت وفارس عينه عليها وشاف الفرحه فى عيونها
ملك:ايه رايك
فرح:يجنن
ملك:هتبقي احلى عروسه وانتى لابساه
فرح بصت على فارس لقيته بيبص عليها لفت وشها وبصت على الفستان تانى
الباب خبط ودخلت فاطمه:صباح الخير ياولاد
الكل:صباح الفل
فاطمه:ايه رايك فى الفستان يافروحه
فرح:حلو جداا يافطوم بجد متشكرة اوى
فاطمه:انتى بتشكرينى ليه فارس اللى جابه مش انا
ملك:اووووبااا بقااااااااا
فاطمه:اكرم راجع النهارده من سفره يافارس
فارس:ينور يافطوم
فاطمه:ناوى على ايه يابنى
فارس:ولا حاجه هسيبهم يكملو لعبتهم للاخر
ملك:انتو بتقولو ايه مش فاهمه حاجه
فارس:مالكيش دعوة انتى
فاطمه:يلا يابنات افطرو عشان البنات اللى هتعملكو الميكب زمانهم على وصول
البنات:حاضر
~~~~~~~~~~~~~~~~~~~~~~~
فى بيت سارة كانت قاعده فى اوضتها بتكلم عامر:بردو ماكنش ينفع تبعتلى فستان انا قولتك انى هنزل اشترى
عامر:ياحبيبتى انا وانتى واحد انا نزلت مع فارس كان بيجيب فستان لفرح ولما شوفت الفستان حسيته شبههك اوى ومعمول ليكى قومت اشتريته بس يارب يعجبك
سارة:يعجبنى بس ده يجنن ياعامر ربنا يخليك ليا
عامر:يافرج الله اخيرااا ابو الهول نطق
سارة:اخس عليك ياعامر انا ابو اللهول
عامر:مانتى اللى منشفاها عليا ياسارة
سارة:انا لسه مش خطبيتك على فكرة يعنى غلط وحرام اننا نكلم بعض كداا
عامر:هانت ياقلبي هيبقي كل حاجه رسمى
سارة:ان شاء الله يلا انا هروح اجهز بقي عشان هروح لفرح لازم اكون معاها
عامر:اجى اوصلك
سارة:فرح قالتلى ان فارس هيبعتلى عربيه عشان تاخدنى
عامر:حاضر ياسارسورة سلام
سارة:سلام
~~~~~~~~~~~~~~~~~~~~~~~
فى اوضه اللى خصصتها فاطمه للبنات عشان يجهزو فيها كانو فرح وملك وفاطمه وزيزى وشيرى
البنت اللى بتعملها ميكب:تحبي اعملك حاجه معينه
فرح:انا عايزة حاجه بسيطه خالص مش اوفر لو سمحتى
شيرى:لازم تعملى ميكب كتير عشان تبقي حلوة
ملك:فرح زى القمر من غير اى حاجه
زيزى:تلاقيها عمرها شافت كميه الميكب دى او حطيتها على وشها اصلا
شيرى:صح يامامى دول اخرهم زبده كاكاو
زيزى:او تلاقيها كانت بتستعمل ميكب و حاجات لوكل عشان تدارى علامات ضرب ابوها ومرات ابوها
زيزى وشيرى ضحكو بصوت عالى وفرح خرجت من الاوضه وراحت على اوضتها
فاطمه بحده:ممكن اعرف ايه اللى عملتوه ده
ملك:هما كدا ياعمتو مش بيحبو يشوفو حد فرحان ابداااا
فاطمه:محدش ليه دعوة بفرح فاهمين وده اخر تحذير منى بلاش التحذير يبقي من فارس
زيزى وشيرى خافووو
فاطمه:روحى ياملك هاتى فرح
ملك:لا ياعمتو انا هاخد البنات يعملولها الميكب فى اوضتها احسن
فاطمه:يكون احسن بردو
~~~~~~~~~~~~~~~~~~~~~~~
فرح كانت بتعيط ودخلت جناح فارس وقاعدت ورا الباب وفضلت تعيط فارس كان بياخد شاور وخارج لابس بنطلون بس وشاف فرح بتعيط قرب منها:فرح مالك
فرح بصتله وعيطت تانى
فارس قومها من الارض وقعدها على السرير وقعد جمبها:طب فهمينى حد قالك حاجه تزعلك
فرح بعياط:هما معاهم حق انا مش من مستواك انا عارفه والله
فارس :اهدى يافرح ومين اللى قالك كدا
فرح بصتله بكسوف وخصوصا لما شافته من غير تيشيرت ومسحت دموعها:محدش قالى حاجه
فارس:المفروض كدا اصدقك يعنى
فارس رفع وشها عشان تبصله:مالك
فرح:انا كويسه والله
الباب خبط ودخلت ملك وقعدت جمب فرح:ماتزعليش يافروحه هى غيرانه منك عشانك قمرايه
فرح ضحكت
فارس:ايه اللى حصل ياملك
ملك حكت لفارس على كلام زيزى وشيرى
فارس:طب اجهزو يلا عشان الناس شويا
هتبدا توصل
ملك:هروح اجيب البنت الل هتعملنا الميكب
فارس لسه هيخرج من الاوضه
فرح:فارس
فارس لف ليها:نعم
فرح:بلاش تعمل مشاكل مع حد عشان خاطرى انا مش زعلانه والله
فارس:متشغليش بالك يافرح يلا اتجهزى عايزك تنورى الحفله
فرح ابتسمت وفارس خرج من الاوضه
فرح برقت:ده قالى عايزك تنورى الحفله ده بجد ده
وملك جت معاها البنت وبداو يجهزو
~~~~~~~~~~~~~~~~~~~~~~~
فارس نزل تحت كانو فاطمه وزيزى وشيرى قاعدين قرب منهم:مراتى خط احمر اللى يفكر بس اللى يقرب منها هيلاقينى فى وشه مفهوم
زيزى وشيرى ...
فارس بصوت عالى:مفهووووووووم
زيزى:مفهوم يافارس
شيرى:مفهوم
اكرم دخل القصر
فارس:اهلا ياابن عمى نورت
اكرم:ده نورك يافارس بيه
عادل نازل من على السلم:حمدلله على سلامه عرفت طريق القصر لوحدك ولا حد قالك عليه
اكرم:الله يسلمك يابابا
فاطمه:خلاص ياعادل اجلو الخناق لبعدين النهارده يوم مهمه لفارس وفرح وانت يافارس اطلع اجهز يلا
فارس:حاضر
سارة دخلت القصر وكانت لابسه فستان بلون الفضي وطرحه بنفس اللون وكانت جميله :السلام عليكم
فاطمه:وعليكم السلام ياحبيبتى ايه الجمال ده
سارة:عيونك اللى حلوة يافطوم
فارس:تعالى ياسارة هوصلك لفرح
سارة:يلا
اكرم قرب من شيرى:مين المزة
شيرى:صاحبه فرح هانم
اكرم:بس جامده
شيرى:محجوزه ياحبيبي لعامر باشا
اكرم:صلاه النبي احسن ده حاجات كتير اتغيرت وانا مش موجود بقي
شيرى:تعالى وانا احكيلك على كل الجديد
اكرم:يلا.......
روايه الملاك والقاسي
««الفصل ١٣»»
عند فرح خلصت وكانت قمرايه بفستانها الابيض وملك كانت لابسه فستان بلون البينك ورافعه شعرها وكانت رقيقه جدااا
ملك:بجد مش قادرة اشيل عينى من عليك حلوة اوى ماشاء الله
فرح بفرحه:بجد
ملك:والله قمر قمر
فرح:وانتى كمان حلوة اوى
ملك:مانا عارفه
فرح:ايه يابت كل الغرور ده اوعى تقعى على وشك
ملك وفرح ضحكوووو وسارة دخلت:يانهار حلاووووووة
فرح:سارسورة ايه الجمال ده
سارة:جمال ايه بس اسكتى ايه حلاوتك دى يخربيت رقتك
ملك:وانا ايه شفافه حضرتك
سارة:دانتى الجمال كله يالوز اللوز انتى
فرح:انا متوترة وخايفه اوى
ملك:لا اجمدى كدا دى حفلتك
فرح:دى اكتر حاجه مخوفانى اوى
سارة:لا خلى عندك ثقه فى نفسك يافروحه
فرح:لما اكلم زياد عشان ميتاخرش
سارة غمزت لملك:حبيب القلب
ملك:بس بقي
~~~~~~~~~~~~~~~~~~~~~~~
فى شقه زياد كان بيلبس وفونه رن وكانت فرح
زياد:يافرحتى
فرح:قولت اكلمك عشان متتاخرش
زياد:وانا اقدر اتاخر عليك ياقمر وبعدين دى حفلتك يافروحه
فرح:قدامك كتير
زياد:لا خلاص نازل اهووو
سعاد كانت واقفه وسامعه كلام زياد
زياد خرج وسعاد جرت على سيد عشان تقوله
سيد:يعنى احنا هنستفيد ايه لما نروح
سعاد:نشوف العز اللى عايشه فيه السنيورة ونطلب منها فلوس انتى ناسي ان المعلم جعفر عمال يهدد فيك
سيد:طب هما هيرضو يدخلونا انا كل اما اروح عند القصر بيمشونى
سعاد:قوم البس بس خلينا نلحق الحفله من اولها
سيد:اما اشوف اخرتها معاك ايه
سعاد:فل باذن الله ياسيد
~~~~~~~~~~~~~~~~~~~~~~~
البنات كانو فى جناح فرح وقاعدين يهزرو ويضحكو الباب خبط قامت ملك تفتح وكان فارس
ملك:اهلا اهلا بالعريس
فرح قلبها دق جامد
سارة بهمس:فى ايه يابت مالك ماتهدى كدا دانا سامعه صوت دقات قلبك
فارس:فين فرح ياملك
ملك:تدفع كام
فارس:يخربيت رخامتك ابعدى
فارس زق الباب ودخل وانبهر بجمال فرح ورقتها وهى كانت مكسوفه اوى
فاطمه دخلت الاوضه:بسم الله ماشاء الله ربنا يحميكووو ياولاد يارب يلا يابنات انزلو انتو عشان فارس وفرح هينزلو فى الاخر
الكل خرج من الاوضه وفرح وشها فى الارض فارس رفع وشها وبص فى عينيها:زى القمر يافرح
فرح ابتسمت:انت كمان شكلك حلو
فارس مسك ايدها:ايدك متلجه كدا ليه يافرح انتى كويسه
فرح:خايفه اوى
فارس:من ايه
فرح:لا انا بس مش اخده على جو الحفلات ده عشان كدا متوترة
فارس:طب اهدى يلا ننزل
نزلوو وخرجو الجنينه وكان فى صحافين كتير والناس مهمين والكل مستغرب مين اللى مع فارس الالفى
فارس حس برعشه ايد فرح قرب على ودنها وهمسلها:ممكن تهدى شويا
فرح:حاضر
فارس اخد فرح وراح وقف فى نص المسرح وهو ماسك ايد فرح ومسك المايك:اهلا بكل الموجودين شرفتونا ومبسوطين بوجودكو معانا طبعاا الكل مستغرب حفله النهارده ليه حفله النهارده مهمه جدااا عشان عايز اعرفكو على شخصيه مهمه دخلت حياتى من فترة قريبه
فارس ساب ايد فرح وشاور عليها :اقدملكو فرح فارس الالفى مراتى
احنا كتبنا الكتاب فى جو عائلى وحبيت اعمل الحفله عشان الكل يعرف انى اتجوزت
الناس كلهم سقفوو وفارس ساب المايك وحاوط خصر فرح وقربها منه وهى كانت متوترة جدااا من قربه ومن الناس الموجودين
والصحافين بقو ياخدو صور كتير جدااا واشتغلت موسيقى هاديه وفارس لف فرح ليها ورقصو سوا سلووو بعد ماخلصو الرقصه فارس قرب من فرح ولبسها خاتم الماس الكل انبهر من جماله
فارس:روحى خليكى مع عمتو وملك
فرح:حاضر
فرح راحت وقعدت مع فاطمه اللى بدات تعرفها على الناس الموجودين وفارس كان مشغول مع رجال الاعمال بس عينه على فرح
فرح:فطوم انا هروح اشوف زياد جه ولا لسه
فاطمه:طيب ياحبيبتى
فرح قامت تدور على زياد وفارس عينه عليها
فرح واقفت فجاه لما سمعت اكتر صوت بتكرهه
سعاد:ازيك يامقصوفه الرقبه
فرح لفت بسرعه شافت ابوها ومراته قدامهاا جسمها كلها اترعش وافتكرت كل اللى كانو بيعملوه فيهاا وخلاص رجليها مش شيلاها ولا حاسه بيهااا
سيد:بقي يابنت🐶عايشه فى العز ده كله ومش معبرانا
سعاد:ليها حق متعبرناش ياسيد عشان تصدق لما قولتلك انها بت طماعه زى امها بظبط
فرح اتوجعت من الكلام بس مش قادرة ترد عليهم خايفه يمد ايده عليها قدام كل الناس دى
سيد:ايه انتى اتخرستى ولا ايه ياسنيورة
سعاد:شوف الخاتم اللى لبساه ده احنا لو بعناه نعيش ملوك
فرح لسه هترد حست بايد بتحاوط خصرهاا بصت جمبها كان فارس اتنهدت وحست براحه وبامان
فارس:ايه اللى دخلكووو هنا
سيد:ازيك يابنى انا حماك سيد ابو فرح
سعاد:وانا سعاد مراته وفى مقام امهااا
فرح:لا عمرك ماهتكونى فى مقامها لانك مش شبهها
سعاد:ليه كدا يافرح ياحبيبتى
فرح بصت لفارس وعينيها كلها دموع:خليهم يمشو ونبي يافارس
فارس شاور لرعد اللى جاله بسرعه:خرجهم برا من غير شوشرة ماشي ومش عايز اسمع نفسكو حتى يلا اتفضلو
سعاد بصت لفرح بغل وخرجت هى وسيد مع رعد
وزياد جه عليهم شاف فرح بتعيط بس ميعرفش ان اهله كانو هنا:فرحتى
فرح جرت على حضن زياد:وحشتنى ياقلب فرحتك
فارس كان بيبصلهم ومضايق انها بعدت عنه عشان حضن اخوهااا
زياد:ازيك يافارس
فارس:بخير يازياد
زياد بص لفرح:انتى بتعيطى يافرح
فرح:ولا حاجه يازيزو انا بس متوترة من جو الحفله انت عارف مش متعوده عليه
زياد بغمزة:بس ايه الحلاوة دى يافرحتى
فرح:حلوة
زياد:حلوة بس دانتى قمرايه
فارس كان بيبصلهم ومضايق بس بيحاول مايبينش
ملك جت عليهم:ازيك يا زياد
زياد:الحمدلله ياانسه ملك
ملك:ياعمى قولتلك ملك بس بلاش انسه دى احنا بقينا قرايب
زياد:حاضر ياملك
ملك:فروحه تعالى اعرفك على اصحابي
فرح:يلا
زياد بص لفارس:فرح بتكذب مش كدا
فارس:قصدك ايه
زياد:اول لما شوفتها كانت خايفه عيونها فيها دموع ايه اللى حصل يافارس
فارس حكى لزياد
زياد:ازاى عرفو بالحفله ودخلو هنا ازاى
فارس:الدخول ده سهل عشان فى حفله اكيد دخلو فى وسط الزحمه بس عرفو ازاى ده الله اعلم
زياد:ممكن يكونو سمعونى وانا بتكلم مثلا
فارس:مش انت عايش لوحدك
زياد:لا عايشين معايا
فارس:جايز يكونو سمعوك
بعد شويا فارس واقف لوحده وفرح مع ملك وشيرى قربت ووقفت جمب فارس
شيرى:اوعى تكون زعلان منى يافارس انا كنت بهزر مع فرح
فارس:هزار عن هزار يفرق
شيرى:متزعلش يافروسه بقي
فارس:فى ايه يابت ماتتعدلى ايه فروسه دى
فارس سابها ومشي
فرح بتهمس لملك:شوفتى بنت عمك الملزقه دى
ملك:شيفاها ياختى بت رخمه بصحيح
فرح:كويس ان فارس سابها ومشي
سارة جت عليهم وشكلها مضايقه
ملك:مالك يابنتى
سارة:عامر لسه مجاش لحد الوقت
فرح:يمكن مشغول
سارة:فى الشركه
ملك:زمانه على وصول روقى بقي
فرح:هو وصل خلاص
عامر جه عليهم:مساء الخير
ملك وفرح:مساء النور
عامر:مبروك يافرح اتفضلى هديتك
فرح:مرسيي ياعامر كلك ذوق
عامر مسك ايد سارة:عن اذنكو بقي اصالح عروستى
ملك:اذنك معاك ياخوياااا عقبالى ياناس
فرح ضحكت:دانتى قمر مليون واحد يتمناكى
ملك:يارب اللى انا عايزاه بس اللى يتمنانى
فرح بغمزة:يارب
~~~~~~~~~~~~~~~~~~~~~~~
عامر اخد سارة وقعدو على ترابيزة:خلاص بقي ياحيبيتى غصبن عنى والله فارس وعمى عادل مجوش الشركه وكل الشغل كان عليا والله تعبت اوى النهارده
سارة بصتله:ماشي هسامحك المرة دى
عامر:انما ايه الجمال ده ياقلبي
سارة:انت بردو زى القمر
عامر:انا كدا هيغمى عليا
سارة ضحكت
عامر:انا جعان ماتيجى ناكل
سارة:يلا
~~~~~~~~~~~~~~~~~~~~~~~
فرح وملك واقفين سوا واكرم قرب عليهم
اكرم:مساء الجمال
ملك:عايز ايه يااكرم
اكرم:طب ردو المسا طيب
ملك:مساء الخير نعم
اكرم:مبروك يافرح
فرح بصتله واضايقت من نظراته ليها:الله يبارك فيك ملك تعالى نروح لعمتو
اكرم:هو اذا حضر الشياطين طارو الملايكه ولا ايه
فارس:بظبط كدااا يااكرم
اكرم لف كان فارس واقف وراه:مبروك يافارس
فارس:بضايق مراتى ليه ياابن عمى
اكرم:مين قال كدا دانا كنت ببارك ليها بس
فارس:لا كتر خيرك اتفضل يلا من هنا
اكرم اضايق منه ومشي وفارس قرب من ملك وفرح
فارس:ملك روحى قعدى مع عمتو وانتى يافرح تعالى معايا
ملك مشت
فرح:هنروح فين
فارس:الناس كلها عايزه تباركلك وعشان مينفعش هما اللى يجولك احنا هنتمشي ونسلم على الكل واعرفك عليهم كمان
فرح بتوتر:بس انا مكسوفه وخايفه اوى
فارس بحده:امشي يافرح معايا يلا هما هياكلوك
فرح زعلت من طريقته وهو مسك ايدها وبدأو يتمشو فى وسط الناس والكل بيبارك ليهم وبيتصورو معاهم
بعد فترة الحفله خلصت والكل روح وفضل فارس وفرح وفاطمه وملك قاعدين ياجنينه
ملك:لا بس كانت حفله حلوة ايه رايك يافروحه
فرح:اه كانت حلوة
فاطمه:شكلك مش بتحبي الدوشه والزحمه يافرح
فرح:بصراحه اه ماليش فى جو الحفلات ده
شيرى من وراها:صح مانتى اخرك فى الحفلات حفله حنه او فرح
فارس بصلها بصه خرستهااا شيرى خافت ومشت من بصته
فاطمه:اطلعو نامو ياولاد انتو اكيد تعبانين
فرح:والله يافطوم انا بس هشوف السرير مش هتلاقونى
فاطمه:وهتسيبي فارس لوحده فى ليله زى دى
فرح بصت لفارس وفضلت تكح جامد فارس اداها كوبايه مياااا:اتفضلى
فرح اخدتها وشربت:انا هروح انام
ملك:البت هتموت من الكسوف
فرح جرت بسرعه على القصر
ملك:مراتك دى غلبانه اوى يافروسه
فارس:والله انا خايف عليها من القاعده معاكى
ملك بشهقه:قصدك ايه
فارس:هتخليها مجنونه
ملك:لا معلش هى مراتك مجنونه لوحدها اصلاا دى اجن منى
فاطمه:فرح دى زى ملايكه بس حظها اللى وحش
ملك:كفايه حظها فى اهلها ياعمتو بس ربنا عوضها بفروسه اللى هيحلى ايامها
فاطمه:ربنا يسعدكو ويرزقكو بذريه الصالحه
ملك:انا هابقي عمتو قمرايه
فارس:انا شكلى مش هخلص النهارده انا طالع
اصبحو على خير
فاطمه وملك:تلاقى الخير......
روايه الملاك والقاسي
««الفصل ١٤»»
يوم جديد على الكل
فى فيلا الصياد
مراون:لازم نخلص من البت دى
زيزى:لا مش لازم ملهاش اى لازمه على فكرة
مروان:افرض حبها وجاب منها عيال يورثو كل حاجه
زيزى:فارس مش بيحبها ولا هيفكر يحب اصلاا
صلاح:ليه بقي
زيزى:لان فارس بيكره الستات وشايف انهم كلهم خايين زى امه
مروان:والمطلوب الوقت
زيزى:نخلص من فارس ولما نخلص منه الشركه هتبقي مع عادل وهو خلاص خرف وقتها هنقدر ناخد منه كل حاجه
مروان:دماغك الماظ يازيزى هانم
زيزى:هتنفذ امته
مروان:فى اقرب وقت
~~~~~~~~~~~~~~~~~~~~~~~
فرح صحت وقاعده على السرير وفارس خارج من الحمام ودخل اوضه اللبس عشان يجهز وينزل الشركه فرح قامت من على السرير واستنيته لما خرج ووقف قدام المرايه وهى عايزة تكلمه وخايفه
فارس مركز معاها وقالها وهو بيبصلها فى انعكاسها فى المرايه:عايزة ايه
فرح:بصراحه انا كنت عايزة اطلب منك انى انزل الشغل
فارس بصلها ومتكلمش ومشي عشان يخرج من الاوضه
فرح:انا بكلمك على فكرة
فارس لف ليها:وانا مردتيش عليكى يبقي الكلام خلص
فرح قربت منه:خلص ازاى مش فاهمه
فارس بحده:يعنى مافيش شغل تانى او بمعنى اصح مافيش خروج من القصر خالص
فرح :يعنى ايه والكليه اللى هتبدأ الاسبوع الجاى
فارس:هو انتى مابتفهميش مش قولت مافيش خروج من القصر ابدااا
فارس لسه هيمشى فرح مسكت درعه
فرح برجاء وعينيها كلها دموع:لا ونبي الا كليتى بلاش تنتقم منى فى مستقبلى ونبي عشان خاطر ربنا ده حلم امى انا هسمع كلامك فى ايه حاجه الا دى ونبي
فارس زق ايدها من على دراعه بعنف وبيقرب منها:يعنى افهم انك مش هتسمعى كلامى
فرح بخوف منه:انا مقولتش كدا
فرح صرخت لما فارس زقها على الحيطه بقوة:اومال كنتى بتقولى ايه
فرح جسمها كله بيترعش ودموعها زى الشلال
فارس بصوت عالى:ردى كنتى بتقولى ايه مش هتسمعى كلامى وهتنزلى الشغل صح
فرح هزت راسها بلا بخوف
الباب خبط بس فارس متحركش من مكانه
الباب اتفتح ودخلت فاطمه بسرعه شافت حاله فرح جرت عليها وبعدت فارس عنها وخدتها فى حضنها وفرح جسمها كلها بيترعش
وفجاه اغمى عليها وهى فى حضن فاطمه
فاطمه بقلق:فرح اشتالها بسرعه يافارس نيمها على السرير
فارس اشتالها ونيمها على السرير وفاطمه جابت برفيوم وبتحاول تفوقها بس بردو مش بتفوق
فاطمه:انت لسه واقف روح اطلب الدكتورة بسرعه
فارس كلم رعد يروح يجيب دكتورة بسرعه
فاطمه وقفت قدامه:انت عملت فيها ايه
فارس:مش وقته الكلام
فاطمه:اومال امته هااا امته حرام عليك كام مرة هقولك متجيش عليها انت ربنا رزقك ببنت مافيش فى طيبه قلبها وانت بعمايلك دى هتخسرها
فارس ساب الجناح وخرج
~~~~~~~~~~~~~~~~~~~~~~~
فى الشركه عند عامر
عامر:خلاص بقي ياسارة قولتك ياستى هاجى اتقدملك هو انتى شيفانى عيل بضحك عليكى لو انا بضحك عليك بجد هكلم باباكى ليه بقي
سارة:وانت مجيتش لسه لحد الوقت
عامر:انا قولتلك بعد حفله فارس وفرح والحفله كانت امبارح وانا مستنى فارس يجى عشان اقوله ويجى معايا مش انتى عايزة فرح معاكى
سارة:اكيد طبعاااا
عامر:خلاص لازم اكلم فارس
سارة:حاضر امااشوف اخرتها معاك ايه
عامر:كل خير ياقمر
سارة:هروح اشوف شغلى
عامر:ماتخليكى معايا شويا
سارة:لا طبعااا انا خارجه
سارة خرجت من المكتب وعامر اتنهد:انا عارف انك هطلعى عينى بس بردو بموت فيكى
~~~~~~~~~~~~~~~~~~~~~~~
عند فرح الدكتورة وصلت وكشفت عليها وفاطمه وفارس معاها فى الجناح
فاطمه:عامله ايه يادكتورة وليه مش بتفوق
الدكتورة:الظاهر انه حصل معاها حاجه خوفتها او زعلتها لان عندها انهيار عصبي ومتقلقوش هى هتفوق بس مش حاليا انا اديتها حقنه عشان تهديها شوية بس ياريت بلاش يحصل ضغط عليها الفترة دى
فاطمه:تمام شكرااا يادكتورة
الدكتورة:العفو
فارس وصل الدكتورة وخلى رعد يوصلهاا ورجع الجناح تانى
فاطمه:حضرتك ناوى تفهمنى ايه اللى حصل ولا من ناوى
فارس حكلها على كل اللى حصل
فاطمه:فين غلطها بقي فهمنى البنت عايزة تنزل تكمل تدريبها وتكمل اخر سنه فى كليتها اجرمت هى ماعندك ملك وشيرى بيشتغلو وبيدرسوو عايز تحرمهاا حتى من دى يافارس
فارس:انا قولت اللى عندى يافاطمه الكلام انتهى خلاص
فارس خرج من القصر كله وراح على الشركه
وفاطمه فضلت جمب فرح
~~~~~~~~~~~~~~~~~~~~~~~
مروان الصياد بيتكلم فى الفون:فى اقرب وقت تكون مخلص عليه
المجهول:اعتبره حصل ياباشا
مروان:مش عايز ولا غلطه ولو عملتها ليك مكافاه منى
المجهول:تسلم ياباشا
~~~~~~~~~~~~~~~~~~~~~~~
فارس وصل الشركه وراح على مكتبه وبعد شوية الباب اتفتح
فارس:هو انت يابنى مش هتغير ام العاده اللى فيك دى
عامر:مانت لازم تتعود بقي
فارس:عايز ايه
عامر:عايز اتخطب
فارس:هااا اللى بعده
عامر:ايه ياعم البرود ده طب قول مبروك
فارس:مبروك ايه المطلوب منى
عامر:تيجى معايا وانا رايح اتقدم وتجيب معاك فرح كمان
فارس بضيق:مدام فرح ياحيوان
عامر:خلاص ياعم متزقش
فارس:وفرح تيجى بتاع ايه مش فاهم
عامر:انت هتصيع عليا مانت عارف انى هتقدم لسارة صاحبتها ولازم تكون معاها
فارس:تمام ربنا يسهل
عامر:ان شاء الله هيسهل بس انا عايز نروح بكرة باذن الله
فارس:مستعجل اوى كدا ليه
عامر:بحبها ياجدع
فارس:هتروح على امته
عامر:الساعه ٨
فارس:هنكون هناك على المعاد
عامر:ربنا يخليك ليا ياصاحبي
فارس:يلا عشان الاجتماع
عامر:يلا
~~~~~~~~~~~~~~~~~~~~~~~
فى مكتب زياد وملك
زياد بيشرح لملك وهى مش مركزة فى ايه حاجه وعماله تبصله وزياد اضايق
زياد بضيق:انسه ملك ماهو كدا مش هينفع انا سايب شغلى وبدربك وانتى مش مركزة
ملك باحراج:انا اسفه
زياد بهدوء:ماينفعش اللى بتعمليه ده ياملك انا وانتى مش شبه بعض ولا هننفع لبعض
ملك بتوتر:انت تقصد ايه
زياد:انتى عارفه انا اقصد ايه ياريت تشلينى من دماغك ومن قلبك كمان انا وانتى الفرق بينا زى السما والارض ياانسه ملك
زياد خرج من المكتب وملك عيطت وراحو الحمام عشان محدش يشوفها
~~~~~~~~~~~~~~~~~~~~~~~
فارس خلص الاجتماع وقاعد فى مكتبه بيفكر فى فرح ونفسه يتصل على عمته عشان يعرف فاقت ولا لسه بس طبعاا مش فارس الالفى اللى هيعمل كدا
فارس قام اخد مفاتيحه وفونه وخرج من الشركه كلها ورجع على البيت
بعد شويا وصل وطلع على الجناح على طول
وقبل مايفتح سمع صوت عياط فرح
فاطمه:خلاص يافروحه بقي قولتلك ياحبيبتى متخافيش انا معاكى
فرح بعياط وشهقاتها بتزيد:ونبي ياعمتو الا دراستى ده مش حلمى انا لوحدى ده حلم ماما الله يرحمها ونبي قوليله ميعملش معايا كدا انا والله عملت حاجه فيه ولا سرقت الملفات والله العظيم ماحصل ولا اعرف مين مروان الصياد اللى بيتكلم عليه ده
فاطمه بحزن عليها:اهدى ياحبيبتى عشان متتعبيش يافرح اهدى فارس حنين واكيد هيوافق فى الاخر
فرح:هو حنين معاكو انتو لكن معايا انا قاسي اوى وبيكرهنى
فاطمه:لا ياحبيبتى متقوليش كدا يافرح يلا اهدى وانا هنزل اجبلك الاكل عشان تاكلى
فرح بخوف:لا ونبي خليكى معايا ونبي ياعمتو متسبنيش هنا خدينى انام معاكى عشان خاطرى
فاطمه:حاضر تعالى معايا
فاطمه سندت فرح وخرجو من الجناح واتفاجو بفارس قدامهم وفرح جسمها اترعش
فاطمه:تعالى ياحبيبتى
فارس بحده:على فييين
فاطمه:فرح هتفضل معايا اليومين دول يافارس
فاطمه اخدت فرح وراحت على اوضتها اللى قريبه من الجناح وفارس دخل الجناح اخد شاور وغير وقعد قدام الشاشه وبعد شويا نام
~~~~~~~~~~~~~~~~~~~~~~~
سعاد وسيد قاعدين بيخططو ازاى ياخدو فلوس من فرح
سعاد:لازم ناخد شويا من العز اللى هي عايشه فيه
سيد:ماهى بنت🐶طردتنا لما روحنالها
سعاد:نحاول نوصلها باى طريقه ونهددها
سيد:وهنهددها بايه
سعاد:باى حاجه بس ناخد فلوس منها باى طريقه
سيد:المعلم جعفر عمال يهددنى انه هيحبسنى
سعاد:اصبر عليا بس انا هخطط واقولك هنعمل ايه
سيد:اما نشوف يلا عشان ننام بقي
~~~~~~~~~~~~~~~~~~~~~~~
صباح يوم جديد فرح صحت كانت نايمه فى اوضه فاطمه لوحدهااا قامت وافتكرت اللى حصل بينها وبين فارس
فرح:انسي يافرح انسي متفكريش فيه هو مش من حقى ابدااا ولا عمره هيكون ليا ده واحد قلبه حجر وقاسي ...انا هقوم لخد شاور عشان افوق... ييييوه مش معايا هدوم هنا ..طب لو روحت اكيد هشوفه..لالا اكيد نزل الشركه
فاطمه دخلت:انتى بتكلمى نفسك يافرح
فرح اتخضت:يافطوم حرام عليك قلبي وقف فكرته ابن اخوك المرعب
فاطمه ضحكت:تعرفى لو سمعك انتى اللى هتترعبي بجد
فرح بحزن:انا من غير حاجه بخاف منه انا بترعب منه
فاطمه:ياحبيبتى والله فارس مافيش احن منه بس حاجات كتير حصلت معاه فى حياته هى اللى غيرته كدا
فرح:حاجات ايه
فاطمه:بعدين يافرح قومى روحى الجناح خدى شاور وغيرى وتعالى عشان نفطر سوا
فرح:هو نزل
فاطمه:اه نزل
فرح خرجت وفاطمه سرحت شويا: انا اسفه بس لازم تتقابلوو وتتكلمو
~~~~~~~~~~~~~~~~~~~~~~~
فرح دخلت الجناح ماكنش فيه حد قعدت على السرير وحطت ايدها على وشها اتخضت لما سمعت صوته
فارس بحده:اخيرااا شرفتى
فرح قامت وقفت وكان باين عليها الخوف وفارس قرب منها اوى:عارفه لو فكرتى تسيبى الجناح وتنامى فى حته تانيه هيكون لينا كلام تانى سوااا فاهمه
فرح هزت راسها باه
فارس بص عليها كانت لابسه بجامه بيضا نص كم وعامله شعرها كحكه فوق:انتى جيتى من اوضه عمتو لحد هنا بمنظرك ده
فرح بصت على نفسها وبصت لفارس تانى ومتكلمتش
فارس بعصبيه:انطقى
فرح بسرعه:اه
فارس:وانتى مش عارفه ان فى رجاله فى القصر تمشي كدا ازاى ولا هو الحجاب منظرة عندك
فرح الدموع اتجمعت فى عينيها:بس اوضه عمتو جمب الجناح وماكنش فى حد فى الدور كله
فارس:بردو تلبسي زفت اسدال وطرحه على شعرك قبل ماتخرجى
فرح:حاضر
فارس:غورى من وشي
فرح راحت جابت هدوم ودخلت الحمام بسرعه بعد شويا خرجت كانت لابسه اسدال وفارس قاعد على السرير وبيشتغل على اللاب بتاعه ومشت عشان تخرج من الجناح
فارس:انتى راحه فين
فرح لفت بخوف:عمتو قالتلى انزل عشان نفطر سوا
فارس:لا مافيش نزول انا طلبتهم وهيجيبو الفطار هنا
فرح:حاضر
فارس:ايوا كدا خليكى شاطرة وتسمعى كلامى علطول
فرح قلعت طرحتها وقعدت على الكنبه بحزن وفارس عينه عليها:تعالى يافرح
فرح بصتله بخوف:نعم
فارس:قربي
فرح راحت وقفت جمب السرير وهى هتموت من الخوف
فارس:هتفضلى واقفه كدا ماتقعدى وبعدين انتى خايفه كدا ليه هو انا هاكلك
فرح قعدت جمبه
فارس:متزعليش منى يافرح بس انتى اللى عصبتينى
فرح:بس انا معملتش حاجه غلط انا طلبت انى انزل الشغل واكمل دراستى
فارس:وانا قولت لا ومش بحب اكرر كلامى
فرح بصتله اوى وقامت وقفت:انا نازله
فارس قام وقف قدامهاا:بصي يافرح انا محبش اللى يتجاوز حدوده معايا حتى لو مراتى فاهمه قولتك مافيش نزول
فرح:حاضر انا اسفه
الباب خبط وفارس راح فتح واخد الصنيه من الخدامه ودخل حطها على الترابيزة وقعد:يلا يافرح عشان ناكل
فرح قعدت وبدات تاكل وفارس متابعهاا
فارس:انتى مش بتاكلى ليه
فرح:لا انا باكل اهو
فارس:هو ده بتسميه اكل ده الطفل بياكل اكتر منك
فرح:عشان انا معدتى بتتعبنى لما باكل كتير وخصوصا الاكل ده
فارس بص للاكل:انتى المفروض بتاكلى اكل معين
فرح:المفروض اكل صحى بس طبعااا ده مستحيل انا باكل براحتى بس كميات قليله
فارس:ومعدتك تعبانه مالها تحبي تروحى لدكتورة
فرح :لا شكرااا
فارس:طب كملى اكلك
فرح:انا الحمدلله شبعت ممكن انزل لعمتو
فارس:انزلى وبليل الساعه ٨ تكونى جاهزة عشان هنخرج
فرح:هنروح فين
فارس:عامر هيروح يتقدم لصاحبتك واكيد انتى حابه تكونى معاها لو مش عايزة عادى
فرح بسرعه:لا طبعاا مستحيل اسيبها ولازم اكون معاها
فارس:تمام....
روايه الملاك والقاسي
(١٥-١٦)
««الفصل ١٥»»
فى جناح فارس كان بيجهز عشان يروحو بيت سارة فرح خرجت من اوضه اللبس وكانت لابسه دريس بلون بيبي بلو وطرحه بيضه فارس بصلهاا وهى اتكسفت:انا جاهزة
فارس:طب يلاا
فرح وفارس نزلووو كان الكل قاعدين
فاطمه:بسم الله ماشاء الله ربنا يحميكوو ياحبايبى
ملك نازله من على السلم:انا كمان جاهزة
فارس:طب يلا عشان منتاخرش عليهم
فارس وفرح وملك خرجووو وركبو عربيه فارس وراحو على بيت سارة
بعد شويا وصلو كان عامر وجده كمان وصلو وبيستنوهم عشان يطلعووو سوااا
عامر:اتاخرت ليه كدا
فارس:متعملش فيها عريس بقي سبنى اسلم على ابوكمال ياحبيبي وحشنى
كمال:حبيبي يافارس عامل ايه يابنى
فارس:انا بخير
كامل:مين القمرات اللى معاك دول
عامر:انت هتعاكسهم ياجدو ولا ايه
فارس:دى فرح مراتى ودى ملك ياابو كمال
كامل:ملك كبرتى امته وبقيتى عروسه
ملك:مانت ياجدو اللى مابقيتش تحضر عيد ميلاد
كامل بص لفرح:دايما كدا تقع واقف ياواد يافارس مراتك زى القمر
فارس:طبعااا مش فارس الالفى
عامر:طب يلا نطلع ولا هنبات هنا
فارس:حفيدك مستعجل اوى
كامل:اصله واقع ياحبت عينى
عامر:ااااه انتو هتستلمونى انتو الاتنين مش كدا
كامل:يلا نطلع
طلعوووو وخبطوو وحسن ابو سارة اللى فتحلهم:البيت نور والله اتفضلو
كامل:منور باصحابه يابنى
فريده خرجت وسلمت عليهم واخدت فرح فى حضنها:ياحبيبه قلبي وحشانى يافروحه
فرح:وانتى يافوفا والله اومال عروستنا فين
فريده:جواا فى اوضتهااا ازيك ياملك
ملك:بخير ياطنط
فريده:عقبال ياحبيبتى مانفرح بيكى
فرح:يارب
فريده:تعالو ادخلو لسارة
الرجاله قاعدو فى الصاله
كامل:طبعا ياابو على انت عارف احنا جايين ليه
حسن:والله يااستاذ كامل ده شرف لينا وعامر شكله انسان محترم وده كل اللى يهمنى لان سارة مش بس بنتى لا دى حته من روحى
عامر:وانا اوعدك ياعمى انى هشيلها جوا عيونى
فارس:كدا اتفقنا نقرا الفاتحه بقي
كامل:طب فين عروستنا
سارة خرجت مع البنات وعامر عينه عليها
فارس بهمس:اتلم شويا ابوها قدامك
كامل:يلا نقرا الفاتحه
بعد ماخلصو الكل بدا يبارك ليهم وفارس عينه على فرح اللى باين عليها الفرحه لصاحبتهاا
عامر:الخطوبه وكتب الكتاب ان شاء الله هيكونو كمان اسبوع
حسن:اللى انت عايزه يابنى
فارس:طب والفرح
عامر:بعد سارة ماتخلص السنه دى باذن الله
كامل:الف مبروك ياولاد عقبالك ياملوكه
ملك:حبيبي ياجدووو
حسن:امنيتك ياسارة انتى وفرح اتحققت
سارة:امنيه ايه ياابو على
فريده:معقول نسيتوو كنتو دايما وانتو صغيرين تقولو عايزين نتجوز اتنين صحاب عشان تفضلو سوا على طول
سارة وفرح بصو لبعض:صح
سارة حضنت فرح:انا مقدرش اعيش من غير فروحتى ابدااا
فرح:ربنا يخليكى لياا ياسارسورة
وملك قامت حضنتهم:ويخلينى ليكووو كمان
الكل ضحكوو
حسن:ربنا يخليكو لبعض يابنات انتو طيبين وتستاهلو كل خير
بعد شويا الكل مشي وفضل عامر قاعد شويا مع سارة فى البلكونه
عامر:اخيرااا بقيتى ليا
سارة بكسوف:اخيراا انت ليه خليت كتب الكتاب مع الخطوبه
عامر:كدا احسن عشان نبقي براحتنا نخرج سوا كدا يعنى
سارة:براحتك ازاى مش فاهمه
عامر:بلاش راسك تحدف شمال ماشي
سارة:هحاول اصدقك
عامر:بحبك ياقلبي
سارة:وانا كمان
عامر:انتى كمان ايه
سارة:بحبك
عامر:تعرفى نفسي اعمل زى السقا لما نط من فوق الشلال انا بقي هنط من البلكونه
سارة:والله انت مجنون
عامر:مجنون بيكى ياقلبي
~~~~~~~~~~~~~~~~~~~~~~~
فارس وفرح وملك رجعو على القصر ونزلو من العربيه ولسه هيدخلو عدى عربيه من قدام القصر وكان فيها شخص ملثم ضرب عليهم نار واختفت بسرعه والبنات استخبو بسرعه ورا العربيه وفرح عينها على فارس اللى مش بيتحرك:فااااارس
فارس وقع على الارض وفرح جرت عليه بسرعه وايديها كلها بقت دم:لالا فارس رد عليا ونبي ملك اطلبي اسعاف بسرعه
الكل خرجو لما سمعو ضرب النار وجرو على فارس
فارس بتعب:متزعليش منى يافرح
فرح:لالا متتكلمش
عادل:تعالو ناخده فى العربيه يلااااا
الحرس ساعدوو وحطو فارس فى العربيه وفرح جمبه وملك وفاطمه ركبو فى العربيه وراحو على المستشفى
زيزى رنت على صلاح وهى فرحانه:اخيرااا هنخلص منه
صلاح:نتاكد بس من الخبر
زيزى:الرصاصه شكلها قريبه من القلب
صلاح:حلو اوى داحنا نحتفل بقي
زيزى بدلع:طبعاا ياروحى هجيلك
~~~~~~~~~~~~~~~~~~~~~~~
فى المستشفى فارس فى العمليات فاطمه اللى قاعده وفى حضنها فرح وملك منهارين وعادل واقف قدام باب اوضه العمليات وعامر عرف الخبر وجالهم وخايف على صاحبه
عادل:محدش بيخرج يطمنا ليه
عامر:اهدى ياعمى الوقت يطلعوو طمنونا
بعد فترة الدكتور خرج والكل قامو وقفو
عادل:طمنا يادكتور
الدكتور:العمليه ماكنتش سهله لان الرصاصه كانت قريبه اوى من القلب بس هو لسه فى مرحله الخطر ادعوله ال٢٤ ساعه اللى جايين يعدو على خيررر بس هننقله على العنايه لحد مايفوق ويعدى مرحله الخطر ان شاء الله
عامر:شكراا يادكتور
المقدم ياسر صاحب فارس جه عليهم:سلامته الف سلامه ياعمى فارس بطل وان شاء الله هيقوم بسلامه
عادل:يارب يابنى
ياسر:انتو شاكين فى حد معين ياعمى
عادل:والله يابنى مانا عارف فارس رجل اعمال ناجح واكيد ليه اعداء
ياسر:وانت ياعامر
عامر:احنا لينا منافسين كتير بس عمرها ماتوصل للقتل
ياسر قرب على فرح وملك:انتو كنتو معاه مش كدا
ملك هزت راسها باه
ياسر:طب شوفتو اللى ضرب نار عليكم
ملك بعياط:لا كان مغطى وشه وكان فى عربيه ضرب نار ومشو بسرعه جدااا
ياسر بص لفرح اللى منهاره فى حضن فاطمه:وانتى يامدام فرح مشوفتيش وشه
فرح بتعيط ومش بترد....
عامر:معلش ياياسر انت شايف حالتهااا لما تهدى اكيد هتتكلم
ياسر:طيب انا هامشي وهابقي اطمن على فارس
~~~~~~~~~~~~~~~~~~~~~~~
فى فيلا مروان الصياد
صلاح:اخيرااا خلصنا منه
مروان:لا لما احضر جنازته ابقي اتاكد انه مات واحتفل وقتها
زيزى:الدكتور قال انه حالته خطرة و٢٤ ساعه لو عدو على خير هيبقي كويس لكن لو معدوش هنحتفل
مروان:ايواااا بقي
صلاح:عن اذنك بقي انا طالع فوق عايز احتفل
زيزى ضحكت بصوتها كله:يلا ياروحى
مروان:اطلعو اطلعو والله هرتاح منك ياابن الالفى
~~~~~~~~~~~~~~~~~~~~~~~
فى قصر الالفى شيرى قاعده تعيط دخل اكرم القصر وشافها:الجميل ماله
شيرى:انت شكلك متعرفش
اكرم:اعرف ايه وبعدين فين الناس اللى هنا
شيرى:فى المستشفى
اكرم:ليه فى ايه
شيرى:فارس اتضرب عليه نار وهو فى المستشفى الوقت
اكرم بفرحه:قولى والله طب ده حاجه حلوة يعنى
شيرى:انت بجد مبسوط
اكرم:اكيد لان اخيرا هرتاح منه وانتى بقي بتعيطى ليه
شيرى:انتو عارفين انى بحبه واوى كمان
اكرم:بس هو مش شايفك اصلااا وكمان اتجوز بس متفكريش كتير خلاص راح
شيرى:الله اعلم
~~~~~~~~~~~~~~~~~~~~~~~
فى شقه زياد
سعاد وسيد قاعدين سوا
سعاد:مانت نفذت اللى مطلوب منك يبقي تاخد فلوسك
سيد:طب هكلمه
سعاد:لا روحله احسن
سيد:حاضر
~~~~~~~~~~~~~~~~~~~~~~~
فى المستشفى
عامر:انا من رايي انكو تروحو ترتاحو وتيجو بكرة
فاطمه:لا انا مش هسيبه
ملك:ولا انا
عادل:عامر معاه حق روحو ارتاحو وتعالو الصبح فارس لما يفوق مش لازم يشوفكو كدا
عامر:يلا ياعمتو عشان اوصلكوو
فاطمه:طب يلا يابنات
فرح بتعب:خلينى انا هنا لوسمحتى ياعمتو
فاطمه:انتى تعبانه يافرح روحى ارتاحى ونيجى بكرة
فرح:لا انا كويسه والله
عادل:خلاص سيبيها على راحتها يافاطمه
فاطمه:يلا ياملك
عامر راح يوصل فاطمه وملك وعادل قعد جمب فرح اللى دموعها زى الشلال:هيبقي كويس يابنتى فارس قوى وان شاء الله هيقوم لينا بسلامه
فرح بصتله:يارب ياعمو يارب
عادل اخدها فى حضنه وفرح عيطت اكترر لحد ماهدت خالص
عادل:تعالى بقي ارتاحى فى الاوضه عامر حجزها عشان تاخدى راحتك
فرح:حاضر
~~~~~~~~~~~~~~~~~~~~~~~
فى فيلا مروان الصياد قاعد على نار بيستنى خبر موت فارس الالفى دخله مسعد دراعه اليمين:فى راجل برا عايزك ياباشا
مروان:راجل مين ده
مسعد:سيد ياباشا
مروان:ايه اللى جابه هنا ده طب دخله بسرعه يامسعد
سيد دخل وبيتفرج على الفيلا
مروان بعصبيه:انت ايه اللى جابك هنا ياغبي
سيد:الله يسامحك ياباشا انا نفذت اللى انت عايزه
مروان:لا لسه فارس لسه مامتش
سيد:وانا مالى بقي بكلام ده انا عايز فلوسي
مروان:انا طلبت منك تموته وهو لسه حى لمااسمع خبره هتاخد فلوسك فوقيها بوسه كمان
سيد بعصبيه:لا ياباشا متفكرش انك هتلعب بيا لاااا
مروان قام وقف:انت بتعلى صوتك عليا ياراجل انت
سيد:مانا لو ماخدتش منك الفلوس هدخل السجن ياباشا الراجل اللى انا مضيله على وصلات الامانه بيهددنى
مروان:طب هديك نص المبلغ ونص التانى لما اسمع خبره
سيد:وانا موافق
مروان امر مسعد يجبله الفلوس ومسعد جابهم واداهم لسيد اللى فرح بيهم
سيد:دول كام ياباشا
مروان:١٠٠ الف وال١٠٠ التانيه لما يوصلنى خبره
سيد:تشكر يابيه
سيد اخد الفلوس ومشي ومروان امر مسعد يخلى حد يراقب سيد كويس
~~~~~~~~~~~~~~~~~~~~~~~
فى اوضه صلاح الصياد قاعد على السرير وزيزى فى حضنه
زيزى:مش ناوى تتجوزنى بقي ياصلوحه
صلاح:ده مكانش اتفاقنا يازوزو وبعدين قولتك متفتحيش الموضوع ده تانى
زيزى:نغير الاتفاق ياصلاح هنفضل لحد امته كدا
صلاح:سبيها بظروفهااا ياقمر انتى
زيزى:انا لازم امشي عشان محدش يشك فيا
صلاح شدها لحضنه:تمشي فين انا لسه مشبعتش منك
زيزى ضحكت بدلع:بحبك ياشقى
~~~~~~~~~~~~~~~~~~~~~~~
تانى يوم فى المستشفى فرح واقفه قدام باب اوضه فارس وبتبص عليه من الازاز
عامر قرب عليها:فرح انتى لازم ترتاحى شويا انتى منمتيش خالص
فرح:انا كويسه
عامر:بعد كل اللى عمله فيكى وخايفه عليه كل الخوف ده دانا قولت انتى اكتر واحده هتفرحى فيه
فرح بصتله وعينيها كلها دموع:عمرى ماافرح فى حد مهما اذانى ورجعت بصت على فارس تانى
عامر:بتحبيه يافرح
فرح عيطت:اوى مش عارفه امته ولا ازاى بس انا بحس معاه بالامان وبحسه سند ليا بس اوقات بقول لنفسي مينفعش هو مش من حق لاننا مش هنطول فى تمثيليه الجواز دى
عامر لسه هيرد عليها فاطمه وملك جم
ملك:فارس عامل ايه الوقت
عامر:الدكاترة بيقولو الوضع مستقر
فاطمه:طب هو لسه مفاقش ليه
عامر:ان شاء الله يفوق قبل ٢٤ ساعه مايخلصو
ملك:طب لو مفاقش
عامر:يبقي دخل فى غيبوبه
ملك بانهيار:لالا مستحيل
فاطمه خدتها فى حضنها:اهدى ياحبيبتى ان شاء الله هيبقي بخير
ملك:يارب ياعمتو يارب
زياد عرف بالخبر وجه المستشفى:فارس عامل ايه الوقت
عامر:لسه مفاقش يازياد
زياد:ان شاء الله يقوم بسلامه
الكل:يارب
زياد عينه على ملك اللى منهارة فى حضن عمتها وقرب من فرح وشدها لحضنه:هيبقي بخير ياحبيبتى متخافيش
فرح:خايفه اوى عليه يازياد خايفه اخسره زى ماخسرتها
زياد:فارس قوي ومستحيل يستسلم بسهوله يافرح ادعيله ياحبيبتى
عادل جه عليهم:الدكتور بيقول ان الوضع مستقر الحمدلله ادعوله ان يفوق قبل ٢٤ ساعه مايخلصو
الكل:يارب..........
&&&&&&&&&&&&&&&
روايه الملاك والقاسي
««الفصل ١٦»»
فى المستشفى
زيزى وشيرى واكرم وصلو وكان الكل قدام اوضه فارس
عامر بصلهم اوى وفاق على صوت فرح اللى واقفه تبص على فارس من ازاز الباب
فرح:فارس حرك ايده حركها انا شوفته والله
عادل:نادى الدكتور بسرعه ياعامر
فاطمه:انتى متاكده يافرح
فرح:والله شوفته حرك ايده ياعمتو
ملك راحت تبص عليه:الحمدلله الحمدلله
الدكتور جه ودخل يشوف فارس وبعد شويا خرج
عادل:طمنا يابنى
الدكتور:الحمدلله فارس فاق وعدى مرحله الخطر والوقت هننقله اوضه عاديه
فاطمه:الف حمد وشكر ليك يارب
فرح وملك حضنو بعض وبيعيطو من الفرحه
عامر:انتو زعلانين تعيطو وفرحانين تعيطو
كلهم ضحكوو
الخبر نزل زى الصاعقه على زيزى بس حاولت تبان عاديه عشان محدش يشك فيهااا:حمدلله على سلامته يافاطمه
فاطمه:الله يسلمك
شيرى كانت فرحانه اوى ان فارس كويس
اكرم بهمس:فرحانه انتى اوى
شيرى:طبعاااا
بعد شويا فارس اتنقل اوضه عاديه والكل كانو معاه فارس بدا يفوق ويفتح عينيها
فاطمه قاعده على الكرسي اللى جمب السرير:ياحبيب قلبي حمدلله على سلامتك يابنى
فارس بتعب:الله يسلمك يافطوم
ملك:حمدلله على سلامتك يافارس كدا عايز تسبنى
فارس:انا اقدر ياحبيبتى
فارس عينيه على فرح اللى عيونها حمرة من كتر العياط
عادل:حمدلله على سلامتك يابنى
فارس:الله يسلمك ياعمى
عامر:كدا ياصاحبى عايز تسبنى فى نص الطريق مش كفايه بوظت عليا اليوم
فارس ضحك:حبيبي ياصاحبي
فارس بص لزيزى:مش هتقوليلى حمدلله على السلامه يامرات عمى
زيزى:حمدلله على سلامتك يافارس
فارس:الله يسلمك
فاطمه:كفايه كلام ياحبيبي عشان متتعبش ارتاح
فارس عينيه على فرح اللى واقفه لبعيد وبتعيط فى صمت وفاطمه ملاحظه نظراته
فاطمه قامت وراحت مسكت ايد فرح وقعدتها جمب فارس على السرير:اقعدى جمب جوزك ياحبيبتى وارتاحى شويا من امبارح وانتى واقفه على رجليك
فرح كانت مكسوفه لان الكل موجود فى الاوضه وبصت على فارس:حمدلله على سلامتك
فارس:الله يسلمك يافرح
شيرى كانت هتموت من غيظهااا واكرم قرب منها وهمسها:اهدى ليطقلك عرق
شيرى بصتله بغيظ
ملك عينها على شيرى وحبت تضيقها اكتر:فرح من امبارح وهى واقفه قدام باب العنايه يافارس حتى رفضت انها ترجع القصر معانا عشان ترتاح ومبطلتش عياط شوف عينيها عامله ازاى
فارس بص لفرح اوى وفرح اتكسفت من نظراته
زيزى:نروح احنا ونسيب فارس يرتاح عقبال ماترجع تنور القصر يافارس
فارس:هرجع يامرات عمى هرجع
زيزى وشيرى مشوو
اكرم قرب من فارس:حمدلله على سلامتك يابن عمى هروح انا عشان اسيبك ترتاح
فارس بصله ومردش عليه
فاطمه:روح مع ابنك ياعادل عشان ترتاح شويا احنا الحمدلله اطمنا عليه
عادل:حاضر
عادل مشي مع اكرم والباب خبط ودخل زياد
زياد:حمدلله على سلامتك يافارس
فارس:الله يسلمك يازياد
فاطمه:اقعد يابنى ارتاح
زياد قعد وعينه على ملك اللى واقفه جمب اخوها ورجع بص على فرح اللى لسه بتعيط:ايه يافرحتى فارس بقي كويس الحمدلله لسه بتعيطى ليه
فارس بص لفرح:انا كويس يافرح
فرح:الحمدلله
الباب خبط ودخلت سارة وحسن ابوها
حسن:حمدلله على سلامتك يابنى
فارس:تسلم ياعمى
سارة:حمدلله على سلامتك يابشمهندس
فارس:الله يسلمك ياسارة
بعد شويا كامل جد عامر اجه:حمدلله على السلامه يا فارس يابنى
فارس:الله يسلمك ياابو كمال
كامل:انت شاكك فى حد يابنى
فارس بص لعامر:مانت عارف ياجدى السوق بتاعنا ده كل يوم بيخلقلنا اعداء
كامل:ربنا يحميكو ياولاد
~~~~~~~~~~~~~~~~~~~~~~~
فى شقه زياد
سعاد:حلو اوى تدى لجعفر فلوسه عشان نخلص من زنه والباقى بقي لينا لحد مايجلينا خبر اللى اسمه فارس عشان ناخد باقى حقنا
سيد:بس اوعى ابنك يعرف بموضوع الفلوس دى
سعاد:لالا هو انا هبله وهو لو ادانى فلوس عشان نديها لجعفر ناخدها احنا
سيد:حلو زياده الخير خيرين
زياد دخل وسعاد خبت الفلوس بسرعه:انت رجعت بدرى ليه ياحبيبي من شغلك
زياد:انا كنت عند فارس فى المستشفى
سيد:وفارس بيعمل ايه فى المستشفى
زياد:امبارح اتضرب عليه نار
سعاد:ياحول الله يارب وهو عامل ايه الوقت
زياد:الحمدلله بقي كويس
سيد وسعاد اتصدمو وبصو لبعض
سيد:اه الحمدلله
سعاد:لازم نعمل الواجب ولا ايه ياسيد
سيد:اه اه اكيد هو فى مستشفى ايه يابنى
زياد:مستشفى ....
زياد دخل اوضته
سعاد:طلع بسبع ترواح ياخويا
سيد:راحت علينا الفلوس
سعاد:طب قوم خلينا نروح المستشفى عشان محدش يشك فينا
سيد:يلا
~~~~~~~~~~~~~~~~~~~~~~~
فى فيلا مروان الصياد بيكسر كل حاجه قدامه لما زيزى قالتله اه فارس فاق
صلاح:ماتهدى يابنى شويا بقي
مروان بعصبيه:مش هسيبك يابن الالفى ودينى لاقتلك
صلاح:مش لازم ناخد اى خطوة الوقت الشرطه بدور ورا الموضوع لازن نهدى كدا ونفكر بالعقل
مروان:حاضر
~~~~~~~~~~~~~~~~~~~~~~~
فى المستشفى
فاطمه قاعده على الكرسي جمب فارس وفرح وملك قاعدين على الكنبه وعامر واقف ساند على الباب
فارس:عامر روح انت تابع الشغل لازم يبقي فى حد فى الشركه
عامر:حاضر ياصاحبي ولو احتاجتو اى حاجه كلمونى
فاطمه:تسلم يابنى
عامر مشي
فاطمه:انت شاكك فى حد يافارس
فارس:لا ياعمتو
فاطمه:انا كدا هصدقك يعنى
فارس:متخافيش ياعمتو
الباب خبط ودخل المقدم ياسر:حمدلله على سلامتك ياصاحبى
فارس:الله يسلمك ياياسر
ياسر:شاكك فى حد يافارس
فارس:لا
ياسر:انا فاهم نظرة عينيك يافارس لو شاكك فى حد قولى واحنا نجيب حقك بالقانون
فارس:لما اخرج من المستشفى لو فى اى حاجه اكيد هعرفك
ياسر:حاضر ياصاحبي استاذن انا بقي
فارس:روحو ارتاحو فى القصر يافطوم انتو شكلكو تعبانين
فاطمه:لا ياحبيبي احنا بخير متشغلش بالك
الباب خبط وملك فتحت وكانو سيد وسعاد وفرح اول ماشافتهم وقفت وباين عليها الخوف وفارس عينه عليها
سيد:حمدلله على سلامتك يابنى
سعاد:بركه انك قومت بسلامه ياخويا
فاطمه بصت لفارس:انت تعرفهم يافارس
سيد:طبعااا ياست هانم انا سيد ابو فرح ودى سعاد مراتى
فاطمه بصت على فرح اللى جسمها بدا يترعش وملك وقفت جمبها
سعاد:كنت زى الورده المفتحه ياباشا كله من بوز الفقر دى لما دخلت حياتك
فاطمه لسه هترد فارس اتكلم:جيتو وعملتو اللى عليكو يلا بقي من غير مطرود
سيد بص لمراته:ماتزعلش منها يابيه هى متقصدتش
فارس اتعصب لما شاف دموع فرح:تقصد ولا ماتقصدش يلا اخرجو برااا
سيد وسعاد خافو وخرجو بسرعه وملك حضنت فرح اللى بتعيط:خلاص يافروحه بقي بقيتى شبه الطماطمايه من كتر العياط
فرح ضحكت
فاطمه:ايوا كدا خلى ضحكتك تنور وشك ياحبيبتى
~~~~~~~~~~~~~~~~~~~~~~~
بليل
عامر خلص شغل الشركه ورجعلهم المستشفى تانى
عامر:يلا يافطوم عشان اروحكو ترتاحو شويا
فرح بسرعه:لا انا هفضل هنا
ملك:ياسيدى ياسيدى
فرح ضربتها فى كتفه
فاطمه:ماشي يافرح خليكى مع فارس انتى
فرح:حاضر
كلهم مشو والدكتور جه واطمن على فارس
الدكتور:حمدلله على سلامتك يافارس
فارس:الله يسلمك هو انا ممكن اخرج امته
الدكتور:انت لازم تستنى معانا يومين لما نطمن عليك تقدر تخرج
فارس:لا يومين كتير انا هخرج بكرة
الدكتور:طب والجرح مين هيغيرلك عليه
فارس:مراتى معايا وهتساعدنى
فرح فرحت لما قال كدا
الدكتور:تمام يافارس ارتاح انت بس الوقت
فارس:حاضر
الدكتور خرج وفارس بص لفرح اللى واقفه بعيد:هتفضلى واقفه كدا تعالى يلا عشان ننام
فرح:اجى فين
فارس:هيكون فين يافرح على السرير جمبي يلا
فرح:لا خليك انت براحتك وانا هنام على الكنبه هنا
فارس:فرح مش عايز كلام كتير يلا تعالى واقلعى طرحتك دى
فرح:حاضر
فرح فكت طرحتها وراحت نامت جمب فارس ونامت على طول من التعب وفارس فضل يبصلها كتيرر:مش عارف انتى عملتى فيا ايه يافرح شكل فارس الالفى وقع على ايديكى يافرحه قلبي
بعد شويا فارس نام هو كمان
~~~~~~~~~~~~~~~~~~~~~~~
تانى يوم فى قصر الالفى فاطمه وملك وعادل جهزو عشان يروحو لفارس المستشفى واتفاجو بعامر وهو مسند فارس وفرح وراهم
فاطمه:انت خرجت من المستشفى ليه ياحبيبي
عامر قعد فارس على الكنبه
وفارس اتكلم بتعب:انتى عرفانى يافطومه
عادل:بس انت لسه تعبان يابنى
فارس:انا كويس بس عايز اطلع ارتاح فوق
عامر وعادل سندو فارس لحد ماطلعو الجناح ونام على السرير وخرجووو
فاطمه:بقي ينفع كدا يافارس تخرج وانت لسه تعبان
فارس:خلاص بقي يافطوم
فاطمه:وانتى يافرح مش عارفه تمنعيه
فرح بصتلها ومش عارفه تقول ايه
فارس:خلاص بقي ياعمتو انا كويس والله
فاطمه:حاضر يافارس انا عارفه انك بتعمل اللى فى دماغك ومش بتسمع كلام حد هروح اجهزلك حاجه تاكلهاا
ملك:هاجى معاك ياعمتو
الكل خرج وفضل فرح:تحب اساعدك فى حاجه
فارس:لا انا عايز انام شويا بس
فرح دخلت غيرت هدومها ونزلت تحت تساعد فاطمه
~~~~~~~~~~~~~~~~~~~~~~~
زيزى راحت لصلاح الفيلا
صلاح:يعنى رجع البيت
زيزى:ايوااا وهدوئه ده ميطمنش ابداااا
مروان:هدوء ايه صاحبه المقدم ده مش ساكت وبيدور حولين الموضوع
صلاح:انت واثق فى اللى اسمه سيد ده
مروان:متخافيش ميقدرش يتكلم
وبعدين حتى لو اتمسك هو بعيد عننا هيقولو انه حاول يقتله عشان طرده من فيلته ومانعه يشوف بنته
صلاح:البركه فى زيزى اللى شافتهم وسمعت كلامهم يوم الحفله
زيزى:كان لازم نستغل طمعهم
مروان:انا هرميله قرشين كمان عشان يسكت وميفكرش يفتح بوقه
صلاح:ايوا احسن
زيزى:عايزين نهدى الفترة دى وبعد كدا نشوف هنعمل ايه
مروان:تمام
~~~~~~~~~~~~~~~~~~~~~~~
فارس قاعد على السرير والباب خبط ودخلت شيرى وكانت لابسه فستان قصير وضيق:حمدلله على السلامه يافارس
فارس بصلها بقرف:الله يسلمك
شيرى قعدت جمبه على السرير:خوفت عليك اوى يافارس
فارس:لا متخافيش
الباب اتفتح ودخلت فرح ومعاها صنيه الاكل واتفاجت بشيرى قاعده جمب فارس
فرح:انا جبتلك الاكل عشان تاكل وتاخد علاجك
شيرى:هاتى وانا اكله
فرح بصوت عالى:نعم
شيرى:ابن عمى وهساعده فيها ايه دى
فرح:فيها كتير ياحبيبتى وبعدين انا موجوده
شيرى:يعنى ايه
فرح:ااااه الظاهر عقلك بعافيه حبتين انا موجوده ياحبيبتى يعنى مراته موجوده واتفضلى اخرجى بقي عشان اكل جوزى
فارس ابتسم على كلامهاا وكان فرحان بغيرتها عليه
شيرى قامت خرجت وفرح قفلت الباب وبصت لفارس اللى بيبصلها اوى:يلا عشان تاكل وتاخد علاجك
فرح اكلت فارس واديته علاجه وفونها رن مكالمه فيديو على الماسنجر وكان زياد
فرح راحت قاعدت على الكنبه وردت
زياد:فرحتى
فرح ضحكت:ياروح قلب فرحتك وحشتنى اوى
فارس اضايق جدااا وكان حاسس انه عايز يقتل زياد
زياد:مانا جيتلك المستشفى ماكنتش معبرانى وكل همك حبيب القلب
فرح بصت لفارس ورجعت بصت لفون تانى:احم انت كويس
زياد:بخير يافروحتى طول مانتى بخير
فرح:وانا كويسه يازيزو
زياد:معتش غير اسبوع وتنزلى الكليه يافروحتى وتخلصى اخر سنه وتكونى احلى بشمهندسه فى الدنيا وتحققى حلم فطومه
فرح ضحكتها اختفت وافتكرت ان فارس منعها من الشغل والكليه وفارس عينه عليها
زياد:مالك ياحبيبتى
فرح:لا مافيش يازيزو انت عارف اليومين اللى فاتو كان تعب جامد علينا
زياد:حاضر ياحبيبتى اسيبك عشان ترتاحى
فرح:حاضر يازيزو
فرح قفلت مع زياد ودخلت الحمام
وبعد شويا خرجت كانت لابسه بجامه زرقه ورافعه شعرها لكحكه عشوائيه وفى خصلات نازله
فارس فى نفسه:يخربيت جمالك
فرح قربت عشان تنام على الكنبه:اصبح على خير
فارس:مش كل مرة هنفضل نتكلم يافرح تعالى نامى على السرير يلا
فرح:حاضر
فرح نامت على السرير وفارس نام هو كمان......
تعليقات
إرسال تعليق