رواية العاصي الفصل الواحد وعشرين والثاني وعشرون والثالث وعشرون والرابع وعشرون والخامس وعشرون بقلم/كنزي حمزه
رواية العاصي الفصل الواحد وعشرين والثاني وعشرون والثالث وعشرون والرابع وعشرون والخامس وعشرون بقلم/كنزي حمزه
العاصي
الفصل الواحددوالعشرون
مرت الايام سريعا وانتهو من توضيب شقتهم وصعدو اليها وتحسنت العلاقه بينها وبين والد زوجها كثيرا
وفي يوم كانو يجهزون الطعام مع حسنه بالمطبخ ودار بينهم هذا الحديث
غمزه: هانعمل اكل ايه النهارده
غزل:ايه رأيكو نعمل مكرونه بالبشاميل وبانيه
حسنه:سي عاصي مش بيحبها وبيقول عليها عك وعمي الحج كمان مش بيحبها
غمزه:طب بما انك بقي متربيه هنا تقدري تقوللنا هما بيحبو ايه
حسنه:بيحبو المحشي بأنوعه ومن يوم ستي ما تعبت مأكلهوش ربنا يشفيها.
غمزه وغزل:يا رب.
غمزه:طب احنا عندنا حاجة المحشي في الفريزر
حسنه :موجوده ولو ناقص حاجه ممكن اروح اشتريها
غزل:ايوه بس احنا مش بنعرف نعمل محشي يا غمزه
غمزه:ياستي نتعلم وكمان نجيب مامي فاطمه وتقعد معانا هنا وتعرفنا
انا هادخل اقولها وانتو طلعو الحاجه يلا
دلفت عليها غرفتها وجدتها مستيقظه فهتقت
غمزه: بقولك ايه يا مامي احنا محتارين نعمل غدا ايه وفكرنا انك تيجي تقعدي معانا وتعليمينا نعمل محشي اذاي ايه رأيك
اومأت لها برأسها وابتسمت
غمزه:كده طب انا هاجيب لحضرتك الكرسي بتاعك ثانيه واحده
نقلتها علي مقعدها بكل راحه ودلفت بها الي المطبخ وجدت حسنه احضرت كل المستلزمات ولكنها مجمده
نظرت فاطمه الي صنبور المياه ثم الي حسنه
حسنه:حاضر يا ستي
غزل:هي عايزه ايه يا حسنه
حسنه:عايزياني احط الكرنب في شوية مايه سخنه عشان يفك التلج اللي فيه صح يا ستي
ابتسمت لها ووافقتهافعلت حسنه مثلما قالت ثم اتت بالبصل امام غمزه
غمزه:ايه عايزه ايه اشمعني انا اللي هاقطع البصل
نظرت لها فاطمه بغضب
غمزه:طب بس ماتكشريش كده امري لله هاقطعه اهو
امسكت غزل حبات الطماطم بدأت تعصرها
اندمجو سويا في عمل الطعام وسط ضحكاتهم
حتي انهو الطعام
حضر حمزه وعاصي من شركتهم وجدوهم قد انهو كل شيء
كل شيء فهتف
عاصي: حمزه انت شامم اللي انا شامه
وضع الاخر يده علي قلبه وصاح
حمزه: اه قلبي الصغير لا يتحمل في بيتنا محشي ههههههههههه
عاصي:لاء ماتقولش دي حقيقه عندنا محشي اه لقد هرمنا من اجل هذه اللحظه ههههههههه
ضحك الجميع عليهم وضحكت لهم والدتهما ثم صاحت غمزه
غمزه: بس بس كل ده عشان عملنا محشي دي حاجه سهله جدا يعني
عاصي: ايوه بقي طب لما احنا شطار اوي كده كان فين بقي الكلام ده من زمان بطننا نشفت من البطاطس المحمره
غزل:الله هو انتو كنتو طلبتو واحنا قولنا لاء
حمزه:ثانيه بس اعرف حاجه هو انتو اللي طبختو المحشي ده
غمزه:ايوه احنا بأشراف من ست الكل طبعا
عاصي :انفد بجلدك يا حمزه انا مش عايز اروح المستشفي
حمزه:اجري يا عم مالها البطاطس مش احسن ما تعمل غسيل معده هههههههه
غزل:كده يا حمزه طب انا زعلانه منك
غمزه:بقولك ايه لو مش عايز تاكل من الاكل اللي انا عامله اوك اتفضل بقي اطلع شقتك لوحدك كل بطاطس زي ماانت عايز
وقف الاثنان بجانب بعض علي الباب وظهرهم لهم هتف والدهم
فضالي: هههههههههه انا بقول تدخلو وتقعدو تاكلو بكرامتكم بدل ما تحضنو المخده وانتو نايمين ههههههههههه
رجع الا ثنان في صمت وجلسو علي طاولة الطعام ينتظروه
جلس الجميع علي طاولة الطعام في سعاده وضحك
دلف عاصي بوالدته الي غرفتها لتستريح ثم رجع اليهم مره ثانيه وجلسو مع والدهم
هتف والده:بس تسلم ايدكو يا بنات الاكل فعلا كان جميل
غزل:بجد عجبك يا عمو لا ولسه الحلو بقي دي غمزه كمان عملت ام علي بس ايه هاتاكل صوابعك وراها
عاصي:وكمان ام علي برافو عليكي يا حبيبتي
غمزه: علي ايه يا حبيبي بس بلاش انت تاكل منها بقي احسن تروح المستشفي
حمزه:ههههههههه اوبااااا حلوه اوي دي ياغمزه هاتي بقي عشان نحلي
غزل:بجد وانت مش خايف لحسن تعمل غسيل معده
زين:ههههههههههه اوبا عليك انت كمان يا حمسه
فضالي:الله يخرب عقلكو يا ولاد والله بألي كتير ماضحكتيش كده
احضرت لهم غمزه الحلوي وامسكت بطبق وملعقه صغيره وهتفت
غمزه:يلا كلوها بقي وانا هادخل لمامي الطبق ده ادوقها ليها قبل ما تنام ولما ارجع تقوللي رأيكو ايه
عاصي:بالنسبه لياجميله جدا من قبل مادوقها كفايه شكلها وريحتها والمكسرات اللي علي وشها دي يا قمر
ابتسمت له وفرحت جدا من مدح زوجها فيها ثم اتجهت الي غرفة والدته
امسك حمزه الطبق وبدء يأكل منه: الله دي حلوه بجد طعمها لذيذ اوعي تكوني مش بتعرفي تعمليها يا غزل
غزل:لاء بعرف اصل دي طريقة مامي هي بصراحه شاطره جدا في الحاجات الحلوه واحنا بنعرف نعمل شوية حاجات منها كده
عاصي:قولتيلي بقي يعني دي.
لم يكمل كلامه حين سمع صراخ زوجته القي الجميع ما بيدهم وجرو علي غرفة والدتهم
وجدوها راقده علي الفراش عيناها مفتوحه ولكنها لاتتنفس
جرو عليها
وبدء عاصي يحسها علي التنفس
امسك حمزه هاتفه واتصل بالطبيب
وبدء فضالي يهزها لا يريد احد ان يصدق هذا
بقلمي/كنزي حمزه
حضر الطبيب وبدء في الكشف عليها ثم اغلق لها عينها وسحب الغطاء علي وجهها
وهتف: البقاء لله الحجه تعيشو انتو بدأت الفتايات في الصراخ
امسكه عاصي من ياقة قميصه وصرخ فيه:انت بتقول ايه انت حمار مش فاهم حاجه امي كانت لسه بتاكل معانا لاء امي ماممتش دي لسه عايشه
فضالي:بس يا عاصي سيبه ده امر الله يا بني
الطبيب:انا مقدر اللي انت فيه ربنا يصبروكو عن اذنكو
ذهب الطبيب وحضرت روقيه وجدتهم عندما سمعو صراخ الفتايات
روقيه:ايه في ايه مالكم يابنات بتصرخو كده ليه
جرو الي احضانها وهم يصرخون :مامي فاطمه ماتت يا مامي دي كانت لسه قاعده معانا
توحه:ان لله وان اليه راجعون البقاء لله واحده يا عبد الرحمن شدو حيلكم يا ولاد
بدءت النساء تتجمع في بيتهم ثم نزل الرجال الي اسفل ليتقبلو واجب العذاء الي ان بدء الجميع في الذهاب لحين الرجوع باكر ليحضرو الجنازه
//////////////************/////////////**********
بات الجميع مستيقظ لم يجافي احد النوم سوي الصغير الذي قد غفي وهو جالس علي قدمها بعد ان ابدلت ملابسها بملابس سوداء هي واختهاهتف فضالي
فضالي:غمزه قومي يا حبيبتي نيمي زين جوه وادخلي انتي وغزل ارتحو شويه علي ما النهار يطلع
غمزه:ومين بس هايجيلو نوم يا عمو خلينا قاعدين معاكم
عاصي بغضب: قومو اطلعو فوق قعدتكم هنا مش هاتفيد بحاجه قومو نامو يلا
فضالي: بس براحه عليهم انت بتتعصب عليهم ليه
غمزه:خلاص يا عمو مافيش حاجه حاضر يا حبيبي احنا هانقوم اهو بس هاندخل جوه يلا يا غزل
غزل:لاء انا مش هاسيب حمزه انا هافضل معاه
حمزه:قومي غزل نامي وانا قاعد هنا اهو مش هايحصل حاجه قومي مع اختك يلا
دلفو الي الغرفه واغلقو الباب عليهم ثم ارقدت الصغير علي الفراش وجلست بجانبه
غزل: انا مش فاهمه هو جوزك بيتعصب علينا ليه هو دا وقت عصبيه يعني
غمزه:سبيه بلي هو فيه ربنا ياعالم هو بيداري ايه ورا عصبيته دي اكيد حزين من جواه اوي يا حبيبي
جلست غزل علي الجانب الاخر من الفراش:معقول بيداري حزنه علي مامته بزعيقه فينا ده
غمزه: انتي ماشوفتيش كان هايضرب الدكتور اذاي
غزل: والله معاه حق اذا كنت انا لحد دلوقتي مش مصدقه وحمزه كمان يا حبيبي ساكت كده ومش بيعمل حاجه خالص
غمزه: ربنا يصبرنا كلنا علي فراقها نامي يا حبيبتي بكره هايبقي يوم صعب علينا كلنا
////////////////************///////////////**********
اقبل النهار عليهم وهم جالسون لم يتحدث احد منهم فتح فضالي الباب بعد ان رجع من صلاة الفجر في المسجد ودلف اليهم وهتف
فضالي:ايه يا ولاد انتو لسه قاعدين زي مانتو
حمزه:يعني هانروح فين ياابا ادينا قاعدين
فضالي :وهاتفيد بأيه القعده يابني قومو ارتاحو شويه ولا حتي افردو ضهركم كل واحد علي كنبه
عاصي: ادخل انت ارتاح شويه ولما المغسله تيجي هابقي اصحيك
فضالي:وادخل ارتاح ازاي وانا شيافكم كده وكفايه حرق سجاير بقي انتو بتقهروني بزياده كده
حمزه:لاء يابا ابوس ايدك احنا هنريح علي الكنب هنا اهو وانت ادخل ارتاح جوه
وادي السجاير كمان اهيه ثم القي بسيجارته في المنفضة التي امامه وفعل عاصي مثله وفرد ظهره علي الاريكه امام والده حتي يدلف مع اخيه الي غرفته
ادخله حمزه ودثره بالغطاء وهتف: ارتاح شويه ولما المغسله تيجي هاصحيك
فضالي:لله الامر من قبل ومن بعد الحمد لله انها راحت وهي بتضحك وراضيه عنكو ربنا يرحمها برحمته
حمزه:يارب ثم تركه واغلق عليه باب غرفته وذهب ليتمدد بجانب اخيه
///////////////////////////////////////////////////////////
استيقظت هي في تمام الثامنه صباحا ايقظت اختاها وخرجو من الغرفه ليستعدو لهذا اليوم الصعب وجدوهم غافيان علي الاراءك دون غطاء فجلبت كل واحده منهم غطاء وغطت زوجها
امسك هو يدها وهي تغطيه وهتف
عاصي:انا صاحي يا غمزه مش نايم
غمزه:يا حبيبي ارتاح شويه
عاصي: ارتاح ايه بس هي الساعه كام دلوقتي
غمزه: الساعه٨
اعتدل من رقدته وامسك رأسه بيدهثم اشعل سيجاره من علبة سجاءره :طب اعمليلي كوباية قهوه عشان مصدع
غمزه:قهوه وسجاير علي الريق كده طب هاجبلك اي حاجه تفطر
عاصي:غمزه بقولك مصدع ومش عاوز كلام كتير روحي اعمليلي قهوه يلا
غمزه :يوه حاضر حاضر
ذهبت من امامه واتجهت الي المطبخ وجدت الفتاه حسنه جالسه تبكي في صمت اخذتها بين احضانها
وهتفت: ايه يا حسنه انتي لسه بتعيطي مالها ياغزل
غزل:بتعيط عشان مامي فاطمه وعماله تقول مش عارفه هاروح فين وكلام غريب كده
اجلستها علي المقعد ووقفت تعمل القهوه لزوجها :هاتروحي فين يعني ايه دي انتي عايزه تسيبنا يا حسنه
حسنه: هو انا اعرف حد غيركم انا يتيمة الاب والام ستي الحجه خدتني من البلد واناصغيره معرفش ام غيرها ليا ولا عيله غيركم ودلوقتي هي سبتني وانا مش عارفه هاعمل ايه.
غزل:هاتعملي ايه ياعني ايه هاتفضلي في بيتك طبعا واحنا هنبقي اخواتك مش كده يا غمزه
غمزه وهي تسكب القهوه في الكوب: طبعا كده اذا كانت هي سبتنا يا حبيبتي فده امر الله محدش فينا يقدر يعترض لكن انتي هاتفضلي معانا هنا لحد ما تكبري ونجوزك كمان ويبقي ليكي بيت لوحدك
ارتمت حسنه في احضانها وبكت بشده. دلف عليهم
عاصي:كل ده بتعملي كوباية قهوه ياغمزه.
غمزه:هاه لاء خلاص القهوه اهيه بس كنت براضي حسنه اصلها كانت بتعيط جامد
نظر الي تلك الفتاه وابتسم لها :برغم انها كانت قاسيه عليكي شويه بس انا عارف انك بتحبيها
حسنه:لاء والله طول عمري عارفه ان قسوتها عليا دي ياأما عشان تعلمني ياأما خوف عليا ربنا يرحمها ويصبرني علي بعدها.
اخذها هو من بين احضان زوجته واحتضنها ثم قبل رأسها وهتف:ويصبرنا كلنا ثم امسك كوب القهوه واتجه خارج المطبخ مره ثانيه
استيقظ والده واخيه ايضا وحضرت المغسله وطلبت من الفتايات الوقوف معها ولكن جدتهم طلبت هي الوقوف وقراءةبعض ايات القرأن لها
وبعد انتهاء الغسل حمل عاصي واخيه واصحابهم الجثمان الي المسجد ثم صلو عليها صلاة الجنازة واتجه الجميع الي المقابر ليتممو مراسم الدفن وسط بكاء النساء عليها
ثم رجعو جميعا الي البيت مره ثانيه جلست توحه وروقيه مع بناتها يستقبلون واجب العذاء من النساء
بينما وقف فضالي مع ابناءه ينصب صوان العذاء للرجال في الشارع..
اقبل الليل عليهم وبدأ الجميع في الحضور
وتأدية الواجب وبدأ الشيخ الذي اتو به في قراءة القرأن في الميكروفون الذي امامه
وقف هوواخيه في اول الصوان يستقبلو من يأتون لهم بينما جلس والدهم علي المقعد بجانبهم الي ان انتهي العذاء وذهب الجميع
صعدو الي شقتهم مره أخرى وجلسو جميعا ثم امرت توحه الخادمه لوزه بات تقف مع حسنه ويحضرو العشاء للجميع علي طاولة الطعام.
فضالي: ومين بس له نفس ياكل يا اما توحه
توحه: و الاكل ماله ومال الحزن يا عبد الرحمن ايه هو انا اللي هقولك بردو يلا اقعد ولم ولادك حوليك هو عاصي راح فين يا غمزه
غمزه:هادخل اشوفه بس يارب يرضي يخرج معايا
ثم دلفت الي غرفتهم وجدته جالس علي الفراش واسند رأسه علي المخده نايم ولكنها لاول مره تري دموعه مسحتهم له بأبهامها ثم شلحت من قدمه حذاءه وفردتها له علي الفراش ودثرته بالغطاء جيدا كادت ان تذهب ولكنه امسكها
عاصي:رايحه فين خليكي معايا ماتسيبنيش
غمزه:هاروح اقولهم اني لقيتك نايم واكل زين وانيمه واجيلك تاني
عاصي:طب كلي انتي كمان وتعالي بسرعه
غمزه:حاضر بس ممكن عشان خاطري اعملك ساندوتش صغير كده وتاكله
عاصي:لاء ماليش نفس انا هانام يلا روحي واطفي النور وراكي
ذهبت من جانبه الي خارج الغرفه واخبرتهم انها وجدته نائم ثم جلست تطعم الصغير
وبعد انتهأهم من العشاء
نزل حمزه مع توحه وروقيه واوصلهم الي بيتهم ثم اغلق عليهم وصعد الي بيته مره ثانيه اخذ زوجته وصعد الي شقته
ونيمت غمزه الصغير في فراش جده ودلف هو بجانبه
ثم اتجهت لزوجها وهي ممسكه بيدها كوب من الحليب الساخن وجلست بجانبه وهمست
غمزه:عاصي يا عاصي
عاصي:سيبني انام ياغمزه مش هاكل حاجه
غمزه :طب لو بتحبني قوم اشرب كوباية اللبن دي
اعتدل بغضب وعصبيه: يوه ه ه قولتلك مش عايز حاجه انتي ايه مابتفهميش
نظرت له والدموع تترقق في عيناها ووضعت الكوب بجانبها علي الكمود
وهتفت:انا اسفه اني ضيقتك وقفت من جانبه وكادت ان تخرج من الغرفه الا انه اسرع بامساكها وضمها بين ذراعيه
عاصي:حقك عليا يا حبيبتي انا عارف اني اتعصبت عليكي كتير النهارده بس بجد انا تعبان قوي عارف انك هاتستحمليني للاخر
غمزه: يا حبيبي بس ده مالوش دعوه بالاكل والشرب وانت عمال من امبارح تشرب
في سجاير ومأكلتش حاجه خالص عشان خاطري بس اشرب كوباية اللبن دي ونام تاني
امسك كوب اللبن وشربه امامها ثم وضعه مره ثانيه مكانه وهتف
عاصي:خلاص كده ارتاحتي ننام بقي
غمزه:هاروح اجبلك بيچامه تغير هدومك دي وبعدين نام
عاصي:والله ماقادر اتحرك سيبني انام بقي وتعالي نامي انتي كمان
تنهدت تنهيده قصيره واتجهت بجانبه ثم وضع راسه علي صدرها واحتضنته هي بيديها الي ان ذهبو في نوم عميق.
////////////////////////////////////////////////////////////
دلفت الي غرفة نومهم وجدته جالس علي الفراش ولكنه غير واعي لماحوله
غزل:وبعدين يا حمزه هاتفضل ساكت كده لحد امتي
حمزه: عايزاني اعمل ايه يا غزل انا لحد دلوقتي مش مصدق انها ماتت ولا اني دفنتها في التراب بأديا
غزل:يا حبيبي دي الحقيقه الوحيده في دنيتنا دي اخرتنا كلنا يا حمزه بابي الله يرحمه كان ديما يقول منها واليها نعود
حمزه:انا عارف طبعا كل الكلام ده وبحمد ربنا انو ريحها ومتقلش عليها مرضها بس الصدمه هي اللي صعبه
احنا كنا فاكرين ان لما حالاتها النفسيه هتتحسن مرضها هيروح
غزل:ربنا يرحمها ويثبتها عند السؤال في اول ليله ليها ادعيلها هي محتاجه دعوتك اوي النهارده
حمزه: اللهم اغفر لها وارحمها واسكنها فسيح جناتك وثبثها عند السؤال يا رب العالمي
😢😢😢😢😢😢😢😢😢😢😢😢😢😢😢
العاصي
الفصل الثاني والعشرون
وبعدايام كثيره كان هو جالس داخل وكالته مع بعض التجار الذين يبتاعو منهم البضاعه وزين كان بيلعب مع اصحابه امام الوكاله
لمح الصغير سياره تقف امام منزل الجده توحه ترجل منها هذا الرجل البغيض واتجه الي داخل البيت
جري الصغير الي جده كي يخبره
زين: جدو جدو الحق يا جدو
فضالي:مالك يا زين في ايه
زين :اللاجل الكبيل الوحس جيه تاني عند تيتا توحه
فضالي: ايه طب عن اذنكم ياجماعه هاشوف في ايه واجي
ذهب بأتجاه منزلها سريعا
وصعد الطفل اليهم حتي يخبرهم بما حدث واثناء صعوده اتصل بوالده
زين :الو يا بابي اللاجل الوحس جيه
عاصي :بتقول ايه يا زين راجل مين ده
زين:قليب تيتا لوقيه اللي كان عايس ياخد مامي وغسل ده
عاصي وهو يلملم اشياءه:طب ادخل البيت بتاعناواقفل الباب عليكو وانا هاجيب عمك واجي هو جايب معاه رجاله كتير ذي المره اللي فاتت
زين: لاء يا بابي ده جاي لوحده هو واحد كان بيسوق العلبيه وكان سايل سنط وعلب هدايا كتيل
عاصي:ايه طب ماشي يا حبيبي يلا اطلع واقفل الباب وراك وماتقولش لمامي او غزل حاجه لحد ماجي وانا جاي علي طول
اغلق معه واتجه الي مكتب اخيه حتي يخبره ويذهبون اليهم
فعل الطفل مثلما امره والده واغلق باب البيت من خلفه ثم صعد اليهم
/////////////////////////////////////////////////////////////////
وعند توحه
صعد اليهم ودق باب الشقه فتحت الخادمه لوزه
لوزه:انت ايه اللي جابك هنا تاني يا راجل انت
سالم:ايه يا بت ياجليلة الربايه انتي حد يكلم ضيف داخل بيتو كده فين ستك
توحه:جاي ليه تاني يا سالم احنا مش خلصنا خلاص من الموال ده بقي
سالم:ازيك يا حجه توحه عاملين ايه مش هاتقوليلي ادخل ولا ايه
روقيه:جاي ليه يا سالم
سالم:جاي اصفي النويا يا روجيه واصلح اللي ولادي عملوه
توحه:طب ادخل يا سالم اتفضل
دلفو الي الداخل وقبل ان يجلسو كان فضالي قد حضر
فضالي:سلامو عليكو
توحه:تعالي يا عبدالرحمن ادخل
جلس امامه وهتف
فضالي:خير ايه اللي حدفك علينا تاني
سالم: انا جاي اراضي مرات اخويا انت بجي ليه كل اما اجي الجيك اهنه
فضالي :الله ماقولنا اقبل كده انا حمي بناتها وهي وامها في حمايتي واظن انت وولادك المرتين اللي زروتها فيها كنتو جاين في شر
سالم :لاء خلاص مافيش شر يا روجيه مش هاتشوفي مني غير كل خير بعد اكده اجعد يا ابو نسب خلينا نتعرف على بعض وابعت هات البنات عشان اشوفهم دول وحشوني جوي
روقيه: يعني خلاص يا سالم اللي في دماغك من ناحية بناتي شيلتو
سالم:خلاص يا روجيه يعلم ربنا اني كنت رايدهم لولادي في الحلال بس خلاص بجي ادام اتجوزو ومتهنين في بيوتهم يبجي خلاص انا برضك عمهم واحبلهم الخير
روقيه:طمنتني يا سالم الله يطمنك كده تقعد بقي تتغدي معانا ونرحب بيك
نظر اليها نظره طويله وهتف
فضالي:كده طب ربنا يهدي الحال هانزل انا بقي الوكاله يااما توحه
روقيه بعدم فهم:هاتنزل ليه يا عبد الرحمن خليك اتغدي معانا
فضالي بغضب:لاء.. اصلي سايب الوكاله والرجاله قاعدين مستنيني تحت وادام النفوس اترضت يبقي مافيش خوف عليكو
ثم تركهم ونزل الي اسفل مره ثانيه
حضر حمزه وعاصي سريعا وقابلهم امام البيت
عاصي: ايه نزلت ليه انا شايف عربيته لسه هنا يعني هو فوق
فضالي: اه قاعد فوق راسملي دور الطيبه والهانم عزمته علي الغدا قولت انزل اشوف شغلي احسن
حمزه: انا مش فاهم حاجه يعني ايه عزمته علي الغدا دي
فضالي : بصو انا مش ناقص وجع دماغ عايزين تفهمو اطلعو واقعدو معاه اقلو مش هايقولكو انتو هنا ليه ذي ما قالي اوعو بقي عدوني
ثم تركهم ودلف مره ثانيه الي وكالته
عاصي:فهمت حاجه
حمزه:لاء
عاصي:ولا انا اقولك تعالي اما نشوف في ايه
صعدو اليها ودقو الباب ثم دلفو وبعد السلام والتحيه
جلسو كي يتحدثون
سالم:انتو بجي اجواز بنات اخوي مشاء الله والله عرفتي تنجي يا روجيه
روقيه:طبعا اومال ايه مشاء الله عليهم عاصي مهندس وحمزه محاسب ربنا يحميهم
سالم:والله فرحت بيكم مع انكم اتسببتو في حبس ولادي
عاصي:لاء احنا مكناش عايزين الأمور توصل بينا لكده بس هما اللي جم ورفعو السلاح علينا وروحنا وعملنا صلح في القسم بس الحبس ده بقي حاجه بينهم وبين الحكومه
سالم :علي العموم اللي فات مات يلا هاقوم امشي انا بجي وانتي لو في اي حاجه ولا عايزه اي حاجه اطلبيها مني علطول وانا المره الجايه جبل ماجي هبجي اتصل بيكي عشان تجبيلي البنات اشوفهم
روقيه :طب ما انت قاعد معا شويه اقعد للعشا
سالم:ههههههه لاه اكده حلو جوي المره الجايه راح تبجي غدا وعشا ويمكن تبجي بيات كمان يلا سلامو عليكو
الجميع:وعليكم السلام تركهم ونزل للاسفل وركب سيارته تحت نظرات فضالي المستشاطه غيظا منه
عاصي: مالك من ساعة ماسلمت عليه ماتكلمتش يعني
حمزه: الراجل ده كلامه مش مرياحني
روقيه:ليه بس يا حمزه الراجل معاملش حاجه وحشه المره دي
عاصي:انتي بيغرك الدخله الناعمه اللي دخل عليكي بيها دي
روقيه:مش يمكن حس بالذنب من ناحيتنا
حمزه:حس بأيه انتي طيبه اوي يا ماما اللي ذي دول معندهمش حاجه اسمها احساس من اصله وهاتشوفي المره الجايه
عاصي: هاتعملي ايه لو لقتيه بيجدد عرضه بالجواز ليكي تاني
روقيه: عرض ايه هو ماجبش سيرة الموضوع ده انتو ليه بتفكرو كده
حمزه:ليه مأخدتيش بالك لما قالك ان المره الجايه ممكن يبقي فيها بيات كمان هيبات هنا علي اي اساس ها هتعملي ايه ساعتها
روقيه:هوافق
عاصي وحمزه:ايه‘‘‘‘انتي بتقولي ايه
روقيه:ايوه هوافق عشان اخلص من الموضوع ده بقي ولو طلب فلوسي كمان هديهلو عشان اشوف بناتي مرتاحين وابعدو عنهم
عاصي:لاء انتي عارفه كويس اوي انو ميقدرش يجي جنب واحده منهم بس لو ده قرارك احنا مالنش دخل فيه يلا يا حمزه ثم تركوها ونزلو الي والدهم مره اخري
وجدوه جالس لوحده والتجار قد ذهبو
فضالي:كويس انكم نزلتو تعالو بقي عشان تشوفو البضاعه اللي اتباعت دي والتجاراللي هايبعتو يشلوها
عاصي:ايه مش عايز تعرف اللي حصل فوق
فضالي:لاء مش عايز اعرف حاجه
حمزه: انا مش فاهم انت فيك ايه وايه مضيأك كده
فضالي:الله وانا هاتضيق ليه بقي
عاصي: عشانها هي مثلا عشان عزمته علي الغدا ورحبت بيه في بيتها
فضالي:ودا يضيقني في ايه ما هي حره تعمل اللي هي عايزه انا طالع ارتاح اعطاهم ظهره واتجه للخارج
حمزه:قالت لو المره الجايه طلبها تاني للجواز هاتوافق
اندهش من كلام ابنه ووقف متسمرا مكانه لم يلتفت اليهم ولكنه رفع رأسه عفويا للاعلي بأتجاه شرفتها
وهتف:هي حره تعمل اللي تعمله ثم ذهب وهو في قمة غضبه
حمزه:وبعدين ابوك كده هايجراله حاجه
عاصي:سيبه شويه يفكر لما نشوف هايوصل لايه
حمزه:انت مش واخد بالك انها نسيت طلب ابوك ليها خالص
عاصي:يا عبيط هي مش ناسيه هي أتناست عشان مايحصلش مشاكل بينا وبين بناتها تاني انت ناسي انك كنت رافض وغمزه كمان كانت رافضه يا راجل دانا كنت هاطلقها بسبب الموضوع ده
حمزه:انا كنت رافض عشان كنت خايف علي امي الله يرحمها لكن مراتك بقي
عاصي: انا متأكد انها لسه رافضه بس مش عارف لم تعرف بقرار امها ده هاتعمل ايه
حمزه:وانت هاتقولها
عاصي:لاء خلايها تعرف من حد غيري عشان مش عايز اتخانق معاها بسبب الموضوع ده تاني
//////////////////--بقلمي/كنزي حمزه--/////////////////////////
صعد الي داخل شقته وجدهم جالسون يضحكون مع الصغير
غمزه:احضر لحضرتك الغدا يا عمو
فضالي:لاء يا حبيبتي مش عايز حاجه انا هادخل اوضتي اريح شويه
زين:هو بابي وحمسه نزلو من عند تيتا يا جدو
فضالي:ايوه ياحبيبي
زين: طب انا هانزلهم بقي تركهم هو ودلف الي غرفته
وامسكت غزل بالصغير قبل ان ينزل اليهم
غزل: خد هنا انت مش هاتنزل الا لما تقولي هما كانو بيعملو ايه عند مامي والا هامسك ازغزك
زين:هههههههههه الحقيني يا مامي حوسيها عني خلاث هاقول ههههههههه
غمزه:خلاص خلاص سبيه يا غزل تعالي يازينو
قولي بقي هما ايه اللي طلعهم
زين:اثل اللاجل الوحس كان عند تيتا وجدو طلع عندهم
وانا اتثلت بي بابي وقولتله وهو اللي قالي اطلع واقفل باب البيت علينا
وكمان قالي مس اقول ليكو حاجه ههههههه
غمزه:ايه يعني هما كانو بيتخانقو واحنا مانعرفش
غزل:بيتخانقو ايه احنا مسمعناش حاجه
زين:لاء ماهو اللاجل الوحس كان جاي لوحده
غمزه: كده طيب يا زين روح يا حبيبي العب وقول لبابي يطلع عشان انا عايزاه
زين:حاضر يا مامي جري الصغير من امامهم وامسكت غزل الهاتف
غزل: انا هاتصل بمامي عشان افهم منها فتحت السبيكر وبدأت تتصل وعلي الجانب الاخر رن هاتف والدتها
روقيه:الو ايوه يا غزل عامله ايه يا حبيبتي
غزل:الحمدلله يا مامي انتي عامله ايه ومين الراجل اللي كان عندك ده
روقيه: انا كويسه يا حبيبتي ماتخفيش دا عمك سالم اللي كان هنا
غزل:عمي سالم ودا جاي عايز ايه تاني ولا جاي يتخانق معاكي عشان ولاده اتحبسو
روقيه:اهدي يا حبيبتي هو لا تخانق ولا حاجه بالعكس
الراجل جاي عشان يصالحنا وماتكلمش معايه بطريقه وحشه
داكمان جايب ليكو هدايا كتير وكان نفسو يشوفكم
غمزه:يشوفنا وجايب لينا هدايا مامي انتي مش عارفه انتي بتكلمي عن مين ولا ايه
روقيه:لاء عارفه يا غمزه بس طلما هو جاي ومادد ايدو بالصلح انا مش هارفضها
انا عايزه اخلص من الحكايه دي بقي
غمزه:يعني ايه يا مامي انتي مش فاكره هو كان بيهددك بأيه
روقيه: بس هو مافتحش الكلام في الموضوع ده فبلاش نسبق الاحداث
غزل:طيب يا مامي اللي تشوفيه سلام
***********/////////////**********////////////********
دلف زين عليهم الوكاله يجري علي والده
زين:بابي حبيبي
عاصي: اهلا بالبطل اللي سيابه هنا بدالي
زين:هههههه انا سمعت كلامك وقفلت علينا الباب
عاصي:يعني هما معرفوش حاجه
زين:لاء هما لسه عارفين دلوقتي ومامي قالتلي انده ليك عسان هي عايسك فوق
حمزه:اوبااا البس يا معلم كده تبقي عرفت
عاصي:اهم حاجه انها عرفت من حد غيري يلا انا هاطلع اشوفها عايزه ايه
حمزه: روح يا عاصي يا بني ربنا معاك
عاصي :اتنيل لسه دورك جاي ثم صعد اليها دلف الي الداخل وجد غزل فقط امامه
عاصي:ازيك يا غزل انتي لوحدك هنا ولا ايه اومال غمزه فين
غزل:الحمد لله هي طلعت شقتكم قالت هاتعمل حاجه وتنزل تاني
عاصي :طيب انا هاطلع ليهاتركها وصعد الي شقته وفتح الباب ودلف اليها وجدها بغرفة نومهم
عاصي:ايه الجميل قاعد لوحده هنا ليه
غمزه:عاصي الراجل ده كان جاي يعمل ايه عندمامي.
عاصي بعد ما اخذها بين احضانه : اهدي بس مالك خايفه كده ليه هو خلاص مشي ومامتك اتعاملت مع الموقف
غمزه:يعني انت مش عارف انا خايفه من ايه مش عارف هو كان بيهددها بأيه
عاصي: والله مامتك عارفه الكلام ده كويس هي مش صغيره وهي اقدري بمصلحتها
غمزه بخوف:يعني ايه يا عاصي هاتتخلي عن مامي هاتسيبه يتجوزها
عاصي:يا حبيبي ان ماقولتش كده بس لو هي وافقت علي حاجه زي دي انا ماقدرش افرض رأي عليها
غمزه بعد ان القت رأسها علي صدره: لاءه اعمل كده هاتها واحبسها هنا معانا خليها معانا علطول
عاصي:بصفتي ايه بقي اعمل كده انا عملت كده معاكي عشان انتي مراتي لكن هي مقدرش وهترفض
غمزه: طب انا عايزه اروح اتكلم معاها واشوف هي عملت كده ليه
عاصي: طب ممكن اتغدي الاول واغير هدومي وبعدين هانزلك ليها وانا نازل الوكاله
غمزه:ممكن طبعا
///////********///////////////**********///////////////
ذهبت اليها هي وغزل وبعدان تكلمت هي الاخري مع زوجها ودلفوالداخل وجدوها جالسه مع والدتها
روقيه:تعالو يا حبايبي شوفو عمكم جاي وجايب معاه ايه
غمزه:ده ايه الرضا دا كله جاي وجايب معاه هدايا كمان
روقيه:ههههههههه اومال لوكنتو شوفتو الطريقه آللي كان بيتكلم بيها كنتو قولتو ايه
غزل: شايفكي مبسوطه يعني من الطريقه دي
روقيه:وانا يعني هاعوز ايه غير انو ينصلح علينا ويبقي كويس معانا
غمزه:لاء يا مامي واحنا مش عايزينو لايبقي كويس ولا يبقي وحش احنا عايزينو يبعد عننا
روقيه:بس هومش هايبعد انا عارفه الا لما يأذينا انا عارفه ده كويس وطلما كده بقي يبقي يأذيني انا احسن ما يأذي واحده فيكو فهمتو بقي انا ليه قابلته كويس
غزل:مايقدرش يأذينا ولا حتي يقرب لينا دا عاصي وحمزه يقطعو لو بس حاول وانتي كمان هما قايلين انهم بيحموكي انتي ونانا ذينا بالظبط
روقيه :ولحد امتي هنفضل كده لحد امتي هنفضل خايفين وعايزين اللي يحمينا
لحد ماتتجوزي انتي وعبد الرحمن :هتفت بها توحه الجالسه في صمت واكملت
انا قاعده ساكته من الصبح ومش بتكلم مستنياكي تعقلي لكن انتي عامله ذي النعامه اللي بتدفن راسها في الرمل ال ايه عشان خايفه من الصياد
روقيه: لاء ياماما انا مش هاخرب علي بناتي عشان اتجوز انا
غمزه: وتخربي علينا ليه يا مامي
توحه:يعني مش عارفه ليه يا غمزه عشان ماترجعيش تتخانقي انتي وجوزك تاني ولا حمزه يرجع مايوفقش تاني
غزل:لاء يا نانا حمزه موافق هو كان رافض في الاول عشان كان خايف علي مامته الله يرحمها بس دلوقتي هو موافق
توحه:يعني مافيش غيرك انتي يا غمزه اللي رافض
غمزه:بدموع انا مش رافضه يا ناناه انا بس كنت فاكره مامي نسيت حب بابي ليها
روقيه:لاء طبعا عمري ما انساه ولا انسي حنيته علينا بصي يا غمزه انا اصلا موضوع عبد الرحمن ده شيلتو من دماغي لاني حتي لو اتجوزتو سالم مش هايسبنا في حالنا
غمزه:يعني ده رأيك يا مامي
روقيه:ايوه انا مش هافرح لما يجو يتخانقو ولا يغدرو بحد من اجوزكم عشان الفلوس
اشارت غمزه بعينها الي اختها وهتفت:خلاص يا مامي اللي تشوفيه صح اعمليه يلا يا غزل
اتصلت علي زوجها كي يقابلهم عند الباب ويفتحه لهم حتي يذهبو الي بيتهم
عاصي:ايه نزلتو بدري يعني دا احنا قولنا مش هنتصل بيكم ونسيبكم قاعدين لحد اما نقفل الوكاله
غمزه :لاء اصلنا اتفقنا انا وغزل نطلع نعمل حاجه حلوه لينا كلنا
غزل:حاجة ايه ثم تفهمت عليها حين لكزتها في يدها بخفه اه ايوه قولنا نعمل ام علي
حمزه:لاوالنبي بلاش ام علي دي اللي بتيجي وتجيب معاها اخبار وحشه داحنا المره اللي فاتت ملحقناش ناكلها
غمزه:كده بردو يا حمزه طب احنا هانعمل كيك بالشيكولاته ومش هانخلليك ولا حته ههههههههههه
عاصي :طب يلا اطلعو وانا هاطلع ليكو كل اللي انتو عايزينو
حمزه:صحيح خدي يا غزل جواب التنسيق بتاعك جيه اهو الف مبروك يا حبيبي
غزل:ايه ده بجد انت فتحتو اكيد ادام سعيد كده تبقي جاتلي كلية السن
حمزه :بالظبط يلا بقي اطلعو علي فوق وابقو اقعدو اتكلمو مع ابويا شويه عشان من ساعة ما طلع العصر مانزلش تاني
غمزه وغزل:ماشي احنا هانطلعله سلام
عاصي وحمزه:سلام
////////*////********/////////////********///////////***
صعدو الي شقته وجدوه مزال جالس في غرفته لم يخرج منها
غمزه:حسنه هو عمو مأكلش ولا خرج من اوضته حتي
حسنه:لاءه ماخرجش بس هو صاحي انا خبط عليه وقولتله اجبلك الغدا بس هو رفض
وقالي اعملي ليا قهوه وانا عملتله ودخلتها ليه شكله كده في حاجه مزعلاه
غمزه:طب روحي انتي وتعالي يا غزل ندخله
دقو عليه الباب وجدوه جالس علي الاريكه
فضالي:ادخل يلي بتخبط
غمزه: ازيك يا عمو انت قاعد لوحدك كده ليه
فضالي :تعالو يا حبيبتي مافيش ما انتو سيبتوني بقي ونزلتو قولت اقعد استناكو هنا...
العاصي
الفصل الثالث و العشرون
غزل:طيب ممكن حضرتك تيجي تقعد معانا بره علي بال مانحضر العشا ونعمل كيك
فضالي:معلش انا ماليش نفس اكل حاجه بس ممكن اقعد معاكو بره
غمزه:بس تعالي يا عمو دا انا عندي خبر هايفرحك اوي
فضالي:بجد خبر ايه ده انتي حامل يا غمزه
غمزه: هههههههههه لاء دي مفجاءه مش هاقول عليها غير لما نتعشي وتاكل معانا الكيك كمان
خرج من غرفته واتجهو هما الي المطبخ ليحضرو كل شيء ووضعو الطعام علي الطاوله
ثم صعد حمزه وعاصي وزين بعد ان اغلقو الوكاله ودلفو اليهم اكلو طعامهم وجلسو جميعا امام شاشة التلفاز يشربون الشاي ويأكلون الكيك
فضالي:ها قوللي بقي ايه هو الخبر الحلو مين فيكو حامل انتبه له ابناءه ونظرو اليهم في دهشه
حمزه: ايه ده انتي حامل يا غزل بجد طب مش كنتي تقوليلي انا الاول الله هبقي بابي
غزل:حامل ايه انا مش حامل اقعد يا حمزه واهدي يا حبيبي
غمزه: نظرت الي زوجها وهتفت ولا انا كمان حامل انا كنت عايزه اقولك حاجه تانيه خالص
فضالي: بس مافيش حاجه هاتفرحني غير اني افرح بأحفادي
غمزه: ان شاء الله بس متهيألي في خبر تاني ممكن يفرحك
فضالي:خبر ايه ده
غمزه:مامي قالت لينا ان هي موافقه علي الجواز من حضرتك
فضالي بسخريه: هه معتقدش ان مامي اللي قالت كده
غزل بعد ان تفهمت علي أختها : لاء يا عمو قالت هي بس كانت محتاجه تطمن ان كلنا موافقين كانت خايفه احسن يحصل مشاكل تاني بس خلاص احنا عرفنها اننا موافقين
فضالي: وانتي يا غمزه غيرتي رأيك ليه
غمزه بدموع:عشان لقيت فيك حنان بابي وخوفه علينااللي اتحرمت منهم ومن هنا ورايح مش هاقولك غير يا بابي
فضالي بعد ان اخذها بين احضانه : يعلم ربنا اني اعتبرتكم بناتي من يوم مادخلتو البيت ده انتو بقيتو عندي اغلي من الشحطين دول هههههههههه
غزل:كده وانا كمان هاقولك يا بابي زي ما كنت عايز
فضالي: ههههههههه ماشي يا احلي بنوته
عاصي:طب علي خيرة الله يا عريس انا بكره لما ارجع من الشركه هاروح للعروسه ونتفق علي كل حاجه واحدد ليك كل حاجه ياعبد الرحمن يا بني ههههههههههه
حمزه:الف مبروك يا عبدالرحمن والله فرحتلك ههههههههه
فضالي: ههههههه ما تتلم يا واد انت وهو الله انتو هاتستلموني ولا ايه يلا قومو كل واحد علي شقته
زين: جدو قبل ما اطلع انا عايس بدله جديده احضل بيها فلحك انا بقولك اهو
الجميع :هههههههههههههه ثم صعدو جميعا الي شققهم
/////////////////////////////////////////////////////////////
دلفت غرفة نومها بعد ان نيمت الصغير في غرفته وجدته مزال مستيقظ
غمزه: انت لسه صاحي دانا قولت هالقيك نمت
عاصي:مستنيكي من امتي بنام غير وانتي في حضني
غمزه:حبيبي انت ربنا يخليك ليا
عاصي:ويخليكي ليا يا حبيبتي ها بقي قوليلي عملتي كده ليه
غمزه: عملت ايه هو انا عملت حاجه
عاصي:غمزه انا عارف ان مماتك كانت هتوافق علي جوزها من عمك يبقي اذاي تقولي كده وترجع تقولك انها موافقه علي ابويا
غمزه:مانا قولت ليك انها كانت مفكره ان احنا مش موافقين وكانت خايفه احسن يحصل بنا مشاكل تاني
عاصي:غمزه قولي انتي مخبيه ايه
غمزه:يووووه انا اللي قولت انها موافقه من غير ما تعرف ارتحت بقي
عاصي:وليه بقي عملتي كده
غمزه:عشان احطها قدام الامر الواقع ومديهاش فرصه ترفض وتشيل الكلام الفارغ اللي في دماغها ده ال ايه لما هاتجوز عمي وياخد فولسها تبقي كده بتحمينا منه
عاصي:وماخدتيش بالك انها ممكن ترفض ابويا لما يروح يتكلم معاها
غمزه:لاء مش هاترفضه انت بس روح بكره واتكلم معاها انشالله حتي تجيب المأزون علطول وهي مش هترفض صدقني ........مالك ساكت كده ليه
عاصي:مش عارف انتي حطيطنا كلنا في موقف صعب وانا مش عايز حاجه تحصل تضياق ابويا اعمل فيكي ايه دلوقتي
غمزه :مافيش حاجه وحشه هاتحصل صدقني المهم عمي لما يجي المره الجايه يلاقيهم متجوزين عشان خاطري يا عاصي لو بتحبني مش انت بتحبني ومش بتحب تزعلني
جلس بجانبها علي الفراش واخذها بين احضانه:طبعا مش بحب ازعلك وبخاف عليكي من الهوي وفرحت اوي لما ابويا قال انك حامل بجد نفسي اشيل بنتي منك وخدها في حضني كده زي امها
غمزه: ان شاء الله يا حبيبي بس لسه بدري احنا مش بقالنا كتير متجوزين يعني وبعدين انت نفسك في بنوته بجد انا كنت فكراك هاتقول عايز ولد
عاصي:ولد ايه وزفت ايه ما طول عمرنا عايشين ولاد لوحدنا حتي البنت الوحيده اللي امي لما جابتها من البلد جابتلنا فرج اخونا التالت دي انا عايز بنوته قمر كده زي امها ادلعها براحتي
غمزه:هههههههه حاضر يا حبيبي ان شاء الله ربنا يرزقنا بالولد والبنت بس نخلص بقي من موضوع مامي ده
عاصي: يا حبيبتي متخافيش اوي كده الموضوع ها ينتهي بكره بالكتير
غمزه:ربنا يسهل بقلمي/ كنزي حمزه
//////////////////////////////////////////////////////////////
حمزه:مالك بس يا غزل احنا هانرجع لموضع العياط ده تاني
غزل: لاء مافيش حاجه
حمزه: طب قوليلي ايه اللي مزعلك وانا اعملك كل اللي انتي عايزه طب في حاجه حصلت وانتي مخبياها عليا
غزل:ايوه غمزه كدبت عليكو ومامي موافقتش ولا حاجه بس هي عملت كده عشان خايفه علي مامي والله
حمزه:طب خلاص اهدي واحنا هانتصرف بس انتي يا حبيبتي ماتزعليش اوي كده
غزل:يعني انت مش زعلان مني
حمزه:حد بردو يزعل من حبيبو الرقيق ده.
غزل:😭😭😭
حمزه:ايه تاني بس بتعيطي ليه يا حبيبتي
غزل:عشان انت فرحت لما عمو قال اني حامل وانا مش حامل ولا حاجه ونفسي افرحك ديما
حمزه:يا حبيتي دي حاجه بأيد ربنا صحيح انا نفسي اوي ابقي اب بس كمان لسه مشبعتش منك انتي هو في احلي من اني افضل انا وانتي لوحدنا نلعب ونهزرونام في حضن بعض ولا عايل بقي يزن ويعيط ويشغلك عني
غزل:لاء ماليش دعوه انا عايزه بيبي العب معاه اشمعني غمزه عندها زين
حمزه:اممم هي ليله مش باين ليها ملامح اصلا عايزه بيبي يا حبيبتي
غزل:اه عايزه بيبي
حمزه:طب استحملي معايا بقي كده لحد ما هنا يبقي في بيبي ثم اشار بيده على بطنها ورفعها بين يديه متجهه الي الفراش
.............................................................................
حضرو من عملهم وصعد عاصي لكي يتكلم معها دق الباب ودلف الي داخل شقتهم
لوزه:اهلا يا سي عاصي اتفضل
عاصي:ازيك يا لوزه ستي توحه هنا
لوزه:ايوه اتفضل جوه هي وستي روقيه
توحه من الداخل: تعالي ياعاصي انا هنا يا حبيبي
عاصي: ازيكم عاملين ايه
روقيه: الحمد لله انت جاي من الشغل طب احضر ليك الغدا بقي
عاصي:غدا ايه انتي عايزه غمزه تقتلني ولا ايه انا جاي اقول لستي توحه كلمتين وانزل
سيبوني اقولهم قبل مازين يطلع يقولها اني جيت وتفتحلي محضر عشان اتأخرت عليها
توحه :هههههههههه ربنا يهنيكو ويسعدكو يا حبيبي ها قولي بقي كلمتين ايه دول
عاصي: بصي يا ستي انا جاي النهارده عشان اطلب ايد بنتك روقيه لابننا عبد الرحمن ها قولتي ايه
توحه: ههههههههههه موافقه طبعا هي دي عايزه سؤال
روقيه:ايه يا عاصي الكلام ده هو انت مش كنت موجود امبارح وسمعت الكلام اللي قولته ليك ولا ايه
عاصي: كنت موجود اه بس كل اللي انتي قولتيه مدخلش دماغي خالص ومتنسيش ان ابويا اتكلم معاكي في الموضوع ده قبل كده وقولتيله بعد ما عدتك تخلص يعني كنتو في حكم المخطبوين يبقي ايه بقي اللي اتغير
روقيه:مش هينفع يا عاصي يا بني اناخايفه عليكو قبل ما اكون خايفه علي بناتي ولو انا اتجوزت عبد الرحمن سالم مش هيسبكو لا انتو ولا ابوكو في حالكو
عاصي: طيب هو انتي لما جوزيتينا بناتك كنتي عارفه انك مجوزاهم لرجاله يقدرو يحموهم ولحد دلوقتي بيحموكي وانتي في بيتك ولا لاء
روقيه:طبعايا ياحبيبي انا مش بشكك في كده
عاصي:مابسش كل اللي هايتغير انك هتكوني مع بناتك في بيتنا ويبقي حد بس يفكر يقرب منكم
وافقي بقي عشان افرح عبد الرحمن حرام عليكي يا شيخه ده من امبارح مأكلش حاجه وزعلان والله قوي
روقيه: ايه ليه بس كده هو بيصعب الامور علي نفسه وعليا ليه بس
عاصي :انتي اللي مصعباها علي فكره دا هايتجنن من ساعة ما ساب سالم ده هنا معاكو ونزل حرام عليكي والله
روقيه: اسكت ياعاصي ايه الكلام ده
توحه:هو انتي لسه هاتتكسفي خلاص ياعاصي انزل قول لأبوك انها موافقه
روقيه:لكن يا ماما
عاصي:ولا لكن ولا حيثما انا هابعت اجيب المأذون وقول لابويا واجيبهم وأطلع مبروك يا عروسه ثم تركهم وذهب للاسفل
روقيه:ايه بس اللي عملتيه ده يا ماما
توحه:ايه عملت ايه مش هو ده عبد الرحمن اللي كنتي بتحبيه من زمان اهو ربنا اراد وجيه الوقت وتتجوزو
روقيه:ولما سالم يعمل فيه ولا في ولاده حاجه يبقي اعمل ايه انا ساعتها انا خايفه عليه يا ماما
توحه :ولا يقدر يعمل ليهم حاجه سيبيها علي ربنا وهو هيوقف معاكم وخلاص زمان عاصي قاله ماتكسريش قلبه بقي لتاني مره يا بنتي
روقيه:خلاص ياماما مش هقدر اكسر قلبه المره دي كمان وهوافق
/////////////////////////////////////////////////////////////////
دلف الي داخل الوكاله وهو يهاتف زوجته بصوت عالي حتي يسمع والده واخيه
عاصي:ايوه يا حبيتي البسو يلا واجهزو عشان تنزلو للعروسه
...........
عاصي:ايوه بقولك حمزه هايروح يجيب المأذون عشان كتب الكتاب دلوقتي يلا بسرعه سلام
حمزه:طيب الف مبروك يا عبد الرحمن اقوم انا بقي اجيب المأذون واجي
عبد الرحمن:انتو ايه اللي بتعملوه ده كتب كتاب مين ايه التهريج ده
عاصي:الله انت هاترجع في كلامك تاني ولا ايه يابا
فضالي بغضب: هي اللي رجعت في كلامها لتاني مره بتعملها
اوعو تفتكرو ان الكلام اللي بناتها قالوه امبارح ده خال عليا
لاء انا فاهم كل حاجه روقيه بالنسبه ليا كتاب مفتوح حتي لوغابت عني العمر كله
عارف انها رافضه عشان خايفه عليكو علي بناتها وبتضحي بنفسها بس مفكرتش انها بكده بتقولها لي صريحه انها مش واثقه فيا وبتسبني للمره التانيه بنفس الطريقه
عاصي:حتي لو كانو بناتها اللي عملو كده انا مكنتش هاسمح لنفسي اني احطك في الموقف ده الا لما اتأكد انها موافقه و ستي توحه قالتلي اخليك تطلع وتجيب المأذون معاك عشان تكتب كتابك عليها ولو مش مصدقني اطلع واسمع الكلام ده بنفسك
فضالي:ايوه هاطلع ليهم ولو كنت جبرتها علي حاجه انا اللي هارفض
وهخلي شكلكو كلكو زباله قدامي سامعين انتو الاتنين وانت ياحمزه ما تتحركش من هنا الا اما اكلمك او انزل من فوق
حمزه:تمام يا حج روح ربنا يوفقك
ثم التفت الي اخيه وتوجه اليه بالحديث:ايه مالي ايدك منها ولا ايه
عاصي:عيب عليك دلوقتي هايتصل بيك ويقولك روح هاته
//////////////////////////////////////////////////////////////////
صعد اليها والغضب مسيطر عليه وتوجه بالحديث الي والدتها
فضالي:بصي ياما توحه انا رايد بنتك من زمان
بس مش انا اللي يجبر واحده علي حاجه هي مش عاوزها فلو بنتك حد جبرها علي الجوازه دي تقول وانا اقسم بالله ما هتمم حاجه هي مش عاوزها
توحه:مين قالك انها مغصوبه علي حاحه يا عبد الرحمن عاصي نازل من هنا وهو عارف ان روقيه موافقه
فضالي:اسمعها منها لموأخذه
روقيه: الله في ايه يا عبد الرحمن ما ماما قالتلك موافقه ولا انت بقي اللي عايز تتخانق
فضالي:اتخانق طب بس اسكتي بقي والنبي لحد ما اكتب الكتاب
وانتي هاتشوفي الخناق علي حق ربنا اما طلعت عليكي كل اللي عملتيه فيا مبقاش انا عبد الرحمن فضالي يا بنت السعدني
ثم امسك هاتفه واتصل علي ابنه
ايوه يا زفت روح هات المأذون وتعالي انت واخوك يلا و اغلق الخط مره تانيه
توحه:طب وانت زعلان ليه دلوقتي ما خلاص هاتبقي بتاعتك اخيرا اهيه المفروض تفرح هههههههههه
فضالي:افرح والله انا اللي استاهل عشان بنتك تبيع وتشتري فيا كده
روقيه:انا ياعبد الرحمن طب وعلي ايه دا كله طلما جوزنا هايزعلك اوي كده يبقي بلاش منه
فضالي:يا مثبت العقل والله يا روقيه لو ما سكتي دلوقتي لهتصرف معاكي تصرف مش هايعجبك
تسمحي تقومي من قدامي لحد المأذون ما يجي
دلفت سريعا الي غرفتها وهي تبكي نظرت له والدتها
توحه:مالك بس يابني ايه للي معصبك كده
فضالي: اللي معصبني ان الهانم كانت ناويه ترميني تاني
وتروح تجوز اخو المرحوم
لولا العيال الصغيره هما اللي لحقوها وعقلوها يا عالم كانت هاتعمل ايه
توحه:اعذرها يا عبدالرحمن روقيه خايفه علي الولاد قبل ما تخاف علي نفسها
فضالي:ليه مش هاقدر احميهاولا هي ديما مستقليه بيا
توحه: وليه ماتقولش انها خايفه عليك انت كمان
فضالي: كانت قعدت واتكلمت معايا بدل ما تعزم البقف ده علي الغدا
دلفو الفتايات بصحبة عاصي في هذه الاثناء وهذا الجو المشحون بالتوتر
عاصي:ايه اقول مبروك بقي يا عريس ولا دا مش منظر عريس خالص
فضالي:اقسم بالله يا عاصي لو ما سكت لقلع الجزمه واقل منك قدام مراتك والكل اتلم واقعد بقي
عاصي:ههههههههههه لاء وعلي ايه يا حج قلبك ابيض احنا عايزين نفرح النهارده
ابوس ايدك ثم جلس بجانبه ودلفت غمزه وخلفها غزل الي والدتها
غمزه: مامي انتي بتعيطي ليه وعمو عبد الرحمن متعصب كده ليه
روقيه:انا السبب بس والله انا مكنتش فكراه هايتضيق كده
غزل:يتضيق من ايه يا مامي هو انتي قولتيله حاجه زعلته
روقيه:لاء بس هو فهم من اللي حصل امبارح اني مش واثقه فيه او انو هايقدر يحميني واني للمره التانيه برفضه
غمزه: عايزه الحق يا مامي معاه حق انا اكتشفت انو بيحبك اوي انتي ازي بس قدرتي ترفضيه زمان
روقيه: يوه ياغمزه هو انا ناقصاكي انتي كمان
دلفت عليهم توحه:يلا يا روقيه المأذون وصل
ترجلت الي الخارج وجلست امامه ووضعت يدها في يده ثم وضع الماذون المنديل عليهم و بدء عقد القران في هدوءتام
وهتف بجملته الشهيره (بارك الله لكم وبارك عليكم وجمع بينكم في خير) ثم ذهب بدؤو يباركون لهم.
عاصي :مبروك يا حج افردها بقي دا النهارده ليلة فرحك
فضالي:الله يبارك فيك يا خويا واتلم هاه
حمزه:طب ايه مش هنحتفل بالمناسبه الحلوه دي بقي ولا ايه.
فضالي:اه دانتو رايقين اوي طب انا نازل الوكاله وانتو يا بنات حضرو مع مامتكم شنطتها وابقو خدوها معاكو عندنا عشان تنور بيتها.
حمزه: لاء والله ما يحصل احنا لازم نزفك عليها لحد هناك
روقيه:بس بقي يا حمزه بطل هزار وانت ياعبد الرحمن اقعد لما تاكل الحاجه الحلوه وبعدين انزل
غمزه:ايوه يابابي اقعد عشان خاطرنا
جلس مره ثانيه :انا هاقعد بس عشان خاطرالكلمه الحلوه دي وخاطركو انتو.
//////////////////////////////////////////////////////////////////
عم الليل عليهم واغلقو الوكاله بعد ان ترجلو اليها وصعدت الفتايات بصحبة والدتهم وتروكها في شقتها الجديده وذهبو
دلف هو داخلها وجدها جالسه في غرفة نومه وقف بجانب الباب ينظر اليها في صمت
روقيه:ايه مستغرب ولامش عايز تدخل اوضتك عشان انا فيها
فضالي:كفايه غباء بقي يا روقيه هاتفضلي غبيه لحد امتي ثم دلف اليها واغلق الباب من خلفه
روقيه :كده برضو يا عبدالرحمن انت بتشتمني
فضالي:لو عليا عايز اكسر دماغك مش عايزه تسيبيني تاني
روقيه: سامحني علي تفكيري ده بس والله كنت خايفه عليك انت و الولاد.
فضالي:خايفه عليا ولا مستقليه بيا اجتذبها بين احضانه مش هاعرف احميكي يا روقيه
روقيه وهي تضع يدها علي صدره :عارفه انك هاتحميني بس برضو خايفه عليك
فضالي:تقومي تفكري انك تروحي لغيري تاني انتي عارفه انا كنت من جويا بغلي ازاي
روقيه:خلاص بقي يا حبيبي ما احنا مع بعض اهو
فضالي:وحشتيني اوي يا روكا ياه بقالي كتير اوي مستني اللحظه دي يا حبيبتي
ونسيبهم بقي يعيشو اللحظه...
العاصي
الفصل الرابع والعشرون
بدأت المحايلات تزيد والرفض هو الاجابه التي يتلقوها دائماً فغدا هو اول يوم لهم في الدراسة
غمزه:عشان خاطري يا عاصي طب اروح اول اسبوع ولو حصل حاجه ابقي قعدني
عاصي: قولت لاء
غزل:طب حتي اروح اعرف انا هادرس ايه مره واحده ياحمزه
حمزه:برضو لاء
وان كان علي الدراسه انا هاروح اجيب ليكي الكتب بتاعتك وتذكري هنا
بدؤو في البكاء الشديد
غمزه: والله حرام الحبسه اللي احنا فيها دي انتو كنتو وافقتو غيرتو رأيكو تاني ليه
غزل:ما تتكلم يا بابي قولهم حاجه دول بقي
فضالي:طب بس بطلو عياط هما خايفين عليكو وانتو التانين ايه اللي حصل خلاكو ترجعو في كلامكو تاني
روقيه:اهدو يا بنات بقي واسمعو الكلام
عاصي:بطلي عياط عشان انتي عارفه اني كده ممكن اعند اكتر ومرواح الكليه لوحدك مش هيحصل
حمزه:انا قولتلك مش هاتروحي عشان عندنا الفتره الجايه شغل كتير يبقي مينفعش اسيب شغلي واقعد جنب حضرتك
فضالي :يعني هو ده اللي مخليكو مش موافقين طيب بصو اليوم اللي يبقي عندكم فيه شغل جامد هايقعدو في البيت وغير كده انتو تودوهم وتجبوهم بنفسكو
عاصي:يا سلام هو انا شغلي مرتبط بمواعيد انا مهندس يا ابا مش شغال في بنك
حمزه:ياابا احنا شركه خاصه ومابنصدق يجلنا مشروع كويس نمسكه مش هانسيبه بقي ونقعد جنبهم
غمزه:ماهو زي مانتو بتبنو مستقبلكم احنا كمان عايزين ننجح في كليتنا
عاصي:وطي صوتك وان كان علي نجاحك هاشفلكو حد يديكو دروس وخلاص
غمزه :اف دي مابقتش عيشه دي ثم جرت علي شقتها وهي تبكي بغزاره
وقف هو لكي يلحق بها هتف به والده
فضالي:براحه يا عاصي مش هيحصل حاجه لو بكره انت فاضي خليها تروح
وزي ما قولتلك قعدها اليوم اللي يكون عندك شغل فيه
عاصي: طيب ماشي بس برضو ماتتكلمش بالطريقه دي صعد خلفها حتي يعاقبها علي ما فعلت وجدها جالسه تبكي
هتف:بقي دي طريقه واحده محترمه تكلم جوزها بيها
كففت عبرتها بيدهاوهتفت
غمزه: اسكت انامحترمه غصب عنك اصلا جلس بجوارها واخذها بين احضانه
عاصي:ماهو باين الاحترام من طولة لسانك اهو شكلك كده وحشك عقابي
غمزه:اوعي سيبني ابعد عني انا اصلا مش طيقاك
عاصي:اممم كملي كملي طولة لسان عشان ماتخروجيش النهارده من هنا
بدأت عبراتها تسترسل من جديد وهي تقطع قلبه
غمزه:ياعاصي انا مش واخده علي كده مش واخده علي الحبسه دي انا كنت بخرج في الامارات مع صحابي تقريبا كل يوم
اجلسها علي قدمه وبدء يهدهد فيها مثل الاطفال ويملس علي ظهرها
عاصي: ورجعتي مصر واتجوزتي ومبقاش في اصحاب في عاصي وبس صاحب وحبيب وزوج وعشيق كمان صح ولا ايه
رمت نفسها بين احضانه:اه وماليش غيره وبسمع كلامه بس هو بيتحكم فيا ومش عايز يعملي اللي انا عايزاه
عاصي:ياحبيبتي والله خايف عليكي
غمزه:طب عشان خاطري وافق علي كلام بابي عبد الرحمن حتي
تنهد هو بقلة حيله: طيب موافق بس اليوم اللي هاقولك فيه مش هاتروحي تسمعي الكلام
غمزه بفرحه مثل الاطفال:هيههههه حاضر يا حبيبي هاسمع الكلام
عاصي:وانا هاوديكي وهاجيبك
غمزه:طب ما اروح انا وغزل بعربيتي
عاصي وهو يشد اذناها: قولت ايه انا قبل كده مش قولت مافيش سواقه تاني وقلت انا هاوديكي وهاجيبك
غمزه:ايييي حاضر حاضر
عاصي: اه وفي حاجه مهمه قوي مافيش حاجه اسمها تصاحبي شباب في الكليه عايزه تصاحبي حد يبقي بنات بس مفهوم ولا لاء
غمزه:ايوه طبعا مفهوم يا حبيبي تعالي بقي نشوفهم تحت عملو ايه
عاصي:يلا بينا يا تاعبه قلبي معاكي
*****************بقلمي/كنزي حمزه**************
نزلو اليهم وجدو غزل مازلت تبكي و زين واقف امام حمزه
زين:الله انا مس عالف انت متلبس دماغك كده ليه بس ماتسيبها تلوح بقي ولا اقولك خليها تيجي معايا المدلسه
حمزه:اقعد ياض ساكت هي الحكايه نقصاك
غمزه:انتي لسه بتعيطي يا غزل ايه يا حمزه اذا كان عاصي
وافق انت لسه ماوافقتش ليه بس
حمزه بعصبيه وغضب:عشان الهانم مش عاجابها الكلام وعايزه تروح كل يوم وانا مش هاسمح ليها تروح لوحدها
حتي لو مين فيكو اتكلم وكفايه بقي لحد كده عياط يا غزل عشان وربنا انا ماسك نفسي عنك بالعافيه ماتخلنيش اتصرف تصرف مايعجبش حد فيكو
عاصي:طب بس اقعد واستهدي بالله كده
وانتي يا غزل مش قولتي للحج يتكلم وهو قال رأيه يبقي المفروض بقي توافقي عليه مش كده ولا ايه
غزل وهي تقف وتكاد لا تري امامها من شدة الدوران:خلاص موافقه بس انا لم تكمل كلماتها حين سقطت امامهم بين يد زوجها الذي كان ينظر اليها بأستغراب
حمزه:غزل مالك يا حبيبتي فيكي ايه غزل غزل
روقيه:بنتي حبيبتي مالك يا غزل حملها بين يديه وادخلها غرفة النوم واحضرت غمزه سريعا زجاجة عطر حتي تفيقها واستجابت هي وبدأت تفيق
حمزه:غزل فيكي ايه اتصل بالدكتور ياعاصي
غزل:مافيش حاجه يا حمزه انا بس دوخت تقريبا عشان وقفت مره واحده او يمكن ضغطي واطي ولا حاجه
روقيه:طب خدي اشربي كوباية العصير دي
غمزه:خضتيني عليكي يا حبيبتي
فضالي:كل ده عشان العياط الكتير الاي عيتطه ينفع كده برضو
غزل:خلاص يا بابي والله انا بقيت كويسه
عاصي:الف سلامه عليكي يا غزل تعالو يا جماعه نقعد بره ونسبها تستريح شويه
خرجو جميعا من الغرفه وبدء هو يدثرها جيدا بالغطاء ويمسح عبراتها بأبهامه
حمزه:كده برضو تخضيني عليكي انتي مش عارفه انا بخاف عليكي قد ايه
ازاحت وجهها للجهه الاخري وادمعت عيناها في صمت
حمزه:كل ده عشان خايف عليكي ايه هاتخصميني يا غزل
غزل :انا خفت منك اوي المره دي يا حمزه انت مش كنت شايف نفسك وانت بتتعصب عليا انت تقريبا كنت هاتضربني
حمزه:ولا فكرت ولا جات علي بالي حاجه زي دي اصلا بس والله خايف عليكي
ومش فاهم ليه انتي مصممه تروحي كل يوم ومش عايزه تقتنعي اني عندي شغل ومش هاقدر اوديكي كل يوم
غزل: طيب خلاص بس اروح بكره عشان اقدر اعرف الحاجات الأساسية علي الاقل
حمزه: حاضر يا بيبي هاوديكي تعالي في حضن حمزه حبيبك بقي ومتبعديش وشك عني كده تاني
القت نفسها بين احضانه وهتف: ربنا يخليكي ليا ماتخضنيش عليكي كده تاني انا بحبك اوي يا حبيبتي
غزل:وانا كمان بحبك بس مش تزعق فيا كده تاني عشان مش عايزه اخاف منك يا حبيبي.
حمزه:انتي عارفه اني بتعصب من عياطك ده و لم يكمل كلامه حين انصت لهدوؤها
نظر اليها وجدها مستكينه نائمه بين احضانه ارحها علي الوساده ودثرها جيدا بالغطاء وترجل خارج الغرفه
روقيه:غزل عامله ايه هي نامت يا حمزه
حمزه: انا مش فاهم هي فيها ايه دي نامت وانا بكلمها
غمزه:طب سيبها تنام شويه يمكن تكون عايزه ترتاح
حمزه:انا هاخدها لما تصحي بكره للدكتور عشان اطمن
عاصي: مالك قلقان كده ليه ان شاء الله هاتقوم من النوم كويسه
روقيه:طب سيبها تنام هنا النهارده وانا هنام معاها عشان ابقي مطمنه عليها
حمزه:طيب مافيش مشكله نامي معاها بس انا كمان هنام هنا مش هقدر اطلع فوق واسيبها
فضالي:الله انتو مالكو وترتونا كده ليه ما البنت كويسه هي قالت يمكن ضغطها واطي سيبوها ترتاح ومتخوضهاش علي نفسها بقي وانتي يا روقيه نامي في اوضتك وسيبي جوزها ينام جنبها عادي
عاصي :صح و لو حصل حاجه حمزه هيعرف يتصرف
غمزه:ان شاء الله مش هايحصل حاجه
فضالي:يلا يا عاصي خد مراتك وشيل زين واطلعو نامو وانت يا حمزه ادخل نام جنب مراتك يلا تصبحو علي خير
ذهب الجميع للنوم وباتو ليلتهم ما بين خائف و مرهقه ومفكر وسعيده
////////////////////////////////////////////////////////////////
دقت الساعه السابعه صباحا استيقظت بنشاط لتفيق الصغير حتي تجهزه للمدرسه مثل كل يوم وتجهز نفسها ايضا فاليوم هو اول يوم لها في الكليه
وقفت من جانبه واتجهت الي غرفة الصغير وقبل ان تخرج طبعت قبله علي وجنته
وهتفت:عاصي حبيبي قوم عشان تنزل زين للباص بتاعه
عاصي:طيب روحي لبسيه وفطريه وبعدين تعالي صحيني
غمزه:حاضر بس ماتنمش تاني ثم دلفت الي الصغير لتفيقه
من نومه:زينو يلا حبيبي اصحي عشان معاد المدرسه
زين:ثباح الخيل يا مامي
غمزه:صباح النور يا قلب مامي من جوه يلا حبيبي عشان تلبس وتفطر وبابي ينزلك للباص
زين:حاضل بس ثحي بابي الاول
غمزه:هو في ايه انت تقولي اصحيه الاول وهو يقولي اصحيك الاول اصحو انتو الاتنين وخلصوني بقي
عاصي:انا صحيت اهو وقومت كمان اتفضل قوم وبطل استعباط مش ناقصين تتحول علينا علي الصبح
غمزه:بقي كده يا عاصي بقي انا بتحول
زين:خلاثثثثث انا قومت اهو يلا يامامي اعمليلي ساي بلبن بقي وانا هالوح اتوضي مع بابي يلا يابابي
عاصي:يلا يابني انا مش عارف هما مأجلوش الدراسه ليه بس السنه دي شويه
ثم تركوها وتوجهو الي المرحاض حتي يتوضؤو ويصلو صلاة الصبح
تفهمت هي انه ربما يريد ان يفتعل معها مشاجره حتي لا ياخذها لكليتها فأبتسمت من داخلها علي حب زوجها وخوفه عليها وأتجهت الي المطبخ
صلي فرضه وبجانبه ابنه يقلده في كل حركه ثم اتمو فطورهم وجهزت هي حقيبته بعد ان البسته زيه المدرسي
واخذه والده واتجهو الي الاسفل حتي يركب باص مدرسته وقفت هي تشاور له بيدها من الشرفه بكل حب الي ان ذهب الباص
دلفت هي مره ثانيه تلم الاطباق وترتب الطاوله
صعد هو اليها ووجهه غاضب لم يتكلم ودلف الي غرفة النوم والقي بجسده علي الفراش ليكمل نومه اتمت هي ما بدأته ودلفت الي الغرفه لتجهز ملابسه استعداد للذهاب شهقت عندما رأته نايم مره تانيه
غمزه: ودا اسمه ايه دا بقي ان شاء الله
قوم يلا البس
عاصي:سيبيني انام يا روحي وتعالي نامي جانبي انا مش هانزل دلوقتي
غمزه:بس انا هانزل دلوقتي انت نسيت ولا بتستعبط
عاصي:تنزلي تروحي فين بس تعالي يا شيخه في حضني نامي ربنا يهديكي اجتذبها من يدها وارقدها بجانبه علي الفراش
غمزه: اوعي سيبني وقوم يلا انت قولت هاتوديني الكليه يبقي ماتحولش ترجع في كلامك
ثم وقفت من علي الفراش بسرعه واتجهت الي خزانة ملابسها
اعتدل هو علي ظهره ينظر اليها وهي تبدء في خلع روبها الطويل وتظهر امامه بمنامته القصيره
فهتف وهو يبتلع لعابه:طب ايه رأيك بقي انا مش متحرك من هنا غير لما تيجي تصالحيني
غمزه:وهي تنظر له بأستغراب هو انا كنت زعلتك ولا ايه في ايه ها مالك
عاصي:تعالي بالذوق بدل مااقوم ليكي انا
غمزه:لاء مش هاجي واتفضل قوم هوانت مش بتشبع ابدا
عاصي:لاء وخليكي بقي واقفه كده لبكره الصبح شوفي مين هاينزلك من البيت اصلا
غمزه:يوووووه يلا يا عاصي بقي انا كده هأتخر عاصي يا عاصي اتضطرت ان تقترب منه وتحسه برجاء
غمزه:عشان خاطري قوم بقي اجتذبها علي قدمه وهتف:اقوم ايه طب مش افطر الاول
غمزه:ماانت فطرت لسه هاتفطر تاني
عاصي:اه افطر واحلي كمان تعالي ياقلب عاصي
//////////////////////////////////////////////////////////////////
استيقظت من نومها وجدته جالس ينظر اليها بكل خوف وحب
غزل:صباح الخير يا حبيبي
حمزه:صباح الفل عامله ايه يا قلب حبيبك
غزل:انا كويسه ياحمزه مافيش حاجه خلاص
حمزه:يعني مافيش دوخه ولا حاجه
غزل:لاء هو احنا ايه اللي نيمنا هنا
حمزه: انتي نمتي وانا بكلمك امبارح كنت هاشيلك ونطلع شقتنا بس ابويا قالي خليكو هنا واسيبك ترتاحي
غزل:ربنا يخليك ليا يا حبيبي ههه الكليه اوعي ياحمزه خليني اقوم البس
حمزه:طب بس براحه يا ستي مش مهم تروحي من اول يوم خليكي لما نروح للدكتور الاول
غزل:دكتور ليه بس والله انا كويسه سيبني اقوم البس بقي واقفت من علي الفراش ولكنها ترانحت في وقفت لاحظ هو هذا و احتضنها
حمزه:شوفتي انتي لسه دايخه اهو اقعدي بقي مافيش كليات لحد ما نروح للدكتور
غزل:انا مش دايخه انا كنت هاتكعبل في السجاده عشان خاطري وحياتي ياحبيبي وبدأت تتدلل عليه
حمزه:انا هاموت من القلق عليكي لو روحتي عشان خاطري انتي خليكي لحد ما اطمن عليكي بس
جلست علي الفراش وبدأت في البكاء في صمت
جلس هو بجانبها وبدء يزيل دموعها :مش قولت بلاش عياط امبارح
غزل: طب خليني اروح
تنهد بعدم صبر:طيب قومي البسي وهاوديكي
القت برأسها علي صدره واحتضنته بيدها: حبيبي انت ربنا يخليك ليا
قبل اعلي رأسها وبدأ يملس علي ظهرها : ويخليكي ليا يا حبيبتي يلا قومي بقي احسن كده انا مش هاسيبك تقومي من حضني خالص
////*****///////********//////*******//////*******
اخذت حمامها ولبست ملابس تليق بها وبدأت تضع بعض المساحيق الخفيفه علي وجهها
دلف هو الي الغرفه وهو يلف منشفته حول خصره ونظر اليها
عاصي:بتعملي ايه بهدوء كده روحي اغسلي وشك تاني وماتحطيش اي حاجه عليه وانتي نازله حتي البرفيوم لاء
غمزه:دي حاجه بسيطه عشان بس اثر النوم
عاصي قولت لاء بقي انا مش عايز حد يشوفك وانتي كده تقومي تحوطي ميك اب كمان يلا والا مافيش نزول
غمزه: يوه حاضر ثم توجهت الي المرحاض مره تانيه
بعد ان تجهزو نزلو اليهم وجدوهم مستيقظين وجالسين جميعا علي ماءدة الفطار
عاصي: صباح الخير
الجميع:صباح النور
غمزه:عامله ايه يا غزل شكلك لسه تعابنه
مانا بقول كده من الصبح وهي معانده وتقول لاء مش تعبانه
هتف بها حمزه وهو يلقي الملعقه من يده وينظر اليها
غزل:اخص عليكي يا غمزه هو انا ناقصه دا انا مصدقت انو رضي والله ياناس انا كويسه
حمزه:كويسه بأمارة ايه بأمارة ما كنت هاتقعي اول ما صحيتي
ولا الاكل اللي مش عايزه تقربي منه وبقالنا ساعه بنتحايل عليكي تاكلي اي حاجه
روقيه: لتكوني حامل يا غزل
غزل:ايه....... لاء مش حامل مش معقول اشمعني دلوقتي يعني
حمزه بدهشه:ليه مش ممكن ومش معقول هو حضرتك مش متجوزه وكان نفسك في بيبي ولا ايه
غزل:طب نشوف الموضوع ده بعدين يلا بقي هنتأخر كده يلا يا حمزه ربنا يهديك
حمزه:مافيش نزول قبل ما تشربي كوباية اللبن وتاكلي السندوتش ده ولو طلعيتي حامل يا غزل انسي موضوع مرواح الكليه ده تاني غير علي الامتحانات
غزل:يوووووووه مش عايزه
عاصي:طيب نسبأقو احنا بقي وهنستانكو قدام الكليه
حمزه :ماشي هانحصلكو يلا يا غزل كلي والا مافيش نزول اصلا
///////******////////*******//////*****///////********
ذهبو بسيارته الي كليتها وجلسو داخلها ينتظروهم بدء يشعل سيجارته وهو يتحدث معها
عاصي:تليفونك يبقي في ايدك علطول عشان هاتصل بيكي في اي وقت.
غمزه:حاضر
عاصي:وزي ماقولتلك مش عايز صحوبيه مع شباب فاهمه
غمزه:حاضر
عاصي وهو ينفث دخان سيجارته:عارفه ياغمزه لو اتصلت بيكي في مره ومردتيش والله هاتلقيني فوق دماغك هنا
غمزه:حاضر يا حبيبي مالك بس قلقان كده ليه
عاصي:قلقان دانا هاتجنن من كتر القلق بس اعمل ايه مش عايز ازعلك امسكي خلي الفلوس دي معاكي ولو احتاجتي اي حاجه اتصلي بيا مفهوم يا حبيبتي
غمزه:بس انا معايا الفيزا بتاعتي
عاصي:اممم فيزا اه هاتيها يا حبيبتي اعطته هي كارت الفيزا بسلامة نيه اخذه منها وهتف لما جوزك مايقدرش يصرف عليكي ابقي اطلبي الفيزا بتاعتك مفهوم يا حبيبتي
غمزه بحب:حاضر يا حبيبي اهم جم اهم يلا انا هانزل لغزل بقي
عاصي:تعالي هنا هاتنزلي كده من غير ماتسلمي عليا تعالي في حضني
غمزه:ههههههه هو انا مسافره ياعاصي احنا في الشارع وبعدين انت مشبعتش سلام في البيت ولا ايه
عاصي:يووووه لاء يا ستي ماشبعتش احتضانهاجيدا وقبلها في وجنتها ثم ترجلو خارج السياره واتجهو اليهم
وقفو امام سيارة حمزه الذي هتف وهو محتضنها
حمزه:خلاص يا غزل لو حسيتي بس بأي حاجه اتصلي بيا وانا هاجيلك
غزل :حاضر يا حمزه خلاص بقي دي عاشر مره بتقولها
حمزه :وهافضل اقولها وهاتصل بيكي وعالله الاقي تليفونك مقفول ولا ماترديش والله هاتلقيني فوق دماغك
خلي بالك منها يا غمزه عشان خاطري
غمزه:ههههههههه حاضر
غزل:انتي بتضحكي والله ليكي حق دي مامي معملتش اللي هو بيعمله ده
غمزه:ههههههههههه عاصي عمله هههههههه
وقفو جميعا يضحكون مع بعضهم ثم ادخلوهم وأخيراً تركهوهم وذهبوا الي عملهم..
العاصي
الفصل الخامس والعشرين
مرت الايام عليهم هكذا بدؤو هم ينشغلون في عملهم والفتايات في دراستهم
حتي زين انشغل هو الاخر في دراسته كل يوم يذهب الي مدرسته صباحا ويرجع وقت الظهيره ويجلس معاهم يستذكرون سويا في شقة جده
و زاد الاعياء علي غزل ولكنها كانت تداريه حتي لا يحرمها حمزه من الخروج الي الكليه
وتصداقت غمزه مع فتاه معها تدعي اسراء واكتشفت انها قريبه من منطقة سكنها وبدء الحديث بينهم هكذا
غمزه:غزل ماتقوحيش شكلك تعابنه
غزل:يوه اسكتي بقي يا غمزه قولتلك مش تعابنه عشان خاطري اوعي تقولي لحمزه اني رجعت ودوخت تاني
غمزه:يابنتي وشك باين عليه التعب هو اول ما يجي هايعرف اصلا لازم تحللي زي ما مامي قالت علي الاقل
غزل:هايحرمني من اني اخرج واجي الكليه يا غمزه
تدخلت اسراء :هاي يابنات انا اسراء مالكم واقفين كده ليه
غمزه:هاي مافيش حاجه انا غمزه ودي اختي غزل بس هي سنه اولي وانا تانيه
اسراء:انا كمان سنه تانيه بصراحه انا شوفتكو من اول يوم دراسه كنت عايزه اتعرف عليكو بس انتو مش بتيجو علطول وكمان لما بتمشو مش بتمشو لوحدكو
غزل:طب اتعرفو علي بعض بقي وانا هاروح المدرج بتاعي عشان عندي محاضره يوه الحقيني ده بيتصل تاني
غمزه:هههههه ردي عليه ليتجنن ويعملها
غزل:والله حرام دا مافتش عشر دقايق سلام ياختي الو ايوه يا حمزه يا حبيبي والله كويسه
غمزه:هههههههه ربنا معاكي
اسراء:هو حمزه ده اخوكو ده اللي غزل بتيجي معاه
غمزه:لاء دا جوزها مش اخوها عن اذنك بس هارد انا كمان علي موبايلي
ههههههه والله كنت عارفه انك هاتتصل بس مانت فاضي اهو اومال بتضحك عليا وتقول عندك شغل ليه بقي
عاصي:اولا بطلي ضحك عشان محدش يشوف حلاوة وشك ده
ثانيا انتي لو تعرفي انا بكلمك منين كنتي خوفتي عليا
زي مانا بخاف عليكي انا واقف في الدور ٤٨ يا هانم مع العمال بباشر بني السقف
غمزه:ايه طب عشان خاطري خلي بالك من نفسك يا حبيبي
عاصي:حاضر يا حبيبتي ها قدامك قد ايه وتخلصي
غمزه:عندي محاضره كمان ربع ساعه وهخلص علي الساعه٢ كده
عاصي:طب تمام هاتلقيني واقف ليكي في نفس المكان صحيح غزل عامله ايه
غمزه:هاه كويسه لسه سيباني وراحت المحاضره بتاعتها
عاصي:ماشي بس مش عارف ليه شاكك في كلامك ده سلام لحد ما اشوفك يا قمر
غمزه:طيب سلام
اسراء:مالك يابنتي وشك اصفر فجاءه كده ليه
غمزه:مش عارفه اذاي بيعرف لما بحاول اداري عنه حاجه بس
اسراء:هو مين ده اصلا
غمزه:ده جوزي
اسراء:ايه ده هو انتو الاتنين متجوزين مش باين عليكو بسة بصراحه انتو حلوين اوي ماتتسبوش يعني
غمزه:ميرسي يا حبيبتي انتي كمان حلوه
اسراء:بس انتي ليه مش كنتي بتيجي السنه اللي فاتت انا اول مره اشوفك السنه دي
غمزه:اصل احنا كنا في الامارات وجوزي هو اللي حولي ورقي
اسراء: اه عشان كده وانتو منين بقي علي كده
غمزه:احنا من الجماليه تعرفيها
اسراء:بجد ههههههه انا كمان من هناك بس هي الجماليه فيها ناس نضيفه كده هههههه منين بقي فيها
غمزه: بصي تعرفي وكالة الحج فضالي
اسراء:ومين في الجماليه كلها ميعرفش الحج فضالي ولا ولاده
غمزه:اهو دا بقي يبقي والد عاصي جوزي وحمزه جوز غزل
اسراء:يا بنت الايه انتي بقي عروسة عاصي الغامضه اللي بنات الجماليه كلهم بيحسدوها عليه بس بصراحه هو ميستهالش ابدا الا واحده في جمالك
غمزه:هههههه انتي مجنونه يا اسراء بتعاكسي جوزي قدامي
اسراء:لاء اعاكسه ايه بقي ماخلاص اتجوز ربنا يهنيكو يا حبيبتي علي فكره انا مخطوبه لابن عمي بس بهزر معاكي
غمزه:ماشي يا ستي يلا بقي عشان المحاضره خلاص هتبدء ودلفو سويا الي محاضرتهم تحت نظرات شابين يتبعوهم
فادي:البنت دي جميله اوي يا اخي بس لو تديني فرصه اكلمها
معتز:فادي اتلم اولا دي في تانيه وانت في رابعه ثانيا هي مش بتتكلم مع حد غير بنت تانيه واول يوم النهارده نشوفها واقفه مع البنت دي
فادي:هي اصلا مش بتيجي كتير وحتي لما بتيجي في واحد ديما بيجبها ويجي يخدها تقريبا كده اخوها
معتز:دا انت متباعها بقي
فادي:من اول يوم وحياتك بس لوتيجي الفرصه واعرف اكلمها
معتز:طب يلا يا خويا ندخل احنا كمان علي محاضرتنا
//////////////////////////////////////////////////////////////
(بقلمي/كنزي حمزه)
انتهت من محاضرتها وخرجت مع اسراء وقابلتها غزل امام مدرجها
اسراء:هو انتي كويسه يا غزل شكلك تعبانه
غمزه:شوفتي ياغزل حتي اسراء لاحظت اومال بقي حمزه لما يشوفك دا مش بعيد يشيلك من هنا لحد البيت
غزل:خلاص يا غمزه مش هاقدر اداري عليه تاني انا اصلا تعابنه
غمزه:سلامتك يا حبيبتي يالهوي يا غزل دا جيه لحد هنا ومش صابر لما نخرج بره
حمزه:ايه في ايه مالكم واقفين كده ليه ومخرجتوش
غمزه:مافيش حاجه يا حمزه احنا لسه خارجين من المحاضره
حمزه:وانتي مالك واقفه ساكته كده ليه انتي تعابنه صح متكدبيش عشان شكلك باين
غزل:يلا يا حمزه نروح في البيت هابقي كويسه
حمزه:هو انا لسه هاستني لما نروح تعالي انا هاخدك علي المستشفي
حضر عاصي ايضا ونظر الي زوجته
عاصي:مش قولتلك غمزه شكلها بيحور عليا
غمزه:والله مش كانت تعابنه اوي كده ياعاصي
عاصي:طب يلا هاشوف انا الموضوع ده بعدين يلا يا حمزه خد مراتك وانا وراك بالعربيه
حمزه:ماشي حصلني علي المستشفي بقي اشيلك ياغزل تعابنه يا حبيبتي
غزل:لاء اوعي تشيلني انا كويسه يلا بينا ثم اخذها وادخلها سيارته واتجه بها الي الخارج
وقفت غمزه امامه وهتفت: صحيح نسيت اعرفك علي اسراء صاحبتي
عاصي:اهلا ازيك يا اسراء
اسراء:هاه الله يسلمك
غمزه:اسراء دا عاصي جوزييي يا حبيبتي هاه جوزي
اسراء :اه مانا عارفاه ربنا يسعدكو يا غمزه
طب عن ازنكو انا بقي عشان زمان خطيبي جيه بره
ثم تركتهم وذهبت
امسكها هو من يدها وأجلسها داخل سيارته واتجه الي مقعده بجوارها ليلحق بأخيه
عاصي:مين دي ومالها عامله كده ليه
غمزه:دي صاحبتي وساكنه عندنا في الجامليه وواحده من معجبين سيادتك يا مدوب قلوب فتايات الجماليه 😍
عاصي:هههههههههه ودا من ايه بقي ان شاء الله
عرفتي منين حضرتك
غمزه:منها هي اللي قالتلي ان البنات مسميني العروسه الغامضه اللي اتجوزها فجاءه فتي احلامهم كلهم
عاصي بحب:معذورين ماهما مايعرفوش انك خطفتي قلبي وانا ماقدرش اعيش من غيره💖
غمزه:بحبك اوي يا حبيبي💟
عاصي:بس دا مايمنعش انك اتعلمتي تحوري وتداري عليا وهاتتعقبي
غمزه: والله غزل اللي كانت مش عايزني اقول ياعاصي خايفه تطلع حامل وحمزه يقعدهامن الكليه
عاصي:طب ماهو ده الطبيعي يعني مش شايفه حالتها عامله اذاي انتي مش خايفه عليها ولا ايه
غمزه: انت بتقول ايه طبعا خايفه عليها دي اختي حبيبتي بس مش كنت عايزه ازعلها
وصلو للمستشفي ونزلو من سيارتهم واتجهو اليهم وهو ممسك هاتفه يتحدث مع اخيه
عاصي: ايوه يا حمزه انتو فين دلوقتي
حمزه:احنا في الدور التاني اطلعو هاقبلكو عند السلم ثم اغلق الخط
وبعد قليل قابلهم وهتف في غمزه:بصي ادخلي الاوضه دي شوفي في ايه هما دخلوها وانا اتكسفت ادخل بصراحه
غمزه:طيب اهدي انا هادخل اهو تركتهم ودلفت الي داخل الغرفه
عاصي:ماتهدي يلا بقي مالك خفيف كده
حمزه :اهدي ايه بس انت مش شايف شكلها كان عامل اذاي
عاصي :ان شاء الله خيرخرجت غمزه وادخلتهم للطبيبه التي ابتسمت لهم بدورها
الطبيبه:مين فيكم اللي هيبقي بابا قريب
ابتسم عاصي واحتضن اخيه :الف مبروك ياض مبروك يا غزل هتبقي مامي صغنونه اوي ههههههههههه
حمزه :الله يبارك فيك يا حبيبي عقبالك يا غمزه مبروك يا حبيبتي ثم بدء يحتضنها ويقبلها امامهم
الطبيبه:ههههههه لاء انا عايزك تهدي كده الفتره الجايه وبعدين لازم نعملها تحليل دم عشان نأكد الحمل وكمان اعرف اذا كان عندها انميا ولا لاء عشان شيافها ضعيفه قوي
خجلت غزل من كلامها وخبأت وجهها في صدر زوجها الذي مزال محتضنها
غزل:بلاش حقن عشان خاطري يا حمزه
حمزه:ياحبيبتي دي عينه صغيره بس عشان نتأكد بدأت في البكاء
غمزه:بلاش يا حمزه غزل بتخاف جدا من الحقن
تكلمت الممرضه: لاء متاخفيش خالص انتي بس هاتي دراعك ومش هتحسي بأي حاجه
غزل:ابعدها عني يا حمزه والنبي
حمزه:مالك يا بنتي خايفه كده ليه دي شاكه بسيطه مش حاجه يعني
غزل:لاء بلاش يا حمزه عشان خاطري ابعدها عني وبدأت في البكاء بصوت مرتفع
اخذتها غمزه من بين يديه واحتضنتها جيدا:خلاص بلاش مش لازم الحقنه دي ماتخفيش يا حبيبتي
الطبيبه:ليه الخوف دا كله يا بنتي اومال هاتتحملي الم الحمل والولاده اذاي دي حاجه بسيطه خالص طب بصي انا بنفسي اللي هاسحب العينه منك ولو حستي بحاجه ابقي ازعلي مني انا
غزل:لاء انا عايزه امشي روحني يا حمزه
اجتذبها بين يدي اختها مره ثانيه ثم جلس علي مقعد خلفه واجلسها علي قدمه
وهمس في اذنها:مش انتي عارفه اني بحبك ولا يمكن اعمل حاجه تضرك
اومأت له برأسها بمعني الموافقه
حمزه بهمس: طب لو انتي بتحبيني اثبتيلي ده وماتخافيش كده
وفي هذه الاثناء امسك عاصي ذراعها واشار للطبيبه بسحب العينه وهي كالمغيبه بين يديه فقط تستمع اليه وتنظر له وهو يحتضنها ويملس لها علي ظهرها امام الجميع
ابتعد عنها عاصي وافسح للطبيبه التي استوعبت خوفهاوغرزت الابره بكل خفه في يدها وسحبت الدم دون ان تتألم
ثم هتفت:خلاص يا دلوعه خلصنا بس دا جوزك هيتعب اوي معاكي في الحمل ده ربنا يخليكو لبعض ههههههه
حمزه:ربنا يخليكي يا دكتوره مش مهم تعبي المهم عندي هي ولو سمحتي عايزين عنوان العياده بتاعتك عشان تتابع مع حضرتك
الطبيبه:حاضر طبعا بس هاتنتظرو معنا شويه علبال التحليل ما يبان ممكن تقعدو في الكافتريا تحت
اشارو لها بالموافقه واتجهو للخارج ثم الي الكافترياوجلسو مع بعض.
عاصي:اه يا جبانه ماكنتش اعرف انك خوافه اوي كده يا غزل
غزل:ايوا بخاف فيها ايه دي
حمزه:لاء يا حبيبتي ماتخافيش من اي حاجه طول ما انا موجود اجبلك عصير ولا تاكلي حاجه احسن
غزل:لاء مش عايزه خلينا لما نروح وناكل كلنا مع بعض
حمزه:ماشي بس هاجيب لينا كلنا عصير واجي
عاصي:مالك يا غمزه قعده ساكته كده ليه
غمزه:هاه لاء ولا حاجه بس مستغربه اصل غزل كانت بتخاف من الحقن جدا دي كانت لا يمكن تاخد حقنه وتفضل تصرخ زي اللي عندها حالة فوبيا
هو حمزه قالك ايه ياغزل خلاكي هديتي ووافقتي كده.
لم تتلقي منها اي رد فقط نظرت الي زوجها القادم اليها
عاصي:الله ما قالها اللي قاله انتي هاتدخلي بينهم ليه بقي
حمزه: ولا بتدخل ولا حاجه يا عم بصي ياغمزه اناقولتلها اطمني وانتي في حضني وخليكي واثقه فيا
غزل:وانابثق فيك ومش بقيت بطمن غيروانا معاك
حمزه:ربنا ما يحرمني منك ابدا واكون ديما اد الثقه دي
عاصي:يا سلام عصفورين كناريا يااخواتي فوق يا عم روميو احنا في المستشفي هههههههههه
حمزه:يخربيت فصلانك هاتبقي انت والدكتوره عليا
ضحك الجميع علي كلامه وانتظرو قليلا ثم ذهبو واحضرو نتيجة التحاليل التي ظهرت اجابيه وكتبت لها بعض الفيتامينات حتي تقوي وشددت عليها بأن تراعي اكلها جيدا
رجعو بكل فرحه الي البيت ليخبرو والدتهم ووالدهم بهذا الخبر السعيد فرحو جدا بهم وهتف والده
فضالي:بجد يا حمزه الف مبروك ياحبيبي
روقيه:مبروك يا غزل شوفتي مش قولتلك انتي حامل
غزل:الله يبارك فيكي يا مامي
حمزه:كده بقي مافيش كليه ولا خروج من البيت على الاقل لحد الشهرين دول مايعدو
غزل بشراسه:نعم ليه كده بقي هاتحرمني من الخروج يا حمزه
حمزه:معلش يا حبيبتي ما انتي لازم تتحرمي انتي كمان من حاجه مانا مش هاتحرم لوحدي يعني
خجلت هي من كلام زوجها وصمتت بينما تفهم عليه والده واخيه ونظرو لبعضهم وهم يضحكون
فضالي:عقبال ما أفرح بيكي انتي كمان ياغمزه يلا شدي حيلك وهاتلنا عاصي صغير كده
غمزه وهي تنظر الي زوجها بحب: ان شاء الله يا بابي
رن هاتف روقيه وهم جالسون ولكنها لم ترد ونظرت الي زوجها بخوف
فضالي:مين يا روقيه ردي علي تليفونك
روقيه:لاء مش هارد مش مهم اصلا
فضالي بغضب:وريني التليفون ده هاتي انا هرد ليفتح الهاتف بغضب:الو مين معايا
اندهش سالم علي الجهه الاخري حين سمع صوته واغلق الخط
وهتف: الله انا طلبت رقم غلط ولا ايه
اما عن فضالي:قفل السكه اول ما سمع صوتي هو اتصل بيكي قبل كده
روقيه:ايوه رن عليا الصبح وانا خوفت ارد عليه وخوفت اقولك بردو
فضالي:خوفتي تقوليلي وتفتكري لما مش هتردي عليه كده تبقي بتحمينا مثلا انتي مش هتبطلي غباء يا روقيه
اياكي يتصل تاني وتردي عليه اول ما يتصل تجيبي التليفون وانا اللي هاكلمه
روقيه بدموع: واتكلمه ليه بس احنا لا عايزين نكلمه ولا هو يكلمنا
فضالي بعصبيه :انا اللي اقول ده مش انتي انتي فاهمه ليرن هاتف روقيه للمره التانيه
ويفتح فضالي الخط:الو مين اللي بيتكلم
سالم:الله مش ده رقم الحجه روجيه بردك ولا ايه
فضالي:ايوه ده رقمها انت مين وعايز ايه
سالم:انا سالم التوني عم بناتها انت مين وتليفونها بيعمل ايه معاك
فضالي:انا عبدالرحمن فضالي جوزها وعشان كده تليفونها معايا يا حج سالم
وياريت بعد كده لو عايز تتصل بيهم يبقي عن طريقي انا او عن طريق حد من ولادي مفهوم
لم يتلقي اي رد حين اغلق الأخير الهاتف في وجهه
التفت اليها وهي جالسه ومسح رقمه من علي تليفونها
وهتف:اقسم بالله لو عرفت انك رديتي عليه تاني لهتشوفي مني وش عمرك ماشوفتيه في حياتك مفهوم ثم القي الهاتف علي قدمها وانتظر الرد
روقيه وهي تجتهد حتي تخرج الكلمات من فمها من شدة البكاء:حااااضر يا عبد الررررحمن
لم ينظر اليها واتجه الي غرفته وبكل عصبيه وغضب اغلق الباب من خلفه لتفزع الفتايات من صوته اتجهو الي والدتهم ليحولو تهدأتها
غمزه:معلش يا مامي هو متعصب عشان مش قولتي ليه
روقيه:والله خوفت اقوله
عاصي وهو جالس: كنتي قوليلي ولا قولي لحمزه واحنا نقوله
روقيه:انتو كنتو في شغلكم ولما جيتو خبر حمل غزل نساني
حمزه:طب خلاص اللي حصل حصل وكده احسن انو رد عليه
روقيه:طب خلو بالكو من بعض انا مش عارفه التاني ده هايعمل ايه دلوقتي
عاصي بغضب:يعمل اللي يعمله يجي يورينا نفسه انا اصلا مش هارتح غير لما افلق واحد فيهم نصين
غمزه:لاء يا عاصي انت مهندس مش بلطجي عشان تعمل كده
عاصي:بقولك ايه بلا مهندس بلا ظابط الاشكال دي اصلا ما مبتجيش غير بالدب علي دمغاها
تعليقات
إرسال تعليق