مجمع الروايات الكامله والحصريه فقط اضغط على اسم الروايه موجوده كامله في موسوعة القصص والروايات جميع الفصول مع البرنس محمد السبكي قصص وروايات كامله يسعدني تواجدكم معنا في المدونه

رواية خيانة الروح كامله 

 

رواية خيانة الروح كامله 

"خيانة الروح". كاملة 

*!🤍الحكاية بدءت لما عمر قرر أنه ياخد خطوة الجواز ،واللي كان ماجلها تماما لحد ما يكون نفسه ويبني اسمه بين رجال الأعمال ،.

عمر معروف بين الجميع بالطيبة وحسن السمعة ونبل الاخلاق. ،الكل كان بيحبه وبيرتاح له جدا ،وده مش عشان غني ومعاه فلوس لكن لانه ،بيساعد الكل وعمره ما رفض طلب لحد ،.متواضع وروحه حلوة وجدع وصاحب صاحبه ،.

عمر اصلا من الارياف ورغم انشغاله دايما وضغوط الشغل اللي مبتخلصش من عليه ،.

الى أنه لازم كل فترة ينزل البلد يشوف أصحابه ويقضي وسطهم اجمل لحظات في حياته ،.

وفي مرة عدت من اصاده بنت جميلة جدا ،بمجرد ما عينه وقعت عليها حس أنها خطفت قلبه ،وتاني يوم سال عليها وعن أهلها ،.

وكالعادة فيهم اللي مدح فيها وكتير حذروه من الناس دي وخاصة امها تحديدا وقالو عليها كلام صعب جدا ،.

ولان عمر فاهم أن مش لازم الجميع يجتمعو على رأي واحد قرر أنه هيتقدم ليها وهيتوكل على الله ،.

ويادوب سافر القاهرة ورتب نفسه وعرف اخواته وأمه اللي رفضو بشدة مشلانها فقيرة ،بس هما سالو عليها هي وامها والكل حذرهم بكذا طريقة ،واضطرو يرضخو لرغبته وقالو يمكن البنت يطلع معدنها اصيل وتبقى غير امها وفي اقل من شهر كان راجع البلد عشان يطلب ايد الجميلة ندى"**!🤍

وفي خلال اسبوعين كان اتقدم ليها وجاب.ليها احلى طقم الماظ ،.

عملها الخطوبة في أحسن قاعة وده بعد لما ام ندى صممت أنه هو اللي يتكلف بكل حاجه ،كمان طلبت منه يشيل كل الجهاز من الإبرة للصاروخ حتى لبسها هو اللي جابه ومبررها أنه غني واي مبلغ هيدفعه ميجيش نقطة في بحر فلوسه ،.

كانت شخصية صعبة جدا ومادية وطماعة ،بس هو عادي كان بينفذ ليها اي طلب عشان هو حب ندى من كل قلبه وأتمنى أن دي هي اللي تكمل معاه حياته ، .

اما ندى فكانت طايره من السعادة ،وحاسة أنها في حلم ومشعايزة تفوق منه ،.

معقول هي خلاص هتودع الفقر والحرمان والضنك وهترتاح من الفلاحين وهتبعد عن كل الناس اللي حاشرين نفسهم في حياتها. ،يااه لو تغمض عيونها وتفتحها تلاقي الكام شهر دول عدو عشان تخرج من العيشه دي ،.

كانت فرحانه لأن عمر مبيرفضش اي طلب لها ايا كان هو ايه ،ورقية امها كانت بتفضل تزن عليها عشان تطلب اكتر واكتر ،خلته يجيب لها دهب اكتر من مرة ،وهو كان بيقول عادي لو على اد الفلوس فمش مهم طالما هي سعيدة ،.

وعدى الوقت وعملو الفرح في افخم قاعة ،واصرت  ندى على رقية أنها متعزمش اي حد من اللي ساكنين معاهم في البلد وخاصة صحاب عمرها اللي مكنتش بتفارقهم لحظة وهما فرحو ليها من قلوبهم ،.

وقالت بق-رف واشم-ئزاز: " ،انا مشعايزة المح طيف واحدة من الناس الزبالة دول في فرحي ،دول هيعروني ادام عمر وأهله ،انا خلاص قط-عت علاقتي بيهم للابد ،ولو انتي عايزة تفرسيهم ابقي فرجيهم على الصور ،.

رقية بتأييد عندك حق يابت حكم دول عينهم مدورة وهيحسدوكي ،.

بعدها سافرو سوى في كذا مكان ،عمره ما حسسها أنها مختلفة عنه ،كان بيعلمها كل حاجه غريبة عليها واحدة واحدة،كان بيتفنن في ازاي يسعدها ،حققلها كل اللي بتتمناه ،دخلها دنيا جديدة ماتحلمش بيها ،كان حنين ومراعي لأقصى درجه ،خلاها طايره فوق السحاب ،بس فجأة دمرت حلمه فيها ،بدا يشوف حقيقتها القظ-رة بالتدريج.

كان بيشوف غرورها وتعاليها على الكل وده كان بيزعله جدا منها وفي مرة كان عامل ليها حفلة عيد ميلاد كبيرة وطلب منها تعزم أصحابها وجيرانها ،لقاها ردت بعصبية عليه وقالت بتكبر ونبرة حادة: ". ،ايه اللي انت بتقوله ده؟. ،انت عايزني انا ،ندى مرات عمر السعدني أعزم ناس زي دي عندي ".،وبصت له بض-يق ون-فور : "،ياريت تنسى البلد والأرض والحياة دي بقى ،فكر في شكلك ،انت رجل اعمال ومعارفك كلهم من صفوة المجتمع ،الناس بتعلى مش بتنزل لسابع ارض يا باشا ،.

عمر بصلها بذهول: " انتي ازاي بتفكري بالاسلوب ده!." ،معقول بسهولة كدا انسلختي من جلدك ونسيتي أهلك وناسك وعايزاني اطلع ندل وقليل الاصل وابعد عن اهلي وبلدي؟. ،.

ندى بضيق لا انا بعرفك أن زمان مش زي دلوقتي ولازم تشوف اللي هتستفيد منه والناس اللي في البلد الشوم دي مشفتش فيها انا غير الحزن والقهر ،.

عمر بنفاذ صبر ،بصي انك متعزميش حد تبعك دي حاجه ترجعلك وده تفكيرك وقناعاتك الشخصية مع أن الفلوس مشمبرر للغرور والتعالي على الخلق ،ياريت تغيري نظرتك للأمور عشان صدقيني هتن-دمي ،بعدها .

قرب منها وبص ليها بتحذير ونظرات من جح-يم ، حاجه كمان ياريت متدخليش في طبيعة حياتي  انا أعزم مين أو أصاحب مين فدي حاجه ترجعلي لوحدي اظن الرسالة وصلت لأني مابحبش اكرر كلامي كتير ،.

وبالنسبة لاهل بلدي اللي مبقوش عاجبينك فجأة فمعلش في الكلمة بس الشوز اللي بيلبسه واحد منهم برقبة كل المجتمع اللي عجبك اوي ده واتسحرتي بيه ،.

سابها ومشي وكان مصدوم من طريقة تفكيرها ،.

وبمرور الوقت اكتشف فيها عيوب كتير ،زي أنها أنانية ومبتحبش غير نفسها ،.

دايما بتفتعل المشاكل مع أهله وبتحاول تكرهه فيهم بشتى الطرق ، بترد عليه كلمة بكلمة ،اسلوبها معاه سيئ جدا الكل بيشتكي منها وبتعمل مشاكل مع طوب الارض، .

ده غير أنها طماعة جدا وجشعة ،وبتحاول تستغله وهو فاهم ده كويس وبيعديه بمزاجه ،.

بتتعامل معاه بسياسة الأمر الواقع ،.

يعني مثلا تروح اي مكان وتشتري كل اللي هي نفسها فيه وبتخلي أصحاب المحلات يبعتو الفواتير على مكان شغله. وعشان ميحطش نفسه في مواقف محرجة كان بيضطر يدفع من سكات ،.

،ولما جه عشان يكلمها في الموضوع ده كانت بترد بكل برود ،مالك زعلان ليه كدا ،كل ده عشان بشتري لنفسي شويا حاجات ابقى كدا اجرمت!.

 ،وكملت باستهزاء ،انت محسسني انك موظف حكومة ومرتبك يا عيني مش مكفي وبتحاول توفر لآخر الشهر ،بصتله وقالت بقلة ذوق: ". ،عمر انت غني جدا فمن فضلك بلاش تبخل عليا بكام الف كل شوبينج ،.

عمر بذهول انا بخيل معاكي يا ندى؟. وكمل بعدم استيعاب ،بعدين انا راضي ضميرك انتي بتصرفي في اي خروجة ليكي كام الف بس؟.

 ،بصلها وكمل بزعيق ده اقل فاتورة ليكي بتعدي ال١٠٠ الف جنيه ،ندى بزهق وهروب يوووه بقى ،.يعني عايز ايه مني دلوقتي ،عمر اخد نفس طويل وقال بجمود مشعايز حاجه خالص من فضلك اقفلي النور عشان انام ،.

ندى بعصبية ماشي بس انا هروح البلد بكره عشان اقعد مع اهلي شويا ،وكملت بح-قد وغ-يظ وكمان عشان بنت عمي ولدت وعايزة ابارك لها ،.

عمر بيحاول يهدى عشان لو ساب نفسه لشيطا-نه هيق-طعها حتت لانه خلاص جاب اخره منها ،قال بارتياح ،ماشي ولو عايزة تباتي معنديش مشكلة ،.

ندى بغ-ضب انا فعلا هبات كام يوم مخنوقة ومش طايقة اقعد هنا ،.

عمر بو-جع مخفي للدرجة دي يا ندى؟. ،.ردت ببجاحة اه وكفاية كدا بدل ما نرجع نتخانق تاني ،.

مشيت من اصاده وهمس لنفسه بو-جع: " ،لحد امتا هفضل استحمل واعدي واقول معلش؟. ،انا بشر وليا طاقة وللاسف هي ملهاش اي رصيد كافي جوايا عشان يغطي كل تصرفاتها المش-ينة في حقي. ،كمل برجاء حلها من عندك يا رب انا بردو مشعايز اخد قرار في وقت غضب وبعدين ان-دم عليه انا مشطايق ابص في وشها اصلا بس بحاول اض-غط على نفسي وبقول يمكن تتغير مع الوقت ،.

وفعلا سافرت البلد وقعدت مع أهلها اللي كانو فرحانين بيها خاصة أنها جايبه ليهم شيء وشويات زي ما بيقولوا اكلو مع بعض وهزرو كتير وفجأة قالت امها بدون مقدمات ،.

ندى انتي مخلفتيش ليه لحد دلوقتي؟." ،اديكي بقالك سنتين ولسه مجبتيش عيل ولا تيل ،انتي المفروض كنتي على ايدك طفل وبتفكري تخاويه كمان.

،كملت بح-قد مش شايفه جنى بنت عمك اللي تتشك في معاميعها اتجوزت بعدك ومعاها سما واهي جابت سيف ،.

وكملت بدعاء  من قلب كله سو-اد وغ-يرة ،الهي ما تفرح بيهم ويروحو منها في ليلة واحدة ،ندى بحزن معرفش ليه محصلش لحد دلوقتي ،.

وبعدين بتدعي عليها ليه هي ملهاش ذنب ،.

رقية بغ-ل وح-سرة ، بقى انا امها تقابلني وتقولي وهي بتشمت فيا عقبال عوض ندى ،.

اه يا نا-ري نفسي اجيب الولية دي واحطها تحت رجلي وافضل اض-رب فيها لحد ما روحها تطلع ،.

قامت وشدت بنتها من دراعها وقالت بش-ر اسمعي يا بت انا صبرت بما فيه الكفاية ،عايزة الشهر الجاي تيجي تقوليلي انا حامل يا امه ،والا وقسما بالله لهتشوفي مني وش ميعجبكيش ،.

ندى بض-يق بعدت عن امها وقالت بزعيق طب دي اعملها ازاي؟. ،مانا على يدك رحت لكذا دكتور وكلهم اكدو اني سليمة ،.

ابوها باستفهام طب عمر معملش اي تحاليل لحد دلوقتي؟." ،رقية بغ-يظ اخرس وانكتم بنتك ماتعرفش حاجه ،ده احنا كنا بنروح للدكاترة من وراه ،.

ندى باستغراب اصلا عمره ما فتح معايا الموضوع ده ولا مرة ،.

فوزي باقتراح طيب متكلميه يا بنتي وتشوفي ميته ايه ،.

رقية بتأييد اول مرة تقول حاجه عدلة جاتك داه-ية ،كملت بتريقة للاسف ابوكي عنده حق ،انتي اول حاجه تعمليها اول ما توصلي بيتك هي انك تفتحي معاه الموضوع ،بعدها هتعرفي دماغه فيها ايه ،.

ندى بتفكير ياترى هيبقى رد فعله ايه ،.

فوزي بضحك اكيد هيفرح طبعا وهيروح للدكتور عشان يطمن على نفسه ،.

رقية بتح-ذير اياكي يا بت تعرفيه انك كشفتي وعملتي التحاليل ،.

ندى بخ-وف لا لا طبعا مشهقوله اكيد ده كان يبهدلني ،.

رقية بقوة ولا يقدر يمس شعرة منك ده انا كنت خزقتله عينه ،انا مشعايزاه يعرف لحد ما نفهم هو ليه مفتحش السيرة دي لغاية دلوقتي ،.

وكملت بغموض مسير المستخبي يبان ،.

وبعدها زارت بنت عمها وهي ماسكة الطفل فضلت تتخيل لو هي مكانها ،هي اللي معاها العيل ده والكل بيبارك ليها ،ياااه حلم جميل مستعدة تدفع نص عمرها وتحققه ،كل الستات عيونهم عليها ،اللي بشماتة واللي بك-ره واللي بخ-وف على ولاده منها ، اتق-هرت لما مرات عمها شدت الولد منها بع-نف وقالتةلها بتشفي معلش هنغيرله عشان شكله عامل عملة كبيرة ،مصمصت بقها وكملت بمعايرة ،معلش مانتي معذورة ماخلفتيش قبل كدا ،فضلت تضحك والناس بصت لندى بفرحة فيها رقية بصت ليهم كلهم بتوعد وشدت بنتها وخرجت واقسمت أنها هتن-تقم من سلفتها بطريقة مطخترلهاش على بال ،

ندى فضلت تعيط كتير اوي والغ-يرة اتمكنت من قلبها تجاه بنت عمها وتمنت أن ولادها يم-وتو زي ما امها قالت ،.

 فضلت تفكر في  موضوع الخلفة واللي كان شاغل دماغها من اول ما اتجوزت ،.

اتنهدت بوجع وقررت انها مش هتسكت تاني ولازم تشوف حل المشكلة دي ايه ،وفعلا بمجرد ما وصلت البيت ارتاحت شويا واستغلت أن عمر في البيت ومعندهوش شغل وحاولت تفتح الموضوع .

وسألته بشكل مباشر ،عمر هو انت بتحب الولاد؟. ،اقصد مش نفسك في طفل يملى حياتنا ونلعب معاه وكمان يبقى امتداد لاسمك؟.

 ،عمر بابتسامة ،اكيد طبعا نفسي ومستني اللحظة اللي هاتيجيلي وتقولي فيها انك حامل ،.

ندى باستغراب طب ليه ولا مرة فتحت الحوار ده معايا؟. ،

عمر بهدوء ،عشان ببساطة اكيد لسه ربنا مش رايد بعدين احنا مش بقالنا ١٠ سنين متجوزين عشان اقلق وادخلك في متاهات الدكاترة وانا بردو معنديش استعداد افضل محير نفسي وسايب دماغي للوساوس تلعب بيها ،.

كمل وهو بيشرب الشاي ،بس انتي ايه اللي خلاكي تفتحي كلام عن الموضوع ده؟. ،

ندى بض-يق اولا احنا متجوزين من سنتين ومحصلش حمل ،والدكاترة بينصحو الناس لو حسو أن الحمل اتاخر اكتر من سنة أنهم يبدأو يبحثو ويشوفو المشكلة فين ،.

كملت باستغراب صراحة انا مشفاهماك ولا مقتنعة بوجهة نظرك ،ده انا تخيلت انك انت اللي هتبقى مستعجل جدا ويمكن كنت عملت الف مشكلة عشان عايز تخلف في اسرع وقت ،.

عمر بذهول من أسلوب تفكيرها ،انتي بتتكلمي بجد؟. ،يعني انتي شايفاني غريب عشان راضي بإرادة ربنا وعارف أن لو ليا نصيب اجيب اطفال هيحصل ولو بعد ٢٠ سنة ولو نفرض أنه حتى محصلش فبردو هيبقى ده قدر ومكتوب ليا؟. ،

كمل بتوضيح ،بصي يا ندى انا عارف غايتك من الكلام وهجاوبك على السؤال اللي بتلفي وبتدوري حواليا عشان تقوليه ،انا مشهروح لدكاترة ولا هسمحلك انتي كمان تروحي ،وزي ما قلتلك لو ربنا كاتب لينا الرزق ده هيجي بدون اي مجهود ولو محصلش يبقى اكيد ده خير واحنا كل اللي في أيدنا ندعيله أنه يعمل لينا الصالح ،.

ندى بص-دمة انت بتقول ايه!. ،مستحيل ده يكون فكر راجل طبيعي ،.

كملت بغ-ضب ماليش دعوة بكلام الأنشا ده ،.

احنا في واقع مش خيال يا بيه ،وربنا قال أسعى يا عبد وانا أسعى معاك ،انما هتحط ايدك على خدك وهتستنا الفرج يجي من فوق مشهنتحرك خطوة من مكانا ،.

قربت منه وبصت في عيونه برجاء ارجوك نفسي اجيب ولاد يا عمر ،دموعها نزلت بق-هر ،انا قلبي بي-وجعني كل ما بشوف ام معاها عيالها ،.

اخدت نفس طويل بغ-ضب ،ومش غصب عني بح-قد على كل واحدة ماشية وباين عليها الحمل وبتمنى ربنا يحرمها منه  ،.

كملت بغيرة وهي بتلف حوالين نفسها ،بستغرب لما بلاقي واحدة معدمة ومتحتكمش على كام مليم وبتبقى معاها تلات أو ٤ عيال ،ساعتها بيزيد كر-هي ليها اضعاف وبيكون هاين عليا أشدهم واخ-نقهم واشوفهم وهما مي-تين  اصادي ،برجع وبقول بتمني لو تاخد كل فلوس امتلكها بس اجيب عيل زيها ،.

مسحت دموعها بعنف وقالت بإصرار انا عايزة اخلف باي طريقة ،وبكل هدوء بطلب منك تيجي نروح لدكتور ها قلت ايه ،عمر كان بيسمعها بذهول ،معقول في واحدة تبقى جواها كل الس-واد ده ، وليه؟.،عشان اتاخرت سنتين بس ،امال لو اكتشفت مثلا أنها عق-يمة ممكن تق-تل اي طفل زي ما بتقول  وهيبقى مبررها  أنها اتحرمت من الإنجاب؟. ،.

بصلها كتير اوي ،ومكانش عارف يقول ايه دي اعترفت أنها نفسها كل ام تتحرم من ولادها ،اخد كام نفس ورى بعض وحاول يمتص غضبها وقال بثبات ،اهدي يا ندى الحكاية مش مستاهلة زعلك ده كله ،.

باذن الله ربنا هيطعمنا قريب وكمل بضيق ،بس ياريت تتمني الخير للناس وتدعي ربنا أنه يكرمك زيهم ،ماهو لو انتي لما تح-قدي عليهم أو تدعي النعمة تزول منهم ،ربنا ممكن يعاقبك ويحرمك من كل حاجه مش بس البنون كمان المال ،.

كان بيحاول يخليها تبطل ح-قد على الخلق ،كان مخ-نوق منها ومش قادر يلتمس ليها اي عذر ،.

حس زي كل مرة أنه لما بيتناقش معاها بيزيد اشمئ-زازه منها اكتر واكتر ،.

وقبل ما ينسحب وقف على سؤالها ،.

يعني بردو مشهتروح للدكتور؟. ،بصلها ببرود لأنها رمت كل كلامه ورى ضهرها ومسمعتش منه حرف ،.

قالها بنفاذ صبر ،لا مشهروح في حتة يا مدام ،.

وكمل بح-دة ون-فور ،صفي نيتك وبيضي قلبك ونضفيه وادعي ربك يمكن يزيح عنك ويرزقك ،،مشي من البيت وغ-ضب الدنيا جواه ،.

اما هي فكانت متع-صبة ومسكت فونها واللي كانت فتحاه عشان يسجل كلام جوزها بكل حقا-رة وند-الة وبعتت التسجيل لامها ،كانت حاسة أنها هتج-نن من كلام عمر واستنت رد فعل امها بفارغ الصبر عشان تشوف هتنصحها بايه.

،بعد شويا لقت امها بترن عليها ،ردت وبصوت غض-بان سمعتي كلام البيه ،اديني سجلت الحوار عشان تحكمي بنفسك وتشوفي هنعمل ايه ،.

رقية بضيق من غباء بنتها اتكلمت بزعيق ،اسكتي بقى خليني اقولك ايه اللي وصلني من أسلوبه في الردود على كلامك ،.

فضلت ساكتة شويا بعدها قالت بشك ،بصي بقى ،عمر شكله كدا راح للدكتور ومن زمان اوي ،ومش بس كدا لا ده يمكن يكون طلع عنده مشكلة وجايز بردو يكون مشهيخلف ومعيوب اصلا ،عشان كدا عملي فيها سيدنا الشيخ وبيديكي مواعظ في الصبر والقناعة ،.

ندى بص-دمة معقول يكون كلامك صحيح!." ،وكملت بعدم تصديق لكن مكنش باين عليه أنه مهزوز أو مداري حاجه ده كان بيتكلم بمنتهى الثبات والثقة .

،رقية باتهام كله تمثيل بيداري خيبته يا هبلة .

،يعني عايزاه يظهر اصادك أنه معيوب وضع-يف ومش راجل؟. ،هو حب يعمل فيها أنه مش فارق معاه الحوار كله وزي ماتيجي ،.

وكملت باستهزاء هو لو كان راجل بجد زي اي واحد كان يبقى ملهوف على الخلفة من اول يوم جواز زي ما قولتيله ،كملت بج-هل وج-مود فكري، .

طب دي خالتك رحاب عشان بس اتاخرت شهرين في الحمل جوزها ضر-بها عل-قة م-وت وبعتها لامها ومرجعهاش غير لما راحت عملت تحاليل وعرف أنها سليمة ،وهو كان مجهز اوراق تثبت أنه كويس قبل الجواز ،.

ندى بحيرة طب العمل ايه دلوقتي؟. ،رقية باطمئنان  انا هاجي بكره عندك وهفتح الموضوع معاه ولو حسيت منه بملاوعة هطلب منه يعمل الكشف اهدي بس وسيبي الموضوع ده هحله بمعرفتي ،.

وكملت بثقة ويقين وهتشوفي مشهتعدي السنة دي الا وانتي شايله عوضك في بطنك ،ضحكت بشر ولو مش منه هيبقى من راجل من ضهر راجل غيره.

، ندى بخ-وف طب لو رفض تاني؟. ،رقية بغ-ضب يبقى هو اللي جابه لنفسه وساعتها اتفرجي على امك وهي بتعرفه مقامه ، .

ندى بق-لق مش عارفه لو فعلا طلع العيب فيه هقدر ابص في وشه ازاي ،رقية شهقت وقالت بفظ-اظة لاهو انا هخليكي على ذمته ثانية زيادة ،وكملت بغموض اصبري بكره مش بعيد ،ومسكت كام شعرة من شعرها وقالت بت-وعد ،ميبقاش ده على ست لو مجبتش مناخيره في الارض لو ظني طلع في محله ،.

ندى بض-يق طب انا هقفل ونبقى نشوف لما تيجي ايه اللي هيحصل ،.

رقية قعدت بشي-طانية ورسمت الخطة اللي هتنفذها لو عمر مكنش ليه في الخلفة ،.

وندى فضلت تدور في أوراقه يمكن تشوف حاجه مستخبية عنها ،.

اما عمر فك-ره حياته معاها ،عمره ما كان سعيد ،دايما كانت فرحته لحظية وسعادته مزيفه ،.

فضل يلف في الشوارع زي كل مرة بيبقى متخانق معاها فيها ،مبيرضاش يروح عند أهله عشان عارف انهم هيفضلو يلوموه على سوء اختياره من البداية ،ده حتى صاحب عمره مشعارف يلاقيه عشان يتكلم معاه ،رن عليه كتير وبعت رسائل اكتر وشافها وماردش عليه  ،التمسله الأعذار وقال معلش هو مشغول فأكيد مشعارف يرد عليا ،اخد نفس طويل واضطر يرجع بيته رغم أن صدره بقى بيطبق عليه لما بيدخله وبيشوفها ،.

مشدي ابدا البنت الرقيقة الهاديه اللي شافها وعرفها في الخطوبة ،دي كانت زي القطة المغمضة ،.

طب ايه اللي غيرها وخلاها بقت بالب-شاعة دي؟. ،حس أنه زهق من كتر التفكير ودخل مباشرة غير هدومه وابتسم بارتياح لما شافها نايمه ،دخل جنبها وبعد على اد ما يقدر عنها وغمض عينه بس دماغه لسه مشرحماه وبيفكر يا ترى ايه اللي مستنيه معاها .

#يتبع (خيانة الروح) 

بقلمي # دينا رأفت 

***!🤩

(خيانة الروح) الفصل التاني 

بقلمي # دينا رأفت 

 *****!🤩عمر نام متأخر ومرحش الشغل تاني يوم ،ولما صحي اتفاجيئ  بوجود رقية قاعدة مع بنتها ،استغرب جدا وخاصة أن لسه ندى جاية من البلد يادوب امبارح بس ،.

ورغم ضيقه منها وعدم ارتياحه ليها وك-رهه لتصرفاتها إلى أنه اتعامل برقي ورحب بيها كويس وفضل يتكلم معاها في كذا موضوع ،.

رقية حست انها مشهتقدر تلف وتدور كتير ففضلت تفتح الكلام معاه بدون مقدمات ،ابتسمت باصفرار وقالت باستدراك ،بقولك يا عمر ،انا حابة اكلمك بصراحة في حاجه زعلتني منك ،عمر باستغراب زعلانه مني ليه بس انا عملتلك ايه ،.

رقية بخ-بث ،ينفع لما ندى تيجي تفتح معاك حوار الخلفة وتقولك فيها ايه لو كشفنا عند الدكتور تك-سر بخاطرها وتسد نفسها .

،عمر بص-دمة وعدم تصديق ،نعم انتي بتقولي ايه؟. ،وازاي تدخلي بيني وبين مراتي اساسا ، بص ل ندى بغ-ضب ،انتي اتج-ننتي ولا ايه ،هي حصلت تحكي اسرارنا لامك ،بتشتكيني وفكراني هتهز ولا حاجه ،رجع بص لحماته وقال بف-ظاظة ،بعد اذنك اهو انا بستاذنك بكل ادب مالكيش دعوة باللي يخص بيتي .

،رقية قامت اصاده وقالت بطريقة سوقية ،نعم نعم يعني ايه ما ادخلش ده يا عينيا ،ده على أساس أن البت دي حد غريب ولا حاجه ،دي بنتي ياخويا لو مشواخد بالك ،بعدين ايه اللي عص-بك اوي كدا لما انفتحت السيرة .

،كملت بقوة بص بقى عشان الموضوع مياخدش أزيد من حده انا عايزة اعرف انت هتكشف ولا لا؟.

 ،عمر بز-عيق ،لا بقى انتي زودتيها اوي ،وبص لمراته بض-يق ،عشان كدا كلمتيها فورا ومخلياها تستجوبني وتحاسبني؟.

 ،ندى بوقاحة اه قلتلها عشان تيجي تفهم منك بدل ما انا معرفتش اخد منك حق ولا باطل ،رسيني على بر من فضلك ،عمر اخد نفس طويل وقال بثبات عشان ميتهورش عليهم ،بصو بقى تحاليل  مشعامل واللي عندكو اعملوه .

،بص لمراته بن-فور وانتي امشي ورا كلامها كويس لحد ما هتلبسي في الحيطة وهتشوفي ،رقية بز-عيق يعني ده اخر كلام عندك ،طب اسمع بقى ،انت شكلك كدا ملكش في الخلف وبتحاول تغلوش على الحوار ،عمر بذهول انتي بتقولي ايه؟.

 ،رقية باتهام ،بقول اللي سمعته ،اياك تكون فاكر هيخيل عليا جو الرضى بالمقسوم والكلام الخايب ده ،لا ده ميقولهوش غير العاجز وقليل الحيلة ،قربت له وقالت بتحدي ،اثبت ليا اني غلط ،قوم نروح نعمل الكشف وساعتها هخرس خالص وهنكتم لما اشوف بنفسي انك كويس ومافيكش اي عيب ، .

كملت بشماتة ،ماهو انا عشان مطمنة على بنتي باكتر من طريقه فتلاقيني بكلمك بقلب جامد ،.

راحت لبنتها وقالت بأمر ،روحي يا بت هاتي كل الاشاعات اللي احنا عملناها عشان نوريها للباش مهندس عشان يصدق ،.

عمر وقتها حس أنه مشلاقي اي رد وات-صدم حرفيا لما عرف انها راحت من غير أذنه للدكاترة ،قال بصوته كله وعيونه كان مليها غ-ضب جح-يمي ،انتي ازاي تعملي كدا من ورايا؟.

 ،ازاي تبقي بكل الحق-ارة دي ،مستحيل تكوني بنت محترمة ومتربية وتتصرفي بالشكل ده طب ليه عملتي كدا انطقييييي ،.

ندى حرفيا كانت مي-تة من ال-رعب لما شافت غض-به وز-عيقه .

،حاولت تحتمي بأمها اللي رغم خوفها من هيئته بس حاولت تتماسك وقالت بحدة وهي بتخبي بنتها منه ،اه راحت وخلصنا وجه الدور عليك ،.

عمر حس في اللحظة دي أنه عايز يخ-نقهم أو يض-ربهم المهم يشفي غليله باي طريقه ،.

اخد نفس طويل وقال بج-مود وع-صبية ،طب اسمعي انتي وهي ، مرواح لزفت دكاترة مشرايح وقسما بالله ماهعدي الغ-لط اللي صدر منك في حقي يا ندى ،.

انا هعرف احاسبك ازاي ،بس العيب مش عليكي ،لما امك اللي المفروض تربيكي على ازاي انك تحترمي جوزك وتسمعي كلامه هي اللي بتشجعك على البجاحة وبتحط خطة عشان تساهم في خر-اب بيتك ،طيب ازاي هستغرب كل تصرفاتك ،.

رقية بتحفز ،يعني مشهتنفذ اللي احنا عايزينه؟. ،تمام شدت بنتها بع-نف وقالت بته-ديد ،طيب لو معملتش الكشف اقسم بالله ماهخليها تقعد هنا ثانية واحدة .

،عمر بعصبية وصوت هز المكان في ستين دا-هية وتبقى عملت فيا معروف .

،ندى بذهول معقول بتبيعني بالسهولة دي ،ده انت زي ماتكون ماصدقت ،.

عمر بوجع مخفي وجمود ظاهري ،انتي عارفه ومتاكدة اني صبرت عليكي بدل المرة الف ،استحملت فوق طاقتي  وزيادة ،كمل بز-عيق  ،كنتي بتزعلي اهلي وبتحاولي تفرقيني عنهم وبقول معلش ،بتتعاملي مع الكل بوق-احة وتكبر وبعدي ،بتستغليني ماديا وبكبر دماغي وبردو بفوت ،وغيره وغيره كتير ولو عديت مواقفك البشعة في حقي هنقعد من هنا لبكره ومشهنخلص ،.

كمل بعتاب انا حبيتك من قلبي وكنت مستعد اعمل اي حاجه عشان تبقي سعيدة ،لكن انتي عمرك ما حبيتيني انا كنت بالنسبة ليكي مجرد بنك متحرك وبس ،مشاعرك باردة وكلامك حاد ،روحك شر-يرة يا ندى وضميرك م-يت ،انتي اصلا وحشة من البداية ،بس مكنش عندك القوة  اللي تخليكي تخرجي طاقه الغ-ل والح-قد اللي جواكي ، عايزة تمشي الباب يفوت جمل .اخد نفس طويل وقعد وهو حاطط رجل على رجل بمنتهى  الكبرياء والشموخ وده عكس استسلامه وانهاكه الداخلي  ،.

رقية سحبت بنتها بقوة ماهي مشقادرة ترد عليه مش عشان مكسوفه من نفسها ولا بتفكر تعتذر ،بس عشان تعرف تخرج بهدوء هي وبنتها لأنها عارفه أنه ممكن يمنعها تخرج ولو خرجت كفيل يخليها ماتخدش اي حاجه معاها ،.

ندى فعلا جمعت كل حاجه في كذا شنطة ،ومتهزتش بولا حرف من كلامه ،قلبها قا-سي زي الحجر والغل والحقد مالي روحها ،خلصت وخرجت بكل ثبات ،.

وقالت له ببجاحة وبدون ذرة ندم ،عمر انا ماشية واتمنى لو فعلا كنت لسه عايز نكمل سوى ياريت لو تعمل تحاليل ،ماهو اكيد انت عندك مشكلة وكملت بيقين ،انا كدا كدا سليمه ،انا صراحه هم-وت واخلف واظن ده من حقي ،عمر رفع عيونه ليها ومكنش فيهم اي حاجه مجرد نظرات كلها جمود وبرود بس وقال بنبرة عادية ،طبعا حقك وحقي بردو اعمل اللي يريحني انا ،مشيت مع امها ،والغريب أن عمر مكنش عايز يحس حتى أنه حزين عشانها ،قام واتفاجيء بدلابها مفهوش أي قطعة هدوم ليها ، حتى دهبها مشموجود ،وكمان كان شايل فلوس كتير في الدرج اخدتهم كلهم ،.

ضحك بهسترية وض-رب كف على كف وقال بسخرية هي لما اخدت شويا الحاجات دي كدا هي استغفلتني في رأيها ،كمل بلا مبالاة ياريت هتشبع اصلا دي الطم-ع ماليها 🤩 .

عدى اكتر من شهرين وندى قاعده عند اهلها ،عمر محاولش ابدا أنه يكلمها عشان يقنعها ترجع ،.

امه كانت زعلانه على اللي حصل ورغم أنها مابتحبش ندى اللي اتسببت في افتعال مشاكل كتير بينها وبين .

واصلا هي كانت رافضة الجوازة دي من الاول ،لكنها عشان ست طيبه ومشعايزة بيت ابنها يتهد قررت انها تكلم رقية يمكن تحاول تصلح الوضع ،.

وات-صدمت لما رقية زعق-تلها وقالت بغ-ضب ،ماهي شبه عارفه أن الجوازة باظت فكانت بتتكلم باستبياع ،بصي يا ست نجلاء ،انا هاجيب ليكي من الاخر ،بنتي مشهترجع للمحروس ابنك غير لو نفذ اللي قلت عليه ،.

كملت ببجاحة ماهو مش احنا اللي ناخد على قفانا ونسكت ،ولا مؤاخذة عمر شكله كدا مشنافع وعايز بنتي تخيب وتلاقي نفسها في الاخر ملهاش لا واد ولا بت يسندوها لما تكبر ،.

ياريت تعقليه ياختي وتخليه يكشف لو عايز بنتي تنور له دنيته اللي اكيد ضلمة من غيرها ،.

كملت بوقاحه من غير ما تسمع ردها ،يلا غوري بقى انا أساسا عماله اضغط على نفسي واعصر عليا لمونه عشان اكلمك جاتك داهية تشيلك ،.

نجلاء من الصدمة منطقتش بحرف ،قفلت في وشها المكالمة ويادوب بتلف لقت عمر اصادها وملاامحه متبشرش بالخير ،.

.

حاولت تستعيد ثباتها وقالت بتفسير ،معلش متزعلش مني يا حبيبي ،انا عارفه انك حذرتني من اتصالي بيهم بس غصب عني ،دموعها نزلت بوجع وقالت بنبرة حزينة ،مهانش عليا اشوفك موجوع في غيابها ومساعدكش ،كان نفسي اصلح بينكو ،.

اخدت نفس طويل وكملت بصوت مقهور ،انا يابني ميهمنيش في الدنيا دي غير سعادتك انت وأخواتك ،وخلاص اطمنت على عمار و عدي ،ناقص انت ،.

كنت فاكرة أن ندى سبب سعادتك ،بس للاسف طلعت بنت وحشه وامها مشجعاها على التمادي في الغلط ،.

،عمر مسح دموعها وضمها وقال بتنهيدة ،خلاص محصلش حاجه يا ست الكل ،.

انا بس رفضت تكلميهم عشان متاكد انهم هيزعلوكي ،كمل ب أسف واهو اللي حسبته لاقيته وشكلك زعلانة بسببهم ،.

اخد نفس طويل وقعد وحاوطها وقال بتوضيح بصي يا ماما ،انا كان اختياري لندى غلط من البداية ،وسكوتي على تصرفاتها البشعة كان غلط اكبر ،.

كمل بوجع ،مستحيل هقدر اعيش معاها تاني بعد كدا تحت سقف واحد .

،صوته علي وقال بنفور وحزن ،دي عملت كل اللي يكرهني فيها للابد ،سرقتني بدل المرة الف ،ومن غباءها كانت معتقدة اني مشواخد بالي متعرفش اني سايبها بمزاجي ،.

كانت بتحور عليا وبتكذب طول الوقت ،خانتني ،بص لامه اللي فتحت عينها بذهول ،.

وقال بضيق ،هو لازم الخيانة تبقى بس اللي دماغك صورتهالك يا ماما ،.

قام ووقف وكمل بوجع ،الخيانة اللي اقصدها معنوية مش ملموسة ،.

ندى خانت روحي اللي أخلصت ليها وهي اذتها بعدم رحمة. ،.

كمل بمنتهى الغضب ،خانت قلبي اللي حبها وكانت بتجرح فيه بكل قسوة ،.

خانت ثقتي ،خانت كل المشاعر الحلوة اللي امنتها عليها ،خانت العشرة وجر-حت قلبي بعزم مافيها .

حاول يهدى ومسح  وشه بايده وقال بتنهيدة ،هي دي الخيانة في نظري ييا ماما ،.

نجلاء بحزن يعني خلاص مافيش امل للصلح يا عمر؟. ،مسك أيدها وباسها بحنان ،صدقيني يا حبيبتي أنا مرتاح جدا وبحمد ربنا أنها جات منهم انا كنت كذا مرة بكون خلاص هنفصل عنها بس برجع وبهدى وبلوم نفسي عشان مكونش انا اللي غدرت بيها مع اني هيبقى معايا ألف عذر  لكدا ،ب.

س بتصرفها خلت العيب عليها ومحدش هيقدر يغلطني نهائي ،.

ربنا وحده يعلم انا عملت ليها ايه وايه اللي اتحملته منها وعشان بحبها وباقي عليها كنت بعديه ،.ماما لو انا لسه باقي على ندى كنت ممكن رضخت لطلبها ،بس انا مش الشخص اللي بيتلوي دراعه ابدا ومن واحدة ست كمان ،.

ضحك بسخرية ،اهي دي بقى تبقى المصيبة بعينها ،.

نجلاء باستسلام ،طب ايه اللي المفروض يتعمل دلوقتي؟.

 ،عمر بلا مبالاة ،مافيش انا عن نفسي مشهاخد اي خطوة ،هما عايزين ينهو كل حاجه يجو ويكلموني وساعتها هنخلص كل شيء بهدوء بس فكرة اني اكمل حياتي مع الست دي بقت مرفوضة تماما من تجاهي ،.

نجلاء حست انها مشلاقية اي كلام تقوله ،ماهو عنده حق في كل كلمة. ،دعت ربنا أنه يقدم لابنها اللي فيه الخير ويعوضه باللي تبقى احسن منها الف مرة 🤩.

اما ندى فكانت زهقانه من كل حاجه ،نفسها ترسى على بر ،هي عايزة تخلف باي شكل ،مشمتحملة فضول الناس اللي ما صدقت أنها تبعد عنهم ،دلوقتي عملوها حوارهم في كل قاعدة ،وكل شويا واحدة تسألها انتي هنا ليه ،طب ليه مجبتيش عيال لحد دلوقتي ،والليي خلاها مشطايقه العيشه أن الستات بقت بتخبي عيالهم منها عشان بيخافو لحسن تحسدهم ،كمان عايزة ترجع لحياة الغنا والفلوس والعربيات ،وده مشهيحصل غير لما تنهي علاقتها بعمر ده وتدور على واحد أغنى منه ، .

راحت لرقية وقالت بضيق ،وبعدين بقى يا ماما هنعمل ايه هنفضل كدا مش عارفين راسنا من رجلينا ومستنيين عمر الزفت ده يحن ويتكرم ويجي لينا ، .

رقية بجمود ،والله كلامك هو اللي هيحدد رد فعلي ،.

ندى بعدم فهم ،قصدك ايه وضحي؟.

 ،رقية بخبث ،يعني لو عايزة يرجعك تاني يبقى ندور على طريقه تجيبه راكع لحد عندك ،.

اما بقى لو رميتي طوبته وقرفتي من بخله وتحكمه فيكي ،وكمان يمكن يبقى معيوب زي مافهمتك يبقى فيه كلام تاني .

ندى بتفكير ،لا خلاص اللي بيني وبينه أعتقد أنه انتهى ،.

كملت بغيظ ،عمر مشهيرضى يكمل معايا بعد كل اللي عملته ،وانا صراحه مبقتش قادرة اتحمله ،ويمكن ميبقاش بيخلف زي ما قلتي ،اضيع نفسي لا طبعا ،.

رقية بغ-ضب انتي هبلة يا بت ،هو انتي فاكرة حتى لو كنتي ناوية ترجعي انا هسمحلك الا لو كان جاب التحاليل وانا اوديها لدكتور معرفة ،.

،ندى بزهق طب في دماغك ايه؟.

 ،رقية بش-ر ،قسما بالله لهخلي الي ما يشتري يتفرج على اللي هعمله فيه، وهدمر الصورة الجميله له ادام الكل ،وعمر المثالي هيبقى في نظر الناس ،عمر البلطجي اللي معندهوش قلب بس استني عليا .

،ندى بض-يق ونفاذ صبر اعملي اللي انتي شايفاه مناسب بس المهم نخلص من الموضوع السخيف ده بقى عشان اشوف حالي وارتب اوراقي من جديد ،.

وكملت بتذكر وتنبيه ،بس خلي بالك قبل ما تعملي اي تصرف لازم الاول نضمن أنه هيديني كل حقوقي ،.

سكتت شويا وقالت بح-قد وغ-يظ ,ده عنده ملايين وبما انه طلع معيوب فمحدش هيورث اليغمة دي اللا اخواته وأمه الحرباية فاحنا نلهف قرشين ليا واهو نكون طلعنا من الجوازة النحس دي بحاجه ،.

رقية بغموض ،تفتكري انا هسكت وهسيب اللي لينا عنده غير لما اخده اضعاف؟.

 ،كملت بشر وعيونها مليها المكر ،متقلقيش يا قلب امك ،انا باللي ناوياه ليه ده هخليه هو اللي يتمنى يخلص مننا باي تمن وساعتها يجي دوري في اخد حبابي عينيه لو عايزة ،طبطبت على كتفها بقوة ،خليكي ورايا بس وانتي تكسبي ،.

ندى بغ-ل وك-ره ،طب فضول الستات الحشرية دول مضايقني اوي بجد ونفسي اقطع لسانهم .

،رقية ضحكت بتوعد ،قلتلك هاجيبلك حقك من الكل وبالطريقة اللي ترضيكي يا بت ،.

وبالفعل قررت تنفذ خططتها ،وعشان تضمن أن الخطة تنجح بسرعة قابلت ست من القرية معروف أنها مبتسترش ولو حد قالها سر من المستحيل أنها تداريه لمدة ساعتين حتى ،وزي ما بيقولوا مابيتبلش في بقها فولة ،راحت لها وقعدت تعيط بدموع مزيفة وقالتلها بافتراء وكذب أن بنتها قاعدة عندها عشان جوزها ابن الأكابر كان عايز يضحك عليها ويخليها على ذمته بعد ما اكتشفت أنه كذاب وكمان طلع معيوب ومشهيقدر يخلف ابدا،فهمتها أنه ضربها وكانت هتروح فيها وحبسها في البيت وده بعد ما قررت تواجهه بخيبته ،،وهو عشان توافق وتفضل معاه حاول أنه يغريها بالفلوس ،كملت ببهتان وظلم ،بس احنا منقبلش بحاجه زي دي ،هو كان فاكر أنه ممكن يشتري سكات البت بقرشين لا طبعا ،.

وكملت بنفس الأسلوب المغاير لكل الحقيقة طب دي البت متربية وعينها مليانه ،وعمري مسمحتلها تطمع ولا تبقى عينها فارغة ،.

قالتلها أنه اد ايه زع-ل وات-قهر لما بعدت عنه ،وانه باس أيدها واترجاها أنها تكمل معاه ،والبت كانت مستعدة تسامحه على موضوع الخلف ده بس اللي جر-حها منه فكرته الوح-شة عنها أنها طما-عة وعادي يعرض فلوس عليها وفاكرها هتقبل بذ-له واها-نته ليها واللي مكانش ممكن نسكت عليه، ضر-به ليها ياختي دي كانت هتروح بين أيده بس ربنا ستر .

،بس أنا مسكتش رحت اخدتها وقلتله بالهداوة يا عمر احنا زي ما دخلنا بالمعروف نخرج بالمعروف ،.

رد عليا بكل قس-وة وقال طالما هتطلق مني يبقى تتنازل عن كل حاجه تخصها ،ده من جبرو-ته مشاها بهدوم البيت يرضيكي يا سلوى كل اللي حصل؟.

 ،سلوى بزعل مزيف لا ياختي ميرضنيش .

،طب هتعملي ايه دلوقتي؟.

 ،رقية بتمثيل الزعل ،اديني هخلي فوزي يروح للحاج فهمي يخليه يشوف حل يجيب بيه حق البت ، سلوى عوجت بقها وقالت ببرود ممزوج بفضول ماشي وابقي عرفيني وصلتي لايه مع الواد الضلالي ده ،عن اذنك ياختي لحسن سايبه الاكل على النا-ر وتلاقي العيال زمانهم راجعين ،رقية بتنبيه وخ-بث،ياريت متعرفيش حد باللي قلتهولك ده يا سلوى ، كملت بح-زن مز-يف ، انا مشعايزة حد يجيب في سيرة الراجل زي اللبانة ده بردو مهما كان جوز بنتي والكل بيحبه وشايفينه حاجه كبيره ،سلوى بارتباك ها ،اه اه لا ياختي ودي تيجي هو انا فتانة ولا ايه ،متخافيش سرك في بير ياحبيبتي ،.،رقية ابتسمت لأنها متأكدة أن كل حرف قالته هيوصل للناس وبنفس طريقتها ،.

ضحكت وقالت بشماتة ،يبقى يوريني مين هيصدقه تاني بعد كدا ،ده لو عرف يرفع رأسه في البلد اصلا ،.

،وفعلا الست نشرت الخبر حرفيا اسرع مما يمكن ،الكل فضل يتكلم عليه ،واصبحت ندى في نظرهم مق-هورة وات-غدر بيها وعمر هو اللي راجل مف-تري وظ-الم وعايز يطلع عقدة النقص اللي عنده عليها ،وفيه اللي زود على الخبر اخبار وحط بدل الكلمة الف ولوثو سمعة بني ادم شريف كل ذنبه أنه حب بنت واخلص ليها وماشافتش منه غير كل خير .

كانت مبسوطة أنها شو-هت اسمه وطلعته كداب ادام الناس ،.

عكست الحقايق وخلت البا-طل حق والحق ب-اطل ،خلت صورته بش-عة ادام الكل .

،قولته كلام هو بريئ منه تماما ،.

طلعته جا-ني وخلت بنتها ضحية. ،بس ربنا عادل وقادر يقلب السحر على الساحر في لحظة ، .

وظهور الحق مهما يتأخر فهيجي يوم والكل هيكتشفه مهما طال الزمن #يتبع بقلمي #دينا رافت.

****!🤍

(خيانة الروح) 

#الفصل التالت بقلمي #دينا رأفت **!🤍.

ندى لما عرفت بخطة امها فضلت تتنطط من الفرحة ،اد ايه شمتت في عمر ،ياه معقول كل حاجه اتعكست في لحظة وبقت هي اللي تستاهل الشفقة ،اتمنت من كل قلبها الأذى ليه الف مرة وهمست لنفسها بارتياح ،يعني خلاص محدش هيضايقني تاني ،محدش هيعاير امي بيا ،راحت حضنت رقية وباستها على تنفيذ خطة جهنمية زي دي  ، .

قلبها كله سواد وحقد ،وربنا هيعاقبها على كل الشر اللي ماليها ،ومكرهم هيتقلب عليهم لأن الله خير الماكرين .

،وزي ما في ناس صدقت اللي اتقال ،في ناس محترمة وبتحب عمر جدا دافعوا عنه في غيابه باستماته ،وده لانه معملش معاهم غير كل خير ،كان بيساهم في جهاز اي بنت مشقادرة تجهز نفسها لأن أهلها على اد حالهم ،طول الوقت بيطلع مبالغ ويديها لكبير القرية يساعد بيها اي حد محتاج ،عمره ما رد اي ايد احتاجت له ،عاملهم بكل طيبه وحب ،.

وفي المقابل ربنا اكيد هيرد اعتباره ،.

وبعد فترة مش كبيرة وصل الكلام كله لاهل عمر ،.

كان الكل مذهول من اللي سمعوه ،.

امه فضلت تتحسبن عليهم بقلب كله حر-قه وانه-ارت وحاولو يهدوها رغم أنهم   كانو عايزين يروحو يهدمو البلد كلها على دماغ ندى وامها ،.

اما عمر فكان حاسس ان روحه انقسمت نصين ،مكنش مصدق أن في ناس ممكن يكون جواها كل الشر ده ،معقول قلوبهم متهزتش وهما بيالفو ويحكو قصة ملهاش اي اساس من الصحة عليه،.

فضل يلف حوالين نفسه وهو هيتجنن من اللي سمعه ،وسال نفسه كتير ،هو اذاها في ايه عشان تعمل معاه كدا؟.

 ،دي هانته وقللت من قيمته ،طلعته خسيس وندل وكان غاصبها على العيشه معاه ،اتهمته بمنتهى الجبروت أنه ضربها وحبسها وهانها ،.

ظهرته ادام الكل أنه مبيخلفش وضحك عليهم وكان عايز يشتري بنتهم بالفلوس ،.

كان موجوع اوي وحاسس أن قلبه اتكسر الف حتة من حزنه والغدر والظلم اللي وقعو عليه ،.

صر-خ بصوته كله وفضل يد-مر اي حاجه اصاده ،وقال بوعيد ووجع ،والله مهسامحك على كل اللي عملتيه يا ندى .

 ،هفضل ادعي عليكي تشوفي الذل اضعاف ،هبقى خصيمك يوم القيامة وهقتص منك ادام ربنا ،انا عمري مكرهت حد اد ما كرهتك ،ربنا ينتقم منك بعدله ،همس لنفسه بحسرة ،يارب بحق ذمهم في سيرتي بالباطل وريني يوم فيهم .

،عمر شخص قوي جدا وعمره ما كان ضعيف بالعكس هو قادر أنه ياخد حقه بكذا طريقه ،عنده كفاءة يخليهم يعيشو في جحيم ،بس العنف ده وسيلة الجبان ولو اتصرف معاهم بهمجية هياكد عليه كل كلمة قالوها ،وناس زي دول مشفارق لهم الناس هتشوفهم ازاي عادي ممكن يتهموه بتهم ابشع من كدا مليون مرة ،وهو دلوقتي كل اللي بيفكر فيه ازاي يخلص من وكر الشياطين ده باي شكل .

،كان حاسس انه لوث نفسه بارتباطه بنسب قظر زي ده وأصبح كل اللي فارقله في اللحظة دي انه لازم ينضف اسمه وعيلته من وجودهم حتى لو هيدفع اضعاف اللي ليهم عنده ،،،هو ساب حقه لربنا يجيبه ،فوض امره لللي لا بيغفل ولا بينام ،.

حاول يستعيد نفسه وأقسم أن الليلة مشهتنتهي غير لما يطلق الحية دي ،قام واستعاذ بالله ودخل يتوضى وصلى وفضل يعيط كتير بين ايدين ربنا وأشتكاله كل وجعه وهمه والحمل التقيل اللي كاتم على روحه ودموع قلبه اللي بيصرخ من الشعور اللي ماليه ،دعا برجاء وضعف أن ربنا يطبطب على روحه المجروحة ،وبعد ما خلص لبس هدومه وكلم المحامي عشان يخلص كل إجراءات الطلاق ويجي وينهو كل حاجه انهارده 🤩 .

محدش رضي يقرب من اوضته خالص في الوقت ده ،مشخوف منه بس عشان هما عارفين انه محتاج يخرج طاقة الغضب اللي استحوذت عليه ،.

واطمنو شويا لما شافوه خارج بس اخوه استغرب أنه لابس ومفيش اي تعبير على وشه غير الجمود ،عمر لقى أمه بتعيط ضمها اوي واستكان شويا وبعدها مسح دموعها وحاول يبتسم وقال بتنهيدة ،انا كويس يا ماما متقلقيش ،بصلهم وكمل بحزن ،محصلش حاجه ،مجرد سم وانتشر في جسمي وهحاول اخف منه بس أعراض الانسحاب هتبقى تقيلة شويا والعلاج مر علقم بس لازم هاخده للاخر ،وبخصوص الكلام اللي اتقال فانسوه تماما ،وصدقوني انا هبقى كويس بمرور الوقت .

،اخد نفس طويل وقال بجمود يلا انت وهو عشان المحامي مستني عشان نخلص بقى ،.

عمار بغضب اقسم بالله لهوريهم النجوم في عز الظهر ،الناس دي انا سكتلهم كتير ودلوقتي جه وقت الحساب ،.

عدي بعد ما هدي واستوعب أن الهمجية ابدا مش هي الحل المناسب قال بحكمة بقولك ايه بلاش اسلوب العنف ده ،احنا هنروح نخلص في هدوء ونرجع ،كمل بحزم خلينا نقفل الصفحة دي بقى ،.

عمار بغيظ خليك هنا عشان صدقني الزبالة دول مش عايزين غير واحد زيي قلبه تحت رجليه يسففهم التراب ويعرفهم أن الله حق ، ويعلمهم الادب على أصوله،.

عدي بضيق عمار مشعايزين مشاكل مشهكرر كلامي تاني يا كدا يا متجيش معانا ،.عمار بتذمر جرى ايه يا دكتور هو انت شايفني عيل في الكلاس ولا طالب من طلبة الجامعة عندك في كلية الهندسة وبتهددني؟ ،.

كمل بمرح عشان يفك عمر ،بقولك ياسطا انا مبخافش خلي بالك وانت عارف يا عمنا أن عمار قلبه ميت ومبيتهددش لا مؤاخذة ،.

عدي بنفاذ صبر اسكت بقى ويلا خلينا نلحق اليوم ،.

عمار بضحك ماشي يا دكترة اتفضل يا برنس وانا وراك على طول ،.

فعلا عمر و عدي طلعو برى وهو ابتسامته اختفت وحل مكانها الحزن ،.

راح لامه وحضنها وقال برجاء ،من فضلك متزعليش يا حبيبتي وكفاية دموع انتي مشحمل الض-غط ده هتتعبي تاني وعمر مشناقص قلق والله عمر هيبقى كويس صدقيني واحنا هنفضل جانبه لحد ما يستعيد نفسه من جديد ،انسي اللي سمعتيه خالص وصدقيني هناخد حقنا منهم وانتي عارفاني مابسكتش لو حد جه على اللي يخصني وان كان على وجعه منها فمتخافيش من الناحية دي عشان ربك كريم وقادر يعوضه بكل الخير وفي يوم من الايام ربنا هيرزقه ببنت الحلال اللي هتبقى عوضه بجد من الدنيا وهفكرك ،وهي بحبها واحتوائها ليه هتعرف ازاي تنسيه بنت ال ،همس بطفولة مصطنعة لا مشهشتم عشان اونكل عدي هيعاقبني وهيحطني في النوتي كورنار ،.

ابنك ده عاقل بطريقة تنرفز بجد انا بكون هتجنن من هدوءه ومن برود أعصابه ،

كمل بنفور وغيظ مصطنع ،مشعارف ليه محبكها اوي كدا بس ده حبيبي بردو ،.

نجلاء ابتسمت غصب عنها والله انت ملكش حل ،مهندس ايه ده بس يارب ،.

عمار بغرور مصطنع بذمتك انتو تقدرو تعيشو من غيري ليوم واحد؟.

 ،قبل ما يكمل عمر زعق بعصبية وناداه ،رد بخوف مصطنع جاي يا كبيييير ،.

حدف بوسة في الهوا لامه اللي كانت بتضحك بياس  من أسلوبه الهزلي ده،.

وقال بسرعه ومرح ،ابقي خلي البت فريدة لما تجيبلك العيال وتيجي  تشتري زير وعشر قلل كبار عشان بعد ما نرجع اروح لبيت عمر وادشدشهم ورى البت ندى و.

غمز ليها بشقاوة وقال بحماس ،يلا سلام يا قمري انتي عشان اروح اربي الناس ال*** دول ،.

وكمان الحق نفسي من غضب عمر ،كمل بهزار وخوف مصطنع ،الا هو دلوقتي عامل زي الق-نبلة الموقوتة وممكن تن-فجر فيا انا لو مرحتش ليه حالا ،.

خرج وظهر كل الغضب اللي جواه ،ونجلاء رجعت تعيط من كتر الظلم اللي وقع على ابنها ،دخلت تصلي وتدعي ربنا يعدي اليوم ده على خير وينقذ ابنها من خ-بث ندى ورقية 🤩 .

في بيت ندى كانو كلهم متجمعين وفوزي باين عليه الضيق ،رقية باستغراب مالك يا راجل مكتوم من الصبح ومحدش سامعلك صوت ليه؟.،.

فوزي بغيظ انا مشطايق نفسي ،رقية بنفاذ صبر اخلص بقى وانطق ،فوزي بعصبية ،الحاج زفت فهمي من ساعة اللي حصل وهو كل ما بيشوفني بيبصلي بقرف وهو بيتحسبن عليا بصوت واطي ،ولما سألته رد عليا بضيق وفضل بقى يسمعني كلام من اللي مبحبهوش زي اتقو الله ،راجعو نفسكو ،الظلم ظلمات يوم القيامه ،كمان قعد يقولي عمر مش وحش واستحالة يعمل أو يقول كل اللي اتهمتوه بيه ده كله وانتو افتريتو عليه وربنا مشبيسامح في حق العباد وان حتى لو عمر شخص سيئ مكنتوش تفض-حوه ادام الناس ،رقية بفضول ها وبعدين انت قلتله ايه ،عشان اشوف اتصرفت صح ولا بهدلت الدنيا ،.

فوزي بغضب من تقليلها من شأنه باستمرار ،قلتله متدخلش وزعقتله جامد ،.

رقية عوجت بقها وقالت بسخرية وافترا ،معلش ماهو بيدفعله اد كدا للجامع والفقرا ،واكيد بيلهف نص الفلوس لنفسه .

،فوزي بتردد وغل ،انا بفكر اخلص منه هو كمان واطلع عليه أنه حرامي وسرق فلوس الصندوق ،رقية برفض لا سيبك منه مشفارق لينا المهم اننا هناخد من عمر اللي هيعيشنا ملوك في البلد دي كلها ،ندى بغضب ماما دي فلوسي لوحدي ومشهدي حد مليم منها ،بعدين انتي فكرتي في خطة ونفذتيها عشاني ولا عشان مصلحتك ،.

فوزي كان عايز يقوم يكسر عظمها بس رقية همست له بمكر ،اسكت خالص خلينا ناخدها على اد عقلها ولما تطلق انا مشهنولها جنيه واحد أهدى وسيبني اتكتك وصدقني هتنبسط اوي يا فوز ،.

رجعت بصت لبنتها بزعل مصطنع وقالت بزيف ،اخس عليكي يا ندى اكيد بعمل كل ده عشانك ياقلبي مشعايزه يبقى ناقصك اي حاجه يا بنتي ،دموعها المزيفه نزلت بكذب ،متخافيش مبقاش في ولا واحدة تقدر تزعلك بعد كدا ،واديكي شفتي معاملة معظم الناس ليكي اختلفت ازاي  بقيتي في نظرهم البت المخدوعة اللي جوزها ضحك عليها واتجوزها ودارة عليها أنه معيوب ،.

كملت بغيظ دي حتى مرات عمك وكل العيله نفسهم تخلصي من الظالم ده في اسرع وقت عشان ربنا يرزقك بحد نفس اخلاقك ويبقى شبهك ،.

ندى بجمود خلاص مشقصدي وقالت باستفهام احنا هنعمل ايه دلوقتي؟.

 ،رقية بهدوء هنستنى الباشا يجي يخلص كل شيء عشان احقق هدفي من الخطة من البداية واقص ريشه براحة راحتي واخد منه كل الفلوس اللي لينا عنده وبزيادة كمان ،.

ندى بتوتر بس هو اكيد مشهيسكت على اللي حصل ،انا مرعوبة ،فوزي بعصبية اخرسي يا بت ولا يقدر يعمل حاجه ده انا كنت ابلغ عنه واوديه الس-جن ،رقية بشر طب ياريت يتهبل هو أو اي حد تبعه ويتصرف تصرف ميعجبنيش عشان انفذ الخطة التانية ويبقى هما اللي جابوه لنفسهم ،.ندى باستفهام هو انتي عندك خطط جديدة؟. ،فوزي بصلها وهمس لنفسه بغيظ منها ،دي حرباية وإبليس بيتعلم منها ،.

رقية بف-جور اه بس اللي في دماغي مش بس هتلففه حوالين نفسه ،.

كملت بشر دي هتخليه يم-وت نفسه بأبشع طريقه ،وساعتها بقى يبقى يوريني مين هيقف معاه ولا مين هيدافع عنه ادام الخلق ،.

 فوزي بغيظ حظه اسود اللي بيقعد تحت ايدك رقية بطيبه مصطنعه عيب عليك ده انا اغلب من الغلب متقولش كدا ،ندى بترقب اديني مستنية عشان اخلص من الشخص ده بقى ،ياساتر ده زهقني في عيشتي هو وأهله ،.

رقية بيقين وخبث متقلقيش هيجي أن ماكانش انهارده هيبقى بكره ،.

كملت بشماتة اعذروه يا جماعه اكيد مصدوم أو أمه ماتت من الصدمة مثلا ،.

 كلهم فضلو يضحكو وناسيين أن ربنا مطلع وشاهد على جحودهم والشر اللي ماسك في قلوبهم 🤩 .

عمر وصل البلد وقابل الحاج فهمي اللي كان زعلان عشانه جدا ،قال بحزن وهو بيطبطب على كتفه ،معلش يا عمر متزعلش يابني وعايزك تعرف اني دافعت عنك بكل قوتي ،خرست اي لسان اتكلم عنك بسوء ،عمر اتنهد بحزن انا عارف يا عمي انك رديت غيبتي ومستغربتش ابدا لانك طيب وعارف ربنا ،سكت شويا وقال بتأكيد لنفسه قبل الكل ،انا عندي يقين أن حقي هيرجع ليا بدون أدنى مجهود ،بص  لعمار اللي كان على آخره ونفسه يقطع رقية وبنتها حتت ،.

قرب منه بغضب وقال بتحذير ،عمار انا بنبهك للمرة الألف مشعايز تهور سيبني انا والحاج فهمي نتكلم معاهم ،.

كمل بك-ره وصوته علي انا عايز انهي القصة دي بهدوء ،.

عمار بع-صبية يعني مشهتادبهم على اللي عملوه فيك ،انت ازاي كدا ،دول خلو سيرتك على كل لسان ،مسابوش كلمة زباله الا وقالووها عنك ،كان هيت-جنن ، منظر انه-يار امه لما سمعت اللي حصل مشقادر يطخطاه .

،صوت صر-اخ اخوه لسه في ودانه ،نظرات الناس الللي اخ-ترقت اخوه واللي كلها اشم-ئزاز ون-فور واتهام وج-عت قلبه ،.

اخد نفس طويل وقال بغ-ضب جح-يمي ،احنا لو ماخدناش حقنا منهم يبقى احنا ضع-اف والكل هيستقل بينا بعد كدا ،.

عدي مسك أيده وقال بهدوء ،بص يا عمار انت عارف كويس أننا لو عايزين ند-مرهم مشهياخدو في أيدنا غلوة سكوتنا على ناس زي دي صدقني معناه أن كل اللي عملوه ماثرش فينا نهائي ،عمر رغم أنه مشقادر يبرر لحد بس حب يطمن اخوه اللي عارف أن قلبه موجوع عشانه ،صدقني يا عمار الأذى مافيش اسهل منه بس لو انا مشيت بطريقتك يبقى بعمل اعتبار ليهم وبداري على خي-بتي ،انا لو سبت نفسي لهواها مستعد اق-تل ندى ورقية بطلق-ة واحدة بس لا مش دول ابدا اللي ال-وث ايدي بد-مهم ،عمار اتنهد باستسلام عشان ميزعلش أخوه وكل اللي عمله هو انه راح وحضنه بكل قوته وهمس بعدم اقتناع ماشي يا حبيبي براحتك اللي هتقوله هنفذه ومشهزعلك ،المهم أننا ننهيي المهزلة دي بقى ،.

عمر ابتسم ربنا يهديك وتفضل عاقل للاخر عمار ضمه اوي وهمس بشك مشعارف صراحه ممكن مقدرش اسيطر على نفسي لو شفتهم عمر خرجه من حضنه وبص له بياس بمعنى مافيش فايدة فيك ،.

وبعدها بص لفهمي وقال بنفور ،معلش يا عمي انا عايز المقابلة تتم في بيتك , ات-نهد با-لم ،مشقادر ادخل بيت الت-عابين ده تاني ،.

فهمي بتفهم انا توقعت بردو واتصرفت بناءا على كدا وبعت لهم وهما عندي دلوقتي عمار وعدي سبقوهم الاول كدا كدا المسافة كلها مشي كام دقيقة ،.

فهمي استغل أنهم بقو لوحدهم وقرب من عمر وقال بارتياح كويس أنهم مشيو عشان اتكلم معاك براحتي ،اخد نفس طويل واتكلم بحكمة ،شوف يابني انا اتعلمت كتير في حياتي وشفت اللي خلى شعري شاب ،رقية دي ست اعوذ بالله دي واحدة مش سهله ابدا ولازم تحذر منها ،سكت شويا وقال بوجع وخ-وف من ربنا ،دي ست بتعمل اعمال واستغفر الله ليها في الس-حر الا-سود وكمل بد-موع خشية من الله دي كمان بتعمل اعمال سف-لية ،تفتكر ست شبه الا-فعى زي دي الناس تقف اصادها؟. ،مسح دموعه وقاله بغ-ضب رقية دي ياما فرقت بين ازواج وياما دم-رت حياة بنات وشباب ،كانت عبارة عن كتلة أذ-ى متحركة كنت بدعي عليها من كل قلبي أن ربنا ينت-قم منها بعدله اخد نفس طويل وكمل بتفسير ،عشان كدا الكل خا-ف منها ومقدروش يغلطوها لما افترت عليك ،بس في ناس قوية ومبتخافش غير من ربنا دافعو عنك بكل شجاعه زيي وبردو بكل أسف في ناس صدقت كلامها وزودت عليه زيادة ،.

عمر قلبه أتهز من مكانه ،معقول هو للدرجة دي كان مغفل وحاطط أيده في ايد شيط-انة الكل بيستعيذ منها ،.

بصله وقال بعتاب طب ليه ماقلتليش بس ليه سبتني على عمايا؟.

 ،فهمي بنية طيبه ماكانش ينفع يابني اش-وه سمعة البنت اصادك ,افترضت حسن النية وقلت يمكن يخلق من ضهر الفاسد عالم ،.

والاهم من كدا انا عمري محد جه سألني على بنت عشان يتجوزها وقلتله كلمة وحشة عليها حتى لو فيها العبر ،انا عندي بنات يابني ومسمحش أني اوقف حالهم دول ولايا وربنا هيحاسبني على كل حرف ذميت بيه اي مخلوق ،ولو تفتكر انا ماكنتش متحمس اوي للموضوع وكتير غيري حذروك ،ابتسم ببشاشة  مشعايزك تفضل تلوم حالك كتير ،ربنا ليه حكمة ،وكان لازم تخوض تجربة قا-سية زي دي عشان تستفيد منها كويسوتتعلم انك تفكر كتير وتدرس اي خطوة بتاني قبل ما تخطيها ،.

عمر باقتناع عندك حق بس ليه قلتلي دلوقتي تحديدا على الموضوع ده؟. ،.

فهمي بهدوء عشان افهمك انها ممكن تد-مر حياتك لو اتصرفت تصرف وحش معاها ،واعتقد انك عايز تخلص منهم باي شكل فحاول تهدى وتتحكم كويس في كل انفعالاتك ،.

عمر بك-ره متخافش اصلا انا لهعاتب ولا هفتح اي حوارات مشعشان مر-عوب منها ولا حاجه ،كدا كدا ربنا الحافظ وطالما انا محصن نفسي بالاذكار وبقرء قران بانتظام ومابسيبش فرض وبدعي ربنا انه يسلمني من اي اذى فأنا مطمن جدا ،كل ما هنالك اني كاره اسمي اللي مرطبط بناس زي دي وكل اللي بحلم بيه اني اخرج نفسي من مستنقع القظارة مهما كان التمن ،.

فهمي بدعم وانا معاك لحد ما ننهي كل شيء بهدوء .

وفعلا في اقل من ١٠ دقايق وصلو ودخلو وكانت الأجواء مشحونة بالغ-ضب والك-ره والش-ماتة والع-دائية بين كل الاطراف.،عمر وندى عيونهم اتقابلت في نظرات كره واح-تقار من طرفه وبرود وشماتة من طرفها ،فضل واقف اصادها من غير اي كلام ،دماغه كانت بتراجع حياته معاها بالتصوير البطيء ،بيحاول يشوف ايه اللي صدر منه وحش في حقها ،اتوجع اوي وغصب عنه مقدرش ما يفهمش منها سبب اللي عملته .

،اتنهد بحزن وما ظهرش على ملامحه غير الجمود واخيرا سال باستغراب ،ليه اذيتيني بالشكل ده؟. ،ليه خنتي العشرة والعيش والملح ،ده انا معملتش معاكي غير كل خير .

،كمل بغضب اوعي خيالك المريض يصورلك اني بلومك أو بعاتبك مثلا ،.

سكت شويا وبصلها اوي وكمل بكره ،انا بسالك عشان اسمع اللي يديني اسباب اكتر ومبررات لان-حطاطك ودنو اخلاقك ،.

على فكرة أنا عارف كويس انك موافقه على كل التصرفات القظرة اللي صدرت من امك ،  ،ندى اضايقت منه جدا لانه أها-نها ادام الكل وقررت تنفذ اللي امها قالت عليه ،اخدت نفس طويل وحاولت تهدى وقالت بقوة ووق-احه ،طبعا كنت عارفه اكيد وفرحت فيك وانا بسمع الناس بي-شوهو في صورتك وانا يا عيني بيصبروني على ابتلاءي وبيهونو صد-متي فيك .

،كملت بف-جور كان لازم تفكر الف مرة قبل ما تسيبني أخرج من بيتك ،فوق يا عمر ده انا امي رقية واسال الكل عنها ،.

ضحكت بشدة ،وحاولت تسيطر على نفسها وقالت بتوضيح ،عايز تعرف ليه هقولك ،عشان مش انت اللي بحلم بيه ،انت شخص ضعيف ومش مالي عيني لانك طيب وعطوف وفي الزمن ده لازم تبقى جا-حد ومعندكش رحمة ولا شفقة على اي حد ،كملت بسخرية لكن انت بتتعامل مع الوزير زي الغفير عشان كدا هتخسر يا عمر لان الدنيا مبتسميش على اللي شبهك .

،كملت بشراسة ،كنت فاكر هتعرف تكذب عليا وتخليني مخدوعة وانت طلعت معيوب وعايز مني اخيب واقعد من غير عيال ،دي حاجه ،ضيف كمان انك بخيل وميت على القرش وحارمني من اني اشوف الدنيا واستمتع بفلوسك اللي باذن الله مش هتلاقي وريث من صلبك ياخدها ،كملت بتعالي بعدين مش انت الراجل اللي يستاهلني صراحه ،ضحكت باستهزاء وحست بانتصار كبير لما فضحته تاني ادام اخواته واهلها ،عمار قام وكان عايز يمد أيده عليها عشان إهانتها وكذبها وتلويث سمعة اخوه بالباطل ،وقبل ما يفكر يرفع دراعه لقى عمر قرب منه وهمس بضعف ورجاء لو بتحبني اقعد مكانك ،بصله بعتاب ،انا مش صغير عشان ترد بدالي ،هي عاملة خطة مع امها عشان يستفزوني ويجيبو الحق عليا وانا فاهم الاعيبهم دي كويس ومشهقع في فخهم تاني .

،كمل بحزن خليني اخلص منهم بقى ،،عمار رجع كام خطوة لورى بس فضل يبص لندى واهلها بنظرات لو كانت بت-حرق كانو دلوقتي ممكن يتحولو لرماد ،.

فهمي باستياء ،ميصحش كدا يا بنتي اقعدي وكفاية أذى لحد كدا ،ها طلباتكم ايه يا فوزي؟.

 ،رقية بصت لجوزها بتحذير عشان يفضل ساكت وهي اللي تتصرف وردت ببجاحة ،شوف يا حاج هو اللي كاره وعايز يطلق فأظن يبقى من حق البت تاخد كل حاجة .

،عمر بثبات ،ومالو يا حماتي اللي تحبيه خديه ،كمل وهو بيبص ل ندى بقرف وقال بجمود ،عايزة ايه يا ندى؟. ،دهب ،فلوس ،عفش البيت كله خديه ،خدي اضعاف اللي ليكي عندي ،بس السؤال بقى هل انتو كدا هتشبعو وهتبطلو حقد واذى في خلق الله؟. ،ياترى هتعرفو مسلك لطريق الخير؟ ،راح لرقية وهمس في ودنها بشر ،اوعي تفتكري أن جو عفراكوش وفتح المندل وجو جلى جلى ده هيخوفني؟. 

،بصت ليه بصدمة لأنها مش معرفه حد خالص حتى جوزها وبتعمل كدا في السر طب ازاي عرف ،وشها بهت وخافت يبلغ عنها البوليس ،.

اما هو فكان في قمة استمتاعه بخوفها والذعر اللي مالي عيونها ،حاولت تستعيد نفسها وسألته بهمس وتوتر هو انت عرفت من مين؟.

 ،عمر ببرود وشر مش شغلك ،انا بس حبيت اعرفك اني مش سهل ابدا ولا بريالة زي ما غباءك صورلك ،ان كنت عديت اللي حصل فده بس عشان مفرقليش ومتهزتش ببساطة لاني مش على راسي بطحة ،.

ضحك بانتصار ورجع مكانه تاني ورقية حست بالدنيا كلها ضاقت عليها ،وفضلت تفكر ياترى مين راقبها وهي رايحه للشيخ ممدوح ،دي كانت بتتخفى كويس وبتلبس نقاب اسود وعباية سودة ،.

دماغها مسعفتهاش في الوقت ده ابدا وفاقت من سرحانها على صوت فوزي بيسالها ،ها يا ام ندى المحامي بيقولك تؤمري بايه؟.

 ،رفعت عينها وشافت توعد من عيون عمار وتحذير وشر ساكن في نظرات عمر وقرف واشمئزاز من عدي ،اخدت نفس طويل وقررت انها مشهتضعف ابدا دلوقتي ولازم تنتقم من عمر وأخواته وتلهف اللي تقدر عليه ،.

ردت ببجاحة ،المهر هاخد ضعفه اتنين ،وقبل ما تكمل خرج عمر وجاب شنطتين كبار ورماهم باحتقار ،وقال ببرود ،متتعبيش نفسك يا خالتي في الرغي الكتير ،.

فتح الشنط وفضاها كلها على الأرض بطريقة مهينة جدا ،قال بعصبية اهي الفلوس اللي طمعتو فيها ومستعدين ترتكبو الف جر-يمة عشانها ،بص ل ندى بكره ونفور ،قومي لميها وروحي حققي اللي بتحلمي بيه ،اتجوزي وخلفي وربي ولادك زي تربية امك ليكي ،بص ل رقية بغضب ،كنت مستغرب وبقول لنفسي كتير مين السبب في انحطاط اخلاق بنتك ،بس مع الوقت اكتشفت المنبع ،طلعتيها مش-وهة وحقودة وبتعض اي ايد بتتمد ليها بالخير ،.

#يتبع (خيانة الروح) 

بقلمي # دينا رأفت 

*****!🤩

(خيانة الروح) 

 (الفصل الرابع) 

بقلمي # دينا رأفت 

*****!🤩طلعتيها بتكره كل الناس وبتتمنى ليهم الشر ،طماعة وجشعة ومابيملاش عينها غير التراب ،وقعت ابن اخويا عشان معندهاش عيال ،كرهت الستات الحوامل وبتبقى نفسها تشق بطنهم وتموت الاجنة ،بتستكتر السعادة على الناس بتتحرق لو شافت واحد ومراته مرتاحين .

،الدموع كانت ماليه عينيه وكبرياءه مسمحش لهم ينزلو استعاد قوته واخد نفس طويل وكمل بجمود ،الفلوس دي تمن راحتي وسلامة أهل بيتي من سمك انتي وبنتك ،دول ٣ مليون جنيه ،يعني اكتر بكتير من مؤخرها ،الكل شهق من الصدمة وفوزي مكنش معاهم اصلا عيونه في الأرض وقعد تحت رجلين عمر بيلم الفلوس ،عمار بصله بقرف تصدق دي قيمتك فعلا انت واهل بيتك ومكانك في الأرض يا اللي بتعبدو القرش ،رقية بطمع نزلت ومعاها ندى يجمعو الفلوس وهما بيلهثو من كتر الطمع زي الكلب أعزكم الله ،.

فهمي بذهول لا اله الا الله ،ربنا يكفينا شر لعنة القرش ،عدي من صدمته من كل اللي سمعه وشافه قلبه وجعه أن اخوه عاش وسط ناس وقحة زي دي ،.

اما عمر فمقدرش يفضل واقف يشوف الموقف المخزي ده كتير ،.

وقبل ما يمشي قال بحدة ياريت ننجز بقى عشان نخلص وننهي الموضوع .

،خرج هو وأخواته وقعدو في العربية ومحدش فيهم جاتله الجرأة ينطق معاه حرف ،لان منظره يغني عن أي كلام وممكن ين-فجر فيهم في اي لحظة 🤩 .

وبالفعل راحو ونهو كل شيء ،رقية فضت شقة بنتها كلها ومكنش ناقص غير أنها تخلع البلاط وتاخده ،عمار متابع اخوه اللي مثبت عيونه في اللا شيء وشبه غايب وفي دنيا تانية .

،لمسه بحنان واتصدم لما لقاه اتنفض ،طبطب على كتفه وقال بشفقة ،حبيبي

أهدى مالك انا بطمن عليك بس ،عمر اخد نفس طويل وقال بثبات انا تمام متقلقش ،بس عايز امشي من هنا لان المكان ده خانقني ،عمار بمؤازرة خلاص هانت الناس تحمل كل العفش وهنقفل وراهم ونروح بيتنا ،عمر براحه انا الحمد لله طلقتها طلاق مفهوش رجعة ،كنت حاسس اني بقفل معاها صفحة صعبة في حياتي ،كمل بتمني ياريت اقدر انسى الفترة دي بكل اللي فيها ،عمار حاوط كتفه بدعم وقال بثقة حبيبي انا متاكد انك هتعدي وهتتعافى ومسيرك تفتكر الايام دي بس وقتها هتبقى واقف مع مراتك اللي ربنا هيعوضك بيها صدقني ،.

عمر ضحك بياس انت طيب اوي ،خلاص انا اخدت حظي من الدنيا واكتفيت ،.

عمار لسه هيكمل كلامه بس وقف لما شاف فوزي بيخلع اشكال وفرم ،راح لعنده وعمل نفسه بيكلمه وضغط على رقبته بغضب ،اسمع يا راجل يا شرابة الخرج انت ،لو خلعت حاجه من مكانها هخلع عينك ،كمل بسخرية بعدين مش مكفيك كل اللي اخدته عايز تاخد قطع ديكور ،اما انت واحد واطي صحيح ،.

كمل بتحذير وهو شبه بيخنقه ،لو شفت وشك انت والحية والعقربة في اي مكان يخصنا ،سكت شويا وبصله بشر ،هطلع بروحكم في أيدي ومافيش مخلوق هيوقفني ، جز على سنانه بغل وكمل بغيظ ،انا معرفش انا ليه صابر عليكو لحد دلوقتي أساسا ،وقسما بالله انا لو سبت غضبي هفرمكو ومحدش هيعرفلكو طريق يا سلالة الشياطين انت ومراتك وبنتك ،.

سابه وفوزي حمد ربنا أنه لسه بيتنفس وفضل يجمع كل حاجه وهو مرعوب وعايز يمشي من هنا بسرعة ،.

عدي قرب من اخوه وقال بخبث كنت بتعمل ايه فيه ،ده بعد عنك اكنك شبح ،.

عمار بمكر ولا اي حاجه ،بعدين انا طيب وملامحي بيبي فيس حتى شوف ،.

عمر ضحك غصب عنه لأنه عارف اخوه ساكت بالعافية عشانه ،.

بعد فترة انتهوا من كل حاجه وأهل ندى مشيو عمر بص لطيفهم بكره وقال بالم ،امسكو مفاتيح البيت ده  انا عايزه يتباع في اسرع وقت حتى لو هتبيعوه بالخسارة ، .

عدي بذهول بس البيت حلو جدا وموقعه ممتاز وانت كنت متحمس ليه وعجبك اول ماجبناه .

عمر بان-هاك وهو بيفقد اخر ذرة تحمل في اليوم المشؤوم ده قال بتعب ، حقيقي كفاية كل اللي مريت بيه النهارده.  ،سكت شويا وغصب عنه سرح في  ذكرياته معاها وكل ما بيفتكر حاجه قلبه بيوجعه وبيحس بمدى غباءه عشان وصل نفسه ونزل مستواه لناس زي دي .

،اتنهد بضيق ،عدي مشعايز جدال من فضلك ،انا مشقادر حتى اتحمل وجود شيء ملكي عاشت فيه حتى لو كانت مجرد حيطان ،انا صدري مش قابل يشم هوا شاركتني فيه ،خرج بعصبية وقال بوجع حتى هدومي وزعوها لاي حد مشطايق البس حاجه لمستها بايديها .

،.

عمار بحنان ورفق حاضر هنعمل كل اللي انت قلته ،وفعلا رضخو لرغبته واتخلصو من كل حاجه ،ولما جه عدي يديلو فلوس البيت رفض حتى يمد أيده عليهم وخلاه يطلعهم صدقات 🤩 .

عدى اكتر من اسبوع وفي يوم كانو قاعدين كلهم على الغدا ونظراتهم متعلقه بيه وهو مشحابب يفضل متراقب بالشكل ده كتير ،.

قام واتكلم بع-نف ،من فضلكو انا مشعايز ضغط زيادة على اعصابي ،كل واحد ياخد مراته وعياله ويرجع بيته يشوف حاله ،كمل باستغراب صراحه مشفاهم انتو سايبين اللي وراكو وقاعدين هنا كل ده ليه؟.

 ،متقلقوش انا تمام ومشلازم تحسسوني ان وضعي  مثير للشفقه اوي كدا ،.عمار بتفهم لوجع اخوه حب يهزر وقال بمشاكسة ،مالك ياض انت بتطردنا من بيتنا ولا ايه؟.

 ،كمل بغيظ بعدين ده احنا مسليينك ياخويا وقاعدين مع ماما ،زق عدي واخد طبق عمر ،اوعى كدا يا عم ده سد نفسي وخلاص شكلي هقوم جعان ،فريدة مراته بصتله بذهول ده بجد؟.

 ،رد وهو بياكل بنهم بس بقى خلوني اكل بنفس ،عدي بقرف طلع رجليك اهو تساعد معاك ،نجلاء بحنان خليه ياكل ويتهنى ،عمار بحب قلبي يا ست الكل ،عمر حس بزعل أمه راح لعندها وقال بابتسامة ،والله انا كويس وهروح شغلي من بكره ،.

بصلهم برجاء ،لو فعلا عايزين تساعدوني خلوني انسى المرحلة دي ،بجد بضايق لما بحس منكم باهتمام مبالغ فيه ،.

نجلاء بحزن حاضر يا حبيبي انا عن نفسي هدعيلك ربنا يصلح احوالك دايما ويعوضك خير ،عدي ابتسم برافو عليك في قرار الشغل ده ،عمار بغ-يظ انا بقى مشهعبرك يا عمر عشان متحسش بالضيق صحيح عيل مش وش نعمة ،.

نور مرات عدي ردت بضحك هو انت مبتعديش حاجه خالص غير لما بتعلق عليها؟.

 ،فريدة بهزار ميبقاش عمار يا بنتي ،عمار بغضب مصطنع بس ياختي منك ليها الولية عندنا متنطقش والرجالة قاعدين ،نجلاء بدفاع اسكت خالص وملكش دعوة ببناتي ،.

عمر اتنهد بالم وافتكر معاملتها السيئة مع أمه واد ايه حاولت توقع بينهم وبين بعض وبتفضل  تسخنهم على امه طول الوقت وهو كان بيعدي كل تصرفاتها دي بس  رضوخا لرغبة نجلاء رغم أنه عارف أن اخواته كانو ساكتين ليها بس احتراما ليه ومكنش بيبقى فاهم أن ده غي-رة وحقد عشان هما دكاترة وشاطرين جدا في شغلهم وامه بتحبهم لتربيتهم الكويسة ولاحترامهم والتزامهم بزي شرعي على اقتناع وهي مشواخدة غير دبلوم ولبسها سيئ وكان هو اللي ضاغط عليها ومبيسمحش انها تخرج من غير لبس محتشم وبحجابها  ،بس اللي اكتشفه مؤخرا انها كانت بتقلع الحجاب بمجرد ماتخرج من البيت وكل ده عرفه لما سمعها بتحكي لامها كل حاجه صدفه ،حاول يبتسم عشان الكل هيركز معاه وقال بمرح عكس اللي جواه ،.

بقولك يا حبيبي انت وهو ،انا رايي انكو تمشو من هنا وتسيبو العيال لينا ،.

نور بصدمة انت عايز تتعافى ولا تروح المستشفى من كتر الصداع اللي يزن ووعد هيسببوه ليك؟ ،.

فريدة بشماتة طب تصدق انت تستاهل فعلا أننا نسيبلك ادهم و لينا عشان يطلعو الطاقة السلبية منك على هيئة صر-اخ متواصل ،.

كلهم ضحكو وهزرو كتير .

وفعلا عمر راح شغله وقرر أنه هيحط كل وجعه فيه ، .

اخواته بطلو يحاصروه بس اتفقوا أنهم كل كام يوم يبعتوله عيالهم عشان يخففو عليه ببراءتهم خاصة أنهم روحهم فيه وهو بيعشقهم وحنين معاهم بطريقه ماتتوصفش ،.

كان كل ما بيشوفهم بيتأكد أن ربنا حب يرحمه لما ماخلفش منها ،لان لو في طفل كان هيربطه بيها للابد 🤩 .

في بيت رقية كانت بتكمل رص عفش بنتها وعمالة تفكر في كذا حاجة  ولازم تشوف ليهم حل ،.

فوزي دخل وقال بنفاذ صبر : "هنعمل ايه مع البت دي؟. ،هنفضل مش عارفين ناخد الفلوس منها ولا ايه ،كمل بغيظ ده انا هاين عليا اروح اقتلها عشان حرماني من نعيم الفلوس دي ،.

رقية شدته بع-نف وزعقت له بحدة ،اخرس بقى وبطل رغي في الفاضي وان كان على الفلوس هناخدها ونعمل كل اللي عايزينه ،بس طمني عملت اللي طلبته منك؟.

 فوزي بابتسامه حماسية وغرور طبعا يا ست هو انا اي حد ولا ايه؟. ،نفخت بضيق بقولك خلصني وجيب من الاخر عشان متشوفش وشي اللي مابيظهرش غير للحبايب ،.

فوزي بتراجع احم ماشي بصي انا لقيت بيت كبير في طرف البلد وسط ارض موقعها حلو اوي ودي بقى ممكن ازرعها وابني فيها المزرعة اللي نفسي فيها ،رقية زقته على الأرض بحدة وقالت بتكبر ،لما اشوف بنفسي وبعدين أقرر ،قام بغيظ مكتوم وقال بقلة نخوة طبعا يا روكا هو حد فينا يستجري يتنفس بدون اذنك؟.

 ،رقية ابتسمت بتعالي ايوا كدا ،وقالت بأمر قوم اتنيل رص باقي العفش عشان تعبت وحذاري تكسر اي حاجه دي كباية من دول بقيمتك أنت وأهلك كلهم ،بس الاول ،ركز  وفتح مخك الغبي ده معايا واسمعني كويس اوي في اللي هقوله عشان تنفذ كلامي بالحرف يا فوزي ،.

بصتله بتحذير واياك تغلط في اي خطوة والا بشرفي هطلع بروحك في ايدي ،.

قربت منه وهمست باللي عايزاه بصوت واطي عشان ندى ماتسمعش ،فتح عيونه بذهول وقال بخوف يخرب بيت دماغك السم دي يا ولية والله يتخاف منك بجد ،.

رقية بزهق خلاص بطل دوشة وعايزاك تنفذ في خلال كام يوم ،كملت بشر متخلقش لسه اللي يحط صوباعي تحت درسه ،كملت بغموض واللي ميجيش بالرضا يجي بتخطيط وحيل رقية ،فوزي قام وقال بسرعة طب انا يادوب امشي عشان الحق اعمل الحوار ده اصلي هاخد وقت طويل ،رقية بتاني استنى ناكل كلنا ونحاول نجيب البت تتغدى ويانا لحسن دي مخها اتلحس من يوم ما اخدت الفلوس ،فوزي بعدم فهم ماشي بس ليه ماهي بتاكل في أوضتها لوحدها طول النهار وماسكة البتاع اللي بيتحط في شنطة ده ومشغولة دايما ،.

رقية بسخرية متتعبش نفسك وتفكر كتير ،امشي على عماك معايا وانت هتكسب ،كملت باهانة وهي ماشية اصلك يا عينيا مخك في إجازة طول العمر وده صراحه مسهل عليا حاجات كتير اوي ،.

فوزي بحزن الله يسامحك يا ستي مش هرد عليكي عشان بحبك ،.

رقية بصتله باحتقار واختفت وهي بتفكر ازاي هتصطاد عريس لبنتها في أقرب فرصة ،.

جزت على سنانها بغيظ وهي بتجهز الاكل وقالت لنفسها بتوعد ،ماشي يا ابن نجلاء فلت من تحت ايدي بس عشان مش هقدر اعمل فيك اللي كنت مخططاه لانك  عرفت سري ،كملت بخبث بس لما اجوز البت لسيد سيدك وتخلف بدل العيل اتنين وتلاتة هروح في وسط أهل بيتك واهينك وهتشفى فيك ادام الكل وانت نفسك مكسورة لانك معرفتش تجيب ظافر عيل حتى .

،ضحكت لمجرد التخيل واقسمت أن آخر يوم في العدة هتكتب كتاب ندى ،وهتعمل شادر بطول الشارع وهتعزم الكل وقبلهم الزفت فهمي واي حد بيحب عمر ومخلص ليه ودافع عنه .

،كانت ست مجردة من كل مشاعر الإنسانية ،قلبها مجرد أداة بتضخ دم وخلاص ، جواها شر يكفي لتدمير بلد كامله ، بتكره كل الناس ، ورغم أن بنتها هي نقطة ضعفها بس لو صدر منها اللي هيقف في وش مصالحها مستعدة أنها تدمرها زي اي حد ،.

اما فوزي فكان عديم النخوة والرجولة ،راجل سيئ وفي كل الصفات الصعبة ،بس بيجي عند مراته وبيتحول تماما من خوفه على نفسه من جبروتها .

،بيكرهها من كل قلبه ونفسه يخلص منها باي شكل ،بس مستحيل يقدر يمس شعرة منها ،اكتر حاجه بتعجبه فيها وفي نفس الوقت بيبقى مرعوب منها هي دماغها ،.

لانها ذكية جدا وبطلع ذكاءها ده في أذى الناس وتدميرهم ،.

مستعدة تعمل اي حاجه عشان تدمر سعادة البشر ،الكل بيكره وجودها في اي مكان ،روحها تقيلة على الناس ،اي واحدة بس بتزعلها بتقرب منها زي الحية لحد ما بتعرف نقاط ضعفها وبعدين بتروح للدجال يعمل ليها سحر تخرب حياتها بيه ،لو شافت شاب أو بنت شاطرين وناجحين لازم تطفي بريقهم ،حتى لو واحدة  جالها عريس كويس لازم تحاول تفركش الموضوع وتذم في أخلاقهم عشان يسيبو بعض ،بس بطريقه محدش يقدر يثبت منها أنها هي وفعلا محدش كان بيجي في باله ابدا أنها رقية  ،.

 بس ربنا بيسيب الشخص يتمادى ويغلط اكتر واكتر وبتيجي على اهون سبب وربنا بيهتك ستره ادام الكل ،عشان يتفضح دنيا واخره *!🤍

اما ندى فمن ساعة ما شافت الفلوس وهي مذهولة ومشمصدقة أنها اخدت المبلغ ده كله واول حاجه عملتها لما دخلت البيت حططتهم كلهم جنب سريرها وكل شويا تبص عليهم بخوف ،متحركتش من اصادهم نهائي ،بتروح التويليت وهي مضطرة ومشهاين عليها تسيبهم ،لدرجة أنها بتفتح كام الموب على وضع الڤيديو عشان لما تيجي تشوف حاجه نقصت منهم ولا لا ،.حتى النوم بقت بتنامه طخاطيف غصب عنها من التعب وكل شويا تصحى مفزوعة عشان متشيلش عيونها من عليهم ،.

هوسها وصلها أنها تفضي الفلوس كل يوم عشان تحس انهم معاها بجد، وكمان من جنانها كانت بتفضل تشمهم ورقة ورقة عشان تحس بانتعاش وراحة ،.

كانت زي المجزوبة حرفيا ،رقية دخلت تناديها عشان تاكل معاهم لقتها بتزعق بحدة وقالت بنفي قاطع ،انا هاكل هنا ومشعايزة أخرج ،انا مشهتنقل وأسيب الاوضة ،.

رقية بمكر طب انتي ليه متعصبة اوي كدا؟.

،راحت وحاوطت كتفها وقالت بزعل مصطنع ،هو انتي فاكرة اني هضحك عليكي؟.

 ،ماهو ادامك انا وافقت اخلي كل حاجه عندك هنا وده ببساطة لأنهم ملكك انتي زي ماقلتي ،.

بصت للدهب كله بنظرات مبهمة وقالت بثبات ،معلش قومي ناكل سوى انهارده بس وادخلي اوضتك تاني براحتك ،.

ندى بتردد ماشي روحي وانا هحصلك ،رقية بغموض هستناكي ياقلبي متتاخريش ،ندى بعد خروج رقية فتحت فونها يصور كالعادة وفضلت تبصلهم كتير قبل ما تتحرك ، بعدها طلعت تاكل معاهم وهي مرغمة ،كانت سرحانة طول الوقت ،.

رقية راحت تجيب مية من المطبخ وهي راجعه قالت باستفهام ،ها يا ندى ناوية على ايه في حياتك؟.

 ،ندى بتفكير مش عارفه في كذا حاجه بس لسه ماستقرتش ،رقية بدون مقدمات ،انتي هتطخطبي باي طريقه وسيبي كل خططك لبعدين ،.

ندى باستغراب طب مين العريس اللي هيجي ليا بالسرعة دي؟.

 ،فوزي بتهكم وزعيق ماهو لو اتزفتي وطلعتي من التربة اللي بقيتي سكناها طول اليوم دي هتخرجي وهتشوفي الدنيا وهتلاقي الف شاب ياخدك ونرتاح من ناحيتك بقى ،.

ندى بجمود بابا مشهعمل اي حاجه غير لما اطمن على فلوسي وذهبي واشوف هستثمرهم ازاي الاول كمان عايزة اشوف صرفه للعفش ده لو بعناه هيطلع فلوس كتير ،رقية بضيق بصي بقى عشان انا بزهق بسرعه ،كملت بغضب ،انتي تنفذي اللي هقول عليه من سكات عشان مطلعش شياطيني عليكي ،.

ندى بجنون ضربت الترابيزة بأيدها وقالت بحدة ،انا قلت اللي عندي ولو فتحتي الموضوع ده دلوقتي هخرج من هنا وهاخد كل حاجه ومشهتعرفو ليا طريق ،

فوزي كان هينطق بس نظرات رقية ثبتته والكلام وقف على طرف لسانه ،رقية ابتسمت بتفهم وقالت برضوخ اعملي اللي تحبيه يا ندى وحاضر مشهنطلب منك حاجه لحد ما تظبطي امورك ،

ندى بهدوء ماشي ومتقلقيش انا هرتب دنيتي وهوافق على اي حاجه تقوليها ،خلصت اكل ورجعت تاني الاوضة عشان تطمن على الحاجة ،

اما فوزي فكان على آخره وبص لرقية وقال بغضب البت دي لازم تتادب يا رقية ،بصتله كتير وفضلت ساكتة بس دماغها شغاله بسرعه شديدة 🤩 .

وبعد شهر قررت ندى تخرج اخيرا من عزلتها وتنسى كل حاجه حصلت وتبدء من جديد ،عرفت رقية أنها هتشتغل في القاهرة .

،رقية فرحت وشجعتها أنها لازم تركز شويا وتشوف حد من اللي كانت تعرفهم ايام جوازها من عمر ،نبهتها أنها لازم في ظرف كام اسبوع توقع عريس وشرط أنه يبقى غني جدا ويكون أغنى من عمر بمراحل ،نصحتها بأنها لازم توقعه في شباكها كويس وتمشي معاه بنظام شوق ولا تدوق  ،.

ندى ابتسمت ونفذت خططها بحذافيرها ،.

وفعلا في اقل من المدة المحددة اصطادت شاب غني جدا وقع في فخها المصنوع بحرافية شديدة ،واعتمدت على جمالها ودلعها ،قررت أنها تلبس اللي يكشف اكتر ما يستر ،اتصرفت بانحطاط زي اي بنت رخ-يصة والمصيبة أن كل ده بترتيب وتخطيط امها قدوتها وبدعم من ابوها اللي من المفروض أنه يبقى نبراسها ومثلها الاعلى في الترفع ورقي الاخلاق ،.

وفي خلال أيام جه واتقدم ليها وعمل كل اللي رقية قالت عليه ،واخر يوم في عدتها ،دعت الكل تاني يوم على كتب الكتاب ،ونفذت كل اللي في دماغها وندى اتجوزت وقعدت مع جوزها في ڤيلا كبيرة جدا وبكدا نقدر نقول هيبدء القصاص وكل اللي ليه حق هياخده 🤩 .

اما عمر فكانت الفترة دي صعبة جدا عليه ،.

اه بيندمج في الشغل وبيحط همه فيه بس لما بيرجع ويحط دماغه عشان ينام كانت كل حاجه بتفضل تتعاد اصاده بمنتهى القسوة ، .

قلبه كان بيالمه ودموعه بتنزل بخذلان ،في الوقت ده بيقدر ينهار بجد ،كان بيسهر يدعي ربنا كل ليلة أنه يخفف وجعه ،.

ميعرفش أن لسه في ضربات اقوى مستنياه ولازم يتحملها ومعارك شرسة لازم يحارب فيها بكل طاقته عشان ينتصر فيها والا هيتكوي بنار الهزيمة ،.

وللاسف اول ضربة وخيانة لروحه من جديد كانت من نصيب اقرب صاحب ليه ،مع أنه ماشفش منه غير كل خير ،نجلاء بتحبه جدا وعمرها ما فرقت بينه وبين ولادها ،عمر وأخواته روحهم فيه ،لدرجة أنهم اتفقوا ياخدوه معاهم من وهو صغير بعد ما أهله ماتو ومكانش ليه حد ،ابو عمر عطف عليه واخده معاه لما انتقل للقاهرة ،صرف عليه لحد تخرجه من الجامعة ،ومن كتر حب عمر ليه عمله توكيل بكل أسهمه في الشركة اللي اسسوها ،كان مديه صلاحيات مشموجودة مع اخواته اللي بيمتلكو نص الشركة ،وعشان يبقى براحته اشترى ليه ڤيلا عشان ميحسش أن حريته متاخدة منه خاصة لما الشباب اتجوزو والبنات بقت بتيجي تبات من وقت للتاني في البيت ،

عمر لما عرف أن تأمر باعه لالد أعداؤه مكنش قادر يصدق لدرجة أنه ضرب عمار لما قاله كدا ،.

وصرخ بانهيار ،اخرس خاااالص مسمعش صوتك مستحيل تامر يعمل كدا ده ده بيحبني اوي وانا صاحبه الوحيد هو بيقولي كدا ،وان كان على موضوع الشركة فأكيد انت فهمت غلط والشحنة دي مش خاصة بشغلنا واسهمنا موقعتش ايوا اكيد في خطأ في الإجراءات وتامر ملهوش يد في كل العك ده ،.

سكت شويا وقال بهزيان هو اه متغير معايا من فترة ،دموعه نزلت بعدم تصديق وكمل بصوت مطقطع ومهزوم ،.

بس بس عادي يمكن زعلان مني في حاجه ،او مشغول في الصفقة اللي كان مسافر الكام اسبوع دول عشانها ، .

عمار صرخ فيه عشان يفوق ،زعلته ايييييه حرام عليك ده طلع ندل وحقير ،.

زعق بصوته كله وقال بعصبية ،ده مظهرش ولا مرة ولا حتى رد على رسالة من الف مبعوتين ومعمول ليهم سين يا عمر وانا واخوك شفنا بعيونا اد ايه كنت محتاجه وملقتهوش ،.

شده بقوة وقال بحدة يمكن يستوعب ،انطق وقولي هو فكر ينزل يطمن عليك وقت وجعك؟.

 ومشاكلك ،،احتاجته تتكلم معاه وتشكيله وجعك وسمعك؟ ،مش ده كلامك لينا وكنت مشفاهم هو ماله ،.

التمست له مليون عذر ،حطيت ليه الف مبرر لاختفاءه من الصورة ،.

ياخي ده حتى لما رجع من السفر مفكرش يجي يطمن عليك ويشوف عملت ايه ،اكتفى بالتفاصيل اللي حكتها ليه ماما ،ده غير أنه اتغير معانا بردو ،بس صدقني يا عمر الشخص ده نيته سيئة من زمان بس مكانش لاقي اللي يساعده أنه  ينتقم منك وماصدق أن فرصة تجيله واهو ظهر لينا حقيقة مشاعره تجاهك وخانك ومقدرش اي حاجه عملناها ليه ،احنا اعتبرناه اخ وهو طعنا بسكينة تلمة واذانا ،.

عمر مكنش قادر ينطق ،حاسس أن كل جسمه خانه ،لسانه وقف عن الكلام وقعد على الأرض بانهزام ،حتى دماغه وقفت عن العمل ،.

عمار قعد على الارض جنبه وحاوطه وقال باعتذار حقك على قلبي من كل الدنيا يا حبيبي ،ضمه اوي وقال بحزن ،صدقني الشركة وكل أملاكنا فدى دمعة من عيونك ،.

عدي جه ومسك أيد عمر ومن شكله اتاكد أنه عرف ،عمر رفع عينه لأخوه ونظراته كلها الم وقهر ،واخد نفس وخرجه بسرعة وغمض عينه وبعدها فتحهم ونظراته بقت خاوية تماما ،قال بجمود ،يلا عشان نجيب حجاتنا المهمة قبل ما يتحجز على المقر والمحلات ،.

قام بآلية شديدة وتحول تماما وبص لهم بحدة :،انا مشعايز اسمع ولا كلمة فاهمين ولا كلمة واحدة من حد فيكو ، .

بص لعمار وقال بجمود ،مهد الموضوع كله لماما والبنات بطريقة بسيطة عشان ماما تعبانه وممكن تن-هار عشان الشركة ،سكت لحظات وقال بحزن ، واكيد هتتصدم فيه عشان بتحبه اوي ،.

عمار بطاعة حاضر بس نخلص الاول وهعرفها ،.

عدي باستفهام طيب هتعمل ايه مع الزفت ده؟.

 ،عمار برجاء وغضب :لو سمحت سيبني اتصرف معاه يا عمر ،عشان خاطري .

،عمر بثبات واهي وضعف ماليه :الاول افهم منه ليه عمل فيا كدا ،وازاي جرحي وك-سرة روحي استسهلهم اوي كدا؟.

 ، قت-لني وغ-در بيا وهنت عليه ليه؟.

 ،كمل بجمود لما الاقي اسباب تقنعني ابقى اعمل فيه مابدالك ،بس مشهحكم عليه حتى لو كنت شفت بعيني وسمعتكو ورغم كل الاثباتات اللي طلعته خا-ين هديله  فرصة انه يدافع عن نفسه اصادي .

#يتبع (خيانة الروح) 

بقلمي # دينا رأفت 

*****!🤩

(خيانة الروح) الفصل الخامس  بقلمي# دينا رأفت 

*****!🤩

 عمر وأخواته وصلو البيت عنده ولاقوه نازل ليهم بكل بجاحة وقال بترحيب مزيف اهلا بيكو يا شباب ،ياه من زمان ماجيتوش ليا هنا .

،عمار بغضب ه-جم عليه وض-ربه بكل قوته لحد ما كان هيطلع في الروح .

وقال بتوعد وبصوت هز المكان ،قسما بالله لهوريك اسود ايام حياتك ،هخليك تتمنى الم-وت يا واطي وكل الخير اللي شفته معانا هطلعو بلى ازرق على دماغك ،.

تامر حاول يتكلم بتعب وبقوة مزيفه ،ماتقدرش تمسني بحاجه ،اخرك تخرج فيا غ-ضبك ،بصلهم التلاتة باستفزاز ،انا عارف انكو مبتعرفوش غير التطاول بالأيد بس ،ضحك وكمل بتحدي ،انا مامن نفسي كويس اوي وعامل حسابي على كل حاجة وانتو بقيتو على البلاطة وده اللي بسعى ليه من زمان .

،بص ل عدي بسخرية وقال باستهزاء ،جرى ايه يا حكيم زمانك مشتشوف حل لهمجية الشخص ده ،يرضيك وشي بقى عجينة ومشهعرف امشي بيه وسط الناس وانا مسافر ،تحامل على وجع جسمه وقال بشماتة ،ماهو انا قررت اني اهاجر من مصر للابد ،وكويس اني شفتكو ،يلا ابقو بلغو نوجا سلامي .

،عدي شاور لعمار يسكت وميردش على كلامه ،عمر كان مذهول من اللي شايفه ،ودارت في دماغه اسئلة كتير وكان لازم يلاقي لها أجوبة ،قرب منه ببطء وفضل يبصله اوي عشان يشوف فين صاحبه وعشرة عمره .

،مكنش عارف يسأله في ايه قبل ايه ،حس في اللحظة دي بعجز مالوش مثيل ،اتمنى من ربنا ياخد روحه عشان يتخلص من العذاب ده ،.

حاول يتماسك عشان ميضعفش اصاده وقال بجمود رغم نزيف روحه ودمار قلبه ،ليه عملت كدا يا تامر؟. ،صوته اتهز غصب عنه وقال بقهر شفت مني اي وحش عشان تدمرني اوي كدا ،ده انا كنت بعتبرك كل حاجة .

،لما تعبت في ثانوي وجاتلك حمة انا فضلت اذاكرلك لحد اخر يوم قبل امتحانك وبسببك شيلت السنة عشان ماكنتش مذاكر .

،اخد نفس طويل وقعد لأن خاف رجليه تخونه وقال بوجع ،ساعتها اقسم بالله مازعلت وقلت اهم حاجه أنه نجح ماهو اخويا الكبير وعديت الموضوع رغم ضيق امي  وخناقتها معايا ،بس كل ده مهمنيش بس انت عمرك ما كنت جانبي في وقت شدة أو فرح .

،فاكر لما طلبت منك مساعدة وقت ما كنت مسافر لشغل عشان كنت مضغوط في تجهيز فرحي وكان نفسي تبقى معايا ،زعقتليا وقلت بغضب ما تبطل شغل التفاهة ده بقى ،هو انت شايفني بلعب انا بشتغل لشركتكو فمن الطبيعي تبقى مقدر تعبي ده ،مشتقولي فرحي وعايزك تكون جنبي وشغل الاطفال ده ،وبعدين اخواتك معاك هتعوزني في ايه ،.

سكت وافتكر الف موقف ليه كلهم ندالة وقلة اصل ،الحقيقة ظهرت اصاده بوضوح واحدة واحدة ودماغه لقتله ألف تفسير لكرهه اللي اكتشفه لما ركز دلوقتي بس ،زعقله وقال بصدمة واستفهام انطق بقولك .

،تامر بكره عايز تعرف ليه؟." ،بصله بغضب وقال بحقد ،عشان بكرهك يا عمر وبحقد عليك في كل حاجه ،بصلهم كلهم وكمل بجحود ،انا شمتان فيكو بشكل عمركو ماهتتخيلوه .

،كنت بتمنى اي فرصة عشان اقضي عليكو ،كنت بتمنى ليكو الأذى في كل لحظة ،كمل بضيق حاولت افرق بينكو الف مرة بس معرفتش ،بستغرب انتو ازاي عندكو انتماء لبعض اوي كدا .

،رجع بنظراته لعمر وقال بغل ،انت بقى كنت اكتر واحد بحسدك ،كنت بسال نفسي كتير ،ليه تبقى احسن مني ،ليه الكل بيحبك انت وبيحترموك ،ليه تاخد كل المدح وتبقى ظاهر في الصورة دايما ،ليه تبقى الكل في الكل ومتحكم في ابسط الامور وانا لا ،كمل بعصبية ،اشمعنا انا اهلي يموتو وانت تعيش مع أهلك ويبقى عندك اخوات وانا قاعد وسطكو زي الغريب ،ليه العيال يتريقو عليا ويفضلو يفكروني اني يتيم وان امي ميتة وان امكو مش امي .

،عدي بصدمة بس ماما عمرها ما قصرت معاك ،دي بتقول في كل مكان أن عندها اربع عيال ،عمرها مافرقت بينا في المعاملة ،وعمر بيحرص انك تبقى جانبه في كل لحظة ،كمل بذهول انت ازاي جواك كل الشر ده؟ ،مستحيل تبقى شخص طبيعي زينا .

كمل باستنكار ،انت شايل كل ده في قلبك طول الوقت وبتبتسم في وشنا عادي .

،اخد نفس طويل وقال باستياء ،بجد انا مشعارف ارد على كمية السواد اللي مالياك دي بايه ،حاسس أن اي رد هقوله هبقى بح-رق دمي على الفاضي. ،جحودك خلاك تصدق الكذبة وتعيش فيها ،بصله بقرف ،وقال بنفور ،انا كنت بحاول التمس ليك ألف عذر لما كان بيصدر منك اي تصرف مشين في حقنا .

،كنت بقول يمكن مايقصدش ،ده بيحبنا وعمر الأذى ماخطرله على بال ، بس الواضح ليا دلوقتي أن كل ده كان مجرد تمهيد لضربتك الكبيرة اللي عملتها ،عمر كان مصدوم ومشقادر حتى يتكلم ،معقول الضربة تيجي من اقرب حد ليه ،طب هو ليه فكر كدا ،هو من امتا حد فيهم حسسه باليتم اللي قال عليه ،حاول يفهم منه اكتر وقال بوجع ،طب انا وبتكرهني اوي زي ما بتقول ،طب ليه دمرت الشركة اللي تعبنا فيها رغم انك عارف أن ماما هتزعل وه-تنهار لو عرفت؟.

 ،سكت شويا وقال باستفهام قولي مجاش في بالك وانت بتخطط انك تقضي علينا تفتكر لها حاجه كويسة عملتها ليك؟. ،دي كانت بتسهر تخدمك وانت بتذاكر أو تعبان ،بتحبك زينا ،يبقى ليه عملت كدا؟.،تامر بغضب ،عملت كدا عشان تكفيكم شري ،قالت لنفسها يا عيني ده محروم ويتيم اهو نعطف عليه ون-كسر سمه عشان ميبصش لولادنا في عيشتهم .

،وابوك أن كان ساعد في دراستي فكان عنده سبب مقنع ،قالك نطهر مالنا وبدل ما نخرج زكاة للفقرا ده اولى اهو يتيم وهناخد فيه ثواب .

،كمل بكره ،انا بكرههم كره العمى وفرحت من قلبي لما ابوك مات ،وبدعي على امك تحصله قريب ،.

عدي بغضب قرب منه ورفع أيده ونزل بيها على وشه بكف وقعه على الأرض ورفعه بالقوة وقال بشر اخرس يا حقير ،واياك تجيب سيرة اهلي بأي كلمة ،انت اللي ضميرك ميت وقلبك حجر عشان كدا ظنيت فيهم السوء ،ومستغرب اوي أن عمر محبوب والأول في كل حاجه ،ضحك بسخرية ،طب ما ده شيء طبيعي ،ببساطة لانه طيب وقلبه مليه الخير ونيته صافية وعمره ما انكر خير عمله حد فيه ،مشواطي وقظر زيك عض كل ايد اتمدت له بخير ،لو شبهتك بالكلب هبقى بظلمه عنك ،تامر مكانش عارف ينطق من كتر الدم اللي نازل من وشه بس قرر أنه لازم يوجع عمر باخر كارت ،رفع عينه وقال بتشفي ،ماهو طيب لدرجة العبط ،والدليل فضيحته اللي ام طليقته عملتهاله في البلد ،سكت شويا وقال بضحك رغم وجع جسمه ،وده بعد معرفتها انه معيوب ومطلعش راجل ومشهيقدر يجيب عيال خالص ،مشبس كدا ،ده انا فرحت فيه من قلبي لما عرفت انها اخدت كل حاجه وكان ناقص تخلع الشبابيك لو قدرت ،.

اخد نفس طويل بفرحه وقال بشماتة ،انا انهارده حسيت اني اتولدت من جديد ،عشان حققت كل اللي نفسي فيه ،الشركة انهارت وانا اخيرا خرجت كل اللي كان كاتم على نفسي من سنين ،.

عدي باشمئزاز انت مريض بداء الحقد وصدقني اكيد هتتحاسب كويس على كل اللي عملته ،مسك عمر اللي استسلم ومبقاش فيه حيل يسمع اكتر من كدا ،وقبل ما يمشي قال له بسخرية يارب تكون مبسوط بافعالك دي انا همشي وهنتقابل تاني وساعتها هشوف جحودك هيوصلك لفين ،وفعلا اخد عمر ومشي واستغرب أن عمار ساكت طول القعدة ،وصل اخوه للعربية ورجع لقاه لسه على وضعه ونظراته متوجهة لتامر بطريقة مريبة ،وبدون سابق إنذار قام وشده وفضل يضرب فيه بطريقة وحشية .

،ومع أنه ضربه اول ما جه بس المرة دي كانت مختلفه ،كان بياخد حق إهانة أهله وشكه فيهم بالباطل ،شماته في اللي حصل لأخوه وحقده عليه ،شركتهم اللي دمرها وضيع تعبهم ،كره ليهم وسعيه لتفرقتهم باي شكل ،كان بيهزي زي المجنون ،هقتلك يالا ،انت عارف ده مين ده عمر السعدني اللي ضافره برقبة الف من عينتك والله لهخرج كل طاقتي عليك ،هخليك تتمنى الرحمة عشان تخلص من اللي هعمله فيك .

،تامر اتاكد في اللحظة دي أنه ميت ميت ،كان مرعوب من غضب عمار ،كان بيدعي ربنا تحصل حاجه تبعد شيطانه عنه ،عدي معرفش يوقفه عشان لو عمل كدا ممكن عمار يعاند وينهي عليه فورا ،بس حمد ربنا لما شاف عمر جاله بسرعه وشده بعنف من عليه وهو تقريبا شبه بيق-تله ، زعق بصوته كله بلاش يا عمار عشان خاطري ،انا مشهقدر اتحمل انك تدخل السجن في واحد زيه سيبه يغور بشره ،عمار حاول يهدى وبعد شويا خرج فونه وكلم كذا واحد عشان يجو ياخدوه لانه لسه مصفاش حسابه معاه ،وفعلا في خلال فترة قصيرة جم اخدوه لمكان بعيد ،ولما عدي سأله باستغراب ،هو انت ناوي على ايه يا عمار؟. ،قرب منه وهمس بخفوت ،بلاش نتكلم دلوقتي يا عدي ،انا ماصدقت اني أقنعت اخوك اني جبت الرجالة دول عشان ياخدوه يعالجوه ،عدي سكت لأن عمر مشمستحمل اي ضغط عليه خالص 

،ركبو ومحدش قدر يفتح بقه بحرف ،

ولما وصلو عمر دخل اوضته وعمار رجع الشركة عشان يجمع أغراضهم قبل ما ياخدو المقر ،وعدي شرح لامه كل حاجه ولما سمعت فضلت تصرخ لحد ما أغمي عليها ،فوقها واداها دواها ونيمها في سريرها 

،عمر بمجرد ما عرف قعد جنبها بسكوت تام ،عيونه متعلقة بيها بدموع رافضة تنزل

وقال باعتذار  انا اسف ليكي يا ماما ،انتي تعبتي كتير وقلبك وجعك عشاني ،مسك أيدها وقال بضياع ،انا مشعارف اتنفس حتى ،انا مبقتش حاسس بروحي وقلبي من كل الالم اللي بقى معششش فيهم ،.

قومي عشان تاخديني في حضنك ،انا محتاجلك اوي تواسيني واهرب من كل الدنيا معاكي ،.

فتحت عيونها وقالت بوهن انا كويسة ماتقلقش عليا يا ضي عيني ، .

حاو يبتسم وقال بفرحة مزيفه ،انا كدا هطمن وهرمي كل حاجه ورايا طالما انتي بخير يا ست الكل ،.

فردت أيدها بدون كلام كدعوة منها أنه يقرب ،عمر فضل جامد شويا وبعدين رمى نفسه في حضنها وسمح لدموعه انها تنزل بغزارة ،.

ضمته بقوة وفضلت تمسد على رأسه بحنان وهي بتتحسبن على كل اللي اذوه ودمرو روحه ،صرخاته عليت بشكل يقطع القلوب ،جسمه بيرتجف بطريقه صعبة جدا ،عمال يهزي بكلام مش مفهوم من كتر الصدمة ،كل البيت جم على صوته وعيونهم كلها دموع عشانه ،.

عدي سحبه من حضن أمه اللي مقدرتش تتحمل انهياره واغني عليها تاني والبنات عملو ليها اللازم ،.عدي حضنه وفضل يهدي فيه وقال بدموع ،عشان خاطري متعملش في نفسك كدا ،صدقني ربنا بيحبك وبيكشف ليك اعداءك عشان متفضلش عايش مخدوع فيهم وهما بيكرهوك وعاملين حبايبك ،.

بص لعيونه وقال بدعم ،احنا معاك وعمرنا ماهنسيبك ابدا ،.

اخد نفس طويل ومسح دموعه بعنف ،وهزه بقوة ،عمر انت مينفعش تضعف كدا انت قوي وهتعدي من المحنة دي كمان ،دي ابتلاءات من ربنا عشان يختبر صبرك ،عمر بانهاك عدي عايز ابقى لوحدي إذا سمحت ،.

دخله أوضته من سكات وقال برجاء وهو ضمه اوي ومحاوطه ،انا خلاص هسكت خالص ،صوته اتهز ،بس بالله عليك خليني جنبك ،عمر هز دماغه بموافقة ورجع حطها على كتف اخوه ،عدي جاب مصحف وفضل يقرء بصوت عالي لحد ما اتاكد أنه راح في النوم ،.

عدله وفضل معاه مفارقهوش ولا لحظة واحدة ،

بعد فترة عمار عالج فيها تامر من كل جروحه وخلاه يمشي ،تامر استغرب جدا من تصرفه ده ،بس بمجرد ما وصل بيته وقعد فيه يومين يرتب أوراقه من جديد عشان يحط خطة يهرب من عمر وأخواته ،لقى البوليس بيخبط عليه ودخل فتش البيت كله ،

كان مذهول بس مقدرش ينطق بحرف ،واتصدم حرفيا وقلبه وقع في رجليه لما شاف العساكر مطلعين من خزنة مكتبه كمية مخ-درات وكوك وهر-وين وكافة الأنواع من الحبوب الغير قانونية ،

صرخ بكل قوته عشان يثبت ليهم أن كل الممنوعات دي مشبتاعته ،بس الظابط ضربه كذا كف واهانه بافظع الألفاظ 

،وخرج معاهم ذليل ومتكلبش ،عمار اخد نفس طويل وبص لإخواته اللي إقنعهم بالعافية يجو معاه يشوفو بعينهم انتقام ربنا ،قال بجبروت اخد الحق حرفه ومكانش ينفع اعدي كل جرايمه في حقنا من غير ما اندمه الف مرة عشان يتربى ،قرب من عمر وقاله بوجع ،اوعى تكون فاكر أن ضعفك وانهيار ماما اللي مبقتش قادرة تقوم من السرير ده كان سهل عليا ،

كمل بحقد أقسمت بالله اني لازم ادمره بطريقه تجيب مناخيره الأرض ،زعق بحدة ،فوق مينفعش تفضل طيب تاني ،الدنيا دي زي الغابة واللي زيك هيتهرسو فيها ،عدي زقه بعنف اخرس متقولش كدا ،عمر مش سازج ابدا ولا ضعيف هو مصدوم شويا وهيبقى كويس ،

كمل بنصح اوعى تتغير ابدا يا عمر خليك رؤوف وعندك رحمة وخد من كل اللي حصل دفعة تبدء بيها من جديد ،هدي وبص ل عمار ،انا مشمعترض ابدا على كل اللي عملته ،بس طمني انت ممكن تتكشف 

،عمار بثقة ماتقلقش عليا ،انا جبت الحرز ده من  ظابط صاحبي واللواء بتاعه لما حكاله موضوعي اضايق جدا وقرر أنه يساعدني في كل الإجراءات ،

عدي بذهول طول عمرك عبقري ودماغك سم ،عمار بمرح بص انا هعتبره مدح عشان مزعلكش ،

عمر اخد نفس طويل وقال بهدوء ،انت صح في انتقامك ده يا عمار ،سكت شويا وقال بخبث ودلوقتي خلينا نروح نزور العريس بعيش وحلاوة ،عمار ضرب كفه بكف عمر وقال بصياح ايوا بقى يا كبير خليك معايا على الخط ،

وفعلا بعد يومين راحو له وبمجرد ما شافهم بص في الأرض وقال بغيظ ،اكيد انت السبب يا عمار ،عشان قلبك حديد ومستحيل تسيب حقك ،عمار صقف بايده وقال بشماتة برافو عليك طلعت زكي وفاهمني كويس ،شده بعنف وقال بشر ،انا ممكن كنت خلصت عليك وقتي ومشهاخد يوم واحد ،بس لقيت أن الموت رحمة لاشكالك ،خليك هنا عشان تعفن في السجن واحنا ،بص لعمر وعدي وقال بيقين وحسن ظن كبير بالله ،صدقني هنطخطى كل ده وهنبدء تاني وهنرجع بقوة أكبر من اللي ممكن  خيالك يصورهولك ،.

عمر بعده عن ايد اخوه وقال بقرف ،انا همشي ومشهعبرك بولا كلمة ،شكلك مهزوم وعلامات الضرب على وشك تغنيني عن كل اللي كنت هقوله ،

عدي بكره روح ربنا لا يسامحك دنيا ولا آخره ،خرجو التلاتة وقررو يروحو البيت يطمنو على امهم ،كانت فترة صعبة جدا على عمر اللي الدنيا عمالة تهد فيه بكل قوتها ،كان مستعد يعدي كل ده بس اللي كسره وقتل روحه بدل المرة مليون هو مرضه اللي اكتشفه،

واللي فضل يتعالج منه اكتر من سنتين ،السرطان قضى على كل ذرة تحمل عنده ،اخد كيماوي بشكل مكثف عشان المرض اللعين ده مينتشرش في باقي أجهزة الجسم ،امه وأخواته كانو مقهورين عشانه ،معقول في واحد تجيله كم الابتلاءات دي ورى بعضها ،الكل زعل جدا عشانه واهل البلد جم زاروه ،

وكان في دكتور أورام كويس اوي هو اللي بيتابع معاه والغريب أنه كان بيبقى رافض يكمل جلسات بس هو بيقدر يقنعه بطريقته وكان ليه التأثير الاقوى عليه ،

وبمرور الوقت عمر اتعافى من المرض وبقى كويس ،في الفترة دي عمار وعدي قدرو يبنو اسمهم من جديد ولأن في رجال أعمال بيحبو عمر جدا دعموهم بكل اللي يقدرو عليه ،وفي خلال سنة واحدة بقت شركتهم علامة تجارية وصيطها مسمع في مصر كلها ،

عمر قرر أنه يعافر في الدنيا وياخد سعادته منها بالعافية ،وطالما ربنا مد في عمره هيشتغل بكامل تركيزه عشان يثبت لكل اللي اذوه وشمتو في أزماته أنه يقدر يفوت في الحديد ،هيحفر اسمه في الصخر وكل اللي مر بيه هيحطه كحافز يكبر بيه اكتر واكتر ،وبالفعل حقق انجازات كتير في مدة قصيرة جدا والكل بقى مافيش على لسانهم غير اسم المهندس عمر وحش الالكترونيات في البلد كلها ،ومن اللحظة دي هيبدء ينول كل مكافاءت صبره وعوضه من الدنيا هيجي لحد عنده وبدون أدنى مجهود ،العصر الذهبي في حياته بدء بعد آخر جلسة كيمو ،

عمر السعدني ودع كل أحزانه عشان ياخد نصيبه من كل السعادة 

#يتبع بقلمي # دينا رأفت 

*****!🤩

(خيانة الروح) الفصل السادس.

 بقلمي # دينا رأفت 

******!🥰عمر  طلب تعيين مساعدة ليه على شرط أنها تبقى مهندسة عشان تشيل معاه الشغل خاصة أن التوكيلات اللي اخدوها بقت كتير وده مسبب ضغط زيادة عليه ،.

وفعلا اتقدم للوظيفه دي ناس كتير جدا ومن ضمنهم كنزي اللي اعجب جدا بذكاءها ولباقتها ،كانت شاطرة جدا وملفها بياكد أنها هتبقى إضافة كويسة للشركة ،.

وافق عليها واكتشف أنها موهوبة بشكل مش طبيعي ،بتعرف ازاي تدمج ما بين الهندسة وإدارة الأعمال بشكل منظم ،وغير كدا هي محترمة جدا وفي حالها ،الكل بيحبها لرقي اخلاقها وطيبتها وتدينها ولأنها بتساعد الناس بدون مقابل ،مشطماعة ابدا ولا بتهتم بالمظاهر بتشتغل بتفاني بغض النظر عن العائد المادي هيكون كام ،.

كانت بريئة جدا وشفافة ،عمر كان منبهر بيها ،حس بشعور مبهم بيزيد كل شويا جواه ومكنش لاقي ليه تفسير ،كان بيحب يشوفها كل الوقت ،بيفضل يتحجج بأنه عايز يتناقش معاها في الشغل عشان يقدر يشوفها ويتكلم معاها ،بس دايما بيحس أن في وجع مخفي ورى مرحها وخفة ظلها .

،عيونها رغم سحرها بس كان فيهم حزن كبير ،وبمرور الوقت قربت منه هي كمان ،كانت منجذبة ليه كتير وحست أنها عايزة تعرفه عن قرب .

،بتفضل تسأله في نقاط كتير عشان يفضل اصادها ،اكتشفت انها وقعت في غرام الشاب المهذب واللي رغم ابتسامته الجميلة بس هي حاسة أن الشخص ده عانى كتير في حياته ،.

ام عمر فرحت اوي لما عمار لمح ليها عن وجود كنزي وابتسم وهو بيقول لها أن عمر ميال ليها بس لسه معترفش ،نجلاء ربطت المواضيع ببعض ولقت أن ابنها كان بيجيب سيرة البنت دي كتير وبيمدح فيها معظم الوقت اصادها ،ضحكت وقررت انها هتحاول تقرب بينهم بطريقة متقللش ابدا من قيمة عمر لأن كرامته عندها فوق كل اعتبار ،.

عملت عيد ميلاد لابن عمار وخلت عمر يعزم الموظفين اللي يحب أنهم يجو ،.

وطبعا كنزي كانت أول واحدة ،ومع أنها كانت مترددة شويا الى أنها حسمت ترددها فورا لما حست أنه ممكن يزعل ،وفعلا وصلت الحفلة وكانت ملاك بفستانها الفضفاض وحجابها اللي مخليها أميرة في عيون الكل ،.

نجلاء والبنات استقبلوها بترحيب حار وقعدوا معاها .

وهي فرحت جدا معاهم ،وحست أنها وسط عيلتها اللي اتحرمت منهم بدري ،.

حبت الجو ده اوي  واكدت ليهم أنها مش هتبقى اخر مرة تشوفهم فيها ،.

عمر كان مذهول من جمالها ورقتها ،مقدرش يشيل عينه من عليها ،فضل مراقبها طول السهرة وسط مشاكسة عمار ليه وتلميحات عدي المخفية ،.

زعل جدا أنها هتمشي وقرب منها وقال بتكشيرة معقول جه وقت انسحاب الأميرة اللي بمجرد دخولها خطفت الأضواء ببراءتها؟.

 ،كنزي بكسوف احم انا اتاخرت جدا وكمان زهقت طنط من رغيي ،.

عمر هز دماغه بنفي بالعكس ماما حبتك موت وزي ماشفتي فضلت مضايقة مني عشان مقدرتش اقنعك تقعدي شويا زيادة ،.

كمل بثبات كلهم حبوكي جدا ،.

كنزي بتوتر من نظراته انا اللي حبتهم جدا وفرحت معاهم من قلبي ،هما طيبين اوي وروحهم جميله ،كملت بصدق ، اكتر حاجه شدتني فيهم علاقة نور وفريدة مع بعض وبالأخص مع طنط ،حسيتهم بيخافو عليها من الهوا ،.

ابتسمت وكملت باستفاضة ،انا صراحة استغربت جدا لما شفت نور اخدت لينا وراحت تغيرلها ،.

نظرتها وهي بتبص لفريدة وهي بتقولها بكل حب ،انتي تعبانة طول اليوم مع ادهم ومشغولة في التجهيزات اقعدي ارتاحي انتي وانا هتعامل بجد نظرة خطفتني من حنانها ،.

اخدت نفس طويل وقالت بحب ،حقيقي انا وقفت ادام كل الرحمة والمودة دول ومعرفتش اقول ايه ،.

عمر ابتسم وقال بفخر ،البنات دي متربية كويس وبيحبو بعض جدا وماما روحها فيهم ونهاره اسود لو حد من اخواتي فكر يزعلهم بتتحول تماما وبتزعقلهم وبتقف في صفهم دايما ، .

كنزي ابتسمت ربنا يخليهم لبعض وليها ،.

فضل باصص ليها كتير من غير كلام ،قلبه دق بدقات عنيفه ،عيونها رمت سهمها في نص روحه ،.

همس بدون وعي انتي حلوة اوي ،مش بس من برى بس جمال روحك خطفني بجد ،.

كنزي بخجل مكنتش لاقية صوتها عشان ترد عليه ،كانت سرحانة وهيمانة فيه ،اد ايه هو وسيم جدا وجذاب ،.

كانت نفسها الزمن يقف بيهم عند اللحظة دي ،.

فاقت على اللي قاله وحست بفراشات بتطير فوق معدتها ،معرفتش تنطق من الكسوف ووشها بقى احمر جدا ،اكتفت بضحكة رقيقة وهو اخد نفس طويل وقال باستفهام ،هشوفك بكرة بدري عشان نورد أجهزة لشركات النعماني ،الدكتور يزيد طلب مني الأجهزة عشان الشغل عطلان بسبب تهنيج الكمبيوترات عشان كدا غير السيستم كله وده بعد ما في أعداء ليه قدرو يخترقو النظام فقال يجيب أجهزة جديدة وصراحه هو صبر علينا كتير واستحمل ظروفنا طول الفترة اللي فاتت فياترى الحاجه اتظبطت ولا لسه؟.

 ،كنزي بعملية ماتقلقش انا تممت على اللابات وكل حاجه تمام وبكره هنسلمه الطلبية وكمان هنعوضه عشان اتاخرنا عليه وهنعمل دسكاوند على كل جهاز بنسبة ١٠٪ لانه كلاينت تقيل جدا وكون أنه يستنى علينا فده ذوق منه ويستحق الشكر بطريقة عملية ،

عمر بمشاكسة يعني قمر وروحك جميلة وعبقرية في مجالك؟،ده انا محظوظ بيكي بقى ،.

كنزي بحرج احم انا اتاخرت جدا ولازم امشي ،.

عمر بحنان ماشي يلا اركبي عربيتك وخلي بالك من نفسك وإذا سمحتي ابعتيلي رسالة نصية بس عشان اطمن انك وصلتي ممكن؟.

 ،كنزي بفرحة حاولت تداريها ،حاضر اشوفك الصبح ،.

عمر وهو مجبر شال عيونه من عليها وقال بحب تصبحي على خير ،مشيت واخدت قلبه معاها ،.

فضل سهران طول الليل ورغم فرحته بوجودها في حياته إلى أنه لام نفسه كتير غصب عنه ،طب ليه سمح لقلبه يدق تاني ،هو مشناقص جرح جديد ، طب روحه ليه ارتاحت وحست أنها لقت شبيهها  ،ازاي روحه اطمنت ليها رغم كل وجعها ، .

انب نفسه بدل المرة الف بس لقى قلبه بيدق بجنون وكأنه بيثور على إحساسه السيئ ده حتى عقله نهره كتير .

وظهرله حقيقة مشاعره وهمس ليه بكلام اقنعه ، اخرج من نطاق وجع ندى ده بقى ،دي مرحلة وعدت بكل اللي فيها واستفدت كتير منها ،كنزي مش زيها ابدا ولو عملنا مقارنة بينهم هتبقى بتظلم كنزي لانك متاكد أن ندى ملهاش وصف في حقارتها وانحطاط اخلاقها ،انت اتسرعت واخترتها بعيونك ،لكن كنزي انت حبيتها بكل جوارحك وده ببساطة لأنها جميلة قلبا وقالبا ،الكل بيشكر فيها وبيحترموها ،عندها طموح وعايزة تثبت نفسها في الشغل باي شكل ،اوعى تضيعها من ايدك لأن العوض مبيتعوضش تاني ،

اتمسك بفرصتك دي بكل قوتك ،حارب آلامك وأهزم خوفك بانك تفاتحها في ارطباتكم في اسرع وقت ،فوق بقى وبطل تعيش في وهم انك مشهتقدر تحب تاني واكبر دليل قلبك اللي عشقها مش بس حبها ،طرح سؤال مباشر ،هل انت حبيت ندى؟.

، ببساطة الجواب لا ،يمكن حبيت شكلها حسيتها هتبقى مناسبة مع أن ده مكانش صحيح ،ده حتى حب العشرة مادقش قلبك وده لأنها معملتش حساب لا للعشرة ولا للعيش والملح ،مافيش فيها اللي كان ممكن يشفعلها ،افتكر أنها خانت كل شيء حلو قدمته ليها ،ياريت تخرج نفسك من دوامة الذكريات دي وتبص للحاضر بفكر جديد وبايدك تقدر تبني حياة تانية ولو خايف براحتك انسى كل مشاعرك والتعامل كان محصلش حاجه وخليك في سجن الوحدة مع جروح الماضي ،.

فضل يهز دماغه برفض لآخر جملة وقال بلهفة ،لا مقدرش اتجاهل كل اللي حسيت بيه ،اخد نفس وطلعه بسرعه وقال بحسم ،انا هبدء من جديد مع كنزي وهنسى كل شيء ،وقرر أنه هيحدد معاها ميعاد عشان يتكلم معاها بصراحة وهيعرفها عن حياته وهيعرض عليها الجواز ،كفاية كل السنين اللي ضاعت عليه في صراعاته مع مرضه ومع كل الناس اللي دمروه 🥰 .

اما كنزي فبمجرد ما دخلت بيتها الكئيب اللي حيطانه بتخنقها ،قلعت طرحتها واختفت كل معالم السعادة اللي كانت على وشها وبصت لصور أهلها وقالت بحنين وحشتوني اوي وحاسة بضياع ووحدة بتنهش في روحي من وقت غيابكو ،

انا عمري ما نسيتكم كلكم وعقدة الذنب بتقتلني ،بس اللي مريحني أن اللي حرمني منكو اخد جزاءه واتعدم ،

بصت لصورة تانية بوجع واخدتها ودخلت اوضتها وقالت بعياط ،انت وحشتني اوي ومشقادرة احكيلك كالعادة ايه حاصل معايا بقالي فترة عارف ليه ،اخدت نفس طويل وقالت بلوم لنفسها ،عشان حاسة اني خنتك يا كريم ،انا مشاعري اتحركت لحد تاني ،مش بس كدا ،انهارت من العياط وقالت وهي باصة لعيونه الجميلة ،انا عشقته بجنون مش بس حبيته ،

سامحني عشان خاطري انا عارفة اني وعدتك من زمان  ماكونش لغيرك بس والله غصب عني ،انا فضلت عايشه على ذكراك سنين وحاولت اقاوم الحب ده بكل قوتي بس قلبي لسه عايز يعيش رغم كل اللي حصل فيه ،

عاهدت نفسي اني افضل معاك بروحي ،شهقاتها عليت وملت المكان ،انا اسفه الف مرة ،بس انا مش عارفه اعمل ايه ،قلي اقتل مشاعري وافضل لوحدي باقي عمري واتجنن ، 

كانت مشتتة ومشقادرة تاخد قرار ،في صراع داير جواها ،قلبها عشق من تاني وضميرها بيلومها وبيتهمها بخيانة العهد ، 

اخدت كام نفس ورى بعض ومسحت دموعها بعنف وقالت بقوة انا مشهسيب نفسي للوحدة تاكل فيا ،انا بموت من القهر في كل لحظة وانا قاعدة هنا ،كملت بوجع وانهزامية دبرني وقولي اعمل ايه ،

مشانت كنت صاحبي وانا اهم واحدة عندك ،كملت بعتاب بس انت ضحكت عليا ومشيت بسرعه حتى من غير وداع ،

طب ليه ماخدتنيش معاك انت وبابا وماما وكارمن ،انا تعبانة اوي ومشقادرة اعافر في الدنيا اكتر من كدا ودعيت كتير أني اموت عشان اجي ليكم بس كنت برجع استغفر واصلي كتير ،

فضلت تصرخ من قلبها وقعدت على الأرض وغصب عنها افتكرت كل حاجه حصلت 

#فلاااااش باااااك #كانت بنت جميله جدا عندها اخت واحدة ،اسرة مترابطة وكلهم بيحبو بعض جدا ،كنزي طول عمرها متفوقة في الدراسة وبمجرد ما دخلت الجامعة بقت معروفة بين الطلبة والدكاترة بسبب اجتهادها وطموحها أنها تبقى اشهر مهندسة في مجال الهاردوير والالكترونيات بشكل عام ،

كانت نفسها تفرح حبيبها بيها ،هو اللي كان بيشجعها تبقى زيه ماهو عبقري في المجال ده ،كان بيعشقها من صغره وده لان أهله واهلها كانو جيران الروح بالروح وكان بيفضل قاعد طول الوقت معاها ،علمها كل حاجه ،اعتبرته صاحب مشبس حبيب ،عشقه ليها عدى الحدود ،وفي مرة لقت دكتورها بيطلب أيدها للجواز ،من صدمتها معرفتش تنطق وتقول انها مكتوب كتابها وهتتجوز قريب ،ولما هديت راحت وفهمته ،هو اتصدم بس ما ظهرش كدا ،كل اللي عمله أنه ابتسم ليها وقالها بغموض ربنا يوفقك وهي خلاص محطتش الحوار في دماغها تاني ونسيت الموضوع ،

لحد ما لقت كريم متعصب في يوم وده عكس طبعه معاها ولما ضغطت عليه قالها أن في دكتور جاي بيطلب منه أنه يبعد عنها ولو مش بالذوق هيبقى بالعافية ،كنزي كانت مذهولة وميتة من الرعب طب هو ليه عمل كدا ،ازاي يتجرء ويتصرف بأسلوب مهين زي ده ،كريم طمنها وأكد ليها أنه زعقله وضربه وطرده من الشركة بطريقة مهينة بس الدكتور ده مسكتش ،فضل يضايق كنزي بطرق كتيرة ،لدرجة أنه حاول كذا مرة يتعرض ليها بأنه يخوفها ويبعتلها صور لكريم وهو متصوب عليه رصاص ،قرب منها وحاول يقتحم منطقتها المحظورة ،اجر رجالة وضربو كريم عشان يخوفوه ويجبروه يسيبها بس هو بيفضل يقاوم للنهاية وكان مافيش على لسانه غير لو هتاخدها مني هتعدي على جثتي الاول ،حتى أهلها مسلموش من شره ،قتلهم كلهم أدامها وهي من الذهول متحركتش من مكانها ،

ومن جبروته بعد عن كريم شويا عشان هو عارف أن هو الوحيد اللي هيقدر يخرجها من اللي هي فيه ،وفعلا اختفى من الصورة تماما وكريم حاول بكل قوته يطلعها من الحالة دي ،اخدها لدكتور نفسي وعالجها ولما خفت وبقت كويسة إلى حد ما ،ظهر الدكتور هيثم تاني وبمنتهى الجحود وجمود القلب ويوم فرحهم قتله وهي في حضنه بفستان الفرح .الكل صرخ من هول الصدمة ،حاولو يبعدوه عنها بس هي مرضيتش تخرجه من حضنها ،فستانها الابيض اتحول للأحمر من كتر الدم ،كريم كانت روحه متعلقة بروحها ،قاوم وفتح عيونه وهمس بضعف وصوت متقطع ،عشاني متنهاريش ،انا مشهعرف اهديكي يا حبيبي ،شهق ببطء وقال بوهن ،انا اسف عشان لأول مرة مشهنفذ وعدي معاكي ،انا قلتلك اني هفضل معاكي لاخر العمر بس انتي عارفه مين السبب ،بس انا مشزعلان عشان هموت واخر عيون هاشوفها هي عيونك يا اغلى من روحي ،انا حاربت لاخر نفس ليا وحافظت عليكي فعشاني اجمدي وعيشي واتجوزي ،متوجعيش روحي عليكي ،اخد نفس اخير وقال بوجع ،هاتي حقي وحق أهلك يا كنزي ،انتي هتقدري يا حبيبتي وعايز منك طلب اخير ،عشان خاطري اوعديني انك تقفي من تاني ومتسمحيش لحد يسرق سعادتك ،افرحي وحققي كل اللي بتتمنيه ،اختاري واحد يشبهك ويكون عوض ليكي ، ،ضغط على أيدها وبص لعيونها وكان مستني ردها ،حاولت تحرك لسانها عشان تخلي روحه تطلع بسلام وقالت بقهر وانهيار اوعدك هعمل كل اللي قلتلي عليه ،عايزاك تتأكد اني هاجيب حقكم لو كانت دي اخر حاجه هعملها ،بمجرد ما خلصت كلامها كريم اتشاهد وروحه فاضت لرب العالمين .

،كنزي فضلت ساكتة تماما والكل حاول يخليها تتكلم لكن فضلت على وضعها البوليس لما فتش الكاميرات لقى شاب مأجور واقف وكان موجه السلاح ناحية كريم ،ولما بحثو عرفوا أن ملفه الإجرامي  عندهم وفي خلال كام ساعة جابوه وبعد ضغطهم عليه اعترف على هيثم وباقي الرجالة ، .

وفعلا قبضو عليهم كلهم وكنزي طلبت منهم يفتحو ملف قضية قتل أهلها والكل اتفاجء أن هيثم اعترف بكل حاجه ولما سألوه ليه اعترفت بسرعه ومانكرتش ،قالهم أنه مبقاش فارق معاه حاجه ،اهم شيء أنه خلص من كريم وأنه بقى متاكد أن كنزي عمرها ما هتبقى ليه ويمكن لو كان غصب عليها تاني بعد اللي حصل كانت قتلت نفسها وهو هيتحرم منها بردو ، .

الظابط بصله باحتقار وأمر بحبسه فورا وصدر حكم الاعدام ،ويوم الحكم كنزي جات المحكمة وفضلت تعيط بالدموع فرح ووجع في نفس اللحظة عشان المجرم اخد عقابه ،.

وبعدها راحت تعيش مع خالها برى مصر ،وحاولت تتخطى أزمتها بأنها دفنت نفسها في الدراسة والشغل ،اولاد خالها دعموها بكل قوتهم عشان ترجع زي الاول ،وبعد سنين طويلة قررت ترجع القاهرة ،.

وخالها اشترى ليها بيت جديد وقدم ليها في شركة السعدني ،حبت شغلها جدا واتعاملت مع الكل بطيبة وحسن نية وبردو بحذر ،ومن غير ما تحس عشقت عمر ،.

حبها ليه كان مختلف ،كل ما بتقاومه بيهزمها وبيسيطر على كيانها اكتر واكتر .

،فاقت من ذكرياتها على صوت رسالة من معشوقها اللي بتحلم أن القدر يديها فرصة معاه ،فتحتها ولقت نفسها بتبتسم من بين دموعها ،قرات الكلام بقلبها مش بس بعيونها ،

انا حبيت اقولك انك كنتي اجمل حاجه حصلت ليا من لما بدءت اشتغل من جديد 

،عارفك مذهولة وبتقولي لنفسك هو اتجنن ولا ايه ،ازاي يقولي كلام زي ده ،بس معلش خلي اجابات كل الاسئلة دي بكره بعد الشغل ،اذا سمحتي طبعا عايز اقابلك في المكان اللي تحبيه وتحدديه ،عشان اوضحلك كل حاجه ،وده لاني راجل دغري وماليش في اللف والدوران ،.

لو موافقه ابعتي وش بيضحك ،اما لو مشحابة فتمام ابعتي وش بيعيط ماشي ،تصبحي على اجمل حاجه تستاهل قمر زيك.،مسكت الفون وفضلت تفكر شويا بحيرة ،بعدها قامت تصلي يمكن ربنا يهديها للقرار الصح ،ولما خلصت لقت قلبها بيدق بعشق عمر وبيشجعها تروح له وتسمعه ،وعقلها ايد راي قلبها ولقت نفسها بتضحك بسعادة لأنها شبه متأكدة أن عمر بيقولها بشكل مستتر أنه عايز يرتبط بيها ،ماهي مش غبية وحاسة بعشقه اللي باين في اهتمامه ونظراته وطريقته معاها اللي واضحة من زمان ،

يمكن هما الاتنين معترفين لبعض بالعشق بس من خلال لغة عيونهم ،فضلت صاحية تفكر للصبح واخيرا قررت انها هتقابله ،فتحت الشات بتوتر وارسلت الوش المبتسم ،بعدها خرجت طقم رقيق ولبسته وفعلا بعد الشغل لقاها بتقوله بحرج أنها هتروح اي مكان على ذوقه عادي ،.

ولما وصل طلب لها عصير ولقاها بتقرب منه على استحياء ،وقعدت وفضلو ساكتين فترة لحد ما هو قطع الصمت وقال بهدوء ،عجبك العصير ولا اطلبلك حاجه تانية؟.

 ،كنزي بتوتر لا انا بحب الرمان جدا وقليل لو شربت اي مشروب غيره ،عمر بخبث طب مانا عارف عشان كدا طلبته ليكي ،كنزي بخجل قلتلي انك حابب تتكلم معايا برى الشغل اتفضل انا جاهزة اسمعك ،

عمر ابتسم طب مش ناكل الاول اديكي شايفه كنا مشغولين طول النهار وماكلناش اي حاجه من وقت الفطار ،

كنزي بحنان مقدرتش تخبيه يا نهار ابيض لا خلاص كل ونتكلم بعدين ،

اخد نفس طويل ومسح وشه بايده وهمس لنفسه بعشق لو تعرفي حبيتك اد ايه ،نفسي اكون معاكي في اسرع وقت ،عايزك تشفي جروحي بطيبتك ونقاء قلبك ،اتنهد وفعلا طلبو غدا وعمر أصر أنها تأكل معاه والغريب انها وافقت بهدوء واتفاجءت أنها كانت جعانه جدا ،خلصو اكل وعمر بدء كلامه بدون مقدمات ،

كنزي انا عايز اتجوزك ،عايز اكمل حياتي معاكي طول العمر ،كمل بحب ،انا معرفش انتي احتليتي قلبي ازاي ولا امتا ،بس اللي اعرفه كويس اني بحبك بجنون وأقسم بالله هتبقي معايا سعيدة انا بوعدك بكدا قلتي ايه؟.

 ،كنزي مكانتش عارفه ترد بايه ،قلبها فرح وعقلها خانها من جديد واستنكر الفرحة دي وفضل يفكرها ،معقول هتنسي كريم ده مات بسببك ،دموعها نزلت بوجع من غير صوت ،جسمها بقى بيرتجف ،عمر بذهول وحزن انا زعلتك طب اهدي عشان خاطري وامسحي دموعك ،

اداها منديل وهي حاولت تسيطر على نفسها وقالت بصوت حزين وضعف ،انا تعبانة اوي وموجوعه بطريقه بشعة ،كملت بعياط ،انا بعتذرلك عشان عيطت بس انت متعرفش عني اي حاجه ،عمر بعشق انا عارف ده كويس يا كنزي ،انا كمان محكتلكيش حاجه عني ،كل اللي عرفتيه عني اني كنت متجوز قبل كدا ،كنزي بهدوء ايوا انت غامض جدا بالنسبة ليا ،عمر اخد نفس طويل وقال بحزن ممكن اطلب منك طلب ،كنزي بموافقة اتفضل ،عمر بثبات عايز اعرف منك هل في اي مشاعر جواكي تجاهي ولا لا؟.

 ،كمل برجاء عشان خاطري قولي ،هل نظراتك اللي بشوف فيها حب كبير ليا لما ببص جواهم  بتقول انك عايزاني وبتحبيني؟.

 ،كنزي اتكسفت وحطت وشها في الأرض ،وقالت بصوت واطي ،افهم الرد من عيوني ،عمر بحب طب مش ترفعيهم عشان اقدر افهم كويس؟.

 ،اخدت نفس طويل ورفعت عيونها بخجل وعمر غاص فيهم حرفيا ،كانت مذهلة ،نظراتها فيها حب وكسوف وخوف ودموع وحزن ووجع ،مكانش عايز يبعد نظره عنها ،

همس بدون وعي ،انا بعشقك يا كنزي ومستحيل هاسيبك تضيعي مني ،قلبها دق بعشق كبير وغصب عنها لقت نفسها بتهمس برقة انا موافقة اتجوزك ،.

عمر بحنان اوعدك هحكيلك كل حاجه ،وهسمع كل حرف منك بس وانتي على اسمي وجوى بيتي عشان نقدر نحتوي بعض كويس ويبقى ليا الحق اني اخدك في حضني وأبكي على كتفك وانا بحكيلك ،كنزي باستغراب يعني هنفضل غامضين لبعض ومخبيين اسرارنا لحد الجواز ،.

عمر بخبث وفيها ايه يا حبيبي طالما الفرح هيبقى بعد شهر من دلوقتي؟.

 ،كنزي شهقت بصدمة ايه بالسرعة دي طب ازاي ده احنا مشهنلحق نعمل اي حاجه ،عمر ببساطة اطمني يا قمر ،كل حاجه هنرتبها سوى واول شيء مطلوب منك انك تكلمي خالك وتعرفيه اني عايز اتقدم ليكي ،كنزي بتردد بس هو مشغول جدا ويمكن ميعرفش ينزل دلوقتي ،عمر بابتسامة انا هقنعه بطريقتي متقلقيش ،كنزي باستفهام ،طب فين البيت والعفش وكل ده؟.

 ،عمر بلهفة انا هاخدك انتي وفريدة ونور وماما وهفرجك على الڤيلا اللي لسه شاريها من كام شهر ،والعفش انزلي اختاري اللي يعجبك ،كنزي ضحكت برقة للدرجة دي مستعجل؟.

 ،عمر بزعل انا نفسي اغمض عيني وافتحها الاقيكي بقيتي في بيتي ،عشان عايز اعرف مالك وايه اللي طافي روحك اوي كدا ،

كنزي بفضول انا بردو نفسي تحكيلي عنك كل حاجه مخبيها ،عمر بتنهيدة يبقى قرار الجواز ده جه في وقته ،

كانو حاسين أنهم مغيبين وقلوبهم هي اللي بتحركهم ،عشقهم كان فريد من نوعه ،كان عشق مولود من رحم الوجع والخذلان ،

كنزي قررت انها هتعيش من جديد وهتثق في عمر عشان يخليها تنسى كل اللي مرت بيه ويرمم شقوق روحها ،كلمت خالها وفرح جدا وفاجءها بأنه نزل هو وأولاده يقضو معاها الشهر ده ويفرحوها ،عمر عرف أهله وكانو طايرين من السعادة ،امه فضلت تزغرط لحد ما صوتها راح واخواته مكانوش عارفين ازاي يعبرو عن فرحتهم باخوهم الصغير ،

خال كنزي قابل عمر وحبه جدا واتفق معاه على كل حاجة وفي يوم كانت كنزي بتعيط جامد وعمر ماكانش فاهم مالها ،قعد اصادها وسأل للمرة اللي ميعرفش عددها ،حبيبتي قوليلي بس فيكي ايه؟.

 ،طب انا زعلتك في حاجة؟.

 ،كنزي بدموع ،انا حاسة اني خاينه يا عمر ،كملت بخزي ازاي هقدر افرح من تاني وهو مات عشان يدافع عني واتحرم من حياته بسببي ،عمر بعدم فهم ،قال بتوتر انتي تقصدي مين ارجوكي اهدي يا حبيبتي لأن دموعك بتوجعني ،كنزي حاولت تهدى وقالت باعتذار ،حقك عليا بس مش هقدر استنى لبعد فرحنا عشان احكيلك ،كملت بتيه وضياع ،انا عايزاك تاخد بايدي وتخرجني من الضلمة اللي انا محبوسة فيها ،نفسي تدلني على الصح انا ماشية بخبط في الزحمة ومشعارفة اعمل ايه ،همست بحب انا بحبك اوي وفي نفس الوقت مشقادرة افرح من قلبي ،طمني بوجودك وحسسني بالأمان ،انا هقولك كل حاجه ،عمر مكانش نفسه يفتح في اي شيء يخص الماضي دلوقتي لكن حاليا هو لازم يفهم منها ايه الظروف اللي مشقادرة تتخطاها ،بصلها وقال بثبات حبيبتي اهدي احنا هنتكلم في كل حاجة انتي عايزاني اسمعها ،وانا هقولك عن الماضي بتاعي وهنقفل السيرة دي للابد ،كمل بحنان ها ياروحي انا سامعك بس اهم حاجه تمسحي دموعك وتهدي ،وفعلا حكت ليه كل شيء بالتفصيل من وسط عياطها ،كان موجوع اوي عشانها ،ساعتها حس أن كل اللي مر بيه كان اهون بكتير من تجربتها المريرة ،خلصت كل كلامها وهو فضل ساكت شويا ومعقبش بأي كلمة وغصب عنه حس أنه لازم يحكي ليها عن ظروفه يمكن ده يخفف ولو جزء من معاناتها ،اخد نفس طويل وقال بوجع ،بصي انا مشعارف ارد عليكي بايه ،بس كل اللي عايزك تفهميه اني روحي فيكي واوعدك باني هنسيكي كل وجع شفتيه ،هعوضك على اد ما اقدر ،كمل بغيرة معرفش يداريها ،احم بس ياريت سيرة كريم متتفتحش تاني ،انا والله مشوحش بصلها بعشق ،انا عايز اكون انا اللي جواكي ،لسانك مينطقش غير اسمي ،روحك وقلبك وكل ما فيكي يكونو ليا وملكي انا ،كنزي بتفهم حاضر ده حقك وزي ما قلتلك انت بقيت كل حياتي ونفسي اكمل عمري معاك وفي بيتك ،كملت بفضول يلا افتح صندوق ذكرياتك خلينا نقفل اليوم النكد ده بقى ونبدء على نضيف ،عمر بدء يحكيلها كل حاجه من وهو صغير لحد لحظتهم دي ،كانت بتسمعه بذهول وصمت تام ودموعها نازلة بتأثر مكانتش عارفه تقوله ايه ،حست في الوقت ده أن كل اللي مرت بيه كان نقطة في بحر الامه ومعاناته ،اما هو فحاول يهدى ويفكر نفسه أنه خلاص عدى من كل ده وقلبه اهو دق من جديد وروحه اتعافت من كل جراحها ،اخد نفس وقال بصوت حزين انا ات-وجعت من ناس كتير ،اتنهد بتعب ،شفت كتير في حياتي ،وكل اللي هطلبه منك سكت شويا وهمس برجاء عايزك تداويني وانا هحطك في عيني وهمحي كل جراحك ،وعمري ابدا ما هحملك ذنب اي حد قابلك ولا هسمح لنفسي اني ازعلك حتى ،ابتسم وبصلها بعشق عارفة ليه عشان انتي غيرهم وانا متاكد وده ببساطة لانك اتظلمتي زيي حتى لو اختلفت الاسباب بس في النهاية احنا قلوبنا اتقهرت وبمنتهى القسوة ،كنزي قاطعته بدموع اوعدك اني اكون ليك البنت اللي تستاهلك ،انا كمان عايزة انسى كل اللي فات بيك ومعاك ،احنا انسب عوض لبعض ،وده لأننا متشابهين في كل شيء ، عمر بابتسامة وتفاؤل اكيد هنقوى وهنتخطى كل اللي اتعرضنا ليه ،عيونه لمعت ببريق عشقها وكمل بفرحة ،ربنا له حكمة اننا نشوف بعض دلوقتي تحديدا عشان نكمل باقي عمرنا سوى ،ضحكت من بين دموعها وقالت بعشق ربنا بيحبني لانك كنت مكافءتي بعد كل الأذى اللي شفته ،قام وقف جنبها وقال بارتياح ،حبيبتي انتي احلى حاجه حصلت لي في حياتي وبوجودك الدنيا ضحكتلي من جديد .

،همست بسعادة ربنا يخلينا لبعض ،.

انا خلاص هكمل تجهيز البيت عشان نعمل اجمل فرح ،عمر بضحك احلى كوكو والله ،وقومي بقى عشان ماما مستنياكي على الغدا ،كنزي بحب دي قلبي وهروح بس عشانها ،ضحكو وهزرو ومر الوقت وهي بتحضر كل حاجه بروح مختلفه وبقلب نفسه يدوق طعم الهنا .

وفي خلال شهر فعلا اتجوزو ،والمرة دي كانت مختلفه ،هي حاولت تنسى الذكرى المشؤومة لليوم ده ،وهو خرج من دماغه اي حاجه ممكن تزعله في وقت زي ده ،كان فرح رائع بمعنى الكلمة ،الاتنين عشقهم لبعض فاض من عيونهم ،قلوبهم كانت مليانة بالفرحة الحقيقية ،وخلص الفرح اللي خطف قلوب الناس من جماله .

،وبمرور الوقت اتعلقو ببعض بجنون ،عشقهم كان بيزيد كل لحظة ،نسيو كل الوجع وبدلوه بالسعادة والفرح ،قضو احلى شهر عسل في بلاد كتير ،كنزي عشقت أمه وقررت انها مشهتسيبها تقعد لوحدها تاني ،ونجلاء اعتبرتها زي نور وفريدة ،حبت لمتهم وترابطهم ،وبقت بتستنى كل تجمع ليهم بفارغ الصبر ،كبرت الشغل مع عمر وبقى بيعتمد عليها في كل حاجه ،قربت من البنات وهما بحبهم وبنقاء قلوبهم خلوها ترجع لشغفها للخروج والسفر والشوبينج من تاني ،كانو خير عوض عن اختها اللي القدر حرمها منها ،.،ولان ربنا كريم وعشان العوض بجد جه لعمر بمجرد ما شاف كنزه ودخلت حياته ومسحت على قلبه وملته بالفرح ،.

كنزي عرفت انها حامل بسرعه جدا وفي خلال ٩ شهور من جوازهم ،ربنا رزقهم بطفلين توام سموهم اسيل  وياسين  ،الكل كان مذهول وعمر سجد في الأرض من كتر فرحته ، معقول ربنا عوض صبره ونصره وجبر بخاطره ،ادام الناس بعد كل السنين دي!.

 ،قرر يعمل العقيقة والسبوع في البلد وعزم كل الناس اللي طارو عشانه من الفرح .

،كنزي عشان فاهمة كل حاجه كانت متضايقة جدا خاصة لما جم الناس يباركوله ،وفضلو يقولو ،ربنا كرمك وعوض صبرك خير  عشان رقية وبنتها اتهموك بالباطل وخاضوا في سيرتك وسط الناس وطلعوك مبتخلفش وشوهو سمعتك بالكذب .

،عمر طمنها أن كل ده فات وخلص وهو مبيفتكرش منه اي حاجه ،ربنا عوضه بيها وبولاده ومبقاش عايز اي حاجه تاني 

#يتبع بقلمي # دينا رأفت 

*****!🥰(خيانة الروح) 

الفصل السابع والاخير.

 بقلمي # دينا رأفت 

*****!🥰رقية قاعدة في بيتها الجديد واللي كان بيطل على أرض واسعة وسط مزرعة كبيرة ،ابتسمت لما بصت من الشباك وافتكرت هي امتلكت كل ده امتا #

فلاش باك ،ندى لما فضلت مصرة أنها متديش فلوسها ليهم برضاها ،رقية فكرت في حيلة تجيب بيها الحاجه من غير اي صدام مع بنتها ،.

وبسرعة طلبت من فوزي ياجر ليها رجالة عشان يعملو أنهم حرا-مية ويجو في نص الليل ياخدو كل الفلوس والذهب من سكات وبعدها يك-سرو كام حاجه كاثبات حالة السرقة من البيت ،.

وطلبت منهم يتعاملو بالراحه عشان محدش يحس بشيء من الجيران ،واللي ساعدهم أن رقية اشترت منوم طويل المفعول وحطته لندى في العصير وعشان تخدعها شربت معاها في نفس الوقت ،وفعلا الخطة اتنفذت بطريقة الجن الازرق مايكشفهاش ،.

ولما ندى عرفت دخلت المستشفى وجالها ان-هيار عصبي وبعد فترة هديت  وركزت شويا افتكرت تليفونها واللي كانت ممكن تعرف وشوش الناس اللي اخدو حاجتها عن طريقه ،بس رجعت كشرت تاني لما امها قالت لها بكذب أنه مشموجود ويمكن اخدوه هو كمان ،.

والحقيقة مكانتش كدا ،رقية لمحته بيصور واخدت بالها من نقطة زي دي وقبل تنفيذ العملية مسكت الفون ومسحت كل شيء ورمته في المياه ولما اتاكدت أنه باظ حر-قته ومحت اي اثر ليه وزيادة في الحرص كس-رت اللاب كمان ،.

ندى فضلت تعيط وامها بصعوبة اقنعتها أنها تنسى الحكاية دي ،ولو على الفلوس فهي تفوق عشان تختار عريس معاه ملايين مش بس مليون ،ندى بعد شويا استعادت نفسها وقررت انها تاخد بنصيحة امها وتنسى كل ده وترميه ورى ضهرها 🥰 .

رقية بمجرد ما جوزتها بدءت تطلع الفلوس بعين قوية عشان محدش هيقدر يشكك في مصدرها خاصة أنهم عارفين أن عمر غني واكيد دول منه ،وكمان جوزها الجديد أغنى منه فبالتالي وجود كل الفلوس معاهم ده شيء منطقي .

ندى لما اكتشفت خداع امها فضلت تزعق ليها بس رقية ضربتها وقالت ببجاحه أنها لو طولت لسانها بحرف هتخلي حياتها جحيم وهي عارفه انها تقدر تعمل كدا بسهولة ،ندى تراجعت ونسيت الحوار ده نهائي خاصة أنها مبقتش محتاجه لمبلغ بخس زي ده اكيد جوزها هيحطلها فلوس ملهاش اخر في البنك .

،رقية اشترت بيت وأسست شغل خاص بيها وخطفت الزباين من الشيخ ممدوح بعد ماشربت الشغلانة منه وبقت محترفة في السحر والشعوذة ،بس محدش يعرف أنها هي ،مكانتش بتظهر لاي حد بتسمعهم صوت مزيف ،خلت حد يركبلها صوت اصطناعي ،وتفشى ظلم رقية وجهلها وسط ناس نسيو ربنا ولجاو لمخلوق زيهم ،كان موريدينها مرضى نفوس زيها عايشيين وكل همهم اذية ناس ملهاش ذنب في سواد نفوسهم وسوء نواياهم وعمى قلوبهم ، بيدمرو ناس بريئة من غير خوف من ربنا المطلع وقادر أنه في لحظة يخسف بيهم الأرض ،.

رقية انتقمت من ناس كتير ومن أهمهم سلفتها .

،حاولت تتحايل على الموقف وعملتلها سحر يخليها تطلق من جوزها ،.

اما جنى فقت-لت لها بنتها وابنها مرة واحدة بمنتهى القسوة عشان ندى  طلعت مابتخلفش ،.

الناس بقو مش عارفين مين ال-شيطان اللي قالب حياتهم من سنين ومعيشهم في جح-يم ،ناس كتير شكو فيها وراحو يقولو للحاج فهمي ،.

ورد عليهم بقلة حيلة انا معنديش حل ليها ، ايوا رقية هي سبب الد-مار اللي انتو فيه ،بس ده بايدكو ،قربو من ربنا اوي وخلو قلوبكم عامرة بذكره ،شغلو قران وحصنو بيوتكم ،اما رقية فأنا عارف من زمان بشرها ده ،.

كنت بصلي قيام الليل وشفت واحدة منتقبة ماشية بتتسحب ،انا مقدرتش اسكت ،اخدت الواد مازن ابني وفضلنا وراها من غير ما تحس ، ولاقيناها بتروح بيت مهجور وزي القبر مبني من طين وسمعناها بتتكلم مع واحد زبالة وفهمنا من كلامهم أنه دجال  وان الست دي رقية ،.

ساعتها قلبي اتخلع من كتر الرهبة واخدت ابني ومشيت ،ومن وقتها اي حاجه بتحصل لاي حد في البلد بعرف أنها بخت سمها فيه  ،.

ولما رحت ابلغ كذا مرة كانو بيفضلو يضحكو عليا ويقولو ،لما هي بتسحر وبتعمل اعمال على حسب كلامك ،يبقى انت فين دورك يا سيدنا الشيخ؟، .

كنت بفضل اتحسبن عليهم وعليها من كل قلبي ولحد دلوقتي بتمنى ربنا ين-تقم من رقية وفوزي بعدله ويدوقو من نفس السحر اللي بياذو بيه العبيد ،#ملحوظة مهمة انا مشبفهم في حوارات السحر دي ،انا بقول اللي متداول بين الناس وخلاص ،انا بسمع أن فيه سحر اسود وأعمال سفلية ممكن تدمر اي حد ،ده انا بخاف من خيالي اقسم بالله .

😂😂😂😂😂.

اما فوزي فمكانش يعرف بشغلها ده ولما عرفته مزعلش ولا اض-ايق بالعكس فرح بكل الفلوس اللي بتكسبها من ظل-مها للناس ،.

كانت مخلياه صبي ليها ،.

بيدخل لها الناس وبالمرة يس-رق منهم اللي بيقدر عليه ،كان بيطلب منهم مبلغ تاني غير اللي بيديه لرقية ،ولما عرفت أنه بيلعب لحسابه هج-مت عليه وض-ربته لحد ما كس-رت أيده ،وقالت بق-سوة بتستغفلني يا عرة الرجالة؟. ،بتضحك على ستك وتاج راسك .،لسه متخلققش اللي يدي الشيخة رقية على قفاها ، .

فوزي بت-عب وص-راخ زي الحريم ،حقك عليا يا ستنا دي دي وزة شي-طان ،اعتبريني عيل وغلط وارحميني وخلي حد يجيب ليا الدكتور ،.

رقية ب-غضب العيال ملهاش سماح عندي ،بعدين انا علمت عليك اهو عشان شيطانك لما يوسوس ليك تخزيه وتعرفه أن رقية هي الش-يطان نفسه وإبليس وخدمه بيتعلمو منها ،.

بصتله بش-ر ومسكت كباية مليانه شاي سا-خن وحدفتها عليه ،.

وكملت بجب-روت ،دي بس عشان اقولك اني سامحتك يا فوز وده لانك جوزي وعملت ليك خاطر ،.

فوزي دموعه نزلت منه بق-هر وقال بالم من وجع جسمه طب انا اسف بس جيبي دكتوووووووور وشي هيت-سلخ ،.

رقية بضحك وسخرية ،ماشي وانشف كدا ده ايه الرجالة الخرعة دي ،.

وفعلا كشفت عليه ومن وقتها مبقاش بيتنفس من غير مايديها خبر ،.

كان بيشتغل في مزرعتهم وارضهم كتمويه ماهو مكانش فاكر أنهم اتكشفوا ،.

كان بيسحب ليها ناس وده طبعا وهو متنكر عشان محدش يعرفه ،.

سيطهم انتشر في كل البلاد اللي حواليهم وظهرو للناس في صورة المنقذ مع انهم الهلاك بعينه وبمرور الوقت رقية وفوزي جمعو ثروة كبيرة ومع ذلك مكانوش بيرضو ابدا ودايما بيطمعو اكتر واكتر ،.

رقية كانت مبسوطة بكل اللي وصلت ليه بس كانت حاجه واحدة هي اللي منغسة عليها حياتها وهي ندى بنتها واللي حصل فيها .

فاقت من ذكرياتها على صوت فوزي بينادي عليها ،رقية بغضب عايز ايه بصوتك ده ،فوزي بابتسامة مزيفة مالك يا ستنا سرحانه في ايه كدا؟.

 ،رقية بضيق مافيش بفكر في اللي انا فيه ،اتنهدت بغيظ ،شوف احنا وصلنا لايه ومعانا كام وبردو مشعارفه ارتاح ،فوزي باستغراب طب ده اسمه كلام يا ستنا ،ده انتي بقيتي اشهر من نار على علم والكل بيعملك الف حساب .

،رقية بحسرة ياريتني عارفه اتمتع ،ندى منغسة عليا حياتي ،قلت هتتجوز وهرتاح قعدت سنتين من غير خلفه والكل عايرني بيها ،عملت خطة عشان اطلعها سليمة واعيب في جوزها الدنيا خربت وطلع بيخلف ياخويا والبت هي اللي ارض بور وكل الناس عرفت اني كدابة وجابت اللوم على ندى مش عارفه احل الموضوع ده ازاي .

،فكرت في كذا خطة بس كلهم مدخلوش دماغي ،فوزي باقتراح طب ماتاجري عيل وتديه للبت ومحدش هيقدر يكشف الملعوب ده .

،رقية بإهانة ،اخرس يا وش البوم انت ومتحاولش تفكر ،كملت بتوضيح يعني الفكرة دي مجاتش في دماغي قبل كدا ،انا عايزة ندى تحمل وتجيب عيال منها هي ،.

عايزة يبقى عندي احفاد كتير زي اي حد وكمان كنت بحلم اني اروح بيت ابن نجلاء واهينه ادام الكل وأتباهى بخلفتها واقول بعلو صوتي أن كلامي طلع صح ،بس ياخسارة الدنيااتقلبت  ،فوزي بضيق وتأنيب ما انا ياما اتحايلت عليكي نجيب عيال ورى البت ماكنتيش بترضي .

،،قعدتي تقولي انا تعبت والحمل بهدلني فمشهجرب الحكاية دي تاني كمل بزهق انسي عمر بقى وخلينا في نفسنا هو عاش حياته ولو قربتي منه بسوء ممكن المرة دي يهد المعبد على دماغنا ،سبق وقلتيلي أنه كاشف شغلك ده من سنين فخلينا نمشي جنب الحيط عشان ميحطناش في تفكيره ،حكم ده أيده بقت طايلة اكتر من الاول  ،.

رقية بندم كنت غلطانة واديني بدفع التمن ،وملهوش لأزمة نقلب في القديم ،اخدت نفس طويل وكملت بقنوط وحقد خلينا نداري على خيبتنا التقيلة ،سكتت لحظات وقالت بخوف لا هو انا انا اتجننت عشان اروح احتك بيه تاني ، طب ده ماصدق يخلص مني ،اقوم اجيب الأذى لنفسي وأخرج وحوش غضبه هو وأخوه الزفت اللي لسه فاكرة نظراته ليا لحد دلوقتي؟.

 ،اطمن ياخويا انا مشهعمل حاجه خالص متخافش ، .

فوزي بفرحة كدا كويس بعدين احنا مشفاضيين للتفاهات دي احنا بنرسم على تقيل اوي ، .

وكمل بفتور ولا مبالاة وان كان على البت فخلاص متزعليش بقى وسيبك منها اهي قاعدة مع جوزها وهو قابل بيها كدا ،.

رقية بسخرية صح عندك حق هو راضي فعلا ،.

كملت باستسلام خليها معاه وخلاص انا مبقاش عندي حيل تانية ادبرها لها هي نحس وفقر من يومها اعملها ايه انا زهقت .

،فوزي بتأييد  اهو ده عين العقل ،.

قومي انهارده الشغل كتير وعايزك تركزي شويا ،كمل بمسايسة ونفاق  عشان يكسب رضاها انا جهزتلك الشاي والفطار في المزرعة ،.

رقية هزت دماغها بموافقة وقالت بهدوء ماشي هات ليا المحمول اكلم البت اطمن عليها وهنزل وراك ،.

فوزي بطاعة اداه ليها وخرج وهي كلمتها وبعدها راحت تشوف وراها ايه

 *****!🥰ندى في بداية جوازها كانت فاكرة انها ممكن تحقق كل اللي نفسها فيه ،هتقدر تجيب ولاد كتير ،هتخرج وتتفسح وتعمل كل حاجه من غير ما يبقى في اي رقيب عليها ،هتسرق جوزها وتاخد ثروته كلها لنفسها ،هتعمل مصنع الملابس اللي بتتمناه طول عمرها ،واللي كان مخليها واثقة أنها هتعمل كل ده بمنتهى السهولة فكرتها عن جوزها ،ماهي اتغرت لما شافته ملهوف عليها ونفسه يجيب لها حتة من السما في الخطوبة .

،ولكنها اخدت اول صدمة في حياتها لما عدى كام شهر ومحصلش حمل .

،ولقت جوزها بيقول لها باستفهام ،ايه يا ندى هو انتي ليه مخلفتيش لحد دلوقتي؟.

 ،ندى بضيق معرفش يا مرزوق ،سكتت شويا وقالت باستغراب بعدين احنا لسه معداش غير كام شهر على جوازنا ،مرزوق بصلها اوي ورد بغضب ،لا يا حبيبتي البقين دول يقولوهم  اتنين مسبقش ليهم الجواز قبل كدا ،قرب منها وقال بخبث ،وانا عن نفسي مشقلقان وده ببساطة عشان مخلف من مراتي الاولى بنت ،وانتي قعدتي سنتين مع الراجل الاول ومخلفتيش ،سكت شويا وقال بتلميح مبطن فياترى مين فينا اللي سبب العطل من عنده؟.

 ،ندى بغضب انت بتقول ايه ،انا سليمة وهوريك كل الورق اللي هيثبت كلامي ،بصتله وقالت بمنتهى الثقة والغرور عمر هو المعيوب والكل عارف كدا ،مرزوق ببساطة اه يعني مش انتي وامك اللي اتهمتيه وفضحتيه ادام الكل ،.

ندى قلبها وقع في رجليها من الخوف وملامحها اتجمدت من الصدمة بس حاولت تتماسك وقالت بنفي وزعيق ،ايه التخريف ده ،مين قالك كل القرف ده ،انا معملتش كدا أساسا ،.

كملت بثبات واهي ، عمر مابيخلفش وانا لما سبته كان عشان ضربني ومشاني بهدوم البيت في نص الليل لوحدي ،.

مرزوق مسك أيدها تعالي اقعدي لحسن هيغمي عليكي وصراحة مشعارف سبب زعلك وانفعالك المبالغ فيه ده ايه .

،كمل بمكر اشربي ميا ياقلبي وبعدين قومي بكل هدوء جيبي  ليا كل تحاليلك عشان هعرضها على دكتور كويس اوي انا اعرفه ،.

ندى حاولت تهدى وقالت بثقة ،ماشي يا مرزوق هوريك الورق ولو الف دكتور شافه هياكدولك اني كويسة جدا .

،مرزوق ضحك باستهزاء وخبطها بهزار وقال بغموض هاتي وخلي بالك انا مشضد انك تكوني بتخلفي بالعكس ،انتي عارفة اني عايز اخلف عيال تبقى عزوة ليا وياخدو كل املاكي ،ندى بصتله بغضب ودخلت تدور على الورق بس اتصدمت لما ملقتهوش في مكانه ،.

دورت عليه بجنون في كل حتة بس مكانش ليه اي اثر ،كانت حاسة أنها مشلولة ومشعارفه تفكر ،وهي واقفه سمعت صوته من وراها بيقول ببرود ،انتي بتدوري على الملف ده؟. ،لفت له بسرعه وقالت بزعيق انت بتعمل فيا مقلب وانت مخبيه؟.

 مرزوق بهدوء ،لا خالص والله ده انتي اللي حطاه في دولابي وشكلك مركزتيش .

،كمل بأمر ،قومي البسي عشان هنروح تكشفي ،ندى بذهول مين دي اللي هتكشف؟." ،مرزوق وهو بيزقها بحدة انتي ياقلبي ومشعايز  جدال ،بصتله بعدائية وقالت برفض انا مش هروح في اي مكان ،وبعدين خد الملف وخلي الدكتور يشوفه ،انا كدا كدا مافيش عندي اي موانع ،.

مرزوق بعصبية انا كريه عيني حد يعاند اصادي ،بتحول ومباشفش انا بعمل ايه ،.

صرخ فيها بكل صوته وهي مقدرتش تنطق ،راحت لبست ومشيت معاه بسكوت ورعب من موجة غضبه اللي اول مرة تشوفها ،.

ولما عملت الكشوفات والتحاليل من تاني ،الدكتور أكد ليهم أن ندى مابتخلفش وده عشان عندها عيب خلقي في الرحم واستحالة أنها تحمل طبيعي ولا حتى عن طريق تلقيح صناعي ، .

ندى مكانتش مستوعبة ،فضلت تهزي كتير وقالت بذهول ،انت كذاب انا بخلف وكل التحاليل بتقول كدا .

،مرزوق وضح ليها بهدوء ،بصي ياختي ركزي معايا عشان المشهد بتاعك ده شفته في الف فيلم حمضان قبل كدا .

،التحاليل بتاعتك دي مشكاملة وكان ناقص فيها كذا تحليل وعملناه وده عشان الدكتور يقطع الشك باليقين بس مش اكتر .

،سالها باستفهام انتي عملتي الأشعات دي فين؟.

 ،ندى بدموع في مركز بلدنا ،.

مرزوق ضحك بسخرية طب يا ست الناصحة الاماكن دي بتبقى مفهاش إمكانيات كفاية ،وكل أجهزتهم مشبتكون دقيقة  ان الناس تعتمد عليها وتاخد منها نتايج مضمونة ،المشكلة كانت باينه من الاول بس الاجهزة ماكشفتش كدا ،.

الدكتور اشفق عليها وقال بحنان ،اهدي يا بنتي وحاولي ترضي بالقدر ، ومحدش بياخد كل حاجه .

،ندى بصت له باستنجاد ،يعني مش ممكن يبقى في غلطة واطلع كويسة؟.

 ،الدكتور بأعتذار  انا اسف بس مركزي ده اكبر مركز خصوبة وإنجاب وعقم في الشرق الأوسط ،.

وكل اجهزتي مزودة باعلى التقنيات ،لسه هتتكلم لقت مرزوق بيضغط على كتفها وقال بشكر تعبناك معانا يا دكتور بس كان لازم تسمع بنفسها عشان لو كنت قلتلها أنها مابتخلفش من الاول ساعة التحاليل الناقصة كانت هتفضل تقاوح على الفاضي ،.

اخدها وسط صدمتها فيه وأنه ضحك عليها وسرق الملف من وراها واكتشافها أنها هي اللي طلعت معيوبة  وافترت على عمر،وبمجرد ما دخلت البيت كلمت رقية وهي منهارة وحكت ليها كل اللي حصل ،رقية من الصدمة أغمي عليها ولما فاقت واستوعبت الكارثة سافرت بسرعة لبنتها ،ولما دخلت ندى جريت عليها وهي بتعيط ،رقية بعدت عنها وقالت بجبروت ،غوري من وشي يا نحس انتي ،كل شويا ليكي موضوع ،انتي ليه مشزي البنات ،ما كل واحدة مع جوزها وعيالها متهنية ،اشمعنا انتي يا غراب البين ،موكوسة وحطة راسي في الأرض ،قعدت احامي ليكي واعمل مؤامرات وفي الاخر طلعتي ارض بور ومشهتعرفي تبقي زي اي ست ،شدتها بعنف وقالت بشر ،اسمعي يا بت انا قرفت منك ومن حياتك ،اياكي اسمعلك صوت بعد كدا ، وحطي ج-زمة في بقك وارضي بنصيبك ،.

كملت بحسرة طول عمري اقل خلق الله بسببك ربنا ياخدك ،ندى مكانتش مستوعبة حرف من كلام امها ،دي بدل ما تضمها وتطبطب عليها بت-كسر نفسها بالشكل ده ،.

حاولت تلاقي صوتها وقالت بوجع ،حرام عليكي ليه كدا ده انا قلبي مق-هور ،رقية بجحود بصي يا ندى انا مبحبش حد غيرك ،بس لو هتجيبيلي أذى أو هتقفي في طريقي عادي مستعدة اد-مرك ،وانتي بمشكلتك دي هتقفي اصاد مصالحي .

،تخيلي لو حد عرف هيعملوني لبانة في بقهم ،والمستور هيتكشف واللي عملته في عمر هيترد فيا يرضيكي؟.

 ،ندى فضلت ساكتة ودموعها نازلة بحسرة ،مرزوق خرج وفضل يصقف بايده بطريقة مسرحية وقال بضحك ،برافو عليكي يا رقية حقيقي ابدعتي ،انا بفكر اعمل ليكي فيلم واسميه ،امراة هزمت  الشياطين بجحودها ،.

رقية بغضب انت بتقول ايه ياض ، شكلك متعرفش انا مين ،مرزوق قرب منها وقال بخبث ،لا يا ستنا الشيخة عارفك كويس تحبي تعرفي من امتا؟.

، قعد ببرود وقال بتهكم ،من اول ما بنتك المتربية لفت نادي القاهرة حتة حتة عشان توقع عريس لقطة وده بعد ما الزبون الاول طار ،.

رقية كانت ساكتة وبتسمعه بكل تركيز لأنها حست أنه مشسهل وجواه كتير .

،اما ندى فمسحت دموعها وحاولت تتماسك وتفهم قصد مرزوق ايه بكلامه ،مرزوق بصلهم اوي وكمل بتوضيح ،طبعا انتو فاكرين اني راجل مغفل ماصدق شاف بت حلوة فجري وراها ،بس دي ابدا مش الحقيقة ركز عيونه  على ندى وقال بخبث ،انا اللي لفت نظرك بتعمد مني ،بينتلك اد ايه انتي واحدة سهلة واي كلب معاه شويا فلوس هيشاورلك هتجري عليه بدون تفكير ،.

انتي اللي أكلتي الطعم مشانا ،رقية بذهول وعدم تصديق انت كداب ،طب ازاي وانت كنت ملهوف عليها بجنون ونفذتلي كل طلباتي؟.

 .

مرزوق ببساطة عادي طب مانا لو شفت عربية حلوة هسعى اجيبها باي شكل ولو هدفع فيها ملايين ،.

ندى بصدمة يعني انا زي العربية يا مرزوق؟.

 ،بصلها وقال بلهفة لا طبعا يا حياتي ،العربية احسن وافيد منك ،كمل بتهكم على الاقل ليها أهمية عنك ،تقدري تقوليلي انتي ايه لزمتك في الحياة؟.

 ،انا هقولك ،لا عرفتي تاخدي شهادة حلوة ولا قدرتي تبقي بنت محترمة ولا هتقدري تجيبي عيال زي اي ست ،وجودك انتي وامك أذى لكل الناس .

،رقية بتحاول تمسك أعصابها لحد ما تفهم منه اكتر ، قالت ببرود واستهزاء هو ده بس اللي عندك؟.

 ،مرزوق فهم أنها عايزاه يقول كل اللي يعرفه ،،ضحك وقال بسخرية باختصار عشان مندخلش في تفاصيل كتيرة ، ،انا جبت كل حاجه عن قظا-رتك  يا رقية وعرفت كل شيء يخص ندى ،ها ايه رايكو؟.

 ،ندى قامت وقالت بزعيق ،طبطالما  انت عرفت الحقيقة كلها في الخطوبة كملت الجوازة دي ليه؟.

،مرزوق بسخرية عجبني سؤالك وهجاوبك عليه ،انا في الاول قلت اهو نتسلى شويا ،وده مكانش طبعي ابدا ،بس لما سالت صحابي اللي انتي حاولتي معاهم عشان تتجوزي واحد منهم ،وحكولي انك كنتي متجوزة قلت ماشي اهو نتجوز واخلف عيلين يبقو سند ليا ، .،كمل باشمئزاز ،بس لما جيت البلد وسالت عنكو ،معرفش ليه مابعدتش ،وحسيت أن ربنا سخرني اجيب حق الناس اللي اذيتيهم يا ندى ،وقررت اني هكمل عشان اربيكي من اول وجديد ،ممكن اي حد ميصدقش كلامي بس انا فعلا ده كان هدفي ،.

ومن فترة  رحت اخدت ورق تحاليلك عشان اطمن فعلا انك كويسة لاني عايز اتاكد انك مشبتحوري ،بس صراحة رد فعلك لما عرفتي خلاني واثق من شيء واحد ،قرب من وش رقية وهمس بشماتة ،ان ربك عادل وخلى بنتك تبقى عقيمة وده لانك اتهمتي واحد بالباطل ،.

كمل بزهق ،هو انا بشرح لمين ،ده انتي بتعملي اسحار هتعرفي ربنا ازاي ،.

رقية لأول مرة تحس بالعجز ده ،مكانتش قادرة تنطق ،طب هتقول ايه ،ماهو مشطبيعي أنها تجوز بنتها كل شويا لحد مختلف ،فكرت بشكل عقلاني وقررت انها هتحاول تخليها على ذمته اهي اسمها متجوزة ومشمهم الخلفة ،.

اخدت نفس طويل وقالت باستفهام طب ناوي على ايه دلوقتي؟.

 ،مرزوق فضل ساكت شويا وقال ببساطة ،عيب عليكي يا حماتي دول بيقولوا عليكي ذكية ،افهمي لوحدك ،رقية حست لاول مرة بمعنى القهر وكس-رة النفس ،لكن ردت بكل ثبات ،تقصد هتتجوز صح؟.،مرزوق بضحك شاطرة واظن ده من حقي ،ندى صرخت بكل صوتها وقالت بقوة ،نعم انت شكلك كدا جرى لمخك حاجه ،على جثتي لو ده حصل ،.

مرزوق مسك دراعها بعنف وقال بغضب ،قسما بالله لو صوتك علي عليا تاني لهوريكي اللي ماشفتهوش ،.

زقها ناحية امها وكمل بوقاحة ، انا هتجوز يا ندى ولو عايزة تمشي غوري في داهية مع امك ،بس هتمشي بهدوم البيت بس بجد المرة دي مش تاليف ،.

ندى بغضب انا اصلا مشعايزة اكمل معاك ،بصت لرقية وقالت باستغراب مالك ساكتة ليه كدا يلا نمشي ،رقية تجاهلت بنتها وقالت بكره مخفي ،ماشي يا مرزوق اتجوز بس ندى هتفضل معاك ،مرزوق ببرود ماشي ،لكن لو عملت اي تصرف تضايق بيه مراتي اللي هتجوزها هزعلها وهي لسه ماجربتش زعلي ،.

ندى بهستيرية انتي بتقولي ايه ،مستحيل ده يحصل ،رقية خرجت كل غضبها فيها ،ومسكت شعرها بقوة وقالت بشر ،عارفه لو ماسكتيش ونفذتي اللي بقول عليه ،انفاسها عليت بشكل خلى ندى عيونها توسع من الذهول والرعب ،وهمست بالم سيبي شعري بقى ،.

رقية مسمعتش منها وضربتها بقسوة ،وقالت بغل ،اخرسي يا بت عايزة تطلقي تاني وانتي مكملتيش كام شهر جواز ،عايزة الناس تاكل وشي وتشمتيهم فيا ،لا مشهسمحلك يا بنت فوزي ،انتي هتفضلي هنا ومشهتخرجي غير على ضهرك ،كملت بتحذير ،اياكي تجيلي شكوى منك ،خليكي تحت رجليه ،ماهو كنا بنتشرط عشان كنتي فاكرة نفسك ياما هنا ياما هناك ،لكن دلوقتي بقيتي معيوبة ولازم توطي للريح عشان تعدي ،ندى بوجع لا متقوليش معيوبة دي بتقتلني ،رقية بقنوط هنعمل ايه ،الدنيا كلها بتخلف وعلى حظك ياختي الرزق وقف .

،مرزوق دخل جاب لب وقعد يتفرج عليهم بمنتهى البرود ،قال باستهزاء خلاص يا حماتي انا هجيبلك اخر الفيلم الهابط ده بقى عشان اللب خلص ، .

قام واخد ندى وهمس بوعيد ،قابلي اللي جاي يا ندوش وعايزك تستمتعي معايا ،بص لرقية وقال بقلة ذوق ،خلاص هي هتسمع كلامك ،يلا بقى غوري من هنا ومشعايزك تيجي هنا تاني اظن كلامي مفهوم ،.

رقية بذهول انت بتطردني من بيت بنتي ،مرزوق زق ندى بحدة وقرب من رقية وهو بيشدها لبرى البيت وقال بعصبية ،اسمه بيتي انا ،ونادى على الحرس وقال بأمر ،لو الست دي دخلت هنا تاني اتعاملو معاها ،رقية صرخت بجنون والله لهوريك يا مرزوق أن ما طلعت عفاريتي عليك مبقاش انا ،.

زقها بقرف يلا امشي بقى ،زعقت بحدة ياخويا غور انت وبنتي مشعايزة اجي هنا تاني اصلا

 ****!🥳ندى مكانتش مستوعبة اي حاجه حصلتلها  ،معقول امها تعمل فيها كدا ،تذلها وهي اللي تسمح لمرزوق يبيع ويشتري فيها لدرجة أنه هيتجوز عليها ،قعدت تعيط لحد دموعها ما نشفت ،ملقتش اي حد جنبها يواسيها ويهون عليها كل الصدمات دي ،مرزوق بدء معاها رحلة عذاب نفسية ومعنوية ،.

واول حاجه عملها منعها من الخروج واخد منها أي فلوس معاها ،حتى لبسها بيخلي اي حد بيشتغل عنده يجيبه لها ،لو حبت تاكل من برى بيطلب ليها ومبيسمحلهاش تروح لحد باب الڤيلا ،ومبيخرجهاش غير للضرورة بس وفي أضيق الحدود ،.

ثارت وزعقت كتير بس ولا مرة اهتم بكلامها ،.

تجاهلها تماما وكأنها مشمراته ولا تخصه ،اعتبرها زي أي قطعة ديكور في البيت ،حتى الاكل بطل يقعد معاها على سفرة واحدة ،لو صدفت واتكلم معاها بيفضل يعايرها ويفكرها أنه مخليها على ذمته شفقة لأنها مابتخلفش ،بيهينها في كل لحظة ،.

واكبر صد-مة كس-رت غرورها وط-عنت أنوثتها في مق-تل لما فاجءها واتجوز وجاب مراته الجديدة عشان تشوفها .

،وبمجرد ما عرفها عليها مستحملتش واغني عليها ،مرزوق بصلها ببرود ومشي هو ومراته وسابها على الأرض ،.

فاقت وفضلت تص-رخ بهزيان وعدم تصديق ،.

قلبها اتملى بالوجع والحسرة ،عدت فترة كبيرة على الوضع ده .

،مرزوق خلف وراح يعرف كل البلد أن ندى كدابة واداهم كل اشاعاتها ،الكل كان فرحان فيها ،بقو بيلقحو على رقية في كل مكان .

،ربنا رد اعتبار عمر والحقيقة كلها بانت ،.

ندى بقت بتكره الكل اكتر واتمنت تنتقم من الناس ،واولهم مرزوق ،.

وفضلت تفكر شويا لحد ما وصلت لحل هيخرجها من اللي هي فيه ،مسكت فونها ودخلت على غرف الدردشات المش-بوهة وقررت انها هتسلي وقتها عشان تبطل تفكير ،.

وبكل وقاحة بدءت تتعرف على شباب كتير ،مبقتش بتسيب الموب من أيدها ،بتتنقل من شات لشات بدون اي خوف من ربنا ،.

وتطور الأمر معاها من مجرد شات كتابة لمقاطع صوتية ،ومن مقاطع لمكالمات صوت ،لحد ما وصلت لمقاطع الڤيديو والمكالمات بدون ذرة خجل ،.

وكلمة جابت ١٠ لحد ما وصلت معاهم لنقطة التهديد زي ماحنا فاهمين ، .

ولما رفضت ،قرر شاب فيهم أنه هيف-ضحها بكل الصور والفيديوهات لو مانفذتش طلبه ،.

ندى بدءت تحس بالكارثة اللي وقعت نفسها فيها وفي لحظة فكرت طب لو مرزوق ورقية عرفو هيعملو فيها ايه؟.،قامت بسرعة وقفلت كل حساباتها ومسحت اي حاجه ممكن تدينها ،.

ابتسمت بفرحة أنها خلصت من الموضوع ده وعدى بسلام ،.

وهي بتقلب في الفيس ،لقت صور فرح عمر مع مراته ،.

دموعها نزلت بندم وقالت بقه-ر ،ياريتني كملت معاك يا عمر ،انت احن انسان في الدنيا ،قدمتلي كل السعادة والاهتمام ،بس انا خنتك وهديتك بكل قوتي ،.

بصت ل كنزي والغل ملاها ،وده لانه سعيد معاها وعيونه بتلمع بالفرح ،.

فضلت تقلب في الصور اللي محطوطة ليهم في جروبات البلد وان-هارت اكتر لما شافت حفلة السبوع ولقت عمر شايل طفل وأخوه عمار معاه طفل ،طب ده معناه ايه؟.

 ،يعني انا خسرت كل حاجه؟.

 ،انا ليه حظي وحش اوي كدا؟.

 ،انا فاشلة في كل  شيء ،شهقاتها عليت وفضلت ترزع راسها في الحيط ،مرزوق شافها وقال بتهكم ،بقالك سنين بتبكي على اللبن المسكوب ،مشكفاية ندب بقى ولا ايه؟.

 ،كمل بكره انا لما بشوفك قلبي بيتقبض وبحس بشر داخل عليا ،سواد روحك معكوس على ملامحك ،ندى بعصبية غور من هنا بقى ده كان يوم اسود لما اتعرفت عليك ،.

مرزوق بصلها باح-تقار وقال باشمئزاز ،تصدقي انا بلوم نفسي في كل مرة بوجه ليكي كلام ،.

انتي نكرة وبحس اني بهين نفسي معاكي ،.

انا لو عليا اطلقك واخلص منك ،بس خايف على الناس من جبروتك ،.

مشي وهي متهزتش من كلامه ماهي كرامتها هانت عليها وبقت عديمة الاحساس من زمان

**!🥳في مكان تاني مليان بالشر والغل ،كان قاعد راجل كبير ملامحه حادة وعينه كلها حقد وغضب ،وده يبقى الشيخ ممدوح اللي رقية خا-نته واخدت الزباين منه ،.

كان بيحاول يفكر ازاي يد-مرها وينهي عليها ،ومجاش في دماغه غير حل واحد ،.

وهو أنه يشتري فوزي ويخليه يخ-ون رقية ويسلمه رقبتها ،.

حب الفكرة دي وقرر ينفذها في اسرع وقت ،رقية افترت كتير ولازم تتحاسب على كل جرايمها ،.

وفعلا كلم فوزي وقابله والغريب أنه متهزش ووافق بمنتهى البساطة ،.

وده لانه بيكرهها ونفسه يقضي عليها بس كان مستني فرصة تيجيله وحد قوي يدعمه ،.

ممدوح اتفق معاه على الخطة وقاله أنه هيديلو مبلغ خرافي مايحلمش بيه ،بس يخلص منها في الكام يوم اللي جايين دول ،.

فوزي اتحمس جدا وبدء يجهز كل حاجه وأقسم أن عقابها هيكون على الملء ادام الكل

***!🥳عند ندى كانت قاعدة بتقلب في الموب سمعت الباب بيخبط ولما فتحت لقت الحارس بيديها ظرف مقفول ،.

استغربت جدا ودخلت وات-صدمت لما فتحته وشافت ليها صور في أوضاع هي عارفاها كويس ،.

قلبها دق بع-نف وحست بالأرض بتلف بيها ،.

مسكت فلاشة كانت موجودة مع الصور وقامت ببطء وهي رجليها مشقادرة تشيلها ،وفتحت اللاب وعيونها خرجت من مكانها لما شافت ليها كل مقطع فيديو اتصورته مع اي حد ،.

كان زي فيلم طويل مالهوش نهاية ،كل تصرف ق-ظر هي عملته محطوط على الفلاشة دي .

وفي آخر الڤيديو كل شاب اتعاملت معاه ،وسمعت الشاب اللي طلب منها تروحله بيته بيقول بكل شماتة :،ها يا مزتي ايه رايك فيا ،.

اديني دفعت دم قلبي عشان اجمعلك كل شغلك على ڤيديو واحد عشان تفتخري بنفسك ، ده انا استاهل صقفة كبيرة على اجتهادي ده ،.

ندى بج-نون مسكت فونها وطلبت رقمه اللي حفظاه عن ظهر قلب ،فضلت ترن مرة ورى مرة وهي مر-عوبة وحاسة أن روحها هتطلع من كتر الخوف ،.

ماردش عليها وبقت زي الم-جنونة ،عمالة تك-سر في كل حاجه وتق-طع هدومها وشعرها من كتر الندم ،.

دماغها رسمت لها اسوء الاحتمالات ،.

فضلت سهرانة وعيونها مبتشفش النوم نهائي ، .

بقت بتشرب قهوة بكميات مهولة عشان تفضل صاحية يمكن يرد عليها ،واللي د-مر حياتها لما شافت كل صورها منشورة في كل المنصات الإلكترونية ،.

فض-حها في جروبات البلد وعند كل معارفها واللي سهل له مهمته أنه بعت لها لينك هاك اخترق كل أجهزتها ،.

مكانتش عارفه تعمل ايه ،اتجمدت في مكانها ،رقية لما شافت الصور فضلت تص-رخ بعزم ما فيها وفوزي ل-طم على وشه وقرر أنه لازم يروح يق-تلها ،وقبل ما يخلص اليوم ده وصل لعندها ولما فتحت له ،من غير كلام د-بحها وط-عنها طع-نات متفرقة في جسمها ,.

 وبعدين رمى عليها مياه ن-ار ،وقال بغ-ضب مو-تي يا زبا-لة جبتلنا الع-ار ،.

فضل يحط على جسمها المادة الكاوية دي لحد ما جثتها دأبت ومبقاش منها غير يادوب هيكل عظمي بدون ملامح ،.

ابتسم بارتياح عشان خلص منها ،ولما بص وراه شاف مرزوق بيقول بغضب ،اهو انت وفرت عليا كتير بدل ما انا ادخل في واحدة زي دي الس-جن ،.

رقية لما شافت فوزي مسافر وفي عينه إصرار أنه يم-وت بنتها ،قررت انها تروح وراه يمكن تلحقه ومتخلهوش يعملها حاجة ،.

ولما وصلت وشافت منظر بنتها جالها حالة ذهول ومنطقتش بحرف ،.

ممدوح جمع ناس كتير من البلد وراحو عشان يشمتو في رقية ،وفرحو من قلوبهم لما شافووهم بالمنظر ده ،.الكل صورهم وحط الصور على النت وبقت سيرتهم على كل لسان ، .

وقبل ما البوليس يجي ممدوح جاب جاز وح-رق الڤيلا بكل اللي جواها ،.

الن-ار بقت للسما والتهمتهم بمنتهى الشراسة ،.

كل الناس حسو أن ربنا ان-تقم لهم وجاب حقهم لغاية عندهم ،.

ورغم أن الن-ار اكلت لحم رقية إلى أن روحها الشريرة مشعايزة تخرج ومتعلقة في حلقها ،.

عيونها مفتوحة وزي ماتكون ملائكة الع-ذاب بتد-مر روحها بالبطيء ،.

الكل كان مذهول وحسو بالرعب ودعو ربنا يخقفف عنهم غضبه ،.

وفضلت تطلع في الروح لمدة ٦ ساعات ،البوليس جه واخد جثث ندى ومرزوق وفوزي والظابط جاتله حالة عياط هستيري من منظر رقية .

واخيرا انتهى عهد رقية وظلمها للابد وطلعت روحها عشان تلاقي الحساب الأليم اللي ربنا وعد بيه العباد اللي شبه رقية وأمثالها ،ربنا اللي اداها ألف فرصة تتوب وعمر قلبها ما اخد عظة ابدا ،قبضو على ممدوح ووجهوله تهمة الق-تل العمد وحكمو عليه بالا-عدام ،والحادثة دي كلها اتصورت ونزلت على النت وده لما حد من الحرس شاف فوزي داخل ومعاه سك-ينة ،دخل وفتح الڤيديو عشان يشوف هيتصرف ازاي .

وبكدا نقدر نقول إن المجرمين كلهم  اخدو جزاءهم  ووقعو  في ش-ر أعمالهم".

*!🥳 في ڤيلا السعدني كانو كلهم متجمعين وباين على وشهم الاستغراب ،نجلاء بحزن ربنا يكفينا شر الفضايح ،دول ماتو بطريقة صعبة اوي ،عمار بشماتة احسن انا فرحان فيهم من قلبي ،دول كانو جبابرة وشياطين ،نجلاء باستنكار لا يابني حرام عليك متشمتش في حد ،ده الا المرض والموت مينفعش نفرح فيهم ،بعدين ربنا عاقبهم كفاية ،عدي بتأييد عندك حق يا ماما ،وبعدين بدل ما نشمت فيهم ندعي ربنا يعصمنا من الفتن ،اصل كل اللي كانو فيه ده فتن وغضب من ربنا عليهم ،نجلاء دعت ربنا يكفيهم شر الخلق ،.

اما عمر فكان ساكت بشكل غريب ،كنزي مسكت أيده وقالت بحب مالك ياحبيبي سرحان ومشمعانا ليه ،عمر اتنهد وضمها لحضنه وقال بابتسامة ،انا تمام ياقلبي بس بستغرب أن ربنا جابلي حقي وحق ناس كتير منهم بعد مرور كل السنين دي ،.

كنزي برقة عشان ربنا مبينساش عبد له اتظلم ،ربك يمهل ولا يهمل ،.

عمر اخد نفس طويل وقال بيقين انا كنت واثق في كرمه عليا ،كنزي بحب ربنا احن علينا من نفسنا ،كملت بسعادة مالية عيونها ،مين كان يقول اني اتخطى كل الماضي وابقى معاك وانا طايره من الفرح ومشفاكرة منه غير ذكريات اهلي اللي بدعيلهم أن ربنا يرحمهم ،.

عمر بص لها بعشق وقال بفرحة وعدم تصديق ،ومين برده كان يصدق اني بمجرد ما اشوفك وتبقي معايا تنسيني اي وجع عشته قبلك وده عشان غمرتيني في بحر حنانك يا كنز حياتي انا ،.

ضمها بقوة وهمس لها بوله وحشتيني والعيال دي اخدوكي مني ،.

كنزي بحب محدش ابدا يقدر ياخدني منك او حتى يبعدني عنك ،.

عمار بصياح معلش للحب ،بس راعو اننا معاكو يا شباب ميصحش كدا ،.

كنزي اتكسفت وكانت هتبعد ضمها ليه اكتر وقال بسخافة ،.

لو مش عاجبك امشي من هنا ومتزهقناش ،.

عدي بشماتة جدع يا عمر اديله ابو لسان طويل ده ،نور بضحك انت عارف أن في حد بيسد اصاده بردو؟.

 ،عمار ببرود مانت عارف يا ديدو متخلقش اللي يعلم عليا واهي مراتك قالتلك ، بص لعمر وقال بمرح ،انا مشهرد عليك بس عشان كنزي هنا بس لو هي مشيت هظبطك وانت فاهم ،.

كنزي بمرح وفضول لا بالله اعتبرني مشموجودة واتعامل عادي بلييييز يا عمار ،.

فريدة بهزار شكلك هتتروقي يا كوكو ،.

عمار بص لمراته وقال بمرح بس يا حبيبتي متخوفهاش يا ديدا ،.

عمر بمشاكسة بقى كدا عايزة يحفل عليا اصادك ،كنزي برقة مصطنعة لا طبعا ياحبيبي متقولش كدا ،.

فضلو يهزرو شويا لحد ما كنزي راحت للولاد وهو جه من وراها وهمس باشتياق ،ايه مشنيمتيهم تعالي عشان اقعد معاكي شويا ،.

كنزي بتعب دول طلعو عينيا ،كل شويا حد فيهم يصحى ،عمر بتقدير باس أيدها وقال بتهوين  معلش حبيبي هما متعلقين بيكي اوي ،.

وده صراحة انا بعذرهم فيه ،.

كنزي باستغراب ليه بقى ،عمر أخدها وقعدها وقعد جنبها وقال بعشق ،عشان انتي مذهلة ،.

كنزي بفرح انا بكون مبسوطة اوي لما بتقولي الكلمة دي ،

عمر ابتسم بس دي مشمجرد كلمة عادية دي وصفك يا نور عيني ،انتي فعلا مذهلة ،مذهلة في شكلك وجمال روحك وتفانيكي في شغلك ،مذهلة في عشقك وجمال عيونك الجميلة دي ،مذهلة ببراءتك وطيبة قلبك ،.

كنزي بعشق وانت المنقذ ،.

اخدتني ومسحت أوجاعي من غير ماتفتح سيرة في اي حاجه فاتت ،اكتفيت بكلامنا اول مرة وافعالك هي اللي عبرت عن رد فعلك ،.

عمر حاوط كتفها وقال بصدق بس انا معملتش حاجه ؟.

،انتي بإرادتك وإصرارك انك تخرجي نفسك من سجن الاوجاع هو اللي ساهم معايا في اني اخليكي توصلي لبر الامان ونعيش سوى كل اللي اتحرمنا منه ،.

بصلها وقال باستفهام مبسوطة مع ماما والبنات ياروحي؟.

 ،كنزي بحب لو قلتلك اني بحمد ربنا أنهم دخلوا حياتي هتصدقني؟.

 ،كملت بتنهيدة ،عمر انا معاهم بلاقي نفسي بجد ،وبحس بجو العيله اللي اتحرمت منه ،.

ماما لما بتحضني وبتطبطب عليا وبتهون كل حاجه بشوفها بحس بسعادة ملهاش وصف ،حرصها اني ارتاح ومشلش هم الولاد ده بيخليني ادعي ربنا أنه يخليهاليا وماتحرمش من حنانها ابدا ،.

كملت بشغف وامتنان ، دي بتعمل كل شيء عشان اكون مبسوطة ، .

بتجيبلي الاكل لحد عندي في السرير ، .

بتسهر بالولاد عشان تخليني انام ، .

عمري ما هنسى لهفتها عليا يوم الولادة كأنها امي واد ايه اتأثرت بدموعها وكنت مشلاقية اي وصف لسعادتي في اللحظة دي ،.

اما بقى البنات فدول عوضي من الدنيا ،.

اعتبروني اخت ليهم ودخلوني في دايرتهم المغلقة ،بقو اصحابي وبنعمل كل حاجه سوى ،.

شالوني كتير وقت الولادة لدرجة أنهم كانو بيتسابقو على مين هيديني شاور قبل مين ،.

اخدت نفس طويل وقالت بتساؤل ،تفتكر كل ده ومشهبقى مبسوطة؟ ،.

انا اتحرمت من عيلتي وماصدقت يبقالي عيلة يحبوني واحس بوجودي وانتماءي ليهم ،عمر كان بيسمعها وعيونه مليها الفخر وقلبه كله عشق وحب كبير ليها ،.مكانش لاقي اي كلام يعبر بيه عن مشاعره ، وحس في الوقت ده أن في طرق تانية هتعبر عن كل العشق والغرام اللي حاسس بيهم ، .

وفي يوم وكلهم قاعدين كنزي أعلنت ليهم أنها حامل ،عمر مكانش مصدق أن ربنا هيمن عليه تاني بالسرعة دي ،مسك أيدها وقال بعدم تصديق ،حبيبتي انتي حامل بجد ،كنزي ابتسمت بخجل اه ياروحي عمر ضمها اوي وقال بفرحة الحمد لله انا سعيد لدرجة ماتتوصفش ،كنزي وهي مستكينة في حضنه ،همست برقة حبيبي انت تستاهل كل حاجه جميلة لانك طيب وحنين اوي ،عمر بشغف رفع وشها ولسه هيقرب منها ،لقى عمار بيهيص بصوت عالي ،هاااااي  عمر مالك يا كبير احنا هنا بتعمل ايه ،.

كنزي وشها اتحول لكذا لون من الخجل ،عمر حاوط كتفها وقال بعشق ،انا فعلا وانا معاها بنسى نفسي والزمن وكل حاجه ،.

نجلاء بحب ربنا يسعدكو يا حبيبي ،كملت بهزار معلش يا عمورة سيبها نبارك ليها وابقى انفرد بيها براحتك ،عمر بطاعة تحت امرك يا ست الكل ،.

عدي بحماس تصدق ياض يا عمر فتحت نفسي وبفكر اجيب تاني ،نور مسكته بهزار وقالت بشر ،بتقول ايه يا دكتور؟

 ،اياك شف اياك المح الشغف اللي ظاهر في عينك ده خالص ،.

عدي بهدوء شال أيدها وقال ببرود ايدك بس عشان متزعليش ،بعدين ايه المشكلة لو خلفنا مرة كمان؟.

 ،نور بتعب ارحمني هو انا عارفه اسد مع دول ،ده كفاية الزن في حد ذاته يخليني اقتل الفكرة في مهدها لو جات على بالي ،.

عمار بهزار  ،اسكت ياض كفاية كدا دول سواء  ولادي أو ولادك بالف عيل اقسم بالله ،.

عمر باستنكار بس ياخويا منك ليه دول روحي ونور عينيا ،نجلاء بابتسامة ربنا يحفظهم كلهم وأشوف سيلا و ياسو زيهم واستقبلهم  كل يوم من المدرسة ،يااه ،اد ايه حاسة أن اليوم ده بعيد بشكل ، .

فريدة بحب إن شاء الله هتشوفي كل احفادك وهما في الجامعة وتجوزيهم بنفسك ،كنزي حضنت نجلاء وقالت بمرح ايوا وتفضالنا عشان تدلعنا بدل ما العيال واخدينها مننا ،.

نجلاء بفرح من اهتمامهم ،حبايبي تسلمو ليا وتفضلو ملمومين في حضني دايما يارب ،.

نور قربت منها وقالت بحب ،انتي عندنا فوق الكل يا اجمل ماما ،كلهم اتجمعو اصاد امهم وكانت سهرة جميلة كالعادة ،.

وبمرور الوقت عمر كبر في شغله وفتح فرع جديد للشركة وده بمساعدة كنزي وأخواته ليه ،.

وفي يوم كنزي وهي في الشغل صرخت واخدوها على المستشفى وسط رعب عمر عليها ،نجلاء والبنات كانو معاها لحد ما رزقها ربنا بطفلين تاني ،.

عمر دموعه نزلت من كتر فرحته ،عمار مسح دموعه وضمه وقال بسعادة مبارك يا عموري يتربو في عزك يا غالي ،.

عمر اخد نفس طويل وقال بابتسامة ،حبيبي يا مارو مبروك ليك بردو ماهم ولادك زيي ،.

عمار بمرح ده اكيد ومشبمزاجك ياخويا ،عدي خبطه بخفة وقال بهزار ياض نفسي تعدي جملة من غير ما تحط التاتش بتاعك ،عمار بسماجة انا براحتي يا دكترة ،كمل بمشاكسة بعدين انت عارف أن لو ماكنتش في حياتكو كانت الدنيا هتخرب ،.

عدي بصله بياس وماردش عليه وبارك لأخوه هو كمان ،.

كنزي خرجت وعمر ساعدها ترتاح في اوضتها والكل دخلها وباركو ليهم ،.

وبعدها انسحبو ولما فضلو لوحدهم قرب منها ومسك أيدها بحنان وهمس بعشق ،انا قلبي هيخرج من مكانه من سعادته بيكي وبولادنا ،الف الحمد لله على سلامتك ياروحي ،كنت هموت من قلقي عليكي ،كنزي بوهن الله يسلمك يا عيوني ،.

كملت بتساؤل ،فين ياسين و اسيل؟.

 ،عمر باس جبينها بحب وقال باطمئنان ،حبيبي هما في بيت ماما مع الناني وباقي الولاد ،.

كنزي باستفهام ،ها ياقلبي هتسميهم ايه بقى؟ ،.

عمر بشغف وحماس ، مالك و ادم ،.

كنزي بإعجاب حلوين اوي ياحبيبي ،حضنها اوي وهمس بدعاء يارب يحفظكم ليا واقدر اديكم كل السعادة واحققلكم كل اللي بتتمنيه انتي وهما ،.

ضحكت برقة وقالت بثقة ،انا متأكدة من ده عشان انت مافيش منك ابدا يا اغلى من روحي ،.

وبعد اسبوع عملو حفلة ضخمة جدا للسبوع وكانت الأجواء كلها مرح وحب وبس ،وفي اخر الحفلة اخدو صورة جماعية ليهم كلهم ،.

عمر وكنزي ،عدي ونور ،عمار وفريدة ،ونجلاء كانت واقفه بينهم وكل الاحفاد ادام ،.

صورة كلها حب حقيقي ،فيها عيون مليانة بالعشق ،جمال روحهم طاغي على جمال ملامحهم   ،.

عمر وكنزي اتنين عانو من قسوة الماضي وربنا عوضهم ببعض ،قلوب عانت من مرارة الخذلان وربنا اكرمهم وأصبحت قلوب دواها العشق والغرام ،.

ربنا لما بيعطي بيدهشنا بعطاؤه وفيض كرمه ،وبكدا اقدر اقول اني نهيت القصة بس بعد ما تعافت الروح من كل ندوب الذكريات 

 "****!🥳 #خيانة الروح بقلمي #دينا رأفت 

******!🥰