رواية خيوط الحب الفصل التاسع وعشرون والثلاثون بقلم الكاتبه جنات حصريه وجديده على مدونة موسوعة القصص والروايات
رواية خيوط الحب الفصل التاسع وعشرون والثلاثون بقلم الكاتبه جنات حصريه وجديده على مدونة موسوعة القصص والروايات
#روايه خيوط الحب
#الكاتبة جنات
#البارررررت29/30
روايه خيوط الحب
««الفصل ٢٩»»
عند الشباب فى فيلا يوسف
صفاء بتعيط:انتو هتفضلو قاعدين وسايبين البنات كدا
يوسف:احنا بنعمل اللى علينا والبنات هيرجعو متخافوش
هناء بتعيط:بنتى فى الاواخر ياولاد خايفه عليها يجرالها حاجه
عزام قرب منها وقعد قدامها على ركبته:هترجع وصدقينى لو حد مس منها شعره واحده ههد الدنيا دى كلها
هناء:ربنا يطمنك يابنى يارب
عزام خرج من الفيلا ووقف فى الجنينه وكان جواه ناار مش قادر يطفيها هو اصلا خايف لا ده مرعوب علي نور حياته بس لازم يكون هادى عشان خاطر اللى حوليه حس بايد على كتفه وكان يوسف:بتحاول تطمنها طب طمن نفسك الاول
عزام:جوايا نار يايوسف ناااااار
امير خرجهم:كلنا زيك يا عزام بس لازم نفكر براحه عشان خاطر البنات محدش فيهم يتأذى
يوسف:امير كلامه صح
الشباب شافو عربيه داخله الفيلا وكان مراد ومروان
*****************
الباب اتفتح والبنات حضنو بعض بخوف ودخل شادى:نورتووو ياغاليين
نورة وفيروز:شااااادى
شادى:اه شادى يابنت عمى تصدقى وحشتينى
فيروز:انت عايز ايه مننا
شادى:كل خير يامزز .. هعمل مكالمه بسيطه ليوسف باشا وعزام باشا ومننساش امير باشا طبعاا وهطلب منهم حاجه بسيطه جدااا لو نفذو طلبي هترجعو ليهم بسلامه غير كدا هترجعو جثث ان شاء الله
البنات شهقو بخوف ونورة حطت ايدها على بطنها بخوف
شادى بصوت عالى:رعــــــــد
دخل رعد:امرك ياباشا
شادى:اتصل على ابن الصياد
رعد طلع فونه:حاضر ياباشا
ورن على رقم يوسف
*****************
عند الشباب
عزام: ومين رعد ده
مروان: رقم العربيه اللي انتو بعتهولى ده صاحبها
يوسف: انا مااعرفش حد بالاسم ده
امير وعزام:ولا انا
فون يوسف رن برقم غريب مردش عليه
مراد: مين بيرن عليك يايوسف
يوسف:ده رقم غريب مش وقته
عزام:رد يمكن حاجه مهمه
يوسف رد:الو
شادى:ازيك ياابن الصياد
يوسف بص لشباب وفتح الاسبيكر بسرعه لانه عارف صوت شادى كويس
يوسف:ازيك ياشادى باشا
الشباب قربو من يوسف عشان يسمعو ومراد شاور ليوسف يتكلم معاه كتير وكتب الرقم بسرعه وراح بعيد عنهم وكلم ناس تبعه وقالهم يعرفو الرقم ده فين بظبط ورجع تانى لشباب
شادى:انا قولت اكيد المزز وحشوكو قولت اطمنكو عليهم
يوسف:انت بتتحامى فى الحريم ياراجل
شادى:هو طلب تنفذو هيرجعو ليكو غير كدا جهزو قبرهم
الشباب بصو لبعض
يوسف:عايز ايه
شادى:تتنازلو عن القضايا وتسبونى فى حالى
يوسف:عزام ممكن يتنازل عن القضيه الخاصه بشركته بس انت ناسي انك قتلت شيرين وكمان فى راجل غلبان مات بسبب العمارة اللى وقعت وده مش فى ايدينا
شادى:مش مشكلتى انا عايز اسافر برا البلد وده مسؤليتكو انتو
شادى بص لرعد وقرب من نورة وشدها من دراعها وعزام اتجنن لما سمع صوت نورة بتصرخ
شادى:انا عارف ان عزام باشا معاك واكيد خايف على مراته وولاده ولا ايه
عزام:ورحمه امى لو جيت جمبها موتك هيكون على ايدى
نورة كانت سامعه صوت عزام هى والبنات لان شادى فاتح الاسبيكر
نورة وهى بتعيط:عزام
شادى بعصبيه:اخرسي انا قولتلك انطقى ولا اتكلمى
شادى زق نورة بقوة والبنات سندوها بسرعه
نورة:ااااااااه
فيروز:نورة انتى كويسه
تقى:انت متخلف يابنادم انت مش عارف انها حامل
رعد ضرب تقى قلم بكل قوته وقعت على الارض
فيروز:انت شايف ان دى رجوله لما تمد ايدك على بنات .... هو انا بكلم مين اصلا هو حضرتك تعرف ولا سمعت قبل كدا عن الرجوله
الشباب كانو هيتجننو وهما سامعين صوت البنات
مراد فونه رن وبعد عن الشباب وورجعلهم تانى وشاورهم انهم عرفو المكان
عزام:انت عايزنى اتنازل عن القضيه مش كدا حاضر هتنازل بس فى المقابل اياك تلمس البنات ولو لاقينا فيهم خدش واحد قول على نفسك يارحمن يارحيم
شادى:وانا موافق سلام بقي
الشباب ركبو عربياتهم بسرعه
عزام ويوسف فى عربيه وامير ومحمود فى عربيه ومراد راح على القسم عشان يجيب قوة ويروح وراهم ورأفت ورجالته ركبو العربيات وراحو وراهم
*************
عند شادى والبنات
شادى:والله طلعو بيحبوكو اوى يبختكو والله ويبختهم بردو
شادى خرج هو ورعد والبنات حضنو بعض وعيطووو جامد
فيروز بعدت عن البنات:صدقونى هيجو وهنخرج من هنا ومافيش واحده فينا هيحصلها حاجه وده انا متاكده منه
تقى:انا كمان واثقه جداا فى امير والشباب
فيروز بصت لنورة:وانتى يانورة
نورة وهى حاضنه بطنها:واثقه جداا فى عزام ويوسف بس انا خايفه على ولادى
فيروز:مش هيحصلهم حاجه ادعو اننا نخرج من هنا بسلامه
البنات كلهم:يارب
تقى:هنعمل ايه الوقت
فيروز:تعالو ننام
نورة بصتلها بصدمه:انتى بتتكلمى بجد هنام ازاى يعنى واحنا فى مكان غريب مع ناس منعرفهاش
فيروز:ماقولتش ننام نوم يعنى بس نريح نفسنا وجسمنا شويا على السرير
تقى:صح عشان انتو حوامل يلا
البنات ناموو على السرير فى حضن بعض وباصين لسقف
فيروز بصتلهم وشايفه الخوف فى عيونهم حبت تغير تفكيرهم شويا:تفتكرو انا هجيب بنت ولا ولد
نورة:حساكى هتجيبى ولد وهيكون شبه يوسف جدااا
فيروز بصتلها:ايه العنصريه دى ولا عشان اخوكى يعنى
نورة ضحكت:لا والله بس بجد حساه ولد
تقى:ناويه تسمى ايه يانورة
نورة:مش عارفه لسه كل مااقول لعزام نفكر فى الاسماء يقولى سيبى الاسماء يجو معاهم
فيروز:عنده حق لما ينورو بسلامه هتلاقى نفسك لاقيتى الاسامى
نورة:تعرفو ان بكرة اول يوم فى الشهر التامن
فيروز:لسه شهر ويشرفو الحلوين
تقى:بقولك ايه اهم حاجه تولدو قبل فرحى
فيروز:هى وقربت تولد وانا فى اواخر الثالت اهو وحضرتك لسه اكتر ٦ شهور على فرحك
نورة ضحكت:تحسي من كلامها انهم هيخللو جوانا
البنات ضحكو وفضلو يتكلمو كتير لحد ماتعبو ونامووو
********************
عند الشباب وصلو فى مكان قريب من المكان اللى فيه البنات ونزلو من العربيات اللى ركنوهم بعيد عشان رجاله شادى مياخدوش بالهم وكان معاهم الحراسه كلها
يوسف:لازم نتحرك بحذر ياشباب
عزام:يلا وانت يامحمود انت ورأفت هتفضلو بعيد لو اتاخرنا تتدخلو
محمود:بس ياباشا
امير:مش لازم نروح كلنا عشان منلفتش انتباهم
عزام ويوسف وامير اتحرك براحه ولان الدنيا ليل محدش شافهم ووصلو ورا البيت القديم وكان فى جراكن بنزين كتير
عزام بص لشباب واتكلم بهمس:هنولعهم عشان يجو هنا ونخلص عليهم واحد واحد وانا هلف وادخل البيت
امير:بس كدا ممكن تمسك فى البيت والبنات جوا
عزام:هنخرجهم متقلقش يلا
يوسف:تمام
امير ويوسف بداو يكبو البنزين على الارض ويوسف طلع ولاعه وولع وبعدو عن النار
٤ من رجاله شادى شافو النار
واحد منهم بص لتانى:تعالى معايا نشوف فى ايه وانتو خليكو هنا
٢ راحو ورا البيت بسرعه واول ماوصلو عند النار يوسف وامير بحركات بسيطه منهم وبضربه على رقبتهم اغمى عليهم وشدوهم بعيد عن النار
ال٢ التانين استغربو انهم اتاخرو وراحو يشوفوهم اتفاجأو بيوسف وامير اللى عملو معاهم زى ال٢ التانين وشادوهم جمبهم
امير بص على البيت بصدمه:يوسف
يوسف بص شاف النار مسكت فى البيت لانه من سقف البيت من الخوص:لازم نخرج البنات بسرعه يلا
عزام لما الرجاله راحو عن يوسف دخل البيت براحه وكان فى اوضتين وسمع صوت رجاله من واحده منهم واتفاجئ لما شاف النار بدات تدخل البيت
عزام لسه هيروح على الاوضه التانيه دخل رعد البيت واتكلم بصوت عالى:اقف عندك
شادى والرجاله اللى فى الاوضه التانيه سمعو وخرجو من الاوضه
شادى:اهلا اهلا عزام باشا
عزام لف وكان كلهم واقفين وراه ومش عارف يبدا من مين بس دخل يوسف وامير وبداو يضربو كل الرجاله
********
عند محمود ورأفت
رأفت:ايه النار دى
محمود:لازم ندخل يلا
الحراسه كلهم اتحركو وراحو على البيت ودخلو وضربو الرجاله معاهم
شادى استغل انشغالهم ودخل اوضه البنات اللى كانو صحو وسامعين اصوات كتير برا وخايفين اكتر من النار اللى بدات تدخل عندهم
شادى قرب من نورة وشدها من طرحتها وحط السلاح على راسها ونورة صرخت باعلى صوت سمعه عزام اللى ضرب الراجل بقوة وقعه على الارض ودخل الاوضه
نورة عيطت:عزام
عزام:متخافيش انا معاكى
شادى:لا جدع تصدق... لو عايزين الحلوين ميحصلش فيهم حاجه سيبنى اخرج من هنا
يوسف وامير دخلو لما محمود ورأفت مسكو كل الرجاله
تقى وفيروز واقفين مرعوبين على نورة اللى شادى حاطط المسدس على راسهاا
يوسف:اعقل ياشادى وهنعملك كل اللى انت عايزه بس سيبها
شادى:وانا عبيط عشان اصدقكو مثلا
يوسف:ماحنا لازم نخرج من هنا قبل مانتحرق كلنا بالنار دى ولا انت عايز تموت
امير شاور لتقى من غير ماشادى ياخد باله على عصايه تقيله واقعه على الارض وتقى فهمت هو قصده ايه
تقى اتحركت براحه عشان شادى مياخدش باله وفيروز شيفاها والشباب وتقى مسكت العصايه وقربت من شادى اللى عزام بيتكلم معاه عشان يلهيه عن تقى
تقى قربت منه بخوف وضربته على راسه بكل قوتها وشادى ساب نورة اللى جرت على حضن عزام
عزام:يوسف امير خدو البنات من هنا بسرعه وانا هجيب الكلب ده
نورة مسكت فى عزام:لالا تعالى معانا ونبي انا مستحيل اسيبك
عزام بعصبيه:يووووسف خرجهم يلا
يوسف مسك ايد نورة وفيروز وتقى فى ايد امير وخرجو بحذر عشان النار وفى الوقت ده مراد وصل مع القوة وقبض على كل رجاله شادى
نورة واقفه هتموت من الخوف لان النار بتمسك فى البيت كله وعزام لسه مخرجش ولولا ايدين يوسف اللى مسكاها كويس كانت جرت على جواا
**********
جوا البيت
كان فى معركه بين شادى وعزام اللى بيضربو بعض بكل قوة والاوضه اللى بقت كلها نار حوليهم عزام شاف النار بتقرب من انبوبه غاز فى الاوضه زق شادى بكل قوتها اتخبط فى السرير وعزام مش عارف يروح فين
*************
برا الكل هيتجننو مش عارفين يعملو ايه ونورة اللى هتموت من الخوف وفجاه الكل اتصدمو لما حصل انفجار رهيب والكل وقعو من قوة الانفجار
ويوسف جرى فيروز اللى وقعت واغمى عليها وامير كان مغطى تقى بجسمه
نورة قامت قعدت بصعوبه وعينها على البيت اللى كله انفجر والنار مسكت فيه ومش مستوعبه ان عزام مخرجش من البيت قامت وقفت وجرت على البيت شافها يوسف اللى جرى عليها وحضنها ومنعها تقرب من البيت وهى صرخت باعلى صوت عندها:عـــــــزااااااااااام
وفجأه اغمى عليها......
♥️♥️♥️♥️♥️
روايه خيوط الحب
««الفصل ٣٠ قبل الاخير»»
صباح يوم جديد فى المستشفى
نورة نايمه على السرير وبتحلم بكل اللى حصل معاهم وفتحت عينيها لما افتكرت الانفجار اللى حصل قامت قعدت بصعوبه وبصت حوليها لاقت نفسها فى اوضه في المستشفى وكان متعلق فى ايدها محلول
نورة عيطت جامد لما افتكرت عزام اللى كان جوا البيت وقت الانفجار وفجاه الباب اتفتح ودخل عزام وكان وشه كله جروح وايده ملفوفه بشاش طبي
نورة بفرحه:عزام انت كويس
عزام قرب منها واخدها فى حضنه وهى عيطت اكتر
نورة وهى منهارة:خوفت عليك اوى فكرت انى خسرتك
عزام:هشششش انا معاكى وعمرى ماهبعد عنك ابداا
عزام بعدها عن حضنه وحاوط وشها بايديه:انتى كويسه
نورة:بقيت كويسه لما شوفتك .... انت خرجت ازاى من البيت
عزام:نطيت من الشباك اللى كان فى الاوضه ولما الانفجار حصل تقريباا طيرنى ولما قومت ولفيت ليكو كنتى مغمى عليكى
نورة حضنته بقوة:الحمدلله انك بخير
عزام:الحمدلله اننا كلنا بخير ياحبيبتى
نورة:البنات ويوسف وامير فين
عزام:فيروز وقت الانفجار اغمى عليها ومتخافيش هى كويسه وتقى ويوسف وامير بخير
نورة:الحمدلله ... طب وشادى
عزام:لما شوفت النار بتقرب من الانبوبه زقيته ونطيت من الشباك وللاسف البيت انفجر وهو فيه وبعد ماالمطافى جت وطفو النار وكانت جثته موجوده اشلاء
نورة حضنت عزام بخوف
عزام:اهدى يانورة وانتى الحمدلله كويسه والدكتورة طمنتنى انك لو حابه تخرجى عادى
نورة:وانت
عزام:انا كويس ياحبيبتى
نورة بعدت عنه واتكلمت بعصبيه:كويس ازاى يعنى انت مش شايف وشك المتخرشم ده
عزام:متخرشم قومى يانورة الله يصلح حالك خلينا نمشي بدل مانا اللى هخرشملك وشك
نورة ضحكت ولسه هتقوم من على السرير
عزام:انتى راحه فين ياحبيبتى
نورة:هنمشي
عزام:هتمشي بالمحلول يعنى
نورة:تصدق نسيته معلش
عزام ضحك على جنانها واخدها فى حضنه
**************
فى الاوضه اللى فيها فيروز اللى متعلق ليها محلول ويوسف قاعد جمبهم على السرير
فيروز:الحمدلله اننا كلنا بخير وربنا يرحم شادى ويغفرله
يوسف:الحمدلله ياحبيبتى ..الدكتورة قالت اول ماتخلصى المحلول نمشي عادى
فيروز:حاضر اومال فين البنات
يوسف:امير اخد تقى ورجعها البيت وعزام مع نورة فى الاوضه اللى جمبنا هتخلص المحلول بتاعها وهتمشي
فيروز:الحمدلله
***************
مرت الايام بسرعه والشباب مع البنات بيحاولو ينسوهم اللى حصل معاهم
وتقى وامير اللى بيجهزو الفيلا عشان الفرح
****************
فى احد الايام الفجر فى فيلا عزام اللى نايم وفى حضنه نورة اللى صحت لما حست بوجع فى بطنها وحطت ايدها على بطنها بتعب:اااه...عزام.....ااااااااه
عزام اتخض:مالك ياحبيبتى
نورة بتعب:بطنى ياعزام شكلى هولد ااااه
عزام قام بسرعه وجاب اسدال وكلم محمود يحضر العربيه وساعد نورة تلبسه وشالها ونزل وقعدها فى الكرسي اللى ورا وطلب من محمود يسوق
عزام رن على يوسف اللى رد عليه:يوسف نورة شكلها هتولد واحنا فى طريقنا لمستشفى
يوسف:حاضر هجيلك على هناك
عزام:تمام
عزام قفل وبيحاول يهدى نورة اللى ماسكه بطنها بوجع
****************
بعد شويا وصلو المستشفى ويوسف وفيروز وهناء وصفاء وتقى وصلو هما كمان وكانو مع نورة اللى كانت مرعوبه وعزام طمنها وقالها انه هيدخل معاها ومش هسيبها ابداا
وبالفعل عزام دخل مع نورة العمليات ومسابش ايدها ابدااا لحد ماسمعو صوت البيبي الاول
الممرضه قربت من عزام:يتربي فى عزك ده الولد
عزام شاله وباس راسه وقربه من نورة اللى باسته من خده وبعد شويا الممرضه جابتله البنت وعزام كان شايل كل بيبي على دراع
الدكتورة طلبت منه يخرجهم وهما هيجهزو نورة عشان تخرج
**************
الكل برا كانو واقفين بيستنو اى حد يخرج عشان يطمنهم الباب اتفتح وخرج عزام وهو شايل البيبهات
يوسف قرب منه:نورة عامله ايه
عزام:الحمدلله كويسه شويا وهتخرج
يوسف اخد البنت من عزام وباس راسها:حبيبه خالها دى
وباس راس الولد اللى ف حضن عزام:منور يابطل ... مبروك ياصاحبي
عزام:الله يبارك فيك ياچو يلا اذن لبنت اختك
يوسف:طبعاا
عزام اذن للولد ويوسف للبنت
فيروز قربت من يوسف واخدت البنت وهناء اخدت الولد والكل باركو لعزام وبعد شويا نورة خرجت والكل راحة معاها على الاوضه والنهار طلع وامير كلم الشباب عشان يشوفهم مجوش المعرض ليه وعرف ان نورة ولدت وجالهم المستشفى
****************
نورة فاقت والكل بارك ليها وكانت اخده البنت فى حضنها وعزام قاعد جمبها وشايل الولد وقرب منها وهمس:الف مبروك يانور حياتى
نورة:الله يبارك فيك يااحلى بابا
عزام ابتسم وباس راسها
يوسف:احنا قاعدين على فكرة
عزام بصله:يعنى عايز ايه
يوسف:بطلو تتهامسو كدا بتحسسونا اننا اكياس جوافه قاعدين
الكل ضحكو
هناء:ناوين تسمو ايه ياولاد
عزام بص لنورة اللى بصتله:هنسمي ايه يانورة
نورة:مش عارفه محتارة اوى قولى انت عايز تسمى ايه
عزام:عندى اسمين بس يارب يعجبوكى
نورة:ايه هما
عزام:زين ولين
تقى:حلوين ولايقين على بعض اوى
فيروز:جدااا
عزام بص لنورة:لو مش حابهم نشوف غيرهم
نورة:لا حلوين اوى وعجبنى انا كان نفسي فى الاسامى لايقين على بعض
الكل قضو الوقت سوا وفى اخر اليوم نورة رجعت على فيلا يوسف عشان الكل يبقو معاها وطبعا ده كان مزعل عزام بس كان عارف انها محتاجه والدتها معاها
****************
عدى اسبوع ونورة بقت كويسه والكل معاها وبيهتمو بولاد ومش بيسبوها ابدااا
فى يوم نورة قاعده فى اوضتها ومعاها زين ولين اللى نايمه الباب خبط ودخل عزام:حبايب قلبي عاملين ايه
نورة ابتسمت:الحمدلله ياحبيبي
عزام دخل وقعد جمبهم على السرير وباس لين اللى نايمه على السرير وقرب من زين اللى صاحي فى حضن نورة وشاله:انت ياض مش بتنام ابدااا
نورة:شكله هيبقي شقى جداا ياعزام ده مش بينام ولا بيبطل عياط لكن لولى كيوته وهاديه جدااا
عزام بغمزة:طالعه لمامتها
نورة ضحكت:والشقى ده طالعلك يعنى
عزام بص لزين:اكيد طبعااا .... جهزتى شنطتك
نورة:ايوا ياحبيبي جاهزه والحلوين جاهزين كمان وانا هقوم البس اهو
عزام مسك ايدها:نورة لو حابه تعملى السبوع هنا نعمله
نورة:لا ياحبيبي مش كفايه انى سيباك بقالى اسبوع
عزام:نورة اهم حاجه عندى راحتك وسعادتك
نورة:وانا سعادتى لما اكون معاك مش متخيل حضنك وحشنى اد ايه ونفسي ادخل جواه وانااام كتير جداا
عزام:ارجعى انتى بس وانا مش هبعدك عن حضنى
عزام قرب من نورة ولسه هياخدها فى حضنه زين عيط
نورة ضحكو:تفتكر الحلوين دول هسيبوك فى حالك كدا
عزام بص لزين:فى ايه ياض مالك لا بقولك ايه الحركات دى مش معايا
نورة ضحكت:بس ياعزام انت بتكلمه كانه فهمك
عزام:بقولك ايه خدى ابنك ده وانا هاخد القمرايه دى
عزام ساب زين على السرير وشال لين فى حضنه وباسها من خدها:روح قلبي دى
نورة:لا والله
عزام ضحك:يلا قومى البسي عشان نمشي
نورة:عزام كنت اجلت السبوع شويا اشمعنا بكرة يعنى كدا هنلحق نجهز حاجه
عزام:قومى انتى بس ومالكيش دعوة
نورة:طب هرضع زين الاول
عزام:حاضر
************
بعد شويا وصلو الفيلا عزام نزل ولف اخد ايد نورة وكانت فيروز وتقى راكبين ورا ومعاهم زين ولين وكان فى عربيه تانيه فيها هناء وصفاء ونيرة اللى عزام اصر انهم يجو معاهم ويفضلو لحد بكرة
الكل دخلو الفيلا ونورة اتفاجأت لما لاقت كل حاجه جاهزة والزينه شكلها حلو اوى كانت بلون البينك والازرق واسم زين ولين كبير جداا
نورة بصت لعزام:انت عملت كل ده امته
يوسف خارج من المطبخ:هو الباشا عمل حاجه اصلا
امير من وراه:هو فالح يطلع عينيا بس
عزام:مرمطهملك على الاخر وخليتهم يعملو كل حاجه
البنات ضحكو اوى
يوسف:فرحانين انتو مش كدا
فيروز:لا تقلق ياچو كلها كام شهر وهولد وهمرمطه وهاخدلك حقك ياحبيبي
يوسف بص لعزام:معايا اللى هجبلى حقى ياعم
الكل ضحكوو
هناء قربت من نورة:تعالى ياحبيبتى عشان ترتاحى فوق وانتو يابنات طلعو الولاد فوق
نورة لسه هتمشي عزام شالها:والله عيب فى حقى ياحماتى بنتك تتعب وانا موجود
يوسف:لا جدع ياض
هناء ضحكت:ربنا يخليكو لبعض يابنى
صفاء:طب تعالى احنا نجهز الاكل عشان بكرة
امير:انا مش عارف انتو عايزين تتعبو نفسكو ليه كنا جبنا جاهز
صفاء:ولا تعب ولا حاجه ياحبيبي
هناء:احنا بنحب نعمل كل حاجه بنفسنا يابنى عقبال مانفرحلكو يارب
تقى بصت لامير اللى بصلها بحب
عزام:يلا ياحبيبي منك ليه كملو الشغل
عزام طلع بنورة والبنات وراه وشايلين البيبهات
**************
اليوم عدى بسرعه وجه اليوم اللى الكل تعبو عشانه وهو يوم سبوع زين ولين اللى كان جميل خفيف والكل كانو فرحانين ونورة اللى كانت زى القمر وهى لابسه دريس بلون الابيض زى زين ولين وجه ضيوف كتير والكل باركو لنورة وعزام واتمنو حياه طويله وكلها سعاده للبيبهات
ويوسف اللى جاب لزين ولين وكل واحد دلايه باسمه وعلقها فى هدومهم وكمان فيروز قدمت للين انسيال رقيق جدااا ودلايه بايه الكرسي لزين ده غير هدايا امير وتقي اللى قدمو لزين دلايه بايه قرانيه وخاتم للين وصفاء وهناء كل واحده جابت سلسله للين ودلايه كف وعين زرقه لزين وكل الدلايات دى اتعلقو فى الدبوس الكبير اللى جابو يوسف لزين
وعدى اليوم مابين فرحتهم والسعاده اللى اتمنو انها تفضل دايمااا فى حياتهم ويديم جمعتهم سواااا.........
&&&&&&&
تعليقات
إرسال تعليق