رواية زمن الثعالب كامله بقلم محمد منصور
رواية زمن الثعالب كامله بقلم محمد منصور
ح(1)
قتلته علشان كان بيحاول يغتصب امي. ولكني لقيتة قدامي في المحكمة ورافع علية قضية. عايزين تعرفو ازاي دة تابعو حكاية اغرب قضية في تاريخ المحاكم المصرية. وحكاية زمن الثعالب
وقبل ما نبدأ الحلقة نوحد الله ونصلي علي خير خلق الله سيدنا محمد. وعلي بركة الله نبدأ
بسم الله توكلت علي الله. وهو رب العرش العظيم
في يوم من الايام الممطرة تقف عربيات الترحيلات الخاصه بالسجن امام احدي المحاكم وينزل منها مساجين كثيرة استعدادا لمحاكمتهم ومن ضمن هولاء المساجين شاب وسيم جدا مفتول العضلات في الثلاثينات من عمرة ويدعي فضل كامل الباشا وشهرته فضل ابن الباشا وذلك لانه كان مرتبط بجدة الباشا اللي قام بتربيته. وفضل هو الابن الوحيد لكامل الباشا المحامي والاعلامي المشهور وأثناء دخول فضل الي المحكمه يبص ل امراة جميله في الخمسينات من عمرها وباين عليها الحزن الشديد علي حاله وكل ما تبص له والكلابشات في أيده تعيط بحرقة مش مصدقة اللي فضل في. وهذة المراة هي الفنانه والنجمه المشهورة المعتزله للفن أنعام وحوالين انعام يقف مجموعه من الصحفيين والمصورين والمراسلين الذين ينقلوا اخر اخبار محاكمه فضل أبن الفنانه المشهورة والاعلامي الاشهر كامل الباشا ، ،،،،،
ومن جوة قاعه المحكمه يقف فضل في القفص وكان بيبص ل انعام التي تقف قدامه وتمسح دموعها وتقول له
انا السبب
فيمسك فضل أيدها ويقول
ماتقوليش كده تاني ولو الزمن رجع بيا كان لازم ادافع عنك ضد اي كلب يحاول يمس شرفك
انعام
بس انت مستقبلك ضاع
فضل
مش احسن ماكان شرفك هو اللي يضيع
في الوقت دة يقف كامل الباشا والد فضل قدام ابنه وهو يرتدي روب المحاماة ويقول
مش عايزك تخاف انا مش هاسكت الا لما اطلعك براة
فينظر له فضل بضيق ويقول
انت بتعمل أيه هنا
كامل
جاي علشان اكون جنبك. ده انت أبني وماينفعش اسيبك لوحدك
فضل
وده من امتي. انا ابويا هو جدي الباشا اللي رباني وكبرني وجدي مات انا مش ابنك انت انا ابن الباشا
كامل
فضل انسي اللي فات وخلينا نبدا من جديد أنا برضو ابوك
فضل بعصبيه
اوعي تقولها تاني. ابويا مات. وانت مش ابويا كفايه اللي عملته فيا وفي امي ابعد عني بقي وسيبني في حالي
فينظر له كل من في القاعه وتنظر انعام للناس والاعلام اللي بيصورو ما يحدث وتنظر الي كامل وتقول
امشي بقي. وكفايه فضايح
كامل
انتي اللي عملتي كده وكرهتي ابني فيا
ثم ينظر كامل الي فضل ويقول
وانت انا هاعمل اللي عليه للاخر و مش هاسيبك و هترافع عنك مع انك غلط
فضل
وياتري بقي خد الاذن من اللي مشغلينك. ولا بتعمل كدة من دماغك. امشي احسن يا باشا انا مش محتاج مساعدتك ولو اترفعت انا هارفض انك تكون المحامي بتاعي
فينظر له كامل ولايرد عليه ويذهب ناحيه مقعد المحامين ويجلس وفي هذة اللحظه يدخل القاضي سيف عبد الحق الي قاعه المحكمه بعد ان اعلن الحاجب عن وصوله فتنظر انعام الي أبنها وتقول له
ان شاء الله خير
فينظر لها فضل ويبتسم وترجع انعام الي مقعدها وسط الحضور ثم ينظر سيف الي محامي الخصم للبدء. في المرافعه فيقف محامي قصير القامه ويدعي عدلي ويقول له
سيدي الرئيس. مرافعتي في المذكرة اللي قدام حضرتك وفيها كل تفاصيل الدعوي
فيخرج سيف نظارة قراءة. من جيبه وينظر في مذكرة المرافعه اللي مقدمها عدلي ويقراء المرافعه المكتوبه ثم يخلع نظارته وينظر الي فضل ويقول
يا فضل. مكتوب قدامي في عريضه الدعوي انك اغتصبت بنت الوزير السابق جلال المنياوي والمرشح لانتخابات رئاسه الجمهورية القادمه ف ماهي اقوالك في ماهو منسوب اليك
فيضحك فضل باستهزاء وينظر الي انعام ثم ينظر الي القاضي ويقول
كدب يا حضرة القاضي انا المفروض في القفص هنا عشان جريمه قتل.
فيتعجب القاضي ويكمل فضل قائلا
انا قتلت جلال المنياوي مش اغتصبت بنته وقتلته علشان كان عايز يغتصب امي. يعني المفروض بالنسبه للقانون قتلته دفاعا عن الشرف يعني مكاني مش في القفص مكاني برة القفص الا لو كان للقانون راي تاني
فينهض المحامي عدلي وينظر الي القاضي ويقول
سيدي الرئيس. المتهم بيقول انه قتل جلال المنياوي دفاعا عن شرف امه وده ماحصلش وكدب
فضل بعصبيه
انا مش كداب انت واللي بعتاك اللي كدابين
سيف. يقول لفضل بحزم
احترم المحكمه وبلاش التراشق بالالفاظ
فضل
انا محترم المحكمه وكل اللي فيها بس مع الاسف حضرة المحامي اللي المفروض يدافع عن الحق بيزيف الحقايق عشان خاطر يحمي سمعه انسان ميت
عدلي
احب اعرفك يا فضل ان سيادة الوزير السابق جلال المنياوي عايش وبصحه جيدة
ويبص عدلي ناحيه باب المحكمه فيفتح باب المحكمه ويدخل جلال المنياوي وهو رجل في الستينات من عمرة يرتدي بدله انيقه وفوق منها بلطو اسود غالي الثمن ومعه بنته ملك وهي المغتصبه كما ادعي المحامي عدلي ويقف جلال امام القاضي. وفضل ينظر له باستغراب شديد وينظر الي انعام التي تنظر لجلال المنياوي باستغراب اكثر ويقول فضل
ازاي
فينظر له جلال ويقول
كنت فاكر انك هاتفلت بعملتك. البلد دي فيها قانون وهو اللي هايجيب لي حقي
سيف
ماتوجهش كلامك للمتهم واتفضل اقعد مكانك
ويجلس جلال في مقعده بجانب عدلي وفضل يبص له بدهشه ما بعدها دهشه وينادي سيف علي ملك فتنهض ملك وتقف امام سيف فيقول لها
اسمك وسنك
الفتاة بنظره انكسار
اسمي ملك جلال المنياوي وعندي 25 سنه
القاضي
بصي كده للقفص وشاوري علي اللي قام باغتصابك
فتنظر ملك الي القفص فينظر لها فضل ويضحك ويقول
يالا. قولي انا. مستنيا ايه
سيف لفضل
اسكت يا فضل وماتكلمش الا باذن مني
فضل
يا حضرة القاضي. اللي بيحصل في المحكمه دي لعبه وتمثليه والسيد وكيل النائب العام مشترك فيها. خلي يقول لحضرتك هو كان بيحقق معايا في قضيه قتل ولا اغتصاب
وكمان يا سيادة القاضي ملك دي مراتي ازاي. بس هاغتصب مراتي
فتنظر له ملك وتقول
اخرس. انا عمري ماكنت مراتك انت كداب
فضل
انا برضو. ولا انتي اللي قولتي لي انا هادفع كل فلوسي بس تفضل صورة بابا نطيفه قدام الناس. كل ده عشان تحافظي علي سمعه راجل ميت.
ملك بعصبية
انت ازاي كدة مش قادرة اصدقك. ازاي بتقول ان بابا مات مقتول وهو قاعد قدامك اهو
فضل
ده مش جلال المنياوي. ده اخوة التؤام بطلو ضحك علي الناس بقي
فيستغرب كل من في القاعه ويبدا الهمس والكلام بين الحاضرين فينظر القاضي للحضور ويقول
سكوت في قاعه المحكمه والا هايتم اخلاء القاعه حالا
فيسكت الحاضرين فينهض وكيل النائب العام الجالس في المحكمه ويقول
سيدي الرئيس المتهم أساء ليه وبيتعلاب بعقول كل الحاضرين
القاضي لوكيل النائب العام بحزم شديد
حضرة الوكيل فضل كان بيتحقق معه في سرايا النيابه بجريمه قتل ولا اغتصاب وايه هي حقيقه ان ملك مراته
وكيل النائب العام ويدعي اسامه
سيدي الرئيس. ملك عمرها ماكانت مرات فضل وتم القبض والتحقيق معه في قضيه اغتصاب ملك جلال المنياوي وكل الادله ضدة
فيصفق فضل وهو يضحك ويضحك ويقول
برافو. بجد برافو.
وينظر لملك ويقول
عرفتي تخططي صح وكل دة علشان الميت يطلع من القضيه سليم ويفضل قدام الناس الراجل النزيه الثوري نظير الغلابه. بس تفتكري ان واحد ميت محتاج سمعته في ايه
وينظر لجلال المنياوي الجالس امامه فينهض المحامي عدلي ويقول
سيدي الرئيس انا احتج كلام المتهم في اهانه لموكلي وبنته
فضل
حضرة القاضي. اللي قاعد في قاعه المحكمه دة مش جلال المنياوي. جلال المنياوي مات.
عدلي
كفايه كدب بقي
فينهض كامل الباشا ويقول
سيدي الرئيس. انا كامل الباشا وحاضر عن المتهم فضل. تسمح لي بالكلام
فضل. وهو ينظر لوالده
وانا مش عايزك تكون المحامي بتاعي.
ثم يبص فضل الي القاضي ويقول
حضرة القاضي. انا مش قد الناس دي دول معاهم السلطه والنفوذ والفلوس وانا انسان بسيط ودفعت عن شرف امي بس باين اني نهايتي هاتكون حبل المشنقه فياريت الحكم في القضيه يكون النهارده.
سيف
مافيش حد فوق القانون
فضل وهو يبكي بحرقه
لا في. لما اقتل جلال المنياوي والقي اخوة قاعد قدامي في قاعه المحكمه علي انه هو يبقي في ناس فوق القانون ولما القضيه تتحول من قتل دفاعا عن الشرف الي اغتصاب يبقي في ناس فوق القانون وانا واللي زيي تحت القانون وعشان كده احكم عليه بالاعدام وريحني عشان انا مش هاستحمل اعيش كتير في المهزله دي
فينظر له سيف وهو مصدقه في كل مايقال ولكن الاوراق كلها ضدة ولكنه متعاطف معه ولكنه قرر ان يساعدة لاخر لحظة ويقول سيف
بص يا فضل يمكن يكون كلامك صح. بس ده مش عندي مش في محكمتي ولو ليك حق هتاخده ولو ليهم هما حق هياخدوا. ودلوقتي بقي أحكي لنا أيه اللي حصل بالظبط ،،،،،،
ويبدأ فضل يحكي حكاية اغرب قضية هزت قاعات المحاكم المصرية، ،،،،،،.
مش هقول. علقو والجو دة. اكتب تقيمك للحلقة من
واحد ل عشرة. حلوة الصيغة دي.
ح(2)
زمن الثعالب
من تاليفي.
محمد منصور. **منص**
وقبل ما نبدأ الحلقة نوحد الله ونصلي علي خير خلق الله سيدنا محمد. وعلي بركة الله نبدأ
بسم الله توكلت علي الله. وهو رب العرش العظيم
ومن جوة قفص الاتهام يقف فضل وينظر للقاضي سيف وهو يقول
اول الحكايه بدات لما امي الفنانه انعام صورت فيلم كان في مشاهد ساخنه ليها والفيلم لما اتعرض اثار جدل كبير وكان البدايه لمشاكل كتير، ،،،،،،
ونرجع بالاحداث لكام شهر. ومن داخل فيلا انعام تجلس انعام امام الشاشه الموجوده في حجرتها وبجانبها ابنها فضل والاثنين يشاهدون برنامج اخبار مصر. والذي يقدمه كامل الباشا وكان يتكلم في الحلقه عن الفيلم التي صورته زوجته انعام وكان في هجوم شديد علي انعام ويقول
عايزة اقول للفنانه انعام احترمي سنك ده انتي خلاص رجلك والقبر بلاش كدة ايه علاقه الفن باللحم الرخيص اللي انتي بتعرضي في افلامك كفايه اسفاف بقي ارحمينا ما فيش فيلم ليكي الا وفي مشهد رخيص
فتغلق انعام الشاشه وتنظر ل فضل وهي تقول بعصبيه
شايف عمايل ابوك
فضل
انتي اللي بتعملي في نفسك كدة. كذا مرة اقول لك اختاري ادوار تليق بيكي وبسنك
انعام
ده انا باين عليه مش عجباك انت كمان
فضل
انا قولت لك رايي وانت حرة في حياتك
انعام
طيب حتي. لو انا غلطانه ينفع يطلع باباك في البرنامج بتاعه ويعمل فيا كده. ده انا برضو مراته
فضل
امي. انت اكتر واحدة عارفه مين هو كامل الباشا ده اهم حاجه عندة نسبه المشاهدة للبرنامج بتاعه بيشتم مين بقي بيقول ايه مش مهم المهم هو يكون الاعلامي رقم واحد في مصر ودة مش جديد عليه دة راجل بينجح علي كشف الفضايح وعمرة ما ستر انسان
انعام
حتي مراته يعمل فيها كدة
فضل
هو انتي هاتيجي اعز مني ده انا ابنه من لحمه ومن دمه ولما فكرت اني اهاجم جلال المنياوي طلع وهاجمني وعمل حلقات وحلقات بيشتمني فيها علشان خاطر ينول رضا جلال بيه. ولو انتي بطلتي تمشي في سكه الافلام الرخيصه دي مش هاتدي فرصه لكامل انه يشتمك في حلقاته وهاتعيشي ست يتشرف بيها اي حد يعرفها
انعام بضيق
كدة. طيب ولما انا بالنسبه لك ست ما تشرفش قاعد معايا ليه في الفيلا بتاعتي اللي انا جايبها من فلوس الافلام اللي مش عجباك
فضل بضيق
خلاص اعتبريني من النهاردة مش معاكي ولما تختاري طريق غير الطريق اللي انتي ماشيه في ده عرفيني وهارجع لك واكون جنبك
انعام
عايز تمشي امشي وغور في ستين داهيه ،،،،،
ونرجع الي المحكمه وفضل يكمل قائلا
وزعلت امي من كلامي فسيبت الفيلا ومشيت وعيشت في شقه تمليك وفتحت شركه استيراد وتصدير وبعديها بفترة قصيرة عرفت انها اطلقت
سيف
وكان ايه سبب الطلاق.
فضل وهو ينظر لي جلال
جلال المنياوي. ادي امر مباشر لكامل بانه يطلق امي عشان هو نفسه يتجوزها وفعلا طلق كامل الباشا مراته انعام في مقابل برنامج جديد علي محطه كبيرة يمتلكها جلال المنياوي وبمقابل مادي مغري وتمت الصفقه. وعمل البرنامج الجديد اللي كان معظم حلقاته شتيمه في امي او فيا انا. مش كدة ولا أيه يا كامل بيه
وينظر فضل اليه فيقف كامل الباشا وهو ينظر لفضل ويقول
انا بدافع عن الحق. وانت غلط ومن قبلك امك غلطت وكان لازم بحكم الدور الاعلامي اللي بقوم بي اني اوصل الحقيقه للناس
سيف
وايه هي الحقيقه يا استاذ كامل . ابنك قاتل ولا مغتصب
كامل الباشا وهو ينظر لفضل
أبني أغتصب بنت جلال المنياوي
فتقف انعام وتقول بعصبيه
كداب. طول عمرك كداب ومنافق وكلب وفي.
للي يدفع لك اكتر
كامل الباشا
احترمي نفسك. انتي عارفه اني مش كداب وانا ورغم كل اللي حصل موجود هنا النهارده عشان ادافع عن ابني
انعام
بطل تمثيل رخيص دفعو لك كام علشان تقول الكلام ده. ولما هو ابني اغتصب بنت جلال المنياوي جاي لية وعايز تدافع عنه يا اوطي خلق الله
ويبدا الكلام يزيد في قاعه المحكمه فينظر سيف للحضور ويقول
الصوت. احنا في محكمه مش سوق
ويسكت الحاضرين ويقول سيف بحزم شديد
مدام انعام التزمي بالاداب العامه للحديث وبلاش التراشق بالالفاظ وده اخر تحذير لكل اطراف النزاع ولو حصل تجاوز تاني هاقوم بحبس المتجاوز مهما كان هو مين
ثم ينظر سيف الي فضل ويقول
كمل يا فضل. وبعدين
فضل
فضلت عايش في الشقه بتاعتي وبعيد عن امي لغايه ماجيت لي في يوم شركتي ، ،،،
ومن داخل شركه فضل يجلس فضل في مكتبه ومعه عميل خاص بشركته وفجاة تدخل الي المكتب انعام ومن خلفها سكرتيرة فضل وتدعي نور وهي تحاول منعها من الدخول وتقول لفضل
انا اسفه والله دخلت غصب عني
فينظر لها فضل ويقول
ماحصلش حاجه دي امي
انعام بعصبيه
طيب كويس انك فاكر اني أمك
فينظر فضل للعميل ويقول
اسف. ممكن نكمل كلامنا بعدين
العميل وهو ينهض
ولايهمك استاذ فضل. هاستني من حضرتك تيلفون
وينهض العميل ويخرج من المكتب ومعه السكرتيرة نور فينظر فضل الي انعام ويقول
اتفضلي اقعدي وخلينا نتكلم بشويش. مش لازم نسمع كل اللي في الشركه صوتنا
فتجلس انعام وتقول
حاضر. ممكن اعرف بقي انت ما بتتصلش بيا ليه ولما بتصل انا بيك ليه مابتردش عليه
فضل
عشان انا طلبت منك تبعدي عن سكه التمثيل والافلام الرخيصه اللي بتعمليها دي وانتي لسه مكمله
انعام
انا ما بحبش حد يقول لي اعمل ايه وماعملش ايه انا حرة في حياتي
فضل
وانا كمان حر في حياتي. وطول ماحياتك فيها التمثيل انا برة منها
انعام
كده
فضل
ايوة كده. وبصراحه بقي انا مش هاعيش حياتي كلها مكسوف من اللي انتي بتعملي ده انا لو اتجوزت وخلفت واتعرض ليكي فيلم اتكسف افرج عيالي عليكي
انعام
للدرجه دي. أنت بتستعر مني
فينظر لها فضل ولا يرد فتنهض انعام وتقول
ماشي يا فضل وانا اسفه اني جيت لك ومن هنا ورايح لا انت ابني ولا أنا امك
وتخرج من المكتب وهو ينظر عليها وحزين مما حدث الي سمع صوت فرمله عربيه بشكل مفاجئ ومخيف وناس بتقول
يا ساتر يارب العربيه خبطت الست
فينظر من شباك مكتبه الذي كان. في الطابق الاول فيجد انعام ملقاة علي الارض وهي اللي خبطتها عربيه فيخرج فضل من مكتبه مسرعا.،،،،،
ومن امام مستشفي خاص وبعديها بفترة قصيرة يخرج فضل من المستشفي وهو يسند انعام التي كسرت ساقها بسبب حادثه العربيه ويتجه بها ناحيته سيارته وفجاة تقف امامه سيارة جلال المنياوي وكان بداخلها جلال وابنته ملك وكان فضل يراهم لاول مرة مع انه يسمع عن جلال المنياوي كتير مع التيلفزيون والنت وينظر جلال لي انعام ويقول
الف سلامه عليكي يا نجمه مصر
ولكن بصه جلال لي انعام لم تريح فضل وخصوصا ان فضل عارف ان جلال هو السبب وراء طلاق انعام من كامل. فينظر له بضيق ويقول
أبعد عن امي احسن لك
ويتركه وينصرف متجها ناحيه سيارته ولكن ملك تطل من شباك العربيه وتقول
انت يا. ازاي لما يكون بابا بيتكلم معاك تسيبه وتمشي
فينظر لها فضل ويقول بنفس الطريقه
وانتي يا. مال امك
فتنزل ملك من السيارة وهي تقول بعصبيه
لا. بقي انت قليل الادب ولازم تتربي
وتتجه ناحيه فضل وترفع يدها لكي تضربه بالقلم ولكن فضل يمسك أيدها بقوة وينظر في عيونها ويقول
انا مش شغال عندك ولا عند ابوكي عشان تمدي أيدك عليه
وتحاول ملك افلات ايدها من ايدة وهي تقول
سيب. ايدي بتوجعني
فلا يترك فضل أيدها وينظر الي جلال ويقول
خد بنتك وغور من هنا. بدل ما افرج عليكم الشارع
ويترك أيدها وجلال ينظر لبنته ويقول
يالا يا ملك. انا داخل علي انتخابات ومش ناقص فضايح
فتركب ملك العربيه وهي غاضبه جدا وجلال ينظر الي انعام ويقول
مسيرك تبقي ليا لو ماكنش في الحلال هايبقي في الحرام وهادفع لك اللي انتي عايزا وكانك بتصوري مشهد في فيلم من افلامك
ويضحك جلال ويقول لملك
يالا يا بنتي
وتنطلق ملك بالعربيه وفضل ينظر اليه بغل شديد ويقول لي انعام
لو عايزاني افضل ابنك. تعتزلي الفن خالص وتكوني مجرد ام ليا وده اخر كلام عندي
انعام
هاعتزل. عشان خاطرك
فضل
كدة بقي. اعيش وسط الناس رافع راسي واقدر احميكي من اي كلب يفكر يتعرض لك وخصوصا اللي اسمه جلال ده، ،،،،،
وفي هذة اللحظة يقف عدلي المحامي ويقول للقاضي
سيدي الرئيس. كل اللي قاله ده ماحصلش
سيف
استاذ عدلي مين ادي ليك أذن انك تتكلم
عدلي
انا من حقي اني اعترض علي كلام المتهم. اللي هو عايز يصدر لينا انه رجل المبادئ والقيم وانه انسان طيب وشريف وبيدافع عن شرف امه . وان جلال المنياوي هو الظالم والمعتدي. وعشان اثبت لحضرتك انه كداب انا معايا دليل وشاهد يثبتو ان فضل لا هو انسان طيب ولا هو انسان شريف
سيف
وأيه هو دليلك
فيذهب عدلي ناحيه رجل ضرير يجلس وسط الحضور ويساعدة علي النهوض ويمسك بيدة ويجعله يقف امام القاضي ويقول
سيدي الرئيس. اعرفك بالحاج عبد العاطي سيد والد نور سكرتيرة فضل اللي ماتت منتحرة بسبب فضل
فيصدم فضل وكل الحاضرين. وينظر القاضي لفضل ويقول
هي فعلا نور السكرتيرة بتاعتك ماتت منتحرة
فضل
هي فعلا انتحرت بس مش انا السبب. هي انتحرت بسبب انها غلطت مع موظف عندي في الشركه واتمسكت هي وهو في مكتبها في موضع مخل بالاداب
الحاج عبد العاطي بنرفزة
يا اخي اتقي الله. بنتي ماتت بسبب اللي انت عملته فيها
القاضي
من غير ماتوجه كلامك للمتهم. كلمني انا واحكي لي اية اللي حصل وازاي بنتك ماتت
عبد العاطي للقاضي
انا هاحكي لك يا باشا اللي حصل
فينظر له فضل والحاج عبد العاطي بدا يحكي ما حدث، ،،،،،
ونرجع بالاحداث لكام شهر وراء. ومن داخل شقه علي قد حالها يجلس عبد العاطي والد نور. علي الكرسي الخاص به ويسمع ماتش في الراديو وتخرج نور من اوضتها وفي أيدها ملف بي عمليه تجاريه تخص شركه فضل وتذهب ناحيه والدها وتبوس أيدة وتقول
عايز حاجه من برة
عبد العاطي باستغراب
انتي رايحه فين دلوقتي يا نور ده احنا بقينا بعد العشا
نور
في ملف لازم يكون عند فضل دلوقتي علشان بكرة الصبح هايطلع بي علي الجمارك يخلص شحنه اغذيه جايه من برة
عبد العاطي
وانتي هاتودي له الملف دلوقتي في المكتب
نور
لا يا بابا رايحه الفيلا
عبد العاطي
لا. يانور ماحصلتش يا بنتي تروحي لشاب بيته عشان خاطر الشغل
نور
يا بابا. فضل اولا مش عايش لوحدة ده معه في الفيلا مامته وتاني حاجه هو انسان مهذب جدا ومحترم وبيعاملني زي اخته الصغيرة
عبد العاطي
بس.،،،،،،،
نور مقاطعة له
متخافش علية يا بابا. وبعدين دة شغلي ولازم اعمله.
عبد العاطي
طيب يا بنتي. روحي شوفي شغلك و ربنا يحفظك وماتتاخريش عليه
فتبوس نور أيد والدها وتخرج من الشقه، ،،،،،،
وبعدها بكام ساعه وحوالي الساعه 2 صباحا يجلس عبد العاطي علي الكرسي وبجانبه الراديو وقد نام وهو جالسا فتفتح نور باب الشقه وتدخل الي الشقه وملابسها مقطعه وعليها دم فيستيقظ عبد العاطي ويقول
نور. انتي جيتي
ولكن نور تنظر له وتبكي وتدخل الي اوضتها مسرعا فيقوم عبد العاطي وهو يتحسس طريقة الي اوضة نوم نور اللي سمع الباب بتاعها بيتقفل ودخل عبد العاطي ورائها الي الاوضة ويروح ناحيه صوت عايطها ويطبطب عليها وهو يقول
نور مالك يا بنتي
فتبص له نور وهي بتعيط بحرقه فيتحسسها عبد العاطي فيجد الحجاب بتاعها مش علي راسها وملابسها مقطعه فيصدم ويقول
نور مالك ردي عليه يا بنتي
نور بحزن شديد
انا ضيعت ضيعت. شرفك راح في الارض
عبد العاطي بنرفزة
بتقولي ايه. ويعني ايه راح في الارض فهميني أيه اللي حصل
نور بحرقة شديدة
انا روحت لفيلا فضل وسلمت له الملف بتاع العمليه الجديدة ونزلت من الفيلا وركبت تاكسي ولقيت السواق شاب كنت بشوفو ديما عند فضل في الشركه لكني ماعرفش مين ده. ومشينا بالتاكسي وفي حته مقطوعه لقيته وقف وقال لي. معلش يا ابله العربيه عطلت ونزل من العربيه ولف بسرعه وركب جنب مني ورش في وشي بنج وبعديها بفترة صحيت لقيت الشاب دة رابط ايدي في بعضيها وبيقطع هدومي وي،،،،
ثم تسكت وتبكي بحرقه فياخذها عبد العاطي في حضنه ويقول
طيب اهدئي.
نور
ماكنتش اعرف انه واطي وخسيس وزباله كدة
عبد العاطي
هو مين دة. يا بنتي
نور
فضل
عبد العاطي باستغراب
فضل وهو ماله باللي حصل لك
نور
ماله ازاي. ماهو طلع اللي مرتب كل ده مع الشاب اللي خطفني
عبد العاطي باستغراب
فضل. طيب ازاي
نور
بعد ما الشاب دة قطع هدومي بدا ياخد اللي هو عايز وانا بقاوم وبحاول ابعدة عني. ومهما اصرخ ماحدش سامعني لغاية ما اغمي عليه لفترة ورجع لي وعي تاني لقيت نفسي مرميه علي الارض والشاب في التاكسي وماسك موبيله وبيكلم فضل وبيقول له انت يا فضل. ابن باشا بجد ودماغك دي متكلفه. وسكت شويه وقال الا انبسط ده بت صاروخ. والفلوس اللي اتفقنا عليها هتلاقيها في حسابك ومشي التاكسي وسابني في الحته المقطوعه دي مرميه علي الارض وهو ما يعرفش اني سمعت اللي اتقال
عبد العاطي بعصبية
يعني فضل. هو اللي متفق معه يعمل فيكي كدة
نور بحرقة وهي لاتزال تبكي
هو. الواطي الجبان اللي عامل فيها انسان متربي، ،،،،
وفي هذة اللحظة يصرخ فضل من داخل القفص ويقول
كذاب. دفعوا لك كام يا عبد العاطي عشان تشهد عليه زور
سيف
فضل. سيب الشاهد يكمل كلامه
فضل وهو مقهور
يكمل اية. دة كذب كذب. انا ماعملتش كدة
سيف بحدة
فضل. أسكت خالص.
ثم يقول سيف لعبد العاطي
وبعدين
عبد العاطي
حاولت اهديها علي قد ما قدر لكنها ما استحملتش وراحت ناحيه الشباك بتاع اوضتها ورمت نفسها
وبكا عبد العاطي وقال
هات لي حق بنتي منه يا حضرة القاضي
سيف
طيب اقعد مكانك
ويجلس عبد العاطي مكانه ويبص سيف الي فضل ويقول
وادي كمان تهمه ايه رايك يا فضل
فضل
يا حضره القاضي. ده كداب ده انا اكتر واحد وقفت جنبه وجنب بنته وشغلتها عندي سكرتيرة مع انها دبلوم تجارة وبعدين يا حضرة القاضي طالما انا اللي عملت كدة في بنته ليه ماراحش وبلغ عني البوليس
فينظر سيف الي عبد العاطي ويقول
ممكن ترد علي سؤال فضل
فينهض عبد العاطي مرة اخري ويقول
روحت يا بيه. وحاولت اعمل محضر ضدة لكن ما كانش بيتم
سيف
يعني ايه تعمل محضر ومايتمش
فضل لسيف
علشان هو يا حضرة القاضي قواد. يعني بياع اعراض وماحدش هايصدقه في القسم لانه ممكن يكون هو اللي بايع بنته ولما ماتت افتري علية انا
فيصدم الحاضرين ويقول عبد العاطي
ايوة انا كنت قواد. لكن ربنا تاب عليه بعد ما عينية راحت في حادثه. وربيت بنتي احسن تربيه وبعد خالص عن سكه الحرام
سيف لعدلي المحامي
هو ده الشاهد بتاعك. يا حضرة المحامي. شهادته ملهاش لزمه بالنسبه لي
عدلي
سيدي الرئيس، انا ماكنتش أعرف انه قواد
عبد العاطي
كنت قواد . وخلاص والله ربنا تاب عليه هو ايه حرام في زمنا ده التوبه. ولا عشان انا كنت قواد ما دورش علي حق بنتي اللي ماتت
سيف
عبد العاطي. شهادة ارباب السوابق غير معتمدة في المحكمه لانك مش اهل ثقه واتفضل اقعد مكانك
عبد العاطي بعصبيه شديدة
يعني ايه حق بنتي راح
سيف بحزم
كلمه تاني بدون اذن مني. هانسي انك معاق وهاحطك في الحبس 24 ساعه
فيجلس عبد العاطي وهو يقول بصوت واطي
ربنا علي الظالم
فيقف عدلي ويقول
سيدي الرئيس. سامحني في اللي هاقوله. بس انا حاسس انك متعاطف مع المتهم فضل وبطريقه مبالغ فيها
سيف بحزم
عدلي. بلاش تجاوز والا هامر بحبسك انا هنا ممثل للعداله ومن حقي اتاكد من كل الادله اللي قدامي وخصوصا اني دي قضيه مش سهله وقضيه غريبه متهم بيعترف علي نفسه بانه قاتل. والمقتول قاعد قدامي في قاعه المحكمه وبيتهمه باغتصاب بنته. ورغم ان الادله اللي معاك كلها ضد فضل لكن ما فيهاش ولا دليل مادي وقوي يساعد المحكمه في أنها تحكم حكم عن يقين
فضل
حضرة القاضي. انا عندي اللي يثبت صحة كلامي وان اللي في المحكمه ده مش جلال المنياوي ولكنه اخوة التؤام فؤاد
سيف باهتمام
وايه هو دليلك
فضل
اخوة جلال المنياوي. عندة شامه كبيرة في اعلي كتفه الشمال وانا بطلب من حضرتك بانك تأمر بالكشف عن كتف جلال المنياوي الشمال
فينظر سيف الي جلال المنياوي ويقول
يا. جلال اللي قالة فضل حقيقي. فعلا اخوك التؤام عندة شامة في اعلي كتفة الشمال
جلال
فعلا. والشامة دي بتميز اخوية عني
سيف الي جلال المنياوي
طيب من فضلك. اكشف عن كتفك الشمال
جلال
هو انت مصدق اني انا فؤاد. غريبة ان حضرتك تصدقة وتكذبني انا
سيف
واية الغريب في كدة علشان هو انسان بسيط وانت راجل سياسي معروف
جلال
لا. علشان هو كذاب
سيف وهو ينظر في عيون جلال
اثبت انة كذاب واكشف عن كتفك الشمال
جلال
اللي بيحصل دة. تهريج انا جلال المنياوي اكشف عن كتفي
ويبص جلال لعدلي ويقول
هو اللي بيحصل دة قانوني يا متر
سيف بحزم
جلال بية من فضلك اكشف عن ذراعك ولا انت قلقان من حاجة
جلال بضيق
اقلق من اية. انا صاحب حق و عشان بس اثبت لك انه محتال وكذاب واني انا جلال المنياوي هاكشف عن ذراعي
ويكشف جلال عن كتفه الشمال و،،،،،،،،،،،،
خلصت النهاردة. بس عادي يعني باذن الله نكمل بكرة. سلام.
ح(3)
ويكشف جلال عن كتفه الشمال و يجد شامه فينظر جلال للشامه باستغراب ما بعدة استغراب ويقول وهو هايتجنن
ازاي.
عدلي لجلال
جلال. ازاي الشامه دي موجودة في ذراعك
ويحدث هرج ومرج في المحكمة. فيقول فضل. للقاضي سيف
صدقتني يا حضرة القاضي. انا صح واللعبه بانت واتكشفت حقيقه جلال بيه رجل الاخلاق والفضيله قدام الناس كلها
زمن الثعالب
من تاليفي.
محمد منصور. **منص**
وقبل ما نبدأ الحلقة نوحد الله ونصلي علي خير خلق الله سيدنا محمد. وعلي بركة الله نبدأ
بسم الله توكلت علي الله. وهو رب العرش العظيم
سيف
انا كنت حاسس من الاول انك صح.
ثم ينظر سيف الي جلال ويقول
اظن دلوقتي كل حاجه بانت يا فؤاد.
جلال بعصبيه
فؤاد مين. انا جلال المنياوي. وجاهز اني اعمل فيش وتتاكد من كلامي ومستعد اعمل تحليل dna لو عايز
سيف
من غير فيش ولا تحليل لانك ممكن تزورهم بعلاقاتك.
عدلي غاضبا
سيدي الرئيس احتج علي هذة الجملة. فموكلي رجل نزية وعمرة ماكان مزور
سيف لعدلي
عدلي. أظن ان مؤكلك اعترف ان فؤاد اخوه عندة شامة في ذراعة الشمال لو هو فعلا جلال مش فؤاد اية اللي جاب الشامة دي في ذراعه
جلال بغيظ شديد وهو يحاول مسح الشامه لانه يظن انها مرسومه ثم ينظر الي فضل ويقول
الشامه دي جيت. في ذراعي ازاي انطق
فضل
وانا اعرف منين. هو ذراعي ولا ذراعك
ملك لجلال
يعني ايه. انت مش بابا
جلال بحزن
لا يا حبيبتي دة كداب. وانا هاثبت لك
ملك
ازاي بس
جلال
عمك فؤاد. في امريكا زي ما انتي عارفه وهاتصل بي يجي مصر ويثبت للناس دي كلها الحقيقه
عدلي
صح. انت بتكلم صح لازم فؤاد يجي
فيقف عدلي امام القاضي ويقول
سيدي الرئيس. انا بطلب تاجيل المحاكمة لمدة شهر. وذلك لاستدعاء السيد فؤاد محمود المنياوي لقاعه المحكمة و اظن بوجود فؤاد هتتاكد حضرتك ان موكلي مظلوم
فينظر سيف الي فضل. ثم ينظر الي عدلي وجلال الذي يقف مصدوم مما حصل ولايزال يحاول مسح الشامه ويفكر سيف لي لحظات ثم يقول
تؤجل القضيه لجلسه 2/25. وذلك لاستدعاء فؤاد محمود المنياوي. رفعت الجلسه
وينهض القاضي ويخرج من قاعه المحكمه وجلال ينظر الي عدلي وملك وفضل ينظر لهم ويقول
لسه ماخلصتش الحكاية. ولازم الناس كلها تعرفك علي حقيقتك يا فؤاد ، ،،،،
وبعدها بيوم من داخل فيلا جلال يجلس جلال مع عدلي وملك وملك تقول بعصبيه
وبعدين هانعمل ايه دلوقتي. عمي فؤاد ساب امريكا ونزل مصر من شهر ومن ساعه وصوله مصر ماحدش يعرف عنه حاجه حتي ولادة. ومراته
عدلي
لازم نلاقي فؤاد قبل ميعاد الجلسه والا،،،،،،
جلال مقاطعه له
بس ماتكملش. أنا مش عارف انا عملت ايه في دنيتي عشان يظهر في حياتي واحد واطي زي فضل
ملك
ما انا ياما قولت لك وحذرتك انك تبعد عن سكه انعام امه
جلال
عرفت تضحك عليه وتوقعني في حبها ومن ساعتها وانا مش قادر ابعد عنها
ملك وهي تنظر له بشك
وطبعا من كتر حبك ليها حاولت تغتصبها لغايه ما دخل عليكم فضل.
جلال بضيق
انتي بتقولي ايه
ملك
بقول ان شكل فضل ده صادق في كل كلمه قالها عنك
جلال وهو ينظر لعدلي فيقول عدلي
بتقولي ايه يا ملك انتي تصدقي ان راجل زي ابوكي حج بيت الله اكتر من مرة يبيع نفسه للشيطان ويحاول انه يغتصب انعام
جلال
ولا ممكن تكون لسه مصدقه اني انا مش ابوها فعلا
ملك
والله انا مابقيتش عارفه مين فيكم صادق ومين كداب. انت وعمي فؤاد شبه بعض الخالق الناطق وماحدش بيقدر يفرق مابينكم ابدا. حتي الصوت عمي فؤاد بيقلد صوتك بالظبط وماحدش كان بيقدر يفرق صوتك عن صوتة. فيعالم انت لو عمي فؤاد انا هاعرف ازاي. واكيد ليك غرض من انك تخفي بابا أو يكون بابا مات فعلا وانتم مخبئين عني
جلال بصدمة
ملك. انتي شاكه فعلا اني مش ابوكي
عدلي
اكيد لا. يا جلال. ملك دلوقتي متلخبطه وخصوصا بعد حادثه اغتصاب فضل ليها
ملك وهي تنظر لجلال
مسير الحقيقة تبان يا جلال بية
جلال
جلال بيه. ده انتي بتقولي زي ماهو بيقول بالظبط باين عليه عمل لك غسيل مخ انتي كمان وصدقتي
عدلي
زي ما عمل غسيل مخ للقاضي. ده انا لاول مرة اشوف القاضي سيف متعاطف مع حد كدة
جلال
انا دلوقتي ماتفرقش معايا القضيه انا اللي يفرق معايا فعلا ان بنتي الوحيدة تصدق اني ممكن اعمل كدة
ملك بضيق
حبك للي اسمها انعام دي خلاك تعمل حاجات كتير ماكنتش متوعودة منك انك تعملها. ياتري فاكر ولا افكرك، ،،،،،،
ونرجع بالاحداث لكام شهر مضي وجلال يجلس في مكتبه في فيلته ومعه كامل وكان كامل لايزال زوج انعام ومن خارج المكتب تقف ملك وتستمع لما يقال وجلال كان يقول وهو يعطي شيك بمبلغ كبير لكامل ويقول له
اظن المبلغ ده كفايه عشان تبطل هجوم علي انعام في البرنامج بتاعك
فيمسك كامل الشيك وينظر في ويقول
هي دي غلاوة انعام عندك
جلال باستغراب
مش فاهم
كامل
انا عارف انك بتحب مراتي ومن زمان وانا راجل اعشق الصفقات وعشان كدة انا جيت لك النهاردة عشان اقول لك مراتي للبيع تحب تشتري
جلال
أيه الصراحه الوقحه دي
كامل
لا. بلاش الغلط بدل ما تكون حلقاتي اللي جايه عنك انت وانت عارفني بقي لما حط حد في دماغي
جلال
هاتعمل ايه يعني. انا راجل نطيف وعمري ما مشيت غير في المظبوط
كامل
وانا بعشق الناس المظبوطه لما اخليها مش مظبوطه وانت عارف بقي الناس اللي بتابعني كتير وبيصدقوني ولو قولت عنك انك حرامي هايصدقوني ولو قولت عنك انك شيخ برضو هايصدقوني
جلال
عارف انك قذر
كامل ببرود
شكرا. قولت ايه بقي تحب تشتري مراتي
جلال
اشتري
كامل
يبقي. 5 مليون جنيه وبرنامج عندك في المحطه الفضائيه بتاعتك
جلال
للدرجه دي انعام رخيصه عندك
كامل
انعام. مرخصه نفسيها باللي بتعلمه في افلامها. انا بقي اللي هاخليها غاليه
جلال
خلاص هاعمل لك اللي انت عايزة بس تطلقها
كامل
بس كدة الفلوس تخش حسابي والبرنامج يشتغل واعتبرها مراتك، ،،،،
ونرجع الي فيلا جلال وجلال ينظر لملك ويقول
انتي سمعتي كل حاجه بقي
ملك
سمعت وماكنتش مصدقه انك تعمل كدة تشتري واحدة رخيصه زي انعام بكل الفلوس دي
جلال
اعمل ايه. الحب مرض وانا كنت مريض بيها. لكني كنت هاتجوزها واخليها تعتزل الفن
وفي هذة اللحظة يرن جرس الموبيل الخاص بجلال فيخرج الموبيل من جيبه فيجد رقم غريب يتصل به فيرد قائلا
الو.
فيسمع صوت يقول
لو عايز اخوك فؤاد حضر مبلغ 10مليون جنيه.
جلال باهتمام
انت مين
الصوت
انا واحد يهمه انك ماتخسرش القضيه وتفضل عايش وسط الناس رافع راسك. فكر وهاتصل بيك تاني
ويغلق الخط وجلال يقول
الو. الو.
ثم ينظر جلال الي ملك وعدلي ويقول لهم
واحد خاطف فؤاد اخويا وبيقول لي هات 10 مليون جنيه عشان يخلي فؤاد يظهر ويحضر المحكمه
فينظروا له الاثنين بدهشه كبيرة ويقول عدلي
احنا باين بيتلعب علينا لعبه كبيرة قوي
ملك
ومين بس اللي بيعمل كدة
جلال
هو ده اللي لازم ندور عليه ونعرفه ،،،،،،،
ومن داخل فيلا القاضي سيف يجلس سيف في مكتبه ويقراء ملف قضيه فضل وتدخل عليه المكتب زوجته وتقول له
سيف انت لسه صاحي
فيخلع سيف نظارة القراءة وينظر لزوجته ويقول
هي الساعه بقيت كام
زوجة سيف
الساعه داخله علي 3 الفجر
سيف
يااااااااا. ده الوقت سارقني
زوجه سيف
انت من ساعه ماكنت قاعد مع اخويا وبتكلمه مع بعض وانت مش طبيعي
سيف
اصلي انا بحكم في اغرب قضيه ممكن تشوفيها في حياتك
زوجه سيف
قضيه ايه دي
سيف
اغتصاب بنت الوزير السابق جلال المنياوي
زوجه سيف
اة. سمعت عن القضيه دي. دي بقيت قضيه راي عام
سيف
اهو تخيلي بقي القضيه دي المتهم فيها اسمه فضل اعترف علي نفسه انه قتل جلال المنياوي وفي نفس الوقت جلال المنياوي رافع عليه قضيه اغتصاب بنته.
زوجه سيف
انا مش فاهمه. حاجه. دي فزورة دي ولا ايه
سيف بعد ما يتنهد
فزورة ولازم اعرف حلها
زوجه سيف
. ماتشوف مين الاوراق ضدة واحكم عليه وخلاص
سيف
مش انا اللي اعمل كدة واستسهل انا هانطق بحكم اتحاسب قدام ربنا عليه فلازم اكون علي يقين ان الحكم دة عادل وأرجع الحق لصاحبه عشان كدة خليت اخوكي يجمع تحريات عن فضل وجلال. لكن الغريبه والحاجه اللي تحير جدا ان الاتنين سيرتهم وملفهم ابيض ومافيش اتنين اختلفوا علي اخلاق فضل ولا في حد شكك في نزاهه وطيبه وحسن سيرة جلال المنياوي
زوجه سيف
ده ايه اللخبطه دي
سيف وهو ينظر في الاوراق مرة اخري
والا لخبطه. بس اكيد واحد منهم طيب والتاني خبيث خبث التعالب
وتقع عين سيف علي اسم امراة تدعي فاتن وعنوان شقتها ومكتوب في محضر الضبط ان البوليس قبض علي فضل وهو في شقه فاتن وفاتن ماجيتش المحكمه خالص فامسك سيف بالقلم بتاعه ووضع دائرة حوالين اسم فاتن وعنوان شقتها وقال لنفسه
ياتري مين فاتن دي وأيه علاقتها بقضيه فضل، ،،،،
وتمر الليله ويطلع النهار ويركب سيف سيارته ويتجه بها الي شقه فاتن ويصعد الي الشقه التي كانت في بيت قديم ويضرب الجرس فتفتح له فاتن. وهي امراة نحيفه ومريضه بالسكر في الستينات من عمرها وكان باين عليها التعب الشديد. فينظر لها سيف ويقول
السلالموا عليكم
فتنظر له فاتن وتقول
وعليكم السلام. انت مين
سيف
انا القاضي سيف عبد الحق وكنت عايز اسالك سؤال. بس لو تسمحي لي ادخل ونتكلم جوة
فاتن وهي تفسح له الطريق ليدخل
اتفضل
ويدخل سيف ويجلس علي كنبه مكسورة فالشقه تدل علي فقر صاحبتها بشدة وينظر سيف الي فاتن ويقول
بصي انا مش هاطول عليكي عشان واضح انك تعبانه. بس هو سؤال وعايز اجابته
فاتن
قول.
سيف
انتي تعرفي حد أسمه فضل كامل الباشا
فاتن
الا اعرفه. ده أنا أمه.
فيصدم سيف، ،،،،،،
خلصت النهاردة. بس لو في العمر بقية هنتقابل تاني. يومكم جميل
ح(4)
زمن الثعالب
من تاليفي.
محمد منصور. **منص**
وقبل ما نبدأ الحلقة نوحد الله ونصلي علي خير خلق الله سيدنا محمد. وعلي بركة الله نبدأ
بسم الله توكلت علي الله. وهو رب العرش العظيم
ويدخل سيف ويجلس علي كنبه مكسورة فالشقه تدل علي فقر صاحبتها بشدة وينظر سيف الي فاتن ويقول
بصي انا مش هاطول عليكي عشان واضح انك تعبانه. بس هو سؤال وعايز اجابته
فاتن
قول.
سيف
انتي تعرفي حد أسمه فضل كامل الباشا
فاتن
الا اعرفه. ده أنا أمه.
فيصدم سيف ويقول
انتي بتقولي ايه
فاتن
فضل ابني
سيف
ازاي وهو مثبت في القضيه أنه ابن انعام وكامل الباشا
فاتن
هو فعلا ابن كامل الباشا بس مش ابن انعام ده ابني انا. وهاثبت لحضرتك حالا
وتدخل الي حجرتها وترجع لسيف بعد لحظات ومعها شهادة ميلاد تثبت بيها أن فضل ابنها فينظر سيف في شهادة الميلاد. ويغلق الشهادة وينظر لي فاتن ويقول
لا. بالراحه بقي عليه وفهميني واحدة واحدة
فاتن
انا كنت شغاله عند كامل الباشا في مكتب المحاماة بتاعه وكان محامي علي قد حاله ومش لاقي فلوس يدفع ايجار المكتب ولا حتي فلوس يدفع لي مرتبي لدرجه انه فكر يقفل المكتب لكني مارضتش وبعيت سلسه دهب كانت في رقبتي ودفع الايجار المتاخر اللي عليه وبدا يتقرب مني وانا كمان قربت منه وبقيت اسرق فلوس من وراء ابويا واصرف عليه واتجوزت انا وهو عرفي وعيشت معه وفجاة اختفي وقفل المكتب وكنت حامل في فضل وسالت عليه كل اللي يعرفو ودورت عليه في كل حته بيروحها. لكنه مالهوش اي اثر وبدات بطني تكبر والفضيحه جايه جايه. هربت من البيت وانا خايفه من ابويا ليقتلني لما يلاقني حامل وروحت لابوة كامل. وهو الباشا وحكيت له علي اللي عمله فيه ابنه صعبت عليه وقعدني في شقته وبقي يصرف عليه. وولدت فضل في بيت جدة الباشا. وكان الباشا بيحب فضل جدا. وبعد ماتم فضل ال 6 سنين عرفت من واحد صاحب كامل. انه اتجوز الممثله انعام وهي اللي كانت بتصرف عليه وعن طريق انعام بقي محامي كبير ومشهور ودخل مجال الاعلام روحت له في مكتبه الكبير ومعايا فضل فرح قوي انه شاف ابنه وزعل انه شافني وبدا يلعب في دماغ فضل بالفلوس الكتير واللعب اللي ما بتخلصش لغايه ما فضل حب العيشه معه عشان بيلاقي فيها كل اللي بيحلم بي وبدا يبعد عننا شويه بشويه مع انه كان بيحب جدة الباشا لكن كامل مش سهل خلي الواد يكبر وهو حابب عيشته ودخلت انعام بدور الحنيه علي فضل وخصوصا انها ما بتخلفش ومات الباشا وخد كامل. فضل مني وكتبه باسم انعام اللي حبيته جدا ومن ساعتها وانا قاعدة لوحدي وفضل كل فترة يجي يبص عليه ويديني فلوس وساعات مايجيش واهو انا عايشه ومستنيا اجلي عشان ارتاح
سيف
ازاي فضل يسيبك كدة لوحدك وانت باين عليكي عيانه جدا
فاتن
الدنيا وخدا وابوه مالي دماغه والعز اللي شافه علي ايد كامل خلاة ينساني خالص
سيف
وكان اخر مرة عندك بيعمل ايه
فاتن
كان جاي عشان يستخبي عندي
سيف
يستخبي من ايه
فاتن
هو ماقليش. بس انا سمعته بيتكلم في الموبيل مع حد وبيقول له. اغتصبتها وقال اسم بنت بس انا مش فاكرا الاسم بالظبط. وكمل وقال زي ما اتفقنا
سيف وهو يذكرها
ملك.
فاتن
ايوة. ملك
سيف
تشهدي بالكلام ده قدام المحكمه
فاتن
أشهد يا بيه. ده شهادة حق وهاتنقذ بني ادم
فينظر لها سيف وينهض واقفا ويقول
طيب يا فاتن اسيبك ترتاحي وينظر ناحيه علاج علي التربيزة امامها ويقول لها
هو انتي مريضه بالقلب
فتنظر له فاتن مستغربه السؤال ولكنها تلاحظ انه بينظر الي العلاج الموجود علي التربيزة فتقول
ايوة يا بيه. عندي القلب
فيبتسم سيف ويخرج من الشقه وهو يقول
الف سلامه عليكي
وتغلق فاتن الباب خلف منه وتمسك الموبيل الخاص بها وتطلب رقم وتقول
ايوة يا عدلي بيه. زي ما انت توقعت القاضي سيف كان عندي وانا قولت له اللي انت قولتي عليه بالظبط. بلغ بقي جلال بيه بأني عايزا بقيت حسابي،،،،،،،
وبعدها بيومين. وبعد منتصف الليل يجلس جلال في سيارته وبجانبه شنطه بيها 10 مليون جنيه وفي الطريق الصحراوي وينظر يمين وشمال في انتظار المتصل المجهول اللي قال له انه يعرف مكان فؤاد. واثناء ما هو منتظر ظهور المختطف وعلامات القلق مرسومه علي ملامحه يقف امامه السيارة ثلاث رجال مقنعين ومسلحين ويقول احدهم له
انزل من العربيه
جلال
فين فؤاد اخويا
فيصوب المقنع سلاحه ناحيه راس جلال ويقول
انزل من العربيه. والا هافرتك دماغك
فينزل جلال وهو خائفا من تهديد هذا الشخص ويذهب الرجلين الاخرين ويركبوا العربيه مسرعين ويدفع الرجل الثالث جلال فيقع علي الارض ويركب الشخص الثالث السيارة وتنطلق السيارة وجلال ينظر عليهم وهو يقول غاضبا
يا ولاد الكلب ،،،،،،،
ومرت الايام ولم يتم العثور علي فؤاد وجاء موعد المحاكمه ووصل جلال وملك وعدلي وانعام وكامل الي قاعه المحكمه والمصورين ووسائل الاعلام تنقل احداث المحاكمه ويدخل فضل الي قفص الاتهام ويعلن الحاجب عن وصول القاضي سيف الذي يبدا المحاكمه باستدعاء عدلي وجلال ويقول لهم
فين فؤاد المنياوي
فينظر عدلي الي جلال ويقول
فؤاد مخطوف ولما يتم العثور عليه
سيف
ومين اللي خطف فؤاد
عدلي
شخص بيحاول يشوة صورة موكلي
سيف
علي كل حال في شاهدة جديدة في القضيه ممكن تطلع موكلك براءة او تحبسه
عدلي
مش فاهم. كلام حضرتك
سيف
هاتفهم حالا.
ويقول للحاجب
نادي علي الشاهدة فاتن احمد الوكيل
فينادي الحاجب وتدخل الشاهدة الي قاعه المحكمه فينظر القاضي لها وتقول
قولي والله العظيم اقول الحق
فاتن
والله العظيم اقول الحق
سيف
ايه هي علاقتك بفضل
وتقول فاتن ماقالته من قبل للقاضي سيف فينظر لها فضل ويقول
انا ماعرفش الست دي
فينظر سيف الي عدلي وجلال ويقول
وانتوا كمان ماتعرفوش مين دي
عدلي
انا اول مرة اشوف الست دي
سيف
وانت يا جلال بيه اول مرة تشوفها برضو
جلال
وانا كمان اول مرة اشوفها
سيف
غريبه. مع ان اسمها وعنونها اتحطوا في ملف القضيه من وقت قريب عشان تخلقوا شاهدة بالزور تشهد لصالحكم
عدلي
سيدي الرئيس. كلامك في تلميح خطير
سيف بعصبية
استاذ عدلي. الست دي اتحط عنوانها في ملف الضبط والاحضار وروحت للعنوان واستجوبتها. بشكل ودي وقالت اللي انتو سمعتوا ده. لكنها بتكدب.
فاتن
انا مش كدابه
سيف بحدة
لا كدابه. فضل اتقبض عليه في فيلا انعام مش في شقتك وانا اتاكد بنفسي من المعلومه دي. وتاني حاجه لما سالتك وقولت لك تشهدي في المحكمه قولتي أشهد يا بيه دي شهادة حق وهاتنقذ بني ادم. ومافيش ام تضحي بابنها وتكون السبب في ضياع مستقبله وتلف حبل المشنقه حوالين رقبته بالسهوله دي. وتالت حاجه. لما قولت لك العلاج دة بتاع القلب وانتي قولتي اة وهو اصلا علاج لمرضي السكر يعني العلاج ده مش بتاعك والشقه دي مش بتاعتك. واتاكد بنفسي وسالت في المنطقه وعرفت انك ماجرا الشقه دي من اسبوع بس ولمدة شهر. واخر حاجه احب تعرفيها انا خرجت من الشقه ووقفت قدام الباب وسمعت مكالمتك كلها مع عدلي
عدلي
مكالمه ايه اللي دارت بيني وبين الست دي انا اصلا ماعرفهاش
سيف بحزم
أظن بقي. القضيه دي جه الوقت ونقفلها كل الادله ضد فضل. لكن كل الشواهد ضد جلال المنياوي وعلي هذا الاساس. حكمت المحكمه حضريا علي فاتن احمد الوكيل بالسجن سنه مع الشغل بتهمه الشهادة الزور.
وياخذ العساكر فاتن من امام القاضي وهي بتصرخ وتقول
لا. الحقني يا جلال بيه وخرجني من القضيه دي
جلال
هو انا اعرفك ياست انتي
سيف بحزم شديد
سكوت في قاعه المحكمه.
ويسكت الحضور ويكمل سيف قائلا
وتؤجل القضيه لجلسه 3/25 للنطق بالحكم
عدلي
بس كدة في تعنت ضد موكلي وافتراء من الست دي عليه
سيف وهو ينظر لعدلي بضيق يقول
رفعت الجلسه. ،،،،
ومن امام باب المحكمه يقف جلال وعدلي وملك ويقول جلال
وبعدين. انا حاسس من كلام القاضي ان الحكم هايكون في صف فضل وهاطلع انا الجاني مش المجني عليه
عدلي
القضيه عماله تتعقد والست اللي ظهرت دي لخبطت الدنيا كلها
ملك
الست اللي هي كلمتك في الموبيل صح
عدلي بضيق
ملك. انتي بتقولي ايه اوعي تكوني شاكه فيا ومصدقه انا اعرف الست دي
ملك
ان بقيت بشك في نفسي ومابقيتش عارفه مين صادق ومين كداب. لكن بصراحه انا حاسه ان فضل هو الصادق الوحيد في الحدوته الماسخه دي
عدلي
تاني يا ملك. هاتصدقي اللي اسمه فضل ده وتكدبينا
ملك
وماصدقهوش ليه ولا كلمه قالها طلعت كدب لغايه دلوقتي
جلال
وانه قال انك مراته . مش كدبه منه
ملك وهي تنظر لجلال
لا مش كدبه. انا فعلا مرات فضل
فينظر جلال اليها بغضب شديد، ،،،،،،،،
ومن النهاردة كل اللي فات حمادة وكل اللي جاي حمادة تاني خالص. يومكم مبسوط
ح(5)
زمن الثعالب
من تاليفي، ،
محمد منصور. منص
وقبل ما نبدأ الحلقة نوحد الله ونصلي علي خير خلق الله سيدنا محمد. وعلي بركة الله نبدأ
بسم الله توكلت علي الله. وهو رب العرش العظيم
عدلي
تاني يا ملك. هاتصدقي اللي اسمه فضل ده وتكدبينا
ملك
وماصدقهوش ليه ولا كلمه قالها طلعت كدب لغايه دلوقتي
جلال
وانه قال انك مراته . مش كدبه منه
ملك وهي تنظر لجلال
لا مش كدبه. انا فعلا مرات فضل
فينظر جلال اليها بغضب شديد ويمسكها من دراعها بمنتهي العنف ويقول
امتي اتجوزتي الكلب دة. انطقي
عدلي
جلال. مش هاينفع الكلام دة هنا احنا في الشارع
فيسيبها جلال وهو يقول
اركبي العربيه ولما نوصل الفيلا. حسابك معايا هايكون عسير،،،،،،،،
ومن داخل حجرة نوم ملك يقف جلال امام منها ويضربها بالقلم فيذهب ناحيته عدلي ويمنعه من الهجوم عليها ويقول
جلال. ايه اللي انت بتعمله دة
جلال
سيبني يا عدلي. خليني اقتلها وارتاح منها
عدلي
اهدئه يا جلال ضربك ليها مش هايحل المشكله. سيبنا نعرف منها ازاي حصلت الجوازة دي وليه ملك تتجوز من وراك
جلال
اتجوزت من ورايا. عشان انا ماعرفتش اربيها
ملك وهي تبكي
لا. اتجوزت من وراك عشان فضل كان حنين عليه وبيحبني وانا حبيته. و انت اهملتني ونسيت ان ليك بنت امها ماتت وكان نفسها تلاقي معاك حضن الام اللي هي اتحرمت منه. لكن فين انت. كنت بدور ازاي ترضي الهانم اللي اسمها انعام ورايح جاي وراها في كل حته لدرجه انك روحت لها البيت وحاولت تغتصبها
جلال بعصبيه
اخرسي. انا كنت عندها في اليوم دة. عشان هي اتصلت تستنجد بيا من طليقها كامل. ولما روحت الفيلا لقيت ابنها فضل وطردتني من الفيلا ومن ساعتها وانا ماعرفش حاجه عن انعام ومافكرتش أقرب منها تاني
ملك
مش عارفه ليه مش مصدقاك.
جلال بعصبيه
انا مش كداب. وبعدين بقي تعالي هنا لما هو جوزك ليه دخلتي عليه في الليله اياها وهدومك مقطعه وقولتي لي ان فضل اغتصبك
ملك بارتباك
عشان انتقم منه بعد ماعرفت انه بيخوني
جلال
واشمعني الاغتصاب اللي فكرتي في
ملك
دي مش فكرتي. دي فكرة كامل الباشا
عدلي باستغراب
كامل. هو اللي قال لك تتبلي علي ابنه. ازاي بس
ملك
اصلا من زمان كامل علي خلاف مع فضل لدرجه ان كامل هو اللي عرفني ان فضل بيخوني وهو اللي خلاني اتبلي عليه.
جلال وهو يمسكها من شعرها
وجايه دلوقتي وتقولي الكلام دة. بعد ماخليتي صورتي النظيفه تتهز قدام الناس كلها
فتصرخ ملك من شدة الالم وتحاول افلات شعرها من يد والدها وهي تقول
انا ماكنش قصدي. اني اخلي صورتك تتهز انا كنت عايزا انتقم من فضل وخلاص
فيتجه عدلي ناحيه يد جلال ويبعدها عن شعر ملك وهو يقول
وبعدين يا جلال. العنف ده مش هايجيب نتيجه لازم نفكر ونشوف هانعمل ايه في الورطه دي
جلال
انا خلاص ضيعت. وفضل طلع مظلوم وانا بنتي خليتني ظالم
عدلي
بنتك برضو مظلومه. عيله صغيرة واتلعب عليها لعبه وسخه من تخطيط كامل
جلال باستغراب
وكامل ده يعمل ليه كدة في بنتي وابنه
عدلي
اكيد المقصود من اللعبه دي انت.
جلال
انا. طيب ليه
عدلي
واضح كدة ان كامل الباشا قاصد ان يشوهه صورتك قدام الناس عشان ماتنزلش الانتخابات اللي جايه
جلال
طيب وهو ليه يعمل كدة
عدلي
اهو دة بقي اللي احنا لازم نعرفه
جلال
انا مش عايز اعرف حاجه كفايه اوي لغايه كدة. انا هاصفي حساباتي في مصر وهاهرب علي امريكا
عدلي
جلال. تهرب طيب والانتخابات
جلال
مش عايز انتخابات كفايه حرب بقي لغايه كدة. انا مش ناقص مشاكل وعايز اعيش في سلام وماكملش اللي فاضل من حياتي في السجن.
ثم ينظر الي ملك ويقول
وانتي تروحي لفضل في السجن وتخلي يطلقك عشان احنا هانسيب مصر خالص بس اوعي يعرف اننا هانهرب، ،،،،،،،
وبعدها بكام يوم ومن داخل سجن النساء وأثناء موعد الزيارة للمساجين يقف شاب في اوائل العشرينات من عمرة و يدعي نبيل وهو ابن فاتن الوحيد ويقول لفاتن
ليه عملتي في نفسك كدة.
فاتن
الحوجه. وحشة ومن يوم ابوكم ما مات وانا مش عارفه اكلكم عيش حاف.
نبيل
تقومي تاكلينا حرام. ادينا بقي معانا فلوس بس محرومين منك
فاتن
هو انا كنت اعرف اني القاضي هايكشفني كدة. ده مش سهل. و انا كان اتفاقي معاهم علي اني اقول الكلمتين دول عشان اثبت القضيه علي فضل واخد القرشين ونعيش بيهم
نبيل
واهو ربنا عاقبك وحرمنا منك. بس انا مش هاسكت وزي ماكانوا السبب في دخلوك السجن لازم يخرجوكي
فاتن بعصبيه
نبيل. اياك تعمل اي حاجه مع الناس دي احنا مش قدهم وخلي بالك من اخواتك وانا كلها سنه وان شاء الله هاخرج لكم.
نبيل
لا. يا امه انا مش هاقدر اعيش بعيد عنك سنه ولازم يخرجوكي من القضيه دي. انا ماشي
فاتن
رايح فين يا نبيل
نبيل
هاديهم الفلوس اللي خدتيها منهم واقول لهم يطلعوكي من القضيه دي. انا اضيع من غيرك
وينصرف نبيل وفاتن تنادي عليه وهي خائفه مما سيحدث، ،،،،،،
وفي نفس اليوم بالليل ومن وسط صحراء تقف عرببة سوداء فيها ناس ملامحها مش باينه ويفتح باب العربية اللي وراء ويترمي منها نبيل وهو متكتف وبيبص للناس دي بعيون باكية بتطلب الرحمة لكن مافيش رحمة خرجت الرصاصات سريعة وكلها ناحية صدر نبيل وينزل رجل من العربية ومعه جركن بي مية نار ويرمي مية النار علي وش نبيل علشان يشوهه نهائي. ويركب العربية وتمشي العربية وتسيب نبيل وراء منها غرقان في دمه والمية النار بتاكل في وشة. ،،،،،،،
وبعدها بكام يوم يقف عدلي قدام جلال ومعه جوازت سفر مزيفة ويديهم ل جلال وهو بيقول
انا مش موافق علي اللي انت عايز تعمله دة. انت كدة خليت كامل الباشا ينتصر عليك
جلال
عدلي انت راجل قانون وعارف ان بعد ما بنتي اعترفت لينا انها مرات فضل. يبقي القضية كلها فشنك لان مافيش راجل بيغتصب مراته
عدلي
هنثبت انها اضحك عليها. بلعبة وسخة من كامل الباشا
جلال
انا اللي فاضل من عمري يدوبك يخليني اعيش بعيد عن المشاكل. ودة اخر كلام عندي
عدلي
وجوازة ملك من فضل
جلال
ملك كلمتني قبل ما تيجي انت بساعه. وخلاص فضل طلقها بعد ما خد 10 مليون ج. علشان يادبنا بيهم، ،،،،،،،،
وتمر الايام وياتي ميعاد المحاكمه ويتغيب جلال المنياوي وبنته ملك عن المحكمه لانه تم هروبهم برة البلد. وحكم سيف غيابيا علي جلال وملك بالسجن. وحكم بالبرائة ل فضل من التهمه المنسوبه اليه. وتفرح انعام اوي لخروج ابنها من القضيه، ،،،،،،،
ووصلت الشرطة لجثة نبيل. وطبعا بسبب الوجه المشهوة ما قدروش في الاول يعرفوا مين دة لكن البحث الجنائي والطب الشرعي وعن طريق البصمة الجينية قدروا يعرفوا ان دة نبيل ابن فاتن. ،،،،،،،،
ومن داخل. مكتب مامور القسم يجلس القاضي سيف مع المامور والمامور يقول لسيف
فاتن بعد ما طلبت انها تقابلك. اتقتلك جوة الزنزانة وماقدرناش لغاية دلوقتي نعرف مين اللي عمل كدة. وكل دة حصل وبسرعه بعد ما عرفت بان ابنها. مات مقتول
سيف
وانت ماعرفتش كانت عايزاني في ايه
المامور
لا. بس احنا لاقينا الجواب دة في هدومها ومكتوب عليه ان ماحدش يقرا غيرك انت
فيمسك سيف الجواب ويفتحه وينظر في الجواب ويقرأ ما هو مكتوب ويقول
كامل الباشا. وكامل يعمل ليه كدة في فضل، ،،،،،،،
وتنتهي اجراءت خروج فضل من السجن ويركب سيارة انعام ويتجه بها الي فيلا انعام ويدخل فضل الي الفيلا ويكون بداخل الفيلا كامل الباشا في انتظار وصول فضل فينظر له فضل بضيق شديد ويقول
أنت بتعمل ايه
فيخرج كامل مسدسه ويصوبه ناحيه فضل ويقول
جاي علشان ابارك لك،،،،،،،،
ح(6)
الاخيرة
زمن الثعالب
من تاليفي، ،
محمد منصور. منص
وقبل ما نبدأ الحلقة نوحد الله ونصلي علي خير خلق الله سيدنا محمد. وعلي بركة الله نبدأ
بسم الله توكلت علي الله. وهو رب العرش العظيم
وتنتهي اجراءت خروج فضل من السجن ويركب سيارة انعام ويتجه بها الي فيلا انعام ويدخل فضل الي الفيلا ويكون بداخل الفيلا كامل الباشا في انتظار وصول فضل فينظر له فضل بضيق شديد ويقول
أنت بتعمل ايه هنا
فيخرج كامل مسدسه ويصوبه ناحيه فضل ويقول
جاي عشان ابارك لك
فيتجه فضل ناحيته وهو ينظر له في عيونه ويقول
طيب ماتبارك مستني ايه
فيقف كامل وياخذة بالحضن وهو يضحك ويقول
مبروك البراءة يا ابن الباشا
فيضحك فضل ويقول وهو في حضن كامل
هو انت كان عندك شك في اني مش هاطلع منها
كامل
بصراحه خوفت عليك
فضل وهو يضحك ضحكه كلها شر
مش عيب لما تخاف وابنك فضل ابن الباشا.
ثم يشاور علي دماغه ويقول
طول ما دة شغال مش عطلان اعرف انك في امان الامان
انعام
بس انا بصراحه كنت خايفه واكتر من ابوك. وخصوصا لما قولت لجلال في المحكمه انه يعري كتفه عشان القاضي يشوف الشامه خوفت يعرف انها مش حقيقية
فيضحك فضل وهو يجلس علي كرسي الانتريه ويقول
ازاي يعني. ده مرسومه علي كتف جلال باحدث تقنيه وبارزة زيها زي الحقيقية. بس اللي يضحك في الموضوع ان جلال عايز يمسحها بايدة فاكرها هاتطلع بالساهل
كامل
بس انت رسمتها لي امتي
فضل
وهو في جلسه العلاج الطبيعي بتاع ظهرة اتحط له برشامه المخدر الجميل في كوبايه العصير وراح في النوم
كامل
بس برضو ماتنكرش ان الظروف ساعدتك ان قضيتك وقعت في ايد قاضي زي سيف
فضل
هو انت فاكر ان سيف حكم في القضيه بالصدفه
كامل
اومال ايه. كانت مقصودة دي كمان
فضل
طبعا. انا عرفت مواعيد محكمه سيف عبد الحق وبدات اظبط كل اللي نعرفهم في النيابة عشان القضيه تنزل في الميعاد اللي يتوافق مع القاضي سيف
كامل
عشان كدة انت قولت لي اكشف لملك خيانتك ليها واخليها تتبلي عليك باغتصابها في شهر 11
فضل
ايوة. عشان الاجراءت والتحقيقيات تتم وتبدا المحكمه في اول يوم لرجوع سيف عبد الحق من اجازته المرضيه. وبطريقتي قدرت اقصر علي سيف والعب علي وتر السلطه والنفوذ اللي فوق القانون واخلي يتعاطف معايا ويصدقني ويكذب جلال
انعام
طيب بقي انا عايزا افهم ايه لزمه فاتن في القصه دي. وليه خليتها تقول انها امك
فضل
كان لازم شاهد يظهر في القضيه بفعل فاعل والشاهد دة يبان انه من طرف جلال وعدلي عشان ابعد عن سيف اي لحظه شك ممكن تتولد جوة منه من ناحيتي. وخصوصا بعد شهادة ابوة نور اللي كانت هاتبوظ الدنيا
انعام
مش انت اللي بتجامل صحابك بالبنات الحلوة اللي في شركتك
فضل
ماما. دي مصلحه وفيها فلوس بنت البنوت دي بيدفع فيها مبالغ كبيرة قوي. المهم ال 20 مليون اللي خدناهم من جلال فين
كامل
موجودين شايلهم جنب اخواتهم
فضل
وفؤاد اخو جلال. لسة محبوس في العزبة.
كامل
فؤاد مات. من الخوف
فضل بضيق
مات. لية بس كدة
كامل
هو اية اللي لية خائف من اللي هايحصل له مات. هانعمل له أيه بقي عمرة وخلص.
فضل
زي ما عمر نبيل وامه خلصو
كامل وهو ينظر الي انعام فتقول له
اية ما هو لازم يعرف اللي حصل. احنا كلنا في مركب واحدة
فضل
انا متفق معاك بلاش الدم في العملية دي
كامل
وانا كنت هاعمل اية نبيل جه يهددني ان لو امه ما طلعتش برائة هايقول للحكومه علي كل حاجه فكان لازم اخلص منه. ومن امة
فضل
كان في ميت طريقه وطريقة تخلي نبيل يبعد عن سكتنا وتسكتة هو وامه
كامل
اهو بقي اللي حصل كان لازم اتصرف وبسرعه قبل مالحكومه تشم خبر
فضل
انت عارف انك بجريمه القتل دي ممكن تخرب علينا الدنيا
كامل
ولا هاتخرب ولا حاجه هو مين يعني هايعرف باننا السبب في موت نبيل وامه
فضل
تفتكر. ان مافيش حد عرف باللي حصل
كامل
اكيد ما فيش، ،،،،،،،
وبعديها بكام يوم يركب فضل سيارته ويتجه الي قصر في التجمع الخامس ويقف امام باب القصر وينزل من السيارة ويقول للحراس الموجودة امام القصر
ياريت حد منكم يبلغ طلعت باشا أن فضل جه حسب الميعاد
فيخرج احدي الحراس جهاز لاسلكي ويبلغ بقدوم فضل فيوذن له بالدخول الي القصر ويذهب ناحية رجل في الخمسينات من عمرة وهو رجل الاعمال طلعت ابو العزم الذي كان يجلس تحت بورجليه يقراء الجرائد فيقف امامه فضل ويقول
طلعت باشا. خلصت لك علي جلال المنياوي
فينظر له طلعت ويقول
عرفت. ده انت يا فضل ماطلعتش سهل
فضل
انا اهم حاجه رضاك عني يا باشا
طلعت
وانا راضي عنك. وعشان كدة انا كنت اتفقت معاك علي 50 مليون جنية وجلال ماينزلش الانتخابات انا بقي هاديك 60 مليون جنيه.
فضل
للدرجة دي يا باشا جلال دة كان عامل قلق
طلعت
بص يا فضل. جلال ده لو كان نزل الانتخبات كان نجح وباكتساح لان ناس كتير بتحبه وخصوصا الغلابه. انما احنا
بقي اصحاب البلد اللي زي جلال دة دمه تقيل علي قلوبنا ومش من مصلحتنا انه ينجح في الانتخابات
فضل
معاك حق يا باشا. ماحدش يعرف مصلحه البلد دي اللي انتم، ،،،،،،،،،
وبعديها بيوم يتم القبض علي كامل الباشا بتهمه قتل نبيل والتحريض علي قتل فاتن. ومن داخل احدي الاقسام يقف كامل الباشا امام الظابط الذي يحقق معه في اعترافات فاتن علية فيقول كامل
انا ماعرفش حد اسمه نبيل ولا اعرف واحدة اسمها فاتن
الظابط
اومال الجواب اللي لاقينا مع فاتن وفي تفصيل الاتفاق اللي تم بينك وبينها وخصوصا انها تعمل نفسيها بتكلم عدلي بعد ما تتاكد ان القاضي سيف واقف علي الباب بيسمع المكالمه.
كامل
كدب. ماحصلش دي واحدة ست بتفتري علية
الظابط
غريبه. والست اللي قتلتها في الحجز بتحريض منك برضو بتفتري عليك
كامل
حضرة الظابط. انت مش عارف انت بتتهم مين انا كامل الباشا
ويستمر التحقيق ومن امام باب مكتب الظابط يقف فضل قلقان مما يحدث وقلقان علي والدة وفجاة يجد امامه القاضي سيف ويقول له
قلبي معاك
فينظر له فضل لانه لم يشعر بقدوم القاضي سيف ناحيته ويقول فضل بخضة
حضرة القاضي.
سيف
اية مالك. خايف ليه كدة
فضل
لا. انا مش خايف ولا حاجه بس كنت بفكر في اللي ممكن يحصل مع بابا
سيف
من امتي بتخاف علي ابوك. دة انا اللي اعرفه انك علي طول في مشاكل معه وعمرك ماحبيته
فضل بارتباك
انا فعلا كنت مختلف معه. لكن سامحته ومهما كان دة بابا
سيف
تعرف. انت تنفع تكون ممثل جامد جدا دة انا عمري ما اتغشيت في بني ادم زي ما اتغيشت فيك
فضل باستغراب
قصدك اية
سيف
قصدي هاتعرفة حالا
وينظر ناحية عسكري يضع الكلبش في يد شاب يدعي عماد ويقول سيف
عارف مين دة
فينظر فضل لعماد ويصدم. لان عماد هو الشاب الذي اغتصب نور باتفاق مع فضل فيقول فضل بعد مايبلع ريقه بالعافيه
انا ماعرفش مين دة
عماد
لاتعرفني. انا مش هاشيل القضية لوحدي
فضل وهو يبرق لعماد
قضية اية. بس
عماد
اغتصاب نور السكرتيرة بتاعتك واللي انت خد فلوس في مقابل انك تسهل لي الطريق ليها
سيف. لفضل
خلاص بقي. خلصت مالهوش لزوم الكدب اعترف احسن لك
فضل
هو انت عرفت ازاي ان دة اللي اغتصب نور
سيف
من كاميرات المراقبه اللي في شركتك واللي صورت عماد اكتر من مرة وهو بيرزل علي نور ونور تصدة لغاية ما الكاميرا. صورت مقابله بينك وبينه في مكتبك وانت بتتفق معه علي الخطه الوسخة اللي خليت نور فريسة لي ومن سوء حظك ان كاميرتك بتسجل صوت وصورة
فضل
انت دخلت شركتي بقي. من غير اذن نيابة
سيف
مين قال كدة طلعت اذن نيابة. وكل شي تم قانوني. علي فكرة انت ذكي جدا وصادق بطريقة ماحصلتش مع انك اخطر كداب انا شوفتو في حياتي ولولا أني روحت لك فيلا انعام بعد خروجك من السجن ولقيتك بتحتفل مع كامل ابوك بخروجك براءة ما كنتش شكيت فيك وحطيتك تحت المراقبة وعرفت علاقتك بطلعت وانة صرف كتير عشان جلال ماينزلش الانتخابات.
فيدفع فضل القاضي سيف في صدرة ويجري فينادي سيف علي العساكر في محاولة منه لمنعه من الهرب وبالفعل يتمكن العساكر من الامساك بفضل، ،،،،،،،،
وبعديها بكام شهر يقف فضل وكامل وانعام في قفص الاتهام وسيف ينظر لهم ويحكم علي فضل وكامل بالاعدام شنقا. وعلي انعام بالسجن 15 سنه لاشتراكها معهم في اعمال اجرامية.
ويظل جلال وبنته برة مصر رافض العودة الي مصر رغم ظهور برائته ويعدم فضل وكامل ويغلق الستار علي اغرب قضية شافتها المحاكم في العهد الحديث. وصدق رسول الله عندما بلغنا عن زمن يكذب في الصادق ويصدق في الكاذب. وهو زمننا الحالي
النهاية
يارب تكون عجبتكم. و مستني راي كل اللي شرفني بقراءة القصة.
 قتلته علشان كان بيحاول يغتصب امي. ولكني لقيتة قدامي…){kind=link}
تعليقات
إرسال تعليق