رواية حكاية وعد الفصل الرابع وعشرون والخامس وعشرون بقلم ملك محمد حصريه في مدونة موسوعة القصص والروايات
رواية حكاية وعد الفصل الرابع وعشرون والخامس وعشرون بقلم ملك محمد حصريه في مدونة موسوعة القصص والروايات
#حكاية_وعد (24)
آيسل ف اوضتها قاعده وقافله على نفسها الباب وعماله تكلم نفسها بحرقه
: محدش فيهم افتكر عيد ميلادي للدرجادي أنا ولا حاجه عندهم
طب قطعة كيك صغيره احط عليها شمعه
طب واحده هوهوز حتى دا اي العالم الرخمه دي
_________
ف الأسفل
تميم :شد الزينه من عندك حلو
تمام بضيق وهو بيشدها : انا مش فاهم ليه كل داه
تميم : دا علشان الأنسه الصغيره هتكبر لازم نعملها احلى عيد ميلاد
مديحه : بطلو كلام وانجزوا صحيح محدش يعرف وعد قافله على نفسها ليه دي حتى مراحتش الشركه مع زين
تميم : تلاقيه مزعلها انا عارفه طول عمره رخم
تمام بسخريه: بصراحه انا لو مكانه هفتح دماغها انا مش عارف مستحملها ازاي
فجأه بيدخل عليهم كريم وحسناء جايين يحضروا عيد الميلاد
مديحه بفرح : يااهلا بحابيبي ال نورونا
سلموا ع بعض
تميم بسعاده : اي اخبار تميم الصغير
تمام ببرود : تمام
حسناء بضحك: انتو لسه بتتخانقوا
كريم : امال باقي العيله فين
مديحه : جدك لسه مرجعش من الشغل هو وزين ووعد ف اوضتها هي وآيسل
كريم بتعجب : وعد موجوده هنا غريبه يعني مراحتش مع زين
حسناء : وانت مهتم اوي كدا ليه ماكل واحد براحته
كريم بإرتباك : انا بطمن بس مش حاجه
تميم : اطمن مفيش حاجه تقريبا خناقه بسيطه
كريم بإبتسامه : خناقه اه تمام
تمام : كريم تعالى امسك مع تميم علشان انا زهقت وطالع اوضتي
مديحه : تعالي ياحسناء اقعدي انتي متعمليش حاجه علشان البيبي
وقعدوا مع بعض يتكلموا
تمام طلع اوضته وهو معدي قابل آيسل طالعه من اوضتها
بصلها بقرف وسابها ومشي
ايسل بتكلم : بيبصلي كدا ليه داه هو حد كلمه
تمام بعد مامشي خطوتين افتكر المفاجأه ال بيعملوها تحت
لف وشه ونده عليها
: انتي
آيسل شاورت ع نفسها : انا
تمام : ايوا تعالي هنا
آيسل راحتله بتعجب
تمام : رايحه فين
ايسل بتعجب: انا جعانه ونازله اكل
تمام : ومين قالك تنزلي
آيسل بتعجب : هو انا لازم اخد إذن
تمام : ايوا طبعاً
آيسل بإبتسامه وفرح : لا متقولش حبتني مش كدا وعايزني بقى اخد اذنك ف كل حاجه يس انا كنت عارفه
تمام بيبصلها بقرف
آيسل بإحراج : فهمت غلط مش كدا
تمام ببرود وهو حاتط ايده ف جيوبه : تعالي ورايا معاد درسك جه
وسابها ومشي
آيسل جريت وراه
: بس انا جعانه
تمام فتح باب اوضته وهو بيقول
: مش لازم تاكلي
قعد ع كرسي مكتبه وهي قعدت ع الكرسي جمبه
تمام : ها ذاكرتي ال اخدتيه
آيسل : اه ذاكرته
تمام وهو بيفتح الكتاب : طيب نكمل
آيسل بحزن : تمام هو انت مش فاكر النهارده اي
تمام ببرود وهو بيقلب ف الكتاب: الأربع
آيسل بحزن : طب والتاريخ داه مش بيفكركوا بحاجه
تمام : اكيد ف التاريخ داه حصلت نكبة ٦٧ كانت يوم ٥ يونيو
آيسل بحزن : نكبه هو دا ال انت فاكره
تمام : هناخد الدرس ولا هنفضل نرغي كتير
آيسل : مليش نفس اتعلم انا حزينه
تمام ببرود: بجد فكرتك آيسل
آيسل ابتسمت
تمام بتعجب : بتضحكي ع اي
ايسل : دي اول مره تقول اسمي واول مره احس انه حلو ممكن تقوله كمان مره
تمام ببرود : لا
ايسل : طب ممكن تقولي يعني اي بحبك بالتركي
تمام بعفويه : seni seviyorum
ايسل وهي حاطه ايدها ع خدها : وانا كمان
تمام بتوتر : بت انتي اتعدلي
آيسل : انت ال بتقولي بحبك
تمام : دا غش واتعدلي بقى علشان نخلص
ايسل : حبني وانا اتعدل
تمام ببرود : بتحلمي
آيسل مدت ايدها وحطتها ع ايده برقه
تمام اتعصب وشد ايدها لبعيد اتخبطت ف المكتب ووجعتها جدا
آيسل بألم وهي ماسكه ايدها : اااه ايدي
تمام بإرتباك من ردة فعله : انا مقصدش انتي كويسه
آيسل بعصبيه : انت لا يمكن تكون انسان انت اكيد حجر ومبتحسش هو انا اي كلبه لمستك كل اما المسك تهني بالشكل داه
تمام : انا ...
ايسل سابته ومشيت ع اوضتها وقفلت الباب وراها بغضب
تمام مسك ايده ال هي لمستها وقال لنفسه
: اهدى ياتمام ومتدخلش تغسلها حاول تتعود
هدي شويه وبعدين اتعصب جامد وقال لنفسه
: مش قادر مش قادر
ودخل ع الحمام يغسل ف ايده جامد لدرجة انها احمرة جدا من كتر الغسيل فيها
__________
" ف الأسفل"
تميم : كريم ممكن تطلع تقول لوعد انها تخلي آيسل تجهز بس بدون ماتعرفها حاجه علشان المفاجأه مبتوظش
كريم بإبتسامه : اه تمام
تميم : معلش هتعبك معايا بس زي مانت شايف ايدي مش فاضيه خالص
كريم : مفيش تعب ولا حاجه
بيطلع كريم لوعد فوق
بيخبط ع الباب
وعد بحزن وهي تحت الغطا : وعد مش هنا
كريم ابتسم وقالها : بس انا عايزها
سمعت صوته اتخضت وقلبها دق جامد
اتعدلت وقالت : مين
كريم شاف الباب الأكره بتاعته مكسوره ففتح ودخل وهو بيقول
: انا كريم
قفل الباب وراه
وعد وقفت بخوف : انت بتعمل اي هنا اطلع بره
كريم بخبث : اهدي اهدي مفيش حاجه تميم بس بيقولك خلي ايسل تجهز لان عيد ميلادها النهارده
وعد بخوف : طيب هقولها اتفضل اطلع بره بقى
كريم بدأ يقرب بمكر
وعد برعب : كريم اطلع بره بدل مااصوت والم كل ال ف الفيلا وخلي حسناء تشوفك
كريم قرب منها وقال بحده: هو سؤال وعايز اجابته انتي متجوزه زين بجد ولا دا كان حوار عملتوه علشان تهربي من جوازك مني
وعد بخوف وهي بترجع لورا : كريم اطلع بره بقولك مفيش اي كلام بيني وبينك
كريم قرب منها وقال بحده : ردي ع السؤال ياوعد انتي اتجوزتي البني ادم داه بجد
____بقلم ملك محمد____
ف الأسفل
زين بيرجع من شغله بيشوف حسناء ف الجنينه بيسلم عليها
: عامله اي نوئه وأخبار النونو الصغنن اي
حسناء : كله تمام يازين انت اخبارك اي
زين : الحمدلله
وبعدين بص حواليه ملقاش كريم قال بتعجب
: انتي جايه لوحدك ولا اي
: لا كريم جوه مع تميم بيظبط معاه الزينه
زين : زينه هو في حفله النهارده
حسناء : اه حفلة عيد ميلاد ايسل دي ماما عزمانا من بدري ازاي متعرفش
زين : مش واخد بالي خالص بصراحه هدخل انا اسلم على كريم جوه
بيدخل زين يبص يمين وشمال بيلاقي تميم بيعلق الزينه
قاله بتعجب : امال كريم فين
تميم بعفويه : بعته يقول لوعد حاجه
زين وكأنه مبقاش ف وعيه مسك تميم من لياقة قميصه وقاله
: بعته فين
تميم بخوف : بعته فوق لوعد
زين سابه وطلع يجري لفوق بهروله
مخبطش ع وعد فتح الباب ع طول
وعد بخضه : في اي
زين وهو بيبص يمين وشمال : هو فين
وعد بتوتر : هو مين
زين بعصبيه : كريم الزفت
وعد بخوف : واي ال هيجيب كريم هنا
زين وقف وقالها : بس تميم قالي انه عندك فوق
( ف نفس اللحظه كان كريم مستخبي بره ف الطرقه واول لما زين دخل الأوضه هو نزل تحت)
وعد بتوتر : هيكون عندي بيعمل اي
زين قرب منها وبص ف عيونها : انتي بتكدبي ياوعد انا بعرفك لما تكوني بتكدبي
وعد بخوف وهي بتحاول متبصلوش : لا مبكذبش واتفضل اطلع بره
زين الغضب بدأ يظهر على ملامحه وبدأ يتحول لشخص تاني
وعد بصتله بخوف وسابته وطلعت تجري ع اوضة آيسل
زين اتنهد وهدي شويه وقعد ع السرير وهو بيقول : لسه بتخاف مني
بس معقوله بتكدب عليا لا اكيد لا
____بقلم ملك محمد____
ف اوضة ايسل
وعد دخلتلها بخوف
آيسل : مالك انتي كويسه
وعد بتوتر : اه انا كويسه صحيح البسي يلا علشان في مفاجأه
ايسل: مفاجأة اي
وعد بإرتباك : حد جاب سيرة مفاجأه انا اقصد جهزي نفسك علشان هنخرج
آيسل بتعجب : نخرج دلوقتي
وعد زقتها ع الدولاب : ايوا يلا لسه هترغي
وبدأت تختار معاها الفستان ال هتلبسه
وعد : ها هتلبسي اي من دول
ايسل : ولا واحد منهم دول لبس الطفوله انا خلاص بقيت آنسه
وراحت مطلعه فستان جديد مختلف عن فساتينها الى كانت بتلبسهم
وعد بإنبهار : واوو تحفه اوي
آيسل بفرح : كنت بتمنى يجي اليوم ال ألبسه فيه وأخيراً جه
وبعدين قالت بحزن
: بس للأسف محدش افتكر ان النهارده عيد ميلادي
وعد بتمثيل : متزعليش هما مشغولين شويه
بدأت آيسل تلبس وتظبط شعرها ووعد حطتلها ميكب كامل لأول مره وكانت شكلها آنسه فعلاً
وعد بحب احتضنتها وقالت : طالعه قمر اوي
آيسل : بجد انتي اكتر من اخت انا متشكره جداً ليكي
وعد : مفيش شكر بين الأخوات انا هروح ألبس اياكي تنزلي قبلي
ايسل بضحك : هستناكي متقلقيش بس معرفتش خارجين فين
وعد : هتعرفي دلوقتي متستعجليش
راحت وعد ع اوضتها علشان تلبس وقفت قدام المرايه وافتكرت كريم وهو معاها ف الأوضه
(وعد لسه هتصرخ
كريم حط ايده على بوئها : واضح ان زين وصل ارجوكي متقوليش حاجه انا مراتي حامل ومش عايز اخرب بيتي وانا عارف وعد بنت عمي الشطوره مش هترضى تسببلى آذى مش كدا
وشال ايده من على بوئها وسابها وخرج )
قالت لنفسها
: كدبتي عليه تاني ياغبيه كان لازم تقولي انه كان هنا
وبعدين قعدت وقالت بتنهيده حزن
: معرفش ليه مقدرتش اتكلم لو عرف اني كدبت احتمال يقتلني بس بردو كريم مهما كان ابن عمي ومرضاش ان بيته يتخرب بسببي
: بس انا هخاف منه ليه ماهو كدا كدا هنطلق وهو أساساً بيخوني مع الزفته ال اسمها نانسي
فاقت على صوت آيسل بتدق ع الباب وتقول
: وعد خلصتي
وعد بإرتباك : خلاص اهو ثواني بس
_________
ف الأسفل زين نزل بسرعه والغضب باين ع وشه وكان بيدور ع كريم
كريم كان واقف بيهزر مع تميم ف جمب بعيد عن تجمع العيله
زين بدون اي كلام راح ضاربه بالبوكس
كريم وهو ماسك خده : انت اتجننت
تميم بصدمه : في اي يازين
زين بعصبيه : طلعت لوعد فوق مش كدا
كريم بخبث : هي قالتلك اني طلعتلها
زين بعصبيه : مليش دعوه بيها دلوقتي انت طلعت ولا لا
كريم بخبث : ايوا طلعت تميم بعتني اقولها حاجه
زين اتصدم من جملته
تميم : ايوا انا بعته فيه اي انا مش فاهم حاجه
زين عرف ان وعد كدبت عليه فسكت خالص
كريم كمان عرف بكدا قال بخبث : هي وعدت قالتلك اني طلعتلها
زين حس ان وعد صغرته وحطته ف موقف مش حلو
تمالك اعصابه وقال
: اه قالتلي
كريم عرف انه بيقول كدا علشان شكله قدامهم ابتسم ابتسامة مكر لأن كان هدفه يبوظ العلاقه بينهم
زين اخد بعضه ولسه طالع ع السلم
فجأه وعد بتقف ع السلم وتقول
: آيسل نازله ياجماعه
تميم قفل النور بسرعه
آيسل : اي دا هو النور قطع
وعد بتمسك ايدها وتاخدها وتنزل : تعالي بس انزلي بالراحه
زين رجع خطوتين لورا وقال لنفسه وهو يتمالك اعصابه
: مش وقته الكلام دلوقتي نتفاهم بعد الحفله ماتخلص
ايسل ووعد نزلوا فجأه النور بيتفتح
وآيسل بتتفاجئ بالزينه والتورته وكلهم بيغنوا ليها هابي بيرث داي
آيسل مكنتش عارفه تتكلم م الفرحه
كلهم بدأ يسلموا عليها
تميم : واو اي القمر داه انتي كبرتي كدا ازاي
آيسل بصت ف الأرض بخجل
مديحه : كل سنه وانتي طيبه ياحبيبتي ماشاء الله بقيتي عروسه زي القمر
نانسي بغرور : كل سنه وانتي طيبه ياآيسل
حسناء : طالعه بتاخدي العقل ماشاء الله
جدهم : اي مش هنطفي الشمع بقى ولا اي
كريم : يلا بينا مستنين اي
آيسل بتبص يمين وشمال ملقتش تمام
قالت بتعجب : استنوا هو تمام فين
مديحه : تمام ملوش ف الدوشه دي فصعب ينزل
آيسل بثقه : لا هينزل انا متأكده
تميم : يابنتي ينزل فين بس دا عمره ماحضر عيد ميلاد ولا ليه ف جو الحفلات داه
آيسل : بقلكوا هينزل
جدهم : واحنا بقى هنفضل مستنينه ولا اي ولع يابني الشمع
ولع تميم الشمع
آيسل مغمضه عيونها وعماله تقول : هينزل دلوقتي اكيد هينزل
طفوا النور وهو بردو منزلش
آيسل طفت الشمع بحزن اول لما النور اتفتح بصت لقته جمبها
آيسل بصدمه : تمام
تمام بص ليها وكان مندهش من جمالها ولبسها ال اتغير وتسريحة شعرها وكأنها ودعت الطفوله ال كانت فيها
مديحه بتعجب : تمام هنا مش معقوله
تميم : دا اي التغيير الكبير داه
تمام ببرود : عايز قطعه من الكيك وطالع اوضتي تاني
زين طول الوقت كان بيبص لوعد بحده
وعد من الخوف وهي ماشيه كانت هتقع
كريم راح ماسكها
ابتسم وقال : خدي بالك
وعد شدت ايدها من ايده وبعدت عنه وهي بتبص لزين ال تقريباً كان ريحة الدخان طالعه منه
زين راح وقف جمبها وحط ايده حوالين خصرها وشدها ليه وابتسم ابتسامه مصطنعه
وعد بتوتر قالت بصوت منخفض : زين نزل ايدك اي ال انت بتعمله داه
زين وهو بيكز ع اسنانه : مش هنزلها وخليكي جمبي لو عايزه الحفله تعدي ع خير
وعد الخوف تملك منها ووقفت ساكته
ايسل بصت لتمام وابتسمت وهي بتقول
: انا هجبلك الكيك
تمام اتوتر وقال : مش عايز خلاص نفسي اتسدت وسابهم وطلع اوضته
قفل الباب وخد نفس وقال
: انا ليه مبتوترش غير قدام البنت دي
يتبع ..........
بقلم # Malak_mohamed
#حكاية_وعد (25)
في وسط الحفله اخدت آيسل قطعه من الكيك وسابتهم وطلعت لتمام اوضته
خبطت ع الباب
تمام : مين
آيسل : دا انا
تمام اتعدل ف قعدته وقال : عايزه اي
آيسل فتحت الباب ودخلت وهي بتقول
: معايا كيك
تمام ببرود : مش عايز
آيسل قربت منه وحطتها ع المكتب وشدت كرسي وقعدت
تمام بتعجب : بتعملي اي
آيسل : بقعد
تمام : الحفله خلصت
آيسل : لا بس انا هكون مبسوطه اكتر هنا
تمام بسخريه : سبتي حفلة عيد ميلادك ال كنتي هتموتي عليها وجايه تقعدي هنا علشان احبك
آيسل : لا انا فعلاً هكون مبسوطه هنا اكتر
تمام ببرود : بس انا مش عايزك
آيسل : مش مهم انا عايزاك
واخدت قطعه كيك بالشوكه وقالتله
: ممكن تفتح بوئك
تمام بتعجب : انتي مجن...
ايسل راحت مقاطعاه وحاطه الكيك ف بوئه
تمام بلع الأكل ومسح بوئه بالمنديل وقالها
: ايسل اطلعي بره علشان انا معنديش وقت لدا كله
آيسل وكأنها مسمعتوش : تعرف انا اتمنيت اي وانا بطفى الشمع
تمام بعفويه : اي
آيسل : اتمنيتك
تمام بتوتر : انتي لسعتي ولا اي ال حصل
آيسل بإبتسامه : لا بجد حاسه انك شخص صعب المنال ونفسي اوي اقدر اخليك ليا
تمام : دا كله علشان تكسبي التحدي
ايسل : لا دا علشان اكسبك انت
تمام بتوتر : انتي كويسه ولا في اي بالظبط روحي اشربي اللبن ونامي السهر غلط ع العيال
ايسل بإبتسامه : دلوقتي انا كبرت خلاص وبقيت انسه زي القمر
تمام بسخريه : هه زي القمر
آيسل بصت ف عيونه : تنكر
تمام زقها لبعيد وقال بإرتباك : روحي ع اوضتك ياايسل
آيسل : مش رايحه انا حره
تمام بضيق : هما شربوكي حاجه تحت آسرت على دماغك بقولك اطلعي بره
آيسل : طب حبني وانا اطلع
تمام وقف من ع الكرسي وشدها من دراعها طلعها بره وقفل الباب
آيسل بضيق : بني ادم بارد اوي
تمام قعد ع مكتبه تاني بص لطبق الكيك ابتسم وشده وقعد ياكل
___بقلم ملك محمد_______
ف الأسفل
نانسي واقفه مع اسماعيل
نانسي : جده انا معاد طيارتي بكره واحنا معملناش اي حاجه
اسماعيل بضيق : واضح ان الموضوع مش سهل زي ماتوقعت سافري انتي وانا هعرف اتصرف
نانسي : عندك خطه يعني
اسماعيل بمكر : وعد ساذجه وهي ال هتساعدنا ف كدا
نانسي بتعجب : وعد
___________
ف الجانب الآخر
زين ماسك ايد وعد جامد
وعد بألم : زين هو في اي
زين : تعالي فوق وانا افهمك في اي
وعد بخوف : مش طالعه انا فوق
زين بغضب : مش بمزاجك
وشالها قدام كل الموجودين وأخدها وطلع
كريم كان باين عليه الضيق
حسناء بضحك : واضح ان زين ووعد علاقتهم اتطورت ع الآخر
تميم : بصراحه انا نفسي اكون زيه واقدر عبر عن حبي قدام الكل عادي بدون مااخاف
مديحه : بصراحه انا مش عارفه آخرة دا كله اي ربنا يستر من جدكوا
__________
ف الأعلى دخل زين اوضته وهو شايل وعد
وعد : نزلني انت اتجننت
زين نزلها وقالها بعصبيه
: بتكدبي عليا ليه
وعد بصدمه : بكدب عليك ازاي
زين : كريم جالك الأوضه هنا صح ولا لا
وعد برعب وتوتر : انا انا...
زين قفل الباب برجله وقالها بعصبيه : انتي اي
وعد اول لما الباب اتقفل افتكرت لما حاول يعتدي عليها قبل كدا
صرخت وحطت ايدها ع وشها
: انا اسفه انا اسفه انا اسفه
زين : وعد اهدى
وعد ببكاء وخوف : مش هعمل كدا تاني انا اسفه
زين استوعب الموقف حاول يقرب منها علشان يهديها
وعد فضلت تصرخ وجريت ع البلكونه
زين بخوف : وعد انتي هتعملي اي
وعد ببكاء : لو قربت مني خطوه كمان هرمي نفسي من هنا
زين رجع لورا : طب خلاص اهدي انا هخرج م الأوضه خالص تمام
وبدأ يرجع لورا لحد ماطلع وقفل الباب
وعد طلعت تجري وقفلت الباب من جوه عليها
قعدت تعيط ف جمب وتكلم نفسها
مكنش لازم ارجع اثق فيه انا ال عملت كدا ف نفسي زين عمره ماهيتغير
زين وقف ع الباب وقال بخوف
: وعد انتي كويسه
وعد مرضتش ترد
زين : طب ردي اطمن عليكي وهمشي
وعد مردتش
زين : طب قولي أمشي حتى
وعد بحزن وبكاء : امشي
زين اطمن انها كويسه واخد بعضه ومشي راح ع اوضة تمام
فتح الباب واترمى ع السرير
تمام بصدمه : انت بتعمل اي
زين : اسكت دلوقتي علشان انا مدايق
تمام : نعم يااخويا انت ف أوضتي ولا مش واخد بالك
زين : عارف اتفضل اطلع بقى واقفل النور
تمام وقف من ع مكتبه : احنا هنهزر قوم اطلع بره
زين : اوضتي مشغوله دلوقتي
تمام : مشغوله! مش فاهم
زين : وعد جوه وقافله ع نفسها
تمام : وانا مالي روح نام ف مكان تاني
زين بحزن : تفتكر انا واحد شرير
تمام : شرير اي بقولك قوم من ع سريري
زين بشرود : اكيد دلوقتي رجعت تخاف مني تاني بعد ماخلاص قربت مني بوظت كل حاجه بعصبيتي
تمام : قوم ياعم روميوا من هنا انت نسيت نفسك ولا اي
زين بشرود: مش قادر انسى شكلها وهي خايفه مني
تمام شاف ان مفيش فايده مدد ع الكنبه جامبه وهو بيقول
: واضح ان اليلله دي مش هتعدي ع خير
زين بحزن : انا بقيت بخاف عليها مني
تمام وهو مغمض عيونه : أنا عايز انام فكر بصوت واطي
فجأه تميم بيفتح الباب وهو مخنوق وبيدخل عليهم
تمام بتعجب : في اي
تميم : شوفولي حل سيلا قاعده مع العريس دلوقتي وخايف ابوها يوافق
تمام : يادي القرف
تميم رمى نفسه جمب زين ع السرير وهو بيقول
: انا شخص ضعيف ازاي شايفها بتضيع من ايدي ومش عارف اعمل حاجه
زين بحزن وهو باصص لفوق: انا وانا بحاول احافظ عليها خوفتها مني
تميم بحزن وهو باصص للسقف : مش متخيل انها ممكن تكون مع حد تاني غيري
تمام وهو باصص لفوق قال بسرحان : نفسي لما تلمس ايدي مشدهاش لبعيد
زين : اكيد دلوقتي بتعيط
تميم : وبتفكر وتقول ازاي قدرت اسيبها بالسهوله دي
تمام : وعماله تلف حوالين نفسها وتقول هو انا فعلاً متحبش
زين : بس هي تتحب وتتحب اوي كمان
تميم : ضحكتها لوحدها بتسحر
تمام : خطفت قلبي من اول مره شوفتها بس مينفعش اعترف بداه
زين وتميم فاقوا من شرودهم وبصلوا بصدمه
: تمام بيحب زينا
تمام بتعجب : هو انا قولت حاجه
زين وتميم قاموا من ع السرير وراحولوا
: اعترف هي مين دي
تمام بتوتر: هي مين انا مقولتش حاجه
زين : معقوله انت قلبك دق زينا كدا عادي
تميم بصدمه: احنا كنا فاكرينك حجر
تمام بعصبيه : بس بقى يازفت انت وهو اتفضلوا ع أوضكوا يلا
زين : انا مش متلحلح من هنا الا لما ااعرف مين هي
تميم : احنا نعرفها طيب
تمام بتنهيده : لا محدش يعرفها
زين : يعني في اهوه
تمام : بس بقى انت وهو
تميم : ع فكره احنا اخواتك ونقدر نساعدك
تمام ببرود وهو مغمض عيونه : شكراً مش محتاج مساعده
زين وتميم رجعوا مكانهم وهما بيقولوا : براحتك
سكوت دقيقه
تمام بتنهيده : ازاي اتخلص من رهاب اللمس
زين : ماقولناالك لازم تتغلب ع خوفك وتواجهه
تمام : مبقدرش
تميم : لازم تتعود تلمس البشر عادي
زين : لو عايز مساعده احنا موجودين
تمام وقف من مكانه وقاله بثقه وهو مادد ايده
: انا بكامل قوايا العقليه بقولك سلم عليا
زين سلم عليه
تمام اخد نفس
: اهو مفيش حاجه وكله تمام
بيعدي ثواني قليله وبيجري ع الحمام يغسل ايده جامد
تميم بتعجب : هو احنا جرب للدرجادي
تمام نشف ايده ورجع نام مكانه وهو بيقول
: تقريباً مفيش فايده
تميم : المهم دلوقتي انا هعمل اي سيلا هتتجوز
زين : تتجوز ! وانت روحت فين
تميم : مانت عارف جدي مش موافق
زين : وهتسيبها عادي كدا
تميم : امال هعمل اي
تمام ببرود : اخطفها
تميم : تصدق فكره
تمام ببرود : انا بتريق
زين : لا فعلاً انت عندك حق احنا نروح نبوظلهم الخطوبه
تميم بفرح : بجد
زين : بجد بس عرفنا الخطوبه امتى
تمام : انتو اتجننتوا
زين : اسمها احنا لأننا كلنا رايحين
تميم : يس كدا مشكلتي اتحلت
زين : ممكن تحلولي مشكلتي بقى
تميم : في اي
زين : وعد زعلانه مني جامد ونفسي اتخلص من العصبيه لأن دا السبب ف كل مشاكلنا
تمام بسخريه : هه مش عارف تبقى بارد
زين : لا ياحيلتها علمني انت البرود
تمام : جيت ف ملعبي
تميم : اهم حاجه دلوقتي متسبهاش زعلانه لازم تصالحها
زين : دلوقتي دلوقتي دا مستحيل دي لو شافت وشي احتمال تفتح دماغي
تميم : ياساتر خلاص خليك للصبح
تمام : وانا لو مساعدتونيش اني اللمس الناس عادي مش هعبر حد فيكوا
زين : اطمن أمرك سهل انت محتاج شوية تدريب بس
اتفقوا كلهم يساعدوا بعض وناموا بعدها
________
" نهار يوم جديد"
زين واقف ع الباب بيخبط
: وعد ممكن تفتحي
وعد : لا
زين أخد نفسه : كويس انك صاحيه
وعد مردتش
زين : انا عارف انك زعلانه مني بس انتي ف اوضتي دلوقتي وانا لازم اروح الشركه وعايز اللبس
وعد : مش طالعه
زين بعصبيه : بقولك افتحي هتأخر
تميم وتمام واقفين جمبه
تمام : اهدى خليك انسان بارد
زين اخد نفس وقال ببرود
: حبيبي ممكن تفتحي لأني لازم امشي ضروري
وعد : لا
زين ببرود : طب افتحي علشان اصالحك
وعد : لا
زين بعصبيه : وسع ياعم كدا خليني أكسر الباب انا كدا هتأخر ع الشركه
تميم وتمام مسكوه
تميم : اهدى قولنالك مش كدا
تمام : انت تحط ايدك ف جيوبك وتقف ببرود حاول تحس انك مكسل تطلع ايدك بره
زين : ياجماعه هتأخر ع الشركه
تميم : خليك هنا ثواني هجبلك حاجه واجي
بعد ثواني تميم جابله شنطه فيها شكولاته وقاله قولها انك جايبلها شكولاته تصالحها بيها انا عارف البنات هبله وبتحب الحاجات دي
زين بلطف : وعد ياروحي ياقلبي انا جايبلك شكولاته معايا ممكن تفتحي بقى
وعد : لا بردو
زين بلطف : شكولاته جميله
زين بعصبيه : طيب خلاص متفتحيش انا هنزل الشكولا لنانسي وهكسر الباب دا وادخل اي رأيك بقى
تميم : بتهبب اي مش كدا مش كدا البنات بتحب...
فجأه الباب بيتفتح ووعد بتجري تستخبى تحت الغطا
تمام وتميم تنحوا
زين بإبتسامه : انا عارف هي بتيجي ازاي
دخل وقفل الباب وراه
زين : هتفضلي مستخبيه تحت الغطا كتير
وعد : مش عايزه اشوفك
زين : طب مش هتاخدي الشكولاته
وعد طلعت أيدها من تحت الغطا وزين بدأ يرملها الشكولاته وهي تشدها لتحت وتاخدها
بيمسك لقى بصله
وعد زقلتها ف وشه
زين : يخربيتك ياتميم انت لميت كل ال ف المطبخ حتى البصل
وعد أخدت الشكولاتات كلها وهي تحت الغطا
زين : طب مش هتطلعي طيب
وعد وهي بتاكل الشكولاته : لا طلقني وانا اطلع
زين : يوووه احنا لسه هنبتدي انا هلبس وامشي وخليكي انتي براحتك وع فكره امبارح انا مغلطتش انتي ال غلطي لأنك كدبتي عليا وانا مستني منك اعتذار
وسابها ودخل الحمام اخد شاور ولبس هدومه وخرج
_____________
ف الأسفل
تمام قاعد بيفطر فجأه بتنزل ايسل من ع السلم وهي لابسه فستان قصير وحاطه ميكب وشايله شنطتها ف أيدها
كان بيشرب اول لما شافها شرق
مديحه : اي الجمال داه كنتي مخبياه فين
تميم : واضح ان الآنسه الصغيره خارجه بدري
آيسل ابتسمت وقعدت جمبهم تفطر
: انا قدمت ف نادي وبقى ليا صحاب وكدا من هنا ورايح مش هتشوفني كتير
مديحه : طيب كويس
تمام ساب الأكل وقام خرج بره علشان يروح جامعته
فضل واقف لحد ما آيسل خرجت
لسه طالعه من باب الفيلا وقفها وقلها ببرود
:انتي
آيسل بخضه : في اي
تمام : مفيش خروج باللبس داه
آيسل بتعجب : اشمعنا يعني انا كبرت خلاص
تمام : بقولك مفيش خروج بالمنظر داه
آيسل : وانت مين أساساً علشان تقولي اخرج بأي واعمل اي
تمام : لا والله طب اقول مفيش خروج اساسا
آيسل بلامبلاه سابته ومشيت
وقف قدامها وقالها : ادخلي جوه بالزوق
آيسل بعصبيه : انت مالك انا مش فاهمه
فجأه واحد بيعدي ف الشارع
تمام بيقف يحاوط عليها علشان ميشوفهاش
آيسل بتعجب : معقوله بتغير عليا
تمام بتوتر : بغير اي انتي كمان ادخلي جوه
آيسل بإبتسامه : بتغير اعترف انك حبتني
تمام : بطلي غباوه بقى وادخلي غيري اللبس الزفت داه
آيسل بفرح : حاضر ياحبيبي
وسابته ومشيت لجوه وهي بتتنطط من الفرحه
تمام بيكلم نفسه : هي قالتلي حبيبي دلوقتي
وبعدين بص عليها وهي ماشيه وابتسم ومشي
______________
ف المساء
آيسل جت ناحية تمام
: انا سمعت كلامك اهوه ومخرجتش
تمام : ايوا اعملك اي يعني
آيسل وطت عليه وهمست بأذنه : حبني
تمام بصلها ببرود : روحي اشربي اللبن ونامي
آيسل : ع فكره انا دلوقتي آنسه بطل تعاملني كأني طفله تاني ويلا علشان تديني الدرس
تمام : مش فاضي
آيسل مسكت ايده وشدته : يلا بقى متبقاش رخم
تمام بصلها بحده
آيسل خافت وشالت ايدها بسرعه
تمام بيكلم نفسه
: اهدى عادي مفيش اي حاجه
آيسل : انت كويس
تمام بعصبيه : لا مش كويس
وطلع ع اوضته دخل ع الحمام وفتح الحنفيه بس محطش ايده تحت المايه وفضل يقول لنفسه
: اهدى مفيش داعي لكل داه
واخد نفس وخرج وهو ماسك ايده بدون مايغسلها
_____________
زين رجع من شغله بيفتح باب اوضته لقاها مزبله ورق شكولاته ع الأرض وهدوم ف كل مكان
قال بصدمه : هي دي اوضتي ولا انا توهت ولا اي
افتكر وعد
نده على الخادمه وقلها تظبطله اوضته
وعد ف اوضتها سمعت صوته قالت لنفسها
: اهو جه ومفروض اني اعتذرله علشان انا بردو غلطانه مكنش لازم اكدب عليه
بعد فتره
أوضة زين بقت تمام ودخل اخد شاور وغير هدومه واترمى ع السرير
الباب بيخبط
زين : ادخل
وعد دخلت
زين بإبتسامه : تعالي ياوعد
وعد دخلت وهي حاطه وشها ف الأرض
: انا اسفه
زين وقف من مكانه ولسه هيقرب منها رجعت لورا بخوف
شدها ليه وحضنها
: متخفيش انا مش هتعصب عليكي تاني بس ممكن متخبيش عني اي حاجه
وعد وهي ف حضنه: انا فعلاً غلطت لما مقولتلكش انا اسفه
____________
ف أوضة تمام آيسل بتخبط عليه
تمام : ادخل
آيسل دخلت بلطف وقالت
: انت كويس
تمام : اه في حاجه
آيسل : لا كنت بطمن عليك بس
تمام : اطمنتي اتفضلي اطلعي بره بقى
آيسل بعصبيه : هو انت ليه اوقات تكون كويس معايا واوقات لا انا مبقتش فاهماك كل اما بلمسك بتزوقني لبعيد هو انت مش طايقني للدرجادي
تمام وقف بعصبيه وقال
: امسكي ايدي كدا
ايسل بتعجب: مش فاهمه
تمام : اسمعي الكلام بقولك المسي ايدي
آيسل مدت ايدها بخوف ولمست ايده
تمام مستحملش وشدها لبعيد ودخل بسرعه ع الحمام فضل يغسل ف ايده جامد
خرج ووراها ايده وهي حمرا من كتر الغسيل
: عرفتي ليه بشدك لبعيد
يتبع .......
لمتابعة باقى الروايه زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كامله من هناااااااااا
مجمع الروايات الكامله اضغط هناااااااا
مجمع الروايات الكاملة 2 اضغط هنااااااا
تعليقات
إرسال تعليق