رواية حكاية وعد الفصل الثاني عشر والثالث عشر بقلم ملك محمد حصريه في مدونة موسوعة القصص والروايات
رواية حكاية وعد الفصل الثاني عشر والثالث عشر بقلم ملك محمد حصريه في مدونة موسوعة القصص والروايات
#حكاية_وعد (12)
"ف تركيا"
زين اخد الصور ال كريم كان متصورها مع وعد وراحل لحسناء ع الأوضه
خبط ع الباب
حسناء: ادخل
زين فتح الباب
: فاضيه دقيقتين
حسناء : اه تعالى في حاجه
زين راح ناحيتها وقعد ع طرف السرير
: حسناء كريم واحد مخادع انا مش موافق ع جوازك منه
حسناء : تاني يازين انت علشان بينكوا سوء تفاهم يبقى خلاص كدا بقى مخادع
زين طلع الصور وحطها قدامها
: دا البيه بتاعك متصور مع وعد
حسناء : ايوا مانا عارفه الصور دي هو ورهالي وقالي انه عمل كدا علشان يطمن والدت وعد مش اكتر
زين كان مصدوم من كلامها
: هو قالك
حسناء بثقه : قولتلك كريم مبيخبيش عني حاجه احنا خلاص هنتجوز يازين بطل تدور وراه على ذله تمسكوا منها لو مش علشانه علشان اختك انا بحبه وبعدين الحمدلله وعد رجعت مصر تاني وحياتنا رجعت لطبيعتها
زين : حياتك انتي رجعتي لطبيعتها انما هي مشيت وروحي معاها وكل بسبب زفت بتاعك
حسناء : انت بجد بتحبها
زين : مبقاش يفرق بجد ولا هزار
وقام من مكانه وقالها انا رايح اوضتي طالما انتي عايزه تتجوزيه براحتك مش هتكلم ف الموضوع داه تاني
اخد الصور ودخل اوضته بص ع الصور شويه وبعدين فتح الدرج اخد مقص وبدأ يقص الصور ويفصل صورة وعد عن صورة كريم
رمى كل صور كريم ف سلة الزباله واخد صور وعد وحط دماغه ع المخده وقعد يتأمل فيهم فضل يفتكر حراكتها العفويه وردودها ويبتسم لسه هيقوم من على سريره يطلع البلكونه علشان يرخم عليها افتكر انها خلاص مبقتش موجوده افتكر ال حصل منها
زعل ووشه اتغير واتقلب لحزن لأنه عارف انها صعب تسامحه بل مستحيل
فتح الدرج وطلع ملف منه قلب فيه شويه وافتكر وعد بعد ماحاول يعتدي عليه
حط صورها وسطه وقفله ورجعه مكانه تاني وقفل الدرج بالقفل
_____بقلم ملك محمد_________
ف القاهره وبعد مرور اسبوع
وعد قررت متبينش لحد حزنها وتقاوم وتبتسم قدام الكل رجعت شغلها ف المستشفى ووالدتها كانت فرحانه بوجودها حواليها لحد ما ف مره دخلت تدي والدتها العلاج لقتها مبتردش
وعد بصدمه : ماما
والدتها مردتش
وعد بخوف ماما انا جبتلك العلاج
والدتها مردتش
وعد قلبها فضل يدق من الخوف
نزلت لعمها بسرعه قابلتها مرات عمها قالتلها
: مالك ياوعد في اي
وعد بخوف : ماما مبتردش تعالي شوفيها بسرعه
خدوا والدتها بسرعه المستشفى ف عربية الإسعاف
المستسفى رفضت تدخلها الا لما يدفعلها نص مبلغ العمليه حوالي 40الف جنيه
وعد بخوف وبكاء : بس احنا مش معانا المبلغ داه
الممرض : دي سياسة المستشفى احنا اسفين
وعد بصراخ : امي بتموت حرام عليكوا طب دخلوها واوعدكوا هجببكوا الفلوس
الممرض : مش هينفع يافندم لازم المبلغ الأول
وجه الأمن طلعها بره
فضلت تعيط جمب عربية الإسعاف وبتلف حوالين نفسها ومعاها حسن اخوها ومرات عمها
عمها مكنش موجود كان ف شغله
فجأه بيدخل مجهول لابس كاب ومخبي وشه بيقرب من الممرض وبيديله المبلغ المطلوب وبيخرج
بينده الممرض على الدكاتره وبيقولهم دخلوا المريضه الفلوس ادفعت
وعد بصت حواليها بذهول بعد مافقدت الأمل لقت الممرضين بيخرجوها من عربية الأسعاف ويدخلوها اوضة العمليات
مسحت دموعها وجريت نحو الشخص ال رفض يدخل والدتها وسألته
مين دفع الفلوس
: شخص محبش يقول اسمه
وعد بتعجب هيكون مين ال بعت الفلوس دا اكيد حد مراقبني
حطت ايدها ع قلبها وحست بوغز
كان زين حاتط ايده ع قلبه وهو قاعد ف مكتبه وحاسس بنفس الوغز
____________
مكالمة تليفون بين مجهول وزين
: دفعت الفلوس
: اه يافندم
: انا عايز عينك عليها كويس وتشوف اي ال محتجاه وتجيبه بدون ماتاخد رأي ايا كان ال عايزاه اعمله انا حولت مبلغ كبير ف البنك اسحب منه براحتك اهم حاجه مشوفهاش زعلانه فاهم
: حاضر يافندم تحت أمرك
______________
بعد مرور الوقت
للأسف بعد معاناه ف أوضة العمليات الدكتور طلع وقالها
البقاء لله
ف المساء وبعد دفنة والدتها وعد قاعده ف أوضه ضلمه لوحدها بتعيط وحاسه كأن الدنيا خلاص انتهت بالنسبالها
ف الأوضه ال جمبها عمها بيكلم كريم ابنه
: انزل مصر دلوقتي ياكريم بقولك
كريم : يابابا بقولك امبارح كان فرحي انزل ازاي
والده بعصبيه : ومين وافق على جوازك من البنت دي
: انا عارف انكوا رافضين بس انا بحبها وعايز اقضي باقي عمري معاها
: انا ربيت على كدا ياكلب بقى تغدر ببنت عمك علشان دي
: ال حصل بقى عايزين مني اي
: عايزك تنزل مصر حالا مرات عمك ماتت ولازم تكون موجود ف الغزا كفايه البلد كلها بتتكلم عليك بعد ال عملته مع وعد وخليت سيرتنا ع كل لسان
: مش هنزل يابابا وال انت عايزه اعمله
: كدا ياكريم طب متبقاش ابني ولا اعرفك لو مرجعتش مصر
وقفل الموبايلى
__________
ف تركيا
في منزل كريم
حسناء : مالك ياكريم متعصب ليه في عريس بردو يقلب وشه كده
: عريس اي وزفت اي دلوقتي مرات عمي ماتت وعايزني انزل مصر علشان شكله قدام الرجاله
: مين والدة وعد
: اه هي
: طب وانت مالك سيبك منه
: يعني اي اسبني منه انتي ناسيه ان دا مهما كان والدي
: خلاص ياكريم انت بتزعق ليه اعمل ال انت عايزه
_________
"نهار يوم جديد "
: قومي ياوعد كلي هتفضلي كدا يابنتي
: مليش نفس يامرات عمي حطي لحسن ياكل
: حسن كمان قافل ع نفسه ومش راضي يفتح الباب يابنتي ربنا يرحمها كلنا هنموت
وعد بدموع : كانت هي الأمل الوحيد ال قررت ابدأ من جديد عشانها
: متخفيش وحقك من كريم انا وابوه هنرجعهولك اطمني
وعد استغربت : حق اي ال ترجعوه
: قومي كلي انتي بس وانا متأكده ان كريم هيجي النهارده مش هيقدر يصغر ابوه قدام الناس
وعد : انا خلاص يامرات عمي كريم طلعته من دماغي مبقاش يفرق معايا دلوقتي تلاقيه اتجوز سبوه يكمل حياته مديقهوش
: واي يعني اتجوز تبقي مراته هنا وهي مراته هناك
وعد بصدمه : انتي بتقولي اي
: ال سمعتيه ياوعد عمك هيفهمك كل حاجه
:يفهمني اي ال بتقولوه داه مستحيل يحصل قلتلكوا خلاص انا بطلت احبه
___________
ف المساء رجع كريم مصر زي ماكان متوقع وقف مع والده اخد العزا
وبعد مرور الوقت قعد مع والده ف الأوضه يتناقشوا
كريم : اي ال انت بتقوله داه يابابا
: ال سمعته ياكريم وعد بنت اخويا مش هتروح لحد غريب فاهمني وعد بنتنا ولا يمكن افرط فيها
: بس انا واحد متجوز
: واي يعني هي تبقى مراتك هنا والتانيه خليها هناك شرع ربنا متقدرش تقول لا
: يابابا افهم ال بتقوله دا مستحيل يحصل
: لا هيحصل ياكريم كفايه ال انت هببته وكسرت بخاطر البنت وخليت الدنيا كلها تقول اني مخلفتش رجاله ها صغرتني قدام الناس بقيت بمشي مكسوف مش عارف ارفع عيني ف حد هتتجوز وعد وهنعملك اعلى فرح ونقول ال حصل داه كان سوء تفاهم ومحدش يعرف انك متجوز بره ولما تنزل اجازه اهي مراتك معانا هنا تلاقيها مستنياك
كريم : ووعد موافقه ع الكلام داه
والده : ملكش دعوه بوعد انا الواصي عليها دلوقتي
خرج كريم من اوضة والده وراح لوعد غرفتها
خبط ودخل
وعد بصدمه : كريم
كريم بخجل : البقاء لله ياوعد
وعد : اي ال جابك اتفضل اطلع بره
كريم : اهدي واسمعيني عايز اتكلم معاكي
وعد بغضب صفعة على وجهه : نتكلم ف اي تاني اطلع بره بقولك
كريم وهو ماسك خده : انتي قد القلم دا ياوعد
وعد بغضب : ولو عايز تاني اديلك انت واحد حيوان بسببك حياتي وكل حاجه ادمرت
كريم بنظرة وعيد : انا هدفعك تمن القلم دا غالي ياوعد
وخرج راح ناحية والده وقاله
: انا موافق يابا اتجوز وعد
______________
نرجع لتركيا
ف الڤيلا
زين رجع من شغله اتفاجئ بوجود حسناء لوحدها ف الجنينه قال بتعجب
: اي هو لحق يطلق
حسناء : مش للدرجادي يعني كريم نزل مصر
زين قعد جمبها وقال بذهول : نزل مصر ليه
حسناء : والدة وعد اتوفت ووالده طلب منه يروح يحضر العزا قال علشان ميصغروش قدام الناس فراحلهم مرضيش يزعل والده
زين بسخريه : لا ابن اصول اوي
وبعدين قال بلهفه : صحيح وعد عامله اي دلوقتي
حسناء بتعجب : وانا هعرف منين بس اكيد زعلانه يعني دي والدتها بس تعرف يازين انا مبسوطه
زين : ليه
حسناء : لأن وعد خلاص طلعت كريم من دماغها وبطلت تحبه
زين : وعرفتي منين
حسناء : من فتره كريم كان بيكلم والدته فديو كول وانا كنت قاعده والدته فضلت تزعق فيه وتقوله عملت اي للبنت خلتها تكرهك كدا البنت مبقتش طايقه تسمع اسمك حتى
زين بفرح: بجد يعني وعد خلاص كريم انتهى بالنسبالها
حسناء : كريم لو منتهاش بالنسبالها مكنتش رجعت مصر وانت اعترف ان خطتك انت وهي ف ان كريم يغير ويرجعلها فشلت
زين بإبتسامه : انا مبسوط انها فشلت
حسناء بصتله بتعجب
فجأه تميم جه ناحيتهم
زين ووعد سكتوا لأن محدش يعرف ف الفيلا ان كريم هو ابن عم وعد
لما شافهم سكتوا قالهم : بتتكلموا ف اي سكتوا يعني مره واحده
زين : ولا حاجه قولي اخبار جامعتك اي
تميم : كله تمام فاضل ترم واحد وابقى خريج وات...
زين قاطعه : وتتجوز سيلا عرفنا
تميم : بس لو جدي يوافق
زين لو بتحبها خدها واهرب بعيد واياك تفرط فيها
حسناء : بس يازين تميم ممكن يعملها متسمعش كلامه ياتميم تهرب فين
تميم : لو اضطريت اني اعمل كدا هعمل مش بسهوله نفرط ف حد بنحبه
زين : جدع ياد
تمام جه مره واحده من وراهم وقال
: مش زي ناس لقوا الحب الحقيقي بصعوبه وببساطه فرطوا فيه
تميم بتعجب : انت بتطلع منين يابني
زين : تقصد اي ياتمام
تمام : مقصدش كل واحد عارف نفسه واكيد ال بتحبه محتاجلك دلوقتي
حسناء فهمت قصده
تميم بتعجب : هو انت بتحب حد يازين
زين حس بالوجع فسابهم وطلع اوضته
فتح اوضة وعد ودخل يتأمل فيها
كان مشهد ضربها ال بيجي ف باله كل ركن ف الأوضه بيفكره بالجريمه ال عملها شكل السرير وسجادة الأرض الدولاب وكل حاجه
نده ع الخادمه بعصبيه
الخادمه بهروله : تحت امرك يازين بيه
زين بغضب : غيريلي ديكور الأوضه دي مش عايز حاجه زي ماهي عايز كل حاجه فيها تتشال ويتحط مكانها حاجات جديده
الخادمه : حاضر يافندم
سابها ودخل ع اوضته غير هدومه وطلع بلكونته شويه
بص ناحية بلكونة وعد واتخيل وهو بيتكلم معاها
زين : بتعملي اي
وعد بصتله بتعجب : وانت مالك
زين : انتي يابت تموتي ف المناكفه متعرفيش تريحي ال قدامك ابدا
وعد : تؤ خصوصاً انت
وراحت مطلعاله لسانها
زين بضحك : هقطعهولك حاضر
وعد بصت ناحية القمر
زين بص هو كمان : حلو مش كدا
وعد : اه جميل يارتني كنت نجمه جمبه علشان اشوفه من قريب
زين : تعرفي اني بشوفه كل يوم
وعد : ياسلام
زين : ايوا مش مصدقه
وعد : لا
زين طلع موبايله وجابلها صورتها وقال
: اهوه
وعد : اي دا انت بتعاكس بقى احم كنت عارفه اني قمر
زين بغرور : انتي صدقتي انا كنت بسرح بيكي مش اكتر ادخلي نامي واتغطي كويس قال قمر قال
وسابها ودخل
وعد بنرفزه : انسان مستفز
""""""""""""
ابتسم وفاق من سرحانه بص للسما وقال
: ياترى انتي كويسه دلوقتي
وبعدين اتنهد وقال
ارجوكي خليكي كويسه عشاني
طلع موبايله واتصل بمجهول
: هي عامله اي دلوقتي
مجهول : مطلعتش النهارده خالص غير مره وقفت ف البلكونه
: لحقت تصورها ف المره دي
: اه كنت لسه هبعتلك الصور
: ابعتهم وبعد كدا صورها اول بأول تكون عندي فاهم
: حاضر يازين بيه اسف اني اتأخرت
زين قفل الموبايل وفتح الشات يستنى الصور
اول لما وصلولوه شافها لابسه عبايه سودا ورابطه شعرها كعكه وشكلها مرهق جدا من كتر العياط والزعل
فضل يحسس على صورها وهو بيقول بأسف
: لو بإيدي كنت شلت عنك الحزن بس أنا حاولت سامحيني
يتبع .........
#حكاية_وعد (13)
بعد مرور اسبوع على وفاة والدة وعد
:يامرات عمي بقولك مش هتجوزه
: يابنتي مش دا كريم ال كنتي هتموتي عليه
: كان زمان دلوقتي لا خلاص دا واحد متجوز
: واي يعني متجوز هو هيعمل حاجه حرام
: يادي النيله انا مش عايزه اتجوزه افهمي
بيدخل عمها
: وعد المؤذون جي كمان نص ساعه يدوب تجهزي نفسك
وعد بعصبيه : انتو اتجننتوا ولا اي بقولكوا مش هتجوزه
حسن بيدخل : وانا كمان مش موافق ع الجوازه دي
عمه بغضب : انتو كبرتوا ياولاد سمير خلاص وبقى كلام عمكوا بيتكسر
وعد ببكاء : ياعمي افهم انا مش موافقه مش عايزاه ولو انت خايف عليا انا هفضل عايشه معاك هنا مش متجوزه
عمها : بطلي كلام ماسخ وملوش لازمه واجهزي يلا
خرج عمها ووعد قعدت ف الأرض تعيط
مرات عمها : يابنتي ابعدي الشيطان عن دماغك عمك عايزك وسطينا علشان خايف عليكي
وعد ببكاء : هتجوز واحد مش عايزاه ياناس انتو هتجننوني
ف الغرفه ال جمبهم قاعد كريم ف اوضته قافل على نفسه وبيكلم حسناء
حسناء : مش انت قولتلي يومين بالكتير واكون عندك اي ال مقعدك دا كله
كريم : ظروف والدي صعبه اليومين دول ياحسناء بقى مش قادره تستحمليني شويه
حسناء : استحملك انا مقولتش حاجه بس شكلي بقى وحش قدام اهلي دانا لسه عروسه وحتى شهر العسل مقضتوش
كريم : حقك عليا انا اول لما ارجع هاخدك ونسافر نقضي شهر العسل ف المكان ال تحبيه
حسناء مردتش
كريم : يلا اضحكي بقى مش عايز اشوف التكشيره دي طب ع فكره بقى بحبك
حسناء بإبتسامه : دايما واكل بعقلي حلاوه بس ع فكره بقى انا بموت فيك
كريم : هقفل بقى ياروح قلبي اصل والدي بينده هكلمك تاني
قفل معاها وخرج من اوضته
دخل على اوضة وعد وقال لوالدته
اطلعي وسبينا لوحدنا شويه ياماما
طلعت والدته
كريم قعد ع الكرسي قدام وعد وقال بمكر
: اي ياعروسه مش مفروض تقومي تجهزي
وعد بغضب : دا بعينك
كريم بسخريه : شرسه بس عسل
وعد بعصبيه : اطلع بره
كريم : واطلع ليه كلها ساعات وهيتقفل علينا باب واحد
وعد بغضب : قولتلك مستحيل دا يحصل فاهم
كريم بسخريه : هه هيحصل ياوعد وزين ال كان عاملك قيمه بره مبقاش موجود
وعد : قولتلك اطلع بره
كريم بمكر قام من ع الكرسي وقرب ناحيتها وبص ف عنيها وقالها
كلها ساعه بالكتير وتبقى ليا ياقمر انا مش عارف فكرة ان اتجوز الأتنين دي كانت غايبه عني فين
وعد شالت المخده ورمتها ف وشه
كريم بإبتسامه خبث : اعملي ال انتي عايزاه كلها ساعه وتبقي تحت رحمتي
وعد بعصبيه وصراخ : اطلع بره بقولك
كريم :طالع بس مش علشان انتي قولتيلي اطلع لا دا علشان اجهز نفسي لأحلى عروسه
وراح غامزلها وسابها ومشي
وعد فضلت تعيط وتقول يارب ارجوك انقذني منهم
بعد مرور الوقت
جه المؤذون فعلاً واتجمعوا الرجال بره ووعد ف الأوضه
والد كريم
: اقعد ياحسن علشان تحط ايدك ف ايد كريم
حسن : مش قاعد ياعمي وعد اختي مش موافقه
المؤذون : هو في اي ياجماعه هي الجوازه غصب ولا اي
كريم : لا لا ياشيخ دا اخوها بيهزر العروسه موافقه وكل حاجه
حسن : لا مش موافقه
عمه بغضب : حسن اخرس فاهم
المؤذون : لا كدا الموضوع في انه انا عايز اشوف العروسه واخد موافقتها
كريم بص لوالده
والده بزعيق : ام كريم هاتي وعد وتعالي
دخلت والدة كريم ع وعد وقالتلها تطلعلهم بره
وعد ببكاء : ارجوكي يامرات عمي متعمليش فيا كدا
مرات عمها: يابنتي هو احنا بنضرك بكرا تشكريني ع الجميل داه هو في ف حنية كريم ياوعد يلا ياحبيبتي يلا
وعد ببكاء : مش طالعه
عمها بزعيق : فين وعد ياام كريم
مرات عمها بخوف : جايه اهي ياخويه الصبر شويه
وعد طلعت مع مرات عمها علشان خايفه من عمها وقفت قدام المؤذون عمها كان بيبصلها بحده وقالها
وعد المؤذون عايز يعرف انتي موافقه ولا لا
وعد بخوف وبكاء مش عارفه تتكلم
المؤذون : موافقة اي ما البنت باين عليها انها مغصوبه هو دا شكل عروسه
عمها بعصبيه : انطقي موافقه ولا لا
وعد اتفزعت من صوته وقالت : موافقه
المؤذون : طيب حيث كدا بقى نكتب
قول يابني ورايا
بسم الله
فجأه بيدخل زين بهيبته وبيقول
: الجوازه باطله لأن وعد مراتي
الكل بصدمه : مراتك
قرب من المؤذون وحط قدامه قسيمة الجواز ال بتثبت كدا
كريم بعصبيه : انت بتقول اي انت اتجننت
وعد واقفه مذهوله
المؤذون : فعلا القسيمه سليمه والأمضه والبصمه كمان
وعد رجعت بيها الذاكره لورا لما زين حاول الأعتداء عليها واغمى عليها وخدها ف عربيته ع بيته التاني
هناك خلاها توقع ع ورق ووعد مكنتش عارفه هي بتوقع ع ايه لأنها كانت شبه فاقده للوعي
زين وقعها على قسيمة جواز شرعيه لأنه وقتها بعد محاولة الإعتداء منه عليها خاف وعد لما تفوق ترفع عليه قضيه اعتداء فقرر يأمن نفسه علشان لو حصل حاجه يقول انها مراته ووثق القسيمه دي عند مؤذون وبشهود واعتبر وعد ولية نفسها لأن والدها متوفي
وعد بصدمه : زين
زين بص لكريم بغرور : وعد تبقى مراتي
المؤذون : استغفر الله العظيم اي داه كنتو هتوقعونا ف الحرام وانتي يابنتي مش تقولي انك متجوزه
عمها بعصبيه: انطقي الكلام دا حقيقي
وعد عيطت ومردتش
عمها رفع ايده علشان يضربها ع وشها
ولسه هيضرب زين مسك دراعه وقاله
: وعد دلوقتي تخصني
حسن بصدمه : وعد الكلام دا بجد
وعد بتعيط ومبتردش على حد
كريم بغضب راح ناحية زين علشان يضربه وهو بيقول
: انت واحد واطي فعلا
ابوه وقفله وقاله
كريم الموضوع انتهي وعد خلاص بعد ال عملته مبقتش بنت اخويا
زين مسك ايدها وشال قسيمة الجواز وخدها وخرج
ركبت العربيه معاه
وعد فضلت تعيط وف حالة صدمه
زين بأسف وحزن : وعد كفايه ارجوكي كفايه عياط
وعد بحزن وبكاء : انا خلاص مبقتش فاهمه حاجه
زين : اهدي وهفهمك كل حاجه
وعد بخوف : زين انا بجد ابقى مراتك ولا دا حوار عملته علشان الجوازه تتفركش ارجوك متكدبش عليا
زين : مراتي ياوعد والله العظيم مراتي
وعد ببكاء : بس انا مش موافقه ع الجوازه دي
زين بضيق : عارف بس بردو مش هسيبك تتجوزي كريم ولا تحبي ترجعيله
وعد بخوف : ولا انت ولا هو نزلني هنا
زين وقف العربيه على جمب وقالها : بصي انا عارف انك مش طايقه تبصي ف وشي بس مضتره تستحمليني فتره هحاول اصلح فيها ال عملته لو منجحتش ليكي حرية الإختيار وهطلقك
وعد بصتله بخوف وافتكرت ال عمله فيها
: مش موافقه
زين بحزن : فرصه واحده مش عايز غيرها
وعد بخوف : انت عايزني اعيش معاك شهر انت ناسي انت عملت فيا اي انا مش قادره اشوفك غير وحش قدامي
زين بتنهيده : خلاص ياوعد انا مش هضغط عليكي قدامك حليين ياتوافقي على كلامي يا
وعد : اي
زين : ياتوافقي ع كلامي بردو قولتلك فرصه واحده دانتي قلبك طلع قاسي اوي
وعد : انت مجنون بقولك نزلني
زين ببرود : ع فكره العربيه واقفه يعني ممكن تنزلي
وعد بإحراج : اه صحيح مخدتش بالي
بتفتح الباب علشان تنزل لسه بتحط رجلها سمعت صوت ديب
طلعت رجلها بسرعه وقفلت الباب وهي بتقول
: المكان هنا مقطوع ممكن تنزلني ف مكان غير داه
زين بإبتسامه : تحت أمرك
وخدها وطلعوا بالعربيه
طول الطريق وعد قاعده ف جمب حاضنه نفسها وبتبص عليه بخوف
زين كان باين عليه الضيق من نظرت الخوف ال شايفها ف عنيها
وقف قدام فندق وقالها انزلي
وعد بتعجب : اي دا انزل فين
زين : انا واخد يومين اجازه ف مصر اكيد مش هنبات ف الشارع
وعد بتعجب : نبات !
زين : ايوا انزلي يلا
وعد : انا مش قولتلك اني مش موافقه اقعد معاك ولو ثانيه واحده
زين : اعتبري الفرصه ال انا عايزها دي غصب عنك
وعد بخوف : شوفت ظهرت على حقيقتك ازاي
زين : ماهو اللين مش جايب نتيجه هعملك اي يعني بقالي ساعه اقولك فرصه واحده وبعدها وعد اني هسيبك وهطلع من حياتك للأبد
وعد بضحكة سخريه : ههههههههه وعد ! بلاش بس كلمة وعد دي اصل الكلمه دي خلاص مبقتش احبها
زين نزل م العربيه ووعد نزلت هي كمان
وعد : انا ماشيه
زين : طيب متنسيش تفكري ف مبرر تقوليه لعمك ال مستنيكي هناك وتقوليله انتي متجوزه ازاي حاسس انه هيقابلك بالأحضان وكمان في كريم هيفرح اوي برجوعك انا عارف انك كنتي هتموتي وتتجوزيه
وعد فكرت ف كلامه وقفت ثواني وبعدين دخلت قدامه الأوتيل وهي بتقول
: هي اليلله دي بس لحد مااشوف هتصرف ازاي ف المصيبه ال انا فيها
زين دخل وراها بإبتسامه
طلعت معاه ع الغرفه ال حجزها دخلت لجوه اتفاجئت ان زين داخل معاها
قالتله يلا علشان اقفل الباب
زين راح وقفله
: انا قفلته
وعد :قفلت اي اتفضل اطلع بره
زين : نعم ياختي ليه انتي فاكره انا حاجز الأوضه ليكي لوحدك
وعد: امال حاجزها لمين
زين : ليا انا وانتي طبعاً
وعد بعصبيه : وفي واحد محترم يعمل حركه زي دي
زين بصدمه : محترم ! هو انتي مش واخده بالك انك مراتي
وعد : الجوازه دي انا مش موافقه عليها قولتلك
زين : مش مشكلتي دلوقتي انا دماغي مصدعه م السفر وعايز انام نشوف حل للموضوع داه بعدين
وراح رمى نفسه ع السرير
وعد بغيظ : انت كمان هتنام ع السرير
زين بتعب : خلاص انا اسف
وخد بعضه ونام ع الكنبه
وعد : مش مرتاحه بردوا
زين : حاضر
وخد بعضه وطلع ع البلكونه وضم كرسين لبعض وفرد جسموا عليهم
وعد بغرور راحت ناحية البلكونه وقفلاها ومتربسه عليه بره
زين بضيق : يعني قلبي المهزء ساب كل البنات وحب دي
وبعدين حط دماغه ناحيتها وبص ليها من قزاز البلكونه وهو بيبتسم ومش مصدق ان وعد اخيراً معاه تاني
وعد اتفاجئت انه بيبص عليها راحت قايمه من ع السرير بعصبيه ورايحه ناحيته
زين افتكر قلبها حن وريحاله لقاها بتشد ستارة البلكونه علشان ميشوفهاش وراحت نامت
___بقلم ملك محمد __________
"في تركيا "
والدة حسناء : مقلكيش نازل مصر ليه
حسناء : لا ياماما انا اتفاجئت بسفره زيك بالظبط
تميم : يمكن في شغل او حاجه
حسناء : لا معتقدش مانا وهو ف شركه واحده لو في شغل كنت عرفت
جدهم اسماعيل : زين الفتره ال فاتت مش عاجبني وحاسس ان في حاجه غلط
تمام : يمكن بيحب
حسناء بإرتباك : بيحب اي بس مفيش الكلام داه
والدتهم : صحيح ياحسناء هو جوزك عجبته القعده ف مصر ولا اي
حسناء : بيقول والده عنده شوية ظروف ومش هيعرف يسيبه دلوقتي
تمام : طب ابقي خلي بالك م الظروف اصل ظروف عن ظروف بتفرق
حسناء بتعجب : مش فاهمه تقصد اي
تمام قام من مكانه : ولا حاجه
وراح ع اوضته
_____________
في منزل عائلة وعد
عمها : مين البيه ال الهانم بتاعتنا طلعة متجوزاه
كريم : دا واحد وعد اتعرفت عليه ف تركيا
والدة كريم : أملي خاب فيها بقى وعد تطلع متجوزه من ورانا
حسن اخوها : مسحتيل وعد اختي تعمل كدا يمكن دي خطه علشان تفركش جوازها من كريم
عمها بعصبيه : القسيمه صحيحة ووعد صغرتنا كلنا قدام الناس
كريم بضيق : أنا جوايا طاقة غضب من ناحيتها حاسس اني لو شوفتها ممكن اقتلها
والدته : اهدى يابني هتضيع حياتك علشان دي دي طلعت متستهلش
عمها قام من مكانه وقال : وعد لازم تتطلق الجوازه العار دي لا يمكن تتم
يتبع ..........
بقلم # Malak_mohamed
عرفتوا ليه كان لابد من مشهد الإعتداء لأن وعد كانت هترجع مصر وزين قرر ينساها وعمها كان هيجوزها كريم غصب ولو القصه مشيت كدا كانت هتكون بايخه فانا حبيت اوصل زين بوعد مش أكتر تفاعل بقى علشان ننزل بال بعده 💙
لمتابعة باقى الروايه زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كامله من هناااااااااا
مجمع الروايات الكامله اضغط هناااااااا
مجمع الروايات الكاملة 2 اضغط هنااااااا
تعليقات
إرسال تعليق