رواية رحم للايجار (عندما يعشق الرعد) الجزء الثانى الفصل السابع والثلاثون والثامن والثلاثون بقلم ريحانة الجنة
رواية رحم للايجار (عندما يعشق الرعد) الجزء الثانى الفصل السابع والثلاثون والثامن والثلاثون بقلم ريحانة الجنة
الحلقه السابعه والثلاثون
عندما يعشق الرعد ( رحم للإيجار )
في شقة هنا.
همس في اوضتها وقعدت تعيط. ومسكت صورة رعد
همس: بيلومني علي حبك وبيقولوا قاسي. ميعرفوش انك احن راجل في الدنيا. انا زعلانة منك لكن مقبلش حد يقول عنك حاجة وحشة ابدا ابدا. انت حبيبي اللي عمري ما ححب زيه ولا ححب غيره. وباست صورته. اوعدك هرجعلك في اقرب وقت بس لما اخف خالص. انا مش عايزة يكون فيا اثر للي عملته فيا. مش عايزك لما تشوفني تتألم وتلوم نفسك. عايزة اخف علشانك. بس اوعدك قريب قريب اوي
وقعدت سرحانة فيه. وهي بتسمع (عمره ما يغيب لحماقي)( من يومين تلاتة إتسألت عليه. ربي وحده عالم اللي قولته عليه. حبيبي لما تيجي سيرته. انا بقول يا ناس في سيرته. حبيبي نفسي يوم اقابله بس فين الاقيه. حبيبي عمره ما يغيب حبيبي وعده ليا اللي عايش بيه. امانة نفسي لتسلمولي عليه. جوا قلبي والله لو بعيد عن عيني. دوبت الف مرة بعد شوق وحنين. حياتي مش ناقصها غيره. ولا هكون في يوم لغيره. واديني حالي بعد منه غير ما كنت عليه. حبيبي عمره ما يغيب. حبيبي وعده ليا اللي عايش بيه. امانة نفسي لتسلمولي عليه. انا هموت عليه. ايوة ليه يا زمان. هقابلوا يوم ايوة في الامكان. حبيبي واعمل ايه. عمري واتعلقت بيه. والحكاية في كلمتين... خلاص هموت عليه... حبيبي عمره ما يغيب)
همس: بدموع. والله عمرك ما غبت عني لحظة انت الوحيد اللي في قلبي. لو قدامي الدنيا دي كلها انا مش عايزة غيرك انت. انت وبس
وبعد مرور اسبوع
شقة هنا
همس: قاعدة في اوضتها سرحانة وبتعيط.
هنا: دخلتلها بقلق. مالك يا همس بتعيطي ليه
همس: بقلق وحزن. مش عارفة يا هنا قلبي مقبوض بقالي فترة. وقلقانة علي رعد. والمشكلة اني كل لما اتصل بيه زي العادة علشان اسمع صوته. تليفونة مقفول. بقالوا اسبوع.
هنا: رتردد. مممعلش ان شاء الله يبقي كويس
همس: بقلق وشك. هنا هو عدي ليه بقالوا اسبوع مابنشوفوش. هو رعد حصله حاجة
هنا: بلعت ريقها بصعوبة. اااصل رعد مسافر وعدي مشغول في الشركة
همس: ؟مسافر. مسافر فين وليه مقولتليش ولا حتي عدي جابلي سيرة. طيب مسافر فين
هنا:بحيرة. ممسافر ايطاليا. وعدي مشغول زي ما قولتلك وعلشان كدة مش بيجي البيت الا متأخر. كان هيقولك ازاي
همس: ! وانتي يا هنا ليه مقولتليش
هنا: يوووه يا همس. خلاص بقي ماجتش فرصة
همس: بدموع ورجاء. هنا قوليلي يا هنا انتي مخبية عليا حاجة انا قلبي حاسس. رعد مش كويس.
هنا: عيطت. ارجوكي يا همس اهدي. انتي الانفعال خطر عليكي
همس: بإنهيار. ملكيش دعوة بيا. ابوس ايدك يا هنا. قوليلي رعد ماله. انا حاسة بيه. رعد في محنة. وحياة عدي عندك. لتقوليلي.
هنا: انا هقولك. بصراحة مش قادرة اخبي عليكي اكتر من كدة.
همس: بصدمة. انطقي يا هنا اتكلمي
هنا:رعد. في المستشفي. انضرب عليه رصاص. وهو في غيبوبة بقالوا اسبوع
همس: 😳😳😳 مكنتش مستوعبة. معقول ررررر.. ع.. د
في المستشفي
عدي: انت متأكد يا سليم. ان الدكتور مش مخبي عليا حاجة. رعد حالته مستقرة فعلا ولا لا. وليه مافقش لحد دلوقتي. ده بقاله اسبوع في الغيبوبة دي. انا مش مرتاح
سليم: متقلقش يا عدي. انت اول ما كلمتني جيت بسرعة وشوفت رعد كمان بنفسي وفحصته. ان شاء الله هيقوم رعد شديد. بس لو تحب ننقلوا المستشفي عندي. انا معنديش مانع. وهخلي بالي منه
عدي: اتنهد. لا ملوش لزوم المستشفي هنا. اصلا رعد يمتلك نصها. وهما مش متأخرين. بس انا هتجنن. هو ليه مش بيفوق
سليم: يا عدي ماتستهونش. باللي حصل لرعد . رعد اخد 3 صاصات. 2 في في ظهره. وواحدة في صدره. دول كافلين يقضوا علي جبل. والحمد لله ان الرصاص موصلش للعمود الفقري. دي كانت ممكن تقضي عليه. بس ربنا سترها معاه. وكمان الحمد لله لسة قلبه شغال.
عدي: عنيه بتلمع من الدموع. انا مش متخيل ان رعد ممكن ميقومش منها. رعد ده مش بس صاحبي يا سليم. انا اوقات بحس انه ابويا واخويا. انا ماليش سند في الدنيا غيره
سليم: ما تقولش كدة. يا عدي ربنا كبير وهو سندنا كلنا. وانا متاكد انه ان شاء الله. ربنا هينجيه ويفوق
عدي: برجاء. يارب يارب.
وفي الوقت ده تليفون عدي رن..
عدي: بتعب... ايوة يا هنا😠😠. اهدي يا هنا وبراحة انا مش فاهم همس مالها
سليم: سمع اسم همس. قلبه دق وقلق. مالها همس يا عدي
عدي: شاورله بإيده يسكت.
هنا: بعياط. همس عرفت اللي حصل لرعد. وانهارت من العياط والصريخ. واخمي عليها ومش عارفة افوقها
عدي:😡😡😡 بردوا يا هنا. قولتلها انا منبه عليكي وانتي صممتي وعملتي اللي في دماغك. اقفلي وانا جاي حالا
سليم: مالها همس يا عدي طمني
عدي: هنا قالتلها اللي حصل لرعد. وانهارت وتعبت واغمي عليها وهنا مش عارفة تفوقها. اسمع يا سليم انا هاخد دكتور واروح لهمس. وانت خليك مع رعد علشان ابقي مطمن عليه
سليم: مسك ايده. استني خليك انت مع رعد وانا هروح لهمس واشوفها. واطمنك ولا انت ناسي ان انا دكتور
عدي: مسح وشه وشعره بحيرة. سليم اا
سليم: من غير كلام. متقلقش انا وعدتك اني هتعامل معاها. علي اني طيب وصديق. مش اكتر من كدة. ماتخفش
عدي: اتنهد. طيب بس بسرعة. ومش هوصيك عليها خلي بالك منها
سليم: هز راسه ومشي بسرعة
في ڤيلا الحديدي
توفيق: ازاي لسة مش لاقينها. هتكون راحت فين. اسمع يا امين لو مش قد الحكاية دي. قول وانا اشوف غيرك. انت شكلك كبرت وخرفت.
امين: والله يا باشا احنا قالبنا عليها مصر كلها. دي زي ما تكون الارض انشقت وبلعتها. بس هندور تاني
توفيق: خبط المكتب بإيده بغضب. انا عايز همس باسرع وقت . لازم الاقيها قبل ما رعد يلاقيها. لو هو لاقاها الاول. مش هنعرف ناخدها منه
امين: تمام يا باشا. اوعدك هنلاقيها بأسرع وقت ممكن
توفيق: قولي. رعد لسة ما فقش من الغيبوبة
امين: لا لسة. بس رجالتنا في المستشفي. بيبلغونا بحالته. اول بأول. واول لما يفوق هيبلغونا
توفيق: اتنهد. انا لازم اول لما يفوق اعرف علشان انا مينفعش اواجهه تاني. المرة دي رعد. مش هيسكت. خصوصا بعد ما عرف ان امه عايشة وماماتتش
أمين: بس مش عارف ليه سيادتك. قولتله الحقيقة. بعد السنين دي كلها
توفيق: بغل. كنت عايز احرق قلبه. ده ولد عنيد وناكر للجميل. لسة فاكر امه. وكره ليا بيزيد كل يوم. ونسي اني انا اللي ربيته وعلمته وكبرته. انا السبب في الامبراطورية اللي هو فيها دي. انا السبب انه بقي رعد الحديدي. جاي بعد كل ده. يحاربني في شغلي. وكمان اخد نص املاكي مقابل اللي بطن همس. وبعد ما اخد كل ده. يقولي اني مليش عنده حاجة وان دول ولاده هو وهمس. بس انا مش هسيبه. لازم اخد منه همس واللي في بطنها. ولو محصلش هقتلهم قصاده واحرق قلبه عليهم
في شقة هنا
همس: بتصرخ وبتعيط. وسليم وهنا مكتفنها علشان ما تقومش من السرير
همس: سيبوني. بقي حرام عليكم. انا لازم ارحله لازم اشوفه لازم انا هموت والله هموت
سليم: بحزن علي حبيبته. اهدي يا همس ارجوكي. انتي مش حمل اللي بتعمليه في نفسك ده.
همس: بعياط هستيري. ابعد عني انت مش عايزني اروحله ليه انا عايزة اشوفه. اااااه رعد لا مش ممكن يروح مني لا. ابوس ايديكم ودوني ليه انا عايزة اشوفه مش قادرة
هنا: بتعيط. يا حبيبتي اهدي لو سامحتي. انا خايفة عليكي
سليم: مش هينفع يا همس تروحي هناك. صدقيني
همس: زقته بقوة. ابعد عني انت مش عايزني اروحله علشان انت بتكرهه انت عايزه يموت. وقامت وهي دايخة ومش قادرة تمشي. انا هروحله لوحدي
سليم: بحزن ووجع. انا يا همس. خلاص مدام انتي شايفة كدة. انا هوديكي بنفسي تعالي
هنا: دكتور سليم. عدي هيقلب الدنيا. لو همس راحت هناك
سليم: خلاص يا مدام هنا. انا قولت هوديها يعني هوديها. وانا اللي هتصرف مع عدي. اتفضلوا يالا
في المستشفي
عدي:منفعل ومتنرفز. انتوا اتجننتوا. ازاي تجيبوها وهي بحالتها دي. وكمان مش لازم تشوف رعد كدة.
هنا: انا كنت هعمل ايه. دي كانت هتموت من العياط والصريخ. وكمان دكتور سليم. هو اللي صمم انها تيجي تشوفه
عدي: بيجز علي سنانه. انتي استني عليا. علشان تحرمي تمشي اللي في دماغك. كان لازم تنسحبي من لسانك وتقوليلها
هنا: بزعيق. الله هي اصلا كانت حاسة وكل يوم تسأل عليه. وكمان تليفونه مقفول. كنت هعمل ايه كان لازم اقولها دي كانت هتتجنن عليه
سليم: بضيق. ممكن تسكتوا لو سامحتم. خلاص اللي حصل حصل وهي عرفت وجات كمان. المهم لازم نخلي عنينا عليها. انا قلقان عليها. ضربات قلبها مش منتظمة. وده اصلا خطر عليها مع حملها.
عدي: ماهو من عمايلك. مش جبتها. البس بقي. دي ممكن تسقط في الجنين التاني اصلا بسبب خوفها وقلقها علي رعد.
سليم: خلاص يا عدي اسكت انا مش ناقص. كفاية هي بتأنبني. انت كمان حرام عليكم.
في أوضة رعد
همس. داخلة بخطوات تقيلة وجسمها بيترعش من الخوف والدموع. اللي بتنزل من غير حساب. قربت من السرير اللي رعد نايم عليه. وبصتله بحزن ووجع. قعدت جنبه وهي بتشوف صدره اللي متغطي بالشاش. مكان الجروح والاصابة. مش مصدقة ان ده رعد حبيبها القوي الشديد. اللي الكل بيهابه وبيخافه وبعمله حساب. معقول هو اللي نايم كدة بضعف وحتي مش في ايديها حاجة تعملها علشانه. طيب ده هو سندها هو ظهرها اللي بتتحامي فيه. اه قسي عليها واذاها. بس من حبه ليها وغيرته عليها. مش قسوة منه ابدا. فضلت تعيط وهي بتحاول تستوعب اللي شايفاه عنيها
همس: ملست بإيديها اللي بتترعش. علي ملامحه وعلي جروحه. حبيبي قوم. قوم علشان خاطري. مش انت اللي تنام كدة. لا مش رعد. انت كنت بتقولي مفيش حد يقدر عليك. ايه اللي حصل. ليه سيبتهم يغدروا بيك. ليه وجعتني للمرة التانية. بس المرة دي الوجع اكبر. اكبر بكتبر. انا استحمل قسوتك عليا. ضربك ليا. بس متحملش اشوفك كدة. ده انا مليش غيرك. انت مكنتش جوزي وحبيبي وبس. انت كنت ابويا واخويا واهلي وسندي. انا مليش غيرك. طيب هتسيبني لمين. انا من غيرك اضيع. انت وعدتني انك هتفضل جنبي وتحميني وتخلي بالك مني. ليه خلفت وعدك ليه يا حبيبي. ليه.
وحضنت ايده وباستها. واخدتها وحطتها علي بطنها. قوم علشان خاطر ابنك اللي فاضل. مش كفاية علي وجع. زمان راح مني واحد. والتاني بعده. مفضلش غير ده. انت وهو اللي ليا في الدنيا دي. وحياتنا عندك تقوم. انا مش قادرة اشوفك كدة. وححششتني. وحششننني صوتك غضبك. نرفزتك. وحششتني حنيتك وحششتني لمستك. قوم واعمل فيا اللي انت عايزه. انا راضية. والله راضية بس قوم.
وغمضت عنيها بألم وجع. وهي بتترجاه يقوم ويفوق.
برا الاوضة.
سليم: باصص علي همس من الازاز وشايفها وهو بتبكي وبتترجي رعد يفوق علشانها. وكان حزين من جواه. ااااه من الدنيا والقدر. تملي يلعب بينا. حد يقول ان انا سليم اللي بنات الجامعة كانت بتتمني نظرة منه. وضحك بسخرية. ولا المرضي اللي كانوا بيجوا علشاني وهما اصلا مش عاينين. علشان يقربوا مني. واتنهد. وانا كنت فاكر اني عمري ماهقع. وهفضل انا اللي ماسك اللجام. وسايق. وجيتي انتي يا همس وكسرتي كل القواعد واخترقتي قلبي وعقلي وكل جوارحي. طيب اعمل ايه. وياريتك ليا ولا حتي احتمال تكوني ليا. ده انتي عاشقة ودايبة في غيري. انا مكنتش متخيل انك بتحبيه للدرجة دي. واحدة غيرك بعد اللي عمله فيها ايا كان السبب. عمرها ماكنت تحنله ولا تفكر فيه. بس انتي هتموتي نفسك عليه. اااااه ياريتك كنتي حبتيني. عمري ما كنت هجرحك ولا اوجعك زي ماهو عمل. كنت ححطك في قلبي وعيني. كنت هخليكي اسعد انسانة في الدنيا. بس هعمل ايه قلبك اختاره هو مش انا.
عدي: قرب من سليم وطبطب علي كتفه وهو بيبص علي همس ورعد. واتنهد انا عارف انك متضايق. بس انت وعدتني تنسي
سليم: بحزن وهو لسة باصص عليها ومالتفتش لعدي. عارف وانا عند وعدي. بس لا انت ولا انا نقدر نتحكم في قلبي. انا مش هتكلم معاها تاني في احساسي ناحيتها. لكن مش هقدر ابطل احبها مش بإيدي هفضل كدة لحد ما انسي او تيجي واحدة تنسيني. ده لو عرفت
مروان: كان رايح لعدي مندفع وبجدية. عدي بيه عايزك ضروري
عدي: بص لسليم. وبعدين لمروان. اتكلم دكتور سليم مش غريب
مروان: بيجز علي سنانه. رجالة توفيق باشا هنا. وعرفه ان مدام همس موجودة هنا. وعايزين يخدوها
عدي:بغضب. انت بتقول ايه وعرفت ازي
مروان: هما ليهم رجالة هنا بتنقل اخبار رعد بيه ليهم. وانا كمان ليا رجالتي اللي بتنقلي الاخبار. وعرفت انهم اول لما شافوا مدام همس. بيجهزوا نفسهم علشان يخدوها. مدام همس لازم تمشي حالا
عدي: بص لسليم بغضب. عجبك كدة انا مكنتش عايزها تظهر. اهو جدو عايز يخدها هي واللي في بطنها.
مروان: ارجوك يا عدي بيه مش وقته دلوقتي. مدام همس لازم تمشي حالا. ادخل نايدها علشان امشيها
عدي: هز راسه بضيق ودخل لهمس
همس: كانت لسة ماسكة ايد رعد وحضناها وبتبكي
عدي: طبطب عليها. همس لو سامحتي انتي لازم تمشي
همس: بغضب. لا انا مش همشي مش هسيبه انا هفضل جنبه لحد ما يفوق. انا خلاص مش هبعد عنه تاني
عدي: يا همس افهمي. توفيق جد رعد. باعت رجالته يخدوكي وعايزنك ولو مامشتيش. الموضوع هيكبر. انا هخلي مروان يمشيكي بسرعة من باب تاني علشان محدش فيهم يشوفك.
همس: هزت راسها بدموع. لا لا مش هسيبه لا. يعملوا اللي هما عايزينوا. انا هفضل جنبه لازم لما يفوق يلاقيني
عدي: مسح وشه وشعره علشان يهدي. يا همس بقولك عايزينك انتي واللي في بطنك. ولو ده حصل رعد اول ما يفوق. هيقلب الدنيا علي دماغ الكل وانا اولهم. ارجوكي خلينا نحافظ عليكي لحد ما رعد يفوق.
همس: عيطت وبصت لرعد بحزن. وبعدين بصت لعدي
عدي: هز راسه بأسف. معلش انا عارف انه صعب عليكي تسبيه. بس غصب عننا قومي يا همس قومي معايا
همس: قامت وهي كانت لسة ماسكة ايد رعد. واول لما جات تسيبها. رعد ضغط بإيده عليها ومسكها بقوة
همس: فتحت عنيها بصدمة وبفرحة. عدي. ررعد مسك ايدي هو ممكن يفوق مش كدة
عدي: استغرب. وقرب منه بس لقاه زي ما هو. مش عارف يا همس. المهم دلوقتي انتي لازم تمشي حالا.
ومسك ايد رعد وفكها من ايد همس. واخدها وخرج وهي عنيها علي رعد. اكنه واخدها يدبحها. طيب ولا لا وهي بعدها عنه وفي الوضع ده. هو اكبر جرح ليها. هي كانت خلاص عاهدت نفسها انها متسبهوش وتفضل معاه. لحد لما يفوق ويرجع يطمنها بوجوده. بس القدر والضروف كانت ليها راي تاني. لسة البعد مخلصش
رعد : بعد خروج همس عقد حاجبه وقبض قبضة ايده بقوة. زي ما يكون كان متطمن وهي جنبه ومرتاح وابتدت حاواسه ترجع للحياه. لا الانسان اللي بيكون في غيبوبة. اوقات بيحس ويشعر بوجود اللي حاوليه. وكمان علشان يفوق اوقات بيخلوا حد يكون قريب منه وبيحبه يقعد معاه ويتكلم علشان صوته يوصله ويخليه يرجع وكمان اي ريحة مألوفة بالنسبة ليه. بينشروها في المكان علشان ترجعه للحياه. وده اللي حصل مع رعد. وجود همس وكلامها وصوتها اللي دخل علي قلبه قبل ودنه. صحي عقله وكمان ريحتها اللي بيعشقها وقربها منه خلاه. يحارب غيبوبته ويجاهد عقله علشان يفوق ويشوفها. وفتح عنيه وابتدي يبص حاوليه.
برا الاوضة
عدي: مروان خلي بالك من همس وهنا. توصلهم وتخلي اتنين رجالة عند باب الشقة وميتنقلوش ابدا. محدش ضامن الظروف ممكن حد يلمحكم. ويراقبكم فاهم يا مروان
مروان: متقلقش.انا هتابع كل حاجة بنفسي
هنا: مسكت ايد عدي. انا خايفة اوي
عدي: شدها لحضنه واتنهد. ماتخفيش. مروان مش هايسيبكم. وانا بس اطمن علي رعد واجيلك بس غضب عني. مقدرش اسيبه في الظروف دي.
وخرجها من حضنه بهدوء. وحضن وشها بإيده. خلي بالك من نفسك ومن همس. اتفقنا
هنا: هزت راسها. حاضر وانت كمان خلي بالك من نفسك.
عدي: ابتسم. ان شاء الله. وباسها من جبينها. يالا علشان تمشوا
ومشيت همس وهنا مع مروان.
سليم: بغل خبط الحيطة بإيده. انا مش فاهم حاجة. عيلة دي ولا مافيا. ايه الالغاز دي انا عايز اعرف. همس واللي في بطنها. ايه علاقتهم بجد رعد وليه عايز يخطفها.
عدي: قعد ومسك راسه بإيده وبص في الارض. ارحمني يا سليم. انا مش ناقص. كفاية اللي انا فيه.
سليم: لا انا عايز افهم. لو رعد بينه وبين جده حاجة. همس دخلها ايه. ليه تروح في الرجلين.
عدي: اتنهد. انا هقولك
في شقة هنا
هنا وهمس دخلوا البيت. ومعاهم مروان
مروان: انا همشي دلوقتي. وفي اتنين حرس برا علي باب الشقة. هيخلوا بالهم منكم
همس: كانت زي المغيبة من وقت ماسابت رعد ومشيت. كانت سراحانة فيه وفي شكله وهو نايم مش بيتحرك. ودخلت علي اوضتها من غير ما تتكلم ولا تنطق
هنا: متشكرة جدا يا مروان. بس ربنا يستر ومحدش فيهم يكون شافنا
مروان: اتنهد ربنا يستر. انا هغيب شوية وارجع تاني. وزي ما قولت لحضرتك الرجالة برا. موجودين لحمايتكم. ولو حصل اي حاجة رقمي اهو كلميني فورا. عن اذنك
وخرج مروان. وهنا دخلت وقعدت
في اوضة همس
دخلت وطلعت قميص رعد اللي دخل بيه المستشفي واللي كان غرقان بدمه. وهي كانت طلبته من عدي بعد ماخرجت من عند رعد ومن وقتها حضناه ومابتتكلمش. وفضلت حضاغطة عليه بإيديها وبتبكي. ونفسها عدي يكلمها ويقولها رعد فاق نفسها تطمن عليه. وفضلت كدة حضنه قميصة وبتبكي وحطت راسها علي المخدة وهي بتسمع. ريحة (الحبايب لعمرو دياب) (اي حاجة تيجي من ريحة الحبايب. بتطمن قلبي اللي المشغول علي الغايب. كلمتين يتاقلوا منه ولا عنه. يتطمن قلبي اللي مشغول علي اللي غايب.
لسة سامع كل كلمة قالها ليا
لسة شايفه زي مايكون بين ايديا.
اااه يا شوق خليك بقي حنين عليا.
وريحلي قلبي اللي مشغول علي الغايب.
عايشة اشوقنا الوفيه. فيه وفيا. اسأل من بعيد لبعيد يسأل عليا.
ده اللي زيه مش كتير في الدنيا ديا.
ده انا قلبي والله مشتاق لاغلي الحبايب. اي حاجة تيجي من ريحة الحبايب. يطمن قلبي اللي مشغول علي غايب)
وفضلت همس في دنيا تانية مش حاسة بأي حاجة ولا اي حد غير حزنها وشوقها لحبيبها اللي كل بيوم بيزيد.
قصاد عمارة عدي وهنا واقفة عربية سوداء وفيها 4 رجال واول لما مروان نزل ومشي. واحد فيهم اتكلم في التليفون
الرجل: ايوة يا باشا. نزل خلاص.... تمام هنجبها... تحت امرك ...
الحلقه الثامنه والثلاثون
عندما يعشق الرعد ( رحم للإيجار )
في المستشفي
عدي: هي دي الحكاية فهمت
سليم: 😏😏يعني هو متجوزها علشان يخلف
عدي: هو البعيد غبي. انا مش عارف ان دخلت طب ازي. بقولك بيحبها من قبل موضوع العملية ده اصلا.
سليم: طب وبعدين. هو توفيق جد رعد. ده لو خطفها هيعمل فيها ايه
عدي: مسح شعره بضيق. مش عارف. بس مروان قالي انه سمعه يوم حادثة رعد بيقوله. هتقلك واورثك واخد ولادك. علي اساس انه فاكر ان همس لسة حامل في توأم. محدش يعرف ولا رعد نفسه ان في جنين مات.
سليم: عدي همس مش لازم تستني عندك في البيت
سليم:اومال تروح فين
سليم: عندي. انا هخدها اخبيها في بيتي لحد لما رعد يفوق ويخدها
عدي:😂😂😂همس وفي بيتك وكمان رعد يخدها. 😡😡😡انت اتجننت ولا جري لعقلك ايه
سليم: في ايه يا عدي. انا محدش يعرفني. وهتقدر تقعد عندي من غير جدوه ده ما يعرف طريقها. انا بصراحة مش مطمن. هي هنا ظهرت معاك انت وهنا. وممكن يدوروا عليها عندك
عدي: يا بني آدم افهم رعد لو عرف انها راحت عندك. وشاف في عنيك حبك وهيمانك اللي مبتعرفش تداريه. المرة دي اضمنلك. ان همس هتكون اما في العناية المركزة. او بقرأ عليها الفاتحة. وانت طبعا معاها
سليم: يوووووه. رعد ده ايه مبيتفاهمش. مخه حجر. المفروض وقتها يقدر الموقف
عدي: موقف ايه اللي يقدروا. انا لحد النهارة خايف من ردة فعله لما يعرف ان همس كانت عندي الفترة دي كلها.
سليم: واحد غيره يحمد ربنا ان ليه صاحب حافظ علي مراته. وحماها ونجاها من الموت
عدي: المشكلة مش في كل ده. المشكلة اني كنت معاه يوم بيوم. وشايف حيرته وخوفه وقلقه عليها. ومتكلمتش. لان ببساطة مش من حقي. هي مكنتش مستعدة. ده غير انها كانت مصممة. انها مترجعلوش الا لما تروح منها اثار الكدمات والجروح اللي كانت فيها. ماكنتش عايزاه لما يشوفها يتأنب ويلوم نفسه. هي قالت لهنا كدة. وانا مكنتش اقدر اقوله من وراها وهي تتفاجأ
سليم:😢😢😢للدرجة دي بتحبه وخايفة علي احساسه
عدي: يا سليم رعد علي قد ما هو قاسي وشديد وغيور. الا انه بيحب همس وبيعشقها. وكان مدلعها فوق ما تتخيل.
سليم: اتنهد. ربنا يقومهولها بالسلامة. المهم انها تكون سعيدة ومبسوطة. حتي لو مش معايا
عدي: انا هدخل اطمن علي رعد
سليم: وانا جاي معاك
في اوضة رعد
رعد :بعد ما فاق وفتح عنيه وافتكر اللي حصل. غضب واتغل. وغضب اكتر. لما بص حاوليه وماشفش همس. هو كان حاسس بوجودها كان شامم ريحتها. كان سامع صوتها. بس ملقهاش موجودة. قام بسرعه واتألم من جروحه. لما قام فجأة. بس اتحامل علي نفسه. وشال المحاليل والاجهزة اللي كانت متوصلة ليه. وهو قايم من السرير. دخل عدي وسليم عدي مكنش مصدق ان رعد فاق وقام وجري علي وهو مبسوط وفرحان
عدي: جري علي رعد وحضنه. حبيبي حمد علي سلامتك.
رعد: اتألم من حضن عدي الرجولي طبعا لانه كان قوي. وضغط علي جرحه. اااه
عدي: بعد عنه بسرعة. اسف يا رعد معلش بس انت متعرفش انا كنت خايف عليك ازاي
رعد: بملامح عابثة وحزينة. عارف يا عدي انت اخويا مش بس صاحبي. وكان بيبص علي الباب بإهتمام
عدي: مالك يا رعد بتدور علي مين
رعد: هي فين
عدي: ؟هي مين
رعد: همس. همس كانت هنا هي راحت فين
عدي: بلع ريقه بصعوبة. هههمس. انت شوفتها
رعد: لا بس كنت حاسس بيها. سامع صوتها بتتكلم وبتبكي. صدقني يا عدي ما كناش بيتهيألي. همس كانت هنا انا متأكد
عدي: بص لسليم وهما الاتنين كانوا في في صدمه مش مصدقين. انهم ممكن يكونوا بيحبوا بعض للدرجة دي.
عدي: لا يا رعد وهو ايه اللي هيجيب همس هنا.
رعد: بغضب. قولتلك همس كانت هنا وانا حسيت بيها وشوفتها انا حتي شامم ريحتها همس كانت هنا. وقرب كف ايده منه.وبحنين ولهفة. دي ريحةةهمس هي كانت ماسكة ايدي صدقني يا عدي. ازاي ما شوفتهاش هي اكيد خرجت وانت مأخدتش بالك
سليم: اهدي يا رعد بيه. انت تعبان والانفعال خطر عليك.
رعد: اتعصب. ماشي انتوا مش مصدقين انا هروح ادور عليها بنفسي
عدي: منعه. استني يارعد حاول تهدي وتفهم بس. انت حالتك مش سهلة والجرح لسة مفتوح ومحتاج ترتاح.
رعد: بغضب. ابعد عني يا عدي انا لازم الاقي مراتي وامي كمان. امي مامتتش يا عدي زي ما كان مفهمني. امي عايشة وهو خبا عليا.
عدي: جز علي سنانه بغيظ. عارف مروان حكالي اللي حصل واللي قالهولك توفيق . بس انت لازم ترتاح
رعد: قام وهو بيتالم. ارتاح!! ارتاح ازاي وانا معرفش مكان اغلي اتنين في حياتي همس وامي. والاتنين انا متأكد ان هو اللي ورا اختفائهم. والله والله لهندمه واخليه يندم علي كل اللي عمله معايا. عدي كلم مروان يجبلي لبس بسرعة انا لازم اخرج من هنا
عدي: يا رعد افهم انت مينفعش تخرج من هنا. لازم تتابع علاجك.
رعد: قلب الترابيزة بالاجهزة اللي عليها بغضب. انا قلت خارج يعني خارج. كلم مروان بسرعة
عدي: طيب طيب. حاضر بس اهدي
سليم: يا نهار. ده مش انسان عاقل ده مجنون. يا عيني عليكي يا همس. وقعتي ولا حدش سما عليكي
في الوقت ده دخل الدكتور اللي بيتابع حالة رعد. واتصدم لما لقي رعد واقف وسايب السرير
الدكتور: رعد بيه انت قومت ازاي انت لسة تعبان
رعد: بلا مبالاه. انا بقيت كويس وهمشي دلوقتي
الدكتور: بعصبية. تمشي ازاي انت مين اذنلك بكدة انا هنا اللي اقول اذا كنت تمشي ولا لا. وانت لسة حالتك مش مستقرة
عدي: خبط راسه بإيده. الله يحرق جبته لنفسك. ذنيت علي نهايتك
رعد: لما سمع كلام الدكتور غضب واتعصب وعنيه سودها ذاد كعادتهه لما بيغضب. مسك الدكتور من هدومه وزنقه في الحيطة. انت مين يا غبي علشان تقولي اعمل ايه وما اعملش ايه. انا اللي اقرر. ولو اتكلمت معايا كدة تاني. هيكون اخر يوم في عمرك. وزقه بقوة ووقعه علي الارض. امشي من وشي. وما اشوفكش لحد لما اخرج. والا قسما عظما هرميك من الشباك ده انت سامع
الدكتور: بلع ريقه بخوف. وهز راسه
وهو مش مستوعب ان وهو في حالته دي وفي القوة والشدة دي. وقام وهو خرج من الاوضة. شاف الشاش اللي مغطي جرح رعد كله غرق دم.
الدكتور: انا هبعت لحضرتك الممرضة تغيرلك علي الجرح انت بتنزف
عدي: قرب من رعد واتنهد بنفاذ صبر. ممكن ترتاح بقي شوية. ادي جرحك فتح
رعد: قعد علي السرير. بتعب وهز راسه. المهم علي ما يغيروا علي الجرح. خلي مروان يجيبلي هدومي بسرعة
عدي: حاضر. حخرج اكلمه. تعالي معايا يا سليم
سليم: بلع ريقه وبص لرعد بزهول وخرج مع عدي. انت شوفت عمل ايه في الدكتور. ده مش طبيعي
عدي: علشان كدة بقولك خاف علي نفسك واوعي تجيب سيرة همس قصاده هينفخك
في اوضة رعد
الممرضة: دخلت وهي خايفة منه بعد اللي عمله في الدكتور.
رعد: بعصبية. هتفضلي متنحة كدة كتير. اخلصي ونضفي الجرح ده
الممرضة: هزت راسها بخوف. وقربت منه وابتدت تنضف الجرح اللي ظهره الاول وبعدين اللي في صدره
عدي: بيتصل بمروان مش بيرد.... اوفففف انت فين يا ابني.. رد بقي
سليم تعالي ننزل احنا نجبلوا لبس بسرعة. ده مجنون وهيطربقها علي دماغنا.
سليم: ماشي تعالي
عدي :جاب لبس لرعد وهو راجع. هنا اتصلت بيه.... ايوة يا هنا عندي ليكي خبر هيفرحك وهيفرح همس
هنا: بإنهيار. الحقني يا عدي همس اتخطفت
عدي: 😳😳انتي بتقولي ايه. امتي حصل الكلام ده
هنا: بدموع. من شوية. فجأة لقيت اربع اشخاص زي الوحوش دخلوا الشقة وكتفه همس واخدوها. ولما حاولت امنعهم هددوني ومعرفتش اعملها حاجة
عدي: خبط العربية بغيظ. ولاد الكلب. انا كنت حاسس. والزفت مروان والرجالة كانوا فين
هنا: مروان مشي والرجالة اللي كانت هنا. لما خرجت بعد ما اخدوا همس لقيتهم مقتولين. وتصلت بمروان وقولتلوا. وهو قالي هيتصرف
عدي: مسح شعره ووشه بغضب. هعمل ايه هقول لرعد ايه. معرفتش احمي مراتك وخطفوها. وانتي حد عملك حاجة او ازاكي
هنا: لا انا كويسة. بس همس هي اللي خايفة عليها دي حامل وربنا يسترها معاها
عدي: اتنهد بغضب. طيب اقفلي يا هنا وانا هتصرف.
سليم: بغيظ. ايه اللي حصل لهمس يا عدي.
عدي: همس اتخطفت توفيق بعت رجالتوا واخدوها وقتله الحرس اللي موجودة هناك
سليم: بعصبية. انا كان قلبي حاسس انها هتتأذي بسبب رعد وعيلته. هي ذنبها ايه في كل ده تتاخد في الرجلين. وبعدين يا عدي هنعمل ايه
عدي: مسك راسه بإيده وهو مخنوق. مش عارف يا سليم مش عارف. انا كمان مش عارف هقول ايه لرعد
سليم: هي كدة كدة كانت مختفيه عنه. متجبلوش سيرة لحد لما نحاول نرجعها
عدي: نعم وانت مالك. انت تمشي بقي تروح تشوف المستشفي بتاعتك
سليم: بس انا عايز اطمن علي همس
عدي: بنفاذ صبر. سليم ابوس ايدك انا المصايب نازلة ترف علي نافوخي فوكك مني وارحمني. وانا لما اطمن عليها هطمنك. يالا اتفضل انزل وانا هطلع لرعد.
في الوقت ده عدي تليفونه رن. مروان
عدي: رد بسرعة. ايوة يا مروان هاه عملت ايه
مروان: انا بعت الرجالة. اخدوا الحرس اللي اتقتلت عندك في البيت. وانا والرجالة مش ساكتين قريب هنعرف هما اخدوا مدام همس علي فين متقلقش
عدي: مروان. مش عايزك تجيب سيرة لرعد. بحاجة الا لما اقولك. رعد مينفعش يعرف ان همس ظهرت وبعدها اتخطفت
مروان: بس رعد بيه لازم يعرف
عدي: بص نلاقيها الاول ونعرف مكانها وبعدين نقوله. بس تسيبني انا اللي اقوله فاهم
مروان: حاضر يا عدي بيه. وانا اوعدك هعرف هي فين في اقرب وقت
في ڤيلا الحديدي. في مرينا
همس قاعدة في الاوضة اللي قعدوها فيها وهي بتعيط. ودخلها توفيق ومعاه امين
توفيق: بأرف. تعرفي انا لولا اللي بطنك كنت دوست عليكي برجلي زي الحشرة. بس معلش تولدي بس وانا وقتها هعرف ازاي اهقبك علشان تعرفي انك مكنش ينفع تحلمي ولا تتمني حاجة انتي مش قدها
همس: بدموع وخوف. ارجوك رجعني انا ماعملتلكش حاجة انت ليه بتكرهني وليه بتكره رعد ده مهما كان حفيدك. ليه تعمل فيه كدة ليه تحرمه من ابنه
توفيق: ملكيش دعوة ومتدخليش في اللي ميخصكيش. انت مجرد ماعون شايل حفيدي وبس. ولو انك ضيعتي واحد بغبائك
همس: بحسرة. بغبائي ولا انت ومها هانم السبب. انتوا اللي خليتوا جوزي يشك فيا و يقتل ابنه بإيده
توفيق: انا كنت فاكر انه هيطلقك وخلاص. مكنتش اعرف انه هيضيع اللي عملناه بغباء
همس: انت عايز ايه دلوقتي
توفيق: بسخرية. انا هعوز منك انتي. انتي زي ما قولتلك. اسيرة عندي لحد ما تولدي. وبعد كدة هبعتك لرعد جثة. امين
امين: نعم يا باشا
توفيق: عايزك تجهزلي باسبور ليها بأي اسم. انا لازم اسافر انا وهي فرنسا في اقرب وقت. قبل رعد ما يشد حيله ويقف علي رجله. الوقت بيجري وهو خلاص فاق
امين: تحت امرك يا باشا في اقرب وقت.
همس: نسيت كل اللي هي فيه وفرحت وابتسمت لما عرفت ان حبيبها فاق ورجع
همس: بفرحة. هو رعد فاق من الغيبوبة
توفيق: ما تفرحيش اوي كدة. انتي مش هتشوفيه تاني. وخرج هو امين وسابوها
همس: اتنهدت. الحمد لله انه رجعلي بالسلامة. بس انا خلاص كدة مش هخاف. وابتسمت. علشان انا متأكدة ان حبيبي هيلاقيني وهيرجعني لحضنه انا متأكدة. وبدموع. وحششتني اوي يا روحي اوي.
همس كان جواها يقين ان رعد مادام فاق ورجع للحياه هيعافر ويوصلها. واكيد هيرجعها ومش هيسمح لتوفيق انه يخودها بعيد عنه. وهو ده العشق انك تثق في حبيبك ثقة ملهاش حدود. ومتشوفش فيه اي عيوب. تملي منتظر منه الافضل والاكمل ومش بتفتكرله اي غلطة دايما بتنسي الخطأ وتفتكر بس اجمل واحلي ما فيه.
وعدي اسبوع علي نفس الحال همس محبوسة وعدي ومروان بيدورا عليها . ورعد اصلا ميعرفش انها اتخطفت. وكان مستغرب. انها حتي مش بتحاول تتصل بيه من الرقم اللي كانت بتكلمه منه. كان تعبان ونفسه يسمع صوتها او حتي نفسها وتنهيدتها اللي كان بيسمعها لما كانت بتكلمه ومش بترد
في شقة رعد
رعد واقف في بلكونته وصدره وظهره لسة عليهم الشاش مكان الجرح. وكان سرحان في همس ووحشاه. وكان بيسمع (اااه بعد اليالي لعمرو دياب)
(اااااه بعد اليالي والايام من شوقي اليك. والله وازي يهون عليك كل شئ في البعد.
ااااه محتاجلك يا غالي. انت فين بنده عليك. والله وحششوني كتيير عنيك
معقول نسييت الوعد.
فاات حبي ليك في سنين بعاد وغياب.
وهاااان قلبي عليك ترميه بين نار وعتاب.
ارجع ليا خلاص مش قادر حبيبي. رد بأي كلام لو قادر حبيبي.
والله بحبه وهفضل احبه حبيبي. قرب خلي لبعدك اخر حبيبي
ااااه بعد اليالي والايام من شوقي اليك والله وحششوني كتيير عنيك معقول نسيبت الوعد
فااات اد ايه. ولا يوم قدرت انساك.
وليه الدنيا ليه. يا حبيبي بعيد وخداك
انا مش قادر علي نسيانك حبيبي. مين في الدنيا هيملي مكانك حبيبي.
والله بحبه وهفضل احبه حبيبي.
نفسي ارتاح انا بين احضانك حبيبي
اااه بعد اليالي)
رعد: بوجع. ااااه يا همس انتي فين. انا خلاص تعبت انا حتي مش عارف افكر ازاي هدور علي امي. عقلي وقلبي مشغولين بيكي. مش عارف اعيش منغيرك ارجعي يا قلبي بقي كفايه عقاب انا والله اتعاقبت بما فيه الكفاية. بعدك تعبني اووي يا همس اوي
تكملة الرواية من هناااااااا
لمتابعة باقي الروايه زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كامله من هناااااااااا
مجمع الروايات الكامله اضغط هناااااااا
مجمع الروايات الكاملة 2 اضغط هنااااااا
 الجزء الثانى الفصل السابع والثلاثون والثامن والثلاثون بقلم ريحانة الجنة رواية رحم للايجار (عندما يعشق…){kind=link}
تعليقات
إرسال تعليق