روايه جرح يداويه العشق الفصل السادس وعشرون والسابع وعشرون والثامن وعشرون والتاسع وعشرون والثلاثون والحادي والثلاثون الأخير بقلم جنات بدر
روايه جرح يداويه العشق الفصل السادس وعشرون والسابع وعشرون والثامن وعشرون والتاسع وعشرون والثلاثون والحادي والثلاثون الأخير بقلم جنات بدر
روايه جرح يداويه العشق
••﴿الفصل ٢٦﴾••
يونس دخل الجناح وهو ماسك ايد روح وقفل الباب
يونس ساب ايدها وبصلها:دى هتبقي اوضتك بعد كدا ياروح ومش مسموحلك تنامى فى اى مكان تانى مفهوم
روح بصلته ومش عارفه تقول ايه ولا فاهمه هو بيفكر في ايه روح رفعت النقاب:انت ليه عملت كدا وانت عارف ان بالحركه دى مراتك ولا امها هيعدوها كدا بساهل
يونس كان تايهه فى جمالها بالميكب ومش سامع منها ولا كلمه
روح حركت ايدها قدام وشه:بكلمك على فكرة
يونس:عايزة ايه ياروح
روح:عايزة افهم ليه عملت كدا انا كان ممكن اكون فى اوضتى عادى مش لازم هنا
يونس اتنهد:زى ماقولتلك ياروح دى اوضتك ومش مسموحلك تنامى فى اى اوضه تانيه ... ولو قصدك على صفا فانا بتعامل معاها متخافيش
روح:انا مش خايفه بس فى نفس الوقت مش عايزة مشاكل معاهم ... وبعدين انا مش هقدر افضل هنا معاك فى نفس الاوضه
يونس ربع ايده قدام صدره:ليه بقي انشالله
روح:معرفش بس مش هقدر
يونس:لا معلش تعالى على نفسك انا زى جوزك بردو
روح لسه هترد
يونس قاطعها:ادخلى غيرى هدومك ياروح عشان ننام يلا اكيد انتى تعبانه
روح:بس هدومى هناك فى اوضتى
يونس:لا فى هدوم جوا فى الدولاب انا طلبت من رحمه تجيبهم
روح دخلت اوضه اللبس كانت واسعه ولاقت جزء كبير منها فيه هدوم حريمى ومعظمه عبايات واسعه مع النقاب معقول هو جايب كل ده ليها هى دى اول مرة تشوفهم ده غير البجامات وهدوم خروج دريسات وكل دريس معاه كل حاجاته من نقاب وشوز وشنطه كانت
واقفه مش مصدقه نفسها واخدت اسدال وخرجت كان يونس غير ونام على السرير ومغمض عينيه عشان تاخد راحتها
روح دخلت الحمام وغسلت وغيرت لبست الاسدال بطرحه اد ايه كانت مخنوقه لانها طول اليوم لابسه النقاب وكانت مضايقه من الميكب اللى على وشها لانها مش بتحبه وخرجت من الحمام كان يونس فى مكانه على السرير راحت قعدت على الكنبه ولسه هتنام اتخضت لما سمعت صوته:بتعملى ايه
روح قامت قعدت:هنام
يونس:لا طبعا هتنامى على السرير وبعدين السرير كبير وهياخدنا احنا الاتنين
روح:انا كدا هابقي مرتاحه اكتر
يونس قام وقف ومسك ايدها واخدها وقعدها على السرير:ممكن تنامى بقي
روح:بس
يونس:من غير بس يلا ياروح نامى واقلعى طرحتك عشان تنامى براحتك انا زى جوزك بردو
روح:لو سمحت سبنى براحتى
يونس قعد جمبها:روح انا جوزك ومستحيل اذيكى تمام ومش عايزك تخافى منى عمرك شوفتى واحد بيأذى مراته
روح سرحت شويا وافتكرت سليم واللى كان بيعمله معاها وفاقت على صوت يونس:مالك ياروح
روح:اه فيه
يونس باستغراب:فيه ايه
روح عينيها دمعت:ممكن الواحد يأذى مراته عادى زى ابن عمك كدا
يونس:وانا مش زيه ولا عمرى هكون زيه ابداا ارتاحى ومتخافيش ومستحيل اعمل حاجه غصبن عنك
روح ارتاحت لكلامه واد ايه عينيه كلها حنيه والغريبه انها مصدقه كل كلمه قالها
يونس:يلا اقلعى طرحتك والبسي حاجه مريحه ونامى
روح:حاضر
روح دخلت اوضه اللبس قلعت الاسدال ولبست بجامه بكم واسعه وفردت شعرها اللى واصل لاخر ضهرها وخرجت كان يونس قاعد على السرير وماسك فونه ولف لما سمع خطواتها كانت ايه من الجمال وروح اتحرجت من نظراته
يونس نام على طرف السرير:احم تصبحى على خير ياروح
روح:وانت من اهل الخير
روح نامت على طرف السرير واتغطت وغمضت عينيها وخلال دقايق نامت من التعب
يونس لما حس انها نامت قام قعد وعينه عليها واتكلم فى نفسه:اد ايه انتى جميله ورقيقه ياروح بس حظك وقعك فى طريق سليم ربنا يسامحه ويرحمه بقي ... بس فى الوقت بشكره لان بسببه ماكنتش هقابلك ولا هتعلق بيكى كدا ... انا اصلا مستغرب نفسي من اول مرة شوفت عينيكى سحرتينى وسحرك اكتمل لما شوفتك اول مرة من غير نقاب .... مش عارف نهايه قصتى معاكى ايه بس اللى متاكد منه انك دخلتى قلبى ومش ناوى اخرجك منه ابداااا
يونس ابتسم ونام مكانه وغمض عينيه ونام
==============
فى عربيه طارق اللى ماسك ايد رحمه ومش بيسيبها ابدااا
رحمه:طارق ده مش طريق البيت انت تايهه ولا ايه
طارق بصلها:لازم اتوه والقمر جمبنى
رحمه ضحكت:لا بجد ده مش طريقنا
طارق:عارف يارحمه احنا رايحين شقتنا
رحمه:مانا عارفه بس ده مش طريقنا بردو
طارق:انا جهزت شقه جديده عشان نبدا فيها سوا بعيد عن المشاكل
رحمه:انت عايز تبعد عن اهلك ياطارق عشانى بس انا مش هوافق على كدا لو سمحت خلينا نروح شقتنا عشان خاطرى بجد وحشانى اوى
طارق ابتسمت:من عيونى ياقلبي بس لو حصل اى حاجه هتوعدينى تيجى معايا شقتنا الجديده ومش هتعترضي
رحمه:اوعدك وان شاء الله مش هيحصل
طارق باس ايدها وراح على بيتهم
بعد شويا وصلو قدام البيت ورحمه نزلت وهى قلبها بيدق وخايفه
طارق لاحظ توترها ومسك ايدها:يلا
رحمه ابتسمت:يلا
طارق طلع وهو ماسك ايد رحمه وكان هيطلع على شقتهم علطول بس رحمه وقفت:مينفعش نطلع من غير مانشوفهم ياطارق
طارق:مش عايز حاجه تعكر مزاجنا ياحبيبتى
رحمه:عشان خاطرى
طارق:حاضر يارحمه
طارق خبط على الباب وفتحتله شروق اللى حضنت رحمه بحب:مبروك يارحومه
رحمه:الله يبارك فيك ياشوشو
شروق:بجد فرحانه اوى انك رجعتى تانى وحشتنى كل حاجه كنا بنعملها سوا انا مش هسيبك ابداا
طارق حضن رحمه:مستحيل دانا مش هسيبها ثانيه يعنى محدش هيشوفنا لشهرين جايين
رحمه وشروق ضحكو اوى
هنيه خرجت:بتضحكى وفرحانه انك خدتى ولدى منى ولفيته عليه كيف الحيه
طارق:اماااا
هنيه:متجولش اما انى مش مسمحاك واصل انك رجعتى العجربه دى على البيت
طارق بص لرحمه:انا قولتلك نطلع على شقتنا علطول
هنيه ضربت على صدرها:كمان عايز تطلع من غير ماتكلمنى ياولدى اكيد العجربه دى اللى جالتلك
طارق:ياما رحمه ماتكلمتش انا اللى تعبان وعايز اطلع ارتاح فى بيتى وهى اللى قالت لازم نتخبط عليكم وبعدين انتى المفروض تدعيلها
هنيه:وادعيلها ليه بجاا
طارق:انا اشتريت شقه وجهزتها وكنت ناوى اعيش فيها بس رحمه اللى رفضت انى ابعد عنكو عشان كدا ادعيلها ياما
هنيه:عايز تبعد عنى ياولدى وعشان مين عشانها هيا
طارق:بصي ياما هما كلمتين لو حصل مشاكل وضايقت مراتى انا هاخدها واروح على شقتنا الجديده ووقتها محدش هيمنعنى تمااام يلا يارحمه
طارق مسك ايد رحمه وطلعووو ورحمه سامعه هنيه:روحى منك لله ياعجربه عايزة تبعدى ولدى عنى
طارق فتح الباب ودخلو ورحمه عيطت
طارق قفل الباب واخدها فى حضنه:انا قولتلك بلاش نعكر مزاجنا انتى اللى اصريتى خلاص بقي عشان خاطرى
طارق بعدها عن حضنه ومسحلها دموعها:رحمه انتى مش متخيله فرحتى برجوعك ليا كانى ملكت العالم كله
رحمه ابتسمت:طارق انت ليه رديتنى بعد ماطلقتنى
طارق:مقدرتش يارحمه ابعد عنك
رحمه:بس انت بعدت وسافرت القاهرة
طارق:بس كنت مطمن انك بتاعى وليا انا بس ومحدش هياخدك منى
رحمه:انت متخيل انى كنت ممكن اتجوز من بعدك
طارق:لا طبعاا لانى عارفك وحافظك يارحمه وانا اه كنت بعيد بس منت بصبر نفسي لما بسمع صوتك .... وبعدين دانتى قفلتى فى وشى اكتر من الف مرة اه والله
رحمه حضنته:انا اسفه بجد كنت كل مرة ترن عليا ومردش او اقفل فى وشك كنت بتوجع اكتر منك بس ماكنتش عايزة اكون انانيه ياطارق مش عايزاك تعيش طول حياتك من غير ماتسمع كلمه بابا
طارق:بصى من اولها كدا عشان نبقي على نور مش عايزين نفتح الموضوع ده ابدااا وبعدين انا مش عايز عيال انى عندى احلى وارق واطعم بنوته شوفتها ومش عايز غيرها
رحمه:ربنا يخليك ليا ياطاروقتى
طارق ضحك:قلب وروح وعقل طاروقتك بقولك ايه انتى وحشانى فوق ماتتخيلى
رحمه اتكسفت وطارق اتشالها ودخلو اوضتهم وقفل الباب برجله ليبين مدى عشقه وحبه لرحمه قلبه
===================
فجر يوم جديد يونس صحى عشان يصلى الفجر واستغرب لما ملقاش روح جمبه وبص على الحمام نوره كان مطفى فكر انها خرجت من الاوضه وراحت نامت فى اوضته
يونس:بردو ياروح
قام دخل الحمام اتوضى وخرج الريسبشن اللى فى الجناح عشان يصلى اتفاجأ بروح قاعده على سجاده الصلاه والواضح انها خلصت صلاه
روح قامت وقفت وشالت السجاده وبتلف اتخضت لما شافت يونس قدامهااا وحطت ايدها على قلبي اللى بدأ يدق جامد
يونس:انا اسف ماكنتش اعرف انك هتخافى
روح:لا عادى ولا يهمك
يونس:انتى صاحيه من زمان
روح:لا مش كتير قرات ورد فى القرآن وصليت الفجر ... حضرتك صاحي بدرى ليه
يونس ابتسم:حضرتى صاحى عشان يصلى الفجر
روح هزت راسها ودخلت الاوضه وقلعت الاسدال وقعدت على السرير ويونس بدا يصلى الفجر
يونس خلص صلاه ودخل الاوضه وقعد مكانه على السرير وبص لروح:مالك ياروح
روح:مافيش
يونس:انتى متعودة كل يوم تصحى تصلى الفجر
روح:ايوا متعودة اصحى من وانا صغيرة زى ماما ولما توفت بردو فضلت اعمل زيها
يونس:ربنا يرحمها
روح:يارب
يونس:احنا هنسافر القاهرة كلنا الاسبوع الجاى
روح:ليه
يونس:عشان امتحانات شهد وكمان عندنا شغل فى الفرع اللى فى القاهرة اهو منه شهد هتمتحن واحنا نخلص شغلنا ونغير جواا هنقعد كلنا فى الفيلا بتاع جدى
روح:ورحمه هتيجى معانا
يونس:ايوا انا عرفت طارق بس لسه شهد ورحمه ميعرفوش
روح:كانت قالتلى انها هتنزل القاهرة مع عمو محمد
يونس:على اكيد هيقولها...صحيح ياروح انتى مكملتيش دراستك ليه
روح:ماما اتوفت وانا فى تانيه ثانوى وخالو اللى كان بيصرف عليا ووقتها مراته رفضت انى ادخل كليه
يونس:مجموعك كان كام
روح:٩٧
يونس:ماشاء الله حلو جدااا
روح:انا كنت بحب دراستى جداا
يونس:وكان نفسك تدخلى كليه ايه
روح:وقتها كان نفسي فى كليه هندسه
يونس:ليه لبستى النقاب
روح رجعت شعرها ورا ودنها بتوتر:مرات خالى اللى اجبرتنى البسه لان كان بيتقدملنى عرسان كتير والموضوع ده كان مضايقهم ووقتها كنت رافضه انى البسه بس مع اصرار خالى ومراته لبسته
يونس:مش حباه يعنى
روح:فى بدايه الموضوع كنت ببقي مضايقه جدا منه وبعد كدا اتعودت وحبيته جدا كمان
يونس ابتسم وكان فرحان انه بيتكلم معاها بس مش عارف يتكلم فى ايه تانى
روح بصتله:بلاش تظلم صفا
يونس:اظلمها ازاى
روح بعدت نظرها عنه:صفا كل اللى بتعمله ده لانها بتحبك وطبيعى الواحده تضايق لما جوزها يتجوز عليها فبلاش تقسي عليها
يونس:صفا مشاكلها كتير من قبل مانتى تظهرى فى حياتنا ياروح حتى من قبل مانتجوز هى دى صفا ومش هتتغير ورغم المشاكل اللى بتعملها وانا مش بقسي عليها بردو ولما ضربتها بالقلم كان لانها غلطت
روح:ربنا يهديها ... انت مش هتنام
يونس:لا هنام شويا وانتى مش هتنامى
روح:لا هنام
روح نامت على السرير وسحبت الغطا عليها ونامت ويونس كمان نام .......
روايه جرح يداويه العشق
••﴿الفصل ٢٧﴾••
صباح يوم جديد
اجلال دخلت اوضه صفا اللى لسه نايمه وهزتها بقوة:جومى بقي
صفا ينوم:عايزة ايه ياما
اجلال:جومى ياختى خلينا نشوف هنعمل ايه مع العجارب اللى فوج دول
صفا قامت قعدت:وهنعمل ايه وياهم ياما
اجلال:انتى هتفضلى سايبه چوزك اكده من ميتا وهو مدخلش اوضتك دى ولا نام فيها
صفا:ماهو كله منك ياما من وجت ماجولتيلى نروح لست دچاله وعملتى جال ايه حچاب ويونس شافه وهو من وجتها مجاش اهنه واصل ولا جرب منى
اجلال:مانتى اللى هبله وراحه تحطيه تحت مخدته
صفا:اللى حصل بجا
اجلال:يلا جومى البسي وانزلى وراى
صفا:حاضر ياما
اجلال خرجت وصفا قامت دخلت الحمام وخرجت غيرت ونزلت
===============
فى جناح على وشهد اللى اول مافتحت عينيها شافت على بيبصلها بحب
شهد:صباح الخير
على:صباح الجمال والطعامه على اجمل عيون فيكى يابلد
شهد قامت قعدت وهى بتضحك:لا انا كدا هتعود على الدلع ده
على:وانا اطول ادلع شهد حياتى
شهد:بجد مش عارفه انت ازاى ابن اجلال واخو اللى اسمه سليم وصفا
على ضحك:سبحان الله بقي
شهد ضحكت
على:يلا قومى البسي عشان ننزل نفطر معاهم
شهد:حاضر
شهد قامت دخلت الحمام وعلى دخل يغير لبس ترنج بلون الاسود وشهد خرجت من الحمام ودخلت اوضه اللبس لبست اسدال ونزلت مع على
==============
فى جناح يونس صحى ماكنتش روح نايمه جمبه لكنه سمع صوت فى الحمام قام قعد على السرير وباب الحمام اتفتح وروح خرجت من الحمام واتفاجأت بيونس قاعد على السرير:صباح الخير
يونس ابتسم:صباح النور ... صاحيه من بدرى
روح:من شويا
يونس:طب غيرى عشان ننزل نفطر معاهم
روح:حاضر
روح لبست اسدال ونقابها ويونس خرج لبس ترنج ونزلو سوااا وقابلو على وشهد
على:ياصباح الفل
يونس:صباح الخير
شهد حضنت روح:صباح الحلاوة ياروحى
روح ابتسمت:صباح الخير
على:يلا ننزل نفطر لانا واقع من الجوع
يونس ضحك:يلا
نزلو سواا والكل كانو قاعدين على السفرة وراضيه اول ماشافتهم زغرطت:صباحيه مباركه ياحبايب جلبي
الشباب والبنات:الله يبارك فيك
الشباب باسو ايد عثمان وفاطمه وراضيه وقعدو مكانها وروح وشهد عملو زيهم وسلمو على محمد وكل واحده قعدت جمب جوزها
اجلال:مش المفروض تعمل مرتك انها تحب على يد حماتها ياولدى
صفا:وهى هتعملها كيف ياما وولدك معملهاش
على:انا صاحى رايق ومش عايز اعكر مزاجى الصراحه فخلونا نفطر لو سمحتو من غير مشاكل
الكل قعدو يفطرو سوااا فى جو عائلى جميل لكن طبعاا مخلاش من نظرات حقد من اجلال وصفا
عثمان قام وقف:الحمدلله .. خلصو ياشباب وتعالو على المندرة فى چلسه مهمه
يونس:حاضر ياچدى
يونس وعلى قامو ورا جدهم ودخلو المندرة
شهد وروح كانو بيتكلمو سوااا
اجلال:يلا جومو انتو اتنين على المطبخ عشان تعملو الوكل
روح:اكل ايه
صفا:الغدا
شهد:ااااه يكونشي قصدك على العادات بتاعتكو ان العروسه تعمل الغدا كله لوحدها
صفا:عليكى نوور
روح:بس احنا سبق وعملنا العادات دى انا وشهد سواا وبصراحه مش ناوين نعملها تانى
اجلال:كيف يعنى يابت البندر هتعصى امرى
شهد:حاش لله ياحماتى بس زى ماروح قالتلك احنا عملنا العادات دى قبل كدا مش كدا ياعمتو
راضيه:صوح يابتى وكمان الوكل كله چاهز متتعبوش نفسكو
روح:حبيبتى ياعمتو
فاطمه:بعد الغدا يابنات ابجو چهزو حالكو فى ضيوف هياچو عشان يشوفكو
البنات:حاضر
فاطمه وراضيه دخلو المطبخ واجلال كانت هتموت من الغيظ
شهد:تعالى ندخل نقعد مع فطومه وعمتو فى المطبخ ياروح
روح:يلا
البنات دخلو المطبخ
صفا:البت دى صايرة بتعاند ياما
اجلال:اتركيها تفرح اشوى وانى هتعامل وياها
==================
فى شقه طارق ورحمه اللى صحت على صوت خبط جامد على الباب
رحمه:طارق .... ياطارق قوم
طارق باسها من خدها:صباح الحلاوة
رحمه ضحكت:مش وقته ياطارق قوم شوف مين على الباب
طارق سمع خبط جامد على الباب وقام وهو عارف انها امه
طارق فتح الباب كانت امه زى مااتوقع:صباح الخير ياما فى حد يخبط على الباب كدا
هنيه:اومال اخبط كيف ياولدى وبعدين الساعه بجت ١٠ ومرتك لساتها نايمه مش تجوم تچهز الفطار
طارق:فطار ايه ياما اللى جاى تصحينا عشانه وبعدين حتى لو نمنا للعصر فيها ايه
هنيه:لتكونو مفكرين نفسكو عرسان چداد اياااك
طارق:اه ياما عرسان جداد وهنروح شهر عسل كمان ايه رايك واحنا شبعانين مش هناكل افطرو انتو
هنيه:ماشي هنفطر احنا بس خلى مرتك تيچى تچهز الفطار
طارق:مراتى مش خدامه ياما جهزى الفطار انتى وشروق زى كل يوم وعن اذنك ياما عايز ادخل انام
هنيه نزلت وهى متغاظه وطارق قفل الباب وبيلف كانت رحمه واقفه على باب الاوضه
طارق:تعالى نكمل نوم ياحبيبتى
رحمه:لا ياطارق خلاص بقي النوم راح
طارق:متزعليش يارحمه بس انتى اللى اختارتى نيجى نعيش هنا
رحمه ابتسمت:انا مش زعلانه ياطارق انا هروح احضر الفطار وبعد الفطار هكمل ماما وعمتو وجدو
طارق:حاضر ياحبيبتى
رحمه:صح ياطارق انت قولت لمامتك اننا هنروح شهر عسل ده بجد
طارق:اه بجد
رحمه:انت بتهزر ياطارق
طارق:لا ياحبيبتى مش بهزر الاسبوع الجاى هنسافر القاهرة عشان امتحانات شهد وكمان هنخلص شغل فى الشركه وبعدها هنقضى اجازة حلوة كلنا سوا
رحمه بفرحه:يعنى البنات هيبقو معانا
طارق:ايوا كلنا هنكون سوا فى فيلا جدك
رحمه:دى هتبقي حلوة اوى
طارق:هتروحى تحضرى الفطار ولا افطر من القشطه اللى قدامى دى
رحمه ضربته فى كتفه ودخلت المطبخ وحضرت الفطار وفطرو سوا فى جو كانو مفتقدينه جدااا كله حب وعشق
بعد وقت كبير قضوه فى استرجاع ذكرياتهم سوا الباب خبط وطارق قام يفتح كانت شروق:انا اسف انى بخبط عليكم بس ماما عايزاكم تتغدوا معانا
طارق:عارف ياحبيبتى بس قوليلها احنا هنتغدى فى شقتنا
رحمه جت من وراه:اتفضلى ياشوشو واقفه على الباب ليه
شروق:لا يارحومه انا هنزل
رحمه:خلينا ننزل ياطارق عشان مامتك ماتزعلش منك
طارق:بس
رحمه:من غير بس ... شويا وهننزل ياشوشو
شروق:تنورو ياقلبي
رحمه دخلت لبست اسدال ونزلت مع طارق
وطول القاعده هنيه بضايق رحمه وطارق مستحمل بالعافيه وكل مايجى يتكلم رحمه تمسك ايده وبعد مااكلو هنيه امرت رحمه تغسل المواعين كلها لوحدها ورحمه عملت زى ماهى عايزة وبعد ماخلصت طلعت شقتها مع طارق اللى كان هينفجر
اول مادخلو الشقه
طارق:انتى ليه بتعملى كدا سبينى اجبلك حقك
رحمه:حقى من مامتك ياطارق ازاى يعنى وانا مرضنيش انك تعمل مشاكل مع مامتك بسببي
طارق:نفس اللى كنتى بتعمليه يارحمه ونهايته طلقتك وبعدنا عن بعض وانا مش هسمح بده يتكرر تانى سمعانى
رحمه حضنته:ولا انا هرضي انى ابعد عنك ياطارق وبعدين انت قولتلى كان يوم وهنسافر وهنبعد عن المشاكل
طارق:حاضر يارحمه
رحمه:هدخل اخد شاور واعمل فشار ونتفرج على فيلم اي رايك
طارق:حاضر ياحبيبتى
رحمه:اختار فيلم على ذوقك بقي
طارق:من عيونى
===============
فى قصر الهلالى
البنات اتغدو مع العيله وطلعو عشان يجهزو عشان الضيوف اللى جايين
شهد اللى لبست عبايه استقبال بلون الكحلى مع بعض اللمسات بلوم الابيض وطرحه بلون الابيض وعملت ميكب بسيط وكانت جميله جداا
وروح اللى لبست عبايه استقبال بلون الابيض وفيها بعض لمسات بلون الفضي ونقاب بلون الابيض وكانت قمرايه
البنات نزلو سواا وسلمو على الضيوف اللى كانو موجودين وقعدو وروح رفعت النقاب والضيوف انبهرو بجمالها الطبيعى والبنات كانو مضايقين من القاعده لان الحريم بيقارنو بينهم وبين صفا فى كل حاجه
والوقت كان تقيل جدا ومش بيمشي واخيراااا الضيوف مشو والبنات كل واحده طلعت اوضتها عشان تنام
===========
فى جناح على دخلت شهد وقعدت على السرير بتعب وملل
على قرب وقعد جمبها:مالك ياحبيبتى
شهد:اتخنقت من الستات اللى كانو تحت
على:عملو حاجه ضايقتك
شهد:كأننا قاعدين قدام لجنه حكام عمالين يقارنو بينا لما زهقت اووووف
على:حقك عليا ياروحى استحملى اليومين دول لحد مانسافر
شهد بصتله:هنسافر فين ياعلى انت ناسي امتحاناتى
على باسها من خدها:لا مش ناسي ياقلبي احنا هنسافر كلنا القاهرة عشان تحضرى امتحاناتك وبعد كدا هنقضي اسبوع حلو سوا
شهد:كلنا مين بقي
على:انا وانتى وروح ويونس ورحمه وطارق وهنقعد فى فيلا بتاعه جدى
شهد:وااااو دى هتبقي سفريه تجنن
على ضحك:طب روحى غيرى يلا عشان اكيد تعبانه
شهد:نفسي اناااااام ياعلى
على:روح وقلب على خدى شاور عشان تفوقى وتعالى عشان ننام
شهد باسته من خده:حبيبي ياناس
على ضحك وشهد دخلت الحمام وبعد شويا خرجت ونامت فى حضن على
=================
فى جناح يونس
دخلت روح بتعب كان يونس قاعد على الكنبه ولما دخلت قام وقف وقرب منها:مالك ياروح
روح فكت نقابها وقعدت على السرير:مافيش تعبانه شويا بس
يونس:فى حاجه حصلت تحت ضايقتك
روح:لا بس المقارنات اللى عملوها بينا تحت سخيفه جدا وانا مليت مش اكتر
يونس:انتى وشهد يعنى
روح:وصفا وده كان مضايقها جدا وسابت القاعده وطلعت اوضتها
يونس:هو النهارده وبس محدش هيجى تانى ... اكيد تعبانه روحى غيرى عشان تنامى
روح:حاضر
روح دخلت غيرت ولبست بجامه بلون الاسود بكم وواسعه وعملت شعرها كحكه لفوق وكان فى بعض الخصلات نازله كانت كيوته جداا
خرجت من الحمام الاوضه كانت فاضيه سمعت صوت الشاشه عرفت ان يونس بيتفرج راحت تنام على السرير فضلت تتقلب كتير معرفتش تنام قامت وخرجت الريسبشن كان يونس مركز مع الفيلم جداا
روح:احم ممكن اتفرج معاك بصراحه مش جيلى نوم
يونس بصلها وابتسم:طبعاا اتفضلى
يونس اتحرك لنهايه الكنبه عشان روح تقعد براحتها وبدات تتفرج معاه
يونس:تحبي تتفرجى على حاجه معينه
روح:لا عادى هتفرج معاك
يونس كان مركز مع روح كل حركه وتعبير بتعمله وفجاه مسك الريموت وقفل الشاشه
روح:ليه كدا
يونس لف ليها:روح احنا لازم نتكلم
روح بصتله:نتكلم فى ايه
يونس:فى حياتنا سوا ياروح
روح اتوترت ويونس لاحظ ده
يونس:روح انا مش هنكر انى معجب بيكى وجدا كمان من اول مرة شوفت عينيكى لما كنا عندكو فى البيت سحرتنى وسحرك اكتمل لما شوفتك من غير نقاب اسرتى قلبي ياروح ومابقيش قادر اشيلك من بالى كنت دايما بقول يونس الهلالى مستحيل يحب ويعشق بس جيتى انتى ودخلتى قلبي من غير استاذان وبقيتى روحى ياروح
روح كانت بتبصله مش مصدقه ان الكلام ده ليها معقول يونس بيحبها هى اه بتحس معاه بالامان واول مرة تحس ان ليها سند بس توصل لحب وعشق مستحيل
يونس:روح انتى سمعانى
روح هزت راسها باه
يونس:انا مش عايز رد منك ياروح خدى وقتك زى ماتحبي ولما تحسي انك مرتاحه تعالى اتكلمى معايا وقولى كل اللى فى نفسك ووقتها هكون كلى اذان صاغيه
روح ابتسمت بكسوف ويونس مسك ايدها وباسهااا:يلا عشان ننام
يونس قام وهو ماسك ايدها ودخلو الاوضه وفتح درج الكمدينو وطلع شنطه صغيرة:اتفضلى ياروح
روح:ايه ده
يونس فتحها وكان فون جديد ليها:ده ياستى جبته ليكى لما شهد قالتلى انك مش معاكى فون روحت اشتريته وجيت بس للاسف وقتها وصلت وانتى واقعه من على السلم
روح افتكرت اللى حصل وعينيها دمعت
يونس:روح انا عايزك تنسي كل حاجه حصلت معاكى زمان عايزك تبداى من جديد معايا ... قوليلى بقي ايه رايك فيه
روح مسكت الفون:حلو جداا بجد مش عارفه اقولك ايه
يونس:متقوليش حاجه ويلا ننام بقي
روح:يلا
يونس نام مكانه وروح كمان والاتنين جواهم احساس جميل يونس اللى اخيرا اعترف بحبه وكانه كان حمل تقيل ونفسه يخرجه وروح اللى فرحانه بكلامه بس مش عارفه هتقدر تاخد خطوه فى علاقتها معاه ولا لأ.........
روايه جرح يداويه العشق
••﴿الفصل ٢٨﴾••
مرت الايام والحال كما هو عليه
يونس وروح اللى علاقتهم مستقرة ويونس اللى فرحان ان روح بقت بتتعامل معاه بتلقائيه من غير توتر او خوف
وعلى وشهد اللى علاقتهم كلها جنان وحب وعلى اللى بيساعدها فى مذاكرتها عشان تجهز للامتحانات
اما طارق ورحمه اللى عايشين احلى ايام سواا
وطبعااا اجلال وصفا ماكنوش سايبين شهد وروح فى حالهم بس هما بيعرفو يردو عليهم كويس جدااا
وهنيه اللى مش بتسيب فرصه الا لما تهين رحمه اللى بتستحمل ورافضه تعرف طارق
واخيرااا جه اليوم اللى هيسافرو فيه
=============
صباح يوم جديد فى جناح يونس
يونس:يلا ياروح عشان هنتاخر
روح خرجت من اوضه اللبس وهى لابسه دريس بلون البينك ووقفت قدام المرايا:انا لبست لسه النقاب بس
يونس ضحك اول ماشافها وروح شافت انعكاسه وهو بيضحك فى المرايا:بتضحك على ايه يايونس باشا
يونس ضحك وقف وراها:يونس باشا خايف يحسدك الصراحه تعرفى لو ماكنتيش لابسه نقاب كنت انا هلبسه ليكى
روح ضحكت وكملت لبس النقاب اللى بلون الابيض:انا خلصت يلا
يونس مد ايده ليها وروح ابتسمت ومسكت ايده وخرجو سواا وقابلو على وشهد اللى نازلين
يونس:كلمت طارق
على:اه زمانه وصل قدام القصر
روح:واخيرا هنشوف رحمه وحشتنى اوى
شهد:اه والله
على:طب يلا ننزل
نزلو سوا وكان محمد جاهز عشان هيسافر معاهم والكل موجودين فى الريسبشن ماعظا اجلال وصفا
الشباب والبنات:صباح الخير
الكل:صباح النور
الكل فرحو لما شافو رحمه داخله تجرى:وحشتونى اوووووى
رحمه جرت على حضن جدها:وحشتنى ياجدو
عثمان:وانتى ياجلب چدك
رحمه بعدت عنه وباست ايده وبعدها حضنت فاطمه وراضيه ويونس وسلمت على على وحضنت البنات بقوة
طارق دخل وسلم على الكل
عثمان:خدو بالكو على حالكو ياشباب وكمان حطو البنات فى عيونكو
الشباب:متقلقش ياجدى
راضيه ادت لكل بنت شنطه:خدو يابنات دى سندوتشات عشان تاكلو فى الطريج
شهد:حبيبه قلبي ياعمتو
يونس:يلا عشان منتاخرش اكتر من كدا
شهد:يلا يابابا عشان تركب معانا
محمد:حاضر ياحبيبتي
محمد حضن عثمان:سلام ياصاحبي
عثمان:انتى هتاجى كاتير اهنه مش هتبعد عنينا
على:صح ياجدى وبعدين انا شايف ان حضرتك تفضل معانا هنا احسن
شهد:ياريت يابابا ونبي
محمد:حاضر يابنتى
الكل خرجو محمد ركب مع على وشهد وطارق ورحمه فى عربيتهم ويونس اللى فتح الباب لروح وركبت جمبه واتحركوو
===============
فى اوضه صفا اللى كانت بتبص عليهم من الشباك
صفا:شايفه ياما مبسوطين كيف ديه عمره ماعملها وخرچنى وياه
اجلال:سيبهم يفرحو
صفا:كل شوى تجوليلى سيبهم يفرحو لحد ميتا ياما لما يخلفو
اجلال:خليكى انتى اكده هبله لازمن نفكر على مهلنا انى لازمن اخلص من بنات البندر دول اول مايرچعو وهتشوفى انى هعمل ايه
==============
فى عربيه طارق اللى ماسك ايد رحمه
رحمه:انا بجد اسفه على كل لحظه بعدتها عنك ياطارق
طارق باس ايدها:حبيبه قلبي يارب مايجيب بعد تانى
رحمه:انت مش متخيل حياتى كانت ازاى ياطارق انا اه كنت بضحك وبهزر بس كان من جوايا وجع كبير اوى
طارق:سلامه قلبك من الوجع ياقلبي
طارق باس ايدها تانى والاتنين ضحكو وفاقو على صوت على جمبهم بالعربيه
على:ركز فى الطريق ياوحش مش وقت نحنحه خالص
رحمه وشهد ضحكوووو
طارق:وانت حاشر مناخير امك فى العربيه معانا ليه
على:الحق عليا خايف عليك انا غلطان
يونس بصوت عالى من جمبهم:شدوو يلا عشان نوصل بدرى
طارق:من عيونى
طارق زود السرعه وعلى ويونس وراه
=================
الشباب والبنات وصلو القاهرة بليل ومحمد اصر انه يروح على بيته على وصله بالعربيه ورجعو على الفيلا تانى
دخلو كلهم الفيلا
شهد:انا تعبانه اوى وعايزة انام
رحمه:وانا جعانه مووووت
على:وانتى ياروح نفسك فى ايه
روح ضحكت:زيهم اكل وانام
يونس:طب اطلعو غيرو على مانطلب اكل من برا
طارق:عايزين تاكلو ايه
شهد:والله اى حاجه تسد جوع يابنى
على:دول هيشحتو ياعم
رحمه:انا بيتزا حجم كبييير
شهد:وانا زيها
يونس بص لروح:وانتى هتاكلى ايه ياروح
روح:بيتزا كمان
طارق:خلاص يامعلم احنا نطلب كله بيتزا بقى
على:قشطاااا هروح اطلب
يونس:كل واحد عارف اوضته طبعاا
طارق:اكيد يامعلم
طارق مسك ايد رحمه وطلعو ويونس نفس الكلام وشهد وقفت جمب على اللى بيكلم المطعم
شهد:خلاص
على:يلا نطلع نغير ونرتاح شويا على ماالاكل يوصل
شهد:يلا
====================
فى اوضه يونس وروح
روح:الفيلا هنا حلوة جداا
يونس بغمزة:مش احلى منك ياروحى
روح ابتسمت على حب يونس ليها:هدخل اخد شاور واغير
يونس:ادخلى ياروح
روح اخدت هدوم ودخلت الحمام وبعد شويا خرجت وهى لابسه اسدال ويونس دخل الحمام اخد شاور وخرج لابس ترنج
روح:هننزل الوقت
يونس:لا ارتاحى على ما الاكل يوصل
روح:حاضر
===============
فى اوضه طارق ورحمه
طارق حضنها من ضهرها وهى بتسرح شعرها قدام المرايا بعد مااخدت شاور:فاكرة اول مرة جينا هنا
رحمه:طبعا فاكرة كنا فى شهر العسل بتاعنا بجد كانت احلى ايام ياطارق واحلى ذكريات
طارق:وهنكمل سوا وهنعمل احلى ذكريات لينا
رحمه:يارب ياطاروقتى
طارق:روح طاروقتك انتى
رحمه:يلا ادخل خد شاور بقي عشان ننزل
طارق:حاضر
================
فى اوضه شهد وعلى
على:عايزك تركزى عشان امتحاناتك ياشهد تخلصى امتحاناتك ونعمل اللى نفسنا فيه
شهد حضنته:حاضر ياقلب شهد
على باسها من خدها:ادخلى خدى شاور عشان تفوقى
شهد:انا نفسي انام
على:هناكل ونطلع ننام على طول يلا
شهد دخلت اخدت شاور وبعد ماخرجت على دخل
=================
بعد شويا الاكل وصل والشباب والبنات نزلو اكلو سوااا وبعدها كل واحد اخد مراته وطلعو ينامو
==================
صباح تانى يوم الشباب صحو من بدرى وفطرو مع البنات اللى حضرو الفطار وبعد كدا راحو على الشركه والبنات قعدو مع بعض فى جنينه الفيلا
رحمه:يعنى يونس اعترف بحبه
روح هزت راسها
شهد:وانتى ياروح ناويه على ايه
روح:مش عارفه انا بحس وانا معاه بالامان اللى محستوش مع اى حد بس مش عارفه هقدر اكمل معاه
رحمه:مش فهماكى ياروح
شهد:لا انا فاهمه روح جداا ... روح مش عارفه هتقدر تديه حقوقه ولا لأ مش كدا
روح:صح انا لما بفكر فى الموضوع بس بشوف قدامى كل اللى كان بيعمله معايا وضربه ليا
روح غمضت عينيها بخوف
رحمه مسكت ايدها:بس انتى عارفه ومتاكده ان يونس مش زيه مش كدا
شهد:اكيد وعشان كدا حاسه معاه بالامان ياروح
روح:انا عارفه انه مش زيه خالص وفى فرق كبير جدا بينهم
شهد:بصى ياروح حولى متفكريش فى اى حاجه وانتى مع يونس الغى عقلك ده خالص وانتى هتقدرى ياحبيبتى ومتنسيش ياروح انك هتتحاسبي على بعدك عنه وبعدين اتكلمى مع يونس وهو هيفهمك ياحبيبتى
روح:عارفه وعشان كدا الموضوع شاغلنى
رحمه:سيبها على ربنا ياحبيبتى وربنا يسعدكو يارب عايزة ابقي عمتو بقي
شهد ضحكت:هتبقي عمتو الحربايه
رحمه:فشرتى دانا هابقي عمتو قمرايه اوى
شهد:وانا هابقي خالتوو
روح:طب يلا ياقمرايه انتى وهيا عشان نجهز الغدا
شهد:مع نفسكو انا هروح اذاكر شويا
رحمه:هتخلعى بشياكه يعنى
شهد:بظبط باااااى
رحمه وروح دخلو المطبخ يجهزو الاكل
=================
الشباب خلصو شغلهم ورجعو على الفيلا
روح قابلتهم:حمدلله على السلامه
الشباب:الله يسلمك
على:الحقونا بالاكل لاحسن هقع من طولى والله
شهد:حبيبي دانا حضرت الاكل وطالع عينى فى المطبخ من الصبح وكله جاهز
رحمه جت من المطبخ:نـــــــعم ياختى حضرتى ايه سمعينى كدا
شهد ضحكت:الاكل ياروحى
رحمه:دانا هطلع روحك ياشهد
طارق ضحك:اهدى يارحومه فى ايه بس
رحمه:البت سيبانا من الصبح وقاعده تذاكر واحنا طالع عينيا فى المطبخ
على بص لشهد:دانا صدقتك والله
روح:طب اطلعى غيرو وانزلو نكون حضرنا السفرة
يونس:يلا
الشباب غيرو ونزلو وقعدو كلهم على السفرة واكلو سواا
يونس:تسلم ايدكو بجد الاكل يجنن
شهد:الله يخليك يايونس ياخويا
رحمه:انتى تخرسي خالص فاهمه
طارق:حوش مراتك لعم لاحسن رحمه شويا كدا وهتاكلها
على:هو حد يقدر يقرب من شهد حياتى
رحمه:ياخويا عليك انت وشهد حياتك
طارق:سيبك منهم يارحومتى ركزى معايا انا
رحمه:هو انا اقدر اركز مع حد تانى غيرك
يونس:طب يلا يامعلم كل واحد ياخد مراتك واطلعو كملو وصله الحب دى فى اوضتكو
طارق:الواد يونس ده بيفهم يلا يارحمه
طارق ورحمه وشهد وعلى طلعوو
وروح ضحكت عليهم ويونس عينه عليها
روح:مش هتطلع ترتاح ولا ايه اكيد تعبان
يونس مسك ايدها:هتصدقينى لو قولتلك انى بنسي كل التعب لما بشوف ضحكتك دى
روح ابتسمت بكسوف
يونس:تحبي تطلعى تنامى ولا نخرج الجنينه
روح:لو حابب نخرج الجنينه يلا
يونس:طب تعالى نعمل حاجه نشربها ونخرج
روح:اخرج انت وانا هعمل تشرب قهوة
يونس:ياريت
روح:حاضر
روح دخلت المطبخ عملت قهوة ليونس وهى اخدت كوبايه عصير فرواله وخرجت كان يونس قاعد على حافه حمام السباحه ورجليه فى الميا
روح:اتفضل القهوة
يونس:شكرا ياروح تعالى بقي اقعدى جمبي
روح:مش هعرف ارفع الاسدال افرض حد شافنا
يونس:متخافيش الشباب اكيد نامو والحرس كلهم برا محدش بيدخل هنا
روح قعدت جمبه ونزلت رجليها بالاسدال فى الميا ويونس ضحك عليها
روح:كدا احسن
يونس:لو حابه ترفعى النقاب ارفعيه ياروح
روح رفعت النقاب:الجو حلو جدا
يونس:جدااا
روح ويونس اتكلمو كتير جداا عن حياتهم
يونس:مش ناويه تحنى على الغلبان ده بقي
روح بصلته:يونس انا مش هنكر انى بحس معاك بالامان وبحسك سند وضهر ليا ودى اول مرة احس ان ليا سند وحد يدافع عنى وصدقنى ببقي مبسوطه جدا وانا معاك والخوف اللى كان جويا اتجاه الناس خلاص انتهى بس فى حاجه واحده مش عارفه اذا كنت هقدر انساها ولا لأ
يونس:حاجه ايه ياروح
روح:يونس بصراحه يعنى
يونس:اتكلمى ياروح احنا اتفقنا نبقى صرحه سوا
روح:انا مش عارفه هقدر اديك حقوقك ولا لأ وبجد بخاف بس مجرد مابفكر فى الموضوع بفتكر كل حاجه حصلت معايا
يونس حس بخوفها وتوترها ومسك ايدها:روح اهدى ياحبيبتى انا معاكى
روح بصتله وعينيها دمعت:انا عارفه ان حرام انى ببعد نفسي عنك وان ربنا هيحاسبنى على ده بس ..... انت مش متخيل انا مريت بايه مع ابن عمك ... يونس
يونس مسح دموعها:قلب يونس انا سامعك كملى
روح كانت بتفرك فى صوابعها وهى مقررة انها هتحكى ليونس:انا لما اتجوزته وروحت معاه على شقته وقتها دخلت الاوضه وقفلت على نفسي كان جويا خوف كبير اوى منه ..... وقتها اتعصب وكسر الشقه كلها وساب الشقه وخرج ... ومرجعش غير بعدها بكذا يوم ولما رجع كنت انا فى مطبخ ومعرفتش اهرب منه....
(روح كانت بتحكى وجسمها كله بيترعش) مسكنى وضربنى ووقتها ربطنى فى السرير عشان ...
روح مقدرتش تكمل وعيطت ويونس اخدها فى حضنه وروح عيطت جامد وكانت بتتكلم وهى منهارة:تعرف ان وقتها جالى نزيف وهو جبلى دكتورة ورفض يفك ايديا حتى والدكتورة عالجتنى وانا مربوطه ...كان بيسبنى مربوطه فى السرير وجبلى خدامه تفكنى لما اجى اروح الحمام بس حتى اكلى كانت هى بتاكلنى وانا مربوطه ... ولما يجى يمشيها وكنت انا ابقي الخدامه بتاعته وكان دايما يقولى انا شاريكى بفلوسى انتى هنا لخدمتى ولمزاجى وبس
روح انهارت اكتر فى حضن يونس اللى كان بيلعن سليم واقسم انه لو كان موجود كان هو قتله بنفسه:روح اهدى ياحبيبتى
روح فضلت تعيط فى حضنه لحد ماهدت خالص ويونس بعدها عن حضنه ومسك وشها بين ايدها:صدقينى ياروح انا مش بفكر فى الموضوع ده خالص ولا يفرق معايا ... انا كفايه بالنسبالى انك بتحسي معايا بالامان دى عندى بالدنيا كلها والله مش عايزك تفكرى تانى فى الموضوع ده عايزك تمحى الايام اللى عيشتيهم معاه وبلاش تفكرى فيهم تمام
روح:حاضر
يونس باس راسها وسند جبينه على جبينها:ربنا يقدرنى واعوضك عن كل اللى مريتى بيه ياروحى
روح:ربنا يخليك ليا يايونس
يونس ابتسم:قلب يونس يلا نطلع ننام بقي
روح:يلا
==================
مرت الايام وشهد خلصت امتحاناتها والشباب خلصو شغلهم ومقضينها خروجات واوقات بيسهرو سوا فى الفيلا
وفى يوم شهد كانت عايزة تروح تزور محمد وروح طلبت تروح معاها وعلى ويونس راحو معاهم وطارق ورحمه قررو يخرجو على ماهما يرجعو
البنات والشباب راحو ومحمد استقبلهم بحب
شهد:وحشتنى اوى ياحمودى
محمد:حبيبتى وانتى كمان
يونس:عايزك تجهز نفسك عشان هترجع معانا ياعم محمد
محمد:يابنى انا عايز افضل هنا
على:دى اوامر عثمان باشا ولا انت عايزه يعلقنا
الكل ضحكوو
محمد:حاضر يابنى
روح:يونس انا عايزة اروح اشوف خالو
شهد:انتى بتهزرى ياروح
روح:لا مش بهزر بس عايزة اسال عليهم مش اكتر ممكن يايونس
يونس:طبعا ياروح بس هاجى معاكى
روح:حاضر
يونس وروح خرجو من شقه محمد وروح رنت جرس شقه خالها وفتحتلها ريهام وماكنتش شايفه يونس
روح:ازيك ياريهام
ريهام:روح والله زمان ياروح عاش من شافك
رباب جت من وراها:مين يابت ياريهام
رباب اتفاجت لما شافت روح:اهلا اهلا بسنيورة لسه فاكرة ان ليكى اهل
روح:ازيك يامرات خالى عامله ايه
رباب:كويسه ياختى
روح:انا كنت جايه اطمن عليكم ... هو خالو موجود
ريهام:اه موجود
روح:طب ممكن ادخل اشوفه
رباب:اتفضل
روح:تعالى يايونس .. ده يونس جوزى
يونس وقف جمب روح:اهلا وسهلا
رباب:اهلا بيك يابنى اتفضلو
روح ويونس دخلو ومختار لما شافهم قام وقف
روح:ازيك ياخالو
مختار:بخير ... لسه فاكرة ان ليك خال
يونس بحده:زيك كدا بظبط انت فاكر ان عندك بنت اخت اصلا
مختار خاف من نبرة يونس
روح:احنا كنا جاين لعمو محمد وحبيت اجى اطمن عليكم والحمدلله انكو بخير هنستاذن احنا بقي
رباب:اذنك معاكى
روح ويونس خرجوو من شقه خالها
يونس:بقولك ايه ماتيجى نخلع احنا ونروح اى حته لوحدنا
روح:وهنسيبهم يايونس
يونس:اه هنسيبهم يلا بينا
روح ضحكت:يلا
يونس وروح نزلو ويونس كلم على وعرفه انهم هيخرجو وراحو اماكن كتير وقضو اليوم كله سوا وكانو مبسوطين جداااا وبعدها رجعو على الفيلا كان طارق ورحمه وعلى وشهد قاعدين كلهم سوا
يونس:مساء الخير
طارق:مساء الخير على ناس الواطيه اللى خرجو من غيرنا
يونس:ده على اساس انك ماكنتش برا مع مراتك
شهد:اليوم كان حلو يعنى
روح:جداا
يونس:ومرضناش نتعشي من غيركو جبنا اكل للكل اهو
على:والله ياواد يايونس انت جدع
يونس:ماشي ياعلى باشا يلا بقي عشان ناكل
رحمه:تعالو ناكل فى جنينه براا
شهد:اه الجو حلو يلا
روح:هطلع اغير واجيلكوو
روح طلعت اوضتها وطلعت شنطه صغيرة من جوا شنطتها وحطتها جوا الدولاب وغيرت ولبست اسدال ونزلت الجنينه واكلو سواا وبعدها روح استاذنت تطلع ترتاح وشهد ورحمه كمان طلعو ويونس كان قاعد مع الشباب بيتكلمو شويااا
رحمه:ربنا معاكى ياروح
شهد:فكرى فى يونس وبس ياروح واعترفى بحبك بقي الواد غلبان والله
روح ضحكت وسابتهم ودخلت اوضتها
===============
فى اوضه روح اللى دخلت الاوضه وفتحت الدولاب وطلعت الشنطه الصغيرة اللى كانت جيباها من برا وافتكرت لما سابت يونس فى الكافتيريا بيجبلهم عصير ودخلت المحل اشتريته وخرجت بسرعه ودخلت الحمام وبعد شويا خرجت وكانت لابسه قميص بيتى لونه احمر طويل وبحماله رفيعه وفردت شعرها وكانت هتعمل ميكب بس افتكرت لما يونس كان قالها(انتى احلى مليون مرة من غير ميكب)
روح بصت على نفسها فى المرايا وكانت حلوة اوى بس مش متخيله انها هتقف كدا قدام يونس
روح:لالا مستحيل اقف كدا قدامه ... انا غلطانه انى سمعت كلام شهد ورحمه اصلا انا ادخل اغير احسن
روح لسه هتمشي لاقت الباب بيتفتح ودخل يونس اللى وقف مصدوم لما شاف روح اللى كانت نفسها الارض تتشق وتبلعها
يونس دخل وقفل الباب وقرب منها وهى بترجع لورا لحد مااتخبطت فى الحيطه
يونس:ايه ده ياروح
روح...
يونس:روووح
روح بصتله:نعم
يونس:مش بتتكلمى ليه ياروح انا شايف كلام كتير جوا عينيكى
روح:مش عارفه الكلام كله طار
يونس ضحك:طب تحبي اساعدك نرجع الكلام اللى طار
روح:ازاى
يونس:كنتى ناويه تتكلمى معايا فى ايه ماهو اكيد فى كلام ياروح
روح:بصراحه انا كنت عايزه اقولك يعنى .. انه.. انا..
يونس:ايه ياروح مالك
روح غمضت عينيها واتكلمت بسرعه:انا بحبك يايونس
يونس برق:قولتى ايه
روح فتحت:لا والله ماهقولها تانى
يونس ضحك عليها وقرب منها وباس راسها:وانا بعشقك ياروح قلب يونس
روح بصلته وابتسمت بكسوف ويونس قرب منها واتكلم بهمس:يعنى مستعدة ياروح
روح جسمها اترعش
يونس:انا مستحيل اعمل اى حاجه غصبن عنك ياروح صدقينى
روح:انا عايزة انسي الماضي يايونس مش عايزة افضل خايفه منه
يونس شالها:يبقي خلينا ننسي كل الماضي سواا ياروحى
يونس نيميها على السرير وكان حنين معاها جدا كانها قطعه الماس نادرة الوجود وخايف عليها تنكسر ومحى كل حاجه ممكن تفكرها بالماضي وحط بصمته اللى كلها حنيه وحب وعشق عشان تكون هى الحاجه الوحيده اللى تفتكرها .......
روايه جرح يداويه العشق
••﴿الفصل ٢٩﴾••
صباح يوم جديد
روح صحت لاقت نفسها فى حضن يونس بصتله اوى وافتكرت اد ايه كان حنين معاها وخايف عليها وقامت من جمبه ودخلت الحمام اتوضت وخرجت عشان تصلى
يونس صحى وشاف روح بتصلى قام دخل الحمام وخرج كانت روح خلصت وقاعده على سجاده الصلاه وقرب وقعد جمبها وباس راسهاا:حرمااا
روح:جمعاا ان شاء الله.. صباح الخير
يونس:صباح الجمال ياروحى ... مش احنا صلينا الفجر سوا كنتى بتصلى ايه
روح:كنت بصلى ركعتين شكر لربنا انه عوضنا بيك يايونس
يونس مسك ايدها وباسها:طب ايه رايك نصلى ركعتين شكر سوا ان ربنا عوضنا ببعض
روح ابتسمت:يلا هتكون امامى زى صلاه الفجر
يونس:حاضر ياحبيبتى هتوضا واجيلك
روح:حاضر
يونس اتوضا وخرج صلى بروح وبعد غيرو ونزلو عشان يفطرو مع الشباب والبنات
================
فى ريسبشن الفيلا كان قاعد رحمه وجمبها شهد وعلى وطارق جمب بعض
شهد بهمس لرحمه:تفتكرى روح نجحت ولا فشلت
رحمه بنفس الهمس:مش عارفه بس هما لسه منزلوش يبقو نجحت ان شاء الله قولى بس يارب
شهد بصوت عالى:يارب
على:انتو بتدعو على مين
رحمه:هندعى على مين يعنى
طارق:بقالكو ساعه بتتوشوشو وبعدين بتقولو يارب يبقي ربنا يستر
على:ان كيدهن عظيييييم
شهد:طب خافو مننا بقي
يونس نزل وهو ماسك ايد روح ورحمه وشهد لما شافوهم بصو لبعض وضحكو بفرحه
يونس وروح:صباح الخير
الشباب والبنات:صباح النور
شهد:يلا ياروح عشان نحضر الفطار سوا
روح:يلا
البنات دخلت المطبخ ويونس قعد مع الشباب
================
فى المطبخ
شهد:هااا احكيلنا ونبي
رحمه:نجحتى ولا فشلتى قولى بقي
شهد:اخلصى ياروح بقي
روح:سبولى فرصه اتكلم الله
رحمه:هااااا
روح ابتسمت بكسوف
شهد:ازغرط يعنى
روح ضربها:عيب كدا اسكتى
رحمه حضنت روح:مبروك ياروح انا فرحانه اوى عشانكو
شهد زقت رحمه وحضنت روح:حبيبتى ياروح ربنا يسعدكو يارب
روح:يارب ويخليكو ليا بجد انتو احلى اخوات فى الدنيا
البنات حضرو الفطار وكلهم فطرو سواااا وقعدو فى الجنينه
شهد:هو احنا هنفضل قاعدين هنا كتير انا زهقت
رحمه:صح زهقنا اوى
طارق:اومال عايزين ايه
روح:نروح مكان فيه بحر
يونس:علم وينفذ بس هنروح فين
طارق:الشاليه بتاعى اللى فى ساحل
على:راح من على بالنا ده
رحمه:صح ده حلو جدااا طب تعالو نروح
طارق:اجهزو ونمشي بليل ونوصل هناك وناخد اليوم من اوله
شهد:قشطاااا اوى يلا نجهز الشنط
رحمه:بس احنا مش معانا هدوم للبحر ومش عاملين حسابنا
يونس:اجهزو بس واحنا هنتصرف
البنات طلعو يجهزو الشنط وخلصو واتحركو بالعربيات بليل والبنات نامو طول الطريق ووصلو المكان فجر يوم جديد وكان شاليه على البحر والبنات حبو المكان جدااا
طارق:طول ماحنا هنا مافيش طبيخ
شهد:اومال هناكل ايه بقي
على:الاكل هنجيبه من برا عايزين نقضي اليومين دول فسخ وخروجات
البنات:حلو اوى
شهد:طب احنا جعانين هااا هتاكلونا ايه
على:اطلعو غيرو وهننزل ناكل على البحر
رحمه:عايزين سمك بقي
شهد:يخريبت حلاوتك يارحومتى
طارق:خلاص قشطا هنطلب سمك وبعدها ننزل البحر
رحمه وشهد:ايوااا بقي
يونس:اطلعو انتو بس غيرو ورتبو حاجاتكم واحنا هنروح مشوار سريع ونجيب اللكل واحنا جايين
البنات:تمام
الشباب خرجو والبنات كل واحده اختارت اوضه ودخلو يرتبو حاجاتهم
=============
بعد اكتر من ساعتين فى اوضه روح الباب اتفتح ودخل يونس:حبيبي بيعمل ايه
روح ابتسمت:غيرت ورتبت حاجتى وبستناك
يونس قعد جمبها على السرير:معلش اتاخرت عليكى
روح:انا لسه مخلصه من شويا
يونس:طب يلا قومى اجهزى عشان هناكل وننزل البحر
روح:انت عارف انى مش هعرف انزل البحر يايونس
يونس:لا هننزل ياعيون يونس
روح:وده ازاى بقي بنقابي مثلا
يونس مد ايده بالشنطه:اتفضلى ياروحى
روح اخدت الشنطه وفتحتها وكان بوركينى خاص لمنقابات:ده حلو يايونس
!
يونس باسها من خدها:يلا قومى البسيه عشان ننزل
روح حضنته:ربنا يخليك ليا
يونس:قومى اجهزى بدل والله احلف ماحنا خارجين من الاوضه
روح ضحكت وقامت تلبس وخرجت كان يونس لابس شورت خاص بالبحر وتيشيرت كط وخرجو سواا والبنات كانو لابسين بوركينى كمان الشباب اشتروه لما خرجوو
والشباب لابسين زى يونس
على:يلا بقي السمك ريحته تجنن وانا جوعت
طارق:يلا نخرج انا ظبطت القاعده على البحر
الكل خرجوو واكلو سواا وبعدها نزلو البحر وقضو يوم جميل مع بعض وبعدها دخلو يرتاحووو
==================
عدى اسبوع الشباب والبنات قضوه سوا فى جو جميل وماكنوش عايزين يرجعو بس الشباب رجعو عشان شغلهم وطارق جاله مكالمه خاصه بشغله وكان لازم يرجع عشان يمسك مأموريه جديده
فى يوم جديد فى قصر الهلال يونس وروح وعلى وشهد ومعاهم محمد رجعوو واستقبلهم عثمان وفاطمه وراضيه واتغدوا سواا وبعدها طلعو يرتاحو من السفر
=================
فى بيت طارق رجع هو ورحمه وخبط على مامته اللى فتحتلهم شروق وحضنت طارق وبعدها حضنت رحمه
جت هنيه من وراهم:حمدلله على السلامه ياولدى
طارق:الله يسلمك ياماا عامله ايه
هنيه:بخير ياولدى
رحمه:عامله ايه ياماما
هنيه اتجاهلتها:شروق يابتى تعالى نحضر لجمه لاخوكى چاي ياحبه عينى خاسس كيف
طارق بص لرحمه ورجع بص لامه:تسلمى ياما انا ورحمه هناكل سواا
هنيه:وهتطلبو وكل زى كل يوم
طارق:اه ياما
هنيه:وكل ايه ديه ياولدى ولا تكون مرتك على يدها نجش الحنه
طارق:احنا هنطلع نرتاح ياما عند اذنك
طارق طلع هو ورحمه ودخلو شقتهم:حقك على راسي يارحمه
رحمه:لا ياحبيبي متقولش كدا يلا ادخل خد شاور وانا هحضر اى حاجه سريعه ناكلها قبل مانام
طارق حاسس بخنقتها:لا يارحمه انا هطلب اى حاجه من برا
رحمه:مالوش لزوم ياطارق واكيد هيتاخرو يلا ادخل بقي
طارق حضنها وباس راسها ودخل ياخد شاور ورحمه بتحاول تمسك دموعها بالعافيه عشان طارق مايزعلش وغيرت ودخلت المطبخ عملت اكل سريع واكلو ونامو من تعب السفر
================
صباح يوم جديد
روح نايمه فى حضن يونس صحت على صوت خبط على الباب قامت لبست الاسدال بسرعه وخرجت تفتح كانت صفا
روح:صباح الخير ياصفا
صفا:وهياچى منين الخير ياخطافه الرچاله انتى
روح:هو فى ايه انتى جايه تقولى شكل للبيع من الصبح
صفا:رايده چوزى ياهانم اللى انتى خديه لحالك وكأنه مش متچوز جبل سابج
يونس جه من ورا روح:صوتك عالى كدا ليه من الصبح ياصفا
صفا:وكمان مش عايزنى اعلى صوتك
يونس مسك على وشه بعصبيه:عايزة ايه ياصفا فى ايه على الصبح
صفا:فى انك ظالم يايونس مهمل مرتك ومش سال فيها وكل همك الهانم الچديدة ماهى اكيد اللى جلبتك عليا
يونس شد روح وراه:اظن انا بعيد عنك من قبل مااعرف روح او حتى تظهر فى حياتنا ولا حضرتك ناسيه انتى عملتى ايه
صفا:كانت غلطه يايونس ومش هتكرر واصل سامحينى
يونس:نبقي نشوف الموضوع ده بعدين ياصفا امشي الوقت انا مش فايق
صفا:ماااشي يايونس
صفا مشت ويونس دخل وقفل الباب وبص لروح:كملى نومك ياروح
روح:لا خلاص مش هنام
يونس حضنها:صباح الحلاوة ياروحى
روح ابتسمت:صباح الفل هتروح الشركه
يونس:اه ياحبيبتى هروح اجهز
روح:تمام
روح حضرتله هدومه ويونس جهز ونزلو سوااا
================
فى اوضه على وشهد
شهد:هتروحو الشركه
على:اه ياشهد بقالنا كتير اجازة والحمل كله على جدى
شهد:ربنا يقويكو ياحبيبي
على:قلب حبيبك انتى يلا عشان ننزل نفطر معاهم
شهد:هلبس الاسدال واجى
على وشهد نزلو سوااا وكلهم فطرو سواا وبعدها راحو على الشركه ومحمد كمان راح معاهم
===================
مرت الايام والحياه مستقرة
يونس وروح اللى عايشه سوا احلى ايام والاتنين فرحانين بعوض ربنا ليهم
على وشهد اللى علاقتهم كلها جنان وحب
اجلال وصفااا اللى مهدين اللعب ومتجاهلين شهد وروح وده مخليهم قلقانين
طارق اللى سافر مأموريه ورحمه اللى مش قادرة تعيش من غيره وطبعااا هنيه ماصدقت ان طارق سافر وبتخلق شغل لرحمه من تحت الارض وبتخليها تنضف البيت كلها من غسيل سجاد وكنيس ومسيح ده غير الطبيخ ورحمه بتحاول تعمل كل اللى هى عايزاه وتتجنب شرهاا ولما طارق بيكلمها مش بتقوله اى حاجه وطلبت من شروق ماتجيبش سيرة لطارق لو كلمها
=================
فى اوضه صفا واجلال وواقفه معاهم واحده من الخدم اسمها امل
اجلال:فهمتى زين هتعملى ايه
امل:فهمت ياستى
صفا:اياكى تغلطى
امل:متجلجيش ياهانم
اجلال:روحى يلا
امل خرجت من الاوضه وصفا بصت لاجلال:واخيرا هنخلص منيهم ياما
اجلال:انا جولتلك انى مش هرتاح غير لما اخلص من بنات البندر
صفا:بس ربنا يستر وبت دى تعمل كيف مااتفجنا
اجلال:هتعمل متخافيش واصل
===================
روح وشهد قاعدين مع بعض وطلبو من فتحيه تعملهم عصير فراوله
بعد شويا جابته امل:اتفضلو العصير
شهد:شكراا ياامل
روح مسكت كوبايتها وشهد كمان
روح لسه هتشرب شهد خبطتها بدون قصد وكوبايه روح وقعت منها على الارض
شهد:اسفه ياروح مش قصدى والله
روح:ولا يهمك
شهد:طب خدى كوبايتى وانا هروح اجيب واحده تانيه
روح:لا اشربيها انتى وانا هقوم اجيب كوبايه وانادى حد يلم الازاز ده
شهد:حاضر
روح دخلت المطبخ وشهد شربت كوبايتها كلها
روح:فتحيه معلش خلى حد يلم الازاز اللى برا ده
فتحيه:حاضر يابتى تؤمر بحاچه تانيه
روح:عايزة كوبايه عصير بدل اللى اتكسرت
فتحيه:من عيونى يابتى
روح:تسلميلى عيونك طب هو فين انا اخد
فتحيه:فى التلاچه يابتى
روح فتحت التلاجه ومسكت الازازة وجابت كوبايه وكبت فيها وخرجت برا لشهد وقعدت جمبها وبدات تشرب عصيرها
شهد:انا هطلع اوضتى على ماعلى يجى
روح:تمام
====================
فى بيت طارق
هنيه خبطت على رحمه اللى كانت تعبانه وحاسه بدوخه
رحمه قامت بتعب فتحت
هنيه:انتى نايمه اهنه ولا على بالك حاچه
رحمه:فى ايه تانى ياماما
هنيه:جولتلك ميت مرة متجوليش ماما ديه واصل
رحمه:حضرتك عايزة ايه
هنيه:انزلى امسحى السلم البيت كله عشان چاينا ضيوف
رحمه:انا مسحاه امبارح
هنيه زعقت:وانا بجول تمسحيها
رحمه بتعب:حاضر
رحمه جابت جدل وقماشه وخرجت على تمسح والدوخه كانت بتزيد
وفجاه وهى بتمسح اغمى عليها ووقعت
هنيه شافتها:جومى يابت انى عارفه امور التمثيل ديه زين جووومى .... انى هعرف افوجك كيف
هنيه دخلت البيت وطارق وصل فى الوقت ده واتصدم لما شاف رحمه واقعه فى الارض واتصدم اكتر لما امه خرجت ومعاها جردل ميا وكبته فوقها ورحمه شهقت بقوة
طارق:امااااااا
الجردل وقع من ايد هنيه لما سمعت صوت طارق اللى جرى على رحمه وخدها فى حضنه وهى ماصدقت وعيطت جامد
طارق:اهدى ياقلبي انا اسف حقك عليا
طارق بعدها عن حضنه ومسك وشها بين ايده:مالك يارحمه انتى كويسه
رحمه هزت راسها بلا وهى بتعيط
طارق بص لامه:انا عايز تفسير للى شوفته ده ياما
هنيه:ده دلع بنات ياولدى مش اكتر
شروق:حرام عليكى بجى ياما... ياطارق من وجت ماسافرت وهى بتشغل رحمه فى كل حاچه لحالها خلتها تطبخ وتغسل سجاد وتنضف البيت كله لحالها ورحمه مش بتاكل زين ومن امبارح وهى تعبانه جوى
طارق بص لامه بعتاب وبص لرحمه:قومى معايا ياحبيبتى
رحمه جت تقف مقدرتش وكانت هتقع وطارق شالها وطلع على شقته ونيمها على السرير
طارق:حاسه بايه يارحمه
رحمه:دايخه اوى
طارق قام وقف وطلع الشنط وبدا يحط الهدوم فيها
رحمه:انت بتعمل ايه ياطارق
طارق بصلها بغضب:ولا كلمه يارحمه مش عايز اسمع ولا كلمه فاهمه
طارق كمل تجهيز الشنط وبص لرحمه:قومى البسي يلا
رحمه قامت من غير كلام ولبست ونزلو
هنيه شافتهم:انت رايح على فين ياولدى
طارق:قولتلك ياما لو ضايقتى مراتى همشي واروح على شقتى الجديده وده اللى هيحصل
هنيه:هتبعد عن امك ياولدى وعشانها
طارق بعصبيه:كفايه بقي انتى امى المفروض تبقي عارفه ان سعادتى مع رحمه مش مع واحده غيرها... المفروض تفرحى لفرحى ياما مش عايزة تدمرى سعادتى وفرحتى وادينى ياستى هسيبلك البيت وهمشي
طارق مسك الشنط وخرج ورحمه وراه وركبو العربيه واتحركووو
====================
فى اوضه شهد كانت حاسه بمغص جامد وخرجت من اوضتها وراحت لروح وخبطت عليها واول ماروح فتحتلها شهد وقعت فى حضنها
روح بخوف:شهد مالك
شهد:بطنى ياروح هتموتنى اااااااااااااه
روح:طب اهدى اهدى هكلم يونس بسرعه
روح مسكت فونها وطلبت ويونس اللى سمع صريخ شهد
فاطمه وراضيه جم على صوت شهد اللى تصوت بوجع
يونس وعلى وصلووو وعلى اشتال شهد ونزل بسرعه وحطها فى الكرسي الخلفى وروح جمبها ويونس ركب جمب على اللى ساق باقصي سرعه
وبعد شوياا وصلو المستشفى والدكاترة اخدو شهد اللى اغمى عليها
على:ايه اللى حصل ياروح الصبح كانت كويسه
روح:احنل كنا قاعدين سوا وطلعت الاوضه ترتاح وبعدها لقيتها بتخبط عليا وبتصوت من الوجع
يونس:اهدى ياعلى الوقت الدكتورة تخرج ونعرف مالها
الدكتورة خرجت وكلهم جرو عليها
على:طمنينا على شهد يادكتورة
الدكتورة:للاسف عندها تسمم وسم مفعوله سريع
على بصدمه:تسمم
الدكتورة:احمدو ربنا لو كانت نسبه السم زادت كنا هفقد الحاله
على:طب وهى عامله ايه الوقت
الدكتورة:عملنا غسيل معده وهى الحمدلله كويسه بس هو هياثر على جسمها ومحتاجة راحه تامه
روح:اكيد يادكتورة
الدكتورة:وكمان للاسف
على:فى ايه يادكتورة
الدكتورة:مدام شهد كانت حامل فى الشهر الاول ونتيجه السم اللى دخل جسمها فقدنا الجنين
كلهم اتصدمو من كلام الدكتورة
على:كانت حامل
الدكتورة:ربنا يعوضكو ان شاء الله هى الوقت متعلقلها محلول وشويا وهتفوق ومش هتقدر تخرج غير بعد يومين لانها محتاجه راعيه
يونس:تمام شكراا يادكتورة
الدكتورة مشت ويونس طبطب على كتف على
على بصله:كانت حامل يايونس
يونس:اهدى ياعلى الحمدلله انها بخير
على بص لروح:هى اكلت ايه ياروح
روح:ماكلناش اى حاجه احنا قولنا هنستناكو وناكل سواا بس طلبنا من فتحيه عصير فراوله وشربناه
على فكر شويا وبص ليونس:لو كانو هما يايونس هعتبر ان امى واختى ماتووو
يونس:طب اهدى واحنا هنعرف
على:انا رايح القصر
يونس مسكه:اهدى كدا انا هاجى معاك ... روح ادخلى خليكى مع شهد
على:بلاش تقوليلها على موضوع الجنين ياروح
روح:حاضر
==================
طارق ورحمه وصلو شقتهم الجديده وطارق ماكنش بيتكلم
رحمه:طارق....طب انا ذنبي ايه ليه مش بتكلمنى
طارق بعصبيه:ذنبك انك بتخبي عليا يارحمه من يوم ماسافرت وانا بكلمك كل يوم وبسالك انتى كويسه يارحمه...طب امى ضايقتك ... امى بتخليكى تعملى حاجه فى البيت يارحمه....كانت اجابتك بتكون لا لا لا ..... كل ده ليه هاااا ليه يارحمه
رحمه:عشان مش عايزة اعمل مشاكل بينك وبين مامتك ياطارق مش عايزاك تسيب البيت وتمشي زى ماحضرتك عملت كدا
طارق:لا سيبها تشغلك خدامه عندها ده كويس وصح مش كدا
رحمه قعدت بتعب على الكنبه وطارق بصلها ودخل الاوضه غير ونام على السرير وبعدها رحمه دخلت الاوضه لاقيته نايم دخلت اخدت شاور وغيرت ونامت جمبه على السرير وضهرها ليه ونامت من التعب
==================
على ويونس راحو القصر ودخلو من باب المطبخ عشان محدش يشوفهم
فتحيه:خير فى حاچه يابيه
يونس:مين اللى عمل العصير لروح وشهد انتى يافتحيه
فتحيه:انى كنت چايه اعمله يابيه بس امل جالتلى انها هتعمله
على:مين امل
فتحيه:بت چديده معانا اهنه
يونس:هى فين
فتحيه:عند المخبز يابيه
على:تمام يافتحيه
يونس وعلى خرجو راحو عند المخبز وكان فى ٣ بنات قاعدين
على:مين فيكو امل
امل خافت وقامت وقفت:خير يابيه
يونس بص لبنتين:روحو انتو
البنات مشو وعلى قرب من امل:انتى اللى عملتى عصير الفراوله
امل خافت
يونس بصوت عالى:انطقى
امل بخوف:اه يابيه
على:انتى اللى حطيتى السم فيه
امل عيطت:غصبن عنى يابيه والله
يونس:انطقى مين قالك تعملى كدا
امل:اجلال هانم وصفا هانم جالولى احط منه لشهد هانم وروح هانم
على:تمشي من هنا ومش عايز اشوف وشك مرة تانيه
يونس:اهدى ياعلى
على:لا مافيش فيها هداوة يايونس
على خرج وطلع القصر وفتح اوضه اخته كانت اجلال قاعده معاها
صفا:فى حد يدخل اكده ياعلى
يونس دخل الاوضه بعد على
اجلال:فى ايه مالكو
على:بذمتك انتى ام ..... بتسمى مرات ابنك ليه هااا عملت فيكى ايه
اجلال:سم يه انت اتجنيت ياولدى
على:متقوليش ولدى دى انا مش ابنك ولا انتى امى .... انا امى ماتت واختى كمان انا هعتبر نفسي يتيم ماليش اهل..... وبعدين انتى من امته كنتى ام ليا طول عمرك مش عندك غير سليم وصفاااا .... بس خلاص انا هريحك منى خالص من النهارده اعتبرى ابنك ماااااات سمعانى ماااااااات
عثمان وراضيه وفاطمه اجو على صوت على العالى
عثمان:مالك ياولدى بتعلى صوتك على امك ليه
اجلال بغل:كل ده عشان بت البندر بيعلى صوته على امه عشانها
على بوجع:انتى عارفه انتى عملتى ايه بسبب غلك ده موتى ابنى اللى لسه مفرحتش بسه
كل اللى كانو موجودين اتصدمو من كلام على
اجلال اتصدمت:ابنك هى مرتك حامل
على ضحكت بحزن:تصدقى طلعت حامل بس بسببك مات ....... انا بكرهك ياجلال بكرهك
على خرجت ويونس بص لصفا:انا صبرت عليكى كتير ومش ناوى اصبر اكتر من كدا .... انتى طالق بتلاته ياصفاااا طالق
صفا جرت عليه:لالا يايونس ابوس ايدك لا متعملش فيا اكدا ونبي انا بحبك
يونس زقها:وانا مكرهتش فى حياتى اد ماكرهتك ياصفا
يونس راح ورا على وعثمان بصلهم بغضب:تلمو اغراضكوو ومعايزش اشوف وشكو اهنه فى القصر وتروحو تعيشو فى البيت الجديم لحالكو
عثمان وراضيه وفاطمه خرجوو واجلال كانت مصدومه من كلام على وصفا مش مصدقه ان يونس طلقهااا ........
&&&&&&&&
روايه جرح يداويه العشق
••﴿الفصل ٣٠﴾••
فى المستشفى
شهد بدات تفوق كانت روح قاعده جمبها:حمدلله على سلامتك ياحبيبتى
شهد بتعب:هو ايه اللى حصل ... انا فين
روح:انتى تعبتى وجالك مغص جامد ياشهد وجبناكى المستشفى
شهد:وايه سبب المغص ده
روح:الدكتورة قالت تسمم
شهد بصتلها:من ايه
روح:معرفش ياشهد والله بس الحمدلله انك بخير
شهد:على فين
روح:راح مع يونس يجيبو علاج ليكى وزمانهم جاين ياحبيبتى
الباب اتفتح ودخل على اللى عينه كلها دموع وروح قامت:انا هخرج اشوف يونس
روح خرجت وعلى قعد جمب شهد اللى بتبصله ومستغربه حالته:مالك ياعلى
على:كويس ياحبيبتى ... انتى عامله ايه الوقت لسه حاسه بوجع
شهد:الحمدلله .... بس فى وجع بسيط فى بطنى
على مسك ايدها وباسها:سلامتك من الوجع ياشهد حياتى
شهد قامت تقعد وعلى ساعدها:مالك ياعلى
على:مافيش ياحبيبتى كل الحكايه انى كنت خايف عليك اوى ماكنتش اعرف انك غاليه على قلبي كدا
شهد دخلت جوا حضنه:هى اللى سممتنى مش كدا
على غمض عينه بحزن وشهد بعدت عن حضنه وبصتله:انت مالكش ذنب بعمايلهم ياعلى ... انت حبيبي على اللى مافيش اطيب من قلبه ولا شوفت حد بحنيته
شهد شافت الدموع جوا عينيه واخدته فى حضنها:متخنقش نفسك كدا ياعلى خرج اللى جواك ياحبيبي
على عيط من الوجع اللى حاسس بيه مش عارف يزعل ان امه اللى سممت مراته ولا صدمته ان ابنه راح قبل حتى مايفرحو بيه ومش عارف هيقول ازاى لشهد
على بعد عنها وشهد مسحتله دموعه وابتسمت بحب
على:فى حاجه لازم تعرفيها ياشهد
شهد:ايه ياعلى
على:الدكتورة قالت ان بسبب السم اللى دخل جسمك .... الجنين مات
شهد اتصدمت:جنين ايه ياعلى.....يعنى انا كنت حامل ..... ابنى مات
شهد عيطت جامد وعلى اخدها فى حضنه:اهدى ياشهد عشان خاطرى انا موجوع اوى بلاش تزودى وجعى ابوس ايدك
شهد فضلت تعيط فى حضنه لحد مانامت من التعب على نام على السرير واخدها فى حضنه
==============
روح خرجت من الاوضه وشافت يونس واقف فى الشباك فى اخر الدور راحتله وقفت جمبه:هى مرات عمك مش كدا
يونس بصلها:مرات عمى وبنتها
روح:عرفت لما شوفت حاله على شكله يصعب
يونس:على موجوع اوى المرة دى
روح:ربنا يصبره
يونس بص لروح:الخدامه قالت انها حطت فى كوباتين العصير سم ازاى شهد اتسممت وانتى لا
روح:انا كنت لسه هشرب بس شهد خبطتى بدون قصد وكوبايتى وقعت على الارض وانا دخلت المطبخ جبت واحده ليا
يونس مسك ايدها:يعنى لو ماكنتش وقعت كنتى هتبقي فى خطر زى شهد
روح:الحمدلله اننا بخير يايونس ده الاهم
يونس ساب ايدها ولف بص ف الشباك:انا طلقت صفا
روح بصتله:بس يايونس جدو قــ
يونس:مانا سمعت كلامه وصبرت كتير ياروح ومابقيتش قادر اصبر اكتر من كدا وعلى فكرة انتى مش السبب فى بعدى عنها انا كنت بعيد عنها من قبل مااشوفك اصلا
صفا:طب لما انت مش عايزها ليه اتجوزتها من الاول يايونس
يونس:جدى اللى اصر انى اتجوز بنت عمى ومقدرتش ارفضله طلبه وفى الاخر ده نصيب ياروح
روح:صح.... عمو محمد عرف باللى حصل مع شهد
يونس:كلهم عرفو وهيجو شويا كدا
===================
فى شقه طارق ورحمه
طارق صحى وكانت رحمه لسه نايمه قام خرج من الاوضه وكلم يونس وعرف منه اللى حصل قفل معاه ودخل الاوضه:رحمه.... رحمه
رحمه بنوم:نعم
طارق:قومى عشان نروح المستشفى
رحمه قامت قعدت:ليه فى ايه مين تعبان
طارق:اهدى يارحمه...دى شهد اللى فى المستشفى
رحمه:ليه مالها
طارق حكالها ورحمه قامت بسرعه تلبس وراحو على المستشفى
=============
فى المستشفى كان الكل وصلو عند شهد ودخلو وهى ماكنتش بتتكلم وكل اللى بتعمله انها بتعيط فى حضن ابوهاا
محمد:ياشهد ياحبيبتى ده نصيبه يابنتى وبكرة ربنا يعوضك بطفل واتنين
عثمان:صوح يابتى انتو لساتكو صغار وبكرة تملولنا البيت عيال صغيرة
راضيه:كفياكى بكى يابتى بجا
فاطمه:يلا ياحبيبتى عشان تاكلى لجمه انتى من امبارح على لحم بطنك
شهد هزت راسها بلا
روح:عن اذنك كدا ياعمو محمد ... ازاى يعنى مش عايزة تاكلى ... يلا يافطوم عشان ناكلها
فاطمه وراضيه جهزو الاكل وروح بدات تاكل شهد اللى دموعها نازله فى صمت وعلى واقف ساند على باب الاوضه بيبصلها ومش قادر ينطق حتى وحاسس بوجع كبير لان امه السبب فى حالتها دى
الباب خبط وعلى فتح وكان طارق ورحمه اللى جرت على شهد وحضنتها وشهد عيطت فى حضنها
طارق طبطب على كتف على:ربنا يعوضك ياصاحبي اجمد عشان خاطرها
على:باذن الله
يونس:تعالى ننزل نشرب قهوة ونسيبهم سوا
يونس وطارق وعلى وعثمان ومحمد نزلو الكافتيريا والباقى فضلو مع شهد بيحاولو يخرجوها من حالتها
================
عدى اليومين وشهد رجعت على القصر وعرفت ان اجلال وصفا مشو من القصر وان يونس طلق صفااا
فى اوضه شهد قاعده على السرير ومعاها روح اللى ساعدتها تغير هدومهاا
روح:حاسه نفسك احسن ياحبيبتى
شهد:الحمدلله ياروح
روح:بلاش الحزن فى نبرة صوتك دى ياشهد انا مش اخده عليكى كدا
شهد:انا موجوعه اوى ياروح مات قبل حتى ماالحق افرح بيه
روح:انتى المفروض تحمدى ربنا ياشهد انك متعلقتش بيه وقتها وجعك كان هيكون اكبر ياحبيبتى
شهد:عارفه ايه اللى وجعنى اكتر
روح:ايه ياشهد
شهد:على.... على جواه وجع كبير ومش بيظهره بس انا حاسه بيه ياروح هو حاسس انه السبب فى اللى حصلى مع ان انا قولته انت مالكش ذنب
روح:ودى مهمتك ياشهد لازم تنسي حزنك عشان هو مايحسش بالذنب
شهد:اكيد
على كان واقف على باب الجناح وسامع كلامهم ونادى بصوت عالى عشان روح:شهد
روح نزلت نقابها وقامت وقفت:تعالى ياعلى
على دخل وروح استاذنت ومشت
على قعد قدام شهد على السرير:الجميل بتاعى عامل ايه النهارده
شهد مسكت ايده:كويسه طول مانت معايا ياعلى بجد ربنا يخليك ليا
على باس ايدها اللى ماسكه ايده:ويباركلى فيكى ياشهد حياتى
شهد:انا عايزة انام ياعلى
على:نامى ياروح على
شهد:لا عايزة انام فى حضنك ممكن
على:ده ممكن ونص وتلاتتربع كمان
على قعد جمبها واخدها فى حضنه
شهد:بلاش تحسس نفسك بالذنب ياعلى عشان خاطرى
على:مش قادر انسي اللى عملوه ياشهد
شهد:لازم ننسي ونعيش ياعلى وبعدين ان شاء الله ربنا هيعوضنا
على:انا ناوى اجيب دسته عيال منك
شهد:دسته مرة واحده
على:دسته قليله مش كدا احنا نجيب ١٢ عيل
شهد:ليه فريق كره
على ضحك وباس راسها وشهد غمضت عينيها ونامت فى حضنه
==============
فى شقه طارق
رحمه كانت واقفه فى المطبخ بتعمل الاكل وحست بدوخه جامده وقعدت على الكرسي بسرعه:ايه الدوخه دى كل شويا تجيلى
رحمه فضلت قاعده شويا لحد ماالدوخه راحت وقامت تكمل الاكل
بعد شويا خلصت الاكل وحضرت السفره وقعدت تستنى طارق يرجع من شغله
رحمه حست بدوخه ومعدتها قلبت وجرت على الحمام بسرعه ولما خرجت سرحت شويا:معقول اكون....لالا مش معقول اكيد بيتهيئلى يمكن برد فى معدتى مش اكتر
رحمه فاقت على صوت فتح الباب وجرت بسرعه على طارق وحضنته:لسه زعلان منى
طارق ....
رحمه بعدت عنه وهى لسه محاوطه خصره:متبقاش افوش اوى كدا ياطاروقتى بقي عشان خاطرى متزعلش منى انا اسفه مش هخبي اى حاجه عنك تانى
طارق:انا مش زعلان منك يارحمه انا زعلان على اللى حصل فيكى وبهدله امى ليكى ده وجعنى امى بتعاملك على انك خدامه يارحمه ودى حاجه متفرحنيش على فكرة
رحمه:خلاص بقي قلبك ابيض تعالى انا عملالك الاكل اللى بتحبه
طارق ابتسم وقعدو على السفرة ونسو زعلهم واكلو سوااا
===================
فى جناح يونس اللى نايم على السرير وفى حضنه روح
روح:مالك يايونس من وقت ماجيت وانت ساكت
يونس:ولا حاجه ياحبيبتى انا كويس
روح قامت قعدت قدامه وهو ابتسم
روح:انت حاسس انك ظلمت صفا
يونس:لا خالص هى اللى ظلمت نفسها لما سمعت كلام امها لان دى مش شخصيتها خالص
روح:بس سمعت فتحيه بتتكلم ان حالتها كانت صعبه لما طلقتها ... كان باين عليها جدا انها بتحبك بجد
يونس:حب صفا كان حب تملك ياروح عايزانى ابقي ليها لوحدها ... تخيلى انها راحت لدجاله وقال ايه عملتلها حجاب عشان افضل جمبها ومااشوفش واحده غيرها وقتها شوفته تحت مخدتى ولما سالتها كان ردها بمنتهى البرود انه حجاب عشان افضل ليها لوحدها ومن وقتها وانا اقسمت انى مش هدخل اوضتها ولا هقرب منها
روح:بس ده حرام يايونس وكمان تتحاسب عليه
يونس:واللى هى عملته بقي مش حرام
روح:مش حرام ده اسمه جهل يايونس
يونس حاوط وش روح بايديه:والحمدلله ربنا عوضنى بيكى ياروح قلب يونس
روح ابتسمت بكسوف
يونس:لا بقولك ايه احنا عايزين نلغى الكسوف ده خالص من علاقتنا
روح باستغراب:نلغيه ازاى بقي
يونس شدها ونيمها على السرير:تعالى وانا اقولك
وقرب منها ليعلمها فنون عشقه
===================
صباح يوم جديد فى شقه طارق اللى صحى على صوت رحمه بتعيط فى الحمام قام بسرعه وفتح الباب كانت قاعده على حافه البانيو وحاطه ايدها على وشها وبتعيط
طارق:مالك يارحمه بتعيطى ليه
رحمه بتعيط وبس
طارق قعد على ركبته قدامها وبعد ايديها عن وشها:مالك ياحبيبتى حد زعلك
رحمه هزت راسها بلا
طارق:طب انا زعلتك
رحمه:لا
طارق بعصبيه:اومال بتعيطى ليه يارحمه ماتنطقى
رحمه مدت ايدها لطارق واخد منها اللى فى ايدها:ده ايه ده
رحمه:اختبار حمل
طارق غمض عينيه بغضب:حبيبتى مش احنا قولنا مش عايزين نفكر فى الموضوع ده ليه تشتريه وانتى عارفه النتيجه ايه
رحمه بتعيط:بس المرة دى غير ياطارق
طارق:غير ازاى مش فاهم
رحمه:ده ظاهر فيه خطين يعنى انا حامل
طارق بص فيه وصح كان فيه خطين بلون الاحمر:انتى متاكده
رحمه:المفروض الخطين بيبقي حمل
طارق قام بفرحه وحضنها:معقول يارحمه تعالى نكلم الكل ونفرحهم
رحمه بعدت عنه:لا انا مش هعشم نفسي ولا اللى حوليا ... تعالى نروح لدكتورة ونتاكد احسن ياطارق
طارق حضنها وهى عيطت اكتر:اهدى ياروحى وحتى لو مافيش حمل عادى ولا كأن حصل حاجه وحياتى هتمشي زى ماهي تمام يارحمه
رحمة:تمام
===============
تانى يوم رحمه وطارق راحو لدكتورة اللى اكدت انها حامل فى الشهر التانى وكانو طارين من الفرحه وقررو يروحو القصر يفرحو الكل
الكل كانو متجمعين فى القصر ودخل طارق ورحمه والكل سلمو عليهم بحب
طارق:فى حاجه لازم تعرفوها ياجماعه
عثمان:خير ياولدى
طارق:رحومتى حامل
الكل بصوله بصدمه ومحدش اتكلم وطارق ورحمه ضحكو على شكلهم
يونس:انت قولت ايه
رحمه قربت منه:قولنا انك هتبقي احلى خالو فى الدنيا كلها
يونس والكل فرحو ويونس حضن رحمه بحب والكل بداو يباركلهم والفرحه ملت القصر
====================
عدى اكتر من ٦ شهور وكل حياتهم جميله ومستقرة
على اللى مع شهد دايماا ونسو زعلهم واللى فرحهم اكتر ان شهد عرفت انها حامل بقالها ٣ شهور
وطارق ورحمه اللى عايشين احلى ايام والفرحه مش سيعاهم وطارق بيهتم بكل حاجه تخص رحمه اللى بقت فى الشهر التامن واللى فرحهم اكتر ان الدكتورة قالتلهم انها حامل فى تؤام
وطارق رافض يعرف مامته ان رحمه حامل بسبب طريقتها واسلوبها معاها لما اخدها وراحو يزورها عشان يعرفوها انها حامل وقتها هنيه غلطت فى رحمه وطارق قرر ميقولهاش وطارق لما بيروح اى مأموريه بيخلى رحمه تروح القصر عشان متبقاش لوحدها
اما بقي بالنسبه لابطالنا الحلوين يونس وروح اللى عايشين فى سعاده وفرحه يونس الكبيرة بحمل روح اللى فى الشهر الخامس
==================
فى بيت هنيه قاعده معاها مجموعه من الحريم
سعاد واحده منهم:كيف يعنى تاخد ولدك منك وانتى ساكته اكده
هنيه:هسوى ايه يعنى ولدى باعنى لاچل يرضى مرته
سنيه:لع المفروض تتصرفى ومتتركهاش تتحكم فى ولدك اكده
هنيه:طب جولولى اتصرف كيف
عفاف:انى هجولك تسوى ايه
هنيه:جولى ياخيتى
==================
فى قصر عيله الهلالى وتحديدا فى المطبخ شهد قاعده وبتاكل
روح دخلت المطبخ شافت شهد بتاكل وضحكت على شكلها
شهد:رووووح سبينى اكل بمزاج لو سمحتى
راضيه:اتركيها ياروح تاكل
روح:هو انا جيت جمبها
فاطمه:وانتى يامرت الغالى معايزاش تاكلى حاچه
روح:ماليش نفس يافطوم والله
راضيه:لع بجا انتى ماتكليش زين ياروح يابتى وده مش زين لولدك
فاطمه:وبعدين ولد يونس الهلالى لازمن يكون جوى كيف ابوه
روح:ان شاء الله هيكون زين الرجاله زى يونس يافطوم
فاطمه:يسمع من بوجك ربنا يابتى
شهد:افضلو انتو ارغو ونسيتى تجبيلى الباميه اللى بالحمه يافطوم
راضيه ضحكت:ولا تزعلى حالك الباميه اهى
شهد:شكرا ياراضيه ياقمر انتى
كلهم ضحكووو
روح:مش رحمه قالت هتيجى تقضي معانا اليوم عشان طارق مش موجود
فاطمه:جالت مش هتاچى يابتى رايده تجعد فى دارهاا
راضيه:طارق جال مش هيتاخر هيرچع الفچر باذن الله
روح:انا هطلع ارتاح شويا على مايونس يجى
فاطمه:اطلعى يابتى
==================
فى شقه رحمه اللى قاعده بتتفرج على الشاشه الباب خبط واستغربت مين هيجلها فى الوقت ده لانهم كانو بليل بصت من العين السحريه شافت واحده هى اللى بتخبط فتحت الباب
الست:كيفك يابتى
رحمه:بخير حضرتك مين
الست زقت الباب ووقعت رحمه على الارض وظهر ٣ ستات تانين ودخلو وقفلو الباب
واحده منهم:احنا چاين نسلم عليك بس يابتى
رحمه بخوف:انتو مين وعايزين ايه
واحده تانيه:ماهى جالتلك چاين نسلمو عليك يلا نعمل شغلنا بسرعه
الستات فضلو يضربو فى رحمه جامد جداا ورحمه كان كل همها انها تحمى ولادها وكانت محاوطه بطنها بدراعها وخلاص حاسه انها هتموت والستات خرجو وقفلو باب الشقه ورحمه مش قادرة تتحرك حرفيااا شافت فونها واقع على الارض بدات تزحف لحد ما وصلت عنده ورنت على يونس
رحمه بتعب وخلاص هتفقد الوعى:الحقى يايونس
=================
فى المستشفى واقف يونس وعلى وعثمان ومحمد
يونس راح لرحمه واتصدم لما شاف منظرها وكانت بتنزف وطلب الاسعاف وجابها على المستشفى
طارق جاى يجرى عليهم:ايه اللى حصل حد يفهمنى فى ايه
يونس:اهدى ياطارق لسه الدكتورة ماخرجتش من عندها
طارق:طب مين عمل كدا وانت عرفت ازاى
يونس:رحمه رنت عليا واللى قالته الحقنى يايونس وروحتلها لقيتها واقعه فى الارض وبتنزف وجبتها هنا
عثمان:هدى ياولدى دلوك تفوج وتجولنا ايه اللى حوصل
الدكتورة خرجت
طارق:مراتى عامله ايه
الدكتورة:للاسف اتعرضت لنزيف شديد بسبب العنف اللى اتعرضتله ولازم نولدها الوقت
طارق:بس دى فى الشهر التامن
الدكتورة:ان شاء الله هيبقو بخير ادعولها انتو وهى هتبقي بخير
الدكتورة سابتهم ومشت واخدو رحمه على اوضه العمليات
بعد فترة كبيرة كانو شهد وروح وفاطمه جم المستشفى ورحمه خرجت من العمليات واتنقلت لاوضه عاديه لكن البيبهات ولد وبنت راحو على الحضانه
طارق قاعد جمب رحمه اللى بدات تفوق وماسك ايدها:رحمه حبيبتى سمعانى
رحمه:ولادى
طارق:هما بخير ياحبيبتى طمنينى انتى كويسه
رحمه:جسمى كله بيوجعنى
فاطمه:سلامتك من الوجع يابتى
يونس:حمدلله على سلامتك يارحمه
رحمه:الله يسلمك
طارق:رحمه حبيبتى مين اللى عمل فيكى كدا احكيلى ايه اللى حصل
رحمه يدات تحكيله اللى حصل معاها
وطارق بص ليونس
طارق:اهدى ياحبيبتى والحمدلله انك انتى والولاد بخير
روح:هتسمو ايه بقي يارحومه
رحمه:عايزة اشوفهم الاول واطمن عليهم
شهد:ياحبيبتى هتشوفيهم وقلبك هيطمن بس ارتاحى انتى بس
رحمه:حاضر
الكل فضلو مع رحمه بيطمنوها لانها قلقانه على ولادها لحد مانامت من التعب
الكل رجعو على القصر وفضل معاها فاطمه وطارق ويونس
===================
صباح يوم جديد
طارق واقف قدام اوضه رحمه وشاف شروق اخته جايه عليه:حمدلله على سلامه رحمه ياطارق
طارق:الله يسلمك ياحبيبتى.... انتى عرفتى منين
شروق:طارق انا عارفه مين الستات اللى عملو كدا فى رحمه
طارق ملامحه اتحولت ١٨٠ درجه وبقي فى قمه غضبه:عرفاهم منين
شروق:كان فى حريم عند ماما وكانو بيتفقو انهم يخلصو من رحمه عشان انت ترجع لماما تانى وسمعتها وهى بتتفق معاهم يروحو يضربوهاا بس هما لما لاقوها بتنزف خافو ومشو انا رنيت عليك كتير جدااا عشان اعرفك وانت مردتيش عليا
طارق:كنت فى مأموريه وفونى صامت
يونس كان وراهم وسمع كل الكلام وبص لطارق
طارق:ادخلى لرحمه ياشروق وبلاش تقوليلها اى حاجه
شروق:حاضر
يونس قرب من طارق:لازم نجيبهم
طارق:حقها هيرجع يايونس متقلقش دانا مش بس كنت هخسرها هى لا وكمان كنت هخسر ولادى
يونس:ناوى على ايه
طارق:هأدبهم يايونس
يونس:بلاش تتهور ومتنساش دى والدتك
طارق:واللى كانت هتموت دى مراتى وولادى
يونس:طب اهدى واحمد ربك انهم بخير
طارق:الحمدلله ..... انا رايحلها
يونس:اهدى ياطارق
طارق:خليك هنا ياصاحبي
طارق مشي ويونس فضل واقف مكانه وبعدها خرج من المستشفى يشم شويا خرج وفى الوقت ده روح كانت وصلت مع شهد اللى دخلت لرحمه
روح:مالك يايونس رحمه فيها حاجه
يونس:لا ياروح كويسه
روح:اومال مالك
يونس لسه هيرد شاف شابين راكبين موتوسيكل وواحد فيهم ماسك مسدس وموجهه ناحيتهم وضرب ناار والرصاصه كانت فى اتجاههم.......
روايه جرح يداويه العشق
••﴿الفصل ٣١ الاخير﴾••
يونس خرج من المستشفى يشم شويا هوا وفى الوقت ده روح كانت وصلت مع شهد اللى دخلت لرحمه
روح:مالك يايونس رحمه فيها حاجه
يونس:لا ياروح كويسه
روح:اومال مالك
يونس لسه هيرد شاف شابين راكبين موتوسيكل وواحد فيهم ماسك مسدس وموجهه ناحيتهم وضرب ناار والرصاصه كانت فى اتجاههم
يونس حضن روح ولفها بسرعه وبقي هو فى وشهم
روح سمعت صوت ضرب النار استخبت فى حضن يونس وفجاه حست بحاجه سايله على ايدها اللى على ضهره رفعتها تشوف ايه ده وصرخت لما شافت الدم ويونس وقع فى الارض وهى قعدت جمبه:يونس رد عليا ابوس ايدك يايونس ...... حد يلحقنا بسرعه
خرج ممرض ومعاه دكتور واخدو يونس ودخلو جوا المستشفى واخدوه على اوضه العمليات
روح كانت واقفه مش عارفه تعمل ايه طلعت فونها ورنت على شهد وقالتلها وخلال ثوانى كان على وعثمان ومحمد وشهد اللى كانو عند رحمه اجو لروح وشهد اخدتها فى حضنها وهى كانت منهارة
وعلى كلم طارق اللى كان رايح لوالدته ورجع من نص الطريق
بعد شويا طارق وصل:ايه اللى حصل
على:روح اللى كانت معاه وزى مانت شايف مش بتتكلم
طارق قرب من روح:روح انتى كنتى مع يونس مش كدا
روح هزت راسها باه
طارق:طب شوفتى اللى عمل كدا .... ساعدينى ياروح عشان اقدر اجيب اللى عمل كدا فى يونس
روح حكت لطارق اللى حصل وهى منهارة
طارق:طب اهدى ياروح ان شاء الله هيكون بخير
الدكتور خرج وكلهم قربو منه
عثمان:طمنا ياداكتور ولدى كيفه
الدكتور:الرصاصه كانت فى ضهره والحمدلله انها كانت بعيده عن العمود الفقرى احنا خرجنا الرصاصه وعملنا اللازم وخلاص ساعتين او اقل هيكون فاق باذن الله
الكل:الحمدلله يارب
طارق:على خليك هنا معاهم وانا هروح اشوف الكاميرات عشان نعرف مين العيال دول
على:تمام
طارق راح لمدير المستشفى ولانه ضابط وافق انه يشوف التسجيلات وطارق شاف الشابين بوضوح جدااا وبلغ كل رجالته انهم يوصلو ليهم باى تمن
==================
فى مكان جديد اول مرة نزوره وهو البيت القديم اللى عايش فيه اجلال وصفا اللى كانت بتتكلم فى الفون:كيف ياغبي احنا مش جولنا تجتلها هى .... وهو حصله ايه......طب اجفل ياغبي
اجلال:متعصبه اكده ليه
صفا:الغبي بدل مايضرب اللى اسمها روح الرصاصه چت فى يونس بدالها
اجلال:يلا فى داهيه وبعدها نخلص من السنيورة مرته
صفا:لا ياما يونس لا دانى اموت لو چارله حاچه .... انى هروح ازوره
اجلال:تروحى فين انتى اتچننتى اياكى .... ولما يسالوكى عرفتى كيف وهتردى تجولى ايه يابت بطنى
صفا:مانا هتجنن لو معرفتش هو عامل ايه
اجلال:ياخبر دلوك بفلوس وبعد شوي هيبجا ببلاش اصبرى واهدى عشان مانتفضحش
صفا:يارب
==================
بعد ساعتين يونس بدا يفوق والكل كانو حوليه وكان نايم على بطنه عشان الرصاصه فى كتفه من ورا
يونس بتعب:على
على:نعم يايونس
يونس:ساعدنى اقعد
على:انت لسه تعبان
يونس:انا كويس متقلقش
على ساعد يونس يقعد كويس
عثمان:حمدلله على سلامتك ياولدى
يونس:الله يسلمك ياچدى
محمد:عامل ايه يابطل
يونس:بخير ياعم محمد
شهد:ياعم وقفت قلوبنا من الخوف وروح من وقت اللى حصل وهى منهارة ومش بتبطل عياط
يونس عينه جت على روح اللى واقفه جمبه وابتسم بتعب:رحمه عامله ايه
شهد:كويسه الحمدلله وشروق اخت طارق معاها
يونس:طارق فين
على:راح عشان يعرف مين العيال اللى ضربو عليك نار
الباب اتفتح ودخلت فاطمه وهى بتعيط:كيفك ياولدى
يونس:انا بخير ياست الكل متخافيش
فاطمه:ربنا يحفظك ياولدى من كل شر
الكل:امين
بعد شويا والكل قاعدين مع يونس
عثمان:خلونا نتركه يرتاح شوى
على:تعالى ياجدى لما اوصلكو القصر
على راح يوصل عثمان ومحمد وشهد وفاطمه القصر وشروق كانت مع رحمه اللى لسه متعرفش باللى حصل مع يونس
===============
ف الاوضه اللى فيها يونس روح قاعده جمبه على السرير وبتعيط
يونس:خلاص بقي ياروح انا قدامك بخير اهو
روح:حسيت روحى بتروح منى وانا شيفاك واقع فى الارض
يونس مسك ايدها:بعد الشر عليكى ياحبيبتى امسحى دموعى بقي وكفايه عياط عشان خاطرى
روح مسحت دموعها:تفتكر مين اللى عمل كدا يايونس
يونس:مش عارف ياروح اكيد طارق هيعرف بطريقته
الباب خبط وروح نزلت نقابها وقامت تفتح كان طارق اللى دخل:حمدلله على سلامتك ياصاحبي
يونس:الله يسلمك ياطارق... عرفت مين وراها
طارق:مسكنا عيل منهم واعترف على التانى وبندور عليه وقال ان اللى قالهم يعملو كدا مرات عمك اجلال وصفا بس المقصود كانت روح مش انت
يونس بص لروح اللى واقفه مصدومه
طارق:المفروض نقبض عليهم لان الواد اعترف قدام النيابه بس مش عارف اتصرف قولى انت اعمل ايه
الكل لفو على صوت على من وراهم:اقبض عليهم ياطارق
طارق:ده امك واختك ياعلى
على:وانا بقولك شوف شغلك ياطارق
يونس:اهدى ياعلى مش كدا
على:خلاص براحتك ماتقبضش عليهم بس وقتها انا اللى هروح ابلغ عنهم بنفسي ووقتها مش بس هما هيتقبض عليهم وانت كمان هتتأذى فى شغلك
طارق:نعم ياروح امك
يونس وروح ضحكووو
طارق:قال اتأذى فى شغلى قال ياعم فى داهيه امك واختك انا هكلمهم يروحو يجيبهم
طارق خرج ويونس بص لعلى
على:متتكلمش يايونس ده اللى يستاهلوه هما غلطو كتير اوى .... انا هروح اشوف رحمه محتاجين منى حاجه
روح:لا شكراا ياعلى
يونس:تمام ياصاحبي
على خرج وروح قعدت جمب يونس اللى مد ايده ورفع نقابها وروح ابتسمت
يونس:تعرفى انك وحشانى جداا
روح بكسوف:بس انا معاك ومابعدتش عنك ابداا
يونس باس ايدها:بتوحشنى وانتى فى حضنى بردو
روح:انا كدا هاخد على الحب والكلام الحلو ده
يونس:وفيها ايه خدى عليه وانا اطول احب واقول كلام حلو لروح قلب يونس
روح:ربنا يخليك ليا يايونس انت احلى حاجه حصلت فى حياتى
يونس:تعالى نامى فى حضنى بقي
روح:لا طبعاا انت تعبان
يونس:وتعبي هيروح اول ماتبقي فى حضنى يلا
روح نامت فى حضنه والاتنين نامو من تعب اليوم
===================
فى الاوضه اللى فيه رحمه
طارق دخل وكانت شروق قاعده مع رحمه
رحمه:كنت فين من الصبح ياطارق
طارق قرب منها وباس راسها:كان عندى شغل مهم خلصته وجيتلك ياقلبي
شروق:بما انك جيت همشى انا بقي
طارق:هاجى اوصلك
شروق:لا خليك انا هروح لوحدى خليك مع رحمه
طارق:حاضر ياحبيبتى
شروق خرجت وطارق قعد جمب رحمه وحط راسه على كتفها
رحمه:مالك ياحبيبي
طارق:انا عرفت مين اللى بعت الستات يضربوكى
رحمه بعدت عنه وبصتله:مين
طارق:امى يارحمه ... امى اللى بعتتهم
رحمه:معقوله بتكرهنى اوى كدا
طارق:انا مسكت الستات وهما اعترفو عليها بس انا كنت عارف ان هى من قبل مااقبض عليهم
رحمه:وعرفت ازاى
طارق:شروق اللى قالتلى ... للاسف رنت عليا كتير وعشان كنت فى مأموريه ماخدتش بالى من فونى ... يعنى انا كمان مسؤل عن اللى حصلك لو كنت رديت عليها كنت هلحقك ومش هيحصل كدا ده
رحمه حطت راسها على كتفه:حصل خير ياحبيبي ... انا كويسه قدامك اهو ... وولادنا الحمدلله الدكتورة طمنتنا عليهم مش كدا يبقي نحمد ربنا
طارق:الحمدلله.... بس الستات اعترفو وبكدا لازم اقبض عليها
رحمه بعدت عنه:انت اتجننت ياطارق عايز تقبض على مامتك لا طبعا وصدقنى لو عملت كدا انا اللى هبعد المرة دى وبدون رجعه
طارق:دى كانت عايزة تقتلك انتى فاهمه
رحمه:خلاص ياطارق والغلط كمان منك انت رفضت تعرفها انى حامل على الاقل كانت هتفرحلك ومش هتفكر تعمل كدا صح ولا لأ
طارق:بس مش هقدر اسامحها على اللى عملته ده
رحمه:خد وقتك بس هيجى وقت وهتسامح ياطارق دى امك .... بقولك ايه
طارق:ايه يارحمه
رحمه:انا نفسي اشوف الولاد ماتيجى نروح نشوفهم فى الحضانه
طارق:هتقدرى
رحمه:انت معايا يلا
طارق قام وجاب طرحه وساعد رحمه تلبسها ولسه رحمه هتمشي طارق اشتالها وراح على الحضانه وشاورها على ولادهم ورحمه حطت راسها على صدره:حلوين اوى ياطارق اوى
طارق:لانهم حته منك ياقلب طارق... هااا بقي ناويه تسمى ايه
رحمه:مش عارفه محتارة اوى انت نفسك فى ايه
طارق:انتى اللى هتسميهم ياقلبي
رحمه:ايه رايك كريم ونور
طارق:حلوين بس اشمعنا يعنى
رحمه:كريم عشان ربنا كان كريم معانا وحماهم ونور لانهم اكيد هينورو حياتنا
طارق:تصدقى صح انا موافق ومن بكرة همشي فى اجراءات عشان اسميهم ..... يلا بقي نرجع الاوضه
رحمه:خلينى قدامهم شويا
طارق:وماله ياقلبي
ووقفو الاتنين يبصو على اولادهم بحب
===================
صباح تانى يوم فى بيت هنيه ام طارق الباب خبط وشروق فتحت كان طارق
شروق:طاروق تعالى
طارق دخل ووقف قدام مامته
هنيه:مالك ياولدى
طارق:ولدك ... ولما انا ولدك تبعتى ستات يضربو مراتى ليه
هنيه وقفت بصدمه
طارق:مستغربه انى عرفت...انا مسكتهم واعترفو عليكى ...تعرفى انى كنت ناوى اقبض عليكى كمان
هنيه:يامصيبتى هتجبض عليا عشان السنيورة مرتك
طارق:اهى السنيورة مراتى قالتلى لو عملتها ومسكتها هتبعد عنى بدون رجعه شوفتى بقي ....انتى عارفه ان بسبب اللى عملتيه انا كنت هخسر ولادى
هنيه بصدمه:ولادك...كيف
طارق:مراتى كانت حامل فى تؤام وبسبب اللى عملتيه نزفت وولدت فى الشهر التامن والولاد دخلو الحضانه
هنيه بدموع:وكيفهم
طارق:الحمدلله كويسين ويمكن ده اللى شفعلك شوى عندى ورغم ده بردو مش هسامحك
هنيه:وانت كيف متعرفنيش ان مرتك حامل
طارق بصوت عالى:مانا جيتلك عشان اعرفك عملتى ايه هنتى رحمه وقولتلى عليها ارض بور وقتها مشيت وقولت مش هعرفك ووقتها رحمه كانت هتيجى من ورايا تعرفك وحلفت عليها مش هيحصل ولا هتعرفى واديكى عرفتى يارب بقي الغل والكره اللى جواكى ده يقل شويا
طارق مشي وهنيه كانت بتبكى بسبب اللى عملته
================
عدى شهر
يونس بقي كويس جداااا وخرج من المستشفى ورحمه كمان خرجت من المستشفى هى وولادها وهنيه راحت لرحمه اللى سامحتها بسرعه جداا وده بين لهنيه اد ايه رحمه طيبه وبنت اصول ورحمه اللى اتكلمت مع طارق وطلبت منه يسامح امه وانها خلاص عرفت غلطها وبالفعل طارق سامح امه
طارق اللى قبض على اجلال وصفااا واتحكم عليهم بتهمه التحريض على القتل
طارق ورحمه عملو سبوع كبير جدااا اللى عثمان اصر انه يكون فى القصر والبلد كلها حضرت والكل كانو فرحانين
==================
مرت الايام وجه اليوم اللى روح هتولد فيه والكل كانو فى المستشفى واقفين قدام اوضه العمليات وبعد شويا خرج يونس اللى كان مع روح ورفض يسيبها وهو شايل ابنه وقرب من عثمان وادله الطفل وطلب منه يأذنله وعثمان بدا يأذنله فى ودنه والكل باركو ليونس
وبعدها روح اتنقلت لاوضتها والكل معاها وباركو ليها وروح كانت فرحانه جداا بابنها ويونس واقف جمبها ماسبش ايدها ابدااا
روح:حلو اوى يايونس
يونس:ربنا يخليكو ليا ياقلب يونس
رحمه:هاااا بقي هتسمو ايه
يونس بص لروح اللى اتكلمت:يوسف
على:يوسف يونس الهلالى تصدقو حلو بردوو
شهد:عقبالى يارب بقي دانا حاسه انى خللت
الكل ضحكو عليها
================
عدى اسبوع والكل بيجهزو لسبوع ابن كبير البلد ودبحو الدبايح والكل كان فرح وعثمان الهلالى عمله سبوع متعملش قبل كدا ومش بس الناس اللى فى البلد شاركو فى السبوع لا ده حتى البلاد اللى جمبهم جم وحضرو وشاركو عثمان ويونس فرحتهم
=================
مرت ايام كتييير جدا على الكل وهما عايشين سعاده متتوصفش
فى جناح يونس
روح ماشيه وهى شايله يوسف اللى عمال يعيط لانه اخد التطعيم الشهرين
يونس دخل وقرب منها وباسها من راسها:الواد ده تعبك ولا ايه
روح:زى مانت شايف مش بيبطل عياط بسبب وجع رجله
يونس اخده من روح
روح:براحه متحركش رجله
يونس:لا اجمد كدا دانت هتبقي كبير البلد ياض لازم تبقي شديد
روح حطت راسها على كتف يونس:اكيد هيبقي زين الرجال زى باباه
يونس باس راسها وهو اخد يوسف فى حضنه
روح:ده نام ... الظاهر كدا الكل بيحبو حضنك
يونس:بس انا حضنى ملك لروح قلبي وبس
روح:هاته بقي عشان انيمه فى سريره
روح اخدت يونس ونيمته وغطته كويس ويونس قرب منها وفجاه سمعو صوت شهد بتصوت
روح لبست اسدالها والنقاب بسرعه وخرجو شافو على شايل شهد
يونس:مالها ياعلى
على:شكلها كدا هتولد
شهد:انتو هتقفو تتكلمو وسيبنى بتوجع كدا
يونس:طب روح المستشفى واحنا وراك
على:تمام
روح:انا هاجى معاك يايونس
يونس:تمام سيبى يوسف مع امى وتعالى يلا
===============
بعد وقت طويل الكل كانو مع شهد فى الاوضه اللى اتنقلت عليها بعد ماولدت بنوتها اللى الكل اجمع انها نسخه من روح
روح شايله بنت شهد:دى لو بنتى مش هتبقي حته منى كدا
يونس اخدها من روح:دى بقي بتاعتى ياعم حد قالكو تجيبوها زى مراتى
على اخدها من يونس:لا بقولكو ايه دى بنتى واياكو حد يقرب منها ده خط احمر ياباشا
طارق:والله ياعم ليك حق حته قشطه دى المفروض تحطها فى صندوق ازاز وتكتب عليه ممنوع اللمس او الاقتراب
يونس:ماتلم نفسك ياعم طارق
طارق:فى ايه ياعم دانا بدلع النونه
رحمه ضحكت:ماهى حته من روح اللى هيدلعها كانه بيدلع روح
يونس بص لروح:الكل هيفضلو يدلعو فيها وانا هولعلك فيهم كدا
كلهم ضحكو على حب يونس لروح
محمد:ناوين تسمو ايه
شهد:انا كان نفسي اسمى روح بس يونس باشا مش موافق
يونس:هو انتى جيباها شبهها وكمان هتسمى على اسمها هو فى ايه ياعم ماتسكت مراتك بقي....وبعدين هى روح واحده وبس
على:الله بنتنا ياعم واحنا حرين...عايزة تسميها ايه ياقلبي
شهد:هسميها حور .... نفس حروف اسم روح
يونس:اذا كان كدا ماشي اهو احسن من روح
==============
بعد اكتر من ٥ سنين
الكل متجمعين فى جنينه قصر الهلالى كان يوم شم النسيم
كانو مجهزين الجنينه اللى هيقضو فيها اليوم كله
روح وشهد ورحمه وشروق ومعاهم ولادهم الصغيرين
كريم ونور ولاد رحمه وطارق
حور بنت شهد وابنها الصغنن اللى بيحبى حوليهم يحيي
يوسف ابن روح وبنتها القمرايه حنين اللى لسه بتتعلم المشي
وشروق اخت طارق اللى اتجوزت ومعاها زين ابنها اللى عنده سنه
كانو كلهم قاعدين على الارض وبيلونو البيض بالوان كتير جداا وفرحانين
ويونس وعلى وطارق قاعدين بيبصلهم بفرحه
وبعد شويا جه وقت الغدا
كان فى تربيزة كبيرة وعليها كل انواع الملوحه وتربيزة كانت متجهزة بشكل روعه بكل حاجه بنحب ناكلها فى شم النسيم
وقعد على التربيزة دى عثمان ومحمد وراضيه وفاطمه وهنيه
اما باقى البنات والشباب ومعاهم شروق قررو يقعدو على الارض اللى كانو فرشين مفرش كبير وعليه كل الاكل
والكل اكلووو فى جو جميل وضحك وهزار وكانوو مبسوطين
يونس بص لروح بحب وهمسلها:ربنا يخليكى ليا .. خليتى حياتى كله فرح وحب بعد ماكانت باهته
روح بنفس الهمس:ويخليلى حبك وعشقك اللى غير معنى حياتى وداوى جرح كبير جوايا بحبك اوى
يونس:وانا بعشقك ياروحى.....
&&&&&&&&&&
وبكدا خلصت روايتنا ياقمرات وهستنى رايكووو ويارب تكونو حبيتوها زى مانا حبيتها..
بحبك كلكووو♥️♥️
تعليقات
إرسال تعليق