رواية لعبة ابن الأكابر كامله بقلم زهرة الربيع

رواية لعبة ابن الأكابر كامله بقلم زهرة الربيع

جبتلك مربيه للبنت مش هتقدر ترفضها المرادي فيها كل المواصفات يعني متتشافش.. مربيه هتربيك انت شخصيا يا نشأت

نشأت بصلو بضيق شديد وقال...هو انت يا كريم يا حبيبي عمرك جبت حاجه تنفع

كريم ضحك وقال..المرادي هتنفع وهتنفع الكل كمان صاروووووخ

نشأت في ثواني مسكوو من قميصه بغضب وقال..وهو انا مش اول شرط قولتهولك انها تكون وحشه ولا انطرشت

كريم ضحك وحاول يفلت من قبضتو وقال..متبقاش عصبي كده انا قصدي صاروخ متغلف دي منتقبه ومش باين منها اي حاجه

بقلم...زهرة الربيع

نشأت اتنهد بخنقه وقال.. المهم ميار تتعود عليها البنت صغيره جدا مكملتش السنه ونص ومش اي واحده هتنفعها

كريم ابتسم وقال... ان شاء الله هتحبها تعالي يا هناء

نشأت رفع عيونه اول ما قال اسمها ودخلت بنت منتقبه مش باين منها غير عيونها بلونهم العسلي الاصفى من العسل نفسه وفضلت ساكته

كريم قال..ها ايه رايك

نشأت وقف وبقى يلف حاوليها وحاسس بشعور غريب وقال..رأيي في ايه...دي البنت ممكن تخاف منها بشكلها ده

هناء قالت بسرعه ولهفه...متخافش...احم متخافش يا بيه... انا هشيل النقاب لما اكون معاها لوحدنا وهتعرف اني مغطيه وشي بس مش هخوفها اكيد

نشأت ابتسم اول ما سمع صوتها وقلبه بيدق بعنف وقال...تمام اتقبلتي اطلعيلها هيه نايمه في الاوضه التانيه على الشمال

هناء هزت راسها وطلعت بسرعه

بقلم..زهرة الربيع

وكريم بقى يبصلو بدهشه وقال...هو خلاص كده..طب وبالنسبه للمقرر والاساله الكتير اللي بتتحفنا بيها كل ما جبلك.واحده مش هتسألها اي حاجه خالص

نشأت اتنهد وقال...تمام انت يا كريم لو حبيت اغيرها هقولك روح على اوضتك يلا

كريم قال بغيظ... روح على اوضتك ...دي كلمة شكرا على العموم ماشي

عند هناء دخلت الاوضه بلهفه ورفعت النقاب وبقت تبص للبنت بدموع ومقدرتش تمسك نفسها وبقت تبكي جامد وشدتها لحضنها وهيه بتقول وحشتيني يا ميار وحشتيني قوي يا بنتي

بس سكتت وحطتها في سريرها بسرعه لما حست بصوت حد جاي

نشأت فتح الباب وقال ..مفيش داعي للخوف...ده انا...اذيك يا هناء معقوله كل الغيبه دي

هناء ارتبكت جدا وقالت بتوتر وهيه بتحاول تغير من نبرة صوتها.... البنت نايمه... انا لما تصحى هجيبها لحضرتك

ولسه هتمشي مسك دراعها وابتسم بسخريه وشال النقاب من على وشها وقال.... انتي متخيله انك ممكن تيجي وتقفي قدامي وتتكلمي واشوف عيونك وما اعرفكش ووووو

💖💖💖

انتي متخيله انك ممكن تيجي وتقفي قدامي وتتكلمي واشوف عيونك وما اعرفكش..ده انا اتوه عن الدنيا كلها ومتوهش عنك يا هناء... كنتي فين كل ده سنه كامله مختفيه ...كنتي بتشوفيلك سكه تانيه ولا ايه

هناء بصت له بغضب شديد وقالت... لو حضرتك مش عايز مني حاجه انا ممكن انزل اجهز رضعة للبنت

نشأت ابتسم بسخريه وقال...لا ما تتعبيش نفسك بنتي انا هجيب لها مربيه انتي مدام شفتيها واطمنتي عليها تقدري تمشي

هناء بصت له وقالت بحزن... لا مش همشي انا هفضل هنا هخلي بالي على ميار كده كده حضرتك لو جبت مربيه تانيه هتدفع لها انا مش هاخد منك حاجه و لسه هتمشي

نشأت مسك ذراعها وقال بغضب... ما تستفزنيش يا هناء وتخليني اتعامل معاكي بطريقه انا نفسي مش عايزها

هناء سحبت ايدها من ايده بغضب وقالت... قلت لك مش همشي بنتي وحشاني وعايزه اقعد معاها شويه

نشئت قال بغضب شديد ....دي مش بنتك ما بقتش بنتك انت اللي رفضتي تخليها معاكي انا مغصبتكيش على الوضع ده

هناء ضحكت بسخريه ونزلت دموعها وقالت... فعلا انت ما غصبتنيش ...وبصت له بدموع وقالت... حابه اقعد معاها كام يوم بس انا عارفه ان اهلك مسافرين هاخد بالي منها اسبوع واحد لحد ما تلاقي لها مربيه وهمشي على طول

نشأت قرب منها قوي وبص لعيونها جامد وقال... مش هينفع مش هقدر

هناء رفعت عيونها ليه

وهو قال بسرعه... قصدي قصدي مش هتقدري

هناء اتنهدت وقالت بضيق... لا هقدر ما تشغلش بالك..و لسه هتمشي قال بسرعه ....كويس ومنها نطلق كمان ونخلص الموضوع ده

بقلم ....زهرة الربيع

هناء غمضت عيونها وقالت بألم شديد ...ما كانش فيه داعي تستنى لما تشوفني ..كنت تقدر تطلقني غيابي...و مع ذلك تمام قبل ما امشي من هنا هنتطلق ونزلت بسرعه على المطبخ

نشأت فضل باصص لطيفها بحزن شديد وافتكر من سنه كانت بنته يا دوب اربع شهور ورجع على شقته بحزن شديد

هناء جريت عليه وقالت بلهفه....ها قولت لاهلك على جوازنا

نشأت بلع ريقه بحزن شديد وقعد وقال ....قلت لهم يا هناء بس ما فيش فايده بابا مش موافق...انا حاولت كتير والله بس ما فيش فايده

هناء قعدت مكانها بدموع وقالت وصوتها طالع بالعافيه...هنعمل ايه دلوقتي

نشأت قال بارتباك... انا اسف يا هناء انا حاولت صدقيني بس انا مش هقدر استغنى عن اهلي مش هقدر استغنى عن العيشه اللي انا عايشها...مش هقدر ابتدي معاكي من الصفر

هناء نزلت دموعها بسخريه وقالت... فاكر لما قلت لي هنتجوز فاكر يا نشات... انا قلت.. لك قلت لك لو اتجوزنا هنبقى بنغلط وهيجي يوم وانت هتتجبر تختار وهتختار اهلك ...قولتلي انا مش سيبك ابدا.... وصرخت فيه وقالت بدموع وانهيار ...فاكر ولا لا يا نشأت طب انا معايا بنت اعمل ايه دلوقتي

نشأت اتنهد بحزن شديد ونزلت دموعه وقال ...انا اسف اوي انا مش هقدر اسيب اهلي ومش هقدر اشوفك تاني ده شرط بايا الوحيد عشان ارجع البيت ....بنتك خليها معاكي وانا هبعت لها اللي يكفيها

هناء ابتسمت وسط دموعها ووقفت وقالت بجمود...متبعتش حاجه بنتك خدها معاك

نشأت اتسعت عنيه بصدمه وقال... ايه

هناء قالت بنفس الجمود.... خد بنتك معاك يا نشات

نشأت قال بدهشه.... انتي بتقولي ايه...البنت بترضع و

هناء قاطعتو وقالت بدموع ....معلش هتلاقي الف يرضعها ...احنا محدش يعرف عن جوازنا ...ومش هسمح يتقال عنها كلام وحش...انا اتربيت من غير ابويا وعشت في الشوارع واكلت مره والف لا ...وفي النهايه غلطت غلطة عمري لما اتجوزتك وما كانش عندي اللي يمنعني...و انا مش هرضى الحياه دي لبنتي خد البنت معاك وانا هرجع بلدنا

و شالت البنت وضمتها بقوه وبدموع وحطيتها بين ايديه وقالت... يا ريت تبعث لي ورقتي بسرعه يا نشات

نشأت لسه هيتكلم قاطعتو وقالت...متتكلمش متعتذرش ولا تبرر انت مش غلطان انا كنت متأكده اني لعبة ابن الاكابر اللي مسيره هيرميها ومع زلك كملت انا اللي اغلطت وهدفع تمن غلطتي

..............

نشات فاق من شروده على صوت الطفله بتبكي اتنهد بحزن ومسح دمعه نزلت من عيونه وقرب منها وقال...ايه يا قمر انتي صحيتي يا حبيبتي.... في مفاجاه النهارده مامي هنا يلا علشان تشوفيها

في المطبخ كانت هناء واقفه بتجهز اللبن للطفله وحست بحد قرب منها وقال بهمس... صباح الرقه

بعدت بخضه والتفتت له وكان كريم قالت بارتباك ...نعم يا استاذ كريم محتاج حاجه

كريم قرب عليها قوي وقال... محتاج محتاج كتير قوي

هناء بصتلو بغضب وقالت... في حاجه حضرتك

كريم قرب منها وبص شمال ويمين وقال ...بقول لك ايه ما تشيلي البتاع ده خلينا نتعرف ... انت عيونك لوحدهم كفايه

هناء اتنهدت بخنقه وقالت... استاذ كريم اتفضل اطلع وبلاش تجاوز عشان ما اقولش لنشأت باشا

كريم قال بغمز ....ده انت اللي باشا يا باشا

هناء نفخت بضيق ولسه هتزعق ...نشأت قال بغضب... كريييييم

كريم انتفض وقال بارتباك ....احم طيب يا هناء زي ما قلت لك اعملي لي قهوه ذياده

نشات قال بغضب شديد ....هناء هنا مربية ميار وبس ...الخدم كتير اطلب من اي حد

كريم قال بارتباك.... اصل اصلهم اجازه النهارده يا نشات فقلت بس النهارده يعني

نشأت بصلو بغضب وقال... خد ميار وروح اقعد على السفره وانا هجهز لك قهوتك

كريم قال بدهشه ....انت

نشات قال... ايوه انا خد البنت مش عايزها تفضل في المطبخ يلا

هناء قالت بلهفه.... انا اخدها

بس نشأت قال بسرعه... جهزيلها الببرون الاول عشان مش هينفع تفضل في المطبخ مش امان

هناء هزت راسها بالموافقه وكريم اخذ البنت وطلع

نشات قرب منها وقال بغضب... كان بيقول لك ايه

هناء قالت بارتباك ....ما بيقولش حاجه

نشأت شدها عليه بقوه وبص لعيونها بغضب وقال ...كان بيقول لك ايه

هناء اتنهدت بضيق وقالت ...كلام ملوش لزوم ما تقلقش نفسك انا بعرف اوقف كل واحد عند حده

نشأت كان هيولع من جواه وبص لها بغضب وقال....اوعي تنسي انك لسه على ذمتي

هناء ضحكت بسخريه وبقت تجهز الببرونه وقالت... بجد على ذمتك طب خلص ذمتك قوام قوام تجنباً للمواقف دي

و لسه هتمشي شدها بقوه وبقى يبص لعيونها باشتياق واضح

هناء ارتبكت جدا وحاولت تبعد بس رفع النقاب من على وشها وبقى يبص لملامحها اللي اشتاق لها قوي وقال ... انا تعبت في غيابك تعبت قوي و اشتقت قوي قوي

هناء رفعت عيونها ليه بدهشه لما قال كده وهو اتنهد قدام نظراتها وقال ...متبصليش كده من غير حاجه قلبي هيطلع من صدري

هناء قالت بارتباك شديد ....نشات لو سمحت ابعد ..اياك تعمل اللي في بالك انا بحذرك اهوه هصوت وو

بس قطع باقي جملتها لما قرب منها

بس اتصدم بشيء حاد عند بطنه

يبص لقاها ماسكه السكينه وحطاها عند بطنه وقالت بغضب... ابعد احسن لك سيبني

نشأت ابتسم و بص لعيونها وقال..انتي متخيله اني ممكن اخاف منك كده ... انا متاكده انك ممكن تضربي نفسك بيها اهون ما تضربيني

هناء قالت بارتباك شديد ...لا هضربك بيها عادي ابعد احسن لك

نشأت ابتسم وقال ... لسه عشقك دايب في عسل عيونك وطعمه حلو قوي يسكر .... بس مش احلى منهم مبسوط اني رجعت دقتهم تاني

هناء نزلت عيونها بتوتر و دفعته وبعدت بسرعه وهي بتحاول تمنع دموعها وقالت.... انا هروح اكل بنتي

و صدقت ما بعدت من بين ايديه ولسه هتجري ناحيه الباب بس نشأت قال بسرعه......لسه زي ما انتي متغيرتيش لسه بتنسي الدنيا كلها بين ايديا

هناء التفتت له وقالت بغيظ ....وانت لسه زي ما انت ما تغيرتش سا،،فل وو،،اطي ...واخدت الببرونه وطلعت بسرعه

نشات ضحك بخفه وهو بيبص لطيفها وحط ايده على قلبه اللي بيدق جامد وقال.... اجمد يلا ما تفضحناش...ده احنا لسه مبدأناش

في الصاله كانت هناء قاعده وشايله الطفله على رجليها وبقت تديها الببرون والبنت كانت بتضحك وبتشد النقاب من على وشها ومش خايفه منها خالص

كريم ابتسم وقال.... باين لها حبيتك البنت دي بتفهم زي عمها

هناء اتنهدت بضيق وقالت... هو انت اخو نشات باشا

كريم قال بسرعه... اه انا اخوه الصغير...بس الكل في الكل يعني وبياخدوا راي في كل حاجه

هناء ابتسمت وقالت ....اممم واخده بالي قولي بقى هي فين ام الطفله دي

كريم قال ....اسكتي اوعي تجيبي السيره دي قدام نشات اصلها بتعصبه

هناء اتنهدت بضيق وقالت... ليه خير

كريم قال بهمس.... اصل نشات اخويا ده مش مستقيم وكان اتعرف على واحده من الخدم هناو صاع معاها و...انتي عارفه الباقي بقى

هناء قالت بدهشه...ايه صاع

كريم قال بسرعه... اه بس بابا بقى قال له تجيب بنتك وتيجوا تقعدوا هنا ...وراضيناها بقرشين وخلاص

هناء قالت بدهشه اكبر...كمان راضيتوها بقرشين...ده ايه الكرم ده كله بس

كريم قال.. طبعا يا بنتي احنا مش بنيجي على حد

هناء كانت بتدي البنت الببرونه بغيظ وهي بتلعبها وبتضمها وبتحاول تشبع منها

نشأت طلع وقال ...بتتكلموا في ايه

كريم لسه هيتكلم ...هناء قالت بسخريه....الباشا بيحكي لي عن والدة ميار يا حرام صعبت عليا قوي معقوله يعني والدتها تعمل كده وكمان تسبها علشان الفلوس

نشات بص لكريم بغيظ ودهشه ةوووو

اصل نشات اخويا ده بتاع نسوان وكان اتعرف على واحده من الخدم هناو صاع معاها و...انتي عارفه الباقي بقى

هناء قالت بدهشه...ايه صاع

كريم قال بسرعه... اه بس بابا بقى قال له تجيب بنتك وتيجوا تقعدوا هنا ...وراضيناها بقرشين وخلاص

هناء قالت بدهشه اكبر...كمان راضيتوها بقرشين...ده ايه الكرم ده كله بس

كريم قال.. طبعا يا بنتي احنا مش بنيجي على حد

هناء كانت بتدي البنت الببرونه بغيظ وهي بتلعبها وبتضمها وبتحاول تشبع منها

نشأت طلع وقال ...بتتكلموا في ايه

نشات بص لكريم بغيظ ودهشه وكريم قال بتوتر عن اذنكم انا ورايا مشروع للجامعه كان المفروض اكتبه في الابتدائي .. وميل عليها وقال بهمس وغيظ... فتانه قوي مش هحكي لك حاجه تاني ...ومشي بسرعه

هناء بصت لنشات بغيظ وقالت ...دي السيره اللي سايبها لبنتي عني لما تكبر

نشأت اتنهد وقال ....انا مش قايل اي حاجه من دي...كلهم عارفين الحكايه من اولها لاخرها وده اول واحد عارف القصه كلها بس تجراله حاجه لو مألفش افلام من دماغه وخلاص اكيد مش هقول عنك كده

هناء اخذت البنت وقالت... ولا تقول لا انت ولا هما تفرقوا لي

وراحت طلعت البنت نيمتها في سريرها...وبصت لها بابتسامه وقالت...نوم الهنا يا روح ماما

نشات راح لها وقال ...احم تعالي علشان اوريك الاوضه اللي هتقعدي فيها

هناء قالت ...انا هنام هنا جنبها مش عايزه اسيبها دقيقه

نشأت ابتسم وقال....تمام براحتك تصبحي على خير... وطلع وهناء فضلت شويه جنب البنت بتتامل ملامحها وبتتكلم معاها زي ما تكون سمعاها

بعد وقت راحت تاخذ دش..بعد يوم طويل

بعد ما دخلت بشويه ميار صحيت وبقت تبكي وهناء ما كانتش سمعاها من صوت الميه

نشات اوضتو جمبها سمع صوت بكاها راح للاوضه بقلق وبقى يخبط بس ما سمعتوش

فتح الباب و دخل و لقى البنت بتعيط ..وسمع صوت الميه في الحمام

شال البنت وبقى يهديها شويه لحد ما نامت تاني

ابتسم ولسه هيحطها في السرير هناء طلعت من الحمام وهي بتنشف شعرها وبلبس نوم

نشأت اتجمد مكانو وبقى يبصلها باعجاب شديد

هناء اتفاجأت لما شافته في وشها قالت بصدمه ....انت ايه دخلك هنا

نشأت بقى يقرب عليها وقال ... البنت كانت بتبكي... بتبكي قوي..جيت اشوفها و...وحظي حلو قوي

هناء قالت بارتباك شديد ...طيب انا معاها دلوقتي اتفضل اطلع

نشأت قرب عليها قوي وقال ....اطلع ازاي بعد ما اشوفتك كده. .... مش هعرف انام خالص يرضيكي افضل صاحي

هناء ارتبكت جدا وقالت... ارجوك بلاش قله ادب واطلع وما تفكرش تعمل اللي عملته تحت عشان بجد المره دي هالم عليك البلد

نشأت ضحك وبص لها من فوق لتحت وقال.... جامده قوي يا بت فعلا حقك تتنقبي النقاب اتصنع علشان جمالك ده

هناء رفعت عيونها لي بتوتر

ونشأت ابتسم وقال... هو انا ما وحشتكيش ولا ايه

هناء اتنهدت وقالت.... انا جيت هنا علشان بنتي وبس يا نشات انت ما بقتش تلزمني من وقت ما استغنيت عني

نشأت قربها ليه وقال .بس انتي وحشتيني وحشتيني قوي

هناء بصتلو بدموع وقالت....لو كنت وحشتك كنت سألت عليا مره في السنه اللي فاتت دي مش عملت اللي عملته ونسيتني

نشأت اتنهد وبعد عنها وقال....انا عمري ما نسيتك ولا هنساكي...بس بصي حواليكي يا هناء شوف العيشه اللي انا عايشها شوفي المركز اللي انا فيه ازاي متخيله اني ممكن استغنى عن كل ده ازي متخيله اني ممكن ابيع اهلي اصلا

بقلم..زهرة الربيع

هناء قالت بدموع...يعني انا ارخص حاجه في ممتلكاتك وبسهوله تقدر تستغنى عني..تمام...يبقى ما تبصش للحاجه الرخيصه اللي سبتها واتفضل اطلع من الأوضه

اقرا ايضارواية اسر قلبى الفصل التاسع والخمسون( الجزء الاول)بقلم هدير الصعيدي وولاء يعقوب

اقرا ايضارواية اسر قلبى الفصل الثامن والخمسون بقلم هدير الصعيدي وولاء يعقوب

اقرا ايضارواية اسيره الوحش الفصل السابع 7 بقلم سجده محمد حصريه

اقرا ايضارواية اسر قلبى الفصل السابع والخمسون بقلم هدير الصعيدي وولاء يعقوب

نشأت اتنهد وقال... انتي اغلى حاجه عندي بس انتي اللي ما كنتيش قابله بالحل اللي انا قولتهولك

هناء قالت بغضب..... حل ايه ..ده جنون مش حل...عايزني اعيش عمري كله معاك بنفس الطريقه عايزني اخلف اولاد تاني عيلة ابوهم مش معترفين بامهم وافضل مخبياهم ... شوف يا نشات علاقتنا من الاول كانت غلط كانت مجازفه مني وبدفع ثمنها دلوقتي...وانا هنا دلوقتي علشان اطمن على بنتي وبس وهمشي لما هي بقى تكبر شويه وتفهم هي هتبقى تجيلي مش هبقى مضطره اعمل اي حاجه من اللي عملتها دي... يلا حضرتك اتفضل اطلع عايزه انام

نشأت اتنهد وقرب منها وقال... طيب حاضر هطلع ...قولي لي تصبح على خير قبل ما امشي

هناء بصتلو بدهشه من حركاته وقالت.... في ايه طالبه معاك جنان انهارده

نشأت ابتسم وقرب اكتر وقال.... بقول لك قولي لي تصبح على خير فيها ايه دي انا ابو بنتك برده

هناء كانت بتحاول تسايرو وقالت ....طيب تصبح على خير

نشأت بص لها بدهشه وقال ...هي دي تصبح على خير

..احنا من امتى بنقولها لبعض كده

هناء افتكرت حاجه وضحكت جامد وقالت ...اه انت عايز تصبح على خير زي زمان...لا انسى يا حبيبي

كان فيه وجبر ده لما كنا متجوزين

نشأت ضحك وقال ....طب ما احنا لسه متجوزين يلا بقى قولي لي تصبح على خير زي زمان

هناء قالت بتريقه ...تصبح على خير زي زمان

نشأت شدها بقوه بقت بين ايديه وقال وهو بيبص لعيونها ...لو مش هتقوليها هقولهالك انا ...وانتي عارفه تصبح على خير بتاعتي جامده شويه

هناء قالت بارتباك....يا نشأت عيب كده ارجوك اطلع لو اخوك شافنا هنتفضح

نشأت قربها ليه اكتر وقال...بجد وحشاني يا هناء كل حاجه فيكي وحشاني

هناء قالت بغيظ منه.... نشات ابعد كفايه كده

نشات قرب اكتر وقال.... هيه البعيده ما بتحسش ولا ايه معقوله ما وحشتكيش

هناء بصت لعيونه بتوهان

ونشأت قرب وقال... انا كنت بحلم بيكي ليل ونهار ومعرفتش واحده غيرك ما قدرتش ابدا

هناء نزلت دموعها على خدودها من ضعفها وقربه اللي مش قادره تمنعه اكتر وقالت بدموع.... لو سمحت سيبني يا نشأت حرام عليك كده

نشأت ابتسم لما يحس بتاثيره عليها ومسح دموعها وقربلها برقه شديده

هناء استسلمت وهو بقى يقرب لها وهو بيقول بلهفه.... وحشاني قوي... انا اسف.. اسف على اللي عملتو في نفسي واللي عملتو فيكي

ولسه هيكمل سمعو صوت البنت بتعيط

بقلم ....زهرة الربيع

هناء حست باللي بتعمله ودفعته بقوه وسرعه وجريت على

بنتها

نشأت مسح على وشه وجذب شعره لورا وهو مش مصدق ابدا انها فلتت من بين ايدي وقف وبص للبنت وقال ...هو انا عدوك هو انا مش بابا ولا انا خاطفك

هناء كانت عايزه تضحك عليه وشالت البنت وبقت تسكتها وقالت بغضب... شايف عمايلك خليتنا ننسى ان البنت معانا في الاوضه يلا اطلع وبطل سفاله بقى

نشأت قال بغيظ شديد ...والله ما حد سافل غير بنتك.... ايوه ضميها يا اختي تكون في بقك وتقسم لغيرك حظوظ

هناء ضحكت من قلبها وقالت ...اطلع يا نشات

نشات طلع بغيظ شديد وهناء اتنهدت وهي بتفتكر قربه منها وانها سكتتلو و قالت.... ايه اللي هببتيه ده والله البنت الصغيره بتفهم اكتر منك

في صباح يوم جديد كانت هناء قاعده في الصاله مع بنتها وبتغني لها ومبسوطه جدا

نزل نشات وبص لها بابتسامه وقال .....صباح الجمال بقى لي فتره كبيره ما صحيتش على الوش الجميل ده

هناء اتنهدت وقالت...ما تتعودش كلها ايام وهتنساه

نشأت اتنهد و اخذ البنت شالها وقال ...لسه بومه زي ما انتي خايفك تعدي البنت مش تعيشي اليوم اللي انتي فيه وبعد كده تبقي تفكري في الايام السوداء

هناء ابتسمت بسخريه وقالت...كل اللي انا فيه ده لاني سمعت بنصيحتك الهبله دي وعشت اليوم بيومه وانبسطت واتفسحت وخرجت وخلفت وبعد ده كله طلعت مش جديره بالبيه منفعش زوجه لابن الاكابر وحتى بنتي اضطريت اسيبها لك تفتكر اني ممكن اعيش اليوم بيومه مره ثانيه وابطل افكر... هات البنت سيبها معايا ....واخدتها و بقت تاكلها

نشأت اتنهد وقال... معاكي حق بس انا لما اتجوزتك مكدبتش عليكي وقلتلك ان اهلي مش موافقين واني هحاول...و كمان لما رفضو قولت لك افضلي في الشقه بتاعتنا انت وبنتك ومش هخلي اهلي يعرفوا بالموضوع قدمت كل الحلول اللي عندي وانتي رفضتيها

هناء قالت بضيق شديد ...انا مش حابه اتكلم في الموضوع ده

ولسه هتكمل كريم جيه وقال ....صباح الخير... الكتكوته عامله ايه ...وقعد جنب هناء وبقى يلاعب البنت

نشات شده على طرف الكنبه وقال... لاعب الكتكوته من بعيد ماشي يا كتكوت

كريم اتنهد بضيق وقال ...طيب يا نشات ما انا بعيد اهوه

نشات مردش عليه ووقف وبقى يتكلم في التليفون

بعد دقايق دخلت بنت جميله في العشرينات وجريت عليه فورا وضمته وقالت بسعاده ...نشأت باركلي مش هتصدق اخيرا اتقبلت في ادارة الجمعيه

نشأت قال بضيق..احم اهلا يا نسرين مبروك والله ...بس جمعيه ايه دي بقى

نسرين قالت بسعاده ....انت نسيت يا نشأت جمعيه الكلاب المشرده و قريب مش هنخلي ولا كلب مشرد في الشارع

هناء ضحكه جامد وقالت...طب ما تخلوها للانسان المشرد اولى من ا الكلاب ده حتى الناس المشرده اكتر من الكلاب ولا اكمن الكلب بيهوهو يعني

كريم ضحك جامد ونشات حاول يكتم ضحكته ونسرين بصيت لهم بغيظ وقالت.... مين البتاعه دي

نشأت قال ...دي هناء مربيه بنتي الجديده

نسرين بصيت لها بقرف وقالت... او ماي جاد البنت صغيره على الرعب ده

هناء بصيت لها بقرف وميلت على كريم وقالت وهي بتقلد نسرين.... مين البتاعه دي

كريم ضحك وقال... دي نسرين خطيبه نشأت

هناء اتصدمت و الببرون كان هيقع من ايدها و سندته بالعافيه

وقالت..... خطيبته هو نشات خاطب وووو

4_ اتصدمت و الببرون كان هيقع من ايدها و سندته بالعافيه وقالت..... خطيبته هو نشات خاطب

كريم قال بلا مبالاه ...بابا موافق عليها ..هيه بنت واحد من صحابه ومركزه كبير جدا ..و طبعا عند بابا اهم حاجه الاجتماعيات وطبعا نشات مش بيقول له على اي حاجه لا ...يعني حتى لو ما كانتش خطيبته النهارده بكره هتبقى كده

كريم كان بيتكلم بلا مبالاه وهناء كانت منهاره حرفيا بقت تحاول تحبس دموعها وقالت وايديها بترتجف....خلي ميار معاك هدخل اجيب لها لبن تاني ده برد ...وجريت بسرعه على المطبخ

نشات شافها وشافت دموعها لستغرب حالتها المفاجاه وبص لكريم بغيظ وقرب منه وقال.... انت قلت لها ايه

كريم بصلو باستغراب وقال ...هي مين

نشات قال بضيق... هناء قلت لها حاجه

كريم قال.... لا ابدا كانت بتسال على نسرين وقلت لها انها خطيبتك

نشات اتسعه عينيه بدهشه وبصله بغيظ وقال...وهي نسرين خطيبتي

كريم ضحك وقال.... باعتبار ما سوف يكون يعني

نشأت بصلو بغيظ اكبر وقال... جدع يلا ....وسابو وراح فورا وراها

كريم قال باستغراب..هو انا قولت حاجه غلط...فيه ايه

هناء كانت واقفه في المطبخ وبتبكي وايديا بترتعش وهي بتعمل لبن

دخل نشأت واتنهد وقال. .على فكره هي مش خطيبتي ولا حاجه ..ما تصدقيش كل حاجه يقولها لك كريم

هناء قالت بدموع....كريم شايف اللي انا ما قدرتش اشوفه..قال بابا شايفها مناسبه ...ونشأا مش بيقدر يقول له لا ...يعني لو مش خطيبته النهارده بكره هتكون كده.. الموضوع بس مساله وقت...

وبعدين ما تفتكرش اني زعلانه عليك يا باشا انت حر تعمل اللي انت عايزه بس يا ريت بقى لما تيجي ترتبط تفتكر ان في واحده على ذمتك وتطلقها علشان اعرف انا كمان اخذ راحتي وارتبط

نشأت اتنهد بغضب وقال....انتي متضايقه دلوقتي وانا مش هتكلم معاكي حاليا

ولسه هيمشي قالت بسرعه... انا مش متضايقه انا بقول الحقيقه... ابن خالتي هيموت عليا وهو عارف بظروف جوازي منك كمان وما عندوش مشكله بعد ما نتطلق ...كمان يا حبيبي انا صغيره وعايزه اعيش عمري وسني

نشأت قرب عليها ومسكها على من ذراعها بغضب وضغط عليه وقال... هناء ما تنرفزنيش منك قلت لك خدي بالك لكلامك

هناء دفعت ايده وقالت بغيظ ...وانا قلت لك اني واخده بالي من كلامي كويس عادي جدا واحده هتطلق وتتجوز واحد ثاني ده يضايقك في ايه ...ورفعت النقاب من على وشها وقالت بغيظ شديد.... انا حلوه وزي القمر والف من يتمناني يا حبيبي وانت بنفسك عاينت البضاعه وعارف

رغم انها ضايقته بكلامها لكن كان مبسوط جدا بالغيره الواضحه في كلامها وفي عيونها قرب منها وقال ...عارف وحافظ كل حته في البضاعه بس البضاعه دي متباعه ....انا حاطط ملكيتي على كل حته فيها...وقرب اكتر وقال ....و عندي استعداد احطها تاني وتالت وعاشر لحد ما تتأكدي

هناء قالت بضيق...نشأت ابعد و

بس قبل ما تكمل قرب منها وو

بعد شويه وقال.... انا بعشق ام البضاعه ...دي حقي انا انا وبس.... هناء اوعي تقتليني وتسلميها لغيري

بقلم...زهرة الربيع

هناء رفعت عيونها وبصت لعيونه وقالت ...طب وانت

نشأت ابتسم وهو بيبصلها بعشق وقال.... انا سيبتك لاني اتجوزت من ورى بابا و كانت غلطتي اللي خلتني ما قدرتش اتكلم معاه.. وعملت اللي هم عايزينه وبعدت عنك بس ما حدش يقدر يجبرني على غيرك

هناء ابتسمت على كلامو بس اتنهدت وقالت...يعني هتفضل من غير جواز

نشأت قال بسرعه... بس انا متجوز ..ومش عايز غيرك ولو ما كنتيش معايا مش هدخل على القلب غيرك ...وبص شمال ويمين بيتاكد ان ما فيش حد وقال ... انا هقول لك على سر انا بقيت غير صالح لواحده غيرك ....زي ما بقول لك كده انا كنت خارج من اكتئاب انفصالنا وحاولت..و الموضوع بقى عامل زي الاكل البايت يشبع وبس لكن لا طعم ولا لون ما حسيتش باي حاجه من اللي بحسها معاكي

هناء ا تسعت عنيها بدهشه وهو بص لها وابتسم وقال....بس الكلام ده بينا اوعي تقولي لحد وقربلها بسرعه بسرعه وقال ....حضري الببرون واعملي لنا سندوتشات واكلات خفيفه علشان هنطلع نتفسح وانا مش باكل من بره

قال كده وخرج من المطبخ وهي فضلت واقفه بتبص لطيفه بزهول وخجل وقالت... ايه المجنون ده ..وضحكت بخفه وقالت يا خراااابي بحبه

وجهزت الببرون لميار وجهزتلهم هما كمان اكل وخرجو كلهم ماعادى نسرين كان معاها جمعيه مهمه راحتلها

كريم ونشأت وهناء وبنتهم طلعوا واتفسحوا في اماكن كثيره وبقوا يتصوروا ويهزروا سوا ومبسوطين جدا مع بعض

مر اسبوع كامل ما بين فسح وخروجات وجو عائلي جميل ما بينهم في البيت كل شيء كان جميل جدا

هناءكانت مبسوطه جدا بجودها مع بنتها وحب عمرها دي الحياه اللي كانت بتتمناها والسعاده اللي كان نفسها تعيشها كانت بتستمتع بكل لحظه مع انها عارفه انهم يومين وهيعدوا

نشات كان نفس الفكره الاحساس بالابوه والمسؤوليه تجاه هناء ووجدها معاه كاسره ماثر فيه بشكل جميل جدا اتمنى من قلبه لو كانت هي دي فعلا حياته

في يوم كان راجع من الشغل وكانت منيمه الطفله ونايمه هي كمان

دخل علشان يطمن عليهم بس كانت هزاء نايمه قرب منها وقعد جنبها على السرير بهدوء

بقى يتامل ملامحها وقرب منها شويه بس فتحت عيونها بزهول لما شافته وقالت ..نشأت يخربيتك ايه اللي جابك دلوقتي لاحسن حد يشوفك

نشأت قرب اكتر وقال ...مين هيشوفني بس

هناء قالت بقلق...الدنيا ليل وممكن كريم ولا حد من الخدم يشوفك تبقى مصيبه

نشأت ابتسم وهو بيبص لعيونها وقال... ما يشوفني انا مع مراتي وبنتي... وقرب منها قوي وقال... ما تخلينا نقضي الليله دي سوا... انتي وحشاني قوي قوي هموت عليكي

هناء بصتلو بزهول وقالت.... لا ده انت اتجننت رسمي اخرج من هنا بقول لك

قرب اوي وقال ...يا بت بقول لك وحشاني هاموت عليكي حسي انت ما بتحسيش خالص

هناء ابتسمت ونزلت عيونها وقالت... بحس ...

نشأت حط جبينه على جبينها وقال بسعاده..ها حاسه بايه

هناء قالت بدلال ... حاسه بقى متكسفنيش

نشأت قال بلهفه...يا بت قولي حاسه بايه نشفتي ريقي

هناء قالت بسرعه ....حاسه ان نفسي ارقع بالصوت والم عليك البلد وازفك زفه ما حدش اتزفها قبل كده وكلها تشوف الباشا ابن الأكابر وهو بيتسحب في نصاص الليالي عند الخدم... ياه لو عملت كده ما هبرد ناري منك ومن ابوك اللي حاطط مناخيره في السما

نشأت اتسعت عينيه بصدمه وبعد عنها وقال ....هو ده اللي بتفكري فيه في الوقت اللي احنا فيه ده

هناء قالت بابتسامه اه اهو ده بس اللي بفكر فيه

نشأت قام بضيق وغيظ وقال ...تصدقي بالله انا الغلطان اللي بعبرك اصلا ..خليكي يا اختي نامي اتخمدي ..ومشي بغيظ

هناء ضحكت جامد وبقت تحاول تنام

بعد دقايق حست بايد عليها اتنهدت وقالت وبعدين يا نشات رجعت تاني ليه

قال بهمس ... انا مش نشات انا كريم بس انا اجمد منه على فكره

هناء اتسعت عينيها بزهول وخضه وقامت وهي بتحول تلاقي حاجه تلبسها وقالت بزهول...انت بتعمل ايه هنا اطلع بره انت اتجننت

كريم قال ..خلاص بقى ما تعملش فيها شرفه ونقاب وبتاع انا شوفت نشات من الشباك وهو معاكي هنا وكنتو اخر انبساط مجاتش عليا يعني انا بدفع حلو اوي ووووو

خلاص بقى ما تعملش فيها شرفه ونقاب وبتاع انا شوفت نشات من الشباك وهو معاكي هنا وكنتو اخر انبساط مجاتش عليا يعني انا بدفع حلو وبصلها باعجاب وقال....بس ايه ده يا بت انا ما تخيلتكش مزه كده

هناء لطمت بخوف و قالت...انت بتقول ايه اخرج احسنلك انا هصرخ وهلم عليك الدنيا

كريم قال بغضب... في ايه يا بت ما بقول لك هدفع لك زيه ولسه هيهجم عليها صرخت بقوه ونادت لنشات اللي جه جري

كريم لسه هيضربها وبيقول اخرسي ... دخل نشات وشده بغضب وضربوا بوكس قوي وقعه على الارض

هناء كانت بترتجف وبتبكي ونشأت بصلها بحزن ولبسها جاكته وقال... اهدي ارجوكي اهدي

كريم قام وقال بدموع...انت بتضربني انا اخوك علشان واحده خدامه ..وياريتها خدامه نظيفه كمان.... لكن عادتك ولا هتشتريها ما انت من زمان ليك في الخدم وتموت في الصنف ده

نشأت قال بزعيق وغضب.... اخرس يا حيوان اخرس هناء مراتي واياك تقول عنها نص كلمه

هناء اتصدمت انه قال كده قدام اخوه

وكريم بص له بدهشه شديده وقال... انت بتقول ايه مراتك ازاي

نشأت اتنهد وقال... هناء مراتي وام ميار جت هنا علشان تقعد مع بنتها وانا كنت بقرب لها لانها مراتي هي لسه على ذمتي ما طلقتهاش

كريم لطم على خدوده وقال... يا نهار اسود هيه دي مراتك... ده انا قلت لبابا وهو جاي يطردها

بصوله بصدمه وزهول ونشأت قال ... قولت له ايه الله يخرب بيتك

كريم قال بدموع وتوتر ....اصل اصل بابا قلقان عليك من ساعه موضوع جوازك من هناء لانها كانت خدامه عندنا فوصاني قبل ما يمشي لو لقيتك بتعامل واحده من الخدم بطريقه خاصه اقولو على طول وانا لما لقيتك بتفسحها وبتخرج معاها وكده وقلت له وهو زمانه على وصول ...هو جاي يبهدلها ويطردها بنفسه يا ريت تمشيها قبل ما يجي بدل ما تحصل مشكله

نشأت بصلو بغضب شديد وقال.... ماشي يا كريم حسابك معايا بعدين

كريم بقى يقول بحزن... والله ما اقصد والله ما اقصد ما كنتش افتكر كده

هناء جريت بسرعه ولبست عبايتها ونقابها وشالت بنتها وبقت تضمها كتير وهي بتبكي جامد

كريم ونشات بقم يبصولها بشفقه شديده وهي بتضمها بقوه وبتبكي بالشكل ده

كريم قال بدموع حقك على راسي انا اسف حاولي تسامحيني ..وانا اوعدك هاخد ميار واجيبها لك امتى ما تحب تشوفيها

هناء هزت راسها بدموع ومشيت وعيونها على سرير البنت

نزلت وكريم ونشات معاه عايزين يركبوها تاكس بس عند الباب لسه هيخرجوا ودخل راجل في ال 50 وبص لهم بغضب شديد وبص لهناء وقال ....ما شاء الله لقيت لك خدامه تانيه ومنقبه برضو...طبعا عايز ترمرم معاها في غيابنا وتعمل لنا مصيبه وتيجي تقول لي خلفت زي المره اللي فاتت

كريم قال بسرعه.... يا بابا لا انا اللي فهمت غلط والله

ابوه قال بغضب شديد.... انت تخرس خالص

وبص لنشات وقال بحده... رد عليا يا بيه مش بكلمك

نشأت اتنهد وقال ....انت فاهم غلط دي مربيه للبنت اصلا هي ماشيه النهارده ما فيش اي حاجه من اللي في دماغك

ابوه قال بغضب شديد ...لا والله مفيش حاجه من اللي في دماغي وكنت بتعمل ايه في سريرها والهانم مستقبلاك بهدوم النوم

نشأت التفت لاخوه بغضب شديد ...وكريم نزل راسه بحزن

هناء بقت تبكي بشده من الموقف اللي محطوطه فيه

وابوه مسكها من ايدها بغضب وقال .....من غير مسكنه يا اختي يلا غوري في داهي ....ودفعها عند الباب

هناء سندت نفسها بالعافيه ونزلت دموعها وكانت خلاص هتطلع من الباب بس نشات قال بسرعه ....البنت دي اشرف بنت ممكن تشوفها يا بابا... هي ما عملتش حاجه غلط...انا فعلا كنت في سريرها لان هناء مراتي ام ميار بنتي انا لسه ما طلقتهاش

الكل اتصدمو لما اعترف كده بس كانت الصدمه الاكبر للجميع لما قال ومش هطلقها كمان الكل التفتوله بصدمه وابوه قال بزهول... يا سلام يعني هي دي الهانم الاولانيه طب كويس ما طلعتش بتجدد بما انها وصلت هنا خلينا نخلص ونقطع عرق ونسيح دم ارمي عليها يمين الطلاق...وانا هبقى اتأكد بنفسي انها ما تدخلش البيت ده تاني ...هي ملهاش بنات عندنا

نشات قال بقوه ... الظاهر ان حضرتك ما سمعتنيش كويس يا بابا انا بقول مش هطلقها

ابوه قال بغضب شديد....انت اللي مش عارفني كويس ومش عارف انت بتخسر ايه

نشأت قال بسرعه ....كريم لو سمحت اطلع جيب ميار جيبها لوحدها من غير حتى هدومها

ابوه اتصدم بكلامه و كريم كمان وهناء كانت واقفه بتبص له بذهول شديد

نشأت قبل ايد ابوه بدموع وقال ...انت حقك تختار عيلتك وتختار تحافظ عليها بطريقتك....وانا كمان حقي اختار عيلتي انا اتجوزت البنت دي ووعدتها اني هكون معاها وسبتها سنه كامله علشانك بحاول معاك يمكن ربنا يهديك بس الظاهر انك عمرك ما هتحن لحالي.... انا مش عارف اعيش من غيرها وهيه مش عارفه تعيش من غير بنتها احنا ملناش غير بعض

كريم نزل وشيل البنت لاخوه

ونشأت قال ....اشوف وشكم بخير..انا ماشي مع مراتي امتى ما تحس ان ليك ابن محتاجه جنبك هتلاقيني...بس دلوقتي ابنك لازم ييقوم بواجبه كأب زي ما انت قمت بواجبك

كان شايل بنته على ايده و مسك ايد هناء وخرج من الباب تحت نظرات الذهول على وش ابوه ... وفرحة كريم اللي قال بصوت عالي ...والله راجل يلا برافو عليك

ابوه بصله بحده وهو قال بتوتر ... قصدي راجل عيل يعني

ابوه حط ايده على دماغه وقعد على الكرسي بذهول وهو مش مصدق ان الحاجه اللي كان خايف منها تحصل من زمان حصلت وفعلا ابنو ساب البيت

نشات وهناء خرجوا من الجنينه وكانوا بيتمشوا على الرصيف وهو ماسك ايدها بقوه

هناء وقفت والتفتتلو وقالت بدموع.... انت متاكد من اللي انت بتعمله ده

نشأت ابتسم وهو بيبص لعيونها وقال.... في حاجه واحده بس اتأكدت منها في السنه اللي عدت دي اني مش عايش من غيرك ما حسيتش بالحياه ولا بان الدم بيجري في عروقي والقلب بيدق وينبض غير من بعد ما رجعتيلي .. كل حاجه في وجودك ليها لون مختلف... ابويا في النهايه عمره ما هيسيبني عمره ما هيتبره مني جايز يزعل الاول اكيد في الاخر هيقدر..بس لو سبتك تخرجي دلوقت هبقى باخسرك للابد انا ما عنديش استعداد اخسرك ابدا

هناء نزلت دموعها وقالت .... انا بحبك اوي مش مصدقه انك رجعتلي دي كانت امنية حياتي

نشأت اتنهد وقال...طب انتي متأكده انك كده مبسوطه...طب بتعيطي ليه يا بومه...يا بت بس ما تعيطيش احنا في الشارع بدل ما ارفع النقاب ده وارقعك .. تنسيكي اسمك ويمكن تنسيكي نشات نفسه

هناء ضحكه بخفه وقالت.... الدنيا كلها مستحيل تنسيني نشات

نشات ابتسم وقال...ونشأت بيعشقك يا هنائي انتو الاتنين كنزي ودنيتي انتو وجودي ومش هستغنى عنه يوم واحد بعد كده❤

كنتم مع🌹 لعبة ابن الأكابر🌹 بقلم...زهرة الربيع زهرتكم تحيكم ودمتم في امان الله مع من تحبون