مجمع الروايات الكامله والحصريه فقط اضغط على اسم الروايه موجوده كامله في موسوعة القصص والروايات جميع الفصول مع البرنس محمد السبكي قصص وروايات كامله يسعدني تواجدكم معنا في المدونه

 

رواية عشقك لعنتي الفصل الثانى والثلاثون والثالث والثلاثون بقلم شروق مجدي

رواية عشقك لعنتي الفصل الثانى والثلاثون والثالث والثلاثون بقلم شروق مجدي

عشقك_لعنتي 

#بقلم_شروق_مجدي. 

الفصل 32

صلى على الرسول صلى الله عليه وسلم ♥️

.........................................

بالفعل بعد وقت وصل يحيى هو وعيسى ومروان 

وكان يجلس بغرفه الانتريه محمود والد نور ومعه وجدي زوج مارينا و عمران وبيشوي ايضا 

رحب الجميع بهم بشده وايضا محمود بيحيى بشده وجلس معهم 

وقال له محمود بهدوء شديد : انا عارف كل حاجه يا يحيى والحقيقه انا خدت قرار و عندي راي تاني في الجوازه دي 

اتوتر يحيى جدا وشعر بالقلق انه اكيد يعرف شئ عن الماضي فقال بتوتر : مش فاهم حضرتك تقصد ايه بالظبط 

محمود وقال : بص يا ابني انا فاهم كويس ان انت كده المفروض شرعا جوز بنتي لكن قانونا مش جوزها والناس كمان عارفين ان زيدان مات وانا يشرفني اكيد ان يكون جوز بنتي بطل زيك كشف ناس كثير من المافيا بره مصر وجوه مصر من ضمنهم ناس كانت وسطينا وبياكلوا معانا عيش وملح وكان هياذي بنتي

فانا عايز اقول لك انا ما عنديش غير البنتين دول نورهان وليان والحقيقه كنت خايفه اكتر على ليان لانها شقيه ومتسرعه وبيحركها اكثر مشاعرها بس اطمنت لما بقت مرات عمران لان عمران ابني اللي مربيه على ايدي وعارف كويس هو بيفكر ازاي اما نور فانا واثق في اختياراتها وبثق فيها اكثر من اختياراتي من نفسي وعارف انها يوم ما تقول انا عايزه الشخص ده يبقى هي متاكده ان الشخص ده اللي هيساعدها وفكرت كويس بقلبها وعقلها وعشان كده بشيل عنك التوتر ده ، القعده دي اصلا ما لهاش لازمه مش هقول لك هات لها مهر وشبكه قد كده انا مش بتاع الكلام ده خالص احنا عايزين فرح حتى لو متوسط زي اللي اتعمل لليان علشان الناس كلها تعرف جوزها مين وهنكتب الكتاب طبعا عشان يتثبت في الاوراق قانونيا انك جوزها اما بقى القاعده دي اعتبرها قاعده تعارف او قاعده بمناسبه اول يوم العيد الحقيقه انا عارف ان انت ممكن تكون استغربت ان انا وافقت انك تيجي اول يوم العيد بس انا وافقت عشان تقضي اول يوم العيد انت وهي مع بعض وسطينا هنا لاني عارف ان سيليا اختك واكيد نفسك تقضي العيد معاها وكمان عارف ان انتم ما لكوش حد هنا وانا عايز قبل ما اموت اعمل عيله لبناتي يتحاموا فيهم ومعاهم فبلاش بقى التوتر اللي انت فيه ده وشويه والبنات جايين وامهم بتعمل الاكل

اتنهد يحيى براحه شديده جدا وبقى فرحان فرحان قوي وقال : انت مش فاهم حضرتك عملت ايه دلوقتي انت شلت من عني كميه حرج والحقيقه ما كنتش عارف اقول لك ايه اصلا يعني انا مش عارف ادخل ازاي في حقيقي انا بشكر حضرتك

عيسى بفرح : الله طب ده حضرتك طلعت راجل عسل والله ده كال ودني في الطريق اقول له ايه واعمل ايه واتكلم ازاى

ضحكه كلهم عليه قال عمران : لا انت ما تعرفش عمي ده اعتبره ابوك التاني هو جدا حد طيب ومش بتاع تعقيد بس اعمل حسابك يوم ما هتزعل نور قراراته مصيريه صارمه انا عارف كويس

ابتسم يا محمود وقال : ما انا قلت له في الاول انا ما عنديش غيرهم الاثنين يعني مهما انا عملت لهم عيله هم عندي اغلى حاجه في الدنيا وما انكرش ان عمران كمان عندي اغلى حاجه في الدنيا ده هو اللي متربي من صغره معايا وانا اللي مربيه على ايدي وعشان كده اطمنت لما اديته ليان 

يحيى بفرح : اطمن حضرتك نورهان في عيني عمري ما هزعلها ابدا ولا هخزل حضرتك فيا في يوم 

ابتسم محمود وقال : لا من ناحيه دي انا عارف اصلا هي هتعرف تاخد حقها كويس قوي منك 

ضحك يحيى وقال : حضرتك هتقول لي انا مجرب وحط ايده على وشه بضحك وكلهم بقوا عمالين يضحكوا

‏قال بيشوي : اه ده انت مجرب بقى شكلك دي عليها بوكس يا ابني انا مجربه مره كانت في خناقه في الشارع حد كان مزعل ليان والعيال كانت صغيره وهي كانت طالعه بتعيط كنا في عيد برده تقريبا 

ضحك عمران وقال : ايوه فاكر اليوم ده لما نزلنا ساعتها وكنا تقريبا في الثانوي بس نور اول ما شافت اختها طالعه بتعيط كده وبتقول لها ان في ولد في الشارع ضربها نزلت جري قبلنا ما لحقنهاش ومسكت الواد اكلته علقه هي من صغرها بتحب الحاجات دي الكاراتيه والكونغ فو وفنون القتال عامه

كمل بيشوي بضحك : جيت ساعتها حوش على الواد من كتر ما هو صعب عليا يا عيني وهي بتضربه وبتقول له انا اختي ما تضربش رحت جيت احوش عنه اديتني حته بوكس وقعت في الارض ما قدرتش انطق من البوكس

ضحك عمران وكمل : نزلت انا ساعتها لقيت بيشوي يا عيني وقع في الارض وامسك وشه والثانيه نازله في الواد ضرب والواد يقول حد يلحقني من مجنونه دي حوشته عنها بالعافيه وقلت له اول ما حوشته اطلع اجري بسرعه طلع يجري وعمال يقول انا اسف انا اسف ما كنتش اعرف انها اختك

ضحكه كلهم جامد وقال عيسى : خاف على نفسك بقى يا يحيى لو زعلتها انت حر

فضل يحيى يضحك وقال له : ما قلت لك انا مجرب يا ابني

ضحك عيسى وقال : اه انا فاكر لما جيت في مره لقيت وشك متخرش وقلت لك مين اللي عمل فيك كده ضحكه كلهم جامد عليهم

استغرب محمود وقال : انا ما اعرفش الكلام اللي انتوا بتقولوا عليه ده حصل امتى 

عمران : والنبي يا عمي تسكت بنتك نورهان دي كانت جايبه لنا مشاكل في المدرسه هي وليان ومريم اصلا 

وجدي باستغراب : ليه كده

بيشوي بمرح : انا فاكر مره لما مريم جات معيطه برده بسبب ان حد خد منها كيس الشيبسي بتاعها وراحت لنورهان الفصل ونورهان ساعتها كانت كبيره عنهم وتقريبا وانا قاعد كده انا وعمران واصحابنا سمعنا صوت دوشه جامده وان في خناقه وفجاه لقينا واحد بيقول دي نورهان بتتخانق وقف عمران وقال مافيش غيرها اللي عامله مشاكل تعالى نشوف المره دي عملت اي 

ولقيتها ماسكه الواد والا تاخد منه الفلوس حق كيس الشيبسي بتاع مريم يا نهار لا لا لا ليان ومريم لما كانوا يعملوا حاجه كانت البودي جارد بتاعهم هي نور واجارك بقى لو نور دي اصلا حد فكر يدوس لها على طرف كانت بتسحله 

ضحكوا كلهم جامد وقال محمود بمرح : ده انا كده بقى اطمن على بناتي اكثر ما انا مطمن 

ضحكوا كلهم وقال يحيى : ربنا يدي لك طوله العمر 

ابتسم محمود وقال : طب يلا بينا بقى عشان نخرج بره الصالون ده للناس الاغراب وانتم خلاص ما بقيتوش اغراب وقبلكم مروان ولا انت هتعمل فيها غريب يا مروان 

ابتسم مروان وقال : حضرتك الخير والبركه يا عمي 

وفعلا خرجوا وقعدوا في الصاله كلهم وناهد كانت فرحانه جدا وندهت بفرح على البنات عشان يجوا خرجت سيليا ومريم ونور وكانت نور ترتدي فستان بينك صك في غايه الروعه هادئ مثلها ظل يتطلع لها يحيى بنبهار شديد اللون عليها كان اكثر من رائع

قبل محمود راسها وهو يقول : مبروك يا حبيبتي 

ظلت التنظر ليحيى بفرح شديد ولم تكن تتوقع ان يوصل هو وهي لتلك المرحله اتجه للداخل محمود ووجدي وجلسوا بغرفه الانتريه سويا وجلس لشباب جميعا بالخارج 

فقال بشويه لمريم : ايه الفستان الجامد ده لا لا يجنن عليكي يا مريومه 

مريم بفرح : بجد عجبك

بيشوي: جدا حلوه قوي عليكي 

كان الفستان باللون الزهري يصل الى الركبه وبكم 

وضع يده في جيب سرواله وهو يعطي لها الاموال ويقول: عيديتك اهي يلا اخليها عليا واديك عيديه عشان ما تقعديش تقولي لي بيان معاها فلوس وانا لا بس انا كمان عايز العديه بتاعتي

ضحكت مريم بمرح وقالت : ليك عندي عيديه بس كده عيوني 

بيشوي بهمس : تسلم لي عيونك يا روح قلبي

اما مروان فقبل يد سيليا وقال : كل مره بشوفك بتكبري عن المره اللي قبلها ايه الجمال ده كله 

سيليا بتفكير : حلو اللي انت قلته ده عجبني هيزودك عندي درجه ولا اثنين كده

ابتسم وقال لها: ريحي نفسك يا سيليا انا خدت قرار خلاص انتي ليا انا وبس

ضحكت بمرح وقالت له : يعني حلو الطقم 

بص لها باعجاب شديد وقال : يجنن

فكانت ترتدي جيب طويل مفتوح بفتحه من المنتصف لركبتها وبدي قط قصير اسود وترفع شعرها للاعلى على شكل كعكه فوضويه كانت بغايه الجمال ايضا 

اقترب عمران من نورهان وقال : هي ليان فين ما خرجتش ليه 

نور بمرح : ادخل شوفها جوه قاعده ومقموصه وزعلانه ولاويه وشها

عمران باستغراب : ليه 

نورهان بمرح: عشان انا ومريم طرقعنا لها عشان تتهد شويه

عمران : دي ملاك يا بنتي ملاااااك 

نورهان بمرح : انت هتقول لي اختي وانا عارفاها ضحك عليها وقام يدخل يشوفها

يحيى : طب انا مش عارف اقول ايه الصراحه ايه الجمال ده انا كل يوم يا نور بحس اني مش معقول الدنيا هتفضل تضحك لي كده او ان اخيرا غيرت حياتي الى مكنتش حبيبها انا حاسس ان انا بحلم وخايفه اصحى من الحلم ده وايدك مش في ايدي

نور : انا اللي مش مصدقه ان اخيرا بقيت معايا انا كنت واثقه ان عمرنا ما هنكون لبعض وكنت خايفه قوي ان انت ما ترضاش تساعد ادهم وما نقدرش نعمل حاجه وقتها بجد كنت هموت من جوايا يا يحيى 

يحيى : طب انا بقى ما سالتكيش سؤال نفسي اساله لك من زمان 

نورهان : ايه هو

يحيى : انهي اسم اللي بتحبيه اكثر بتحبي زيدان ياسر ولا ،ze جاسر ولا يحيى ومش عايز اقول لك بقيه الاسماء اللي انتي اصلا ما تعرفيهاش يعني ضحكت بقوه هي تقول : هي لسه في اسماء تاني غير دي

ابتسم عليها واكمل : اه الحقيقه مش هكذب يعني في كثير جدا من ضمنهم اسم كده غريب داوود

ضحكت بقوه: داوود هي حصلت لا انا الاسم بصراحه اللي انا بحبه ياسر وبعدها يحيي والاكثر يحيى لانك شخص جاي كانك مولود من جديد بتبني حياه جديده بتاعتي انا وانت وبس يحيى انا نفسي افضل طول العمر جنبك 

قرب منها اكثر وقال بهمس: وانا نفسي افضل العمر كله في حضنك

ابتسمت بخجل وظلت صامته بس اتخضت هي وهو على صوت عيسى بيقول : لا كده كثير انا بقى قاعد بعمل ايه يعني واحد ودخل لمراته جوه ومروان وهو قاعد يحب فسيليا الزئرده والاستاذ بيشوي قاعد يحب لي في مريم انا قاعد بعمل ايه بقى

سيليا بغيظ : انا سيليا مش زئرده صدق انك رخم بس فجاه سمع صوت الجرس لباب الشقه فقامت مريم فتحت وقالت: دي اكيد ميرنا بنت خالتي 

عيسى بضحك : طب ودي حلوه ولا لا 

بيشوي : احترم نفسك

دخلت ميرنا فتاه جميله ورقيقه ومهذبه وقالت: مساء الخير ازيكم جميعا قامت نورهان وسلمت عليها وحضنتها جامد وقالت : كنت هزعل لو ما كنتيش جيتي احنا متعودين نقضي اول يوم العيد مع بعض وبعدين انت هتحبي الجماعه هنا يعني ما فيش كسوف ولا حاجه تعالي تعالي

عيسى بهمس ليحيى : الله دي حلوه قوي هي مرتبطه يحيى : متهيا لا نور كانت حكيت لي عنها بس قالت انها مش مرتبطه 

ابتسم عيسى وقال : ايوه كده اهو انا كده احبك يا نور

عشقك لعنتي بقلم شروق مجدي 

.........................................

بالداخل كانت تجلس ليان وتنتظر دخوله بالطبع ان لم يراها بالخارج سوف يدخل لها بالفعل وجدت ترك على باب الغرفه وفتح الباب واتجه للداخل 

ووقف امام الباب وظل ينظر لها ثم اتجه للداخل واغلق الباب واسند ظهره عليه وقال : ما خرجتيش ليه معاهم 

ظلط كما هي تجلس على الفراش وتضع يدها على

وجنتيها بحزن وهي تربع قدميها

اكمل هو : الله هو انتي مزعلاني وانت اللي مقموصه مش فاهم انتى زعلانه ليه دلوقتي

رفعت عينيها ونظرت لها وهي تقول : وانا زعلانه عشان زعلتك

ابتسم واقترب وجلس امامها واكمل : طب وما لبستيش ليه اللبس الجديد بتاعك قاعده زي ما انتي بالبيجامه يعني

ليان بحزن : عشان انت زعلان مني وانا ما كنتش اقصد ازعلك 

بعدت يدها عن وجنتيها وهي تتمسك بيده وتقول: انا اسفه بس انت كمان المفروض تفهمني احنا كانت العلاقه ما بينا معقده جدا وخصوصا كمان لما كانت نيار دي لسه فيها وانا مش عارفه انت كنت بتحبها ولا لاء ، هي كانت موجوده ما بيننا وانا كنت شاكه بصراحه ان انت بتحبها فكانت كرامتي مش سامحه لي ان انا اخذ منك اي حاجه ولا اني حتى اعتبرك زوج ليا لاني كنت عارفه ان انت هطلق.......

ابعد يده عن يدها ووضعها على شفتيها وهو يمنعها من تكمله ما تقوله واكمل : انا ما حبتش غيرك حتى لو كان متهيالي ان انا كنت معجب بواحده ثانيه وفاكر اني بحبها بس اكتشفت بعد كده ان انا ما حبتش غيرك ليان تعالي نبدا مع بعض من جديد تعالي انا وانتي من غير اي حواجز ولا اي قيود ولا اي حد بينا نبدا انا وانتي وبس تعالي ننسى اي حاجه وحشه حصلت ونفتكر ان انا وانتي متجوزين وبس تعالي نبدا من جديد انا بحبك وبحبك قوي كمان

فاجئته هي وهي تقترب منه وتحتضنه بقوه وفجاه وجدها تبكي وتقول : انا بحبك بحبك قوي وعمري ما شفتك وحش ولا عمري هشوفك وحش حتى لما حصل بينا ده ما كنتش قادره اشوفك وحش بس كنت بخاف اظهر ضعيفه قدامك واني حتى مش قادره انساك ولا اقاوم حبك وانا عارفه انك بتحب غيري

حضنها جامد وهو يقول : انا بعشقك وبعشق جنانك وبعشق كل حاجه فيكي وما ليش حد في الدنيا غيرك ممكن بقى ترجعي معايا زي الاول

ضحكت بمرح وتحاوط وعنقه بيدها وتقول : اعتبرك اخويا يعني

ضحك بقوه على شقواتها تلك وقال: لا طبعا اقصد ترجعي معايا زي الاول تحت بند اني جوزك مش اخوكي ويلا بقى قومي البسي وريني الفستان الجديد مع اني كان نفسي ان هو يكون من فلوسي انا وتعملي زي ما كنت بتعملي وتيجي توريه ليا اول واحد

ليان بخجل : خلاص بقى ما قلنا هنبدا من جديد وعلى العموم خليك قاعد انا هقيسه واوريه لك انت اول واحد

اقترب منها بخبث وهو يغمز لها بعينيه ويقول : يعني انتي هتغيري هدومك هنا قدامي 

ضحكت بمرح وهي تجذب الوساده وتضربه بها وقالت : لا انت هتغمض عينك واحترم نفسك بقى يا قليل الادب انت 

ضحك بقوه واكمل : انا برده اللي قليل الادب مش انت اللي بتقولي هتغيري الفستان قدامي 

وقفت وجذبت الفستان وهي تقول : طب يلا اديني ظهرك وغمض عينك واعمل حسابك انك لو لفيت هخرجك بره ومش هتكون اول واحد تشوف الفستان يلا 

يضحك بقوه وهو يعطي ظهره لها وقال : طب بصي اشوف one بس

وضعت يدها في خصرها بغيظ منه وقالت : لو بصيت هطلعك بره والله انت حر بقى

تنهد بضيق وظل ينتظر وبالفعل غيرت ثيابها وارتدت الفستان وبدات تضع ميك اب خفيف وهي تقول تقدر : تبص بقى 

نظر لها باعجاب شديد وهو يقف ويقترب منها 

ويضع يده حول خسرها ويقول بهمس : طب ما قفلتيش ليه سوسته الفستان ده بقى ولا انتي ناويه تجننيني معاكي

ضحكت بمرح وهي تلاعب حاجبيها له وتقول : ما عرفتش اقفلها قلت انت اقفلها 

بالفعل وضعت يدها خلف ظهرها وهي تقول يلا اقفل السوسته 

اغلق سحاب الفستان وهو يتعمد ان يلمس ظهرها بيده وهي تنظر للاسفل بخجل 

الى ان انتهى ووقف امامها وهو ياخذ من يدها قلم الروج وبدا يضع لها الروج على شفتيها برفق وهي تشعر انها تنصهر بين يديها فقط تنظر العينيه لتستمتع بنظرات عشقه بها وبعد ان انتهى 

وقف خلفها وبدا يمشط شعرها ورفعه للاعلى وهو يقول بهمس : ديل الحصان هيبقى احلى اعمليه كده ابتسمت بخجل وهي تاخذ الرابط من امامها وبالفعل بدا ترفعه الى الاعلى مثل ما قالها هو 

وقف امامها مره اخرى وبدا بتنزيل خصلات من شعرها على وجهها وهو يقول : كده احلى كتير

عضت على شفتيها بخجل شديد وهي تقول : يعني كده الفستان حلو عجبك

رفع حاجبه وهو ينظر لها بغيظ وابتعد ووقف بعيد عنها وهو يضع يده في خصره وينظر لها 

ضحكت بمرح وفهمت ما يقصده فاقتربت سريعا منه وهي تدور حوله بالفستان وتقول : ايه رايك يا مرو في الفستان ده 

ضحك بقوه عليها وهو يجذبها من خصرها له ويقول : يجنن زي صاحبته بس فاضل حاجه صغنونه قوي 

ليان باستغراب : ايه هي

اقترب منها وقبل شفتيها برفق وهو يتعمد ازاله اللون الاحمر من عليا ثم ابتعد برفق وهو يضع جبينه على جبينها ويقول : كده بقيتي احلى 

ظلت تتنفس بالقوه وتنظر له وهي ترمش بعيونها ولا تصدق ما فعله هو الان ج

ذب منديل من جيب سرواله وهو يمسح ما حول شفتيها برفق ويقول : عشان ما حدش ياخد باله ان انا بوستك وابتسم بخبث واكمل : في روج في شفايفي صح 

تنهدت بخجل وهي تعض شفتها وتقول : اه في 

وضع المنديل في يدها وهو يقول : طب يلا امسحي ولا عايزاهم يشوفوا الروج على شفايفي كده

رفعت يدها تمسح بقايا الروج من على شفتيه وهي تشعر ان جسدها ينصهر بين يديها وهو ينظر لكل تفاصيل وجهها بعشق شديد وبعد ان انتهت قال هو : الفستان الاحمر يجنن عليكي شكله فيكي حلو قوي عجبني جدا وعجبني اكتر عشان مقفول كده ولطيف 

قالت هي وهي تبتعد عنه : طب استنى بقى هحط روج ونخرج 

تمسك بيدها وهو يقول : لا مش هتحطي روج احمر يا ليان يلا حبيبي عشان نخرج 

استغربت منه وقالت : هو مش انت كنت لسه حاطط لي وقلت لي شكلك حلو 

ضحك بقوه وهو يقول ويقترب منها : اه ما هو انا حطيت عشان امسحه ليكي بس لو انت عايزاني امسحه تاني انا مستعد جدا حطي 

ضحكت بمرح وهي تضع يدها حول عنقه وتقول : على فكره ما عنديش مشكله خالص انك تمسحه تاني

غمز لها بشقاوه وهو يقول : ممكن نشوف الموضوع ده في الشقه تحت لما نخلص انما دلوقتي يلا نخرج عشان شكلنا بقى وحش قوي 

ليان بهمس : حلو ان احنا نعمل ذكريات في الاوضه بتاعتي اللي فيها كل طفولتي يبقى فيها برده حاجات بينا واحنا مع بعض

تنهد بحبه وهو يقول بهمس : يعني انتي موافقه قالت هي باستغراب : على ايه 

اكمل هو : ان احنا نبقى زوجين مش مجرد اخوات بس

ابتسمت بحرج شديد وهي تكمل بمرح : هو مش انا قلت لك اعمل لك عروسه ليه تاكلها وانا موجوده

ضحك بقوه واكمل : انتي بتتكلمي جد طب يلا بقى عشان نمشي 

وجاء يتجه للخارج فقالت هي : رايح فين استنى بس نمشي نروح فين 

عمران : نروح بيتنا بقى احنا خلاص عيدنا اهو معاهم اول يوم وبعدين ما يحيى معاهم هو لازم يعني انا ويحيى يلا بس يلا 

ضحكت بقوه : ايه هو ده لا اصبر بالليل انما دلوقتي احنا قاعدين معاهم وانا بقى عايزه اقعد معاهم قلت ايه

قال بتحذير : وعد ليا انا بالليل النهارده 

عضت على شفتيها بمرح وهي تقول وتغمز له بعينيها : وعد وضحكت بقوه واتجهت للخارج 

وضع يده في خصلات شعر وهو يقول : لا انا كده مش هقدر البنت دي شقيه وهتغلبني معاها يا ليان يعني مش لازم نقعد ما تيجي نروح

ورفع صوته وهو يقول : طب خدي اقول لك طيب يا ليان واتجه للخارج خلفها

عشقك لعنتي بقلم شروق مجدي 

كان الجميع يجلس ويضحك بالخارج وياكلون كحك العيد والملبس والشوكولاتات

فقال عيسى : وانتي بقى يا انسه ميرنا بتدرسي ولا خلصت دراسه

ميرنا : لا انا خلصت وبشتغل في الشركه مع عمران عيسى : هو في ايه يا عم عمران هم كلهم بقى يشتغلوا في الشركه معاك بسم الله ما شاء الله يعني فتحت واخذت مريم وبيشوي والعيال طب ما تاخذني معاك 

ضحك عمران بمرح وهو يقول : وهاخد نور كمان نورهان : لا ما تهزرش احنا اتكلمنا في الموضوع ده وانا قلت لك ان انا قلقانه الصراحه اني ابدا في شغل جديد انا بحب الشغل ما يبقاش في واسطه او يعني ما يقولوش انها اترقت وكده عشان خاطر قريبه المدير فعندك هيكون الموضوع فيه حساسيه جدا وانا مش بحب ده 

عمران : على فكره انا خدت قرار وانتي هتيجي معايا انتي مهندسه شاطره جدا وانا لسه فاتح الشركه جديد ومحتاجك معايا وبعدين انتي اللي هتثبتي بشغلك ان انتي مهندسه شاطره مش مستنيه مدير يرقيكي فهمتي يا نور

يحيى : لا معلش يعني هو احنا مش متفقين انك هتشتغلي معايا في المطعم 

نور : اهو احنا اتفقنا ان هشتغل معاك في المطعم بس ده مش معناه اني هسيب شغلي في الهندسه انا مهندسه ديكور هخلص شغلي وهاجي لك اخر النهار هبقى انا الشيفت بتاع بالليل 

ضحك عيسى بقوه وهو يصفق بيده ويقول: انا كده اطمنت على المطعم انا ويحيي حبيب قلبي الصبح ومروان ونور وسليا بعد ما ترجع من الكليه بتاعتها بعد الظهر او يعني شفت بالليل اهو انا كده اطمن انما نورهان تبقى معانا الصبح الموضوع مقلق بالنسبه لي ان انا هاجي الاقي المطعم مقفول والاثنين بيحبولي في بعض 

ضحك الجميع بقوه عليهم فقال يحيى: طب ايه رايك بقى ان انا نقلت نفسي شفت بالليل معاهم خليك انت ماسك شفت الصبح اصلا ما بيبقاش فيه ناس كثير الصبح كل اللي بيجي بيجي اخر النهار البس بقى

عيسى بمرح : والبس ليه ما انا لابس اهو فيك 

ضحك كلهم ووقفت نور وقالت : هدخل اعمل لكم عصير 

وفعلا اتجهت للداخل

وقف يحيى وهو يقول : وانا هروح معاها 

عيسى بهمس: استغلوا ان امها وابوها في الاوضه جوه وادخل يلا 

يحيى وهو يدخل : صبرني يا رب عليه

فكانه محمود ووجدي ومارينا وناهد بغرفه الانتريه يجلسون سوا يتحدثون في امور كثيره من ضمنهم فرح بيشوي ومريم 

.........................................

كانت بالداخل تجهز العصير وتضع معه قطع من الكيك فوجدته يقترب منها ويقول : يعني ينفع كيكه بالشوكولاته تقطع كيكه بالشوكولاته ضحكت بقوه وقالت : ايه المعاكسه الرخمه دي يعني

حرك عينيه يمين ويسار وهو يحاصرها بين يديه ويقول : رخمه صح ماشي عندك انتي بقى حاجه حلوه ولا اقول انا 

رفعت يدها بتحذير وهي تبعده عنها وتقول: ماما وبابا بره لم نفسك واخرج بره لو بابا خرج ولاقيك مش قاعد هتبقى مشكله اتفضل يلا 

حرك كتفه بلا مبالاه وهو يكمل : انا جوزك عادي جدا ما عنديش مشكله في الكلام ده ايه رايك

نظرت له باستغراب وهي تقول : رايي في ايه ابتسم وهو يقترب منها ويقول : في انك مراتي ومن حقي ان اديكي مثلا عيديه العيد

نورهان : انت هتديني انا عاديه وابتسمت وسكتت رفح هجيبه باستغراب وهو يقول : وما اديكيش عيديه ليه يعني كبرتي عليها ولا ايه

حركت عيونها يمين ويسار وهي تقول : مش عارفه بس يعني لما كان بابا بيديني عديه كنت بحس ان انا كبرت عليها خلاص بس هو كان بيصمم وعمران كمان بس مش عارفه يعني كنت بحس ان انا مش صغيره عشان اخذ عيديه فانت كمان هتديني عيديه

اقترب هو وقبل وجنتها وهو يقول بهمس: انتي بالنسبه لي اول فرحتي واول بنوته ليا بنتي ومراتي وحبيبتي 

ووضع في يدها نقود وهو يقول : كل سنه وانتي طيبه والعمر كله واحنا مع بعض ولحد ما تكبري وتعجزي هفضل احبك وهفضل كمان اديك عديه 

ابتسمت بخجل شديد وقالت : تعرف اول مره افرح بالعيديه قوي كده فشكرا يعني 

رفع عيونه بغيظه وهو يقول : ماشي انا مبسوط انك فرحتي بالعيديه بس انا عيدت عليك انت لا

اكملت بتفكير : انت عايز فلوس يعني يعني انت بتديني العيديه عشان تاخدها ثاني ضحك بقوه فقالت بخوف : وطي صوتك حد يسمعك واخرج بقى حرك حاجبيه بشقاوه وهو يقول : مش قبل ما اخد العديه بتاعتي معلش يعني

فقالت هي: عايز عديه ايه طيب طيب هدخل اجيب لك من جوه عديه 

قاطعها هو وهو يحوط خسرها بيده واقترب من شفتي،ها ويقبلها بقوه وهي ايضا بادلته تلك القبله وبعد وقت ابتعد بهمس وهو يقول : انا كده اخذت العديه بتاعتي ولكن ابتعد بتوتر على صوت 

ليان بمرح : انتو بتعملوا اي ها 

نورهان بتوتر وهي تضع العصير : لا خلص ده كان بيسالني على حاجه وخارج 

ضحكت ليان بمرح وهي تقول؛ طب سك على العصير علشان احنا كلنا هنخرج نشرب عصير بره وماما قالت هي هتشوي الفراخ واللحمه هي وبابا وعمي وطنط يلا بقى نخرج ونيجي نتعشى معاهم بالليل 

نور : خلاص تمام يلا

عشقك لعنتي بقلم شروق مجدي 

فعلا اتجهوا جميع للخارج

وقال عمران : انا شايف ان احنا بدل ما ناخد عربيتي وعربيه بيشوي وعربيه نور كفايه عربيتين بس سيبي يا نور عربيتك ويلا بينا عشان ما نبقاش كثير ونعرف نمشي ورا بعض

فقال يحيى : طب ما تيجو المطعم عندي ونبقى هناك ونروح نتعشى مع مامتك وباباكي

قالت ليان : لا معلش احنا عايزين ناكل ايس كريم من وسط البلد

بيشوي بغيظ : في العيد في العيد يا ظلمه الدنيا هتبقى زحمه جدا

ليان : والله بقى انا ومريم عايزين كده وانتم قلتم ماشي ما تنزلش تحت تغير رايك

عمران : يلا يا بيشوي عشان مش هتخلص من جنانهم احنا كده كده مش هنخرج من العربيه هناكله في العربيه

ليان بغيظ: نعم 

بس قاطعها عمران وهو يقول : ناعمين يا حبيبتي ما فيش خروج من العربيه في وسط البلد انتي عبيطه ولا ايه عايزين بقى تخرجوا من العربيه يبقى خلينا نروح مثلا زايد او التجمع كده هيبقى افضل قلتوا ايه

مريم : خلاص نروح زايد او التجمع ما فيش مشكله لكن من بيت لعربيه يعني كده يا قلبي لا تحزن

فعلا ركب عمران ونور ويحيى وسيليا مع بعض وركب مريم وبشوي وميرنا وعيسى ومروان مع بعض 

ومشيوا وطالعوا على الطريق في اتجاههم للتجمع الخامس بس بعد وقت وجد عمران ان يوجد شيء غير طبيعي في عربيه تراقبهم منذ قليل

ووجد هاتفه يرن بإسم بيشوي فقال بشوي : عمران انت واخد بالك من العربيه اللي وراك دي

عمران : واخد بالي مش عارف في ايه بس خلينا ماشيين لما نشوف

قال يحيى : عمران هو في حاجه في حركه مش طبيعيه حوالينا وهي ليه في مكان مقطوع كده

عمران : ما انت تقريبا على الصحراوي عشان طالع على التجمع 

يحيى : مش عارف حاسس بحركه مش حبيبها

اتوتر الجميع وقال يحيى وهو يتحدث مع بيشوي في الهاتف: بيشوي سرع شويه انا هزود السرعه بس فجاه لقي عربيه وقفت قدامه قطعت الطريق عليه والبنات بصوا لبعض بخوف

جاء يرجع لورا وهو بيقول لي بشوي يرجع لقي عربيه اللي كانت مراقباهم قفلت الطريق عليهم

يحيى بصدمه : هو ايه اللي بيحصل

فجاه وجد رجال ومعهم عصيان خشب ويتجهون لهم من العربيتين 

فقال عمران بتوتر وهو يجذب قطعه الحديد من تبلوه عربيه ويقول : اياك اشوف بنت تحت ليان اقفلي العربيه لما نشوف مين دول

وبالفعل نزل بشوي ويحيى وعمران وعيسى ومروان من سيارتهم ويقول عمران : هو في ايه شباب في حد يقطع الطريق كده 

فقال احد الرجال وهو يقترب منهم : اه يا حيلتها احنا

ولكن ما زاد من توترهم بعض الرجال يكسرون السيارات على البنات وهم يصرخون بقوه

من أراد أن يدعو لغزة فليقل؛اللهم لا يأتي عليهم رمضان إلا وقد أطفأت نار حربهم !!

عشقك_لعنتي 

#بقلم_شروق_مجدي. 

الفصل 33

صلى على الرسول صلى الله عليه وسلم ♥️

.........................................

جاء زيدان يقترب من سيارات الفتيات بغضب وهو يقول : انت بتعمل اي انت وهو هو ايه اللي بيحصل ده

بس قال احدهم : انا هقول لك ايه اللي بيحصل

و وجد بعض الشباب يهجمون عليهم بالعصي بقوه 

بدأت حرب بين الشباب وهؤلاء الرجال 

عمران كان يضرب بالقطعه المعدن التي بيده بقوه 

وبيشوي ايضا 

اما عيسى ويحي يضربون بحترافيه شديده وايضا مروان معهم 

اما بسياره الفتيات فكان الرجال يكسرون السيارات

صرخت نور بليان وهي تقول : افتحي الباب ده عشان انزل

قالت ليان بخوف : تنزلي تروحي فين انتي مش شايفاهم بيعملوا ايه انتي مجنونه لا طبعا

بس وجدت ما كسر الزجاج وفتح الباب واخذ ليان بقوه وهو يرحل

صرخت به نور وركضت خلفه وهي تحاول افلاتها من يده

والفتيات تصرخ بخوف عليها 

بالفعل ترك الرجل ليان و بدات حرب بينه وبين نور وعلى الناحيه الاخرى هجم الرجال على الشباب ودارت معركه قويه بينهم ولكن الغريب ان كل تركيز هؤلاء الرجال كان على عمران اكثر ولكنه كان يضرب بقوه وهو ينظر على ليان ونورها بخوف شديد

الى ان جاء رجل من الخلف وضربه بالعصا على ظهره وقع بالارض

فاقترب زيدان سريعا وضرب الرجل بقوه فوقع هو الآخر 

ظلط نور تحاول ضرب الرجل بقوه وهو لم يكن قادر عليها الى ان فتح سكين حاد واصابها في قدميها من الاعلى ورقد لسيارته فوقعت هي على الارض بتعب شديد

ونظر لهم يحيي بشر وبدا يضرب بضربات تؤدي الى القتل خوفا على نور الذي ينظر لها من بعيد وهي بين احضان ليان وهو يضرب بكل قوه

كان الجميع يضرب بقوه مروان عيسى بيشوي

خوفا على عمران الملقى على الارض 

ابتعدوا الرجال عن السيارات التي تخص الفتيات 

وذهبوا لسيارتهم

ولكن زاد خوف الرجال من قوه ضرب الشباب بهم وخاصه zeeee الى ان اترعب الرجال وبداوا ينسحبون للسيارات وقال احدهم لعمران الملقى على الارض بين الوعي والا وعي : الباشا بيقول لك ما تاخدش حاجه مش بتاعتك تاني وابعد عن المشروع ده عشان ما ندمكش عمرك كله على نفسك وحبيبه القلب بتاعتك واحمد ربنا اننا سايبها لك دلوقتي وما اخذتهاش منك

وركب السيارات واختفوا سريعا من المكان وهم يسحبون رجالهم المصابون 

جاء بيشوي يقترب منهم بقوه ولكن مانعه يحيى وهو يقول : سيبهم يمشوا مش شايف اللي احنا فيه

نظر بيشوي حوله بخوف وجد نور مصابه في حضن الفتيات وايضا عمران على الارض يتالم من ظهره بتعب شديد 

وايضا عيسى راكع على الارض بتعب وهو يقول : مش قادر ذراعي شكله اتكسر الله يخرب بيتكم منور يا يحيى هي دي مصر اللي هنعيش فيها بسلام

وجه يحيى عيونه له بغيظ وهو يتجه لمعشوقته واخذها بين احضانه وهو يقول : انتي كويسه وريني الجرح وريني رجلك ونظر عليها وقال بخوف : لازم تتخيط لازم مستشفى

رقدت ليان لعمران وهي تقول بدموع : عمران عمران حبيبي رد عليا انت كويس عمران 

فقال بيشوي: ما تخافيش هو كويس بس الضربه كانت شديده شويه على ظهره ما تحركوش يا ليان لحسن يكون في كسر ولا حاجه

عشقك لعنتي بقلم شروق مجدي 

تمسكت بيده بدموع وهي تقبلها بخوف عليه

اما مروان اتجه لياطمئن على عيسى ويقول : اطمن اطمن كسر مش اكثر يا عيسى

رفع الاخر عيونه له بغيظ وهو يقول : على اساس ان انا كده اطمنت يعني الله يكرمك والله ااااه ذراعي ذراعي ياااا ظلمه ال هو مين الناس دول

بيشوي : في الغالب دول الناس بتوع المشروع اللي انا داخلينه انا وعمران تبع الشركه بتاعتنا هبقى افهمكم كل حاجه بعدين بس مش وقته دلوقتي لازم يتنقلوا المستشفى حالا

يحيي: ايوه بس انت بتقول ان حاله عمران ما ينفعش تشيله من على الارض

بيشوي : لا ما انا كلمت عربيات الاسعاف جايه في الطريق ما تقلقش خمس دقائق بالكتير

كان زيدان ازال القميص الخاص به ولفه حول قدم نور ليوقف النزيف وهو يرتدي تيشرت كت وقال : تمام كويس قوي نور حبيبتي استحملي شويه انا وقفت النزيف اهدي

ولكن كانت هي تتالم بتعب وتشعر انها في حاله ما بين الوعي واللاوعي

مريم وهي تحتضن نورهان بدموع : الله يخرب بيتكم واحد جاب للبنت اكتئاب نفسي والثاني يوم خطوبتهم هتدخل المستشفى انتوا نحس على البنات دول ، ان كنت انت ولا هو

رفع يحيى عيونه لها بصدمه فاكملت هي بدموع : ما تتنحش كده اه بتكلم جد على فكره انتم فقر ولو انا من ليان ونور اسيبكم احسن بدل ما تجبولى جلطه بعد كده 

بشوي بغيظ : بدل ما انتي عماله تبكيتي فيهم كده اعملي لك حاجه 

مريم بغيظ: اعمل ايه يعني ما انا حاضنه نور اهو مش كفايه ميرنا اللي عماله تترعش من الخوف وقرفتني ما تهدي بقى انتي الثانيه انا تعبت من المستشفيات مش كده

مروان بهدوء : المهم تكون العربيات شغاله يا جماعه ولا هم بوظوها 

سيليا وهي تنظر لسيارات : لا هما كسروها بس العربيات هتمشي قولوا ان شاء الله

اقتربت سيارات الاسعاف من المكان وحملت عمران الذي لا يشعر بشيء ولاكن ينطق باسم معشوقته من الحين للاخر وهي تتمسك بيده بقوه وصعدت معه لسياره الاسعاف وتبكي عليه بخوف

و صعد ايضا بالسياره الاخرى نور وبجانبها زيدان ومعهم عيسى 

واخذ بيشوي سياره والاخرى اخذها مروان وقالت مريم وهي تتجه لبيشوي: ميرنا اركبي انتي مع عيسى عشان ما يبقاش لوحده زيدان مركز مع نور يلا بسرعه 

و صعدت مريم مع بيشوي وسيليا مع مروان وانطلقوه خلف سيارات الاسعاف

.........................................

بسياره عمران كان يرقد بتعب شديد ويقول بهمس: 

ليان...........ليان ...........

ليان بخوف عليه وهي تضع يدها على وجنته : انا جنبك يا حبيبي جنبك يا مارو ان شاء الله هتبقى كويس

الممرض : لو سمحتي ما تخليهوش يتكلم كثير عشان حالته بس لحد ما نوصل ونطمن عليه

ليان بدموع : حاضر حاضر اهدي يا مرو اهدي يا حبيبي انا جنبك مش هسيبك ابدا

اما في سياره نور كان يحتضنها زيدان بخوف واعطى لها الممرض حقنه مسكنه والاخر يضع يده على شعرها برفق ويقول : ما تخافيش هتبقي كويسه اطمني يا حبيبتي يارب خير يارب 

عيسى بغيظ منهم : ما تخافش يا ابني ما هي زي القرده قدامك اهي اااه يا عيني عليك يا عيسى يالى مش لاقي حد يطبطب عليك ويقول لك سلامتك

ونظر لميرنا وهو يقول : هو انتي مش هتطبطبي عليا وتقولي لي سلامتك امال مريم ركبتك جنبي ليه مش فاهم عشان تسكتي

ميرنا بخجل : سلامتك

اقترب منها وهو يقول : قلتي ايه قوليها تاني كده ايه ده يا ناس معزوفه موسيقيه

وعاد الخلف وهو يقول : ااااااه ذراعي

زيدان بغيظ : عشان تتهد شويه وتبطل دوشه اتهد لحد ما توصل المستشفى 

عيسى بمرح : بحاول اسلي نفسي يا جدع ده انت غريب قوي اااه ياني اللي ما ركبت عربيه الاسعاف وانا في المخاطر عشان اركبها وانا هنا في مصر

ميرنا : ما خاطر ايه اللي كنت فيها دي

يحيى بغيظ منه : اتكلم قول مخاطر ايه اللي كنت فيها

عيسى بتوتر : هاااااا اصل انا كنت بدرس بره وانتي عارفه بره العيشه فيها صعبه قوي يلا الحمد لله المهم اني ما اتبهدلتش البهدله دي الا لما سمعت كلام يحيى وجيت هنا

ميرنا : انا مش فاهمه انت بتقول ايه بس على العموم الف سلامه عليك هتبقى كويس ان شاء الله

عيسى: يا اختي جميله حلاوته يا ناس شايف بتتكلم ازاي برده البنات المصريين كده ليهم تكه زي على راي الشيف اللي مش فاكر اسمه ايه يا تكاته يا حركاته

نظرت ميرنا للاسفل بحرج شديد من حديثه وقال يحيى بغيظ: اتهد بقى اتهد شويه يا ريتهم كانوا كسروا لسانك معاهم افضل

عيسى بتفكير : هو اللسان بيتكسر انا متهيالي بيتقطع

يحيى بغضب وهو يحرك يده : يا ابني ادم لم نفسك بقى

ولكن تالمت نور وقالت بهمس : اه حاسب يا يحيى مش قادره

احتضانها برفق وهو يقبل راسها : حقك عليا يا روحي اصله بني ادم يفور الدم

عيسى: سكت اهو سكت انا اصلا مش قادر من ذراعي ااااه

ونظر لميرنا واكمل: ما تقربي مني تواسيني شويه هو انا هاكلك

ضحكت بقوه عليه : على فكره انت فظيع قوي بجد يعني بس لذيذ

عيسى بمرح: اه ما انا عارف

واكمل بتعب اااااه ذراعي مش قادر

.........................................

بالمستشفى وقف الجميع امام غرف الطوارئ ولكن اثر يحيى على الدخول مع نورهان وايضا دخل مروان مع عيسى ودخلت ليان مع عمران والباقي ينتظر بالخارج

الطبيب لعيسى : كسر في ذراعك الشمال لازم نجبس لك ايدك اقل حاجه تقعد ثلاث شهور في الجبس وبعد كده نيجي وتعمل اشاعات ونشوف الدنيا 

عيسى بغيظ : ثلاث شهور في الجبس وانا لسه ما كملتش في مصر اسبوعين منك لله يا زيدان منك لله 

ضحك مروان بقوه وهو يقول : جبس يا دكتور جبس عشان انا ناوي اكتب له عليها تذكار يفضل للذكرى الخالده 

عيسى بغيظ : تصدق انك رخم بجد يعني انا شايف انك تخرج وتجيب لي ميرنا حاجه طريه تطري القعده

مروان : انت في ايه ولا في ايه جبس يا دكتور جبس خلينا نخلص منه ويا ريت تجبس معاه لسانه بالمره

.........................................

الطبيب لعمران: الحمد لله حاجه بسيطه كدمات بس في الظهر وارتجاج بسيط في المخ لان العصايه واضح انها جت على دماغك برده ده اللي عمل لك الدوخه والدوار كتبت لك على ادويه وتقدر تروح النهارده وان شاء الله هتبقى كويس 

عمران بتعب : انا فعلا حاسس ان انا ظهري مش واجعني قوي هي دوخه بس اللي عندي مخلياني مش مركز

ليان : يعني يا دكتور مش محتاج اي اشاعات على المخ عشان بس نكون مطمنين عليه اكتر

الدكتور باعجاب لليان : لا خالص هو بس محتاج راحه وهيبقى كويس هو حضرتك اخته

عمران بغضب وهو يسحب يدها لتجلس بجانبه: لا مراتي مررراتي

ونظر له واكمل : اتهدي شويه وبطلي رغي او اخرجي بره

ليان بهمس: وانا عملت ايه الله ما انا ساكته اهو هو انا اتكلمت

اتجه الطبيب للخارج وهو يقول بحرج : طيب حمد لله على سلامتك عن اذنكم 

ليان : انت بتحرجني قدام الدكتور ايه الرخمه اللي انت فيها دي تصدق ان انا كنت غلطانه عشان كنت خايفه عليك

عمران بتعب: اسكتي اسكتي عشان انا تعبان ومش قادر للخناق معاكي 

اقتربت منه بدلع وخبث وهي تضع يدها على وجنتيه وتقول: ايه ده يعني اليوم النهارده اتضرب يا مارو يا خساره ده انا كنت مجهزه لك حاجه كده لونها اسود تتجنن 

وابتعدت وهي تربع يدها وتقول بدلع : يلا ملكش نصيب فيها بقى

جاء يجلس على الفراش بفرح وهو يقول : لا ما انا كويس اهو اااااا ظهري اااااه 

ضحكت بقوه وهي تغمز له بعينيها : يا عيني عليك يا مارو سلامتك يا روحي بس افتكر ان النهارده راح ومش انا السبب اه استنى بقى لما احجز لك ميعاد ثاني

عمران بغيظ منها وهو يرقد مره اخرى على الفراش : لا انتي السبب مش انتوا اللي عايزين تاكلوا ايس كريم كان مالها قاعده البيت اه ياني انا جعان اليوم اضرب منك لله يا ليان يا بنت ناهد كنت باني احلام النهارده واماني كثيره راحت على الارض

ليان بمرح وهي تشاكسه : طب ما انا كمان كنت بانيه احلام واماني وورد وشموع وفي الاخر هقعد معاك ادهن لك ظهرك كريم من الوجع يلا زي بعضه خليها عليا اعتبرك بقى اخويا اليومين دول

نظر لها بغيظ وهو يضع يده بجانبه ويتمسك بكوب ماء يقذفه عليها : اطلعي بره اطلعي بره ما اشوفش خلقتك تاني انتي عايزه تموتيني بره بره يا رخمه يا بارده 

رقدت بمرح للخارج ولكن قال هو : اااااه ظهري

ضحكت بقوه وهي تتمسك بالباب بيدها : ما انا قلت لك يا مارو سلامه ظهرك يا اخويا يا روحي

ضرب الكوب الذي بيده بالباب بقوه وهو يقول: بره يا بارده 

ضحكت واغلقت الباب سريعا قبل ان ياتي بها

.........................................

بغرفه نور كان زيدان يتمسك بيدها بعشق وهو يقول : ما تخافيش الدكتور ادالك بنج وهيخيط لك الجرح تمام ما تركزيش مع اللي هو بيعمله خليكي معايا انا ماشي حبيبي

ابتسمت له بحبه وهي تقول : انا فعلا بقيت احسن ومش حاسه بحاجه تمام 

بالفعل خيط للدكتور الجرح وهو يقول ما تقلقوش الاصابه سطحيه ما عملتش اي مشكله في شرايين الرجل وانا خيطتها خياطه تجميليه وشويه وهتبقى كويسه ويا ريت ما تمشيش على رجليها النهارده وبكرا ممكن بعد كده تسند بالعكاز لحد ما تبقى ان شاء الله احسن هي ممكن بالليل تسخن شويه هكتب لها على ادويه تاخدها لو سخنت

يحيى : يعني ممكن السخونيه دي تاثر عليها في حاجه يا دكتور

الدكتور : لا خالص اطمن ده حاجه طبيعيه ممكن تحصل المهم انها تاخد بالها من ادويتها ويتعمل لها كمادات لحد ما السخونيه تنزل عن اذنك 

واتجه الطبيب للخارج

نور : ماما وبابا هنقول لهم ايه

يحيى: مش عارف بس اعتقد لازم نقول لهم الحقيقه يعني هم هيشوفوه شكلك وشكل عمران سيبك من عيسى ممكن نخفيه عنهم شويه انما المشكله فيكي انتي وعمران هنقول لهم ايه ده احنا المفروض نروح دلوقتي عشان نتغدى معاهم او نتعشى يعني

نور : هو محدش منهم اتصل

يحيى: لا هم واضح ان هم سايبيننا براحتنا يعني على اساس انه عيد وكده ما يعرفوش ان احنا قضينا العيد في المستشفى والعروسه مصابه 

ضحكت بقوه واكملت: انت متخيل عروسه يوم قرايه فتحتها تقضيه في المستشفى لا واول يوم عيد كمان احنا فقر قوي على فكره يا يحيى 

ضحك بقوه هو و اكمل : انتي ما شفتيش بقى مريم وهي بتقول لي ان انا وعمران فقر عليكم واحده جالها اكتئاب والثانيه دخلت المستشفى ليله خطوبتها

نور بضحك : تصدق عندها حق صح 

يحيى بغيظ: هو مين ده يا بنت اللي عندها حق تصدقي انا غلطان اني كنت خايف عليكي وقاعد جنبك جزمه صحيح

نور : انت عارف بقى انا ايه اللي مزعلني بجد الفستان لسه جايباه جديد يقوم يبوظ كده وشكلي وشعري اتبهدل خالص صح

يحيى: انا بحبك في كل حالاتك وقلت لك كده وانتي منكوشه وانتي بتضحكي وانتي بتعصبه وانتي بتعيطي كل حاجه فيكي جميله يا نور ياااااا نوري شفتي عيسى وهو بيندب حظه

ضحكت بقوه : تصدق عنده حق ما حصلوش كده وهو بره وجاي يتمرمط هنا 

يحيى : اعمل له ايه بقى هو اللي حظه كده فقري

اتجه للداخل مروان وهو يقول: حمد لله على السلامه يا نور يلا طيب عشان نروح ولا ايه ولا لسه عايزين تاكلوا ايس كريم 

ضحكت نور: الايس كريم ايه يلا نروح هو في احسن من قعده البيت الحمد لله ان انا ما اخذتش العربيه بتاعتي معايا كان هيبقى الموضوع صعب قوي كفايه عربيتين

يحيى بمرح : عدتي منها يا بنت اللذينه

.........................................

بالفعل اسند بشوي عمران وحمل يحيى نور بين يديه واتجه للخارج 

فقال عيسى: طب هو انا ما حدش هيشيلني ولا هيسندني ولا اي حاجه ولا ايه

مروان : ايه 

سيليا : في ايه يا عم عيسى ده انت متعور في ذراعك هو انت يعني متعور في رجلك ولا في بطنك ولا في ظهرك ما تهدى بقى

عيسى : متعور انا مكسور انتي بقيتي قاسيه قوي على فكره يا سيليا ولا ايه رايك يا ميرنا

مريم بمرح: ميرنا لا تعالي يا ميرنا حبيبتي جنبي هنا كده اصل انا هقول لك دول شكلهم عالم فقر ملناش دعوه بيهم

ضحكه الجميع عليهم

يحيى : خلصت موضوع المحضر ولا لا يا بيشوي 

بيشوي : اه خلصته هو ما اتهمتش حد فيه عمران عايز كده

يحيى : طب ليه

عمران بتاع: بعدين هقول لك

وذهبوا للمنزل

.........................................

ناهد بصدمه : يا لهوي في ايه في ايه يا يحيى يا ابني مالها البنت تعالي تعالي 

ودخلت على جوه 

محمود بصدمه : دي مش نور بس مال عمران هو ايه اللي حصل 

مارينا : وانت كمان يا عيسى انتو دخلتو في تريله ولا ايه

جلس الجميع 

يحيى : انا كل اللي مضايقني ان ثالث يوم العيد افتتاح المطعم انتم هتحضروا ازاي بالمناظر كم دي خصوصا انت يا عيسى وكمان نور شكلكم الصراحه هيدي انطباعه وحش جدا للمطعم انا شايف انكم افضل بلاش تحضره

نور : والله انت شايف كده يعني طب احتفظ بقى لنفسك عشان ممكن انت اللي ما تجيش واحنا نروح

محمود : قبل اي كلام انا عايزه افهم ايه اللي حصل ده بالظبط حد فيكوا يفهمنا وبلاش تتوهوا في الكلام

نظرعمران و قص عليهم عمران ما حدث 

محمود : والله يا عمران يا ابني انا شايف ان سيبك من المشروع ده خالص بدل هيجيب لك مشاكل بالشكل ده

يحيى. : يعني مع احترامي من راي حضرتك يا عمي بس يسيب حد يجي عليه ويسكت له يبقى هيلاقي بعد كده السوق كله بيجي عليه انا شايف اني عامله بنفس معاملته بقى بالعكس يدور وراه على اي حاجه يذله او يلوي ذراعه بيها

نظرت له نور بصدمه فهو لم ينسى ze بداخله لم يتحرر منه بعد وقالت : انا عايزه ادخل انام تعبانه

يحيى : طيب تمام تعالي دخلك

نور بضيق : لا شكرا انا هسند على ليان ومريم مش محتاجه مساعده 

وبالفعل اتجهت للداخل معهم فواقف يحيى واستاذن عمه محمود ان يتجه خلفها

.........................................

بالفعل خرجت الفتيات ونظر لها وقال : هو في اي مالك انا قلت حاجه ضايقتك

نور بصوت واطي وغضب : في انك الشر بيجري في دمك في ايه يا يحيى في ايه انا عايزه افهم رايح تقول له لازم تعامله بسلاحه وممكن كمان ندور ونمسك عليه ذله ايه اللي انت بتقوله ده مش قادره افهمك بجد هو انت زيدان بشره لسه ما تحررش من جواك لسه الشر جواك مش قادر تعيش من غيره 

يحيى : كل ده عشان قلت ياخد حقه اه اه يا نور المفروض ياخد حقه ولا يعني يسكت ويقول له اتفضل خذ المشروع اهو هيجي 1000 واحد يدوس عليه وفي يوم من الايام هتصحي لا هتلاقي عمران ولا الفلوس بتاعته معاه هي الدنيا دي كده و هو هيعمل ايه مش هياخد حقه مكنش قفل المحضر على كده يا نور 

عشقك لعنتي بقلم شروق مجدي 

واكمل هو : انا اللي مش قادره افهمك بجد هو انتي مش شايفاني بعد كل ده كله ان انا اتغيرت شايفه ان انا وحش قوي كده ماشي يا نور الحمد لله على سلامتك عن اذنك 

وفتح الباب واتجه للخارج

تنهدت هي بغيظ وقالت بصوت عالي: يحيى يحيى تعال عايزاك

اتجهت مريم لها : يحيى مشي وهو عيسى ومروان اول ما خرج من هنا على طول فتح الباب ونزل وهم نزلوا وراه انتي عملتي له ايه

نور: ما عملتش حاجه شدينا شويه عادي يعني كبري دماغك طيب ساعديني بقى عشان اغير هدومي دي عشان عايزه انام ممكن ولا هتقعدي تعرفي في ايه

مريم: لا ممكن تعالي يا اختي

اتجهت للداخل ليان: عايزين حاجه مني يا بنات هنزل النهارده بيت في الشقه اللي تحت عمران مش هيقدر لا يروح ولا يسوق وبصراحه انا خايفه بعد اللي حصل ده نمشي في الوقت ده لوحدنا اصلا 

مريم : خدي البيجامه بتاعتك طيب وفيها فلوس كمان 

تذكرت ليان ان عمران قال لها انه كتب عليها ويريدها ان تحتفظ بهم فقالت : ايوه ايوه صح طب هاتي هاتي يلا باي هبقى اطلع لك بدري يا نور 

نور : خدي بالك بس من عمران تصبح على خير 

بالخارج ناهد ما تستنوا طيب تتعشوا سوا 

ليان : لا يا ماما فعلا تعبنا قوي ممكن تبعثي لنا الاكل تحت مع مريم او انا هبقى اطلع اخده يلا تصبحوا على خير يا جماعه 

واسندت عمران واتجهت للاسفل معه

.........................................

وبعد دخولهم اتجهت به لغرفتهم وجلسوا برفق نظرت له : طب تعالى عشان اغير لك هدومك دي عمران: اووو انتي اللي هتغيري لي هدومي لا معلش انا بتكسف

ليان : هي هي هي خفه هو انت اصلا لقيت حد غيري يغير لك هدومك تنام زي و انت كده

ابتسم عليها بالفعل بدات تساعده في تغيير ملابسه ونام على الفراش بتعب وقال: ظهري واجعني جدا ال كدمات ال ده انا بموت انا حاسس ان انا شايفك اتنين يا ليان 

ضحكت بمرح عليه وجذبت النقود من ملابس ها وهي تقرا ما عليها وجدتهم 1000 جنيها وعلى كل 100 جنيها يكتب شيئا

الاولى ♥️بحبك♥️

ضحكت بمرح واقتربت تقبل وجنته وهي تقول : انا كمان بحبك

واكملت قراءه

الثانيه♥️ بعشقك♥️

رفعت عيونها له بعشق : وانا كمان بعشقك

الثالثه ♥️انتي نبضي♥️

فاقتربت منه وقبلت شفتيه بقبله خاطفه وقالت بهمس : وانا كمان انت روحي

ظلي ينظر لها بعشق الى ان اكملت 

الرابعه ♥️عمري ما حبيت ولا احب غيرك ولا شفت ولا هشوف غيرك ♥️

ادمعت عينيها وهي تتمسك بيده وقالت : انا عمري ما حبيت غيرك صدقني عمري ما حبيت اي حد في الدنيا غيرك انت حبيبي

نظر لها بشغف فاكملت هي

الخامسه :♥️ نعم الشخص وهو شارب يقول كل ما بداخله وما قلته في ذلك اليوم كان من قلبي حتى لو كانت طريقه التعبير خاطئه ولكنه حقيقه ليست كذبه♥️

ضحكت وسط دموعها واكملت

السادسه♥️ انتي ملكي♥️

رفعت عيونها له وهي تحاول تحجز دموعها واكملت السابعه♥️ انتي صديقتي الغاليه ومعشوقه الروح لولي♥️

نزلت دموعها وهي تكمل 

الثامنه♥️ لا اريد عمري يمر بدونك ليان ♥️

ظلت تضحك بين دموعها وهو يشاهدها بشغف شديد فاكملت التاسعه ♥️ الق،بله من شفت،يكي حياة ♥️

عضت على شفت،يها بحرج

و قالت العاشره ♥️ هل توافقين ان تصبحي زوجتي بقلبك وروحك وعقلك وجس,دك يا معشو،قتي♥️

نظرت له بعشق شديد وهي تقول: انا ما اعرفش انك رومانسي قوي كده ده بجد انت كتبت كل ده ليا انا مش مصدقه حلوه قوي انا من كتر ما كان كلامك حلو مش عارفه ارد عليه وبعد كل ده لسه بتسالني موافقه ابقى مراتك ولا لا

ابتسم بعشق وهو يقبل يدها فقال: ما الكلام ده كنت كاتبه امبارح بقى قبل ما تقولي لي النهارده انك موافقه بس انا عايز اسمعها منك تاني يا لولي ممكن 

عدت على شفتيها وهي تلاعب حاجبيها بشقاوه له وتقول : حتى لو انا قلت لك اوكي انت اصلا فيك نفس لحاجه

نظر بغيظ واكمل : تصدقي انك فصيله انتي يعني بتبكيتيني على نفسي بدل ما ترفعي من روحي المعنويه

ضحكت بمرح و وضعت يدعى في خصرها وهي تقول: اوكي انا موافقه اني ابقى مراتك وموفقه اسلمك قلبي وروحي وعقلي واقتربت منه اكثر وهي تقول بهمس وتنظر لعينيه : وانا كلى ملكك 

جاء يجذبها من خصرها بقوه ولكن وضع يده على ظهره وهو يقول بتعب : اااااه ظهري لا مش قادر 

ضحكت بقوه وقالت له ؛ ما انا قلت لك خليها بعدين انت اللي صممت ان انا اتكلم البس بقى

عمران بتعب: منك لله يا ليان يا بنت ام ليان

.........................................

عشقك لعنتي بقلم شروق مجدي 

ظلت طول الليل تحاول الاتصال به وهو لا يرد عليها بل واغلق هاتفه اكثر من مره طلبت من سيليا ان تتصل به ولكن ايضا لم يرد عليها هي الاخرى لمعرفته انها بالفعل هي نور 

وظلت على هذا الوضع لثاني يوم تحاول الاتصال به 

وتحدثت سيليا مع مروان فقال لها انه بخير ويجهز المطعم

حاولت نور كثيرا ان يتحدث لها وبعثت له كثير من الرسائل وهو لا يرد عليها وهي لا تقدر على التحرك اليوم الى ان حل المساء 

.........................................

بالاسفل عند ليان 

ليان : مالك يا عمران قاعد مبوز كده ليه

عمران : زهقان حاسس بزهق ما تقومي كده هاتي اكل ولا تعملي اي حاجه كده بدل ما انتي قاعده عماله تتفرجي على الكرتون اللي انتي بتتفرجي عليه ده

ضحكت بمرح ووقفت : في ترمس وفي حلويات وفي كحك وبسكوت هعمل لك معاهم شاي بلبن واقضي وقتك وشويه ونام بقى عشان اكمل الكرتون بتاعي

عمران بتهكم : شاي بلبن انا على اخر الزمن شاي بلبن وادخل انام هو انتي بتنيمي ابن اختك

ضحكت بمرح واقتربت منه بدلع وهي تقول : طب عايز ايه اجيبه 

وغمزت بعيونها بشقاوه وهي تقول: اجيب لك ب،يره وحش،يش وخ،مره وكده يعني

ضحك عليا بقوه : انتي بتهزري صح على فكره انتي رخمه شغلي لي فيلم نتفرج عليه تعالي اقعدي جنبي كده يعني مش هبقى تعبان وكمان ما فيش اي تصبيره

وقفت وهي تغلق الفيلم وجذبت رابط حجاب وهي تقول بغزل : ايه رايك ارقص لك

رفع حاجبي باستغراب لها : هترقصي بجد ولا بتشتغليني

ضحكت بقوه وبالفعل جذبت هاتفها وهي تختار اغنيه للسيده الجميله نجاه ( عيون القلب ) نظر لها بصدمه وهي تزيل كل شئ على الطاوله وتزيل ايضا رابط شعرها لينزل على ظهرها 

وتقف علي الطاوله بفستانها الاحمر المنزلى القصير وبدات تربط الرباط وترقص باحترافيه على كلمات الاغنيه وهو ينظر لها بذهول لم يصدق ان تلك الفتاه هي طفلته المدلله لولي

.........................................

تقريبا في نفس الوقت 

جلست نور حزينه الى ان بعث لها رساله يقول بها 

( اجهازي بكره افتتاح المطعم وهاجي اخذك انتي والجماعه من البيت فجهزي نفسك ) 

ردت عليا برساله وهي تقول 

( طب انا عايزه اتكلم معاك ولا هتقابلني بكره وانت زعلان كده طب حتى رد عليا قدر ان انا عماله احاول اكلمك ومش قادره اجي لك انا تعبانه قوي على فكره بجد ) 

مجرد قراءته لتلك الرساله دق عليا الهاتف ردت عليه بفرح فقال هو بهدوء شديد؛ تعبانه مالك فيكي ايه تحبي اجيب الدكتور واجي لك

نور بحزن : اسفه طريقه النقاش خانتني عشان كده بعتذر ومش عايزاك تزعل مني حقيقي حقك عليا من فضلك يا يحيى ما تزعلش مني كده

تنهد الاخر واكمل : لا انا تمام مش زعلان ولا حاجه يا نور انتي احسن دلوقتي ولا ايه الدنيا

نور : لو كان يهمك قوي كنت سالت عليا هو مش الدكتور قال ان ممكن درجه الحراره ترتفع بالليل فكرت حتى ترد وتعرف انا عامله ايه

اغمض عيونه بضيق فهو تناسى تماما هذا الامر فقال : انا بجد اسف نسيت خلاص الموضوع ده من اللي حصل والحادثه وانشغالي بالتوضيبات المطعم انا اسف انتي عامله ايه دلوقتي

نور : وحشتني عايزه اشوفك

يحيى : قدره تقفي على رجلك وتطلعي البلكونه انا واقف تحت وحشتيني

نور: بتتكلم جد انت تحت دلوقتي

يحيي: ايوه 

نور : استنى هسند واقف ثواني

بالفعل سندت واتجهت للشرفه وهي تنزل له بفرح ولكن فتحت عيونها بخوف على صوته الغاضب: انتى ازاي خارجه كده اتفضلي ادخلي البسي حاجه وتعالي

بالفعل دخلت ببطء وجذبت جاكت ترتدي 

على فستانها القط المنزلي قصير واتجهت مره اخرى للخارج 

يحيى : اول واخر مره الاقيكي لابسه كده وخارجه انتي سامعه

نور : خلاص بقى ما خدتش بالي بجد من كتر ما انا اتبسطت انك تحت يعني طب ما تطلع

يحيى : اطلع فين يا بنتي الساعه 1:00 انتي عايزه ابوكي يشتمني بس انا جيت عشان اشوفك وحشتيني وبجد نسيت خالص موضوع انك هتتعبي بالليل ده انتي تعبتي فعلا

نور : اه يعني شويه في الفتره اللي بطلت ارن عليك فيها كده ساعتين ثلاثه كنت سخنه جدا كنت تعبانه قوي حتى طلعت ليان ما رضيتش اصحي ماما بس رنيت على ليان كان عمران نايم فطلعت قعدت معايا وبقيت كويسه

يحيى : وانا اقول لي حسيت امبارح ان قلبي مقبوض كده عشان اللي في قلبي من جوه تعبان

نور : يا راااجل ......... يحيي اسفه بجد اسفه اوعدك انها مش تقرر تاني بس بلاش تزعل مني كده يعني ممكن نتناقش نتكلم نتخانق بس بلاش تزعل مني وما تكلمنيش كده ممكن كنت متضايقه قوي بجد

يحيى: نور انا كده لما بزعل او بتضايق بحب اختفي وبعد كده بظهر واديني اهو ما اختفتش كثير جيت لك على طول عشان ما قدرتش اختفي اكتر من كده بس صدقيني انا لما باخد على خاطري من حد عزيز عليا بختفي عنه شويه عشان اهدى فحاولي تتقبلي الحته دي فيا ممكن

نور : ممكن واحاول كمان اغيرها يحيى بحبك

يحيى: وانا كمان بحبك بحبك قوي كمان ومحضر لك بكره حته مفاجاه تحفه بس مش هقول لك عليها دلوقتي روحي نامي عشان من بكره الصبح هتكوني معايا باي يا حبيبي

نور : اي ده هتمشي طيب خليك معايا التليفون لحد ما توصل البيت

يحيى وهو يصعد لسيارته ويرحل : تمام بس انا مش رايح البيت انا لسه في المطعم اوكي

نور : هي عربيه مين دي

يحيي: اجرتها عشان مشاوير كتير بسبب التجهيزات 

نور : طب خلاص خليني معاك لحد ما تروح

يحي : ماشي يا ستي ايه رايك بقى لو اسمعك اغنيه حلوه بمناسبه الجو الرومانسي اللي احنا فيه ده

نور : اجنبي ولا عربي انا عارفه انك بتحب الاجنبي قوي

يحيى: لا عربي عجبتني اوي سمعتها فقلت اسمعها لك اسمعي يا ستي

بالفعل ضغط على زر الموسيقى 

♥️عيون القلب سهرانه مابتنامشى

لانا صاحيه ولا نايمه مبقدرشى

يبات الليل يبات سهران على رمشى

وانا رمشى مداق النوم وهو عيونه تشبع نوم

روح يا نوم من عين حبيبى روح يا نوم

حبيبى حبيبى اه من حبيبى عليه احلى ابتسامه

لما بتتضحك عيونه بقول يلا السلامه

لما يسلم عليه والا يقولى كلام

عايزه ورا كل كلمه اقوله ياسلام ياسلام

ده قالى فى يوم ياحبيبتى خدى القمر

ورحت معاها وما ادنى الا السهر

وانا رمشى مداق النوم وهو عيونه تشبع نوم

روح يا نوم من عين حبيبى روح يا نوم

تقولى كلام وافرح بيه انا افرح بيه

اسيب النوم وافكر فيك انا افكر فيك

انت تقول وتمشى وانا اسهر منامشى

ياللى مبتسهرشى ليله ياحبيبى

سهرانى حبيبى حبك ياحبيبى

بكتب على الليالى اسمك ياحبيبى

انت تقول وتمشى وانا اسهر منامشى

ياللى مبتسهرشى ليله ياحبيبى♥️

كان يحيى منسجم مع كلمات الاغنيه وهو يستمع لانفاس نور على الهاتف وهي تدندن مع الاغنيه

اما على الناحيه الاخرى فكانت المشاكسه ليان تتمايل على كلمات الاغنيه بدلع الى ان وقف عمران وهو يضع يده حول قدميها ويحملها على ظهره للداخل

فصرخت بمرح وهي تقول : استني يا مجنون انت تعبان ظهرك هيوجعك

عمران : ظهري ظهري اي انتي خليتي فيها ضهري انتي تسكتي خالص بعد اللي انتي عملتيه فيا ده

ضحكت بمرح عليه وهو يغلق الباب بقدمه

يتبع....

تكملة الرواية من هناااااااا 

لمتابعة  الرواية الجديدة زورو قناتنا علي التليجرام من هناااااااااا

بدل ماتدور وتبحث علي الروايات عمل 

متابعه لصفحتنا على فيس بوك هنااااااااااا

الرواية كاملةمن هناااااااااا

مجمع الروايات الكامله 1اضغط هناااااااا

 مجمع الروايات الكاملة 2 اضغط هناااااا