مجمع الروايات الكامله والحصريه فقط اضغط على اسم الروايه موجوده كامله في موسوعة القصص والروايات جميع الفصول مع البرنس محمد السبكي قصص وروايات كامله يسعدني تواجدكم معنا في المدونه

 رواية نسيم العشق الفصل العشرون والحادي وعشرون بقلم يارا عبدالعزيز

رواية نسيم العشق الفصل العشرون والحادي وعشرون بقلم يارا عبدالعزيز

#نسيم_العشق

البارت العشرون

مصطفى بصدمة :- حامل

- ارتفعت الزغاريط فى البيت و الكل بدأ يبارك و ظهرت علامات الفرحة على كل اللي فى البيت ما عدا كريمة اللي كانت هتمـ"وت بمعنى الكلمة 

مصطفى بغضب مفرط و صوت عالي:- بس اسكتوا انا مش عايز الطفل دا و الحمل دا مش هيكمل

- بصله كل اللى فى البيت بصدمة ، اتحولت فرحتهم لحزن ، و غضب كبير من كامل و عيسى ، بدأت نور تفوق تدريجياً بتعب وهي حاسة بدوخة بسيطة

كامل بغضب :- يعني ايه مش عايزاه انت اتجـ"ننت يااض انت

مصطفى بتحدي:- مش عايزاه يجدي انا هاخدها بكرة عند الدكتورة تنزله مش عايز اطفال مش عايز ابقى اب انا حر

نور بصتله بصدمة ، بدأت تعيط غصين عنها وهي مش مستوعبة اللي قاله ، لحد امتى هيفضل كدا معاها ، لحد امتى هيفضل يكـ"رها فيه بتصرفاته ، بدأت تقوم وهي حاسة بدوخة ، كانت هتقع لولا ايد جنة اللي مسكتها و سندتها

جنة بخوف :- استريحي يا نور لو سمحتي

نور ببكاء و حزن :- سبيني يجنة لو سمحتى سبيني انا والله ما بقيت قادرة عملت ايه انا في حياتي عشان يحصلي كدا 

كملت وهي بتقف قدام مصطفى و بتتكلم بأنهيار

:- عملتلك ايه عشان تأذ'يني كدا دا جزاتي اني حبيتك حرام عليك حرام عليك عايز تقـ"تل ابني هتقـ"تل ابنك دا ابنك 

بصلها بحزن منع دموعه من النزول بالعافية بس سرعان ما حول ملامحه للجمود ، واتكلم بنبرة صوت خالية من اي مشاعر

مصطفى:- انا مش عايز اطفال هتجيبي طفل ابوه مش عايزاه مش هكون ليه اب كويس و مش هعترف بيه فلازم تنز"ليه 

فجأة لاقى صفـ"عة قوية نزلت على وشه ، اتصدم كل اللى فى القصر و خصوصاً مصطفى اللي بص لعيسى بغضب وهو بيحط ايده على وشه

عيسى بغضب :- والله العظيم لو ما فوقت من اللي انت فيه دا لهكون مربيك من اول و جديد انت اتجـ"ننت عايز تقـ"تل روح ربنا عايزاها تبقى موجودة فيه غيرك بيعقدوا سنين نفسهم فى حتة عيل فيه غيرك قلوبهم بتتملي بالحزن كل ليلية عشان مش عارفين يكونوا اب وام مليون غيرك بيتمنى كلمة بابا و مش لاقيها انت مين عشان تقرر قرار زي دا 

مصطفى بغضب و صوت عالي:- انتوا اللي مين عشان تقرروا عني انا ابوه وبقولك مش عايزاه ايه مبتفهموش

كامل بغضب :- و على جثـ"تي ان الطفل دا ينز"ل مش انت مش عايزاه خلاص أنا هربيه

مصطفى ببرود وهو بيخرج من البيت وبيديهم ضهره

:- اعملوا اللي انتوا عايزينه انا قولت اللى عندي

نور ببكاء:- يا رب انا تعبت والله ما بقيت قادرة استحمل دا كله هو ليا بيعمل فيا كل دا

عيسى :- اهدي هو شوية و هيعقل اكيد مش هسيب ضناه

نور بصتله بحسرة و حزن 

كامل :- حنين خدي نور ترتاح فى الاوضة وانتي يا كريمة حضرلها لقمة تاكلها

نور بحزن وهي بتمسح دموعها:-  مش قادره اكل حاجه يجدي

كامل :- لازم تاكلي يبتي عشانك و عشان اللي فى بطنك

نور بخوف شديد:- هو ممكن يأ"ذي ابني أو يجبرني انزله

كامل :- ميقدرش يعمل اكديه وانا موجود متخافيش يلا اطلعي مع حنين ارتاحي انتي تعبانة و لازم ترتاحي يبتي

نور بحزن و حسرة :- تمام

جنة سندتها و طلعوا اوضة حنين 

لا حول ولا قوة الا بالله العلي العظيم ♥️

فريدة كانت عايزة تتكلم مع كامل بس حسيت ان مش وقته فقررت تتكلم معاه فى وقت تاني ، طلعت اوضتها اللي دلاها عليها الخدم 

عيسى بجدية و هو بيبص لجنة:- يلا 

جنة بأحترام :- تمام 

في غرفة عيسى و جنة

جنة : عيسى

عيسى :- عيونه

جنة :- هو انت لما كنت بتتكلم تحت كنت بتتكلم عليك صح انت بتتمنى انك تكون اب و انا مش محققلك دا انا بجد اسفة يعيسى احنا ممكن نتمم جوزانا و نخليه حقيقي دلوقتي

راح عندها مسك ايديها و حضن ايديها بحب و اتكلم بهدوء و حنية مفرطة 

عيسى :- قولتلك قبل كدا انا مش مستعجل احنا لسه فى أول جوزانا والحياة قدمنا طويلة انا مش هقرب منك إلا اما تكوني متأكدة من مشاعرك ناحيتك مينفعش تندمي على الموضوع دا بالذات تمام

جنة حضنته بحب و عمق و هي حاسة بمشاعر غريبة عليها مكنتش بتحس بيها قبل كدا حتى مع مصطفى ، حاوط بأيده ظهرها و دفـ"ن رأسه فى عنقها بعمق

جنة : عيسى

عيسى بحب :- اممم

جنة :- هو انا ليه حاسة باحساس غريب و انا معاك ليه بحب قربك اوي كدا 

عيسى ببأبتسامة:- اما تجاوبي على سؤالك ابقي قوليلي

جنة :- بس انا بسألك

عيسى :- انتي وبس اللى المفروض تجاوبي

جنة بتلقائية:- هو انا ممكن اكون بحبك

قلبه نبض بسرعة كبيرة من اثر كلامها بدأ يفقد السيطرة على نفسه 

عيسى بهمس :- بقيت خايف عليكي من نفسي يجنة

جنة :- دا حقك يعيسى

بعد عيسى بصعوبة وهو بياخد نفس عميق اتكلم بجدية 

:- هدخل اخاد دوش ممكن تطلعلي غيار و تحطيه على السرير لو سمحتي عبال ما اخرج

جنة بخجل :- تمام

دخل عيسى الحمام ، جنة جابتله غيار و حطته على السرير ، مسكت اللاب بتاعه لانها كانت عايزة تحمل حاجات للكلية بس لاقته معمول بباسورد

خرج عيسى من الحمام و هو بينشف و كان لابس بنطلون بس شعره بصتله جنة بخجل شديد 

عيسى :- عايزة اللاب فى حاجة

جنة :- ايوا بس مش عارفه افتحه ممكن تقولي الباسورد أو خد اعمله انت 

عيسى :- تاريخ ميلادك

جنة بفرحة شديدة:- قول و الله 

عيسى ببأبتسامة:- والله 

راح قعد جانبها على السرير و خدها فى حضنه:- هاتي وانا افتحهولك 

بصتله بخجل و هي بتبص لعينيه :هو انا طلعتلك هدوم ممكن تلبس التيشرت يعني

عيسى ابتسم على خلجها بحب 

عيسى :- انا مرتاح كدا 

جنة وشها قلب طماطم و ضربات قلبها بدأت تزيد ، زاح شعرها ورا ودنها واتكلم بحنية

:- شكلك احلى كدا 

جنة بخجل :- انا هنام بقى ماشي

عيسى :- تعالي نعقد نحكي شوية قبل ما تنامي نتعرف على بعض اكتر

جنة بعدت بسرعة و قامت من على السرير وهي بتجيب التشيرت : طب ممكن تلبسه معلش

عيسى بحب و هو بيضحك عليها : طب يلا ابقى جوزك دلوقتي ايه رأيك

جنة بصتله بتوتر شديد و خجل :- هاا انا هروح اطمن على نور ماشي انت نام 

عيسى مسكها و حضنها من ضهرها بحب :- خلاص خلاص مش هعمل حاجه تعالي كنت بهزر و الله

جنة بخجل و هي بتلتفت ناحيته :- تمام 

بص لعينيها بحب ليفقد حصونه دفـ"ن رأسه في عنقها بحب كبير و عمق وهو بيستنشق ريحتها ، طبع قبـ"لة صغيرة على عنقها ، اتنفضت جنة بخجل ، شالها برفق و حنية و حاطها على السرير ، قعد جانبها و هو بيقرب من وشها وهي كانت مستسلمة كليا ، همس جنب شفايفها بحب 

:- بحبك اوي يجنة بعشقك

غمضت عينيها ، ابتسم عليها بحب و وسامة غمض عينيه و طبع قبـ..لـة صغيرة على خدها

جنة بهمس وهي بتفتح عينيها تدريجياً :- عيسى

عيسى بهمس :- هشششش سيبي قلبي يفرح شوية بقربك يجنة

استغفر الله العظيم الذي لا اله الا هو الحي القيوم و اتوب اليه ♥️

غمضت عيونها بخجل ، قرب منها اكتر مسك ايديها بحب و قبـ'ل رأسها

وفجأة الباب خبط ، جنة فتحت عينيها واتكلمت بخجل وهي بتحط ايديها على صدره بضعف

:- الباب

عيسى بتوهان:- اسكتي يجنة

جنة :- الباب بيخبط يعيسى

عيسى بعد بصعوبة ، اتعدلت وهي بتتجنب النظر ليه من شدة خجلها ، قام لبس التيشرت بسرعة وهو بيبصلها بحب و مش عارف يشيل نظره من عليها ، راح ناحية الباب وهو بيفتح ربع فاتحة

عيسى :- فيه حاجه يجدي

كامل :- اخرج شوف مصطفى فين قلقان عليه اسأل عادل صاحبه اكيد عارف هو فين متجيش غير و هو معاك

عيسى :- تمام رايح دلوقتي

مشي كامل دخل عيسى الاوضة

جنة بخجل :- هتخرج

عيسى و هو بيظبط هدومه :- اها نامي انتي احتمال اتأخر

جنة :- ينفع اروح اقعد مع نور عبال ما انت تيجي

عيسى :- تمام 

خرج عيسى من البيت كلم عادل صاحب مصطفى وقاله ان مصطفى فى شقته اللي في سوهاج ، وصل البيت ، رن الجرس ، فتح مصطفى لاقى عيسى ساب الباب مفتوح و دخل من غير ما يتكلم ، عيسى دخل وراه وقعد على الكرسي بهدوء

اللهم صلي وسلم وبارك على سيدنا محمد وعلى اله وصحبه اجمعين ♥️

مصطفى:- جاي ليه عشان يقولوا عيسى واخد باله من الكل 

عيسى :- جدك قلقان عليك

مصطفى بسخرية:- ايه دا فعلا من امتى و هو بيقلق عليا يشيخ قول كلام غير دا 

عيسى قام وقف قدامه و اتكلم بجدية

:- انت مالك كدا فيك ايه حبك ليها باين فى عينيك ليه بتكابر وبتعامله كدا فيه اب بيبقى عايز يقـ"تل ابنه 

مصطفى بدموع :- مينفعش مينفعش يجي لو نور خلفت الطفل دا هيتظلم مش عايزاه يسـ"تعر مني مش عايزاه يجي يلاقي اب ميـ"ت 

عيسى بأستغراب :- مش فاهم 

مصطفى:- امشي يعيسى امشي و قول لجدك انه السبب فى كل اللى انا فيه انت و جدك السبب دمـ"ر حياتي لما كنت بشوفه بيديك حبه كله وانا لا مين مصطفى عشان نهتم بيه و كأن مفيش حد غيره

عيسى بعصبية:- انت بجد مبتفهمش حاجة انت اللي اخترت تبعد يمصطفى مش جدك انت اللي قررت انك متنزلش الأرض من صغرك حتى لما كبرت سافرت ازاي بتتهم جدك بحاجة انت عملتها 

مصطفى:- تمام يلا امشي انا مش جاي معاك

عيسى : مش ماشي الا اما تقولي مالك 

مصطفى بغضب :- بقولك امشي يلا امشي من هنا مش عايز حد جانبي انا طول عمري لوحدي

عيسى :- مش ماشي الا اما افهم مالك 

مصطفى بدموع :- عايز تعرف مالي وليه انا مش عايز نور تخلف تمام 

يتبع ..........

نسيم العشق

البارت الحادي والعشرون

- دخل الاوضة بتاعته فتح الدولاب جاب تلت ازاي صغيرة من بتوع الحقن بس كانوا مليانين بو'درة ، اتنهد بحزن واخد نفس عميق و خرج بيهم قدام عيسى ، حاطهم قدامه على التربيزة ، بص عيسى للازايز بأستغراب

مصطفى بعصبية و دموع :- هو دا السبب يعيسى هو دا اللي مضيعاني هو دا اللي مخليني اعامل نور كدا دا اللى مخليني مش عايزاه تخلف

كمل كلامه وهو بيعقد على الكنبة بحزن و اسى و بيدفـ"ن رأسه بين أيديه و اتكلم بصوت مخنـ"وق بدموعه و حزنه

:- انا مد"من يعيسى انا بتعا"طى مخدر"ات عرفتوا انا فيا ايه 

بصله عيسى بصدمة شديدة و حزن عليه و على حالاته ، مد ايده بسرعة على التربيزة ، خد الازايز ، و دخل الحمام ، مصطفى قام وراه بسرعة

مصطفى بغضب :- انت بتعمل ايه هاتهم

عيسى بغضب :- اسكت مش عايز اسمع صوتك انت لازم تتخـ"لص من الز'فت و تتعالج 

مصطفى وهو بيحاول ياخد منه الازايز بكل قوته 

:- بقولك هاتهم انا مش عايز اتعالج هاتهم بقولك 

عيسى اتجاهله وهو بيبعد ايده بكل قوته مصطفى حاول بكل قوته ياخدهم ، عيسى ضر"به بقوة ليسقط أرضا والدما"ء تخرج من فمه ، رمى عيسى البو"درة فى الحوض و فتح عليها المياه

اللهم صل وسلم وبارك على سيدنا محمد وعلى اله وصحبه اجمعين 🤎

مصطفى بألم وغضب :- ايه اللي انت عملته دا انت مفكر انك بتمنعني ما انا ممكن اجيب غيرهم

عيسى مدله ايده ، اتردد مصطفى فى الاول بس بعد كدا مسك أيده وسند عليه وقام ، راح قعد على الكرسي

عيسى :- انت لازم تتعالج على الاقل عشان نور 

مصطفى بدموع و حسرة :- نور نور ما ضاعت خلاص فكرك نور ممكن تسامحني بعد كل اللى عملته فيها نور كانت اكتر واحدة اتأ"ذت من اللى انا فيه

عيسى بجدية:- بتحبها

مصطفى: بعشقها بس مينفعش تكلم مع واحد زي انا هخليها تنزل الجنين و بعد كدا هطلقها انا مستاهلهاش مستهلش حتى اني اكون اب

عيسى:- بس انت بأيدك تتعالج اتعالج و عيش حياة سعيدة مع مراتك وابنك انت لسه قدامك الفرصة يمصطفى مضيعهاش من ايدك انا ربنا وحده اللي اعلم معزتك عندي ايه جدك معرفش ينام قالي روح هاته متجيش من غيره كلنا عند جدك واحد يمصطفى انت اللي قررت انك تبعد 

مصطفى جري عليه و حضنه حس انه محتاج حضن حد يطلع فيه اللي جواه

مصطفى بدموع :- انا تعبان اوي يعيسى تعبان و محدش حاسس باللي انا فيه انا عارف انها دلوقتي بتكرهني و مش عايزة تشوف وشي بس والله كنت بحس اني محتاجها و كل اللي عملته فيها كان من تأثير المخـ"در انا مستاهلهاش بس انا والله العظيم بعشقها و قلبي بيـ"تقطع مليون حتة وانا شايف دموعها اللي نزلت بسببي انا واحد واطـ"ي و زبا"لة ومستاهلش اني اكون فى قلبها

عيسى :- اجمد كل حاجه هتتصلح و هترجعوا و هتعيشوا مع بعض كويسين بس الاول لازم تتعالج من اللى انت فيه 

مصطفى:- لو اتعالجت هتوافق ترجعلي

عيسى :- اكيد لانها بتحبك بس انت لازم تقوى و تتحدى اللي انت فيه يلا 

مصطفى:- هنروح فين 

عيسى :- عند دكتور صاحبي هو هيساعدنا

مصطفى:- تمام 

نور كانت قاعدة مع جنة و حنين و فريدة و كانت كل شوية تبص فى الساعة و هي مستنية قدوم مصطفى فعجبا لك يا قلبي بعد كل اللى عمله فيك وانت لسه بتخاف عليه

جنة بهدوء :- عيسى راح يشوفه ومش هيجي غير بيه متخافيش

اكتفت انها تبتسم ابتسامه خفيفه حطيت ايديها على بطنها و سندت برأسها على السرير 

فريدة :- طب خلينا نسيبها تستريح شوية و نخرج احنا

جنة :- تمام 

خرجت فريدة و جنة من الاوضة و مفضلش غير نور و حنين

فى العيادة

:- انت بقالك اد ايه

مصطفى:- شهر 

:- تمام انت لسه فى البداية و باذن الله متاخدش وقت المهم تبقى ادها طبعا تظبط نومك و تحاول على اد ما تقدر تبعد عن اي حد كان بيساعدك تعمل كدا انا هكتب شوية ادوية هتساعدك

مصطفى:- تمام

:- انت متجوز

مصطفى:- ايوا 

استغفر الله العظيم الذي لا اله الا هو الحي القيوم و اتوب اليه 🤎

:- تمام يبقى تبعد عن مراتك طول فترة التعافي لان المرحلة دي صعبة وعشان تعوض الجرعات هتبدأ تعوضها بمراتك و كدا احتمال تتأ"ذي فياريت تبقى بعيد عنها و اشوفك باذن الله كمان عشر ايام 

عيسى :- هو هياخد اد ايه يا دكتور

:- هو و ارداته لو بعد عنه تماما فخلال العشر ايام الجاين كدا كل السمـ"وم اللي فى جسمه هتتسحب المهم بس يكون قوي و ميرجعش

عيسى :- تمام يا دكتور شكرا لحضرتك

فى عربية عيسى 

مصطفى:- عيسى انا عايز اشوف نور

عيسى :- انت مسمعتش الدكتور قال ايه 

مصطفى:- ارجوك يعيسى و حشتني نفسي اشوفها و الله ما هعملها حاجه بس اشوفها واخدها فى حضني بس حتى لو خمس دقايق

عيسى :- تمام انا هتصرف 

عيسى رن على جنة ليأتيه الرد فى الحال

جنة :- انت فين اتاخرت اوي 

عيسى :- انا جاي اهو روحي اوضة حنين صاحيها و خليها تنام في اوض من اوض القصر عايز نور لوحدها فى الاوضة 

جنة بأستغراب:- ليه 

عيسى :- اعملي اللي بقولك عليه يجنة

جنة :- تمام

دخلت جنة و صحيت حنين و خرجتها من الاوضة بعد ربع ساعة كان وصل عيسى و مصطفى

عيسى فضل واقف قريب من اوضة نور و مصطفى دخل 

مصطفى بحب و دموع وهو بيبص لنور و بيمسك ايديها

:- وحشتني وحشتني اوي انا اسف عشان بسببي انتي عيطتي و زعلتي بس مش هخلي كل دا يستمر كتير يا نور هتعالج و هنعيش مع بعض انا و انتي وابننا ، قرب عليها و طبع قبـ"لة صغيرة على خدها نام جانبها وهو بيد"فن راسه فى عنقها و بيستنشق ريحتها بعمق ، بعد نفسه عنها بالعافية وهو بيفتكر كلام الدكتور خرج من الاوضة وهو بيبصلها و مش قادر يشيل عنه من عليها

مصطفى:- انا مش هينفع اقعد فى البيت عشان خايف عليها من نفسي هروح اقعد فى شقتي

عيسى :- لازم تبقى تحت مراقباتي خليك هنا احسن عشان تبقى تحت عنينا و متخافش انا هعرف احمي نور منك 

مصطفى حضنه بكل قوته :- اسف اسف على كل حاجه قولتهالك و زعلتك مني 

عيسى :- يالا دا احنا اخوات و انا قولتلك قبل كدا غصبن عنك أو برضاك انا اخوك الكبير و هفضل كدا طول العمر أن مكناش هنبقى سند لبعض هنبقى سند لمين يعني

مصطفى وهو بيطلع من حضنه :- انت و جنة علاقتكم كويسة

عيسى بتنهيدة:- بحاول بس مبقتش قادر امسك نفسي الصراحة

مصطفى:- انت بتحب جنة

عيسى :-  روح اوضتك يمصطفى و حسك عينك اشوفك مقرب من الاوضة دي تاني

مصطفى:- تمام تصبح على خير 

دخل عيسى اوضته بعد ما اطمن ان مصطفى دخل اوضته

جنة جريت عليه و حضنته

عيسى : مالك 

جنة :- انت اتأخرت اوي و قلقت عليك 

رفعت نفسها لمستواه وهي بتقـ"بل خده بتلقائية و خجل شديد

عيسى بحب و همس :- وحشتني

جنة بخجل :- وانت كمان 

عيسى:- عندك كلية الصبح 

جنة :- اها

عيسى :- طب يلا ننام عشان تعرفي تصحي بدري

جنة :- تمام 

شالها بحب و حاطها على السرير ، دخل غرفة الملابس و غير هدومه ، راح نام جانبها ، حطيت راسها على صدره و مسكت ايده ، بصلها و ابتسم 

جنة بحب و همس وهي بتد"فن راسها فى عنقها

:- متتأخرش عليا تاني يعيسى انت بقيت بتوحشني اوي

عيسى :- انا مبقتش قادر يجنة و مش عارف موضوعنا هينتهي على ايه

جنة :- مش عايزة ابعد عنك عايزة افضل طول الوقت فى حضنك كدا انا برتاح اوي كدا 

قالت كلامها و ذهبت فى نوم عميق ، بصلها بتوهان فى شكلها و ملامحها الهادئة اللي بقى بيعشقها ، و ذهب فى نوم عميق

نور صحيت وهي حاسة بخـ"نقة ، خرجت وقفت فى البلكونة ملاقتش عربية مصطفى ، اتنهدت بقلق لاقيت نفسها بتروح اوضته ، دخلت الاوضة ملقتش مصطفى موجود قعدت على الكنبة بقلق و خوف عليه ، خرج مصطفى من الحمام و كان عا"ري الصدر نور بصلها بحب كبير ، اما هي فتوترت بشدة قامت بسرعه من على الكنبة و كانت هتقع لولا ايد مصطفى اللي سندتها فضلوا يبصوا لبعض فترة من الوقت

نور بتوتر:- انا انا ملاقتش عربيتك فكرتك مش هنا

مصطفى بحب و هو تايه فى عينيها:- انا جاي مع عيسى فى عربيته عدلها برفق و دفـ"ن رأسه فى عنقها و طبع قبـ"لة صغيرة عليه 

مصطفى بهمس :- فيه حد بيخرج كدا هاا

نور :- محدش صاحي فى البيت كلهم نايمين

مصطفى:- حتى لو نايمين متخرجيش كدا تاني ماشي 

سحبها من ايديها و قعدها على الكنبة

نور بدموع : هتنزل الجنين

مصطفى بحنية:- لا 

نور :- قول و الله

مصطفى:- والله مش هنزله متخافيش و متتوريش عشان الحمل تمام

نور برقة و خجل :- تمام

طبع قبـ"لة صغيرة على خدها غمضت عيونها بحب و هي شايفة مصطفى الحنين استسلمت اما شافت عيونه المليانة حب ليها غمضت عينيها ، مسك ايديها و قبـ"لها 

مصطفى بحنية :- بحبك بعشقك يا نور انتي و حشتني اوي

نور بدموع وهي بتفتح عينيها:- انت إذ"اتني اوي يمصطفى

مصطفى:- اسف يعيون و قلب مصطفى اوعدك انى مش هعملك حاجه تانيه سامحني يا نور انا و الله امـ"ون من غيرك 

نور :- مش عارفه انسى مش عارفه بس كل اللى اعرفه اني بحبك اوي قلبي عايزاك تفضل طول الوقت جانبه يمصطفى

بدأت حصونه تتفك كليا زاح الروب من عليها ، و دفـ"ن رأسه فى عنقها

لا حول ولا قوة الا بالله العلي العظيم 🤎

نور بهمس و خجل :- مصطفى

مصطفى بحب :- عيونه

حاوطت بأيدها رقبته شالها بحب و حاطها على السرير قعد جانبها و مسك ايديها افتكر كلام الدكتور وهو بيقوله يبعد عنها بعد بصعوبة و اتكلم بغضب من نفسه

:- اخرجي من الاوضة يا نور 

نور بأستغراب:- هاا

مصطفى:- بقولك اخرجي من الاوضة يلا 

قامت بسرعه و خجل لبست الروب بتاعها و خرجت من الاوضة

اتنهد بحزن و ذهب في نوم عميق

فى الصباح فى قصر الجبالي و تحديداً في غرفة المكتب

فريدة :- حاج كامل بما انك كبير البلد كنت حابة اسألك عن حاجه

كامل بخوف :- اتفضلي يبتي

فريدة:- من ٢٨ سنة محدش جابلك طفل كان عمره ايام او مسمعتش اي حاجه عن الموضوع دا 

يتبع.............

متنسوش سورة الكهف والصلاه على النبي صلى الله عليه وسلم 🦋🤎🤎🤎🤎🤎🤎🤎

#بقلم يارا_عبدالعزيز

تكملة الرواية من هناااااااا 

لمتابعة باقى الرواية زورو قناتنا علي التليجرام من هناااااااااا

بدل ماتدور وتبحث علي الروايات عمل 

متابعه لصفحتنا على فيس بوك هنااااااااااا

الرواية كاملةمن هناااااااااا

مجمع الروايات الكامله 1اضغط هناااااااا

 مجمع الروايات الكاملة 2 اضغط هناااااا