رواية صخر الفصل الثامن عشر والتاسع عشر بقلم لولو الصياد حصريه في مدونة موسوعة القصص والروايات
رواية صخر الفصل الثامن عشر والتاسع عشر بقلم لولو الصياد حصريه في مدونة موسوعة القصص والروايات
الفصل الثامن والتاسع عشر ....
كان شاهين وبسمه
ينظرون الي روفيدا وهي تنطلق مع صخر الي الموعد
شاهين .بتوتر..حاسس اني قلقان
بسمه ...ان شاء الله خير متخوفنيش ارجوك هيرجعوا كلهم بالسلامه صدقني .
شاهين ...ياريت
بسمه ...ان شاء الله ربنا معندوش حاجه وحشه لازم نرضي بكل حاجه وتقول الحمد لله ربنا لما بيحب عبد بيبتليه يا شاهين
شاهين ...يارب .
بسمه .. تعالي ندخل جوه نصلي وندعي ليهم يرجعوا بالسلامه
شاهين ...حاضر
............
بينما علي الجانب الاخر في منزل قاسم
وجد ادم يرن الجرس علي غير العاده
قاسم ...اهلا يا ادم مكلمتنيش يعني قلت انك جاي
ادم ...بفرحه بعيونه ...خلاص يا قاسم انهارده هشوف روفيدا
قاسم ...المعني ...
ادم...مفيش وقت للشرح حاليا انا عاوز البنت هي فين
قاسم ...نغم نايمه عاوزها ليه
ادم ...لازم تيجي معايا دلوقتي لان هرجعها بالليل بعد ما اقابل روفيدا
قاسم ...بجديه ...نغم مش هتخرج من هنا الا علي بيتها وانا اللي هوصلها
ادم. ..بحده ...يعني ايه الكلام ده البت دي ملكش فيها دي حاجه ليا سبتها عندك وجاي اخدها امانه عندك وبس مش علشان تمنعها عني بمزاجك
قاسم ..بحده اكبر ...وانا مش هدي مراتي لاي حد انا هرجعها لما تخلص وكاني جبتها من الشارع ووصلتها لاهلها مساعده يعني
ادم ...ومين قال اني هوافق علي كده انا اللي هاخدها وارجعها بعد ما اخلص اتفاقي مع روفيدا وانت تطلع من الموضوع وادخل هاتها بدل ما ادخل انا وبلاش موضوع مراتي
وكان يهم بالذهاب للغرفه الموجوده بها حين وجد
قاسم يضع يديه امامه ويمنعه من الذهاب
قاسم بلهجه لا تقبل النقاش
قاسم ...كلامي مش هيتغير يا ادم وانت عارفني كويس بموتي لو خدتها انا وعدتها ودي مراتي وبراحتك متصدقش بس برده انا اللي هرجعها
ادم بسخريه ..هي حليت في عنيك ولا ايه
قاسم....بحده ..بطل سفاله البنت امانه لحد ما ترجع صاغ سليم
ادم ...ماشي يا قاسم بس راجعلك تاني مشكلتلك اني مش فايق ولا فاضي دلوقتي لكن رجعلك تاني انهارده
قاسم بسخريه ...مستنيك يا ادم
واغلق الباب
قاسم بتفكير ...انا لازم اتصرف ...
........
واخيرا وصل الجميع
كانت روفيدا تمسك بهاتفها ويديها ترتعش
تعلم ان رجال الشرطه وصخر علي مقربه منها
ولكن كان التوتر بداخلها يزداد كلما مر الوقت
واخيرا وجدت هاتفها يرن
روفيدا ...الو
الشخص. ...بسخريه ...عجبني اوي الحمايه اللي حواليكي .
روفيدا ...بتوتر ...حمايه ايه
الشخص ...من غير كلام كتير عاوزك تمشي بعربيتك دلوقتي
وبالفعل قامت روفيدا بتشغيل السياره
وانطلقت وطلب منها الشخص ان تذهب الي ميدان التحرير بالقاهره
وكان المكان مزدحم للغايه
ويصعب السيطره عليه
بينما كان صخر ورجال الشرطه يتبعوا روفيدا .
ولكن فجاءه طلب منها النزول وان تتمشي وسط الميدان المليء بالاشخاص
كانت العيون عليها ولكن فجاءه .ازدادت الزحمه واختفت روفيدا عن الاعين
وبحث صخر بعيونه
عده مرات وكان يبعد الناس عن طريقه
هو ورجال الشرطه ويبحثون ويبحثون ولكن وكان الارض انشقت وابتلعتها
صخر بصراخ .....روفيداااااااااااااااااااااااا
.............
صخر ...بقلم لولو الصياد
علي الجانب الاخر .....
كان ماجد يجلس بغرفته بالمنزل
ويمسك بهاتفه
وينظر الي اسم تالين عليه
ماجد لنفسه تتصل ولا لا انت ليه اصلا عاوز تكلمها مش خلاص خطبت سبها في حالها بقي ومتعلقهاش بيك رد علي نفسه بس انا بس عاوز افهم انا زعلتها في ايه وعاوز اتصل علشان كده وبس وهتصل واعرف .وبالفعل رن عليها
عده مرات حتي ينقطع الخط دون اي اجابه منها
فاعتقد انها نائمه
ولكن بغرفتها كانت تجلس تالين ودموعها تنهمر علي وجهها .وهي
تمسك الهاتف وتمارس اقصي حالات التحكم بالنفس علي نفسها حتي لا ترد عليه وتخبره كم هي تتالم منذ ذلك اليوم الذي علمت انه ليس لها وانه ملك لمراه اخري
..............
في المساء
رن جرس الباب بمنزل قاسم
فتح قاسم الباب وكان الطارق هو
ادم للمره الثانيه كما وعده
ادم ...فين البنت يا قاسم لازم ترجع
قاسم ...قلتلك قولي عنوانها وانا ارجعها
ادم . .لازم تاخد الاول قرصه ودن علشان متقولش حاجه عننا
قاسم وهو ينظر للرجل خلف ادم وقد كان غريب المظهر يبدو عليه البلطجه والاجرام.
قاسم ....مش هيحصل
ادم ...وهو يدفعه ويدخل الي الداخل ويبحث عنها كثيرا هو ورجله
وسط نظرات قاسم الساخره وصمته الذي يستفز ادم اكثر واكثر
قاسم بسخريه ...مش هتلاقيها
ادم بغضب ...وديتها فين
قاسم ...بجديه.قدامك يومين يا ادم وترجع البنات لاهلهم قسما بالله العظيم ما هستني بعد 48ساعه لحظه وهقول كل حاجه وهرجع نغم وروفيدا هترجع هترجع خلص نفسك ومتختبرش صبري
ادم ....ده اخر كلام يا صاحبي
قاسم ...لاني صاحبك وعارف ازاي ممكن تضر اي حد وتندم بعدها وخايف عليك هعمل كده
ادم ....بسخريه ...خايف عليا
قاسم...ايوه خايف عليك عمال تودي نفسك في بلاوي ودخلتني معاك ودلوقتي عاوز تضر بنت ملهاش اي ذنب
ادم ...خلاص يا قاسم هما 48ساعه وكله يخلص
قاسم .....بعدهم مش هستني يا ادم وده وعد مني ليك
ادم ....هنشوف يا قاسم هنشوف
.........
لولو الصياد ...صخر
الفصل التاسع عشر ...
وقف صخر ينظر حوله وكان لا يسمع ولا يري شيء سوي روفيدا وهي تنظر له لاخر مره قبل اختفائها وكانها تقول له وداعا
دون شعور منه نزل علي ركبتيه وسط الشارع فقد فقد كل طاقته
اصبح يشعر وكان قدميه لا تستطيع ان تحمله اكثر من ذلك
ذهبت واخذت كل قوته معها كانت هي مصدر القوع والسعاده تجعله يحلق في السماء والان تركته ورحلت جعلته يسقط بكل قوته
علي جذور رقبته جعلته يفقد كل احساس وشعور بالدنيا
كان يجلس علي الارض لا يعير احد اهتمام ولا يهتم بنظرات الناس اليه
كان يحدث نفسه بكل حزن وغضب وتانيب لنفسه من الداخل
صخر ...انا السبب يا روفيدا انا يا حبيبتي سلمتك بايدي ليهم انا يا حبيبتي ضيعتك ودلوقتي مش عارف اعمل ايه متكتف من غيرك حاسس ان كل قوتي راحت روحتي فين يا حبيبتي طيب كنتي تعرفي بحبي ليكي لسه جوايا حاجات كتير اوي ليكي يا روفيدا
ونزلت دموع الصخر دموع علي روحه التي ضاعت منه وقلبه الذي انخلع من مكانه وكانه مثل الزرع الذي ينخلع من ارضه وكان روفيدا هي الزرع وهو الارض اخذوها بعيد عنه
ولكنه اقسم وهو يقف علي قدميه
ثانيه
صخر ...مبقاش صخر العراقي ان ما رجعتك ليا تاني ولو هعدي فيها بحور دم
.............
علي الجانب الاخر
كانت بسمه تنظر الي شاهين
الذي كان يتحدث مع اللواء ويعرف
ماذا حدث معهم فقد اتصل كثيرا وكثيرا بروفيدا وصخر ولكن لم يجيب احد منهم عليه
كانتزبسمه تتابع نظراته الحزينه
وذلك الهم علي وجهه وكانه اصابه هم كبير وكانت تالين تقف الي جانبها تنتظر النتيجه رغم انها لا تتدخل وبعيده بسبب حزنها من حظها السيء ولكنها الان كانت تجلس معهم وبداخلها خوف كبير علي صخر وروفيدا وحتي نغم
تتمني ان يعودوا الي المنزل بسلام
واخيرا اغلق الخط
بسمه ...ها يا شاهين حصل ايه
تالين ....رجعوا يا شاهين صح
كانوا ينتظروا كلمه منهم تجعل الامل والسعاده تعود اليهم ولكن كان العكس وغرس خنجر بداخل كل واحده منهم حين اخبرهم بما اخبره به اللواء
شاهين ....روفيدا اتخطفت وصخر متجنن عليها بيلف زي المجنون ونغم مفيش جديد عنها
تالين ببكاء...يعني روفيدا خطفوها ازاي وروفيدا حصلها ايه
بسمه ببكاء وحزن ...وصخر كان فين ورجاله البوليس
شاهين ...الخاطف غير الخطه واضح انه كان عارف ان هي متراقبه وعلشان كده وداهم مكان زحمه وخطفها منهم .
تالين ...وبعدين
شاهين وهو يجلس بتنهيده
شاهين ...مش عارف ولا حتي قادر افكر في حاجه مش مفهومه في حلقه ناقصه في الموضوع ده
تالين ...ببكاء ..ماليش دعوه بكل ده انا عاوزه اختي
بسمه وهي تقترب منها وتحتضنها
بسمه ...متقلقيش يا تالين روفيدا قويه وصخر هيرجعها انا واثقه من كده ولازم ندعي انها ترجع بالسلامه هي ونغم وان شاء الله هيوصلوا لهم بسرعه جدا
الجميع... يارب
.................
علي الجانب الاخر
دخل ادم الي المنزل الموجوده بهم روفيدا
وجد رجاله امامه
احدي الرجال....كلوا تمام يا باشا هي علي وشك تفوق
ادم ...مش عاوز حد يدخل جوه وعاوز حمايه اربعه وعشرين ساعه ومفيش نموسه تدخل من وراكم فاهمين
الرجال...تمام يا باشا
ادم....اتفضلوا كل واحد يشوف شغله
ابتعدوا كل منهم في طريقه
بينما هو اخذ نفس عميق وعدل من ملابسه ودخل الي الداخل .ومنها الي الغرفه التي توجد بها روفيدا .كان يشعر بسعاده لا توصف وشعور غريب بالانتصار علي صخر وكانه اخيرا يقول لنفسه انه ربح عليه وان صخر الان اصبح هو الخاسر واخذها منه وامام عينيه دون ان يجرؤ علي ان ينقذها .
وجدها تنام علي التخت وشعرها منفرد حولها وكانت مثل الملائكه شعر بتوتر غريب واقترب منها .وجلس علي الارض الي جانبها ورفع يديه المرتعشه
ليلمسها ليتاكد انها حقيقه ووانها هي حبيبته التي انتظرها طويلا وفعل من اجلها الكثير لقد كبرت واصبحت امراه في غايه الجمال والانوثه
كان ينظر لكل جزء بها ويشعر وكانها اصبحت الان ملكه هو وحده
وفجاه وجد نفسه ينظر لها بعيونها
حينها
صرخت روفيدا بكل قوتها .
روفيدا ....صخر الحقني صخررررررر.
.......
تكملة الرواية من هناااااااا
لمتابعة باقي الروايه زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كامله من هناااااااااا
مجمع الروايات الكامله اضغط هناااااااا
مجمع الروايات الكاملة 2 اضغط هنااااااا
تعليقات
إرسال تعليق