رواية على حافة الثأر الفصل الحادى عشر 11 بقلم زينب ماجد حصريه
رواية على حافة الثأر الفصل الحادى عشر 11 بقلم زينب ماجد حصريه
#على_حافة_الثأر
( بقلم زينب ماجد )
الحلقة_11
فزيت من مكاني وهو يجر بيه ويكولي : احجي شتعرفييين
دفعته من عندي وكمت اصيح : انت مجنووون اطلع برا
- دا احجي وياج انت شتعرفييين
- ما اعرف شي وما اعرف احد اسمه ازاد
- انت نطقتي اسمه كبالي
- انت مجنون جاي من هولير على بغداد حتى تكولي انت غلطتي .. منو ازاد
- انت دا تلعبييييين عليه
- العب عليك ليش ازااااد منو
- مو اني اللي ينلعب وياه فيااااان تعرفين اني منو
- اذا انت شايف روحك هواية فاتذكر اني فيان .. واصحى من حالك
- شتريدين ؟
- تعرف اني شاريد منك
- انت تعرفين مكان الطفل !
- اي طفل ؟
- لا تستغبييين
- لا مدا استغبي بس حابة اعرف اي طفل
- ازاد وين فيان
- واني شعرفني منو ازاد حتى اعرف مكانه انت مجنون !؟
اطلع برا
- لا تلعبيييين وياي واحجييييي ازاااااااد وييييييين
شال التيبل لام ركعه بالكاع ..
ابتعدت منه خفت من شفته كام يكسر كمت من مكاني .. طلعت من الغرفة ونزلت هو نزل ورايا ويصرخ : متشرديييين مني هسه تكوليلي شدا تسويييين من ورا ظهري .
- اطلع برا ما اريد اشوفك كدامي
- على كيفج اني اطلع .. انت كلج على بعضج بكيفي .. بكيفي تعيشين وبكيفي تموووتين .
- اسمع لو حاولت تتقرب مني وتأذيني محتلوم غير روحك
- ازاد وين .. احجي
- انت احجي وكول منو ازاد
- اتعرفين كلش زين منو احجيييي
- ما اعررررررفه .. ما اعرف ازاد منو .
ضل يصيح ويغلط ويكسر واني واكفة بس الصراحة خفت .. بقيت منزوية منه خاف شي يجي بيه ويضربني ..
الباب الخارجي انفتحت هو انتبه ...
مشى للشباك فتح البردة اني ركضت للمطبخ بسرعة
من شفت بابا ديفووت للبيت ركضتله بسرعة عباس فتحله الباب وواكف .. اول ما حضني بچيت
: بابا الله يخليك خلصني منا كسر البيت كله فوكايا
طلع هو وابويه يكولي : شسووووالج
شوان : ما اذيته ولا ضربته اني بس اجيت استفسر منها عمو
- بابا اني ما اعرف منو الخاطف ازاد ولا اعرف ازاد منو
فز شوان وهو يكلي : اذا متعرفييييي شلون عرفتيييي مخطووووف انت اللي خاطفته
- انت اللي صارلك ساعة تكولي خاطفته اني ما اعرف ازاد منو
حجه بابا : ازاد منو
- هي تحجيلك عمو
- بابا اذا انت افتهمت شي اني افتهم دا اكوله ما اعرفه وداعتك بابا ما اعرفه
- دخلوا جوا خلي نتفاهم .. بسرعة
- بابا مو معقول اللي ديسوي هجم عليه بهالوقت من الليل وديكسر كلشي بالبيت اني كلش خفت
شوان : لإن انت دا تلعبيييين علييييه
صاح ابويه : صوووووووتك ، صوتك ما يعلى على بنتي شوااااان
احترم نفسك وانت تتعامل وياها .. هذا منظر بيت انت شلون سمحت لنفسك تتهجم عليها بهيج وقت من اللي وتفزعها وترعب وتكسر غراض بيتهاااااا ؟
شوان : كاكا هي دا..... قاطعه وهو يصرخ
- اني ابوها ما اكسر الاغراض وارعبها لو اهجم عليها واقطع وقت راحتها انت تتعدى عليييييها وعلى شنو دا تتهمها .. منو ازاد
- اسف كاكا بس هي تعرف
- بابا لو اعرف ليش دا اخاف احجي ؟ اني صدقا مدا افهم هو شيريد مني
- للمرة الثانية راح اسأل يا شوان ازاد منو
- ابني
صرخ ابويه : شنوووو
عطت اني : ابنك شنو .. من وينلك ابن انت ؟
- اعترف بغلطي عمي بس غلطة وصار كاكا وابني من يومين مخطوف وهي الورا السالفة
- لا لا انت من وينلك كل هالقباحة جاي بعين صلفة دا تكولي ابني لا وتتهمني .. بابا دا تسمع
- متزوج !
- كاكا اني ...... صرخ بابا وهو يقاطعه : جااااااااوبني متزوج
- بلي كاكا متزوج واخت زوجتك وهي تعرف بس اني جنت مضطر وكله بسبب فيان
فزيت من مكاني ودفعته واني اصرخ : لك انت شنوووو تستغلني وتجذب عليه وموقف حياتي وتكول بسببي .. ما فسخت وتركتني اذا انت رايد تشووووف غيري .. منو جابرك علييييه لو شايفني مصلحةةةةةةةةةة .. انت تخوني وتهملني وتستغلني وترجع تصيح بسببي انت شنوووووو
كمت ابجي وادفع بيه واكوله : هسه تفسخ العقد افتهمت .. هسه تنهي كلشي بينا مااااااا اريدك
كام ابويه سحبني وهو يكولي: اهدي اهدي بس اهدي خلي نفتهم
شنو زواج شنو اطفال .. انت من رايد عائلة واطفال ليش متلزم بفيان
صرخت : لا شايفني مصلحة اذا انتهى البيناتنا يخسر بشغله منو يعلي منو ينطي مناصب مني يخلي فوك روس الناس منو يسوووووي مدير ادارة ويعلى برااااسي
شوان : عمو انت تعرف اني شكد احبها لفيان
- اي حب هذا اي حب وانت متزوج وعايش حياتك ومستغفلنييييي اي حب
- وانت هم عايشة حياتج ودايرة على حل شعرج ليش باعتقادج ما اعرف انت دا تنهزمين لهولييير بالحارس مالج وتباتون شويا هناك بدون كاميرات بدون ما احد يشووووفكم
فزع بابا ولزمه من ياخته وهو يكوله : لك كلب فوك شينك دا تطعن بشرف بنتي .. قندرتها لبنتي تشرفك وتشرف عائلتك كلها لك منو انت وتطعن بيهاااااااا .. امشي اطلع براااااا وباجر تجيب الشيخ وتفسخ عقد الزواج البينكم ووجهك ما اريد اشرفه افتهمتتتت
- مو قبل مترجعلي ابني .. ابني عدها وهي جانت باربيل يوم اللي انخطف
سطره راشدي بابا وهو يكله : انت سحاسب نفسك مالك صداد دا تتهجم عليها وتخونها و تطعن بعرضها وفوكاها تتهمها بجرييييمة خطف اني دلشاااااد بنتي تخطططططف اطلع برااااااا
- ما راح اطلع كبل ما تكولي ابنييييي وين اخذته
فتح الباب ابويه وصاح ع الحرس .. دخل عباس والحارس مال ابويه سحبوا شوان وهو يصيح : لو صار بابني شيييي راح اندمجججج فياااان .. ابني يرجعلي والا والله اهجم الدنيااااا فوك راسج
حجه ابويه : لصموه وطردوووه يلا
وصفك الباب وراه .. اندارلي : ليش ما صحتي للحرس لما اتهجم عليج
- هيج واني مخلصانة من اتهاماته انوب اصيح عباس حتى خوش يألف ويطلع نفسه بريئ دا تتخيل شوان شديسوي بيييييه خايني ومتزوج ومكف حياتي واني اخرررررر من يعلم .. هذا كله لان انت سامحله شكد ما يقسي عليه انت تكولي اتحملي شوف ليا نتيجة وصلنا
- ولو موافقة بالزواج من البداااااية جان كل هذا مصار
- لاني جنت اعرف هو محابني يا بابا والله محابني هو ميدري عني ولا مهتملي هو شايفني جسر لطموحاته واحلامه واني مو جسر مشفت منه حب حقيقي اللي يخليني اوافق وابدي وياه مشروع عائلة وبيت وجنت على حق .. شوف من بعد كل هالسنين طلع باني حياته ومأسسها واني شنو !؟ اني موكف حياتي وبموافقتك
اني تعبت من ظلمكم
تعبت من استغلالكم الي .. تعبتتتتتتتتت
كعدت دا ابجي هو اجا يمسح على راسي وهو يكولي : خل يولي يصير الصبح وننهي كلشي
مد ايده ورفع وجهي : موضوع ابنه الج ايد بيه
هزيت راسي واني انكر واكوله : منو بلغك هو هنا ؟
خابرني الحارس مالتج فرديت بسرعة لان اني متخوف هالايام اللي تسبق الانتخابات من ان يصيبج مكروه .. او يأذوني بيج فكالي شوان تهجم ع البيت وديضربج فيريد الاذن حتى يتدخل .. كتله اني جاي .. كومي روحي ويايا للبيت هيج راح يضل بالي يمج ومراح اطمئن
دفعت ايده مني وكمت : اي بيت ؟ ها ؟ البيت اللي بيه بيداء واللي شوان بنفسه كال اني متزوج اختها ؟ مزوجة اختها لخطيب بنتك وانت دا تطلب مني اروح اكعد عدها !
- ومنو كلج اني راح اسكت لهذا فعلها !
- شراح تسوي ؟
- راح احاسبها
- وبعدين تسامحها
- لتستبقين النتائج فيان هياته رزلته وطردته لخاطرج كافي بابا اهدي وخلينا نروح للبيت نرتاح .. يلا حبيبتي
اخذني وصعد ويايا .. كال : بس البسي بالطو طويل ابقي بملابس البيت .. ليل ماكو داعي تلبسين
اخذت بالطو لبسته .. وحطيت الاحتاجة بجنطة وطلعت واني ارفع بشعري من جوا البالطو .. صار كدامي عباس وبصفه الحارس .. حجه ابويه لعباس : جيب السيارة وتعال ورانا للبيت .
حجاها وهو يفتحلي باب السيارة ، صعدت وادنيت صعد يمي
تجيت راسي عليه رفع ايده وحضني وباسني براسي .. حجيت : بابا الله يخليك خلصني من شوان اني ما اريده هو انسان مو صادق
- مو كتلج باجر راح انهي كلشي لتحملين نفسج اكثر
- رفعت راسي واني اباوعله واحجي بحركة : اكثر من عشر سنين وهو مستغلني وموقف حياتي وظالمني وتكولي لتحملين نفسج اكثر شنو اكثر من اللي اتحملته باني بيت ومخلف ومأسس عائلة .. واني لهسه صفر بابا
سحبني لحضنه وصار يحك بشعري ويحضني : سهله بابا سهلة لتقهرين نفسج .
صرت امسح الدموع من عيني واجر بخشمي
حجه : متعشية
- ممشتهية شي بابا .. بس اريد اخلص من هالكابوس
وخر من عنده واني الم بشعري وامسح بوجهي .. وصلنا البيت .. بيداء جانت دا تنتظر بالصالة .. اول ما دخلت تلكتني : ها حبيبتي شكو
- انت تمشين من كدامي ما اشوف خلقتج والا واالله.... قاطعني ابويه
وهو يكوللها : ابعدي منها واصعدي للغرفة فورا
حجت : شصاير ؟
- دا اكولججججججج اصعدي للغرفة فوووووراً
طردها وعلى صوته نزلت المساعدة .. كاللها : جهزي غرفة فيان بالعجل وشوفيها شتحتاج .. تحركي
حجاها وصعد للغرفة ..
اني طلعت لبرا .. عباس واكف خزرني وهو يأشرلي ما احجي وياه وباحاجبه اشر على الحارس مال ابويه .. حجيت ويا الحارس : جنطتي بقت بسيارة بابا جيبلياها
- تأمرين ست
راح كتله : بابا باجر حينهي كلشي شراح نسوي
حجه بسرعة : اتصلي ونحجي مو هسه
- تمام
ردت اتعداه واطلع للباب لزمني من زندي : ادخلي واني اجيبها
- شبيك
خزرني .. وخرت ايدي وهو طلع بمكاني
اخذ الجنطة منه وانطانياها اخذتها ومشيت للبيت اخذتها مني المساعدة وهي تكولي : تفضلي من هون لو سمحتي .
مشيت للغرفة وهي دخلت الجنطة دا تريد ترتبها بالكنتور كلتلها : لا اطلعي وسدي الباب لترتبين شي .
طلعت .. اني خابرت على عباس جاوب بسرعة وكالي: دقيقة بس ... اسمعه وهو يشيل حيله ويكعد بالسيارة ويكول : يا علي يابو الحسن .. سد باب السيارة .
- شكو
- هذا فد واحد دنغوزي ما اريده يسمعنا نحجي وانت لا كدام احد تجين عليه سيدة تريدين نسولف تروحين تذبينة ببلية بالعباس لا اني ولا انت نطلع منها
- انت خايف
- هو شنو خايف ترا اكعد بالبيت واسكت محد يوصلني انت البنصهم مو اني .
- لتخاف محد محيأذيني
- محد يأذيج بس يخرب عليج انت دا تمشين بالطريق الصح احسبي خطواتج لا تهبشين
- اهبش شنو هذا علط
- يعني لا تغلطن بخطواتج احسبي دربج
- هسه دا ترزلني لو شنو
- لج بابا اني خايف عليج
- لو خايف عليه متكعد تنتظر ابويه يجي حتى تتدخل الا شوية كان شوان كسر الغراض فوك راسي واني لابدة منه
- وهو منو اتصل بابوج غيري اني لو مدخل غير اخرب ام السالفة خابرته وهاي اجاج طيح حظه وطرده واخذج معززة مكرمة بعد ما عاجبج العجب ليش
- اييي هسه عوفنا
- لا مو من تنحصرين بزاوية تكلبين الموضوع اووووي وعوفنا صيري حقانية
- على كيفك عيني واني شكلت !
- اي لا تضلين تحجي انت ما اجيتني انت ما سويتلي وهاي السوالف على اعصابي جنت منتظر ابوج كوا كضيت روحي ومحمد ولو بيدي املص راسه هالنكس بس ...
- حتبقى عصبي يعني مراح تحجي
- اني احجي لو انت
- انت دا تصيح شلون اني احجي
- اي بعد لعلعي لعلعي لمي للبيت بصوتج
- اكولك انت شو متحترم شنو شو شكلك نسيت نفسك !؟
- جا صوتج عالي يجيب سابع جار نصييييي
- ليشششش دصيييح
- خب درووووحي
سداه بوجهي ... فتحت حلكي وعيوني واباوع للتليفون عود هذا صدك قفله ... عزه هذا كلش تمادى وشاف نفسه !
ردت ارجع اتصل .. لغيت الفكرة وشمرت التليفون
كمت افتر .. هسه يتصل ويعتذر
مو معقولة يتمادى هلكد ويقفل الخط بوجهي
سواها بلية ملح
مرت نص ساعة واني افتر واروح واجي بالغرفة وهو متصل ابد
اتضايقت كلش وحسيت فد احساس وشعور جدا بشع ..
شعرت وكأني منحوسة ومالي حظ بأي شي ..
من جهة الإنسان اللي استغلني كل هالسنوات واجا بكل عين صلفة يتهجم عليه ويطعن بيه .. وبين اللي يشتغل عندي واني كلبي ماخذين بغير درب وياه .. ومدا اكدر اسيطر على نفسي
بس لا ..
لهنا وبس اني ملابس اسمحله يتمادى ابدا
من باجر انزل بيه اشد عقوبة وافصله وما ابقي ابد واعلمه بوجه منو يسد التليفون
وحتى لو ما افصله .. انقله .. اقطع راتبه
ولو ما انطي راتبه اصلا .. بس ما ادري ما ادري
كعدت ع السرير بحيرة .. هو ليش ديتعامل ويايا بهشكل !؟
اني شنو سويت
سحبت نفسي وتمددت
وصارت الافكار تتجمع براسي وعقلي يكبر المواضيع وصعبت عليه نفسي هواية بالساعتين اني ابجي بدون توقف كلش اذى شعوري .. ميحترم وميفكر بالمقابليه ابدا .. اني تعبت منه .
صارت بـ ٧ الصبح
بابا كعد ديكوم لعمله واجا للغرفة ديطمن عليه اني نايمة
دخل لكاني متكعورة ببطانيتي ومخلية مخدتين غايرة بوسطهم وعيوني دم من البجي
فز وعاف الباب مفتوح .. ودخل بسرعة : ليش هيج بابا هاي شصاير وياج
- بابا اني كلش دا اتأذى
اخذني بحظنه وهو يبعد شعري ويلمه : باباتي حبيبتي ليش هيج دسوين بنفسج شو باوعيلي .. ليش بابا ليش
- تعبت من الكل .. اني كلش اشتاقيت لأختي اني بدونها كلش وحيدة
- اني يمج بنتي كولي يا الله .. كومي غسلي ليش هيج تسوين بروحج حرام بابا
- ما اريد .. اريد اروح لگبر جيهان
- فيان .. بابا بس باوعيلي
ابجي واسحب بروحي منه : عوفني
- هسه بس كومي ويايا بسرعة .. ميرااااا .. ميررررررررا
اجتي المساعدة كال الها : ساعديني ناخذها للحمام
كوموني من الفراش واخذوني برا الغرفة للحمام ..
راد ينزلني مقبلت .. رجعني للغرفة تمددت ع الجرباية وهو كعد يم راسي يمسح على شعري واني صدري يشهك على كثر البجي البچيته
دخلت بيداء كالتله : متجي تتريك حبيبي
- طلعي برا خلي البنية تنام
- خلي تنزل تتريك خطية
- نزليييي
مديت راسي وحشرته يم رجل ابويه ..
كام يفرك براسي : فيو بابا ..
- لتعوفني
- يمج باباتي .. يمج
- مراح تسامح شوان ولا تنطي فرصة ثانية
- راح انهي كلشي لتشيلين هم .. انت بس ارتاحي حبيبتي
كام يمسح على راسي لحد ما غفيت ..
حسيت عليه وهو يتسحب من عندي على كيفه
انداريت على غير جهة .. غطاني وكام يدفي باكتافي ويجر الديباج فوكاية من كل الاماكن .. باسني براسي وانسحب جر البردة وظلم الغرفة ورجع سد الباب وطلع .
غفيت لورا الظهر كعدت ..
كمت من نومي .. نزلت جوا .. بابا بالأستقبال ويمه ضيوف .. دخلت المطبخ بيداء موجودة كلتلها : ليش لهسه موجودة !؟
- ليش لازم اترك بيتي حتى انت ترضين
- بيتج ! من يمتى بيت بابا صار بيتج .
- مازالني زوجته فهذا بيتي والخطار يحترم نفسه
- انصرفي من وجهي ما اريد اشوفج كدامي
- مو على كيفج تعامليني افتهمتي احترمي نفسج
- واذا محترمتها شحتسوين ؟ فضيتي قهرج بيا ورحتي مزوجته اختج ومشيتيها براسه بالسر !؟
- ترا صارلهم عمر متزوجين ومخلفين انت الزايدة عليهم مو اختي
- هين .. هيييين .. انصرفي من وجهي يلا
- والله معاجبج انت انثبري بغرفتج افتهمتي واذا كلش زايد رجعي لبيتج
- دا تطرديني من بيت ابويه !؟
- اني مجاية يمج انت اللي جاية وشادة حيلج عليه
- دا اكولج انصرفي من كدامي
وكفت عود ممهتمة صحت بصوت عالي : انصررررررررررفي
طلعت بسرعة لان ضيوف لابويه موجودين
ابويه طلع بسرعة .. صارت بوجهه وتكوله : دا تطردني من البيت كاعدة ومتخبلة عليه .
- اصعدي بغرفتج بسرعة .
دخل للمطبخ : بابا فيان هيج مو صحيح اكو عند يضيوف
- معناها كوللها لتكابلني ... والا اكولك شكلي اني اللي مضايقتكم اكوم اروح انثبر بالبيت لوحدي افضل
ردت اكوم لزمني : راح اخلي الخارس ياخذها لاهلها .. اكعدي
اندار لميرا وطلب منها تبلغ بيداء تلم ملابسها ..
وحجه : خلي نكون هادئين لحد ميطلعون الضيوف نحجي متفقين ؟
هزيت راسي ..
طلع وبيداء صارت كباله كاللها : البنية بيها حالة نفسية والسبب انت وعمايلج اطلعي منا وما اريد اشوفج
- بس دلشاداني والله ما الي علاقة بزواج شوان واختي هو راح وبادر واهلي انطوا اني شذنبي
- شششش حجينا بهالحجي هذا لو صادقة فعلا كان بلغتيني من قبل وانت تعرفين شوان نسيبي وخاطب بنتي دا تمشين المي من جوايااااا .. امشي اطلعي من كدامي وبدووون صوت ولا اي كلمة .
عافها ومشى ..
اني مشيت للثلاجة فتحتها اخذت منها حليب وحطيته ع الميز .. انداريت هي دا تصعد .. اخذت دلة وصبيت بيها حليب .. وحطيت ع النار .. فتحت الكاونتر شفت البهارات اخذت عود دارسين حطيته بالحليب وكمت اخوط بيه الحليب حتى يتنكهه
درت وجهي للشباك .. مديت ايدي وسحبت الحبل ورفعت البردة .. صار عباس والحرس مقابيلي واكفين برا يم الباب الخارجي ويهم حرس التابعين للضيوف .
فار الحليب بدى .. طفيته بسرعة واخذت كوب صبيته .. وكفت ميرا كلتلها : روحي جيبلي جاكيت ثخين دا اطلع للحديقة
صعدت جابتلي بالطو مال بابا يصير لحد كعب رجلي لبسته وادفيت بيه وطلعت للحديقة واني كامشة الكوب بأثنين ادية .. باوعلي عباس بس سويت نفسي ممهتمتلا .
طلعوا ضيوف ابويه شافوني .. واحد منهم رفع ايده يعرفني ..
ابتسمت ونزلت راسي بسلام .. ودعهم بابا واجا ..
كال : على كعدتج هذه يحتاجلها منقلة ونشوي مو صح
- مجاي على بالي
- راحت بيداء طلعت بقينا بس اني وياج .. شنو حاب نسوي
- تنهي موضوع شوان
- لحظة دا اخابره
خابره ما رد
رجع خابر على ابوه .. كاله : كاكا احنا قريبين من بغداد جايين عليكم
كاللهم بابا : اهلا بيكم
سده : واصلين حيجون
- محابة اشوفهم
- نسمعلهم
- اسمعهم وحدك
- تمام .. خلي يولون هسه كوليلي شنو جاي على بالج تاكلين
- مجاي على بالي شي
- امج خابرتني تسألني عنج دا تكول انت مدا تردين على اتصالاتها ابداً
- لانها متستاهل ارد
- ليش !؟ تبقى امج بابا وتحبج
- بس تحب زوجها اكثر مني
- صاير شي
- شنو الفايدة اذا حجيتلك تروح تتعاركون بسببي
- بهذا الوقت تحديدا ممستعد اتجادل او اتعارك مع اي احد فاحجيلي حتى اعرف شديصير بينكم
- زوجها فاسد متحرش يخلي ماما تنام ويجي لغرفتي يلزمني بحجة بنتي وبنتي
- هذا الكلام حقيقي !
- مدا امزح بابا اني تعبت من كل الحواليا
جان حاضني وابتعد : لا لحظة امج سوت لما عرفت
- رزلتني وتكولي انت دا تسوين مشاكل وهو مثل ابوج وعيب هالكلام وكذبتني
- صدكته !
- ما انت دائما تصدك شوان وتكذبني شنو الفرق ؟
- واني سامح لشوان يتحارش بيج لو لكائن من يكون يتعدى عليج .. امج شلون قبلت وصدكت الفاسد ومصدكتج
- لا تنفعل الموضوع مو جديد صار بيوم اللي رجعت ب٣ بالليل من بيتها وتهمتوني ويا الحارس الشخصي عندي شي وراجعة بنص الليل .
اني من اكولك تعبت منكم كلكم مو كذب
كلكم دا تخذلوني ودا تطعنون بيه
مدا اعرف تقصيري مع اي احد بيكم شنو !؟
اذا منافعتكم فما ضارتكم ليش دا تضروووني ليش مدا تعرفوني لحالي اشوف حياتي مثل ما انتم دا تشوفون !؟
عمري ديمشي واني لهسه ما عندي لا عائلة ولا بيت ولا اطفال ولا استقرار كلكم مستقرين الا اني .. حاولت بكل صورة اتقبل وشوان بس روحي مدا تريده انسان مو صادق مصلحته هي الجابرته عليه ..
اني عشت ويا اهلي بدون مشاعر ومتفككين اسريا ومل واحد بينا بعالم بس مناوية اتزوج واعيش حياة اسرية مفككة وكل واحد بينا اني وشريكي بعالم واطفالي يضيعون لو اسس عائلة تستحق تعيش لو ما اسسها من الأساس
- راح انهي الموضوع لتشغلين بالج .. وهذا زوج امج حسابه ويايا عسير
- حترجع ماما تزن براسي وتكولي سويتي مشاكل اني ليش مردت احجي
كمت من مكاني متنرفزة ..
دخلت للصالة .. هو اجا ورايا .. شغل تدفئة وابتسملي : جميلة بملابس ابوها ..
ابتسمت ودرت وجهي حجه : الوحيدة الاتمناها تاخذ مكاني
حجيت : بابا على طاري مكانك
حراسي مدا يستلمون رواتبهم لويش ؟
- ليش !؟
- يقال بامر من مدير المالية شوان مانع على حراسي استلام رواتبهم
- باشري بدوامج باجر وابعثي كتاب امر برواتبهم
- اي دوام وانت انحياني من مكاني
- ما انحيتج مو اني الاخلي احد ياخذ مكان بنتي .. اني خليته بمكانج مؤقتا .. كأجازة يمرر اعمالح لحد ما يستقر وضعج .
- طيب يحقلي اصدر امر بعزله ؟
- مو لهدرجة خلينا لا نكون قاسين هلكد وندخل مشاكلنا الشخصية بالعمل .
- ليش لما نحيتني مؤقتا مكانت بسبب مشاكل عائلية !؟
- انطيني صبر افوز بالانتخابات انقلج بمنصب يليق بيج مو مديرة دائرة مثل اللي دا تشتغلين بيها .. دا افكر اخليج مستشارة لوزير الخارجية الرجل صديقي وداعم النا بحملتنا الأنتخابية .
ديحجي مرت ميرا
كلتلها : جيبيلي تليفوني فوك بلا امر عليج
- بتأمري
- اذا جوي اهل شوان خليج هادئه ولتتصادمين وياهم
- بس اوعدني راح تنهي كلشي
- راح انهي بس لتتهورين
انطتني ميرا التليفون .. بقيت اكلب بيه
رسالة او اتصال ماكو من عباس .. هذا على منو ديكابر !
تجاوز بحقي وقفله بوجهي وما دز ولا حتى كلمة اسف .. هلكد مستسهلني !
بقيت اكلب بالتليفون من غير رغبة
دخلت لعبة كمت اصفط بيها والعب سمعت اهل شوان اجوي .. كلتلها لميرا : سويلي كوب حليب ثاني وجيبيلياه
اخذته واني رافعة رجلية للتخم وكاعدة صفح .. ومتلفلفلة بالبالطو الثخين مال بابا .. دخلوا سلموا شوان وياهم مرديت السلام ولا رفعت الهم وجهي .. كعد شوان وابوه .. شوية ودخل اخوه سيروان اللي قتل اختي
تنهدت وردت اكوم حجه بابا : خليج بنتي ..
حجيت : مو قبل ما هذا يطلع من كدامي
واشرت على سيروان
هو استغرب : اني !
- اطلع برا ما اشوف خلقتك يا حيوااااان
ابو شوان بسرعة كام وسحبه وحجه وياه بالكردي حتى يطلع برا .. حجه شوان : كاكا اني مستعد اطلق وشتريد اني حاضر بس تكولي ابني وين
حجه ابويه : ممسموحلك تتهم بنتي بخطف احد افتهمتتتت
- سابقا سوتها وقتلت انسان لو ما اتلاحكتاله كاكااااا
صاح ابويه: هذا الموضوع انتهيناااااااا منه شوان وممسموحلك تذكره ومو فيان اللي سوته الرجل تعرض لحادث
- تمام غطيلها عمو بس مو مني انت تعرفني اني شكد احبها ومستعز بيها واني دا اكولك مستعد اطلق مرتي ذيج بس ما مستعد اطلق فيان .. اني مو غبي حتى ابدل الكمر بنجمة لكن هي ما تركتلي خيار يا ما ترجيتها نستقر وكلتلها اني محتاج بيت عائلة وهي تصدني
- استمر مع زوجتك وطلق فيان وكلشي ينتهي
- معناها تقتلني عمو اني فيان ما ممكن اكدر اعيش بدونها
حجه ابوه : لحظة شوان .. كاكا احنا هني جايين تنحل المشكلي .. اذا في مشكل عند فيان تقولها تنحلها سويا .
- كاكا الرجل متزوج وعنده اطفال ما ممكن بنتي ترتبط بيه
- ديقولك يطلق مرتو ويتزوجها
- دا يرجعها من ورا علمنا بعد ما يتزوج بنتي !؟
- تقدرون تفرضون بالعقد ما يتزوج غيرها طول العمر
حجيت : ليش احنا عاقدين قانوني حتى هو وكف بعينه القانون ومتزوج .. اني ما اريد اهينكم اكثر وبابا موجود احترموا انفسكم وطلقوا وانهرا هالمهزلةةةة
حجيتها وكمت من مكاني ..
اخذت الكوب من ايد ميرا وصعدت .. بقى بابا يحجي وياهم
نص ساعة وهم يتجادلون
لحد نا راحو صعدلي بابا كال : احجي بصراحة فيان تعرفين شي عن مكان الطفل !؟
- لا
- بابا هذه عملية خطف مو هين ابدا لو كاميرا لمحتج انت مع الطفل تصيرلنا كارثة واتضرر شخصياً.
- ما اعرف عنه شي وللان ممسمعت خبر الانفصال بابا شنو صار
- شوان يا بنتي متمسك بيج وديقسم بالمقدسات يحبج وميكدر يتركج
- قصدك يحب المصلحة وميريد يخسرها !؟
- طيب الحل شنو بنتي
نفرت من مكاني : راجعلي دا تكولي الحل شنووووووو يعني اقتنعت بيه وجاي دا تنتظر مني اقبل بموضوع زواجه واطفاله واسكتتتتتتتتت
- يا بنتي راح يطلقها للمرة شنو تردين اكثر
- رايدة يتركني
- الولد يحبج يا بنتي واهله خوش ناس
- تصدك اني اللي غلطانة اجيتك وبقيت عندك واني اعرف مثل مشايفتك كدامي محتنصفيني ولا راح تصف ويايا
- جواااااااااان
تعديته واني امشي للكنتور سحبت جنطتي ولملمت غراضي ولبست البوتين .. وهو يكولي : لترجعين وتبقين بالبيت وحدج فيان
- وخر من عندي بابا الله يخليك
- ماكو طلعة اكعدي انت مو صاحية بابا انت مريضة نفسيا وتحتاجين علااااج
- دا تتهمني بالمرض وتاركه هو وعمايله والسواه بيه دا تظلمنييييي لييييش
- لاني اعرف انت ورا خطف ابنه هذا التصوفات المريضة راح تخرب كلشي بنيته
- مدام دا تتهمني مثله معناها موله يتركني والا والله ازازل الارض جواه
- فيان لا تستعجلييين
اخذت جنطتي ونزلت ع الدرج واني ابجي
طلعت وهو صاح لعباس اشرله .. عباس ديركضله عرضتله : انطيني السويج
- ممنوع تسوق وحدها .. رافقها ولا تخليها تغيب عن عينك
- تأمر استاذ
- انطيني السويج دا اكووووولك
- ست بس اصعدي
- انلصمممممم وكتلك انطيني المفاتيييييييح
انطانياه فتحت باب السيارة وشمرت الجنطة ع الكرسي الثاني بابا اشرله يصعد ويايا .. صعد هو وشال الجنطة رجعها ليورا .. صعدت كدام الستيرن والحارس فتح الباب دست الها وطلعت من البيت بقوه .
نزلت شارع المنصور .. ازدحام فد مرة
اخذت ايسر وصفيت : انزل
- ست لا تتخبلين علينا بهالساعة رحمة لوالديج
- دا اكووووولك انزل .
- ما راح انزل واطبكي عدل الهورنات اشتعلت ورااااانا امشي
ضربته على جتفه : انت شنو تأمرني منو يشتغل عد منوووو حتى تأمررررررني انزل مني
- اي اندل بس اتحركي منا السيارات وراج
- مراح اتحرك اذا ما تنزل.
فتح الباب بعصبية واندار بسرعة فتح الباب : نزلي بسرعة
مديت ايدي اريد اسد الباب جراه من ايدي بقوة : دنزلي لا ابتلي بالكائنااااااات نزلي
نزلت ودفعت وجهه : انت على منوووو تصييييح
- اتغفرك الهيييييي
جرني ورفعني من الكاع يريد يصعدني ورا .. كمت ادفع بيه فلتني السير انفتح واني اريد اترك السيارة واعبر .. السيارة داست بريك وهورن عالي هو جرني من السيارة بسرعة وصاح : دصعدييي بتل بتل
ودفعني ع السيارة وضربني بكتفي
- انت دا تضربني !
فتح الباب بقوة ورفعني ودفعني ع السيارة وشار رجلي حيل ودخلها وسد الباب وصعد بسرعة وداسلها ..
كمشته من هدومه : لك انت تضربني
- دوخري ايدج لا ابتلي بيج وبالساعة الشتغلت هالشغلة النكسسسسة
- افصلك اليوممممممم والله
- دفصليني عساني اخلص منج
- حيوااااان حقير والله اندممممممممك
ضربت الكرسي من ورا وهو كاعد عليه وكمت ابجي ..
وصل البيت نزل ديفتح الباب نزلت كبل ودخلت البيت وهو رجع ديدخل السيارة .. ويا ما ديدخل السيارة صفت سيارة شوان عافها بالباب ودخل يركض وسحبني من ايدي ولزمني من ركبتي
- ابني وينه احجي .. ابنيييي وينه
ركض عباس من السيارة عاف الباب مفتوح ودفعه مني وهو يكوله : ممسموحلك تدخل البيت اطلع براااااا
- وخر مني م****** وفشر عليه
تلازم هو وياه دخلت بينهم وكمت ادفع بشوان وعفت عباس ورايا واني اصيح : ما اريد اشووووف وجهك .. اطلع
- بس كليلي ابني ويييين احجييييي
- طلاكي ويييين
- هسه اطلكج بس رجعيلي ابني
- اوكي .. نمشي
- تعرفين مكانه ؟
- تمشي اتطلك
- يعني تعرفين مكانه
- اتطلق
- انت طالق طالق طالق بالثلاث بس رجعيلي ابني ..
ضليت اباوع عليه : ما اعرف مكانه
- انت دا تلعبييين عليييه
هجم عليه يريد يلزمني ركض عباس لزم ايده ودفعه من عندي : دا تكولك ما تعرف عندك شي روح تفاهم ويا ابوها والا اني مضطر اخابر الدورية
عفت عباس يتمشكل وياه
صعدت لغرفتي بدلت ملابسي وخابرت على حجز لهولير اقرب طيارة ب١١ بالليل وهسه الساعة ٦ باليل .. حجزت عليها فوراً
وكعدت بغرفتي لحد ما اتأكدت .. شوان طلع
اخذت جنطتي ونزلت دا اركب السيارة ركض .. عباس : وين وين وين
- وين شنو شاردة دا تركض ورايا
- - وين رايحة
- مو شغلك واحسب احسابك بس اليوم وتنفصل والا اكولك انت مفصووول
- صدك اللهم صل على محمد وال محمد اجا الفرج تحترمي نفسج ورجعي ورا
- منو هاي التحترم نفسها
- انت .. واصعدي يلا
- عوف السيارة
- اذا ما صعدتي والعباس والسماني عباس اشيلج واركعج جوا اصعدي
- اكولك انت اشايف روحك شو صلف كلششششش
دا ادفعه لزم ايدي وجعصني ورفعني من الكاع ونزلني يم باب السيارة الورة .. فلتت منه واتسحبت صعدت ليكدام .. دفعني حيل صرخت :: انت مخبل دا تأذييييييني
- دمشي ليغاد امشييييي العقدة
عبرت للكرسي الثاني وهو كعد كدام الستيرن
: دا اكولك انت مفرصل لتخليني اخابر الشرطة هسه والله
- خابري احد لازمج
يحجي وهو يباوع ورا ويحاول يلف السيارة ويطلعها .. طلعها من البيت .. ونزل ركض يسد الباب ورجع صعد داسلها شحطها من كدام الباب : شعندك لازك
- انت اكو عقل براسج ؟ تريدين تروحين لاربيل هسه حتى يلحكج.
- وين يلحكني
- راح يعرف تتوجهين لاربيل ومناك كبل ع المكان ومنو هناك امي واختي واخوي حتى توكع براسهم
- ها يعني مخايف عليه خايف عليهم
- اي طبعا اذا انت ما تخافين على روحج هذا شأنج بس مو تأذين اهلي
- كلب
- رحم الله والديج
ضربته على جتفة بصمة ايدي : لتلغي يلا .. انزل
ودمعت
- كافي خلي اوصلج لبيت ابوج
- انت وين دا توديني ما اريد اروح لبيت ابويه حاجزة ع المطار
- ع المطار .. ع المطار ادللي
داسلها للمطار .. واني الطريق كله اكوله : انت حقير باجر يصير افصلك حتى راتبك مال هذا الشهر اذا استخطيتك وردت انطيك ما انطيك ابقى فكر تتداين وتاكل
- عاشت ايدج عيرني استاهل
- لانك حقييير
ضربته .. ودمعت عيني استهضمت
- من عين باجر وجه هالحقير ما تشوفينه وانعل ابو كلبي لو ذبته بدربج سهلة .
- تضرب وتتجاوز ما كأنوا اني مديرتك متعرف اصول العمل همجي
- زيدي ما راح اوكفج اني استاهل
- طبعا تستاهل ماكو رجال يضرب مرة او يعنفها وانت تضربني
- وانت شدا تسوين دا ترشين فوكي ورد بتل بتل طك كلبي منج ما بقيتي راشدي ما ضربتي دفرات بوكسات دفعات مرة كشرة ما تنحملين هوياله شوان خلص منج روحي شوفليج واحد عقدي وكرهي بام الدنيا باسلوبج الخايس هذا
- لا تحجي هييييج حيوووان اتأدب
ضربته وكمت امسح بدموعي : والله متستحي ومتستحق كلشي اسوي الك
- كاعد تعيريني بفلوس عملية امي خرا اهلي اذا ما حفرت الحجر وطلعتهن فلس للس ورجعتهن ذليتيني بييييهن
- جان المفروض مفصول من زمان اني اللي مخليتك بشغلك
- يا شغل هذا الصارلي شهر ونص ما مستلم راتبببببه
- اي ابقى بلا راتب ارجع شلون ما جنت
- ارجع ولا اكابلج
-حيوااااان
كمت ابجي وامسح دموعي ...
دفعني : لا تغلطيييين
كمت ادفع بيه : - لتضرب لتضرررررب
- لا تمدين ايدج لا اكسرها والله
خزرته وكمت اصم ايدي واضربه حيل على صدره : تكسر ايد منو منووووو
لزمها حيييل عصرها : كتلج لا تمدين ايدج
- اخ اخ ايدي ااااخ
رخاها وباسها : كافي عوفي لخبال رحمة لاهلج .. اهدي
- وخر يلا وخررر
كمت ابجي
عينه بالطريق ومد ايده : المطلكة .. كاعد تبجين عليه ادري جيف طلكج
- انلصم
- لا تبجين ترا الدنيا بيها زلم هواي شبييييج
حجاها ويمد ايده لخدي يريد يكرص خدي دفعته : احترم نفسك
لزمني من شعري حيل وسحبني كمت اصيح : وخر ايدك حيواااان وخررر
جر راسي لحضنه ورخه ايده : دكافي شرفنص .. اهدي
- وخر .. وانزل واتركلي السيارة
- وانت مقتنعة بروحج اسوقين غير تمشين والسيارة تتراجف بيدج
- من اصعد سيارتك الغي افتهمت وخر
سكت ..
كمت افرك بوجهي .. واوخر باثار الكحل من عيني جر ايدي : حلو حتى لو مصخمة بكل حالاتج حلوة
- لا تصير سخيف واحترم نفسك .
- وانت هم متفقين
- لا
سحبت ايدي جرها ولزمها قوي : عوف ايدي
- مخبلة انت اعوف ايدج !؟
- من كتلك ابطلك وافصلك مشيت بغير درب وكمت تتلوك
عاف ايدي بسرعة وهز راسه : تمام .
- اي لان هاي الحقيقة
هز راسه وساق بدون ميحجي صف السيارة بالكراج نزلت ..
حجيت : محاجزتلك ارجع للبيت واني راح اطلع وحدي.
هز راسه ولزم السويج من طرفه ومده اليه : توصلين بالسلامة .
اخذت السويج .. وباوعت وراه كام يمشي واني امشي وراه ديطلع الكراج صحت : اذا تحب احجزلك تذكرة ويايا
مجاوبني
حجيت : اصلا صوجي احاجيك .. الأجلح
حجيتها ومشيت كبل
اندار : منو اجلح ؟
عفته ومشيت
جر ايدي : اخخ عوف ايدي
- امشييي
- شتريد عوووفني
- منااااا
- وخر عوووفني
جرني من بوابة الدخول لصالة المطار سحبني للكراج كبل يمشي بيه : انت شبيك مخبل دعوفني
- الحارس مال شوان برا
- شفته
- دمشي
- ووين حنروح لحظة نجيب السيارة
- عوفي السيارررررة امشي
- حأوكع الكعب .. ااااي
- دمشي بسع
- ما اكدر
عاف ايدي .. وصار يمشي كدامي بس سريع واني شبه اركض : غير افتهم وين دنروح
- نطلع من بابا الخروج ناخذ تكسي
- وين والحجز
- انعل ابو الحجز نروح جمسي
- نتأخر
- وتروحين ويتبعج ؟
- وهسه شلون
- بس امشيييي
- والله رجليه وكعت ما اكدر اركض هيييج
اندار عليه .. ودنك كدامي : لتشيلني وووووخر
- هو شيشيلج دنزعي
جر رجلي ونزع الكعب منها
- يا عزا وامشي حافية ؟ ما اكدر
- دمشي
- لا ما اكدر شوف سيارة تطلعنا
- كراج هذا وين اكو تكسي
- اي بس جبير ميخلص ما اكدر امشي
- هو انتن مال مهمات صعبة جايتني بكعب محتفلين رب الحلوووووو
حجاها ودنك نزع البوتين مالته وشال الكعب مالتي من الكاع
- ايع والبس البوتين وراك ورجلك عركانة بيه
- خب تلبسين لا ومحد هسه ..... البسي لا تحجينا
لبست البوتين : جبير
دنك لف القيطان على رجلي وشدها
وهو شال الكعب مالتي وكام يمشي حافي .. ولزم معص ايدي ويمشي بهمة واني اشخط بحذائه ..
سحبت ايدي : هاي مو وضعية ترا
- فوكاها هي الما راضية محفيتني ولابسة قندرتي وشايل قندررها وما راضية ولج بابا شتردين
- لتلغي امشي خلصنا
- هو منو اليلغي صدك ؟
- لتتجاوز
- بس انت عادي
- هسه الباب وين
- وصلنا
- جان جبت السيارة
- اكلج دمشيييي
رجع لزم ايدي ويعت بيه لحد ما طلعنا باب المغارة مو كراج
كالي اكعدي هنا
انتجيت وكعدت وهو حافي نزل .. وكف سيارة
واجاني : بالعجل اركضي
- اييي اركض بحذائك الجنها حذاء فطوطة
ابتسم .. ضحكت مينا للسيارة صعدني واخذ الحذاء مني وانطاني الكعب
نزلنا شوي عن ساحة عباس بن فرناس ..
وخابر على جمسي كاله : طالعلك
كعدنا ع الطريق : دا تشوف حالة البؤس اللي احنا بيها ؟
- حوبة الطفل العلعلنا و اخذنا من حضن امه
- ومتطلع الحوبة ابوه احنا شكو
سكت وهو يحط اديه جوا اباطاته يدفه حجيت : اني بردانة
- قمصلتي ما انطيهاااااا
ضربته على جتفه : نحيييس
ضحك وتحرك من وضعه رجع ظهر وجك القمصلة دينزعها حجيت : لا لا اتركها تربد هسه يجي ابو السيارة
- دلبسيها بابا اتشاقى وياج ..
نزعها وحطها عليه كام يدفي بيه .. كمت اطلع بشعري من جوا القمصلة وادفي راسي بيها .. وحطيت اديه بجيوبه لزمت كلينكس طلعتهن من شفتهن بادي نفرت : اييييع ذني ماسح بيهن خشمك
- وانت حتى بجيوبي تنبشي ترا مو سالفة هاي منشول عوفي كلنكسي
- ايع
كمت اطلع واشمر
- ماكو هيج احتلال تكول امريكا ماخذتني حاصل فاصل واني جني العراق لا حول ولا قوة .
ابتسمت ...
صدك انت هم تشبه العراق اجلح
- وانت امريكا لاغفة الجواي والوراي وعايشة بخيري
- لا والله يا خير هذا الماخذته منك اني
- خير البلد
- واحنا بايكي للبلد دا تحجي هيج .. عيب عليك
- ابوج شنو
- ابويه مهندس وشغله استثمار باربيل
- وشدخله بالسياسة
- من حقنا نخدم ناسنا اللي بالأقليم
- ومتروحون للاقليم معناها
- لما تصير العاصمة ومركز السلطة باربيل مراح نجي لبغداد
- اطك واموت غير .
ابتسمت .. حجيت : بردانة بعدني
- يعني شتريدين
حجاها وباوعلي بغمزة
- انت فاسد الله لا ينطيك هاك هاك هاك
ضحك : البسي اتشاقى وياج والله
- اكولك
- كولي
- جوعانة
- هسه بردانة غطيناج جوعانة منين اجيبلج هالتشوفينها هيمة
- ما اعرف
كام يباوع منا منا : لحظة
كام من مكانه وراح ركض بالعشر دقايق اكثر يلا رجع وجايبلي ويا بسكت وعصير : دبري نفسج بذني لحد ما نصعد السيارة ننزل بالطريق على ذني المطاعم السياحية اوكلج بيهم .
- ماشي
اخذت البسكت افتحه حطيت بحلكي وهو يفتحلي العصير وينطينياه ، حجيت : بردت ؟
- لا هسه راح تجي السيارة
كملت البسكت والعصير وهو اخذهن ديحطهن على صفحة حجيت : عباس
- اني اسفة
- على شنو
- مجان قصدي اعيرك بس اني من اصير عصبية اصير قبيحة
- تصير يمعودة اني هم من اصير عصبي انسى انت مديرتي ولو
باوعلي : الصراحة ما معترف بس بعد قسمة الله
نزيته : احتررررم نفسك
ضحك : ماشي احترمنا
- اكولك شون حنوصل ابنه لبيته
- هو انت جمعتينا ؟ نوصل
- اروح وحدي ! اخاف يسويلي شي
- ديلا هي موته موته اني اخذج
ابتسمت ... دك تليفوني باوعته شوان
فزيت : عزا عباس هذا شوان ديييييتصل ..... يتبع
_____________
#زينب_ماجد
تكملة الرواية من هناااااااا
لمتابعة باقى الرواية زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كاملة من هناااااااااا
مجمع الروايات الكامله 1اضغط هناااااااا
مجمع الروايات الكاملة 2 اضغط هناااااا
تعليقات
إرسال تعليق