رواية احببت متمرده الفصل الخامس عشر 15بقلم اسماء السيد حصريه
رواية احببت متمرده الفصل الخامس عشر 15بقلم اسماء السيد حصريه
#احببت_متمرده
بيشدها من شعرها يوقعها علي الارض وبيحاول يعتدي عليها وهيا بتزقه بكل قوتها وبتصرخ
مرام بصراخ ودموع:ابعد عني ياحيوان الحقونييي
فجأه الباب خبط جامد ومسعود خاف
مسعود :عملتيها يا بنت الكل"ب
مرام قامت جري وفتحت الباب وكان شعرها منكوش وهدومها مبهدله وكانت امها وبعض الجيران
سعديه امها:في ايه يابت بتصرخي ليه وايه الي عمل فيكي كدا
مرام بدموع وخوف:جوزك جوزك كان بيحاول يعتدي عليا
سعديه بصت لمسعود الي كان متوتر
مسعود بتوتر:محصلش والله البت دي كدابه
مرام بصتله بكره وعيطت بحرقه:انت راجل كداب ووالله حاول يعتدي عليا
فجأه سكت الجميع لما سمع صوت كف نزل علي وش مرام الي اتصدمت
سعديه بقسوه:اخرسي انا جوزي اشرف من الشرف وميعملش كدا هتلاقيكي انتي الي حاولتي تغريه
مرام بدهشه:انا ياماما انا اعمل كدا
الجيران بدأت تهمس لبعضها ومرام كانت بتعيط بقوه
سعديه بغضب:تخشي تلمي هدومك ومشوفش وشك هنا تاني فاهمه لا انتي بنتي ولا اعرفك
مسعود:قولتلك ان اخرتك وحشه وكنتي بتحاولي تغريني وانا كنت اقولك لاء وبحاول استر عليكي انما هنقول ايه
مرام بصت لامها برجاء:صدقيني يا ماما انا معملتش كدا والله صدقيني
سعديه بجبروت:يلا خشي لمي حاجتك يلا احسن ارميكي من غير هدوم خالص
مرام بصتلها بحزن ودخلت اخدت موبايلها وشنتطها وفلوسها وما اخدتش هدوم وطلعت
مرام بحزن:يعني خلاص انتي مش عوزاني ياماما
سعديه بصتلها بقرف :لاء ويلا بره بيتي
اتجهت مرام للباب والجيران بتهمس لبعضها وفي الي بيشفق عليها
سعديه:استني
مرام بصتلها بأمل ولكن سعديه قربت منها وشدت شنتطها
سعديه :احسن تكوني سرقتي حاجه كدا ولا كدا
ومدت ايدها وطلعت ال50الف جنيه الي عطاهم ليها مروان مكفأه
سعديه بذهول وطمع:جبتي الفلوس دي منين يابت اكيد من مشيك البطال
مرام بدموع:والله فلوسي رجعيهم
سعديه زقتها برا وقفلت الباب ومرام كانت بتبكي بحرقه
ونزلت وهيا تايهه والناس كلها بتبصلها بقرف وشفقه
@@@@@@@@@@@@@@@@@@@@@@
في امريكا.... وتحديدا في غرفه رعد
كان قاعد هوا وحسام ومستنين ملاك
رعد بزهق:هيا البنت دي عمرها ماهتيجي في معادها ابدا
حسام:كلهم كدا ياصاحبي مبيجوش في مواعيدهم
رعد بغضب:لاء كدا كتير الله
حسام:ايه رايك تخرج معايا شويه بعد مانخلص
رعد ببرود:لاء نخرج فين احنا جايين نشتغل
حسام :بجد بقا البت ملاك مغلطتش لما قالت عليك باارد
رعد بصله بغضب وحسام سكت بغيظ
خبط الباب وكانت ملاك
حسام بصوت عالي:ادخللل
دخلت ملاك وكانت لابسه شورت جينز ابيض واسع لفوق الركبه وتوب ابيض قصير وعليه جاكيت جينز اسود وكوتش ابيض وعامله شعرها ديل حصان وكانت جميله جدا جدا
ملاك:مساء الخير
رعد انبهر بجمالها بس كان متعصب من الشورت لانه كان قصير
رعد بغضب:كل دا ياهانم
ملاك ببرود:راحت عليا نومه
حسام:خلاص ياجماعه هوا انتي خارجه ولا ايه
ملاك بإبتسامه:ااه بعد ما اخلص معاكم هنزل تحت اتمشي شويه انا مجتش امريكا قبل كدا بس سافرت بلاد تاني
حسام بفرحه:كويس دا رعد مكنش عاوز يخرج معايا انا هاجي معاكي
ملاك:اشطا مفيش مشاكل
رعد بغيره وغضب:بقولكم ايه احنا جايين نشتغل مش نتفسح يلا انت وهيا كل واحد ياخد ورقه يللا
ملاك كانت بتشتمه في سرها ومدت ايدها اخدت ورقه وكل واحد اخد ورقه من الملف بس فجأه لقو ملاك بتضحك بهستريه وبصوت عالي
حسام بفضول:في ايه بتضحكي علي ايه يابت
ملاك بضحك:هههههههه مش قادره هموت.. ومدت الصوره الي في ايدها لحسام فبص فيها وضحك اكتر منها
رعد بغضب:ايه الصوره بتزغزغ
حسام بضحك:ههههه اقسم بالله حاجه مسخره... ومدها لرعد الي فعلا كان عاوز يضحك بس كتم ضحكته بالعافيه
وكانت الصوره عباره عن واحد قصير وشعره طويل ورابطه بتوكه وشنبه كبير من الجنبين بس من النص مفيش شعر نهائي وكان شكله يموت ضحك
ملاك بضحك:هوا احنا هنشوف البتاع دا هناك
رعد ببرود:احب اقولك ان البتاع دا دراع الزعيم اليمين وكمان اسمه . موسكو.
حسام بضحك:وكمان موسكو ودا اسم ولا حيوان ههه
رعد بحده:خلصنا خلاص شوفو شغلكو وبكرا هنشوف الراجل دا لان اكيد هيستقبلنا مع الزعيم فأوعو تضحكو
ملاك:هو احنا هنتكلم عربي ولا اجنبي
رعد:هنتكلم اجنبي طبعا
حسام:بس انا حمار في الانجليزي
رعد:لاء ماهوا مرقس دا مغربي اصلا
حسام بغباء:بس انا مبعرفش مغربي
رعد بغضب:ولا اتكلم اي زفت
حسام:خلاص انجليزي انجليزي ياعم
....... بعد مده وفضلو يشتغلو ويحفظو لحد ماخلصو
ملاك بتعب:اوووف واخيراا دا انا في ثانوي ماتعبتش كدا
حسام:لاء انا كنت بغش من رعد ههه
ملاك وقفت :انا همشي انا
حسام وقف:وانا جاي معاكي انا عاوز اتفسح
رعد بغضب:قولت مفيش فسح اترزعو وروحو نامو
ملاك بغضب:بقولك ايه هيا مش ناقصه خليك في حالك انت مالك اصلا
رعد قرب منها ووقف قصادها بظبط:اسمعي بقا اولا صوتك يوطي وانتي بتكلميني ثانيا تتلمي وتروحي تترزعي في اوضتك لحد بكرا
ملاك بصتله بتحدي:وانا مش شغاله عندك وهعمل الي في دماغي..... وكانت ماشيه بس رعد مسك ايدها وهيا اتعصبت
حسام:خلاص يارعد
رعد بصله بحده:اطلع برا دلوقتي
حسام طلع بسرعه وقفل الباب وملاك اتوترت
رعد شدها لعنده :قولي بقا كنت بتقولي ايه
ملاك وبحده:كنت بقول اني هخرج غصب عنك انا حره انت مالك ياجدع انت
رعد ضربها بالقلم بجنون:احترمي نفسك بقا انا ساكتلك من زمان انا هربيكي من اول وجديد انا جوزك دلوقتي ومن حقي احكم عليكي فاهمه
ملاك بغضب:انت ازاي تمد ايدك عليا ياحيوان انت ازاي تتجراء وتمدها عليا اصلا
رعد ضربها بالقلم تاني بس اقوي لدرجه ان شفتها جابت د"م
ملاك اتعصبت اكتر ولسا هترفع ايدها تضربه مسك ايدها وضغط عليها بقوه وسابها ومسكك فكها بإيده بقوه
رعد بصوت مخيف:صدقيني هربيكي من اول وجديد فاهمه انا هعرفك ازاي صوتك دا يعلي عليا يا بت انتي فاهمه وربي لهربيكي
ملاك بصتله بقرف:والله لهدفعك تمن القلمين دول غالي اوي يا ابن الدمنهوري
وزفته في صدره بقوه وكانت خارجه فمسكها من كتفها بقوه لدرجه انها اتوجعت
رعد بحده:ميت"ين ام اللبس دا مايتلبسش طول ما انتي علي زمتي انتي مش شيفاني كيس جوافه ولا داقق قرون ياهانم
ملاك زقت ايده بغضب وخرجت وقفلت ورزعت الباب بقوه ورعد حس بندم من الي عمله
رعد بضيق:انا مالي بيها اصلا وانا ايه الي عملته دا كمان
....... في الخارج
خرجت ملاك وكانت متعصبه وفي د*م علي بوقها
حسام بخضه:مالك ياملاك وايه الدم دا
ملاك بضيق:مفيش.... وزقته ونزلت علي تحت وحسام دخل بسرعه وقلق
حسام بقلق:في ايه يارعد مالها ملاك وايه الد*م الي علي بوقها دا انت ضربتها
رعد بضيق:ميخصكش اطلع. منها انت وامشي من قدامي
حسام بعصبيه:بجد بقا لو كنت ضربتها تبقا غلطان البنت مغلطتش كل دا عشان عاوزه تخرج
رعد بحده:حسام متدخلش واطلع برااا حالا
حسام بصله بضيق وخرج وقفل الباب وراه بقوه ورعد اتنهد بغضب
.......... تحت في البار الي في الفندق
دخلت ملاك وهيا متعصبه وقعدت علي البار بغضب
الويتر:هل تريدي شيء
ملاك بضيق:اريد عصير برتقال
الويتر :حسناً
ملاك: تمهل
الويتر: هل من مشكله
ملاك: اريدالفوتيكا
الويتر: اوكي
ومشي وهيا كانت بتغلي من جوا ودموعها نزلت علي حالها وعلي كل الناس الي بتظلمها في حياتها
ملاك في نفسها بدموع:انا بكرهكم كلكم شبه بعض ناس وحشه وانانيه انا بكرهكو كلكو حتي رعد دا بكره يارب خدني عندك انا تعبت
الويتر:تفضلي.... وحط قدامها كوب من الفوتيكا
وملاك بدأت تشرب
ملاك :اريد المزيد.... وجابلها كمان
لحد مانزل رعد البار وشافها واتعصب جدا و قرب منها وملاك كانت غابت عن الوعي تماما
رعد مسكها من دراعها جامد:ايه القرف الي بتعمليه دا
ملاك زقت ايده :ابعد عني انا بكرهك ابعد
ونزلت من علي الكرسي واتجهت لبرا ورعد راح وراها بغضب وندم وكانت مش فايقه خالص
رعد بغضب:اقفي عندك لاما هضربك تاني هيا حصلت تشربي
ملاك كانت هتقلع الجاكيت بس رعد لحقها ولبسو ليها تاني
رعد:يا بنت الناس مينفعش الي بتعمليه دا مالك كدا
ملاك خرجت برا الفندق وكانت بتمطر وفردت دراعتها والميه غرقتها كلها وكانت مستمتعه ورعد راح وراها وحاول يفوقها
ملاك بصوت عالي وصراخ: ياارب ياارب انا تعبت كفاااايه انا بكرهم كلهم حتي نفسي بقيت اكرها يارب اقف جمبي
وقعدت علي رجليها ودفنت وشها بين قدميها وكانت شبه الاطفال جدا ورعد شايفها وحاسس بذنب فقرب منها
رعد بهدوء: ملاك ممكن تقومي معايا .... ومدلها ايده
ملاك رفعت وشها ليه وكان مليان دموع
رعد: ثقي فيا ياملاك وقومي
ملاك مدت ايدها في ايده وهوا شدها وبدون وعي منه ضمها لصدره وهيا حضنته لانها محتاجه حد يطبطب عليها وكان بيمشي ايده علي شعرها
لحد ماحس ان جسمها بقا تقيل فعرف انها نامت فشالها ودخل بيها جوا والبنات كلها كان بيبصوله بإعجاب لان الميه نزلت علي شعره فنزل علي وشه والميه نزلت علي التيشرت فبرز عضلاته اكتر وكان وسيم جدا
وطلع فوق وحطها في اوضتها ونيمها علي السرير وكان ماشي بس هيا مسكت ايده وهوا بصلها بس فجأه شدته وهو اتكعبل فوقع جمبها علي السرير وهيا ابتسمت بدون وعي واعتلاته وهوا اتصدم
ملاك بدون وعي: انت هتسبني لوحدي تاني انا بخاف وانا لوحدي
رعد بتوتر: انا هو ممكن تبعدي وانا هقعد مش همشي
ملاك حركت ابهامها علي شفايفه ورعد مصدوم وملاك باسته فجأه وهوا عينه اتفتحت من الصدمه بس حس انه مش عاوز يبعد واتجاوب معاها فعلا بس نامت
(ملاك لما هتصحي هتولع في نفسها😂)
وهوا بعد بسرعه وهو مصدوم من ضعفه قدامها وبيلعن نفسه انه اتجاوب معاها وزقها برفق وقلعها الجاكيت والكوتش وغطاها كويس وخرج بسرعه وهو مصدوم لسا
@@@@@@@@@@@@@@@@@@@@@@
عند مرام
كانت ماشيه في الشارع لامعاها فلوس ولا عارفه هتروح فين لان ابوها متوفي وملهاش صحاب ولا اهل حتي
وعيطت بحرقه وهيا مش عارفه هتروح في ولا هتيجي منين فرفعت وشها للسماء
مرام بدموع: يارب انا مليش غيرك يارب اقف معايا ونبي انا مش عارفه اروح فين ولا اجي منين يارب انت القادر علي كلي شيء...... وتنهدت بحزن وكملت مشي
بس فجأه مويايلها رن وكان مروان
مرام بتوتر: الووو
مروان: اسف يامرام لو ازعجتك في الوقت دا
مرام بدموع: لاء ولا يهمك يامستر مروان
مروان بقلق: انتي كويسه انتي فين
مرام بخنقه: الحمدلله بس مخنوقه شويه
مروان: انتي شكلك في الشارع لان صوت العربيات عالي وشكلك علي الطريق
مرام بدموع اكبر: انا مرميه في الشارع ومش عارفه اروح فين ومليش حد
مروان بضيق: تب اهدي خالص انتي فين وانا هجيلك
مرام بسرعه: لاء لاء مش عاوزه ازعجك
مروان بحده: انتي فين يامرام انجزي
مرام بدموع: انا في.............
مروان: تمام 10 دقايق وهتلقيني قدامك متتحركيش
وقفل الخط وهيا ققعدت علي احد المقاعد وكانت بتعيط جامد
@@@@@@@@@@@@@@@@@@@@@@
عند رعد
كان طالع من الحمام وعاري الصدر فقعد علي الكنبه وحط ايده علي شفايفه تلقائي وابتسم غصب عنه
رعد بتوتر: اييه دايما اييه ازاي كملت. القرف دا
....... قاطع تفكير خبط الباب
رعد بحده: مين
حسام فتح الباب ودخل
رعد بهدوء: تعالي ياحسام
حسام قرب وقعد جمبه بضيق
رعد: مالك ياض
حسام بضيق: لو سمحت متتكلمش معايا تاني
رعد بمرح:وحيات امك ودا من ايه ان شاء الله وبعدين ماتولع
حسام بصله ببرود ومد ايده واخد تفاحه من طبق الفاكهه الي علي التربيزه وبدأ ياكل فيها
حسام: عارف يارعد يا اخويا مشكلتي ايه معاك انك بااارد
رعد قرب من ومسكه من قفاه وبرفعه حاجب: قولتلي بارد ها وايه كمان
حسام بتوتر: وعسول وامور وجامد وليك هيبه
رعد سابه وابتسم: خلاص متزعلش ياض انا عارف اني اتعصبت عليك
حسام ربع رجله: مدام كدا بقا انا مسامحك يخربيت قلبي الحنين ياجدع
رعد ضحك عليه وفضلو يهزرو كتير
حسام في نفسه: غريبه ياصاحبي بقالي سنين مشفتكش بتضحك اكيد بدأ ينسي
@@@@@@@@@@@@@@@@@@@@@@
في قصر النجار........ وتحديدا في الجنينه كانت وقفه ندي جمب البسين وبتشرب شاي بحليب وكانت مندمجه جدا وكانت سرحانه وكانت لابسه بنطلون ترنج اوفر سايز وعليه هودي قصير من اللون الاسود وسايبه شعرها وكانت جميله
ندي بحزن: وحشني بيتي اوي يلا الله يسامحك ياعمي
اياد كان داخل القصر بس لمح حد في الجنينه فقرب يشوف مين ولاقها ندي
اياد بهدوء: ندي بتعملي ايه هنا
ندي بتوتر: انا اسفه حضرتك والله بس لقيت الكل نام فحبيت اطلع اشرب حاجه انت اسفه
اياد ضحك ودا نادرا علي توترها : س. اهدي بألف هنا انت بسأل بس ليكون في مشكله ولا حاجه
د
ندي: لاء حضرتك مفيش حاجه
اياد بهدوء: تب ممكن اقف معاكي
نديص بسرعه: اتفضل حضرتك يااياد بيه
اياد: احم بلاش بيه دي بقا اسمي اياد كلنا ولاد تسعه
ندي ضحكت: بس انا بنت 8بس
اياد بضحك: قوليلي ياندي انتي منين بقا
ندي بتوتر: من القاهره من هنا
اياد بإحراج: يعني مع احترامي ليكي شكلك بنت ناس مش غلبانه ووكدا
ندي بتوتر: اه فعلا اصلي من يعني من عيله كبيره
اياد: من عيله مين بقا
ندي بخوف: وعد مش هتقول لحد
اياد بإبتسامة: وعد.... ومدله ايده وهيا مسكتها وبعدين سابتها بتوتر
ندي: كدا وعد انا بقا ياسيدي من عيله السعدني
اياد بصدمه: عيله السعدني انتي تقربي لعاصم السعدني
ندي: ااه دا ابن عمي وووووووووو..........
تكملة الرواية من هناااااااا
لمتابعة باقى الرواية زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كاملةمن هناااااااااا
مجمع الروايات الكامله 1اضغط هناااااااا
مجمع الروايات الكاملة 2 اضغط هناااااا
تعليقات
إرسال تعليق