مجمع الروايات الكامله والحصريه فقط اضغط على اسم الروايه موجوده كامله في موسوعة القصص والروايات جميع الفصول مع البرنس محمد السبكي قصص وروايات كامله يسعدني تواجدكم معنا في المدونه

 

رواية مغامرات عائلية( الجزء الثاني)الفصل الثالث عشر 13 بقلم همس كاتبة حصريه في مدونة موسوعة القصص والروايات

رواية مغامرات عائلية( الجزء الثاني)الفصل الثالث عشر 13 بقلم همس كاتبة حصريه في مدونة موسوعة القصص والروايات

بارت 13

توفيق : انتي مش قولتي مش هنعرفلك طريق و شوحتي بايديكي كدة ؟! 

زمردة : توفي كفاية مسخرة انا عايزة امشي من هنا و ارجع لبيتي

يزن : ليه يا مدام زيزي ؟ حد دايقك من اهلي ؟ 

زمردة : لا .. بس انا خلاص عايزة امشي من البلد دي كلها .. توفي ممكن نتكلم لوحدنا شوية ؟ 

توفيق : تمام .. عن اذنك يا عبدالله 

عبد الله : خودها لاوضة المكتب و اتفاهمو على رواق 

توجه توفيق الى اوضة المكتب و تبعته زمردة 

فارس بخفوت : هتزنقه 

تميم : اتلم يا وش المصايب .. و الله لاوريك هعمل بيك ايه يا كلب 

فارس و هو يأكل : لمازا ؟ انا عملتلك حاجة ؟ 

تميم : كل .. كل يا حبيبي جايك ايام سودة باذن الله 

مرت دقائق .. خرجت زمردة مع توفيق من المكتب 

زمردة : انتي يا بلونة .. روحي هاتيلي حاجتي 

فريدة : جدو .. ايه رأيك ؟ 

عبد الله : ها يا توفيق ؟ السؤال ده ليك .. ايه رأيك ؟ 

توفيق : تمام .. هنمشي يا عبد الله 

عبدالله : فريدة  جهزيلها حاجتها 

حلا : بس هيا لسا ما اتعاقبش على الي عملته مع حبيبة 

قرصتها دينا و قالت بهمس : اتلمي و سيبيها تمشي عايزين نخلص 

حلا بخفوت : كنت ناوية اربيها بس توفي نجدها من بين ايديا 

دينا : بطلي الهمجية دي يا بت ده انتي كام يوم و هتبقي عروسة 

حلا : لازم اكون مسهوكة يعني عشان اتجوز ؟ 

دينا : اتنيلي مش عارفة ازاي هتفتحي بيت انتي و المعتوه فارس 

حلا بسخرية : بالمفتاح 

عبد الله : اتفضل يا توفيق كملو غدا و بعدين نبقى نتكلم 

*********************** 

في سيارة اوس 

اوس : بقالك ساعة ساكتة و بتبصي للطريق .. في ايه يا حبيبة ؟ 

حبيبة : قرفانة .. حاسة اني عايزة اعيط بس مش لاقية سبب 

اوس : و بعدين مع حرب الهرمونات دي .. قوليلي انتي عايزة ايه و انا اعمله حالا 

حبيبة بصوت قريب للبكاء : مليش مزاج اعمل حاجة .. اوس ايه حكاية الرقاصة ؟! 

اوس : مفيش حكاية و لا حاجة  .. هشام صاحبنا من ايام الجامعة عزمنا عنده على قعدة و اتفاجئنا انه جاب رقاصة فسبناه و خرجنا و بس كدة 

حبيبة : و ازاي لحق يصوركم ؟! 

اوس : مهو اكيد متفق مع الرقاصة يعني 

حبيبة : و ايه هدفه من الكلام ده ؟ 

اوس : كان هدفه ان الصور دي توصلك انتي و غادة و فريدة .. اصله بعت ظرف باسمائكم فيه الفلاشة .. حركات افلام .. على اساس كدة يعني هيخرب بيوتنا 

حبيبة باستغراب : طب ليه عايز يأذيكم يعني ؟ 

اوس : معرفش بصراحة .. بس الظرف وقع بايد جدي و طبعا جمعنا بالليل و حقق معانا واحد واحد و عشان كدة عاقبنا 

حبيبة : و فارس سمعكم و راح قال لحلا على طول 

اوس : هيتربى .. ما تزعليش من الي هعمله بيهم هما الاتنين 

حبيبة : ليه يا اوس حرام عليك … حلا ملهاش ذنب هي بس ..

اوس بمقاطعة : متقوليش خايفة عليكي عشان ده مش خوف .. دي فتنة و زياد قال لجدي و هو حلف هيعاقبهم عقوبة جديدة 

حبيبة بشهقة : يا انهار اسود .. لا كدة كتير هيا معملتش حاجة غير انها قالتلنا عشان عايزة مصلحتنا 

اوس : عايزة مصلحتكم تقوم تخرب بيوتكم انتو التلاتة ؟! لما حد بيتدخل بين اتنين متجوزين ما بيعملش حاجة غير انه يزيد المشاكل .. انتي عارفة عناد فريدة و غرور تميم .. افرضي وصلت للطلاق بينهم ؟! حتى غادة انا مستغرب هدوئها ده .. يعني الطبيعي بتاعها انها تتخانق مع زياد و كان ممكن تسيبه 

حبيبة : بعد الشر عليهم .. اوك حلا كبرت الحكاية بس و الله عن حسن نية 

اوس : حسن نية و لا حقد ؟ اصل حلا معروفة يعني مفيش داعي تدافعي عنها .. دي عملت كل الي عملته عشان رفضت اساعدها 

حبيبة : اقفل الحكاية دي انا دماغي مش ناقصة 

اوس : طيب تعالي ننزل نتمشى شوية 

حبيبة : اوك 

نزلو من السيارة و نظرت حبيبة تجاه كشك قريب منهم 

حبيبة بنهم : ريحة الكبدة تجنن .. بقالي كتير ما اكلتهاش 

اوس : تحبي اجيبلك منها ؟ 

حبيبة : لا الدكتورة قالت غلط على البيبي

اوس : على حد علمي ان الكلام ده اول الحمل بس .. يعني تقدري تاكلي حتة صغيرة مش هيحصل حاجة 

حبيبة بقرف : اعاااا .. فكرتني بالكبدة الي عملتها زيزي .. لا لا مش عايزة كبدة .. نفسي بسوشي 

اوس : مش ده ممنوع برضو ؟! 

حبيبة بعبوس : ممنوع .. كل حاجة ممنوع اكلها نفسي فيها .. بقولك ايه امشي ناكل في البيت احسن 

اوس بضحكة : حيرتيني معاكي يا بت 

حبيبة بغيظ : ما تقولش بت .. ابنك عايز ياكل انا مالي ؟ 

اوس : عنيا لابني و ام ابني كمان .. قوليلي نفسك بايه و انا اجيبهولك حالا 

حبيبة بجوع : عايزة حاجة فيها رز .. كبسة ايوة كبسة 

اوس بضحكة : طب امشي ادرورلك عليها يلا 

******************

في البيت 

عبد الله : ابقى كتر زياراتك يا توفيق ما تقطعناش كدة 

توفيق : ان شاء الله اول ما يصحلي فرصة هنزل مصر تاني 

سحر : سلم على اخواتي يا بابا و الله وحشوني .. ده اخر مرة شوفتهم كان في فرح اوس 

توفيق : ربنا يخليكم لبعض يا حبيبتي .. خلي بالك من نفسك و من عيلتك يا بنتي .. فين مامتك ؟ 

فريدة : زيزي لسا بتلبس يا جدو 

زمردة من ورائها : ما تجبيش سيرتي يا بلونة 

تميم بضحك : و الله هتوحشينا يا تيتة .. هاتي حضن الوداع بقا 

حضنته و قالت : فين اوس عايزة اسلم عليه قبل ما امشي 

مصطفى : اشمعنا بتحبي اوس اكتر واحد فينا يعني ؟ منا الصغير المفروض الدلال ده ليا 

زمردة و هي تقبله على خده : منا بحبك انت كمان .. بس اوس في شبه من توفي عشان كدة بحبه اكتر 

توفيق باحراج : طب امشي يلا 

سحر بضحك : سيبها شوية يبابا .. و الله هتوحشنا 

حضنتها زمردة و قالت : خلي بالك من مرات ابنك الهبلة .. دي تغرق بشبر مية 

سحر : اه قصدك حبيبة .. ما تشيليش هم  

زمردة : تعالي انتي كمان يا موكوسة .. هاتي حضن قبل ما امشي 

فريدة بصدمة : انا ؟!!!! 

زمردة : ايوة يختي .. برضو انتي يا بلونة تبقي مرات حفيدي 

فريدة و هي تحضنها : الله ده انتي قلبك ابيض يا زيزي 

زمردة : هو انا في حاجة مضياعاني غير طيبة قلبي دي .. منا اهو اتخزوقت من ورا سلفتك الهبلة 

سعاد : معلش يا طنط امسحيها فيا 

زمردة : هتوحشوني يا بنات .. خصوصا البت دي عاجباني موت 

لارا بخجل : ميرسي يا زيزي كلك ذوق و الله 

زمردة : راجعالك يا حبيبتي .. هيا ديتها كام سنة بس و اجيبك عندي و اجوزك حفيدي 

دينا بتمتمة : يكون احسن اهو نخلص منكو انتو الاتنين 

زمردة : يلا اشوف وشكم بخير .. سالووو 

ذهب معهم عدنان و عبد الله لايصالهم للخارج  و التقو بأوس و حبيبة على الباب 

اوس : ايه ده زيزي .. رايحين على فين ؟ 

توفيق : خلاص يا اوس انا و زيزي اتصالحنا و هنمشي 

اوس : بجد ! الف مبروك 

زمردة و هي تحضنه : هتوحشني يا قلب زيزي .. خلي بالك من الدلوعة بتاعتك دي 

اوس : دي في عنيا 

زمردة : تعالي بحضني يا بت

حبيبة و هي تحضنها : ابقي روحي ساونا و لا جاكوزي و اتدلعي شوية عشان تنسي الي حصلك هنا 

زمردة : ياااه ده انا ما مصدقة اوصل فرنسا عشان اعوض نفسي عن الايام دي .. ربنا يسامحك يا توفي 

توفيق : طب امشي يلا مش عايزين نتأخر 

زمردة : اوس ما تنساش الجزمة الي اتفقنا عليها .. هكملك و اقولك التفاصيل الي عايزاها 

اوس : عنيا ليكي يا زيزي .. انتي بس خليكي عاقلة كدة و هيا توصلك لغاية عندك 

زمردة : لما تولد مراتك ابقى قولي يا واد مش تسبني اعرف من السوشال ميديا 

اوس : حاضر حاضر .. يلا روحي مع توفي لاحسن يغير رأيه 

توفيق : اتلم يا اوس بقا  

حبيبة بمشاكسة : باي زيزي .. ما تنسيش تحطي سانس كريم في الحر ده 

زمردة : حطيت من شوية .. اولدي انتي بس عشان خاطري 

توفيق : كفاية رغي امشي يا زيزي 

ذهبت زمردة مع توفيق و هي تلوح بيديها لهم 

نطق اوس من بين اسنانه : خلصنا 

حبيبة بضحك : بس و الله كان دمها خفيف 

اوس : اممم جدا 

عبد الله : ادخلي يا حبيبة يلا .. الجو حر عليكي 

حبيبة بابتسامة : حاضر يا جدو 

دلف جميعهم للبيت 

عبد الله : ابشركم يا عيال .. العقوبة انتهت 

زياد بحماس : يسسسس .. الحمدلله 

عبد الله : بس في نفرين كدة لسا العقوبة مستمرة معاهم 

دينا بخبث : مين يا جدو ؟ 

عبد الله و هو يشير بيده  : دول 

ايهاب : عمل ايه تاني فارس عشان تعاقبه ؟ قولي بس و انا ازبطهولك 

عبد الله : استريح انت يا ايهاب .. معملش حاجة بس انا عايز اربيه 

حسين : و حلا عملت حاجة ؟ 

حلا بخوف : جدو قوله اني بريئة الهي تنستر 

عبد الله : معملتش حاجة برضو .. بس انا كدة عايز اعاقبهم لوحدهم 

يزن : على كدة هتسيبني ارجع لشغلي و لا هتقطع عيشي ؟ 

عبد الله : لا ارجع مفيش مانع .. بس لو خطبيتك عملت حاجة جديدة هتلبس انت 

دينا بتمتمة : و المصحف لاعمل كل يوم 

يزن : ايه ؟! 

دينا : اهو اكسب شوفتك يا ابو مناخير كبيرة 

يزن : مهو مش اتفرم عشان اشوفك يا ست هانم 

دينا : كل ابطال الروايات بيعانو عشان حبيباتهم استجدع كدة يالا 

يزن : صبرني يا رب .. و الله هبقى اجيلك بس من غير عقوبة و النبي 

تركهم عبد الله و دلف الى مكتبه .. تبعته حلا مباشرة 

عبد الله : عايزة ايه ؟ 

حلا : انا ليه اتعاقب ؟! عملت ايه عشان اتمرمط لوحدي ؟ 

عبد الله : عشان غلطتي .. بس غلطتك كانت اخف من غلطة فارس عشان كدة عقوبته هتكون اكبر 

حلا : ليه انا ايه الي عملته يعني ؟ يكونش عشان قولت للبنات على حكاية الصور ؟

عبد الله : اممم شاطرة الي عارفة يعني .. عموما عقوبتك هتبتدي دلوقتي 

حلا : هتسيبني اشتغل بالغيط و الرجالة قاعدين ؟! 

عبد الله : لا يا حبيبتي ده مش من مهامك .. امسكي الكتاب ده كدة 

نظرت حلا للكتاب السميك نوعا ما …كان كتاب بعنوان "الطبيعة البشرية والسلوك الإنساني" 

حلا باستغراب : ايوة ايه ده ؟! اعمل بيه ايه ؟؟

عبد الله : تحفظيه صم .. من الجلدة للجلدة و اول ما تخلصي تجيلي اسمعلك 

حلا بصدمة : تسمعلي ؟! 

عبد الله : ايوة .. يلا شوفي شغلك باي لحظة ممكن اندهلك و اقولك سمعي 

حلا برجاء : جدوووو 

عبد الله بحزم : مفيش جدو .. ما تخلينيش اسلمك لحسين و هو يتصرف معاكي 

حلا بسرعة : لا لا هحفظ هحفظ 

عبد الله : اطلعي و ابعتيلي فارس 

خرجت بسرعة و هي تتمتم بكلام غير مفهوم 

بعد دقائق قليلة جدا دلف فارس 

فارس : هحفظ ايه انا ؟ 

عبد الله : تعالا يا حنين .. مين قالك هتحفظ .. انت هتشتغل شغل تحفة يا ابو عضلات 

فارس : و هشتغل ايه يا بيدو ؟ 

عبد الله : اتعدل يالا .. انت مهمتك آسر .. هيفضل معاك ليل نهار .. تحميه بقا و ترضعه و تغيرله البامبرز و كدة يعني 

فارس بذهول : نعم يا اخويا ؟! 

عبد الله : يا ايه ؟!! 

فارس : ده افترى يا جدو .. انت بقيت كريتيف اوي يعني 

عبد الله : معلش الي غلط يتعاقب … ده انا لو سبتك لباباك كان هيعلق مشنقتك 

فارس : لا معلش خلينا معاك احسن .. بس حضرتك بتعاقبني ليه يا بيدو ؟ 

عبد الله : قولتلك اتلم و احترم اني جدك .. بعاقبك عشان ودانك الحلوة دي مش عايزة تتلم  

فارس : اعمل ايه منا ياما قولتلها عيب كدة يا بت بس هيا مصرة على الي بتعمله .. شرحتلها الموقف و قولتلها جدو هيزعل بس هي مش مؤدبة خالص

عبد الله : يخربيت تقل دمك ياض .. امشي من هنا روح استلم آسر و اهتم بيه 

************************

في المساء 

في اوضة دينا و حلا .. كانت دينا تجلس مع حبيبة التي تأكل مربى التوت بنهم و حلا تمشي ذهابا و ايابا تحفظ ذلك الكتاب 

دينا بعبوس : اهو سابني و راح .. انا امته هتجوز بقا ؟!

حبيبة : كنتي بتقولي عليا بتدلع اهو انتي بتدلعي اكتر مني .. ده لسا سايبك من ساعتين 

دينا : اتلمي يا حبيبة .. انا اكتر حد استحمل سهوكتك دي .. ده بدل ما ترتبيلي موعد رومانسي معاه زي ما كنت بعملك 

حبيبة بضحك : خلاص ليكي عليا اكلم اوس و اقوله 

دينا : ايوة كدة اتجدعني معايا .. انتي مالك نازلة اكل بالمربى كدة ؟ هتبهدلي نفسك 

حبيبة : مش عارفة .. النهاردة نفسي مفتوحة اوي و عمالة اكل  .. روحت المطعم مع اوس و طلبت تلات اطباق و خلصتهم كلهم 

دينا بضحك : ده انتي بتنافسي حلا بقا .. ايه الطفاسة دي ؟! 

حبيبة : فيها ايه حامل و لازم اتغذى 

دينا بابتسامة : عندك حق .. ياااه امته هعيش الشعور ده ؟ تخيلي كدة تشيلي ببطنك حتة منك انتي و حبيبك .. احساس جميييل 

حبيبة بعبوس : بس ممل اوي .. خصوصا اخر شهر .. البيبي حركته بتقل .. دي اكتر حاجة كنت بتبسط عليها بالحمل لما يضربني كدة و احس برجله و لا ايده  .. انا تعبت و انا مستنياه عايزة اشيله بقا 

دينا : نعملك ايه يعني ؟ نولدك بالعافية ؟ اتلمي يا بت و بلاش دلع 

حلا بصراخ : بس منك ليها صدعتوني .. مش عارفة احفظ من رغيكم .. الكتاب ده 400 صفحة امته هخلصه ؟!!!

دينا بشماتة : حلا الي عمرها ما فتحت كتاب اهي شايلاه و بتحفظ زي نجيبة متولي الخولي 

حلا بغضب : دينا اتلمي ما تخلينيش افش غليكي فيكي انتي و البطيخة الي جنبك دي 

حبيبة بهمس : بطيخة ! 

دينا بملل : ابوس ايدك ما تفتحيش سيرة العيل الي كل دماغك ده .. تقولي عفريت و شبحه بيلاحقك ليل نهار 

حبيبة : حرام الواد ده غلبان .. انا اول ما ارجع مصر هدور عليه و اساعده 

دينا : طيب لما ترجعي مصر كلنا هنساعدك و نساعده  .. دلوقتي نقطينا بسكاتك 

حبيبة : دينا .. نفسي بموس شوكلا

دينا : حاضر يا اخرة صبري .. هنزل اجيبلك 

***********************

كان فارس يحمل اسر الذي يبكي و يمشي به 

زياد و هو يعمل على اللابتوب : ما تسكته يا فارس

فارس : اعمله ايه ؟؟! مش عارف ماله 

فريدة : غيرله البامبرز  

فارس بقرف : حاضر .. و الله لو عملها بوشي لاضربك يا تميم 

تميم : اشتغل يالا و بطل دلع 

فارس و هو يفك البامبرز : مفيش حاجة 

فريدة : برضو غيرها 

بدأ فارس بتغيريها 

فارس : كدة كويس ؟ 

فريدة بضحك : انت لبستهاله بالعكس .. فكها و اعدلها .. اللزق لازم يكون قدام 

فارس بملل : هففف حاضر 

اعاد فارس العملية ثم حمله و بدأ يمشي 

فارس : اهو سكت .. الحمدلله 

فريدة و هي تعطيه الببرونة : الرضاعة كل ساعتين يا فارس .. تعمله لحد هنا و تحط معلقتين لبن 

فارس بغيظ : حاضر .. ممكن احطه بالسرير دلوقتي ؟ 

فريدة : اممم ماشي 

تميم بخفوت : فريدة خلي عينك عليه .. ده ممكن يأذي آسر بهبله ده 

فريدة بحدة : انا عارفة شغلي كويس 

تميم : انتي لسا قافشة ؟!

فريدة : ااه 

مصطفى : زياد .. هو ايه اخبار حازم صاحبك ؟ 

زياد : بتسأل ليه ؟ 

مصطفى : ليلة بقالها كتير مش بتكلمني .. خايف يكون حصلها حاجة 

زياد : ما تقلقش هيا كويسة .. بس باباها خد منها الموبايل عشان الامتحانات 

مصطفى : و امته هيرجعه بقا ؟! 

زياد : لما تخلص 

مصطفى : ما تكلمني زي ما بكلمك و سيبك من اللابتوب ده 

زياد : عايز ايييه ؟! عندي شغل ياض 

مصطفى : عايزك تكلمه و تقوله يديها الموبايل 

زياد : ده انت بقيت عاشق ولهان ياض و انا معرفش .. قوم من وشي 

اتت سحر و قالت : ها فارس ماشي كويس و لا ايه يا عيال ؟ 

فارس بملل : الواد ده رخم زي باباه .. كل شوية بيعيط 

سحر : ما هما العيال بيعملو ايه غير العياط ؟ اتعلم يالا بكرا تتجوز و يجيلك عيال لازم تبقى عارف ازاي هتاخد بالك منهم 

فارس :  انا يبقى يجيلي عيال اتعلم .. مش اشيل شيلة غيري كدة 

سحر : ما يجراش حاجة لو اتعلمت من دلوقتي .. تميم فين اوس ؟ 

تميم : خرج هو و يزن معرفش راحو فين 

سحر بخفوت : انت لسا متخانق مع فريدة ؟ 

تميم : اه 

سحر : طيب يا حبيبي ابقى صالحها و اعملها الي هيا عايزاه .. حرام البت غلبت مع الواد و نسيت نفسها خالص 

تميم : حاضر يماما اما نطلع شقتنا هصالحها 

سحر بغمزة : هاتلها هدية يالا .. فرحها دي بت غلبانة 

تميم : حاضر 

في هذه اللحظة سمعو صوت صراخ كارما في الطابق العلوي 

زياد بفزع : ده صوت كارما …….. يتبع 

تكملة الرواية من هناااااااا 

لمتابعة باقى  الرواية  زورو قناتنا علي التليجرام من هناااااااااا

بدل ماتدور وتبحث علي الروايات عمل 

متابعه لصفحتنا على فيس بوك هنااااااااااا

الرواية كاملة الجزء الاول من هناااااااااا

الرواية كامله الجزء الثاني من هنااااااااا

مجمع الروايات الكامله 1اضغط هناااااااا

 مجمع الروايات الكاملة 2 اضغط هناااااا