مجمع الروايات الكامله والحصريه فقط اضغط على اسم الروايه موجوده كامله في موسوعة القصص والروايات جميع الفصول مع البرنس محمد السبكي قصص وروايات كامله يسعدني تواجدكم معنا في المدونه

 رواية مغامرات عائلية( الجزء الثاني)الفصل الخامس عشر 15 بقلم همس كاتبة حصريه في مدونة موسوعة القصص والروايات

رواية مغامرات عائلية( الجزء الثاني)الفصل الخامس عشر 15 بقلم همس كاتبة حصريه في مدونة موسوعة القصص والروايات

بارت 15

اوس : ايه ده حبيبتي انتي لسا صاحية ؟ 

حبيبة : كنت فين ؟ 

اوس : روحت اشوف واحد صاحبي .. انتي ليه مش نايمة ؟ 

حبيبة بغضب : الساعة واحدة و نص كل ده مع صاحبك ؟! 

اوس باستغراب : و مالك متعصبة كدة ؟ هو حصل حاجة ؟ 

حبيبة بانفعال : افرض حصل .. افرض تعبت و انت مش موجود 

اوس : كنت هجيلك على طول .. في ايه يا حبيبتي  مالك ؟ حد دايقك ؟ 

حبيبة : اه انت .. ازاي تسيبني كل ده ؟ و مين صاحبك الي روحت تشوفه ؟ ليه ما قولتلي قبل ما تخرج ؟ 

اوس بضحكة : و فيها ايه لو قولتلك على الموبايل ؟ 

حبيبة بغضب : انت يتتريق عليا ؟!!

اوس : اهدي عشان خاطري … انا اسف حقك عليا و الله ما هكررها بس اهدي و ما تتنرفزيش 

حبيبة :اه ما انت اتعودت تاكل بعقلي حلاوة و انا ارضى بسهولة مش كدة ؟! 

اوس : لا كدة الحوار خد منحنى اخر تماما .. تعالي يا حبيبتي نقعد و تطلعي كل الي جواكي يلا 

حبيبة : انت بتاخدني على قد عقلي يعني ؟

اوس  و هو يتقرب منها : ده انتي حبيبة قلبي و الحب الابدي 

حبيبة بهدوء : كنت فين ؟ و ليه تأخرت كدة ؟

اوس : كنت قاعد مع صاحبي 

حبيبة : الي روحتله مع زياد و تميم ؟ 

اوس بضحكة : توقعت تقولي كدة .. لا يا حبيبتي روحت اقابل واحد تاني  

حبيبة : و مين ده بقى ؟! 

اوس :  واحد صاحبي بقالي كتير ما قعدتش معاه  .. انتي ايه الي حصل معاكي ؟ ليه متنرفزة كدة ؟ 

حبيبة : معرفش و الله .. انا مدايقة و خلاص 

اقترب منها و حضنها 

اوس : معلش يا حبيبتي كلها كام يوم و تولدي و هترتاحي من هرموناتك دي 

حبيبة : منا زهقت .. بقيت زي حلا نازلة بالاكل كأنه هيطير و على طول متنكدة و مش طايقة نفسي 

اوس : تحبي ننزل نتمشى شوية و تغيري جو ؟ 

حبيبة : لا عايزة انام بس كنت قلقانة عليك .. مش بعرف انام و انت مش معايا 

اوس : طب يلا يا حبيبتي .. هغير هدومي و اجيلك عشان ننام 

************************

و بعد اربعة ايام 

فتحت حلا باب اوضة المكتب باندفاع 

حلا : جدو انا تعبت من و انا بحفظ .. كفاية بقا 

عبد الله : خلصتيه ؟ 

حلا : قرأته كله مرتين بس حفظ مش قادرة اقسم بالله .. كل ما احفظ حاجة بنساها 

عبدالله : طب جربتي تفهميه ؟ 

حلا : ايوة فهمته كويس .. تقدر تسألني على اي حاجة فيه .. بس انهي العقوبة و ارحمني ابوس ايدك يا جدو 

عبد الله : خلاص عقوبتك انتهت 

حلا بسعادة : يس يحيا العدل .. الحمدلله خلصت اخيرا .. همشي انا بقا سلامو عليكو 

عبد الله : اتفضلي و يا رب بس اسمع انك عملتي مشاكل تاني و الله لاخليكي تحفظي المكتبة دي كلها 

حلا : لا لا انا اتربيت .. مش هرجع لا اضرب حد و لا اعمل فتن .. حلو كدة ؟

عبد الله : حلو .. اتفضلي يلا 

اتجهت للباب و فتحته … و لكنها تفاجأت بفارس الذي سقط على الارض 

حلا بشهقة : فارس ؟! 

فارس و هو يقف : احم .. جدو عقوبتي امته هتنتهي ؟ 

عبد الله : اخبار اسر ايه ؟ 

فارس : زي الفل .. انا علمته يتكلم و يمشي و يعمل حمام لوحده كمان عشان تعرف اني قدها 

عبد الله : خفف الظرافة دي يالا .. اندهلي فريدة 

دلفت فريدة و قالت : انا هنا .. ابوس ايدك تديه اي حاجة تانية غير ابني .. الواد بقا زنان اكتر من زمان و البيه كان بيخليه يشوف افلام رعب معاه

عبدالله بصدمة : ايه ؟!!! 

فارس : عشان يطلع راجل و كدة يعني .. ابوس ايدك انا بقالي اربع ايام ما نمتش 

عبدالله : غور من وشي يالا .. انتهت عقوبتك 

دلفت لارا بسرعة و هي تمسك بيد كارما 

لارا : و احنا ؟! 

عبد الله : اتصالحتو ؟ 

لارا : ايوة و وعدنا بعض مش هنتخاصم تاني ابدا 

عبد الله : كرملة انتي لسا زعلانة منها ؟ 

كارما : ابدا بالعكس انا و هي اتفقنا مش هنزعل من بعض تاني 

عبد الله : و انتي يا لارا لسا شايلة منها ؟ 

لارا : انا اشيل من الدنيا كلها و ما اشيليش من كرملتي 

عبدالله : تمام .. خلاص افراج 

لارا بارتياح : الحمدلله خلصنا 

عبد الله : فريدة حد عمل مشاكل تاني ؟ 

فريدة : لا مفيش غير تميم الي مش عايز يتلم 

عبدالله باستغراب : انتو لسا متخانقين ؟!

فريدة : ايوة .. البيه مش راضي يعترف بغلطه 

عبدالله : انهي غلط ؟!! 

فريدة : لما كان بحضن البتاعة مش عايزة اقول هيا ايه 

عبد الله : ما تكبري دماغك يا بنتي .. هو ملهوش ذنب ليه كل ده ؟

فريدة : كان لازم يصالحني على الاقل و يشرح موقفه مش يعاند و خلاص 

عبد الله : انتي الي بتعاندي .. هو ما عملش حاجة غلط و جيه قالك الكلام ده … ما تخربيش على نفسك يا بنتي و اتصالحي مع جوزك 

فريدة : حاضر يا جدو … اي اوامر تانية ؟

عبدالله : ربنا يهديكي .. اتفضلو مش عايز حاجة 

***********************

في اوضة دينا و حلا 

حبيبة : و انتي ليه متخانقة معاه ؟!

دينا : وعدني انه هيجيلي كتير و بقاله اربع ايام مختفي و مش بيكلمني غير لما اكلمه انا .. ده اسمه اهمال

حبيبة بضيق : انتي لسا ما شوفتيش حاجة .. تخيلي اوس بيكدب عليا يا دينا 

دينا باستغراب : مستحيل .. اوس يكدب ؟ ازاي ؟! 

حبيبة : فاكرة من كام يوم لما اتأخر و هو برا؟ 

دينا : اه 

حبيبة : قالي انه راح يشوف صاحبه .. قام راح يشوف مين يا ترى 

دينا : مييين ؟ 

حبيبة بغضب : حازم و بنته ليلة الصفرا 

دينا بشهقة : هما هنا ؟! 

حبيبة : ايوة وصلو امبارح 

دينا : طب كويس .. لازم اكلم يمنى 

حبيبة : ده الي فرق معاكي ؟؟ بقولك اوس كدب عليا 

دينا : لا مكدبش مهو حازم صاحبه فعلا .. انتي الي مزوداها 

حبيبة : بقولك ليلة كانت معاه 

دينا : تعالي هنا يا بت .. انتي عرفتي منين ها ؟ انتي مراقباه ؟

حبيبة : لا طبعا .. مصطفى قالي

دينا باستغراب : ليه قالك كدة ؟! 

حبيبة : هو مكانش عايز يقول بس انا كنت شاكة بيه و سحبت الكلام منه بالعافية 

دينا : طب فين المشكلة يعني ؟!!!

حبيبة : اوس ليه ما قالش انه حازم ؟! ليه خبى عاليا انه هيشوف ليلة ؟ 

دينا : اااه .. انتي بتغيري عليه يعني .. انتي متخلفة ؟! ليلة بنت صغيرة ايه الي فيها عشان تغيري منها ؟! 

حبيبة : مش بغير .. بس ليه يكدب ؟! 

دينا : مهو ما كدبش .. انتي اكيد الحمل اثر على دماغك .. قالك رايح يشوف صاحبه .. و سي حازم صاحبه يعني بيقول الحقيقة 

حبيبة : طب و ليه ما قالي ان معاهم ليلة ؟ ليه ما اخدني معاه على الاقل ؟ ليه يروح لوحده ها ؟ 

دينا : عشان عارف قرفك .. عارفك هتزني عليه و تعمليله حوار مع هرموناتك الشغاله دي 

حبيبة : طب طالما كدة انتي كمان مزوداها على يزن مهو برضو عنده شغل و احنا عطلناه كتير 

دينا : انا مالي ؟؟ انا قاعدة هنا فترة بسيطة و همشي المفروض يهتم بيا و يجي يشوفني مش يهملني كدة 

دلفت حلا و ارتمت على السرير بارتخاء 

حبيبة : مالك ؟ 

حلا بتعب : اخيرا خلصت من ام الكتاب ده .. حبيبة ما تكلميلي اوس كدة و تقوليله على حلقة البودكاست 

حبيبة : قولتله و كان موافق بس انتي عكيتي الدنيا و زعلتيه .. اكيد هيرفض 

حلا : مع سهوكتك دي مش هيرفض كلميه انتي بس 

حبيبة : مش هكلمه 

حلا : ليه ايه الي حصل .. انتو متخانقين ؟

حبيبة : لا انا بس زعلانة منه شوية 

حلا : ليه ؟؟! ما الراجل بيدلعك و مستحمل زنك .. قومي صالحيه يا بت و رجعي المية لمجاريها 

حبيبة بصدمة : نو واي .. انتي حلا اختي ؟! هو الكتاب ده اثر عليكي و لا ايه ؟! 

دينا : انتي هبلة يا بت ؟! دي عايزة مصلحتها بس .. عايزاكي تصالحيه عشان تقنعيه بالحلقة 

حلا : انتي مالك ؟ خليكي بابو مناخير بتاعك ده و سيبيني اكل عيش 

دينا : ما تجيبيش سيرة البطل بتاعي على لسانك .. فين مامي فارس ؟  ده انتو بقالكم اربع ايام مشفتوش بعض 

حلا : راح ينام … تعب اوي مع اسر الزنان 

دينا : كويس هيبقى يساعدك لما تخلفي 

حلا : مش لما اتنيل اتجوز الاول .. مش حاسه نفسي  عروسة فرحها بعد شهرين 

دينا : ما انتي لو تتهدي شوية هتحسي .. هو في عروسة معصعصة كدة ؟! 

حلا : دي احسن ميزة فيا .. تخيلي اتخن زي فريدة شكلي هيكون ازااي ؟!

دلفت فريدة و قالت : اتلمي يا معصعصة .. انتو مخاصمين حد يا بنات ؟ 

حبيبة : ايوة انا زعلانة من اوس 

دينا : و انا زعلت من يزن 

حلا : لا على كدة انا هزعل من فارس و نعمل اضراب زي المرة الي فاتت 

دلفت غادة و قالت بملل : ضموني ليكم .. اتخانقت مع زياد 

دينا بغضب : ليه ؟؟ انتي ليه تتخانقي معاه ها ؟ مش ناقصين عكننة قبل فرحك يا بت .. المرة الي فاتت غلبت معاكي و … 

فريدة  : باااااس … ايييه بكابورت و اتفتح علينا ؟؟! كلنا زعلانين من جوزاتنا و كلنا هنعمل اضراب .. تمام ؟

حلا بتفكير : طب ايه السبب الي ممكن يزعلني من فارس عشان انضم ليكم ؟!

غادة : حرام عليكي اوعي تعملي مشاكل .. فارس تعب اوي مع اسر 

حلا بشفقة : فعلا حرام ادايقه .. خلاص طلعوني من الحزب انا مش ناقصة عقوبات جدكم هتلر الي تحت ده 

حبيبة : المرادي مش هعمل من العبط بتاع زمان ابدا .. ما تفكروش تسخننوني على اوس انا مش ناقصة 

فريدة : اومال هتردي اعتبارك ازاي ؟!

حبيبة : هقعد اعيط لغاية ما اتفلق تمام ؟

 دينا بحماس : غادة انزلي هاتي بصل عشان نعيط كلنا و نصور فيديو  و نبعته ليهم 

غادة بشهقة : لا الكدب حرام و كدة احنا بنكدب 

دينا : كدب ايه يا هبلة ؟! احنا زعلانين بس مش هنقعد نعيط بالعافية يعني .. البصل وسيلة مساعدة بس

فريدة بتفكير: فكرة و الله  .. يلا اجري هاتي بصل يا بت 

************************

على البلكونة 

اوس : ليه متخانق مع غادة ؟ 

زياد : عشان اخواتنا ..  اتدايقت مني عشان انتقدت لارا 

اوس : و هيا قالت حاجة ؟

زياد : بصراحة لا .. بس انا عندي كارما اختي الصغيرة و مصلحتها تهمني .. لارا عليها تصرفات كتير مش مقبولة و انا مش حابب اختي تتعلم منها .. انا ما صدقت رجعت لطبيعتها 

اوس : و ليه تتكلم على لارا قدام غادة ؟ 

زياد : اسم الله .. يعني انت عمرك ما اتكلمت على حلا قدام حبيبة ؟ 

اوس : حلا تفرق عن لارا .. و انا لو هتكلم هيكون على حاجة عملتها معايا مش مع غيري .. لارا و كارما صحاب من زمان يعني ما ينفعش تتدخل بحكايات البنات دي .. لو عندك مشكلة ليك تتكلم مع اختك بس

زياد : طيب و انت ايه الي حصل بينك و بين حبيبة ؟ 

اوس : معرفش .. قافشة عليا من الصبح و مش طايقالي كلمة .. يمكن هرمونات 

زياد : هأ …. فاتتك دي .. اصل يعني بصراحة في عميل فضحك قدامها 

اوس باستغراب : مش فاهم 

زياد : مصطفى قالها ان ليلة كلمته و هيا هنا في البلد فحبيبة اكتشفت انك روحت تقابل حازم و ليلة 

اوس : طيب ؟ فين الي يزعل بده ؟ 

زياد بضحكة : مراتك بتغير عليك من ام ضفاير 

اوس بادراك : ااااه عشان كدة قالبة وشها من الصبح .. و ديني لانفخك يا مصطفى 

زياد : حرام هو اتسحب من لسانه و قالها من غير قصد … ده جيه يترجاني احلها من غير ما انت تعرف 

اوس : و هراضيها ازاي دي ؟!! 

زياد : مش هتغلب يا صاحبي .. ده انت اكتر واحد خبرة 

اتى تميم و قال : الحقو يا شباب .. البنات عاملين رباطية علينا و هيسففونا التراب 

اوس باستغراب : انت كمان متخانق مع فريدة ؟ 

تميم : لسا هيا هيا المشكلة بتاعة الرقاصة .. و دينا كمان زعلانة من يزن و شكلها هتطين عيشته 

زياد : يا سلام .. و هنعمل ايه بالكارثة دي ؟؟ هنتعاقب من اول و جديد يعني ؟! دول بيعملو الزعل مواسم 

تميم : لا .. لازم نسبقهم .. هنكون احنا اجدع منهم و نراضيهم مرة وحدة ايه رأيكم ؟ 

زياد : اه اصلاح جماعي يعني 

تميم : امشو معايا امشو يلا 

**************************

 اجتمعت العائلة على طاولة العشاء 

عبد الله باستغراب : فين اوس و تميم و زياد ؟!

سحر : خرجو من بدري 

نظرت حبيبة بقلق الى فريدة

فريدة بحدة : يكونوش رجعو للرقاصة تاني 

عبدالله : فريدة .. و لا كلمة 

فارس : و الله لو راحولها المرادي من غيري لاعملهم قلق 

وكزته حلا بقوة 

حسين : فارس .. ما تخلينيش اطالب بتأجيل فرحك 

ايهاب : اقسم بالله يلا لو ما اتلميت هنزل بالحزام على جلدك 

فارس : بهزر يا جماعة و الله 

حلا : رخم

دينا : جدو .. ينفع نخرج نتفسح بكرا ؟ زهقنا اوي من جو البيت 

 عبدالله : هفكر 

سعاد : حبيبة لازم تروحي بكرا للدكتورة عشان نطمن ع البيبي 

حبيبة : هروح مع حلا و فارس 

سعاد باستغراب : ليه ما اوس دايما بياخدك

حبيبة : مش فاضي ليا وراه شغل 

عبدالله بشك : انتو متخانقين ؟! 

فريدة : كلنا يا جدو .. كلنا متخانقين مع جوازتنا 

عبدالله : يا سلام ؟! 

فارس : انا و حلا مش متخانقين مش كدة يا مزتي ؟ 

حلا : لا انا مؤدبة مش بعمل مشاكل خالص 

لارا : واضح جدا 

عبدالله : حبيبة ليه متخانقة مع اوس ؟ 

حبيبة بتوتر : مش خناقة بس زعلانة منه شوية 

عبدالله : و انتي يا غادة ؟

غادة : احم .. خلافات عادية 

عبدالله : دينا ؟ 

دينا : لا انا مش هسكت .. يرضيك يا جدو الي اسمه خطيبي ده يسيبني اربع ايام من غير ما يعبرني ؟! انا قاعدة هنا شهرين بس …المفروض كل يوم يتلكك عشان يشوفني و لا عشان ضمن اني خطيبته خلاص يبقى مهمل لواجباته ؟!! ده قبل الخطوبة كان يعمل حركات كتير عشان اعبره بس دلوقتي … 

عبد الله بمقاطعة : بس بس .. انا الغلطان الي سألتك .. انتو عايزين تعملو مشاكل عشان تتعاقبو وخلاص مش كدة ؟ 

حبيبة : لا و الله ابدا يا جدو 

عبدالله بحزم : يبقى كل واحدة تصالح جوزاها و تراضيه .. مش هنفضل ندادي فيكي انتي و هيا .. كفاية 

كارما : ايه ده ؟! اول مرة يا جدو تقف بصف الرجالة 

عبدالله : انا مع الحق .. مفيش واحد فيهم غلط بجد عشان تزعلو كدة 

سعاد : دي اخرتها معاكي يا حبيبة ؟! طفشتي الراجل خلاص ؟! 

حسين : سعاد .. ما تدخليش بينهم .. حبيبة عارفة ازاي هتدير حياتها 

سعاد : بس مش تطفش الراجل من بيته 

تركت حبيبة المعلقة و صعدت لاوضتها 

سحر : ليه كدة يا سعاد البنت بقت حساسة بزيادة حرام عليكي 

ايهاب : غادة مش عايز مشاكل قبل فرحك .. تصالحي خطيبك من سكات ماشي ؟ 

تركتهم و صعدت للاعلى تبعتها فريدة و بعدها دينا 

حلا : حلو اوي مفضلش غيري اتقمص و اسيب الاكل و امشي 

فارس : معقولة قلبك يطاوعك و تعمليها ؟ 

حلا و هي تأكل : مستحيل مليش بالمسلسلات التركي دي 

بعد وقت  

في مجلس العائلة الكبير 

سحر : هما فين لغاية دلوقتي .. ما ييجو يراضو البنات دول 

عدنان : فعلا تأخرو اوي الساعة بقت 11

سعاد : حبيبة قلبتها نكد و زعلت مني بجد 

خولة : معلش جاريها البنت على وش ولادة 

خديجة : يلهوي ع الدلع … ده و انا حامل بفارس كنت بنزل الغيط اشتغل 

خولة : معلش زمنا غير عن زمنهم … حبيبة اتدلعت من وهيا صغيرة لازم نستحمل لغاية ما تولد 

سحر : ما شوفتوس فريدة بالحمل .. كانت عصبية جدا لدرجة انها تكسر حاجات البيت 

سعاد : امها كانت كدة و هيا حامل بزياد 

حلا : ما تخلصونا من رغي الحريم ده و تعملولنا حاجة نحلي بيها 

كارما : ما تختشي يا بت … البنات فوق زعلانين و انتي تفكيرك بالطفح ؟!

حلا : دول عصا..بة و مأفورين عايزين يكبرو الحكاية و خلاص 

عبدالله : عدنان كلم العيال و شوفهم راحو فين .. لو فضلو كدة هيتعاقبو كلهم 

دلف تميم و اوس و زياد و يزن سويا .. كل واحد يحمل بيده بوكيه ورد مختلف و يخفيه وراء ظهره 

اوس : الله يكسفك يا تميم .. ده الي نيجي بنص الليل ؟؟! دول كلهم قاعدين 

تميم : و انا ايش عرفني انهم مستنينا 

يزن و هو يحك رأسه باحراج : اقسم بالله لو حد اتريق عليا لاضربك بالنار ياض

زياد بضحك : بجد شكلنا زبالة اوي 

تميم : معلش يا نعيش عيشة فل يا نموت احنا الكل 

اوس : انا هطلع لحبيبة 

زياد : و انا مكسوف اخش عليهم بالبتاع ده 

يزن : اومال هتسيبني ادخلهم لوحدي يعني ؟؟ انت عارف هيقولو عليا ايه بالبلد ؟! 

زياد : معلش عشان خاطر الحتة بتاعتك يا راجل 

يزن : اتلم 

صعد اوس للاعلى و تبعه تميم 

يزن : زياد اطلع لخطيبتك بس قبلها قول لدينا اني مستنيها برا .. مش عايزين احراج الهي تنستر يا شيخ 

زياد : ماشي يا اسطا 

*******************

بعد وقت قصير 

حلا بعبوس : جدو .. كلهم اتصالحو 

عبدالله : بالسرعة دي ؟! 

حلا : اه كل البنات جالهم ورد ما عدا انا 

فارس : و من امته بتحبي الورد اصلا ؟! 

حلا : برضو ليه يجيلهم كلهم و انا لا ؟

دلفت دينا و قالت : جدوووو 

عبدالله : في ايه خضتيني يا بنتي  

دينا و هي تلهث : حبيبة .. حبيبة هتولد ……. يتبع 

تكملة الرواية من هناااااااا 

لمتابعة باقى  الرواية  زورو قناتنا علي التليجرام من هناااااااااا

بدل ماتدور وتبحث علي الروايات عمل 

متابعه لصفحتنا على فيس بوك هنااااااااااا

الرواية كاملة الجزء الاول من هناااااااااا

الرواية كامله الجزء الثاني من هنااااااااا

مجمع الروايات الكامله 1اضغط هناااااااا

 مجمع الروايات الكاملة 2 اضغط هناااااا