رواية دموع قمر الفصل الأول1 بقلم محمد منصور حصريه في مدونة موسوعة القصص والروايات
رواية دموع قمر الفصل الأول1 بقلم محمد منصور حصريه في مدونة موسوعة القصص والروايات
ح(1)
من جوة كلية تجارة تقعد علي سلم من سلالم الكلية قمر بنت من منطقة شعبية فقيرة جدا عندها 6 اخوات خمس بنات واخ كبير وهو رمضان. وكانت قمر لابسة خمار اسود علي عباية سوداء وكانت العباية دايبة وفيها حتت مقطعه وماسكة كتاب وبتذاكر لانها ملهاش اصحاب في الكلية بسبب انا كانت ديما تحس انها اقل منهم. قمر ديما عايشة لوحديها وسط كتب المذاكرة والرويات الرومانسية. قمر مش حلوة اوي لكن عندها قلب يخليها ملكة جمال الدنيا وهنعرف حكايتها الغريبة واللي باسم
دموع قمر
من تاليفي، ،
محمد منصور.
** منص **
وقبل ما نبدأ الحلقة نوحد الله ونصلي علي خير خلق الله سيدنا محمد. وعلي بركة الله نبدأ
بسم الله توكلت علي الله. وهو رب العرش العظيم
وديما قمر كانت بتبص علي البنات اللي في سنها وهما مع بعضهم بيضحكوا ويلعبوا. وتضحك معاهم وتلعب معاهم ومن غير ما تحس تلاقي دموع الحرمان نزلت علي خدودها لكنها ترجع تاني وتمسح دموعها وتبص للدنيا بحب شديد وتقول لنفسها
بكرة احلي من النهاردة. انا عارفة ان ربنا شايل لي اللي احلي من النهاردة بكتير
وفي لحظة سرحان قمر تعدي من قدامها بنت تمسك في أيدها سندويتش شاورما كانت قمر تسمع عن الشاورما ولكنها ماتعرفش طعمها وبدات تتخيل هذا السندويتش وهو في أيدها وهي بتاكله وتستمتع بطعمه ولكن انتهت لحظه التخيل هذه عندما شعرت قمر بطوبه صغيره جت في راسها من وراء فبصت ورائها لقيت تلت شباب قاعدين . الاول سالم والثاني سمير والثالث حامد وبدا الثلاث شباب يتكلموا مع بعض وكانهم ماعملوش حاجة لكن قمر بصيت ليهم بغيظ شديد وبصت قدامها تاني وهي مخنوقه لان ديما التلاتة دول سبب مضايقة ليها. وفي الوقت دة يرن موبيل قمر فتخرج قمر من شنطتها موبيل قديم جدا من موبيلات النوكيا اللي بزاراير وترد قائلا
أيوا يا بابا
فيقول حامد بصيغه التريقه
ايه ده هي الخيمه بتتكلم يا سلام سلم
فيرد عليه سمير قائلا
لا سيبك من انها طلعت بتتكلم شوفت الايفون اللي هي طلعته
سالم
الموبيل اللي مش عاجبك ده المتحف المصري لو عرف انه معها ممكن ياخدوا منها
ويضحكوا الثلاث شباب بطريقه مستفزه فتنزل دموع قمر
غصبا عنها ولكنها تبتسم وتمسح دموعها بكل قوه واعتزاز
بنفسها وتقول لابوها صبحي بصوت حزين
لا يا بابا انا معاك
صبحي
كنت بقول لك لو تعرفي تتصرفي في 50 جنيه لغايه القبض. عشان محتاج اجيب علاج
فتفتح قمر شنطتها وما تقليش في الشنطه غير 20 جنيه فتقول له
هاتصرف يا بابا حاضر.
صبحي بخبث
لو مش معاكي خلاص. مش مهم العلاج
قمر بحب
لا. يا حبيبي. ازاي تقول كدة المهم انك تبقي كويس. هاخلص كلية وهاروح الكوافير وهتلاقي الفلوس عندك بالليل ان شاء الله
وتنهي المكالمة وتفضل تسمع صوت ضحك التلاته عليها وتنمرهم عليها فتبص لهم وتقول بعزة نفس
انا صحيح شبه الخيمه ومعنديش غير الخيمه دي ألبسها والموبيل اللي معايا مش ايفون. بس متربيه اوي عن اللي عندهم بدل الطقم الف. ومعاهم الايفون
فيقف حامد ويطلب من الاثنين الاخرين السكوت ويبص لها
قصدك ايه يا بنت صبحي السواق أن احنا مش متربين
قمر
باين عليك مركز معايا اوي علشان شغلت بالك ودورت وعرفت ان ابويا سواق علي اتوبيس هيئة
حامد
انا اركز معاكي انتي دة ان،،،،،،،،،
لكنها تقوم تقف وتمشي من قدامه لكنه يمسكها من الخمار بتاعها وهو بيقول
لما اكون بكلمك تقفي يا بنت السواق
فتبعد ايده عن خمارها وتقول بعصبية
انا عارفه انت مخنوق ليه مني كده علشان كنت بتبوس رجلي علشان اكلمك ولما قولت لك لا. بدات تضايق فيه
فيبص سالم و سمير بأستغراب شديد لحامد وكانهم اول مره يعرفوا الكلام دة ويقول حامد لها بنرفزه
أنا حامد حماد ابن صاحب محلات قطع غيار السيارات هابص لك انتي وكمان هابوس علي رجليك علشان أكلمك
انتي عبيطه يا بت ولا هبله
فتبص له قمر وتبتسم أبتسامه أستهزاء وتقول
يبقي انا اللي كنت عايزا أكلمك
وتمسك موبيلها وتفتح الرسائل وتحضر رسائل من حامد
وهو يطلب منها انها تكلمه وترد عليه وانها تخرج معه في حته هادية. وهي ترفض وتجعل سالم وسمير يتفرجوا علي الرسائل ويقروا المكتوب وتقول لهم
حامد ابن الناس النظاف كان بيبوس رجلي علشان بس ارد عليه كان فاكرني رخيصه ها يضحك عليه بكلمتين ناعمين وياخد مني اللي مش من حقة. انا فقيرة اة. بس ظفر رجليا بعشرة شبهك
وتبص لحامد نظره استحقار وتسيبة وتمشي فيبص سالم وسمير الي حامد اللي كان بيبص لقمر بكل غل ويقول
ماشي يا بنت السواق وحياه ابوكي لاكسرلك مناخيرك اللي رافعها لفوق دي،،،،،،،،
وفي نفس الوقت كان صبحي سايب الشغل وفي شقة مراته نعمه وبيبص لها وبيقول
م خلاص يا ولية الفلوس هتيجي. النهاردة طالما انا قولت ل قمر هي هتتصرف
نعمه
يخيبك راجل هو انت بتضحك علي البت وبتاخد منها فلوس علي اساس انك عيان
صبحي
هو انتي فاكرة ان قمر تعرف اني متجوزك. دي شايلة همي وهم اخواتها كلهم بما فيهم رمضان الكبير.
ويرفع صبحي حباية تعمل دماغ ويقول بلامبالاة
بس مش مهم و كمان فيها اية بنتي وبتصرف عليه ما انا ابوها اللي جيبتها للدنيا
نعمه وهي بتضحك بدلع
بدل ما تصرف انت عليها هي اللي بتصرف عليك. والنبي انا مش عارفة بحبك فيك اية واتجوزتك علي خيبة اية
صبحي بخبث
يا ولية بقي برضو مش عارفة
فتضحك نعمه وهو يضحك وياخدها في حضنه، ،،،،،،،،
ومن قدام شقه في عماره من عمارات مصر الجديده يقف شاب دليفري لاحدي المطاعم الكبيرة واسمه عمار. وعمار كان مشوهه بسبب حرق جلد اسفل الوش بالرقبة من جهه اليمين ودة بسبب انبوبة بوتجاز فرقعت في وشة. من كام سنة ويرن عمار جرس الباب. وفي ايدة الاوردر فيفتح الباب طفل في الحاديه عشر من عمره فيقول عمار
أزيك يا حبيبي في حد كبير هنا اكلمه
فيصرخ الطفل لما يشوف الحرق الموجود في وش عمار ويجري الي الداخل خائفا. وهو يقول
عفريت عفريت زي اللي بيطلع في الفيلم
فتظهر علامات الضيق علي وش عمار ويحط أيده علي وشة فتخرج ام الطفل اللي فتح الباب وتبص ل عمار وتقول بلا اي رحمة
أنت تاني مأنا مبلغه مدير المحل عندكم انك انت ماتجيبش اوردر ليا ابدا
عمار
ليه يا مدام بس
ام الطفل
ابني بيخاف منك اتفضل امشي وانا مش عايزا الاوردر ده وهاتصل بصاحب المطعم دة اعرفه شغله
وتقفل الباب في وش عمار ويسمعها عمار بتقول
انا مش عارفة ازاي يشغلو الاشكال دي ويخلوها تقابل اطفال
فيحط عمار ايدة علي وشة وينزل ويبعد عن الشقة وهو بيبص للباب بحزن شديد، ،،،،،،،،
ومن جوة المطعم اللي شغال في عمار يقف مدير الفرع قدام صديق عمار ويدعي حسان وكان حسان شغال كاشير في المحل وهو صاحب عمار الوحيد وكان مدير الفرع ويدعي فهمي يقول لي حسان
واخرتها ايه معاك يا حسان
حسان
في ايه بس يا مستر فهمي
فهمي
انا كام مره ااقول لك بلاش عمار يطلع بي اوردارات لعائلات كفايه عليه المحلات
حسان
يا مستر فهمي من حق عمار ان يطلع ب اوردارات زيه زي اي طيار عندنا علشان البقشيش المرتب لوحده مش كفايه مع ظروف عمار ولو اشتغل بس علي المحلات ما بياخدش بقشيش
فهمي
مش مشكلتي. انا اهم حاجه ان ماحدش يشتكي احنا محل يخاف علي اسمه ودي اخر مره هاقول لك فيها عمار طيار للمحلات بس اوردر العائلات معروف مين هايطلعه ياريت ماتتكررش تاني ياحسان وإلا بقي ماتزعلش مني ،،،،،،،،
وفي نفس الوقت ومن جوة شقه علي المحاره يقعد راجل عجوز اسمه عم زلطه ووقت ما كان عم زلطه قاعد قدام التيلفزيون بيتفرج علي ماتش للاهلي يسمع صوت خبط علي الباب بمنتهي القوه حد بيخبط بايدة ورجله فيقوم عم زلطه. وهو متعصب ويمشي بصعوبه لكبر سنة ويفتح الباب وهو بيقول
بطل رزع يا حمار يا ابن الحمار. يالي بتخبط
ويبص يلاقي رمضان اخو قمر وهو في ايدة جردل فاضي وروله وفرشه للدهان ولابس لبس نقاش وبيقول
عم العوالم الخفية الراجل اللي بيتحدي الطبيعة
عم زلطة بعصبية
انت يا رمضان اللي عمال ترزع علي الباب كده
رمضان ببرود
مأنا عمال اخبط من بدري افتكرتك مت
عم زلطه
يارب انت اللي تموت
رمضان وهو بيحاول الدخول الي الشقه فيمنعه عم زلطه وهو يقول
رايح فين يا ابن الرخم
رمضان
داخل الشقه
ويدخل رمضان غصب عن عم زلطه وهو يقول
يارب يا ساتر
عم زلطه وهو يمشي وراء وبيحاول ان يمنعه من الدخول يقول
رايح فين يا زفت
رمضان
ايه يا عم زلطه زفت. دي. دة انا جاي ادهن لك الشقه بدل ما انت قاعد علي المحاره كده
فيضحك عم زلطه ويقول
و انت ايه اللي فكرك بالشقه انت بقالك 6 شهور واخد مني 500 جنيه عربون علشان تدهن الشقه دي
رمضان
اعمل ايه طيب مش كنت بدور علي جردل فاضي احط في البويه
عم زلطه
ست شهور بدور علي جردل فاضي يا اخي اتفو عليك وعلي اللي عرفني عليك
رمضان ضاحكا
حبيبي يا عم زلطه روح بقي اعمل لي كوبيه شائ بنشا خليني اخلص لك الشقه
فيضحك عم زلطه ضحكه أستهزاء وهو بيبص علي الجردل الفاضي
هاتخلص الشقه والجردل فاضي وبعدين الشاي اللي بنشا ده تروح تشربه عند امك
فيبص رمضان للجردل ويقول
مش لازم شاي بنشا. بس ازاي الجردل فاضي الموان الحرامي اداني الجردل مخروم.هات بقي 100 جنيه اروح أجيب جردل غيره
فيمسكه عم زلطه من قفاه ويقول له
نعم ياروح امك انت أصلا مش هاتمشي من هنا الا لما تجيب ال 500 جنيه اللي عليك
رمضان وهو بيبص لمسكه عم زلطه له
ايه اللي انت. بتعمله دة يا عم زلطه في حد يمسك احسن نقاش في العالم المسكه دي
ويضربه عم زلطه علي قفاه ويقول
اه انا
رمضان
أي وكمان بتضرب وانا اللي جاي اخلص لك الشقه بدل ما سيبك تموت علي المحاره
عم زلطه
انا عجباني المحاره هات الفلوس اللي عليك والا ،،،،،،،
رمضان
أوعي تقول ما تبقاش راجل كبير وقليل الادب
و ييعد رمضان أيد عم زلطه عنه ويقول له بحده وهو بيبص في عيونه
انت مش عارف انا مين يا زلطه
فيخاف زلطه ويفتكر انه شخص مهم ويقول
أنت مين
فيقترب منه رمضان ويفضل يلف حوالين عم زلطه وهو بيقول
أفتكر انت عملت ايه من عشرين سنه
فيبدأ عم زلطه يفتكر ماضيه كله ولكن رمضان يحط أيده علي كتفه بحركه مفاجئه فيخاف عم زلطه فيقول رمضان
أفتكرت يا زلطه ولا لسه
عم زلطه
افتكر ايه بس
رمضان
افتكر يا زلطه علشان انا مش فاكر اي حاجه لكن اللي أعرفه عنك واللي انا ماعرفهوش اصلا يخليك تقضي بقيت حياتك في السجن
عم زلطه
انت شغال ايه
رمضان
انا الماضي انا امبارح. انا بكرة بتاعك
ويمد رمضان ايدة لعم زلطة وهو يقول
هات يا زلطه اللي يخليني انسي اللي انا ماعرفهوش عنك
عم زلطه بخوف شديد
انا تحت امرك عايز ايه
رمضان
هات 100 جنيه
فيخرج عم زلطه من جيبه 100 جنيه ويديها لرمضان فيبص رمضان لل 100 جنيه وياخذها في حضنه ويخرج من جيبه حبايه ويديها لعم زلطه ويقول له
خد الحبايه دي مع كوبيه شاي بنشأ هاتخليك راجل مع مراتك
فيمسك عم زلطه الحبيه ويقول
بس انا مراتي ميته
رمضان
خدها بردو يمكن تيجي ليك في الحلم. ساعتها هتقول لها استني اخد الحباية وارجع
ويروح رمضان ناحية باب الشقه فيبص عم زلطه للجردل الفاضي ويقول
مش هتاخد الجردل ده معاك يا رمضان باشا
رمضان
خلي عندك هاينفعك لو حبيت تزرع. حلبة بلبن
ويخرج رمضان من الشقه وعم زلطه يبص ناحيه الباب ويقول لنفسه
هو اية اللي انا عملته يدخلني السجن انا طول عمري في حالي، ،،،
و يخرج رمضان من بيت عم زلطه فيلاقي الحكومه في الشارع والظابط بيشاور ناحيته فيجري رمضان مسرعا فيقول الظابط للعساكر
هاتو
ويجري العساكر وراء رمضان، ،،،،،،،
تكملة الرواية من هناااااااا
لمتابعة باقي الروايه زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كامله من هناااااااااا
مجمع الروايات الكامله 1اضغط هناااااااا
مجمع الروايات الكاملة 2 اضغط هنااااااا
تعليقات
إرسال تعليق