رواية المشاغبه والظابط الفصل التاسع وعشرون 29بقلم سلوي عوض حصريه فى مدونة موسوعة القصص والروايات
رواية المشاغبه والظابط الفصل التاسع وعشرون 29بقلم سلوي عوض حصريه فى مدونة موسوعة القصص والروايات
#سلوي_عوض
#المشاغبه_والظابط
بارت 29
نجلاء البركه في ربنا ثم فيكم، أمال فين ياسمين يا عمتي؟
عزيزه: طلعت فوج، بس حالها مش عاجبني.
نجلاء: أنا هطلع أشوفها، ده كله إلا ياسمين.
عزيزه: اطلعي يا بتي.
عواد: طاب أنا هستأذن.
شحته: على فين يا ولدي؟
عواد: أصلي وصّيت الكهربائي يعلّق التعاليج والزينة.
شحته: بس كده كتير جوي.
عواد: له يا عمي، ده كله من خيركم، وبعدين الأستاذ ياسين في مقام أخويا، والآنسة ياسمين أختي والله.
عزيزه: ربنا يوسع عليك يا عواد.
عواد: آه صح يا عمتي، متخبزيش، أمي هتخبز عيش الفرح كله.
عزيزه: كتر خيركم يا ولدي إحنا أهل، والله ده إنتو واخدين بتنا.
أما نجلاء فكانت قد صعدت إلى غرفة ياسمين.
لتطرق نجلاء باب الغرفة.
ياسمين: ادخل.
نجلاء: عروستنا الحلوه مالها؟
ياسمين: انتي سيبتي بيت عريسك وجيتي ليه؟ أوعي يكون بغل السرجه ده زعلك؟
نجلاء: له والله، ده حتى جاه معايا عشان نوجف معاكم يا بت عمتي، ومعاملته هو وأمه بجت زينه جوي، دي حتى هي اللي بتخبز خبيز الفرح كله.
ياسمين: شكلها مش هيبقى في فرح.
نجلاء: أعوذ بالله، ليه بتجولي كده؟
ياسمين: بفكر ألغى فرحي خالص.
نجلاء: ليه ده كله؟
ياسمين: عشان يبقى يزعلني سي سيف.
نجلاء: متزعليش مني يا بت عمتي، أنا معرفش إيه اللي حصل بينكم، لكن عارفاكي كويس، أكيد انتي عملتي مجلب من مجالبك عشان كده زعلك.
ياسمين: أنا أبداً.
نجلاء: طاب ممكن تحكيلي؟ يعني لو عداني أختك.
ياسمين: أختي؟ والله ده إحنا دم واحد، أنا هجولك.
لتقص عليها ياسمين كل ما حدث بينها وبين سيف من أول كوب الشاي.
نجلاء: انتي غلطانة، وغلط كبير كمان. إزاي يعني تجولي له خليك راجل؟ هو انتي مش شايفاه راجل؟
ياسمين: أنا جولتله أخشن.
نجلاء: هي نفس المعنى. ياله قومي روحي صالحيه.
ياسمين: أنا أصالحه؟ ده عند أمه.
ليسمعوا صوت طرق على الباب.
ياسمين: مين تاني؟
ليدخل عليهم سيف.
سيف: عروستي الحلوه عامله إيه؟
نجلاء: ألف مبروك يا عريس، أنا هنزل أقعد مع عمتي، عن إذنكم.
لتتركهم نجلاء وتنزل.
سيف: ممكن أعرف مالك؟
ياسمين: مافيش.
سيف: اسمعيني يا حبيبتي.
ياسمين: بتجول حبيبتك؟
سيف: أكيد، وإلا ما كنتش اتجوزتك. لازم تعقلي وتكبري وتحاسبي على تصرفاتك، انتي هتبقي زوجة وأم، مش أم مجنونة كده.
ياسمين: خلاص.
سيف: وعد؟
ياسمين: ربنا يسهل.
سيف: طاب تعالي اعمليلي الشاي العجيب بتاعك ده، أصلي حبيته
ياسمين: مش هترجع تجول تجيل ومش عارف إيه.
سيف: لاء، مش هقول، ما أنا هخشن عشان خاطرك.
ياسمين: طاب فوت جدامي.
لينزل سيف وتنزل ياسمين خلفه.
عزيزه: ربنا يهديكم لغيت بكره بس يا رب.
نجلاء: متخافيش يا عمتي، ياسمين عاجلة.
عزيزه: مين اللي عاجلة ديه؟
نجلاء: ياسمين.
عزيزه: ياسمين بتي؟ طيب.
وهنا تدخل عليهم رجاء.
رجاء: مبروك يا أم العرسان، أنا جيت عشان أساعد معاكم. إيه ده؟ انتي هنا يا نجلاء؟
نجلاء: اه يا اما، عواد جابني عشان أوجف مع عمتي.
رجاء: ربنا يهديه يا بتي، ده فات علينا، خد العيال عشان يجيبلهم ملابس الفرح.
ياسمين: الحمد لله، ربنا يهدي سرك يا نجلاء.
عزيزه: انتي عيانة يا بتي؟
ياسمين بهدوء: له يا اما، أنا زي الفل. عن إذنكم أعمل شاي، حد عاوز حاجة؟
عزيزه باستغراب: له يا حبيبتي، انتِ عملتِ فيها إيه يا ولدي؟ ديه عقلت جوي.
سيف: ولا حاجة، هي ياسمينا كده زي القمر وست البنات كلهم.
رجاء: ما تصلي على النبي يا أم ياسين.
عزيزه: عليه الصلاة والسلام.
وبعد أن أعدت ياسمين الشاي:
ياسمين: تعالا نشرب الشاي في الجنينة بتاعتي.
سيف: حاضر.
لتذهب ياسمين إلى الحديقة ويتبعها سيف.
ياسمين: إيه رأيك في الجنينة؟
سيف: جميلة أوي، أنا مش مصدق نفسي، أخيرًا بكره هنتجوز.
ياسمين: اسمع، أنا مبحبش حد يزعلني، خلينا حلوين مع بعض.
سيف: طول ما انتي عاقلة هشيلك في عيني.
ياسمين افكر.
ليضحك سيف: مش عارف، مش مطمنلك.
ياسمين: عيب يا صاحبي.
سيف: صاحبك يا بنتي؟ أنا جوزك.
ياسمين: لسه يا حلو.
سيف: نعم يا حلوه؟ أمال كتب الكتاب ده ايه؟
ياسمين: ماشي ماشي، اشرب الشاي.
سيف: ربنا يسامحك، خليتيني أحب اشرب الشاي الغريب ده.
ياسمين: ايه ده صوت امك بره.
سيف: اسمها والدتك.
ياسمين: طاب اوعا بس اروح اشوفها جايت ايه.
سيف: انا اللي عملت كده ف نفسي.
ليضربها علي راسها: فوتي يا اختي.
لتمسك ياسمين ذراعه:
عارف لو يدك دي اتمدت عليا تاني هكون جطعاها.
سيف: ياله يا ماما من هنا.
لتتركه ياسمين وتخرج.
ياسمين: بوسي حبيبتي
ابتسام: وحشتيني.
ياسمين: اشتريتي ايه؟
ابتسام: تعالي نطلع اوضتك عشان مينفعش الرجاله يشوفو اشتريتلك ايه.
ياسمين: طاب تعالي.
لتصعد ياسمين الي غرفتها ومعها ابتسام.
ياسمين: فرجيني.
ابتسام: شوفي كده، ده وده ولا ده؟
ياسمين: ايه جله الادب ديه؟ انا مبلبسش الحاجات ديه.
ابتسام: نعم يا ماما، انتي عروسه.
ياسمين: وهو انا عشان عروسه البس الكلام الفارغ ده؟
ابتسام: اه، تلبسيه لعريسك.
ياسمين بصوت عالي جدا:
نعم يا اختي، البسه لمين؟
ليسمعها كل من كان ف الدور الاول.
عزيزه: البت ديه بتزعج كده ليه؟
تعالي يا نجلاء نشوفو مالها، هات العواجب سليمه يارب.
ابتسام: يخربيتك، صوتك عالي كده ليه؟
لتدخل عليهم عزيزه:
مالك يا بت بتزعجي كده ليه؟
نجلاء: ياسمين يا عمتي، عادتها.
ياسمين: شوفي يا اما الست المحترمه جايبالي ايه وعاوزاني جال البسهم لولدها، مافيش خشا ولا حيا.
عزيزه: الله يجطعك الف جطعه والألف شويه كمان، يا بتي انتي بهيمه، اه لازم تكوني بهيمه كبيرة كمان، من كتر عشرتك للبهايم بجيتي زيهم، معندكيش مخ.
ياسمين: ليه يعني؟
نجلاء: يا حبيبتي انتي عروسه ولازم تلبسي وتدلعي عشان عريسك ميطفش منك.
ياسمين: وهو يعني لازم جله الادب عشان حضرته ميطفش؟
عزيزه: يا بتي كل الستات كده.
ياسمين: يعني عاوزه تفهميني انك انتي كمان كتي بتلبسي كده لابويا؟
نجلاء: اه طبعا، امال ايه.
ياسمين: يا خبر ابيض، وانا اللي فاكراكي محترمه يا اما.
ابتسام: انتي مش طبيعيه.
عزيزه: انا اللي غلطانه اني متكلمتش معاها، طول عمرها عايشه متعرفش اي حاجه.
ابتسام: انتي طيبه اوي يا ام ياسين، بنتك عارفه كل حاجه وعامله نفسها عبيطه.
لتضحك ياسمين: حلو المجلب.
عزيزه: وريني يدك كده يا بتي.
ياسمين: ايه، هتخطبيني ولا ايه؟
عزيزه: وريني بس.
ياسمين: يبجا هتعضيني؟ بجولك ايه انا عروسه.
نجلاء: تعالي يا عمتي نشوفو ورانا ايه، بتك لسعت علي الاخر.
عزيزه: احفظ عجلي يا رب ومتجينيش جلطه بسببها.
ابتسام: خلاص، كلها النهارده ومش هتتعبك تاني.
عزيزه: يارب عدي النهارده على خير.
ابتسام: اتصلي على ورده يا ياسو عشان جيبتلها حاجات حلوه قوي.
عزيزه: إن شاء الله يخليكي ويفرحك.
ابتسام: أنا جيبت لكل الستات، حتى جيبت لنفسي عبايه زيكم. يلا بقى كلمي ورده والست سنيه، عشان في الفرح كلنا نلبس زي بعض. وجيبت كمان زياده، معلش يا نجلاء بس أكيد فيه عبايه من دول هتيجي مقاسك، وأكيد مقاس والدتك كمان.
نجلاء: ربنا يفرحك دايمًا يا رب يا ابتسام هانم
ابتسام: ايه هانم دي؟ قولي يا طنط زي ورده وفردوس.
نجلاء: حاضر يا طنط.
ياسمين: أمال فين شيكو؟
ابتسام: شيكو بيعمل مفاجأة.
ياسمين: مفاجأة ايه؟ قولي.
ابتسام: هو قاعد في العربيه بيظبط كل حاجه.
ياسمين: أنا هروح أشوفه.
لتضحك ابتسام: روحي يا مجنونه.
تنزل ياسمين وخلفها ابتسام ونجلاء وعزيزه، لتجد ياسمين شاكر أمامها.
ياسمين: مفاجأة ايه اللي بتجهزها؟
شاكر: لحقتي قولتيلها يا بوسي؟
ابتسام: ما إنت عارف مبقدرش أخبي حاجه على ياسو.
شاكر: أنا اتفقت مع مطعم الجزيره على أكل الفرح كله، من دبايح وحلويات وخلافه.
شحته: كده بردك يصح يا أبو سيف؟ إحنا هنجهز كل حاجه ولسه مشيع للجزار عشان الدبايح.
شاكر: وماله، زياده الخير خيرين.
ياسمين: حبيبي يا شيكو.
شاكر: وكمان حجزتلكم جناحين في فندق عروس الصعيد.
عزيزه: كتير كده.
شاكر: مافيش حاجه في الدنيا تكتر على ولادي.
وها هو اليوم قد مر، وأقبل يوم جديد وهو يوم فرح الشباب.
وها هي ياسمين ترتدي فستان عروس وكانت جميلة جدًا، وورده أيضًا.
وكان ياسين يرتدي جلبابًا صعيديًا وعليه عباءة، وكان في كامل رجولته.
وهنا يسلم شحته ياسمين لسيف.
ياسمين: مكنتش لبستلك جلابيه زي ياسين أخويا؟ كنت تبقى زي الجمر
سيف: ويعني كده وحش؟
ياسمين: لا، حلو.
سيف: انتي اللي تجنني، أجمل عروسة في الدنيا.
ياسمين برقة: ميرسي.
سيف: الله، إيه الرقة دي كلها.
ياسمين: بس بقى، بتكسف.
شاكر: ألف مبروك يا أولاد، ياله عشان الزفة، وبعد كده تروحوا على الفندق.
أما وردة فكانت تتأبط ذراع ياسين.
ياسين: مبروك يا حبيبتي.
وردة: الله يبارك فيك.
وبعد الزفة، شحته لسيف:
أنا اديتك أغلى حاجة عندي، بتي وروحي، خلي بالك عليها، وأوعى تزعلها مهما حصل.
سيف: دي في عيني يا عمي.
أما إسماعيل فاقترب من ياسين
خلي بالك من وردة، هي اللي حيلتنا من الدنيا.
ياسين: وردة دي نور عيوني.
شاكر: ياله يا ولاد، ألف مبروك، تعالوا نوصلكم على الفندق.
ابتسام: مبروك يا حبايبي.
شوقي: عجبالي أنا وانتي يا دوسة.
ياسمين: طب متسافر مصر واخطبها من ناسها.
شوقي: عندك حق، هاخد أبوي ونروح نخطبوها.
ليخرج العرسان ليستقلوا السيارة ويذهبوا إلى الفندق، ليصعد كلٌ منهم إلى جناحه.
سيف: أخيرًا بقينا أنا وانتي لوحدينا.
ياسمين: الله يخربيتك.
سيف: أنا كلمتك يا مجنونة؟
ياسمين: مش عليك، أنا بكلم الفستان ده تجيل جوي.
سيف: ثواني أساعدك.
ياسمين: طيب جرب كده وشوف هيجرالك إيه.
أما ورده فكانت تتحدث إلى ياسين:
ورده: الحمد لله، ربنا حققلي أهم أمنية في حياتي.
ياسين: طيب تعالي نصلي ركعتين لله عشان ربنا يبارك لنا في حياتنا.
ورده: إن شاء الله.
أما في منزل شحته فكانت عزيزه تتحرك في الغرفة ذهابًا وإيابًا.
شحته: تعالي نامي، بقالك يومين سهرانة وتعبانة.
عزيزه: مش هرتاح ولا يغمضلي جفن إلا لما أطمن على بتي.
شحته: بتك مع عريسها، والنهارده دخلتها، الله يهديكي، تعالي نامي.
عزيزه: خايفة تعمل فيه مقلب، يقوم يرجعها تاني.
ليضحك شحته: لا متخافيش، تعالي بقى ارتاحي.
أما في القاهرة فكانت سوزي تتحدث مع والدتها:
سوزي: شوفتي أخوكي جوز سيف، وقال إيه؟ متصل يقولنا الفرح معمول في الصعيد، يعني بعيد عليكم، خليكم مرتاحين.
باكينام: أنا حاسة إن في هوا داخل من شعري، ودماغي سقعانة.
سوزي: وريني كده… يا نهار أزرق، إيه ده؟ شعرك اللي في النص مش موجود!
باكينام: انتي بتقولي إيه؟
سوزي: حطي إيدك كده.
لتضع باكينام يدها على رأسها فيقع شعرها في يدها.
باكينام: إيه؟ شعري! هاتي مشط يا سوزي.
سوزي: خدي أهه.
لتمشط باكينام شعرها فيسقط كله.
سوزي: إيه ده؟ انتي بقيتي قرعة يا مامي!
ثم تضع سوزي المشط في شعرها ليسقط شعرها أيضًا.
سوزي تصرخ: شعري كله وقع! أنا بقيت قرعة!
باكينام تصرخ: إيه ده؟ إيه اللي جرالنا؟ حد يلحقنا، شعرنا كله وقع!
باكينام: والعمل إيه؟ أنا شاكه في البنت اللي اسمها نانو ديه.
سوزي: مش عارفة، بس هي كانت عاملة جميل أوي.
باكينام: طيب يمكن الشامبو اللي استعملناه؟
سوزي: ده شامبو مستورد.
باكينام: طيب هنعمل إيه في الكارثة ديه؟
سوزي: خلاص، هنلبس بواريك.
باكينام: مافيش حل غير كده.
أما عروستنا ياسمين فكانت تتقلب في السرير، لتفرد يدها.
سيف: إيه حاسبي، هتضيعي عيني.
ياسمين: إيه ده؟ إيه نيمك جاري؟
سيف: نعم يا أختي، انتي ناسية إنك مراتي؟
ياسمين: صدج نسيت، لمؤاخذة يا ابني. طاب أنا جعانة.
سيف: هتصل عليهم يحضّروا الأكل، تحبي تأكلي إيه؟
ياسمين: عاوزة طبج فول بالطماطم والفلفل الحامي، وطعمية وبتنجان مخلل وبصل أخضر.
سيف: فول إيه؟ انتي مجنونة؟ إحنا عرسان.
ياسمين: يعني هو حرام للعرسان؟
سيف: طاب اطلب كيك، شاي بلبن، أكل رقيق كده.
ياسمين: وكل رجيج؟ طاب خلّص اطلب اللي جولتلك عليه.
سيف: أنا اللي أستاهل، شكلها جوازة سودة على دماغي.
أما ورده فكانت تجلس مع ياسين.
ورده: أصبلك حليب على الشاي؟
ياسين: آه، بس مش كتير.
ورده: بألف هنا.
ياسين: تسلميلي يا وردتي.
ورده: ربنا يخليك ليا.
ياسين: ويخليكي يا حبيبتي، إحنا لازم نسافر القاهرة عشان القضية بعد بكرة. حجك عليا عشان هنقطع شهر العسل.
ورده: يا حبيبي، أيامك كلها عسل وسكر.
ياسين: طاب ياله تعالي نفطر.
أما ياسمين فكانت تجلس في وسط السرير.
ياسمين: يا ولدي تعالي كُل، وكل يجوتك. ده المدمس طعمه تحفة، ولا الطعمية سخنة؟ سيبك من الشاي والكيكة، تعالي.
سيف: فعلاً الأكل شكله مغري، بس انتي فارشة الأكل على السرير ليه؟ الله يخربيتك، مليتي الأرض ورق بصل.
ياسمين: اسكت، خليني أعرف آكل بمذاج. تعالي دوج كده.
وبالفعل يجلس سيف بجوارها ليتذوق الطعام.
سيف: فعلاً طعمه جميل.
ياسمين: خد اجرش البصلة ديه كده.
سيف: إيه ده؟ بصل؟ لأ.
ياسمين: يا شيخ روح، ده أنا بعد الأكل ده أشرب كوباية شاي زرد وأبقى فُلّة.
سيف: فينك يا أمي تشوفي ابنك، بعد ما كان بيفطر كرواسوه وكيك، مراته بتفطره فول وطعمية وبصل.
ياسمين: كُل بس كُل، خد جرن الفلفل ده.
ليقطم سيف من الفلفل.
سيف: إيه ده؟ حامي أوي.
ياسمين: ولا حامي ولا حاجة. طاب بص، أنا هاكل الجرن كله مرة واحدة أهو
لمتابعة باقي الروايه زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كامله من هناااااااااا
مجمع الروايات الكامله 1اضغط هناااااااا
مجمع الروايات الكاملة 2 اضغط هنااااااا
تعليقات
إرسال تعليق