رواية أم العيون السود الفصل الثاني 2 بقلم محمد منصور حصريه
رواية أم العيون السود الفصل الثاني 2 بقلم محمد منصور حصريه
ح(2)
أم العيون السود
من تاليفي، ،
محمد منصور. ** منص **
وقبل ما نبدأ الحلقة نوحد الله ونصلي علي خير خلق الله سيدنا محمد. وعلي بركة الله نبدأ
بسم الله توكلت علي الله. وهو رب العرش العظيم
من جوة اوضة نوم ادم يقف ادم قدام الدولاب وكان باين انه بيدور علي حاجة ومش لاقيها اتعصب وخرج من الاوضة بسرعه وهو بينادي علي سناء بصوت عالي فتخرج له فريدة من اوضتها وهي بتقول
مالك عمال تندهه علي سناء كدة ليه
أدم
فلوس الجمعيه اللي وعدك بيها قبضها النهاردة ورجعت من الشغل لقيتك لسه نايمه قولت بلاش اصحيكي ودخلت وحطيتهم في الدولاب بين هدومي وقولت انام ساعتين ولما اصحي أفرحك بيهم صحيت ببص في الدولاب مالقتيش الفلوس والوحيدة اللي شافتني وانا بحطهم في الرف بتاعي هي سناء
فريدة
لا. يا ادم مالكش حق. هي صحيح سناء فيها العبر بس مش هاتوصل لانها تبقي حراميه
ادم
اومال مين اللي خد الفلوس. وهي الوحيدة اللي عارفه اني حاطيت الفلوس هنا
فريدة
دور كويس
ادم بضيق
دورت وقلبت الدولاب. ريحيني بس وعرفيني راحت فين سناء
فريدة
هي سابت لي العيال و قالت لي انها رايحه لشناوي اخوها
ادم
يبقي عاملتها
وفي الوقت يتفتح باب الشقه وتدخل سناء ومن وراها اخوها شناوي أمين الشرطه وتقول سناء
تعالي يا خويا اتفضل
فيدخل شناوي ويروح احيه فريدة ويسلم عليها ويمد ايده علشان يسلم علي ادم لكن ادم سابه وراح ناحيه سناء وهو متعصب ومسكها من ذراعها وقال
فين الفلوس
فيروح ناحيته شناوي ويمسك أيد ادم ويبعد ادم عن سناء وهو يقول بصوت مخيف
لا لا. هي حصلت هاتضرب اختي قدامي
ادم ل شناوي
لما تبقي اختك حراميه يبقي المفروض انت اللي تضربها
شناوي ببرود
ومين قال انها حراميه. دي ست وخدت فلوس جوزها اللي هي فلوسها
ادم
أة. يعني انت موافق علي اللي هي عملته
شناوي
طبعا موافق. ومش كدة وبس ده انا كمان اللي قولت لها تعمل كدة
فريدة
لا. مالكش حق يا شناوي تسلط اختك تسرق جوزها
شناوي
الحق من الاول عند ابنك اللي مد ايدة علي اختي ويحمد ربنا اني سيبته وما بيتهوش ليلتها في الحجز. لكن كمان يحرمها من ابسط حقوقها وهي انها تكون ليها شقه زي خلق الله فدة بقي انا مش هاسكت عليه
ادم
انت مجوزني اختك وعارف اني مش هاسيب شقه امي
شناوي ببرود شديد
رجعت في كلامي
ادم بعصبيه
هو ايه اللي رجعت في كلامك. أنا متفق مع راجل ولا،،،،
ولكن شناوي يقاطعه بحدة وهو بيبص في عيونه. ويقول
هاتغلط. هاتزعل واخر الكلام فلوسك خد بيها شقه عقد مؤقت ل اختي وهاتتنقل في الشقه دي انت وهي
ادم بحدة
وانا بقي مش هانقل في شقق ومش هاسيب امي
شناوي ببرود
هاتنقل
ادم بتحدي
مش هانقل واحسن ليك ولي اختك فلوسي ترجع لي
شناوي لفريدة
سامعه يا ام ادم ابنك مش ناوي يجبها لبر لكن عموما انا جيت لغايه عندك وقولت اللي عندي.
ويبص شناوي لسناء ويقول
يالا يا سناء هاتي عيالك وهدومك مالكيش قعاد في البيت ده
ادم وهو يمنع سناء
رايحه فين مالكيش حاجه في البيت عشان تاخديها
سناء
هاخد عيالي
ادم
مالكيش عيال عندي روحي بقي اقعدي في الشقه لوحدك
شناوي ببرود مخيف
ماينفعش كدة احنا اهل
أدم
هو دة اللي عندي
شناوي
كدة. ماشي. طيب وديني وما اعبد لتبات الليله دي في التخشيبه
ويضرب شناوي راسه في سن الباب فتتفتح دماغه والدم ينزل منه ويتوجع شناوي ويمسك ادم بالعافيه من لايقه القميص ويسحبه علي الشارع. وسط صراخ من امه فريدة ولكن شناوي يسحب ادم بمنتهي القوة وهو يقول
ضربني المفتري ضربني وضرب اختي،،،،،،،،،،،
ومن الاردن تقعد حلا في اوضتها وهي لسة بتبص لصورتها اللي رسمها ادم ونزلتها حلا من علي النت وطبعتها وحطتها في برواز فتدخل عليها وردة لكن حلا ما تحسش بيها وتقعد وردة قدام منها وتبص لها وتقول
واخرتها ايه معاكي مش كفايه بقي بص في الصورة وتقومي تاكلي
فتبص حلا لي وردة وتقول وعيونها بتضحك ومن كتر ضحكها عيطت وقالت
انا شبعانه
وردة باستغراب
شبعانه ايه بس انتي من امبارح ما اكلتي شي
حلا وهي تحضن الصورة
كفايه عليه ابص في الصورة
وردة
مش هاينفع كدة لازم تاكلي عشان تاخدي العلاج بتاعك
حلا ودموع الفرحه لا تتوقف عن النزول
انا خفيت وقلبي مابقاش يوجعني
وردة
للدرجه دي الصورة دي فرقت معاكي
حلا
قوي ومش هارتاح الا لما اعرف ادم دة يعرفني منين علشان يرسمني بالحلاوة دي
وردة
وبعدين بقي ادم دة شكله دخل دماغك
حلا بارتباك
قصدك ايه
وردة
قصدي ان كلامك كله بقي عن أدم
حلا
بجد.
وردة
اة بجد.
حلا ضاحكه
طيب وفيها ايه.
وردة
فيها كتير.
حلا
بقول لك ايه سيبك من اي كلام واوصلي لي ادم ده باي طريقه لازم اتكلم معه واعرف ازاي رسمني
وردة
ما أنا دخلت علي الحساب بتاعه وبعت له رساله ماسنجر وهو ماردش.
حلا
ليه بس كدة. طيب حتي ماتعرفيش شكله ايه
وردة
لا. صورة البروفيل بتاعه عمرو دياب
حلا
اكيد فنان حساس زي ادم وبيرسم بالاحساس العالي دة هايبقي قمر
وراحت حلا ناحيه اللاب بتاعها وفتحت النت وقالت
طيب اديني الحساب بتاعه انا هاحاول معه وهابعت له رساله من عندي
وردة باستغراب
حلا. انتي اتجننتي
حلا
ليه بس
وردة
ولما جوزك يشوف الرساله هاتعملي ايه
حلا
جوزي هو فاضي ليا. أديني انتي بس حساب ادم.
وردة
ناويه علي ايه يا مجنونه
حلا
ناويه اعيش.
وطارت حلا لفوق من الفرحه وقالت
ولنا في الخيال حياة، ،،،،،،،
وبعديها بكام ساعه كان ادم في التخشيبه وسط المجرمين والسوابق والكل بيضايق في ادم بأمر من شناوي أمين الشرطه وفي عز ما ادم يحاول الابتعاد عنهم يفتح باب الحجز ويقف عند الباب شناوي اللي رابط دماغه فيبص له ادم بكل ضيق وغل فيقول شناوي ببرود
شوفت اهل المنطقه وهما بيشهدوا عليك. وبيقولو انك انت ضربتني
مايردش ادم فيكمل شناوي قائلا
ايه بقي يا ابو نسب لسه منشف دماغك.
لسة ادم بيبص له وساكت و شناوي يقول
باين كدة القاعدة عجبتك هنا وسط المجرمبن. بس خلي بالك الليل لو جه عليك هنا ونيمت في حضنهم هاتصحي تلاقي نفسك مدام.
وفي الوقت دة تقف فريدة وراء شناوي ومعها هاله بنتها وتقول
ادم. عشان خاطري أعمل اللي هو عايزه واخرج من هنا
هاله
احنا مانقدرش نستغني عنك يا ادم
ادم
انتو ايه اللي جابكم المكان دة.
فريدة وهي بتعبط
جينا عشانك يا ادم
ادم لهاله
خدي ماما وامشوا من هنا يا هاله
فيقول احدي السوابق واللي كان مبرشم
تعرف ان اختك حلوة قوي ياة
فيضربه ادم بمنتهي القوة ويقع علي الارض من قوة الضربه وادم يقول له بعصبية
جري ايه يا ابن الكلب
فيقف السوابق دة ويخرج موس من بوقه ويحاول الهجوم علي ادم ولكن شناوي يقف قدامه ويمنعه ويقول
سيد يا برشامه. ده جوز اختي وانا ما حبش حد يقل منه
ويبص شناوي ل ادم ويقول
الا انا
ادم
لسه ماتخلقش اللي يقل مني. واوعي تفتكر أني هانسي لك انك دخلت امي واختي لغايه هنا عشان يشوفوني في الوضع دة
شناوي بنفس البرود
مع الايام هاتنسي ودلوقتي بقي. تحب تخرج ولا تكمل هنا
فريدة
هايخرج
فيبص ادم ل فريدة فتقول فريدة وهي بتعيط بحرقة
مش هاروح من غيرك. دة احنا ملناش غيرك
فيعيط ادم علي حال امه ويبوس ايديها ويقول
خلاص بطلي عياط.
ويبص أدم ل شناوي ويقول
هاخرج.
شناوي
جدع يا ابو نسب
ويخرج ادم من الحجز وهو يحتضن فريدة. وهاله اخته وبيبوس ايدههم هما الاثنين وبيمسح دموعهم ، ،،،،،،،
وبعدها باسبوع ومن قدام المطعم اللي شغال في ادم يقعد ادم علي الموتوسيكل بتاعه وباين عليه انه شايل الهم ومضايق بسبب اللي حصل له فينضم له حمص وماندو ويقول حمص
ايه يا عم ادم هاتفضل كدة شايل الهم
ادم
عايزني بعد اللي حصل دة. اكون ازاي.
ماندو
روق كدة واهدئ انا والله مش هاسكت الا لما اجيب لك حقك من شناوي دة
حمص
هاتعمل له ايه بعني
ماندو
امبارح اتوضيت وصليت الفجر واقعد ادعي عليه
ادم ضاحكا
ماندو انت مسيحي
ماندو
ماتهزرش.
حمص
بس يا ماندو وحياة اهلك. ولما تيجي تكدب اكدب في حاجه تليق عليك
حمص ل ادم
وانت بقي روق كدة. واتمتع بنجاحك وباللوحه اللي مكسرة الدنيا
ادم
اة. مكسرة الدنيا لكن الفلوس خدها واحد تاني اللوحه بتاعته ما جيبتش نص الاصوات اللي جت لي
حمص
كل الناس اللي في المسابقه عارفه ومتاكدة انك اتظلمت وانك انت اللي احق بالجايزة وافتح موبيلك وشوف كميه الرسايل اللي جت لك علي حسابك
ادم
مالبش نفس يا حمص. انا قرفان وكرهت حياتي كلها
حمص وهو يخرج الموبيل من جيب ادم ويقول
لا هاتفتح وترد علي الناس اللي بعدت لك رسايل
فيفتح ادم الموبيل بتاعه ويلاقي علي ماسنجر رسائل كتير من كل اللي شاف اللوحه وعجبته والظلم اللي اتعرض له لكن الرساله اللي لفتت نظرة رساله من حلا الاردنيه واللي كان مكتوب فيها
أنا ام العيون السود اللي انت راسمها ودي صورتي
فيفتح ادم الرساله مسرعا وقلبه بيدق وشاف صورة حلا وهي في احلي طله ليها طار قلبه من ضلوعه وراح لحلا. وكتب لها رساله وقال
انتي حقيقه انا مش مصدق عينيه. ازاي صورة من خيالي تطلع لحد موجود بجد
وشافت حلا الرساله واستعدت للرد ومن هنا بدات حكايه الحب المستحيل بين ادم وحلا ،،،،،،،
ايه اللي هايحصل بين ادم وحلا. بكرة نشوف. تابعوني
تكملة الرواية من هناااااااا
لمتابعة باقى الرواية زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كاملة من هناااااااااا
مجمع الروايات الكامله 1اضغط هناااااااا
مجمع الروايات الكاملة 2 اضغط هناااااا
 أم العيون الس…){kind=link}
تعليقات
إرسال تعليق