مجمع الروايات الكامله والحصريه فقط اضغط على اسم الروايه موجوده كامله في موسوعة القصص والروايات جميع الفصول مع البرنس محمد السبكي قصص وروايات كامله يسعدني تواجدكم معنا في المدونه

رواية أحاسيس ميته الفصل السادس 6 حصريه بقلم محمد منصور

رواية أحاسيس ميته الفصل السادس 6 حصريه بقلم محمد منصور

 ح(6)

هنبدا النهاردة من عند فريد اللي دخل القصر جري وراء نانا اللي راحت ناحية شنطة سفر فاضية وفريد كان بيقول

نانا اللي انتي بتعملي دة ما ينفعش احنا لازم نقعد ونفكر في حل للمصيبة دي

نانا وهي رايحة ناحية الخزنه اللي فيها فلوس صابر 

انا لغاية هنا و ماليش دعوي باللي هيحصل انا ما عنديش استعداد اقضي اللي فاضل من عمري في السجن.  روح يا شيخ منك لله يا رتني ما كنت سمعت كلامك

وبدات تلم فلوس في الشنطة

وفريد بيقول

انا مش هلبس الحكاية دي لوحدي ولازم يكون معايا شاهد قصاد الشركة بتاعت الروبوت اللي هاتيجي تاخد درة علشان جريمة القتل 

ما تلبسنيش. وانا وقتها مش هروح في داهية لوحدي

نانا وهي لسة بتعبي فلوس

الداهية دي انت اللي خطط ليها وانا ماكنتش موافقة لكنك فضلت توسوس ليا زي الشيطان ودلوقتي بدل ما بقينا بنفكر ازاي نخلص من جثة المطلوب مننا نخلص من تلت جثث. والمصيبة ان جثة منهم جثة ظابط امريكي

فريد

ولما انتي مش موافقة علي كل اللي حصل لية بتلم فلوس دلوقتي

نانا كانت بتقفل الشنطة وهي بتقول

علشان دة حقي ومش هسيية ليك. 

و مسكت الشنطة وخرجت من الاوضة وفريد ماشي وراء منها وكان بيقول

يا نانا انا محتاج ليكي صدقيني كل ورطة وليها حل والتلت جثث هنقول ان درة هي اللي عملت كدة 

نانا كانت قربت من الخروج من القصر وقت ما كانت بتقول

مش هخليك توسوس لي تاني ودي مصيبتك وانت حر فيها

فريد

كدة.

وبعدها بص فريد ل عبير وقال

عبير امنعيها من الخروج

كانت عبير بتقطع فاكهه بسكينة واول ما سمعت فريد بيقول كدة حدفت السكينة جت في طهر نانا اتوجعت نانا والدم بدا ينزل منها، ،،،،،،

درة

كتابة واقتباس 

محمد منصور **منص**

وقبل ما نبدأ نوحد الله ونصلي علي خير خلق الله سيدنا محمد.

اللهم صل وسلم علي محمد صلاة تحل بيها العقد وتفك بيها الكرب

نانا فضلت تتوجع لغاية ما بقتش قادرة تقف علي رجليها وراحت قعدت جنب درة اللي كان فريد بيشحنها وهو مكلبش ايدها فريد في الوقت دة كان بيقول ل عبير

اية اللي انتي عملتي دة

عبير وهي بتاكل في الفاكهة اللي كانت بتقطعها

طلبت مني امنعها من الخروج وانا منعتها 

فريد بعصبية

كان في ميت طريقة غير انك تقتليها علشان تمنعيها من الخروج

عبير

انا اخترت اسرع طريق يوصلني لتنفيذ الامر اللي انت طلبته مني

هنا فريد يشوف نانا وهي ماسكة ايد درة وبتحطها علي الموبيل بتاعها راح بسرعة ناحيتها وقال

انتي بتعملي اية

نانا بصعوبه

ببعت رساله بالبصمة الجينية ل ريحانه ام درة.

**ملوحظة ريحانه دي بطلت الموسم الاول. من احاسيس ميته وعلاقتها بالموسم دة هتبان مع باقي احداث القصة **

فريد مسك موبيل نانا ورمي بعيد عنها وقال

انتي مجنونه وهتهدي كل اللي انا خطط لي

نانا بصعوبه 

مستني اية من واحدة بتموت فاكرني هسمي عليك

لازم ريحانه تعرف ان ادم الروبوت اللي هي اشتريته  في يوم من الايام وخليته شكل حبيبها رجع ينتقم منها وخطف بنتها من خمس سنين وسلمها لشركة يهودية  وزرع جوة دماغها شريحة مبرمجة متصله ب خلايا المخ علشان يوهم درة انها مجرد روبوت. لكن الروبوت الحقيقي انت وعبير

فريد هجم علي نانا ولف ايدة حوالين رقبتها وبدا يخنقها وهو بيقول

اخرصي انا انسان زيك زيكم ومش هقبل ان حد يقول اني روبوت واسيبه عايش

نانا

انت ادم الروبوت ومهما وصل ذكائك هتفضل روبوت نهايتك اقرب مما تتوقع.

و ريحانه استلمت الرساله وهتقدر توقف كل اللي انت بتعمله في بنتها وهترجعك

ل اصلك مصنوع من حديد. عديم المشاعر واحاسيسك ميته 

فريد اتعصب ولف رقبه نانا لفة كاملة كسرها و هو بيقول

قولت اخرسي

وقعت نانا جثة هامدة ومعاها فريد انهار وقعد قصاد منها باصص لها بغضب شديد وبص ل عبير اللي لسة بتاكل الفاكهة وباصة ناحيته  وقال

انا انسان مش روبوت دي كذابة

عبير

انا مراتك وما عنديش استعداد اصدق الا كلامك انت وانفذ اوامرك انت

فريد

علشان انا مش زيك انا انسان وافضل منك فاهمه و ريحانه اللي انا حبيتها وسابتني علشان واحد من بني جنسها انا ماكنش ينفع اسيبها تتهني بحياتها وما انتقمش منها في بنتها درة

وبدا يمشي ايدة علي جسم درة بجنون شديد وقال

تعرفي انك وحشتيني يا درة

وقرب منها وهو ناوي ينهش لحمها، ،،،،،،،،

في نفس الوقت من الاقصر ريحانه اللي بقيت ست كبيرة عديت ال 60 سنه. لكنها لسة قادرة تمشي وتروح وتيجي لانها كانت مهتمة بنفسها كانت بتلعب من احفادها من بنتها التانية زهرة ومعاها جوزها ادم وتعبت من اللعب معاهم و راحت علشان ترتاح علي الكرسي. فقال واحد من احفادها اسمه خالد

تيته رايحة فين

ريحانه

تيته تعبت وخلاص  عايزا ترتاح شوية

خالد

بسرعة كدة دة احنا ملعبناش الا ساعة

ريحانه ضحكت وقالت

طيب ما ساعة كتير علي تيته

هنا ادم جه شاله علي جده وقال

سيبك منها دي ست عجوزة انا هكمل معاك لعب

وراحو يلعبو وقت ما ريحانه مسكت موبيلها وشافت الرسالة الجينية وفي الزمن دة الرساله لما بتوصل ببصمة الايد بيتعرف مين صاحب الرسالة ومكانه. يعني زي شير لوكشين في زمنا دة وهنا ريحانه اتصدمت لان الرسالة مبعوته من بنتها اللي ضاعت منها من سنين والمكان امريكا وهنا نزلت دموع عيونها علي الموبيل وقالت ل ادم

ادم رساله جاية من درة

ادم اللي كان شايل خالد علي كتفه نزلو من الصدمة وما صدقش نفسه وجري ناحية موبيل ريحانه ومسك الموبيل وبص في وقال

دي في امريكا 

ريحانه لسة دموعها بتنزل

بنتنا لسة عايشة

ادم

اة يا حبيبتي عايشة وبخير

عيطت ريحانه بحرقة

يعني تفتكر اني هقدر المسها تاني واخدها في حضني

ادم

باذن الله هتكون في حضننا احنا الاثنين

وهنا ادم مسك موبيله اللي كان علي تربيزة صغيرة قصاد منه و اتصل برقم ولحظات ورد عليه حد فقال ادم

عايز طيارة خاصة في اسرع وقت تروح بيا امريكا،،،،،،

الحكاية اتعقدت اكتر لان فريد شغل درة وعيونها فتحت وامرها تمسك المسدس وتضرب نفسها بالنار في دماغها وفعلا خرجت الرصاصة وانفجرت دماغ درة،،،،،،،

خلصت الحلقة لكن ما خلصتش الحكاية. سلاللللللمو عليكم

تكملة الرواية من هناااااااا 

لمتابعة باقي الروايه زورو قناتنا علي التليجرام من هناااااااااا

بدل ماتدور وتبحث علي الروايات عمل 

متابعه لصفحتنا على فيس بوك هنااااااااااا

الرواية كامله من هناااااااااا

مجمع الروايات الكامله 1اضغط هناااااااا

مجمع الروايات الكاملة 2 اضغط هنااااااا