رواية صياد القلوب كاملة بقلم جيجي حصريه
رواية صياد القلوب كاملة بقلم جيجي حصريه
حكيم.. فهمتى هتعملي ايه.. !!
حكمت.. اقتل عريسى.. انا بيدى.. ليه طيب.. يا ابويا هو انتم مش كنتوا خلاص قفلتوا على الموضوع ده.. وقلتو انكم محدش هيروح عند التاني.. اقتلو كيف يعنى كيف.. انا اقتلو.. ما اقدرش ..
حكيم.. كيف ما قتل جوزك هتقتليه.. انا عاوزو كيف ما خلاكى ارمله.. ولبسك الاسود من دلوك.. تحزنى عليه ناسو ..
حكمت.. واه.. انا اقتل يا ابوى.. حرام عليك والله ما هقدر واصل.. انا اخاف.. وافرض لما اقتل عواد... جيه ابوه قتلني وانا هناك هتلحقني انت.. يعنى.. مش كفايه هتجوزنى تانى غصب.. مش كفايه الجوازه الاولى اللى اتحسبت عليا.. .. كمان عاوزني اقتله بيدى.. يا لهوى عليا وعلى اللي جابوني.. انا والله ما اقدرش اعملها..
حكيم.. تقدرى.. كيف ما هو قدر وقتل جوزك... انا عارف انك قدها.. وما حدش يقدر يقرب منك.. واذا قدرووا عليكى... تبقي مش بنت حكيم الصابر... وتستاهلى الموته.. بس انا عارف انك قدها.... انتى بتى انا وعارفك.. وواثق انك هتعمليها.. وتطلعى منها صاغ سليم.. حكمت بتى انا اللي يطلع معاه يعملها حاجه.. ما يقصرش... بتى يتخاف منها.. ما تخافش...
وسابها ومشى...ده حكيم الصابر.. ودى بطلتنا حكمت جميله فى العشرين من عمرها... فى مكان تانى.. كان واقف بطلنا.. عواد الصياد.. مع حامد ابن خالو اللى قال بضيق....
حامد.. ما فيش الكلام ده هتروح وهتتجوزها.. الراجل اللي انت ضربته بالعربيه ومات فى الحادث ده... يبقى جوزها.. واحنا عيلتها دي في بيننا وبينهم تار قديم قوي وصدقنا ما فضناها.. وتعهدنا قدام الناس ان احنا مش هنموت منهم حد.. ولاهما يموتو مننا حد.. عاملين سلام بين العيلتين...
عواد.. تمام وده كان حادث.. يعنى مش مقصود... واهله طلعوا ناس عارفين ربنا وقالوا خلاص... دي اقدار.. بعدين جوزها الغلطان... هو طلع بعربيته قدامى... وكنت هموت بردك.. واصلا كان راجل كبير تلقيه مات من الخضه بس..
حامد.. بس كان نسيب حكيم الصابر.. كان متجوز بنته.. وحكيم فاكر انك قتلت جوز بته قاصد. . علشان ترمل له بته..
عواد.. ومن ميتى بنتدارو لما بنكون قصدين.. لما بنقصد واحد من عيلته بنجيبه في نص راسو... قدام بيته كله..
حامد.. اهو بيصطاد فى الميه العكره.. وقال انك قاصد.. ده جيه هنا قبل حتى ما يدفنو الراجل.. وانت كنت لسه في المستشفى.. وجيه قال عايز حق بتى اللى رملتوها.
ابوك قاله ان البنت دي ما اترمملتش.. وجوزها عندنا. والعيله دي ما فيهاش... شباب غير انا وانت.. يا ولد خالي لو انت ما اتجوزتهاش... انا اللي هتجوزها.. خالي قال كده وانا متجوز اختك.. يرضيك يعنى تجيب ضره لاختك..
عواد.. انا مش عارفه ابويا بيتصرف من راسه ليه... ما يقول له اعلى ما في خيلو ويركبو..
حامد.. هنبقى اخلينا بالعهد.. ورجعنا فى كلامنا يا عواد..
عواد بغضب.... هو ميت ويجوزها من عيلتنا.. عشان احنا معانا فلوس.. انا هتجوزها عشان كلمه ابويا اللي خدها قدام الناس... بس هربيه زين هو وبتو.. هخليها ترجعلو من تانى.. هندمو ندم عمره على الجيزه دى... انا اتجوز واحده كانت متجوزه واحد فى سن ابويا... اكيد كبيره اصلا ولا معيوبه. وعجوزه سنانها مخلعه.. هوريهم ازاى يلعبو مع عواد الصياد.. هوريهم وتبقى تقول عواد قال..
حامد.. ماشي يا عواد انت روح دلوقت واتجوزها خلي الليله دي تعدي على خير ولما تاجى تتسهل..
وباليل كانو جو عواد واهلو وكتبوا الكتاب... تحت انظار الكره والحقد من الجميع... ما كانش في اي حد مبسوط من الجوازه.. غير حكيم الصابر.. اللى قال....
يلا يا عروسه روحي مع عريسك..
نزلت حكمت وكانت مغطيه وشها بالطرحه... ومشيت مع عواد بالعربيه... وطلعو على السرايا بتاعتهم.. واول ما دخلو.. اتفاجأت بست في ال 50 قاعده في الارض وبتندب .. دى رقيه ام عواد.. وقاعده جنبها بنت في العشرين.. دي دلال اخت عواد ومرات حامد.. وقالت..
ما خلاص ياما عاد كفايه...
رقيه.. ابكي يا بنت على اخوكى وخدي مقاسه..
ده كان زينه شباب اهله وناسه..
عواد بخوف... واه تبكي على مين ياما مين مات..
وبص لدلال وقال...
اخوكى مين اللي هتاخدي مقاسو.. هو انتى معاكى اخو غيري !!!
دلال بحرج.. ما هو.. هى.. بتندب عليك انت..
عواد.. واه وبتندب عليا انا ليه.. ما انا واقف قدامكم اهه..
رقيه.. جوزوك بنت حكيم الصابر عاوزني اعمل ايه.. اتحزم ارقص...
عواد بضيق.. استغفرك يا رب واتوب اليك.. وانتى يا تقومي تتحزمي وترقص يا تقعدي وتعددي كيف اللى ميتلها ميت كده... ما تعرفيش تقعدى عادى كيف الخلق !!
رقيه.. انت كمان جايبهالي على البيت..
ووقفت قصاده حكمت وقالت..
بصي يا بنت حكيم الصابر بصيلي وطقطقيلي ودانك واسمعيني زين... انتى لو شفتى في البيت ده يوم واحد عدل.. شعرى ده ما يبقاش على حرمه....
عواد بهمس لحامد.. هو شغل الحموات بدا بدري ولا انا بيتهيألي.. !!
حامد.. لا هو عندكم بيبدا من ليله الدخله.. انا ليله الدخله روحت الاوضه لقيت امك قاعده على السرير جنب دلال.
بقولها خير يا مرت خالى.. قالتلي بتطمن على بتي.. انا مش عارف كانت رايحه تعمل ايه... بس هي قالت كده.. ضربت الليله.. والله..
عواد.. هو مُر.. مغلى فى كنكه..
حامد.. وهتشربو بكوبايه...
بس رقيه.. قالت بحده...
سمعتيني يا بنت الصابر.. ما تمثليش انك... غلبانه ومنكسره عشان انا عارفاكم... عيلتكم ما تجيبيش غلبان واصل..
حكمت رفعت الطرحه من على وشها.. وعواد بصلها بدهشه لما شافها.. بس اتفاجأ اكتر لما قالت بتحدى..
ومين قال اني عامله غلبانه ومنكسره.. ولا قاعده ساكته عشان خايفه منك.. ولا بمثل اني غلبانه.. انا بس مش سامعاكى اصل اللي بيعمل ما بيقولش يا وصيفه.. واللي بيقول ما بيعملش بيلت وخلاص.. وانى ما ليش خلق ليه.. بزهق بسرعه... الاوضه اللي هنتخمدوا فيها فين.. !!
عواد بغضب... انتى تتكلمى زين ويا امي..
حكمت.. امك تلمها.. ما هسمعهاش تهيني واسكت... يا قاتل جوزي...
٢... عواد بغضب... انتى تتكلمى زين ويا امي..
حكمت.. امك تلمها.. ما هسمعهاش تهيني واسكت... يا قاتل جوزي...
حامد قال بسرعه... اوضتك اهيه اتفضلى..
رقيه.. سمعت قالت ايه !!
حامد.. انتى كمان يا حماتى غلطتى... البنت لسه ما دخلتش من على الباب بردك.
رقيه.. انت تقعد ساكت وما تتكلمش ..
دخل على الصياد ده ابو عواد وقال...
يارب ياساتر.. بصو عاد البت دي انا اللي جبتها هنه وما حدش يوصلها.. سمعتى يا ام عواد...
وبص لحامد وقال.. وانت التاني خد مرتك وروحو خلاص ملهاش عازه هنه..
دلال.. واه يا ابوي ايه ما ليش عازه دي..
على.. قصدي ما فيش داعي تونسي امك يعني خلاص هديت.. روحى على بيت جوزك ما عندناش حريمه تبات بعيد من بيت جوزها..
حامد.. ربي يخليك يا خالي.. ويبارك فيك ان شاء الله.. يلا يا بنت تعالي نروحو..
عواد طلع فوق وقال بغضب...
ايه الكلام اللي قلتيه لامي ده... ولا كلامك معايا ايه قاتل جوزى دى.. !! انتو ايه كفره ما بتأمنوش بالله يعنى... بنقولكم كان حادث قضاء وقدر... ليه مش مقتنعين.. !!
حكمت.. ما تستناش من الناس اللى بتصطاد في الاحزان تصدق لك حلفان.... دى نصيحه من حكمت الصابر..
وغمزتلو.... ومشيت على الحمام اخت شاور ولبست بيجامه رقيقه وفردة شعرها وراحت على السرير وحدفتلو مخده على الكنبه.. عواد بصلها وقال بضيق...
اكيد ما هنامش هنه... انا هنام على سريرى بس ما تقلقيش... انتى مش داخله مزاجى ب ٣ جنيه.. ما هقربلكش واصل ما ستنضفش..
حكمت.. طيب زين.. اصل انا بحب جوزي وما عيزاكش تجدقرب مني..
عواد.. ليه مش عاجبك انا.. الكبير اللى كنتى واخده كان عاجبك اكتر..
حكمت.. امم كان كبير ورزين... كان هيبه ومالى هدومو..
مش هسيبو وابصلك.. يبقى على راي المثل...
نكون واخدين زينه الرجاله... ونبدله ببواقي الزباله...
عواد.. ما تبدليهوش.. خليكي قاعده على ذكراه.. انا هنام على السرير.. عايزه تنامي.. نامي.. ما عاوزاش خليكي قاعده..
وراح نام وحكمت نامت على طرف السرير..
عواد.. تعالى عليا شويه... لا تتكفي على وشك انا مش ناقص اصحى من نومى على بكيتك...
حكمت.. ليه هبكى... انت شايفني عيله... ولا هو تلزيق والسلام...
عواد.. خلاص خليكي مطرحك انا غلطان..
ونام فى صباح يوم جديد.. عواد قام من النوم على صوت خبط على الباب.. جيه يقوم.. بس حكمت كانت حضناه بأديها ورجليها.. وحاطه راسها على كتفه...
عواد.. انتى يا بت.. بت انتى.. حكمت..
حكمت.. ايه في ايه.. ناموا شويه عاد.. حتى هنه هنقوم بدرى يا باي..
عواد.. اباى فى عينك.. قومي من فوقي..
حكمت بصت لنفسها وبعدت بسرعه..
عواد.. على الاساس هتنامى على طرف السرير.. وانتى مش عيله وما هتقعيش وانا بتلسق وخلاص.. واصحى الاقيكى نايمه فوقى...
حكمت.. حسن ملافضك.. الفاظك دبش..
عواد.. راح فتح وكانت رقيه وقالت...
خلي الحلوه تقوم تحضر الفطور.. ولا مستنيا ناجي ندق على الباب ونجيبهولها على السرير...
عواد... فطور ايه... انتى ما سمعتيش ابوي قال ايه في الليل... قال ما حدش يكلمها..
رقيه.. كلام ابوك ده ما بيمشيش عليا.. ما حدش بيسمعو غيرك...
عواد.... انتم مين يمشي كلامو عليكم اصلا.. وانتم بتخلوالنا كلام.. ما تقوليلها انتى انا ما بتحدتش معاها اصلى..
رقيه.. ليه.. خايف تقولها انزلى حضرى الوكل.. يا خساره تربيتي فيك وحملى فيك ال 10 اشهر...
عواد.. الناس كلها حملت تسعه... وانتى حملتي فيا 10 عملتيها كيف مش عارف...
رقيه... اكلت لحم جمل اخر الولاده.. ورضعتك ٣ سنين مش سنتين... عشان تبقى مصحح.. وكيف البغل كده.. كيف ما انت واقف دلوك..
عوا.... خلاص حاضر انتى انزلي.. وانا هبعتهالك .. من عيونى حاضر..
رقيه نزلت وهى بتقول... عشنا وشفنا الرجاله خايفه من حريمها.. اخص على الشنب اللي في وشك..
عواد.. انا قلت حاضر والله..
ودخل وقال.. يلا يا حكمت غيرى خلقاتك.. وانزلى اعملى الاكل عايزين نقوم ... امى عوزاكى معاها تحت..
حكمت.. راحت على الحمام وهي بتقول.... بدلع..
ناس تتجوز راجل وتضامو . وانا من بختي اتجوز ود امو..
وناس تتجوز راجل يهنيها.. وانا جوزى ماشي بامه وماسك فيها.
بلاوى وليها الصبر تفاعل. يا غوالى عشان نكمل البلاوى.. 🤣قصدى نكمل القصه 🥰
حكمت.. راحت على الحمام وهي بتقول.... بدلع..
ناس تتجوز راجل وتضامو . وانا من بختي اتجوز ود امو..
وناس تتجوز راجل يهنيها.. وانا جوزى ماشي بامه وماسك فيها.
عواد.. استغفر الله العظيم... استغفر الله العظيم هيجننوني معاهم والله..
بس حامد كان بيتصل بيه رد وقال...
في ايه على الصبح انت كمان. !!
حامد.. ما فيش يا جدع بنصبح عليك... بنشوفك صبحت عايش.. ولا ... اصل البنت عينيها بتطق شرار... انا خفت عليك منها.. بس ما رضيتش اقولك..
عواد.. انا لو مت فى الحادثه كان ارحم بكتير.. من اللي انا عايش فيه دلوك.. قلى يا حمو انت امك لما بتتناقر مع دلال اختي.. انت بتعمل ايه !!
حامد.. دلال اختك دي على راسي ما حدش يقدر يوصلها
..
عواد.. مش وقتك.. انا عارف ان امك بتتناقر مع دلال... هي صح بنت اخوها... بس اكيد بتتشاكل معاها.. انت هنا لما بتسمع كلام دلال... امك بتقول عليك ان انت ماشي ورا مرتك.... ولما بتسمع كلام امك.. مرتك بتقول عليك انك ود امك... هو الواحد في الحاله دي يسمع كلام مين فيهم.. !!
حامد بضحك... يا عيني عليك انت لحقت من الصباحيه.. بص يا ولد خالى.. انت اول ما تشوفهم.. بيتشاكلوا اطلع انت بره الخناقه وسيبهم بقى البقاء للاقوى..
عواد.. على رايك هو ده الحل السليم اصلا.. اللى يسمع للحريم.. اخرتو فى الجحيم..
حامد.. بس هتشوف ايام سوده.. ابشرك..
عواد.. ما انا شايف اهو...
حامد.. يلا سلام بقى دلوقتي عشان وادي العيال المدرسه..
عواد.. ماشي سلام..
حكمت طلعت من الحمام وكانت بتنشف شعرها قصاد المرايه وقالت...
عارف..
عواد.. ايه..
حكمت.. ناس تتجوز وتفرح صبح وعشيه...
وانا نزل اطبخ يوم الصباحيه ...
عواد بضيق... ما خلاص يا بنت نقدمولك في زافويس ..
حكمت.. انت مالك حتى الدندنه حرمه عندكم... مش كفايه.. يوم صباحيتنا.. بتصحيني انزل اعمل الوكل لامك..
عواد.. فينها صباحيتك دى.. انتى ناسيه انك ارمله.. دي اول حاجه... تاني حاجه انا مش هقرب منك لا صباحيه ولا عشيه... عشان تبقي عارفه... عشان انتى كلك على بعضك ما تحركيش فيا شعره...
حكمت.. امم انصحك تشوف حكيم.. ولاوان طالما انا مش هحرك شعره.. يبقى الحاله متأخره.. بس اهو اعمل اللى عليك... قال ما لوش فيه.. لا انا كده ما اقدرش عليه..
وطلعت وهى بتضحك جامد وبتقول..
استنينى يا حماتى نحضر الوكل... اهو نطلع من الجوازه دى بمصلحه..
عواد .. ايه قصدها تقول دى دكتور ايه !!
بس برق بشده وقال..
واه..... يا بنت الجزمه طب لماتطلعي انا قاعدلك..
فى المطبخ..
حكمت.. صباح الخير يا حماتي.. نبدو من فين بقى !!
رقيه.. شايفه الوكل ده... عايزاكى تعمليه على الفطور..
حكمت.... حاضر يا حماتي من عيني..
رقيه.. تتقلع عينيكى...
حكمت بابتسامه.. تتكسر رجليكي.. وتتكسح ايديكي... وينعقد لسانك ولا تلاقي اللي يسال فيكى.... معلش اصل اللي بيغلط فيا حبه.. بغلط فيه قبه ما تأخذينيش عاد..
رقيه بصتلها بضيق ومشيت...
حكمت... اصبري عليا انما ربيتك.. ما بقاش اني حكمت الصابر..
جات بنت فى العشرين وقالت بضيق...
كيفك يا عروسه..
حكمت.. انتة مين انتى كمان !!
البنت... انا جميله..
حكمت.. لا والله مش قوي.. معلش ما بعرفش اكدب...
البنت بغيظ. انا اسمي جميله..
حكمت... اه اسمك جميله... ماشي هنمشوها... وظيفتك ايه في البيت ده !!
جميله.. انا بت عم عواد... وقاعده معاهم في البيت..
حكمت... غريمتي.. صح انتى بتحبي عواد.. !!
جميله... بنحب بعضينا.. مش بس انا اللي بحبه.... انتى دخلتى في النص كيف البصله ..
حكمت.. كوبايتى انملت والميه زادت عليها..
وجات العميه تقول خدى حبه عليها...
جميله سابتها وطلعت على فوق.. عند عواد كان اخد شاور وقعد على السري وبيفكر في الكلام اللي قالتهوله حكمت...
قال.. ... طب اعمل فيها ايه دي انا.. ارميها من البلكونه واقول وقعت.. والله ابوها ما هيصدقني.. بس البت تحفه الصراحه... عليها شخصيه.. تدوخ بشريه..
بس قاطعه.دخول جميله..
عواد... في حاجه. .!!
جميله.... هي دي اللي انت تجوزتها يا عواد.. عجباك قوي..
عواد.. معلش اصل روحت عشقتها في الضلمه.. ما انتى شوفتى اللي حصل..
جميله... ايوه يا عواد بس دي باين عليها مش سهله.. انا قولت هتتجوز هتاخدلها اسبوعين كده... ونعرفو نطفشوها بس البنت بتهب في الواحد كيف انبوبه البوتوجاز البايظه.. خايفه قوي ما تمشيش من هنه تاني يا عواد..
عواد.. جميله هو انا عارف ان احنا يعني من زمان بيقولوا ان عواد هيتجوز جميله.. من واحنا عيال بس... ده كلام ابويا وعمي... انا ما هتجوزكش انا قايلك الكلام ده قبل كده.. ما تحطيش امل عليا..
جميله حاوطة رقبته وقالت....
يعني خلاص.. هتفضل مع دي وتسيبني انا... انى بنحبك قوي يا عواد والله... نتمنالك الرضا ترضا.. يمين بالله انت لو تطلب روحي.. ما تغلى عليك.. والله هنقدمها ولا هنساله في روحي....
بس سمعت حكمت بتقول..
عندكم سم فيران اختى !!
ولعت🙉....
٤...
جميله حاوطة رقبته وقالت....
يعني خلاص.. هتفضل مع دي وتسيبني انا... انى بنحبك قوي يا عواد والله... نتمنالك الرضا ترضا.. يمين بالله انت لو تطلب روحي.. ما تغلى عليك.. والله هنقدمها ولا هنساله في روحي....
بس سمعت حكمت بتقول..
عندكم سم فيران اختى !!
عواد.. مالك بيه...
حكمت... وحشنى قوي لقب ارمله... وزعلت قوي لما خدوه مني.... بفكر ارجعلو.... بس كمان بقول يا بت ليقولوا عليكى فقريه.. وكل ما تتجوزى واحد يموت منك ...
وبصت لجميله وقالت..
اصل انا يوم.. يوم بصحى كده.. يدي بتحكني بقى عاوزه اموت حد.....
جميله طلعت جرى...
حكمت... ايه خافت ولا ايه.. مع ان مش هي اللي كانت مقصوده.. والله...
عواد.. انتى عايزه ايه... انتى مالك اقف مع اللى اقف معاه...
حكمت.. وانا قلتلك ما توقفش.. لا سمح الله قلتلك يا عواد النار بتشب في قلبي لما بشوفك واقف مع حد غيري.. انا بس بسال على السم..
عواد.. لو فاكره انك بتخوفينا بالكلام ده فانا ما بخافش وعلى فكره ...انا ما ستبهاش تمشى عشان كلامك... ولا عشان خايف منك... طالعه ليه..
حكمت.... ما توحشتكش اكيد... انا كنت جايه لحاجه تانيه .. وقفشتك فى الوضع المخل بالادب ده.. بس سايقه عليك النبى لحد اما امشي من هنه... اما تحب تتسنكح مع السنيوره... تروح تستنكح في اوضتها حاكم اني بقرف.. ببقى عاوزه ارجع كده.. اه والله اصل شكلكم معفن.. خالص وانتم سوا...
عواد... ايه اللى فى يدك ده دم !!
حكمت... اه اتعورت..
عواد.. تعورت في ايه !!
حكمت... في السكينه.. كنت قاعده وعم اقطع الطماطم كده.. خير اللهم اجعله خير.... تخيلتك انت اللي قدامي وانا عم اغز فيك.. ما فقتش غير واني معوره يدى... ليه غزيتك مش عارفه..
عواد جاب علبة الاسعافات وقال...
شكلك مجنونه والله... ولازم تروحى لحكيم يشوفك ويكون حكيم شاطر.. ومختص كمان.. الحاله حرجه انتى مش مريضه عادي.. لا خلاص الحاله متورطه قوى..
حكمت... يمكن انت السبب في الحاله دى...
عواد... ليه بقى ان شاء الله يا اختي !!
وبقى يحطلها معقم على ايدها...
حكمت.. امشي جوزي الصبح.. واقولو مستنياك على الغدا.. ويرجعهولي جثه في كفن.. دى حاجه يقعد العقل بعدها..
عواد.. انا على فكره ما قصدتش قلتلكم كان حادثه.. ابوكى مش راضي يفهم انى.. ما كنتش قاصد. وعلى فكره هو اللي غلطان.... طلع قدامي.. اصلا كان هيفرمني كمان طلعت بستر ربنا.. بس انتى ما مصدقانيش..
حكمت.. مصدقاك.. حظى وعرفاه..
عواد بعد شعرها من على وشها وبصلها باعجاب وتلاقت عيونهم وكان فى بينهم نظرات جميله جدا.. بس حمحم بحرج.. وقال..
كنتى بتحبيه قوي... اصلو كان راجل كبير في السن.. ايه اللي جوزك واحد كبير كده..حبتيه !!
حكمت... ومالو الكبير مش احسن من العيال الكوتي..
عواد.. انزلى تحت يا بنت.... انزلى... ينعل ابو اللي يتكلم معاكى...
حكمت.. نازله اصلا ..
وعدى اليوم.. عليهم وتانى يوم كانو بيفطرو سوا كلهم
على قال.. اهلك جاييني يشوفوكي..
حكمت ووشها فى الارض... اللي يشوفوا جوزي يا عمي انا ما ليش كلمه.. لو جوزى زعلان منهم ومعايزهمش يجوا انا ممكن اروحلهم...
عواد... جوزك مين.. انتى مين اصلا.. فين امنا الغوله اللى كانت هنه...
حكمت... ايه في ايه.. انت جوزي ...واللى تقولو نمشى عليه.. هو انا ليا حكم وانت قاعد..
وشاورتلو بدماغها..
عواد... اااه فهمت ابوي قاعد.... قولي كده.. مش مشكله يا ابويا.. عادي.. مش عادي ولا ايه انتى بتبصيلي ليه... انا مش فاهم..
على بضحك.. فكرتني بصفيه زمان.. كانت تبصلى كده.. وانا ما فهمش برضك..
صفيه... مين دي اللي شبه صفيه..
على.. اعوذ بالله.. بقول على دلال بتك شبهك مسيطره.. حامد بطل يطلع على القهوه كيف اصحابو..
صفيه... البت دى.. على جثتى اهلها.. يخشو هنه.. يخدها يوديها عندهم.... على اخر الزمن هندخله عيله الصابر بيتنا.. احنا مضفين ما عايزينش ننجسوه..
حكمت... انا قلت من الاول اللي يشوفوا جوزي بس انت ما سمعتيش..
عواد.. يا اما ايه نقول للناس بس..
حكمت.. خليها عليا..
وطلعت الفون واتصلت بأمها وقالت...
ايوه ياما ما تجيش انتى وتتعبى روحك... انا اتوحشت اخواتي البنات قوي.. وانتم ما هتجيبوهمش.. انا هاجى مع جوزي علشان اتعشى معاكم ونشوفوهم.... ونردوا على طول..... اه هيجيبني....
وبصت لعواد وقالت... مش انت هتيجي معايا يا عودى..
عواد بصلها بضحك بس لقى رقيه بتبصلو سكت ...
حكمت.. اعملى حسابه في العشى...
وقفلت وقالت...
من حق ام الغالى تأمر واحنا ما نستخسرش....
بس على الله رصيد الصبر منها ما يخلصش...
وراحت على اوضتها...
صفيه... ناس ما عندهمش ريحه الدم.. مش كفايه لبسو البت دى لولدى.. كمان هياخدو علينا..
بالليل كانت حكمه بتلبس في الاوضه.. وكان في في جسمها علامات.. خطت ايدها عليها بوجع وقالت..
وتحت مستنين يكسروني.. على اساس اني سليمه يعني ..
بس عواد فتح الباب وهو بيقول..
عجبنى اما ادتينى هيبتى قدام ابوى.. نتهزأ بينا.. بس ما ندخلش حد بينا...
حكمت شدت المفرش عليها وقالت...
مش اتخبط وانت داخل.. اطلع خليني اكمل لبس..
عواد.. بصلها وكانت لابسه كاش مايوه احمر بوقاحه وقال..
يا ابوى على العود.. هيبه ومشدود.. صدق اللى قال.. الاحمر على الاسد.. بيمنع الحسد.. واه... ايه اللي في جسمك ده !!
حكمت بتوتر وهى بتخبى جسمها... ما لكش صالح بجسمي... بقولك اطلع خليني البس..
عواد قفل الباب وراح عندها وقال...
ما ليش صالح كيف بس.. ايه ده !!
حكمت... بقولك بعد..
عواد بضيق.. جوزك اللي عمل فيكى كده !!
اللى كانو فاكرينها. صقر فى السما.. طلعت عصفور ضعيف الجناح والدنيا غدرت بييييه🙃 تفاعل للى جاى 🥰
٥...حكمت بتوتر وهى بتخبى جسمها... ما لكش صالح بجسمي... بقولك اطلع خليني البس..
عواد قفل الباب وراح عندها وقال...
ما ليش صالح كيف بس.. ايه ده !!
حكمت... بقولك بعد..
عواد.. جوزك اللي عمل فيكى كده !!
حكمت... اطلع خليني اغير...
عواد لاول مره شاف الدموع في عينيها.. قال...
خلاص طالع اهه.. انا اسف ما كنتش فاكرك بتغيرى...
ومشي وحكمت لبست بسرعه وطلعت معاه على بيت اهلها.. وعواد قاعد في المنضره... مع ابوها .وحكيم قال...
عن اذنك يا عواد دقيقه.. هدخل اشوف حكمت وارجعلك..
عواد... روح..
حكيم دخل عندها وقال....
شايف الواد واقف على رجليه وجايباه في يدك وجايه كمان....
حكمت... انا ما هعملهوش.. حاجه... ما اقدرش اعملها.. صعبه.. قوي يا ابوي... عايزه حد قلبه جامد... وانا بمثل اني جامده.. بس انا مش جامده... ما هقدرش اعملها..
حكيم... ده انا هقطع من لحمك.. وارميه للكلاب...
امها... جوزها بره... هتضربها قدامه... خلاص.. ما خدتش فلوسو كفايه نسبهم.. همل البت تطلع...
حكيم طلع بضيق وقعد جنب عواد اللى قال...
انا طالع.. قول لحكمت انى مستنيها في العربيه..
وطلع وقعد في العربيه.. ولما اتأخرت رجع يشوفها.. بس كانت واقفه عند الباب... بس اختها حسنه اللى عندها 17 سنه كانت واقفه جنبها وبتقول...
حظك بقى...
حكمت.. والله العظيم... انتى وامك عندكم متلازمه اسمها اتكلم على الباب... الواحد يقعد جاركم تسع ساعات... جوه في البيت.. كل واحد قاعده باصه في حجرها.. تقولش حاطه فيه الفلوس وخايفه حد يسرقها.. وبس الضيف يقف على الباب وتفضلوا تحكوا معاه ساعه...
حسنه... انا فرحت قوي لما جوزك مات .. قلت هتخلصي من اللي انتى كنتى عايشه فيه.... كمان فرحت لما قالو هيجوزوكى لعواد.. صح من العيله اللي بنكرهوها.. بس شاب وصغير.. تخيلت انك هتعيشي معاه.. اللي كان نفسك تعيشيه مع حبك... تخيلت انه هيكون الفارس اللي هياخدك على حصانو... ويجري بيكي على الشط. وتعدوا النجوم سوا.... بس كمان بعد ما ابوكى طلب تقتليه. وانتى قولتى لاه.. مش هيدخلوكى هنه تانى...
حكمت... ابوكى يومين وهيهدى.... ما تقلقيش عليا.. انى هاجي اشوفك.. وان ما عرفتش اشوفك.. هنه انتى هتتجوزي حسن حبيب القلب.. نجوكى شقتك..
حسنه.. . مش قادره اتجوز حسن... واعيش معاه اللي انتى كان نفسك تعيشيه...
حكمت.. وهو يعنى انا كان نفسي اعيشو مع حسن.. انى كنت بحلم عادى مع اى حد احبو .. وما قسمليش اعيش لازم اشوفك انتى عايشه.. تبقى واحده فينا عاشت يا بت.. عيشى واحكيلي عشان انا بجربتش..
و قالت بضحكه وسط دموعها..
وما تقلقيش عليا.. انى اصلا اخدت اللى اتمنيتو... مع عواد .. سايبني على راحتي وما بيقوليش حاجه... اصلا بعمل اللي انا عايزاه. كلو... وفى حماتي بنكشها وتنكشني .. وفي واحده تانيه.. بتحب عواد... وعايشه حياه حلوه هناك .. يعني ما تقلقيش على اختك..
حسنه.. واحده تانيه.. ليه مين الاولى... !!
حكمت بتوتر.. واه.. انى هروح.. الراجل خلل في العربيه هرش عليه شويه مخلل.. واكله على الغدا.. سلام..
ومشيت وعواد رجع بسرعه وقعد في العربيه ورجعوا على البيت بس كان قاعد ساكت...
حكمت.. عودى... انت قاعد عاقل...ليه وساكت كده... غريبه يعني... معقول جمالى ثبتك..
عواد.. جوزك ولا ا ابوكى.. مين فيهم اللي ضربك بالشكل ده !!
حكمت.. جوزي الله يرحمو.. كبير ومسكين.. ولا كان بيهش.. ولا بينش..
عواد.. طب ايه اللي خلاكى تتجوزى... واحد في السن ده !!
حكمت.. السن ملوش دعوه.. احنا بنقيس الراجل بيجيبه معاه فلوس... ياخد اللي عايزه... هو دافع لأبويا كتير.. انا زعلانه منه علشان جيه لواحده كد بنتو... بس الله يرحمو بقى اهو راح.. بس عمرو ما ضربنى...
عواد.. يبقى ابوكى.. ضربك.. عشان تتجوزينى.. ولا عشان تقتليني.. !!
حكمت بتوتر.... ايه الكلمه الاخيره دي.. جبتها من فين !!
عواد.. انا بسالك...
حكمت.. عشان اتجوزك ارتحت..
عواد.. ياه مغصوبه عليا قوي انتى.. ما كنتش عارف انى وحش قوي كده....
حكمت... انا ما كنتش رافضه عشان انت وحش.. ولا زين انا بس ما صدقت خلصت من جوازى الاولاني.. وما كنتش عايزه ارجع اعيده تاني.... قفلت قلبي وقلت نصيبي.. بس طلع حظي النحس واقفلى... حتى ده استكترو عليا...
عواد... كيف قدرتى تتجوزى راجل كبير قد كده حاجه مقرفه..
حكمت... المقرفه دي انا كنت بعيشها كل يوم... يعني كان مستفز.. هو كمان بس ريحنى من ضرب ابويا... اوقات من كتر جفى اهلنا بندور على الحب فى اى مكان تانى.. حتى لو مش مناسب لينا....
عواد.. على كده.. الله يرحمه كان يقعد معاكي...
حكمت.. سؤالك جارح.. والاجابه فضايح... خلاص ما تبصليش كده.. ايوه يعني امال اتجوزنى ليه.. اتعودت اصلا انا في حياتي حاجات كتيره قوي عملتها غصب عني... او تقريبا كل حاجه.. ما بقتش فارقه يعني.. جت على دي...
عواد.. طب ما قتلتنيش ليه.. كيف ما ابوكي عايز..
حكمت بغمز.. عايزاك في مصلحه كده... اخلص منك وعيونى انت تأمر يا جميل....
عواد.. بطلى هزار... اتكلمي جد شويه...
حكمت.. انا لو اتكلمت جد هغمك.. انت وامك.. وما حدش ناقص... يلا ننام وبطل رغى..
ومددت على السرير.. بس عواد قعد على ركبه جمبها وقال...
٦....حكمت.. انا لو اتكلمت جد هغمك.. انت وامك.. وما حدش ناقص... يلا ننام وبطل رغى..
ومددت على السرير.. بس عواد قعد على ركبه جمبها وقال...
تقبلى تخليني اعوضك على الايام اللي فاتت.... تقبلي تنسي معايا كل الجراح اللي عشتيها.... تخليني اعوضك على الايام اللي مرت... ترضى تخليني قمر في ضلمت ليلك الاسود....
حكمت.. يا بوى هيغمى عليا منك دلوك.. انا ما متعوداش على الكلام ده.. ...
عواد.. انا بتكلم بجد..
حكمت... اني ارمله.. وانت ما تجوزتش قبلي.. وليك حق تتجوز بنت بنوت...
عواد... بس انا عايزك انتى...
حكمت.. جميله تزعل..
عواد.. تتفلق...
حكمت... امك هتزعل..
عواد.. هنراضيها..
حكمت... هفكر.. بس ما هتقوليش عرفت الكلام ده من فين...
عواد قصادها جمبها وبصلها وقال..
بتباني جامده قوي.. وانتى من جوه ملبن...
حكمت.. واه اختشى.. انى لسه ما وافقتش وانا...
اللي يعاكسني من غير ما يشاورنى..
اديلو على راسو ولا يهمنى.
عواد.. لا انا اقصد حاجه تانيه... اقصد انك.. بتباني ذكيه قوي.. مع انك غبيه... كان المفروض تفهمي على طول ان انا سمعتك وانتى وبتتحدتي مع اختك... اه على فكره احنا كمان عندنا متلازمه الباب.. خالتى بتاخد ساعه مع امي جوه.. كل واحده بصه في الارض.. تطلع على الباب خالتي تاجيلها الحكاوي كلها.. سبحان الله..
حكمت.. طب نام.. ولتفتت لناحيه التانيه واترسمت على وشها ابتسامه جميله... عواد كمان فضل يفكر فيها لحد ما نام... فى صباح يوم جديد.. حكمت قامت من النوم على صوت رنه التليفون...قالت...
منبه ايه اللي مظبوط الساعه 4:00 الفجر ... عواد ليه ظابط التليفون الساعه 4:00 مش في ناس نايمه معاك....
بس ما لقيتوش جمبها ولقيت ورق مسكتها وكان مكتوب فيها......
تعالي بسرعه على تحت انا مستنيكى...
حكمت... مستنيني فين المجنون ده.... ودلوك.. المجانين في نعيم..
ولبست ونزلت بسرعه.. وكان واقف في الجنينه وراكب على حصانه... مد ايده... وقال....
اميرك جاب حصانو وجيه ياخد اميرة قلبو فى جوله.. جاهزه.. !!
عواد... انت اتجننت... احنا عندنا في الصعيد الحرمه ما تركبش خيل واصل..
عواد.. سعادتك مش هتلقيها وانتى بتراقبي الناس.... يا تبقي سعيده وتهتمي بسعادتك. وتسيبى الناس.. يا اما تهتمى للناس وتبقى فى سجن وسجانو غايب...
حكمت.. يلعن ابو الناس...
عواد.. خلاص ... يلا راكبى على الحصان..
وركبها قدامه وحاوط وسطها باديه وفضل يمشي بالحصان..
حكمت.. جميل قوى ركوب الخيل ده.. كان حلمي من زمان...
عواد... اه ما انا عارف انو حلمك.. وبحققهولك اهو.. وانتى معايا.. اى منيه تتمنيها تبقى مجابه... تعالي بقى ننزلو هنه...
ونزلو على شط البحر وقلع الشوز بتاعته وقال..
هاتي يدك ..
حكمت.. ايه في ايه..
عواد.. شايفه الموج ده اللي طالع على طرف الشط .. هنجرو فيه لاخرو هناك ونرجع تانى..
حكمت.. نجرى نروح فين بس...
عواد... شويه ونرجع.. تعالي بس..
ومسكو ادين بعض وفضلو يجرو... لحد ما مددو على الارض جنب بعض.. وقال..
حتى امنياتك مجنونه زيك... ركوب الخيل وعد النجوم وجريه على شط البحر وطلوع الاماكن العايه.. والعوم باليل..
حكمت.. طب اللي اتذكر امبارح.. الخيل والنجوم.. عرفت الباقى من فين !!
عواد.. من اختك.. اخدت نمرتها من موبايلك واتصلت بها بالليل بعد ما انتى نمتي... وعرفت منها كل الاحلام اللي انتى كان نفسك تعمليها.. وهحققهالك كلها... بالليل هنطلع نتعشى سوا وهنعد النجوم كمان...
حكمت.. واه اختي.. انت اتكلمت معاها بناء على ايه معلش ..!!.
عواد.. اوعي تكوني غيرانه عليا.. لسه بدري على الحاجات دي..
حكمت.. لاه يعنى... بس بسال... انت عارف حدانا البت ما تكلمش رجاله..
عواد.. عادي يا ستي... قلتلها انا بحب اختك ونفسي احققلها كل اللي بتتمناه... قوليلى احلامها.. والحجات اللى بتحبها... والحجات اللى بتكرهها... ملتنى وكتبتهم فى ورقه عشان ما انساهمش....
حكمت بدموع.... ليه انا يا عواد.. انت فرصه لاى بت..
عواد.. انتى فرصتى يا حكمت..
حكمت... انا مش فرصه.. انت هتلاقي احسن مني كتير.. انت عواد الصياد...
عواد... انا قبل ما اشوفك.. كنت صياد بس روحت اصطاد صادونى... صادونى عينيكى السود دول... وبقيت اسير ليهم..
حكمت... يا لهوى على الكلام.... يالهوى انا مش حملو والله اطب منك دلوك ...
عواد.. لا خلاص انتى لازم تتعودى عليه... وندى بعض فرصه.... يمكن تظبط معانا... ليه لا.. يمكن تكونى العشق اللى نفسى الاقيه... وكنت بدور عليه ف كل اللى عرفتهم قبلك.. يمكن تنسينى كل اللى كانو قلبك ..
وقضوا اليوم بره وكان جميل جدا.. وباليل...
حكمت... وديني عند ابويا هبات عنده...
عواد . ينفع بردك تباتي عند ابوكى... واحنا لسه عرسان جداد..
حكمت.. انا عاوزه اخليه يوافق..
عواد... قصدك يوافق عليا يعني... ما احنا خلاص اتجوزنا لازمتها ايه موافقته عاد...
حكمت... ما عاوزاهوش يزعل مني عشان انا هكمل معاك .. وعشان محدش يأذيك.. ابويا راجل كبير وتكه قديمه بالنسباله الفلوس كل حاجه.. يمكن لانه داق مرار الفقر واخر همو التار... هو عاوزنى اورثك . انت هديلو كل الورث بتاعى اللي ورثته من جوزى اللي مات....
عواد... بس ده حقك انتى...
حكمت... انا ما عايزاش ولا حاجه من الجوازه الاولى.. هتنازل عن كل حاجه كانت فيها... انا ما عايزاش غيرك اصلا.... خلاص انا لقيتك مش هفلتك ابدا...
عواد.. ولا انا هفلتك من يدي واصل...
ووصلها على بيت اهلها... وهو رجع البيت... وكانت رقيه.. قاعده وقالت...
ما لسه بدري يا عواد...
عواد.. انتى كنتى مستنياني.. على ميعاد ولا حاجه !!
رقيه... ايه اللي طلعك مع البت دي.. من الفجر لحد دلوك.. عملتلك سحر... اناعارفاها بنت بديعه.. زقتك حاجه حداهم.... ده عمل اكيد..
عواد.. لا ما عملتليش عمل.. بس حبيبتها.. صح الوقت قليل بس حبيتها قوى.. هى قدرت.. تحجز مكانها فى قلبى.. مش بس كده.. هى خدتو كلو وفضتو من كل اللى فيه.. وانا خلاص اتجوزتها وقدام الكل... وبقت مرتى.. واللى يمسها يمسنى... واللي يزعلها يزعلني..
رقيه.. يعني ايه الكلام ده !!
عواد..يعني خلاص بقت مرتي... والاحسن تعاملوها زين .. وما تاجوش عليها.. عشان انا المفروض اخدلها حقها.. من مين مكان اللي يزعلها.. ف يا ريت ما تكونيش انتى ياما.. لانى ساعتها مش هقدر.... وهتحطيني في موقف بايخ قوي...
رقيه.. حق مين اللي تجيبه.. دى... دي ارمله وكانت متجوزه واحد عنده 70 سنه كد ابوها.. علشان الفلوس يا ولدي..
عواد.. مش ذمبها الكلام ده كله ياما.... انتى عارفه المراه عندنا في الصعيد... ما بتختارش... راجلها.. اهلها هما اللي اختاروه.. واهلها اللي طماعنين.. وانا متجوزها هي مش هتجوز اهلها....
وطلع على فوق..
رقيه.. ماشي يا عواد بشوقك.. بت ياجميله..
جميله.. ايه يا خالتى..
رقيه.... انتى لسه عايزه عواد..
جميله... عايزاه يا خالتى.... بس كيف !!
رقيه.. انا هقولك كيف تعالي معايا..
في صباح يوم جديد.. عواد كان نايم على السرير.. ورقيه واقفه مع جميله قدام باب الاوضه وبتقول..
يلا نامي جاره بسرعه..
جميله لسه هتروح .. رقيه قالت بهمس..
تعالي رايحه تنامي بالعبايه... اقلعي العبايه اللي انتى لابساها دي..
جميله.. يا مرى يا خالتى.. اعمل كده كيف بس.
رقيه.. مش عايزه تتجوزيه.. يبقى تعملى اللى اقول عليه.. دلوقت هى هتاجى.. اول ما تشوفك.. جارو.. هتمشي على طول... احتمال تفضل تبكي.. وما تسمعهوش... ويمكن ما تصدقهوش.. ويمكن ما تقولوش انها شافتك اصلا وتغور من هنه.... يلا يلا ادخلي بسرعه..
جميله... انا خايف.. عواد يحس بيا..
رقيه.. يا بنت ادخلي اخلصي.. هى المهم تغور..
جميله قلعه العبايه.. وكانت لابسه تحتها لبس خفيف ونامت جنب عواد..
رقيه بهمس.. انتى نايمه جنب اخوكى ما تحضنيه..
بس عواد شدها لعندو وكان لابس منطلون بس وقال بنوم....
جيتى ميتى..
رقيه شافت حكمت طالعه... جريت بسرعه من قدام الباب .. وحكمت دخلت وشافتهم سوا.. قالت بغضب...
عواد..
عواد.. بسم الله الرحمن الرحيم... اسمعي حكمت بالله عليكى اصبرى.. يمين بالله انا ما عرف اصلا انها هنه... انا كنت نايم فكرتها انتى ..
بس حكمت سحبت جميله.. من شعرها بره الاوضه... وبقت تضربها وتقول.....
يا بنت الجزمه.. يا صرمه... انتى صرمه.. وسامعه كلام خالتك دى..
رقيه.. انا ماليش صالح..
كانو هناك حامد ودلال وعلى الكل اتجمع على الصوت...
حامد.. احم طيب... ناولو البنت حاجه تلبسها بدل الفضايح دي...
حكمت.. ما تلبسش حاجه... خليها مفضوحه كده... كيف ما دخلت لجوزى.. كنتى عملتيها لما كان قاعد لوحده في الاوضه.. جايه تعمليها دلوك وهو معاه قمر كيفى..
عواد.. انتى..
حكمت.. انت تقعد ساكت خالص وتخش جوه... خش البس حاجه.. انت اللى مطمعهم فيك بعضلاتك دى..
وانتى يا حماتى... ما تعرفيش ها.... على الاساس مش عارفينك احنا.. دي افكارك.. ودي التباعه بتاعتك... تباعه دي اسمها تباعه عشان بتبعك.. بصو عاد.. عواد جوزى... وانا مرتو.. وقعدالكم.. مسمار جحا وندقلقكم هنه.. واللي يخرجني.... يبقى يفرجني... وانتى يا جميله لو من ضهر راجل بس عتبى باب الاوضه دي تاني...
ودخلت الاوضه هى وعواد وقفلت الباب.. وقالت..
وافق نكون سوا.. خد الفلوس وقالى روحى... قالى مالى بيه.. الفلوس احسن.. اصل انا الاول كنت وخداها منه كنت اقولو.. دى بتاعتى.. قولت تنفعنى بعدين.. بس دلوك ادتهالو كلها.. حتى نصيبى فى الاراضى كمان..
عواد... انا هعوضك عن كل قرش.. سيبتيهوله عشان تكونى معايا...
حكمت... انا مش عاوزه غيرك.. انت احسن من اى فلوس.. انا عمرى ما حد حسسنى انى استاهل اعيش واتحب كيف ما انت عملت..
عواد.. انتى تستاهلى اكتر بكتير.. ربنا يخليكى ليا وتكونى دايما معايا.. كل حاجه بتحصلنا.. بيكون فى حكمه وراها.. و كان فى حكمه من كل اللى حصل.. وهى... انك تكونى نصيبى.. يا حكمت القدر ...
كنتم مع صياد القلوب بقلمى جيجى اتمنى تكون عجبتكم هستنى رايكم فى الكومنتات 🥰
تعليقات
إرسال تعليق