رواية الخائن الفصل الثالث عشر 13بقلم إيمان أحمد حصريه في مدونة موسوعة القصص والروايات
رواية الخائن الفصل الثالث عشر 13بقلم إيمان أحمد حصريه في مدونة موسوعة القصص والروايات
هكون متعص*ب ليه يعنى ماهو من كلامك.. وبعدين كفاية تلميحاتك التافه دى انا مستحيل اخط*ف عيال اختى
بس تحاول تقتل*ها عادى
بص الكل لمصدر الصوت بصدمه
حطت ليلى ايدها حوالين جسمها وقالت
=مش انت برضو ال حاولت تقت*لها اما كانت فى المستشفى ياتيم
تيم بصدمه: انتى بتقولى ايه انتى اتنجنن*تى
ليلى بخبث: ايه وكمان هتكدبنى انت مش حاولت فعلا تعمل كدا
تيم بغضب: انتى هتكدبى الكدبة وتصدقيها هيا ال حاولت تق*تل سمية اما كانت فى المستشفى وانا ال انقذتها ايه لحقتى تنسى الكف ال خدتيه وقتها
ليلى باستفزاز: هنسى ازاى حاجة محصلتش أساسا
تدخلت إجلال وقالت باندفاع موجهه حديثها لتيم
= شوفت مش قولتلك ان البت دى شيطا*ن وابعد عنها جالك كلامى دلوقتي وعرفت ليه بعدتك عنها زمان
حطت ايدها على بوقها اما أدركت كلامها
عمرو بسخرية: الله.... الله سكتي ليه يااجلال كملى انا عايزاكم كلكم كدا تعترفوا على بعض
سمية بوجع وصوت ضعيف: ايه لازمه ال انت بتعمله ده ياعمرو هيرجع العيال ازاى احنا لازم نبلغ
البوليس
عمرو بحدة: ماتستعجليش ياحبيبتي احنا هنبلغ البوليس بس فى الوقت المناسب
تيم بغضب: انتم عايزين تصدقوا واحدة زى ليلى دى فى كلامها فانتم أحرار بس انك تحبسنا فى القصر وبالشكل ده فانت كدا بتغلط اوى
عمرو بتهديد: انتم لسة مشوفتش الغلط ال بحق انا هندمكم كلكم واحد واحد مش عيالى انا ال ينخطفوا بالطريقة دى
زياد بهدوء: بقولك ايه اهدى كدا على نفسك انت شكلك متعصب ومش عارف بتعمل ايه خلينا ندور معاك على عيالك وان شاء الله نقدر نوصلهم
رفع عمرو احدى حاجبيه وقال بسخرية: انا وانت وندور مع بعض! زياد انت بالذات تخر*س خالص انا مش بس شاكك فيك انا متأكد ان ليك دخل بخطفهم ولو كلامى كان مظبوط متلومش غير نفسك
ضحك زياد بسخرية بعدها قال: انا صحيح بكرهك واوى بس عمرى مااكون زيك وأأذى حد برئ وخصوصا لو كان طفل مظنش انك هتفهم كلامى ده
صرخت سمية فيهم
=بسسسس كفاااااية انتم ايه معندكوش دم بدل مانتحد وندور على العيال عمالين نتخانق مع بعض
كملت ودموعها نازله: البت عندها ربو فى القلب، ولو مخدتش دواها فى ميعاده حالتها ممكن تسوء فى أى لحظة لازم نعمل حاجة.
ساد الصمت المكان، وبصلها الكل بصدمه، قبل ما ليلى تسألها بخبث
عرفتى منين ان البت عندها المرض ده تكونش ذاكرتك رجعتلك وبتمثلى علينا
سكتت سمية وهيا مش عارفة تخرج نفسها من المأزق ده ازاى نظرات الكل ليها وترتها الا ان نظرة عمرو لوحدها كانت بالنسبالها مخيفه وكأنها لاول مرة تشوف الوحش ال جواه
فين عيال اخويا يادعاء
قامت دعاء وقالت باستغراب: وانا هعرف منين ياست آية هو انا ال كنت خطفتهم
آية بحدة: الله اعلم
دعاء باندفاع: تقصدى ايه ياحبيبتي وبعدين ايه الطريقة ال بتتكلمى بيها معايا دى
آية بغضب: بقولك ايه ماتجيبى من الاخر وتقولى اتفقتى مع مين وخطفتوا العيال
دعاء بغضب وصوت مرتفع: لا بقولك ايه احترمى نفسك.. انتى على اى أساس بتتهمينى
آية بهدوء: على أساس انى شوفتك قبلها بيوم واحد واقفة بتتكلمى مع الست المنقبة وبتقوليلها انك هتعملى ال هيا عايزاه بس متقولش لحد
بلعت ريقها بتوتر فقالت آية بتهديد
= ياتقوليلى مين ال كنتى واقفه معاها وبتتفقوا على ايه والا هروح لعمرو وهعرفه ال انا شوفته وهو بقى يعرف منك بطريقته اختارى
دعاء بخوف: لا بلاش تقولى لعمرو حاجة ياآية انا معملتش حاجة ومش مسئوله عن خطف العيال
آية بحدة: مين ال كنتى واقفه معاها وايه ال انتى خايفه تقوله
اتحولت نبرة دعاء من الخوف للتهديد
=يبقى تقوليلى انتى الاول كنتى واقفة مع ابن الجيران فى نص الليالى يامحترمه بتعملوا ايه
حطت طبق الاكل قدامه وطبطبت عليه بحنية وقالت
= كل ياحبيبى ولو عايز اكل تانى قولى
جه جوزها شال الاكل من قدام الطفل رماه
قالت بصدمه: على ايه ال انت عملته ده؟
رد بعصبية: انا زهقت ومبقتش قادر أربى عيل مش ابنى الواد ده يروح عند أهله الحقيقين وكفاية
قرب عمرو منها ببطئ حست سمية وكأن قلبها هيقف من كتر التوتر بصت لزياد ال نظراته ليها كانت بتطمنها وكأنه بيقولها متخافيش حتى لو انكشفتى محدش هيقدر يقرب منك خدت نفس عميق قبل ماتستعد لمواجهه عمرو
عمرو بهدوء مخيف: ماتردى على كلامها ساكته ليه
بصت سمية لليلى باحتقار وبعدها اعادت نظرها لعمرو وقالت بهدوء نسبى ال خطر على بالها
= ما.. ماما قالت قدامى ان البنت عندها ربو فى القلب وآخد بالى منها
الا ان إجلال ردت على الفور وبدون حتى ماتفكر
= انا قولتلك! امتى ده ياحبيبتي محصلش
اما فى الخارج
وتحديدا عند بوابة القصر
انتم اتجننتوا انتم مين عشان تجيبونى بالطريقة دى
قال واحد فيهم: اتفضلى انزلى ياهانم البيه ال أمر ان احنا نجيبك
قالت بتعالى وغضب: البيه مين..... انتم متعرفوش انا ابقى مين
قال واحد من الحرس بضجر: البيه محضرلك مفاجأة هتعجبك اوى موجوده جوة
تفتكروا مين الست دى وايه علاقتها بالعيله
وسمية هتنكشف المرادى
ومين الخاطف الحقيقى للعيال
تكملة الرواية من هناااااااا
لمتابعة باقى الرواية زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كاملةمن هناااااااااا
مجمع الروايات الكامله 1اضغط هناااااااا
مجمع الروايات الكاملة 2 اضغط هناااااا
تعليقات
إرسال تعليق