رواية على حافة الثأر الفصل الثالث وعشرون 23بقلم زينب ماجد حصريه
رواية على حافة الثأر الفصل الثالث وعشرون 23بقلم زينب ماجد حصريه
على حافة الثأر
( بقلم زينب ماجد )
الحلقة_23
وكعت للكاع والشرطية لزمت بأدية من ورا ..
كمت اخزر بالضابط وكتله : محد غيرك حيندم خليها براسك بس
باوعلي وكاللها : وكفيها وكفيها بالله ، دا تهددين بمنو
وكفتني وهو يتقرب عليه بصيغة استفهام تحذري
باوعتله بخزرة وحرك راسي بقوة واني اوخر شعري من وجهي : خلال دقيقة بس اذا ما شلتوا ايديكم مني راح اخليهم يقتلعوكم من مكانكم مثل الحشرات
- اخذوها
بقيت اخزر بيه ومنزلت راسي و الشرطية تلزم اديه وترجعهن لظهري وتحاول تمشيني .. اجا مدير المطار .. على صوت الهوسة .. والضابط يصيح : اخذووووووها
- لحظة لحظة حضرة الملازم .. خلينا نفهم بهدوء افضل مما نزعج المسافرين .. تفضلوا وياي ست
- استاذ الموضوع امني الست عليها امر القاء قبض
- تفضلي ست انت تعرفين بامر القاء القبض
- ممنعت اروح ويا الاستاذ بس مو قبل ميكون ويايا المحامي الخاص
- هويتج بلا زحمة
- عند هذا هي والجواز
- هذا منو احترمي نفسج لا اهينج طايحة الحظ
بخزرة واهمس بغضب :- وضيع
-العفو ست بس اتفضلي ويانا لمكتبي ..
الضابط : ممنوع نحيلها للتوقيف فورا
- شنو اسم المحامي ست
- اتصل بمكتب الاستاذ ( ......) وهو راح يبعث محامي ويحل الموضوع فورا .
باوع المدير للضابط وسأل : شتقربين من هذا الاستاذ
وهو يأشر للشرطية تترك ادية .. سحبت ادية من ورا وكمت ابعد شعري من وجهي : اتصل وبس
خزرت الشرطية واني اكولها : جنطتي
المدير : تفضلي وياي ست بلا زحمة
مشيت كدامهم والضابط تقدم عني ... اتصل المدير ماكو رد
الضابط كاله لو بت نبي ندزها هناك للمركز وهم يتفاهمون وياها وياخذون افادتها وعود هناك يحضر المحامي ويطلعها .
المدير : راح احل الموضوع .. انت رتب الوضع واني يمي
كام يحاجي بالالغاز وطلع الضابط .. حجه المدير : من وين رحلتج ؟
عاقدة حاجبي بلا ما اجاوب لان مسمسكاتي كلها اخذوها والفيزة والطبع موجود بالجواز ونزلت من طيارة وهم يعرفون حيثياتها فمشفت نفسي مضطرة اجاوب
بعدت راسي ليكدام ولمي شعري كله من جهة وحدة عن ركبتي من ورا لان احتريت واختنكت منهم ..
كال : الوجهة جانت المانيا صح
- مع احترامي لجنابك لكن التحقيق مو شغلك ولا مهمتك تعرف شي عني وكلت ما راح يطلع مني حرف قبل ما المحامي يجي
- تمام اخذي التليفون واتصلي ..
اتصلت خابرت محامي الشركة الاستثمارية مال والدي جاوبني بلغته ان يوفرلي محامي شاطر فورا بدون ميعرف ابويه ..
جان والدي بتركيا مو بالعراق والمحامي بهولير بلغني راح اخابر محامي يتوجهلج فوراً .
انطيت التليفون للادارة ..
انتظرت ساعة .. ساعتين .. ماكو خبر ولا المحامي وصل ..
لابسة كعب ناصي بس كلش تعبت منه الرحلة طولت ١٧ ساعة بين طيران وترانزيت وانتظار بالمطار .. ادمرت
اجا شرطي وكف كبالي كالي : العفو ست اكو احد اسمه عباس يكول اني زوجها ..
فزيت مجرد ما عرفت بأسمه : وينه
- تفضلي وياي
كمت وياه .. بس شفت عباس كدامي عيوني دمعوا ..
ذبيت نفسي عليه واني احاول احضنه .. بس سلم عليه وكالي : لتخافين ولتتوترين .. امشي وياهم واني راح احاول احلها
- منو بلغك بالموضوع
-خابروني
-منو خابرك
-الحجي هواية .. امشي نروح للمركز
- شنو الحجي
سحب ايدي .. وغمزلي وهو متضايق بمعنى بعدين امشي ..
مشيت وطلعنا من المطار اتوجهنا بسيارة وهو ويايا لمركز الشرطة .. بالطريق كلي : قدمي افادتج وانكري كلشي اني باجر اوكلج محامي
- والمحامي اللي خابرته
-خابروني كالولي انت شنو دورك اذا هي اتدبر امرها
- اني مطلبت منهم شي .. اني دا اوكل محامي حسب معرفة الكادر القانوني الخاص بالشركة كوني مديرتهم سواء اختلفت ويا ابويه او اتفقت .. اني اشتغلت هواية مو بس ابويه
- ابوج سحب ايده وايد كل واحد بصفحته منج افتهمي هالشي
- ويسحب مو بحاجته
باوعلي : هيج راح يصير قيد جنائي شلون راح تنفذين الشغل السافرتي ودرتي سبع دورات عليه !؟
- وانت تريد اروح اتوسل لابويه حتى يطلعني
-اني ما كتلج ولا راح اكلج اتطلبين منه شي لا اليوم ولا باجر بس لا تحطين راسج براسه ابوج اولا وما تكدريلا ثانيا خلي هالكلام بعين الاعتبار وفكري بواقعية ولا تغترين .. فكريلها
- واني يمتى حطيت راسي براسه
- العقد
- يا عقد مال الوكالة !
- اني هيج اتصور بعد ابوج وانت تعرفينه بس اتصور ابوج رايد العقد ابوج تاجر والشغل بالتجارة قذر لا يعرف صديق ولا ابن وبا كرابة .. التاجر مصلحته فوك الكل حتى لو جنتي بنته .
-وشله علاقة بعقد الوكالة الالمانية هذا اجتهادي !
-اجتهادج من خلاله وبأسمه !
- شنو يعني من خلاله وباسمه .. انت لتخبلني يعني مسوي عليه فضل اني بنته .. اني اشتغلت مثل ما هو اشتغل ويحقلي ارسم طريقي بمنحنى اخر بعيد عن ما هو عليه
- هذا الكلام كله ما راح يفيدنا هسه .. المهم حاليا الافادة وقضية سيروان .. لازم تنحل والا تروحين بيها ولا تتهاونين بهالموضوع ابد
- بس اني كلش تعبانة ومحتاجة انام مو افكر وانطي افادتي
- اتحملي بس ساعة تخلصين ونطلع
وصلنا مركز الشرطة وهو يشد على ايدي : فيّون .. لتخافين ماشي حبيبي
- مخايفة بس تعبانة كولش
- اتحملي وبطريق الرجعة نامي توكلي على الله
اشرلي الشرطي اتفضل وياه ..
هو وكف بالباب ممنوع الدخول لغرفة التحقيق واني كعدت كدام المكتب واكو شرطي كاعد كدام الحاسبة وضابط ورا المكتب وعباس رفض ينسد الباب حتى ابقى كدام عينه .. وهم ممانعوا احتراما للعادات والتقاليد السائدة كوني زوجته وهم مجموعة امنية كلهم رجال .
بقى يسالني .. عن اخر اتصال قبل وفاته
كتله خابرني واني مجنت بوضع صحي تمام ..
شنو جان فحوى الكلام
ما اتذكر
شلون يعني ما تتذكرين ؟
كتلك اني جنت بوضع صحي مو تمام
افهم من كلامج ترفضين تقديم افادتج
مدا ارفض دا احجي اللي اعرفه
شنو اللي تعرفينه عن هذا الرجل
اقاربنا
اخ خطيبج السابق اللي اعتدى عليج جنسيا وعندج عليه دعوى اغتصاب جارية في المحكمة واخوه هارب
سكتت
صحيح الكلام
مو من حقك تذكرني بهيج كلام
اني جاي احجي الوضع بينكم واللي الها صلة بمقتل الضحية
كلامك هذا يعني دا توجه اصابع الاتهام الي
- التقيتي الضحية يوم مقتله بعد الاتصال
- لا
-وين جنتي وقت حدوث الجريمة
-بالبيت
- اي بيت
- بيتي
- الكائن في المنصور لو بيت والدتج لو بيت زوجج حسب ما تداول عنج بالبحث انت تتواجدين بهذه المنازل كبيت لحضرتج
- بيتي
-اللي بالمنصور افهم منج
اخذت نفس عميق وكمت احاول اتحمل اكثر التعب كلش اثر عليه فسألته : شوكت ناوي يخلص هالتحقيق اني حامل واحتاج استراحة
- لما نكمل .. الضحية اجاج يوم الحادث
- لا
- متأكدة
- دا اكولك لااااااا
صحت .. وهو دارلي الحاسبة : قبل لتتطاولين باوعي هذا الفيديو
باوعته الفيديو لسيروان وهو يدخل بيتي ، حجه المحقق : وقت الدخول قبل مقتل الضحية ووجودها على باب دار اخوه اللي ينسف ادعائج المنافي لهذا الحقيقة ..
للحظة نار واشتعلت بجسمي كله
الفيديو هذا من داخل بيتي يعني من الكاميرات الخاصة يعني ابويه هو المقدم هذا الدليل عليه ما بيها اي احتمال اخر !
وكفت الدنيا بعيني وولحظة تضاربت افكاري كلها كامت عيني ترف واسناني تشتد من كم الغضب الشتعل بجسمي واني اشد على ايد الكرسي الكاعدة عليه
حجه : شنو ردج على هذا الفيديو
- مشفته داخل البيت وما اعرف عنه جيته .. ويهمني امره نهائي كافي اللي صارلي من اخوه واني من ذاك الوقت احاول اتعالج من قذارتهم مو حتى احتار اخوه احاني لو ما احاني بذاك اليوم وانت ميحقلك تتهمني بدون دلليل لان هذا مو دليل .. اني جنت نايمة بذاك اليوم ووضعي الصحي مثبت بتقرير كامل وكنت اخضع لجرعات من المسكن و المنوم نظرا للوضع الحرج التسببته هذه العائلة بحقييييي
- اهدي لا تنفعلين .. متأكدة من كلامج !؟
- سمعت اللي كلته خلصني دا اريد ارتااااح
- الحرس الكانوا بالبيت ذكروا بافادتهم انو انت جنتي موجودة وهلى علم بحضور الضحية والتقيتيه
صفنت بوجهه : الحرس هشكل قدموا افادتهم
- ادعائج كاذب
ضرب القلم ع المكتب وكال : وهسه شتكولين
حاول يدخل عباس حتى يحاجي ..
صاح : ممنوع الدخوووول طلعوووووه
باوعت العباس بس بوقتها الخوف سرى لداخل قلبي .. ما اعرف شنو اللي بابا مسوي بحيث مقدم الادلة كلها على طبق من ذهب لاهل شوان !
حجه المحقق : اسمع جوااااابج ست
اخذت نفس وحاولت الزم اعصابي واتمالك نفسي وكتله : دا تصيح حضرتك
-احترمييييييييي نفسسسسسج
-انت اللي تحترم نفسك ..
-سمعي لج يوميا اشكال البشر مثل اشكالج يمرون منا واهينهم اعلمهم حجمهم اخذهاااااااا
ابتسمت باستفزاز وكتله : انت تهيني !؟
-اخذها مناااااا
حطيت رجل على رجل ورجعت ظهري للكرسي .. والشرطي وكف على راسي .. باوعتله وانداريت حطيتي ايدي على وجهي افرك عيوني باصابعي من التعب والمحقق ديلم حاجياته وهو يحاجي اللي المدون وديهم للخروج ..
- احتاج مي
المحقق : بالسجن راح يشبعوج مي .. اخذهاااااا
- بس اني لحد الان مكملت الافادة ولا كملت كلامي .. حتى تكوم وتنهي الحديث على مزاجك يا حضرة الضابط
- باقي الافادة تقدميها بالمحكمة .. يلااااا
بقيت جامدة على نفس كعدتي متحركت ردت اعرف هذا الضابط مأمور بالقضية لو ديحقق من واجب .. اذا بقى بس يصيح بدون ميقدم على فعل احباري اتجاهي معناها مأمور .. واذا ابدى ردك فعل سلبي اتجاه الموقف معناها ديتعامل ضمن نطاق واجبه .
على نفس كعدتي بقيت اهز بالكعب ... ظاهريا وحدة ما مبين على معالمها الخوف ولا تبدي اي اهتمام لصعوبة الموقف الهي بيه .. واقعيا دا امر بانهيار داخلي وخيبة امل جدا كبيرة كلشي توقعت ممكن يصير الا ان ابويه يقدم الادلة بنفسه للقانون حتى يحكمني لمجرد زواج بدون رضاه لو عقد عمل دون مصلحته !
المحقق سوا نفسه ملتهي ويا المدون ..
الشرطي متعدى ولا حاول يلمسني او يجبرني ابداً فقط مستمر بالكلام وهو يبلغني بالقيام ..
رجع باوعلي المحقق : متسمعين
ابتسمت وكمت من مكاني وكتله : الاتصال اللي اجاك قبل دخولي للغرفة لتنساه
وانداريت انطي ظهري حجه ويايا : نعممم شنو قصدجججج
تجاهلته ومشيت كدام الشرطي ..
المفروض اروح للتوقيف بس دخلوني غرفة بيها سرير ومكتب وخزانة والظاهر غرفة لاحد الضباط .. انقفل الباب من برا واني بقيت بالغرفة ..
ذبيت حسرة واني اتنهد
معقولة اني هنت على الويه هلكد !
مجنت اتوقع بابا يوصل ويايا لهالمواصيل .. جنت من حيث لا اهتم اعرف هو ما يأذيني وما عنده القدرة على اذيتي ابد .. بس بعد الصار انولد بداخلي خيبة امل كلش جبيرة
دمعت عيوني واني اصفن وافكر بالموقف الاني بيه
اثبت التهمة عليه وبالمركز مو بالاقليم .. هلكد اني هينة على ابويه حتى يخليني رهينة عند العرب بمركز كل العاملين بيه عرب !
قبعت بداخلي جدا وكلش تأذيت
والتفكير بدا يتوسع لعباس ولماما شراح يسوون .. البداخلي شنو ذنبه اذا صارت وانحكمت اشوت راح اولد واني سجينة ويا ترى صدك راح انسجن وانحكم
شنو الطريقة للخلاص دا افكر بكل الشخصيات الاعرفهم وابحث عن طريقة اتواصل وياهم لازم امي لان عباس مستحيل يقبل اتوسط ويروح هو يحجي عني وتعالوا ساعدوها ما راح يقبل ..
الغرفة بيها حمام شرقي بداخلها كلش صغير طول عرض تقريباً متر
دخلت غسلت .. ونزعت الجاكيت وحاولت ارفع شعري ما عندي شي اشيل شعري بيه .. كعدت ع السرير حتى اتمدد .. التفكير دياخذ مني ومن حيلي
شوية اندكت الباب وانفتح القفل .. ودخل شرطي حط صينية بيها مي ولفة اخذت الكلاص مي ومحاولت اعرف الاكل شنو .. ميعجبني اكل هيج اماكن انقرف وما اثق.. بس مجبرة اشرب المي لانو كلش عطشانة .
رجعت تمددت
بعشوائية افكاري تشتت وضعت لحد ما نمت من التعب .
ما اعرف شكد الشرطي دك الباب ودخل ونده واتجاهلته لانو تعبانة ما بيه ارد او اكعد .. ولما كعدت هم رفضت اطلع او اتجاوب ويا الشرطة الموجودين .. وكلتلهم
جبيركم والضابط خلي هو يجي ويبلغني ليش لحد الان اني هنا بمركز شرطة كله رجال .. ممتحولة لسجن نسائي لانتظار المحاكمة حابة اعرف ورا هالهوسة الديخلوني امر بيها شنو الغاية
بلغني الشرطي انو زوجي لحد هذه اللحظة موجود برا واخوه وولد عمه هم اجو .. وحضر محامي دخل عليه وحجالي انو موقفي صعب كلش بوسط الدليل الفيديوي والاعتراف من الحرس الخاص بالبيت وراح يبذل كل جهده حتى يلكى سبيل خلاص من هذه القضية لو كدر .
هزيت راسي واني اجامل كلامه ووضعه لان عباس كلش قلق باللي صار وديتحمل كلام ولوم وعتب من اهله بسبب اللي صار .. خصوصا سالفة سفري لايطاليا والمانيا .. ماخذى فد صدى غريب بيناتهم ما اعرف ليش وهو متاذي ومن اسأله عن السبب اللي يخليهم مستهائين من وضعي وسفري يرفض يشرحلي واتجنب الاصرار على مضايقته .
بسبب انو اني مماكلة فتعبت اكثر .. ودا اتقيء هواية فخلصتها مثل ميكولون مسنحة ومبيه اكرم او اشوف احد
لليل واني بلا اكل ودايرة وجهي للحايط ودايخة وتعبانة
سمعت الباب انفتحت بلا متندك مثل ميسوي الشرطي من البارحة لليوم لما يريد يدخل ..
اجا صوت ابويه لمسامعي وهو يكولي ( سڵاو )
باوعت ورايا فورا شفته واكف كدام السرير بالضبط .. تعدلت من نومتي ونزلت رجليه من السرير .. ثبتت اديه على الاطراف ورفعت نفسي ووكفت كدامه
- وين امج وين ازاد ووين عباس !؟
- دا تحاول تذلني !
- بنتي تتفق عليه من ورايا وتروح توقع عقد بالمليارات .. حتى تنطي المن لخلك واحد كان خادم في بيتهااااااا لو لابن عاااق اجا للعراق ما سأل عن ابوه وكل همه يخسرني .. لو ام متستحي متهمها مصلحتج .
- جنت اعرف انت تفضل مصلحتك عليه وعلى مصلحتي وحياتي ومستقبلي وميهمك امري ابدا .. بس توصل انو تسجني وتقدم كل الادلة عليه .. ابدا متصورتك بهالسفالة
ضربني راشدي بسرعة وبقوة وصرخ : لا تتجاوزين حدودح ويايا قليلك اددددددب
اندفعت بضربته واني خاوية .. الضربة هزت راسي هز كعدت للسرير وهو يصيح .. غوشت عيني واني واعية لصياحه .. بس طاقتي نفذت بمجرد ما تعرضت لرج لراسي اختل توازني ووكعت اتخربطت
فز هو بسرعة ويصيح ع الشرطة والحرس واعية للصوت
بس عيوني غوشت وحيلي باد
بسرعة شالوني نقلوني من المركز للمستشفى بمرافقة دورية .. دخلوني مستشفى اهلي باشراف خاص شكلولي مغذي بسرعة .. وممنوع اي احد يقترب مني كون مدانة بقضية ..
تلقيت العلاج الكامل وابويه جان موجود
دخلت بمرحلة انهيار لمدة يومين الى تلاثة .. ارفض اكل اي شي .. وباقية ع المغذيات ما اعرف اذا اني دا اعاقب ابويه على اللي ديسوي بيه لو دا اعاقب نفسي على ثقتي الزايدة بابويه لو دا اعاقب ابني اللي ابطني !
لحد ما اجت لحظة متصورتها ابد
جنت نايمة .. وانفتحت الباب توقعته بابا لان بدون ميندك الباب .. بس استغربت وكأني اشمزيت فبسرعة انداريت ورايا حتى اعرف منو الدخل
انصدم والكاه شوان !
كمت من مكاني بسرعة واتراجعت .. انت شتسوي هنا !؟ اطلع برا
- كتلتي اخويه بيدج
- يا حرااااااس
- لتخافين محد ما راح يهتم لصياحج ..
حجاها وتقرب مني وهو يلزمني من اديه : ابتعد مني فوراااا
- انت تكتلين اخوية فيان انت تسوووووويها
- دا اكولك وخر منيييييييي ابتعددددد حرااااااااس
حط ايده على حلكي كمت احاول ادفع بيوه واوخره وهو يكلي : اش اشششش ما حاي حتى اقتص منح .. وكت الانتقام بعده ما حان .. اني حاليا باتفاق وراح اخيرج بين حريتي وحريتج .. وبين حريتي وسجنج .
ضربته وووبعدته مني وكمت اصيح وهو يحاول يسيطر عليه دخلوا الخرس بس الحرس اعرفهم .. ابتعد مني بمجرد دخولهم طلبوا منه يبتعد لمصلحته ..
حجه فكري زين .. فكري
بس هلي ابالج بكل الاحوال ما راح تخلصين مني وحق سيروان راح اخذه من بين عيونج .
طلع مني واني ذبيت نغسي للكاع انهاريت ابجي من كل كلبي وامسح بجسمي واثار اديه متي وهو يلزمني ويحاول يسكتني
كرهت نفسي كرهت عيشتي كرهت وضعي كله
ساعة واني كاعدة على نفس مكاني .. لحد ما اجوا مضمدين اثنين حاولوا يوكفوني ما ابديت اي استجابة وكأنما جثة
شالوني وحطوتي ع السديا
لثاني يوم .. بابا اجا مرة ثاني .. بمجرد ما شفته ولاول مرة اسويها واتهجم على ابويه بهالشكل : اكرهك يا ساااااافل اكررررررهك تتفق ويا اللي اعتدى عليه لمصلحتك واتخلي يحي علييييييه انت شنو من اب فهمنيييييييي اذا ما عندك عاطفة وحنية معقولة ما عندك غيررررررة تخلي اللي اعتدى عليه يساووووومني اني اكرررررهك
لزمني بقوة : انت اللي اختاريتي طريقج وهسه دورح تقررين
ياما توافقين على كل الشروط او تقضين عمرج كله بالحبس وهالشي اهون عليه من انو اخليج تشتغلين كلبببببة حتى تنطين خيري ع الجاهز للكلاب .
- ما راح اقبل بأي كلام يطلع منك ابداااا ما ارررريد اسجني اذبحتي اكتلني لتتصور راح اتنازلك بشي واني وياك والزمن طويل اذلك مثل مدا تسوي بيه وتذلنييييي راح اعلممممممك
دفعته حيل من وابتعدت وحت للحمام وسديت الباب وقفلته وكمت ابحي بقوة
بقيت بالحمام ما طلعت لحد ما سمعت صوت المحامي مال الشركة .. طلعت كال : ست اني مالي خص بالمشاكل العائلية اللي بينكم اني مأمور اشرحلج الموضوع واتفق وياج واعرف وجهج نظرج وقرارج بدون عصبية وتمتدي نكدر نحجي
-احجي اللي عندك بالعجل واطلع برا
حجيتها وكعدت ع السرير
قدملي اوراق وحطاها كبالي ..
ست حسب رؤية السيد دلشاد وتوصياته بانو اوصلج هالكلام
بامكانج تخلصين من هذا كله وتروحين تعيشين حياتج الزوجية بكل هدوء بطل الحمل اللي انت بيه بس
مقابل هالحرية عدة نقاط عليج التنازل عنها
منها .. عقد الوكالة مع الشركة الالمانية اللي اتفقتي عليه واللي كانت من ضمن جدول الاعمال السابقة للسيد دلشاد وموكلة بالاتفاق واخليتي عن صاحب القرار الاصلي وعليه التنازل ..
الشرط الثاني .. التنازل عن الدعوى للسيد شوان مقابل التنازل عن الدعوى الخاصة بيج وتعويضها ببملغ من المال يتكفله السيد دلشاد
وثالثا .. تنازل كامل بخط ايدج لكل ممتلكاتج
البيت السيارات الحسابات البنكية المجوهرات اسهمج من الشركة .. وكل شيء .. والذهاب للعيش بذمة زوج هو يتكفل حياتج المعيشية والسيد الوالد يتعهد ما راح يحاول وقتها يتعرضلج او يدخل بقرارج الشخصي .
باوعتله : كملت ؟
- انتظر قرارج ست
- اطلع برا منا ولتشوفني وجهك بعد
- افهم من كلامج رافضة التنازل
- روح كوله الدلشاد نسيت اللي خلفتها تحمل جيناتك بالعناد والاصرار واني وياه .. راح ادبر امري ومراح احتاجه ابدا .
- شكرا لحضرتج ست .
بقيت بمكاني ساعات اجا المضمد ديحطلي المغذي وهو يكولي ست ياريت تاكلي الاكل اللي يتقدملج حتى تصحين وتكدرين تتخلصين من المغذيات والعلاحات باسرع وقت ..
هو يحجي واني اباوع للباب .. ما مقفول
كتله .. اعتذر منك العفو وما المفروض اطلب ك ولا مجبور تسوي بس نسيت هاي مال الركبة بالحمام مدا انذكر شسمها هاي الاحطها هنا ركبتي وجعني بس جيبهيالي اذا تكدر
اي ..
مشى للحمام اني سحبت الكانولة من ايدي بسرعة وطلعت لزمت الباب .. الشرطي واكف لهناك .. مشيت وعبرته بسرعة ونزلت ع الدرج .. طلع المضمد سمعته يصيح هو والشرطي ويسأله
كمت انزل طوابق .. ع الطابق الثاني ..
كمت امشي بسرعة واباوع وين مكان الدرج الخارجي من يا مكان .. مدا الكاه ..
دخلت بغرفة مريضة وفتت الحمام بسرعة .. وقفلته ..
المريض كان نايم .. شوية ودخلت مرة مرافقة مال المريضة سمعتها تحجي ع التليفون .. اندكت الباب سالوها دا تجاوبهم وهي ملتهية بالاتصال انو محد دخل الغرفة ابد .
شوية هناك حاولت تفتح الباب ..
فتحت الباب انصمت من شافتني كلتلها ساعديني الله يخليج اني حابسيني بهذا المستشفى ودحاولون يستوموني على شرفي حتى اتنازللهم اترجاج ساعديني
هي جانت امرأة عربية بملامح بغدادية ..
انصدمت واتصرفت بسرعة وطلعت اني عبالي حتروح تفتن ردت اطلع وراها انهزم .. خزرتني ودفعتني .. كالت : موجودين بالممرات ارجعي ..
دخلتني وسدت الباب .. وكعدت يم مريضتهم
حالتي كلش تعبانة وارجف من الضعف الصحي الامر بيه
بقت تسالني واجاوبها .. اتخبلت لما عرفت ابويه متفق ويا الاغتصبني عليه .. وكلش تعاطفت ويايا .. وبقت تراقب عله تساعدني
قدمتلي اكل من عدهم مو اكل مستشفيات .. اكلت بشراهة لان جنت كلش جوعانة .. وشربت عصير ورجعت دخلت الحمام ... حتى تروح تشوف الوضع ..
انطتني ملابس من المريضة
وانطتني حذائها وجبتها وحجاب شمرته منا ومنا
اخذت منها وشكرتها وسلمت عليها
نزلت جوا اكو هواية ناس وعوائل اللي عدهم عمليات ومراجعات وخروج ودخول عكس الطوابق هدوء تام ..
صفيت خلف عائلة دا تطلع وطلعت وياهم الشرطة واكفك بالباب .. معرفوني من الملابس .. طلعت للشارع وكفت تكسي وطلعت لبيت عباس اول مدخل التكسي شفت دورية اباب بيت عباس واهله كلهم مخبوصين بالباب
طلبت من ابو التكسي يفتر ..
ورجعني على بيت ماما .. دكيت الباب طلعتلي اتخبلت من شافتني كدامها : بنيتي ماما
حضنتني ودمعت : شجابج وين جنتي هسه ابوج خابرني وهددني اذا اني مطلعتج لو مهربتج
- شكلتيلا ؟
- هددته لو صارلج شي اقسم بالله اكلب الدنيا فوكه شلون طلعتي شجابج
- قبل كلشي خابريلي عباس بسرعة
ركضت تجيبلي الموبايل واني امشي وراها اندارت اني وراها : هاج هاج خابري هم عرفوا انت هنا .. الله لينطيك دلشاد بهذلها لبنتي حسبي الله ونعم الوكيل يشوفني بيك يوم اتشمت بيك والرد كلبي
دكيت على عباس اول رنتين رد وهو عصبي: الووو ها خالة
- عباس
فز : فيان انت وينج
- اني يم ماما تعال بسرعة
- جايح
صاحت امي : لا لا لتخلي يجي احتمال مراقبيه لتخليهم يعرفون مكانج ابقى هناك عباس لتجي
- شلون تجت شلون شردتي شصار وياج فهميني كون احد اذاج ليش دخلتي مستشفى
- لا .. بس لازم نطلع من بغداد فورا
- وين نروح
- للاقليم
- شلون نروح للاقليم وابوج ايده طايلة هناك
- وايدي هماتين مو بس ايده هنا بالمركز ما راح اكدر امن على نفسي خصوصا الدعوى بالمركز مو بالاقليم والدعاوي بالداخل هناك متمشي
- ولج انت غبية اتريدين تروحين للاقليم تحطين راسج براس ابوج ..
- وشمنتظر اسوي هنا راح يحاول يدورني بكل مكان لحد ما يلكاني بابا محيتركني بحالي .
- نطلع لعمامي للكوت
- اي عمامك عباس عمامك قابل يحموني من الشرطة
- اكو شرطي يفك حلكه ويا العشاير لو يدنس بيت وياخذله مرة هنا لو بالاقليم ما راح اكدر اضمج من الشرطة طاوعيني مرة وامشي بلا ما تلغين ترا محد حطنا بهالوضع الجايف غيرج وغير خبالج الماله حد .
- لتصيح حباب اني تعبانة والله سوي اللي تشوفه .. بس بسرعة ارجوك
- ابقي يم امج خل ادبر الوضع هناك وامن حتى اجي اخذج .
- تمام
- ديري بالج على نفسج .
-ان شاءالله
سد الخط وماما نومتني بالغرفة .. وسدت عليه الباب
ما اعرف شنو صار واني نايمة بس مدرت بال بعد لما نمت ابيت امي هي تاخذ حذرها عن اي طارئ وتكعدني
للصبح خابرني عباس على تليفون امي ..
وكالي اليوم بالليل نطلع مخابر جبيرهم بالكوت وكايله اريد اجيب المرة عندك .. وحاجيله بينه وبينه انو اكو موضوع جنائي يخص العاىلة ورجل قاتل اختها وهي قتلته ومكاله عن موضوع الاغتصاب وحذرني ما احيب طاري .. واكول اللي كاله بس
حضرتلي ماما جنطة وانطتني تليفون ومرلي هو بالليل
اخذنا سيارة وطلعنا للكوت كبل وصلنا هناك .. ارياف مو مدينة كأنما قرية دنيا ليل مشفت بس حسب ما اشوف بليلة كمرية اراضي زراعية وعينك ومتمد بالمزارع لحد ما وصلت بيت دخلنا ..
جان اكو كراج حيل طويل
وبالظاهر هو بيت بس من تدخل مساحة كلش جبيرة يحتوي على ٣ بيوت داخل سياج البيت طلع الشيخ وولده مطلعهم ابيتين بحديقة بيته بانيلهم
النخل تحف داير مداير بيوتهم
وبابة عرب مثل ميكولون .. استقبلنا الشيخ وسلم عليه وهو مدنك وصاح : ام حسين اخذي المرة اتفضلي بويه تفضلي .
دخلت ويا المرة رحبت بيه .. وكعدت بالصالة
قدمتلي بنتهم جاي نترت بيها الحجية كالتلها تجيبين عشاه جاي شنو جايين من درب بعيد وتحطيلهم جاي ..
-لا تسلمين لا تزاحمين نفسكم اني مو جوعانة
-يا مو جوعانة شني بكيفج تاكلين غصبا ما عليج غير ابيت الشيخ انت
حجتها بضحكة
ابنسمت اطمنت بيهم
اجتي جنتهم قدمتلي كيك مال بيت وعصير وكالتلي على ما يكمل عشاج
ابتسمت وما اعرف اني شلون اتساير واحجي وياهم يعني ما اعرف الحديث ومن احجي بلهجتي دا تحس يستغربوني كون لهجتي تميل للفصيح
شوية بعد واحس نفسي كائن فضائي
سألتني الحجية : انت محجبة
-لا
-اي جا هي بكيف الواحد هو وربه بس خالة هنا ابونا صعبة عليه مرة المفرعة
-مفتهمت !
-مفرعة خالة يعني ذابة حجابها
-ها اعتذر بس ما عندي حجاب
-نطيج حجاب تلبسين
-بالتأكيد اتشرف
ضحكت المرة وكالتلهن : خايبات جيبلها جبة وربطة بسرعة .. هاي الملابس خالة هماتين ما تجوز عيب الحرمة عدنا اطر ببنطرون
-اشون يعني
-البنطرون بس للزلم المرة تلبس عباية لو جبة
- ها ... تمام
صاح الشيخ وكاللهم : حضرولهم بيت احميد دامه مرته نفسه عد اهلها خله يجي ليجاي واعبيس ومرته يكعدون بالبيت وودولهم غداهم غادي ليهم يتعشون بهدايهم
تراكضن خسب توجيهاته
وهو يكولي كل الهلا ومية هلا ببنيتنا البيت بيتج بوية ان ما شالتج الكاع تشيلج العين وحك هو العباس الشرطي اليكرب ليج تنحش رجوله كبل لا يصل حذاج
ابتسمت بوجهه وشكرته رغم مفتهمت اكثر كلامه بس مبين ديرحب بيه ويطمني من الشرطة .. اخذتني الحجة تمشي ع العوجية مالتها ووصلتني لبيت ابنها
دخلت وكعدتني بالصالة وبنتها جابت فراشين فرشت وكالت: البيت كدامكم كله اخدوا راحتكم لا تتقيدون محد يصل ليكم ولا تحد يدشلكم
شكرتها وطلعوا .. شوية وانفتحت الباب وعباس ديصيح بخجل : فيااان .. هنا
- اي حبيبي هياني تعال
-كون احد موجود
- لا لا تعال
دخل للصالة : خطية خوش رجال والله خجلني بالقران
ابتسمتله وذبيت روحي بحضنه : مشتاقتلك حيل
-يبعد كلبي وحيله
حضني ..
اندكت الباب طلع جايبين صينية العشا دخلوا ومي ولبن وخلز وراحو .. اخذ ايدي وكابلني جان تمن ولحم .. كام يفلس لحم ويحط كبالي بس الاكل ثكيل مكدرت غير اكل باللبن .. بس جان كلش طيب
كمت غسلت ورجعت تمددت ع الفراش واني احجي وياه بخصوص هالموضوع .. اتضايقت من الجاكيت نزعته وبقيت بالسترابلس .. ابتسم وكام شال الصينية ورتبها بالمطبخ وضم الاكل بالثلاجة وغسل المواعين ..وغسل واجا
اني دا اغفي انحشك وياي بنفس الفراش : نعستي
انداريت واني ارفع راسي ويمد ايده جوايه واضم روحي بحضنه
رفع راسي وعو يبوسني بكصتي :مشتاقلج حيل كون احد اذاج
-لا
-شراد ابوج العقد مو
-مو بس العقد .. يريد اتنازل عن بيتي وسيارتي و حساباتي بالبنك وحتى مجوهرات والاهم اتنازل عن الدعوى الخاصة بشوان
رفع راسه : ابوح يريد تتنازلين عن الدعوى مال شوان
-اي
-صدك يحجي هذا نزع غيرته ومستحاه كلش كون شفتي شوان لو حجيتي وياه ؟
باوعت عليه ملامحه تحولت غضب ما اعرف ليش انكرت رغم مجان اله داعي وكلت : لا مشفت شوان ابد
ضل يبارع بوجهي .. ارتبكت
كالي : ضامة شي
- شضم يعني ليش دا تكول هيج
- ما اعرف شو نظراتج تكلي هيج
-لا بس مشفته ابد يعني شسوي بشوان اشوفه
بقى يباوع عليه هز راسه وباسني بزندي :لتخافين هنا ما عليج شي راح احاول نشوفلنا بيت ايجار و نستقر هنا
-للابد !؟
-لا لحد ما نلكالنا حل لسالفتج .. هسه عوفي هالحجي وتعاليلي مشتاقلج وكلبي وراسي مخبوصين بيج
ابتسمت .. باسني بزندي وصار يبعد بشعري من ركبتي .. اندكت الباب ...... يتبع
——————
#زينب_ماجد
تكملة الرواية من هناااااااا
لمتابعة باقى الرواية زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كاملة من هناااااااااا
مجمع الروايات الكامله 1اضغط هناااااااا
مجمع الروايات الكاملة 2 اضغط هناااااا
تعليقات
إرسال تعليق